ဘဝကို ပေါ့ပေါ့ပါးပါးပျော်ပျော်ရွှင်ရွှင်ပဲ ဖြတ်သန်းလာတဲ့ နယူးယောက်မှ နာမည်ကြီး အဒ်ကာဘီဘားကိုကြီးကြပ်ရသူ ဘော်ဘီဂရင်း။ ကောင်မလေးဖြစ်သူ အမန်ဒါနဲ့ နေ့ရက်တိုင်းအချိန်းဖြုန်း၊ လည်ပင်းဖက်ပေါင်းတဲ့ဘော်ဒါဖြစ်တဲ့ ဂျန်ဘိုတို့နဲ့ ပါတီလုပ်လိုက်ပျောက်လိုက်ပါးလိုက်နဲ့နေလာခဲ့သည်။ ထို့အပြင် ဘားပိုင်ရှင်ဖြစ်သူ ရုရှားလူမျိုးမစ္စတာဘူရှိုင်းရာ့ဗ်နဲ့လည်း မိသားစုလိုမျိုး ဆက်ဆံရေးကောင်းမွန်ပြီး သူကလည်း ဘော်ဘီရဲ့လုပ်ရည်ကိုင်ရည်ကိုသဘောကျသည်။ လုပ်ငန်းတိုးချဲဖို့ကြံစည်နေသော ဘူရှိုင်းရာ့ဗ်နှင့် နဂိုကတည်းက ဘားကို မန်ဟတ်တန်ဘက်အထိထိုးဖောက်ချင်နေသော ဘော်ဘီ။ အရာရာအဆင်ပြေသလိုလိုရှိနေစဉ်မှာပင် ဘော်ဘီ့ဆီမမျှော်လင့်တာတွေဖြစ်လာသည်။ တကယ်တော့သူ့နာမည်အရင်းက ဘော်ဘီဂရင်းမဟုတ်ဘဲ အရင်မျိုးရိုးနာမည်မှာ အဖေဖြစ်သူမြို့တော်ရဲ့ရဲချုပ်ညွှန်ကြားရေးမှူးနဲ့ အစ်ကိုဖြစ်သူ ရဲအရာရှိတို့အတိုင်း ရူဇင်စကီဖြစ်လေသည်။ သူ့အစ်ကိုမှာ မူးယစ်ဆေးဝါးနှိပ်နင်းရေးမှာတာဝန်ယူရစဉ် ရုရှားမူးယစ်ရာဇာတစ်ဖွဲ့နဲ့ ထိပ်တိုက်တွေ့တော့သည်။ ထိုအဖွဲ့က သူ့အစ်ကိုဖြစ်သူကိုလုပ်ကြံခဲ့ပြီး သူ့အဖေကိုပါကြံစည်နေတာကို သူ သိသွားတဲ့အခါ ရဲဌာနနဲ့ပူးပေါင်းပြီး မူးယစ်ဆေးဝါးမှုကို သူကိုယ်တိုင် ဘယ်လိုပေါ်အောင်လုပ်မလဲဆိုတာ ရင်ခုန်စိတ်လှုပ်ရှားစွာနဲ့ ကြည့်ရှုရမှာဖြစ်ပါတယ်။ File size…(1.9GB)  / (`981GB) / (741.04MB) Quality…. Web 1080P / 720p / 480p Format…mp4 Duration….01:57:00 Genre...  Drama / Crime / Action Subtitle….Myanmar Subtitle (Hardsub) Encoder….Mr. Anderson Translated by Mash Island

မင်းသားချော Ryan Gosling ငယ်ရွယ်စဉ်အခါကရိုက်ကူးထားတဲ့ မှုခင်းရုပ်ရှင်ဇာတ်ကားကောင်းတစ်ကားနဲ့ မိတ်ဆက်ပေးချင်ပါတယ်။ Ryan Gosling အပြင် အခြားနာမည်ကြီးသရုပ်ဆောင်တွေဖြစ်တဲ့ Michael Pitt, Ben Chaplin နဲ့ Sandra Bullock တို့ကအဓိကပါဝင်သရုပ်ဆောင်ထားပြီး ဒါရိုက်တာ Barbet Schroeder ကရိုက်ကူးထားပါတယ်။ ဇာတ်လမ်းအကျဉ်းကတော့ ရစ်ချက်(Ryan Gosling)ဟာအထက်တန်းကျောင်းသားတစ်ယောက်ဖြစ်ပြီး ဥစ္စာပေါရုပ်ချောနဲ့ ကျောင်းမှာလည်းလူသိများတဲ့သူတစ်ယောက် ဖြစ်ပါတယ်။ သူနဲ့ သူ့ရဲ့သူငယ်ချင်းဖြစ်သူ ဂျက်စတင်ဟာ လိုချင်တာအားလုံးရနေတဲ့ဘဝမှာ ငြီးငွေ့လာတဲ့အတွက် ဘဝကြီးကိုအပြည့်အဝခံစားဖို့အတွက် လူသတ်မှုတစ်ခုကို ကျူးလွန်ဖို့အတူတူကြံစည်ကြပါတော့တယ်။ သူတို့ဟာသူတို့ဉာဏ်ကောင်းကြောင်း ပြချင်တဲ့အတွက်အမှုကို ပြီးပြည့်စုံအောင်စီစဉ်ခဲ့ပေမယ့် ဒီအမှုကိုကိုင်တွယ်တဲ့ စုံထောက်ကြီးကတ်ဆီမေဝဲသာကတော့ ဒီလိုယောက်ျားမျိုးတွေနဲ့ ကိုယ်တိုင်ကြုံတွေ့ခဲ့ရသူဖြစ်တာကြောင့် သူတို့ရဲ့အမှုကို ဘယ်လိုမျိုးဖော်ထုတ်သွားမလဲဆိုတာကို လှည့်ကွက်တွေအပြည့်နဲ့ ခံစားကြရမှာပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ကတော့ Aung Win Htut ပါ။) File Size          : 3.4GB, 917MB, 488MB Quality            : 1080p Blu-ray AAC 5.1CH, 720p Blu-ray, 480p Format            : mp4 Duration         : 1hr 55mins Genre              : Crime, Thriller, Mystery Translated by Aung Win Htut Encoded by Kinnov

