(၁) တစ်စထက်တစ်စ ဝင်းပလင်းဖြာလာတဲ့ လရိပ်အောက်က... လူသူကင်းမဲ့ရာ ကမ်းဆိပ်စွန်းတံတားပေါ် ကျွန်တော်ရပ်နေခဲ့တယ်။ ဟိုတစ်ဖက်ကမ်း တုရှုက အမှောင်ရိပ်ထဲမှာတော့... အလင်းပွင့်စိမ်းကလေးဟာ တောက်ပတစ်လှည့် မှိန်ဖျော့တစ်လှည့်နဲ့ နီးလာသလိုလို... ဝေးသွားသလိုလို...။ (၂) ဒီအလင်းပွင့်စိမ်းကလေးဟာ ကျွန်တော့်အတွက်တော့ ကျွန်တော်ဉာဏ်မမီနိုင်ပါတဲ့ လောကကြီးရဲ့ အမှတ်သညာပါပဲ။ ဂတ်စ်ဘီအတွက်တာ့ မတူခဲ့ဘူးပေါ့။ (၃) ကျွန်တော်လူရည်မလည်သေးခင် လူမမည်ဘဝမှာ အဖေက ကျွန်တော့်ကို ဆုံးမခဲ့ဖူးတယ်။ " သူများကို ဝေဖန်မယ်တွေးတိုင်း လူတိုင်းက မင်းလိုမျိုး လောကရဲ့မျက်နှာသာပေး မခံခဲ့ရဘူးဆိုတာကို သတိရ"တဲ့။ ဒီစကားကြောင့် ကျွန်တော် ဘယ်သူ့ကိုမှ ကိုယ့်ဘက်ကအမြင်နဲ့ အကဲဖြတ်ဝေဖန်လေ့မရှိပေမဲ့ ဂတ်စ်ဘီကိုတော့ ကျွန်တော်အကဲဖြတ်စောခဲ့မိတယ် ထင်ပါတယ်။ အဖေ့ဆုံးမစကားက သိပ်မှန်ခဲ့တယ်။ (၄) မျှော်လင့်ခြင်းဆိုတာ ဘာများလဲ။ ဒါမျိုးအမေးက အဖြေတိတိပပရှိတဲ့ အမေးတော့ မဟုတ်ဘူးပေါ့။ သို့ပေမဲ့ ဂတ်စ်ဘီအတွက်တော့ မျှော်လင့်ခြင်းဆိုတာ ဒီအလင်းပွင့်စိမ်းကလေးပါပဲ။ လဲကျလိုက် တစ်စစီပြန်ကောက်လိုက် ဘဝမှာတောင် ဒီမျှော်လင့်ချက်ကလေးကို ဂတ်စ်ဘီ မစွန့်လွှတ်ခဲ့ပါဘူး။ သူမျှော်လင့်တဲ့အနာဂတ်တစ်ဖြစ်လဲ သူ့အိပ်မက်တစ်ဖြစ်လဲ ဒီအလင်းပွင့်စိမ်းကလေးဆီ ဂတ်စ်ဘီ ခရီးရှည်ကြီးကိုဖြတ်သန်းပြီး လာခဲ့တယ်။ သူဟာ မျှော်လင့်ချက်တစ်ခု အချစ်တစ်ခုနဲ့ ဒါကိုတာက တဲကုပ်ကလေးကနေ ကျွန်တော်ကျောခိုင်းထားတဲ့ စံအိမ်ကြီးဆီအထိ အရောက်လှမ်းခဲ့တယ်။ ကျွန်တော့်ရောင်းရင်းကြီး ဂတ်စ်ဘီဟာ ဒီလောက်ထိမျှော်လင့်ချက်ကြီးခဲ့ အချစ်ကြီးခဲ့ ဝဋ်ကြီးခဲ့တဲ့သူပါ။ ကျွန်တော့်ဘဝမှာ မြင်ဖူးသမျှလူတွေထဲ ဂတ်စ်ဘီဟာ မျှော်လင့်ချက်အကြီးဆုံးလူလို့ ကျွန်တော်ပြောရဲတယ်။ (၅) ဂတ်စ်ဘီရဲ့ ဒီအလင်းပွင့်စိမ်းကလေးဟာ ကျွန်တော့်ညီမဝမ်းကွဲ ဒေစီလို့ပြောရင်လည်း မမှားဘူးပေါ့။ ကျွန်တော် ဂတ်စ်ဘီကို ပထမဆုံးတွေ့တာက နယူးယောက်က ပါတီတစ်ခုမှာပါ။ နယူးယောက်ဆိုတာထက် ဝက်စ်အက်ဂ်ပေါ့ဗျာ။ ဒေစီကတော့ ဝက်စ်အက်ဂ်နဲ့ ပင်လယ်အော်ကြီးခြားထားတဲ့ တစ်ဖက်ကမ်းက အိစ်အက်ဂ်မှာနေတယ်။ ဘယ်လောက်ပဲချမ်းသာပါစေ ခေတ်ပျက်သူဌေးတွေဟာ မျိုးနဲ့ရိုးနဲ့ချမ်းသာတဲ့ လူကုံထံတွေနေတဲ့ အိစ်အက်ဂ်ကို မကပ်နိုင်ခဲ့တာများလားပါပဲ။ ကျွန်တော့်ရောင်းရင်းကြီး ဂတ်စ်ဘီဟာ ဒေစီနဲ့နီးချင်လို့ ဒေစီ့အိမ်တစ်ဖက်ကမ်းက အိမ်ကိုဝယ်ခဲ့တယ်။ တစ်နေ့နေ့မှာ ဒေစီများ ရောက်လာမလားဆိုပြီး ခြိမ့်ခြိမ့်သဲစည်ကားတဲ့ ပါတီကြီးတွေပေးခဲ့တယ်။ သူငါးနှစ်လုံး အရိပ်မှမမြင်ခဲ့ရတဲ့ မိန်းကလေးတစ်ယောက်အတွက် ဒီလောက်ထိလုပ်ခဲ့တဲ့သူပါ။ ဒေစီ့ကိုချစ်မိခဲ့တဲ့ လွန်ခဲ့တဲ့ငါးနှစ်ကစပြီး ဂတ်စ်ဘီဟာ သူ့ဘဝတစ်ခုလုံးကို ဒေစီ့ပေါ်ပုံအောလိုက်တဲ့အထိ အချစ်ကြီးခဲ့တဲ့သူပါပဲ။ (၆) နယူးယောက်က Queensboro တံတားကြီးကို ဖြတ်လိုက်ပြီးတာနဲ့ ဘာမဆိုဖြစ်လာနိုင်မယ်လို့ ကျွန်တော်ထင်မှတ်မှားခဲ့သလို ဂတ်စ်ဘီလည်း သူဘာမဆိုဖြစ်လာနိုင်မယ်လို့ ထင်မှတ်မှားခဲ့ပုံပါပဲ။ ဘယ်လိုပဲ အတိတ်ကံမကောင်းခဲ့ပါစေ ဒေစီနဲ့အတူ အတောက်ပဆုံးအနာဂတ်လေးကို ဖန်တီးနိုင်လိမ့်မယ်လို့ ဂတ်စ်ဘီ ထင်မှတ်ခဲ့တယ်။ တစ်ချိန်က တိမ်လိုလေလို လွင့်သွားခဲ့တဲ့ သူတို့ရဲ့ ချစ်ကမ္ဘာကြီးကို ပြန်တည်ဆောက်နိုင်မယ်လို့ ဂတ်စ်ဘီ ယုံကြည်ခဲ့တယ်။ ဒီလောကကြီးဟာ ကျွန်တော်တို့ထင်သလို လည်ပတ်နေတာ မဟုတ်ခဲ့တာကိုတော့ ဂတ်စ်ဘီရော ကျွန်တော်ရော မသိခဲ့ကြဘူးပေါ့။ ဒီမြက်ခင်းလဲ့ပြာတွေဆီအထိ ခရီးရှည်ကြီးလာခဲ့ရတဲ့ ဂတ်စ်ဘီဟာ ဝက်စ်အက်ဂ်နဲ့ အိစ်အက်ဂ်ကြားက ပင်လယ်အော်လေးကိုတော့ ဘယ်လိုမှ မကျော်ဖြတ်နိုင်ခဲ့ပါဘူး။ သူ ဘယ်လိုပဲကြိုးစားပြေးလည်း ဒေစီဆိုတဲ့ မီးပွင့်စိမ်းလေးဟာ သူ့အနောက်မှာ ကျန်ရစ်ခဲ့ပြီးသားဖြစ်နေလေတော့ သူ ဘယ်လိုမှ လက်လှမ်းမမီနိုင်ခဲ့ဘူးပေါ့။ (၇) သူမမီနိုင်ပါတဲ့ အိပ်မက်ကလေးနောက် ဂတ်စ်ဘီလိုက်ခဲ့တယ်။ သူ့အိပ်မက်ကလေးဟာ သူ့မျက်စိရှေ့တင်ရောက်နေပြီလို့ သူထင်ခဲ့တယ်။ ကျိန်းသေပေါက်ဖမ်းဆုပ်နိုင်ပြီလို့ ထင်မှတ်မှားခဲ့တယ်။ စစကတည်းကိုက သူ့အိပ်မက်ကလေးဟာ သူ့နောက်မှာ ကျန်ရစ်ခဲ့ပြီးသားဖြစ်နေတာကိုတော့ သူမသိခဲ့ပုံပါပဲ။ အလင်းပွင့်စိမ်းကလေးကို ဂတ်စ်ဘီ ယုံကြည်မျှော်လင့်ခဲ့ဖူးတယ်။ အလင်းပွင့်စိမ်းကလေးဟာ ကျွန်တော်တို့မျက်စိရှေ့တင်ပဲ တစ်စထက်တစ်စ မှေးမှိန်လာရင်း အဆုံးကျ ဂတ်စ်ဘီ လက်လွှတ်လိုက်ရတာပါပဲ။ ပသို့ပဲဆိုဆို ဂတ်စ်ဘီဟာ အရင်လိုဘ၀အစမှာ ပြန်ပြီးနေခွင့်ရခဲ့လည်း ဒေစီ့အတွက် အပြန်တစ်ရာမိုက်ဦး အဖန်တစ်ရာမှားဦးမယ့် သူဆိုတာ ကျွန်တော်သေချာနေတယ်။ (၈) ခင်ဗျားကို ကျွန်တော် "အတိတ်ကို ပြန်ပြင်လို့မရဘူး"လို့ ပြောတုန်းက "အတိတ်ကို ပြန်ပြင်လို့မရဘူးဆိုတဲ့ ခင်ဗျားအယူအဆမှားတယ်ဗျ"လို့ ခင်ဗျား ကျွန်တော့်ကို ပြန်ပြောခဲ့တာ မှတ်မိသေးလား ဂတ်စ်ဘီ။ ခင်ဗျားပြောသလို ကျွန်တော် မှားလိုက်ချင်ပါတယ်။ ခင်ဗျားရဲ့ အလင်းပွင့်စိမ်းကလေးကို ခင်ဗျား လက်လွတ်လိုက်ရတာကို ကျွန်တော်မမြင်ချင်ပါဘူး။ ဘယ်သူတစ်ဦးတစ်‌ယောက်ကမှ ဖျက်ဆီးမပစ်နိုင်တဲ့ အိပ်မက်တစ်ခုကို ဖုံးကွယ်ရင်း ကျွန်တော်တို့ရှေ့ ခင်ဗျားရပ်နေတဲ့အချိန်မှာ ကျွန်တော်တို့ ခင်ဗျား ဘယ်သူဆိုတာကို မှန်းဆခဲ့ကြဖူးတယ်။ ခင်ဗျားဘဝကို နားမလည်ပါဘဲ ခင်ဗျားကို အထင်မှားဖူးကြတယ်။ ကျွန်တော်လည်း ဒီအတိတ်ကို ပြန်ပြင်ချင်မိတယ်။ ပြန်ပြင်လို့ရမှာမဟုတ်တာတော့ သေချာသလောက်ပါပဲ။ ဘယ်လိုပဲဖြစ်ဖြစ်ပါ။ နောက်နေ့တွေမှာ ကျွန်တော်တို့ ပိုကြိုးစားပြေးပြီး ကျွန်တော်တို့လက်တွေကို ပိုဝေးဝေး ဆန့်ထုတ်ကြမယ်။   တစ်နေ့နေ့မှာတော့...    ရေစီးလားရာကို စုန်ကန်ပြီး     အတိတ်နေ့တွေဆီ လမ်းမသွေဖီ,      လည်ပြန်ခေါ်ကာသွားမယ့်       လှေတွေကို        ကျွန်တော်တို့အတူ လှော်ခတ်ကြတာပေါ့။                                              - နစ်ကာရာဝေး ------ (၉) F. Scott Fitzgerald ရဲ့ The Great Gatsby ဝတ္တုဟာ သူ့ကို ပြန်ရိုက်ခဲ့ကြတဲ့ ရုပ်ရှင်များစွာထက် ပိုကျော်ကြားတဲ့ ဂန္တဝင်ဝတ္တုကြီးပါ။ ဇာတ်လမ်းသက်သက်ကြည့်ရင် အချစ်ကြီးတဲ့သူတစ်ယောက်ရဲ့ အချစ်ဇာတ်လမ်းတစ်ပုဒ်ပဲလို့ ယူဆလို့ရပေမဲ့ ထိုခေတ်ထိုအခါက အမေရိကန်အိပ်မက်တွေအကြောင်းကို သူ့အရေးအသားပညာနဲ့ metaphor တွေကို သုံးပြီး သရော်ထားတယ်လို့ ဆိုကြပါတယ်။ ရှာဖတ်ကြည့်သလောက်တော့ နောက်ဆုံးအပိတ်စာသားဆို နိမိတ်ပုံခေါ်ရမလားတော့မသိတဲ့ဟန်တွေရော တင်စားရေးသားမှုတွေရောသမထားတဲ့ ကဗျာစာကြောင်းဆန်ဆန်ဖြစ်နေတာကြောင့် ပရိသတ်တွေကြား အဓိပ္ပာယ်နည်းနည်းစီ ကွဲနေကြအထိပါပဲ။ အကောင်းမြင်တဲ့ဘက် ရောက်တဲ့စာကြောင်းပေမဲ့ b တွေအများကြီးသုံးထားတာက အတိတ်ရဲ့အလဲထိုးခံရတဲ့ ဂတ်စ်ဘီ့အဖြစ်ရဲ့ အငွေ့ပါအောင် B, beat down နဲ့ P, past ရဲ့ အငွေ့ပါအောင်သုံးထားတယ်လည်း ဆိုကြပါတယ်။ သို့ပေမဲ့ ဒီလိုစကားလုံးတွေက ကဗျာလို စကားလုံးတွေထက် ကျော်လွန်တဲ့ခံစားမှုကို ပေးချင်တဲ့အခါ သုံးကြတယ်လို့ ကျွန်တော်တော့မှတ်ယူပါတယ်။ ပြောရရင် ခံစားသူပေါ် ပိုမူတည်တယ်ထင်ပါတယ်။ ဒါရိုက်တာကလည်း ရှေ့စကားလုံးတွေမှာ စာအုပ်အတိုင်းအတိအကျယူတာနည်းပေမဲ့ ဒီအပိတ်ကိုတော့ အတိအကျကိုထည့်သုံးထားပါတယ်။ ဒါရိုက်တာဟာ စာအုပ်ကို သစ္စာမဖောက်ခဲ့ပါဘူး။ (၁၀) သရုပ်ဆောင်တွေမှာလည်း တိုဘီမက်ဂွိုင်းရားရဲ့ ဆွေးမြေ့မြေ့အသံဟာ စိတ်ကိုအတော်ဖမ်းစားနိုင်သလို လီယိုနာဒိုဆို ဂတ်စ်ဘီဇာတ်ရုပ်နဲ့ သူ့ထက်လိုက်မယ့်သူရှိမယ်မထင်လို့ ရှေ့ကားတွေကို ခုထိမကြည့်ဖြစ်တဲ့အထိပါပဲ။ ကျန်တဲ့သရုပ်ဆောင်တွေလည်း သူ့နည်းသူ့ဟန်ပီပြင်ကြသလို ဆုတွေလည်းရခဲ့ကြပါတယ်။ အော်စကာမှာ Best Production Design ဆုနဲ့ Costume Design ဆုရခဲ့သလို Cinematography ဆု, Editing ဆု၊ Original Score ဆုနဲ့ သရုပ်ဆောင်ဆုတွေကိုလည်း တခြားပွဲတွေက ရထားပါတယ်။ ရလည်းရသင့်ပါတယ်။ စီနီမာတို အသံ အခန်းအကူးတွေအကုန်လှပနေတဲ့ ဇာတ်လမ်းအရသာမက အမြင်ပိုင်း အသံပိုင်းအရပါ ဖမ်းစားနိုင်တဲ့ ရုပ်ရှင်ပါပဲ။ (၁၁) ဒါရိုက်တာ Baz Luhrmann ဟာ လီယိုနဲ့ရှေ့မှာ ရိုမီယိုဂျူးလီယက်ကားရိုက်ဖူးသလို Moulin Rouge တို့ Australia တို့လို အလှပဆုံးကားတွေကို ရိုက်ခဲ့တဲ့သူပါပဲ။ မဝေဖန်တတ်ပေမဲ့ တော်တော်လှလှပပပြတတ်တဲ့ ဒါရိုက်တာဆိုတာတော့ သေချာပါတယ်။ (၁၂) ပရိသတ်အတွက် ကားကောင်းဖြစ်သည့်တိုင်အောင်ပဲ ဝေဖန်ရေးသမားတွေကြားတော့ နှစ်ခြမ်းကွဲခဲ့ကြတဲ့ ရုပ်ရှင်ပါပဲ။ ရှေ့ကားတွေရော မူရင်းစာအုပ်ကြောင့်ရောကြောင့် ဖြစ်နိုင်ပေမဲ့ ကျွန်တော်တော့ တင်ဘာတန် ချာလီနဲ့ ချောကလက်စက်ရုံရဲ့ အရသာကို မူလကားက မီမယ်မထင်သလို ‌ဒါကိုလည်းမထင်ပါဘူး။ ကိုယ့်ရဲ့ပထမဆုံးအရသာတွေဟာ အကောင်းဆုံးဖြစ်သွားတတ်တာပဲမို့လား။ ဝေဖန်ရေးသမားတွေနှစ်ခြမ်းကွဲခဲ့ကြပေမဲ့ စာရေးဆရာရဲ့ မြေးမကတော့ ဒီရုပ်ရှင်ကို ချီးကျူးခဲ့ပြီး "Scott would have been proud"လို့ ထောပနာပြုခဲ့ပါတယ်။ (၁၃) The Great Gatsby ဟာ ကျွန်တော့်အတွက်တော့ ခဏခဏ သတိအရမိဆုံး ရုပ်ရှင်ပါပဲ။ စိုင်းခမ်းလိတ်နဲ့ စိုင်းထီးဆိုင်ဆီကထွက်တဲ့ သီချင်းတွေထဲ ကျွန်တော်အကြိုက်ဆုံးဖြစ်တဲ့ "အချစ်ဆိုတဲ့အရသာ" သီချင်းကို နားထောင်တိုင်း သတိရမိနေကျ ရုပ်ရှင်လည်းဟုတ်ပါတယ်။ အချစ်ဆိုတဲ့အရသာဟာ ကျွန်တော်ရံဖန်ရံခါနား‌ထောင်ဖြစ်တဲ့ သီချင်းဖြစ်သလို ဒုတိယပိုဒ် "အရင်လို ဘ၀အစမှာ ပြန်ပြီးနေခွင့်ရတောင် အပြန်တစ်ရာမိုက်ဦးမှာ အဖန်တစ်ရာမှားဦးမှာ" နားရောက်တိုင်း ဂတ်စ်ဘီကို ပြေးမြင်မိစေတဲ့ သီချင်းလည်းဟုတ်ပါတယ်။ ဂတ်စ်ဘီဟာ ကျွန်တော့်အတွက် ခဏခဏ အမှတ်ရမိနေလောက်အောင် စွဲစေတဲ့ ရုပ်ရှင်ပါပဲ။ The Great Gatsby (2013) ဟာ မော်ဒန်ကလပ်စစ်ရုပ်ရှင်အဖြစ် သတ်မှတ်ခံရတဲ့ ရုပ်ရှင်လည်းဟုတ်ပါတယ်။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 2.5GB, 1.36GB, 652MB Quality - Blu-ray 1080p, 720p, 360p IMDb Rating - 7.2/10 Format - mp4 Duration - 2H 23Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y

ဒီနေ့တော့ rating အမြင့် အိုင်းရစ် Musical Comedy ကားကောင်းလေး တစ်ကားနဲ့မိတ်ဆက်ပေးပါရစေ။ ဒီဇာတ်ကားလေးကို 2016 january 24 မှာ Sun dance film festival မှာပြသခဲ့ပြီး March 17 မှာ ရုပ်ရှင်ရုံတွေမှာပြသခဲ့ပါတယ်။ ဇာတ်ကားအညွှန်း အရ တောင်ပိုင်း ဒဗ်ဘလင် မြို့မှာနေထိုင်ကြတဲ့ လေလာ မိသားစုထဲက ပက်ထရစ် ဟာ မိသားစုပြသနာတွေကြောင့် သူ့အနုပညာအလုပ်တွေထက် အရက် နဲ့ ဆေးလိပ်ဖက် ပို အားသန်ခဲ့ပြီး အကုန်အကျ များလာတာကြောင့် သူဟာ သူ့သားအငယ်ဆုံး ကော်နာ ကို ကျောင်းထုတ်ပြီး ဆန်ဂီကျောင်း ကိုပို့ဖို့ဆုံးဖြတ်ခဲ့ပါတယ်။အဲ့ဒီနောက် ကော်နာ တစ်ယောက် ကျောင်းမှာ ဘယ်လိုတွေ ဗရုတ်သုတ်ခ ကျပြီး နောက်ဆုံးဘာတွေဖြစ်လာမလဲဆိုတာ ကို အလန်းစား 80's Rock Music တွေ နဲ့ ကြည့်ရမှာမို့ အမြန်ဆုံးသာ ဒေါင်းလုတ်ဆွဲ ကြည့်လိုက်ကြပါတော့ဗျာ (ဇာတ်လမ်းအညွန်းကို Moe Oo Mann မှရေးပေးထားတာဖြစ်ပါတယ်) File size…(830MB) Quality…720p Bluray Format…mp4 Duration….01:46:30 Subtitle….Myanmar Subtitle (Hardsub) Encoder….Thanhtike Zaw

