24: Redemption (2008) ================== IMDb Rating - 7.4/10 ဒီကားလေးက အမေရိကန် နာမည်ကြီး စုံထောက် စီးရီးဖြစ်တဲ့ '24' ဆိုတဲ့ စီးရီးရဲ့ အဆက် တစ်ပိုင်းတည်းအပြီး ကားလေးဖြစ် ပါတယ်။ စီးရီးမှာတော့ စုစုပေါင်း Season 9 ခုထိရှိပြီး အတော် လေးအောင်မြင်ခဲ့တယ်ပြောရမှာပါ။ ဇာတ်ဆောင်မင်းသားအနေနဲ့ ကတော့ 1990 နဲ့ 2000 ခုနှစ် တွန်ခရုစ်တို့နဲ့အပြိုင်တောက်ပခဲ့တဲ့ Kiefer Sutherland ဘဲဖြစ်ပါတယ်။ ဇာတ်လမ်းအကျဉ်းအနေနဲ့ကတော့ အေးဂျင့်ဘဝကနေ အနားယူ လိုက်တဲ့ Sutherland နဲ့သူ့သူငယ်ချင်းတို့က Sangala ဆိုတဲ့ အာ ဖရိဂန်နိုင်ငံမှာ မိဘမဲ့ဂေဟာလေးမှာလုပ်အားပေးလုပ်ရင်း ဘဝကို အေးဆေးနေနေတဲ့အချိန်ပေါ့။ (Sangala ဆိုတာက Fiction ပါ၊ အပြင်မှာမရှိပါဘူး)။ တဖက်မှာလည်း အမေရိကန်တို့ သူတို့တိုင်း ပြည်မှာခြေရှုပ်နေတာကို မကြိုက်တဲ့ စစ်သွေးကြွအဖွဲ့တွေရှိနေပါ တယ်။ ဒါပေမဲ့ 24 စီးရီးမှာ သူတို့ခေါင်းဆောင်ကို အမေရိကန်တို့က လက်နက်ဖြုတ်လိုက်ပြီးပါပြီ၊ ဒါပေမဲ့ တွင်းထွက်မရှိ၊ စီးပွားရေး အခွင့်အလမ်းမရှိတော့ US တို့ဘက်က ပြန်ဆုတ်ချင်နေပါတယ်။ ဒီလိုနဲ့ ရာထူးကဆင်းပေးရတော့မယ့် US သမ္မတက နောက်သမ္မတ အသစ်မတက်ခင် သူ့အကြံအစည်အတိုင်းဖြစ်အောင် တဖက်က စစ်သွေးကြအဖွဲ့ကို တိုးတိုးတိတ်တိတ်ပြန်ပြီး လက်နက်ထောက်ပံ့ ပေးပါတယ်။ စစ်သွေးကျတွေက စစ်တပ်ထောင်ဖို့ ကလေးစစ်သား တွေလိုက်စုတဲ့အခါမှာ Sutherland တို့နဲ့ညိဖို့အကြောင်းဖန်လာပါ တော့တယ်။ ဘာတွေဘယ်လိုဆက်ဖြစ်ကြမလဲဆိုတာကိုတော့ ဆက်လက်ကြည့်ရှူလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thetti Tun ဖြစ်ပါတယ်) File Size..........(3.14 GB) / (1.1 GB) / (668 MB) Quality............WEB-DL 1080p / 720p / 480p Duration.........1Hr 24Min Subtitle...........Myanmar Hardsub Format............MP4 Genre..............Action, Adventure, Crime Translator.......Thetti Tun Encoder..........Zin Phyo Aung

ဒီရုပ်ရှင်လေးကတော့ ရည်းစားဟောင်းရဲ့ မင်္ဂလာဆောင်ကို သွားရှုပ်တဲ့အကြောင်းကိုမှ ပူရဆွေးရတာတွေ၊လက်ခံပေးရတာ၊အသည်းကွဲရတာ၊ အသစ်ပြန်စရတာမျိုးတွေစတဲ့ ချိုချဥ်စပ်ခါးအရသာလေးနဲ့ကြည့်ရှုရမှာပါ၊ ဇာတ်လမ်းကိုတော့ မမAlison Brieနဲ့ ခင်ပွန်းဖြစ်သူ now you see meထဲက မင်းသားDave Francoတို့အတူတူဇာတ်ညွှန်းရေးပြီး အယ်လီနေရာမှာ မမAlison Brieကသရုပ်ဆောင်၊ Dave Francoက ဒါရိုက်တာလုပ်ပြီးအပြိုင်ကြဲထားကြပါတယ်။ အတိတ်မှာဘာပဲဖြစ်ခဲ့ဖြစ်ခဲ့ အတိတ်မှာပဲထားခဲ့၊ လက်ရှိဘဝကိုယူလာရင်တော့ အနာဂတ်ပါရှုပ်ထွေးသွားနိုင်တာကိုရိုက်ပြထားပြီး ကိုယ့်ကိုယ်ကိုလက်ခံတတ်စေဖို့ စိတ်ဝင်စားစရာဇာတ်လမ်းလေးနဲ့ရိုက်ပြထားတဲ့ဇာတ်ကားကောင်းလေးပါပဲ။ ဇာတ်လမ်းအကျဥ်းကတော့ အယ်လီဟာ အစီအစဥ်တင်ဆက်သူတစ်ယောက်၊ အလုပ်ကိုပဲတမ်းတမ်းစွဲလုပ်တတ်သူပေါ့၊ ဒီအလုပ်ကိုရွေးချယ်ခဲ့တာကြောင့် ရည်းစားဟောင်းဖြစ်သူ ရှောင်နဲ့ ကွေကွင်းခဲ့ရတာပေါ့နော်။ သူလုပ်ချင်တဲ့ ရှိုးကို သုံးနှစ်လောက်လုပ်အပြီးမှာ အကြောင်းမလှဘဲရှိုးပွဲကရပ်နားခံလိုက်ရတေ ာ့ အယ်လီတစ်ယောက်စိတ်ဓာတ်တွေကျပြီး မိခင်ရှိရာနယ်မြို့လေးကိုပြန်လာခဲ့တယ်ပေါ့၊ ရောက်တဲ့နေ့မှာပဲ မထင်မှတ်ဘဲ ရီးစားဟောင်း ရှောင်နဲ့ပြန်တွေ့ပြီး ဇာတ်လမ်းလေးတွေပြန်စမယ်ကြံမိခါမှ သူက မင်္ဂလာဆောင်တော့မှာတဲ့၊ အဲ့ဒီနောက်မှာတော့ File Size :(1.5GB) and (644MB) Quality : Blu-Ray 1080P,720p Format…mp4 Duration…01:46:00 Genre : Comedy , Romance Subtitle : Myanmar Subtitle (Hard Sub) Translated by Themes Encoded by Phyo Pyae

