ဒီဇာတ်ကားလေးကတော့ ဆိုဗီယက်ပြည်ထောင်စုကို နာဇီဂျာမနီတို့ ကျုးကျော်စဥ်က ဂျူးလူမျိုးတွေရယ် ဆိုဗီယက်ပြည်သူတွေ ဘယ်လိုဒုက္ခများစွာခံရလဲ၊ သတ် ဖြတ်ခံခဲ့ရလဲဆိုတဲ့ဒုက္ခများစွာကို အိမ်နီးချင်းမိသားစုနှစ်စု အကြောင်းလေးနဲ့ အတူရိုက်ပြထားတဲ့ ဇာတ်ကားလေး ဖြစ်ပါတယ်။ ရန်သူ​အပေါ်မှာတောင်​ ဂီတရဲ့သက်ရောက် နိုင်စွမ်း အနှစ်သာရတွေကိုအမွှမ်းတင်ပြသထားတဲ့ ဇာတ် လမ်းလေးလည်းဖြစ်ပါတယ်။ ဇာတ်လမ်းကအနည်းငယ်အေးသလိုထင်ရပေမယ့်၊ ဂီတကို ချစ်တဲ့သူတွေအတွက်တော့ inspiration ကောင်းကောင်း ပေးနိုင်တဲ့ ဇာတ်ကားလေးလည်းဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ momo ဖြစ်ပါတယ်) File Size..........(2.16 GB) / (725 MB) / (398 MB) Quality............WEB-RIP 1080p / 720p / 480p Duration.........2Hrs 05Mins Subtitle...........Myanmar Hardsub Format............MP4 Genre..............Drama, History Translator.......momo Encoder..........SWM

WALL-E , Finding Dory ,Toy Story တို့လို Animation ကောင်းတွေရိုက်ကူးတတ်တဲ့ ဒါရိုက်တာ Andrew Stanton ရဲ့ Live Action ဇာတ်ကားဖြစ်ပါတယ်။ Walt Disney က ထုတ်လုပ်ထားတာဖြစ်ပြီး Action Scene တွေ မိုက်တာကြောင့်ရယ် မားစ်ဂြိုဟ်ပေါ်က ရှုခင်းတွေရယ် ထူးဆန်းတဲ့အကောင်ဗလောင်တွေရယ်ကြာင့် ဒီဇာတ်ကားက ကြည့်ဖူးသူတိုင်း အမှတ်ရမိတတ်တဲ့ ရုပ်ရှင်ကားဖြစ်ပါတယ်။ ဇာတ်လမ်းကတော့... ဂျွန်ကာတာဆိုသူဟာ အမေရိကန်ပြည်တွင်းစစ်တုန်းက ပါဝင်ခဲ့တဲ့ စစ်မှုထမ်းဟောင်းတစ်ယောက်ပေါ့...သူဟာ အတိတ်ကဖြစ်ရပ်ဆိုးတစ်ခုကြောင့် အခုချိန်မှာ အပူမရှာဘဲ အေးအေးဆေးဆေး နေချင်တဲ့ သူတစ်ယောက်ပေါ့။ ဒါပေမယ့် အေးဆေးမနေရဘဲ သူ့ကို စစ်မှုပြန်ထမ်းခိုင်းရာကနေစပြီး သူ့ဘဝကိုလုံးဝပြောင်းလဲသွားစေတဲ့ ဖြစ်ရပ်နဲ့ ထိပ်တိုက်ရင်ဆိုင်ရပါတော့တယ်။ သူဟာ စစ်ပွဲထဲမှာ အင်ဒီးယန်းလူနီတွေရဲ့ လက်ကလွတ်မြောက်ဖို့ ပုန်းအောင်းရာကနေ ဂူတစ်ခုထဲမှာ ထူးဆန်းတဲ့ လူတစ်ယောက်နဲ့တွေ့ပါတယ် အဲ့လူ ရွတ်ဆိုတဲ့ ဂါထာကို သူပါ ရွတ်ဆိုလိုက်တဲ့အခါမှာ ရုတ်တရက်မေ့မျောသွားပါတော့တယ်။ သူပြန်သတိရတဲ့ အချိန်မှာတော့ သူဟာ ဂြိုဟ်လိုလို နေရာတစ်ခုကိုရောက်နေပြီး အလွန်ထူးဆန်း အံ့အားသင့်စရာတွေနဲ့အတူ ထူးဆန်းတဲ့သတ္တဝါတွေ မျိုးနွယ်စုတွေ နဲ့ အတူ သူဟာ ကမ္ဘာပေါ်မှာ မဟုတ်တော့ဘူးဆိုတာ သိလိုက်ရပါတော့တယ်....။ သူရောက်သွားတာက ကမ္ဘာနဲ့ဘာမှမဆိုင်တဲ့နေရာတစ်ခု..... သူရောက်နေတဲ့နေရာ မျိုးနွယ်စုတွေရဲ့ အရှုပ်အထွေးကြားထဲမှာ ညှပ်ပါရင်း သူတို့ ကြားထဲမှာ လူထူးဆန်းဖြစ်နေတဲ့ ကာတာ တစ်ယောက် ဂြိုဟ်ပေါ်က အရှုပ်အထွေးတွေကို ထိပ်တိုက်ရင်ဆိုင်ရပါတော့မယ်။ အိမ်ကိုချစ်တဲ့ ဂျွန်ကာတာ တစ်ယောက် ရွှေကို ချစ်တဲ့ ဂျွန်ကာတာ တစ်ယောက်အိမ်ရောက်အောင်ဘယ်လိုပြန်မလဲ .....ကမ္ဘာမြေကြီးဆီ ပြန်ရောပြန်ချင်သေးရဲ့လား ဆိုတာတွေကို စိတ်ဝင်စားဖွယ် ရှုခင်းရှုကွက်တွေအပြည့်နဲ့ ကြည့်ရှုခံစားရမှာပါ။ Color Regrade Version နဲ့ ပြန်လည်တင်ဆက်ထားတာမလို့ Action,Adventure ပရိတ်သတ်တွေ လုံးဝလက်လွတ်မခံသင့်ပါကြောင်း။ File size…(3.2 GB)/(1.5 GB) Quality….BluRay 1080p HEVC / 720p Format…mkv/mp4 Duration….02:12:01 Subtitle….Myanmar Subtitle (Hardsub) Encoder….Nyeinsaeya Aung

နက်ဖလစ်က ၂၀၂၀ ထဲမှာ တင်ဆက်ထားတဲ့ Rebecca ဆိုတဲ့ ဇာတ်ကားလေးဟာ Daphne du Maurier ရဲ့ ၁၉၃၈ခုနှစ်က ဝတ္ထုကို ပြန်အသက်သွင်းထားတဲ့ ဇာတ်လမ်းတခုပဲဖြစ်ပါတယ်... ဒီဇာတ်ကားထဲမှာတော့ အမည်ကို မဖော်ပြထားတဲ့ တကောင်ကြွက် မိန်းကလေးတဦးဟာ လေဒီ တဦးရဲ့ မိန်းမဖော်အဖြစ် ပြင်သစ်တောင်ပိုင်းကို အလည်အပတ် ရောက်သွားတယ်... ကံကောင်းထောက်မစွာ အင်္ဂလန်က လူချမ်းသာတဦးဖြစ်တဲ့ မစ္စတာ ဒီဝင်းတားဆိုတဲ့ မုဆိုးဖိုနဲ့ ဖူးစာဆုံခဲ့ ပြီးတဲ့နောက် မစ္စတာ ဒီဝင်းတားတို့ ဘိုးစဉ်ဘောင်ဆက်ပိုင်ဆိုင်ခဲ့တဲ့ မန်ဒါလေ ဆိုတဲ့ အိမ်ကြီးကို တပါတည်း လိုက်လာခဲ့တယ်....သူမ ဘဝဟာ အစပိုင်းပျော်စရာကောင်းတယ်လို့ ထင်ရပေမယ်...မကြာပါဘူးမှုခင်းနဲ့ဆိုင်တဲ့ထူးဆန်းအံအားသင့်စရာ ပြဿနာမျိုးစုံနဲ့ စပြီးကြုံရသလို ဒါတွေကိုဖြေရှင်းပေးဖို့လည်း တာဝန်တွေရှိလာပါတော့တယ်... ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်... File Size :(900 MB) and (380 MB) Quality : WEB-DL 720p Format…mp4 Duration…02:01:00 Genre :  Drama, Mystery, Romance Subtitle : Myanmar Subtitle (Hard Sub) Translated by Zuel Khant Thwin Encoded by Phyo Pyae

