ဒီဇာတ်ကားကတော့ 21 ရာစုကြီးမှာ မှော်ခေါင်းဆောင်းတစ်ခု ကြောင့် ကမ္ဘာကြီးကို ပြောင်းလဲပေးနိုင်မယ့် သူရဲကောင်းတစ်ဦး ပေါ်ထွက်လာတဲ့ comedy, sci-fi ဇာတ်ကားဖြစ်ပါတယ်။ နိုလန်ဆိုတဲ့ ကောင်လေးက သူ့ရဲ့သူငယ်ချင်းတွေနဲ့အတူ စပ်တူ ဖွင့်ထားတဲ့ ဂိမ်းဆိုင်ပိုင်ရှင်ဖြင်ပြီး ကလေးများအကြိုက် နိုဘယ် မန်းပုံပြင်တွေအကြောင်းကို နေ့တိုင်းပြောပြရင်း ဘဝကို အေးဆေး ဖြတ်သန်းနေတဲ့သူတစ်ယောက်ပါ။ တစ်နေ့ သူ့ဆိုင်ကို မှော်ခေါင်း ဆောင်းတစ်ခု ရောက်လာပြီး ယူဆောင်းလိုက်မိတဲ့အချိန်မှာတော့ လွန်ခဲ့တဲ့ နှစ်ပေါင်းထောင်ချီ အကျဥ်းကျခံထားရတဲ့ နတ်ဆိုးရဲ့တမန် တော်ဝိညာဥ်နဲ့ ဆက်စပ်မိသွားပါတော့တယ်။ နောက်တစ်ရက်မှာတော့ နိုလန်ရဲ့အဖေအမြဲပြောပြနေတဲ့ နိုဘယ်မန်း ပုံပြင်တွေက ပုံပြင်သက်သက်မဟုတ်ဘဲ တကယ့်လက်တွေ့ဘဝမှာ ရှိကြောင်းသိလိုက်ရပြီး နိုလန်ကလည်း နိုဘယ်မန်းတွေရဲ့သွေးသား ဖြစ်ကြောင်း သိလိုက်ရတဲ့အချိန်မှာတော့ နိုလန်က နိုဘယ်မန်းရဲ့သွေး သားလား၊  သူနဲ့ နတ်ဆိုးက ဘယ်လိုရန်ငြိုးတွေရှိခဲ့ကြတာလဲ၊ နောက် ဆုံးမှာ နိုလန်တစ်ယောက် နတ်ဆိုးတွေကို တိုက်ထုတ််နိုင်ပါ့မလား ဆို တာကို ဆက်လက်စောင့်ကြည့်ပေးကြပါဦး။ ဒီဇာတ်ကားက ပေါ့ပေါ့ ပါးပါးနဲ့ ဟာသဆန်ပြီး Fanasty, Sci-Fi ကားတစ်ကားဖြစ်တာမို့ အားလုံးကြိုက်နှစ်သက်မယ်လို့ မျှော်လင့်ပါတယ်။ (ဒီဇာတ်လမ်းရဲ့အညွှန်းနဲ့ဘာသာပြန်ရေးသားပေးသူကတော့ Parris ဖြစ်ပါတယ်) File Size..........(1.87 GB) / (784 MB) / (478 MB) Quality............WEB-RIP 1080p / 720p / 480p Duration.........1Hr 34mins Subtitle...........Myanmar Hardsub Format............MP4 Genre..............Action, Comedy, Fantasy, Sci-Fi Translator.......Parris Encoder..........SWM

ဒီဇာတ်ကားကတော့ ကျွန်တော်တို့ရဲ့အချစ်တော်ကြီး Samuel L.Jackson၊ မင်းသားကြီး Ed Harris နဲ့ မင်းသမီး Eva Mendes စတဲ့ နာမည်ကြီးသရုပ်ဆောင်များ ပါဝင်ပြီး ဒါရိုက်တာ Renny Harlin က ရိုက်ကူးထားတဲ့ မှုခင်းဇာတ်ကားကောင်းတစ်ခုပဲဖြစ်ပါတယ်။ ဇာတ်လမ်းအညွှန်းအနေနဲ့ကတော့ တွမ်ကတ်တလာ(Samuel L.Jackson)ဟာ ရဲဝန်ထမ်းအလုပ်ကနေ အနားယူပြီး သူ့ရဲ့သမီးလေးကိုထောက်ပံ့ပေးဖို့အတွက် မှုခင်းဖြစ်ပွားတဲ့နေရာတွေကို သန့်ရှင်းရေးလုပ်ရတဲ့သူအဖြစ် အလုပ်လုပ်ကိုင်နေသူဖြစ်ပါတယ်။ တစ်နေ့မှာတော့ သူလူမရှိတဲ့အိမ်တစ်အိမ်မှာ အလုပ်လုပ်ခဲ့ရပြီး အဲ့ဒီအိမ်မှာနေတဲ့ အန်းနော်ကပ်(Eva Mendes) ရဲ့အမျိုးသားဟာ ထူးဆန်းစွာပဲပျောက်ဆုံးနေတယ်ဆိုတာ သိလိုက်ရတယ်။ အဲ့ဒီအတွက်ကြောင့် တည်ငြိမ်နေပြီဖြစ်တဲ့ တွမ်ကတ်တလာရဲ့ဘဝကြီးဟာလည်း အရှုပ်တွေထဲကို နောက်တစ်ကြိမ်ပြန်လာရောက်ရှိလာပါတော့တယ်။ ဒီဇာတ်ကားထဲမှာတော့ အန်းနော်ကပ်ရဲ့အမျိုးသားကို ပြန်လည်ရှာဖွေတာအပြင် တွမ်ကတ်တလာရဲ့ အတိတ်ကအရှုပ်တော်ပုံတွေ၊ သူ့နားကသူငယ်ချင်းဖြစ်သူ အက်ဒီလော်ရန်ဇို(Ed Harris)ရဲ့ လျှိုဝှက်ချက်တွေနဲ့ ထင်မှတ်မထားတဲ့ လှည့်ကွက်တွေကို စိတ်ဝင်စားဖွယ်ခံစားကြရမှာပဲဖြစ်ပါတယ်။ဇာတ်ကားထဲမှာ သွေးထွက်သံယိုဖြစ်တာတွေနဲ့ မသတီစရာကောင်းတဲ့အခန်းတွေပါဝင်တာကြောင့် နှလုံးမကောင်းသူများကြည့်ရှုဖို့ မသင့်တော်ပါဘူး။ File Size :(1.9GB)(618 MB) and (380 MB) Quality : Blu-Ray1080p5.1Ch, 720p Format…mp4 Duration…01:28:00 Genre : Crime , Thriller, Mystery Subtitle : Myanmar Subtitle (Hard Sub) Translated by APP Encoded by Phyo Pyae

တမ်ပယ်လ်ဆိုတာ နယ်တစ်ခွင်မှာ အဆိုးတကာ့ထိပ်ခေါင် မူးယစ်ရာဇာကြီးတစ်ယောက်ပေါ့ အဲဒီမူးယစ်ရာဇာကြီးရဲ့ လျှို့ဝှက်နေရာထဲကိုမှ ၀င်ပြီး သူခိုးတစ်ယောက်ဟာ ခေါင်းတုံးပေါ် ထိပ်ကွက်လို့ တမ်ပယ်လ်ရဲ့ ပိုက်ဆံတွေ အချီကြီး မပြီး ကားနဲ့ လစ်သွားလေရဲ့ လမ်းခုလတ်မှာတော့ တမ်ပယ်လ်ရဲ့ ကိုယ်၀န်သည်ဇနီး မီယာက ကားထဲမှာ ပါလာတာကို သူခိုးငတိ သိလိုက်ရတော့တယ် ဒါပေမယ့် သူ့အကြောင်းတွေကို ကားထဲကနေ အကုန်ကြားထားတဲ့ မီယာကြောင့် သူဟာ မီယာ့ကို ချန်ထားခဲ့လို့ မရဘဲ ငွေတစ်ထုပ် ကိုယ်၀န်သည်တစ်ယောက်နဲ့ သူခိုးတစ်ကောင် ကားတစ်စီးနဲ့ တစ်စခန်းသွားရပါတော့တယ် တစ်ဖက်မှာ တမ်ပယ်လ်တို့ အုပ်စုကလည်း သူ့ကိုတစ်ပတ်ရိုက်သွားခဲ့တဲ့ သူခိုးကောင်နဲ့ မီယာတို့ကို အပူတပြင်းလိုက်ရှာနေရင်း လိုက်တမ်းပြေးတမ်း ဇာတ်ထုပ်ကြီးကို action ‌ခန်းကောင်းကောငးလေးတွေနဲ့ ကြည့်ရှုရမှာ ဖြစ်ပါတယ် အညွှန်း နဲ့ ဘာသာပြန်ကတော့ Chuck ပဲ ဖြစ်ပါတယ်။ Genre..... Action Quality…. 1080p | 720p | 480p File size…1.4GB | 777MB | 301MB Format… mp4 Duration…. 1h 21min Subtitle…. Myanmar Subtitle (Hardsub) Translator ..... Chuck Encoder ..... August

