ဆယ်ကျော်‌သက်ကျောင်းသားအချစ်ဇာတ်မြူးကားလေးတွေကို ကြိုက်တတ်တဲ့သူတွေအတွက် (၂၀၁၂) ထွက် The First Time ဆိုတဲ့ ကျောင်းသားကား‌လေးတစ်ကားနဲ့ မိတ်ဆက်ပေးချင်ပါတယ်။ ပါတီပွဲတစ်ပွဲမှာ ထူးဆန်းစွာတွေ့ဆုံကြရင်း ပေါက်ဖွားလာတဲ့ခံစားချက်တွေကြားက ဒေးဗစ်ဆိုတဲ့စီနီယာအထက်တန်းကျောင်းသားလေးနဲ့ အော်ဘရီဆိုတဲ့ ဂျူနီယာအထက်တန်းကျောင်းသူလေးတို့ရဲ့ အချစ်ဇာတ်လမ်းကို ပုံဖော်ရိုက်ကူးထားတာဖြစ်ပါတယ်။ လူတစ်ယောက်ဟာ တခြားလူတစ်ယောက်ကိုချစ်သွားဖို့အတွက် အချိန် (၂) စက္ကန့်ပဲလိုပါတယ်လို့ ဖတ်ဖူးပါတယ်။ ဒေးဗစ်နဲ့အော်ဘရီကြားမှာ ပေါက်ဖွားလာတဲ့သံယောဇဉ်ကြိုးဟာလည်း အချိန်တိုတွင်းနှစ်ယောက်သားကို ချည်နှောင်လိုက်တာပဲဖြစ်ပါတယ်။ ပေါ့ပေါ့ပါးပါးဇာတ်မြူးကားလေးပဲဖြစ်တာမို့ ထူးထူးခြားခြားဇာတ်လမ်းအတက်အကျတွေ သိပ်မပါဘဲ ခပ်အေးအေးလေးပဲသွားမဲ့ ဇာတ်လမ်းသွားမျိုးဖြစ်ပါတယ်။ ဒီလိုပြောလို့ ပျင်းစရာကြီးနေမှာပါလို့ ထင်ကြမဲ့ပရိသတ်ကြီးအတွက်လည်း IMDB rating က 6.8 ထိရရှိထားတဲ့ သေချာပေါက်ကြည့်ရကျိုးနပ်စေမဲ့ ဇာတ်ကားတစ်ကားဖြစ်ကြောင်း ပြောပြရစေခင်ဗျာ။ အဓိကဇာတ်ဆောင်တွေအနေနဲ့ ဒေးဗစ်အဖြစ် မင်းသား Dylan O'Brien က ပါဝင်သရုပ်ဆောင်ထားပြီး The Maze Runner, Teen Wolf စတဲ့ရုပ်ရှင်ဇာတ်လမ်းတွေမှာ မြင်တွေ့ဖူးထားသူမို့ မျက်နှာသစ်မင်းသားတစ်လက်တော့ မဟုတ်ပါဘူး။ အော်ဘရီနေရာကသရုပ်ဆောင်ထားတဲ့ မင်းသမီး Britt Robertson ကလည်း စာရေးဆရာကြီး Nicholas Sparks ရဲ့ Movie adaptation ဖြစ်တဲ့ The Longest Ride, Tomorrowland စတဲ့ movie တွေမှာ အဓိကဇာတ်ဆောင်အဖြစ် ပါဝင်ဖူးသူမို့ ဒီဇာတ်ကားက နာမည်ရမင်းသား၊ မင်းသမီးတွေနဲ့ မြိုင်မြိုင်ဆိုင်ဆိုင်ရိုက်ကူးတင်ဆက်ထားတဲ့ rating ကောင်းကောင်း‌ဇာတ်ကားကောင်းတစ်ကားပါလို့ ပြောပါရစေခင်ဗျာ။ File size…(1.6 GB)/(850 MB)/(500 Mb) Quality….Webrip 1080p / 720p / 480p Format…mp4 Duration….01:35:00 Genre...Drama, Comedy, Romance Subtitle….Myanmar Subtitle (Hardsub) Encoder….Mr. Anderson Translated by Mariposa

Breaking the Surface (2006) ဒီကားက Erotic ကားပေမဲ့ ဇာတ်အိမ်ကို တော်တော်သပ်သပ်ရပ်ရပ်လေးရော ပညာပေးဆန်ဆန်ရော ပုံဖော်ထားတဲ့ ရုပ်ရှင်ပါ။ Erotic ထဲတော့ တော်တော်သပ်ရပ်ပါတယ်။ ဆုတွေဘာတွေတောင် ရထားပါသေးတယ်။ Erotic ပေမဲ့ Indie ကားလိုလို ဘာလိုလိုလည်း ခံစားရမယ့်ရုပ်ရှင်ပါပဲ။ အရမ်းတော့ ဆိုးဆိုးရွားရွားကြီးမဟုတ်ပေမဲ့ မထိတထိနဲ့ အသည်းထဲ ငြိချင်ရင်တော့ ကြည့်သင့်တဲ့ ရုပ်ရှင်ပါပဲ။ ဇာတ်အိမ်ကတော့ အမျိုးသမီးအသားပေးပါ။ ဓာတ်ပုံကျောင်းတက်နေတဲ့ ကျောင်းသူလေးဟာ ကျောင်းနဲ့အလုပ်ကြား နှစ်ဖက်နင်းနေတုန်း အချစ်လို့ခေါ်တဲ့အရာနဲ့တွေ့လာတယ်။ အချစ်လို့ခေါ်တဲ့အရာနဲ့ အမှားအယွင်းတွေဖြစ်လာသလို အလုပ်နဲ့ကျောင်းကြားလည်း အမှားအယွင်းတွေဖြစ်လာတယ်။ ၂၀ကျော် လမ်းပျောက်တုန်းအရွယ်ရဲ့ အနုပညာနဲ့ မိုက်ရူးရဲဆန်စိတ်ကြောင့် ကိုယ့်စိတ်တိုင်းကျ ဖော်ပြမခံရတဲ့ ဓာတ်ပုံတွေအတွက် ခေါင်းမာရင်း ဘာတွေဘယ်လိုဆက်ဖြစ်မလဲ ကြည့်ရမှာပါ။ ဘဝထဲ ရေလိုက်ငါးလိုက် မနေနိုင်ခဲ့တဲ့ ကလေးမလေးတစ်ယောက်ရဲ့ ရေနည်းငါးဘဝအကြောင်းကို Erotic ကားပေမဲ့လည်း သေချာအသက်သွင်းပြသွားတာမို့ Erotic အခန်းတွေဖယ်လိုက်ရင်တောင် ရုပ်ရှင်ကောင်းတစ်ကားပါပဲ။ (ဒီဇာတ်ကားနဲ့အညွှန်းကို "___" မှ ပြန်ဆို ရေးသားထားပါတယ်) Size - 1.45GB, 720MB Quality - 720p, 480p IMDb Rating - 5.2/10 Format - mp4 Duration - 1H 32Min Genre - Drama Subtitle - Myanmar Subtitle (Hardsub) Translated by "___" Encoded by RGB

Rocky IV မှာ သေဆုံးခဲ့တဲ့ Apollo Creed ရဲ့သားဖြစ်သူ Adonis Creed အကြောင်းဖြစ်ပြီး၊ ရော့ကီ က သူ့သူငယ်ချင်းရဲ့သားဖြစ်သူကို လက်ဝှေ့ပညာလေ့ကျင့်သင်ကြားပေးပြီး အောင်မြင်မှုရအောင်ကူညီ ပေးတဲ့အကြောင်းကို ဇာတ်လမ်းဆင်ထားတာဖြစ်ပါတယ်။ လက်ဝှေ့ ဆိုတာ အခြားအားကစားနည်းတွေလိုမျိုးမဟုတ်ပါဘူး။ ချွေးထွက်များမှ သွေးထွက်နည်းမယ်။ အနာခံမှ အသာစံရပါမယ်။ လေ့ကျင့်မှုကောင်းဖို့ လိုသလို ကြိုးဝိုင်းထဲမှာလဲ ဇွဲနပဲကောင်းဖို့လိုပါတယ်။ ဒီကားမှာ လက်ဝှေ့သမားတစ်ယောက်ရဲ့ကြံ့ခိုင်မှု၊ စိတ်ဓာတ်မာကျောမှု တို့ကိုပေါ်လွင်အောင်ရိုက်ပြထားနိုင်တာကြောင့် သင်ဟာ လက်ဝှေ့ဝါသနာ ပါသူ မဟုတ်လင့်ကစားဒီကားကို သဘောကျသွားနိုင်ပါတယ်။ အော်စကာ ဆုအတွက် ဇကာတင်စာရင်းဝင်ခဲ့တဲ့ဇာတ်ကားဖြစ်သလို IMDB Rating ကလဲ7.6/10 ဖြစ်တာကြောင့်သင်ဟာ လက်ဝှေ့ဝါသနာပါသူ၊ Rocky ကားတွေ ကြိုက်နှစ်သက်သူဆိုရင်တော့ ဒီကားကိုလုံးဝကြည့်သင့်ပါတယ်လို့ အကြံပြုပါရစေ။ (ဇာတ်လမ်းအညွှန်းနဲ့ဘာသာပြန်သူကတော့ ကိုဟိန်းမင်းထွန်းပါ) File Size : (950 MB)  Quality : Blu-Ray 720p Running Time : 2hr 13min Format : Mp4 Genre : Drama, Sport Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Hein Min Tun Encoded by Thanhtike Zaw

ဇာတ်လမ်းအကျဉ်း _ အရှင်ရှီဝဘုရားကျောင်းရဲ့ မြေအောက်ဘက်မှာ တန်ဖိုးမဖြတ်နိုင်တဲ့ရတနာတွေရှိနေကြောင်းသိရှိသွားတဲ့ လူရမ်းကားတစ်စုဟာ ဒီရတနာတွေကိုသိမ်းပိုက်ဖို့ အကြံမျိုးစုံထုတ်နေပါတယ်.... ဘန်ဂါရာဂျူးနဲ့ နာဂါ့လက်ချမီးတို့နှစ်ယောက်ကတော့ကံကြမ္မာဇာတာခွင်အရ အရှင်ရှီဝနဲ့ ပါဗသီတို့ရဲ့ဇာတာခွင်နဲ့ကိုက်ညီစွာမွေးဖွားလာခဲ့သူတွေပါ သူတို့နှစ်ယောက်သာ ယူဖြစ်သွားရင် ကောင်းချီးတွေပဲပေါကြွယ်ဝမယ်ပေါ့ ဒါပေမယ့် မယူခင်အထိမှာတော့ များစွာတဲ့ ဘေးအန္တရာယ်တွေကို ကျော်ဖြတ်ရမယ့်ဇာတာကလည်းရှိနေပါတယ် ဘန်ဂါရာဂျူးကိုမွေးပြီးပြီးချင်းမှာပဲ မိခင်ဖြစ်သူသေဆုံးသွားခဲ့ပြီး အဖေဟာလည်း ဒီဖြစ်ရပ်ကိုမေ့ပစ်ဖို့အမေရိကန်ကိုထွက်သွားပါတော့တယ် သိပ်မကြာခင်မှာပဲ အဖွားဖြစ်သူပါဆုံးပါးသွားတာကြောင့် ဘုရားသခင်ဆိုတာကိုအယုံအကြည်မရှိတော့တဲ့ရာဂျူးနဲ့... နာဂါ့လက်ချမီးကတော့ အရာရာမှာဉီးဆောင်နိုင်စွမ်းရှိတဲ့ မိန်းကလေးတစ်ယောက်ပါရွာသူကြီးလုပ်မယ်ဆိုပြီး ရွာကိုတက်အုပ်ချုပ်နေတော့ မတည့်အတူနေ ရာဂျူးတစ်ယောက် နောက်ကွယ်ကနေလိုက်စောင့်ရှောက်ရပါတော့တယ် ဒီလိုနဲ့ ဘုရားပစ္စည်းခိုးဖို့ကြံနေတဲ့လူမိုက်တွေနဲ့ သူတို့နှစ်ယောက် တွေ့ဆုံကြတဲ့အခါမှာတော့ ရာဂျူးတစ်ယောက်ဘယ်လို အန္တရာယ်အခက်အခဲတွေနဲ့ရင်ဆိုင်ရပြီး ကာကွယ်သွားရမလဲဆိုတာ စိတ်ဝင်တစားကြည့်ရှုရမှာဖြစ်တာကြောင့် အိန္ဒိယဇာတ်ကားကောင်းရှာဖွေနေသူတွေအဖို့ ဇာတ်လမ်းကောင်းတစ်ပုဒ်ကိုလက်မလွှတ်တမ်းကြည့်ရှုနိုင်ဖို့တင်ဆက်ပေးလိုက်ရပါတယ်ရှင် (အညွှန်းရေးသားသူက Yunni ဖြစ်ပြီး ဘာသာပြန်တွေကတော့ Yunni & Go-O & Allena &  Haruko)ပဲဖြစ်ပါတယ် File size…1.6GB / 3.2GB Quality…720p AAC 2.0CH  /  1080p AAC 2.0CH Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Yunni & Go-O & Allena &  Haruko