Dangal (သို့မဟုတ်) အောင်မြင်မှုရဲ့ ခရီးကြမ်း "နပန်းသမားတစ်ယောက်က ကွင်းထဲဝင်လာပြီး ပြိုင်ပွဲဝင်ရတဲ့ရည်ရွယ်ချက်က နိုင်ငံအတွက်ဆုတံဆိပ်ရယူပေဖို့အတွက်ပဲ။ဒါပေမဲ့ နိုင်ငံကတော့ နပန်းသမားတွေကို ဘာမှကူညီထောက်ပံမှုမလုပ်ပေးဘူး။" ဒီစကားကိုပြောတာက နပန်းအားကစားနည်းကို အသွေးအသားထဲကရူးသွပ်ပြီး နပန်းကစားနည်းကနေ နိုင်ငံအတွက် ရွှေတံဆိပ်ဆုရပေးချင်တဲ့ Mahavir Singh Phogat (Aamir Khan)၊ဒါပေမဲ့ သူ့ဆန္ဒမပြည့်ဝခဲ့ဘူး။ဝါသနာနဲ့ ဝမ်းစာ ထိပ်တိုက်တွေ့တဲ့အချိန်မှာ ဝါသနာကိုစွန့်လွှတ်ခဲ့ရပေမယ့် သူ့မှာရည်မှန်းချက်တစ်ခုရှိတယ်။သူမွေးတဲ့သားက တစ်နေ့နပန်းသမားတစ်ယောက်ဖြစ်ရမယ်တဲ့။ကံကြမ္မာကတော့ သူ့ကိုကျီစားနေတုန်းပဲ။အနှစ်နှစ်ကာလမျှော်လင့်ချက်နဲ့ သားတစ်ယောက်လိုချင်တဲ့သူ့အတွက် ပထမဆုံးမွေးလာတဲ့ကလေးကတော့ မိန်းကလေး၊စိတ်အပျက်ကြီးပျက်ခဲ့ရပေမယ့် ဇွဲမလျှော့တဲ့သူကတော့ နောက်မွေးမယ့်ကလေးကယောကျာ်းလေးဖြစ်ရမယ်တဲ့။ဒီလိုနဲ့ နည်းလမ်းပေါင်းစုံ၊ဆေးပေါင်းစုံမှီဝဲရင်း ယောကျာ်းလေးရဖို့ ကြိုးစားခဲ့ပေမယ့် ဒီတစ်ခါလည်းမွေးလာတာကလည်း သမီးမိန်းကလေး၊စိတ်ဓာတ်ကျစဖြစ်လာပေမယ့် သားယောကျာ်းလေးမွေးလာနိုးနိုးနဲ့ ကလေးတွေတစ်ယောက်ပြီးတစ်ယောက်မွေးလာခဲ့တာ ၄ယောက်မြောက်ထိရောက်လာပေမယ့် အကုန်လုံးကတော့သမီးမိန်းကလေးတွေသာ၊ဒီလိုနဲ့ Mahavir တစ်ယောက် သူ့ရဲ့ရွှေတံဆိပ်ရယူရေး ရည်မှန်းချက်တော့ စွန့်လွှတ်လိုက်ရပြီပေါ့။ဒါပေမဲ့....... တစ်ရက်သူအိမိပြန်လာတဲ့အချိန်မှာ သူ့သမီးအကြီးနှစ်ယောက်ဖြစ်တဲ့ Geeta နဲ့ Babitaက ကျောင်းကအပြန် လမ်းမှာသူတို့နှစ်ယောက်ကို လိုက်နှောက်ယှက်တဲ့ ကောင်းလေးနှစ်ယောက်ကို ထိုးကြိတ်လွှတ်လိုက်ပြီးတဲ့နောက်မှာတော့ Mahavir တစ်ယောက် သူရဲ့နပန်းသွေးတွေက သူ့သမီးတွေဆီမှာလည်း စီးဆင်းနေတယ်ဆိုတာသိပြီး သမီးတွေကိုနပန်းသင်ပေးဖို့အတွက် ဆုံးဖြတ်လိုက်ပါတော့တယ်။နောက်နေ့ မနက်၅နာရီကစပြီး သံမဏိစည်းကမ်းတွေနဲ့ လေ့ကျင့်ရေးတွေစပါတော့တယ်။အိန္ဒိယနိုင်ငံရဲ့ကျေးလက်ဒေသမှာနေထိုင်ပြီး ရှေးရိုးစွဲအယူတွေကြားမှာ မိန်းကလေးနှစ်ယောက်ကို နပန်းသင်ပေးတယ်ဆိုရတာကတော့ ကောင်းကင်ကကြယ်ကိုဆွတ်ခူးရသလိုပါပဲ။အတိုက်အခိုက်၊ဝေဖန်ရှုံချမှုတွေနဲ့ မနာလိုမှုတွေရှိနေပေမယ့် Mahavir တစ်ယောက်ကတော့ ပတ်ဝန်းကျင်ပြောတာကို ဂရုမစိုက်ပဲ အလုပ်နဲ့သက်သေပြဖို့ကြိုးစားပါတော့တယ်။သမီးနှစ်ယောက်ကတော့ ငယ်ရွယ်သူပီပီ ပျော်ပျော်ပါးပါးနေချင်ပေမယ့် ဖခင်ရဲ့ သံမဏိစည်းကမ်းကတော့ တစ်ပြားမှမလျှော့ပါဘူး။ဒီလိုနဲ့ လေကျင့်လာခဲ့ရာမှ ပြိုင်ပွဲတွေမှာဝင်ရောက်ယှဉ်ပြိုင်နိုင်တဲ့ အဆင့်ကိုရောက်လာပါတော့တယ်။မိန်းကလေးနပန်းသမားမရှိတဲ့ ကျေးရွာမှာတော့ နပန်းပြိုင်ပွဲရဲ့ ပြိုင်ဘက်တွေက ယောကျာ်းလေးတွေကြီးပါပဲ။မိန်းကလေးမလို့ ပြိုင်ပွဲဝင်ခွင့်တော်တော်များများမှာ ငြင်းပယ်ခံရပေမယ့် ပထမဆုံးယှဉ်ပြိုင်နိုင်တဲ့ပွဲမှာ ယောကျာ်းလေးပြိုင်ဘက်ကို အနိုင်ရခဲ့ပြီးနောက်ပိုင်း ပြိုင်ပွဲတိုင်းမှာ အနိုင်ရပြီး ပြည်နယ်အဆင့်ရောက်ကာ ပြည်နယ်အဆင့်မှာပါ ရွှေတံဆိပ်ဆုရခဲ့ပြီး နိုင်ငံလက်ရွေးစင်အဖြစ်ရွေးချယ်ခံရပါတော့တယ်။ နိုင်ငံလက်ရွေးစင်ဖြစ်လို့ ဝမ်းသာမဆုံးဖြစ်နေတဲ့ Mahavir အတွက်ကတော့ လေ့ကျင့်ရေးအထောက်အပံ့အပြည့်အစုံရှိတဲ့ မြို့ကြီးမှာ စခန်းသွင်းလေ့ကျင့်လိုတဲ့ သမီးကြီး Geeta ရဲ့ ဆန္ဒကိုလိုက်လျောပြီး ပို့ဆောင်ပေးခဲ့ပါတယ်။ဖခင်ရဲ့ သံမဏိစည်းကမ်းကနေလွတ်မြောက်ပြီး လွတ်လွတ်လပ်လပ်နေရတဲ့ Geeta အတွက်ကတော့ အရာရာကပျော်ရွှင်ဖွယ်ရာအတိပါ။နည်းပြဆရာအသစ်နဲ့လေ့ကျင့်ရပြီး သူ့အဖေသင်ပေးတာတွေထက်ပိုကောင်းတယ်လို့လည်း မှတ်ယူလာခဲ့ပါတယ်။တစ်ရက်ခွင့်ရလို့ အိမ်အပြန်မှာ သူအဖေ့ရဲ့နည်းစနစ်တွေက ခေတ်နောက်ကြနေပြီး အလုပ်မဖြစ်တော့ဘူးဟုပြောလာသောအခါ သားအဖနှစ်ယောက်မှာ စိတ်ဝမ်းကွဲသွားပါတော့တယ်။ဒါပေမဲ့ Geeta တစ်ယောက်သူ့ဆရာရဲ့နည်းစနစ်တွေအတိုင်း နိုင်ငံတကာပွဲကို သွားရောက်ယှဉ်ပြိုင်ပေမဲ့ ပထမအဆင့်ကနေထွက်ခဲ့ရပါတော့တယ်။သူ့ရဲ့ လက်ရွေးစင်ဘဝကိုလည်း ဆိုးရွားတဲ့ရလဒ်က ခြိမ်းခြောက်လာပါတော့တယ်။နောက်ဆုံးအခွင့်ရေးကတော့ အိန္ဒိယနိုင်ငံမှာ ကျင်းပတဲ့ 2010 Commonwealth Games မှာ ဆုတံဆိပ်ရယူနိုင်ရေးပါ။ဒီလိုအချိနိမှာ သတိရမိတာကတော့ အဖေဖြစ်သူကိုပါပဲ။အဖေဖြစ်သူကလည်း သမီးဖြစ်သူကို ခွင့်လွှတ်ပေးပြီး ဆုတံဆိပ်ရယူပေးဖို့အတွက် အစွမ်းကုန်ကူညီပါတော့တယ်။သူတို့သားအဖနှစ်ယောက်လုံးမျှော်လင့်တဲ့ ရွှေတံဆိပ်ဆုက ရယူနိုင်မလား......... ဘယ်လိုအခက်အခဲတွေနဲ့ ကြုံတွေ့ရမလည်း....... အောင်မြင်အောင်လုပ်ဆောင်နိုင်မလားဆိုတာကတော့........... ဇာတ်ကားအကြောင်းနဲ့ ရိုက်ကူးထုတ်လုပ်မှု Dangal ဇာတ်ကားက 3 idiots, PK,Every child is special ဇာတ်ကားနဲ့ ကျွန်တော်တို့ရဲ့အချစ်တော်ကြီးဖြစ်တဲ့ မင်သား Aamir Khan ရဲ့ နောက်ဆုံးထွက် ဇာတ်ကားတစ်ကားဖြစ်ရုံသာမက တကယ့်အဖြစ်မှန်ကို အခြေခံရိုက်ကူးထားတဲ့ sport biopic ဇာတ်ကားလည်းဖြစ်ပါတယ်။ဒီဇာတ်ကားမထွက်ခင်မှာ မင်းသားရဲ့ body training video ကို တော်တော်များများ ကြည့်ပြီးသဘောကျခဲ့ပါတယ်။၂ နှစ်နေမှ ရုပ်ရှင်ကားထွက်ရှိတဲ့ မင်းသားကြီးကတော့ ဇာတ်ကားရိုက်ကူးရာမှာ အသေအချာကိုရိုက်ကူးတဲ့ မင်းသားတစ်ယောက်လည်းဖြစ်ပါတယ်။ ဒီဇာတ်ကားရဲ့ ထုတ်လုပ်သူတွေကတော့ Walt Disney production,Aamir Khan Production,UTV Motion Picture တိူ့ပဲဖြစ်ပြီး ဒီဇာတ်ကားကို အဓိကရိုက်ကူးဖို့ စဉ်းစားမိသူကတော့ Disney ရဲ့ ထုတ်လုပ်သူတွေပဲဖြစ်ပါတယ်။ဒါရိုက်တာ Nitesh Tiwari ကတော့ Disney ရဲ့ ရိုက်ချင်တဲ့အကြောင်းကို တကယ့်လက်တွေ့က