This House (or) Cette maison (2022) ========================== IMDb Rating – 6.5/10 ၂၀၀၈ခုနှစ် Bridgeport မှာ အသက်ဆယ့်လေးနှစ်ကောင် မလေးတစ်ယောက်ကို သူ့အခန်းထဲမှာ သေဆုံးနေတာကို တွေ့ခဲ့ကြပါတယ်။ ဆယ်နှစ်ကြာတဲ့နောက်မှာ ဒီကောင်မ လေးရဲ့ ဝမ်းကွဲအစ်မဖြစ်တဲ့ ဇာတ်ညွှန်းရေးဆရာ၊ ဒါရိုက်တာ Miryam Charles က သူ့ညီမကို အောက်မေ့တဲ့အနေနဲ့ Cette Maison ကိုရိုက်ကူးဖြစ်ခဲ့ပါတယ်။ ဇာတ်လမ်းကတော့ ဆယ်ကျော်သက်အရွယ်ကောင်မလေး ကို သူ့အခန်းထဲမှာ ကြိုးဆွဲချပြီးသတ်သေထားတာကို သူ့ အမေကတွေ့ခဲ့ပါတယ်။ ကိုယ့်ကိုယ်ကိုယ်သတ်သေတဲ့ပုံစံ ဖြစ်နေပေမဲ့ အလောင်းကိုခွဲစိတ်လိုက်တဲ့အချိန်မှာတော့ ကောင်မလေးက သူ့ကိုယ်သူသတ်သေတာမဟုတ်ဘဲ လိင် ပိုင်းဆိုင်ရာ စော်ကားခံထားရပြီး အသတ်ခံလိုက်ရတာပါတဲ့။ ဒီဇာတ်လမ်းက လူသတ်မှုတရားခံကိုလိုက်ရှာတဲ့ဇာတ်လမ်း မျိုးမဟုတ်ဘဲ သမီးဖြစ်သူသေဆုံးမှုက မိခင်နဲ့ တစ်မိသားစု လုံးအပေါ် ဘယ်လောက်ထိ သက်ရောက်ကြောင်း၊ ဘယ်နေ ရာကိုပဲရောက်နေပစေ ကိုယ့်နိုင်ငံ ကိုယ့်မျိုးရိုးဇစ်မြစ်ကို မေ့ လို့မရနိုင်ကြောင်းကို ရိုက်ကူးတင်ဆက်ထားတာဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ EL ဖြစ်ပါတယ်) File Size……….(2.0 GB) / (628 MB) / (305 MB) Quality…………WEB-RIP 1080p / 720p / 480p Duration………1Hr 15Min Subtitle………..Myanmar Hardsub Format…………MP4 Genre…………..Fantasy Translator…….EL Encoder……….SWM

Are You There God? It’s Me, Margaret. (2023) ~ IMDb – 7.8/10, Rotten Tomatoes – 99% ~ ဒီရုပ်ရှင်လေးကတော့ Anne with an E လိုမျိုး မြီးကောင်ပေါက်လေးတွေရဲ့ ခံစားချက်နဲ့ ဇာတ်လမ်းလေးတွေကို ချစ်စရာရိုက်ကူးထားတဲ့ Coming of Age အမျိုးအစားပါပဲ။ ဒီနာမည်နဲ့ပဲ မူရင်းဝတ္ထုဟာ 1970 မှာ စာရေးဆရာ Judy Blume ကရေးသားခဲ့ပြီး ၁၉၂၃ နောက်ပိုင်း အကောင်းဆုံး စာအုပ် ၁၀၀ ထဲမှာ အပါအဝင်အဖြစ် တိုင်းမ်မဂ္ဂဇင်းက ၂၀၁၀မှာဖော်ပြခဲ့ပါတယ်။ ကလေးတွေအတွက် အကောင်းဆုံး စာအုပ် ၁၀၀ စာရင်းထဲမှာလည်း အပါအဝင်ပါပဲ။ ဒီဝတ္ထုကိုပဲ ခြေခံပြီး ဒါရိုက်တာ Kelly Fremon Craig က ဇာတ်ညွန်းခွဲ ရိုက်ကူးခဲ့တာပါ။ အဓိကမင်းသမီးလေး မာဂရက် အဖြစ် Ant-Man ရဲ့သမီး ကတ်ဆီ ငယ်ငယ်တုန်းက နေရာက‌နေ ပါဝင်ခဲ့တဲ့ Abby Ryder Fortson က သရုပ်‌ဆောင်ထားသလို မာဂရက်ရဲ့ မိခင်နေရာကတော့ ဒေါက်တာစထရိန့်ရဲ့ အချစ်ဆုံး ခရစ္စတင်းဖြစ်ခဲ့တဲ့ Rachel McAdams ပါ။ မာဂရက်ရဲ့ သူငယ်ချင်း နန်စီကတော့ Stranger Things ထဲက ရဲမှူးကြီးရဲ့ သမီးဖြစ်ခဲ့တဲ့ Elle Graham ပါပဲ။ ~ ဇာတ်လမ်းအကျဉ်း ~ မာဂရက်ဟာ ဂျူးအဖေ ခရစ်ယာန်အမေကနေ မွေးဖွားလာသူဖြစ်ပြီး မိဘတွေက ဘာသာမဲ့အဖြစ်ပဲထားထားပြီး အရွယ်ရောက်လာမှ ကိုယ်ပိုင်ဘာသာရွေးချယ်ခွင့်ပေးထားတာဖြစ်ပါတယ်။ ဒါကြောင့် ဘာသာတရားတွေကို သူ့ဘာသာ လေ့လာဆဲ စဉ်းစားဆဲပါပဲ။ သူတို့မိသားစု နယူးယောက်ကနေ နယူးဂျာဆီကို ပြောင်းလာပြီး ၆ တန်းမှာ ရွယ်တူ သူငယ်ချင်းတွေနဲ့ မိန်းကလေး ယောက်ျားလေးသဘာဝ ချစ်စရာ ဖြစ်ပျက်ပုံလေးတွေကို အခြေခံထားတာပါ။ ရင်သားတွေကြီးလာဖို့၊ ဘရာတွေအကြောင်းပြောဖို့၊ ဓမ္မတာလာတာရဲ့ ထူးဆန်းမှုတွေ၊ ကောင်လေးတွေအကြောင်းတွေ စသဖြင့် ကလေးဘဝကနေ အရွယ်ရောက်လာတဲ့မိန်းကလေးတွေရဲ့ အတွေးတွေနဲ့ စူးစမ်းမှုလေးတွေကို ပြထားတာမို့ မြီးကောင်ပေါက်ရုပ်ရှင်ကောင်းလေးတစ်ခုအဖြစ် ဘာသာပြန်တင်ဆက်ပေးလိုက်ပါတယ်။ (ဒီဇာတ်ကားနဲ့အညွှန်းကို Mr. Anderson မှ ပြန်ဆို ရေးသားထားပါတယ်) Size – 1.8GB, 800MB Quality – 1080p, 720p IMDb Rating – 7.8/10 Format – mp4 Duration – 1H 46Min Genre – Comedy, Drama, Family Subtitle – Myanmar Subtitle (Hardsub) Translated by Mr. Anderson Encoded by Y

