ပရိသတ်ကြီးအတွက် ဒီတစ်ခါတော့ ပထမကမ္ဘာစစ်ကအကြောင်းရိုက်ထားတဲ့ကားလေးတင်ဆက်ပေးလိုက်ပါတယ် ကမ္ဘာစစ် ၂ခုလုံးမှာ မှော်ပညာတွေ အောက်လမ်းနည်းတွေ သဘာဝလွန်နည်းတွေ အဏုဇီဝလက်နက်တွေ ဓာတုလက်နက်တွေ မျိုးစုံနဲ့တိုက်ခိုက်ခဲ့ကြတယ်လို့ သတင်းလွင့်လွင့်ရှိခဲ့ကြပေမဲ့ လူတွေမသိလိုက်ဘဲ သမိုင်းမတင်နိုင်ခဲ့တဲ့ ဖြစ်ရပ်တွေ ဘယ်သူမှအစရှာမရခဲ့တဲ့ဖြစ်ရပ်တွေလည်း အများကြီးရှိနေတာပါ ဒီကားထဲမှာတော့ အင်္ဂလိပ် နဲ့ အမေရိကန် မဟာမိတ်တပ်ဖွဲ့ဟာ ဂျာမန်တွေစွန့်သွားတဲ့ ဘန်ကာထဲမှာ ပိတ်မိပြီး ဘာမှန်းမသိတဲ့အရာကို ရင်ဆိုင်ကြုံတွေ့ရတဲ့အကြောင်းရိုက်ထားတာပါ ဒီကားထဲမှာတော့ အထက်လူကြီးတွေချင်း ညှိနှိုင်းကြလို့ ဘယ်လောက်ပဲ အဆင်ပြေနေပါစေ အောက်ခြေတပ်သားတွေကြားက ပဋိပက္ခတွေကိုပါ မြင်ရမှာပါ စစ်ကားဆိုပေမဲ့ တိုက်ခိုက်တာသိပ်မပါဘဲ ဘန်ကာထဲမှာပိတ်မိနေတာကြောင့် အချင်းချင်းပဲ မယုံသင်္ကာတွေဖြစ်ရင်း တကယ်ရင်ဆိုင်ရမဲ့ အန္တရာယ်ကို မသိဘဲ စတေးနေရတဲ့ပုံစံမျိုး ရိုက်ထားတာမို့ ခံစားကြည့်ရှုလိုက်ကြပါဦး File size…(1.8 GB)/(800 MB)/(400 Mb) Quality….Webrip 1080p / 720p / 480p Format…mp4 Duration….01:48:00 Genre...Horror, Thriller, War Subtitle….Myanmar Subtitle (Hardsub) Encoder….Mr. Anderson Translated by Garfield

Evil Dead 2013 ကို ဆင်ဆာတွေမဖြတ်ထားတဲ့ BluRay Extended Version အသစ်နဲ့တင်ဆက်လိုက်ပါတယ်။ ဇာတ်လမ်းကတော့.... ဒီဇာတ်ကား စစချင်းမှာဆို လူငယ်ငါးယောက်ဟာ တောနက်ထဲက သစ်လုံးအိမ်တစ်ခုကို အကြောင်းကိစ္စတစ်ခုနဲ့အတူ ရောက်လာကြပါတယ်။ ဒါပေမဲ့ သူတို့ဟာ ထိုအိမ်ထဲမှာ အိပ်ပျော်နေတဲ့ မကောင်းတဲ့အရာတစ်ခုကို မထင်မှတ်ဘဲ သွားလှုပ်နိုးမိတဲ့ အခါမှာတော့ အဲ့ဒီမကောင်းဆိုးရွားရဲ့ လက်ကနေ ဘယ်လို အသက်ရှင် ရုန်းကန်လွတ်မြောက်ကြဖို့ ကြိုးစားကြမလဲ ဆိုတာ အရမ်းကို စောင့်ကြည်ချင်စရာ ကောင်းပါတယ်။ အောက်မှာ Review လေးကို ဆက်ဖတ်ကြည့်လိုက် ကြရအောင်ပါ။ **** Evil Dead 2013 ဟာဆိုရင် အရမ်းကို ထိတ်လန့်တုန်လှုပ်ဖွယ်ကောင်းတဲ့ Horror movie တစ်ခုလို့ပြောလာရင် ငြင်းစရာ မရှိပါဘူး။ ဇာတ်လမ်း ဇာတ်ကွက်ကို သေချာထောင့်စိအောင် ပုံဖော် ဖွဲ့စည်းထားတာကိုလဲတွေ့ရမှာ ဖြစ်ပါတယ်။ ဒီဇာတ်ကားကို ကြည့်ပြီးတဲ့အချိန်မှာ 1981ခုနှစ်က ထွက်ရှိခဲ့တဲ့ Possession ဆိုတဲ့ ပြင်သစ် drama/ horror ဇာတ်ကားကို ပြေးမြင်မိရလောက်အောင် ပီပီပြင်ပြင်နဲ့ ကြောက်ရွံ့စိတ်လှုပ်ရှားဖို့ ကောင်းတာကိုလဲ တွေ့ရမှာဖြစ်ပါတယ်။ ဒါပေမဲ့ ဘယ်လိုပဲ စိတ်မသက်မသာ ကြောက်လန့်တုန်လှုပ်ရတဲ့ ဇာတ်လမ်းလို့ပဲဆိုဆို နောက်ဆုံးမိနစ်အပိုင်းအခြားကို ရောက်သည်အထိ တကယ့်ကို သွေးပျက်ထိတ်လန့်ဖွယ်ရာ ပြကွက်တွေနဲ့ သင့်ကို ဇာတ်လမ်းအဆုံးထိ ဆွဲခေါ်သွားမှာပဲဖြစ်ပါတယ်။ ဇာတ်လမ်းဆိုတာ အဆုံးရှိစမြဲဆိုရင်တောင် သင့်အနေနဲ့ နောက်ထပ်အပိုင်းဆက်တွေကို ကြည့်ရဖို့ စိတ်အားထက်သန်နေလိမ့်မယ် ဆိုတာကတော့ အသေအချာပါပဲ။ ဇာတ်လမ်းကို စဖွင့်လိုက်တာနဲ့ အရင်ဆုံး သင့်ကိုဆွဲဆောင်ထားမှာကတော့ ဒီဇာတ်ကားရဲ့ ဇာတ်ဝင် ခန်းတွေမှာ သုံးထားတဲ့ Visual Effects တွေပါပဲ။ သွေးထွက်သံယို ဇာတ်ဝင်ခန်းတွေမှာဆိုရင်လဲ ရုပ်ရှင်ကြည့်နေရတယ်လို့ မထင်မှတ်ရလောက်အောင် သင့်ကို ဆွဲဆောင်ထားနိုင်မှာ ဖြစ်ပါတယ်။ တကယ့် ထိပ်ဆုံးတန်းဝင်တဲ့ ရိုက်ချက်တွေ သတ်ခန်းဖြတ်ခန်းတွေနဲ့ horror ဇာတ်လမ်းတခုလို့တောင် တင်စားလို့ရနိုင်ပါတယ်။ ဇာတ်ဝင်ခန်းတစ်ခုစီရဲ့ တကယ့်အဓိက point တွေအတွက် ဒီဇာတ်ကားမှာ ဘတ်ဂျက်အများကြီးသုံးပြီးဖန်တီးထားတယ်ဆိုတာကိုလည်း settingတွေ ချထားတဲ့ သစ်လူံးအိမ်၊ ဇာတ်ဝင်ခန်းတွေမှာ အသုံးပြုထားတဲ့ ရှေးဟောင်းဓလေ့ထုံးတမ်းနဲ့ဆိုင်တဲ့ ပစ္စည်းတွေကို ကြည့်ရင် သိသာစေနိုင်ပါတယ်။ သေချာတာတခုကတော့ 1981 မှာ ကိုယ်တိုင်ရေးသား ရိုက်ကူးခဲ့တဲ့ Evil Dead ကို အကောင်းဆုံး ပြန်ဖန်တီးတင်ဆက်ထားတဲ့ အနုပညာတခုဆိုတာပါပဲ။ ဒီဇာတ်ကားရဲ့ အသံပိုင်းဆိုင်ရာ audio effect တွေဟာဆိုရင်လည်း သူ့နေရာနဲ့ သူ့ဇာတ်ကွက်နဲ့သူ အပိုအလိုမရှိ တော်တော်လေး တင်ဆက် မှု ကောင်းတာကို တွေ့ရမှာ ဖြစ်ပါတယ်။ Chain saw တခုရဲ့ ခပ်ကြမ်းကြမ်း အသံကနေ စလို့ အသံကြားရုံနဲ့ ဇောချွေးပြန်လာတဲ့အထိ ခြောက်လှန့်နေမယ့် နောက်ခံတီးလူံး၊ မကောင်းဆိုးဝါးတစ်ကောင်ရဲ့ အသံ‌ဗလံတွေ၊ စူးစူးဝါးဝါး အော်ဟစ်လိုက်သံတွေ ဟာ သင့်ရဲ့ကြောက်စိတ်ကို ထုထည်ကြီးကြီးမားမားနဲ့ ဖန်တီး ထိုးဆွနေမှာ ဖြစ်ပါတယ်။ Evil dead ရဲ့ ဇာတ်ဆောင်တွေရဲ့ သရုပ်ဆောင်မှု အရည်အသွေးကတော့ ဒီဇာတ်ကားနဲ့ တော်တော်လေးလိုက်ဖက်ညီပြီး ပြောစရာ မရှိတာကိုတွေ့ရမှာပါ။ ဟာသဇာတ်ဝင်ခန်းတွေဟာ ဒီလိုဇာတ်လမ်းမျိုးနဲ့ မအပ်စပ်သလို တခုကျေးဇူးတင်ဖို့ ကောင်းတာက Evil Dead မှာ ဟာသ အခန်းတွေမပါဝင်လာတာပဲ ဖြစ်ပါတယ်။ တင်စားညွှန်းဆိုပြိး ပြောရမယ်ဆိုရင် သင့်ကို တည်ခင်းဖို့အတွက် အပြင်းထန်အရက်စက်ဆုံး ကြောက်မက်ဖွယ်အကောင်းဆုံး ဇာတ်ကွက်တွေကိုပဲ ဒီဇာတ်ကားက ယူဆောင်လာပေးမှာပါ။ Evil Dead ရဲ့ သရုပ်ဆောင်တွေကို ဘယ်သူက ပိုကောင်း ပါတယ်လို့ ‌နှိုင်းယှဉ်ဖို့ ခက်လောက်အောင်ပဲ တစ်ဦးချင်းစီရဲ့ သရုပ်ဆောင်အရည်အ‌သွေးက ပေါ်လွင်လှပါတယ်။ ဒီဇာတ်ကားထဲက သရုပ်ဆောင်တွေဟာ တစ်ဦးနဲ့ တစ်ဦး တွဲဖက်ညီညီ ပန့်ပိုး သရုပ်ဆောင်သွားတာကိုလဲ သင့်အနေနဲ့ ကြည့်ရှုခံစားရမှာ ဖြစ်ပါတယ်။ ဒါကြောင့်မို့လို့ Horror Rating 9/10 အထိရထားတဲ့ မဖြစ်မနေကြည့်ရှုခံစား စီးမျောသင့်တဲ့ ရက်ပေါင်းများစွာအထိ သင့်မြင်ကွင်းထဲမှာ စွဲထင် ခြောက်လှန့်နေမဲ့ Evil Dead (2013) ပဲ ဖြစ်ပါတော့တယ်။ (ရုပ်ရှင်အညွှန်းကို Final Girl-Horror Fanpage မှကူးယူဖော်ပြပါသည်။) File size…(4.3 GB)/(1.2 GB)/(780 MB) Quality….BluRay Extended 4K HEVC/1080p HEVC/720p Format…mkv/mp4 Duration….01:36:23 Subtitle….Myanmar Subtitle (Hardsub) Encoder….Ka Naung Translated by Mugiwara Ya

ထွက်ပြီးခဲ့တာ ဆယ်နှစ်တောင်ကြာပြီဖြစ်သလို ဒီကားနောက်ပိုင်း ဖြစ်လာခဲ့တဲ့ The Purge Franchise ကြီးရဲ့ အစဆိုတဲ့အတိုင်း အကောင်းဆုံးဖြစ်သလို ကြည့်ပြီးလည်း​ နောက်တစ်​ခေါက်ပြန်ပြန်ကြည့်ချင်​နေတဲ့ ဇာတ်ကား​တွေထဲကတစ်ကားဖြစ်တဲ့ ပထမဆုံး The Purge ကားအကြောင်းကို ထွေထွေထူးထူး ပြောစရာလိုမယ်မထင်ပါဘူး။ ~ ဇာတ်လမ်းအညွှန်း ~ အ​မေရိကန်နိုင်ငံ စီးပွား​ရေးကျဆင်းလာတာ​နဲ့အမျှ ဒုစရိုက်မှု​တွေ ဆင်းရဲမွဲ​တေမှု​တွေ မှိုလို​ပေါက်လာတာကို ဘယ်လို​ဖြေရှင်းရမလဲ ​ခေါင်းခဲ​နေကြတုန်း အဲဒီခေတ် အမေရိကန်ရဲ့ အာဏာပိုင်အစိုးရဖြစ်တဲ့ သူတို့ကိုယ်သူတို့ မျိုးဆက်သစ်တည်ထောင်သူဖခင်ကြီးများ လို့ခေါ်တဲ့ NFFA ပါတီက The Purge ဆိုတဲ့ သန့်စင်ပွဲနေ့လုပ်ဖို့ကိုစဥ်းစားမိသွားကြတယ်။ အဲဒီ​နေ့မှာ ဘယ်ဒုစရိုက်မှုလုပ်လုပ် ရဲအဖမ်းမခံရတဲ့​နေ့မျိုး​ပေါ့။ လူချမ်းသာ​တွေက​တော့ ​ငွေနဲ့အကာအကွယ်ယူလို့ရ​​ပေမယ့် ဆင်းရဲတဲ့သူ‌တွေ၊ အသက်ကြီးတဲ့သူ​တွေ၊ ပစ်ပယ်ထားခံရတဲ့သူ​တွေက​တော့ အဲဒီ​နေ့ရဲ့ ပစ်မှတ်​တွေ​ပေါ့။ အဲဒီလို နိုင်ငံနဲ့တဝန်း အကန့်အသတ်မရှိ လူသတ်နိုင်တဲ့ လူမဆန်တဲ့နေ့ကြီးကို လုပ်လိုက်​ပေမယ့် မထင်ထားရ​လောက်​အောင် ဆင်းရဲမှု​တွေ ဒုစရိုက်မှု​တွေနည်းသွားပြီး အလုပ်ဖြစ်သွားတာ​တွေ့ရ​တော့ ​အ​မေရိကန်မှာ ရိုးရာ​နေ့​လေးတစ်​နေ့လို ဖြစ်သွားတာပဲ။ ဒီဇာတ်ကားရဲ့ဇာတ်လိုက်က​တော့ ဂျိမ်းဆိုတဲ့သူ... သူက လုံခြုံ​ရေးစနစ်​တွေကို ​​ရောင်းရင်းချမ်းသာလာတဲ့သူ။ သန့်စင်ပွဲ​နေ့​ကြောင့် သူ့ထုတ်ကုန်​တွေ ​ရောင်းရတာဆို​တော့ သန့်စင်ပွဲ​နေ့ကိုလည်း လုပ်သင့်တဲ့သူလို့ ​ထောက်ခံတဲ့ဘက်​က​ပေါ့။ သူ့မှာ သား​လေးတစ်​ယောက်နဲ့ သမီး​လေးတစ်​​ယောက်ရှိတယ်။ သမီး​လေးက​တော့ ၁၈နှစ်ပြည့်​ပြီး ဘဲတစ်​ယောက်လည်းရှိတယ်။ သား​လေးက​တော့ ငယ်ငယ်​လေးရှိ​သေးတာမို့လို့ ဒီလိုသန့်စင်ပွဲမှာလူ​တွေ ​သေရ​တာမဖြစ်သင့်ဘူးဆိုပြီး အမြဲလိုလိုအကူအညီ​ပေးချင်​နေတဲ့သူ။ ဖြစ်ချင်​တော့ သားဖြစ်သူက သန့်စင်ပွဲ​နေ့ညမှာ အိမ်ရာမဲ့ ​ခြေနှစ်​ချောင်းသားကို ကယ်လိုက်မိပါ​လေ​ရော။ အဲဒီလို