မင်းသားကြီး Gerard Butler ရဲ့ နောက်ဆုံးထွက် အက်ရှင်ရုပ်ရှင်သစ် လာပါပြီ။ ဒီကားကတော့ rating လည်းကောင်းသလို ပရိသတ်တွေလည်းအတော်ကြိုက်ကြပါတယ်။ တောရန့်ဆိုတဲ့ လေယာဉ်မှူးဟာ တော်ဝင်လေတပ်ထွက် စစ်သားဟောင်းတစ်ယောက်ဖြစ်ပြီး ပုဂ္ဂလိကခရီးသည်တင်လေကြောင်းလိုင်းမှာ ပိုင်းလော့လုပ်နေခဲ့တာပါ။ နှစ်သစ်ကူးအညမှာတော့ သူ့သမီးဆီကို မပြန်ခင် လေယာဉ်တစ်ခေါက် တိုကျိုကို ဆွဲပေးရမှာဖြစ်ပါတယ်။ ဒါပေမဲ့ တိုကျိုအသွားလမ်းမှာ မုန်တိုင်းကြောင့် ကျွန်းတစ်ခုပေါ် ထိုးဆင်းလိုက်ရပြီး လက်နက်ကိုင်ပြန်ပေးသမားတွေနဲ့ ရင်ဆိုင်ရတဲ့အခါ.... File size…(1.9 GB)/(1 GB)/(500 Mb) Quality….Webrip 1080p / 720p / 480p Format…mp4 Duration….01:47:00 Genre...Action, Thriller Subtitle….Myanmar Subtitle (Hardsub) Encoder….Mr. Anderson Translated by Mr. Anderson

CM ပရိသတ်တို့ မတင်သေးဘူးလား မေးမေးနေတဲ့ Bro 2022 ဇာတ်ကားလေး ရောက်ရှိလို့လာပါပြီ ဇာတ်ကားအမျိုးအစားလေးကတော့ Comedy Romance အမျိုးအစားဖြစ်ပြီး ဘော်ဘီနဲ့ အယ်ရွန် ဆိုတဲ့ အမျိုးသားနှစ်ဦးဟာ သူတို့ရဲ့ ဆက်ဆံရေးမှာ တွေ့ကြုံရတဲ့ အခက်အခဲတွေကို ပြေလည်အောင် ညှိနှိုင်းကြရင်း အဆင်ပြေသွားတဲ့ပုံနဲ့ ရိုက်ကူးထားပါတယ်။ LGBTQ ကွန်မြူနတီ အသားပေးဇာတ်ကားဖြစ်ပြီး အဓိကအားဖြင့် ဂေးတွေရဲ့‌ နေထိုင်မှုဘ၀ လူမှုပတ်၀န်းကျင် အပြောအဆိုတွေကို ကွက်ကွက်ကွင်းကွင်း ထင်သာမြင်သာရှိလောက်အောင်ပဲ ရှင်းရှင်းဘွင်းဘွင်း ရိုက်ကူးပြထားပါတယ်။ လိင်အသားပေးဇာတ်၀င်ခန်း‌တွေ တစ်လှေကြီး ပါတာဖြစ်တဲ့အတွက် မိသားစုနဲ့အတူ ကြည့်ဖို့တော့ မသင့်ပါ။ ဇာတ်လမ်းအကျဥ်းအနေနဲ့ကတော့ ဘော်ဘီဆိုတဲ့သူဟာ မျက်မှောက်ခေတ်မှာ ဂေးကွန်မြူနတီက ဂေးတိုင်းကို အတော်အကျိုးသက်ရောက်မှုရှိပြီး ဂေးတော်တော်များများက သူ့ကို စံပြုရလောက်တဲ့လူတစ်ယောက်ဖြစ်ပါတယ်။ ဂေးတွေနဲ့ ပတ်သက်တဲ့ အသံလွှင့် အစီအစဥ်တစ်ခုကိုလည်း လုပ်ကိုင်နေသူပေါ့။ ဘော်ဘီဟာ Grindr ဒိတ်မယ်...အဲဒီကဘဲတွေနဲ့ တကူးကူးကူး လုပ်မယ် ပြီးရင် နောက်နေ့နောက်တစ်ယောက် ဆိုပြီး ဘ၀ကို Relationship မချိတ်ဘဲ တစ်ကိုယ်တည်းနေလာတဲ့သူပါ။ တစ်နေ့ ဂေးပါတီတစ်ခုမှာ အယ်ရွန်ဆိုတဲ့အမျိုးသား တစ်ဦးနဲ့ တွေ့ဆုံခဲ့ကြပါတယ်။ အယ်ရွန်ကတော့ သေတမ်းစာရှေ့နေတစ်ယောက် အဖြစ် လုပ်ကိုင်နေတဲ့သူ ဖြစ်ပြီး သူ့အလုပ်ကို ငြီးငွေ့နေသူတစ်ဦးလည်းဖြစ်ပါတယ်။ သူလည်းပဲ ဘော်ဘီလို Relationship အတည်တကျ မချိတ်ချင်သူတစ်ဦးပါ။ အတည်တကျမရှိချင်တဲ့ သူတို့နှစ်ဦးသား အစမှာတော့ အပျော်ပဲ တွဲခဲ့ကြပြီးနောက်မှာ တစ်ယောက်ကိုတစ်ယောက် တကယ်ချစ်လာကြပါ တော့တယ်။ ဒါပေမယ့် ကြီးပြင်းရာအသိုင်းအ၀ိုင်းမတူတဲ့အခါမှာတော့ နှစ်ယောက်သား အဖုအထစ်လေးတွေရှိလာရင်း သူတို့ ရှေ့ဆက်ရင်ဆိုင် နိုင်မလား..ပြတ်သွားကြမလားဆိုတာကို ဟာသလေးနှောပြီး ရိုက်ကူးထားတဲ့ LGBTQ ဇတ်ာကားတစ်ကားဖြစ်ပါတယ်။ အဆုံးသတ်ပြောရရင်တော့ LGBTQ ကွန်မြူနတီ ကလူတွေအနေနဲ့ ဒီဇာတ်ကားကို ကြိုက်တဲ့သူတွေလည်းရှိသလို ‌ဝေဖန်မှုတွေလည်းများခဲ့ပါတယ်။ ကိုယ့်အကြိုက်နဲ့ကိုယ်မို့ ပရိသတ်တို့ပဲ ကြည့်လိုက်ပြီး ဆုံးဖြတ်ကြည့်ကြပါဦး..။ File size…1.85Gb / 989Mb / 495MB Quality….Webrip 1080p / 720p / 480p Format…mp4 Duration….1:55:00 Genre...Comedy / Romance Subtitle….Myanmar Subtitle (Hardsub) Encoder….Mr. Anderson Translated by Chuck