ဒီတစ်ခါ မိတ်ဆက်ပေးချင်တာကတော့ IMDb 5.7/10 ရရှိထားတဲ့ ပိုလန်စကားပြော Comedy/Crime/Drama ကားလေးပါ။ ဇာတ်လမ်းကတော့ ၁၉၉၀-၂၀၀၀ခုနှစ် ဝန်းကျင်က ပိုလန်နိုင်ငံရဲ့ စီးပွားရေး အားပြိုင်မှုတွေကြားထဲက လူလိမ်တစ်ဖြစ်လည်း ကုန်သည်ဖြစ်သူ ခါဇုမီယက်ဇ်ဘွန်ချက်ဇ်ရဲ့ မျိုးစုံကြိုးခုန်တတ်တဲ့၊ စီးပွားရေးကွက်ကျော်ရိုက်၊ ကလိမ်စေ့ငြမ်းစင်ပုံတွေကို ပုံဖော်ထားတာဖြစ်ပါတယ်။ သူကိုယ်တိုင်ကျ ကွက်ကျော်ရိုက်တတ်ပေမယ့် ကားခိုးမှုတွေများနေတဲ့နိုင်ငံမှာ သူ့ကားအခိုးခံရမှာကြောက်လို့ ကားစတီယာရင်ကို ဘယ်သွားသွားချွတ်ယူသွားတတ်တဲ့ ခါဇုတစ်ယောက် နိုင်ငံပိုင်ကုမ္ပဏီတွေကို ပုဂ္ဂလိပိုင်ဖြစ်အောင် ဘယ်လိုလုပ်ပြီး သန်းပေါင်းများစွာကို ဘယ်လိုအိတ်ထဲထည့်ခဲ့သလဲ၊ သတင်းအချက်အလက်တွေရယူဖို့ ဘယ်လိုလမ်းကြောင်းကနေ ကြိုးစားခဲ့သလဲ၊ ရာဇဝတ်မှုတွေကို ဘယ်လိုကျူးလွန်ခဲ့သလဲဆိုတာကို ရှုစားရမှာပါ။ ဥပဒေကို လက်တစ်လုံးခြားလုပ်နေတဲ့သူ့ကို ဖမ်းဖို့ကြိုးစားခဲ့တဲ့ ရဲအရာရှိကိုရော ဘယ်လိုနှစ်ပေါက်တစ်ပေါက်ရိုက် လှည့်ထွက်ခဲ့သလဲ၊ အဲဒီ ရဲအရာရှိကရော သူ့ကို တကယ်ဖမ်းဆီးနိုင်ပါ့မလား၊ ဂျင်ပေါ်ကထုံးဖြစ်တဲ့ ခါဇုတစ်ယောက် ငွေနဲ့ပတ်သက်လာတဲ့အခါ ယုံကြည်ရတဲ့မိတ်ဆွေတွေကို အရင်အတိုင်း ဆက်ယုံကြည်နိုင်မှာလား၊ ခါဇုကိုရော သူ့ရဲ့မိတ်ဆွေတွေက နောက်ဆုံးအချိန်ထိ ယုံကြည်ပေးသွားမှာလား ဆိုတာကိုတော့ ဇာတ်လမ်းလေးထဲမှာပဲ (ထုံးစံအတိုင်း မိသားစုနဲ့ကြည့်ဖို့မသင့်တဲ့ တချို့ဇာတ်ဝင်ခန်းတွေကို တစ်ယောက်တည်းကြည့်ရင်း) ကြည့်ရှုလိုက်ကြပါဦးနော်။ (ဒီဇာတ်ကားရဲ့ အညွန်းနဲ့ဘာသာပြန်ကတော့ Emily ပဲဖြစ်ပါတယ်) Quality….Webrip 1080p / 720p Format…mp4 Duration….01:32:00 Genre…Crime, Comedy Subtitle….Myanmar Subtitle (Hardsub) Encoder….Mr. Anderson Translated by Emily

BC ၂ရာစုလောက်တုန်းက ပိုးလမ်းမအနီး တိဘက်ဒေသအနီးမှာ လော်လန်ဆိုတဲ့ရှေးဟောင်းနိုင်ငံတစ်ခုရှိခဲ့ဖူးတယ်လို့ဆိုတယ်။ လော်လန်တိုင်းပြည်အကြောင်းကို ရှေးသုပါမောက္ခကြီးယန်က သုတေသနလုပ်ရင် ပျောက်သွားခဲ့တာ ဆယ်နှစ်ကျော်ခဲ့ပါပြီ။ ဒီလိုနဲ့သိုးသားရေပေလိတ်တစ်ခုမှာ လော်လန်အမှန်တကယ်ရှိကြောင့် အထောက်အထားရလာတဲ့အခါ သမီးဖြစ်သူနုဲ့ရှေးသုပါမောက္ခတို့လူတစ်စုဟာ ပျောက်သွားတဲ့ ပါမောက္ခကိုရှာဖို့ လော်လန်ရှေးဟောင်းတိုင်းပြည်ရှိတာ သဲကန္တာရကို ခရီးထွက်လာခဲ့ကြတယ်။ အဆုံးမရှိတဲ့သဲကန္တာပြင်ကြီးမှာ ဘယ်လိုအန္တရာယ်တွေကစောင့်နေမလဲ…… ရှေးဟောင်းလော်လန်တိုင်းပြည်ကြီးမှာဘယ်လိုလျှို့ဝှက်ချက်တွေရှိနေမလဲ…… ရှေးဟောင်းသုတေသနအဖွဲ့လေးကဘယ်လိုအရာတွေကြုံတွေရမလဲ…… ထူးဆန်းထွေလာ ရှေးသမိုင်းတွေကိုစိတ်ဝင်စားတဲ့သူလေးတွေအတွက် အရမ်းသင့်တော်တဲ့ကားလေးပဲဖြစ်ပါတယ်။

Missing(2009) ************* ဒီတစ်ခါမှာတော့ တောင်ကိုရီးယားရဲ့ ဖြစ်ရပ်မှန်ဇာတ်လမ်းကို အခြေခံရိုက်ကူးထားတဲ့ Thriller ဇာတ်ကားလေးကို တင်ဆက်ပေးလိုက်ပါတယ်။ ဇာတ်ကားလေးကတော့ မိန်းမလှလေးတစ်ယောက် ကွင်းဆက်လူသတ်သမား အဘိုးကြီးဆီမှာ အဖမ်းခံရပုံနဲ့ စတင်ပါတယ်။ မိန်းမလှလေးက အဖမ်းမခံရခင် စိတ်ပူနေတဲ့ အစ်မဖြစ်သူဆီ သူမ ရောက်နေတဲ့တည်နေရာ ဖုန်းဆက်ပြောလိုက်ပါတယ်။ ရက်အတော်အတန်ကြာ ညီမဖြစ်သူ ပြန်မရောက်လာတော့ အစ်မဖြစ်သူက လိုက်ရှာပါတော့တယ်။ ညီမဖြစ်သူ ပြောပြတဲ့ နေရာကို ရောက်သွားတဲ့အခါမှာ ရဲတွေကို အကူအညီတောင်းပြန်တော့လည်း သက်သေအထောက်အထား မပြည့်စုံလို့ဆိုပြီး အကူအညီမရ ။ အဲဒီလိုနဲ့ ကိုယ်တိုင်တစ်ယောက်တည်း ရှာမယ်ဆိုပြီး ထွက်လာတဲ့အခါ – ညီမဖြစ်သူကို ကွင်းဆက်လူသတ်သမား လက်ကနေ ကယ်တင်နိုင်ပါ့မလား ။ အစ်မဖြစ်သူကရော လိုက်ရှာရင်း ဘာတွေကြုံတွေ့ခဲ့ရမလဲဆိုတာကို သည်းထိတ်ရင်ဖို ကြည့်ရမယ့် ဇာတ်ကားလေးပဲ ဖြစ်ပါတယ်။ File Size :(2.7GB) (1.1GB) Quality : Web-Dl1080p/720p Format…mp4 Duration…01:49:00 Genre : Thriller Subtitle : Myanmar Subtitle (Hard Sub) Translated by Htoo Htoo Aung Encoded by Phyo Pyae

******************** ဆောဟွာက အနုပညာရှင် ဖြစ်ချင်‌နေသူဖြစ်ပြီး သူ့ထက်အရင် အနုပညာရှင်ဖြစ်ပြီး အောင်မြင်နေတဲ့ ညီမဖြစ်သူ ဆောမင်းကို မနာလိုဖြစ်နေသူပါ တစ်နေ့ ညီမဖြစ်သူဆောမင်းရဲ့ အေဂျင်စီကိုယ်စားလှယ်က ဆောဟွာကို ဒရမ်မာထဲမှာ ပါဝင်သရုပ်‌ဆောင်ခွင့်ပေးမယ်ဆိုပြီး ကမ်းလှမ်းလာပါတယ် တစ်ခုရှိတာက ရိုက်ရမဲ့ ဇာတ်ဝင်ခန်း‌တွေထဲမှာ bed scene ပါတာဖြစ်လို အရင် စမ်းသပ်မှုလုပ်မယ်ဆိုတဲ့အကြောင်း ကိုယ်စားလှယ်ကြီးက ပြောလာတဲ့အခါ အနုပညာရှင် အရမ်းဖြစ်ချင်နေတဲ့ ဆောဟွာတစ်ယောက် တွေဝေမနေဘဲ အဲဒီအခွင့်အရေးကို အမိအရဆုပ်ကိုင်လိုက်တဲ့အခါမှာတော့…. အတော်လန်းတဲ့အိပ်ရာခန်းတွေပါဝင်ပြီး မင်းသမီးကလည်း လုံးဝ ဆက်စီဒိုင်းနမိုက်လေးမို့ ခံစားကြည့်ကြပါ… File Size 793MB Quality : WEB-DL720p Format…mp4 Duration…01:35:00 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

Volcano High (2001) ကိုရီးယားဇာတ်ကား ကြည့်ရှုသူတိုင်း မစိမ်းမဲ့ မင်းသား၊ မင်းသမီးတွေ မြိုင်မြိုင်ဆိုင်ဆိုင် ပါဝင်ထားတဲ့ ရုပ်ရှင်ဇာတ်ကားဟောင်း တစ်ကားကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ ဖရိုဖရဲဖြစ်နေတဲ့ လောကကြီးကို အုပ်စိုးနိုင်မယ့် ဆက်ခံသူသာ လက်ဆင့်ကမ်းနိုင်မယ့် “လျှို့ဝှက်ကျမ်းစာအုပ်” တစ်အုပ် ရှိပါတယ်။ ဝမ်ဆန်ဟိုအထက်တန်းကျောင်းမှာလည်း ကျောင်းအုပ်ဆီကနေ ဒီကျမ်းစာအုပ်ကို ရနိုင်ဖို့ လှုပ်လှုပ်ခတ်ခတ်နဲ့အချင်းချင်း သူတစ်လူ ငါတစ်မင်း အုပ်စုဖွဲ့ အားပြိုင်နေကြချိန်။ ဒီလိုနဲ့ မိုးကြီးလေထန်တဲ့တစ်နေ့မှာ ၉ ကျောင်းမြောက် ကျောင်းပြောင်းလာတဲ့ ဂင်မ်ဂယောင်ဆူးလည်း ဝမ်ဆန်ဟိုအထက်တန်းကျောင်းဆီ ရောက်လာပါတော့တယ်။ ဒီကျောင်းမှာတော့ အေးအေးချမ်းချမ်းနဲ့ ကျောင်းပြီးဖို့ပဲ မျှော်လင်ထားတဲ့ ဂင်မ်ဂယောင်ဆူးတစ်ယောက် ဝမ်ဆန်ဟိုကျောင်းက တိုက်ပွဲတွေကို ရှောင်ရှားနိုင်မလားဆိုတာကို ဟာသနှောပြီး ကြည့်ရှုရမှာပဲဖြစ်ပါတယ်။ အညွှန်းနဲ့ဘာသာပြန်ကတော့ Su Myat ဖြစ်ပါတယ် Genre….. Action, Comedy, Fantasy Quality…. 1080p WEB-DL | 720p WEB-DL File size… 3.1GB | 1.5GB Format… mp4 Duration…. 2h Subtitle…. Myanmar Subtitle (Hardsub) Translator ….. Su Myat Encoder ….. Aaron

Adrenaline (2023) Andrenaline အက်ရှင်ကားကို ဒါရိုက်တာ Massimiliano Cerchi က စီစဥ်ရိုက်ကူးတင်ဆက်ထားပါတယ်။ အလုပ်ကိုပဲ ဇောက်ချလုပ်တတ်တဲ့ FPI အေးဂျင့် ဗစ်တိုးရီးယားဟာ အလုပ်ကြိုးစားလွန်းတာကြောင့် သူ့အထက်လူကြီးက နယ်ဝေးကို အပန်းဖြေဖို့ဆိုတဲ့ အကြောင်းပြချက်နဲ့ ပို့ခံလိုက်ရပါတယ်။ ဗစ်တိုးရီးယားကတော့ ဒါ သူ့ကို သက်သက်ညစ်လိုက်တာလို့ယူဆနေပါတယ်။ ဒါပေမယ့်ဖြစ်ချင်တော့ အပန်းဖြေခရီးမှာပဲ သူ့အတွက် လုပ်စရာတွေရှိလာပါတော့တယ်။ တဖက်မှာလဲ သူ့မိသားစုဟာ သူ့ကြောင့် ဒုက္ခရောက်ရတာမျိုး ကြုံလာတဲ့အခါ ပြသနာတွေကို သူပြန်ပြီးဖြေရှင်းနိုင်ပါ့မလားဆိုတာကတော့.. (အညွှန်းနဲ့ဘာသာပြန်ကတော့ Thy Santa ဖြစ်ပါတယ်။) File size…(1.5 GB) / (750 MB) Quality….Blu-Ray 1080p HEVC / 720p Format…. mkv/mp4 Genre….Action, Crime Duration….01:15:37 Subtitle….Myanmar Subtitle (Hardsub) Encoder….Benjamin Translated by Thy Santa

Shonk Sardari Da (2023) ပန်ဂျက်လူငယ် ဒီတစ်ခါတင်ဆက်ပေးမယ့် ဇာတ်ကားကတော့ 2023 ခုနှစ်ထွက် ပန်ချာပီစကားပြော ဇာတ်ကားပဲဖြစ်ပါတယ်။ ဇာတ်လမ်းအကျဉ်းကတော့ တက္ကသိုလ်တစ်ခုလုံးရဲ့ ကျောင်းသားခေါင်းဆောင် ဂိုပီဟာ ရည်မှန်းချက်တွေအပြည့်နဲ့ ဝန်ကြီးချုပ်တစ်ဦးဖြစ်ဖို့ကြိုးစားနေပါတယ်။ သူတို့ကျောင်းမှာ ကျောင်းသားခေါင်းဆောင်ရွေးချယ်ပွဲရောက်တာနဲ့ ကျောင်းသားတွေတစ်ဖွဲ့နဲ့တစ်ဖွဲ့ ရန်ဖြစ်ရိုက်နှက်ကြတဲ့ ထုံးစံကြီးရှိနေပါတယ်။ ဂိုပီကတော့ ကျောင်းသားအားလုံးကို စည်းလုံးစေချင်ပြီး ပန်ဂျပ်လူငယ်တိုင်းကို လမ်းမှန်ရောက်ဖို့ လမ်းညွှန်ပေးချင်တာကြောင့်သာ ရွေးကောက်ပွဲဝင်ဖို့ကြိုးစားခဲ့တာဖြစ်ပါတယ်။ ဒီတော့ ကျောင်းသားခေါင်းဆောင် ဂိုပီတစ်ယောက် ရည်ရွယ်ထားတဲ့အတိုင်း ရွေးကောက်ပွဲအောင်နိုင်မလား.. ဒီခရီးလမ်းမှာ ဘယ်လိုအနှောင့်အယှက်တွေနဲ့ကြုံရဦးမလဲဆိုတာကိုတော့ အဆုံးထိဆက်လက်ကြည့်ရှုပေးပါဦးဗျာ။ ( ဇာတ်ကားနဲ့အညွှန်းကိုတော့ CM Bollywood Team မှ တင်ဆက်ပေးထားပါတယ် )