ဘောလိ၀ုဒ်ကားသစ်လေးတွေကို စောင့်မျှော်နေကြတဲ့ ပရိသတ်ကြီးအတွက် ဒီတစ်ခေါက်မှာတော့ sport - drama ဇာတ်ကားလေးတစ်ကားဖြစ်တဲ့ A1 Express လေးကို တင်ဆက်ပေးလိုက်ပါတယ် ။ ( IMDB 6.3/10 ) ဒီရုပ်ရှင်ကားလေးကိုတော့ ဝါရင့် ဘောလိ၀ုဒ် မင်းသားကြီးတွေဖြစ်တဲ့ Krishna Murali နဲ့ Murali Sharma တို့က ပါဝင်အားဖြည့်သရုပ်ဆောင်ထားတာဖြစ်ပါတယ်။ ပျော်ပျော်နေတတ်ပြီး ဘ၀မှာ ပြင်သစ်ကိုသွားဖို့ ရည်ရွယ်ချက်တစ်ခုထဲသာရှိတဲ့ လူငယ်လေး Naidu ..... Naidu တစ်ယောက် ကောလိပ်ကျောင်းအုပ်ဖြစ်တဲ့ ဦးလေး ရှိရာ ရာနမ်ကို ရောက်လာတဲ့အချိန် ဟော်ကီကစားသမား ကောင်မလေး Lavanya Rao နဲ့ အကြည့်ချင်းဆုံ ရင်တွေခုန်ပြီးသဘောကျမိသွားတာကြောင့် ပိုးပန်းဖို့ ကြိုးစားပါတော့တယ် Naidu ရဲ့ဦးလေးကတော့ ငယ်ငယ်တုန်းထဲက ကြီးလာရင် သူ့သမီးကို ယူမယ်လို့ လက်ခမောင်းခတ်ပ​ြီး ပြောထားတယ့် Naidu ရဲ့စကားကြောင့် သမီးဖြစ်သူ Divya Naidu လက်ထဲပါသွားမှာ စိုးရိမ်ပြီး Lavanya နဲ့ Naidu အမြန်ဆုံးနီးစပ်ရေးကို အစွမ်းကုန် ကူညီပေးတဲ့ အောင်သွယ်တော် ဖိုးရွှေလမင်းတစ်ဦးဖြစ်လာပါတယ် တစ်ဖက်မှာတော့ Lavanya တို့ ကစားနေတဲ့ သမိုင်းဝင် ချီတာဘာဘူနယ်မြေက ဟော်ကီကွင်းကို ဆေးကုမ္ပဏီအတွက် စက်ရုံတည်ဆောက်ဖို့ဆိုပ​ြီး အားကစားဝန်ကြီးကို Tetra Star ကုမ္ပဏီကနေ လာရောက်ကမ်းလှမ်းပါတော့တယ် နိုင်ငံရေးမှာ သိပ်ပြီး လာဘ်မစားရှာတဲ့ အိန္ဒိယ အားကစားဝန်ကြီးကတော့ ကုမ္ပဏီစီကနေ ကုဋေ ၆၀ ကျော်လောက်တောင်းပြီး မြေကိုပေးဖို့ သဘောတူလိုက်ပါတယ် အဲဒီမှာတင် ဟော်ကီ နည်းပြကြီး Murali တစ်ယောက် တပည့်တွေ နယ်ခံတွေ အကူအညီနဲ့ သမိုင်းဝင် နာမည်ကြီး ချီတာဘာဘူ ကွင်းကို ကာကွယ်ဖို့အတွက် ဆန္ဒဖော်ထုတ်ပါတော့တယ် Naidu တစ်ယောက်လည်း ပိုးပန်းနေတဲ့ Lavanya က ဟော်ကီကစားသမားတစ်ဦးဖြစ်နေတာကြောင့် နိုင်ငံရေး အရှုပ်အထွေးမှာ ပါဝင်ပတ်သက်လာဖို့ အကြောင်းဖန်လာရပါပ​ြီ ဝန်ကြီးရဲ့ နိုင်ငံရေး လှည့်ကွက်တွေ လာဘ်စားမှုတွေ ကြားထဲကနေ သူတို့ တန်ဖိုးထားတဲ့ သမိုင်းဝင် ချီတာဘာဘူကွင်းကြီးကို ဘယ်လို လက်တွဲပြီး ကာကွယ်သွားမလဲ ..... Naidu နဲ့ Lavanya ရဲ့ အချစ်ဇာတ်လမ်းလေးကရော ဒီအရှုပ်အထွေးတွေကြားထဲ လှပစွာ ဖူးပွင့်လာနိုင်ပါ့မလား .... ဆိုတာကိုတော့ ပရိသတ်ကြီး ကိုယ်တိုင် ဆက်လက်ကြည့်ရှု ခံစားပေးသွားပါဦး File size…2.68GB / 1 .47GB Quality…1080p  True WEB DL  / 720p Format…mp4 Duration….2h 18m Subtitle….Myanmar Subtitle (Hard Sub) Encoder….YK Translated by ThuRa & Poe & BpL & Kevin

Dangal (သို့မဟုတ်) အောင်မြင်မှုရဲ့ ခရီးကြမ်း "နပန်းသမားတစ်ယောက်က ကွင်းထဲဝင်လာပြီး ပြိုင်ပွဲဝင်ရတဲ့ရည်ရွယ်ချက်က နိုင်ငံအတွက်ဆုတံဆိပ်ရယူပေဖို့အတွက်ပဲ။ဒါပေမဲ့ နိုင်ငံကတော့ နပန်းသမားတွေကို ဘာမှကူညီထောက်ပံမှုမလုပ်ပေးဘူး။" ဒီစကားကိုပြောတာက နပန်းအားကစားနည်းကို အသွေးအသားထဲကရူးသွပ်ပြီး နပန်းကစားနည်းကနေ နိုင်ငံအတွက် ရွှေတံဆိပ်ဆုရပေးချင်တဲ့ Mahavir Singh Phogat (Aamir Khan)၊ဒါပေမဲ့ သူ့ဆန္ဒမပြည့်ဝခဲ့ဘူး။ဝါသနာနဲ့ ဝမ်းစာ ထိပ်တိုက်တွေ့တဲ့အချိန်မှာ ဝါသနာကိုစွန့်လွှတ်ခဲ့ရပေမယ့် သူ့မှာရည်မှန်းချက်တစ်ခုရှိတယ်။သူမွေးတဲ့သားက တစ်နေ့နပန်းသမားတစ်ယောက်ဖြစ်ရမယ်တဲ့။ကံကြမ္မာကတော့ သူ့ကိုကျီစားနေတုန်းပဲ။အနှစ်နှစ်ကာလမျှော်လင့်ချက်နဲ့ သားတစ်ယောက်လိုချင်တဲ့သူ့အတွက် ပထမဆုံးမွေးလာတဲ့ကလေးကတော့ မိန်းကလေး၊စိတ်အပျက်ကြီးပျက်ခဲ့ရပေမယ့် ဇွဲမလျှော့တဲ့သူကတော့ နောက်မွေးမယ့်ကလေးကယောကျာ်းလေးဖြစ်ရမယ်တဲ့။ဒီလိုနဲ့ နည်းလမ်းပေါင်းစုံ၊ဆေးပေါင်းစုံမှီဝဲရင်း ယောကျာ်းလေးရဖို့ ကြိုးစားခဲ့ပေမယ့် ဒီတစ်ခါလည်းမွေးလာတာကလည်း သမီးမိန်းကလေး၊စိတ်ဓာတ်ကျစဖြစ်လာပေမယ့် သားယောကျာ်းလေးမွေးလာနိုးနိုးနဲ့ ကလေးတွေတစ်ယောက်ပြီးတစ်ယောက်မွေးလာခဲ့တာ ၄ယောက်မြောက်ထိရောက်လာပေမယ့် အကုန်လုံးကတော့သမီးမိန်းကလေးတွေသာ၊ဒီလိုနဲ့ Mahavir တစ်ယောက် သူ့ရဲ့ရွှေတံဆိပ်ရယူရေး ရည်မှန်းချက်တော့ စွန့်လွှတ်လိုက်ရပြီပေါ့။ဒါပေမဲ့....... တစ်ရက်သူအိမိပြန်လာတဲ့အချိန်မှာ သူ့သမီးအကြီးနှစ်ယောက်ဖြစ်တဲ့ Geeta နဲ့ Babitaက ကျောင်းကအပြန် လမ်းမှာသူတို့နှစ်ယောက်ကို လိုက်နှောက်ယှက်တဲ့ ကောင်းလေးနှစ်ယောက်ကို ထိုးကြိတ်လွှတ်လိုက်ပြီးတဲ့နောက်မှာတော့ Mahavir တစ်ယောက် သူရဲ့နပန်းသွေးတွေက သူ့သမီးတွေဆီမှာလည်း စီးဆင်းနေတယ်ဆိုတာသိပြီး သမီးတွေကိုနပန်းသင်ပေးဖို့အတွက် ဆုံးဖြတ်လိုက်ပါတော့တယ်။နောက်နေ့ မနက်၅နာရီကစပြီး သံမဏိစည်းကမ်းတွေနဲ့ လေ့ကျင့်ရေးတွေစပါတော့တယ်။အိန္ဒိယနိုင်ငံရဲ့ကျေးလက်ဒေသမှာနေထိုင်ပြီး ရှေးရိုးစွဲအယူတွေကြားမှာ မိန်းကလေးနှစ်ယောက်ကို နပန်းသင်ပေးတယ်ဆိုရတာကတော့ ကောင်းကင်ကကြယ်ကိုဆွတ်ခူးရသလိုပါပဲ။အတိုက်အခိုက်၊ဝေဖန်ရှုံချမှုတွေနဲ့ မနာလိုမှုတွေရှိနေပေမယ့် Mahavir တစ်ယောက်ကတော့ ပတ်ဝန်းကျင်ပြောတာကို ဂရုမစိုက်ပဲ အလုပ်နဲ့သက်သေပြဖို့ကြိုးစားပါတော့တယ်။သမီးနှစ်ယောက်ကတော့ ငယ်ရွယ်သူပီပီ ပျော်ပျော်ပါးပါးနေချင်ပေမယ့် ဖခင်ရဲ့ သံမဏိစည်းကမ်းကတော့ တစ်ပြားမှမလျှော့ပါဘူး။ဒီလိုနဲ့ လေကျင့်လာခဲ့ရာမှ ပြိုင်ပွဲတွေမှာဝင်ရောက်ယှဉ်ပြိုင်နိုင်တဲ့ အဆင့်ကိုရောက်လာပါတော့တယ်။မိန်းကလေးနပန်းသမားမရှိတဲ့ ကျေးရွာမှာတော့ နပန်းပြိုင်ပွဲရဲ့ ပြိုင်ဘက်တွေက ယောကျာ်းလေးတွေကြီးပါပဲ။မိန်းကလေးမလို့ ပြိုင်ပွဲဝင်ခွင့်တော်တော်များများမှာ ငြင်းပယ်ခံရပေမယ့် ပထမဆုံးယှဉ်ပြိုင်နိုင်တဲ့ပွဲမှာ ယောကျာ်းလေးပြိုင်ဘက်ကို အနိုင်ရခဲ့ပြီးနောက်ပိုင်း ပြိုင်ပွဲတိုင်းမှာ အနိုင်ရပြီး ပြည်နယ်အဆင့်ရောက်ကာ ပြည်နယ်အဆင့်မှာပါ ရွှေတံဆိပ်ဆုရခဲ့ပြီး နိုင်ငံလက်ရွေးစင်အဖြစ်ရွေးချယ်ခံရပါတော့တယ်။ နိုင်ငံလက်ရွေးစင်ဖြစ်လို့ ဝမ်းသာမဆုံးဖြစ်နေတဲ့ Mahavir အတွက်ကတော့ လေ့ကျင့်ရေးအထောက်အပံ့အပြည့်အစုံရှိတဲ့ မြို့ကြီးမှာ စခန်းသွင်းလေ့ကျင့်လိုတဲ့ သမီးကြီး Geeta ရဲ့ ဆန္ဒကိုလိုက်လျောပြီး ပို့ဆောင်ပေးခဲ့ပါတယ်။ဖခင်ရဲ့ သံမဏိစည်းကမ်းကနေလွတ်မြောက်ပြီး လွတ်လွတ်လပ်လပ်နေရတဲ့ Geeta အတွက်ကတော့ အရာရာကပျော်ရွှင်ဖွယ်ရာအတိပါ။နည်းပြဆရာအသစ်နဲ့လေ့ကျင့်ရပြီး သူ့အဖေသင်ပေးတာတွေထက်ပိုကောင်းတယ်လို့လည်း မှတ်ယူလာခဲ့ပါတယ်။တစ်ရက်ခွင့်ရလို့ အိမ်အပြန်မှာ သူအဖေ့ရဲ့နည်းစနစ်တွေက ခေတ်နောက်ကြနေပြီး အလုပ်မဖြစ်တော့ဘူးဟုပြောလာသောအခါ သားအဖနှစ်ယောက်မှာ စိတ်ဝမ်းကွဲသွားပါတော့တယ်။ဒါပေမဲ့ Geeta တစ်ယောက်သူ့ဆရာရဲ့နည်းစနစ်တွေအတိုင်း နိုင်ငံတကာပွဲကို သွားရောက်ယှဉ်ပြိုင်ပေမဲ့ ပထမအဆင့်ကနေထွက်ခဲ့ရပါတော့တယ်။သူ့ရဲ့ လက်ရွေးစင်ဘဝကိုလည်း ဆိုးရွားတဲ့ရလဒ်က ခြိမ်းခြောက်လာပါတော့တယ်။နောက်ဆုံးအခွင့်ရေးကတော့ အိန္ဒိယနိုင်ငံမှာ ကျင်းပတဲ့ 2010 Commonwealth Games မှာ ဆုတံဆိပ်ရယူနိုင်ရေးပါ။ဒီလိုအချိနိမှာ သတိရမိတာကတော့ အဖေဖြစ်သူကိုပါပဲ။အဖေဖြစ်သူကလည်း သမီးဖြစ်သူကို ခွင့်လွှတ်ပေးပြီး ဆုတံဆိပ်ရယူပေးဖို့အတွက် အစွမ်းကုန်ကူညီပါတော့တယ်။သူတို့သားအဖနှစ်ယောက်လုံးမျှော်လင့်တဲ့ ရွှေတံဆိပ်ဆုက ရယူနိုင်မလား......... ဘယ်လိုအခက်အခဲတွေနဲ့ ကြုံတွေ့ရမလည်း....... အောင်မြင်အောင်လုပ်ဆောင်နိုင်မလားဆိုတာကတော့........... ဇာတ်ကားအကြောင်းနဲ့ ရိုက်ကူးထုတ်လုပ်မှု Dangal ဇာတ်ကားက 3 idiots, PK,Every child is special ဇာတ်ကားနဲ့ ကျွန်တော်တို့ရဲ့အချစ်တော်ကြီးဖြစ်တဲ့ မင်သား Aamir Khan ရဲ့ နောက်ဆုံးထွက် ဇာတ်ကားတစ်ကားဖြစ်ရုံသာမက တကယ့်အဖြစ်မှန်ကို အခြေခံရိုက်ကူးထားတဲ့ sport biopic ဇာတ်ကားလည်းဖြစ်ပါတယ်။ဒီဇာတ်ကားမထွက်ခင်မှာ မင်းသားရဲ့ body training video ကို တော်တော်များများ ကြည့်ပြီးသဘောကျခဲ့ပါတယ်။၂ နှစ်နေမှ ရုပ်ရှင်ကားထွက်ရှိတဲ့ မင်းသားကြီးကတော့ ဇာတ်ကားရိုက်ကူးရာမှာ အသေအချာကိုရိုက်ကူးတဲ့ မင်းသားတစ်ယောက်လည်းဖြစ်ပါတယ်။ ဒီဇာတ်ကားရဲ့ ထုတ်လုပ်သူတွေကတော့ Walt Disney