Santaman (2022) ပူလောင်ခြင်းတွေမပါဘဲ ငယ်ဘဝကာတွန်းကား အနှစ်သာရကို ခံစားချင်ပါသလား မိတ်ဆွေ... အဲ့ဒါဆိုရင် ဒီကားလေးက သင့်အတွက်ပါပဲနော်... ဇာတ်လမ်းအကျဥ်း ခရစ္စမတ်တိုင်းရဲ့ ဇာတ်လိုက်ကျော် ဆန်တာကလော့စ်ဟာ ခရစ္စမတ်နေ့မှာ လက်ဆောင်ထုတ်တွေပို့ရင်း သူ့ရဲ့ လက်ဆောင်အိတ်ကို သူခိုးတွေ လုတာခံလိုက်ရပါတယ်။ ထာဝရအသက်ရှင်နေသမျှ ကာလပတ်လုံး လူကောင်းတွေအတွက် လက်ဆောင်တွေကို နှစ်စဥ်ပို့နေပေမယ့် လူဆိုး အမည်ပျက်စာရင်းဝင်တဲ့သူတွေအတွက် ဘာမှမလုပ်ပေးနိုင်တာမို့ အားမလိုအားမရဖြစ်နေတာပေါ့။ အဲ့လိုနဲ့ ဆန်တာတစ်ယောက် လူဆိုးတွေကို ဖမ်းဆီးဖို့ ဆန်တာမန်းအဖြစ် အလုပ်တွေကြိုးစားပါတော့တယ်။ ဒါပေမဲ့ တခြားတစ်ဖက်မှာ ဆန်တာရဲ့ထာဝရအသက်ရှင်နိုင်စွမ်းကိုလိုချင်နေတဲ့လူဆိုးတစ်ယောက်ရှိနေပြန်တယ်။ လူဆိုးရဲ့ ရည်ရွယ်ချက်အထမြောက်သွားနိုင်မလား...? ဆန်တာကို ဘယ်သူတွေကူညီကြမလဲ...? လူဆိုးကရော ဘယ်သူလဲ...? ကဲ... ဆျာဘတ်ဗားရှင်း ဆန်တာမန်းကို ခံစားကြည့်ရှုကြပါဦး... File size…(1.92GB)/(990MB)/(506MB) Quality….Webrip 1080p / 720p / 480p Format…mp4 Duration….01:36:00 Genre...Animation / Adventure /  Family Subtitle….Myanmar Subtitle (Hardsub) Encoder….Mr. Anderson Translated by ...Northener

ဒီရုပ်ရှင်ကတော့ အရင်ထွက်ခဲ့တဲ့ ရက်စီဒန့်အီဗယ် ရုပ်ရှင်တွေနဲ့ သိပ်မဆက်စပ်ထားဘဲနဲ့ ဒါရိုက်တာက မူရင်း ဟော်ရာဗီဒီယိုဂိမ်းကို အခြေခံရိုက်ကူးထားတာဖြစ်ပါတယ်။ ငယ်ငယ်က ဂိမ်းကစားခဲ့ဖူးတဲ့လူတွေတော့ ရင်းနှီးနေမှာပါ။ ဇာတ်ကောင်တွေကလည်း လီရွန်၊ ကလယ်ရာတို့ကိုပဲ ပြန်သုံးထားတာပါ။ ဒီတော့ ဟော်ရာအရသာနဲ့ ဇွန်ဘီးဆိုတာ ဘာလည်းမသိသေးခင် အချိန်ကို ကြည့်ရမှာပါပဲ။ ဇာတ်လမ်းအကျဉ်းကတော့ ရက်ကွန်းမြို့က မိဘမဲ့ဂေဟာတစ်ခုမှာ ခရစ် နဲ့ ကလယ်ရာ ဆိုတဲ့ မောင်နှမနှစ်ယောက်ရှိတယ်။ ကလယ်ရာက ဂေဟာကနေ ထွက်ပြေးသွားခဲ့ပြီး ခရစ်ကတော့ ရက်ကွန်းမြို့မှာ ကျန်ခဲ့တာပေါ့။ ရက်ကွန်းမြို့ဟာ ကမ္ဘာအကြီးဆုံးဆေးဝါးကုမ္ပဏီကြီး အမ်ဘရဲလား အခြေစိုက်ခဲ့တဲ့နေရာဖြစ်ပေမဲ့ အခုတော့ အမ်ဘရဲလားက ပြောင်းရွှေ့သွားပြီဖြစ်လို့ လူနည်းစုလေးပဲ ကျန်ခဲ့တဲ့ စွန့်ပစ်မြို့ဖြစ်နေပါပြီ။ တစ်နေ့တော့ အိမ်ပြေးဖြစ်နေတဲ့ ကလယ်ရာဟာ အမ်ဘရဲလားရဲ့မူမမှန်တဲ့စမ်းသပ်ချက်တွေနဲ့ ပတ်သတ်တဲ့ကိစ္စတစ်ခုကြောင့် သူ့အစ်ကိုဆီကို ပြန်လာချိန်မှာ ဇွန်ဘီးတွေပေါ်ထွက်လာလို့ မြို့ထဲမှာ ပိတ်မိသွားပြီး ဇွန်ဘီးတွေလက်ထဲကနေ လွတ်အောင်ရုန်းရတော့မယ်အခြေအနေ ဖြစ်လာတဲ့အခါ... File size… 250MB / 1Gb / 1.3GB Quality…720p HEVC Small Size / 720p WEB RIP / 1080p AAC 5.1CH Format…mkv Duration….1h 47mins Subtitle….Myanmar Subtitle (Hard Sub) Encoder….Thit San Khant & YK Translated by Mr.Anderson

Fast & Furious ပရိသတ်တွေအတွက် USD 250 million အကုန်အကျခံပြီး အကောင်းဆုံးတင်ဆက်ထားတဲ့အတွက် Box officie မှာ USD 1 Billion ကျော် ဝင်ငွေရပြန်ရခဲ့ပြီး IMDb 7.2 ထိ Rating ရထားပါတယ်။ ဇာတ်လမ်းအကျဉ်းလေးကတော့ ကျွန်တော်တို့ရဲ့ဇာတ်လိုက်ကျော်ကြီး “ဒွန်မနစ်တိုရက်စ်တို” တစ်ယောက် သူရဲ့ ချစ်ဦးသူ “လတ်တီ” တို့ ကျူးဘားကျွန်းလေးမှာ ဟန်နီးမွန်းထွက်နေကြပါတယ်။ ဒီအချိန်မှာ အမေရိကန်အစိုးရရဲ့  Electromegnatic Pulse –EMP လို့ခေါ်တဲ့စွမ်းအားမြင့်ဗုံးကို အခိုးခံလိုက်ရပြီးဘာလင်က လက်နက်ကုန်သည်တွေ လက်ထဲမှာရောက်နေပါတယ်လို့ သတင်းရထားပါတယ်။ ဒီဗုံးနဲ့သာတိုက်ခိုက်ရင် ကမ္ဘာပေါ်မှာရှိတဲ့ ဘယ်မြို့ကြီးမဆို စွမ်းအင်တွေပြတ်ပြီးကျောက်ခတ်ကလို ပြန်ဖြစ်သွားနိုင်တဲ့အတွက် အမေရိကန်အစိုးရ ကိုယ်လုပ်ထားတဲ့ဗုံးအတွက်ကိုယ်ပြန်ပူပန်နေရပါပြီ။ တစ်ခြားနိုင်ငံတစ်ခု ပိုင်နက်မှာဆိုတာ့ အစိုးရအနေနဲ့ တရားဝင်အဖွဲ့အစည်းတွေလွတ်လို့မရတဲ့အတွက် “လုခ်ဟော့ခ်” ကိုပဲ ဦးဆောင်ခိုင်းပြီး ပြန်ခိုးခိုင်းလိုက်ပါတယ်။ ဒီ EMP ဗုံးကို Furious အဖွဲ့သားတွေ အောင်မြင်အောင်ခိုးလာနိုင်ပေမယ့် ဇာတ်လိုက်ကျော်ကြီးဒွန်က သစ္စာဖောက်ပြီး ယူသွားပြီးတော့ Cipher နဲ့ ပူးပေါင်းသွားပါတော့တယ် ။ “Cipher” ဆိုတာကတော့ အလွန်တော်တဲ့ Hacker တစ်ယောက် Cyber အကြမ်းဖက်သူကြီးတစ်ဦးပေမယ့် မိန်းမချောလေးတစ်ဦးပါ။ သူက အလွန်တော်တဲ့Hacker မို့ သူ့အကြောင်းတွေ အလွယ်တကူ စုံစမ်းလို့မရပါဘူး။ ဘဝဆိုတာ ရွေးချယ်မှုကြားထဲမှာပဲ ရှင်သန်လုပ်ရှားနေရတာပါ ။ ကိုယ့်ဘဝဟာ ကိုယ့်လက်ထဲမှာ ရှိပါတယ် “ အောင်မြင်ချင်သလား ရှုံးနိမ့်ချင်သလား” ကြိုက်ရာကိုရွေးချယ်လို့ရပါတယ်။ ဒွန်တစ်ယောက် ဒီလမ်းကို ရွေးချယ်သွားတာလည်း အကြောင်းရှိပါတယ်။ -မိသားစုတွေကို ဘယ်တော့မှ သစ္စာမဖောက်တတ်တဲ့ဒွန် ဒီလမ်းကို ဘာကြောင့်များ ရွေးချယ်သွားရတာလဲ - “Cipher” ကရော ဒီ EMP ဗုံးကို ဘယ်လိုအသုံးချပြီး ဘာတွေကို အကြမ်းဖက်ချင်တာလဲ သူရဲ့ Hacking skill တွေကိုရော ဘယ်လောက်တောင်ပြနိုင်မှာလဲ -Furious အဖွဲ့သားတွေကရော ဒွန်ကို ဘယ်လိုပြန်ရှာဖွေမလဲ -သူတို့ရဲ့ ရန်သူတော်ကြီးရော “ ဒက်ရှော” ကရော ဘယ်လိုအခန်းကဏ္ဍကနေပါဝင်မှာလဲ ဆိုတာကတော့ စိတ်ဝင်စားစရာပါပဲ ကြိုက်နှစ်သက်သူများရှိသလို မကြိုက်တဲ့သူများလည်း ရှိနေတဲ့ ဒီကားကိုကြည့်မှာလား မကြည့်ဘူးလားဆိုတာကတော့ CM ပရိသတ်ကြီးရဲ့လက်ထဲမှာပါပဲကြိုက်ရာကိုရွေးချယ်လို့ရပါတယ်။ File Size : (2.5 GB) / (1.6 GB) Quality : BluRay 1080p /720p 5.1CH Running Time : 2hr 16min Format : Mp4 Genre :Action, Crime, Thriller Subtitle : Myanmar Subtitle (Hard Sub) Source : 1080p BluRay x264-SPARKS Translated by Little Twinlay Encoded by Nyeinsaeya Aung

အရိုတစ်လိုင်းကြိုက်သူတွေရော၊ ရယ်ရယ်မောမော ပေါ့ပေါ့ပါးပါး ကြည့်ချင် သူတွေနဲ့ အာ‌ဝုချစ်သူတွေအတွက်ပါ အချစ်ဟာသဇာတ်မြူးလေးတစ်ကားနဲ့ မိတ်ဆက်ပေးပါရစေ။ Puppy Love ဆိုတဲ့နာမည်အတိုင်း အာဝုရေးတဲ့ဖူးစာလို့ ပြောရမယ်ထင်ပါတယ်။ အာဝုလေးတွေက အောင်သွယ်တော်လေးတွေပေါ့နော်။ နစ်ကိုးလ် ဆိုတာ အလုပ်ကြိုးစားပြီး ထက်မြက်သွက်လက်တဲ့ ကောင်မလေးပေါ့။ သူနေတတ်တဲ့ ပုံစံကြောင့် တော်ရုံရည်းစားက သည်းမခံနိုင်သူပါ။ တစ်နေ့မှာ အသည်းကွဲနေတဲ့ နစ်ကိုးလ် ဟာ လမ်းဘေးက အာ‌ဝုအထီးလေးတစ်ကောင်ကို သနားလို့ ခေါ်မွေးစားပြီး ချန်းနင်းတေတမ် လို့ နာမည်ပေးထားပါတယ်။ မက်စ် ကတော့ လူတွေကို ဆက်ဆံရမှာကြောက်ရွံ့ပြီး အိမ်တွင်းပုန်းနေတတ်သူပါ။ တစ်နေ့မှာ ဆရာ၀န်က သူ့စိတ်အခြေအနေတိုးတက်ဖို့ ခွေးတစ်ကောင်မွေးခိုင်း ခဲ့ပါတယ်။ ဒီလိုနဲ့ မက်စ် တစ်ယောက် ကလိုဝီ ဆိုတဲ့ အာဝုမလေးကို မွေးဖြစ်ခဲ့ ပါတယ်။ တစ်နေ့တော့ ကလိုဝီ နဲ့ ချန်းနင်း ကို အကြောင်းပြုပြီး ပိုင်ရှင်တွေ ဖြစ်တဲ့ မက်စ် နဲ့ နစ်ကိုးလ် တို့ တွေ့ဆုံဖြစ်ခဲ့ကြပါတယ်။ စစချင်းဆောက်နဲ့ထွင်းဆို သလို ပြဿနာတွေတက်ပြီး မပြေလည်ခဲ့ကြပါဘူး။ ဒါပေမဲ့ နောက်ပိုင်းမှာ မထင်မှတ်တဲ့အကြောင်းအရင်းတွေနဲ့ အာဝုလေးတွေကို အကြောင်းပြုပြီး သူတို့နှစ်ဦးပြန်ဆုံတွေ့ရဖို့ ဖြစ်လာတဲ့အခါ။ အာဝုလေးနှစ်ကောင်၊ အဆင်လေးနှစ်ယောက်နဲ့ အလွဲပေါင်းသောင်းခြောက်ထောင်ကို ရယ်ရယ်မော မော ကြည့်ရမှာမို့ ခဏတာစိတ်အမောတွေပြေဖို့ ကြည့်ကြည့်လိုက်ရအောင်နော်။ (မက်စ်အဖြစ် flash series က မင်းသား Grant Gustin က ပါဝင်ထားပါတယ်။) (ဒီဇာတ်လမ်းရဲ့အညွှန်းကို C'monမှရေးသားပေးပြီး၊ ဘာသာပြန်ရေးသားပေး သူများကတော့ C'mon, Khant Sett Naing တို့ဖြစ်ပါတယ်) File Size..........(2.5 GB) / (1.5 GB) / (624 MB) Quality............WEB-DL 4K HEVC / 1080p / 720p Duration.........1Hr 45Min Subtitle...........Myanmar Hardsub Format............MP4 Genre..............Comedy Translator......C'mon, Khant Sett Naing Encoder..........Zin Phyo Aung