IMDb rating ~ 7.8/10 အမေရိကန်ပြည်ထောင်စုက နာဗာဂျိုလို့ခေါ်တဲ့ လူမျိုးစုတွေမှာ အဆိုတစ်ခု ရှိပါတယ် “ကမ္ဘာကြီးကို ကုစားပေးဖို့အတွက် ဘုရားသခင်က မြင်းတွေကို ဖန်ဆင်းပေးခဲ့တာ”ပါတဲ့ အက်ဒီလိုင်းဟာ သာမန်မြင်းတွေထက် ပိုမို ထူးကဲပြီး ကုစားပေးနိုင်စွမ်း မြင့်မားတဲ့ မြင်းမလေးပါ တစ်နေ့မှာ နယူးမက္ကဆီကိုပြည်နယ်ရဲ့ နယ်မြို့လေး တစ်မြို့ဆီ အက်ဒီလိုင်းနဲ့ သူ့သခင်မစ္စကေတို့ ရောက်ရှိလာကြပါတယ် အဲဒီမြို့က သင်းအုပ်ဆရာ ရက်ဗရန့်နဲ့ ဇနီးဖြစ်သူ တယ်ရီတို့မှာ မွေးကတည်းက တစ်ခါမှ စကားမပြောတဲ့ ၈ နှစ်အရွယ် အော်တစ်ဇင်ရောဂါသည် သားလေးတစ်ယောက် ရှိပါတယ် သင်းအုပ်ဆရာကတော့ သူတို့သားလေး စကားမပြောနိုင်တာဟာ ဘုရားသခင်ချမှတ်ပေးထားတဲ့ လမ်းဖြစ်ပြီး ဒီလမ်းအတိုင်း လျှောက်လှမ်းကြရုံပဲရှိတယ်လို့ ခံယူထားသူဖြစ်ပြီးတော့ ဇနီးဖြစ်သူ ကတော့ သူတို့သားလေး စကားပြောနိုင်ဖို့ ဘာမဆို ကြိုးစားကြည့်ချင်တဲ့သူ တစ်ယောက်ပါ မစ္စကေနဲ့ အက်ဒီလိုင်းတို့ ရောက်ရှိလာပြီး အက်ဒီလိုင်းရဲ့ ကုစားပေးနိုင်တဲ့စွမ်းအားတွေအကြောင်း ကြားသိရပြီးတဲ့နောက် သင်းအုပ်ဆရာတို့ ဇနီးမောင်နှံအကြား ပေါ်ပေါက်လာတဲ့ မတူညီတဲ့ တုံ့ပြန်မှုတွေ၊ အထင်အမြင် လွဲမှားမှုတွေအကြောင်း ဒီဇာတ်ကားထဲမှာ ကြည့်ရှူကြရမှာပါ တွေးစရာတွေ၊ သင်ခန်းစာယူစရာတွေ ပေးနိုင်တဲ့ ဇာတ်လမ်းမျိုးကို လိုက်ရှာနေတယ်ဆိုရင်တော့ ဒီဇာတ်လမ််းက ကွက်တိပါပဲ အညွှန်း နဲ့ ဘာသာပြန်ကတော့ Roman NoX ပဲ ဖြစ်ပါတယ်။ Genre..... Drama Quality…. 1080p | 720p | 480p File size…1.6GB |872MB | 382MB Format… mp4 Duration…. 1h 37min Subtitle…. Myanmar Subtitle (Hardsub) Translator ..... Roman NoX Encoder ..... August

A pregဒီတစ်ခါ​တော့ Horror Type ကြိုက်တဲ့ ညိုကီတို့အတွက် Bed Rest ဆိုတဲ့ သရဲကားလာပါပြီ။ သရဲကားဆို​ပေမယ့် သရဲကို တစ်ကားလုံး မြင်​နေရမှာမျိုးမဟုတ်ဘဲ တဖြည်းဖြည်း တစိမ့်စိမ့်နဲ့ ​ခြောက်တဲ့ သရဲကားမျိုးပါ။ အရင်က​လေးကို ဆုံးရှုံးလိုက်ရတဲ့ ဂျူလီ ရေးဗား နောက်ကိုယ်ဝန်​​ဆောင်တဲ့အခါ အိမ်အသစ်တစ်ခုကို ပြောင်းလာပြီး​နောက် အိမ်အသစ်မှာ ထူးဆန်းစရာ တုန်လှုပ်စရာ​တွေကြုံ​တွေ့လာရတဲ့အခါ ကျန်းမာ​ရေးအ​ခြေအ​နေ​ကြောင့်ဆရာဝန်က အိပ်ရာထဲပဲ အနားယူဖို့ ညွှန်ကြားပြီး​နောက် အိမ်အသစ်ကြီးမှာ ဘာ​တွေဆက်ဖြစ်မလဲ... ဂျူလီရေးဗား ကြုံ​တွေ့ရတာ​တွေကို ယုံ​ပေးမယ့်သူရှိလား... အိမ်ကြီးရဲ့ အတိတ်သမိုင်းကဘာ​တွေလဲ... ဂျူလီ​ရေးဗားကို ​ခြောက်လှန့်​နေတာ​တွေက သူ့စိတ်​ကြောင့်ပဲလား အနာဂတ်မှာ ဖြစ်မှာ​တွေက သတိ​ပေး​နေတာ​တွေလား... ဆိုတာ​တွေကို ​ကြောက်လည်း​ကြောက် စိတ်ဝင်စားဖို့ကလည်း​ကောင်း​ကောင်းနဲ့ ကြည့်ရမှာပါ။ ဒီကားရဲ့ ပရိုဂျူဆာတွေကလည်း နာမည်ကျော် Franchise ကြီးဖြစ်တဲ့ Scream ကလူတွေဖြစ်တဲ့အပြင် မင်းသမီးကလည်း Scream ထဲက တစ်ယောက်ပါပဲ။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size - 1.3GB, 700MB Quality - 720p, 480p IMDb Rating - 5.2/10 Format - mp4 Duration - 1H 30Min Genre - Drama, Horror, Mystery Subtitle - Myanmar Subtitle (Hardsub) Translated by DB Encoded by Ynant woman on bed rest begins to wonder if her house is haunted or if it's all in her head.

ကဲ .. ဒီတစ်ပတ်တော့ ကျောင်းသူကျောင်းသားများ ဒါမှမဟုတ် စာမေးပွဲတစ်ခုခုဖြေစရာရှိသူများအတွက် ရုပ်ရှင်ကြည့်လိုက်ရုံနဲ့ ကြိုးစားချင်စိတ် motivation တွေ တဖွားဖွားပေါ်လာစေမယ့် ဂျပန်ရုပ်ရှင်ဇာတ်ကားလေးတစ်ကားနဲ့ မိတ်ဆက်ပေးမယ်။ နာမည်ကတော့ Flying Colors (ဂုဏ်ထူး) ပါတဲ့ ။ ဂျပန်ပြည်တွင်းမှာတော့ Biri Gyaru (ဘိတ်ချီးကောင်မလေး) လို့အမည်ရတဲ့ ဒီဇာတ်ကားလေးဟာ ၂၀၁၅ခုနှစ်မှာ ဒါရိုက်တာ Doi Nobuhiro ကနေ ကျူရှင်ဆရာတစ်ယောက်ရဲ့ ဖြစ်ရပ်မှန်ဝတ္ထုကိုအခြေခံရိုက်ကူးထားတဲ့ ဘဝဟာသဇာတ်ကားတစ်ကား ဖြစ်ပြီး၊ ဂျပန် Box office မှာ နံပါတ်တစ်ချိတ်ခဲ့တဲ့ ဇာတ်ကားတစ်ကားလည်း ဖြစ်ပါတယ်။ Gyaru ဆိုတာကတော့ ဂျပန်ဖက်ရှင် ၊ music ပိုင်းနဲ့ ရင်းနှီးသူတွေအတွက် ခဏခဏကြားဖူးနေပါလိမ့်မယ်။ Gal(Girl) ဆိုတာက ဂျပန်အသံထွက်နဲ့ slang ပုံစံသုံးကြရာက တွင်ကျယ်လာတဲ့ ဒီစကားလုံးဟာ သုံးနှုန်းပုံဖွင့်ဆိုချက်တွေ၊ အမျိုးအစားတွေအများကြီးရှိပေမယ့် ဒီမှာနားလည်ရလွယ်အောင်လို့ အလှအပအရမ်းဦးစားပေးပြီး၊ ခေတ်ပေါ်ဖန်စီရှုပ်ရှုပ်ယှက်ယှက်တွေအများကြီးဆင်ယင်ထားတဲ့၊ ကလေးဆန်တဲ့ခေတ်ကောင်မလေး လို့ပဲ ဆိုကြပါစို့။ Kudo Sayaka ဟာ ဆံပင်ရွှေရောင်ဆိုးထားတဲ့ Gyaru တစ်ယောက်ဖြစ်ပါတယ်။ သာမန်မိန်းကလေးအထက်တန်းကျောင်းတစ်ကျောင်းမှာ တက်ရောက်နေတဲ့ Sayaka ဟာ ကျောင်းစာကိုလုံးဝ(လုံးဝ)ကိုစိတ်မဝင်စားသလို အနာဂတ်အတွက်လည်းဘာမှအပူအပင်ရှိစရာမလိုပဲ အတန်းချိန်မှာ အေးအေးလူလူ စကားပြောလိုက်၊ မိတ်ကပ်လိမ်းလိုက်လုပ်နေတဲ့ ကောင်မလေးတစ်ယောက်ပေါ့။ တစ်နေ့တော့ Sayaka ဆီကနေ ဆေးလိပ်ဘူး မိပြီးနောက် သူ့သူငယ်ချင်းတွေကိုပါဖော်ကောင်လုပ်ဖို့ ငြင်းဆန်တဲ့ Sayaka တစ်ယောက်တည်း ကျောင်းနားခံလိုက်ရပါတယ်။ စာမေးပွဲအမှတ်တွေကလည်း အားရစရာ၊ ဟိုးအောက်ကကို မတက်တဲ့ကြားထဲ ဒီလိုပြဿနာတွေဖြစ်လာတဲ့ Sayaka ဟာ အထက်တန်းဒုတိယနှစ်၊ နောက်နှစ်ဆို တက္ကသိုလ်ဝင်တန်းဖြေရတော့မယ် ဆိုတော့ အမေဖြစ်သူက စိတ်မအေးနိုင်ပဲ အပြင်ကျူရှင်အပ်ဖို့ လုပ်လာရပါတယ်။ အမေဖြစ်သူခေါင်းမီးတောက်နေချိန်မှာ အဖေဖြစ်သူကတော့ Sayaka ရဲ့မောင်လေးဖြစ်သူ Ryuta ကို ဘေ့စ်ဘောကစားသမားတစ်ယောက်ဖြစ်လာအောင် ပျိုးထောင်ဖို့သာအားသန်လျက်ရှိပါတယ်။ သူကိုယ်တိုင်မဖြစ်ခဲ့ရလို့ သားဖြစ်သူအပေါ် ရည်မှန်းချက်ထားလွန်းတဲ့ ဖခင်ဖြစ်သူဟာ Sayaka နဲ့အငယ်ဆုံးညီမလေးကို လုံးလုံးဂရုမစိုက်တော့ပဲ ဘေ့စ်ဘောပဲရူးနေတာပေါ့။ ဒါကလည်း Sayaka တစ်ယောက် ဒီလိုပုံစံဖြစ်လာဖို့ တွန်းအားဖြစ်ခဲ့ပါတယ်။ ငယ်ငယ်ကကျောင်းခဏခဏပြောင်းရပြီး၊ သူငယ်ချင်းဖွဲ့ရမှာကြောက်တတ်တဲ့ Sayaka ကို ပထမဆုံးနွေးနွေးထွေးထွေးဆက်ဆံခဲ့တဲ့ သူငယ်ချင်းသုံးယောက်က သူ့လိုပဲမထူးခြားနား Gyaru တွေဖြစ်ကြပြီး၊ ကျောင်းမှာအမွှေဆုံးအုပ်စုအဖြစ် ထင်ရှားပါတယ်။ ဒီလို Sayaka ကို တက္ကသိုလ်ဝင်တန်းအတွက်ပြင်ဆင်ဖို့အတွက် အမေဖြစ်သူက အပြင်ကျူရှင်ဆရာတစ်ယောက်ဖြစ်တဲ့ Tsubota Yushitaka ဆီအပ်ပါတယ်။ ပထမဆုံးနေ့မှာအစမ်းtestလေးတစ်ခုဖြေခိုင်းတော့ အားရစရာ ဇီးရိုးကိုက်၊ဥမကွဲတဲ့ Sayaka ကို သြချမိပေမယ့် လက်တော့မလျှော့သေးပါဘူး။ ထူးခြားတဲ့သင်ကြားမှုပုံစံနဲ့ Tsubota ဟာ တပည့်တွေအကြိုက်ကိုလိုက်ပြီး၊ရင်းနှီးမှုရယူ ၊ ပြီးတော့ သူတို့စိတ်အားတက်အောင် များများချီးကျူးပေးပြီး သင်ကြားတတ်တဲ့ ဆရာတစ်ယောက်လည်း ဖြစ်ပါတယ်။ အခုလို ဥမကွဲတာကိုတောင် ပြန်ပြီး၊ ချီးကျူးလိုက်တော့ ဆရာတွေဆီမှာတစ်ခါမှချီးကျူးမခံရဖူးတဲ့ Sayaka တစ်ယောက် နည်နည်းတော့ပျော်သွားပါတယ်။ Tsubota က ရည်မှန်းချက်မြင့်မြင့်ထားဖို့ပြောပြီး၊ သူရွေးပေးလိုက်တဲ့ ကျောင်းက ဂျပန်နိုင်ငံရဲ့ ထိပ်ဆုံးကတက္ကသိုလ်တစ်ခုဖြစ်တဲ့ Keio University ဖြစ်နေပါတယ်။ Tsubotaရဲ့ မက်လုံးကတော့ Keio က ကောင်လေးတွေချောတယ်လို့နာမည်ကြီးပါတယ်တဲ့။ test ရလဒ်တွေအရဆိုရင် လေးတန်းလောက်သာသာ ပညာရေးအဆင့်ရှိတဲ့ Sayaka က Keio သွားမယ်ဆိုတော့ သူ့အမေကလွဲလို့ အားလုံးရယ်ကြတာပေါ့။ အထူးသဖြင့် သူတို့အတန်းပိုင်ဆရာက (သူကလည်း မွှေလွန်းတဲ့ Sayaka တို့အုပ်စုကို မျက်မုန်းကျိုးနေတာ) Keio ဝင်ဖို့ ဘယ်လိုမှမဖြစ်နိုင်ဘူး ဆိုပြီး ၊ စကားနိုင်လုကြရာက Sayaka နဲ့ ကျောင်းရှေ့မှာအင်္ကျီချွတ်ကြေး အလောင်းအစားလုပ်ကြပါတော့တယ်။ အဲဒီမှာပဲ အစကဟာသတစ်ခုလိုသဘောထားရာက Sayaka ဟာ သူ့ရဲ့ Keio ပန်းတိုင်ကို နည်းနည်းseriousထားလာပြီး၊ နောက်ပိုင်း အိမ်မှာ ပြဿနာတွေတက်ကြရာက အဖေဖြစ်သူခနဲ့တဲ့စကားတွေကို မခံချင်တဲ့စိတ်နဲ့ ကြိုးစားဖို့ ဆုံးဖြတ်လိုက်ပါတော့တယ်။ ဒါပေမယ့် ကျောင်းစာမရရုံတင်မဟုတ် ပြင်ပဗဟုသုတပါလုံးဝမရှိတဲ့ Sayaka (သူဟာ Santa Clause နဲ့ Ultraman တို့ကိုအပြင်မှာတကယ်ရှိတယ်လို့ယုံပါတယ်) ကို Tsubotaအတွက် စာသင်ပေးရတာလွယ်ကူတဲ့ကိစ္စတစ်ခုမဟုတ်သလို နေ့ချင်းညချင်းလည်းအဆင့်တွေဝုန်းခနဲတက်မလာပါဘူး။ ဒါပေမယ့် သူ့ရဲ့ တပည့်တွေစိတ်ဝင်စားမှု၊ အကြိုက်ပေါ်လိုက်ပြီး၊ မတူညီတဲ့ချဉ်းကပ်မှုအမျိုးမျိုးနဲ့ (ဥပမာ Idol ကြိုက်သူဆိုရင် Idol တွေနဲ့၊ Anime ကြိုက်သူဆိုရင် Anime နဲ့၊ Game ကြိုက်သူဆိုရင် Gameနဲ့) သင်ကြားပေးတဲ့စနစ်ဟာ အလုပ်ဖြစ်လာမယ်လို့ စွဲစွဲမြဲမြဲယုံကြည်ထားသူပါ။ အချိန်တွေကုန်လွန်လာတာနဲ့အမျှ Sayakaတစ်ယောက် သူ့ကိုချစ်လွန်းတဲ့အမေအတွက် ရည်မှန်းချက်အပေါ် ပိုစိတ်အားထက်သန်လာပြီး၊ သူမရဲ့ကြိုးစားအားထုတ်မှုက သူ့ပတ်ဝန်းကျင်ကလူတွေ၊ ကိုယ့်ရည်မှန်းချက်ကို သားဖြစ်သူအပေါ် အတင်းဖိသွင်းတတ်တဲ့ဖခင်၊ ဝါသနာပါတာမလုပ်ရပဲ ဘေ့စ်ဘောပဲကစားနေတဲ့ မောင်ဖြစ်သူ၊ Sayaka ရဲ့ အချစ်ဆုံးသူငယ်ချင်း မိGyaruလေးတွေ၊ သူတို့ကျူရှင်မှာပဲလာအပ်ထားတဲ့ နာမည်ကျော်ရှေ့နေမျိုးရိုးရဲ့ သား မောင်Yankee(ကျောင်းလူမိုက်)လေး၊ နောက်ဆုံး