production,Aamir Khan Production,UTV Motion Picture တိူ့ပဲဖြစ်ပြီး ဒီဇာတ်ကားကို အဓိကရိုက်ကူးဖို့ စဉ်းစားမိသူကတော့ Disney ရဲ့ ထုတ်လုပ်သူတွေပဲဖြစ်ပါတယ်။ဒါရိုက်တာ Nitesh Tiwari ကတော့ Disney ရဲ့ ရိုက်ချင်တဲ့အကြောင်းကို တကယ့်လက်တွေ့က Mahavir မိသားစုနဲ့ တိုင်ပင်ပြီး သေချာမေးမြန်းကာ ဇာတ်ညွန်းရေးပြီး ကိုယ်တိုင် ဒါရိုက်တာအဖြစ် ရိုက်ကူးခဲ့ခြင်းဖြစ်ပါတယ်။မင်းသားအဖြစ်ကတော့ Aamir Khan ကိုပဲ ကမ်းလှမ်းခဲ့တာဖြစ်ပါတယ်။ ဒီဇာတ်ကားထဲမှာ သရုပ်ဆောင်ရဲ့မင်းသားရဲ့ဇာတ်ရုပ်က အိန္ဒိယနိုင်ငံရဲ့ ပထမဆုံးသော နပန်းအားကစားနည်းကနေ ရွှေတံဆိပ်ဆုရခဲ့တဲ့ Geeta Phogat ရဲ့ နည်းပြတစ်ဖြစ်လည်း ဖခင် Mahavir Singh Phogat ရဲ့ အကြောင်းပါ။ဒါပေမဲ့ တကယ့် အပြင်မှာ Mahavir ရဲ့ သရုပ်က အသက်၆၀ အရွယ် ခပ်ဝဝအဖိုးကြီးတစ်ယောက်ပါ။မင်းသား Aamir Khan ကတော့ ဒီဇာတ်လမ်းရဲ့ဇာတ်ညွန်းကိုရတဲ့အချိန် 2014 ခုနှစ်မှာတော့ အသက်၅၀ အရွယ်ရှိပြီး Dohm 3 ရိုက်ကူးပြီးစကာလဖြစ်တာကြောင့် ခန္ဓာကိုယ်တောင့်တောင့်တင်းတင်းနဲ့ လူငယ်စတိုင်ဖြစ်နေပါတယ်။ဒါကြောင့် ဒီဇာတ်လမ်းကို သိမ်းထားပြီး သူအသက်၆၀ အရွယ်ရောက်မှာ ရိုက်ကူးမယ်ဆိုပြီး သူ့ရဲ့နာမည်အကြီးဆုံးနဲ့ ဝင်ငွေအများဆုံးရရှိခဲ့တဲ့ PK ဇာတ်ကားကို ရိုက်ကူးခဲ့ပါတယ်။ဒါပေမဲ့ သူ့စိတ်ထဲမှာတော့ ဒီဇာတ်ညွန်းကို မထုတ်နိုင်ခဲ့ပါဘူး။နောက်ဆုံးတော့ မင်းသားက ဒီဇာတ်ကားကိုရိုက်ကူးပါတော့တယ်။ဇာတ်ကားရိုက်ကူးရာမှာ ပီပြင်စေရန်အတွက် PK ရိုက်ကူးပြီး 65kg ရှိတဲ့ ခန္ဓာကိုယ်ကို 95 Kg ထိရောက်အောင် လေးလတိတိ အလေးချိန်တိုးအောင်လုပ်ခဲ့ပြီး တကယ်နည်းပြဆရာပုံအတိုင်း ဗိုက်ရွဲရွဲ ဝတုတ်တုတ်အဖိုးကြီးပုံဖြစ်အောင် ပြောင်းလဲခဲ့ပါတယ်။ဒီ့ထက်ပိုပြီး လေးစားဖို့ကောင်းတာကတော့ 15 စက္ကန့်သာပါတဲ့ ငယ်ဘဝဇာတ်ဝင်ခန်း fight scence အတွက် နောက်ထပ်လေးလတိုင်တိုင် ဝိတ်လျှော့ပြီး six pack ထွက်အောင်လေ့ကျင့်ခဲ့ပါတယ်။တကယ်ကို အဲ့သြလေးစားဖို့ကောင်းတဲ့ မင်းသားရဲ့အနုပညာအပေါ်ရိုးသားမှုပါပဲ။ ဒီဇာတ်ကားအတွက် ပြင်ဆင်ခဲ့တာက မင်းသား Aamir Khan တစ်ယောက်တည်းတော့မဟုတ်ပါဘူး။Geeta နေရာမှာသရုပ်ဆောင်တဲ့ မင်းသမီး Fatima Sana Shaikh အပါအဝင် နပန်းပြိုင်ပွဲဝင်မယ့် သရုပ်ဆောင်တိုင်း 2015 Junior Indian women's wrestling team coach Kripa Shan Patel Bishnoiနဲ့ နပန်းနဲ့ပတ်သတ်တဲ့ သင်တင်းမှာ တက်ရောက်သင်ကြားခဲ့ရပါတယ်။နောက်ပြီး မင်းသမီး ရဲ့ ရှည်လျားလှပတဲ့ဆံပင်ကိုလည်း နှစ်ကြိမ်တိုင်တိုင်ညှပ်ခဲ့ရပြီး နပန်းသမား ပုံစံပီသအောင် လေ့ကျင့်ခန်းများလည်း လုပ်ဆောင်ခဲ့ရပါတယ်။အဲ့လိုသေချာပြင်ဆင်မှုကြောင့် ဇာတ်ကားအတွင်းမှာ ဇာတ်ကောင်နဲ့တစ်သားတည်းကြပြီး ပရိသတ်သဘောကျစေခဲ့ပါတယ်။ ရိုက်ကူးချိန်ကတော့ ပထမရိုက်ကူးမှုကလေးလကြာမြင့်ခဲ့ပြီး မင်းသားရဲ့ body training အပြီးကျန်ရှိတဲ့ ရိုက်ကူးမှုကတော့ ၁လ နီးပါးကြာမြင့်ခဲ့ပါတယ်။စုစုပေါင်း ရိုက်ကူးမှုကြာချိန်ကတော့ ၉လ ကျော်ကြာမြင့်ခဲ့ပါတယ်။ ဝင်ငွေအပိုင်းမှာဆိုရင်လည်း ရုံစတင်တဲ့ December 23 ကနေပြီး ယနေ့ January 9 ရက်နေ့ရောက်တဲ့အချိန် ၂ ပတ်ခွဲအတွင်းမှာပဲ အိန္ဒိယနိုင်ငံရဲ့ တစ်သတ်တာ ဝင်ငွေအများဆုံးရုပ်ရှင်ဇာတ်ကားအဖြစ် သန်း၈၀ ကျော်နဲ့ စံချိန်တင်သွားခဲ့ပြီပဲ ဖြစ်ပါတယ်။ယခင်စံချိန်အဟောင်းကတော့ မင်းသားရဲ့ Aamir Khan ရဲ့ 2014 က ထွက်ရှိခဲ့တဲ့ PK ဇာတ်ကားပဲဖြစ်ပြီး သူတင်ထားတဲ့စံချိန်ကို သူကိုယ်တိုင်ပဲ ပြန်ချိုးခဲ့တဲ့ အဲ့သြဖွယ်ရလဒ်ပဲဖြစ်ပါတယ်။ဒီဇာတ်ကားက ပထမဆုံး ဒေါ်လာ သန်း၁၀၀ ကျော်ဝင်ငွေရမယ့် အိန္ဒိယဇာတ်ကားဖြစ်နိုင်တယ်လို့ ထင်ကြေးပေးခံနေရပါတယ်။ယခုစံချိန်အတိုင်းဆိုရင်လည်း စံချိန်တင်နိုင်ဖို့လည်း ရှိပါတယ်။ ဇာတ်ကားအပေါ်သုံးသပ်ချက် ဒီဇာတ်ကားမှာ သရုပ်ဆောင်ခဲ့တဲ့ မင်းသား Aamir Khan ကတော့ ဒီဇာတ်ကားက ဖိနှိပ်ခံနေရတဲ့ အိန္ဒိယအမျိုးသမီးထုကို ကိုယ်စားပြုတယ်လို့ပြောပါတယ်။အိန္ဒိယနိုင်ငံမှာက မြို့ုကြီးမှာကလွဲရင် ကျန်တဲ့ဒေသကမိန်းကလေးအပေါ် မိဘတွေ အထူးသဖြင့် ယောကျာ်လေးဖြစ်တဲ့အဖေတွေရဲ့ အမြင်ကတော့ အိမ်မှုကိစ္စလုပ်နိုင်ပြီး အရွယ်ရောက်တာနဲ့ ယောကျာ်းယူပြီး ကလေးမွေးဖို့ဆိုတာက