Mahavir မိသားစုနဲ့ တိုင်ပင်ပြီး သေချာမေးမြန်းကာ ဇာတ်ညွန်းရေးပြီး ကိုယ်တိုင် ဒါရိုက်တာအဖြစ် ရိုက်ကူးခဲ့ခြင်းဖြစ်ပါတယ်။မင်းသားအဖြစ်ကတော့ Aamir Khan ကိုပဲ ကမ်းလှမ်းခဲ့တာဖြစ်ပါတယ်။ ဒီဇာတ်ကားထဲမှာ သရုပ်ဆောင်ရဲ့မင်းသားရဲ့ဇာတ်ရုပ်က အိန္ဒိယနိုင်ငံရဲ့ ပထမဆုံးသော နပန်းအားကစားနည်းကနေ ရွှေတံဆိပ်ဆုရခဲ့တဲ့ Geeta Phogat ရဲ့ နည်းပြတစ်ဖြစ်လည်း ဖခင် Mahavir Singh Phogat ရဲ့ အကြောင်းပါ။ဒါပေမဲ့ တကယ့် အပြင်မှာ Mahavir ရဲ့ သရုပ်က အသက်၆၀ အရွယ် ခပ်ဝဝအဖိုးကြီးတစ်ယောက်ပါ။မင်းသား Aamir Khan ကတော့ ဒီဇာတ်လမ်းရဲ့ဇာတ်ညွန်းကိုရတဲ့အချိန် 2014 ခုနှစ်မှာတော့ အသက်၅၀ အရွယ်ရှိပြီး Dohm 3 ရိုက်ကူးပြီးစကာလဖြစ်တာကြောင့် ခန္ဓာကိုယ်တောင့်တောင့်တင်းတင်းနဲ့ လူငယ်စတိုင်ဖြစ်နေပါတယ်။ဒါကြောင့် ဒီဇာတ်လမ်းကို သိမ်းထားပြီး သူအသက်၆၀ အရွယ်ရောက်မှာ ရိုက်ကူးမယ်ဆိုပြီး သူ့ရဲ့နာမည်အကြီးဆုံးနဲ့ ဝင်ငွေအများဆုံးရရှိခဲ့တဲ့ PK ဇာတ်ကားကို ရိုက်ကူးခဲ့ပါတယ်။ဒါပေမဲ့ သူ့စိတ်ထဲမှာတော့ ဒီဇာတ်ညွန်းကို မထုတ်နိုင်ခဲ့ပါဘူး။နောက်ဆုံးတော့ မင်းသားက ဒီဇာတ်ကားကိုရိုက်ကူးပါတော့တယ်။ဇာတ်ကားရိုက်ကူးရာမှာ ပီပြင်စေရန်အတွက် PK ရိုက်ကူးပြီး 65kg ရှိတဲ့ ခန္ဓာကိုယ်ကို 95 Kg ထိရောက်အောင် လေးလတိတိ အလေးချိန်တိုးအောင်လုပ်ခဲ့ပြီး တကယ်နည်းပြဆရာပုံအတိုင်း ဗိုက်ရွဲရွဲ ဝတုတ်တုတ်အဖိုးကြီးပုံဖြစ်အောင် ပြောင်းလဲခဲ့ပါတယ်။ဒီ့ထက်ပိုပြီး လေးစားဖို့ကောင်းတာကတော့ 15 စက္ကန့်သာပါတဲ့ ငယ်ဘဝဇာတ်ဝင်ခန်း fight scence အတွက် နောက်ထပ်လေးလတိုင်တိုင် ဝိတ်လျှော့ပြီး six pack ထွက်အောင်လေ့ကျင့်ခဲ့ပါတယ်။တကယ်ကို အဲ့သြလေးစားဖို့ကောင်းတဲ့ မင်းသားရဲ့အနုပညာအပေါ်ရိုးသားမှုပါပဲ။ ဒီဇာတ်ကားအတွက် ပြင်ဆင်ခဲ့တာက မင်းသား Aamir Khan တစ်ယောက်တည်းတော့မဟုတ်ပါဘူး။Geeta နေရာမှာသရုပ်ဆောင်တဲ့ မင်းသမီး Fatima Sana Shaikh အပါအဝင် နပန်းပြိုင်ပွဲဝင်မယ့် သရုပ်ဆောင်တိုင်း 2015 Junior Indian women's wrestling team coach Kripa Shan Patel Bishnoiနဲ့ နပန်းနဲ့ပတ်သတ်တဲ့ သင်တင်းမှာ တက်ရောက်သင်ကြားခဲ့ရပါတယ်။နောက်ပြီး မင်းသမီး ရဲ့ ရှည်လျားလှပတဲ့ဆံပင်ကိုလည်း နှစ်ကြိမ်တိုင်တိုင်ညှပ်ခဲ့ရပြီး နပန်းသမား ပုံစံပီသအောင် လေ့ကျင့်ခန်းများလည်း လုပ်ဆောင်ခဲ့ရပါတယ်။အဲ့လိုသေချာပြင်ဆင်မှုကြောင့် ဇာတ်ကားအတွင်းမှာ ဇာတ်ကောင်နဲ့တစ်သားတည်းကြပြီး ပရိသတ်သဘောကျစေခဲ့ပါတယ်။ ရိုက်ကူးချိန်ကတော့ ပထမရိုက်ကူးမှုကလေးလကြာမြင့်ခဲ့ပြီး မင်းသားရဲ့ body training အပြီးကျန်ရှိတဲ့ ရိုက်ကူးမှုကတော့ ၁လ နီးပါးကြာမြင့်ခဲ့ပါတယ်။စုစုပေါင်း ရိုက်ကူးမှုကြာချိန်ကတော့ ၉လ ကျော်ကြာမြင့်ခဲ့ပါတယ်။ ဝင်ငွေအပိုင်းမှာဆိုရင်လည်း ရုံစတင်တဲ့ December 23 ကနေပြီး ယနေ့ January 9 ရက်နေ့ရောက်တဲ့အချိန် ၂ ပတ်ခွဲအတွင်းမှာပဲ အိန္ဒိယနိုင်ငံရဲ့ တစ်သတ်တာ ဝင်ငွေအများဆုံးရုပ်ရှင်ဇာတ်ကားအဖြစ် သန်း၈၀ ကျော်နဲ့ စံချိန်တင်သွားခဲ့ပြီပဲ ဖြစ်ပါတယ်။ယခင်စံချိန်အဟောင်းကတော့ မင်းသားရဲ့ Aamir Khan ရဲ့ 2014 က ထွက်ရှိခဲ့တဲ့ PK ဇာတ်ကားပဲဖြစ်ပြီး သူတင်ထားတဲ့စံချိန်ကို သူကိုယ်တိုင်ပဲ ပြန်ချိုးခဲ့တဲ့ အဲ့သြဖွယ်ရလဒ်ပဲဖြစ်ပါတယ်။ဒီဇာတ်ကားက ပထမဆုံး ဒေါ်လာ သန်း၁၀၀ ကျော်ဝင်ငွေရမယ့် အိန္ဒိယဇာတ်ကားဖြစ်နိုင်တယ်လို့ ထင်ကြေးပေးခံနေရပါတယ်။ယခုစံချိန်အတိုင်းဆိုရင်လည်း စံချိန်တင်နိုင်ဖို့လည်း ရှိပါတယ်။ ဇာတ်ကားအပေါ်သုံးသပ်ချက် ဒီဇာတ်ကားမှာ သရုပ်ဆောင်ခဲ့တဲ့ မင်းသား Aamir Khan ကတော့ ဒီဇာတ်ကားက ဖိနှိပ်ခံနေရတဲ့ အိန္ဒိယအမျိုးသမီးထုကို ကိုယ်စားပြုတယ်လို့ပြောပါတယ်။အိန္ဒိယနိုင်ငံမှာက မြို့ုကြီးမှာကလွဲရင် ကျန်တဲ့ဒေသကမိန်းကလေးအပေါ် မိဘတွေ အထူးသဖြင့် ယောကျာ်လေးဖြစ်တဲ့အဖေတွေရဲ့ အမြင်ကတော့ အိမ်မှုကိစ္စလုပ်နိုင်ပြီး အရွယ်ရောက်တာနဲ့ ယောကျာ်းယူပြီး ကလေးမွေးဖို့ဆိုတာက ရှေးကနေ အခုထိစွဲမြဲနေတုန်းပါပဲ။ဒီဇာတ်ကားထဲက ဇာတ်ကောင် Mahavir ကတော့ သူ့သမီးတွေကို ပညာသင်ခိုင်းပြီး နပန်းအားကစားမှာပါ ရွှေတံဆိပ်ဆုရအောင် လုပ်နိုင်ခဲ့တဲ့အတွက် စံပြအတုယူစရာပဲဖြစ်ပါတယ်။ အိန္ဒိယမှာ အမျိုးသမီးတွေနပန်းအားကစားဖြစ်ဖို့ ကြီးမားတဲ့အဟန့်အတားကတော့ အကျီကြောင့်ပဲဖြစ်ပါတယ်။ရှေးရိုးစွဲတွေရဲ့ အမြင်ကြောင့် ထိန်းချုပ်မှုများတဲ့နိုင်ငံမှာတော့ နပန်းအားကစားနည်းသာမက တစ်ခြားအားကစားနည်းမှာလည်း မိန်းကလေးတွေက နေရာမရပါဘူး။မင်းသား Aamir Khan ကတော့ ဒီဇာတ်ကားက မိန်းကလေးတွေက ယောကျာ်းလေးတွေနဲ့ တန်းတူအခွင့်အရေးရရင် မိန်းကလေးတွေကလည်း အောင်မြင်အောင်လုပ်ဆောင်နိုင်ဆိုတာကို ပြသနိုင်ဖို့အတွက် ရိုက်ကူးထားသလို တကယ်လည်းပေါ်လွင်ပြီး ကောင်းမွန်လှပါတယ်။ နောက်ပြီး ရေပန်းမစားတဲ့ အမေ့လျော့ခံနပန်းအားကစားနှင့် ဖြစ်ရပ်မှန်ကိုရိုက်ကူးထားတာကြောင့် ကြိုသိနေတဲ့ဇာတ်လမ်းကို စိတ်ဝင်စားလာအောင် ရေးထားတဲ့ဇာတ်ညွန်းကိုတော့ တော်တော်ချီးကျူးးမိပါတယ်။အရင်ကနပန်းနဲ့ပတ်သတ်တဲ့ ဇာတ်ကားတွေကို ကြည့်ခဲ့ရပေမယ့် သေချာနားမလည်ခဲ့ပါဘူး။ဒီဇာတ်ကားထဲမှာတော့ နပန်းအားကစားနည်းရဲ့ အမှတ်ပေးပုံ၊ဘယ်လိုယှဉ်ပြိုင်ရသလဲ၊အချိန်ဘယ်လောက်ရတယ်ဆိုတာကို အချိန်၃ မိနစ်အတွင်းမှာပဲ နားလည်အောင်ရှင်းပြနိုင်သလို နောက်ပိုင်းနပန်းပြိုင်တဲ့အချိန်မှာ အမှတ်ဘယ်လောက်ရလည်းဆိုတာကို ကိုယ်တိုင်တွက်ချက်နိုင်ခဲ့ပါတယ်။ဒီဇာတ်ကားကြည့်ပြီး နပန်းအားကစားနည်းကို စိတ်ဝင်စားလာမိပါတယ်။ ဒါရိုက်တာနဲ့ဇာတ်ညွန်းတာဝန်ယူထားတဲ Nitesh Tiwari ကတော့ သေချာကြိုးပမ်းပြီးရိုက်ကူးထားသလို မင်းသား Aamir Khan နဲ့ မင်းသမီး Fatima Sana Shaikh အပါအဝင် သရုပ်ဆောင်တိုင်းရဲ့ သရုပ်ဆောင်မှုက လက်တွေ့နဲ့တစ်သားတည်းကြပါတယ်။နောက်ပြီးဇာတ်ဝင်တေးသိချင်းတွေလည်း ကောင်းပြီးအဓိပ္ပါယ်ရှိပါတယ်။ကလေးနှစ်ယောက် Training လုပ်တဲ့အချိန်မှာ သုံးတဲ့ဇာတ်ဝင်သီချင်းမှာဆိုရင် သူတို့အဖေက ဘောလီးဝုဒ်က အဆိုးဆုံးဗီလိန်ထက် ပိုဆိုးတဲ့သူဖြစ်ကြောင်း ဆိုထားတာက ချစ်စဖွယ်လေးပါ။ နောက်ပြီး နပန်းပြိုင်တဲ့အချိန်မှာ ကစားသမားတွေရဲ့လှုပ်ရှားမှုကို ရိုက်ကူးတာတော်တော်ကောင်းပါတယ်။ခံစစ်ကစားပုံ၊တိုက်စစ်ဆင်ပုံ၊အယောင်ပြပုံ၊ကိုင်ပေါက်ပုံတွေ ရိုက်ကူးထားတာက တကယ့်ကိုအပြင်မှာ ကြည့်ရှု့နေရတဲ့အတိုင်းပါပဲ။အသက်ဝင်လှပါတယ်။ တစ်လက်စတည်းတွေးမိတာက ကျွန်တော်တို့နိုင်ငံရဲ့ အားကစားအကြောင်းပါပဲ။လူတိုင်းကြိုက်တဲ့ အမျိုးသားဘောလုံးအသင်းကိုသာ ပိုက်ဆံတော်တော်များများသုံးစွဲပြီး ကျန်တဲ့ အားကစားနည်းတွေကို ပံပိုးမှုအားနည်းခဲ့တာကို မျက်ကွယ်ပြိုပြီး ဆီးဂိမ်းပြိုင်ပွဲတွေမှာ ဆုတံဆိပ်ရယူချင်တဲ့ လူကြီးမင်းများနှင့် ကျွန်တော်အပါအဝင်ပရိသတ်တွေကတော့ ဒီဇာတ်ကားကိုကြည့်မိတဲ့အချိန်မှာ နိုင်ငံအတွက်ပေးဆပ်ပြီး ရွေရယူပေးဖို့ ခက်ခက်ခဲခကြိုးပမ်းနေတဲ့ အားကစားသမားတွေကိုလည်း အားနာမိပြီး အရှက်ရမိပါတယ်။အနီးစပ်ဆုံး အမျိုးသမီးဘောလုံးအသင်းတောင်မှ ပံပိုးမှု အပြည့်မရခဲ့ပါဘူး။ ကျွန်တော်တို့နိုင်ငံမှာလည်း အာရှအဆင့်၊အိုလံပစ်အဆင့်ထိရောက်နိုင်တဲ့ နပန်းအားကစားသမားတွေရှိပါတယ်။ကျွန်တော်အမှတ်မမှားဘူးဆိုရင် 2013 နေပြည်တော်ဆီးဂိမ်းမှာ နပန်းအားကစားနညိးကနေ ဆုတံဆိပ်များစွာရခဲ့သလို 2015 စင်ကာပူဆီဂိမ်းတုန်းကလည်း ဆုတံဆိပ်ရခဲ့ပါတယ်။ဒါပေမဲ့ သူတို့တွေအတွက် ချီးမြှောက်မှု၊ဘဝအာမခံချက်အတွက် အာမခံမှုရရှိခဲ့လားဆိုတာကတော့ မသိခဲ့ပါဘူး။နိုင်ငံအတွက်ပေးဆပ်ပြီး ဂုဏ်ဆောင်နေတဲ့ အားကစားသမားတွေအကုန် တန်းတူညီမျှအကျိုးခံစားခွင့်ရပါစေလို့လည်း မျှော်လင့်ပါတယ်။ ဒီဇာတ်ကားကတော့ ရသအစုံကိုခံစားရမယ့် ဇာတ်ကားပါ။ပျော်ရွှင်စရာတွေ၊စိတ်ဓာတ်တတ်ကြွစရာတွေ ပါသလို ဝမ်းနည်းဖွယ်အခန်းတွေလည်းပါပါတယ်။ဇာတ်ဝင်ခန်းတစ်ခန်းကတော့ တော်တော်လေး ဝမ်းနည်းဖွယ်ကောင်ပါတယ်။ဇာတ်လမ်းရဲ့အဓိကအသက်ဖြစ်လို့ မပြောတော့ပါဘူး။ကိုယ်တိုင်သာခံစားကြည့်လိူက်ပါ။အနိမ့်အမြင့်အတတ်အကျအစုံပါတဲ့ ဇာတ်ကားက ပရိသတ်ကိုကောင်းကောင်းဖော်ဖြေနိုင်ပါတယ်။ရုပ်ရှင်ဇာတ်ကားကြာချိန် ၁၅၀ မိနစ်အတွင်း တစ်ချက်မှ အာရုံမလွတ်အောင်ဖမ်းစားနိုင်ပါတယ်။ ဒီဇာတ်ကားနဲ့ပတ်သတ်ပြီး ထွက်ရှိတဲ့အချိန်ကစပြီး ဝေဖန်ရေးတွေရဲ့ ချီးကျုုးမှုကိုခံခဲ့ရပြီး ကြည့်ကိုကြည့်သင့်တဲ့ ဇာတ်ကားအဖြစ်လည်း ညွန်းဆိုခဲ့ပါတယ်။IMDB မှာ rating 9.2 ရနေပြီး Rottan Tomatoes ကတော့ 82 ပေးထားပါတယ်။ဒါက အိန္ဒိယဇာတ်ကားတစ်ကားအတွက်တော့ အမြင့်ဆုံး Rating တွေပဲဖြစ်ပါတယ်။နောက်ပြီး မင်းသား Aamir Khan ကြောင့်လည်း ကြည့်ကိုကြည့်သင့်တဲ့ ဇာတ်ကားတစ်ကားပဲဖြစ်ပါတယ်။ Dangal ဇာတ်ကားက ပုံမှန်ဇာတ်ကားတွေထက်ပိုပါတယ်။ကြည့်ပြီးခဏမေ့ပျောက်သွားမယ့် ဇာတ်ကားမျိုးမဟုတ်ပါဘူး။ Aamir Khan ရဲ့ ဇာတ်ကားတွေအတိုင်း ကြည့်ုပြီး ပြောနေရမယ့်ဇာတ်ကားမျိုးပါ။အမျိုးသမီးတွေရဲ့ အခွင့်ရေးတွေ၊ဖိနှိပ်ချုပ်ချယ်မှုတွေ၊ခွဲခြားဆက်ဆံမှုတွေအကြောင်းကို အကောင်းဆုံးပြသနိုင်တဲ့ဇာတ်ကားတစ်ကားပါ။ဒါကြောင့်မလို့ ဒီဇာတ်ကားကို ကြည့်ရှုပြီး စိတ်ဓာတ်ခွန်အားတစ်စုံတစ်ရာရနိုင်ပါစေလို့ပြောရင်း...............။ Reviewd by ZKK File size…(2.6 GB)/(1.3 GB) Quality….BluRay HEVC 1080p / 720p Format…mp4 Duration….02:41:01 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

ဒီကားလေးကတော့ Karate Kid Trilogy ရဲ့ နောက်ဆုံးကားကောင်းလေးတစ်ကားဖြစ်ပါတယ် ဒီကားမှာထူးခြားတာက တချို့ကားတွေလို မင်းသားက သိုင်းကောင်းကောင်း မတတ်ပေမဲ့ စိတ်ဓာတ်ခိုင်မာတဲ့ပုံစံမျိုးမဟုတ်ပါဘူး အပြင်မှာဖြစ်နိုင်တာတွေနဲ့ အတတ်နိုင်ဆုံး ကိုက်ညီအောင်ရိုက်ပြထားတဲ့ကားလေးပါပဲ တချို့ သိုင်းကားတွေလို ဂျွမ်းထိုးမှောက်ခုံပျံတက်ပတ်ချ မပါပေမဲ့ ရပ်ကွက်တွေတို့ လမ်းတွေတို့မှာ ဖြစ်ရင်ချမဲ့အကွက်တွေကို ပီပြင်အောင်ရိုက်ပြသွားတာပါ ကရာတေးကို တီးမိခေါက်မိရှိတဲ့သူတွေအတွက်ကတော့ တကယ့်ကိုရွှေပါပဲဗျာ အဲဒါအပြင် လူတစ်ယောက်ရဲ့ အမှန်တကယ်စွမ်းအားက အဲဒီလူတစ်ယောက်ရဲ့ကိုယ်တွင်းမှာပဲဖြစ်တာကို သေချာလေးထုတ်ဖော်ပြသသွားတာပါ တကယ်ဖြစ်ချင်တဲ့စိတ်ရှိရင် လူစွမ်းနိုင်တဲ့ဘယ်အလုပ်မဆို လုပ်နိုင်တယ်ဆိုတာလေးပါပြသခဲ့တာပါ ကျွန်တော်တို့သာ ရချင်တဲ့စိတ် တကယ်ပြင်းပြရင် ကျွန်တော်တို့လိုချင်နေတဲ့အရာကြီးဟာ တစ်နေ့မှာတော့ မလွဲဧကန်ရနိုင်မှာပါခင်ဗျာ ဇာတ်လမ်းအကျဉ်း ပထမဆုံးကားမှာ ဂျွန်ခရိစ်ရဲ့ ကော်ဘရာကိုင်က ဗိုလ်လုပွဲမှာရှုံးနိမ့်သွားပြီး ဂျွန်ခရိစ်ကလည်း သူ့သင်တန်းသား ဂျွန်နီလောရန့်ကို အကြမ်းဖက်လိုက်တဲ့အတွက် သူ့သင်တန်းမှာ ၉လလုံးလုံး သင်တန်းသားတစ်ယောက်မှလာမတက်တာနဲ့ သူလည်း စီးပွားပျက်ပြီး‌တော့ စစ်ပွဲတုန်းက သူအသက်ကယ်ပေးလိုက်လို့ သူ့ကို စပွန်ဆာပေးထားတဲ့ ဆေးဗားဆီကိုရောက်သွားပါတော့တယ် ဆေးဗားကလည်း သူ့သူငယ်ချင်းကိုထိတော့ လက်စားချေချင်တဲ့စိတ်တွေတဖွားဖွားပေါ်လာတာနဲ့ပဲ သေချာအစီစဉ်ချပြီးတော့ ဒန်နီရယ်လော်ရုဆိုနဲ့ မစ္စတာ မီရာဂီကို လက်စားချေဖို့ ကြိုးစားပါတော့တယ် ဒန်နီရယ်တို့ကလည်း ဂျပန်ကပြန်ရောက်လာပြီး ဘွန်ဆိုင်းဆိုင်လေး ဖွင့်ဖို့ကြိုးစားကြတာပေါ့ အဲဒီဆိုင်ရဲ့လမ်းမျက်နှာချင်းဆိုင်မှာကလည်း အိုးရောင်းတဲ့ဆိုင်လေးတစ်ဆိုင်ရှိနေတာပါ အဲဒီဆိုင်မှာတော့ ဒန်နီရယ်ရဲ့အနာဂတ် ဇနီးလေးရဲ့ ညီမကရှိနေတာပါ သူတို့ချင်းသူငယ်ချင်းအရင်ဖြစ်ခဲ့ကြတာပေါ့ အဲဒီလိုနဲ့ ဗယ်လီပြိုင်ပွဲကြီးကနေ ပြိုင်ပွဲလျှောက်လွှာရောက်လာချိန်မှာတော့ မစ္စတာမီရာဂီက ဝင်ပြိုင်ဖို့ လက်မခံခဲ့ပါဘူး ဆေးဗားကလည်း လက်စားချေချင်တော့ ဒန်နီရယ်ကို မပြိုင် ပြိုင်အောင်ကို လိုက်ပြီးတော့ ဖိအားပေးတာပေါ့ အဲဒီလိုနဲ့ ဆေးဗားကဘယ်လောက်ထိ ဒန်နီရယ်ကို ဖိအားပေးမလဲ သူ့ဆီကနေရောဝင်ပြိုင်ပေးမဲ့သူကဘယ်လိုလူမျိုးလဲ မစ္စတာမီရာဂီကရော ဘယ်လိုတွေလေ့ကျင့်ပေးမှာလဲ ဒန်နီရယ်ကရောဘယ်လောက်ထိခံနိုင်ရည်ရှိမှာလဲဆိုတာကို စိတ်ဝင်တစားကြည့်ရှုခံစားရမှာပါ မှတ်ချက်—-ဒီကား ၃ကားကို ကြည့်လိုက်ရင်တော့ တင်ထားတဲ့ Cobra Kai တွေနဲ့ဆက်စပ်မိသွားမှာပါပြီးတော့ ကြည့်ရတာလည်း ပိုပြီးတော့ ကောင်းသွားမှာပါ အဲဒီတော့ မကြည့်ရသေးတဲ့သူတွေအနေနဲ့ ဒီကား ၃ကားကို အရင်ကြည့်ပြီးမှပဲ Cobra Kai ကိုဆက်ကြည့်ကြပါလို့…….. File size…(2.69GB/(1.64MB)/(767MB) Quality….Webrip 1080p / 720p / 480p Format…mp4 Duration….01:52:00 Genre…Action / Drama / Family Subtitle….Myanmar Subtitle (Hardsub) Encoder….Mr. Anderson Translated by Garfield

ဟန်ဂေရီစကားပြော ဖြစ်ရပ်မှန်ပေါ်အခြေခံထားတဲ့ စစ်ပွဲ ရုပ်ရှင် Hadikက မကြာသေးခင်ကမှ ထွက်ရှိထားတာဖြစ်ပါတယ်။ ဇာတ်လမ်းကတော့ Seven Years’ War လို့ခေါ်တဲ့ ဥရောပတစ်ခွင်က နိုင်ငံကြီးတွေရဲ့ စစ်ပွဲအတွင်းမှာ Prussia နိုင်ငံက အေးချမ်းတဲ့ Austriaနိုင်ငံကို စစ်ပွဲတွေဆက်တိုက် တိုက်နေတဲ့အချိန်မှာ ဇာတ်လမ်းတည်ထားပါတယ်။ ဘုရင်မကြီး Maria Theresa ရဲ့ အယုံကြည်ရဆုံး စစ်ဗိုလ်မှူးချုပ်ဖြစ်တဲ့ Andras Hadikဟာ မြင်းစီးစစ်သည်တော်တွေကို ခေါ်ဆောင်ပြီး Prussia Empireရဲ့ အသည်းနှလုံးဖြစ်တဲ့ Berlin မြို့ကို တိုက်ခိုက်သိမ်းယူနိုင်ခဲ့တဲ့ ဖြစ်ရပ်မှန်အကြောင်းကို ပြန်ရိုက်ထားတာဖြစ်ပါတယ်။ ဗိုလ်ချုပ် Hadikက စစ်ပွဲအတွင်းမှာ ထက်မြတ်ပြီး သတ္တိရှိသူဖြစ်ပေမယ့် မလိုမုန်းထားသူတွေအလွန်များပါတယ်။ တစ်ရက်စစ်ပွဲအတွင်းမှာ ရန်သူတွေရဲ့ ထိပ်တန်းလျှို့ဝှက်ချက်ကို လိုက်ယူရင်းနဲ့ ဒဏ်ရာရသွားပြီး မလိုသူတွေကြောင့် ရာထူးချခံရကာ နေရပ်ကိုပြန်သွားခဲ့ပါတယ်။ မိသားစုနဲ့အတူ အချိန်ကုန်ဆုံးနေတုန်းမှာ ညီအစ်ကိုလို ချစ်ခင်တဲ့ ဗိုလ်ချုပ် Farkas Babochay ရောက်လာပြီး ဘုရင်မအခေါ်လွှတ်လိုက်ကြောင်းပြောပါတယ်။ ဘုရင်မရဲ့အမိန့်အရ Berlinကို တိုက်ခိုက်ဖို့အတွက် တခြားဗိုလ်ချုပ်တွေကို လိုက်စုစည်းပေမယ့် ဘယ်သူမှ မလိုက်ချင်ကြတဲ့အခါမှာ ယုံကြည်ရတဲ့ တပ်သားအနည်းငယ်နဲ့ Berlinကို ဖြိုခွင်းဖို့အတွက် စစ်ပွဲအစီအစဉ်ရေးဆွဲခဲ့ပြီး ခရီးစတင်ထွက်ခွာခဲ့ပါတယ်။ စစ်အခြေခံရုပ်ရှင်ကားတွေ ကြည့်ရတာကြိုက်တယ်ဆိုရင် ဒီကားကိုလည်း ကြည့် ကြည့်လိုက်ပါဦး။ File size…(2.1 GB)/(1.2 GB) Quality….Webrip 1080p / 720p Format…mp4 Duration….01:48:00 Genre…Action, Adventure, Biography Subtitle….Myanmar Subtitle (Hardsub) Encoder….Garfield Translated by Leonie

Foursome (2023) ဒီနိုနဲ့ ဂျီနာတို့ဟာ ငယ်သူငယ်ချင်းတွေဘ၀ကနေ ညားသွားကြတဲ့ လင်မယားနှစ်ယောက်ပါ။ ငွေကြေးဥစ္စာပြည့်စုံသလို အချင်းချင်းလည်းချစ်ကြင်နာကြတဲ့ သူတို့နှစ်ယောက်ဘ၀မှာ အကြီးမားဆုံးပြဿနာကတော့ ဒီနိုရဲ့ ယောက်ျားဘာ၀အားနည်းမှုကြောင့်ပါပဲ။ ညားကာစခြောက်လလောက်အထိ အဆင်ပြေနေပေမဲ့ နောက်ပိုင်းဇာတ်ရှိန်တက်မှ ညှိုးကျသွားတဲ့ ဒီနိုရဲ့ပန်းကလေးကြောင့် ဂျီနာတစ်ယောက် ဟာစလာဖြစ်ပြီး ကျန်ခဲ့ရတာအခါခါဆိုတော့ လုပ်ဖော်ကိုင်ဖက်တစ်ဦးဖြစ်တဲ့ ကီကီနဲ့မိန်းမချင်း နှစ်ပါးသွားကြပါတော့တယ်။ ဒီနိုဘက်ကလည်း သူ့ရဲ့ပြဿနာကိုအဖြေရှာဖို့ ဒီအပိုင်းမှာကျွမ်းကျင်သူတစ်ဦးဖြစ်တဲ့ ဒေါက်တာခရစ်စ်နဲ့တိုင်ပင်ရင်း သူကပါ ဒေါက်တာခရစ်စ်နဲ့အမျိုးသားချင်း သဒ္ဒါလွန်မိသွားခဲ့ပါတယ်။ ဒါပေမဲ့ ဒေါက်တာခရစ်စ်နဲ့ ဂျိမ်းပြီးတဲ့နောက်မှာ သူ့ရဲ့ညှိုးငယ်တဲ့ပြဿနာ ပျောက်ချင်းမလှပျောက်သွားပြီး သူဟာတွန်းနှိုးတစ်ယောက်ဖြစ်တယ်ဆိုတာ သိလိုက်ရချိန်မှာတော့… ဇာတ်လမ်းတွေ ဘယ်လိုရှုပ်ကြမလဲ၊ ပြဿနာတွေဘယ်လိုတက်ပြီး အဖြေကိုဘယ်လိုရှာတွေ့ကြမလဲဆိုတာ လေးထပ်ကိတ်ဇာတ်ကားကြီးမှာ ဆက်လက်ရှုစားကြပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size – 2.25GB, 1.1GB Quality – 1080p, 720p IMDb Rating – 6.5/10 Format – mp4 Duration – 1H 48Min Genre – Drama Subtitle – Myanmar Subtitle (Hardsub) Translated by Alias Encoded by RGB