ကိုယ့်ကိုကိုယ်ယုံကြည်မှုအားနည်းနေတဲ့ Tsubota ကိုယ်တိုင်ဆီမှာ လွှမ်းမိုးမှုတွေဖြစ်လာပါတော့တယ်။ တစ်ရက်မှာတော့ အင်္ဂလိပ်စာတစ်သက်မှာတစ်ခါမှမအောင်ဖူးတဲ့ Sayaka တစ်ယောက် အမှတ်၇၀ ထိရခဲ့ပြီးနောက်မှာတော့ … သူမအနေနဲ့ Keio တက္ကသိုလ်ရှေ့မှာ fresher ကျောင်းသူတစ်ယောက်အနေနဲ့ ဓာတ်ပုံရိုက်ခွင့်ကြုံနိုင်မလား .. ဆိုတာ ဆက်လက်စောင့်ကြည့်လိုက်ကြပါဦး။ ပုံမှန်တွေ့နေကျ အထက်တန်းကျောင်းနောက်ခံဂျပန်ဇာတ်ကားတွေနဲ့ တော်တော်လေးကွဲပြားနေတာကိုတော့ ဇာတ်လမ်းအကျဉ်းဖတ်ကြည့်ရုံနဲ့ သိနိုင်ပါတယ်။ ကိုယ်တိုင်မမြင်ဖူးတော့မသိပေမယ့် ဒီဇာတ်ကားထဲက မိန်းကလေးအထက်တန်းကျောင်းတွေနဲ့ Gyaru character တွေကိုသရုပ်ဖော်ပြမှုဟာ တော်တေ်ာလေးမှန်ကန်တယ်လို့ ဆိုကြပါတယ်။ ရုတ်တရက်ကြည့်ရင်တော့ စာစိတ်မဝင်စားပဲ အလှအပ၊အပျော်အပါးပဲမက်တဲ့ ပေါ့ပျက်ပျက်ကောင်မလေးကို အသိတရားရအောင်စာသင်ပေးတဲ့ဇာတ် လို့ ခေါင်းကြီးတပ်နိုင်ပေမယ့် အဓိကဇာတ်ကောင် ကောင်မလေး Sayaka ရဲ့ ကြီးပြင်လာပုံ ၊ ပြီးတော့ သူမရဲ့လက်ရှိမိသားစုအခြေအနေတွေပါထည့်တွက်ကြည့်လိုက်တော့ ခုနကလိုလွယ်လွယ်ပြောလို့မရတော့တာ တွေ့ရမှာပါ။ တစ်နေရာမှာတော့ ကျောင်းကအတန်းပိုင်ဆရာကနေ ကျူရှင်ဆရာ Tsubota ကိုလာပြီးသတိပေးတဲ့ဇာတ်ဝင်ခန်းတစ်ခန်းပါပြီး၊ ကျွန်တော်တို့အနေနဲ့သိပ်နားမလည်တဲ့ ကျူရှင်နဲ့ကျောင်းကြီးကြားက အားပြိုင်မှု၊ တက္ကသိုလ်ဝင်ခွင့်အားပြိုင်မှုတွေဘာတွေကို သရုပ်ဖော်ထားတာက သူတို့ပြည်တွင်းကလူတွေအနေနဲ့ ပိုrelateဖြစ်နိုင်မယ့် ဇာတ်လမ်းဇာတ်ကွက်မျိုးတွေလို့ ဆိုရမှာပါ။ ပိုပြီးသဘောကျစရာတစ်ချက်ကတော့ ပြသချိန်၂နာရီအတွင်းမှာ Sayaka ရဲ့ လေးတန်းအသိဉာဏ်နဲ့ အထက်တန်းကျောင်းသူလေးအဖြစ်ကနေ Keio ဝင်ခွင့်စာမေးပွဲကြီးဆီသို့သွားရာလမ်းအတိုင်း ကိုယ်ကိုယ်တိုင်ဘေးကလိုက်ပြီး၊ ဖြတ်သန်းခဲ့ရသလို ခံစားချက်မျိုး ပေးစွမ်းနိုင်တာပါ။ ဘယ်လိုပြောရမလဲ။ ကြည့်ရှုသူပရိသတ်အနေနဲ့ ဇာတ်လမ်းအစက Sayaka နဲ့ အဆုံးက Sayaka က တစ်ယောက်တည်းပေမယ့် ဘာတွေကွဲပြားသွားသလဲဆိုတာ အသေအချာမြင်နိုင်ပြီး၊ ဘာလို့ဒီလိုပြောင်းလဲသွားသလဲဆိုတာ သိနေတဲ့ပုံစံမျိုးပေါ့။ Sayaka တစ်ယောက်တည်းမဟုတ်ဘူး။ ပါဝင်တဲ့တစ်ခြားဇာတ်ကောင်တွေလည်း ဇာတ်လမ်းပြီးတဲ့အချိန်မှာ အနည်းငယ်စီကွဲပြားပြောင်းလဲသွားကြတဲ့ပုံစံလေးတွေ တွေ့ကြရမှာပါ။ ဒါကလည်း ဒါရိုက်တာ Doi Nobuhiro (Hanamizuki ၊ Kirin no Tsubasa) ရဲ့ ရိုက်ကူးမှုနဲ့ pacing တွေကို ချီးကျူးရမှာဖြစ်သလို Sayaka အဖြစ်ခေါင်းဆောင်ပါဝင်တဲ့ မင်းသမီး Arimura Kasumi (Strobe Edge)ရဲ့ သရုပ်ဆောင်စွမ်းရည်အပါဝင် တခြား ဇာတ်ပို့castတွေရဲ့ ကောင်းမွန်တဲ့performance တွေကြောင့်လည်း အများကြီးပါပါတယ်။ ရုပ်ရှင်ထဲမှာပဲကွာ ကြိုးစားရတာလွယ်မှာပေါ့ လို့ဆိုချင်ဆိုလိမ့်မယ်။ ဒါပေမယ့် တကယ်မဖြစ်နိုင်ဘူးလား။ ဖြစ်နိုင်တာပေါ့ ။ အပြင်မှာလည်း ဒီလိုမျိုးသာဓကတွေရှိတာပဲ ။ မှန်ကန်တဲ့သင်ကြားလမ်းပြမှု နဲ့ လက်တွေ့ကြိုးစားမှုနဲ့ ပေါင်းစပ်လိုက်ရင် အောင်မြင်တာ၊မအောင်မြင်တာ အသာထား ၊ ပြောင်းလဲမှုတစ်ခုခုကိုတော့ပြုလုပ်နိုင်စွမ်းရှိကြတာပဲ မဟုတ်လား။ ပြောရရင် ဒီဇာတ်လမ်းကိုယ်တိုင်ကိုက ကျူရှင်ဆရာတစ်ယောက်ဖြစ်တဲ့ Tsubota Nobutaka ရဲ့ ကိုယ်တွေ့ဖြစ်ရပ်မှန်လို့ဆိုတဲ့ စာအုပ်ကို ရိုက်ကူးထားတာပဲလေ။ ဘာပဲဖြစ်ဖြစ်ပါ။ ဒီဇာတ်ကားပြီးဆုံးသွားတဲ့အချိန်မှာ ကျန်ရစ်ခဲ့တဲ့ raw feeling လေးတစ်ခုနဲ့တင် လက်ရှိရောက်နေတဲ့နေရာကနေ နည်းနည်းပဲဖြစ်ဖြစ် ကြိုးစားချင်စိတ်လေးတစ်ခု ပေါ်လာမိလိမ့်မှာတော့ အသေအချာပါပဲ။ ။ #Samuri (ရုပ်ရှင်အညွှန်းနဲ့ ဘာသာပြန်ကို myotaku.club မှ Samuri (Soe Nyein Oo) မှ တင်ဆက်ထားတာပါ။) File size…(1.3 GB)/(670 MB) Quality….BluRay 1080p/720p Format…mkv Duration….01:56:23 Subtitle….Myanmar Subtitle (Hardsub) Encoder….Nyeinsaeya Aung Translated by Samuri