ရင်သပ်ရှုမောဖွယ် အလှတရားတွေပိုင်ဆိုင်ထားတဲ့ Luciana Ottaviani လေးလာပါပြီ သူမရဲ့အလှတရားတွေနဲ့ ညှို့လိုက်ရင် ဘယ်ယောင်္ကျားမှ မရှောင်နိုင်အောင် ပြည့်စုံစွာ လှပနေသူလေး ဒီဇာတ်ကားကို ဘာလို့ကြည့်သင့်တာလဲဆိုရင် တချို့အခန်းတွေမှာ သူမရဲ့ အရှိအလှတရားတွေကို အတွင်းကျကျဘွင်းဘွင်းရှင်းရှင်းကြီး ဖေါ်ပြထားလို့ပါပဲ သူမရဲ့ အရမ်းကို မြင်ရခဲ့တဲ့ အလှရတနာတွေကို ငေးပြီးကြည့်မိမှာအသေချာပါပဲ ဇာတ်လမ်းဇာတ်ကွက်တွေကလည်း အရမ်းတီထွင်ဆန်းသစ်ပါတယ် တစ်ကယ်တော့ သူမက စာရေးဆရာမပါ သူမရဲ့ ကျား ၁၀၀ စာအုပ်အတွက် ယောင်္ကျားတွေကို ထဲထဲဝင်ဝင်ပက်သက်ပြီးတော့ စာတမ်းပြုစုသလိုပြုစုနေသူလေး သူမရဲ့နောက်ဆုံးတစ်ယောက်အတွက် အဖွင့်ကို ဖယ်ရီသင်္ဘောပေါ်မှာ ဇာတ်လမ်းဆင်ပါတယ် သူမရဲ့ အလှတရားတွေကို ဘယ်သူကလွန်ဆန်ရဲမှာလဲဗျာ သူမတစ်ချက်လှုပ်လိုက်တာနဲ့ ကြွေကျမယ့် ပုရိသတွေ ဒုနဲ့ဒေးလေ အဲထဲကမှ ကံဆိုးတယ်ပြောရမလား ကံကောင်းမယ်ပြောရမလားပဲ သူမ ပစ်မှတ်က လက်ထပ်ဖို့ ၁၂ ရက်ပဲလိုတော့တဲ့ သတို့သားလောင်းဖြစ်နေတယ် သူမရဲ့ကျွမ်းကျင်မှုတွေနဲ့ အလှတရားကြားထဲမှာ လှိမ့်နေအောင်ခံရတာသူပေါ့ သူမရဲ့ နည်းတွေကလည်း အရမ်းဆန်းသစ်တယ် မြင်နေကျ တွေ့နေကျ လူကြီးကြည့်ဇာတ်ကားတွေထဲက အကွက်တွေပဲနေမှာပါလို့ ခင်ဗျားတို့ထင်နေရင် တက်တက်စင်အောင်လွဲပြီပဲ တို့ကနန်းဆိတ်ကနန်း တစ်မျိုး ဘွင်းဘွင်းရှင်းရှင်းတစ်မျိုး အမျိုးမျိုးမရိုးအီရအောင် ရိုက်ကူးထားတာဖြစ်လို့ သေချာပေါက်ကြည့်သင့်တဲ့ကားလို့ပဲပြောပါရစေ File size…2.48GB / 1.02GB Quality…1080p BluRay / 720p Format…mp4 Duration….1h 32m Subtitle….Myanmar Subtitle (Hard Sub) Encoder….X Cross Translated by Ki Mu Chi

IMDb Rating - 7.8/10 ၁၉၈၃ ခုနှစ်ရဲ့ အီတလီနွေရာသီမှာ ကားလေးတစ်စီးနဲ့ အိမ်ကို စရောက်လာတဲ့ ခင်ဗျားဟာ ကျွန်တော့်ရဲ့ အိပ်ခန်းကို ဦးစွာ သိမ်းပိုက်ခဲ့တယ်။ အရပ်အမောင်း ကောင်းကောင်းနဲ့ သိပ်ကို ဆွဲဆောင်မှု ရှိတဲ့ ခင်ဗျားဟာ ကျွန်တော်နဲ့ ၇နှစ်တောင် အသက်ကွာခြားသတဲ့။ အချင်းချင်း နှုတ်ဆက်ခါနီးကို သူများနဲ့မတူ တမူထူးခြားစွာ " နောက်မှပဲ " " နောက်မှပဲ" လို့ ပြောတတ်တဲ့ခင်ဗျားကို ကျွန်တော် အမြင်တော့ကပ်မိသား။ ဒီလို တုံးတိဆန်တဲ့ စကားက ကျွန်တော့်အတွက်တော့ ရိုင်းပြမောက်မာတဲ့ အပြုအမူလို့ ထင်မိတယ်လေ။ ဟော တွေ့လား ဒီလိုနဲ့ ခင်ဗျားက ကျွန်တော့်ရဲ့ အတွေးနယ်ကို နယ်ချဲ့သိမ်းပိုက်လိုက်ပြန်ပြီ။ အိမ်ကို လာတဲ့ ဧည့်သည်ကို အိမ်ရှင် ဖြစ်တဲ့ ကျွန်တော်က မြို့တစ်ဝိုက်ကို လမ်းပြရင်း အချိန်ကုန်ဆုံးပေးခဲ့ရပြန်တယ်။ ကျွန်တော့်ဘက်က ဧည်၀တ်ကျေရဲ့လား သေချာမသိပေမယ့် သေချာတာတစ်ခုက ကျွန်တော့်အချိန်တွေကို ခင်ဗျား သိမ်းပိုက်သွားပြန်ပြီ။ အချိန်ကြာလာတော့ "နောက်မှပဲ" ဆိုတဲ့ ကျွန်တော်ကိုယ်တိုင် အရိုင်းဆန်တယ် ပြောခဲ့တဲ့ စကားလေးကိုမှ ကျွန်တော် စွဲလမ်းလာတယ်။ ကျွန်တော့်ရဲ့ အိပ်ခန်း၊ စိတ်နဲ့ အချိန်တွေကို သိမ်းပိုက်ခဲ့တာ ခင်ဗျား ဆိုပေမယ့် နှလုံးသားနဲ့ အသွေးအသားကို အသိမ်းပိုက်ခံချင်သူက ကျွန်တော် ဖြစ်လာ တယ်။ နှစ်ယောက်တည်းသိတဲ့ အခေါ်အဝေါ်တွေနဲ့ တစ်ယောက်ကိုတစ်ယောက် ရည်ညွှန်းတဲ့အခါ လောကကို မေ့ပြီး အပျော်ကြီး ပျော်တတ်ခဲ့ပြီ။ သို့ပေမဲ့ အတားအဆီး ချုပ်ချယ်မှုတွေ များတဲ့ ဒီလောကမှာ ကျွန်တော်တို့ နှစ်ယောက်ရဲ့ ပတ်သတ်မှုဟာ ယိုယွင်းသွားနိုင်တာကိုတော့ ခင်ဗျားက အစောကြီးကတည်းက ပိုနားလည်ခဲ့ပုံပါပဲ။ ကျွန်တော်ဆိုတဲ့ကောင်က ဘာဆိုဘာမှ မသိခဲ့တဲ့ ၁၇ သာသာ ကောင်လေးတစ်ယောက်ပါ။ ဘယ်လိုပဲ ဖြစ်ဖြစ်ပေါ့ အိုလီဗာ ... ခင်ဗျား ထွက်သွားတော့မယ်ဆိုရင် အနားမှာ ဘယ်သူမှ မရှိတော့ချိန် ပတ်၀န်းကျင်ကလည်း တိတ်ဆိတ်သွားချိန်မှာ ကျွန်တော့် ဘက်ကို တစ်ချက် မျက်နှာမူပြီး ခင်ဗျားရဲ့ နာမည်လေးနဲ့ ကျွန်တော့်ကို ခေါ်လို့နှုတ်ဆက်ခဲ့ပါ ...... /အယ်လီယို (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Yoon Sandi Aung ဖြစ်ပါတယ်) File Size..........(2 GB) / (1 GB) / (650 MB) Quality............WebRip 1080p / 720p / 480p Duration.........2Hr 12mins Subtitle...........Myanmar Hardsub Format............MP4 Genre..............Drama, Romance Translator.......Yoon Sandi Aung Encoder..........SWM