The Remains of the Day (1993) ~ IMDb – 7.8/10, Rotten Tomatoes – 96% ~ ဒီရုပ်ရှင်ဟာ အော်စကာ ဆန်ခါတင်စာရင်းမှာ ၈ ဆုတောင် တသီကြီးဝင်ခဲ့ပေမယ့် အဲဒီတုန်းက သူနဲ့ အပြိုင်က Schindler’s List ဖြစ်နေခဲ့တာကြောင့် ဘာဆုမှ ချိတ်မသွားရှာခဲ့တဲ့ တစ်ခါတုန်းက အကောင်းဆုံးရုပ်ရှင်တစ်ကားပါ။ ခုခေတ်ရဲ့ ဂန္ထဝင်တွေလို့ သမုတ်ခံနေကြရပြီ‌ဖြစ်တဲ့ Sir Anthony Hopkins, Hugh Grant, Christopher Reeve နဲ့ Emma Thompson တို့လို ပုဂ္ဂိုလ်တွေ ခေါင်းဆောင်ပါဝင်ထားပါတယ်။ ၁၉၃၀ ပြည့်လွန်နှစ်တွေရဲ့ ဗြိတိန်မှာ ဇာတ်အိမ်တည်ထားတဲ့ သစ္စာရှိ၊ တာဝန်သိ အိမ်တော်ထိန်းကြီးတစ်ယောက်အကြောင်းဖြစ်ပါတယ်။ Booker Prize ရထားတဲ့ နာမည်တူ စာအုပ်ကိုပဲ ရုပ်ရှင်ပြန်ရိုက်ထားတာဖြစ်ပြီး ဒုတိယကမ္ဘာစစ်မတိုင်ခင်က ကြီးကျယ်ခမ်းနားတဲ့ အင်္ဂလိပ်လူမျိုး အထက်တန်းလူတန်းစားတစ်ရပ်ကိုတွေ့မြင်ရမှာပါ။ စည်းစနစ်ကြီးပြီး အလုပ်မှာသာ အရာရာမြှုပ်နှံထားတဲ့ စတီဗင်ဆိုတဲ့ အိမ်တော်ထိန်းကြီးတစ်ယောက် သူအိမ်ကြီးရှင် သခင်ဒါလင်တန်အပေါ် မှာထားတဲ့အကြွင်းမဲ့ယုံကြည်မှုနဲ့ သစ္စာတရားအပေါ် သခင်ဒါလင်တန် ကွယ်လွန်ပြီးနှစ်အတော်ကြာမှ သူကိုယ်တိုင်ပြန်မေးခွန်းထုတ်လာမိပါတယ်။ သခင်ဒါလင်တန်ဟာ တကယ့်လူကြီးလူကောင်းစစ်စစ်တစ်ယောက် အရှိန်အဝါကြီးသူတစ်ယောက်ဖြစ်ခဲ့ပေမဲ့ သူ့ရဲ့ တလွဲစာနာမှုတစ်ခုအပေါ် အခြေခံမိတဲ့ဆုံးဖြတ်ချက်အမှားတစ်ခုကြောင့် ဗြိတိန်နိုင်ငံသားတွေရဲ့ သစ္စာဖောက်လို့ အခေါ်ခံရမှုတွေအောက်မှာ နောက်ဆုံးနေ့တွေကို ဖြတ်သန်းခဲ့ရသူပါ။ ဂုဏ်ရှိန်ပြင်းချိန်ကစလို့ မီးငယ်မှိန်ချိန်အထိ အနားမှာ တောက်လျှောက်ခစားခဲ့တဲ့သူကတော့ အိမ်တော်ထိန်းကြီး စတီဗင်ပါ။ ဒါလင်တန်စံအိမ်ကြီးနဲ့ သခင်ဒါလင်တန်ဟာ စတီဗင်အတွက်တော့ ကမ္ဘာတစ်ခုလုံးပါပဲ။ သူ့ရဲ့ သခင်အသစ်က နားရက်ပေးပြီး ခရီးသွားခိုင်းချိန် “ကမ္ဘာကြီးကို နောက်ဆုံးမြင်ခဲ့တာ ဘယ်တုန်းကလဲ စတီဗင်” လို့မေးတာကို “အတိတ်တုန်းကတော့ ကမ္ဘာကြီးကသာ ဟောဒီအိမ်ကြီးဆီ အမြဲ အလည်လာနေကျပဲ” လို့ ပြန်ဖြေတတ်သူမျိုးပေါ့။ ဇာတ်လမ်းအစစ်ကဘယ်အချိန်မှာစလဲဆိုတော့ သခင်ဒါလင်တန် ကွယ်လွန်သွားပြီးနောက် စာနယ်ဇင်းတွေမှာ ပလူပျံနေတဲ့ မကောင်းသတင်းကို ကြားပြီး မခံမရပ်ဖြစ်တဲ့စိတ်နဲ့အတူ စတီဗင်ဆီ ရောက်ရှိလာခဲ့တဲ့ စာတစ်စောင်ကြောင့်ပါ။ စာကိုပို့လိုက်သူကတော့ တခြားမဟုတ်ဘဲ တစ်ချိန်က စတီဗင်နဲ့အတူ အိမ်တော်ကြီးမှာ အတူခစားခဲ့ကြတဲ့ မစ္စကန်တွန်ဆိုတဲ့ အမျိုးသမီးပါပဲ။ အိမ်တော်ထိန်းကြီးရဲ့ မျက်လုံးတွေကတဆင့် လွန်ခဲ့တဲ့ နှစ်၂၀က ဒါလင်တန်စံအိမ်မှာ ဖြစ်ပျက်ခဲ့သမျှတွေကို လက်ရှိအချိန်နဲ့ လူးလာကူးရင်းတွေ့ရမှာပါ။ ရုပ်ရှင်က ၂နာရီ ၁၄ မိနစ်စာဆိုပေမဲ့ ဘဝကြီးတစ်ခုလုံးစာကြာတယ်လို့ ခံစားရပါလိမ့်မယ်။ မကောင်းတဲ့သဘောနဲ့ပြောတာမဟုတ်ဘဲ အဲဒီလောက်ထိကို လူကိုကျေနပ်သွားစေတယ်လို့ ပြောချင်တာပါ။ မဆိုသစလောက်လေးတော့ လေးပေမယ့် ပေါ့ပေါ့ပါးပါးခံစားရစေမယ့် အပိုင်းလေးတွေလည်း ပါပါတယ်။ ဒီကားရဲ့ အိမ်တော်ထိန်းကြီး စတီဗင်နေရာမှာ သရုပ်ဆောင်ဖို့ကို Sir Anthony Hopkins က ဘတ်ကင်ဟမ်နန်းတော်မှာ အဲလိဇဘက်ဘုရင်မကြီးအတွက် အနှစ် ၅၀ အမှုထမ်းခဲ့တဲ့ Cyril Dickman လို့ခေါ်တဲ့ အိမ်တော်ထိန်းကြီးတစ်ယောက်ဆီကနေ လေ့လာသင်ယူအကြံတောင်းခဲ့တာဖြစ်ပါတယ်။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size – 2.3GB, 900MB Quality – 1080p, 720p IMDb Rating – 7.8/10 Format – mp4 Duration – 2H 14Min Genre – Drama, Romance Subtitle – Myanmar Subtitle (Hardsub) Translated by Z Encoded by Y

ဒီတစ်ခါမှာတော့ ရုပ်ရှင်ချစ်ပရိတ်သတ်ကြီးကို ၂၀၁၂ ကထွက်ရှိထားတဲ့ Holy Motors ဆိုတဲ့ Drama & Fantasy အမျိုးအစားဇာတ်ကားကောင်းလေး တစ်ကားနဲ့မိတ်ဆက်ပေးချင်ပါတယ် ဒီဇာတ်ကားကို ဒါရိုက်တာ Leos Carax က ရိုက်ကူးပုံဖော်ထားပြီး rating 7/10 အထိရရှိထားပါတယ် ဒီဇာတ်ကားမှာ မင်းသား Denis Lavant နဲ့ မင်းသမီး Edith Scob တို့ပါဝင်သရုပ်ဆောင်ထားပြီး မင်းသား Denis Lavant ကအကောင်းဆုံးအမျိုးသား သရုပ်ဆောင်ဆုကို ရရှိထားပြီး မင်းသမီး Edith Scob က အကောင်းဆုံးအမျိုးသမီးဇာတ်ပို့ဆုကို ဆွတ်ခူးရရှိ ထားရုံသာမက ဒီဇာတ်ကားကအခြား အကောင်းဆုံး ရုပ်သံတေးဖြတ်ဆု အကောင်းဆုံး ဒါရိုက်တာဆု စတဲ့ အကယ်ဒမီဆုပေါင်း ၂၉ ဆုအထိဆွတ်ခူးရရှိထားပြီး ဆန်ကာတင်စာရင်း ၇၁ အခုအထိချိတ်ခဲ့တဲ့ ဇာတ်ကားတစ်ကား ဖြစ်ပါတယ်.. ဇာတ်လမ်းအစမှာ မစ္စတာအောစကာတစ်ယောက် မိုးလင်းပြီးဆိုတာနဲ့ မစ္စဆီလင်းနဲ့ အတူတူ ထူးဆန်းဖွယ် ချိန်းဆိုမှုကိုးခုကို အကောင်အထည်ဖော်ဆောင်ရွက်ကြပုံနဲ့ စတင်ထားပါတယ် ချိန်းဆိုမှုတစ်ခုဆီမှာ မတူညီနဲ့ဇာတ်ရုပ် တစ်မျိုးစီ မတူညီတဲ့ဘဝတစ်ခုစီကို သရုပ်ဆောင်ရမှာ ဖြစ်ပါတယ် ဒီလိုနဲ့ မစ္စဆီလင်းနဲ့ မစ္စတာအောစကာ တို့နှစ်ယောက် ဒီထူးဆန်းဖွယ်ချိန်းဆိုမှု ကိုးခုကို ပြီးမြောက်အောင်လုပ်ဆောင်နိုင်ပါမ့လား.. ဘယ်လိုတွေကြုံတွေ့ရမလဲဆိုတာ ကိုယ်တိုင်ပဲ ကြည့်ရှုခံစားလိုက်ပါဦး… ဒီဇာတ်ကားမှာ မစ္စတာအောစကာအဖြစ်သရုပ်ဆောင်ထားတဲ့ မင်းသား Denis Lavant ကျရာဇာတ်ရုပ်ကိုပီပြင်စွာ သရုပ်ဆောင်ထားနိုင်ပုံကို ချီးကျူးဖွယ်တွေ့ရှိရမှာဖြစ်ပြီး မင်းသမီး Edith Scob ကဇာတ်လမ်းကို ပီပြင်အောင် ဘယ်လိုတွေပံ့ပိုးထားမလဲဆိုတာကို ကြည့်ရှုသူပရိတ်သတ်ကြီး ကိုယ်တိုင် လိုက်ပါစီးမျောကြည့်ရှုလိုက်ပါဦး… File size…1.72GB / 714MB Quality…Blu-Ray 1080p 5.1CH / 720p Format…mp4 Duration….1h 55m Genre ….. Drama , Fantasy Subtitle….Myanmar Subtitle (Hard Sub) Encoder….Min Wai Translated by Eh Phaw

Ten Inch Hero (2007) Genre – Comedy, Drama, Romance IMDB – 7.3/10 ကြည့်နေရင်းနဲ့ ပီတိဖြစ်လို့ ပြုံးရယ်ရတာမျိုး Heartwarming ဖြစ်တဲ့ ဒရမ်မာအချစ်ဟာသကားလေးပါ။ အချစ်ဟာသဆိုလို့ မင်းသမီး မင်းသားဆိုပြီး နှစ်ယောက်တည်းကို Focus ထားတာမျိုး မဟုတ်ပဲ အသိုင်းအဝန်းလေးတစ်ခုက လူသားတွေရဲ့ ကိုယ်စီ ပြဿနာလေးတွေ အခက်အခဲလေးတွေကို အချင်းချင်း ဖေးမကူညီပြီး ဘယ်လိုကျော်လွှားကြမလဲ ဆိုတာကို ရိုက်ပြထားတာလေး ဖြစ်ပါတယ်။ ဒရမ်မာကားဆိုလို့ မိသားစုနဲ့ ကြည့်ဖို့ဆိုရင် အိပ်ရာပေါ်ကအခန်းကို အပေါ်ဗလာကျင်းနဲ့ ၂ ခန်းလောက်လေး ပါဝင်လို့ သတိတော့ထားရမှာပါ။ သရုပ်ဆောင်တွေဆိုရင်လည်း အရင်ဆုံး ပြေးမြင်မိမှာက Supernatural က ကျွန်တော်တို့ အချစ်တော်ကြီး Dean (Jensen Ackles) ဟာ ဒီကားထဲမှာ ဖက်ရှင်အလန်းစားနဲ့ ထူးထူးခြားခြား ပါဝင်ထားပါသေးတယ်။ ဒါတင်မကပဲ ယခုလက်ရှိ သူ့ ဇနီးဖြစ်သူ Danneel Ackles လည်း ပါဝင်ထားပါသေးတယ် ဒီရုပ်ရှင်တုန်းကတော့ လင်မယားမဖြစ်ကြသေးဘူးပေါ့လေ (ချောတာလည်းအတော်ချောဗျ)။ နောက်ပြီး မင်းသမီးလေး ၂ ယောက်ဆိုလည်း ချစ်စရာလေးတွေပါ တခြားသရုပ်ဆောင်တွေလည်း ကိုယ်စီနေရာက တာဝန်ကျေပွန်ကြပါတယ်။ ဇာတ်လမ်းလေးကို ပြောရမယ်ဆို ကမ်းခြေမြို့လေးရဲ့ ဆန်းဝှစ်ချ်ဆိုင်က လူထူးဆန်း အချိန်ပိုင်းဝန်ထမ်းတွေနဲ့ ဆိုင်ပိုင်ရှင်ကြီးကို အခြေပြုတင်ဆက်ထားပါတယ်။ လျှို့ဝှက်ချက်တွေနဲ့ တခြားမြို့ကနေ ပြောင်းလာတဲ့ အနုပညာကောလိပ်ကျောင်းသူလေးရှိမယ် ကောင်လေးတွေကို တစ်ညတာအနေနဲ့ပဲ သဘောထားပြီး အပျော်ရှာ ပေါ့ပေါ့နေတဲ့ ကောင်မလေးရှိမယ် ဆံပင်ပုံအဆန်း အဝတ်အစားအဆန်းတွေနဲ့ ရော့ခ်ကာလေးရှိမယ် အွန်လိုင်းပေါ်ကနေ တွေ့ထားတဲ့ ကောင်လေးကို အပြင်မှာတွေ့ဖို့ ကြိုးစားနေတဲ့ ကွန်ပြူတာကြမ်းပိုးမလေးရှိမယ် လမ်းတစ်ဖက်က သဘာဝတရားကို ချစ်မြတ်နိုးတဲ့ ဗေဒင်ဆရာမကို ကြွေဆင်းနေတဲ့ ဟစ်ပီဆိုင်ပိုင်ရှင်ကြီး ရှိမယ်။ ဒီလူတွေရဲ့ ကိုယ်စီ ဇာတ်လမ်းလေးတွေ လျှို့ဝှက်ချက်လေးတွေ တစ်ယောက်နဲ့တစ်ယောက် အချစ်ရေး လူမှုရေး စတာတွေကို ရိုင်းပင်းကူညီကြပြီး ကိုယ့်ပန်းတိုင် ရည်ရွယ်ချက်ကို ရောက်ရှိအောင် ဘယ်လိုလေးတွေ လုပ်ကြမလဲဆိုတာ နွေးထွေးစွာ ကြည့်ရမှာပဲ ဖြစ်ပါတယ်။ ကြည့်ရင်းနဲ့ တွေးမိလိုက်တာကတော့ ဒီလိုဆိုင်လေးမှာ ဒီလိုလူတွေနဲ့ လုပ်ကြည့်လိုက်ချင်သေးတယ်ဆိုပြီး Heartwarming ဖြစ်ရသေးပါတယ်။ Rating ကလည်း 7.3 ဆိုတော့ မကောင်းမှာတော့ မပူပါနဲ့။ နောက်ဆုံးတစ်ခုပြောချင်တာကတော့ ကျွန်တော်တို့ Dean ကြီး ဒီကားထဲမှာ ဝတ်ထားသမျှ တီရှပ်တွေရဲ့စာသားတွေကို သတိထား ဖတ်စေချင်ပါတယ် အတော်ရယ်ရတဲ့ အိုင်ဒီယာလေးတွေမို့လို့ပါ။ File size… 938 MB Quality… WEB-DL 720p Format… mp4 Duration…. 1h 42m Genre ….. Comedy/Drama/Romance Subtitle…. Myanmar Subtitle (Hard Sub) Encoder…. Hein Tayza Translated by Thura Aung

24 Frames (2017) ~ IMDb – 6.8/10, Rotten Tomatoes – 92% ~ Abbas Kiarostami ရဲ့ 24 Frames က Experimental Film ဖလင်အမျိုးအစား။ သူမသေခင်နောက်ဆုံးရိုက်သွားတဲ့ လက်ရာလည်း ဟုတ်တယ်။ ရုပ်ရှင်လို့ပြောဖို့ထက် ဒီရုပ်ရှင်ကို ကြည့်ရတဲ့အရသာက ပန်းချီတစ်ချပ် ဓာတ်ပုံတစ်ပုံ အဲဒီလိုမျိုးဖြစ်ချင်ဖြစ်မယ်။ ဒါပေမဲ့ အဲဒီထက်ပိုတဲ့အရာတစ်ခုတော့ရှိတယ်။ ကျွန်တော်တို့ပြတင်းပေါက်ကနေ အမြဲမြင်နေရမယ့် သစ်ပင်တွေကို မိုးဆင်းလို့ ယိမ်းနွဲ့နေတုန်း အရသာရှိရှိ ထိုင်ကြည့်လိုက်ရသလိုမျိုး… ကိုယ့်မြို့က တံတားကြီးတစ်စင်းပေါ်ကနေ ဖြတ်သွားဖြတ်လာတိမ်တွေကို ထိုင်ကြည့်နေရသလိုမျိုး… နေစောင်းလို့ တိမ်တွေအရောင်းပြောင်းတဲ့အခါ စိတ်ရှိလက်ရှိထိုင်ကြည့်နေရသလိုမျိုး အရသာမျိုးပေါ့။ ဒိုင်ယာလော့မပါ၊ ဇာတ်လမ်းမပါ၊ အဖြစ်အပျက်မပါတဲ့ ဒီဇာတ်လမ်းမှာ အသေထားထားတဲ့ ဖရိန်တစ်ခုအောက် ငြိမ်သက်နေတဲ့အရာတွေ ရွေ့လျားနေတဲ့အရာတွေ သက်ဝင်နေတဲ့အရာတွေ သက်ငြိမ်နေတဲ့အရာတွေကို ဖမ်းယူထားတာတွေကိုချည်း သူတပ်ထားတဲ့ နံပါတ်အရတော့ ၂၄ဖရိန်တိတိပြထားတယ်။ တံတားတစ်စင်းပေါ်က လှုပ်ခတ်နေတဲ့ရေပြင်… အဲဒီနောက်မှာ ညိုမွဲနေတဲ့တိမ်တွေ… တံတားဘောင်ပေါ်မှာက ငှက်ကလေး၂ကောင်… အဲဒီလိုအရာတွေကို အရသာခံကြည့်ရတာကြိုက်တဲ့လူဆိုရင်တော့ ဒီရုပ်ရှင်က ကျွန်တော်မြင်ဖူးသမျှထဲတော့ တစ်ကားတည်းသော ဒီလိုရုပ်ရှင်ပဲ။ ပုဂ္ဂလိက အမြင်အရတော့ Abbas ဟာ ကျွန်တော်တို့ကို ရုပ်ရှင်ဟာ ဒီဇာတ်လမ်းတွေကြားမှာပဲရှိတာမဟုတ်တဲ့ ကျွန်တော်တို့ရဲ့ ပတ်ဝန်းကျင်မှာလည်း ရှိနေတဲ့အရာလို့ ပြောချင်ခဲ့တာလို့ပဲမြင်တယ်။ ယူသလိုပဲရပါတယ်။ ဒီနေရာမှာ ကျွန်တော်သတိရလိုက်မိတဲ့ ဂိုးဒတ်ရဲ့စကားတစ်ခွန်းတော့ ရှိတယ်။ ဓာတ်ပုံက ဘယ်တော့မှမမှားဘူး။ တစ်စက္ကန့်မှာ ဓာတ်ပုံ၂၄ပုံ (ဝါ) ၂၄ဖရိန်ရှိနေတဲ့ ရုပ်ရှင်ကလည်း ဘယ်တော့မှ မမှားဘူးတဲ့။ ဒါကြောင့်လည်း ဒီကားကို Abbas က ဒီနာမည်ပေးခဲ့သလားတော့မသိဘူးပေါ့။ ” Photography is truth. The cinema is truth twenty-four times per second. “ – Jean-Luc Godard (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.1GB, 945MB Quality – BluRay 1080p, 720p IMDb Rating – 6.8/10 Format – mp4 Duration – 1H 54Min Genre – Drama Subtitle – Myanmar Subtitle (Hardsub) Translated by WiRa Aung Encoded by Y

A Nanny to Die For (2024) IMDb Rating (3.4) ဒီဇာတ်ကားလေးကတော့ ၂၀၂၄ ခုနှစ်က ထွက်ရှိထားတဲ့မိသားစု သဲထိပ်ရင်ဖိုဇာတ်ကားတစ်ကားဖြစ်ပါတယ်။ ဇာတ်လမ်းအကျဉ်း ——————— ဆာရာနဲ့ မာ့ခ်တို့ဟာ တစ်​ဦးတည်သောသမီးလေးကို ပိုင်ဆိုင်ထားတဲ့ သာယာတဲ့အိမ်ထောင်မိသားစုလေးပါ။ သူတို့ရဲ့သမီးလေး အက်ရှ်လေဟာ ဆယ်ကျော်သက်ဝန်းကျင်ထဲကိုဝင်စပြုလာပါတယ်။ ဒီလိုနဲ့ ဆာရာကလည်း အလုပ်ပြန်လုပ်တော့မယ်ဆိုပြီး ခက်ခဲတဲ့ဆုံးဖြတ်ချက်ကို ချရတော့တာပေါ့။ ဒီလိုနဲ့ပဲ ဆာရာနဲ့မာ့ခ်တို့ လင်မယားတို့နှစ်ယောက် ကိုယ်စီအလုပ်လုပ်ရတော့မှာမလို့ ကလေးနဲ့ အိမ်ကိုကြည့်ဖို့ဆိုပြီး ကလေးထိန်းတစ်ယောက်ကို အင်တာဗျူးရင်းလိုက်ရှာပါတော့တယ်။ အဆင်မပြေမှုများစွာဖြစ်ပြီးနောက်ပိုင်းမှာ မထင်မှတ်ထားစရာနဲ့ဘဲ ဂျက်စမင်လို့ခေါ်တဲ့ လူငယ်မိန်းကလေးတစ်ယောက်ဟာ သူတို့ရဲ့ လုံးဝအံဝင်ခွင်ကျဖြစ်နေတာကိုတွေ့သွားပါတယ်။ အစပိုင်းမှာတော့ ဆာရာတို့မိသားစုနဲ့ လိုလေသေးမရှိအောင် အဆင်ပြေနေကြမယ့် ဂျက်စမင်ရဲ့နောက်ကွယ်က သရုပ်မှန်က ဘယ်လိုလဲဆိုတာကိုတော့ ဇာတ်လမ်းထဲမှာ ရင်တလှုပ်လှုပ်နဲ့စောင့်ကြည့်ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(1.9 GB) / (850 MB) Quality….WEB-Rip 1080p HEVC / 720p Format…. mkv/mp4 Genre….Thriller Duration….01:25:51 Subtitle….Myanmar Subtitle (Hardsub) Encoder….Double K Translated by Mark

The Red Thread (2025) IMDb Rating (5.5) ဇာတ်လမ်း လေးရဲ့ အမည်က မြန်မာလို ပြန်ရင် အနီရောင် ကြိုးမျှင် လို့ အဓိပ္ပာယ် ရပါတယ်။ အ‌‌နီ ရောင် ကြိုးမျှင်နဲ့ ဆက်သွယ်ထားတဲ့ လူ နှစ်ယောက်ဟာ ဘယ်အချိန် ဘယ်နေရာမှာ ရောက် ရောက် ပြန်လည်ဆုံ တွေ့မဲ့ ကံကြမ္မာကို ပိုင်ဆိုင်ထားတဲ့ ဖူးစာဖက် နှစ်ယောက် လည်း ဖြစ်ပါတယ်။ ဇာတ်လမ်း‌ လေးကလည်း အဲ့ဒီအကြောင်းအရာကို အခြေခံပြီး ရိုက်ကူးထားတဲ့ ဇာတ်ကား‌‌ပဲ ဖြစ်ပါတယ်။ ဇာတ်လမ်း အကျဉ်းလေးကတော့ မာနူရယ် လို့ခေါ်တဲ့ စီးပွားရေးသမား တစ်ဦးနဲ့ လာဘရီ လို့ခေါ်တဲ့ လေယာဉ် တစ်ယောက်ဟာ လေယာဉ်စီးရင်း ပထမဆုံး ဆုံတွေ့ကြတာ ဖြစ်ပေမဲ့ နှစ်ယောက်သားကြားက မြင်မြင်ချင်း ချစ်မိသွားတဲ့ အချစ်ကတော့ အင်မတန် ကြီးမားခဲ့ပါတယ်။ လေယာဉ် ဆိုက်ရင် တွေ့ကြဖို့ စီစဉ်ထားခဲ့ကြ ပေမဲ့ ကံကြမ္မာရဲ့ မျက်နှာသာမပေးမှု ကြောင့် ကွေကွင်းသွားခဲ့ရပါတယ်။ ဒီလိုနဲ့ ခုနှစ် နှစ်ကြာပြီးတဲ့ နောက်မှာ နှစ်ယောက်သားမှာ ဆိုင်သူ ပိုင်သူ အသီးသီး ရှိနေတဲ့ အချိန်မှာ ပြန်လည် ဆုံတွေ့ကြတဲ့ အချိန်မှာကော ပထမဆုံး တွေ့တုန်းက လောင်ကျွမ်းခဲ့တဲ့ အချစ်မီးက ဆက်လက် လောင်ကျွမ်း နေဆဲလား ဆိုတာကို ဇာတ်လမ်း ထဲမှာ ကြည့်ရှု့ ခံစားလိုက်ပါ ခင်ဗျာ။ (အညွှန်းနဲ့ဘာသာပြန်ကတော့ Ko Dee ဖြစ်ပါတယ်။) File size…(1.5 GB) / (610 MB) Quality….WEB-Rip 1080p HEVC / 720p Format…. mkv/mp4 Genre….Drama,Romance Duration….01:39:53 Subtitle….Myanmar Subtitle (Hardsub) Encoder….Double K Translated by Ko Dee

Dear Uma (2025) “ချစ်ရပါသော အူမာ” တေလဂူး ဖန်စီအချစ်ဇာတ်လမ်းလေးတစ်ပုဒ်ကို တင်ဆက်ပေးလိုက်ပါတယ် အူမာဆိုတာ ဝေးလံတဲ့ရွာလေးမှာ မွေးပေမဲ့ ထိပ်တန်းဆေးကျောင်းကို တက်ခွင့်ရပြီး လူတကာချစ်ကြတဲ့ မိန်းကလေး ဒေ့ဗ်ကတော့ အူမာနဲ့ဆန့်ကျင်ဘက် တော်လှန်လိုစိတ်ရှိပြီး ဘဝမှာ အငြင်းခံရတွေချည်းကြုံနေရတဲ့ ရော့ခ်စတားဖြစ်ချင်သူတစ်ယောက် မတည်ငြိမ်တဲ့သူ့ဘဝကို တည်ငြိမ်အေးချမ်းအောင်လုပ်ပေးနိုင်မယ့် မိန်းကလေးကိုရှာရင်း အူမာနဲ့ဆုံခဲ့ရာကနေ သူတို့ရဲ့ ကြည်နူးစရာအချစ်ဇာတ်လမ်းလေး ဘယ်လိုဖြစ်လာမှာလဲ ထင်သလောက်ပဲ ရိုးစင်းမလား အလှည့်အပြောင်းတွေ ဖြစ်လာဦးမှာလား ဆိုတာကတော့ အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်