အနာဂတ်ကာလမှာ အချိန်ခရီးသွားခြင်းကိုအောင်မြင်ခဲ့ကြပါတယ်။ ပိုက်ဆံရှိတဲ့ သူဌေးတွေကတော့ ပိုက်ဆံအများကြီးပုံပေးရင်း အတိတ်ကိုပြန်သွားပြီး သမိုင်းဝင်ဖြစ်ရပ်တွေကိုကြည့်ကြတာ၊ အတိတ်ကို မတော်တဆ (သို့) တမင်ပြောင်းလဲတာမျိုးတွေ လုပ်ပစ်ကြလေ့ရှိပါတယ်။ သူတို့ပြောင်းလဲလိုက်တာတိုင်းက အနာဂတ်အချိန်ကို အချိန်ကူးပြောင်းမှုဆိုတွေလှိုင်းတွေနဲ့ရိုက်ခတ် လေ့ရှိပြီး တချို့လူတွေ၊ ဖြစ်ရပ်တွေက ပြောင်းလဲသွားတတ်ကြပါတယ်။ နစ်ခ်နဲ့ ဂျန်နင်ကတော့ ပျော်ရွှင်စွနေထိုင်နေကြတဲ့အတွဲလေးဖြစ်ပြီး လတ်တလောလေးမှာတင် အချိန်ကူးပြောင်းမှုလှိုင်းသုံးခုလောက် ရိုက်ခတ်တာခံထားရတာပါ။ ဒီလိုနဲ့ နစ်ခ်ကလည်း ဂျန်နင်ရဲ့ ခင်ပွန်းဟောင်း သူဌေး တွမ်မီက အချိန်ခရီးသွားပြီး သူတို့ရဲ့ ဖြစ်တည်မှုကိုဖျောက်ဖျက်အောင်လုပ်ဖို့ ကြိုးစားနေတယ်လို့ သံသယဝင်လာခဲ့ပါတော့တယ်။ တနေ့မှာတော့ နစ်ခ်နဲ့ဂျန်နင်တို့ ခရီးသွားဖို့လုပ်နေကြတုန်းမှာပဲ အချိန်ကူးပြောင်းမှုလှိုင်းရိုက်ခတ်တာကိုခံလိုက်ရပြီ ဂျန်နင်က တွမ်မီဆီကိုပြန်ရောက်သွားခဲ့ပါတယ်။ ဒီလိုနဲ့ နစ်ခ်လည်း အနာဂတ်ကာလအချိန်မှာပဲ ပိတ်မိနေမလား၊ သူ့မိန်းမဂျန်နင်ကို ပြန်ရအောင်ကြိုးစားမလား၊ သူ့မိန်းမနဲ့အတူ ပြန်ရှိနေနိုင်ပါ့မလားဆိုတာကို ဆက်လက်ကြည့်ရှုလိုက်ကြပါဦးဗျ။

Comrades, Almost A Love Story (1996) ~ IMDb – 8.1/10, Rotten Tomatoes – 89% ~ Directed By Bunny Chan အချစ်ဇာတ်လမ်းတွေဟာ သိပ်ခမ်းနားပါတယ်။ အထူးသဖြင့် ဘာမှခမ်းနားမနေတဲ့ အချစ်ဇာတ်လမ်းတွပေါ့။ Comrades ဟာ ဘာမှ မထူးဆန်းတဲ့ အချစ်ဇာတ်လမ်းတစ်ပုဒ်ကို အလှပဆုံးသီချင်းတွေ၊ အလှပဆုံးစီနီမာတိုဂရပ်ဖီတွေ သုံးပြီး အလိုက်ဖက်ဆုံး ဇာတ်ကောင်တွေနဲ့ ပုံဖော်ထားတဲ့ ရုပ်ရှင်ပါပဲ။ ၉၀ပြည့်နှစ် အလယ်ပိုင်းတွေမှာ ပြည်မကလူတွေဟာ ကြိုးစားရင် ဘာမဆိုဖြစ်နိုင်တယ်ဆိုတဲ့ စီးပွားရေးအခွင့်အလမ်းကောင်းတဲ့ ဟောင်ကောင်ကို အိပ်မက်တွေအလီလီနဲ့ ပြောင်းလာခဲ့ကြတယ်။ အဲဒီပြောင်းလာခဲ့တဲ့ထဲ နှစ်ယောက်က လီယွန်လိုင်နဲ့ မက်ဂီချောင်တို့ရဲ့ ဇာတ်ကောင်၂ကောင်လည်းပါတယ်။ လီယွန်လိုင်ရဲ့ ဇာတ်ကောင်ကတော့ သူ့ရည်းစားကို ဟောင်ကောင်ခေါ်ပြီး လက်ထပ်ဖို့ လုံလောက်အောင် ငွေရှာချင်ရုံပါပဲ။ မက်ဂီချောင်ရဲ့ ဇာတ်ကောင်ကတော့ အိပ်မက်တွေ ဟိုးအမြင့်ကြီးနဲ့။ သူတို့ဇာတ်ကောင်၂ကောင်ဟာ အဲဒီခေတ်က ပြည်မကနေ ဟောင်ကောင်ကို ပြောင်းလာခဲ့တဲ့ သူတွေရဲ့ အခြေအနေကို ကောင်းကောင်းကြီး ပုံဖော်ထားခဲ့သလို ပြည်မကလူတွေ တောသားမြို့တက်အထင်ခံရမှာစိုးတဲ့ သဘာ၀ကိုလည်း ပုံဖော်ထားခဲ့တယ်။ အဲဒီလိုပုံဖော်ထားတဲ့အထဲ ရယ်ရခက်ငိုရခက် တစ်ချက်ကိုပြောရရင် ပြည်မကလူတွေဟာ Teresa Tang ဆိုတဲ့ အဆိုတော်ကို တော်တော်သဘောကျကြတယ်။ မက်ဂီချောင်ဟာ ပြည်မမှာ Teresa Tang အခွေတွေ ရောင်းတုန်းက အရမ်းရောင်းကောင်းခဲ့တော့ ဟောင်ကောင်ပွဲဈေးမှာရောင်းဖို့ ရှိသမျှပိုက်ဆံတွေကို Teresa အခွေတွေ၀ယ်ပြီး ရင်းခဲ့တယ်။ ကံဆိုးချင်တော့ ဟောင်ကောင်မှာ Teresa သီချင်းနားထောင်ရင် ပြည်မသားဆိုတာ လိုက်ပြောလိုက်သလိုဖြစ်နေတော့ ကြိုက်ကြပေမဲ့ ဘယ်သူ့မှ မ၀ယ်ကြပါဘူး။ ဒီလိုနဲ့ မက်ဂီချောင် အရင်းပြုတ်သွားတယ်။ ဒီလိုဆိုလို့ Teresa ကို ခပ်ညံ့ညံ့အဆို‌တော် မထင်လိုက်ပါနဲ့။ Teresa ဟာ တရုတ်ပြည်ရဲ့ ဂန္တ၀င်အဆိုတော်လို့ ပြောလို့ရပြီး တရုတ်တွေရှိတဲ့ နေရာတိုင်းမှာ Teresa သီချင်းသံကြားရတယ်ဆိုပါတယ်။ ဒီရုပ်ရှင်မှာ Teresa သီချင်းတွေ နေရာမလပ် လွှမ်းခြုံထားသလို ဒီရုပ်ရှင်မှာ Teresa ဟာ အရေးကြီးတဲ့ ဓာတ်ကူပစ္စည်းလည်း ဟုတ်ပါတယ်။ Comrades ရုပ်ရှင်ရဲ့ တရုတ်နာမည်က Tian Mi Mi ဆိုတဲ့ Teresa သီချင်းနာမည်ကို ယူထားတာဖြစ်သလို ဒီရုပ်ရှင်အနှံ့မှာ Tian Mi Mi သီချင်းကို ကြားရမှာပါ။ တော်တော်ကောင်းတဲ့ သီချင်းပါပဲ၊ YouTubeမှာ အလွယ်တွေ့နိုင်ပါတယ်။ တရုတ်ပေါ့ဂီတရဲ့ နတ်မင်းကြီးလေးပါးစာရင်း၀င်တဲ့ လီယွန်လိုင်ဟာ ဝေါင်ကာဝေးရဲ့ Fallen Angels မှာ ခပ်မိုက်မိုက် ကြေးစားလူသတ်သမား ဇာတ်ကောင်နေရာနဲ့ ပီပြင်ခဲ့သလို ဒီထဲလည်း ပြည်မကနေ ဟောင်ကောင်တက်လာတဲ့ အူတူတူ အတတ ဇာတ်ကောင်နဲ့ ပီပြင်တဲ့ သရုပ်ဆောင်ကောင်းပါပဲ။ ဒီရုပ်ရှင်ထဲက သူ့ဇာတ်ကောင်ဟာ သူ့ဘ၀ကို ထင်ဟပ်နေတယ်လို့လည်းဆိုပါတယ်။ သူ့ရုပ်ရှင်ဆိုလို့ နှစ်ကားတည်း ကြည့်ဖူးပေမဲ့ လီယွန်လိုင်ဟာ ဒီတစ်ကားနဲ့တင် တော်တော်သရုပ်ဆောင် ကောင်းတဲ့သူဆိုတာ မြင်သာပါတယ်။ ကျွန်တော်တို့ရဲ့ မက်ဂီကတော့ ဒီထဲပိန်ချုံးကျနေပြီး အရင်လောက် မလှဘူးထင်ရပေမဲ့ တစ်နေ့လေးနာရီလောက်ပဲ အိပ်ပြီး အလုပ်ကြိုးစားနေတဲ့ ကောင်မလေးဇာတ်ရုပ်မှာ ဒီပုံစံက အံ၀င်ခွင်ကျပါပဲ။ ဒီလိုကမောက်ကမခေတ်ကြီးမှာ ဒီရုပ်ရှင်နဲ့ ရင်ဘတ်ချင်းနီးတဲ့သူတွေ များလောက်မှာပါပဲ။ အိပ်မက်တွေရှိတယ်။ ကြိုးစားကြည့်ကြတယ်။ လဲကျကြတယ်။ အချစ်တွေရှိတယ်။ ဘ၀တွေက အဆင်ပြေမနေခဲ့ဘူး။ အချိန်မှား နေရာမှား ရောက်လာရသလို လမ်းလွဲခဲ့ကြတယ်။ Comrades ဟာ ဒီအကြောင်းတွေကို ရိုက်ပြထားတဲ့ အချစ်ဇာတ်လမ်းဖြစ်လုနီးနီး ဘ၀နှစ်ခုအကြောင်းဇာတ်လမ်းတစ်ပုဒ်ပါပဲ။ ကျွန်တော့်အနေနဲ့တော့ ထိုင်၀မ်နဲ့ ပြည်မက မာစတာပိစ်တွေထဲ သူတို့ခေတ် သူတို့အခြေအနေကို ထင်ဟပ်တဲ့ ရုပ်ရှင်ကောင်းတွေ တွေ့ရပေမဲ့ ဟောင်ကောင်မှာ ဒီလိုမျိုးရုပ်ရှင်တွေကို မကြည့်ဖူးခဲ့ပါဘူး။ ဥပမာဆို – A Brighter Summer Day မှာ ပြည်မကနေ ထိုင်၀မ်ခွဲထွက်ပြီး နောက်ပိုင်း အခြေအနေတွေကို ပြထားတဲ့ ပုံစံမျိုးပေါ့။ Comrades ကတော့ အချစ်ဇာတ်လမ်းလည်းဖြစ်သလို အဲဒီလိုဇာတ်လမ်းတွေရဲ့ အရသာကိုလည်း ပေးနိုင်ခဲ့တဲ့ ဟောင်ကောင်ရဲ့ အရာရာလှပနေတဲ့ မာစတာပိစ်တစ်ကားပါပဲ။ ဒီဇာတ်လမ်းကိုရေးတဲ့ Ivy Ho ဟာ ဇာတ်ညွှန်းဆုများစွာရခဲ့သလို ရုပ်ရှင်ကလည်း တခြားဆုများစွာလည်း ရထားတယ်။ ထူးတာကတော့ ဒီရုပ်ရှင်မှာ ဝေါင်ကာဝေးရဲ့ ပင်တိုင် စီနီမာတိုဂရပ်ဖာ ခရစ္စတိုဖာဒွိုင်းက အင်္ဂလိပ်စာသင်တဲ့ဆရာ အဖြစ် သရုပ်ဆောင်ထားပါသေးတယ်။။ လူပြောတော်တော်များပေမဲ့ ဒီလောက်ကောင်းတဲ့ ရုပ်ရှင်ကို အရင်က မကြည့်ဖြစ်ခဲ့ပါဘူး။ သို့ပေမဲ့ နောင်တတော့မရပါဘူး။ ဒီလိုအခြေအနေတွေမှာ ကြည့်မှ ပိုနီးစပ်သွားမယ့်ရုပ်ရှင်လို့ ယူဆလို့ပါပဲ။ ဗိန်းဗောင်းဆင့်ရောက်လာတဲ့ ကမောက်ကမခေတ်မှာ အခြေအနေအချိန်အခါတွေ မလွယ်တဲ့ဘ၀တွေကြောင့်နဲ့ လမ်းလွဲခဲ့ရတဲ့ ချစ်ခြင်းတွေ နည်းမှာမဟုတ်ပါဘူး။ Comrades ဟာ အဲဒီအချစ်တွေကို ထင်ဟပ်မိလောက်မယ့် ရုပ်ရှင်ပါ။ ပုဂ္ဂလိက အမြင်အရတော့ အကြိုက်ဆုံးရုပ်ရှင် ဆယ်ဂဏန်းထဲ စာရင်းသစ်၀င်သွားတဲ့ ရုပ်ရှင်တစ်ကားပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 3.2GB, 1.23GB Quality – Blu-ray 1080p, 720p IMDb Rating – 8.1/10 Format – mp4 Duration – 1H 58Min Genre – Drama, Romance Subtitle – Myanmar Subtitle (Hardsub) Translated by WiRa Aung Encoded by Y

ဒီနေ့တင်ဆက်ပေးမှာကတော့ စပိန်ခရီးသွား ဟာသကားလေးဖြစ်ပါတယ်။ ဟူလီယန်က အသက်၅၀ အရွယ် ရုံးဝန်ထမ်း တစ်ယောက်ဖြစ်ပါ။ မိန်းမနဲ့ ကွာရှင်းထားပြီး ငွေကြေးလိုအပ်ချက်အရ Application တစ်ခုမှာ ပို့စ်တင်ပြီး လူသုံးယောက်နဲ့အတူ ကားမျှစီးလေ့ရှိပါတယ်။ သူ ကြိတ်ခိုက်နေရသူလေးကတော့ ပုံမှန်ခရီးသည် ကောင်မလေး လော်ရယ်နာပါ။ လော်ရယ်နာကတော့ အသက် ၂၉ နှစ်အရွယ် ခပ်မိုက်မိုက်ကောင်မလေးပါ။ မက်ဒရစ်မှာ အလုပ်လုပ်ပြီး ပိတ်ရက် အမေနဲ့ အဖေဆီ ပြန်ရတာ ပင်ပန်းလို့ စိတ်ညစ်နေသူပါ။ လော်ရယ်နာနဲ့ ဟူလီယန်အတူ ကားမျှစီးကြတာ ခြောက်လလောက်ရှိပါပြီ။ လော်ရယ်နာလေးနဲ့ အေးအေးဆေးဆေး ခရီးသွားရဖို့ ဟူလီယန်တစ်ယောက် ကားအတူစီးဖို့ ခပ်ဝဝ ရုပ်ဆိုးဆိုး ယောကျ်ားလေးတွေကိုပဲ သေချာ ရွေးတင်လေ့ရှိပါတယ်။ ဒါပေမဲ့ ဘဝဆိုတာ စီစဉ်ထားတဲ့အတိုင်း ဖြစ်မလာတတ်လေတော့….. တစ်ရက်မှာ ဝမ်းကွဲအစ်ကိုရဲ့ ပရိုဖိုင်သုံးပြီး ကားပေါ်လိုက်လာတဲ့ ခပ်မိုက်မိုက်ကောင်လေး ဆာရ်ဂီယိုကြောင့် ပြဿနာ စတက်ပါတော့တယ်။ ဟူလီယန်နဲ့ ခရီးသွားဖော် သုံးယောက် မက်ဒရစ်ကို သွားတဲ့လမ်းတစ်လျှောက် ဘာတွေလွဲကြ ခွါကြပြဲကြဦးမလဲဆိုတာ စောင့်ကြည့်လိုက်ကြပါဦးနော် File size…(1.6 GB)/(940 GB)/(460 Mb) Quality….Webrip 1080p / 720p / 480p Format…mp4 Duration….01:39:00 Genre…Comedy Subtitle….Myanmar Subtitle (Hardsub) Encoder….Mr. Anderson Translated by Phu Myat Thwe