၂၀၁၆ ခုနှစ် ဇန်နဝါရီလ ၂၂ ရက်မှာထွက်ရှိခဲ့တဲ့ ဒီကားဟာ ထူးထူးခြားခြားဘဲ IMdb rating မှာ 9.1/10 ရှိထားတာကိုတွေ့ရပါတယ်။ ဒီဇာတ်ကားဟာ ၁၉၉၀ မှာ အီရတ်တွေ ကူဝိတ်ကို ကျူးကျော်ဝင်ရောက်ချိန်မှာ အိန္ဒိယနိုင်ငံသားတွေကို ကူဝိတ်မှာ ရှင်းလင်းသတ်ဖြတ်ခံရတဲ့ ဖြစ်ရပ်မှန်ကို အခြေခံပြီးရိုက်ကူးထားတာဖြစ်ပါတယ်။ ဒီဇာတ်ကားဟာဆိုရင်ဖြင့် သာမန်တွေ့မြင်နေကြ ဘောလိဝုဒ်ကားတွေနဲ့ မတူတာတခုကတော့ ရုပ်ရှင်ဒါရိုက်တာ ၂ယောက်က ရိုက်ကူးထားခြင်းဖြစ်ပြီး ပုံမှန်ကြည့်နေကြ ဘောလိဝုဒ် ဇာတ်ကားတွေနဲ့ မတူဘဲ တမူထူးခြားကွဲထွက်နေတာကိုတွေ့ရမှာပါ။ ၂၀၁၄ ခုနှစ် က စာရင်းကောက်ယူချက်များအရဆို အိန္ဒိယ အစိုးရဟာ ဆန္ဒဟူဆိန်ရဲ့ တပ်များကျူးကျေ်ာမှုကြောင့် ကူဝိတ်နိုင်ငံမှ အိန္ဒိယနိုင်ငံသားများကို Air India လေကြောင်းလိုင်းဖြင့် ၅၉ရက်အတွင်း ပျံသန်းမှုပေါင်း၄၈၈ကြိမ်ပြုလုပ်ခဲ့ပြီး လူပေါင်း တသိန်းတသောင်းတထောင်ခုနှစ်ရာခုနှစ်ဆယ့်နှ်စ့်ယောက် ကိုရွေ့ပြောင်းပေးခဲ့ရပါတယ်။ ဒီဇာတ်ကားက သမိုင်းကြောင်းတခုတည်းကိုသာမကဘဲ စစ်အတွင်း ငွေကြေးအာဏာတွေရဲ့ အရေးပါပုံ လူ့စရိုက် သဘောသဘာဝတွေကိုပါ မီးမောင်းထိုးရိုက်ကူးပြသပေးထားလို့ အများကြီးမညွှန်းတော့ပါဘူးဗျာ။ဘောလိဝုတ်ပရိတ်သက်တွေကတော့ အကြိုက်တွေ့မယ်ဇာတ်ကားကောင်းတကာားပါ။ File size...(900MB) Quality...BR-Rip 720p Format...mp4 Duration....02:11:24 Subtitle....Myanmar Subtitle (Hardsub) Encoder....Aung Pyay Translator.....Tariq L Walker

Beyond the Neon (2022) ================== IMDb Rating – 5.7/10 ဒီဇာတ်လမ်းမှာ ဂျိုဝီဆိုတဲ့ Youtuber တစ်ယောက်နဲ့ သူ့အဖွဲ့သားတွေက လူမှုရေးစမ်းသပ်တဲ့ဗီဒီယိုတွေ ရိုက်ကူးရင်းနဲ့ လပ်ဗီးဂတ်စ်က ဟိုတယ် တစ်ခုမှာ ပြည့်တန်ဆာမလေးနဲ့ အမေးအမြန်းလုပ်ထားတဲ့ဗီဒီယိုတစ်ခုက ရေပန်းစားသွားတယ်။ အဲ့ဗီဒီယိုကြောင့် (၇)နှစ်လောက်ခွဲခွာနေရတဲ့ အမ ဖြစ်သူ ထရေစီ နဲ့ အဲ့ပြည့်တန်ဆာမလေးတို့ကို အတူပြန်ဆုံစည်းပေးဖို့ ကြိုးစားကြတဲ့အကြောင်းရိုက်ကူးကြမယ်ဆိုပြီး လုံးဝခက်ခက်ခဲခဲနဲ့ အန္တ ရာယ်တွေကြားမှာ နီယွန်မီးရောင်တွေရဲ့နောက်ကွယ်အထိပါ သတင်းအစ အနတွေကို ဘယ်လိုကြိုးစားရှာဖွေကြမလဲ…ဘာတွေ ကြုံတွေ့ကြမလဲ ဆိုတာ ကြည့်ရှုရမှာဖြစ်ပါတယ်။ ဒီဇာတ်လမ်းက လပ်ဗီးဂတ်စ် ဖျော်ဖြေရေးလောကတစ်ခွင်က လိင်ကုန် ကူးခံရတဲ့အဖြစ်အပျက်တွေကို အခြေခံပြီး ရိုက်ကူးထားပါတယ်။ လိင် ကုန်ကူးခံရမှုကနေ လွတ်မြောက်လာတဲ့နစ်နာသူတွေရဲ့ အင်တာဗျူး အစစ်တွေကိုလည်း ထည့်သွင်းထားပါတယ်။ လိင်ကုန်ကူးတဲ့ဖျော်ဖြေရေး လောကကြီးမှာ ခေတ်သစ်ကျေးကျွန်စနစ်လိုမျိုးဖြစ်ပျက်နေတဲ့ ပုံစံကြီးက ဒီလို ဒီလိုတွေလည်း ရှိတယ်ဆိုတာကို မီးမောင်းထိုးပြထားတဲ့ ဇာတ်လမ်း လေးပဲဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Orika ဖြစ်ပါတယ်) File Size……….(1.56 GB) / (586 MB) / (344 MB) Quality…………WEB-RIP 1080p / 720p / 480p Duration………1Hr 27Mins Subtitle………..Myanmar Hardsub Format…………MP4 Genre…………..Crime, Mystery, Thriller Translator…….Orika Encoder……….SWM

ဒီဇာတ်လမ်းလေးကတော့ Comedyကိုမှ LGBTQ ပုံစံလေးနဲ့ ဇာတ်အိမ်တည်ထားပါတယ်…။ Dark Comedyလေးတွေနဲ့ ဗရုတ်သုတ်ခ ‌ဂေးတို့ဘဝကို ပီပီပြင်ပြင် မြင်တွေ့ရဦးမယ့်ကားလေးပါပဲ…။ ဇာတ်လမ်းနာမည်ဖြစ်တဲ့ Down Lowဆိုတဲ့အတိုင်း သိုသိုသိပ်သိပ်ဖုံးဖုံးဖိဖိနဲ့ ကြိတ်ပုန်းဂေးနေတဲ့ အိမ်ထောင်ရှင်ကြီးအကြောင်းပေါ့…။ ဇာတ်လမ်းအကျဥ်းလေးကတော့ ဂေရီဟာ နောက်တစ်လသာအသက်ရှင်ရတော့မယ့် ရောဂါရှင်အိမ်ထောင်သည်ကြီး‌ပါ…။ သူမသေခင်လေးမှာ တစ်သက်လုံးဖုံးဖိလာခဲ့တဲ့ ဆန္ဒလေးတွေကို ဖြစ်မြောက်အောင် အကောင်အထည်ဖော်ကြည့်မယ်ဟဲ့ဆိုပြီး ဂေးနေကြောင်းမိသားစုကို ဖွင့်ပြောလိုက်ပါတယ်…။ ဖွင့်ပြောပြီးချက်ချင်းပဲ ဇနီးနဲ့သားနှစ်ယောက်က ပစ်သွားလို့ တစ်ကိုယ်တည်းကြေကွဲနေရသူပေါ့…။ ဒီလိုနဲ့ ပွ့င်ချင်တာတောင် ပြည့်ပြည့်ဝဝ မပွင့်ရဲ မပွင့်တတ်တော့ပါဘူး…။ တစ်ကိုယ်တည်းဘဝဖြစ်သွားပြီးနောက် သူ့ဆန္ဒလေးတွေပြည့်ဝအောင်ဆိုပြီး ‌ ဂေးအနှိပ်သည်လေးတစ်ယောက်ကို ငှားလိုက်ပါတယ်….။ ဒီမှာစပြီး ငါးပါးမှောက်တဲ့ဇာတ်လမ်းကစတော့တာပါပဲ…။ အပုန်းကြီးနဲ့ အနှိပ်သည်လေးတို့ နှစ်ယောက်ပေါင်းလောင်းကျော်ပြီး ဘယ်လို ဗရုတ်ကျဦးမလဲဆိုတာဇာတ်လမ်းလေးထဲကြည့်ရှုလို့ရပါပြီဗျာ….။ File size…1.17GB / 469MB Quality…WEB-DL 1080p 5.1 CH/ 720p Format…mp4 Duration….1h 30m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Themes

ဖြစ်ရပ်မှန်‌ဇာတ်လမ်းကို ‌အခြေခံပြီး ရိုက်ကူးထားတဲ့ ဘာသာရေး ဇာတ်ကားလေးတစ်ကားဖြစ်ပါတယ်။ ဂွမ်ရှမ်ဗလင်လို့ခေါ်တဲ့ အမျိုးသမီးဟာ ဝိတ်ချနည်း သင်ကြားတဲ့သူတစ်ယောက်ဖြစ်ပါတယ် ဒါပေမဲ့ သူဟာ သူ့ဝိတ်သူ လိုချင်တဲ့ အနေအထားကို ထိန်းမထားနိုင်ခဲ့ပါဘူး ဒီလိုနဲ့ ဂွမ်ဟာ ဝိတ်ချနည်းကိုရှာဖွေရင်း ဝတ်ပြုရင်း ဝိတ်ချတဲ့ နည်းလမ်းကို ရှာဖွေတွေ့ရှိသွားပါတယ် ထိုနည်းလမ်းဟာလည်း တကယ်အောင်မြင်သွားပြီး ဂွမ်ထုတ်ဝေခဲ့တဲ့ စာအုပ်ဟာလည်း အောင်မြင်လာကာ ဂွမ် တစ်ယောက် ဝိတ်ချ ပရိုဂရမ်ကနေ ဘာသာရေး အသင်းတစ်ခုကိုပါ တည်ထောင်လိုက်ပါတော့တယ် ဒီလိုနဲ့ တဖြည်းဖြည်း အကြီး အကျယ် အောင်မြင်လာတဲ့ ဂွမ်တစ်ယောက် အောင်မြင်မှုကို ထိန်းထားနိုင်မလား အောင်မြင်မှုကြောင့် ဘာတွေဖြစ်လာမလဲဆိုတော့ ‌စောင့်ကြည့်ပေးကြပါဦးခင်ဗျာ…….. File size…(1.5 GB)/(670 Mb) Quality….Webrip 1080p / 720p Format…mp4 Duration….01:28:00 Genre…Drama Subtitle….Myanmar Subtitle (Hardsub) Encoder….Garfield Translated by Mia

The Taste of Things ( 2023 ) Directed by Tran Anh Hung ဗီယက်နမ်နွယ်ဖွား ပြင်သစ်ဒါရိုက်တာ Tran Anh Hungကို အနည်းဆုံးတော့ မူရာကာမိဝတ္တုကိုပြန်ရိုက်ထားတဲ့ Norwegian Wood ရုပ်ရှင်နဲ့ တော်တော်များများသိကြတယ်။ သူဟာ သူ့ရဲ့ပွဲဦးထွက်ရုပ်ရှင် The Scent of Green Papayaကစလို့ Cyclo, The Vertical Ray of the Sun , I Come with the Rain, Eternity, အခု ဒီနှစ်နောက်ဆုံးထွက်တဲ့ The Taste of Thingsအထိ ရိုက်သမျှကားတိုင်း အကုန်ကောင်းနေတဲ့ ဒါရိုက်တာလို့ပြောရမယ်။ အခု The Taste of Thingsနဲ့ Cannesမှာ Best Directorဆုလည်းရထားခဲ့တယ်။ The Taste of Thingsဟာ ပြင်သစ်ဒါရိုက်တာ ရိုက်တဲ့ ပြင်သစ်ရုပ်ရှင်ဖြစ်တဲ့အတွက် ဒီနှစ်ပြင်သစ်မှာ အော်စကာဆန်ခါတင်ဝင်ဖို့ စာရင်းတင်စရာ အဓိကရုပ်ရှင်၂ကားရှိခဲ့တယ်။ The Taste of Thingsနဲ့ Anatomy of a fallတို့ပါပဲ။ the taste of things ဟာ အော်စကာ Shortlistedထဲဝင်ခဲ့ပေမဲ့ ကံဆိုးစွာနဲ့ ဆန်ခါတင်စာရင်းထဲ ပါမလာခဲ့ဘူး။ အင်တာနေရှင်နယ်ဖီးချားမှာ ပြင်သစ်ရုပ်ရှင်ဟာ ဆန်ခါတင်မဝင်ခဲ့ဘူး။ Anatomy of a fallကိုတော့ Bpထဲအထိ ကောက်ထည့်ထားတော့ သူ့သာရွေးခဲ့ရင်တော့ ဆန်ခါဝင်ဝင်သွားလောက်မှာပဲ။ တကယ်ပဲ ပြင်သစ်ဘက်က The Taste of Thingsကို Anatomy of a fallထက် ပိုကြိုက်လို့ရွေးတာလားတော့မသိနိုင်ပေမဲ့ Anatomy of a fallရဲ့ ဒါရိုက်တာ Justine Trietဟာ ကိန်းမှာ မိန့်ခွန်းပြောတဲ့အချိန် ပြင်သစ်အစိုးရကို ဝေဖန်ခဲ့လို့ ဒီလိုလုပ်တာလို့လည်း ကောလာဟလတွေထွက်နေခဲ့တယ်။ ဘာပဲပြောပြောပါ။ သူတို့ဘယ်လိုပဲတွေးတွေး ဒီရသမတူတဲ့ ရုပ်ရှင်၂ကားကို ဘယ်ကားပိုကောင်းလဲဆိုတာက ကြည့်တဲ့လူက ဘယ်လိုရုပ်ရှင်တွေကို ပိုသဘောကျလဲဆိုတဲ့အပေါ် မူတည်နေမှာဖြစ်သလို ဒီရုပ်ရှင်၂ကားလုံးဟာ ပြောင်မြောက်တဲ့ အနုပညာတွေဖြစ်နေတဲ့အတွက် ဘယ်ကားကပိုသာတယ်လို့ တစ်ကိုယ်ရေထင်မြင်ချက်ထက်ပိုပြီး အကဲဖြတ်ခွင့်လည်း ကျွန်တော်တို့မှာ ရှိမနေပါဘူး။ The Taste of Thingsက အချက်အပြုတ်ရုပ်ရှင်တစ်ကားပဲ။ ဒါပေမဲ့ ကျွန်တော်တို့ ကြုံနေကျ အချက်အပြုတ်ရုပ်ရှင်တွေနဲ့မတူတာက ဟင်းချက်တာကိုပြတာထက် ဟင်းစားတာကိုပြတာက ပိုအလေးသာနေတဲ့ တစ်ချက်ပဲ။ ဒီရုပ်ရှင်ရဲ့ အဓိကဇာတ်ကောင်ကိုယ်တိုင်ကိုက ပြိုင်ဘက်ကင်းစာဖိုမှူးတစ်ယောက်ဖြစ်ပေမဲ့ ချက်ရတာထက် စားရတာကို ပိုအားသန်တဲ့ ဇာတ်ကောင်မျိုးအဖြစ် ပုံဖော်ထားတယ်။ ရုပ်ရှင်အရတော့ ပြိုင်ဘက်ကင်းစာဖိုမှူးပေမဲ့ ဟင်းတော့မချက်တော့ပုံပါပဲ သူ့မိတ်ဆွေတွေအတွက်နဲ့ သူ့အတွက်သူကလွဲ မချက်ဘူး။ နောက် သူကိုယ်တိုင်ချက်တာကို ကျွန်တော်တို့ တော်တော်နဲ့ မြင်ရမှာမဟုတ်ဘူး။ သူက လျှာကဝေလို့ခေါ်တဲ့ အစားကောင်းကြိုက်တဲ့လူဖြစ်တဲ့ဘက်ကို ပိုအားသန်ပြီး နည်းနာညွှန်ပြပေးပေမဲ့ တကယ်ချက်ရတဲ့ ထမင်းချက်ဟင်းချက်က သက်သက်ရှိနေတယ်။ ဒါရိုက်တာနဲ့ စီနီမာတိုဂရပ်ဖာလိုပေါ့။ အစားကောင်းအသောက်ကောင်းကြိုက်တဲ့လူဆိုတော့ သူနဲ့ အဲဒီထမင်းချက်မိန်းမက အမြဲအတူတူနေတယ်။ နှစ်ပေါင်း၂၀ကြာအောင် အတူတူနေလာပြီးတဲ့နောက် သံယောဇဉ်လည်းရှိလာသလို လိင်မှုကိစ္စတွေလည်း သူတို့ကြားမှာရှိလာခဲ့တယ်။ သူတို့ချင်း ချစ်မိလာခဲ့တယ်။ သူတို့ရဲ့ဆက်ဆံရေးကလည်း ဒီဇာတ်လမ်းရဲ့ အခရာတစ်ခုပေါ့။ တစ်နေ့သူ့ကို အူရားရှားက တော်ဝင်မင်းသားတစ်ပါးက ထမင်းစားဖိတ်လာတယ်။ သူ့စားဖိုမှူးရဲ့ လက်ရာကို လက်စွမ်းကြွားချင်တဲ့ပုံစံမျိုးပဲ။ ရေရေရာရာတောင်မပြထားဘူး။ ဒီတော့ သူနဲ့ သူ့မိတ်ဆွေတွေ ၈နာရီကြာစားရတဲ့ ဟိတ်ကြီးဟန်ကြီးနိုင်တဲ့ ဟင်းအမည်တွေ အချိုပွဲတွေ ဝိုင်တွေ တစ်မျိုးပြီးတစ်မျိုးဆက်တိုက်ချနေတဲ့ အဲဒီပွဲကို သွားစားကြတယ်။ ဟိတ်ကြီးဟန်ကြီးပေမဲ့ အနှစ်သာရမရှိလေတော့ လျှာကဝေတစ်အုပ် စိတ်ပျက်လက်ပျက်ဖြစ်ခဲ့ရတယ်ပေါ့။ ဒီနောက် သူက အဲဒီမင်းသားကို ထမင်းစားပြန်ဖိတ်ဖို့ကြံပြီး ဟင်းလျာမီနူးကို စဉ်းစားတယ်။ မင်းသားရဲ့ ထမင်းပွဲနဲ့ ဆန့်ကျင်ဘက်ပဲ သူ့ဟင်းလျာကတော့ ရိုးတာမှ တော်တော်ရိုးတဲ့ ဟိုးရှေးပဝေဏသီကတည်းက လယ်သမားကစလို့ ဘုရင်အဆုံး ပြင်သစ်တစ်နိုင်ငံလုံး စားကြတဲ့ နိုင်ငံတော်ဟင်းလျာလို့ခေါ်တဲ့ Pot-au-feu။ အဲဒီဟင်းလျာက တကယ်ဆိုရှင်းရှင်းလေးပဲ အသားနဲ့အရွက်ပြုတ်တွေရယ် ဟင်းရည်ရယ်ကိုပဲ တည်ခင်းပေးတာ။ ဒီလိုအရိုးရှင်းဆုံးဟင်းကိုမှ စားဖိုမှူးက တည်ခင်းတဲ့ ဇာတ်ကတော့ မဆန်းတော့ဘူး။ အချက်အပြုတ်ကားတော်တော်များများမှာ ကျွန်တော်တို့မြင်ဖူးပြီးသားပဲ ဒါပေမဲ့ အလှည့်အပြောင်းကတော့ မြင်နေကျမဟုတ်ခဲ့ဘူး။ ဒီဇာတ်ဟာ ပြောခဲ့သလို အချက်အပြုတ်ဇာတ်ပါပဲ။ ဒါပေမဲ့ အစားအသောက်ကို အရသာခံတဲ့ဇာတ်လို့ ပြောရင်တော့ ပိုမှန်ကောင်းမှန်လိမ့်မယ်။ ဟင်းလျာနာမည်တွေက ပြင်သစ်နာမည်တွေနိုင်းချင်းနဲ့မို့ ဟင်းလျာတော်တော်များများကတော့ ကျွန်တော်တို့ခေါင်းထဲရောက်သွားမှာမဟုတ်ပေမဲ့ သူအဓိကပြချင်တဲ့ ဟင်းလျာတွေကတော့ ကောင်းကောင်းကြီး ရောက်သွားပါလိမ့်မယ်။ The Taste of Thingsဟာ အရသာတွေအကြောင်း, အဲဒီအရသာတွေကို တန်ဖိုးထားတတ်တဲ့လူတွေအကြောင်း, အဲဒီအရသာတွေ ထွက်လာဖို့ ကြိုးပမ်းကြသူတွေအကြောင်းပါပဲ။ ဒီရုပ်ရှင်ထဲက ဥရောပဟင်းလျာတွေဟာ ကြည့်လိုက်ရင် ရိုးရှင်းပေမဲ့ ကျွန်တော်တို့ မြင်နေကျတွေမဟုတ်တော့ ဆန်းပြားတယ်လို့ ခံစားရတဲ့ဟင်းလျာတွေ အတွဲအစပ်တွေပါပဲ။ The Taste of Things ကိုယ်တိုင်ကလည်း ရိုးရှင်းပေမဲ့ ဆန်းပြားတယ်လို့ ခံစားရမယ့် အတွဲအစပ်ကို ပေးစွမ်းနိုင်မယ့် ရုပ်ရှင်လို့ပြောရပါလိမ့်မယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File size_( 2.5GB)/( 1.4GB) Quality_Blu-Ray 1080p / 720p Format_mp4 Duration_02:05:00 Genre_Adult, Drama Subtitle_Myanmar Subtitle (Hardsub) Encoder_a hao Translated by WiRa Aung

ဒီတစ်ခါ cm ပရိသတ်ကြီးကို သာမန်ရုပ်ရှင်တွေကနေ ကွဲထွက်နေတဲ့ ဇာတ်ကားလေး တစ်ကားနဲ့ မိတ်ဆက်ပေးချင်ပါတယ်။ နာမည်ကြီး သရုပ်ဆောင်တွေဖြစ်တဲ့ Jason Momoa ၊ Suki Waterhouse၊ Jim Carrey၊ Keanu Reeves တို့ ပါဝင် သရုပ်ဆောင်ထားကြတာပါ။ ၂၀၁၆ ဗင်းနစ်ရုပ်ရှင်ပွဲတော်မှာ အကောင်းဆုံး ဇာတ်ကားဆု ရရှိခဲ့ပြီး nomination လေးခုချိတ်နိုင်ခဲ့ပါတယ်။ ဇာတ်ကြောင်းက အမေရိကန် တက္ကဆက်ပြည်နယ် အပြင်ဘက် စည်းရိုးခတ်ထားတဲ့ နေရာမှာ တရားမဝင် ခိုးဝင်လာတဲ့ ရာဇဝတ်သားတွေ၊ သူခိုးဂျပိုးတွေကို တစ်ကျွန်း ပို့သလိုမျိုး ပို့တဲ့ ဘတ်ဘတ်ချ်ဆိုတဲ့ နယ်မြေတစ်ခုရှိပါတယ်။ အဲဒီထဲမှာ ဘာဥပဒေ ဘာစည်းမျဉ်းမှ မရှိဘဲ နိုင်ငံသားအခွင့်ရေး ဘာဆိုဘာမှ မရှိပါဘူး။ အာလန်ဆိုတဲ့ ကောင်မလေးတစ်ယောက်ဟာ ရာဇဝတ်မှုတွေနဲ့ ဘတ်ဘတ်ချ် အမှတ် ၅၀၄၀ တက်တူးအထိုးခံရပြီး ဒီပူပြင်းခြောက်သွေ့နေတဲ့ ကန္တာရနယ်မြေထဲကို အပို့ခံလိုက်ရပါတယ်။ နယ်မြေထဲ ရောက်ပြီး မကြာခင်မှာပဲ လူအချင်းချင်း စားသောက်တဲ့ ကာနီဘယ် နှစ်ယောက်က ဖမ်းသွားတာ ခံလိုက်ရပြီး ဘယ်လက်နဲ့ ခြေထောက်တစ်ချောင်း ဖြတ်ယူ စားသောက် ခံလိုက်ရပါတယ်။ လက်တစ်ချောင်း ခြေတစ်ချောင်းပဲ ကျန်တဲ့ အာလန်တစ်ယောက် ဒီလူတွေလက်က ဘယ်လိုလွတ်အောင် ပြေးမလဲ။ ဒီနယ်မြေထဲမှာ ဘယ်လိုလူမျိုးတွေနဲ့ တွေ့ဆုံရဦးမလဲ…..။ File size…1.66GB / 845MB Quality…Blu-Ray 1080p / 720p Format…mp4 Duration….1h 58m Genre ….. Action , Horror , Mystery Subtitle….Myanmar Subtitle (Hard Sub) Encoder….Min Wai Translated by Aoi

