IMDb 7/10 Romance and Drama "ကျွန်တော်သာ သင်္ဘောတစ်စင်းဆို သူမက ကျွန်တော်ရဲ့ကျောက်စူးလေးပါပဲ" လို့ပြောခဲ့တဲ့ ဒန်နီရယ်နဲ့ သူအရမ်းချစ်ရတဲ့အမျိုးသမီးလေး ကတ်သရင်းတို့ကို လူတိုင်းသိကြမယ်ထင်ပါတယ်။ နာမည်ကျော်ဖိလစ်ပိုင်အနုပညာရှင်စုံတွဲလေးဖြစ်တဲ့ သူတို့အတွဲလေးဟာ ယခုဆိုရင် ရည်းစားသက်တမ်း ၁၀ နှစ်ကျော်ထဲကို ရောက်ရှိနေခဲ့ပြီဖြစ်ကာ အရှေ့တောင်အာရှကလူတိုင်း ချစ်ခင်နှစ်သက်ကြတဲ့ နာမည်ကျော်အနုပညာရှင်စုံတွဲလေးဖြစ်ပါတယ်။ သူတို့စုံတွဲလေးဟာ အလွန်အောင်မြင်တဲ့ စီးရီးနဲ့ရုပ်ရှင်ဇာတ်ကားပေါင်းများစွာကို အတူတူတွဲရိုက်ကူးခဲ့ပြီး သရုပ်ဆောင်ကောင်းသလို အရိုခန်း အငိုခန်းတွေမှာ လိုက်ဖက်လွန်းတာကြောင့် လူကြိုက်များခဲ့ပါတယ်။ ယခုတင်ဆက်ပေးသွားမှာကတော့ ၂၀၁၄ ခုနှစ်မှာထွက်ရှိခဲ့တဲ့ သူတို့နှစ်ယောက်ရဲ့အချစ်ဒရမ်မာဇာတ်ကားလေး She's Dating the Gangster ပဲ ဖြစ်ပါတယ်။ ဇာတ်လမ်းကတော့... မိခင်ဆုံးပါးသွားတည်းက ဖခင်ဖြစ်သူကို စိတ်နာနေတဲ့ ကန်းနက်ဆိုတဲ့ကောင်လေးဟာ သူ့မိခင်ရဲ့သေဆုံးမှုဟာ သူ့ဖခင်ရဲ့စနက်မကင်းဘူးလို့ထင်မြင်နေတာလည်းဖြစ်ပါတယ်။ သူ့မိခင်နဲ့ဖခင်တို့ အတိတ်သမိုင်းကြောင်းကို သိချင်လို့ပြန်လည်တူးဖော်ရင်း ဘယ်လိုအခြေအနေမျိုး၊ ဘယ်လိုအကြောင်းအရာမျိုးတွေ သိရှိလာမယ်၊ သူ့အဖေက ဘာလို့ရယ်ရယ်ပြုံးပြုံးမရှိတော့တာလဲဆိုတာရယ်၊ ဘာကြောင့် သူ့အမေဆုံးပါးသွားရတာတွေကို သူ့အဖေကြောင့်လို့ သူထင်နေလဲ၊ သူ့အဖေကရော ဘာတွေမှားခဲ့တာလဲဆိုတာကို ဇာတ်လမ်းဇာတ်ကွက်ကောင်းကောင်းလေးနဲ့ ငြိမ့်ငြိမ့်လေးကြည့်ရှုရမယ့် ဖိလစ်ပိုင်အချစ်ဒရမ်မာဇာတ်လမ်းလေးဖြစ်ပါတယ်။ Tele Link ကနေပဲကြည့်တတ်တယ်ဆိုရင် https://t.me/Myname2021hakak/42  မှာဝင်ကြည့်ပါ။720p HD ကို တင်ပေးထားပါတယ်။ File size…(3.2 GB)/(1.2 GB) Quality…WEB-DL AMZ 1080p / 720p Format…mp4 Duration….01:53:22 Subtitle….Myanmar Subtitle (Hardsub) Encoder….Ka Naung Translated by San Thu Aung

ဒီတစ်ခေါက်မှာတော့ old but gold အက်ရှင် ဇာတ်ကားလေးတစ်ကားကို မိတ်ဆက်ပေးချင်ပါတယ်။ ဒီဇာတ်ကားမှာ ဒေါလ်တန်ဆိုတဲ့ လုံခြုံရေးသမားဟာ အကောင်းဆုံးစွမ်းရည်ရှိတဲ့ လုံခြုံရေးသမားဖြစ်ပါတယ်။ ဒါကြောင့် သူဟာ တစ်နေ့မှာ မစ်ဆိုရီက ဒါဘယ်ဒုစ်ဆိုတဲ့ ဘားတစ်ခုမှာ အလုပ်လုပ်ဖို့ ကမ်းလှမ်းခံရပါတယ်။ ဒါဘယ်ဒုစ်ဟာ သာမာန်နေရာလို လူဆိုးတွေ၊ အရက်သမားတွေ သောင်းကျန်းရုံနေရာမဟုတ်ဘဲ မြို့ကိုလက်ဝါးကြီးအုပ်ထားတဲ့ ဘရတ်၀က်စ်လေ နဲ့ သူ့လူတွေ သောင်းကျန်းချင်တိုင်း သောင်းကျန်းနေတဲ့ နေရာတစ်ခုဖြစ်ပါတယ်။ သူတို့အကုန်လုံးကို ဒေါလ်တန်က ရှင်းထုတ်လိုက်တဲ့အခါ သူ့စီးပွားရေးကို ကာကွယ်ဖို့ ဘရတ်လည်း အစွမ်းကုန်ယုတ်မာ ပါတော့တယ်။ တစ်မြို့လုံးကလည်း ဘရတ်လက်အောက် ရောက်နေပြီး ဘရတ်မထင်ရင်မထင်သလို အနှိပ်စက်ခံရတာကြောင့် မတော်လှန်ရဲတဲ့အနေ အထားမှာ ဒေါ်လ်တန်တစ်ယောက်တည်း ဘရတ်ကို ရင်ဆိုင်ရပါတော့တယ်။ ဒီတွေ့ဆုံမှုမှာ ဒေါလ်တန်ကပဲ အနိုင်ရရှိပြီး မြို့သားတွေကိုကယ်တင်နိုင်မလား။ ဒါမှမဟုတ် ရှူံးနိမ့်ပြီး မြို့ထဲကထွက်သွားရမလား ဆိုတာကို စိတ်၀င်တစားကြည့်ရမယ့် ဇာတ်ကားကောင်းလေးတစ်ကားဖြစ်ပါတယ်။ File size…1.70GB / 764MB Quality…Blu-Ray 1080p5.1CH  / 720p Format…mp4 Duration….1h 54m Genre .....Action , Thriller Subtitle….Myanmar Subtitle (Hard Sub) Encoder….Min Wai Translated by Jaka

၂၀၂၂ဇွန်လ ၃ရက်မှာထွက်ရှိခဲ့တဲ့ Horror ရုပ်ရှင်ကား တစ်ကားကို တင်ဆက်ပေးပါရစေ။ အစမှာတော့ ကျောင်းသားတစ်စုဟာ ကာယဆရာဦးဆောင်တဲ့ ကျောင်းလေ့လာခရီးတစ်ခုကိုထွက်လာကြတာဖြစ်ပါတယ်။ လမ်းမှာ ကားရှေ့မှန်ကို သွေးတွေလာစင်လို့ ကားကလမ်းဘေးထိုးကျသွားပြီး ဇွန်ဘီတစ်ကောင်ကြောင့် ကျောင်းသားတွေဟာ ကြောက်လန့်တကြား ထွက်ပြေးကြရင်း အဆောက်အဦးပျက်တစ်ခုထဲရောက်သွားပါတယ်။ ကျောင်းသားတချို့ကိုတော့ဆုံးရှုံးလိုက်ရပေမဲ့ ကျန်တဲ့သူတွေက ဇွန်ဘီတွေရန်ကကာကွယ်ဖို့ ပြင်ဆင်ကြပါတယ် ။ အဲဒီနောက်မှာတော့ ကျောင်းမှာအမြဲ အနိုင်ကျင့်ခံရတဲ့ ကောင်လေးနှစ်ယောက်က ဟီးရိုးဖြစ်လာပြီး ဇွန်ဘီတွေကိုဘယ်လိုရှင်းထုတ်ကြလဲ တွေ့မြင်ရမှာပါ ။ သူတို့ကရောအမှန်တကယ် ဟီးရိုးတွေလား သရုပ်အမှန်က ဘာဖြစ်မလဲ ။ ဇွန်ဘီတွေကရော ဘယ်ကဘယ်လိုရောက်လာကြပြီး အရေးကြီးလာတဲ့အခါ သူတို့ဘယ်လိုစည်းစည်းလုံးလုံးကျော်ဖြတ်သွားကြမလဲဆိုတဲ့အဆုံးသတ်ကို စိတ်ဝင်တစားနဲ့ ဆက်လက်ကြည့်ရှုကြပါဦး ခင်ဗျာ။ အညွှန်းနဲ့ ဘာသာပြန်ကတော့ Junior ပဲ ဖြစ်ပါတယ်။ Genre..... Comedy, Horror, Thriller Quality…. 1080p | 720p | 480p File size… 1.3GB | 684MB | 280MB Format… mp4 Duration…. 1h 31min Subtitle…. Myanmar Subtitle (Hardsub) Translator ..... Junior Encoder ..... August