ရှေးကနေ အခုထိစွဲမြဲနေတုန်းပါပဲ။ဒီဇာတ်ကားထဲက ဇာတ်ကောင် Mahavir ကတော့ သူ့သမီးတွေကို ပညာသင်ခိုင်းပြီး နပန်းအားကစားမှာပါ ရွှေတံဆိပ်ဆုရအောင် လုပ်နိုင်ခဲ့တဲ့အတွက် စံပြအတုယူစရာပဲဖြစ်ပါတယ်။ အိန္ဒိယမှာ အမျိုးသမီးတွေနပန်းအားကစားဖြစ်ဖို့ ကြီးမားတဲ့အဟန့်အတားကတော့ အကျီကြောင့်ပဲဖြစ်ပါတယ်။ရှေးရိုးစွဲတွေရဲ့ အမြင်ကြောင့် ထိန်းချုပ်မှုများတဲ့နိုင်ငံမှာတော့ နပန်းအားကစားနည်းသာမက တစ်ခြားအားကစားနည်းမှာလည်း မိန်းကလေးတွေက နေရာမရပါဘူး။မင်းသား Aamir Khan ကတော့ ဒီဇာတ်ကားက မိန်းကလေးတွေက ယောကျာ်းလေးတွေနဲ့ တန်းတူအခွင့်အရေးရရင် မိန်းကလေးတွေကလည်း အောင်မြင်အောင်လုပ်ဆောင်နိုင်ဆိုတာကို ပြသနိုင်ဖို့အတွက် ရိုက်ကူးထားသလို တကယ်လည်းပေါ်လွင်ပြီး ကောင်းမွန်လှပါတယ်။ နောက်ပြီး ရေပန်းမစားတဲ့ အမေ့လျော့ခံနပန်းအားကစားနှင့် ဖြစ်ရပ်မှန်ကိုရိုက်ကူးထားတာကြောင့် ကြိုသိနေတဲ့ဇာတ်လမ်းကို စိတ်ဝင်စားလာအောင် ရေးထားတဲ့ဇာတ်ညွန်းကိုတော့ တော်တော်ချီးကျူးးမိပါတယ်။အရင်ကနပန်းနဲ့ပတ်သတ်တဲ့ ဇာတ်ကားတွေကို ကြည့်ခဲ့ရပေမယ့် သေချာနားမလည်ခဲ့ပါဘူး။ဒီဇာတ်ကားထဲမှာတော့ နပန်းအားကစားနည်းရဲ့ အမှတ်ပေးပုံ၊ဘယ်လိုယှဉ်ပြိုင်ရသလဲ၊အချိန်ဘယ်လောက်ရတယ်ဆိုတာကို အချိန်၃ မိနစ်အတွင်းမှာပဲ နားလည်အောင်ရှင်းပြနိုင်သလို နောက်ပိုင်းနပန်းပြိုင်တဲ့အချိန်မှာ အမှတ်ဘယ်လောက်ရလည်းဆိုတာကို ကိုယ်တိုင်တွက်ချက်နိုင်ခဲ့ပါတယ်။ဒီဇာတ်ကားကြည့်ပြီး နပန်းအားကစားနည်းကို စိတ်ဝင်စားလာမိပါတယ်။ ဒါရိုက်တာနဲ့ဇာတ်ညွန်းတာဝန်ယူထားတဲ Nitesh Tiwari ကတော့ သေချာကြိုးပမ်းပြီးရိုက်ကူးထားသလို မင်းသား Aamir Khan နဲ့ မင်းသမီး Fatima Sana Shaikh အပါအဝင် သရုပ်ဆောင်တိုင်းရဲ့ သရုပ်ဆောင်မှုက လက်တွေ့နဲ့တစ်သားတည်းကြပါတယ်။နောက်ပြီးဇာတ်ဝင်တေးသိချင်းတွေလည်း ကောင်းပြီးအဓိပ္ပါယ်ရှိပါတယ်။ကလေးနှစ်ယောက် Training လုပ်တဲ့အချိန်မှာ သုံးတဲ့ဇာတ်ဝင်သီချင်းမှာဆိုရင် သူတို့အဖေက ဘောလီးဝုဒ်က အဆိုးဆုံးဗီလိန်ထက် ပိုဆိုးတဲ့သူဖြစ်ကြောင်း ဆိုထားတာက ချစ်စဖွယ်လေးပါ။ နောက်ပြီး နပန်းပြိုင်တဲ့အချိန်မှာ ကစားသမားတွေရဲ့လှုပ်ရှားမှုကို ရိုက်ကူးတာတော်တော်ကောင်းပါတယ်။ခံစစ်ကစားပုံ၊တိုက်စစ်ဆင်ပုံ၊အယောင်ပြပုံ၊ကိုင်ပေါက်ပုံတွေ ရိုက်ကူးထားတာက တကယ့်ကိုအပြင်မှာ ကြည့်ရှု့နေရတဲ့အတိုင်းပါပဲ။အသက်ဝင်လှပါတယ်။ တစ်လက်စတည်းတွေးမိတာက ကျွန်တော်တို့နိုင်ငံရဲ့ အားကစားအကြောင်းပါပဲ။လူတိုင်းကြိုက်တဲ့ အမျိုးသားဘောလုံးအသင်းကိုသာ ပိုက်ဆံတော်တော်များများသုံးစွဲပြီး ကျန်တဲ့ အားကစားနည်းတွေကို ပံပိုးမှုအားနည်းခဲ့တာကို မျက်ကွယ်ပြိုပြီး ဆီးဂိမ်းပြိုင်ပွဲတွေမှာ ဆုတံဆိပ်ရယူချင်တဲ့ လူကြီးမင်းများနှင့် ကျွန်တော်အပါအဝင်ပရိသတ်တွေကတော့ ဒီဇာတ်ကားကိုကြည့်မိတဲ့အချိန်မှာ နိုင်ငံအတွက်ပေးဆပ်ပြီး ရွေရယူပေးဖို့ ခက်ခက်ခဲခကြိုးပမ်းနေတဲ့ အားကစားသမားတွေကိုလည်း အားနာမိပြီး အရှက်ရမိပါတယ်။အနီးစပ်ဆုံး အမျိုးသမီးဘောလုံးအသင်းတောင်မှ ပံပိုးမှု အပြည့်မရခဲ့ပါဘူး။ ကျွန်တော်တို့နိုင်ငံမှာလည်း အာရှအဆင့်၊အိုလံပစ်အဆင့်ထိရောက်နိုင်တဲ့ နပန်းအားကစားသမားတွေရှိပါတယ်။ကျွန်တော်အမှတ်မမှားဘူးဆိုရင် 2013 နေပြည်တော်ဆီးဂိမ်းမှာ နပန်းအားကစားနညိးကနေ ဆုတံဆိပ်များစွာရခဲ့သလို 2015 စင်ကာပူဆီဂိမ်းတုန်းကလည်း ဆုတံဆိပ်ရခဲ့ပါတယ်။ဒါပေမဲ့ သူတို့တွေအတွက် ချီးမြှောက်မှု၊ဘဝအာမခံချက်အတွက် အာမခံမှုရရှိခဲ့လားဆိုတာကတော့ မသိခဲ့ပါဘူး။နိုင်ငံအတွက်ပေးဆပ်ပြီး ဂုဏ်ဆောင်နေတဲ့ အားကစားသမားတွေအကုန် တန်းတူညီမျှအကျိုးခံစားခွင့်ရပါစေလို့လည်း မျှော်လင့်ပါတယ်။ ဒီဇာတ်ကားကတော့ ရသအစုံကိုခံစားရမယ့် ဇာတ်ကားပါ။ပျော်ရွှင်စရာတွေ၊စိတ်ဓာတ်တတ်ကြွစရာတွေ ပါသလို ဝမ်းနည်းဖွယ်အခန်းတွေလည်းပါပါတယ်။ဇာတ်ဝင်ခန်းတစ်ခန်းကတော့ တော်တော်လေး ဝမ်းနည်းဖွယ်ကောင်ပါတယ်။ဇာတ်လမ်းရဲ့အဓိကအသက်ဖြစ်လို့ မပြောတော့ပါဘူး။ကိုယ်တိုင်သာခံစားကြည့်လိူက်ပါ။အနိမ့်အမြင့်အတတ်အကျအစုံပါတဲ့ ဇာတ်ကားက ပရိသတ်ကိုကောင်းကောင်းဖော်ဖြေနိုင်ပါတယ်။ရုပ်ရှင်ဇာတ်ကားကြာချိန် ၁၅၀ မိနစ်အတွင်း တစ်ချက်မှ အာရုံမလွတ်အောင်ဖမ်းစားနိုင်ပါတယ်။ ဒီဇာတ်ကားနဲ့ပတ်သတ်ပြီး