အချစ်ဆိုတာ ဒီလိုဖြစ်တယ် ဟိုလိုဖြစ်တယ်ဆိုပြီး တစ်ခုတ်တရပြောကြ၊ငြင်းကြရလောက်တဲ့အထိ ဝေခွဲမရနိုင်ခြင်းတွေနဲ့ပြည့်နှက်နေတယ်လို့ထင်မှတ်ထားတယ်မလား။အမှန်တော့ အချစ်ထက်ဆန်းကြယ်ပြီး အချစ်ကိုတောင်ဦးဆောင်နိုင်တဲ့အရာဟာ "ဖူးစာ"ပါ။လူသားနှစ်ယောက်ဟာအမှတ်တမဲ့ကိစ္စလေးတွေကနေ ဘဝခရီးတစ်ခုကိုအတူတူလျှောက်လှမ်းဖို့အကြောင်းဖန်လာတယ်ဆိုရင် အချစ်ထက်ပိုစွမ်းအားကြီးတဲ့ "ဖူးစာ" ရဲ့ထောက်ပံ့ပေးမှုတွေကြောင့်ဆိုတာကို သံသယမရှိပါနဲ့။ဒီလိုပေါ့ပါ့ပါးပါးကြည်နူးစရာဖြစ်ရပ်လေးတွေကို လေးလံတဲ့လူသားဒုက္ခတွေကြားမှာအကောင်းဆုံး ပုံဖော်ပြသသွားခဲ့တာ Teacher's Diary ဆိုတဲ့ဖြစ်ရပ်မှန်ကိုအခြေခံထားတဲ့ ဇာတ်လမ်းလေးမှာပါ။ Song ဆိုတဲ့ကောင်လေးဟာ ခက်ခဲတဲ့ဘဝပေးအခြေအနေတစ်ခုမှာ ဘာအလုပ်ဖြစ်ဖြစ်စပြီးရင် ဖြစ်အောင်လုပ်ပြမယ်ဆိုတဲ့ခိုင်မာတဲ့စိတ်ဓါတ်ပိုင်ရှင်လူငယ်လေးတစ်ယောက်။သူ ရေပေါ်ကျောင်းကိုစရောက်တော့ ထွက်ပြေးချင်လောက်အောင်အဲ့ကျောင်းမှာလိုအပ်ချက်အရမ်းများတယ်။ဒါပေမယ့် သူကံကောင်းသွားတာက သူ့အရင်ရောက်ပြီးတာဝန်ထမ်းဆောင်ခဲ့တဲ့ Ann ဆိုတဲ့ဆရာမလေးရေးထားတဲ့ဒိုင်ယာရီစာအုပ်လေးကြောင့်ပါ။Ann ဟာသူကြုံတဲ့အခက်အခဲတွေနဲ့ ဘယ်လိုဖြေရှင်းခဲ့တယ်ဆိုတာကိုဒိုင်ယာရီစာအုပ်ထဲမှာကောင်းကောင်းမှတ်တမ်းတင်ရေးထားခဲ့တယ်။ဒါတွေကိုဖတ်ပြီး Song တစ်ယောက်ပြဿနာတွေကိုဖြေရှင်းဖို့ အားအင်နဲ့နည်းလမ်းတွေရခဲ့တယ်။Ann ရေးခဲ့တဲ့ဒိုင်ယာရီစာအုပ်လေးဖတ်ပြီးတဲ့နောက် Ann မြတ်နိုးခဲ့တဲ့ရေပေါ်ကျောင်းလေးနဲ့ ကလေးတွေကိုပါ Song တစ်ယောက်ချစ်ခင်တတ်ခဲ့ပြီ။Ann ရဲ့ ပျော်ရွှင်ခြင်း ချမ်းမြေ့ခြင်း အထီးကျန်ခြင်း ဝမ်းနည်းခြင်းတွေကိုသိရှိခံစားပြီးတဲ့နောက် Song ဟာ ဒိုင်ယာရီစာအုပ်ပိုင်ရှင် Ann ကိုအရမ်းတွေ့ချင်လာတယ်။Ann တစ်ယောက်သံယောဇဉ်ကြောင့်ကျောင်းလေးကိုပြန်လာတော့ သူ့ဒိုင်ယာရီစာအုပ်လေးမှာသူမရှိတုန်း သူမသိလိုက်တဲ့အကြောင်းအရာတွေဖြစ်ပျက်သွားတာတွေ့ခဲ့ရတယ်။အဲ့လိုဖြစ်ရပ်တွေကို ထပ်ပြီးဖြည့်စွက်ထားတဲ့ Song ဆိုတဲ့ကျောင်းဆရာလေးမှာလည်းရေပေါ်ကျောင်းနဲ့ကလေးတွေကို သူ့လိုပဲချစ်ခင်မြတ်နိုးတဲ့ကောင်လေးတစ်ယောက်ဆိုတာသိရှိပြီးနောက် Ann ဟာလည်း Song ကိုအရမ်းတွေ့ချင်လာပြန်တယ်။ ရိုးရှင်းလွန်းတဲ့ဇာတ်ကြောင်းကိုမကြည့်ကြည့်ချင်လာအောင်ဆွဲဆောင်သွားတာက ဇာတ်ညွှန်းနဲ့ ဓါတ်ပုံပညာ(Cinematography)။အဓိကဇာတ်ကောင်နှစ်ယောက်ဟာအချိန်ကာလကွာခြားချက်ကြောင့်မတွေ့မဆုံနိုင်ကြပေမယ့် သူတို့ခံစားချက်နဲ့စိတ်စေတနာတွေကြောင့်သူတို့ကိုအမြန်ဆုံစေချင်တဲ့စိတ်ဖြစ်စေလာတဲ့အထိဇာတ်ညွှန်းဟာ smooth ဖြစ်လွန်းခဲ့တာ။ Cinematographer ရဲ့ဆရာကျမှုက ရေပေါ်ကျောင်းနဲ့အဲ့ပတ်ဝန်းကျင်ကို တစ်ခေါက်လောက်တော့သွားကြည့်ချင်မိစိတ်ကိုဖြစ်စေပါတယ်။ဒါ့အပြင် ကလေးတွေရဲ့ဆူဆူလောင်လောင်အသံတွေ၊ ကျောင်းဆရာပေါက်စလေးနှစ်ယောက်ရဲ့ကမောက်ကမနိုင်မှုတွေကိုအနောက်ကနေ တီးလုံးသံပါးပါးလေးနဲ့ပံ့ပိုးထားပါသေးတယ်။အနုပညာအရအောင်မြင်မှုအနေနဲ့ ထိုင်းအမျိုးသားရုပ်ရှင်ဆုပေးပွဲမှာ အပေါ်ကချီးကျူးထားတဲ့ Cinematography နဲ့ နောက်ခံတေးဂီတဆုအပြင် Art Direction,Original song နဲ့ တည်းဖြတ်ဆုဆိုပြီး ၅ ဆုတောင်သိမ်းပိုက်ခဲ့တယ်။ သြဇာသီးမရောင်းတဲ့ဆရာ နဲ့ကျောင်းသားကြားက ၅၂၈ မေတ္တာကိုအခြေခံထားပြီး ကြည်နူးလို့မျက်ရည်ကျတဲ့ခံစားချက်ကိုသဘောကျရင်တော့ Teacher's Diary ဆိုတဲ့ထိုင်းကားလေးကိုကြည့်ပါ။ဒီဇာတ်ကားလေးမှာ ပညာရေးဆိုတာ အမှတ်တွေအဆင့်တွေဆိုတာထက်ကိုယ့်အနီးအနားကအရာတွေဆီကနေ သင်ယူလေ့လာကာ ကိုယ်နားလည်ခဲ့တဲ့အရာတွေကိုဘယ်လိုလက်တွေ့အသုံးချမယ်ဆိုတာမျိုးကိုပါ ပါးပါးလေးပြသွားခဲ့တယ်။ အတိအကျပြောနိုင်တာက အချစ်နဲ့ဘဝအဓိပ္ပါယ်အချို့ကိုပုံဖော်ထားတဲ့ Teacher's Diary ကိုပထမအကြိမ် ကြည့်ပြီးသွားတဲ့အခါ သေချာပေါက်နောက်တစ်ခေါက်ထပ်ကြည့်ချင်စိတ်ဖြစ်လာမှာပါ...