Batman Unlimited: Monster Mayhem(2015) IMDb: 5.6/10 Rotten Tomatoes : 80% Batman Unlimited: Monster Mayhem ဟာ DC မှထုတ်ထားတဲ့ Animation ဇာတ်လမ်းကောင်းတစ်ပုဒ်ဖြစ်ပါတယ်။ အတော်လေးလည်းကြည့်လို့ကောင်းတဲ့ Animation ဆိုလည်းမမှားပါဘူး။ ဇာတ်လမ်းအညွှန်း ဆေးဗားလ် ဘန်ရှီးနဲ့ ဆော်လမွန် ဂရမ်ဒီတို့နှစ်ယောက် အာခမ်ကနေ ဟော်လိုးဝင်းညမှာ ဖောက်ပြေးလာခဲ့ပါတယ်။ နှစ်ယောက်သားထွက်ပြေးရင်း စကဲခရိုးနဲ့တွေ့ခဲ့ပါတယ်။ စကဲခရိုးဟာအစည်းအဝေးလုပ်မယ့်နေရာကိုခေါ်သွားတော့ ရှိနေတဲ့လူဆိုးတွေက စကဲခရိုး၊ ဆော်လမွန်ဂရန်ဒီ၊ ဆေးလ်ဗားဘန်ရှီး၊ ကလေးဖေ့စ် တို့ပဲဖြစ်ပါတယ်။ သူတို့အားလုံးကိုအစည်းအဝေးခေါ်လိုက်သူကတော့ ဂျိုကာပဲဖြစ်ပါတယ်။ သူတို့အဖွဲ့ဟာ ဂိုဂိုရိုတိုဆိုတဲ့ ဂိမ်းဒီဇိုင်နာတစ်ယောက်ကို ဖမ်း၊ အင်ကာပြတိုက်ထဲကနေပြီး အဖိုးတန်နှင်းဆီ ကျောက်တုံးကိုခိုးခဲ့ပါတယ်။ ဂျိုကာတို့ဘာတွေကြံစည်နေတာလဲ။ အဲဒါကို ဘတ်မန်း၊ အိုလီဗာ(ဂရင်းအဲရိုး)၊ တင်မ်ဒရိတ်(ရက်ဒ်ရော်ဘင်)၊ ဆိုက်ဘော့တို့ကဘယ်လိုများတားဆီးသွားမှာလဲ။ File size… 1.2 GB / 590 MB Quality… BluRay 1080p / 720p Format… mp4 Duration…. 1h 21m Genre ….. Animation, Action, Adventure Subtitle…. Myanmar Subtitle (Hard Sub) Encoder…. LegoHeart Translated by Lucifer Maximoff

Ipar Adalah Maut (2024) IMDb Rating (7.3) အင်ဒိုနီးရှားနိုင်ငံမှာ တကယ်ဖြစ်ပျက်ခဲ့တဲ့ Eliza Sifa ရဲ့ ဇာတ်လမ်းကို အများသူငှာ သင်ခန်းစာယူနိုင်အောင် ရိုက်ကူးထားတဲ့ အိမ်ထောင်ရေး ပညာပေးကားလေး ဖြစ်ပါတယ်။ အာရစ်စ်နဲ့ နီဆာဆိုတာ တစ်ဦးနဲ့တစ်ဦး ချစ်ခင်စုံမက်လို့ ပေါင်းဖက်ခဲ့ကြတဲ့ ဆရာနဲ့ ကျောင်းသူ လင်မယားတစ်တွဲပေါ့။ သမီးလေးတစ်ဦးကိုလည်း ပိုင်ဆိုင်ထားပြီး အာရစ်စ်ကတော့ ကျောင်းမှာ စာဆက်သင်တယ် နီဆာကျတော့ ကိတ်မုန့်တိုက်လေး ဖွင့်ထားပြီး အောင်မြင်နေတာပေါ့။ ဒီလိုမျိုး သာယာငြိမ်သက်နေတဲ့ဘဝထဲကို မုန်တိုင်းတစ်ခုက သတိမပေးပဲ ဝင်ရောက်တိုက်ခတ်လာပါတော့တယ်။ အဲဒါကတော့ နီဆာရဲ့ ညီမအရင်းဖြစ်သူ ရာနီဟာ အရွယ်ရောက်လာပြီး မြို့မှာ တက္ကသိုလ်တက်ရမှာဖြစ်တဲ့အတွက် အမေဖြစ်သူက “သွား အစ်မအိမ်သွားနေလိုက်” ဆိုရာကနေ ဒီဇာတ်လမ်းတစ်ပုဒ် ဖြစ်လာတာပါပဲ။ အိမ်ထောင်ဦးစီးတစ်ယောက်နဲ့ ဆင်ခြင်သုံးသပ် ပညာယူစရာလေးတွေ၊ မိန်းမပျိုလေးတွေအတွက်လည်း မဖြစ်သင့်တာ မဖြစ်ရအောင် ပညာယူစရာလေးတွေ စသဖြင့် ဖော်ကျူးထားတဲ့ အင်ဒိုနီးရှား ဒရမ်မာကားလေးပဲ ဖြစ်ပါတယ်ဗျာ။ (အညွှန်းနဲ့ဘာသာပြန်ကတော့ Thura Aung ဖြစ်ပါတယ်။) File size…(2.0 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Drama, Romance Duration….02:11:13 Subtitle….Myanmar Subtitle (Hardsub) Encoder….Benjamin Translated by Thura Aung

Seeking a Friend for the End of the World (2012) *********************************************** IMDb….6.7 ၃ပတ်အတွင်းမှာ ကမ္ဘာကြီးက ဂြိုလ်ဆိုင်တစ်ခုနဲ့တိုက်မိပြီး ကမ္ဘာပျက်တော့မယ်တဲ့ နောက်ဆုံးအချိန်လိုဖြစ်နေတဲ့ (၃)ပတ်မှာ ခင်ဗျားဆိုရင်ရော ဘာတွေဆက်လုပ်မိမှာပါလိမ့်…. Dodgeဆိုတဲ့ အာမခံဝန်ထမ်းတစ်ယောက်ကတော့ အဲဒီသတင်းကို ကြားလိုက်ရပြီး ခဏတာ သွေးပျက်သွားခဲ့သလို တိုက်တိုက်ဆိုင်ဆိုင် အဲဒီအချိန်မှာ သူ့မိန်းမကလည်းထားသွားခဲ့တယ်.. ဒါပေမဲ့ သူ့ဘဝကို သူ ပုံမှန်ဆက်သွားဖို့ ကြိုးစားတယ် … Pennyဆိုတဲ့ ကောင်မလေး သူ့မိသားစုဆီသွားဖို့ နောက်ဆုံးလေယာဉ်ကို လွတ်သွားတယ်.. ကမ္ဘာကြီးကလည်း(၃)ပတ်အတွင်း ပျက်သုဥ်းသွားနိုင်သတဲ့… သူတို့၂ယောက်ကအိမ်နီးချင်းတွေ… (၃)ပတ်ဆိုသော ကာလလေးမှာ သူတို့(၂)ယောက်ဟာ ဘယ်လိုဖြတ်သန်းကြမလဲ…. … ဒီကားထဲကဟာသမင်းသားကြီး Steve Carell နဲ့ မင်းသမီးချော Keira Knightleyကိုတော့ ထွေထွေထူးထူးမိတ်ဆက်ပေးစရာမလိုဘူးထင်ပါတယ်… ဟာသဟန်တွေနဲ့ ဘဝနေနည်းတစ်ချို့ကို အချိန်ကိုက်ပြသွားတဲ့ကားလေးမို့ ကြည့်လိုက်ပါဦးလို့……… (ဇာတ်လမ်းအညွှန်းနဲ့ဘာသာပြန်သူကတော့ JtheKoala ဖြစ်ပါတယ်..) File Size : 1.32GB/ 550MB Quality : Blu-Ray 1080p 5.1 CH/ Blu-Ray 720p Format…mp4 Duration…01:41:00 Genre : Adventure, Drama, Comedy Subtitle : Myanmar Subtitle (Hard Sub) Translated by JtheKoala Encoded by Tiff