ထွက်ရှိတဲ့အချိန်ကစပြီး ဝေဖန်ရေးတွေရဲ့ ချီးကျုုးမှုကိုခံခဲ့ရပြီး ကြည့်ကိုကြည့်သင့်တဲ့ ဇာတ်ကားအဖြစ်လည်း ညွန်းဆိုခဲ့ပါတယ်။IMDB မှာ rating 9.2 ရနေပြီး Rottan Tomatoes ကတော့ 82 ပေးထားပါတယ်။ဒါက အိန္ဒိယဇာတ်ကားတစ်ကားအတွက်တော့ အမြင့်ဆုံး Rating တွေပဲဖြစ်ပါတယ်။နောက်ပြီး မင်းသား Aamir Khan ကြောင့်လည်း ကြည့်ကိုကြည့်သင့်တဲ့ ဇာတ်ကားတစ်ကားပဲဖြစ်ပါတယ်။ Dangal ဇာတ်ကားက ပုံမှန်ဇာတ်ကားတွေထက်ပိုပါတယ်။ကြည့်ပြီးခဏမေ့ပျောက်သွားမယ့် ဇာတ်ကားမျိုးမဟုတ်ပါဘူး။ Aamir Khan ရဲ့ ဇာတ်ကားတွေအတိုင်း ကြည့်ုပြီး ပြောနေရမယ့်ဇာတ်ကားမျိုးပါ။အမျိုးသမီးတွေရဲ့ အခွင့်ရေးတွေ၊ဖိနှိပ်ချုပ်ချယ်မှုတွေ၊ခွဲခြားဆက်ဆံမှုတွေအကြောင်းကို အကောင်းဆုံးပြသနိုင်တဲ့ဇာတ်ကားတစ်ကားပါ။ဒါကြောင့်မလို့ ဒီဇာတ်ကားကို ကြည့်ရှုပြီး စိတ်ဓာတ်ခွန်အားတစ်စုံတစ်ရာရနိုင်ပါစေလို့ပြောရင်း...............။ Reviewd by ZKK File size…(2.6 GB)/(1.3 GB) Quality….BluRay HEVC 1080p / 720p Format…mp4 Duration….02:41:01 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

The Teachers’ Lounge (2023) ~ IMDb – 7.6/10, Rotten Tomatoes – 100% ~ ကားနာမည်နဲ့ လိုက်အောင်ပဲ ဒီရုပ်ရှင်မှာ ကျောင်းတစ်ကျောင်းရဲ့ ဆရာများနားနေခန်းထဲက ပြဿနာတွေကို အခြေတည်ပြီး ကျောင်းက ကလေးတွေ ကျောင်းကလူတွေနဲ့ ချိတ်ဆက်ပြသထားတယ်။ ကျောင်းတစ်ကျောင်းမှာ ခိုးမှုတွေဖြစ်နေတယ်။ ဒီခိုးမှုတွေက တော်တော်များနေပေမဲ့ ဘယ်သူလား ဘာလားလဲမသိရသေးဘူး။ ပိုက်ဆံတွေအများကြီးပျောက်သွားတာတွေလည်းရှိတယ်။ ဒီတော့ ဆရာမတွေနဲ့ ကျောင်းအုပ်ချုပ်ရေးတွေပေါင်းပြီး ကလေးတွေကို စစ်ကြဆေးကြတယ်။ ဒီနောက် ကလေးတစ်ယောက်ကို မသင်္ကာလို့ မိဘခေါ်ပေမဲ့ မိဘက သူတို့ပေးလိုက်တဲ့ငွေတွေပါလို့ ပြောတဲ့နောက် ကလေးကို မတရားစွပ်စွဲသလိုဖြစ်ပြီး ဆရာမတွေ ကွိုင်တက်ကုန်တယ်။ အဓိကဇာတ်ကောင်ဖြစ်တဲ့ ကျောင်းဆရာမက လျှို့ဝှက်ကင်မရာတပ်ပြီး သူခိုးဖမ်းဖို့ကြံတယ်။ ကျောင်းဝန်ထမ်းတစ်ယောက်ကို ရိုက်မိသွားတယ်။ ဒါပေမဲ့ စစ်တော့ စွပ်စွဲပါတယ်ဆိုပြီး ငိုပြီးယိုပြီး ကျောင်းကထွက်သွားတယ်။ ဒီနောက် ကျောင်းက အကုန်လုံးကို လိုက်စွပ်စွဲနေပါတယ်ဆိုပြီး ကောလာဟလတွေ သတင်းတွေ မိဘတွေ ကလေးတွေကြား ပြန့်လာရာက ဒီပြဿနာတွေကို ဘယ်လိုအဖြေရှာကြမလဲ ဆရာများနားနေခန်းထဲ ပြဿနာတွေဖြေရှင်းကြတဲ့အကြောင်းပေါ့။ မထင်ထားခြင်းများနဲ့ ဒီဇာတ်ဟာ ပြည့်နှက်နေတယ်။ မဖြစ်မနေဆိုတဲ့ အရာတွေမထည့်ဘဲ လိုအပ်တယ်ထင်တာတွေပဲ ပြသွားခဲ့တယ်။ ဒီကားက ရုပ်ရှင်ပွဲတော်ကြိုက်ကားမျိုးဆိုတော့ ဒီလိုအအေးစား ဒရာမာတွေကို မကြိုက်တတ်တဲ့သူတွေအတွက်တော့မဟုတ်ဘူး။ ရုပ်ရှင်ကို ရုပ်ရှင်လိုကြည့်ကြမယ်ဆိုရင်တော့ ကြည့်လို့အရသာရှိတဲ့ ရုပ်ရှင်ပါပဲ။ စီနီမာတိုဂရပ်ဖီဆုတွေ မင်းသမီးဆုတွေ ဇာတ်ညွှန်းဆုတွေလည်း ရုပ်ရှင်ပွဲတော်တွေမှာ တစ်သီတစ်သန်းကြီးရထားတယ်။ သူ့ဇစ်မြစ်ဖြစ်တဲ့ ဂျာမန်က အကယ်ဒမီပေးပွဲမှာလည်း ဆုတွေတစ်သီကြီးရထားတဲ့ ဂျာမန်ကားကောင်းတစ်ကားပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.95GB, 780MB Quality – 1080p, 720p IMDb Rating – 6.6/10 Format – mp4 Duration – 1H 38Min Genre – Drama Subtitle – Myanmar Subtitle (Hardsub) Translated by WiRa Aung Encoded by Y

Jin & Jun (IMDb 5/10) ဂျွန်နိုင်ဒီဆိုတဲ့ကောင်လေးဟာ သူလက်ရှိတက်နေတဲ့ ကျောင်းမှာ ထောက်ပံ့ကြေးနဲ့ တက်နေရတဲ့ ကျောင်းသားလေးတစ်ယောက်ပေါ့… ဘဝနာတဲ့သူတွေက ပိုကြိုးစားလေ့ရှိတယ်ဆိုသလိုပဲ ဂျွန်ဟာလည်း ကျောင်းမှာ စာကို အများသူငှာထက် သာအောင်တော့ လုပ်တဲ့ သူတစ်ယောက်ပါ… ဒါကြောင့်လည်း ကျောင်းက လူချမ်းသာတွေရဲ့ သားသမီးတွေနဲ့ စုဖွဲ့ထားတဲ့ ဘူလီဂိုဏ်းတွေက သူ့ဆီကနေ အမှတ်ကောင်းတွေ ရဖို့ အနိုင်ကျင့်လေ့ရှိပါတယ်… စာတင်မဟုတ်ဘဲ ဂျွန် သဘောကျနေရတဲ့ ဆာရာကိုပါ ဂျွန် မရအောင် လိုက်ကာဆီးနေတဲ့ ဖာရာအိုတို့ အဖွဲ့လည်း ရှိပါသေးတယ်… တစ်နေ့မှာ ဂျွန်ဟာ အခွင့်ကြုံခိုက်မှာ ဆာရာကို စကားသွားပြောပါတော့တယ်… ဒါကို မြင်သွားတဲ့ ဖာရာအိုတို့က ဂျွန်ကို ဆာရာထွက်သွားချိန်မှာ ဝိုင်းဖွဲ့အနိုင်ကျင့်ပါတော့တယ်… အဲ့နောက်မှာ ဂျွန်လည်း သူငယ်ချင်းတွေ အကူအညီနဲ့ ထွက်ပြေးလို့ လွတ်လာပေမယ့် ဖာရာအိုတို့က ဝိုင်းပိတ်ဖမ်းတာကြောင့် သရဲခြောက်တယ်လို့ လူသိများတဲ့ ခြံနားမှာ မိသွားကြပါတယ်… ဒီလိုနဲ့ ဖာရာအိုတို့က ဂျွန်ကို ပညာပေးတဲ့အနေနဲ့ သရဲအိမ်ကြီးထဲမှာ ကြိုးတုပ်ထားခဲ့ပါတော့တယ်… ဂျွန် ပြန်သတိရလာတဲ့အခါ အိမ်ကြီးထဲက လွတ်မြောက်အောင် ကြံစည်ရင်း မြေအောက်ခန်းတစ်ခန်းကို ရောက်သွားပါတော့တယ်… အခန်းထဲမှာ အစီအရင်တွေနဲ့ ပုလင်းများလည်း ရှိနေပြီး ထိုထဲက တစ်ပုလင်းကို ဂျွန် ကောက်ဖွင့်ကြည့်လိုက်တဲ့အခါ… ဂျင်ဆိုတဲ့ မီးခွက်စောင့်ဘီလူးလည်း ထွက်လာပါတော့တယ်… ထုံးစံအတိုင်း မီးခွက်စောင့်ဘီလူးနဲ့ ဂျွန်ရဲ့ တောင်းဆုတွေအကြောင်း ရိုက်ပြထားတာပေါ့… ဇာတ်လမ်းဟာ အာလာဒင်လို ခပ်ဆင်ဆင်ဆိုသော်ငြား အင်ဒိုနီးရှားဗားရှင်းမို့ မတူကွဲပြားမှုတွေ များစွာပါဝင်နေပါတယ်… ဂျွန်ရဲ့ တောင်းဆုတွေဟာ အမှန်တကယ်ဖြစ်မြောက်လာပေမယ့် သူမမြင်ရမသိရသေးတဲ့ အကြောင်းတရားတွေလည်း ရှိလို့နေပါတယ်… ဒီဇာတ်လမ်းဟာ လူငယ်ကျောင်းသားကား ဖြစ်တာမို့ ရီစရာလေးတွေနဲ့ တသောသော ရယ်မောရင်း သင်ခန်းစာလေးတွေလည်း ရတာမို့ အပျင်းပြေကြည့်ကြပါလို့ အကြံပြုလိုက်ရပါတယ်…. အညွှန်းနဲ့ ဘာသာပြန်ကတော့ Tun Aung Kyaw ပဲ ဖြစ်ပါတယ်။ Genre….. Comedy, Fantasy Quality…. 1080p | 720p File size… 1.4GB | 736MB Format… mp4 Duration…. 1h 32min Subtitle…. Myanmar Subtitle (Hardsub) Translator ….. Tun Aung Kyaw Encoder ….. Aaron

အာရပ်က နာမည်ကြီးမင်းသမီးတစ်ယောက်ဖြစ်တဲ့ Fatima AlBanawi ကိုယ်တိုင် ဒါရိုက်တာလုပ် ဇာတ်ညွှန်းရေးသရုပ်ဆောင်ထားတဲ့ Netflix တန်းဝင် Basma ဆိုတဲ့မိသားစုဒရာမာဇာတ်လမ်းတစ်ကားကို တင်ဆက်ပေးလိုက်ပါတယ်။ ဇာတ်လမ်းလေးရဲ့ ပုံစံကတော့အမေရိကန်မှာ ပညာတော်သွားသင်တဲ့ ဘတ်စ်မာဆိုတဲ့ အာရပ်က ကောင်မလေးတစ်ယောက် ကိုဗစ်ရောဂါကြောင့် မိသားစုနဲ့မတွေ့ရဘဲ အမေရိကန်မှာပဲသောင်တင်နေခဲ့ပြီး ဘွဲ့ရပြီး ကိုဗစ်တွေလည်းပြီးတဲ့အခါမှာ အိမ်ကိုပြန်လာ ခဲ့တဲ့ပုံစံလေးနဲ့ အစပျိုးပြီးရိုက်ကူးထားပါတယ်။မိသားစုနဲ့ ၂ နှစ်ကြာခွဲခွာခဲ့ရပြီးပြန်လာတဲ့အခါမှာ ဘတ်စ်မာကို မိသားစုဝင်တွေအကုန်လုံးက နွေးနွေးထွေးထွေး ပြန်လည်ကြိုဆိုခဲ့ကြပါတယ်။ဒါပေမယ့် လာကြိုတဲ့ မိသားစုဝင်တွေထဲမှာ သူ့အဖေတော့ မပါဘူးဖြစ်နေတဲ့ အတွက်မေးမြန်းကြည့်ရာမှာတော့လွန်ခဲ့တဲ့ ၂ လ လောက်ကပဲအမေဖြစ်သူနဲ့ ကွာရှင်းခဲ့ပြီး အရင် အိမ်ဟောင်းကြီးထဲမှာ တစ်ယောက်တည်းသွားနေထိုင် နေမှန်းသိလိုက်ရပါတော့တယ်။သူ့အဖေက စိတ်ပိုင်းဆိုင်ရာ ကျန်းမာရေးအနည်းငယ် ချို့ယွင်းချက်ရှိသူ ဖြစ်ပြီး ဆေးတွေလည်းမသောက် မိသားစုကိုလည်းပြဿနာ ရှာတာတွေများလာတဲ့အခါမှာ နောက်ဆုံး ဘတ်စ်မာရဲ့ အမေက သည်းမခံနိုင်တော့ဘဲ ကွာရှင်းခဲ့တာပါ။အဲ့ဒီ အကြောင်းတွေကို အဝေးမှာစာကြိုးစားနေတဲ့သမီးဖြစ်သူ မသိစေချင်လို့ ဖုံးကွယ်ထားတာတွေကို သိသွားတဲ့အခါမှာတော့ ဘတ်စ်မာလည်း အမေ့အိမ်ပေါ်ကဆင်းပြီး အဖေ့အိမ်ပေါ်မှာ သွားနေခဲ့ပါတော့တယ်။အဲ့ဒီနောက်ပိုင်းမှာတော့ သူတို့မိသားစု ကြားမှာတွေ့ရမဲ့ မိသားစုဒရာမာတွေကို ကြည့်ရှုရမဲ့ ပုံမှန်နဲ့ ကွဲထွက်နေတဲ့ တစ်မျိုးတစ်ဖုံ ဇာတ်ကားလေးပဲဖြစ်ပါတယ်။ File size…1.58GB / 736MB Quality…NF WEB-DL 1080p 5.1CH / 720p Format…mp4 Duration….1h 45m Genre ….. Drama Subtitle….Myanmar Subtitle (Hard Sub) Encoder….Min Wai Translated by Saw Lay

ဒီနေ့မှာတော့ ပြည်သူ့အချစ်တော် ဝမ်ရိပေါ်ဟာ တရုတ်ပြည်သူ့သမ္မတနိုင်ငံတော်အကျိုးပြု ပေါ်လစီကားတစ်ကားနဲ့ ထပ်ပြီး ဖန်သားပြင်ရှေ့ရောက်လာပြန်ပါပြီ… ဒီတစ်ခေါက် ကားလေးကတော့ Formed Police Unit တဲ့.. ကဲ ဇာတ်လမ်းအကျဉ်းလေးကိုပြောရရင်တော့ တိုင်းရေးပြည်ရာ မငြိမ်မသက်ဖြစ်နေတဲ့ Santa Leonneမှာ လူမျိုးတုံး သတ်ဖြတ်မှုအထိ ကြုံတွေ့နေရလို့ UN ရဲ့ အကူအညီကို တောင်းခံတာကြောင့် တရုတ်ငြိမ်းချမ်းမှု ထိန်းသိမ်းရေးရဲအဖွဲ့ဟာ သူတို့တာဝန်ကို ထမ်းဆောင်ဖို့ ရောက်လာခဲ့တာကနေ စတာပေါ့.. အတိုက်အခံခေါင်းဆောင် အာမီအာကို ရုံးတော်တင်နိုင်ခဲ့ပေမယ့် သက်သေမစုံတာကြောင့် စီရင်ချက်မချနိုင်သေးတဲ့အနေအထားပေါ့… တစ်ဖက်မှာလည်း ခေါင်းဆောင်အာမီအာဟာ လွှတ်တော်အမတ်တို့ရဲ့ ခြစားမှုနဲ့ လူဖြူတွေရဲ့ အတိတ်က လုပ်ရပ်ကိုပဲ ဖိပြောနေခဲ့တာပေါ့.. လိုတိုရှင်းပြောရရင်တော့ “All lives are equal and justice knows no borders.” ဆိုတဲ့ ဆောင်ပုဒ်အတိုင်း သက်စွန့်စံဖျား ကြိုးစားပြီး အမျိုးမတူ ဘာသာမတူ အသားအရောင်မတူတဲ့သူတွေကို တရုတ်ရဲအဖွဲ့က ကယ်တင်ခဲ့ကြောင်းကို ရိုက်ကူးပြထားတဲ့ ဇာတ်ကားလေးပါပဲ…