။ IMDB - 7.9 (ရုပ်ရှင်အညွှန်းကို Ko Aung Myo Naing FB မှ ကူးယူဖော်ပြထားတာဖြစ်ပြီး ဘာသာပြန်တင်ဆက်ထားသူကတော့ မယွန်းစန္ဒီ(Meoww Meoww)ဖြစ်ပါတယ်။) File size…(1.2 GB) / (900 MB) Quality…WEB-DL 1080p/720p Format…mkv Duration….01:44:37 Subtitle….Myanmar Subtitle (Hardsub) Encoder….Nyeinsaeya Aung Translated by Meoww Meoww

Crime, Horror, Thriller အမျိုးအစား ရုပ်ရှင်သစ်တစ်ခုဖြစ်ပါတယ်။ ဒါရိုက်တာ Matthias Hoene ရဲ့လက်ရာဖြစ်ပြီး Joely Richardson နဲ့ Neil Linpow တို့ ပါဝင်ထားပါတယ်။ ဝရမ်းပြေးညီအစ်ကိုနှစ်ယောက် မုန်တိုင်းကြီးတစ်ခုအတွင်းမှာ အိမ်တစ်လုံးထဲကို ဝင်ခိုမိကြပါတယ်။ အဲဒီအိမ်မှာနေတဲ့မိသားစုကို ဓားစာခံအဖြစ် ဖမ်းထားလိုက်ပါတယ်။ ဒါပေမဲ့ အဲဒီအိမ်နဲ့မိသားစုက ရိုးရှင်းမနေဘဲ ကြောက်စရာ လျှို့ဝှက်ချက်တွေနဲ့ ပြည့်နေတာကို သိလိုက်ရတဲ့အခါ...

Death Race(2008) ***************** ကြမ်းကြမ်းတမ်းတမ်းကားမောင်းပြိုင်ပွဲတွေ အပစ်အခက်နဲ့အက်ရှင်တွေကို ကြည့်ရတာသဘောကျတဲ့ပရိသတ်ကြီးအတွက် Death Race ဇာတ်ကားလေးကားရှိတဲ့အထဲမှာ ပထမဆုံးကားပဲဖြစ်ပါတယ်။ ဒီဇာတ်ကားကိုတော့ Resident Evil ဇာတ်ကားတွေကို ရိုက်ကူးပေးခဲ့တဲ့ဒါရိုက်တာကြီး Paul W.S. Anderson ကရိုက်ကူးပေးထားပြီး ပရိသတ်တွေနဲ့မစိမ်းတဲ့ အက်ရှင်မင်းသားကြီး Jason Statham နဲ့အတူ Natalie Martinez, Ian McShane, Joan Allen နဲ့ Tyrese Gibson တို့ကအဓိကပါဝင်သရုပ်ထားပါတယ်။ မိန်းမနဲ့သမီးလေးကိုအလုပ်ကြမ်းလုပ်ရင်းနဲ့ စောင့်ရှောက်နေတဲ့ပြိုင်ကားမောင်းသမားဟောင်း ဂျန်ဆန်အိမ်းစ်ဟာ ကံဆိုးမသွားရာမိုးလိုက်လို့ရွာဆိုသလို အလုပ်ပြုတ်တဲ့နေ့မှာပဲ မိန်းမဖြစ်သူကိုသတ်တဲ့အမှုနဲ့ အမှုဆင်ချောက်ချခံရပါတယ်။ သူရောက်သွားတဲ့ထောင်ကလည်း တစ်သက်တစ်ကျွန်းအကျဉ်းသားတွေပဲရှိတဲ့ ထောင်တစ်ခုဖြစ်ပြီး အဲ့ဒီကနေလွတ်နိုင်မယ့် တစ်ခုတည်းသောနည်းလမ်းကလည်း သေခြင်းတရားပြိုင်ပွဲလို့ခေါ်တဲ့ ကားပြိုင်ပွဲကို ငါးကြိမ်နိုင်ရမှာပဲဖြစ်ပါတယ်။ ဖရန်ကင်စတိုင်းဆိုတာကတော့ အဲ့ဒီကားပြိုင်ပွဲကို လေးကြိမ်အထိအနိုင်ရခဲ့ပြီး ပရိတ်သတ်ရဲ့စိတ်ဝင်စားမှု အခံရဆုံးကားမောင်းသမားပဲဖြစ်ပါတယ်။ အဲ့ဒီဖရန့်ဟာမတော်တဆမှုကြောင့် နောက်ဆုံးကားပြိုင်ပွဲမှာသေဆုံးခဲ့ပြီး အားပေးမှုအများဆုံးလူဖြစ်တဲ့ နောက်တစ်ခါနိုင်ရုံနဲ့ လွတ်ငြိမ်းချမ်းသာခွင့်ရမယ့်ဖရန့်နေရာမှာ ဂျန်ဆန်ကိုအစားဝင်ဖို့အတွက် ထောင်ပိုင်ကကမ်းလှမ်းလာတဲ့အခါမှာတော့… မိန်းမကိုသတ်ခဲ့တဲ့သူကိုလိုက်ရှာရင်းနဲ့ အပြင်မှာရှိနေတဲ့သမီးလေးဆီကိုပြန်သွားနိုင်ဖို့ ဂျန်ဆန်အနေနဲ့ ဘယ်လိုတွေကြိုးစားမလဲဆိုတာကို အက်ရှင်တွေအပြည့်နဲ့ ခံစားကြရမှာပဲဖြစ်ပါတယ် File Size :(3.1GB)(1.1GB) and (380 MB) Quality : Blu-Ray1080p5.1ch, 720p Format…mp4 Duration…01:45:00 Genre :Action, Crime , Sci-Fi Subtitle : Myanmar Subtitle (Hard Sub) Translated by APP Encoded by Phyo Pyae

IMDb Rating (7.3) / Rotten Tomatoes (93%) James Dean ကို နှုတ်ခမ်းကြား ဆေးလိပ်ညှပ်ထားတဲ့ ခပ်မိုက်မိုက်ကောင်လေးအဖြစ် ပိုစတာပုံလေးတွေလောက်တော့ မြင်ဖူးကြမှာပါ…. သူဟာ လူငယ်ပရိတ်သတ်တွေရဲ့ Icon အဖြစ် ၁၉၅၅ ခုနှစ်ဝန်းကျင်က ဟောလိဝုဒ်မှာ တဟုန်ထိုးအောင်မြင်ခဲ့ပြီး အသက် ၂၄ နှစ်အရွယ်မှာပဲ ယာဉ်မတော်တဆမှုနဲ့သေဆုံးခဲ့ရတဲ့ လူတိုင်းကနှမြောရတဲ့ အနုပညာရှင်တစ်ဦးဖြစ်ပါတယ်… ဆယ်ကျော်သက်လူငယ်တို့ ခံစားရလေ့ရှိတတ်တဲ့ ကိုးကွယ်သူစံပြုပုဂ္ဂိုလ်အပေါ် အားမရစိတ်ပျက်သွားတဲ့ခံစားချက်တွေ၊ လူမှုဝန်းကျင်မှာ ဝင်မဆံ့ဖြစ်တတ်တဲ့သဘောတွေကို အပိုင်နိုင်ဆုံး သရုပ်ဆောင်နိုင်သူ၊ စံထားရမယ့် မင်းသားတစ်လက်အဖြစ် သတ်မှတ်ခံခဲ့ရပါတယ်။ သူ့ဘဝသက်တမ်းတိုတိုလေးမှာ ရုပ်ရှင်ကားကြီး ၃ ကားသာ ရိုက်ကူးခဲ့ရပြီး Rebel Without a Cause (1955) ကတော့ ဒုတိယမြောက်ကားဖြစ်ပါတယ်။ သူ့ရဲ့ပထမဆုံးဇာတ်ကား East of Eden (1955) ကိုတော့ တင်ဆက်ပြီးသားဖြစ်ပါတယ်။ သူ့ရဲ့နောက်ဆုံးဇာတ်ကား Gaint (1956) ကိုတော့ အခွင့်ကြုံရင် တင်ဆက်ပါဦးမယ်။ ယခုဇာတ်လမ်းလေးမှာလဲ ဆယ်ကျော်သက် ခေတ်လူငယ်တွေ ကြုံရလေ့ရှိတဲ့ စိတ်ခံစားချက်တွေ ပြဿနာတွေကို ကွင်းကွင်းကွက်ကွက် ပုံဖော်ရိုက်ကူးထားတယ် ဇာတ်လမ်းကတော့… အချိန်တိုင်း တကျက်ကျက် စကားများနေကြတဲ့ မိဘ… တစ်ခုခုဆို ပြဿနာကိုရှောင်ပြေးပြီး အိမ်ခဏခဏပြောင်းတဲ့ အမေနဲ့ မယားကြောက်အဖေကို အားမလိုအားမရဖြစ်နေတဲ့ ဂျင်မ်… အပျိုဖော်ဖြစ်လာတော့ အရင်လို ကြင်ကြင်နာနာ မဆက်ဆံတော့တဲ့ အဖေရဲ့အာရုံစိုက်မှုကို သိပ်လိုချင်ရှာတဲ့ ဂျူဒီ… ကလေးဘဝကတည်းက အဖေ စွန့်ပစ်တာ ခံရပြီး အမေရဲ့ ဂရုစိုက်ခြင်းကို လုံးဝမခံရ အိမ်ဖော်မိန်းမကြီးနဲ့ပဲ အတူနေရတဲ့ ပလေတို… သူတို့ ၃ယောက်လုံးဟာ ပြဿနာကိုယ်စီနဲ့ ရဲစခန်းတစ်ခုမှ စဆုံမိကြတယ် နောက်နေ့ ကျောင်းစဖွင့်ချိန်မှာလည်း တစ်ကျောင်းတည်း အတူတက်ရပြန်တယ် ပလေတိုဟာ ဂျင်မ်နဲ့ သူငယ်ချင်းဖြစ်ဖို့ ကြိုးစားသလို ဂျင်မ်ကလည်း ဂျူဒီကို စိတ်ဝင်စားနေပြန်တယ်… ဂျင်မ်နဲ့ ဂျူဒီ စကားစမြည်ပြောရင်း သူမဟာ သူငယ်ချင်းအုပ်စုလို့ခေါ်တဲ့ အပေအတေ လူငယ်လေးတွေနဲ့ပဲ အချိန်ဖြုန်းလေ့ရှိတယ် သူတို့အုပ်စုနဲ့ ဂျင်မ်နဲ့ ညှိသွားကြချိန်မှာတော့ ကံကြမ္မာ အပြောင်းအလဲ တစ်ခုနဲ့ သူတို့ ၃ယောက်ကြား ဘာတွေဆက်ဖြစ်မယ်ဆိုတာ…..။ James Dean ရဲ့ ငယ်မူငယ်သွေးအပြည့်အဝနဲ့ ထီမထင် ခပ်ရွဲ့ရွဲ့ လူငယ်စတိုင်ကို သတိတရပြန်လည်မြည်းစမ်းကြပါဦးလို့။ (4K Quality ကို HDR version နဲ့တင်ဆက်ထားတာမလို့ HDR ကြည့်ရှုနိုင်တဲ့ VLC ကဲ့သို့ player များနဲ့ကြည့်မှသာ ကာလာစုံဖြစ်ရမှာဖြစ်ပြီး 1080p နဲ့ 720p ကိုတော့ ဘာနဲ့ကြည့်ကြည့်အဆင်ပြေမှာဖြစ်ပါတယ်။)

Barber (2023) ~ IMDb – 5/10, Rotten Tomatoes – 75% ~ ဒီကားလေးကတော့ လတ်တလောမှ ပူပူနွေးနွေးထွက်ရှိလာတဲ့ Crime, Drama, Mystery ကားလေးပါ။ Game of Thrones မှာ ပရိသတ်တွေရဲ့အချစ်များစွာကို ပိုင်ဆိုင်သွားခဲ့တဲ့ “Little Finger” သရုပ်ဆောင်မင်းသား Aidan Gillen က အဓိကဇာတ်‌ကောင် အလွတ်စုံထောက်ဗယ်လ်ဘာဘာ အနေနဲ့ သရုပ်ဆောင်ထားပါတယ်။ ဇာတ်အိမ်ကိုတော့ အိုင်ယာလန်နိုင်ငံ ကိုဗစ်လော့ဒေါင်းအချိန်ကာလအတွင်းကို တည်ထားပါတယ်။ ဇာတ်လမ်းအကျဉ်းကတော့ ဗယ်လ်ဆီကို မုဆိုးမအဖွားကြီးတစ်ယောက်က ဆာရာဆိုတဲ့ မြေးမလေးပျောက်ဆုံးမှုအတွက် အမှုလိုက်ပေးဖို့ လာငှားရမ်းရာကနေ စတင်ပါတယ်။ ဗယ်လ်တစ်ယောက် အမှုလိုက်ရင်း ရဲတပ်ဖွဲ့အင်စပက်တာနဲ့ ကျောင်းတော်ဟောင်းက ရန်စတွေအပြင် ဗယ်လ်ရဲ့သပွတ်အူလိုဘ၀ကိုပါ စိတ်၀င်တစားကြည့်ရှုရမှာပါ။ သာမန်လူပျောက်မှုလေးတင်မဟုတ်ဘဲ နောက်ကွယ်မှာ Plot Twist လေးတွေပါ ရှိနေတာမို့ အားလုံးပဲ ဗယ်လ်နဲ့အတူ ဆာရာကိုလိုက်ရှာကြည့်ကြပါဦး။ (ဒီဇာတ်ကားနဲ့အညွှန်းကို Soe Thiri Swe မှ ပြန်ဆို ရေးသားထားပါတယ်) Size – 1.75GB, 765MB Quality – 1080p, 720p IMDb Rating – 5/10 Format – mp4 Duration – 1H 30Min Genre – Crime, Drama, Mystery Subtitle – Myanmar Subtitle (Hardsub) Translated by Soe Thiri Swe Encoded by Y

Urban Legend (1998) =============== အမြို့မြို့အနယ်နယ်မှာ ပါးစပ်ရာဇဝင်လို့ခေါ်ကြတဲ့ ဇာတ်လမ်းတွေ၊ အချင်းချင်း လက်ဆင့်ကမ်းလာခဲ့တဲ့ပုံပြင်တွေကိုယ်စီရှိတတ်ကြပါတယ်။ အဲ့ဒါတွေဟာ အမှန် တကယ်လား စိတ်ကူးယဉ်လား ဆိုတာ ဘယ်သူမှစေ့စေ့စပ်စပ်စုံစမ်းလေ့မရှိကြ ပေမယ့် ပြောတဲ့သူတိုင်းကတော့ ကိုယ်တွေ့ကြုံသလိုပြောလေ့ရှိကြတာပါပဲ။ အဖြစ်အပျက်တွေက ပန်ဒယ်တန်တက္ကသိုလ်ကျောင်းသူ မီချယ်မန်စီနီဆိုတဲ့ကောင် မလေးတစ်ယောက် ကားနောက်ခုံမှာ ပါလာတဲ့လူသတ်သမားရဲ့ခေါင်းဖြတ်သတ်ခံ လိုက်ရချိန်မှာစတင်ခဲ့ပါတယ်။ ဒီဖြစ်ရပ်ဟာ ကျောင်းဝင်းတစ်ခုလုံးကို တုန်လှုပ်သွား စေခဲ့ပေမယ့် ထုံးစံအတိုင်းယုံကြည်တဲ့သူတွေ မယုံကြည်ပဲလှောင်ပြောင်သူတွေနဲ့ဝိဝါဒ ကွဲပြားနေကြတုန်းပါပဲ။ အဲ့ဒီမီချယ်နဲ့အထက်တန်းကျောင်းတုန်းက သူငယ်ချင်းဖြစ်ခဲ့တဲ့သူ နက်တလီကတော့ ဒီဖြစ်ရပ်ကြောင့်အထူးတုန်လှုပ်သွားခဲ့ရပါတယ်။ သူ့ဘေးက လက်လှမ်းမီသူတွေကို သတိပေးခဲ့ပေမယ့် မအောင်မြင်ခဲ့ဘဲ သူ့သူငယ်ချင်း တွေ တစ်ယောက်ပြီးတစ်ယောက် ပါးစပ်ရာဇဝင် ဇာတ်လမ်းတွေထဲက အတိုင်း ဆင်တူနည်းလမ်းတွေနဲ့ အသတ်ခံလာရတဲ့အချိန်မှာတော့ နက်တလီတစ်ယောက် ကိုယ့် အားကိုယ်ကိုးပြီးလူသတ်သမားကိုဖော်ထုတ်ဖို့ကြိုးစားရပါတော့တယ်။ ဂန္ဓဝင် Slasher Films တွေထွက်ခဲ့တဲ့ 90s ကာလက နာမည်ကျော်တွေထဲက တစ်ကားဖြစ်ပါတယ်။ Horror ပရိသတ်တွေအတွက်အချိန်ပေးရကျိုးနပ်မယ့်ဇာတ်ကားပါပဲ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size……….(1.76 GB) / (751 MB) Quality…………BLU-RAY 1080p / 720p Duration………1Hr 39Min Subtitle………..Myanmar Hardsub Format…………MP4 Genre…………..Horror, Mystery, Thriller Translator…….Alias Encoder……….SWM

Persona ( 1966 ) Personaက Ingmar Bergmanရဲ့ အကောင်းဆုံးတွေထဲပါသလို ခေတ်အဆက်ဆက် ရုပ်ရှင်ဒါရိုက်တာတွေ ဒီစတိုင်မျိုး တိုက်ရိုက်ဖြစ်စေ သွယ်ဝိုက်ဖြစ်စေ ပြန်ဖော်ထုတ်ကြတာကိုလည်း ခဏခဏခံခဲ့ရတဲ့ ရုပ်ရှင်ပဲ။ ထင်ထင်ရှားရှားကတော့ ဒေးဗစ်လင်းရဲ့ မူဟော်လန်ဒရိုက်ဗ်တို့ ဘာတို့ပေါ့။ စတိုရှိခွန်တို့ စကောဆေးစိတို့လည်း ကင်းခဲ့မယ်လို့ ကျွန်တော်တော့မထင်ဘူး။ ဒီလိုပါပဲ။ ဘာမှအသစ်မရှိတဲ့ သမိုင်းတစ်လျှောက်မှာ ဒါလည်း မဆန်းပါဘူး။ အင်ဂမာဘာ့ခ်မန်းကို ကျွန်တော်အလေးစားဆုံးအပိုင်းက သူ့အနုပညာကို သူ့အတွက်ပဲသူလုပ်တဲ့ အမှုကိုပဲ။ ဘာ့ခ်မန်းက အစောပိုင်းကာလတွေမှာတော့ သူ့ရုပ်ရှင်ရိုက်တဲ့အပိုင်းမှာ ပရိသတ်ဆိုတဲ့အပိုင်းကို ထည့်တွေးခဲ့ပေမဲ့ နောက်ပိုင်းတော့ ရုပ်ရှင်ကို သူ့အတွက်ပဲ သူရိုက်တော့တယ်လို့ ပြောခဲ့တယ်။ သူ့ခံစားချက် သူ့အနုပညာကို သူစီးကူးချင်လို့ပဲ ရိုက်တော့တယ်လို့ပြောခဲ့တယ်။ ဘာ့ခ်မန်းဟာ အော်စကာဆန်ခါတင်ဝင်တာကိုတောင် ငြင်းခဲ့တဲ့အတွက် သူ့ရုပ်ရှင်တွေဟာ သူ့အတွက်သူလုပ်တာလို့ပဲ ယုံခဲ့တဲ့လူမျိုးပဲ။ ဘယ်သူ့မှတ်ကျောက်မှ အတင်ခံစရာမလိုလို့လည်းဖြစ်နိုင်တယ်။ မသိနိုင်ဘူး။ ဝူဒီအယ်လန်ကလည်း Personaကို မှီးပြီး Stardust Memories (1980)ကို ရိုက်ခဲ့ဖူးသလို ဘာ့ခ်မန်းကို လေးလည်းလေးစားသလို လူချင်းလည်းတွေ့ဖူးတဲ့သူပဲ။ သူလည်း မထူးဘူး။ ‌အော်စကာကို ငြင်းတော့မငြင်းခဲ့ပေမဲ့ သူရခဲ့တဲ့လေးဆုလုံးကို သူသွားလည်းမယူခဲ့ဘူး။ သူလည်း အလားတူ သူ့အတွက်ပဲသူရိုက်ပုံပါပဲ။ သူ့ပြဿနာနဲ့သူ အမေရိကန်ရုပ်ရှင်လောကမှာ ခြေချဖို့မဖြစ်နိုင်တော့ပေမဲ့ ပရိသတ်လက်ခံမှုတော်တော်ပျက်သွားပေမဲ့ ပြင်သစ်မှာ အခုထိရိုက်ကောင်းတုန်းပဲ။ ဘာ့ခ်မန်းရဲ့ ရုပ်ရှင်တွေကတော့ ပုဂ္ဂလိက ပိုဆန်မလားပဲ။ သူ့ရုပ်ရှင်တွေဟာ အမြဲ သူ့အမေးတွေနဲ့ပဲ ပြည့်နှက်နေခဲ့တယ်။ သူ့ရုပ်ရှင်တွေဟာ သူ့ရှေ့က ဘယ်ဒါရိုက်တာနဲ့မတူတဲ့ အကြောင်းအရာတွေကို မီးမောင်းထိုးပြထားတဲ့ ရုပ်ရှင်တွေများတယ်။ သေခြင်း ယုံကြည်မှု လူ့ဆက်ဆံရေးတို့ကို အမြဲမေးခွန်းထုတ်ထားတယ်။ Personaကလည်း အဇ္စျတ္တနဲ့ အစစ်အမှန်တရားကို မေးခွန်းထုတ်ထားတဲ့ ရုပ်ရှင်လို့ပြောလို့ရတယ်။ Personaဆိုတာ maskဆိုတဲ့ အဓိပ္ပာယ်လည်းရနေတယ်။ ဘာ့ခ်မန်းအဆိုအရတော့ ကျွန်တော်တို့ရဲ့ ပြုခြင်းပြောခြင်း ထိတွေ့ခြင်း အရာရာက အစစ်အမှန်တရားမဟုတ်ဘူးတဲ့။ ငြိမ်သက်ခြင်းကတော့ အစစ်အမှန်တရားတစ်ခုတည်းသော ပုံစံဖြစ်နိုင်တယ်တဲ့။ ဒါကြောင့် ဒီရုပ်ရှင်ထဲက ဇာတ်ဆောင်ဟာ စိတ်‌ရော ကိုယ်ရော ကျန်းမာနေလျက်ပါနဲ့ ပြောခြင်းပြုခြင်းတွေနဲ့ ကင်းအောင်နေခဲ့တယ်။ ဒါကို ဆရာဝန်တွေက ကုပေးဖို့ကြိုးစားတာနဲ့ ဒီရုပ်ရှင်ကို စဖွင့်ထားတယ်။ ဘာ့ခ်မန်းဆက်ပြောတာက… နောက်တစ်ဆင့်ထပ်တွေးကြည့်မယ်ဆိုရင်လည်း ဒီလိုမပြုမပြောဘဲနေတာကိုကလည်း မျက်နှာဖုံးတစ်မျိုးဖြစ်နေတာကို မြင်ရလိမ့်မယ်တဲ့။ ဒီရုပ်ရှင်ဟာ အဲဒီနောက်တစ်ဆင့်ရဲ့ မျက်နှာဖုံးကို ခွာချတဲ့အကြောင်းလို့ပြောရင်လည်း ရတယ်။ မရှိမဖြစ်အတုတွေနဲ့ လည်ပတ်နေတဲ့အရာကို ကမ္ဘာလို့ ငါတို့ခေါ်တယ်။ အမြဲမဟုတ်တောင် တစ်ခါတလေတော့လည်း ငါတို့ထဲကအများစုကတော့ ဒါကိုမြင်ခဲ့ကြတယ်။ ဘယ်သူမှတော့ ဒါကိုအကြာကြီးမစွဲကြဘူး။ အကြာကြီး မတွေးကြဘူး။ စွဲလိုက်မိရင်လည်း ငါတို့ကမ္ဘာကြီးက ပြိုကျသွားလိမ့်မယ်။ ငါတို့ထက်တော်တဲ့လူတွေ မသိခဲ့ကြဘူးမဟုတ်ဘူး။ တစ်ချို့တလေကတော့ ငြိမ်သက်ခဲ့ကြတယ်။ သက်ငြိမ်ကလည်း ဒီကမ္ဘာက မလွတ်မြောက်နိုင်သေးတဲ့ လွတ်မြောက်ချင်ယောင်ဆောင်ထားတဲ့ နောက်ထပ်အတုတစ်ခုပဲ။ “ရောင်စုံစွန်းထင်းခဲ့တဲ့စိတ်ကို ဖြူစင်အောင်ပြန်ဖွတ်လည်း” ဒါတကယ်ဖြူစင်ခြင်း ဟုတ်ပါ့မလား။ ဖြူစင်ခြင်းကရော ရှိပါ့မလား။ တစ်ချိန်တည်းမှာပဲ အသစ်တစ်ခုကြောင့် အဟောင်းတစ်ခုက အတုဖြစ်သွားမယ်ဆို အသစ်တစ်ခုကလည်း အတုပဲလို့ ထင်ကောင်းထင်ရနိုင်တယ်။ ဒါပေမဲ့ ငါတို့ယုံကြည်ထားတဲ့ ခံစားချက်ရဲ့စစ်မှန်ခြင်းအရတော့ စစ်နေရင် ဒါတွေဟာ အတုတွေဟုတ်ပါ့ဦးမလား။ ဒါမှမဟုတ် အဲဒီခံစားချက်ကလည်း ငါတို့ဉာဏ်မမီနိုင်တဲ့ အတုတစ်ခုပဲလား။ စိတ်မှာရော အဆုံးရှိပါ့မလား။ ဒီအချိန်ငါ့အတွေးဟာ”အမည်မရှိရေတံခွန်”။ ” ဘယ်တုန်းကမှလည်း မမိခဲ့ဖူးဘူး”။ ဒီတိုင်းပဲ ထားလိုက်ရပါတယ်။ ဘာကမမှန်ပေမဲ့ အားလုံးမှားသွားတဲ့အခါကျရင် အားလုံးပြိုလဲကြရမှာမို့ပါ။ ဒီဒုက္ခဟာ ငါနဲ့ငါ့အတွက်ပဲ ဖြစ်ပါစေပေါ့။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်) Genre….. Drama Quality…. 1080p WEB-DL | 720p WEB-DL File size… 1.55GB | 1.15GB Format… mp4 Duration…. 1h 23min Subtitle…. Myanmar Subtitle (Hardsub) Translator ….. WiRa Aung Encoder ….. Aaron