အတိအကျတော့မမှတ်မိတော့ပေမဲ့ မနှစ်တုန်းက တရုတ်တစ်ချို့က Johhnie Toတို့ ဂျွန်ဝူးတို့က ကားဆက်မရိုက်တော့၊ ဝေါင်ကာဝေးတို့ စတီဖင်ချောင်တို့က ပြည်မ ရောက်သွားကြ၊ နိုင်ငံခြားရောက်သွားတဲ့သူတွေလည်းရှ်ိလိုရှိနဲ့ ဟောင်ကောင်ရုပ်ရှင်ရဲ့ အရည်အသွေးကျလာတဲ့အကြောင်း ငိုချင်းချထားတာ ဖတ်လိုက်ရပါသေးတယ်။ ဟောင်ကောင်ရုပ်ရှင်ရဲ့ တစ်ချိန်က Legendတွေဟာ လုံးပါးပါးကုန်ကြပါပြီ။ သို့ပေမဲ့ မနှစ်ကတော့ Limboတို့ DRIFTINGတို့ Hand-rolled cigarettesတို့ Timeတို့လို ဒါရိုက်တာမသစ်တသစ်တွေရဲ့ ဇာတ်ကာကောင်းတွေထွက်ခဲ့တာကြောင့် မျှော်လင့်ချက်တော့ရှိသေးတယ်ဆိုပါတယ်။ Driftingဟာ မနှစ်က‌ ဟောင်ကောင်ရဲ့ ရှားရှားပါးပါးထွက်ထားတဲ့ အကောင်းဆုံးရုပ်ရှင်တွေထဲက တစ်ကားပါ။ ရုပ်ရှင်ပွဲတော်တွေမှာလည်း ဆုတစ်ချို့ရထားပါတယ်။ မင်းသားကတော့ Johhnie Toရုပ်ရှင်တွေထဲ ပါနေကျ Francis Ngပါ။ ဇာတ်ကြောင်းကတော့ ၂၀၁၂မှာ တကယ်ဖြစ်ခဲ့တဲ့ ဟောင်ကောင် အိမ်ခြေရာမဲ့တွေနဲ့ ပတ်သက်နေတဲ့တရားခွင်ကို အခြေခံရိုက်ကူးပါတယ်။ ဟောင်ကောင်မှာလည်း ဒီကလို ကျူးကျော်တဲဆန်ဆန်တွေ၊ အိမ်ခြေရာမဲ့တွေရှိပါတယ်။ သူတို့ထဲက အများစုကတော့ ပြန်စရာ အိမ်မရှိတော့တဲ့လူတွေပါ။ သူတို့အားလုံးဟာ ဘာမှလုပ်စရာမရှိတဲ့ဘ၀မှာ အချိန်တွေကို ဆေးသုံးရင်း အကုန်မြန်အောင် လုပ်ပစ်တတ်ကြတဲ့သူတွေပါပဲ။ တစ်နေ့ကျ သူတို့အိမ်လို့သတ်မှတ်ထားတဲ့ လမ်းဘေးနေရာလေးကို စည်ပင်၀န်ထမ်းတွေက လာပြီး သန့်ရှင်းရေးလုပ်ပါတယ်။ သူတို့အသုံးအဆောင်တွေ အားလုံးကို အမှိုက်တွေဆိုပြီး သူတို့တားနေကြတဲ့ကြားက အမှိုက်ကားပေါ် တင်ပစ်လိုက်ကြတယ်။ ဒါက သူတို့အတွက်တော့ အဖိုးတန်တွေပါ။ ဒီလိုနဲ့ သူတို့ စည်ပင်ကို တရားစွဲခဲ့ကြတယ်။ ဒါက‌တော့ကျောရိုးပါပဲ။ ဒီကျောရိုးကိုမှ အိမ်ခြေရာမဲ့တစ်ယောက်ချင်းစီရဲ့ အိမ်ခြေရာမဲ့မဖြစ်ခင်ဘ၀တွေ၊ ဖြစ်ပြီးနောက်ပိုင်း ရှင်သန်ပုံတွေ၊ သူတို့နေတဲ့ ဆင်းရဲသားရပ်ကွက်ကြီး တိုးတက်လာပြီး ကွန်ဒိုတွေဆောက်နေတဲ့နောက် သူတို့ရဲ့ အိမ်ဆိုတဲ့နေရာလေးပါ ပျောက်ရပုံတွေကို ပြန်ယှက်ဖောက်ပြီး heart-touchingဖြစ်တဲ့ ဇာတ်၀င်ခန်းများစွာနဲ့ ဒရာမာချိုးပြီး ပုံဖော်ထားတဲ့ ရုပ်ရှင်ပါပဲ။ ‌ပြောရရင် ရှေ့ကို တဟုန်ထိုး သွားနေတဲ့ မြို့ကြီးတစ်မြို့က ပြန်ငဲ့ကြည့်ဖို့လိုတဲ့ ပိုခက်တဲ့ဘ၀တွေအကြောင်း ပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.1GB) / (1GB) Quality__WEB-DL_1080p, 720p IMDb Rating__7.0/10 Format__mp4 Duration__02:00:00 Type__Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