-ရဲအရာရှိဖြစ်တဲ့အဖေဖြစ်သူကတာဝန်ထမ်းဆောင်ရင်း အသက်ပေးသွားခဲ့တဲ့အတွက် ရဲတပ်ဖွဲ့ကိုမုန်းတီးပြီး ဝါသနာပါရာ ဓာတ်ပုံဆရာအဖြစ်ဘဝကို ဖြစ်သလိုဖြတ်သန်းနေတဲ့ Jiang Miao -ပြည်သူတွေအတွက်ကိုယ်ကျိုးစွန့်ပြီး တာဝန်ကျေပွန်အောင်ထမ်းဆောင်ခဲ့ရတာ သူရဲကောင်းဖြစ်တယ်လို့ယူဆပြီး ကိုယ်တိုင်တင်မကပဲ ညီဖြစ်သူ Jiang Miaoကိုပါ အထူးရဲဖြစ်စေချင်တဲ့ Jiang Lei အယူအဆတွေကွဲပြားတဲ့ညီအစ်ကိုနစ်ယောက်မှာ Jiang Miaoဟာ လောကဒဏ်ရဲ့ရိုက်ခတ်မှုကြောင့် အလွဲလွဲအမှားမှားနဲ့ အထူးရဲတပ်ဖွဲ့ထဲရောက်သွားပြီး အထူးတပ်ဖွဲ့ရဲ့လေ့ကျင့်မှုကြောင့် အရည်အသွေးအဆင့်မှီတဲ့ပြည်သူ့ရဲဘယ်လိုဖြစ်လာခဲ့သလဲ ဆိုတာကိုရိုက်ကူးထားတဲ့ အက်ရှင်ကားကောင်းလေးတစ်ကားဖြစ်ပါတယ်။ [ Reviewed By Nu Mon ] Quality : WEB-DL 1080p , 480p Format : mp4 Genres : Action Runtime : 1h 49 min Subtitle : Myanmar Subtitle ( Hardsub ) Translated by CM Team Encoded by LK

IMDb Rating(7.4) မင်းသား ရမ်ဗီးဆင်းနဲ့ မင်းသမီး ဆိုနာရှီးတို့ရဲ့ ဒီဇာတ်ကားက အချစ်ဒရမ်မာ ဟဲဗီးကြိုက်သူတွေအတွက်ဖြစ်ပါတယ်။ ရုပ်ရှင်ထဲက လေးနက်တဲ့ ဇာတ်ဝင်ခန်းတချို့မှာ သရုပ်ဆောင်ချက်ပီပြင်ဖို့အတွက် ရမ်ဗီးဆင်းဟာ သူ့ကိုယ်သူ တွယ်ချိတ်နဲ့ ထပ်တလဲလဲ ထိုးပြီး သရုပ်ဆောင်ခဲ့တယ်လို့ဆိုပါတယ်။ ကြုံဖူးကြလား။ ဧည့်သည်တစ်ယောက်အဖြစ် ကိုယ့်ဘဝထဲကိုဝင်ရောက်လာ..။အတူတူသွား အတူတူစား တစ်ချို့နေရာတွေမှာ အတူတူနားဖြစ်ကြရင်းက နှလုံးသားချင်းနားလည် မျက်လုံးချင်းစကားတွေ အပြန်အလှန်ပြောပြီးမှ..။ သူ့ဘက်က (ကိုယ်ဘာအမှားမှ မလုပ်မိပါဘဲ) ရုတ်တရက်စိမ်းကားအေးစက်သွားတဲ့အခါ..။ ဒီရုပ်ရှင်ဟာ ၁၉၅၃ ကိုအခြေခံပါတယ်။ ဗာရွန်ဆိုတဲ့ ရှေးဟောင်းသုသေသနသမားကောင်လေး တစ်ယောက် မဏိပူပြည်နယ်က ရွာလေးတစ်ရွာမှာရှိတဲ့ မြေပိုင်ရှင် တစ်ယောက်ဆီကို သူတို့ရွာက ရှေးဟောင်းဘုရားကျောင်းတစ်ခုအောက်မှာ ရှေးမျိုးနွယ်စုတစ်ခုရဲ့ အမွေအနှစ်တွေရှိတယ်။ လေ့လာတူးဖော် ချင်လို့ဆိုတဲ့ အကြောင်းပြချက်နဲ့ ရောက်လာခဲ့တယ်။ သူ့မှာစာရွက်စာတမ်းတွေ အခိုင်အမာ စကားပြောကြည့်ရင်း သူ့အသိဉာဏ် အပြုအမူတွေကို သဘောကျလာတော့ မြေပိုင်ရှင် အဘိုးကြီးဟာ တည်းခိုခန်းကနေ သူ့အိမ်ကို ပြောင်းလာဖို့အထိ ဖိတ်ခေါ်ရင်းနှီးလိုက်မိတယ်။ ဘယ်သူစိမ်းကိုမှ မတွေ့ကြုံဖူးတဲ့ သူဌေးသမီး ရိုးရိုးလေး ပါခီဟာ သူတို့အိမ်ကို လာတည်းတဲ့ သူစိမ်းဧည့်သည် ဗာရွန်ကို