ဒီဇာတ်ကားကို Medea movie Franchise နဲ့ နာမည်ကြီးလာတဲ့ Tyler Perry က director အဖြစ်နဲ့ရော ဇာတ်ညွှန်းဆရာအဖြစ်ပါ ဦးဆောင်ရိုက်ကူးထားပါတယ်။ ဒါ့အပြင် ဒီဇာတ်ကားရဲ့ ထူးခြားချက်တစ်ခုကတော့ လူမည်းသရုပ်ဆောင်တွေကိုပဲ အသုံးပြုထားတာဖြစ်ပါတယ်။ အိမ်ထောင်ရေး Drama ဇာတ်ကားတစ်ကားဖြစ်ပြီးတော့ ဇာတ်လမ်းအကျဉ်းကိုပြောပြရမယ်ဆိုရင် Ava ဟာ သူ့ယောကျ်ားကို အရမ်းချစ်ပြီးတော့ဂရုစိုက်တဲ့ အိမ်ထောင်ရှင်မတစ်ယောက်ပါ။ ဒါပေမယ့် သူ့ယောကျ်ား Dallas က‌တော့ Ava ကို အကောင်းမမြင်ပဲနဲ့ ကွာရှင်းခဲ့ပါတယ်။ ဒါပေမယ့် ကွာရှင်းပြီးသွားတာတောင်မှ မကျေနပ်နိုင်သေးပဲ Ava ကို လိုက်နှောင့်ယှက်နေပါတယ်။ Dallas က Ava ကို ဘယ်လိုတွေလိုက်နှောင့်ယှက်မလဲ.. ဘာလို့လိုက်နှောင့်ယှက်နေတာလဲ.. Ava ကရော သူ့လက်ထဲကနေလွတ်မြောက်အောင် ဘယ်လိုလုပ်မလဲဆိုတာကို ရသမျိုးစုံခံစားရအောင် ကြည့်ရမှာဖြစ်ပါတယ်။ File size…1.89GB / 793MB Quality…WEB-DL 1080p 5.1CH / 720p Format…mp4 Duration….2h 23m Genre ….. Drama , Thriller Subtitle….Myanmar Subtitle (Hard Sub) Encoder….Min Wai Translated by Austin

ဆေဒီ က သူ့ချစ်သူ ဘန်နဲ့သူ့တို့မိသားစု ဘုရားကျောင်းမှာလက်ထပ်ချင်နေတယ် ဒါပေမယ့် ဘုန်းတော်ကြီးဖရန်ခ့်ကတော့ သူ့ရဲ့သင်ရိုးအတိုင်းအောင်မှ ထိမ်းမြားပေးမှာပါ. ဆေဒီနဲ့ဘန် နဲ့က တစ်ယောက်နဲ့တစ်ယောက် နားလည်မှုရှိကြတဲ့ အတွဲတွေလို့ထင်ထားကြပေမယ့် ဘုန်းတော်ကြီးဖရန့်ရဲ့ သင်ရိုးတွေအတိုင်းစမ်းသပ်ကြည့်တော့မှ ကတောက်ကဆ ဖြစ်စရာလေးတွေပေါ်လာတာပါ. ဒါကြောင့်သူတို့၂ယောက်ကြားထဲက ဘယ်လိုနားလည်မှုပြန်ယူမလဲဆိုတာ ဟာသဆန်ဆန်ကြည့်ရှုရမယ့် ကားလေးဖြစ်ပါတယ် ( အညွှန်းနဲ့ ဘာသာပြန်ဆိုထားသူကတော့ Andy Baker ပါ ) File size_(1.3GB)/(730MB) Quality_Blu-Ray 1080p / 720p Format_mp4 Duration_01:331:00 Genre_Comedy, Romance Subtitle_Myanmar Subtitle (Hardsub) Encoder_a hao Translated by Andy Baker

ဒီဇာတ်လမ်းလေးကတော့ နိုဘယ်ဆုရှင် စာရေးဆရာတစ်ဦးဖြစ်တဲ့ ဆန်မြူရယ်ဘက်ကပ်ရဲ့ ဘဝဇာတ်ကြောင်းကို သူ့ရဲ့အတွင်းစိတ်ထဲကလူတစ်ယောက်နဲ့ စကားပြောနေဟန်နဲ့ဆွဲခေါ်သွားသော ဇာတ်လမ်းတစ်ပုဒ်ဖြစ်ပါတယ်။ စာရေးဆရာ ဆန်မြူရယ်ဘက်ကပ် နိုဘယ်ဆုရရှိပြီးနောက် ဆုကြေးငွေကို မည်သူ့ကိုပေးရမလဲလွန်ဆွဲနေရင်းနှင့် သူ၏ငယ်ဘဝတွေဆီကို တဆင့်ချင်းဆွဲခေါ်သွားပါတော့တယ်။ မိခင်ဖြစ်သူနှင့် သူ၏ဆက်ဆံရေး အဆင်မပြေပုံ၊ စာရေးဆရာဂျွိုက်စ်ထံ သွားရောက်ပညာဆည်းပူးရာမှ ဂျွိုက်စ်၏သမီးဖြစ်သူကြောင့် မိတ်ဆွေဆက်ဆံရေး အက်ကြောင်းထင်ခဲ့ရပုံ၊ အချစ်ဆုံးသူငယ်ချင်း အဲဖရက်အပေါ် သူ၏အပြစ်ရှိစိတ် ၊အမြဲတမ်းနိုင်စားခဲ့ရသော မိမိ၏ဇနီးဖြစ်သူအပေါ် အားနာစိတ် စသည်ဖြင့် စာရေးဆရာဆန်မြူရယ်ဘက်ကပ် ဘဝနေဝင် ချိန်အထိ သူ၏ဘဝအပေါ်ရှူမြင်ပုံ သူ၏နောင်တတရားတို့ကို တဆင့်ချင်းဆွဲခေါ်သွားမည့် ဇာတ်လမ်းကောင်းတစ်ပုဒ်ဖြစ်ပါတယ်။ File size…(1.5 GB)/(697 MB) Quality….Webrip 1080p / 720p Format…mp4 Duration….01:40:00 Genre… History, Drama Subtitle….Myanmar Subtitle (Hardsub) Encoder….Mr. Anderson Translated by Eunice

ဆမ်မေကင်ဟာ နယူးယောက်မြို့ ဘရွတ်ကလင်းမှာ လမ်းသရဲ လူဆိုးတွေကို ဖမ်းဆီးနေတဲ့ သာမန် ရဲသားတစ်ဦးသာ ဖြစ်ပါတယ်။ တစ်ရက်မှာတော့ လျှို့ဝှက်အမေရိကန်အဖွဲ့အစည်း တစ်ခုရဲ့ အတင်းအကျပ် လူသစ်စုဆောင်းမှုကို ခံခဲ့ရပါတယ်။ ဆမ်မေကင် ဆိုတဲ့ဘဝကို ဈာပနအတုပါပြုလုပ် ပြည်ဖုံးကားချခဲ့ပြီးတော့ ရီမိုဝီလီယမ်စ်ဆိုတဲ့ သူအဖြစ်နဲ့ ဘဝအသစ်ကို ထပ်မံရရှိခဲ့ပါတယ်။ နာမည်တင်မက မျက်နှာကိုပါ အပြောင်းအလဲပြုလုပ်ခံခဲ့ရပါတယ်။ CURE လို့ အမည်ခံထားတဲ့ လျှို့ဝှက်အစိုးရအဖွဲ့အစည်းတစ်ခုအတွက် အလုပ်လုပ်ပေးဖို့ စည်းရုံးခံခဲ့ရပြီးတဲ့နောက်မှာ ကိုယ်ခံပညာတို့ရဲ့ မြစ်ဖျားခံရာ ရှီနန်ဂျူရွာရဲ့ မျိုးဆက်သခင် ကိုးရီးယားလူမျိုး ချွန်းရဲ့လက်အောက်မှာ လူသားလက်နက်အဖြစ်နဲ့ လေ့ကျင့်ခဲ့ရပါတယ်။ အပြည့်စုံဆုံး လုပ်ကြံသတ်ဖြတ်သူတစ်ယောက်အနေနဲ့ မတော်တဆဆန်ဆန် သတ်ဖြတ်မှုမျိုးတွေကို ဆောင်ရွက်နိုင်အောင် အထူးလေ့ကျင့် သင်ကြားပေးခဲ့ပါတယ်။ စိတ်ရော ကိုယ်ပါ ကြံ့ခိုင်သန်စွမ်းလာအောင် ရှေးကျတဲ့လေ့ကျင့်ခန်းတွေနဲ့ စခန်းသွင်းလေ့ကျင့်အပြီးမှာတော့ ကျည်ဆန်ကိုပါ ရှောင်နိုင်တဲ့ ရီမိုဝီလီယမ်စ် အဖြစ်ကိုရောက်ရှိလာခဲ့ပါတယ်။ ချွန်းရဲ့အပြောအရ ရီမို့ကို အပြည့်စုံဆုံးအနေအထား ရောက်အောင် (၁၅) နှစ်အထိ အချိန်ယူရမှာ ဖြစ်ပေမယ့် CURE အနေနဲ့ သူတို့ရဲ့လူသားလက်နက်ကို မဖြစ်မနေထုတ်သုံးရမယ့် အခြေအနေ ရောက်လာခဲ့ပါတယ်. သူတို့ကိုယ်တိုင် ထောက်လှမ်းဖို့ နည်းလမ်းရှာမတွေ့နိုင်သေးတဲ့ လက်နက်ကုမ္ပဏီတစ်ခုရဲ့ လျှို့ဝှက်ချက်တွေကို သိရှိနိုင်ဖို့ ရီမို့ကို စေလွှတ်စုံစမ်းခိုင်းခဲ့ပါတယ်.။ The Destroyer ဆိုတဲ့ ဝတ္ထုစီးရီးရဲ့ ရုပ်ရှင်အဖြစ် ပထမဦးဆုံးခြေလှမ်းလည်းဖြစ်တဲ့ Remo Williams : The Adventure Begins ဆိုတဲ့ ၁၉၈၅ ခုနှစ်က အက်ရှင်ဇာတ်ကားကောင်းလေးကို CM က ပရိသတ်များရှုစားနိုင်ဖို့ တင်ဆက်ပေးလိုက်ပါတယ်။ File Size : 2.7 GB, 1.3 GB Quality : Blu-Ray 1080p / 720p Running Time : 2hr Format : Mp4 Genre : Action, Adventure, Comedy Subtitle : Myanmar Subtitle (Hard Sub) Translated by : Sai Sumali Encode by : Thit San Khant

Love & Other Drugs (2010) IMDb Rating (6.7) ဒီရုပ်ရှင်လေးက အချစ်ဆိုတာ ဘာလဲဆိုတာကို သေချာ လှစ်ဟပြထားတဲ့ ရုပ်ရှင်ကားလေးတစ်ကားပါ ချစ်ခြင်းမေတ္တာဆိုတာ လူတစ်ယောက်မှာ ဘယ်လိုအမှားတွေ အပြစ်တွေရှိနေပါစေ အဲဒါတွေကို မျက်ကွယ်ပြုနိုင်ပြီး အဲဒီလူအပေါ်ကို ‌ကြင်နာခြင်းတွေ ဂရုစိုက်ခြင်းတွေ ပုံအောပေးနိုင်တာမျိုးပေါ့ ဂျေမီဆိုတဲ့ စော်ကြည်ဘဲကတော့ ချစ်ခြင်းမေတ္တာကို သူရှာတွေ့မယ်မထင်တဲ့ နေရာမှာ ရှာတွေ့ခဲ့ပါတယ် မင်းသမီးဖြစ်သူ မက်ဂီကတော့ ပါကင်ဆန် ရောဂါ ခံစားနေရသူပေါ့ ရောဂါကြောင့် ကိုယ့်ကိုယ်ကို ယုံကြည်မှုလျော့နည်းပြီး ဆက်ဆံရေးတွေကို စိတ်မဝင်စားတဲ့အချိန်မှာ ဂျေမီနဲ့တွေ့ဆုံခဲ့ပါတယ် ဂျေမီနဲ့ မက်ဂီတို့ကြားက ချစ်ခြငါးမေတ္တာပေါက်ဖွားလာပုံကို တစိမ့်စိမ့်ကြည့်ရတာ အရသာရှိလှပါတယ် ဇာတ်ကောင်တွေက အရမ်းသရုပ်ပေါ်ပြီး ဇာတ်ရှိန်အနိမ့်အမြင့်အတက်အကျတွေနဲ့ ကြည့်လို့ကောင်းလှတဲ့ရုပ်ရှင်လေးပါ ဂျေမီနေရာမှာတော့ မင်းသား Jake Gyllenhaal က အပိုအလိုမရှိကွက်တိ သရုပ်ဆောင်ထားပြီး မက်ဂီနေရာမှာတော့ ဘယ်ဇာတ်ကောင်နေရာပဲဖြစ်ဖြစ် အရမ်းတော်လှတဲ့ မင်းသမီး Anne Hathaway က သရုပ်ဆောင်ထားပါတယ် ဒီရုပ်ရှင်လေးက nominee ငါးဆုနဲ့ Satellite Award ကချီးမြှင့်တဲ့ အကောင်းဆုံး မင်းသမီးသရုပ်ဆောင်ထူးချွန်ဆု 2010 ကို Anne Hathaway ရရှိသွားစေတဲ့ ဇာတ်ကားလေးဖြစ်ပါတယ်… အချစ်ရိုမန့်ခန်းတွေမှာ ဂျိတ်ရော အန်းဟန်သာဝေးရော စိတ်ရောကိုယ်ပါနှစ်ဝင်သရုပ်ဆောင်ထားပြီး အဖော်အချွတ်လေးတွေနဲ့အရမ်း Good နေလို့ မိသားစုနဲ့ အတူတူကြည့်ဖို့တော့ မသင့်တော်ပါဘူးနော်။ (ရုပ်ရှင်အညွှန်းကို Bunny မှရေးသားထားပြီး ဘာသာပြန်ကိုတော့ Arr Khun Winchester မှ တင်ဆက်ထားပါတယ်။)