ခုတစ်ခေါက်တင်ဆက်ပေးမယ့်ဇာတ်ကားလေးကတော့ Action အမျိုးအစားဇာတ်ကားလေးပဲ ဖြစ်ပါတယ် ဒီဇာတ်လမ်းလေးမှာဆိုရင် မီးခံသေတ္တာဖောက်ပါရဂူ တစ်ယောက်နဲ့ သူ့ရဲ့မိတ်ဆွေဟောင်းတို့ ပြန်ဆုံကြပြီး ငွေခိုးယူမှုလုပ်ကြပုံကို စိတ်ဝင်စားဖွယ် ကြည့်ရှုခံစားရမှာ ဖြစ်ပါတယ်….. Landon Mooney ဟာ ဆိုရင် မီးခံသေတ္တာဖောက်ဝိဇ္ဇာ တစ်ယောက်ဖြစ်ပြီး ဘဏ်ဖောက်ထွင်းမှုတွေကို လုပ်ကိုင် ခဲ့သူတစ်ယောက်ဖြစ်ပါတယ် သို့သော်လည်း သူဟာ ကတိ မတည်တတ်သူတစ်ယောက်ဖြစ်တဲ့အတွက်ကြောင့် အလုပ် အတူတွဲလုပ်ခဲ့သူကို ဝေစုမပေးဘဲ ထွက်ပြေးရာ မိတ်ဆွေဟောင်း အကြွေးရှင်ရဲ့ လိုက်လံရှာဖွေမှုကို ခံရပါတော့တယ်.. မိတ်ဆွေဟောင်း အကြွေးရှင်ဟာလည်း ထောင်ကျနေသူဖြစ်တဲ့ အတွက် တူဖြစ်သူ Elvis ထံ တာဝန်ပေးလျက် Mooney ကို ရှာဖွေစေခဲ့ပါတယ်.. အရက်သောက် လောင်းကစားလုပ်ကာ ခိုးရာပါ ဒေါ်လာ ၁ သိန်းခွဲကို ဖြုန်းတီးပစ်ကာ ကိုယ်ပိုင်အိမ်မရှိဘဲ မြေးမတစ်ယောက်အိမ်မှာ ကပ်နေရသူ Mooney နဲ့ Elvis တို့ ဆုံရချိန်မှာတော့ အကြွေး ပေးစရာဘာပိုင်ဆိုင်မှုမှမရှိသော Mooney တစ်ယောက်ဟာ အသတ်ခံရမယ့်ဘေးကို ဆိုက်ရောက်လာပါတော့တယ် သို့သော်လည်း Elvis ဟာ စိတ်ရင်းကောင်းသူတစ်ယောက်ပီပီ Mooney တစ်ယောက် အသတ်မခံရရေးအတွက် အကြွေးဆပ်ရမည့် ငွေရှာဖွေနိုင်မယ့်နည်းလမ်းရှာဖွေပေးဖို့ အတင်းအကြပ်ပြောဆို လာချိန်မှာတော့ အကြံအစည်ရှိပြီးသား Mooney ဟာ ချက် လက်မှတ်နှင့်ငွေလဲဌာနကို ပစ်မှတ်ထားမည့် ဖောက်ထွင်းမှု အစီအစဉ်ကို ချပြလာပါတော့တယ်… Mooney တစ်ယောက်ဟာ ရှေ့မီနောက်မီဖြစ်သူပီပီ မြို့အတွင်း အဆောက်အဦများအကြောင်း နောကြေသူဖြစ်ရာ ဖောက်ထွင်းမှုကို လွယ်လွယ်ကူကူပဲ တစ်ပတ်အတွင်းအစီအစဉ်ချပြီး ၈ ရက် မြောက်တဲ့နေ့ ဖောက်ထွင်းမှုလုပ်ချိန်မှာ မထင်မှတ်ထားတဲ့ အလှည့် အပြောင်းတွေ ပေါ်ပေါက်လာတဲ့နောက်မှာတော့… ဒီကားလေးဟာဆိုရင် ဇာတ်လမ်းဇာတ်ကွက် ချိတ်ဆက်မှုကောင်းပြီး ဇာတ်သဘောအချိုးအကွေ့တွေနဲ့ ပရိသတ်ကို လှည့်စားထားလို့ Action ကားချစ်သူများ Thriller ကားချစ်သူများရဲ့စိတ်ကို အာသာပြေ စေနိုင်မယ့်ကားလေးဖြစ်ကြောင်း ညွှန်းဆိုတင်ဆက်ပေးလိုက်ရပါတယ်ခင်ဗျာ….. File size… (1.08 GB) / (663 MB) Quality… WEB-DL 1080p HEVC / 720p Format…mkv / mp4 Duration….1h 30m Genre …. Crime , Drama Subtitle….Myanmar Subtitle (Hard Sub) Encoder….Min Wai Translated by Ye Thiha Htet

ချစ်ခြင်းမေတ္တာဟာ တကယ့်ကိုပဲ ဘဝတစ်ခုလုံးကို ပေးဆပ်နိုင်လောက်အောင်အထိ စစ်မှန်တတ်တယ်ဆိုတာကို (၁၉၆၂)ခုနစ် ထွက်ရှိခဲ့တဲ့ ဒရာမာဇာတ်လမ်းကောင်း “Walk on the Wild Side”မှာ ခံစားလိုက်ရပါတယ်။ ခြေသလုံးအိမ်တိုင် လျှောက်သွားနေတဲ့ ဒက်ဘ်ဆိုတဲ့ အမျိုးသားက သူနဲ့ဝေးကွာနေခဲ့ပြီး အဆက်ပြတ်နေခဲ့တဲ့ ချစ်ရတဲ့အမျိုးသမီးလေး ဟယ်လီကို သူ(မ)ရှိမယ်ထင်မိတဲ့အရပ်ဆီ ရှာပုံတော်ဖွင့်ပါတော့တယ်။ ဝေးခဲ့တဲ့အချိန်တွေလည်း ကြာလှပြီ။ ဘယ်ဆီရောက်လို့ ဘာတွေဖြစ်နေပြီလဲ မသိရတဲ့သူကိုမှ ရမ်းသန်းပြီး ရှာနေရတာက သိပ်ကို ခံစားရ နာကျင်လွန်းလှပါတယ်။ သူ မျှော်လင့်ထားခဲ့သလိုမျိုး ဟယ်လီက သူ့ကို သစ္စာရှိရှိနဲ့ စောင့်နေခဲ့ပါ့မလား။ သူတို့တွေ ပြန်ဆုံကြရင်ကော ပျော်ကြရမှာလား။ (၁၉၀၀)ကျော်လောက်က ထွက်ရှိခဲ့တဲ့ ဇာတ်ကားဆိုပေမယ့်လည်း