ကယ်တင်ပြီး​နောက်ပိုင်း ​ခြေနှစ်​ချောင်းသားကယ်​ကောင်းလား မကယ်​ကောင်းလားဆိုတာ သည်းထိတ်ရင်ဖို ကြည့်ရှူရပါလိမ့်မယ်။ ဒီကားပြီး နောက်ပိုင်းကားတွေက Horror ထက် Action ပိုဆန်လာကြတာမို့ Horror Vibe အပြည့်ပေးနိုင်ခဲ့တဲ့ ဒီကားဟာ The Purge Franchise ကြီးကို Ethan Hawke နဲ့ Lena Headey တို့လို မင်းသား မင်းသမီးအကောင်းတွေသုံးပြီး လမ်းသစ်ဖောက်ခဲ့တဲ့ကားဆို မှားမယ်မထင်ပါဘူး။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size - 2GB, 870MB Quality - 1080p, 720p IMDb Rating - 5.7/10 Format - mp4 Duration - 1H 25Min Genre - Horror, Sci-Fi, Thriller Subtitle - Myanmar Subtitle (Hardsub) Translated by DB Encoded by Y

Suite Francaiseရုပ်ရှင်ရဲ့ မူရင်းဝတ္ထုဟာဆိုရင် ဒုတိယကမ္ဘာစစ်အတွင်းမှာရေးသားခဲ့တာဖြစ်ပြီး ၂၀၀၄ခုနှစ်ရောက်မှ ထုတ်ဝေနိုင်ခဲ့ပါတယ်။ အကြောင်းရင်းကတော့ ဒီဝတ္ထုကိုရေးသားခဲ့သူ Irène Némirovskyဟာ ၁၉၄၂ခုနှစ်မှာ ဂျူးလူမျိုးဖြစ်တဲ့အတွက် ဂျာမန်တပ်တွေ ဖမ်းဆီးတာခံရပြီး Auschwitzချွေးတပ်စခန်းမှာအခြားသော ဂျူးလူမျိုးတွေနဲ့အတူသတ်ဖြတ်ခံခဲ့ရလို့ပါ။ နှစ်၆၀လောက်ကြာပြီးတဲ့နောက်မှာ သူမရဲ့သမီးဖြစ်သူက မိခင်ဖြစ်သူရဲ့မှတ်စုစာအုပ်ထဲမှာရေးသားထားတဲ့ ဝတ္ထုနှစ်ပုဒ်ကိုတွေ့ရှိခဲ့ပြီး၊ ဒီဝတ္ထုနှစ်ပုဒ်ပေါင်းပြီးမှ Suite Francaiseဆိုတဲ့ ဝတ္ထုတစ်ပုဒ်ဖြစ်လာကာ နောက်များမှ ရုပ်ရှင်အဖြစ်ပိတ်ကားပေါ်ရောက်ရှိလာရပါတယ်။ မူရင်းစာရေးဆရာမဟာ ဒီဇာတ်လမ်းကို အပိုင်း ၅ပိုင်းနဲ့ရေးသားခဲ့မှတ်စုထုတ်ထားခဲ့ပေမယ့်လည်း နှစ်ပိုင်းသာအချောသတ်ရေးသားနိုင်ခဲ့တဲ့အတွက် ကျန်သုံးပိုင်းကတော့ မှတ်စုစာအုပ်ထဲက မှတ်တမ်းမှတ်ရာလေးတွေအဖြစ်သာကျန်ရှိနေဆဲပါ။ ဒီဇာတ်ကားရဲ့ဇာစ်မြစ်လေးဟာ ဒီလိုကြေကွဲစရာကောင်းသလို ဇာတ်လမ်းလေးကလည်း ရိုးရိုးရှင်းရှင်း ဆို့ဆို့နင့်နင့်နဲ့ အချစ်၊အမုန်းဒွန်တွဲပြီး ရန်သူတွေတစ်ဖြစ်လဲ၊ ဝတ္တရား တာဝန်တွေ ခြားနားခံထားရတဲ့ ချစ်သူနှစ်ဦးအကြားကတိမ်းညွှတ်လိုက်လျောမှုတွေကို ပေါ်လွင်အောင်ရိုက်ပြထားပြီး လက်မလွှတ်တမ်းကြည့်သင့်တဲ့war romantic dramaကားမို့ အများကြီးမညွှန်းတော့ပါဘူးဗျာ။ File Size :(1.7GB) and (688MB) Quality :Blu-Ray 1080P5.1Ch,720p Format…mp4 Duration…01:47:00 Genre : War, Drama , Romance , Thriller Subtitle : Myanmar Subtitle (Hard Sub) Translated by  Themes Encoded by Phyo Pyae

"The One Hundred " ဆိုတဲ့ဇာတ်ကားလေးကတော့ ၂၀၂၂ မှထွက်ရှိထားတဲ့ ထူးခြားဆန်းကြယ်ထိုင်းကားလေးပဲဖြစ်ပါတယ် မင်းသမီး ဖိန်းက YouTuber တစ်ယောက်ဖြစ်ပြီး နိုင်ငံခြားခရီးအပြန် ဟိုတယ်တစ်ခုမှာ ကွာရန်တင်း ၁၄ ရက်ဝင်ရတာနဲ့အစပြုထားပါတယ် ဒီကားလေးကတော့ ကိုရိုနာဗိုင်းရပ်စ်ဖြစ်ပွားဆဲ ၂၀၂၀ ခုနှစ် ဝန်းကျင်ပုံစံကို ရိုက်ကူးထားတာပါ တစ်နေ့မှာတော့ သူနာပြုမလေး မေ ဟာ သူ့အမေလှမ်းခေါ်တာနဲ့ ဂျူတီကို သူ့ရဲ့လက်အောက်က သင်တန်းသူလေး ကတ် ကို အစားပေးထားခဲ့ရပါတယ် ဒါပေမဲ့ ကတ်ဟာ သာမန်မဟုတ်ဘဲ အကြီးဆုံးကင်းခြေများ ဝင်ပူးခံထားရပြီးမကောင်းဆိုးဝါးဖြစ်နေခဲ့တာပါ မင်းသားဖြစ်သူ လီအိုကတော့ တိုက်ကွမ်ဒိုကစားသမားတစ်ယောက်ဖြစ်ပြီး စိတ်ဒဏ်ရာရှိနေတဲ့သူပါ မကောင်းဆိုးဝါးဖြစ်နေတဲ့ကတ်ဟာ ဟိုတယ်မှာ တည်းခိုသူတွေ ဝန်ထမ်းတွေကို ဒုက္ခပေးသတ်ဖြတ်လာပါတော့တယ် ဒါပေမဲ့ မြင်လိုက်တဲ့သူက ဖိန်းနဲ့ လာအိုအပြင် မရှိပါဘူး ဘယ်သူကမှ သူတို့ပြောတာကို မယုံခဲ့ကြပေမယ့် အခြေအနေတွေက ပိုပြီးဆိုးလာတဲ့အခါ ... Horror Vibe နဲ့ ရင်တထိတ်ထိတ်ကြည့်ရမယ့်ကားလေးမို့ ကြည့်ကြည့်ကြဖို့ တိုက်တွန်းပါရစေရှင့် အညွှန်း နဲ့ ဘာသာပြန်ကတော့ Shin နဲ့ Cali ပဲ ဖြစ်ပါတယ်။ Genre.....Action, Fantasy, Thriller Quality…. 1080p | 720p | 480p File size… 1.4GB | 664MB | 295MB Format… mp4 Duration….1h 31min Subtitle…. Myanmar Subtitle (Hardsub) Translator ..... Shin & Cali Encoder ..... August