ဒီရုပ်ရှင်ကတော့ IMDb မှာ rating ခပ်မြင့်မြင့်ရရှိထားတဲ့ romance genre ဇာတ်ကားကောင်းလေးတစ်ခုဖြစ်ပါတယ်။ Samantha Wan က Director အဖြစ် တာဝန်ယူရိုက်ကူးပေးထား ပြီးတော့ အဓိကဇာတ်ဆောင်တွေအဖြစ် မင်းသားချော Olivier Renaud နဲ့ မင်းသမီးချော Rebecca Dalton တို့က ပါဝင်သရုပ်ဆောင်ပေးထားပါတယ်။ ဇာတ်လမ်းအကျဉ်းကို ပြောပြရရင်တော့ Addie ဆိုတဲ့ကောင်မလေး တစ်ယောက်မှာ ဖိနပ်ဒီဇိုင်နာဖြစ်ချင်တဲ့ အိပ်မက်တစ်ခုရှိပါတယ်။ တစ်နေ့ သူဟာ နာမည်ကြီးဖိနပ်ကုမ္ပဏီမှာ အလုပ်ရသွားပြီးတော့ သူ့အိပ်မက်ကို အကောင်အထည်ဖော်ဖို့အတွက် အခွင့်အရေးတစ်ခု ရလာပါတယ်။ ကုမ္ပဏီမှာအလုပ်လုပ်ရင်းနဲ့ Austin ဆိုတဲ့ ကောင်လေးရဲ့အကူအညီနဲ့ အတူ သူ့အိပ်မက်တွေကို အကောင်အထည်ဖော်တဲ့ story လေးကို ကြည့်ရှုကြရမှာပါ။ အခက်အခဲတွေ၊ ပြိုင်ဆိုင်မှုတွေ၊ အကောက်ကြံမှုတွေကြားက ကိုယ့်အိပ်မက်အတွက် အလျှော့မပေးပဲ ကြိုးစားရုန်းကန်ပုံတွေကို ပေါ်လွင်အောင် ရိုက်ကူးထားနိုင်တဲ့ ဇာတ်ကားကောင်းလေးတစ်ကား ဖြစ်ပါတယ်။ File size…1.50GB / 798MB Quality…WEB-DL 1080p HEVC / 720p Format…mkv / mp4 Duration….1h 24m Genre ….. Romance Subtitle….Myanmar Subtitle (Hard Sub) Encoder….Min Wai Translated by Austin

Kadaisi Thotta (2025) နောက်ဆုံးကျည်ဆန် သည်းထိတ်ရင်ဖို ဒရမ်မာ ပရိသတ်တို့အတွက် မှုခင်းဇာတ်လမ်းလေးတစ်ခုနဲ့ မိတ်ဆက်ပေးလိုက်ပါတယ်။ ရက်ရှန်က အခုမှအိမ်ထောင်ကျပြီးတဲ့ သတို့သားအသစ်လေးပေါ့။ သူ့မိန်းမနဲ့ ပျားရည်ဆမ်းခရီးထွက်မယ်ဆိုပြီး ကျေးလက်တောရွာ ရှုခင်းလေးတွေရှိမယ့် အပန်းဖြေစံအိမ်တစ်ခုကို စီစဉ်ထားပါတယ်။ သူတို့ရောက်လို့မှ မကြာသေးပါဘူး ရက်ရှန်ဟာ ရှော့ခ်ရလောက်စရာ လူသတ်မှုမြင်ကွင်းကို တွေ့မြင်လိုက်ရပါတော့တယ်။ ကောင်မလေးတစ်ယောက်ကိုသတ်ပြီး အပန်းဖြေအိမ်ရာဝင်းထဲ စွန့်ပစ်ထားခဲ့တာပါ။ အဲဒီလိုနဲ့ ရဲတွေရောက်လာပြီး အမှုကိုစုံစမ်းစစ်ဆေးပါတော့တယ်။ စုံစမ်းထောက်လှမ်းရင်း ဖုံးကွယ်ထားတဲ့လျှို့ဝှက်ချက်တွေပါ ပေါ်ပေါက်လာတဲ့အခါမှာတော့…………… ရက်ရှန်ကရော ဒီအမှုနဲ့ဘယ်လိုပါဝင်ပတ်သတ်သွားရတာလဲ၊ လူသတ်မှုကရောဘာလဲ၊ အပန်းဖြေစံအိမ်နဲ့ အမှုအခင်းနဲ့ ဘာတွေ ဆက်စပ်နေမလဲဆိုတာ ခံစားကြည့်ရှု အဖြေထုတ်ကြည့်ကြရအောင်ပါ။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )

The Last Cabin (2025) ရုပ်ရှင်ထုတ်လုပ်ရေးကုမ္ပဏီတစ်ခုကနေ ရိုက်ကွင်းအတွက်နေရာရှာဖို လုပ်ဖော်ကိုင်ဖက်သူငယ်ချင်းသုံးယောက် ညအချိန်ကြီး ကြိုးပမ်းနေကြရာကနေ တောနက်ထဲက အိမ်သစ်တစ်အိမ်ကို ရှာတွေ့ခဲ့ကြတယ်။ နောက်ဆုံးတော့ နေရာရှာတွေ့ပြီး အလုပ်အဆင်ပြေသွားလို ပျော်နေကြတဲ့ သူငယ်ချင်းသုံးယောက်က အိမ်ကိုဦးစီးတဲ့ အိမ်‌ခြံမြေ မန်နေဂျာဆီကနေ သူတို့ ရိုက်ကူးရေးအတွက် နှစ်ရက်စာငှားပြီး producer အလာကိုစောင့်ရင်း အိမ်ထဲမှာ တည်းနေခဲ့ကြတယ်။ ဒါပေမဲ့ သူတို့အပျော်တွေက သူတို့နောက်ကို ကြောက်စရာမျက်နှာဖုံးတပ်ထားတဲ့ မသင်္ကာစရာလူတွေ လိုက်လာတာကို သိတဲ့အချိန်မှာတော့ ချက်ချင်းပဲ ချောက်ချားစရာ အဆိုးရွားဆုံးညအဖြစ် ပြောင်းလဲသွားခဲ့တယ်။ Hope တို့ သူငယ်ချင်းသုံးယောက် မျက်နှာဖုံးစွပ် ဆိုက်ကိုလူသတ်သမားတွေဆီကနေ ဘယ်လိုအသက်ရှင်အောင် ရှောင်ပြေးနိုင်ပါ့မလဲဆိုတာကိုတော့ ဒီဇာတ်လမ်းထဲမှာ သွေးသံတရဲရဲနဲ့ Found footage ပုံစံမျိုး ကြည့်ရှုရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size… (1.6 GB) / (630 MB) Quality…. WEB-DL 1080p HEVC / 720p Format…. mp4 Genre…. Action, Horror, Thriller Duration…. 01:10:57 Subtitle…. Myanmar Subtitle (Hardsub) Encoder…. Benjamin Translated by Thwal Htoo Zin