ဒီလိုအချစ်မျိုးဟာ တကယ်ရှိခဲ့တာလား။ တကယ်တမ်း လက်တွေ့ဘဝမှာကော ကိုယ်တကယ် ချစ်မြတ်နိုးရတဲ့သူတစ်ယောက်ကို ခွင့်လွှတ်ခြင်းကိုသာ ပဓာနထားပြီးတော့ သူ ဘာတွေလုပ်ခဲ့လုပ်ခဲ့၊ သူ ဘယ်လိုတွေဖြစ်ခဲ့ဖြစ်ခဲ့ အပြစ်မမြင်ဘဲ ချစ်နိုင်ကြလားဆိုတဲ့ မေးခွန်းတွေကိုတောင် ထုတ်မိသွားစေနိုင်လောက်မယ့် ဇာတ်ကားတစ်ခုဖြစ်တယ်လို့​ တွေးမိပါတယ်။ ဟောင်းပေမယ့်လည်း ခံစားသက်ဝင်လို့ ကောင်းနေဆဲဖြစ်တဲ့၊ အချစ်ဆိုတာကို ဖော်ကြူးထားတဲ့ အချစ်ဇာတ်လမ်းဟောင်းလေးကို ဂန္တဝင်အချစ်ဇာတ်လမ်းလေးတစ်ပုဒ်လို့များ သတ်မှတ်မိသွားမလား၊ ဒါဟာ တလွဲဆံပင်ကောင်းတာပါ၊ ရူးမိုက်တာသပ်သပ်ပါကွာလို့များ တွေးမိမလားဆိုတာကိုတော့ “Walk on the Wild Side (1962)”ဆိုတဲ့ ဇာတ်လမ်းလေးကို ကြည့်ရှုခံစားရင်း ချစ်ခြင်းေမတ္တာရဲ့ နူးညံ့မှုနဲ့ ချစ်ခြင်းအစစ်အမှန်ကြောင့် ဖြစ်ပေါ်လာတတ်တဲ့ သတ္တိတွေ ရဲရင့်မှုတွေကိုပါ ကြည့်ရှုခံစားလို့ရပြီပဲဖြစ်ပါတယ်။ File size… 2.4 GB / 1.2 GB Quality… BluRay 1080p / 720p Format… mp4 Duration…. 1h 54m Genre ….. Drama Subtitle…. Myanmar Subtitle (Hard Sub) Encoder…. Thit San Khant Translated… by Doros

Return to Paradise (1998) IMDb Rating (6.9) / Rotten Tomatoes (70%) ဒီဇာတ်ကားကတော့ အော်စကာဆုရှင်တစ်ဦးဖြစ်တဲ့ Joker မင်းသားကြီး Joaquin Phoenix နဲ့ နာမည်ကြီးဟာသမင်းသားတစ်ယောက်ဖြစ်တဲ့ Cince Vaughn တို့ ငယ်စဉ်တုန်းက ရိုက်ကူးခဲ့တဲ့ ရိုမန်တစ်ဆန်ဆန် ဒရာမာဇာတ်ကားတစ်ကားဖြစ်ပါတယ်။ 1998 တုန်းက ထွက်ရှိထားတယ်ဆိုပေမယ့် IMDB မှာ 6.9 အထိရထားတာမလို့ Oldie but Goodies ထဲပါတဲ့ ဇာတ်ကားတစ်ကားလို့ဆိုရမှာပါ။ ဇာတ်လမ်းအကျဉ်း ရှဲရက်ဖ်၊ လူးဝစ်နဲ့ တိုနီတို့ သုံးယောက်ဟာ လွန်ခဲ့တဲ့ ၁၀စုနှစ် တစ်ခုစာလောက်က အခုလက်ရှိ လူဖြူတွေလိုမျိုးပဲ ထိုင်းမှာခဏတာသွားပြီး ပျော်ပါးခဲ့ကြပါတယ်။ ထိုင်းရဲ့ tourist တွေကို ဆွဲဆောင်ချက်အလျောက် အမျိုးသမီးတွေ ဆေးခြောက်တွေကတော့ လူဖြူတွေကြားမှာ တမ်းတမ်းစွဲပါပဲ။ တစ်နေ့မှာတော့ ရှဲရက်ဖ်တို့ သူငယ်ချင်းသုံးယောက်ဟာ ဆေးခြောက်တွေကို စျေးတော်လို့ဆိုပြီး ဂရမ်အများကြီးဝယ်စုထားခဲ့ကြပါတယ်။ ဖြစ်ချင်တော့ သူတို့ရဲ့ မွေးရပ်မြေ အမေရိကကို ပြန်ချိန်ရောက်လာပေမယ့် ဆေးခြောက်ကို သုံးလို့မကုန်တဲ့အတွက် ထိုင်းတစ်ဝိုက်မှာပဲဆက်နေပြီး တောရိုင်းတိရစ္ဆာန်ကယ်ဆယ်ရေးလုပ်မယ့် တိုနီနဲ့ သူတို့ဝေါ်ကီးတွေကိုချန်ခဲ့လိုက်ပါတယ်။ ကံမကောင်းစွာနဲ့ဘဲ တစ်ချိန်ကထိုင်မှာရှိနေစဉ်ရှဲရက်ဖ်တစ်ယောက် စက်ဘီးငှားပြီး ငှားထားတဲ့ဟာကို လမ်းတစ်လျှောက်လုံးပြန်သယ်သွားရမှာစိုးပြီး လွှတ်ပစ်လိုက်တာကို အဲဒီပိုင်ရှင်က ရဲခေါ်ပြီး ရှဲရက်ဖ်တို့နေခဲ့တဲ့ တိုနီတစ်ယောက်ထဲပဲကျန်နေခဲ့တဲ့အိမ်ကို ရဲတွေခေါ်လာတဲ့အခါမှာ ဆေးခြောက်တွေအများကြီးကိုဖမ်းမိသွားပါတယ်။ အဲဒီတုန်းက ဆေးခြောက်တွေကိုဆိုတာ ထိုင်းမှာသုံးလို့ရပေမယ့် ဂရမ်အများကြီးဖြစ်နေရင် ရောင်းဝယ်ဖောက်ကားမှုပုဒ်မနဲ့ဖမ်းဆီးခံရတတ်ပါတယ်။ ဒီလိုနဲ့ တိုနီဟာ ထိုင်းရဲတွေရဲ့ဖမ်းဆီးခြင်းကို ခံရပြီး သူ့သူငယ်ချင်းတွေက ထိုင်းပြန်လာပြီး သူတို့အပြစ်ကို သူတို့အထိုက်အလျောက်လာမခံရင် တိုနီဟာ နောက်ဆုံးမှာ အကြီးဆုံးပစ်ဒဏ်နဲ့တရားစီရင်ခံရဖို့ဖြစ်လာခဲ့ပါတယ်။ ဒီလိုနဲ့ တစ်ချိန်က သူတို့အတွက် နတ်ပြည်ဖြစ်တဲ့ ထိုင်းနိုင်ငံဆီကို ရှဲရက်ဖ်နဲ့ လူးဝစ်တို့ ဘယ်လိုပြန်သွားကြမလဲဆိုတာ ဒီဇာတ်ကားထဲမှာ မြင်တွေ့ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (2.3 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Drama, Romance, Thriller Duration…. 01:53:05 Subtitle…. Myanmar Subtitle (Hardsub) Encoder…. Benjamin Translated by Mark