Street Fighter The Legend of Chun-Li (2009) Street Fighter ဂိမ်းကို ရုပ်ရှင်တွေ၊ Animation Movie တွေအဖြစ် များစွာအသက်သွင်းခဲ့တဲ့ ဇာတ်ကားတွေထဲမှာမှ ဒီဇာတ်ကားက ပရိသတ်အချစ်တော် ချွန်းလီရဲ့ဒဏ္ဍာရီကို တင်ဆက်ထားတာဖြစ်ပါတယ်။ ချွန်းလီဖခင်ရဲ့အိပ်မက်ကတော့ သူ့သမီးလေးကို စန္ဒရားပညာရှင်တစ်ယောက်အဖြစ် ကြီးပြင်းအောင်မြင်စေချင်ခဲ့တာပဲဖြစ်ပါတယ်။ အောင်မြင်တဲ့စီးပွားရေးသမားတစ်ယောက်ဖြစ်တဲ့ ဖခင်ဖြစ်သူရဲ့ အလုပ်အကိုင်ကို ဂဃနဏမသိခဲ့ရဘဲ အိမ်ခဏခဏရွှေ့ပြောင်းနေရတာကိုပဲ ငယ်ရွယ်စဉ်ဘဝမှာ အမှတ်ရနေခဲ့ပါတယ်။ တစ်ရက်မှာတော့ ချွန်းလီရဲ့ဖခင်ကို ရှာဒါလောင်း ဒုစရိုက်အဖွဲ့အစည်းကြီးရဲ့ခေါင်းဆောင် ဘိုင်ဆန်က အတင်းအကျပ် ဖမ်းဆီးခေါ်ဆောင်သွားခဲ့ပါတယ်။ ဖခင်ကို ဖမ်းဆီးသွားရတဲ့ ရည်ရွယ်ချက်ကို မသိရှိခဲ့ရဘဲ မိခင်နဲ့အတူ ကြီးပြင်းခဲ့ရပြီး သူ့အဖေဖြစ်စေချင်တဲ့ စန္ဒရားပညာရှင်တစ်ယောက် ဖြစ်လာခဲ့ပါတယ်။ ရောဂါသည်မိခင်ဖြစ်သူကို ပြုစုရင်း ဘဝကို စန္ဒရားပညာရှင်အဖြစ် ဖြတ်သန်းနေတဲ့ ချွန်းလီရဲ့ဘဝထဲကို ရှေးဟောင်းတရုတ်စာတွေ ရေးသားထားတဲ့ ထူးခြားတဲ့စာလိပ်တစ်ခု ရောက်လာခဲ့ပါတယ်။ မိခင်ဖြစ်သူ ဆုံးပါးပြီးနောက် ဘဝရည်မှန်းချက်တွေ ပျောက်ဆုံးနေတဲ့ချွန်းလီအတွက် အဆိုပါစာလိပ်ရဲ့ ပဟေဠိကို စူးစမ်းရှာဖွေဖို့ ဖြစ်လာခဲ့ပါတယ်။ အဆိုပါစာလိပ်ကို ကုဒ်ဖော်ပေးမယ့် တရုတ်အမျိုးသမီးကြီးတစ်ဦးနဲ့ တွေ့ခဲ့ပြီးတော့ သူ့ရဲ့ကံကြမ္မာအရ ဘန်ကောက်ကိုသွားပြီး ပင့်ကူအိမ်အဖွဲ့ရဲ့ခေါင်းဆောင် ဂန်ကို ရှာဖွေဖို့ သူ့ကို စေလွှတ်ခဲ့ပါတယ်။ သူ့ရဲ့ဘဝဟောင်းကို စွန့်ခွာပြီး ဘန်ကောက်မှာ ရရာခိုကပ်စားသောက်ရင်းနဲ့ပဲ ဂန်ဆိုတဲ့သူကို နေဝင်နေထွက် ရှာဖွေနေခဲ့ပါတယ်။ နောက်ဆုံးမှာတော့ ဘန်ကောက်လမ်းသရဲတွေနဲ့ ခိုက်ရန်ဖြစ်ပွားပြီး သတိမေ့နေခဲ့တဲ့ ချွန်းလီကို လူတစ်ယောက်က ကယ်ဆယ်သွားခဲ့ပါတယ်။ အဆိုပါသူဟာ ချွန်းလီအရမ်းတွေ့ချင်နေသူဖြစ်တဲ့ ပင့်ကူအိမ်အဖွဲ့ရဲ့ခေါင်းဆောင် ဂန် ဖြစ်နေပြီး သူ့အဖေ ဘယ်မှာရှိတယ်ဆိုတာကို သိကြောင်း ပြောပြခဲ့ပါတယ်။ သူ့အဖေကို ချက်ချင်းကယ်ဆယ်ချင်နေတဲ့ ချွန်းလီကို သူရင်ဆိုင်ရမယ့် ရှာဒါလောင်းအဖွဲ့အစည်းအကြောင်းကို ခရေစေ့တွင်းကျ ရှင်းပြခဲ့ပါတယ်။ ဖခင်နဲ့အတူ ဝူရှူးသိုင်းပညာကို သင်ကြားဖူးခဲ့တဲ့ ချွန်းလီဟာ ဂန့်ရဲ့တပည့်အဖြစ် ခံယူပြီး ဘိုင်ဆန်ကို ရင်ဆိုင်နိုင်တဲ့ အထိ လေ့ကျင့်ခဲ့ရပါတယ်။ သာမန်စန္ဒရားပညာရှင်လေးဘဝကနေ ကျော်ကြားတဲ့ Street Fighter ချွန်းလီ အဖြစ်သို့ ကူးပြောင်းလာပုံများကို ပရိသတ်ကြီးအနေနဲ့ ရှုစားရမှာဖြစ်ပါတယ်။ File size… 2 GB / 1 GB Quality… BluRay 1080p / 720p Format… mp4 Duration…. 1h 36m Genre ….. Action/Thriller Subtitle…. Myanmar Subtitle (Hard Sub) Encoder…. Thit San Khant Translated… by Sai Sumali

ဒီဇာတ်ကားကတော့ ၂၀၁၁ ခုနှစ်တုန်းက ထွက်ရှိခဲ့တဲ့ Grave Encounters ရဲ့အဆက် ဇာတ်ကားပဲဖြစ်ပါတယ်။ Paranormal Activites တို့ Blair Witch Project တို့လိုမျိုး ဖြစ်ရပ်မှန်မှတ်တမ်းတင်သရဲကားပုံစံမျိုးဖြစ်ပါတယ်။ ဒီဇာတ်ကားမှာဆိုရင်တော့ သဘာဝလွန်ကိစ္စတွေကို စွဲလမ်းနေတဲ့ ရုပ်ရှင်ကျောင်းက ကျောင်းသားတစ်စုဟာ ဆယ်စုနှစ်အတော်ကြာစွန့်ပစ်ထားပြီး ဘယ်သူမှမရှိတော့တဲ့ စိတ်ကျန်းမာရေးဆေးရုံဟောင်းကြီးတစ်ခုကို ဖောက်ဝင်ပြီးတော့ မှတ်တမ်းတင်ရိုက်ကူးဖို့ကြိုးစားပါတယ်။ အဲဒီနောက်မှာတော့ သူတို့အတွက် မထင်မှတ်ထားတဲ့ ဖြစ်ရပ်တွေက ကန့်လန့်ကာနောက်ကွယ်မှာ စောင့်ကြိုလို့နေပါတော့တယ်။ File size… 4.4 GB / 1.5 GB Quality… BluRay 1080p / 720p Format… mp4 Duration…. 1h 40m Genre ….. Horror/Thriller Subtitle…. Myanmar Subtitle (Hard Sub) Encoder…. Thit San Khant Translated… by Vader ft Riley