နှလုံးသား တစ်ခုလုံးရင်းနှီးမိလိုက်တော့တာပါပဲ။ တကယ်တမ်းတော့ ဗာရွန်ဟာ…… ကျွန်တော်တို့ ကျောင်းမှာသင်ခဲ့ဖူးတဲ့ The last leaf ကိုပြန်ရိုက်ပါတယ်ဆိုတဲ့ ဒီဇာတ်ကားဟာ နောက်ဆုံးခန်းမတိုင်ခင်အထိ ကြိုမပြောထားရင် သိရမှာမဟုတ်ပါဘူး။ သရုပ်ဆောင် နှစ်ယောက်ကြားက ပီပြင်လွန်းလှတဲ့ chemistry ညှပ်သုံးသွားတဲ့ ရှေးသီချင်းတွေ ဇာတ်လမ်းနဲ့ လိုက်ဖက်တဲ့ ဇတ်ဝင်သီချင်းတွေအရ ကျွန်တော်တို့ မမှီလိုက်တဲ့ ခေတ် ကျွန်တော်တို့ မကြုံလိုက်ရတဲ့ အချစ်ကို နက်နက်နဲနဲခံစားစေရမှာပါ။ (ရုပ်ရှင်အညွှန်းနဲ့ဘာသာပြန်ကို Alias မှ တင်ဆက်ထားတာပါ။) File size…(1.7 GB) / (660 MB) Quality….WEB-DL 1080p HEVC /720p Format…mp4 Duration….02:18:48 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Our Little Sister ( 2015 ) ————————- Directed by Hirokazu Koreeda IMdb – 7.5 / Rotten Tomatoes – 94% ( ပထမဆုံးအပိုဒ်ဟာ ရုပ်ရှင်အကြောင်းမဟုတ်ဘဲ ဂျပန်စီနီမာက မျက်မှောက်ခေတ်ဒါရိုက်တာတွေအကြောင်းမို့ ကျော်ချင် ကျော်ဖတ်လို့ရပါတယ် ) ( ဂျပန်ရုပ်ရှင်တွေဟာ Ozu , Akira Kurosawa အပါအဝင် တခြားဒါရိုက်တာတွေနဲ့ သမိုင်းအစဉ်အလာတော်တော်ကြီးခဲ့သလို Contemporary Japanese Directorsတွေဖြစ်တဲ့ Shunji Iwai , Takashi Miike , Sion Sono , Kiyoshi Kurosawa , Tetsuya Nakashima , Yōjirō Takita, Yôji Yamada , Hirokazu Koreeda တို့တွေဟာလည်း မျက်မှောက်ခေတ်အထိ ဒီသမိုင်းအစဉ်အလာကို ထိန်းသိမ်းထားနိုင်တုန်းပါပဲ။ ဂျပန်ဟာ ကိုရီးယားထက် နောက်ကောက်ကျသွားပြီပြောကြပေမဲ့ လက်ရှိထိရှိနေတဲ့ ဇာတ်ကားကောင်းတွေထုတ်ပေးနိုင်တဲ့ ဒါရိုက်တာ အင်အားဟာ တော်တော်အားကောင်းတုန်းပါပဲ။ ထွက်လည်းထွက်နေကြတုန်းပါပဲ။ မကျော်တောင် နောက်ကောက်တော့မကျတာ သေချာပါတယ်။ Takashi Miikeတို့ Kiyoshi Kurosawaတို့လို Extremeဆန်တဲ့ ဒါရိုက်တာတွေကလည်း သူ့လိုင်းနဲ့သူအောင်မြင်သလို Hirokazu Koreeda တို့ Shunji Iwaiတို့ကလည်း အသိမ်မွေ့ဆုံး အလှပဆုံး ရုပ်ရှင်တွေကို ထုတ်ပေးနေတုန်းပါ။ Sion Sonoတို့ဆို မနှစ်က နစ်ကေ့နဲ့ ဘိုကားသွားရိုက်ခဲ့သလို Koreedaဆိုလည်း အီသန်ဟန့်နဲ့ ရိုက်ဖူးတဲ့သူပါ။ Kiyoshi Kurosawaရဲ့ cureကိုတော့ david Fincherရဲ့ Se7enထက်တောင် သာတယ်လို့ပြောတဲ့သူတွေမနည်းပါဘူး။ Shunji Iwaiရုပ်ရှင်တွေကတော့ လူ့ပြည်ကနိဗ္ဗာန်ဘုံလို့တောင် ဆိုကြပါတယ်။ ဒီထဲတော့ Personallyအရတော့ Hirokazu Koreedaနဲ့ Shunji Iwaiတို့ရဲ့ ရုပ်ရှင်အေးအေးလေးတွေကိုတော့ သဘောအကျဆုံးပါပဲ။ ဂျပန်ရုပ်ရှင်ဆိုတဲ့ အငွေ့အသက်ကိုလည်း သူတို့ဆီ အပြည့်အဝတွေ့ရပါတယ်။ ဒါကြောင့်ပဲ Shunji Iwaiဟာ last letterကို တရုတ်တွေနဲ့ အရင်ရိုက်ကြည့်တုန်းက မအောင်မြင်ခဲ့သလို korredaရဲ့ Brokerဟာလည်း ထင်သလောက်တော့ မဖြစ်သွားခဲ့တာနေပါမယ်။ သူတို့ရုပ်ရှင်တွေဟာ ဂျပန်အငွေ့အသက်နဲ့ပဲ လုံးဝပနဲပနံသင့်လှပနေတဲ့ ဂျပန်ရုပ်ရှင်အစစ်တွေပါပဲ။ ) Our Little Sisterဟာ korredaရဲ့ ကားကောင်းတွေများစွာထဲက တစ်ကားပါပဲ။ သူ့တခြားကားကောင်းတွေဖြစ်တဲ့ Nobody Knowsတို့ Like Father, Like Sonတို့ Brokerတို့ Air Dollတို့ Shopliftersတို့ Still Walkingတို့ကိုတော့ စီအမ်မှာတင်ထားဖူးတော့ သူ့မသိတောင် ဒီထဲက တစ်ကားကားကို အားလုံးရင်းနှီးပြီးသားဖြစ်မှာပါ။ Koreedaဟာ ozuရဲ့အငွေ့အသက်မကင်းတဲ့သူဖြစ်တာနဲ့အညီပဲ ရုပ်ရှင်အများစုဟာ ရိုးရိုးရှင်းရှင်းလေးပဲ မိသားစုတစ်ခုထဲက အဖြစ်အပျက်တို့ ဘာတို့ကို ချပြပြီး ဘာမှအဆန်းတကြယ်အဖြစ်အပျက်တွေမပါဘဲနဲ့ကို ဒိုင်ကြောင်တွေမဟုတ်နဲ့ သာမန်စကားလုံးတွေနဲ့ပဲ အဲဒီမိသားစုရဲ့ နောက်က အစိုင်အခဲတွေ သံယောဇဉ်တွေ ချစ်ခြင်းတွေ နားမလည်ခြင်း နားလည်ခြင်းတွေကို ပရိသတ်ရင်ထဲ အရောက်ပို့ပေးနိုင်တဲ့ရုပ်ရှင်တွေပါပဲ။ ကျွန်တော်ကြည့်ဖူးသလောက် သူ့ရုပ်ရှင်တွေထဲ ဒီဓာတ်ရဲ့အသိမ်မွေ့ဆုံးရုပ်ရှင်က still walkingပါပဲ။ နောက်ပိုင်းသိရတာတော့ still walkingဟာ သူ့မိသားစုကို အခြေတည်ရိုက်ထားတယ်ဆိုပါတယ်။ ဒါကြောင့်လည်း ဒီလိုဖြစ်နေတာပဲနေမှာပါ။ our little sisterကတော့ ညီအစ်မသုံးယောက်ဘဝထဲကို သူတို့အဖေရဲ့ နောက်မိန်းမရဲ့ သမီးလေး ရောက်လာတဲ့အကြောင်း ရိုက်ပြထားတဲ့ရုပ်ရှင်ပါပဲ။ သူ့ဟန်အတိုင်း သိမ်သိမ်မွေ့မွေ့လေးနဲ့ပဲ မပြထားတဲ့ နောက်ကြောင်းတွေကို တငွေ့ငွေ့မြင်လာအောင် ပြထားတယ်။ Koreedaပေးတဲ့ အရသာကိုကြိုက်တဲ့သူတွေအတွက် စိတ်ကျေနပ်မှုအပြည့်ရစေမယ့် ရုပ်ရှင်လို့ ပြောလို့ရပါတယ်။ ဂျပန်အကယ်ဒမီမှာ စီနီမာတိုဆု လိုက်တင်ဆု ဒါရိုက်တာဆုတွေအပြင် တက်သစ်စသရုပ်ဆောင်ဆုနဲ့ အကောင်းဆုံးရုပ်ရှင်ဆုကိုလည်း ရရှိခဲ့ပါတယ်။Palme d’Or ပြိုင်ဖို့လည်းအရွေးခံခဲ့ရသလို ပုဂ္ဂလိအမြင်အရတော့ Masami Nagasawaရဲ့ ဆွဲဆောင်မှုကလည်း ဒီရုပ်ရှင်ကို