တရုတ်ခုန်ဆွသရဲကားတွေကြိုက်တဲ့ CM ရဲ့ ပရိတ်သတ်တွေအတွက် Uncle Maoshan ဆိုတဲ့ ရုပ်ရှင်လေးကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- ချင်းခေတ်နှောင်း မင်ကော်ခေတ်အစပိုင်းမှာ သူဌေးကြီး သခင်ကြီးရန်ဟာ မတော်တဆသေဆုံးသွားခဲ့ပါတယ်။ ကောလာဟလတွေအရ သခင်ကြီးရန်ဟာ သရဲကိုက်လို့သေတာလို့ ပြောနေကြသဖြင့် မမလေးရန်ဟာ ဦးလေးကျိုကို သူမအဖေအတွက် အကူအညီတောင်းလာပါတယ်။ အမှန်တရားအတွက် သွားရောက်စုံစမ်းစဉ် အလောင်းရုံထဲ ထားခဲ့တဲ့ သခင်ကြီးရန်ရဲ့ အလောင်းဟာ ပျောက်ဆုံးသွားခဲ့ပါတယ်။ သေဆုံးသွားတဲ့ သခင်ကြီးရန်ဟာ ထူးဆန်းစွာ ပြန်ရှင်လာပြီး သရဲအဖြစ်နဲ့ မြို့ထဲကလူတွေကို လိုက်လံတိုက်ခိုက်ခဲ့ပါတယ်။ ရဲစခန်းမှ အဖွဲ့ခေါင်းဆောင်ချောင်ဟာ ဆရာကြီးချန်းဟဲ့ကို ခေါ်ပြီး မကောင်းဆိုးဝါးတွေကို နှိမ်နင်းခိုင်းခဲ့ပေမယ့်လဲ ဆရာကြီးချန်းဟဲ့လည်း ဘာမှ မတတ်နိုင်ဖြစ်ခဲ့ရပါတယ်​၏ သရဲတွေကလည်း တဖြည်းဖြည်းနှင့် ပိုဆိုးလာပြီး မြို့ထဲမှ လူအများကလဲ စိုးရိမ်ကြောက်လန့်နေရပါတယ်။ မောင်ရှန်းဘုန်းကြီးဖြစ်သူ ဦးလေးကျိုဟာလည်း သူ့ဘဝမှာ အကြီးဆုံး အခက်အခဲနဲ့ တွေ့နေပါတော့တယ်။ မြို့ထဲက သရဲတွေကို ဘယ်သူက ထိန်းချုပ်ထားသလဲ…… ဦးလေးကျိုနဲ့ သူ့တပည့်တွေကရော ဘယ်လို နှိမ်နင်းကြမလဲ…… ဆိုတာ ရုပ်ရှင်ထဲမှာပဲ ကြည့်ရှုအဖြေရှာလိုက်ရအောင်နော်။

Horror ဇာတ်ကားကိုမှ လျှို့ဝှက်ဆန်းကြယ်ရမယ် ကျောချမ်းစရာကောင်းရမယ် စိတ်ဝင်စားစရာလဲကောင်းရမယ်ဆိုရင် Dark House ဆိုတဲ့ဒီဇာတ်ကားကို ကြည့်သင့်ပါတယ်။ ဒီဇာတ်ကားထဲမှာတော့ လူတစ်ယောက်ယောက်ကို ထိကိုင်လိုက်တာနဲ့ သူတို့ရဲ့အသေဆိုးနဲ့ သေဆုံးမှုတွေကိုမြင်နိုင်တဲ့ နစ်ခ်ဆိုတဲ့ကောင်လေး တစ်ယောက်ကိုတွေ့ရမှာပဲဖြစ်ပါတယ်။သူ့မှာရိုင်ယန်လို့ ခေါ်တဲ့အချစ်ဆုံး သူငယ်ချင်းတစ်ယောက်ရှိပါတယ်။ဘားမှာတွေ့ခဲ့တဲ့ အီဗီဆိုတဲ့ကောင်မလေးနဲ့ ချစ်ကြိုက်ပြီး ကိုယ်ဝန်ရပြီးတဲ့အထိတောင် သူတို့သုံးယောက်က အတူတူ နေနေကြတုန်းပါပဲ။တစ်နေ့မှာတော့ သူ့ရဲ့စိတ်ရောဂါဝေဒနာရှင် အမေကဆုံးပါး သွားခဲ့ပြီး သူ့အတွက်သေတမ်းစာထဲမှာ အိမ်တစ်လုံးချန်ထားပေးခဲ့ပါတယ်။ အဲ့ဒီအိမ်က နစ်ခ်ငယ်ငယ်ကတည်းကနေ အခုအချိန်ထိ ဆွဲလာတဲ့အိမ်ပုံတွေနဲ့ တစ်ပုံစံတည်းဖြစ်နေပါတယ်။ဒီလိုနဲ့ နစ်ခ်တို့ သုံးယောက် အဲ့ဒီအိမ်ရှိရာကို သွားခဲ့ကြပါတယ်။ဒါပေမယ့် အဲ့ဒီအိမ်မှာ သူတို့သုံးယောက်ကို မမျှော်လင့်ထားတဲ့ အရာတွေနဲ့ မမျှော်လင့်ထားတဲ့ လူတွေစောင့်နေခဲ့တဲ့အခါမှာတော့ ဘာတွေဖြစ်ကြမလဲဆိုတာကို ရင်တထိတ်ထိတ်နဲ့ကြည့်ရမယ့် ဖြဲမခြောက်တဲ့ Horror ကားပဲဖြစ်ပါတယ်။ File size…1.85GB / 887MB Quality…Blu-Ray 1080p 5.1 CH/ 720p Format…mp4 Duration….1h 42m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

Tebus (2023) အန်နဟာ မီဒီယာတွေပေါ်မှာတော့ အရာရာပြည့်စုံပြီး ဆိုးသွမ်းနေတဲ့ ဆူချီလက်၀တ်ရတနာရဲ့ ဆက်ခံသူသူ‌ဌေးသမီးတစ်ဦးပေါ့။ ဒါပေမယ့်အဖေအရင်း ဆုံးပြီးတဲ့နောက်မှာ မပျော်မရွှင်နေနေရတဲ့အန်နရဲ့အဖြစ်ကို ဘယ်သူမှမသိကြပါဘူး။ အန်န့အဖေရဲ့ သူငယ်ချင်းလည်းဖြစ် လုပ်ဖော်ကိုင်ဖက်လည်းဖြစ်တဲ့ ဘာကာက အန်န့အဖေဆုံးပြီးတဲ့နောက် ဆူချီလုပ်ငန်းကို ဦးစီးလိုက်ပြီး အန်န့အမေနဲ့လက်ထပ်ကာ အန်နရဲ့အဖေအသစ်ဖြစ်လာပါတော့တယ်။ သူက ဂရုစိုက်တဲ့အဖေအဖြစ် ကြင်နာတတ်တဲ့ခင်ပွန်းကောင်းအဖြစ်နေနေပေမယ့် ထက်မြတ်တဲ့အန်နကသာ အဲ့မျက်နှာဖုံးအောက်မှာဘာရှိလဲ သိနေခဲ့ပါတယ်။ အန်န့အမေဟာလည်း ဘာကာရဲ့အယုံသွင်းခြင်းခံထားရတာမို့ အန်နပြောတာတွေလည်းနားမထောင်ပေးတော့ပါဘူး။ ဆူချီလက်၀တ်ရတနာဆိုင်တစ်ခုရဲ့ အရည်အချင်းရှိတဲ့လုံခြုံရေး၀န်ထမ်း ဂျိုဟန်ဟာ အကြောင်းကြောင်းကြောင့် အန်နရဲ့ကိုယ်ရံတော်တစ်ယောက်ဖြစ်လာပါတယ်။ ဂျိုဟန်ရဲ့ ညီလေးက နှလုံးမှာစက်တပ်ထားရပြီး နှလုံးအစားထိုးမခွဲစိတ်ရရင် နှစ်ပတ်အတွင်းသေဆုံးတော့မှာဖြစ်ပါတယ်။ ညီလေးအတွက် ဘယ်လိုအခွင့်အရေးမျိုးကိုမဆို အရယူမယ့် ဂျိုဟန် နဲ့ ပထွေးကို ရင်ဆိုင်တိုက်ခိုက်ရမယ့် အန်နတို့ နောက်ဆုံးမှာ ဘယ်လိုအဆုံးသတ်ကြမလဲဆိုတာကို စိတ်လှုပ်ရှားစရာအက်ရှင်ဇာတ်၀င်ခန်းတွေနဲ့ အတူ ဂျိုဟန်ရဲ့ညီလေးအပေါ်မေတ္တာကို ကြည်နူးဖွယ်ကောင်းစွာ ကြည့်ရှုရမှာပဲဖြစ်ပါတယ်။ Genre….. Action Quality…. 1080p | 720p File size… 1.9GB | 902MB Format… mp4 Duration…. 1h 52min Subtitle…. Myanmar Subtitle (Hardsub) Translator ….. Jane Encoder ….. Aaron

ဒီတစ်ခေါက် CM ကတင်ဆက်ပေးမှာကတော့ ရှေးခေတ်လူသားနဲ့ မကောင်းဆိုးဝါးရဲ့ အချစ်ဇာတ်လမ်းလေးပဲဖြစ်ပါတယ် ဒီရုပ်ရှင်ဇာတ်လမ်းထဲမှာတော့ ရှေးဟောင်းနတ်သားရဲဖြစ်တဲ့ ပိုင်ဖေးလျန်က နှစ်တစ်ထောင် ကောင်းကင်အတိဒုက္ခကို ကျော်ဖြတ်နိုင်ဖို့အတွက် မတတ်သာပဲ မိန်းကလေးအများကြီးကိုဖမ်းခေါ်ပြီး အချစ်စစ်ရှာဖွေတဲ့ပုံပြင်လေးပါ လူသားမိန်းကလေးဖြစ်တဲ့ရှီးရှက ငယ်ဘဝတုန်းက လူ့ပြည်မှာဒဏ်ရာရနေတဲ့ပိုင်ဖေးလျန်ကို မထင်မှတ်ပဲကယ်တင်ခဲ့ပြီး ဆယ်နှစ်ကြာပြီးနောက် ပိုင်ဖေးလျန်က ကျေးဇူးဆပ်ဖို့အတွက် ရှီးရှမင်္ဂလာဆောင်တဲ့ရက်မှာပဲ အချစ်ရှာတောင်ကြားသို့ခေါ်သွားခဲ့လေတယ် နောက်တော့ ပိုင်ဖေးလျန်ရဲ့သူငယ်ချင်းကောင်းဖြစ်တဲ့ ချူးချီးက ကောင်းကင်အတိဒုက္ခဖြတ်သန်းပြီး နတ်အဆင့်တက်နိုင်ဖို့အတွက် နတ်သွေးကျောက်နဲ့ပိုင်ဖေးလျန်ရဲ့အမြုတေကိုလုဖို့ကြိုးစားရာက သူငယ်ချင်းနှစ်ယောက် ရန်သူတွေဖြစ်သွားရလေတယ် နောက်ဆုံးသေရေးရှင်ရေးအခြေအနေမှာ မိသားစုသံယောဇဉ် သူငယ်ချင်းသံယောဇဉ် အချစ်သံယောဇဉ်တို့က ကောင်းကင်အတိဒုက္ခဖြတ်သန်းနိုင်အောင် ကူညီပေးနိုင်မလားဆိုတာ ဆက်လက်စောင့်မျှော်ကြည့်ရှုကြပါစို့

No Country for Old Men ရုပ်ရှင်နဲ့ အော်စကာ ၄ ဆုရခဲ့တဲ့ ဒါရိုက်တာ Ethan Coen ရဲ့ ရုပ်ရှင်အသစ်လာပါပြီ။ ဧည့်သည်သရုပ်ဆောင်အဖြစ် Pedro Pascal နဲ့ Matt Damon တို့ ပါဝင်ပေးထားပြီး အဓိကသရုပ်ဆောင် နေရာမှာတော့ Once Upon a Time… in Hollywood ထဲက Margaret Qualley နဲ့ Miracle Workers စီးရီးထဲက Geraldine Viswanathan တို့ ပါဝင်ထားပါတယ်။ အက်ရှင် ဟာသ အမျိုးအစားပါ။ ဇာတ်လမ်းအကျဉ်း **************** လက်စ်ဘီယံစုံတွဲနှစ်ယောက်ဟာ အပျော်ခရီးထွက်ဖို့အတွက် တစ်လမ်းသွား ကားတစ်စီးငှားပြီး ယူလာပါတယ်။ တစ်လမ်းသွား ကားဆိုတာက ကားတစ်စီးကို လူတစ်ယောက် ဆီကိုပို့ဖို့ရှိရင် အဲဒီနေရာကို မောင်းသွားပြီး ယူပေးမယ်ဆိုရင် အခမဲ့ ငှားမောင်းခွင့်ရှိတာမျိုးပါ။ ဒါပေမဲ့ သူတို့ငှားမိတဲ့ ကားထဲမှာ အရေးကြီးပစ္စည်းတွေ ပါလာတဲ့အတွက် လူမိုက်နှစ်ယောက်က သူတို့နောက်ကိုလိုက်ရှာပါတော့တယ်။ အရေးကြီးတဲ့ပစ္စည်းဆိုတာ လူတစ်ယောက်ရဲ့ ခေါင်းကြီးနဲ့ ရွှေပန်းအတုတွေ ပြည့်နေတဲ့ သေတ္တာတစ်လုံးပါပဲ။ လူမိုက်တစ်စုက ဘာလို့ ရွှေပန်းသေတ္တာကို အသေအလဲ လိုက်ယူနေတာလဲ၊ လက်စ်ဘီယံနှစ်ယောက်နဲ့ ရွှေပန်းတု တစ်သေတ္တာ ဘယ်လိုစခန်းသွားကြမလဲဆိုတာ တစ်ခွီးခွီးနဲ့ ကြည့်ရမဲ့ ဇာတ်လမ်းမျိုးပါ။ File size… 1.59GB /657MB Quality…WEB-DL 1080p 5.1CH / 720p Format…mp4 Duration….1h 24m Genre ….. Action , Comedy , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

ပါရှန်းစကားပြော အီရန်ခေတ်ဟောင်းရုပ်ရှင်ကားလေးတစ်ကားကို တင်ဆက်ပေးပါရစေဗျ။ ဇာတ်လမ်းနာမည်အတိုင်းပဲ သူငယ်ချင်းအိမ်ကိုလိုက်ရှာတဲ့ ကျောင်းသားလေးတစ်ယောက်အကြောင်းကို ပုံဖော်ထားပါတယ်။ နာမည်ကျော် ပါရှန်းကဗျာဆရာ ဆိုရော့ဘ်ဆယ်ဖယ်ဟာရီရဲ့ ကဗျာလေးကနေ ကောက်နှုတ်ပြီး တင်ဆက်ရိုက်ကူးထားတဲ့ ဒီရုပ်ရှင်လေးထဲမှာ သူ့ခေတ်သူ့အခါက ယဉ်ကျေးမှု၊ ဓလေ့ထုံးစံတွေနဲ့ အဲဒီခေတ်ကလူတွေရဲ့ အတွေးအခေါ်တွေကို ရိုးရိုးလေးနဲ့ လှလှပပ ရိုက်ကူးတင်ဆက်သွားတာပါ။ ကျောင်းမှာ အိမ်စာလုပ်မလာတဲ့သူတွေကို နောက်ရက် ကျောင်းထုတ်ပစ်မယ်ဆိုတဲ့ ဆရာရဲ့ ကြိမ်းဝါးမှုနဲ့အတူ အတန်းဖော်ရဲ့ မှတ်စုစာအုပ်က အဟ်မဒ်လေးဆီ မှားပါလာပါရော။ သူငယ်ချင်းဖြစ်သူကလည်း သူတို့နေတဲ့ရပ်ကွက်နဲ့က အတော်လေးဝေးတဲ့ဆီမှာဖြစ်နေတော့ အမေဖြစ်သူ ဆူငေါက်နေတဲ့ကြားက သူငယ်ချင်းရဲ့အိမ်ကို ရှာပုံတော်ဖွင့်ပါတော့တယ်။ ဒီလိုဇာတ်လမ်းလေးထဲက ကလေးငယ်လေးတစ်ယောက် သူ့သူငယ်ချင်းအိမ်လိုက်ရှာတာက ဘယ်လောက်ထိ စိတ်ဝင်စားဖို့ကောင်းနေမလဲဆိုတာကိုတော့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(1.7 GB)/(970 Mb) Quality….Blu-Ray 1080p / 720p Format…mp4 Duration….01:23:00 Genre…Drama, Family Subtitle….Myanmar Subtitle (Hardsub) Encoder….Garfield Translated by Pyae Phyo

Tainted Soul (2023) ============== Genre – Horror ခုနောက်ပိုင်း ထိုင်းခေတ်ပြီးတဲ့နောက် သရဲကားတွေကို တွင်တွင်ကျယ်ကျယ် ဖန်တီးရိုက်ကူးနိုင်လာကြတဲ့ အင်ဒိုနီးရှား သရဲကားလေးတစ်ကားနဲ့ မိတ်ဆက်ပေးချင်ပါတယ်။ သူက သရဲကားဆိုပေမဲ့လည်း အချစ်ဆန်ဆန် ဒရမ်မာလေးလည်း ပါသေးတာမို့ ရသတစ်မျိုးပဲ ပေးစွမ်းနိုင်တာ မဟုတ်ပါဘူး။ ဇာတ်လမ်းလေးကို ပြောပြပေးရမယ်ဆို ရာကာဆိုတဲ့ အထက်တန်းကျောင်းသားလေးက မျိုးရိုးစဉ်ဆက် အကြားအမြင်ပညာသည်ဖြစ်နေတော့ ငယ်စဉ်ကတည်းက သရဲပေါင်းစုံကို မြင်တွေ့နေရပြီး လိုအပ်တဲ့အခါတိုင်း အလျဉ်းသင့်သလို ကူညီပေးနေရတဲ့ လူငယ်လေးပါ။ ဒါပေမဲ့ ဆိုးကျိုးအနေနဲ့ ကျောင်းတွေမှာ အပေါင်းအသင်းမရှိပဲ အမြဲတမ်း အထီးကျန် အနိုင်ကျင့်ခံလေး ဖြစ်ပါတယ်။ ဒါကြောင့် ရာကာတစ်ယောက် ဦးလေးရှိရာ ငယ်ဘဝကနယ်မြို့လေးကို ပြန်လာပြီး ကျောင်းပြောင်းတက်ပါတယ်။ ဒီလိုနဲ့ ပြန်လာတဲ့အခါမှာတော့ ရာကာတစ်ယောက် အထက်တန်းကျောင်းသူ သရဲမချောချောလေးနဲ့ သူငယ်ချင်းဖြစ်ပြီး အထီးကျန်နေတဲ့ ဘဝလေးကို ကြည်နူးစွာ ဖြတ်သန်းနိုင်ခဲ့ပါတယ်။ အဲဒီအချိန်မှာတော့ ရာကာတက်နေတဲ့ကျောင်းမှာ သူများတွေကို အနိုင်ကျင့်နေကြဖြစ်တဲ့ ကျောင်းသားတစ်သိုက်ကို လျှို့ဝှက်ဆန်းကြယ်တဲ့ မျက်နှာဖုံးသရဲတစ်ကောင်က သေတဲ့ထိ တစ်ယောက်ပြီးတစ်ယောက် လိုက်လံ သတ်ဖြတ်နေတဲ့အချိန်မှာတော့ ရာကာတစ်ယောက် ဘယ်လိုမျိုး သရဲမလေးနဲ့အတူ ဖြေရှင်းမလဲဆိုတာကို ရင်တထိတ်ထိတ်နဲ့ စောင့်ကြည့်ရမှာ ဖြစ်ပါတယ်။ သူကတော့ သရဲကားဆန်ဆန် အငွေ့အသက်တွေလည်း ပါသလို လူသတ်ကား အရသာမျိုးတွေလည်း တွေ့ရမှာဖြစ်ပြီး ဖူးသစ်စ ကျောင်းသားကျောင်းသူလေးတွေရဲ့ နုနုနယ်နယ် အချစ်ဇာတ်လမ်းဆန်ဆန်လေးလည်း ပါဝင်သေးတာကြောင့် စုံစီနဖာ ခံစားရမှာ ဖြစ်ပါတယ်။ ပါဝင်သရုပ်ဆောင်ထားကြတာကတော့ အင်ဒိုဇာဏ်ခီနဲ့ အင်ဒို ချစ်သူဝေတို့ပဲ ဖြစ်ပါတယ်ဗျ။ ( ဘာသာပြန်ပြီး အညွှန်းရေးသားထားသူကတော့ Thura Aung ပါ ) File size_(1.3GB)/(750MB) Quality_Blu-Ray 1080p / 720p Format_mp4 Duration_01:46:00 Genre_Horror Subtitle_Myanmar Subtitle (Hardsub) Encoder_a hao Translated by Thura Aung

အဖေဖြစ်သူ ဆုံးသွားလို့ စိတ်ထောင်းကိုယ်ကြေဖြစ်နေရှာတဲ့ ခလိုဝီတစ်ယောက် သင်းအုပ်ဆရာနဲ့ ချစ်ကြိုက်လက်ထပ်မိပြီး သင်းအုပ်ဆရာမှာ မယားကြီးနဲ့ မယားလတ်ရှိနေတဲ့အပြင် သူမက မယားအငယ်ဆုံးဖြစ်နေကြောင်း သိလိုက်ရတဲ့အခါ၊ ဒါတင်မကသေးပဲ သင်းအုပ်ဆရာက ဖိုဝါဒီ မတရားဆန်ပြီး အကြမ်းဖက်လာတဲ့အခါ ခလိုဝီတစ်ယောက် ဘယ်လိုလွတ်မြောက်အောင်လုပ်မလဲ ဇာတ်လမ်းအကျဉ်း ခလိုဝီဟာ အဖေဖြစ်သူ ဆုံးသွားပြီးတဲ့နောက်မှာ စိတ်ဓာတ်တွေကျ၊ ဘာအလုပ်မှမလုပ်ဘဲ အိမ်မှာ သောင်တင်နေပါတယ်။ ဒါကို မကြည့်ရက်နိုင်တဲ့ အမေဖြစ်သူက သူ့ကို ဘုရားကျောင်းကို