ဒီကားက ပြင်သစ်ကားဆိုတော့ အားလုံးကြိုက်မယ့် ကားမျိုးတော့ မဟုတ်ဘူး။ ပြင်သစ်ကားပီသစွာပဲ တင်ဆက်ပြသပုံကလည်း ထူးခြား တယ်။ ရိုက်ထားတဲ့သူကလည်း ပြင်သစ်စာရေးဆရာမ Marguerite Duras။ The Loverတို့ Hiroshima, mon Amourတို့ကို ရေးခဲ့တဲ့ စာရေးဆရာမပေါ့။ အဆိုပါကား၂ကားက တန်းဝင်ကားတွေဖြစ်တဲ့အ တွက် ဒီကားတွေကို ရေးတဲ့ စာရေးဆရာမကလည်း သူ့ဇာတ်ကောင် တွေကို သူပိုင်ပိုင်နိုင်နိုင်ပုံဖော်နိုင်တဲ့သူမျိုးပဲ။ ဒီကားမှာဆိုလည်း ဇာတ်ကောင်နည်းနည်းနဲ့တင် တစ်ခါတလေ ဇာတ် ကောင်တွေကိုတောင် သေချာမပြဘဲ စကားပြောနေတဲ့အသံနဲ့ တခြား ကို ပြရင်းတင် ပုံဖော်သွားတယ်။ ဒါပေမဲ့ တရိပ်ရိပ်ကြည့်ရင်းတော့ ဇာတ်ကောင်တွေအကြောင်းကို ကျွန်တော်တို့သိလာလိမ့်မယ်။ ပဟေ ဠိဆန်ဆန်နဲ့ ကြည့်နေရင်း ပဟေဠိကို အဖြေသိသွားသလို သိလာတဲ့ အသိမျိုးပေါ့။ ဒီကားဟာ စာရေးဆရာမရိုက်တဲ့ကားဆိုတော့ ဇာတ်ကောင် တွေကို အသက်သွင်းသွားတာ တော်တော်မိုက်ပေမဲ့ အများကြီးတော့ သွားမျှော်လင့်လို့မရဘူး။ တစ်ခုသတိချပ်ရမှာက ပြင်သစ်ရုပ်ရှင်ဆိုတာ လိင်ဆွဲဆောင်မှုမပါရင်မဖြစ်ဘူးလို့ ယူဆကြတဲ့ဒါရိုက်တာတွေတောင် ရှိတဲ့နေရာဆိုတော့ ဒီကားဟာ အများနဲ့ကြည့်လို့တော့ အပြည့်အဝ အဆင် ပြေမှာမဟုတ်ပါဘူး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ W ဖြစ်ပါတယ်) File Size……….(1.64 GB) / (415 MB) / (220 MB) Quality…………BLU-RAY 1080p / 720p / 480p Duration………1Hr 35Min Subtitle………..Myanmar Hardsub Format…………MP4 Genre…………..Biography, Drama Translator…….W Encoder……….Admin X

Beastie Boys (2008) မိန်းမတွေကို အရက်ငှဲ့ပေး၊ ဖျော်ဖြေပေးရတဲ့ အရက်ဆိုင်က အတော်ဆုံးလို့ သတင်းကြီးတဲ့ host ကတော့ ဆွန်းဝူပဲ ဖြစ်ပါတယ်။ ဆွန်းဝူက ဒီအလုပ်ကို အချောင်ရ ခုံမင်လို့ စတင်လုပ်ခဲ့တာတော့ မဟုတ်ပါဘူး။ အလုပ်လက်မဲ့ ဖြစ်နေချိန် အစ်မဖြစ်သူရဲ့ ရည်းစား ဂျယ်ဟျွန်း မိတ်ဆက်ပေးတဲ့ အလုပ် night life က ခေါင်းတစ်ယောက် ဖြစ်လာခဲ့ပါတယ်။ ဂျယ်ဟျွန်းကလည်း အဲဒီအလုပ်ကို လုပ်ကိုင်နေသူဖြစ်ပြီး ဆွန်းဝူရဲ့ အစ်မကလည်း တခြားအရက်ဆိုင်က စားပွဲထိုးမလေးပဲ ဖြစ်ပါတယ်။ ဒီအလုပ်ကို တစ်သက်လုံး လုပ်သွားဖို့ စိတ်ကူးမရှိတဲ့ ဆွန်းဝူက Night Life က ကောင်မလေးကို ချစ်မိခဲ့ပါတယ်။ အဲဒီကောင်မလေးနဲ့ တစ်သက်တာ အတူတူနေဖို့အထိ စိတ်ကူးရှိခဲ့တဲ့ ဆွန်းဝူတစ်ယောက် ရည်းစားက ရိုးရိုး အရက်ငှဲ့ပေးတဲ့ မိန်းကလေးမဟုတ်ဘဲ ယောက်ျားတွေနဲ့ အိပ်ပေးရတဲ့ အလုပ်လုပ်နေရမှန်း သိသွားတဲ့အခါ… တူညီတဲ့အလုပ် မတူညီတဲ့ ဘဝခံယူချက်နဲ့ ယောက်ျားနှစ်ယောက်ရဲ့ အတ္တတွေကို နှိုင်းယှဥ်ရိုက်ကူးထားပြီး တောင်ကိုရီးယား night life အကြောင်းလည်း တစ်စိတ်တစ်ဒေသ တော့ နားလည်သွားစေနိုင်မဲ့ဇာတ်ကားကောင်းလေးဖြစ်ပါတယ်။ အညွှန်း နဲ့ ဘာသာပြန်ကတော့ Kppks ပဲ ဖြစ်ပါတယ်။ Genre….. Drama Quality…. 1080p | 720p File size… 1.6GB | 596MB Format… mp4 Duration…. 1h 2min Subtitle…. Myanmar Subtitle (Hardsub) Translator ….. Kppks Encoder ….. Aaron

အခု ကျွန်တော်တို့ ကမ္ဘာပေါ်မှာ အန္တရာယ်အရှိဆုံး လက်နက်ကို ပြောပါဆိုရင် အဏုမြူလက်နက်လို့ ဖြေကြပါလိမ့်မယ်။ အကယ်၍ ကမ္ဘာပေါ်မှာ အဏုမြူလက်နက်ထက် ပိုပြီးဆိုးရွားတဲ့လက်နက်တစ်မျိုး ရှိနေမယ်ဆိုရင်ရော ….. ဒုတိယ ကမ္ဘာစစ်အတွင်း နာဇီ တပ်မတော်က ရေဗန်စ်ဘရက်လို့ခေါ်တဲ့ ချွေးတပ်စခန်း တစ်ခုမှာ သုတေသနတွေကို လျှို့ဝှက်ပြီး စမ်းသပ် ရှာဖွေနေခဲ့ပါတယ်။ ဒါပေမယ့် နာဇီတို့ စစ်ကြီးရှုံးနိမ့်သွားတဲ့အခါမှာတော့ သုတေသနတွေကို ရပ်နားခဲ့ရပါတယ်။ ဒီလိုနဲ့ နှစ်တွေကြာလာတော့ ဂျာမနီရဲ့ ရွှေရောင်နေ့တွေဆီကို ပြန်လည်ခေါ်ဆောင်ပေးမယ့်ဆိုပြီး The Childre of Hitler’s resistance လို့ခေါ်တဲ့ နာဇီလက်သစ်အဖွဲ့ကနေ ထိုသုတေသနကို ဆက်လက် လုပ်ဆောင်ပါတော့တယ်။ အဲဒါကို ကြားသိသွားတဲ့ CIAကနေပြီး နိုအာဆိုတဲ့လူကို ဦးဆောင်ဦးစီးပြုပြီး ဘလက်အော့စ် အဖွဲ့ကို ဖွဲ့စည်းကာ ဂျာမနီနိုင်ငံကို စေလွှတ်လိုက်ပါတော့တယ်။ အဏုမြူလက်နက်ထက် ပိုဆိုးတဲ့ လက်နက်က ဘာလဲ …. ဘယ်လိုစမ်းသပ်မှု သုတေသနတွေကို လုပ်ဆောင်နေကြတာလဲ ….. နိုရာတို့ရဲ့ဘလက်အော့စ်အဖွဲ့က ဘယ်လိုအန္တရာယ်မျိုးနဲ့ရင်ဆိုင်သွားရမလဲဆိုတာကို ကြည့်ရှု့ရမှာဖြစ်ပါတယ်။ အညွှန်းနဲ့ဘာသာပြန်သူက Minn Khant Kyi Win ဖြစ်ပါတယ်။ File size…(1.6 GB)/(852 MB) Quality….Webrip 1080p / 720p Format…mp4 Duration….01:20:00 Genre…Action, Thriller Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

ဘလိုင်းဒိတ်တစ်ခုကနေ ချစ်ခြင်းမေတ္တာအပြည့်အ၀နဲ့ ထူထောင်ခဲ့တဲ့ အိမ်ထောင်ရေးတစ်ခု။ ဘုရားသခင်မှာ စိတ်ရင်းနဲ့ သက်ဝင်ယုံကြည်ကြတဲ့ သူတို့တွေ… သူတို့မိသားစုလေးမှာ ကလေးတွေအများကြီးနဲ့ဖြည့်တင်းဖို့ ဆုတောင်းမျှော်လင့်ထားခဲ့ကြပေမဲ့ ဖြစ်မလာခဲ့ပါဘူး။ ခင်ပွန်းဖြစ်သူရဲ့ ရင်သွေးတွေအများကြီးယူဖို့ဆိုတဲ့ မျှော်လင့်ချက်ကြီးမားမှုကို သိနေ ခံစားနေရတဲ့ ဇနီးသည်တစ်ယောက်အတွက် ကလေးယူဖို့က သူ့ချို့ယွင်းချက်ဖြစ်နေတာမို့ အရမ်းချစ်ပေမဲ့ စွန့်လွှတ်ဖို့ ကွာရှင်းဖို့လမ်းကို ရွေးချယ်ခဲ့ပါတယ်။ အထက်ကဇာတ်လမ်းကို ပြောပြနေတာကတော့ အတ္တလန်တာကိုသွားနေတဲ့ လေယာဉ်ပေါ်က ဂျော်ဒန်ဆိုတဲ့သူ။ မုန်တိုင်းကြောင့် လေယာဉ်ဆင်းဖို့ကြန့်ကြာနေတဲ့အတွက် စိတ်ပျက်လက်ပျက်ဖြစ်နေတဲ့ လက်ထရိစ်ဆိုသူ သူစိမ်းအမျိုးသမီးလေးကို စိတ်သက်သာရာသက်သာကြောင်း ပြောပြနေတဲ့ ဇာတ်လမ်းတပုဒ်ပေါ့။ သူတို့နှစ်ဦးလုံးက အတ္တလန်တာကို မင်္ဂလာပွဲအခမ်းအနားသွားတက်ကြမှာ။ဆိုတော့… သူတို့တွေ လိုရာခရီးကို အချိန်မှီရောက်နိုင်မှာလား။ သူပြောပြနေတဲ့ဇာတ်လမ်းက ဘယ်လိုအဆုံးသတ်သွားမလဲဆိုတာကို ကြည့်ရှုအားပေးကြပါဦး။ (အညွှန်းနဲ့ဘာသာပြန်ကတော့ Pyae Phyoပါ) File size…(1.7 GB)/(830 Mb) Quality….Webrip 1080p / 720p Format…mp4 Duration….01:29:00 Genre…Romance Subtitle….Myanmar Subtitle (Hardsub) Encoder….Garfield Translated by Pyae Phyo

The Night They Came Home (2024) (function(f,b,n,j,x,e){})(); အခုတစ်ခါမှာတော့ အမေရိကရဲ့ OG ဇာတ်လမ်းလေးတစ်ပုဒ်ရောက်ရှိလို့လာပါပြီ။ ဒီ “The Night They Came Home” ဆိုတဲ့ ဇာတ်လမ်းကို ၁၉ ရာစုအချိန် ဒေသခံအမေရိကန်တွေဖြစ်တဲ့ ရက်ဒ်အင်းဒီးယန်းတွေရယ် ယနေ့ခေတ်အမေရိကန်တွေဖြစ်ကြတဲ့ လူဖြူတိုင်းရင်းသားတို့ရယ် မြေပုံပေါ် နယ်နိမိတ်ချင်းလုနေကြတဲ့အချိန်ဖြစ်ခဲ့တဲ့ ဖြစ်ရပ်မှန်ဇာတ်လမ်းတစ်ပုဒ်အပေါ် အခြေခံပြီးရိုက်ကူးထားတာဖြစ်ပါတယ်။ အားလုံးလည်း သိကြမယ့် မင်းသားကြီး Danny Trejo ပါဝင်ထားပါတယ်။ ~ ဇာတ်လမ်းအကျဉ်း ~ ရူးဖတ်စ်ဘတ်ခ်ဆိုတဲ့ အင်းဒီးယန်းကပြားလေးတစ်ယောက်ဟာ ငယ်စဉ်အရွယ် မိဘတွေမတရားသတ်ဖြတ်ခံလိုက်ရကတည်းက လူဖြူတွေကိုမကျေနိုင်ဖြစ်နေခဲ့တာပါ။ အဲဒီအချိန်အခါက အင်္ဂလိပ်တွေက ကိုလိုနီချဲ့ထွင်ပြီးတဲ့အချိန်ဖြစ်တဲ့အတွက် အမေရိကတိုက်မှာပါ ခရစ်ယာန်သာသနာစာသင်ကျောင်းတွေရှိလာခဲ့ပါတယ်။ ငယ်စဉ်အရွယ်ဘဝဇာတ်ကြောင်း ခါးသီးလွန်းလှတာကတစ်ကြောင်း၊ အင်းဒီးယန်းခရစ်ယာန်စာသင်‌ကျောင်းတွေရဲ့ ကွဲပြားခြားနားလှတဲ့ပို့ချမှုတွေကတစ်ကြောင်း နှစ်ခုပေါင်းသွားတဲ့အခါမှာ ရူးဖတ်စ်ဟာ လူမျိုးရေးအစွန်းရောက်သွားပြီး သူမကျေမလည်ဖြစ်နေခဲ့တဲ့ လူဖြူတွေကိုသတ်ဖို့ကြံရွယ်လာတဲ့အထိဖြစ်သွားခဲ့ပါတယ်။ ဒါပေမဲ့ ရူးဖတ်စ်တစ်ယောက်အရွယ်ရောက်တဲ့အချိန် သူ့ရဲ့လူမျိုး အင်းဒီးယန်းတစ်ယောက်ကြိုးပေးခံလိုက်ရတာကို မျက်မြင်ကိုယ်တွေ့ဖြစ်သွားခဲ့တဲ့အချိန်မှာမှ တကယ်စိတ်ရိုင်းဝင်သွားပြီး လူဖြူဆိုရင်ကို သတ်ရ ဖြတ်ရ ညှင်းပန်းနှိပ်စက်ရမှ ကျေနပ်နိုင်တဲ့အထိဖြစ်သွားပါတယ်။ ဒီလိုလမ်းလွဲသွားတဲ့ ရူးဖတ်စ်ဟာ သူ့နဲ့ရွယ်တူ လူငယ်ပိုင်းတွေကိုစုပြီး အင်းဒီးယန်းဒေသတစ်ဝိုက် တွေ့သမျှ လူဖြူမှန်သမျှကို သတ်ဖို့ဖြတ်ဖို့ မုဒိန်းကျင့်ဖို့ဖြစ်လာပါတော့တယ်။ ရူးဖတ်စ်နဲ့ သူ့ရဲ့အပေါင်းအပါတွေ အင်းဒီးယန်းနယ်စပ်တစ်လျှောက် ဘယ်လိုဂြိုဟ်ဆိုးတွေမွှေခဲ့ကြသလဲ၊ နောက်ဆုံးမှာ ဘယ်လိုအဆုံးသတ်မျိုးနဲ့ ရင်ဆိုင်ခဲ့ရလဲဆိုတာကို ဒီဇာတ်လမ်းထဲမှာ သုတရသမျိုးစုံနဲ့ တွေ့မြင်ကြည့်ရှူရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size – 2.1GB, 865MB Quality – 1080p, 720p Format – mp4 Duration – 1H 45Min Genre – Western Subtitle – Myanmar Subtitle (Hardsub) Translated by Mark Encoded by Y

Bionic (2024) CM ပရိသတ်ကြီးကို Netflix ကနေ လတ်တလောထွက်ရှိလာတဲ့ Dystopian စတိုင် သိပ္ပံစိတ်ကူးယဉ်အက်ရှင်စွန့်စားခန်းဇာတ်ကားလေးနဲ့ မိတ်ဆက်ပေးချင်ပါတယ်…….. ဒီဇာတ်ကားလေးထဲမှာ ရောက်နေတဲ့သက္ကရာဇ်ကတော့ မဝေးတော့တဲ့ အနာဂတ် ၂၀၃၅ ခုနှစ်ပါ…. လူသားတွေဟာ ဇီဝခြေလက်တု (bionic) နည်းပညာကို အောင်မြင်ခဲ့ပြီးနောက်ပိုင်းမှာ အားကစားသမားတွေတောင် ခြေလက်တုတွေပဲ အသုံးပြုပြီးယှဉ်ပြိုင်ကြပါတော့တယ် တခြားနယ်ပယ်ပေါင်းစုံမှာလည်း ကောင်းတဲ့နေရာရော မကောင်းတဲ့နေရာရော စုံနေအောင် အသုံးချကြပါတယ် မာရီယာကတော့ အလျားခုန်ချန်ပီယံဖြစ်ဖို့အတွက် ကိုယ့်ခြေကိုယ်လက်နဲ့ ကြိုးစားနေတဲ့သူတစ်ယောက်ပါ…ဇီဝခြေလက်တုနဲ့ ကြိုက်သလောက်အလျားကို ခုန်နိင်နေတဲ့အချိန်မှာ သူတို့လို သာမန်ရိုးရိုးခြေလက်နဲ့အားကစားသမားတွေကတော့ ကြိုးစားလည်း ဘာမှတော့မထူးဆိုတဲ့အနေအထားပေါ့ ဒါပေမဲ့ မာရီယာကတော့ အားမလျှော့ပဲ ကြိုးစားရင်း လက်ရှိချန်ပီယံဖြစ်တဲ့ Bionic ခြေလက်ပိုင်ရှင် သူ့အမနဲ့ရင်ဆိုင်ရပြီးတော့ သူတို့ရဲ့အားကစားပြိုင်ပွဲတစ်ခုသာမက ကျန်တဲ့နေရာတွေမှာပါ ဘယ်လိုအရှုပ်အရှင်းတွေရှိနေပြီးတော့ ဘာတွေဆက်ရင်ဆိုင်ရမလဲဆိုတာကိုတော့ ပရိသတ်ကြီးပဲ ဆက်လက်ပြီးတော့ ကြည့်ရှုခံစားနိုင်ဖို့ တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ Saii Thurein Lynn ပဲ ဖြစ်ပါတယ် Genre….. Action, Adeventure, Sci-fi Quality…. 1080p WEB-DL | 720p WEB-DL File size… 1.9GB | 1GB Format… mp4 Duration…. 1h 50min Subtitle…. Myanmar Subtitle (Hardsub) Translator ….. Saii Thurein Lynn Encoder ….. Aaron

Gabriel’s Inferno: Part III ************************* Gabriel’s Inferno ဆိုတဲ့နာမည်ကိုတော့ မသိတဲ့သူ တော်တော်လေးနည်းမယ်လို့ထင်ပါတယ်… ကနေဒါလူမျိုး စာရေးဆရာတစ်ယောက်ရဲ့ လက်ရာဖြစ်တဲ့ ဒီဇာတ်လမ်းဟာဆိုရင်…. တက္ကသိုလ်တစ်ခုရဲ့ ပါမောက္ခဖြစ်သူ ဂေဘရီယယ် အန်မာဆင်န် နှင့် ဘွဲ့လွန်ကျောင်းသူလေး ဂျူလီယန် တို့ရဲ့ အချစ်ဇာတ်လမ်းလေးကို ကျောရိုးပြုပြီးရိုက်ကူးထားတာပဲဖြစ်ပါတယ်… အခုဇာတ်လမ်းက နောက်ဆုံးထွက်ရှိထားတဲ့ အပိုင်းဖြစ်ပြီး အရှေ့မှာ Gabriel’s Inferno 1 နဲ့ 2 ဆိုပြီး ၂ ပိုင်းထွက်ထားပြီးသား ဖြစ်ပါတယ်…. ဇာတ်လမ်းအကျဉ်းကိုပြောရမယ်ဆိုရင်တော့ ပြီးခဲ့တဲ့ Gabriel’s Inferno မှာ အခက်အခဲတွေအများကြီး ကျော်ဖြတ်ပြီးတဲ့နောက် ဂေဘရီယယ် နဲ့ ဂျူလီယန် ဟာ ချစ်သူရည်းစားဘ၀ကိုရောက်ရှိသွားခဲ့ပါတယ်… ဒီလိုနဲ့ အရာအားလုံးအဆင်ပြေနေပြီလို့ ထင်ရတဲ့အချိန် ရောက်ခါမှ ရုတ်တရက်ဆိုသလို ဂျူလီယန် ရဲ့ ရည်းစားဟောင်းဖြစ်သူ ဆိုင်မွန် ရောက်လာပြီး သူမနဲ့အတူနေခဲ့စဉ်က ရိုက်ထားတဲ့ Sex Tape တွေကို ဖြန့်ပစ်မယ်ဆိုပြီး ခြိမ်းခြောက်လာခဲ့အခါမှာတော့…… ဒီတစ်ကားလုံးမှာ အချစ်ပါရဂူကြီး ဂေဘရီယယ် ရဲ့ ဂျူလီယန် ကို ကာကွယ်ပေးပုံတွေ ပြုစုယုယပုံတွေကို တ၀ကြီးခံစားကြရမှာပါ… ဒါ့အပြင် အရင်ထွက်ထားတဲ့ အပိုင်းတွေလိုမျိုး ပါးကလေး/လက်ကလေးကိုင်ရုံအဆင့် မဟုတ်တော့တဲ့အတွက် ရာသီဥတုအေးအေးမှာ တစ်ယောက်တည်း စောင်ခြုံပြီးကြည့်တာအကောင်းဆုံးလို့ပဲ အကြံပေးလိုက်ပါရစေဗျာ …. (ဇာတ်လမ်းအညွှန်းနဲ့ ဘာသာပြန်သူကတော့ Thar Htet ပဲဖြစ်ပါတယ်….) File Size : 1.70GB/ 530MB Quality : WEB-DL 1080p/ WEB-DL 720p Format…mp4 Duration…01:42:00 Genre : Romance Subtitle : Myanmar Subtitle (Hard Sub) Translated by Thar Htet Encoded by Tiff

ဒီဇာတ်ကားလေးကတော့ ၂၀၁၅ မှာထွက်ရှိခဲ့တဲ့ War/Drama အမျိုးအစား ဇာတ်ကားလေးပဲဖြစ်ပါတယ် ဒီဇာတ်ကားထဲမှာဆိုရင် အမေရိကန်ဦးဆောင်တဲ့ အာဖဂန်စစ်ပွဲထဲက ကနေဒါစစ်ဆင်‌ရေး တပ်ဖွဲ့တွေအကြောင်း စိတ်လှုပ်ရှားဖွယ်မြင်တွေ့ရမှာဖြစ်ပြီး ခေတ်သစ် စစ်ပွဲတွေရဲ့ မရိုးရှင်းလှတဲ့ ဗျူဟာမြောက်လုပ်ငန်း‌စဉ်တွေအကြောင်း ကိုလည်း ကြိုးစားတင်ပြထားတာ တွေ့ရမှာပဲဖြစ်ပါတယ်.. တောခွေးလမ်းမဟာ အာဖဂန်နစ္စတန်နိုင်ငံ ကန်ဒဟာ‌ဒေသမှာ စစ်ဆင်ရေး‌ ဖော်ဆောင်ရတဲ့ ကနေဒါတပ်ဖွဲ့များ ဖောက်လုပ်ခဲ့တဲ့ ဗျူဟာမြောက်ထောက်ပို့လမ်းကြောင်း တခုဖြစ်ပါတယ် ကန်ဒဟာဒေသဟာ တာလီဘန်တို့လှုပ်ရှားကြီးစိုးရာ ဒေသဖြစ်တဲ့ အပြင် တောင်စွယ်၊ တောင်ကုန်း၊ လျှို ချောက်များဖြင့် ကြမ်းတမ်းတဲ့‌ မြေမျက်နှာသွင်ပြင်ရှိရာ ဒေသဖြစ်လို့ တောခွေးလမ်းမကြီးကို ၂၀၀၆ ကနေ ၂၀၁၁ အထိ ၅ နှစ်ကြာအချိန်ယူတည်‌ဆောက်ခဲ့ရပါတယ်.. ဒီရုပ်ရှင်မှာတော့ စနိုက်ပါသမားဖြစ်တဲ့ Ryan Sanders နဲ့ သူ့အဖွဲ့ဟာ တောခွေးလမ်းမ ဆောက်လုပ်ရေးလုပ်ငန်းကို တာလီဘန်တို့ နှောင့်ယှက်ခြင်းဘေးကနေ ကာကွယ်စောင့်ကြပ်ပေးရတဲ့အဖွဲ့ ဖြစ်ကြပါတယ်… တဖက်မှာလည်း စစ်ဘက်ဆိုင်ရာထောက်လှမ်းရေးအရာရှိ Pete Mitchell ဟာ တောခွေးလမ်းမ ပြီးစီးအောင်ဖောက်လုပ်နိုင်ဖို့ ထောက်လှမ်းရေးနည်းအတိုင်း ဒေသခံများနှင့် ရင်းနှီးမှုယူကာ ဗျူဟာဖော်ဆောင်နေခဲ့ပါတယ်.. လမ်းမကို စောင့်ကြပ်နေရင်း တနေ့မှာတော့ Ryan Sanders တို့ အဖွဲ့ဟာ တာလီဘန်တို့ရဲ့ ချုံခိုတိုက်ခိုက်မှုကို ခံရပါတော့တယ် အင်အားမမျှတဲ့ စနိုက်ပါသမားအုပ်စုဟာ တာလီဘန်တွေကို ခံပစ် ထားနိုင်ဖို့ အနီးအနားက ဟာဂျီဘာဘာရွာထဲ ဝင်ပြေးရပြီး ရွာတစ်နေရာ အရောက်မှာတော့ ထူးထူးဆန်းဆန်းမျက်လုံးတွေနဲ့ အဘိုးအို တစ်ယောက်က ၎င်းတို့စနိုက်ပါအဖွဲ့ကို တာလီဘန်တို့လက်မှ လွတ်အောင်ဝှက်ပေးခဲ့ပါတယ်… ဒီအကြောင်းကို ထောက်လှမ်းရေးအရာရှိ Pete Mitchell တစ်ယောက် သိရှိသွားရာမှာတော့… ဒီရုပ်ရှင်ကားလေးဟာ ခေတ်သစ်စစ်ပွဲတွေရဲ့ စစ်ဘက်အရပ်ဘက်ဆိုင်ရာ ဗျူဟာတွေအကြောင်းနဲ့ စစ်ပွဲရဲ့ ပကတိဂုဏ်ယူစရာမရှိပုံတွေ မြေစာပင်ဖြစ်ရတဲ့အရပ်သားတွေရဲ့ အကျပ်အတည်းနဲ့ဆင်းရဲဒုက္ခ တွေကို အရင်းအတိုင်းတင်ပြထားလို့ စစ်ဆန့်ကျင့်ရေးရုပ်ရှင်ကား တကားအနေနဲ့လည်း ကြည့်ရှုခံစားနိုင်မယ့် ဇာတ်ကားကောင်းလေး‌ ဖြစ်တာ‌ကြောင့် ရုပ်ရှင်ချစ်ပရိသတ်များ လက်မလွတ်ရလေအောင် ညွှန်းဆိုပေးလိုက်ရပါတယ်ခင်ဗျာ….. File size… (2.03GB) / (1.07GB ) Quality… WEB-DL 1080p HEVC / 720p Format…mkv / mp4 Duration….2h Genre ….. Drama , War Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Drive Back (2024) အိုလီဗီယာနဲ့ရိဒ်တို့ဟာ တက္ကသိုလ်ကျောင်းက ငယ်ချစ်ဦးတွေဖြစ်ခဲ့ကြပြီး အခုချိန်မှာတော့ ရိဒ်ရဲ့မိဘနှစ်ပါးပိုင်ဆိုင်တဲ့ ကျေးလက်အိမ်လေးမှာ စေ့စပ်ပွဲကိုကျင်းပပြီး တောအုပ်ကြီးတစ်ခုကိုဖြတ် မြို့ကိုပြန်ခဲ့ကြပါတယ်။ အလာတုန်းက အထစ်အငေါ့မရှိခဲ့တဲ့ သူတို့ခရီးဟာ အိုလီဗီယာ့အလိုကျ ပိုမြန်မယ်လို့ထင်ရတဲ့ ဖြတ်လမ်းကနေဖြတ်သွားမိတဲ့အချိန်မှာ မကြာသင့်ပဲအချိန်တွေကြာ၊ လမ်းတွေပျောက်၊ လမ်းမှာအကူအညီတောင်းပေမယ့်လည်းအခက်အခဲတွေ တစ်ခုပြီးတစ်ခုနဲ့ထိတ်လန့်စရာအဖြစ်အပျက်တွေ၊ အမြင်အာရုံတွေကိုပါ နှစ်ဦးလုံး တစ်ယောက်တစ်မျိုးဆီ ဆက်တိုက်ကြုံလာရချိန်မှာတော့ သူတို့တစ်စုံတစ်ခုကို ရိပ်စားသဘောပေါက်မိလာပါတော့တယ်။ အဲ့ဒါကတော့ သူတို့လမ်းမှာတွေ့ခဲ့တဲ့ အခက်အခဲတွေဟာ အကြိမ်ကြိမ်ကြုံဖူးခဲ့ပြီးသားဖြစ်ပြီး၊ သူတို့လမ်းမှာတွေ့ခဲ့ဆုံခဲ့တဲ့သူတွေဟာ သူတို့ကိုယ်တိုင်ရဲ့ မူကွဲအမျိုးမျိုးဖြစ်နေတယ်ဆိုတာပါပဲ။ အဲ့ဒီ၀င်္ကပါဟာ သူတို့စိတ်ရဲ့လှည့်စားမှုပဲလား၊ ဒါမှမဟုတ် သူတို့ရဲ့အမှားတစ်စုံတစ်ရာကြောင့် ပြစ်ဒဏ်ခတ်ခံရခြင်းလား? ဒီနေရာကနေလွတ်မြောက်ဖို့လမ်းစကိုဘယ်လိုရှာကြမလဲ? Triangle 2009 ကိုနှစ်သက်ခဲ့သူတွေအတွက် မြည်းစမ်းကြည့်သင့်တဲ့ ဇာတ်ကားတစ်ကားပါ။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (1.4 GB) / (830 MB) Quality…. WEB-DL 1080p HEVC / 720p Format…. mkv/mp4 Genre…. Action, Horror, Mystery, Sci-Fi, Thriller Duration…. 01:34:15 Subtitle…. Myanmar Subtitle (Hardsub) Encoder…. Benjamin Translated by Alias

Corina (2025) IMDb Rating (7.0) ဒီဇာတ်လမ်းက Mexican ဒရမ်မာနဲ့ ဟာသအရောအနှော ဇာတ်လမ်းတစ်ပုဒ်ဖြစ်ပြီး လူငယ်တစ်ဦးရဲ့ စိတ်ပိုင်းဆိုင်ရာ ဖိစီးမှုတွေနဲ့ ဘဝအတွက် ရုန်းကန်မှုတွေကို ရိုက်ကူးထားတဲ့ ရုပ်ရှင်ကောင်းတစ်ကားပဲ ဖြစ်ပါတယ်။ Plot Overview Corina က သူ့အိမ်နဲ့ သူအလုပ်လုပ်တဲ့ စာပေထုတ်ဝေရေးဌာနကလွဲရင် ဘယ်ကိုမှမသွားရဲတဲ့ ၂၈ အရွယ် မိန်းကလေးတစ်ယောက်ဖြစ်တယ်။ စကားလည်းအရမ်းနည်းပြီး လူအရမ်းကြောက်တတ်တဲ့ Corina က သူများတွေအမြင်မှာတော့ အူကြောင်ကြောင်လေး ဖြစ်နေတာပေါ့။ တစ်နေ့မှာတော့ သူ့ရဲ့လုပ်ငန်းခွင်မှာ အရမ်းအရေးကြီးတဲ့ စာအုပ်စီးရီးတစ်ခုနဲ့ပတ်သက်ပြီး Corina အမှားကြီးတစ်ခုကို လုပ်မိသွားခဲ့တယ်။ ဒါကြောင့် သူ့ရဲ့ကုမ္ပဏီနဲ့ သူ့အလုပ်ကို ကာကွယ်ဖိုအတွက် Corina တစ်ယောက် သူ့ရဲ့ကြောက်ရွံမှုတွေကို ရင်ဆိုင်ကျော်ဖြတ်ပြီး ဘယ်လိုစွန့်စားခန်းတွေကိုဖွင့်မလဲဆိုတာ ဒီဇာတ်လမ်းထဲမှာ ဆက်လက်ကြည့်ရှုလိုရပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(2.3 GB) / (830 MB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….01:38:53 Subtitle….Myanmar Subtitle (Hardsub) Encoder….Double K Translated by Thwal Htoo Zin

Barry Lyndon Review Stanley Kubrick လိုပြောလိုက်ရင် ရုပ်ရှင်ချစ်တဲ့သူတွေ ရုပ်ရှင်ကို စွဲစွဲမြဲမြဲကြည့်တဲ့သူတွေဆိုသိကြမှာပါ။ The Shining , Full Metal Jacket , 2001 : A Space Odyssey လိုမျိုး Masterpiece ရုပ်ရှင်တွေကိုရိုက်ခဲ့တဲ့ ဒါရိုက်တာတစ်ဦးပါ။ သူ့ရဲ့ ရုပ်ရှင်တွေက ဟောလိဝုဒ်မှာတင်မဟုတ်ပဲ တမ္ဘာလုံးက ရုပ်ရှင်တွေထဲမှာပါ လွှမ်းမိုးမှု အများဆုံးဖြစ်ပြီး သူကိုယ်တိုင်ကလည်း အသိအမှတ်အပြုခံရဆုံး သူတစ်ဦးပါ။ ဒီဇာတ်ကားက သူ့ရဲ့ လက်ရာအမြောက်ဆုံး ရုပ်ရှင်တစ်ကားမဟုတ်တောင် ဂန္တဝင်အမြောက်ဆုံး ရုပ်ရှင်တစ်ကားလို့ဆိုချင်ပါတယ်။ Stanley Kubrick ကရုပ်ရှင်ရိုက်တဲ့နေရာမှာ Perfectionist လို့ပြောခံရတဲ့အထိ ဇာတ်ကွက်တွေ Scene တစ်ခုကို သူလိုချင်တဲ့ အတိုင်း သူဖြစ်ချင်တဲ့အတိုင်း ပေါ်ဖော်ထားတဲ့ အတိုင်းရတဲ့ အထိရိုက်ယူတဲ့ ဒါရိုက်တာတစ်ယောက်ပါ။ ဒီဇာတ်လမ်းက ဥရောပရဲ့ ၁၈ရာစုကို ခြေခံထားတာဖြစ်ပြီး စာရေးဆရာ William Makepeace Thackeray ရဲ့ ဝတ္ထုကို အခြေခံပြီးရိုက်ထားတဲ့အတွက် ၁၈ ရာစု က အင်္ဂလိပ်ပန်းချီကားတွေထဲက အတိုင်း အပြင်အဆင်တွေအဝတ်အစားတွေ Setting တွေက အစ တထေရာတည်းတူအောင် ရိုက်ခဲ့ပါတယ်။ ဒီဇာတ်ကားပေါ်မှာ Stanley မနေနဲ့ ဘယ်လောက်စိတ်မြှပ်နှံထားသလဲ ဆိုတာကတော့ ဒီထဲကတစ်ချို့ဇာတ်ဝင်ခန်းတွေမှာ ပြင်ပ Lighting တွေမသုံးပဲနဲ့ ဖယောင်းတိုင်းမီးနဲ့ရိုက်ရတဲ့ အခန်းတွေအတွက် လိုအပ်တဲ့ Low Light Camera lens တွေက NASA က Space Mission တွေ အတွက်သုံးတာဖြစ်လို့ ဒီ Lens တွေကို ရဖို့ နှစ်နဲ့ချီစောင့်ခဲ့တယ်လို့ သိရပါတယ်။ သူက ဒီဇာတ်ဝင်ခန်းတွေကိုအပြင်ကအတိုင်း Lighting လိုချင်တဲ့အတွက် ဆက်မရိုက်နဲ့ နှစ်ချီစောင့်ပြီးမှရိုက်ခဲ့တာပါ။ ဒီဇာတ်ကားက Stanley Kubrick အတွက် အရမ်း personal ဖြစ်တဲ့ဇာတ်ကားတစ်ကားလို့မြင်မိပါတယ်။ 2001 : A Space Odyssey က Space Exploration နဲ့ AI Dilemma ကိုပြတယ်ဆိုရင် Barry Lyndonက ၁၈ ရာစုရဲ့ Social Mobility ကိုပြချင်တာပါ။ ဆုအတွေအနေနဲ့ကလည်း ၁၉၇၆ ခုနှစ်အတွက် အကောင်းဆုံး Cinematography , အကောင်းဆုံး ဝတ်စုံဒီဇိုင်း, အကောင်းဆုံး ထုတ်လုပ်ရေး ဒီဇိုင်း နဲ့ အကောင်းဆုံး ဇာတ်လမ်းနောက်ခံတီးလုံး ဆုတွေကို ရခဲ့ပါတယ်။ ဒီရုပ်ရှင်ကို မကြည့်ခင်ကြိုပြောချင်တာကတော့ ဒီဇာတ်ကားက ဇာတ်လမ်းအနေနဲ့ ထူးခြားတာတွေ အရမ်းကြမ်းတဲ့ Plot twist တွေနဲ့ အရမ်းမိုက်တဲ့ သရုပ်ဆောင်တွေပါတဲ့ ဇာတ်ကားမဟုတ်ပါဘူး။ ဒါပေမဲ့ ဒီရုပ်ရှင်တကားလုံးက အရမ်းလက်ရာမြောက်တဲ့ ပန်းချီကားတစ်ချပ်ကို တစိမ့်စိမ့်ထိုင်ကြည့်ပြီး တွေးရင်း ငေးရင် အရသာခံရတဲ့ ရုပ်ရှင်မျိုးပါ။ ဒီရုပ်ရှင် Runtime က ၃ နာရီနဲ့ ၅ မိနစ်ကြာပါတယ်။ ဇာတ်လမ်းကလည်းနောက်ခံ Narrative နဲ့ ဖြည်းဖြည်းချင်းစီသွားတဲ့အတွက် ဒါရိုက်တာပြချင်တာကိုမှ မသိရင် ကြည့်ရတာအတော်ပျင်းဖို့ကောင်းတဲ့ ရုပ်ရှင်ပါ။ ဒါကြောင့် ဒီရုပ်ရှင်ကိုမကြည့်ချင် ဒီထဲက ဘာတွေအကောင်းဆုံးမျှော်လင့်လို့ရမလဲဆိုတာကို တွေးပြီးကြည့်တာအကောင်းဆုံးဖြစ်ပါလိမ့်မယ်။ ဇာတ်လမ်းအကျဉ်း ဘယ်ရီ အိုင်ယာလန်က အလယ်အလတ်တန်းစားလူတစ်ယောက်ဖြစ်ပြီး သူရဲ့ ဝမ်းကွဲ ဖြစ်တဲ့ နိုရာဆိုတဲ့ကောင်မလေးကို ကြိုက်မိပြီး ကောင်မလေးက အရာရှိ အင်္ဂလိပ်စစ်ဗိုလ် တစ်ယောက်နဲ့ယူတော့မယ်ဆိုတဲ့ ဟာကိုတားဖို့ ကြိုးစားရင်းက ဘယ်ရီ ဘဝ အရွှေ့ပြောင်းတွေကို ၁၇၃၀ ခုနှစ် ဥရောပ စစ်ပွဲနဲ့ တော်ဝင်မျိုးနွယ်တွေကြားမှာ ဘယ်ရီတစ်ယောက် လောကဓံတွေထဲ ကခုန်ရင်း ဘဝအနိမ့်အမြင့်အတက်အကျတွေကိုပုံဖော်ထားတာပါ။ ဒီဇာတ်လမ်းမှာ ဘယ်ရီက ဘယ်နားတွေမှာ မှားခဲ့သလဲ။ သူကတကယ်ပဲ မှားခဲ့တာလားလူအသိုင်းအဝိုင်းကြီးထဲ ဝင်ဆံဖို့ အပေါ်ရောက်ဖို့ ကြိုးစားတာက မှားတာလား။ စနစ်ကြီးကမှားနေတာလားစစ်ကြီးကမှားနေတာလား အချစ်ကြီးတာက မှားနေတာဆိုတာတွေကိုတော့ ကြည့်ရှုသူကပဲ ဆုံးဖြတ်ချက်ပေးရပါလိမ့်မယ်။ (ဒီဇာတ်လမ်းမှာ ရှေးခေတ် အင်္ဂလိပ်အသုံးအနှုန်းတွေ စကားတွေအရမ်းများတာကြောင့် ကြည့်ရှုသူနားလည်လွယ်အောင် အတတ်နိုင်ဆုံး ကြိုးစားပြန်ပေးထားပါတယ်။) ဘာသာပြန်အညွှန်းရေးသူကတော့ Nikobaby ပဲဖြစ်ပါတယ်။ File size… 4.39 GB / 2.13 GB Quality… BluRay 1080p / 720p Format… mp4 Audio… AAC Duration…. 3h 5m Genre ….. Drama / War / Dark Comedy / Epic / History Subtitle…. Myanmar Subtitle (Hard Sub) Encoder…. Thit San Khant Translated… by Nikobaby