2016 IMDb 6.4 နဲ့ fantasy ကားကောင်းတစ်ကား အကြည်ထွက်လာခဲ့ပါပြီ။ Disney ရဲ့ The BFG(Big Friendly Giant) ပါပဲ။ ဇာတ်လမ်းလေးကတော့ ရိုးစင်းပြီး လှပပါတယ်။ ဆိုဖီဆိုတဲ့ မိဘမဲ့ကလေးလေးကို ကြင်နာတတ်တဲ့ နှလုံးသားရှိတဲ့ မှင်စာဘီလူးကြီးက ဖမ်းခေါ်သွားခဲ့မိတာက စတာပါပဲ။ လူသားစားတဲ့ဘီလူးတွေနေထိုင်တဲ့ ဘီလူးတိုင်းပြည်မှာ အသီးအရွက်ပုတ်လေးတွေစားပြီး အကောင်အသေးဆုံး ဘီလူးကြီး၊ လူသားစားတဲ့ဘီလူးတွေကို မတားနိုင်တဲ့အတွက် လူသားကလေးလေးတွေအတွက် အိပ်မက်လှလှလေးတွေ လိုက်ဖမ်းပြီး လက်ဆောင်ပေးလို့ တတ်နိုင်သလောက် ပြန်ပေးဆပ်နေသူဘီလူးကြီးဟာ သူ့ရဲ့မိတ်ဆွေဆိုဖီလေးကို ကာကွယ်ရင်း ဆိုဖီရဲ့အားပေးမှုနဲ့ ဘီလူးတွေအားလုံးကို အပြီးအပိုင်မောင်းထုတ်ဖို့ ဆုံးဖြတ်လိုက်တဲ့အခါ.... ဒီဇာတ်ကားကိုတော့ စာတန်းထိုးအမှန်မထွက်တဲ့အတွက် နားထောင်ပြီးပဲ အတက်နိုင်ဆုံးဘာသာပြန်ပေးထားပါတယ်။ အင်္ဂလိပ်လေသံလည်းဖြစ် ဘီလူးတွေကလည်း လူစကားကို ကောင်းကောင်းအသံမထွက်တတ်တော့ အကုန်လုံးတော့ မမှန်ပါဘူး။ ဒါပေမယ့် အားလုံးနီးပါးတော့အနီးစပ်ဆုံးမှန်အောင် ကြိုးစားပေးထားပါတယ်။ ဒီကားလေးကိုတော့ မိသားစုနဲ့ကြည့်လို့ကောင်းပြီး ကလေး လူကြီးအကုန်နှစ်သက်ကြမယ်ထင်ပါတယ်။ ------------------------------------------------------- File Size     :   845 MB Duration    :   1: 58 : 00 Quality       :   Bluray rip Translator/Encoder  :  Littleneo Format       :   MP4

Buffalo ’66 (1998) ~ IMDb – 7.4/10, Rotten Tomatoes – 76% ~ အဟောင်းအကောင်း Old but Gold ဇာတ်ကားကောင်းတွေထဲက တစ်ကားဖြစ်ပါတယ်။ IMDb Rating (7.4/10) ရထားတဲ့ ဒီဒရာမာ ဟာသ ရိုမန့်စ်ကားလေးက ဆုပေါင်း(၆)ဆုဆွတ်ခူးထားပြီး Nomination တွေလည်း (၁၁)ခုထိ ၀င်ထားခဲ့ပါသေးတယ်။ ကြည့်ရှုသူများကလည်း ကြည့်ဖူးသမျှထဲမှာ အကောင်းဆုံး Independent Film လို့ရည်ညွှန်းခံရတဲ့ကားလေးပါ။ ဘီလီဘရောင်းဆိုတဲ့သူက ထောင်ငါးနှစ်ကျပြီး ထွက်လာခဲ့တာပါ။ မိဘတွေကို ထောင်ကျခဲ့တာလို့မပြောဘဲ အလုပ်ကိစ္စကြောင့်အဝေးရောက်‌နေပြီး အိမ်ထောင်လည်းကျနေပြီလို့ လိမ်ညာခဲ့မိတာကြောင့် မိဘအိမ်ပြန်ဖို့လိုလာတဲ့အချိန် ပြစရာဇနီးလိုလို့ လမ်းကြုံကောင်မလေးတစ်ယောက်ကို ပြန်ပေးဆွဲရာကနေ ဒီဇာတ်လမ်းက စတင်လာခဲ့ပါတယ်။ ဒီကားလေးက သရုပ်ဆောင်နယ်ပယ်မှာ နာမည်ကြီးပြီး ဆုတွေအများကြီးလည်းရဖူးတဲ့ Golden Lion ဆုအတွက်လည်း Nomi အကြိမ်ကြိမ်၀င်ဖူးတဲ့ Vincent Gallo ရဲ့ ဒါရိုက်တာအဖြစ် ပွဲဦးထွက်ခဲ့တဲ့ကားလေးဖြစ်ပါတယ်။ ဇာတ်ညွှန်းကိုလည်း သူကိုယ်တိုင်ပဲရေးသားထားပြီး သူကိုယ်တိုင်ပဲသရုပ်ဆောင်ထားတာပါ။ သူ့ကို Mainstream ပေါ် တင်ပေးခဲ့တဲ့ကားဆိုရင်လည်း မမှားပါဘူး။ မင်းသမီးဆိုရင်လည်း ကြည့်ရှုသူတွေနဲ့မစိမ်းတဲ့ ၁၉၉၁ ခုထွက် The Addams Family ထဲက မူလလက်ဟောင်း ဗုဒ္ဓဟူးမလေးပါ။ သူရဲ့ပျိုမျစ်လတ်ဆတ်တဲ့အလှရယ် ညှို့ငင်တတ်တဲ့မျက်၀န်းနက်နက်လေးတွေရယ် ဘိုးလင်းရုံမှာကတဲ့ Tap Dance အခန်းလေးတွေက ဒီဇာတ်ကားလေးကို အသက်၀င်စေတဲ့ သွေးကြောလေးတွေပါပဲ။ အားလုံးပဲ ကြည့်ရှုခံစားလိုက်ကြပါဦး။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size – 2.4GB, 960MB Quality – 1080p, 720p IMDb Rating – 7.4/10 Format – mp4 Duration – 1H 50Min Genre – Comedy, Drama, Romance Subtitle – Myanmar Subtitle (Hardsub) Translated by Soe Thiri Swe Encoded by Y

တစ်ခါတစ်လေမှာ ကလေးတွေဟာ လူကြီးတွေနဲ့ တွေးခေါ်ပုံချင်း အတော်လေးကွာခြားတတ်ပါတယ်။ လူကြီးတွေတန်ဖိုးထားတတ်တဲ့ ရွှေ၊ ငွေ၊ အသုံးအဆောင်ပစ္စည်း၊ တန်ဖိုးကြီးအရာတွေဟာ သူတို့အတွက် ဘာမှအသုံးမဝင်သလိုဖြစ်နေတတ်ပေမယ့် သာမန်စာရွက်လေးတစ်ရွက်၊ အရုပ်ကလေးတစ်ရုပ်၊ တိရစ္ဆာန်ကလေးတစ်ကောင်၊ အသေးအဖွဲလေးတစ်ခုဟာ သူတို့အတွက် အပျောက်ရှမခံနိုင်လောက်အောင် အဖိုးတန်နေ၊ အဓိပ္ပါယ်ရှိနေတတ်ပြန်ပါတယ်။ ဒါဟာ ကလေးအများစုမှာရှိတတ်တဲ့ ယေဘုယျစိတ်အလုပ်လုပ်ပုံ psychology ဖြစ်ပါတယ်။ အဲ့သဘောတရားနဲ့ ဆက်စပ်နေတဲ့ ၂၀၁၉ ခုနှစ်ထွက် ဘရာဇီး family adventure ဇာတ်ကားလေးတစ်ကား တင်ဆက်ပေးချင်ပါတယ်။ ဒီရုပ်ရှင်ကို ၂၀၁၉ ခုနှစ် ဟောလိဝုဒ်ဘရာဇီးရုပ်ရှင်ပွဲတော်ကာလမှာ စတင်ပြသခဲ့တာ ဖြစ်ပါတယ်။ ဒါရိုက်တာ Daniel Rezende ကရိုက်ကူးထားပြီး ကလေးသရုပ်ဆောင် Giulia Benite၊ Kevin Vechaitto၊ Laura Rauseo၊ Gabriel Moreira တို့ အဓိကပါဝင်သရုပ်ဆောင်ထားပြီး Mauricio de Sousa ရဲ့ Monica’s Gang ကိုအခြေခံရိုက်ကူးထားတဲ့ ပေါ်တူဂီစကားပြောဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ ဘရာဇီးမြို့ငယ်လေးတစ်မြို့က လမ်းတစ်လမ်းမှာ ဂျင်မီဖိုက်၊ စမတ်၊ မိုနီကာနဲ့ မဂ္ဂီတို့ဟာ မတည့်အတူနေ သူငယ်ချင်းလေးယောက်ပါ။ မိုနီကာဟာ မိန်းကလေးဆိုပေမယ့် စွာတေးလန်လေးဖြစ်နေလို့ တစ်လမ်းလုံးရဲ့ လမ်းဗိုလ်လိုဖြစ်နေသူလေးပါ။ ဂျင်မီဖိုက်ကတော့ မိုနီကာ့နေရာကိုယူချင်နေတဲ့ အကြံဉာဏ်ထုတ်တတ်တဲ့ ကောင်လေးပါ။ အဲ့လိုတစ်ယောက်နဲ့တစ်ယောက် ပြိုင်ဆိုင်နေကြရင်းနဲ့ တစ်နေ့မှာ ဂျင်မီဖိုက်မွေးထားတဲ့ ခွေးလေးဟာ ထူးဆန်းစွာနဲ့ ပျောက်ချင်းမလှပျောက်သွားပါတယ်။ အဲ့အခါမှာ ပိုင်ရှင်ဖြစ်သူဂျင်မီဖိုက်တစ်ယောက် မစားနိုင်၊ မအိပ်နိုင် ကြေကွဲနေချိန်မှာ မတည့်အတူနေ ကျန်သူငယ်ချင်းတွေက လာရောက်အားပေးစကားပြောပြီး ခွေးလေးကိုလိုက်ရှာကြဖို့ ဆုံးဖြတ်လိုက်ပါတယ်။ မြို့အနီးအနားဝန်းကျင်မှာ သတင်းစုံစမ်းရင်း လူတစ်ယောက်က ခေါ်သွားကြောင်းစုံစမ်းမိတဲ့အခါမိမိတို့အိမ်က လူကြီးတွေမသိအောင် ပြင်ဆင်စရာရှိတာတွေ ပြင်ဆင်ပြီး လေးယောက်သား ခွေးရှာပုံတော်ဖွင့်ထွက်ခဲ့ကြပါတော့တယ်။ သူတို့ခွေးလေးကို လွယ်လွယ်ကူကူပဲ ပြန်တွေ့မလား၊ ဘယ်လိုအခက်အခဲတွေ ဖြတ်ကျော်ပြီးမှ ပြန်တွေ့မလဲဆိုတာကိုတော့ ဇာတ်လမ်းထဲမှာ ဆက်လက်ကြည့်ရှုကြရမှာဖြစ်ပါတယ်။ ကျွန်တော့်အနေနဲ့ ပြောရရင် ဒီဇာတ်ကားလေးဟာ ပေါ့ပေါ့ပါးပါးမိသားစုဇာတ်ကားလေးဆိုပေမယ့် ပါဝင်သရုပ်ဆောင်ထားတဲ့ သရုပ်ဆောင်တွေ၊ အထူးသဖြင့် ကလေးသရုပ်ဆောင် လေးယောက်ရဲ့ သရုပ်ဆောင်ချက်ကို အတော်လေးသဘောကျမိပါတယ်။ ဇာတ်ကားတစ်ကားလုံးနီးပါးကို သူတို့လေးယောက်ရဲ့ ဟန်ချက်ညီညီ၊ အပေးအယူမျှမျှ ဟာကွက်မရှိသရုပ်ဆောင်သွားချက်ဟာ ဇာတ်ကားတစ်ကားလုံးကို ပျင်းမသွားရအောင် ထိန်းထားပေးသလို ဇာတ်ကားတစ်ကားလုံးရဲ့ အသက်လို့လည်း ပြောလို့ရပါတယ်။ တခြား အထူးပြုလုပ်ချက်တွေ၊ CGI၊ VFX effects တွေ မွှနေအောင်သုံးမထားပေမယ့် ကောင်းမွန်တဲ့ setting၊ ပါဝင်တဲ့ဇာတ်ဆောင်တွေရဲ့ အပေးအယူမျှတဲ့သရုပ်ဆောင်ချက်၊ ဇာတ်အိမ်ရဲ့ အချိတ်အဆက်မိ ထောင့်စေ့မှုတွေကိုကြည့်ယုံနဲ့ ဘရာဇီးဇာတ်ကားတွေဟာ ရုပ်ရှင်အဆင့်အတန်းတစ်ခုမှာရှိမှန်း တန်းသိနိုင်ပါတယ်။ လူနဲ့ တိရစ္ဆာန်ကြားက ချည်နှောင်မိတဲ့သံယောဇဥ်အကြောင်းကို adventure ရသလေးရောစွက်ရင်း အကောင်းဆုံးတင်ဆက်ပြထားပါတယ်။ ထူးခြားဆန်းပြားလွန်းတဲ့ ဇာတ်လမ်းမျိုးမဟုတ်ပေမယ့် IMDb rating 7.1 အထိ ရထားတာကိုကြည့်ခြင်းအားဖြင့် ဇာတ်ကားရဲ့အရည်အသွေးကို ခန့်မှန်းနိုင်မှာဖြစ်ပြီး ကြည့်ရှုဖို့ တင်ဆက်လိုက်ပေးရပါတယ်။ File size…(1.9 GB)/(1.1 GB) Quality….Blu-Ray 1080p / 720p Format…mp4 Duration….01:37:00 Genre…Adventure, Family Subtitle….Myanmar Subtitle (Hardsub) Encoder….Garfield Translated by Ninja

Lone Survivor (2013) အချိန်က ၂၀၀၅ ဂျွန်လ။ အာဖဂန်နစ္စတန်မှာ တာလီဘန်အုပ်ချုပ်ရေး ၂၀၀၁ မှာပြိုပြီးတဲ့နောက် ပြန်လည်တည်ဆောက်ရေးလုပ်နေဆဲကာလပေါ့။ တာလီဘန်တွေက ကုန်သွားတာတော့မဟုတ်ဘူး။ အလ်ကိုင်ဒါနဲ့ မဟာမိတ်ဖွဲ့ထားတဲ့ နီယိုတာလီဘန်ဆန်ဆန် အဖွဲ့တွေကျန်သေးတယ်။ သူတို့ကိုလည်း တာလီဘန်လို့ပဲခေါ်တယ်။ အာဖဂန်မှာလည်း တာလီဘန်ဆန့်ကျင်တဲ့ပြည်သူတွေကျန်နေသေးတယ်။ အဲဒါကိုလည်း ဒီရုပ်ရှင်မှာမြင်ရမယ်။ အဲဒီ ၂၀၀၅ ခုနှစ်ရဲ့ အရေးအပါဆုံးစစ်ဆင်ရေးက‌ Red Wings တောင်ပံနီစစ်ဆင်ရေး။ ဒီရုပ်ရှင်က တောင်ပံနီစစ်ဆင်ရေးမှာ မကျဆုံးခဲ့တဲ့ SEAL တပ်သား Marcus Luttrell ရဲ့ Lone Survivor ဆိုတဲ့စာအုပ်ကိုမှီငြမ်းထားတယ်။ စာအုပ်အချက်အလက်တွေအပြင် တကယ့် စစ်ပွဲမှတ်တမ်းအထောက်အထားတွေကိုပါသုံးရိုက်ထားတဲ့အတွက် Realistic ဆန်တဲ့အပိုင်းမှာ ဝေဖန်ရေးဆရာတွေရဲ့ ချီးမွမ်းမှုကို အတော်လေးရခဲ့တယ်။ National Board of Review ရဲ့ ၂၀၁၃ ခုနှစ်အတွင်း အကောင်းဆုံးရုပ်ရှင် ၁၀ကားစာရင်းမှာပါခဲ့တယ်။ ဒီရုပ်ရှင်ကိုရိုက်တဲ့ Peter Berg ကလည်း ၂၀၁၂ မှာ Mark Wahlberg နဲ့ Battleship ကိုရိုက်ပြီးခါစဆိုတော့ စစ်ကားအပိုင်းမှာ ဒါရိုက်တာကော မင်းသားပါ အရှိန်ရနေခဲ့တဲ့ကာလလို့ပြောရမယ်။ ဒီရုပ်ရှင်က တောင်ပံနီစစ်ဆင်ရေးရဲ့ တာဝန်က Ahmad Shah ဆိုတဲ့ တာလီဘန်ခေါင်းဆောင်ကိုရှင်းဖို့။ သူက တာလီဘန်အဖွဲ့တစ်ခုဖြစ်တဲ့ Hezb-e-Islami Gulbulddin (HIG) ရဲ့ ခေါင်းဆောင်ဖြစ်ပြီး အာဖဂန်မှာ အမေရိကန်တပ်သားတွေကို ချုံခိုရှင်းခဲ့တာတင်မကဘဲ အမေရိကန်စစ်တပ်ကိုကူညီတဲ့ အာဖဂန်ရွာသားတွေကိုပါ ရှင်းတာကြောင့် သူ့ကိုအန္တရာယ်ကြီးရာဇဝတ်ကောင်အဖြစ်သတ်မှတ်ထားတယ်။ သူ့ကိုရှင်းထုတ်ဖို့ SEAL အဖွဲ့ဝင် ၄ ယောက်က တာဝန်ပေးခံရတယ်။ သူတို့ ၄ ယောက်က တောင်ပံနီစစ်ဆင်ရေးအတွက် တာဝန်ကျနေရာကိုရောက်ပြီး နေရာယူထားတဲ့အထိ အားလုံးကအဆင်ပြေနေသေးတယ်။ ဆိတ်ကျောင်းသားမြေးအဖိုးတွေ မရောက်လာခင်အထိပေါ့။ ဆိတ်ကျောင်းသားတွေကိုမိတဲ့အချိန် သူတို့အနေနဲ့ သတ်မလား…လွှတ်မလား… ရွေးရတော့တယ်။ ရှင်းလိုက်ရင် သူတို့နေရာမပေါက်ကြားတော့ဘူး။ တာဝန်ကိုဖြောင့်အောင်ဆက်လုပ်လို့ရတယ်။ ဒါပေမဲ့ အဲဒါကသူတို့ရဲ့ ထိတွေ့တိုက်ခိုက်မှုစည်းမျဉ်းကို ချိုးဖောက်ရာရောက်သွားမယ်။ လွှတ်လိုက်ရင် သူတို့နေရာပေါက်ကြားပြီး တာလီဘန်အယောက် ၂၀၀ လောက်က သူတို့ကို အမဲလိုက်ဖျက်တာခံရမယ်။ ဘာရွေးခဲ့လဲ။ သူတို့စည်းမျဉ်းအတိုင်းပဲ လွှတ်ပေးခဲ့တယ်။ အကျိုးဆက်ကတော့ ရာနဲ့ချီတဲ့တာလီဘန်တွေကို ၄ ယောက်တည်းနဲ့ ခံတိုက်ရတာပဲ။ သာမန်အားဖြင့်ဆိုရင် SEAL တွေက ဒီလိုအခြေအနေတွေကိုကောင်းကောင်းတုံ့ပြန်နိုင်ဖို့ လေ့ကျင့်ပြီးသားပါ။ မြေပြန့်မှာဆိုရင်ပေါ့။ ဖြစ်ချင်တော့ သူတို့တိုက်ပွဲဖြစ်တဲ့နေရာက တောင်တွေအတော်ထူထပ်တဲ့ အာဖဂန် အရှေ့မြောက်ပိုင်းဖြစ်နေတယ်။ အဲဒီမှာ မြေပြင်အနေအထားအရ တာလီဘန်တွေအသာစီးရပြီး SEAL တွေအတော်ထိသွားတယ်။ တောင်ပေါ်ကပြုတ်ကျတာလည်းအကြိမ်ကြိမ်၊ ကျည်ဆန်မှန်တာလည်းအကြိမ်ကြိမ်နဲ့ပေါ့။ နောက်ဆုံးမှာ Marcus Luttrell တစ်ယောက်ပဲ အသက်ရှင်ခဲ့တဲ့အထိပဲ။ မစ်ရှင်ကတော့ မအောင်မြင်ခဲ့ဘူး။ ဒီရုပ်ရှင်က SEAL တွေရဲ့ ရဲစွမ်းသတ္တိနဲ့ အနစ်နာခံမှုတွေကို တမ်းတအောက်မေ့တဲ့အနေနဲ့ ရိုက်ခဲ့တာဖြစ်တယ်။ ရိုက်ကူးတုန်းကလည်း တကယ့် Navy SEAL တွေ စစ်ပြန်တွေက ရိုက်ကွင်းအကြံပေးတွေအနေနဲ့ပါခဲ့ကြတယ်။ လက်တွေ့ဘဝက Marcus Luttrell တောင်မှ cameo အနေနဲ့ပါခဲ့သေးတယ်။ တောင်ပေါ်က ပြုတ်ကျတဲ့အခန်းတွေဆိုရင်လည်း CGI နဲ့ရိုက်တာမဟုတ်ဘဲ Stunt double တွေနဲ့ အမှန်အကန်ရိုက်ခဲ့တယ်။ အရိုက်လွန်ပြီး Mark Wahlberg ရဲ့ စတန့်သမားတောင် တစ်ခန်းအပြီး ဆေးရုံတင်လိုက်ရသတဲ့။ အဓိကချီးကျူးစရာက အသံပိုင်းဖြစ်လိမ့်မယ်။ အဲဒါကြောင့်လည်း အသံပိုင်းမှာ Academy ဆု ဆန်ခါတင် ၂ ခုဝင်ခဲ့တယ်။ သရုပ်ဆောင်တွေအနေနဲ့လည်း Mark Wahlberg တို့ Taylor Kitsch တို့ Ben foster တို့လို ဆရာကြီးတွေပါ‌တဲ့အတွက် အပြစ်ပြောစရာမရှိဘူး။ ဖြစ်ရပ်မှန်စစ်ကားကောင်းကောင်းလေးမှကြိုက်တယ်ဆိုရင်တော့ ဒီရုပ်ရှင်ကို အကြိုက်တွေ့ပါလိမ့်မယ်။ (ရုပ်ရှင်အညွှန်းနဲ့ဘာသာပြန်ကို Min Khant Bo မှ တင်ဆက်ထားပါတယ်။)

2024 မှာအသစ်စက်စက်ထွက်ထားတဲ့ အင်ဒိုဇာတ်ကားလေးနဲ့ မိတ်ဆက်ပေးချင်ပါတယ်။ ညတစ်ညမှာ ကာလာဟာ ဘားတစ်ခုမှာတစ်ယောက်တည်းသောက်နေတယ်။ သူနဲ့မလှမ်းမကမ်းမှာ အမျိုးသားတစ်ယောက်က သူ့ကို ခိုးကြည့်နေတယ်။ ဒါကိုကာလာလည်းသတိထားမိတယ်။ အချိန်အနည်းငယ်ကြာတော့ အဲ့အမျိုးသားဟာ ဘေရှင်းပြီး ပြန်ဖို့လုပ်တယ်။ ဒါပေမယ့်သူ့ပိုက်ဆံအိတ်က ကားပေါ်မှာ ကျန်ခဲ့တဲ့အတွက် ဝိတ်တာနဲ့အချင်းများနေတယ်။ ဒီအခြေအနေကို မကြည့်ဝံ့တဲ့ ကာလာလည်း ထိုအမျိုးသား အတွက်ပိုက်ဆံရှင်းပေးပြီး နှစ်ယောက်သားဘားကနေ ထွက်လာလိုက်တယ်။ ကျေးဇူးတင်တဲ့အနေနဲ့ ကာလာကို ကားပါကင်ဆီလိုက်ပို့ရင်းနှစ်‌ယောက်သား လမ်းလျှောက် ထွက်လာကြတယ်။ အပြန်အလှန်စကားပြောရင်းနဲ့ တစ်ည တာပဲ သိကျွမ်းခွင့်ရတဲ့အတွက် တစ်ယောက်အကြောင်း တစ်ယောက်သိအောင် ဘာလျှိုဝှက်ချက်မှ မထားဘဲအပွင့် လင်းဆုံး ရင်ဖွင့်ကြမယ်လို့ သဘောတူလိုက်ကြတဲ့အခါမှာတော့….. File size…1.13GB / 657MB Quality…WEB-DL 1080p 5.1CH / 720p Format…mp4 Duration….1h 30m Genre ….. Drama , Romance Subtitle….Myanmar Subtitle (Hard Sub) Encoder….Min Wai Translated by Tin Myo Lwin

Maybe Today (2023) IMDb Rating (6.1) အကယ်၍ ကျွန်တော်တို့သာ ခံစားချက်ကိုမဖုံးကွယ်ဘဲ ရိုးသားခဲ့ကြမယ်ဆိုရင်… အကယ်၍ ကျွန်တော်တို့သာ သူငယ်ချင်းဆိုတဲ့ဝေါဟာရကို ဆုပ်ကိုင်မထားခဲ့ဘူးဆိုရင်… အကယ်၍ ကျွန်တော်တို့သာ ကျွန်တော်တို့အရမ်းချစ်ရတဲ့သူကို ဖွင့်ပြောဖို့သတ္တိမျိုး ရှိခဲ့မယ်ဆိုရင်… ဒီဇာတ်လမ်းလေးက ကောလိပ်မှာကတည်းက ခြောက်နှစ်ကျော် ချစ်လာခဲ့တဲ့ ဆင်းရဲသား ကောင်လေးတစ်ဦးနဲ့ သူ့ရဲ့သူငယ်ချင်းဆိုတဲ့ သူဌေးသမီးလေးရဲ့ ရင်နာစရာအချစ်ဇာတ်လမ်းလေးတစ်ပုဒ်ပေါ့။ မတူညီတဲ့ ဘဝအဆင့်အတန်းကြောင့် ကိုယ်ဝါသနာပါတဲ့ ဂီတအိပ်မက်ကိုစွန့်လွှတ်ပြီး ကနေဒါကိုအလုပ်လုပ်ဖို့ သွားခဲ့ရတဲ့ Harold နဲ့ ကျန်ရစ်ခဲ့ရတဲ့ သူငယ်ချင်းမလေး AM တို့ နောက်ငါးနှစ်ကျော်မှ သူများမင်္ဂလာဆောင်တစ်ခုမှာ ပြန်ဆုံတွေ့ရင်း အရင်ကခံစားချက်တွေ ပြန်ပေါ်ပေါက်လာတဲ့အခါမှာ… သူတို့ရဲ့ ခံစားချက်အစစ်အမှန်တွေကို ဖွင့်ပြောလာနိုင်မှာလား… ဒါမှမဟုတ် အရာအားလုံးက နောက်ကျသွားပြီလားဆိုတာကို ဒီဖိလစ်ပိုင်ဇာတ်လမ်းကောင်းလေးထဲမှာ ဆက်လက်ကြည့်ရှုလိုက်ကြပါနော်…။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်) File size…(1.9 GB) / (765 MB) Quality….WEB-DL 1080p HEVC / 720p Format…. mkv/mp4 Duration….01:40:09 Subtitle….Myanmar Subtitle (Hardsub) Encoder….Benjamin Translated by Thwal Htoo Zin

Wretches (2018) *************** ပရိသတ်တို့အချစ်တော် ဂင်ချားနား (Lee Yi Kyung), Uncle Samsik ထဲက (Lee Won Geun) နဲ့ Dali and Cocky Prince, Celebrity ထဲက (Park Gyu-Young)တို့ ပါဝင်ထားပြီး ကိုရီးယားနိုင်ငံရဲ့ ဆိုးဝါးလှတဲ့အရာတစ်ခုဖြစ်တဲ့ ကျောင်းတွင်းအကြမ်းဖက်မှု အကြောင်းကို ဇာတ်အိမ်တည် ရိုက်ကူးထားတဲ့ 2018 ခုနှစ်ထွက် ဇာတ်ကားတစ်ပုဒ်နဲ့ မိတ်ဆက်ပေးလိုက်ပါတယ်။ ဇာတ်လမ်းအညွှန်း **************** သာမန်ကျောင်းသားတစ်ဦးဖြစ်တဲ့ Jae-Young နဲ့ သူ့သူငယ်ချင်းတို့ဟာ ကျောင်းမှာ အနိုင်ကျင့်ခံရနေကျ ကျောင်းသားတွေပါ။ တစ်ရက်သည်းမခံနိုင်တော့တဲ့အဆုံး အနိုင်ကျင့်တဲ့ခေါင်းဆောင်ကို အအေးထဲ ပိုးသတ်ဆေးခတ်လိုက်ရာကနေ သူငယ်ချင်းဖြစ်သူက ကျောင်းထွက်လိုက်ရပါတယ် .. ။ ကျောင်းတွင်းအနိုင်ကျင့်အဖွဲ့တွေမှာလည်း အာဏာအပေါ်မူတည်ပြီး အထက်တွေ အောက်တွေရှိတဲ့အလျောက် ထုံးစံအတိုင်း ကျန်ခဲ့တဲ့ Jae-Young တစ်ယောက် မပြီးမဆုံးနိုင် အနိုင်ကျင့်ခံရပါတယ်။ စပရိန်တို့လို ဖိလေလေ တွန်းကန်လေဆိုတဲ့အတိုင်း ချောင်ပိတ်ပြီး လွတ်လမ်းမရှိတဲ့ လူငယ်ကျောင်းသားတစ်ယောက် ဘယ်လိုတွေ လက်တုံ့ပြန်သွားမလဲဆိုတာကို Jae-Young နေရာမှာပါ ဝင်ခံစားပြီး ရင်တမမနဲ့ ကြည့်ရှုခံစားရစေမဲ့ ဇာတ်လမ်းလေးတစ်ပုဒ်ပဲဖြစ်ပါတယ်။ (အညွှန်းကို Yati Naing မှ ရေးသားထားပါတယ်) File size…1.13GB / 500MB Quality… WEB-DL 1080p/ 720p Format…mp4 Duration….1 hr. 42 min. Genre ….. Psychological, Youth, Drama Subtitle….Myanmar Subtitle (Hard Sub) Translated by Yati Naing Encoded by AHtet

သည်းထိတ်ရင်ဖို ရုပ်ရှင်တွေထဲမှာမှ တိရစ္ဆာန်တွေနဲ့ အသည်းယားစရာကောင်းတဲ့ ရုပ်ရှင်ကို ကြိုက်တဲ့သူတွေကတော့ ဒီ Evil The Rat ဆိုတဲ့ ရုပ်ရှင်ကို အကြိုက်တွေမှာ သေချာပါတယ်။ ဇာတ်လမ်းအကျဉ်းလေးကတော့- ရှထျန်းနဲ့ လင်ဖုန်းတို့သူငယ်ချင်းအဖွဲ့ဟာ ဆွံ့အမိန်းကလေးတစ်ယောက်ကို ကယ်တင်ဖို့အတွက် ဓာတုစက်ရုံတစ်ခုထဲကို ဝင်ရောက်သွားခဲ့ပါတယ်။ အဲဒီစက်ရုံထဲမှာ ကြွက်ပေါင်းထောင်သောင်းချီ မွေးထားပြီး ကြွက်ခေါင်းဆောင်တစ်ကောင်က ဦးဆောင်ကြီးစိုး နေတာကို သိခဲ့ရပါတယ်။ ဗီဇပြောင်းကြွက်တွေက လူတွေကို တိုက်ခိုက်လာတဲ့အခါမှာတော့…… လင်ဖုန်းနဲ့ ရှထျန်းတို့ဟာ ဘယ်လို အန္တရာယ်မျိုးတွေကို ကြုံတွေ့ရမလဲ…… ဆွံ့အမိန်းကလေးကိုရော ကယ်တင်နိုင်ကြမလား…… ဗီဇပြောင်းကြွက်တွေကို ဘယ်လိုလူက ဘယ်လိုရည်ရွယ်ချက်နဲ့ မွေးထားရသလဲ…… ဆိုတာကို ဆက်လက်ကြည့်ရှုလိုက်ရအောင်နော်။

CMကနေ ဒီတစ်ခါ တင်ဆက်ပေးမယ့်ဇာတ်ကားလေးကတော့ 2021 ခုနစ်လောက်က ဝက်ဝက်ကွဲနာမည်ကြီးခဲ့တဲ့ ခြင်္သေ့အကနဲ့ သိုင်းပညာကို ပေါင်းစပ်ထားတဲ့ I’m what I’m ဆိုတဲ့ ကားလေးရဲ့ ဒုတိယအတွဲပဲဖြစ်ပါတယ် ဇာတ်လမ်းလေးကို ညွှန်းရမယ်ဆိုရင် နယ်မြို့လေးကနေ အဖေဆေးကုဖို့အတွက် ရှန်ဟိုင်းမြို့ကိုတက်လာခဲ့တဲ့ အားကျွမ်းဆိုတဲ့လူငယ်လေးဟာ ခြင်္သေ့အကမှာ တဖက်ကမ်းခတ်ကျွမ်းကျင်ပါတယ် သို့ပေမယ့်လည်း ကျွမ်းကျင်ရာ အလုပ်နဲ့ အသက်မွေးဝမ်းကျောင်းပြုလို့မရတာတစ်ကြောင်း ဖခင်ဖြစ်သူအတွက် ဆေးကုသစရိတ်က ယွမ်သိန်းချီ ကုန်ကျမှာဖြစ်တာတစ်ကြောင်း ကြုံရာကျပန်းအလုပ်ကိုဝင်လုပ်နေတာပါ တစ်နေ့ သူ့ဆီကို သူငယ်ချင်းတွေဖြစ်တဲ့ အားမောင်းနဲ့ အားကို နှစ်ယောက် ရောက်လာတဲ့အချိန် တိုက်ခန်းပိုင်ရှင်က လူများလို့ လက်မခံတာရယ်ကြောင့် လမ်းဘေးမှာ အိပ်ရတော့မယ့်အခြေအနေကိုရောက်နေတဲ့အချိန်မှာပဲ အချိန်ပိုင်းအလုပ်အဖိုးအခကို သွားတောင်းရင်း လက်ဝှေ့ရုံပိုင်ရှင်ရဲ့ သမီးဝမ်‌ကျောင်းယွီနဲ့ဆုံပါတော့တယ် အားကျွမ်းလာတဲ့အချိန်က ဝမ်ကျောင်းယွီဆီကို လူလည်ကျတဲ့သူတွေက ငွေညှစ်နေတဲ့အချိန်နဲ့တိုးတော့ ဝင်ကူပေးရာကနေ အားကျွမ်းရဲ့ တိုက်ရည်ခိုက်ရည်ကို မြင်ပြီး လက်ဝှေ့ပြိုင်ပွဲဝင်ဖို့ ကမ်းလှမ်းပါလေရော ချန်ပီယံဖြစ်ရင် ယွမ်သုံးသိန်းရမှာဆိုတော့ အားကျွမ်းတစ်ယောက် လုပ်ဖို့ ဆုံးဖြတ်လိုက်ပါတော့တယ် ခြင်္သေ့အကသာ ကျွမ်းပေမယ့် လက်ဝှေ့ပညာကို မသင်ယူဖူးတဲ့ အားကျွမ်းတစ်ယောက် လက်ဝှေ့ကြိုးဝိုင်းထဲဝင်ဖို့ အခက်အခဲတွေကို ဘယ်လိုကျော်ဖြတ်မှာလဲ………

Universal Language (2024) IMDb Rating (6.9) / Rotten Tomatoes (95%) ဒါရိုက်တာ Matthew Rankin ရိုက်ကူးထားတဲ့ အတွေးအခေါ်ပိုင်းရုပ်ရှင်တစ်ခုပါပဲ ။ စစချင်းမှာ ကလေးတွေကို ငေါက်ငမ်းနေတဲ့ကျောင်းဆရာ၊ ဆရာက စိတ်တိုနေပါတယ်ဆိုမှ အတန်းနောက်ကျတဲ့အပြင် အကြောက်အလန့်မရှိပဲ အတွေးတွေကိုထုတ်ဖော်ပြတဲ့ ကလေးလေးတစ်ယောက်ကြား အပြန်အလှန်ပြောဆိုပုံနဲ့ စထားပြီး ဒီရုပ်ရှင်မှာ ဘ၀သုံးခုကိုပုံဖော်ပေးသွားတယ် ။ လမ်းမှာမြင်တဲ့ကြက်ဆင်ကြီးက သူ့မျက်မှန်ကို ယူသွားလို့ သင်ပုန်းပေါ်ကစာကို မဖတ်နိုင်တော့ပါဘူးဆိုတဲ့ကလေးကို ဆရာက စိတ်ဆိုးပြီး တစ်တန်းလုံးကို မောင်းထုတ်လိုက်တော့ အတန်းဖော်ကောင်မလေးက သူရှာပေးမယ်ပြောတယ် ။ ရေခဲပြင်ကြီးအောက်မှာခဲနေတဲ့ ငွေ ၅၀၀ ကိုယူပြီး သူ့သူငယ်ချင်းအတွက် မျက်မှန်အသစ်ပေးလိုက်ရင် ဆရာက ပြန်လက်ခံမယ်ပေါ့ ။ ဒါပေမဲ့ ရေခဲနေပါတယ်ဆိုမှ ကလေးမလေးနှစ်ယောက်သား ဘယ်လိုများယူကြမှာလဲ? ပြီးတော့ ပန်းဆိုင်လာပြီး ပန်းဖိုးမရှိတဲ့လူတစ်ဦး ။ အလုပ်ထွက်ခဲ့ပြီး မိခင်ကိုလာတွေ့တယ်တဲ့ ။ အမေကိုဆက်ပေမဲ့ မသိတဲ့လူက ဖုန်းကိုင်လာတာ အဲ့လူကရော ဘယ်သူဖြစ်မလဲ ။ ပြီးတော့ ၀င်နာပတ်ဆိုတဲ့မြို့ကြီးတစ်ဝိုက်ကို ပျင်းရိနေပြီဖြစ်တဲ့လူတစ်စုကို လိုက်လံပြသနေတဲ့တိုးရစ်ဂိုက်တစ်ဦး ။ သူတို့သုံးဦးမှာ ဘာတွေဆက်စပ်နေမလဲဆိုတာကို ဘ၀ကို မတူတဲ့အမြင်ဘက်ကကြည့်ပြီး ရိုက်ကူးထားခြင်းပါ ။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size… (3.4 GB) / (1 GB) Quality…. WEB-DL 1080p HEVC / 720p Format…. mp4 Genre…. Comedy, Drama Duration…. 01:29:34 Subtitle…. Myanmar Subtitle (Hardsub) Encoder…. Benjamin Translated by Phu Thet Khin