M (1931) ~ IMDb – 8.3/10, Rotten Tomatoes – 100% ~ M သာမရှိခဲ့ရင် Psycho တို့ Silence of the Lambs တို့ Se7en တို့ဟာ အခုလက်ရှိ ရှိရင်းစွဲအတိုင်း ပြည့်စုံမှာမဟုတ်ဘူးလို့ ဆိုကြတယ်။ M ရဲ့ ဒါရိုက်တာဖြစ်တဲ့ ဂျာမန်ဒါရိုက်တာ Fritz Lang ဟာ ဒီဘက်ကာလတွေရဲ့ Sci-fi တွေအကုန်လုံးကို လွှမ်းမိုးမှုကြီးခဲ့တဲ့ Metropolis (1927) ကိုရိုက်ခဲ့တဲ့သူလည်းဟုတ်သလို M ကလည်း Crime Drama Thriller တွေကို လွှမ်းမိုးမှုကြီးခဲ့တော့ အသံတိတ်ခေတ်ကတည်းက ဒါရိုက်တာဖြစ်ခဲ့တဲ့ Lang ရဲ့ တင်ဆက်ပြသနိုင်စွမ်းဟာ အံ့ဩဖို့ကောင်းတယ်ပြောရမယ်။ Lang ရဲ့ ရုပ်ရှင်ဒါရိုက်တာသက်တမ်းတစ်လျှောက်မှာ အကောင်းဆုံးလို့ပြောကြတဲ့ကားတွေ အပြည့်ရိုက်ခဲ့ပေမဲ့ Lang ကတော့ အဲဒီထဲ M က အသေသပ်ဆုံးလို့ ပြောခဲ့ဖူးတယ်။ မြို့တစ်မြို့က ကလေးတွေဟာ တစ်ယောက်ပြီးတစ်ယောက် ပျောက်ခြင်းမလှပျောက်ပြီး အသတ်ခံနေရတယ်။ မိဘတွေကလည်း သူတို့သားသမီးတွေကို ကျီးလန့်စာစား‌ စောင့်ကြည့်နေရတယ်။ ဒီပြဿနာက ဘယ်လောက်ထိကြီးလာလဲဆို နိုင်ငံတော်အတွင်းရေးမှူးက ရဲမင်းကြီးကို ဖုန်းဆက် ကြိမ်းရတဲ့အထိ ပြဿနာကြီးလာခဲ့တယ်။ ရဲတွေကလည်း မသင်္ကာတဲ့နေရာအကုန် လူတိုင်းရဲ့အိမ်မကျန် လိုက်ရှာခဲ့သလို ပြည်သူတွေကလည်း လမ်းပေါ် မသင်္ကာတဲ့လူတွေ့ပြီဆိုတာနဲ့ ဖမ်းပြီး ရဲလက်အပ်ကြတယ်။ နောက်ဆုံးလူဆိုးတွေကပါ ရဲတွေ ပတ္တရောင်ညတိုင်းလှည့် ဟိုတယ်တွေပါ လိုက်စစ်နေတာက သူတို့စီးပွားရေးကို ထိခိုက်လာလို့ လူဆိုးတွေကပါ အဲဒီကိုလူဆိုးကောင်ကို ဖမ်းဖို့လုပ်ခဲ့ကြတယ်။ တစ်မြို့လုံးကလူတွေအကုန် ပိုက်စိတ်တိုက်ရှာနေတဲ့ ဒီလူဟာ သူတို့ထဲက သာမန်လူတစ်ယောက်ပဲဖြစ်နေတဲ့အခါ ပင်လယ်ထဲရောနေတဲ့ ရေချိုကို ပြန်ရှာနေရသလို ဖြစ်နေတော့ တရားခံကို မတွေ့နိုင်ဖြစ်နေခဲ့တယ်။ ဒါကို Lang က ကိုနင်ဒွိုင်းရဲ့ လွှမ်းမိုးမှု နည်းနည်းပါတယ်ထင်ရတဲ့ Elements တွေသုံးပြီး ပုံဖော်သွားတယ်။ တရားခံကို မတွေ့ခင်မှာလည်း ဇာတ်က တော်တော်စိတ်ဝင်စားစရာကောင်းခဲ့သလို တရားခံကိုတွေ့ပုံကနေ တရားခံရဲ့ တုံ့ပြန်မှုတွေအထိ အရာရာပြည့်စုံနေတဲ့ Crime Thriller မာစတာပိစ်လို့ပြောလို့ရတယ်။ M က ကျွန်တော့်ကို ကောင်းကောင်းကြီးအမြင်ကျယ်စေခဲ့တာကတော့ အနုပညာကစလို့ သိပ္ပံပညာအထိ ဒီလောကကြီးမှာ ဘာတစ်ခုမှအသစ်မရှိဘူးဆိုတာ အတိုင်းအတာတော်တော်ဝေးဝေးထိတော့ မှန်ကောင်းမှန်နေတယ်ဆိုတာပါပဲ။ Thriller လိုင်းဘက်က ပုံမှန်ရုပ်ရှင်တွေကနေ ကွဲပြားတယ် သစ်တယ်လို့ တချို့ရုပ်ရှင်တွေမှာ ကျွန်တော်တို့တွေ့ခဲ့ရတဲ့ တက္ကနစ်တွေကို M မှာ မြင်နေရတယ်။ ယုတ်စွအဆုံး ခရိုရှိကူရိုဆာဝါရဲ့ ဒီနှစ်ထွက်တဲ့ Chime လိုမျိုး ခိရိုရှိအတွက် အမြင့်ဆုံးအဆင့်ဖြစ်သွားတယ်လို့ ကျွန်တော်မြင်တဲ့ Thriller တင်ဆက်ပုံမျိုးတောင် M ရဲ့ ဇာတ်လမ်းထဲမှာ ခိုတွဲနေတယ်။ ဘာတစ်ခုမှ အသစ်မရှိတဲ့ကမ္ဘာကြီးမှာ ဖန်တီးမှုအတွက် အခရာအကျဆုံးက ရိုးသားမှုဖြစ်ကောင်းဖြစ်နိုင်တယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.9GB, 865MB Quality – BluRay 1080p, 720p IMDb Rating – 8.3/10 Format – mp4 Duration – 1H 39Min Genre – Crime, Mystery, Thriller Subtitle – Myanmar Subtitle (Hardsub) Translated by WiRa Aung Encoded by Y

Flight Risk (2025) IMDb Rating (5.5) မင်းသားကြီး မာ့ခ်ဝါးဘက်ရဲ့ အက်ရှင်ရုပ်ရှင်အသစ်လာပါပြီ။ လူနည်းနည်းနဲ့ အသက်လုရတဲ့အမျိုးအစားမို့ သည်းထိပ်ရင်ဖိုကြိုက်သူတွေ အကြိုက်တွေ့ကြမှာပါ။ ဒါရိုက်တာက မဲလ်ဂစ်ဆင် ပါ။ မင်းသမီးကတော့ The Gentlemen ရုပ်ရှင်ထဲက Michelle Dockery မို့အလန်းပါပဲ။ Spider-Man 3 ထဲမှာ Venom လုပ်ခဲ့တဲ့ Topher Grace လည်း ပါဝင်ထားပါတယ်။ ဇာတ်လမ်းအကျဉ်း *********** ယူအက်စ်မာရှယ် ရဲအရာရှိ မဒိုလင်ဟာ ဒုစရိုက်ဂိုဏ်းခေါင်းဆောင်ကြီးမိုရက်တီ ရဲ့ စာရင်းကိုင် ဝင်စတန် ကို အလက်စကာပြည်နယ်ထဲကလူမရှိတဲ့နေရာတစ်ခုမှာ ပုန်းနေတာကို အမိဖမ်းနိုင်လိုက်ပါတယ်။ သူ့ကို သက်သေထွက်ဆိုခိုင်းနိုင်ရင် မိုရက်တီကိုလည်း ထောင်ထဲတစ်သက်လုံးထည့်နိုင်ပြီမို့ သူ့ကို လေယာဉ်တစ်စီးငှားပြီး သယ်လို့ဖို့ကြိုးစားပါတော့တယ်။ လမ်းခရီးမှာ စာရင်းကိုင် သက်သေခံကို လေယာဉ်ပေါ်က အသက်ရှင်လျင် မဆင်းနိုင်ဖို့ မျိုးစုံတားဖို့ ကြိုးစားမဲ့အထဲကမှ ဘယ်လိုအသက်ရှင်အောင် ရုန်းကန်ရမလဲ တွေ့ရမှာပါ။ (အညွှန်းနဲ့ဘာသာပြန်ကတော့ Mr.Anderson ဖြစ်ပါတယ်။) File size…(7.3 GB) / (1.45 GB) / (715 MB) Quality… WEB-DL 4K HEVC / 1080p HEVC / 720p Format…mkv / mp4 Duration….1h 31m Genre ….. Action , Crime , Drama ,Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson