ရဲတစ်ယောက်ဖြစ်တဲ့ အဖေဖြစ်သူ ဆုံးပါးသွားပြီးနောက်မှာ အဘွားနဲ့အတူ ဆေးသမားတွေပေါတဲ့ပတ်ဝန်းကျင်မှာ နေခဲ့ရတဲ့ ဂျွန်နသန်ဝွိုက်တစ်ယောက်... တစ်နေ့မှာ ဆေးသမား တစ်ယောက်ကို မတော်တဆ သေနတ်နဲ့ပစ်သတ်လိုက်မိပြီး သူငယ်ချင်း ဗင်နီ၊ဗစ်ကီတို့နဲ့ အလောင်းကို သွားပစ်လိုက်ပါတယ်၊ ဖြစ်ချင်တော့ အဲဒီဆေးသမားကိုသတ်လိုက်တာကို သူတို့တိုက်က လူတစ်ယောက်က သိသွားပြီး နောက်ရက်မှာ ဂျွန်နသန်ကို ငွေညှစ်ပါတယ်... အဲဒီလူကိုလည်း မတော်တဆ လှေကားပေါ်ကတွန်းချမိပြီး ‌သတ်လိုက်မိပါတယ်... ဒီလူသတ်မှုနှစ်ခုကို စုံစမ်းရတဲ့သူကတော့ ဂျွန်နသန့်အဖေရဲ့ တွဲဖက်တစ်ယောက်ဖြစ်တဲ့ စုံထောက်စတန်းဖို့ပဲဖြစ်ပါတယ်။ စတန်းဖို့က လူသတ်မှုကို ဖုံးပေးပြီး အမှုပိတ်လိုက်ပါတယ်... ဒီလိုနဲ့ နှစ်တွေ အများကြီးကြာပြီးတဲ့နောက်မှာ ဂျွန်နသန်ကလည်း ရဲတစ်ယောက်ဖြစ်လာခဲ့ပြီး မိသားစုဘဝလေးနဲ့ အေးချမ်းနေတဲ့ အချိန်မှာ အတိတ်ကအရိပ်မည်းကြီးက တစ်ခါပြန်ပေါ်လာပြန်ပါတယ်.. အတိတ်ကကိစ္စတွေကို ဂျွန်နသန်တစ်ယောက် ဘယ်လိုဖြေရှင်းမလဲ.. အတိတ်ကကိစ္စတွေကို တစ်ခါပြန်ဖော်တဲ့သူကရော ဘယ်သူဖြစ်မလဲ.. စုံထောက်စတန်းဖို့ကရော ဘယ်လိုလျှို့ဝှက်ချက်တွေရှိနေတာလဲ.. ဒါတွေကို 2011တုန်းက ထွက်ရှိခဲ့တဲ့ The son of no one ဇာတ်ကားလေးထဲမှာ ကြည့်ရှုအဖြေရှာကြည့်လိုက်ကြပါဦး.. File size…1.61GB / 559MB Quality…Blu-Ray 1080p 5.1CH / 720p Format…mp4 Duration….1h 30m Genre ..... Action , Crime , Drama Subtitle….Myanmar Subtitle (Hard Sub) Encoder….Min Wai Translated by Benni

ဂျိုးအန်ဒါဆင်ဆိုတဲ့ နယူးယော့ခ်သား ရဲတစ်ယောက်ဟာ ရဲမှူးရာထူးနဲ့ ဟုပ်ဗေလီဆိုတဲ့ မြို့ငယ်လေးဆီကို ပြောင်းရွှေ့လာခဲ့ပါတယ်ဗျ။ ဟုပ်ဗေလီဟာဆိုရင် ရာဇဝတ်မှုကြီးကြီးမားမားမရှိတတ်တဲ့၊ အေးချမ်းတဲ့ မြို့ငယ်လေးပဲဖြစ်ပါတယ်။ တစ်နေ့မှာတော့ အဲ့ဒီဘာမှ ထူးထူးခြားခြားမရှိတတ်တဲ့ အဲ့ဒီမြို့လေးရဲ့ ရဲစခန်းကို ဘေလ်ဆိုတဲ့ ရူးကြောင်ကြောင်အဘိုးကြီးရောက်လာပြီး သူ့ခြံထဲမှာ အဝါရောင် ခြုံထည်တွေဝတ်၊ မျက်နှာတွေအုပ်ထားတဲ့ လူတစ်စုက ဂါထာမန္တာန်တွေရွတ်ကာ ငရဲတွင်းပေါက်ဖွင့်ပြီး နတ်ဆိုးတစ်ကောင်ကို ဆင့်ခေါ်ကြတယ်လို့ တိုင်ချက်ဖွင့်လာခဲ့ပါတယ်ဗျ။ အဲ့ဒီအချိန်ကနေစပြီး ငြိမ်သက်နေတဲ့မြို့လေးမှာ ထူးခြားတာတွေ တစ်ခုပြီးတစ်ခု ဖြစ်လာပါတော့တယ်။ ဒီ Hellblazers ဆိုတဲ့ရုပ်ရှင်လေးဟာဆိုရင် Jump scares ခပ်ပါးပါးတချို့နဲ့ ဇာတ်လမ်းကို စိတ်ဝင်စားအောင်ဆွဲခေါ်ထားပြီး အချိန်ပေးရတာတန်တဲ့ရုပ်ရှင်လေးပဲဖြစ်ပါတယ်ဗျ...။ File size…1.3GB  / 581MB  Quality…1080p AMZ WEB DL  / 720p Format…mp4 Duration….1h 24m Subtitle….Myanmar Subtitle (Hard Sub) Encoder….YK Translated by Zwe Yan Naing

၁၉၉၉ ခုနှစ်က ထွက်ရှိခဲ့တဲ့ နာမည်ကြီး မင်းသား Adam Sandler ရဲ့ ဟာသဒရာမာ ဇာတ်ကားတစ်ကားပါ။ Adam Sandler ရဲ့ ထုံးစံအတိုင်း ဟာသတွေအများကြီးပါသလို ဒရာမာကိုလည်း ခပ်ပါးပါးလေး ထည့် ထားပါတယ်။ Adam Sandler လျှမ်းလျှမ်းတောက်ခဲ့တဲ့ အချိန်တွေကို ပြန်လည်အမှတ်ရရင်း ပေါ့ပေါ့ပါးပါးနဲ့ ကြည့်ရှု့နိုင်အောင် CM ပရိသတ် ကြီးအတွက် တင်ဆက်ပေးလိုက်ပါတယ်။ ဆန်နီဟာ ဥပဒေနဲ့ ဘွဲ့ရထားတဲ့ သူတစ်ယောက်ဖြစ်ပေမယ့် ရှေ့နေ အလုပ် ကိုမလုပ်ဘဲ လမ်းကြေးကောက်တဲ့ ဂိတ်မှာ အလုပ်လုပ်နေတဲ့သူပါ။ ဘဝကို အလေးအနက်မထားဘဲ ခပ်ပေါ့ပေါ့ပဲ ဖြတ်သန်းနေတာမို့ ရည်းစားဖြစ်သူ ဗနက်ဆာက သိပ်ပြီး မကြိုက်လှပါဘူး။ ဗနက်ဆာဟာလည်း ဆန်နီနဲ့ လမ်းခွဲဖို့ ပြောခဲ့လိုက်ပါတယ်။ ဆန်နီဟာ ဖခင်ဖြစ်စေချင်တဲ့ ရှေ့နေ အလုပ်ကိုမလုပ်တဲ့ အတွက် ဖခင်ဖြစ်သူနဲ့လည်း အဆင်မပြေပါဘူး။ ဒီလိုမျိုး ဘဝကို ဖြတ်သန်းနေတဲ့ ဆန်နီ့ဘဝထဲကို ဂျူလီယန်ဆိုတဲ့ ကောင်လေးတစ်ယောက်ရောက်လာခဲ့ပါတယ်။ တကယ်တော့ ဂျူလီယန်ဟာ ဆန်နီ့အခန်းဖော်ဖြစ်တဲ့ ကယ်ဗင်ရဲ့ ရှိလို့ရှိမှန်းမသိရဘဲ ရုတ်တရက်ပေါ်လာတဲ့ သားတစ်ယောက်ပါ။ ထိုအချိန် ကယ်ဗင်ဟာ တရုတ်ပြည်ကို သွားနေတာမို့ ဆန်နီလည်း ဗနက်ဆာများ စိတ်ပြန်လည်လာမလားဆိုပြီး ဂျူလီယန့်ကို မွေးစားဖို့လုပ်ပါတော့တယ်။  ကိုယ့်ကိုယ်ကိုယ်ကလွဲပြီး ဘယ်သူ့ကိုမှ တာဝန်မယူတတ်၊ ဘဝကို ပေါ့ပေါ့တန်တန် ဖြတ်သန်းနေတဲ့ ဆန်နီ ကလေးတစ်ယောက်နဲ့ ဘယ်လိုတွေ ဖြတ်သန်းရမလဲ၊ ဘယ်လို ပေါက်တတ်ကရတွေ လုပ်မလဲဆိုတာကို ဇာတ်လမ်းထဲမှာ ဆက်လက်ရှု့စားလိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size..........(2.17 GB) / (740 MB) / (423 MB) Quality............BluRay 1080p / 720p / 480p Duration.........1Hr 33Mins Subtitle...........Myanmar Hardsub Format............MP4 Genre..............Comedy, Drama Translator.......Leonard Lin Encoder..........SWM

ဒီရုပ်ရှင်လေးကတော့ ၂၀၂၁ ခုနှစ်မှာ ထွက်ရှိခဲ့တဲ့ ရုရှားစကားပြော ယူကရိန်း ဒရာမာ ၊ မှုခင်း ဇာတ်လမ်းလေးပါ။ဥရောပ ရုပ်ရှင်တို့ ထုံးစံအရ တီးလုံးတွေ လေးပြီး ဇာတ်အေး ဇာတ်နှေးတတ် ပေမယ့်လည်း ဒီဥရောပကားကတော့ ဇာတ်ရှိန်မြန်တာကြောင့် ကြည့်ရတာ သိပ်ပျင်းဖို့ မကောင်းပါဘူး။ ငယ်ငယ်က အနိုင်ကျင့်ခံရတာကို မုန်းတီးတဲ့ ရိုင်နိုဆိုတဲ့ လူငယ်လေးဟာ အရွယ်ေ ရာက်လာတာနဲ့ အမျှ လူမိုက်လောကထဲကို ရောက်မှန်းမသိရောက်သွားပါတော့တယ်။ ကြီးနို င်ငယ်ညှင်း ဒီလောကထဲမှာ ရိုင်နိုတစ်ယောက် အောင်မြင်အောင် ရှင်သန်ရုန်းကန်ရင်း ရ က်စက်တဲ့ အသည်းနှလုံး ပိုင်ရှင်လူသားတစ်ဦးဖြစ်လာရပါတော့တယ်။ ဘဝရဲ့ ကြမ်းတမ်း ရ က်စက်မှု ဒဏ်ကို အံတုရင်း အရေထူအောင် ကြီးပြင်းလာခဲ့ရတဲ့ ရိုင်နိုတစ်ယောက် သူ့ ရင်ထဲမှာ ဖြူစင်မှုရော ရှိသေးရဲ့လားဆိုတာကိုတော့ ဇာတ်လမ်းလေးဆုံးအောင်ကြည့်ပြီး အဖြေရှာစေချ င်ပါတယ်။ ဘဝရဲ့ ရိုက်ခတ်မှုတွေကြားထဲ လောကကြီးမှာ ရှင်သန်ဖို့ အရေထူအောင်ကျင့်ရင်း ကလေးတစ်ဦးရဲ့ အဆုံးသတ်ဟာ ကောင်းခြင်းနဲ့ဆုံးမလား ဆိုးခြင်းနဲ့ အဆုံးသတ်မလား ဆိုတာကတော့။ File size…1.6GB / 800MB Quality…1080p / 720p Format…mp4 Duration….1h 41m Subtitle….Myanmar Subtitle (hard sub) Encoder….Thit San Khant Translated by V

ယုံဘယ်ဆိုတာတော့ ကားအငှားလောကမှာ အထင်ကရ ပုဂ္ဂိုလ် တစ်ယောက်ပါ။ တစ်နေ့မှာတော့ တစ်နေရာကို ပို့ပေးရမဲ့ ကားတစ်စီး ကို သူငယ်ချင်းဖြစ်သူက ဒုန်းရှစ်က ယူပြီး ပျောက်သွားတဲ့အခါ ယုံဘယ်တစ်ယောက် အခက်ကြုံရပါတော့တယ်။ ဖြစ်ချင်တော့ လူဆိုးဂိုဏ်းတစ်ခုကလည်း ပျောက်သွားတဲ့ကားထဲမှာ သူတို့ရဲ့ အဖိုးတန်ပစ္စည်းတွေ ပါသွားတယ်ဆိုပြီး ယုံဘယ်ကို အပူတပြင်း လိုက်ရှာနေကြပါပြီ။ ယုံဘယ်ကတော့ သူ့အဖေရဲ့ နာရေးသတင်းကို သိလိုက်ရတာကြောင့် အဖေ့ရဲ့ ဈာပနအခမ်းအနားကိုသွားခဲ့ပြီး အရင်က သူ တက္ကစီမောင်းပြီး စီးပွားရှာခဲ့တဲ့ အဖေ့ရဲ့ ကားစုတ်လေး ကို ရှာနေခဲ့ပါတယ်။ ကံဆိုးချင်တော့ အရင်က ဇိမ်ခံကားအဖြစ် သူသိခဲ့တဲ့ ကားလေးက အခုတော့ တံခါးတောင် ကောင်းကောင်းဖွင့်လို့ မရတဲ့ အနေအထားကို ဖြစ်နေပါပြီ။ ဒါပေမဲ့ အဲ့ဒီ ကားလေးကို သူ့ရဲ့ စီးတော်ယာဉ်အဖြစ် အသုံးချပြီး ကားပျောက်ရှာပုံတော် ဖွင့်ဖို့ စီစဉ်ပါတော့တယ်။ ပျောက်သွားတဲ့ ကားထဲမှာ ရှိတဲ့ လူဆိုးတွေရဲ့ အဖိုးတန် ပစ္စည်းဆိုတာက ဘာများလဲ? ယုံဘယ်တစ်ယောက် ဆုံးသွားတဲ့အဖေရဲ့ ကားစုတ်လေးနဲ့ ကားအရှာတော်ထွက်ရင်းကြုံရတဲ့ ဒုက္ခပေါင်းသောင်းခြောက်ထောင်နဲ့ အလွဲတွေကိုတော့ ဇာတ်လမ်းလေးထဲ ဆက်ပြီး ကြည့်ရှုလိုက်ကြရအောင်ပါ။ Son Ho Jun (Terius Behind Me ထဲက အယောင်ပြစီးပွားရေးလုပ်ငန်းရှင်ကြီး)၊ Heo Sung Tae (Squid Game ထဲက နံပါတ် 101) နဲ့ Lee Kyu Hung (All of Us Are Dead ထဲက စုံထောက်ကြီး) တို့လို support role မှာ ကျွမ်းကျင်ပိုင်နိုင်စွာ သရုပ်ဆောင်ခဲ့ကြသူတွေက ဒီကားမှာတော့ main role ကနေ ပါဝင် သရုပ်ဆောင်ထားကြတာပါ။ File Size          :  1.9GB, 703MB & 343MB Quality            : 1080p WEB-DL, 720p WEB-DL & 480p Format            : mp4 Duration         : 1hr & 38mins Genre              : Comedy, Drama , Fantasy Translated by  ChitThe Encoded by Kinnov

Fifty Shades Freed ရဲ့ preview ကိုတော့ စာအုပ်ထဲဇာတ်လမ်းနဲ့Trailer ကိုဆက်စပ်ပြီးဖော်ပြပေးပါမယ်။ Trailer ဟာ Christian နဲ့ Ana မင်္ဂလာဆောင်တဲ့ဇာတ်ဝင်ခန်းနဲ့ဖွင့်ထားပြီး Grey တို့ဇနီးမောင်နှံ ဥရောပတခွင် ဟန်နီးမွန်းထွက်တဲ့ ပုံရိပ်တွေကိုမြင်တွေ့ရမှာပါ။ဒါပေမယ့် သူတို့ရဲ့ ဟန်းနီးမွန်းမှာ အကြောင်းတစ်စုံတစ်ခုကြောင့် နောက်ကြောင်းမအေးဖြစ်ခဲ့ရပါတယ်။ အကြောင်းကတော့ Christian ရဲ့ ရုံးအဆောက်အဦးမှာ မီးလောင်မှုဖြစ်ခဲ့တာဖြစ်ပြီး ထိုမီးဟာ မတော်တဆကြောင့်လောင်ကျွမ်းတာမျိုးမဟုတ်ပဲ တစ်စုံတစ်ဦးရဲ့ ရည်ရွယ်ချက်ရှိရှိ လုပ်ရပ်ကြောင့်ဖြစ်ကြောင်း Christian သိလိုက်ရပါတယ်။ ဒါပေမယ့် Ana ရဲ့အကူအညီနဲ့ တရားခံဘယ်သူဖြစ်တယ်ဆိုတာကို Christian တစ်ယောက်အတည်ပြုနိုင်ခဲ့တယ်။ သူတို့ ဟန်းနီးမွန်းကပြန်ရောက်ပြီး လုပ်ငန်းခွင်ထဲပြန်ဝင်ကြရတဲ့အခါ Ana ဟာ Acting Fiction Editor မဟုတ်တော့ပဲ Fiction Editor ဖြစ်နေပါပြီ။ Christian Grey ရဲ့ အရှိန်အဝါကြောင့် ပစားပေးခြင်းခံရတာကို မလိုလားတဲ့ Ana ဟာ SIP ရုံးတွင်းမှာ Ana Steele အနေနဲ့ ပဲ ဆက်အလုပ်လုပ်ချင်ပေမယ့် Christian ရဲ့ မရမကတောင်းဆိုမှုကြောင့် Ana Grey နာမည်နဲ့ အလုပ်လုပ်ခဲ့တယ်။ Trailer နောက်တစ်ကွက်မှာတော့ Christian တစေ်ယာက် Ana ကို အင်မတန်လှတဲ့ အိမ်တစ်အိမ်ဆီခေါ်သွားခဲ့တယ်။ Ana ကိုယ်တိုင်လည်း အလွန်နှစ်သက်တဲ့ ထိုအိမ်ကို အသစ်ပြန်ဆောက်ရာမှာ အဓိကကျသူကတော့ နာမည်ကြီး ဗိသုကာပညာရှင် Gia Matteo…. ရွှေရောင်ဆံပင်နဲ့ အလန်းစား Gia Matteo ကသူမမျက်စိရှေ့မှာတင် Christian ကို ကလူ၏သို့မြှူ ၏သို့ လုပ်လာတဲ့အခါ Ana တစ်ယောက် Gia ကို သတိပေးဖို့ဖြစ်လာပါတော့တယ်။ ဒါတင်မကသေးပါဘူး… Gia ဟာ Christian ရဲ့ အစ်ကိုElliot (Ana အချစ်ဆုံးသူငယ်ချင်း Kate ရဲ့ချစ်သူ) ကိုလည်း ချဉ်းကပ်နေသူဖြစ်ပါတယ်။ [??သိတယ်မှလား? အချစ်ဆုံးသူငယ်ချင်း (2) ယောက် လူတစ်ယောက်တည်းကို ပြိုင်တူကြည့်မရဖြစ်ပြီဆိုရင် အဲ့ဒိလူသတိထားပြီးနေမှတော်ကာကျမယ်ဆိုတာ ???] နောက်တစ်ခန်းမှာတော့ Ana မောင်းလာတဲ့ကားကို နောက်ကကားတစ်စီးက ဝင်တိုက်ဖို့ကြိုးစားနေတာကိုတွေ့ရမှာပါ။ Ana နဲ့ Christian တို့ အိမ်အသစ်ကိုကြည့်ပြီးအပြန်လမ်းမှာ ဘယ်ကမှန်းမသိတဲ့ကားတစီးရဲ့ အသည်းအသန် ရန်ရှာအန္တရာယ်ပြု ခြင်းကိုခံခဲ့ရတယ်။ Christian ဟာ Ana တစ်ခုခုဖြစ်သွားမှာစိုးရိမ်တာကြောင့် ဘယ်သောအခါမှ သူမကို ကိုယ်တိုင်ကားမောင်းခွင့်မပေးခဲ့သူဖြစ်ပြီး ပထမဆုံး ခွင့်ပြုလိုက်တဲ့အချိန်မှာ ထိုပြသနာမျိုးကြုံခဲ့ရတာပါ။ ဒါပေမယ့်လည်း Ana ရဲ့ကားမောင်းကျွမ်းကျင်မှုအရည်အချင်းဟာ Christian ကိုပါးစပ်အဟောင်းသားဖြစ်စေခဲ့ပါတယ်။ Trailer မှာ စိတ်ဝင်စားဖို့အကောင်းဆုံးဇာတ်ဝင်ခန်း (2) ခုထဲက ပထမတစ်ခုကတော့ Christian က သူ့ရဲ့ အဆက်ဟောင်းလဲဖြစ် လုပ်ဖော်ကိုင်ဖက်လဲဖြစ်တဲ့ Mrs. Robinson တစ်ဖြစ်လဲ Elena ကိုသွားတွေ့ခဲ့တာပါပဲ. Fifty Shades Darker မှာ Christian ဟာ Mrs.Robinson နဲ့ သူရဲ့ဆက်ဆံရေးပြီးဆုံးသွားတဲ့အကြောင်း Ana ကို အတိအလင်းပြောခဲ့ပြီးမှ ဘာအတွက်ကြောင့်သွားတွေ့ခဲ့သလဲဆိုတာက စဉ်းစားချင်စရာပါ။ Ana က “Did you sleep with her?” လို့မေးလိုက်တဲ့အချိန်မှာလဲ ပြန်မဖြေနိုင်ဖြစ်နေတဲ့ Christian နဲ့ Mrs.Robinson ကို လုံးဝမနှစ်မြို့တဲ့ Ana တို့ကြားက ဆက်ဆံရေး ဘယ်လိုဆက်ဖြစ်မလဲဆိုတာကိုတော့ 2018 Valentine Day မှာ အဖြေရှာကြည့်ရမှာပါ။ နောက်ထပ်စိတ်ဝင်စားဖွယ်ရာဇာတ်ဝင်ခန်းတစ်ခုကတော့Jack Hyde က Christian ရဲ့ ညီမဖြစ်သူ Mia (Rita Ora) ကိုဖမ်းဆီးထားပြီး Ana ကိုချိန်းခြောက်နေတာပါ။ ဆိုတော့ကာ Ana နဲ့ Mia နှစ်ယောက်စလုံး Jack ရဲ့ လက်ထဲကနေလွတ်မြောက်နိုင်ပါ့မလား? ဒါမှမဟုတ် Mia ကိုတော့လွှတ်ပေးပြီး Christian ကို မုန်းတီးတဲ့ ရန်ငြှိုးကြောင့် Ana အသက်ကို ရန်မူမှာလား? Ana ကရော Jack Hyde တောင်းဆိုတဲ့ တောင်းဆိုချက်တွေကိုလိုက်လျှောနိုင်မှာလား? စတဲမေးခွန်းတွကိုတော့ 2018 မှပဲသိရမှာပါ။ စာအုပ်ကတော့ သေသပ်တဲ့ဇာတ်ကွက်တွေနဲ့ စာဖတ်သူကို လက်ကမချနိုင်အောင်ဖမ်းစားထားခဲ့ပါတယ်။ James Foley ကရော စာအုပ်ထဲကအတိုင်း ရိုက်ကူးပါ့မလားဆိုတာကလည်း လူကိုမရိုးမရွဖြစ်စေပြန်ပါတယ်။ Red Room ထဲက အခန်းတွေကိုလည်း ကြည့်ရမှာဖြစ်ပြီး Fifty Shades Darker ထဲက နာမည်ကြီး Ben & Jerry Ice-cream ဇာတ်ဝင်ခန်းကလည်း Freed မှာပါဝင်လာနိုင်ပါတယ်။ Red Room ထဲက အခန်းတွေနဲ့အပြိုင် Ana နဲ့ Christian ရဲ့ Romantic ဇာတ်ဝင်ခန်းတွေကိုကြည့်ရမှာပါ။ ဟန်းနီးမွန်းဇာတ်ဝင်ခန်းတွေကို ပြင်သစ်နိုင်ငံရဲ့လှပလွန်းတဲ့ နာမည်ကြီးနေရာတွေနဲ့ ပြင်သစ်နိုင်ငံတောင်ပိုင်းက ကမ်းခြေမှာ အဓိကထားရိုက်ကူးခဲ့ပြီး အမိုက်စားမြင်ကွင်းတွေနဲ့ အမိုက်စားစုံတွဲလေးကို ကြည့်ရှုခံစားရမှာအသေအချာပါ။ ပြင်သစ်ကမ်းခြေက ဇာတ်ဝင်ခန်းမှှာတော့ Dakota ကို Bikini အဝါလေးနဲ့မြင်တွေ့ရမှာဖြစ်ပြီး ထိုဇာတ်ဝင်ခန်းရိုက်ကူးချိန်ကတည်းက Dakota ရဲ့ Body ဟာ သောသောညံအောင် ချီးကျူးခံခဲ့ရပါတယ်။ ( comment မှာ ပုံတင်ပေးထားပါတယ်) Mrs.Grey လို့ပါးစပ်ဖျားကမချအောင်ခေါ်ပြီး Ana အမှတ်တမဲ့ပြောဖူးတဲ့အရာသေးသေးလေးတွေကအစဖြစ်အောင်လုပ်ပေးတတ်တဲ့Christian , Ana အလုပ်လုပ်နေတဲ့ SIP Publushing ကို မင်္ဂလာလက်ဆောင်အဖြစ်ပေးခဲ့တဲ့ Christian , သဘောင်္စီးရင်းနဲ့ “အဲ့ဒိအိမ်ကနေကြည့်ရတဲ့မြင်ကွင်းကသိပ်လှမှာပဲ” လို့ရေရွတ်မိလို့ ထိုအိမ်ကိုမရရအောင်ဝယ်ပေးခဲ့တဲ့ Christian , ဇနီးသည်ရဲ့ လုံခြုံမှုကို အရာအားလုံးထက်ဦးစားပေးတဲ့ Christian ဟာ ဆွဲဆောင်မှုအတော်ရှိသလို အတော်ကြီးကို Romantic ဆန်ပါတယ်။ ပထမဆုံးရုပ်ရှင် Fifty Shades of Grey ထဲက Christian Grey နဲ့ ယှဉ်ရင် အများကြီး နူးညံ့ လူသားဆန်လာတဲ့ Christian Grey ကိုတွေ့ရမှာပါ။ Christian အတွက်ဆိုရင် သူ့မိသားစုဝင်တွေကိုပါ ချစ်ခင်ကာကွယ်တတ်တဲ့ Ana ရဲ့ ချစ်ခြင်းကလည်း ရေးပြလို့ဆုံးမယ်မထင်ပါဘူး။ James Foley ဟာ စာအုပ်ထဲမှာမပါတဲ့ဇာတ်ဝင်ခန်းတစ်ခန်းကိုထည့်သွင်းထားပြီး ထိုဇာတ်ဝင်ခန်းဟာ Ana ရဲ့ နားချဖျောင်းဖျမှုကြောင့် Christian တစ်ယောက် သူ့မိခင်ရင်းရဲ့ အုပ်ဂူကို သွားရောက်လည်ပတ်တဲ့အခန်းဖြစ်ပါတယ်။ ဒါကြောင့်ပဲ Admin ကတော့ James Foley တစ်ယောက် ဘယ်ဇာတ်ဝင်ခန်းတွေကိုများထပ်ပြောင်းလိုက်ဦးမလဲလို့ စိတ်ဝင်စားနေမိပါတယ်။ (Fifty Shades Freed ရုပ်ရှင်အညွန်းကို Nucleon FB Page မှ ကူးယူဖော်ပြပါသည်။) အားလုံးသိကြတဲ့အတိုင်းပါပဲ....Fifty Shades of Grey တဖြစ်လဲ မောင်ဂရေးရဲ့အကွက်ငါးဆယ်ဆိုတဲ့ရုပ်ရှင်ဇာတ်ကားဟာ ဖိုမသဘာဝချစ်ကြကြိုက်ကြရာမှာ တခါတလေ ဘာတွေလိုအပ်လဲဆိုတာ မကွယ်မဝှက် ချပြထားတဲ့ ဇာတ်ကားပါ။ ပိုက်ဆံရှိယုံနဲ့လဲ အချစ်ကိုကျေနပ်စေမှာမျိုးမဟုတ်... ရုပ်ချော ရုပ်ဖြောင့်နေယုံနဲ့လဲ အချစ်က တင်းတိမ်နေမှာမျိုးမဟုတ်... အလိုလိုက်အကြိုက်ဆောင်တိုင်းလဲ အချစ်က တည်မြဲနေမှာမျိုးမဟုတ်... အချစ်ဆိုတာ တစ်ယောက်စိတ်ရူးပေါက်တာကို တစ်ယောက်ကနားလည်ပေးနိုင်ပြီး နှစ်ယောက်တူတူစခန်းသွားရတာမျိုးပါ။ ကဲ...မောင်ဂရေးနဲ့ မစတီးတို့ ဘယ်လိုစခန်းသွားကြမလဲဆိုတာ...။ Fifty Shades ဇာတ်ကားက ၃ ကားထွက်ရှိခဲ့ပြီး ၃ ကားလုံးကို https://channelmyanmar.org/?s=fifty+shades+of+grey  မှာကြည့်ရှုနိုင်ပါတယ်။ 4K BluRay Unrated Version နဲ့ တင်ဆက်ထားတာမို့ ရုံတင်ဗားရှင်းထက် ပိုပြည့်ပြည့်စုံစုံရှုစားရမှာဖြစ်ပါတယ်။ File size…(5.9 GB)/(1.2 GB) Quality….Unrated BluRay 4K HEVC/1080p Format…mkv/mp4 Duration….01:50:17 Subtitle….Myanmar Subtitle (Hardsub) Encoder….Nyeinsaeya Aung Translated by Zuel Khant Thwin

The Girl Who Escaped: The Kara Robinson Story (2023) ယခုတင်ဆက်ပေးမဲ့ဇာတ်ကားလေးကတော့ 2023 ခုနှစ်ထဲမှာပဲထွက်ရှိလာတဲ့ ဖြစ်ရပ်မှန်တစ်ခုကိုအခြေခံရိုက်ကူးထားတဲ့ Rating မြင့် Documentary Crime-Drama ရုပ်ရှင်ဇာတ်ကား‌ေကာင်းလေးပါ ဇာတ်လမ်းခေါင်းစဉ်အတိုင်းပဲ ပြန်ပေးဆွဲမုဒိန်းကျင့်ခံရတာကနေ လွတ်မြောက်လာခဲ့တဲ့ ၁၅ နှစ်အရွယ်ကောင်မလေးတစ်ယောက်အကြောင်းပါ ဒီဖြစ်ရပ်မှာကံကောင်းတာတွေ ကယ်တင်ရှင်တွေမပါပါဘူး ကာရာဆိုတဲ့ကောင်မလေးက ရုတ်တရက်ကြုံတွေ့ရတဲ့အန္တရာယ်ကို ခေါင်းအေးအေးထားရင်ဆိုင်ကာ လွတ်မြောက်အောင်လုပ်ခဲ့တဲ့အပြင် တရားခံလည်ပင်းကိုပါကြိုးကွင်းပြန်စွပ်ပေးနိုင်လောက်အောင် နေရာတွေအချက်အလက်တွေအကုန်လုံးကို မှတ်သားလာခဲ့ပုံက ပြောစမှတ်ပြုလောက်ပါတယ်။ ပြီးတော့ သူ့ရဲ့ဒီဖမ်းဆီးမုဒိမ်းကျင့်ခံရပြီးနောက်ပိုင်းကိစ္စတွေကို တည်ငြိမ်စွာရင်ဆိုင်ပုံကလဲ အတုယူဖွယ်ရာပါပဲ ခံလိုက်ရတဲ့သူတွေမှာ အပြစ်လဲမရှိ အမှားလဲမရှိပါဘူး လုပ်‌တဲ့သူတွေကသာ လူ့ဘောင်မဝင် ခွေးလောက်တောင် အဆင့်မရှိတဲ့ကောင်တွေပါ အဲ့ဒီတော့ ဒီဇာတ်ကားလေးကနေတစ်ဆင့် မိဘတွေရော မိန်းကလေးအရွယ်သုံးပါးလုံးရော သင်ခန်းစာယူနိုင်ကြမယ်အပြင် ဇာတ်‌လမ်းကိုရိုက်ပြထားပုံကလဲ အိုဗာတွေမပါစိတ်ဝင်စားဖို့ကောင်းတာမို့ ပရိသတ်များခံစားကြည့်ရှုနိုင်ဖို့ တင်ဆက်ပေးလိုက်ပါတယ် အညွှန်း နဲ့ ဘာသာပြန်ကတော့ Sai Thurein Lynn ပဲ ဖြစ်ပါတယ်။ Genre..... Crime, Drama, Thriller Quality…. 720p File size… 470MB Format… mp4 Duration….1h 28min Subtitle…. Myanmar Subtitle (Hardsub) Translator ..... Sai Thurein Lynn Encoder ..... August

A Tribute to Her Majesty – The Queen (2022) ဒီ Documentary လေးကိုထွေထွေထူးထူးညွှန်းနေစရာတော့လိုမယ်မထင်ပါဘူး။ မကြာသေးခင်ကမှ နတ်ရွာစံသွားတဲ့ အင်္ဂလန်ပြည့်ရှင် ဘုရင်မကြီး အဲလိဇဘက် ၂ အကြောင်း BBC ကနေ ရိုက်ကူးထားတဲ့ မှတ်တမ်းရုပ်ရှင်ပါ။ ဘုရင်မကြီးရဲ့ ကလေးဘဝ၊ ဒုတိယကမ္ဘာစစ်ကို ၁၃နှစ်အရွယ် မိန်းကလေးတစ်ဦးအနေနဲ့ ဖြတ်သန်းခဲ့ပုံတွေ၊ ထီးနန်းဆက်ခံရမယ့် မျိုးဆက်မဟုတ်ပေမယ့် ကံကြမ္မာကြောင့် ထီးနန်းဆက်ခံဖို့ဖြစ်လာတာတွေ၊ မိသားစုကိုချစ်ခင်ပုံတွေ၊ ထီးနန်းဆက်ခံပြီးနောက်မှာ တာဝန်နဲ့မိသားစုကို ဦးထိပ်ပဓာနထားခဲ့တာတွေကို ဒီ မှတ်တမ်းရုပ်ရှင်လေးမှာတွေ့နိုင်ပါတယ်။ ရှေးခေတ်ဗီဒီယိုမှတ်တမ်းတွေ အများအပြားထည့်သွင်းရိုက်ကူးထားတဲ့အပြင် ဘုရင်မကြီးရဲ့ မိသားစုဝင်တွေ၊ ဗြိတိန်ဝန်ကြီးချုပ်ဟောင်းတွေ၊ မင်းမှုထမ်းတွေလည်း ပါဝင်အားဖြည့်ပေးထားလို့ ကြည့်ရအဆင်ပြေတဲ့ Documentary လေးပါပဲ။ တော်ဝင်မိသားစုဖက်အမြင်ကနေပဲရိုက်ကူးထားပြီး သွားလေသူကိုအမှတ်တရဖြစ်အောင် တင်ပြထားတဲ့အတွက် တစ်ချို့တစ်ချို့သော ကိစ္စလေးတွေမှာ အငြင်းပွါးစရာလေးတွေတော့ရှိနိုင်ပါတယ်။ ဒါလေးကို သည်းခံနိုင်ရင်တော့ ကြည့်ရတာတန်တဲ့ Documentary လေးပါပဲလို့ တတ်နိုင်သလောက်လေး ညွှန်းခဲ့ပါရစေခင်ဗျား… (ဒီဇာတ်ကားနဲ့အညွှန်းကို Htet Kyaw Myo မှ ပြန်ဆို ရေးသားထားပါတယ်) Size – 1.83GB, 823MB Quality – 1080p, 720p Format – mp4 Duration – 1H 33Min Genre – Documentary Subtitle – Myanmar Subtitle (Hardsub) Translated by Htet Kyaw Myo Encoded by Y

Sex is Zero လို ကျောင်းသားဟာသကားတွေကြိုက်တတ်ရင်တော့ Wet Dreams ဆိုတဲ့ ဒီကိုရီးယားကားမှာလဲ ခွီရဦးမှာပါ။ ဒေါင်ဟွန်း ဆန်းမင်း ယောင်ဂျေး ဆွတ်ဂူးတို့ဟာယောက်ျားလေးသီးသန့်ကျောင်းမှာတက်ရောက်နေတဲ့ လူပျိုဖော်ဝင်စ၊အပျံသင်စ လိင်မှုကိစ္စကိုထဲထဲဝင်ဝင်နှိုက်နှိုက်ချွတ်ချွတ်စိတ်ဝင်တစား စူးစမ်းချင်စပြုလာတဲ့ အထက်တန်းကျောင်းသားလေးတွေဖြစ်ပါတယ်။ အဲ့ဒီကျောင်းကိုမှ သူတို့နဲ့အသက်ချင်းသိပ်မကွာတဲ့ ငယ်ငယ်လှလှ ဆရာမလေးတစ်ယောက်က အလုပ်သင်အဖြစ်ဝင်လာတဲ့အချိန်မှာတော့ အဲ့ဒီဆရာမလေးနဲ့ နီးစပ်ခွင့်ရဖို့အရေး သူတို့တွေအလောင်းအစားနဲ့အကြံအဖန်လုပ်ကြတဲ့အထိဖြစ်လာပါတော့တယ်။ အဲ့ဒီဆရာမလေးကလဲ ကိုယ်ပိုင်ဇာတ်လမ်းရှိပါတယ်။ ဆရာမလေးရဲ့တစ်ဖက်သတ်အချစ်ဦး ဆယ်ကျော်သက်တုန်းက တဖက်သတ်ကြိတ်ကြွေခဲ့ရတဲ့ ဆရာအစ်ကိုကြီးဟာ အဲ့ဒီကျောင်းမှာကျောင်းဆရာအဖြစ်ရှိနေလို့ဒီကျောင်းကိုမရောက်ရောက်အောင် ဖန်တီးယူခဲ့တာဖြစ်နေလို့ပါပဲ။ဆရာမလေးကသူ့ဇာတ်လမ်းနဲ့သူ့ချစ်ရသူကိုနီးစပ်ခွင့်ရဖို့ကြိုးစားသလို ဒေါင်ဟွန်းတို့လေးယောက်ကလဲ ဆရာမလေးလက်ကိုကိုင်ဖို့၊ အောက်ခံဘောင်းဘီ ဘာရောင်လဲဆိုတာမြင်ရဖို့တို့ ညစ်တီးညစ်ပတ်အလောင်းအစားတွေနဲ့ကြိုးစားနေရင်းက ဒေါင်ဟွန်းဟာ ဆရာမလေးအပေါ် တစ်ပါးသူ စကားနဲ့ထိပါးလာရင်တောင်မခံချင်မခံမရပ်နိုင်ဖြစ်လာတဲ့အထိမေတ္တာရှိမြတ်နိုးသွားမိတဲ့အခါမှာတော့..။ စိတ်ကူးယဉ်တတ်စ ဆယ်ကျော်သက်ကောင်လေးတစ်ယောက်ဟာ အိမ်မက်ပင်လေးကိုပျိုးမိတော့တာပါပဲ၊ သူ့ဇာတ်လမ်းလေး ဘယ်လိုအဆုံးသတ်မလဲ? ဆရာမလေးရဲ့ အထက်တန်းကျောင်းကတည်းကစခဲ့တဲ့ တစ်ဖက်သတ်ဇာတ်လမ်းလေးကရော? ဇာတ်သိမ်းကတစ်ခုပဲလှဖို့ရှိပါတယ်။ Wet Dream ဟာကျွန်တော်တို့ဆီမှာနာမည်ကျော်ဖြစ်တဲ့ Sex is Zero နဲ့ တစ်နှစ်ထဲထွက်ရှိခဲ့ပြီး အပြိုင်နာမည်ကြီးခဲ့တဲ့ဇာတ်ကားလဲဖြစ်ပါတယ်။ ကိုရီးယားလှိုင်းအစရုပ်ရှင်တွေထဲမှာတစ်ကားအပါအဝင်ဖြစ်ပြီးကြည့်ဖူးတဲ့သူတွေဆို တစ်ချို့ဇာတ်ကွက်တွေကိုမှတ်မိကြဦးမှာပါ။ သူတို့သူငယ်ချင်းလေးယောက်ရဲ့လိင်ကိစ္စ စပ်စုပုံ၊စူးစမ်းပုံတွေ၊ ဆရာမလေးအနားကပ်ခွင့်ရဖို့ကြိုးစားကြပုံတွေဟာ အသေခွီနေရပြီးကိုယ့်ငယ်ဘဝကိုယ်ပြန်အမှတ်ရစရာတိုက်ဆိုင်မှုလေးတွေကိုပါမြင်ရတွေ့ရပါလိမ့်မယ်။ ဇာတ်လမ်းရဲ့အဆုံးမှာ Credit scene ဆန်ဆန်တစ်ခန်းပါဝင်ပြီး၊ အဲ့ဒီနေရာမှာ ဆရာကြီးတစ်ယောက် Cameo အဖြစ်စပရိုက်တိုက်ထားပါတယ်။ Wet Dreams 2 ဆက်ထွက်ခဲ့ပြီး Wet Dream နှစ်ကားစလုံးကို https://channelmyanmar.to/?s=wet+dreams မှာကြည့်ပါ။

Ghost Project (2023) အခုလတ်တလောမှ ထွက်ရှိလာတဲ့ Horror / Sci-Fi ကားသစ်လေးပါပဲ။ ကားနာမည်အတိုင်းပဲ သရဲပရောဂျက်ပါ။ ပရိုဂရမ်မာသုံးယောက်က စွန့်ပစ်အဆောက်အဦးထဲမှာ စမ်းသပ်မှုလုပ်ရင်း ဆိုနာသံလိုက်လှိုင်းနဲ့ သရဲရှာတဲ့စက်အဟောင်းတစ်လုံး ကောက်ရခဲ့ပါတယ်။ အဲဒါနဲ့ သူဌေးဖြစ်ကိန်းဆိုက်ပြီဆိုပြီး ဖုန်းအက်ပ်တစ်ခုလုပ်ပြီး ‌ဆဲလ်ဖုန်းနဲ့သရဲမြင်နိုင်မလား စမ်းသပ်ကြပါတယ်။ စမ်းသပ်မှုလုပ်ဖို့ စွန့်ပစ်အဆောက်အဦးတစ်ခုရွေးလိုက်တဲ့အခါ အဲဒီအဆောက်အဦးကလည်း ဇမသေးလှတဲ့ရာဇ၀င်ရှိနေတဲ့အခါမှာတော့ သူငယ်ချင်းသုံးယောက် သူဌေးကိန်းပဲဆိုက်မလား… သေကိန်းပဲဆိုက်မလား… ကြည့်ရှုရမှာပါ။ Jump Scare တွေမြိုင်မြိုင်ဆိုင်ဆိုင်နဲ့ ပေါ့ပေါ့ပါးပါး ကြည့်လို့ကောင်းတဲ့ကားလေးပါပဲ။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size – 1.5GB, 640MB Quality – 1080p, 720p Format – mp4 Duration – 1H 17Min Genre – Fantasy, Horror, Sci-Fi Subtitle – Myanmar Subtitle (Hardsub) Translated by Soe Thiri Swe Encoded by Y