အတင်းခေါ်သွားတဲ့အခါမှာ ခေးလက်ဆိုတဲ့ သက်လတ်ပိုင်း သင်းအုပ်ဆရာအဆင်နဲ့ တွေ့ပါတော့တယ်။ ဒီအချိန်မှာ သူမဟာ ခေးလက်ကို သဘောကျသွားပြီး ဘုရားကျောင်းပုံမှန်သွား၊ ပရဟိတတွေလုပ်ကူပြီး ခေးလက်နဲ့ ချစ်ကြိုက်သွားကာ လက်ထပ်လိုက်ပါတော့တယ်။ ဒီအချိန်မှာ သူမသိလိုက်ရတာကတော့ ခေးလက်မှာ မယားကြီး မယားလတ်ရှိနေပြီး သူက မယားအငယ်ဆုံးဖြစ်တဲ့အပြင် ခေးလက်က စတွေ့တုန်းကလိုမဟုတ်ပဲ လက်ထပ်ပြီးမှ သူမကြိုက်တာလုပ်မိရင် အခန်းသော့ခတ်အပြစ်ပေးတတ်ပြီး ရိုက်နှက်အကြမ်းဖက်တတ်တဲ့လူမှန်း သိလိုက်ရတဲ့အခါ သူဟာ ခေးလက်ရဲ့အိမ်ကနေ ဘယ်လိုလွတ်မြောက်အောင်ကြိုးစားမလဲဆိုတာကို ရင်တထိတ်ထိတ်ကြည့်ရှုရမှာဖြစ်ပါတယ်။ File size…(1.5 GB)/(640 Mb) Quality….Webrip 1080p / 720p Format… mp4 Duration…. 01:27:00 Genre… Crime, Thriller Subtitle….Myanmar Subtitle (Hardsub) Encoder….Garfield Translated by Matteo

Black Swan ( 2010 ) IMDb Rating (8.0) / Rotten Tomatoes (85 %) Black Swanရဲ့ ဒါရိုက်တာ Darren Aronofsky ဟာ Requiem for a Dream, The Whale , The Wrestler , Pi , Motherတို့လို အနုပညာအရ တော်တော်လေးအောင်မြင်ခဲ့တဲ့ ရုပ်ရှင်တွေကို ရိုက်ခဲ့တဲ့သူပါ။ Black Swanဟာလည်း သူ့ရဲ့ အရေးပါတဲ့ မိုင်တိုင်တစ်ခုဖြစ်ခဲ့ပါတယ်။ Best Picture, Best Director, Best Actress, Best Cinematography နဲ့ Best Film Editing စသဖြင့် အော်စကာငါးဆုဆန်ခါတင်ဝင်ခဲ့ပြီး အဓိကဇာတ်ဆောင်ဖြစ်တဲ့ နာတာလီပို့မန်း Best Actress ဆုကိုရသွားခဲ့ပါတယ်။ ပို့မန်းအတွက်လည်း Black Swan ဟာ အရေးကြီးတဲ့ မိုင်တိုင်တစ်ခုဖြစ်ခဲ့တယ်။ Black Swan ဟာ ဘဲလေးအကကို အဓိကဇာတ်အိမ်တည်ပြီး ရိုက်ပြထားတဲ့ ကချေသည်တွေ ပြဇာတ်ဒါရိုက်တာတွေရဲ့ သူတို့အနုပညာအပေါ် သူတို့ခံယူချက်နဲ့ ကချေသည်ရဲ့ သူ့အနုပညာကို တင်ဆက်ပုံအကြောင်းရိုက်ပြထားတဲ့ psychological horror ကားပါ။ ဘဲလေးအကကိုရူးသွပ်ပြီး ငန်းဘုရင်မဖြစ်ချင်ခဲ့တဲ့ ကချေသည်မလေးတစ်ယောက် သူ့အိပ်မက်နောက်လိုက်ရင်း အတိုက်အခိုက်တွေ အခက်အခဲတွေကြား တစ်စစီပြိုလဲရပုံကို ရိုက်ပြထားတယ်လို့ပြောလို့ရပါတယ်။ Darren Aronofsky ဟာ ဒီကချေသည်မလေးအကြောင်းကို ပဟေဠိဆန်ဆန် ရင်ဖိုစရာကောင်းအောင် ပုံဖော်ထားခဲ့ပါတယ်။ သူ့ဇာတ်လမ်းက မဆိုးပေမဲ့ သရုပ်ဆောင်တွေသိပ်ကောင်းနေတာက ဒီဇာတ်ကို ဒီလောက်အထိ ခရီးပေါက်စေခဲ့ပုံပါပဲ။ ဒီကားမှာ မှော်အောင်ခဲ့တဲ့ Natalie Portman အပြင် Vincent Cassel ကလည်း သူ့အပြိုင်ဇာတ်ကောင်အဖြစ် ခြောက်ပြစ်ကင်းအောင်သရုပ်ဖော်နိုင်ခဲ့တာကြောင့် ဒီဇာတ်လမ်းက အသက်ဝင်သွားပုံပါပဲ။ ဒီရုပ်ရှင်ကားနဲ့ ပက်သက်ပြီး ညွှန်းရမယ်ဆိုရင် စကားလုံးတလုံးပဲရှိမယ်။ ” အနုပညာ မှော်ဝင်စားမှု” ဘဲလေးအကပညာထဲပဲ စိတ်ကို စုံလုံးနှစ်ထားတဲ့ Nina ဆိုတဲ့ကချေသည်မလေးတစ်ယောက် Swan Lake ပြဇာတ်ကို ကဖို့ လူဝင် အရွေးခံရာက ဒီဇာတ်လမ်းလေး ဖြစ်လာခဲ့တယ်…။ Swan Lake ပြဇာတ်ရဲ့ ငန်းဖြူနေရာနဲ့ အသင့်တော်ဆုံး သူ ဖြစ်ပေမဲ့… ငန်းနက်နေရာအတွက်တော့ သူ့ စရိုက်နဲ့ ကွဲပြားလွန်းနေခဲ့တယ်….။ ငန်းနက်ရဲ့ တဏှာများ ကြမ်းတမ်းတဲ့စရိုက်နဲ့ သူမရဲ့ ပျော့ညံ့တဲ့ စိတ်နဲ့ကြား.. သူ့ အသက် သူ့ဘဝ ဖြစ်တဲ့ အက အနုပညာရဲ့ မှော်ဝင်စားမှုနဲ့…သူ့ရဲ့ အမှောင်ဘက်အခြမ်း ထွက်လာတဲ့အခါ….။ က ကွက်တွေ….