On Board (Aka) Gemide (1998) IMDb Rating (7.9) / Rotten Tomatoes (90%) တူရကီ နိုင်ငံ independent ရုပ်ရှင်ကားတစ်ကောင်းဖြစ်ပါတယ်။ သာမာန် သင်္ဘောသား လူလေးယောက်က သူတိုအခြေအနေ အကြောင်းပြချက်အရ ပြစ်မှု ကျူးလွန်သူတွေ ဖြစ်လာကြတဲ့အခါ သင်္ဘောပေါ်မှာက အရာရာ အမိန့်နာခံ အဆင်ပြေနေခဲ့ပါတယ်။ ဆိုတော့ သင်္ဘောပေါ်က သူတို ဘဝကြီးက ပျင်းစရာကောင်းနေခဲ့ပါတယ်။ သူတိုဟာ ပေါ့ သောက်နေကြရင်း ကမ်းစပ်ဘက် စျေးဝယ်သွားတဲ့ သူတို့ သူငယ်ချင်း ဘောက်ဇာ ပြန်လာဖို ထပ်ခါထပ်ခါ ပြောနေကြ အကြောင်းအရာကို ပြောကာ စောင့်နေကြရင်း ဘောက်ဇာတစ်ယောက် ပြန်လာတော့ ‌ရေစိုအဝတ်တွေနဲ့ ဘာစားစရာမှ မပါပဲ ရောက်လာခဲ့ပါတယ်။ ဓါးမြတိုက်ခံရတယ်လို သူတို သူငယ်ချင်းက ပြောတဲ့အခါမှာတော့..တူရကီ ဘာသာ စကားပြော နဲ့ ဇာတ်လမ်းကို ကြည့်ရှုကြရမှာပါ။ (အညွှန်းနဲ့ဘာသာပြန်ကတော့ Dar Dar ဖြစ်ပါတယ်။) File size… (2 GB) / (1 GB) Quality…. Blu-Ray 1080p / 720p Format…. mp4 Genre…. Crime, Drama Duration…. 01:42:11 Subtitle…. Myanmar Subtitle (Hardsub) Encoder…. Benjamin Translated by Dar Dar

IMDb Rating (7.1) / Rotten Tomatoes (96%) Sorry, Baby ကတော့ Eva Victor ရဲ့ပထမဆုံး ရိုက်ကူးထားတဲ့ Dark Comedy ဒရာမာဇာတ်ကားဖြစ်ပြီး ပြင်းထန်တဲ့ စိတ်ဒဏ်ရာတစ်ခုကို ရင်ဆိုင်ရတဲ့ အမျိုးသမီးတစ်ဦးရဲ့ ဘဝအကြောင်းကို ရိုးရိုးရှင်းရှင်းနဲ့ အဓိပ္ပါယ်နက်နဲအောင် ရိုက်ကူးပြသထားပါတယ်။ Agnes ဟာ ကျေးလက်နယ်တစ်ခုက ကောလိပ်မှာ စာပေပါမောက္ခအဖြစ် အလုပ်လုပ်ကိုင်နေသူဖြစ်ပြီး သူ့ဘဝဟာ သူ့ဆရာဟောင်း Preston Decker ရဲ့ လိင်ပိုင်းဆိုင်ရာ အကြမ်းဖက်မှုကို ခံစားရပြီးတဲ့နောက် အပြောင်းအလဲဖြစ်သွားခဲ့ပါတယ်။ အဲဒီအဖြစ်အပျက်ကြောင့် Agnes ဟာ စိတ်ဒဏ်ရာနဲ့ရုန်းကန်နေရပြီး သူ့ရဲ့အကောင်းဆုံးသူငယ်ချင်း Lydie (Naomi Ackie) ရဲ့ပံ့ပိုးမှုနဲ့ ဘဝကို ပြန်လည်တည်ဆောက်ဖို့ကြိုးစားခဲ့ပါတယ်။ ဇာတ်လမ်းက အချိန်အလိုက် ပြောင်းလဲသွားပြီး Agnes ရဲ့ စိတ်ခံစားချက်တွေ ၊ပျော်ရွှင်မှုတွေ၊ နာကျင်မှုတွေနဲ့ ပြန်လည်ထူထောင်ရေးခရီးကို ကြည့်ရှုရမှာဖြစ်ပါတယ်။ Sundance Film Festival (2025) မှာ Waldo Salt Screenwriting Award ရရှိခဲ့ပြီး Cannes Film Festival ရဲ့ Directors’ Fortnight ကဏ္ဍမှာ ပြသခဲ့ပြီးတဲ့နောက် Queer Palm ဆုအတွက် ရွေးချယ်ခံခဲ့ရပါတယ်။ Rotten Tomatoes မှာ 97% အပြုသဘောဆောင်တဲ့ ဝေဖန်ချက်တွေရရှိခဲ့ပါတယ်။ Sorry, Baby ရုပ်ရှင်ဟာ စိတ်ဒဏ်ရာနဲ့ရုန်းကန်နေရသူတစ်ဦးရဲ့ဘဝကို နက်နက်ရှိုင်းရှိုင်း လေ့လာထားတဲ့ရုပ်ရှင်ဖြစ်ပြီးပရိသတ်တွေကို ရယ်မောခြင်း၊ ငိုကြွေးခြင်းနဲ့အတူ စဉ်းစားဆင်ခြင်စေမယ့်ဇာတ်လမ်းတစ်ပုဒ်ဖြစ်ပါတယ်။ File Size… (1.29GB) / (563MB) Quality… WEB-DL 1080p HEVC /720p Format…mkv / mp4 Duration…1h 43m Genre ….Comdey , Drama Subtitle….Myanmar Subtitle (Hard Sub) Encoder….Min Wai Translated by JULY