Clean skinဆိုတာ ယူကေမှာ အကြမ်းဖက်မှု ရာဇဝတ်မှုတွေအတွက်အန္တရာယ်ရှိတယ်လို့ သတ်မှတ်ခံထားရခြင်း မရှိတဲ့သူ အပြစ်ကင်းစင်သူတွေကိုသုံးတတ်တဲ့အသုံးပါ ကျွန်တော်ကတော့ သိုးဖြူလေးတွေလို့ သုံးချင်တယ် ဒီဇာတ်လမ်းကတော့ လန်ဒန်မှာအသေခံဗုံးဖောက်ခွဲခံရမှုတွေ ဖြစ်လာတဲ့အခါ ဒီကိစ္စအတွက် ဇာတ်လိုက်မင်းသားက တရားမဝင်လိုက်လံစုံစမ်းရတဲ့ ဇာတ်ကားမျိုးပါပဲ ဒါပေမဲ့ သာမန်ဇာတ်လမ်းတွေနဲ့ကွဲထွက်နေတာကတော့ ဂျိမ်းစ်ဘွန်း ကားတွေလို မင်းသားကအမြဲမှန် ကျင့်ဝတ်တွေနဲ့ညီတဲ့ နိုင်ငံကြီးသား ဇာတ်လမ်းမျိုးတွေမဟုတ်ပဲ ဒီကားမှာတော့နှစ်ဖက်လုံးဟာ အနိုင်ရဖို့အတွက်ဆို လမ်းမှာပိတ်နေတဲ့သူတွေကို ငဲ့ကွက်ညှာတာ‌ နေတာမျိုးမရှိပဲ အကြမ်းပတမ်းချနေကြတဲ့ကားမျိုးပါ တိုက်ကွက်တွေဆိုရင်လည်း မင်းသားကကျည်မထိဗုံးမထိ ဖြစ်နေတာမျိုးမဟုတ်ပဲ လက်တွေ့နဲ့အတော်နီးစပ်တဲ့တိုက်ခန်း ခိုက်ခန်းတွေပါ . . အက်ရှင်ဇာတ်ကားဆိုပေမဲ့ သမားရိုးကျ လူကြိုက်များမဲ့ဇာတ်လမ်းမျိုးမဟုတ်ပဲ စစ်ပွဲတွေရဲ့အနိဌာရုံတွေ လူတွေရဲ့ယုံကြည်မှုတွေ ဘယ်သူမှားလဲဘယ်သူမှန်လဲကို ဝေဝါးမေးခွန်းထုတ်နေရမဲ့ အရာတွေပါတဲ့ဇာတ်အိမ်မျိုးပဲဖြစ်ပါတယ် ဒီဇာတ်ကားကို Lord of the Rings, Games of Thrones စတဲ့ ဇာတ်လမ်းတွေရော တခြားနာမည်ကြီးဇာတ်ကားများစွာမှာ ပါသရုပ်ဆောင်ဖူးတဲ့ မင်းသားကြီး Sean Bean ကသရုပ်ဆောင်ထားပါတယ် File size…1.92GB / 823MB Quality…Blu-Ray 1080p / 720p Format…mp4 Duration….1h 48m Genre ….. Action , Crime , Drama Subtitle….Myanmar Subtitle (Hard Sub) Encoder….Min Wai Translated by Aung Khant Paing

Crimson Snout 2023 (IMDb – 6.7/10) ခွေးသားစားဖူးတဲ့သူတွေရှိလား? စားဖူးတဲ့သူတွေရော မစားဖူးတဲ့သူတွေရော ဒီကားလေးကိုကြည့်ကြည့်ပါ ဟာသ မပါပဲ လုံးဝ serious ရိုက်ကူးထားတဲ့ ဗီယက်နမ်သရဲကားလေးဖြစ်ပါတယ် ဝတ္ထုကိုအခြေခံပြီးရိုက်ကူးထားတော့ ဇာတ်အိမ်ကတော့ လုံးဝအခိုင်အမာပါပဲ ဇာတ်လမ်းအကျဉ်းလေးကတော့ တစ်မိသားစုလုံးခွေးသားအရမ်းကြိုက်တဲ့ သားသတ်ရုံပိုင်ရှင်လူကြီးတစ်ယောက် လမ်းမှာရေနစ်သေတာကနေစပြီး မိသားစုပြဿနာတွေ အကုသိုလ်တွေကြောင့် ဗုဒ္ဓဘာသာအယူအဆအတိုင်း ဝဋ်လည်မှုတွေစတင်လာတဲ့အချိန်မှာ တစ်ဦးတည်းသောသားဖြစ်သူကလဲ လက်ထပ်မယ့်မိန်းကလေးကိုခေါ်ပြီးပြန်ရောက်လာတယ် ခွေးသားက သူတို့နယ်မြို့လေးရဲ့ အထင်ကရစားသောက်ကုန်ဖြစ်နေပြီး လိုက်လာတဲ့ ကောင်မလေးလဲ ခွေးသားမစားတော့ အဆင်မပြေမှုတွေအများကြီးကြုံရတာပေါ့ သူတို့နှစ်ယောက် မိသားစုပြဿနာတွေ မကောင်းတဲ့နတ်ဆိုးတွေကိုဘယ်လိုရင်ဆိုင်ရမလဲဆိုတာ…. မျက်နှာကိုလက်နဲ့အုပ်ပြီး လက်ချောင်းတွေကြားထဲကချောင်းကြည့်ပေးကြပါဦး ဇာတ်လမ်းထဲမှာ ခွေးကြီးက မတ်တပ်ရပ်ပြီးပြုံးပြမှာမို့လို့ပါ… အညွှန်း နဲ့ ဘာသာပြန်ကတော့ Thet Oo ပဲ ဖြစ်ပါတယ်။ Genre….. Horror Quality…. 1080p | 720p File size… 1.7GB | 729MB Format… mp4 Duration…. 1h 39min Subtitle…. Myanmar Subtitle (Hardsub) Translator ….. Thet Oo Encoder ….. Aaron

Thalakona 2024 နိုင်ငံရေးပါတီတစ်ခုမှာ ရွေးကောက်ပွဲနီးလာတဲ့အချိန် လူငယ်ဥက္ကဋ္ဌမရှိတဲ့အတွက် အဲဒီနေရာအတွက် ရွေးကောက်ရန် အဖွဲဝင်တွေကိုခေါ်ပြီး ဒီမိုကရေစီဆန်ဆန် သင့်တော်သူများကို ထင်မြင်ချက်ပေးခိုင်းပေမဲ့လည်း အရိုးစွဲနေတဲ့ ထုံးစံတွေအတိုင်း ဝန်ကြီးရဲ့ညီဖြစ်သူဗီဂျေးကို ဒီနေရာပေးဖို တင်ပြသူအများအပြားရှိခဲ့သလို အမြင်အသစ်တွေနဲ့ ပါတီအတွက် အကူအညီရပြီး တာဝန်ထမ်းဆောင်နေဆဲဖြစ်တဲ့ ရီဗန့်သ်ကို ထောက်ခံသူတွေလည်းရှိပါတယ်။ သိုပေမဲ့လည်း ဝန်ကြီးဘက်ကလူတွေနဲ့ အချင်းမများချင်တဲ့အတွက် ဗီဂျေးကိုပဲ ဒီနေရာအတွက် ပေးလိုက်ဖို ရီဗန့်သ်တစ်ယောက် လိမ္မာပါးနပ်စွာနဲ့ ဆုံးဖြတ်ခဲ့ပါတယ်။ ရာဗန့်သ်တစ်ယောက် ဗီဂျေးကို ဝန်ကြီးရဲ့အင်အားနဲ့မမျှလိုပေးလိုက်ရပေမဲ့ ဒီနေရာကို ပြန်လည်ရယူနိုင်ဖို အခွင့်အလမ်းကို အမြဲရှာဖွေလျက်ရှိပါတယ်။ တစ်ဖက်မှာလည်း ဆာရာဆိုတဲ့ကောင်မလေးဟာ မစ်ပြိုင်ပွဲတစ်ခုမှာ မစ်အိန္ဒိယအဖြစ်ရွေးချယ်ခံခဲ့ရပါတယ်။ သူဟာလည်း ကိုယ့်ကိုယ်လာမထိသရွေ့ အေးဆေးပဲ လာထိလိုကတော့ မီးပွင့်သွားမယ်ဆိုတဲ့သူမျိုးဖြစ်ပါတယ်။ ဒီလိုနဲ့ တစ်ရက်မှာ ဆာရာနဲ့ ဗီဂျေးတို တွေ့ကြပြီး ဗီဂျေးက ဆာရာ့အပေါ်မှာ ကိုယ်ထိလက်ရောက် ကျူးလွန်မိရာက ဆာရာက ဗီဂျေးနဲ့ သူ့လူတွေကိုပြန်သမလိုက်ရာကနေ အဲဒီလို ဖြစ်ပျက်နေတဲ့ ဗီဒီယိုက ရာဗန့်သ်လက်ချက်နဲ့ ပြန့်သွားတဲ့အခါမှာတော့ ……… ဗီဂျေးတစ်ယောက် ဒီအရှုပ်ကိစ္စကြီးကို သူ့အစ်ကိုဝန်ကြီးအားကိုးနဲ့ ဘယ်လိုရှင်းသွားမလဲ ……. ရာဗန့်သ်တစ်ယောက်ကရော ဒီအရှုပ်ကို အခွင့်ကောင်းယူပြီး လူငယ်ဥက္ကဋ္ဌရာထူးနေရာကို ဘယ်လိုအရယူသွားမလဲ …… ဒီအရှုပ်တွေကြားထဲမှာ ဝင်မပါချင်တဲ့ ဆာရာတစ်ယောက် သူငယ်ချင်းတွေနဲ့အတူ ဒီကိစ္စကိုရှောင်နိုင်ဖို ခရီးထွက်ရာကနေ ဘာတွေ ဘယ်လို ကြုံတွေ့ရဦးမလဲ …… ဆိုတာတွေကို ကြည့်ရှုရမဲ့ Thriller ဇာတ်လမ်းကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်)

The Unborn Child (2011) *********************** ဖြစ်ရပ်မှန်ကို အခြေခံထားတဲ့ The Unborn Child ဆိုတဲ့ ထိုင်း Horror ဇာတ်ကားကောင်းလေးကို CM ပရိသတ်တွေကို မိတ်ဆက်ပေးချင်ပါတယ်…ဒီဇာတ်လမ်းလေးကတော့ ထိုင်းမှာဖြစ်ပွားခဲ့တဲ့ အရက်စက် အဆိုးရွားဆုံး ဖြစ်ရပ်မှန်တစ်ခုကို ကျောရိုးယူပြီး ရိုက်ကူးထားတာဖြစ်ပါတယ်… ထိုင်းနိုင်ငံ ဘန်ကောက်မှာရှိတဲ့ ဗုဒ္ဓဘာသာဘုရားကျောင်းတစ်ခုရဲ့ ရေခဲတိုက်လိုအခန်းတစ်ခုမှာ တရားမဝင် ကိုယ်ဝန်ဖျက်ချပေးတဲ့ ဆေးခန်းတွေကပို့ပေးထားတဲ့ သေဆုံးပျက်စီးနေပြီးသား သန္ဓေသားလောင်း ၂,၀၀၂ လောင်း ရှာဖွေတွေ့ရှိတဲ့ ဖြစ်စဉ်ကြောင့်…ပညာပေးတဲ့အနေနဲ့ရော နောက်ထပ်ဒီလိုမျိုးဖြစ်ရပ်တွေ ပပျောက်သွားဖို့ ရည်ရွက်ချက်နဲ့ ဒါရိုက်တာက ရိုက်ကူးခဲ့တာပဲဖြစ်ပါတယ်… ဇာတ်လမ်းအကျဉ်း ————- သတင်းဓာတ်ပုံဆရာ ထရီနဲ့ သူ့ရဲ့ဇနီးဖြစ်သူ ကျောင်းဆရာမ ဖင်မ်တို့နှစ်ယောက်ဟာ သမီးဖြစ်သူ ယယ်မိုင်လေးကို ကျောင်းပို့ကျောင်းကြိုတဲ့အချိန်မှာ ယယ်မိုင်လေးက ထူးဆန်းတဲ့စကားတွေ ပြောလာခဲ့ပါတယ်… မောင်လေးကို အိမ်ခေါ်လာချင်တယ်လို့ တဖွဖွပြောဆိုနေတဲ့ သမီးဖြစ်သူကြောင့် ကလေးရဲ့စိတ်ကျန်းမာရေးကို မိဘတွေ စိတ်ပူပန်လာခဲ့ရပါတယ်…တစ်ချိန်တည်းမှာပဲ ဖင်မ်ရဲ့ ကျောင်းသား‌တွေဖြစ်တဲ့ ဘုံနဲ့ခမ်တို့ကလည်း မမျှော်လင့်ဘဲ ကိုယ်ဝန်ရသွားတဲ့အခါ လူငယ်တွေ ထုံးစံအတိုင်း အတွေ့အကြုံရှိတဲ့ သူငယ်ချင်းကို အကူအညီတောင်းပြီး တရားမဝင်ကိုယ်ဝန်ဖျက်ချခဲ့ပါတယ်…အကုသိုလ်ကို မမြင်နိုင်သော်ငြား ပြုထားတဲ့မကောင်းမှုတွေစုပြုံလာတဲ့ တစ်ချိန်မှာ ကိုယ့်ပြုသည့်ကံ ပဲ့တင်သံ ကိုယ့်ထံပြန်လာမည်ဆိုတဲ့ လောကဓမ္မတာတရားအတိုင်း ကျူးလွန်သူတွေဆီကို အပြစ်ဒဏ်ဟာ တစ်နည်းနည်းနဲ့ ပြန်ရောက်လာပါတော့တယ်…ဒါပေမဲ့လည်း မဆီမဆိုင် ထရီနှင့်ဖင်မ်တို့ရဲ့ သမီးလေးဆီမှာမှ ဘာလို့ ဒီလိုထူးဆန်းတဲ့ ထိတ်လန့်ဖွယ်ရာတွေ တွေ့ကြုံလာရတာလဲဆိုတာကိုတော့ ဒီဇာတ်လမ်းလေးကြည့်ရင်း ဆက်လက်အဖြေရှာလိုက်ရအောင်နော်… ဇာတ်လမ်းအညွှန်းနှင့် ဘာသာပြန်သူကတော့ Reddy ဖြစ်ပါတယ်… File Size : 1.47GB / 482MB Quality : Blu-Ray 1080p 5.1ch / 720p Duration : 01:39:00 Genres : Horror, Drama Subtitle : Myanmar Subtitle (Hard Sub) Translated by Reddy Encoded by Heather Oo

The Real Sister (2024) “အစ်မကြီးအမိအရာ” ဒီတစ်ခါမှာတော့ ခပ်ဆန်းဆန်း ဗီယက်နမ် မိသားစုဟာသကားလေးကို တင်ဆက်ပေးလိုက်ပါတယ် ဇာတ်လမ်းအကျဉ်းကတော့ အစ်မကြီး Hai က မုဆိုးမတစ်ယောက်ဖြစ်ပြီး ဆုံးသွားတဲ့သူ့ယောကျ်ားနဲ့ အတူတူကြိုးစားခဲ့လို အတော်လေးချမ်းသာကြွယ်ဝသူပါ သူ့ယောကျ်ားမှာ ညီမ ၄ ယောက်တောင်ရှိပြီး အားလုံးက တစ်ယောက်တစ်ပေါက်နဲ့ဆိုပေမဲ့ အကူအညီလိုလာရင် Hai ကပဲ သူ့ယောင်းမလေးတွေကို ပြန်ကြည့်ပေးရပါတယ် တစ်ရက်တော့ ဘိုးဘွားပိုင်အိမ်မှာ ဆုံးသွားတဲ့မိဘတွေအတွက် နှစ်လည်ကန်တော့ပွဲလုပ်တဲ့အခါမှာတော့ ယောင်းမ ၄ ယောက်လုံးရောက်လာကြပါတယ် ဒီလိုနဲ့ မိသားစုကြားဘယ်လိုပြဿနာအလွဲအချော်လေးတွေ ဖြစ်ကြမလဲ နောက်ပြီး ဘယ်လိုမျိုးကြည်နူးစရာလေးတွေရော တွေ့ကြုံရမလဲ ဆိုတာကတော့ ။ ။ အညွှန်းနဲ့ ဘာသာပြန်ကတော့ CM Team မှ ဖြစ်ပါတယ်