တေးဂီတတွေနဲ့ ဒီဇာတ်လမ်းလေးက တာရာမင်းဝေ ရဲ့ နာမည်ကြီးဝတ္ထုစာအုပ်ဖြစ်တဲ့ “အရှေ့မြို့ရိုးက မိုးရေစက်များ” နဲ့ အတော်လေး ထပ်တူညီတဲ့ ရသတစ်ခုကိုခံစားမိစေပါတယ်။ Black Swan ကို အကောင်းဆုံး ရုပ်ရှင်တွေထဲက တစ်ကားလို့ သတ်မှတ်ကြသလို Black Swanရဲ့ အခုထိ မတင်မကျဖြစ်နေသလိုလို ဖြစ်နေတဲ့ ကိစ္စတစ်ခုလည်းရှိပါတယ်။ Aronofsky က‌တော့ Black Swan မှာ All About Eve (1950), Roman Polanski’s The Tenant (1976) နဲ့ ဒေါ့တိုယက်စကီးရဲ့ The Double ဝတ္တုကနေ သူ့ဇာတ်လမ်းအတွက် ပါဝင်ပစ္စည်းတွေရခဲ့တယ်လို့ ဆိုပါတယ်။ ဒါပေမဲ့ ဝေဖန်ရေးသမာတွေကတော့ စတိုရှိခွန်ရဲ့ Perfect Blue ( 1997)နဲ့ အဓိကအခန်းတွေမှာ တော်တော်လေးတူနေတာကို ထောက်ပြခဲ့ကြပါတယ်။ Aronofsky ကိုယ်တိုင်ကလည်း ဒီ၂ကား ဆင်တတွေရှိနေတာကို လက်ခံထားပေမဲ့ Perfect Blueကို မှီးထားတယ်ဆိုတဲ့အချက်ကိုတော့ လုံးဝငြင်းခဲ့ပါတယ်။ စတိုရှိခွန်ကတော့ Aronofsky နဲ့ သူ ၂၀၀၁မှာ တွေ့ခဲ့တဲ့အကြောင်း သူ့ဘလော့မှာ မှတ်တမ်းတင်ထားခဲ့တယ်။ ဘယ်လိုပဲမဟုတ်ပါဘူးပြောပြော တစ်ပုံစံတည်းနီးပါးဖြစ်နေတဲ့ တစ်ချို့အခန်းတွေကို Perfect Blueက မဟုတ်ပါဘူးလို့တော့ ယုံနိုင်စရာမရှိပါဘူး။ Aronofsky အနေနဲ့ Perfect Blueကို ကူးလိုက်တာက ဒါဦးဆုံးလည်း မဟုတ်တော့ပါဘူး Requiem for a Dream( 2000 )မှာတင် Perfect Blueနဲ့ တစ်ပုံစံတည်းဖြစ်နေတဲ့ ဇာတ်ဝင်ခန်းတွေ ပါခဲ့ဖူးပါတယ်။ ဒါကိုဝန်မခံလို့ ဒါရိုက်တာဟာ တော်တော်လေး အမြင်ကတ်စရာကောင်းနေတာကလွဲ Black Swan ကတော့ ရုပ်ရှင်ကားကောင်းတစ်ကားအဖြစ်ရပ်တည်နိုင်တုန်းပါပဲ။ (ရုပ်ရှင်အညွှန်းနဲ့ဘာသာပြန်ကို Wira Aung မှ တင်ဆက်ထားပါတယ်။)

ငယ်ငယ်တုန်းက အသည်းစွဲ‌ အက်ရှင်မင်းသားကြီးဖြစ်ခဲ့တဲ့ ဗန်ဒိမ်းရဲ့ နောက်ဆုံးထွက်ရှိထားတဲ့ The Gardener (2025) Le jardinier ဆိုတဲ့ ပြစ်သစ်ဇာတ်ကားသစ်လေးတစ်ကားကို တင်ဆက်ပေးလိုက်ပါတယ်။ အာနိုးတို့ စတားလုံးတို့နဲ့ခေတ်ပြိုင်ဆိုတဲ့အတိုင်း အခုအချိန်မှာ အသက်ကြီး နေပြီဖြစ်ပေမဲ့ မပျက်စီးသေးဘဲ ခန္ဓာကိုယ်အချိုးအစား ကလည်း လူငယ်တွေထက်တောင်ပိုလန်းပြီး အက်ရှင်တွေကိုလည်း ချပြနိုင်တုန်းပါပဲ။ဒီကားလေးကတော့ အက်ရှင်သီးသန့်ချည်းမဟုတ်ဘဲ ဟာသဒရာမာပါပေါင်းထားတဲ့အတွက် မိသားစုနဲ့အတူတူ ပေါ့ပေါ့ပါးပါး ကြည့်ချင်သူတွေအတွက်လည်းအဆင်ပြေပါတယ်။ ဇာတ်လမ်းအကျဉ်း ++++++++++ ဇာတ်လမ်းရဲ့အစမှာတော့ အထူးတပ်ဖွဲ့တစ်ဖွဲ့က လူတစ်ယောက်ကို ဝိုင်းအမဲလိုက်နေတာကိုတွေ့ရမှာဖြစ်ပါတယ်။သူတို့ရဲ့တာဝန်ကအဲ့ဒီလူကို ရှင်းပစ်ဖို့ဖြစ်ပြီး ဘာလို့အဲ့လိုလိုက်လုပ်နေရတယ်ဆိုတာကိုသိချင်ရင်တော့ အချိန်နောက်နည်းနည်းပြန်ဆုတ်ရပါလိမ့်မယ်။အဲ့ဒီအထူးတပ်ဖွဲ့ကို ဝန်ကြီးချုပ်က ခိုင်းထားတာဖြစ်ပြီး ဝန်ကြီးချုပ်နဲ့ဇယားရှိတဲ့လူဆိုရင် တစ်နှစ်တစ်ခါရှင်းပစ်ဖို့သူတို့ကိုနာမည်စာရင်းတွေပေးနေကျဖြစ်ပါတယ်။ ဒီနှစ်မှာတော့ ဆာ့ဂျ်ဆိုတဲ့နိုင်ငံရေးအသိုင်းအဝိုင်းထဲက လူတစ်ယောက်လည်း ပါဝင်နေပြီး သူကစာရင်းထဲမှာနောက်ဆုံးပေမဲ့ အကြောင်းအမျိုးမျိုးကြောင့် သူ့ကိုဦးစားပေးရှင်းပစ်ဖို့ဖြစ်လာပါတော့တယ်။ သူကတော့အဲ့ဒါတွေကိုမသိဘဲ ကျေးလက်ကအိမ်လေးမှာ မိသားစုနဲ့ အတူတူအားလပ်ရက်အပန်းဖြေနေပါတော့တယ်။ ဒီလိုနဲ့အဲ့ဒီလူတွေရောက်ချလာပြီး သူ့ကိုရှင်းဖို့လုပ်တဲ့အခါမှာတော့ မိသားစုတစ်ဖက်နဲ့ဘာလုပ်လို့လုပ်ရမယ်မှန်းမသိဖြစ်နေတဲ့ ဆာ့ဂျ်ကို လျှို့ဝှက်ဆန်းကြယ်မှုတွေအများကြီးနဲ့ သူ့ဥယျာဉ်မှူးကဘယ်လိုတွေ ကူညီပေးသွားမလဲဆိုတာကို စိတ်ဝင်စားစရာ ရယ်ရယ်မောမော ပေါ့ပေါ့ပါးပါးရှုစားရမဲ့ဇာတ်ကားလေးတစ်ကားပဲဖြစ်ပါတယ်။ File size… (1.38GB) / (859MB ) Quality… WEB-DL 1080p HEVC / 720p Format…mkv / mp4 Duration….1h 49m Genre ….. Action , Comedy Subtitle….Myanmar Subtitle (Hard Sub) Encoder….Min Wai Translated by Saw Lay