ပိုလှပစေခဲ့တဲ့ တစ်ချက်လို့ပြောရင်မမှားပါဘူး။ Our Little Sisterဟာ ဘာမှအလွန်အကျူးတွေမပါဘဲ သာမန်အဖြစ်အပျက်တွေ သာမန်ပျော်စရာတွေ သာမန်ဝေဒနာတွေနဲ့ကို ထူးထူးခြားခြားလှပနေတဲ့ KOREEDAရဲ့ မာစတာပိစ်တစ်ကားပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.2GB) / (1.1GB) Quality__BluRay_1080p, 720p IMDb Rating__7.5/10 Format__mp4 Duration__02:07:00 Type__Drama, Family Subtitle__Myanmar Subtitle (Hardsub) Translated by WiRa Aung Encoded by Naing Aung Latt

KKN di Desa Penari: Luwih Dowo, Luwih Medeni (2023) KKN di Desa Penari က အင်ဒိုနီးရှားရုပ်ရှင်မှာ ဝင်ငွေအကောင်းဆုံးရုပ်ရှင်အဖြစ် စံချိန်တင်ထားတဲ့ဖြစ်ရပ်မှန် horror ဇာတ်ကားပါ။ ဒီဇာတ်လမ်းစပေါ်လာပုံကလဲထူးဆန်းပါတယ်။ တွစ်တာမှာ Simpleman ဆိုတဲ့အကောင့်ကနေ ဒီဇာတ်လမ်းကိုစတင်ရေသားခဲ့တာပါ။ ဖြစ်ရပ်မှန်ဇာတ်လမ်းဖြစ်ပြီး လူတွေစိတ်ဝင်စားမှုများလာလို့ရုပ်ရှင်ရိုက်ကူးတဲ့ထိပါ ဖြစ်လာခဲ့ပါတယ်။ ဇာတ်လမ်းကတော့ ကျောင်းသား၆ ယောက်အကြောင်းပါ။ သူတို့က ရွာတစ်ရွာမှာ ရပ်ရွာဝန်ဆောင်မှုပရောဂျက်ကိုသွားလုပ်ခဲ့ပါတယ်။ သူတို့အတွက်ဒီပရောဂျက်အောင်မြင်ပြီးမှပဲဘွဲ့ရမှာပါ။ ဒီရွာနာမည်နဲ့တည်နေရာကိုတော့ ချန်လှပ်ပြသထားပါတယ်။ ဒီရွာရောက်ရောက်ချင်းမှာပဲ ရွာသူကြီးကသူတို့ကို ဆောင်ရန်ရှောင်ရန်တွေညွှန်ကြားပေမယ့် သူကလဲသိပ်တော့မပွင့်လင်းခဲ့ပါဘူး။ ကျောင်းသားတွေကလဲ သူများအကျိုးဆောင်ဖို့လာခဲ့ပေမယ့် ကိုယ့်ကိုယ်ကျိုးတွေဆန္ဒတွေကိုရှေ့တန်းတင်ပြီး မဖောက်သင့်တဲ့စည်းတွေကိုဖောက်မိတဲ့အခါ ဘာတွေဖြစ်ကြမလဲကြည့်ရှုရမှာပါ။ မြန်မာမှာလဲလူကြီးတွေပြောတာကြားဖူးတဲ့ ကျတ်ရွာတို့ အစောင့်လဲတယ်တို့ အစောင့်အရှောက်ရှိတယ်တို့ ဆိုတဲ့အကြောင်းအရာတွေကို ကြားဖူးနားဝကနေ မျက်စိထဲကွက်ကွက်ကွင်းကွင်းမြင်လာတဲ့အထိ ကြက်သီးတဖျင်းဖျင်းနဲ့ကြည့်ရမယ့်ကားပါပဲ။ ဇာတ်ကားရဲ့ခေါ်ဆောင်မှုကဘယ်လောက်အားကောင်းလဲဆိုရင် အပြင်မှာလူတွေက ဒီရွာကိိုလိုက်ရှာကြ ဒီကြုံခဲ့ရတဲ့လူတွေကိုလိုက်ရှာကြတဲ့အထိဖြစ်ခဲ့လောက်အောင်ပါပဲ။ (မူရင်း KKN di Desa Penari ကိုလဲ CM မှာတင်ဆက်ပေးထားပြီးသားပါ။) ဒီဇာတ်လမ်းကဘာကွာသွားလဲဆိုရင် Luwih Dowo Luwih Medeni ဆိုတာက ပိုရှည်လျားသော ပိုကြောက်စရာကောင်းသောလို့အဓိပ္ပါယ်ရပါတယ်။ မူရင်းဇာတ်လမ်းကို မိနစ်၄၀ ပိုဖြည့်ပေးထားပြီး အရင်ဇာတ်လမ်းမှာတုန်းက ပရိသတ်မရှင်းမလင်းဖြစ်ရတဲ့အကြောင်းအရာတွေကိုဖြည့်စွက်ပေးထားတယ် ဇာတ်လမ်းကိုမူရင်းအရေးအသားနဲ့ပိုတူအောင်အားဖြည့်ထားတယ် … တည်းဖြတ်မှုတွေကလဲ မူရင်းထက် ပိုကောင်းလာတာကြောင့် မကြည့်ရသေးသူတွေရော ကြည့်ရှုပြီးသူတွေအတွက်ပါ ပိုပြီးပြည့်စုံတဲ့ဇာတ်လမ်းပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Horror, Mystery Quality…. 1080p | 720p | 480p File size… 2.2GB | 1GB | 500MB Format… mp4 Duration…. 2h 55min Subtitle…. Myanmar Subtitle (Hardsub) Translator ….. Rashida Encoder ….. Aaron

ဒီကားက ဇာတ်လမ်းလည်းကောင်းသလို 18+အခန်းတွေကလည်း ခပ်မိုက်မိုက်တွေမို့ ကြည့်ရအတော်ပြေတယ်… ပိုပြီးစိတ်ဝင်စားဖို့ ကောင်းတာက ဇာတ်အိမ်လေးနဲ့ တင်ဆက်ထားတာကြောင့် ကြည့်ရတာ ပိုပြီး စိတ်ကျေနပ်ဖို့ ကောင်းပြန်တယ် … ဇာတ်လမ်းလေးရဲ့ အစကို ခါးပိုက်နှိုက်တာက စတင်ထားပြီး ဘယ်လိုတွေ အဆုံးသတ်မလဲ ဆိုတာကိုတော့….. File size…1.24GB / 498MB Quality…1080p / 720p Format…mp4 Duration….1h 2m Genre ….. Crime , Drama , Romance Subtitle….Myanmar Subtitle (Hard Sub) Encoder….Ava Translated by pk

Satanic Hispanics (2022) ~ IMDb – 5.7/10, Rotten Tomatoes – 91% ~ “Satanic Hispanics” ဆိုတဲ့နာမည်မှာ Hispanics ဆိုတာက စပိန်ဘာသာစကားကို အခြေခံထားတဲ့ လူမျိုးတွေကိုပြောတာပါ။ ဥပမာ ကျူးဘား၊ မက္ကဆီကန် လူမျိုးတွေပေါ့။ ဒီဇာတ်ကားရဲ့ခေါင်းစဉ်ကတော့ စေတန်နှင့်ပတ်သက်သော စပိန်များ လို့ အဓိပ္ပါယ်ဖွင့်လို့ရပါတယ်။ ~ ဇာတ်လမ်းအညွှန်း ~ စပိန်နိုင်ငံရဲ့ အယ်လ်ပါဆိုတဲ့ဒေသမှာရှိတဲ့ အိမ်တစ်ခုကိုဝင်စီးတဲ့အချိန်မှာ ရဲတွေဟာအလောင်းပေါင်းများစွာကို တွေ့ခဲ့ရပါတယ်။ ဒါပေမဲ့ “သွားလေသူ” လို့ သူ့ကိုယ်သူခေါ်တဲ့ အမျိုးသားတစ်ယောက်ပဲ ဘာထိခိုက်ဒဏ်ရာမှမရှိဘဲရှင်ကျန်နေခဲ့ပါတယ်။ ဒီလိုနဲ့ ထုံးစံအတိုင်းပဲ မှုခင်းဖြစ်ပွားတဲ့နေရာမှာ ရှင်ကျန်နေတဲ့သွားလေသူဆိုတဲ့သူကို လူသတ်တရားခံအတွက် သံသယရှိတဲ့သူဆိုပြီး စခန်းကိုဖမ်းသွား၊ မေးမြန်းတာတွေလုပ်ခဲ့ကြပါတယ်။ ဖြစ်ချင်တော့ သေဆုံးသူတွေက သမားရိုးကျပုံစံမျိုးနဲ့သေဆုံးတာမဟုတ်ဘဲ အားလုံးက သွေးတွေခန်းတဲ့အထိစုပ်သတ်ခံရပြီးမှ နဖူးထဲသေနတ်ရာပေါက်ပြီး သေသွားကြရပါတယ်။ ရဲတွေက ဒီဖြစ်ရပ်နဲ့ပတ်သက်တဲ့ မေးခွန်းတစ်ခုကိုမေးလိုက်တိုင်း သူက တခြားအကြောင်းအရာတွေနဲ့ ဆက်စပ်ပြီးပြောပြောလာပါတယ်။ အဲဒီမှာပဲ သွားလေသူဟာ သူ့ရဲ့ဇာတ်လမ်းတွေကို ပြောလာပါတော့တယ်။ တကယ်ပဲ ဒီမှုခင်းဟာ သမာရိုးကျအစွန်းရောက်လူသတ်သမားတစ်ယောက်ရဲ့ လုပ်ရပ်ပဲလား၊ ဒါမှမဟုတ် သွေးရိုးသားရိုးမဟုတ်တဲ့ ဂမ္ဘီရအတတ်၊ အောက်လမ်းနည်းတွေပါနေတဲ့ လူသတ်ကွင်းဆက်ကြီးများလားဆိုတာကို ကြည့်ရှူကြရမှာပဲဖြစ်ပါတယ်။ ဒီဇာတ်ကားကို ပြန်အကျဉ်းချုပ်ရရင်တော့ ရှုထောင့်ပေါင်းစုံနဲ့ ရိုက်ကူးထားတဲ့ဇာတ်ကားတစ်ကားလို့ပြောနိုင်ပါတယ်။ သွားလေသူပြောပြခဲ့တဲ့ ဇာတ်လမ်းတွေဟာ ရယ်ရ၊ မောရတဲ့အပြင် ထိတ်လန့်ချောက်ချားပြီး မထင်မှတ်ထားတဲ့ပုံစံတွေပါဝင်နေတဲ့အတွက် သာမန် Horror ကားတွေလိုမျိုး အမြဲလန့်နေရမှာမဟုတ်ဘဲ ရသမျိုးစုံကိုပေးစွမ်းနိုင်မယ့် ဇာတ်ကားကောင်းတစ်ကားဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size – 2.1GB, 900MB Quality – 1080p, 720p IMDb Rating – 5.7/10 Format – mp4 Duration – 1H 45Min Genre – Horror Subtitle – Myanmar Subtitle (Hardsub) Translated by Mark Encoded by Y

ဒီတစ်ခေါက်မှာတော့ IMDB 6.1 ရရှိထားတဲ့ ခရစ္စမတ်ကားလေးတစ်ကားနဲ့ မိတ်ဆက်ပေးချင်ပါတယ်။ အိုလစ်ဗီယာက ပန်းချီပညာရှင် ပြတိုက်မှူးတစ်ယောက်ဖြစ်ပြီး မကြာသေးခင်ကကြုံခဲ့ရတဲ့ စိတ်မကောင်းဖွယ်အဖြစ်အပျက်တစ်ခုကြောင့် ဖန်တီးနိုင်စွမ်းတွေ ပျောက်ဆုံးနေခဲ့သူပါ။ ခရစ္စမတ်ကာလမှာ တစ်ဦးတည်းသောသားလေး ပါကာ့ကို ခေါ်ပြီး မိဘအိမ်ပြန်နေဖို့ စီစဉ်ထားရာကနေ သူ့ဘဝရဲ့အလှည့်အပြောင်းလေး တစ်ခုဖြစ်ခဲ့ပါတော့တယ်။ အဲဒါကတော့ သူမရဲ့မိဘအိမ်ဖြစ်တဲ့ ဝယ်လ်လင်တန်ကို ရောက်ရှိသွားခဲ့ရာကနေ အဲဒီမြို့လေးမှာ ဘုနဲ့ဘောက်ဖြစ်စွာ လူတစ်ယောက်နဲ့ တွေ့ရှိခဲ့တာပါပဲ။ စကတည်းက ယဉ်သလိုဆိုသလို ရန်ဖြစ်ပြီး စတွေ့ခဲ့တဲ့ ဝယ်လ်ဆိုတဲ့သူက သူမနဲ့ အမှတ်မထင်ဘဲ အလုပ်အတူလုပ်ရဖို့ ဖြစ်လာခဲ့ချိန်မှာတော့.. ဖြစ်ချင်တော့ အဲဒီမြို့လေးမှာ နံရံဆေးရေးပန်းချီပြိုင်ပွဲတစ်ခု ရှိနေခဲ့ပြီး ပါဝင်ယှဉ်ပြိုင်သူတွေကို ဖိတ်ခေါ်နေခဲ့တာပါ။ အိုလစ်ဗီယာက ဝင်ပြိုင်ဖို့စိတ်ကူးမရှိခဲ့ပေမဲ့ သူ့အမေဖြစ်သူ ကောင်းမှုကြောင့် ဝင်ပြိုင်ဖြစ်သွားခဲ့တယ်ပေါ့လေ။ စိတ်ကူးစိတ်သန်းတွေပျောက်ဆုံးနေသူ အိုလစ်ဗီယာတစ်ယောက် နံရံဆေးရေးပန်းချီကိုသတ်မှတ်အချိန်အတွင်း ပြီးဆုံးအောင်ဆွဲနိုင်ပါ့မလား.. သူ့ဘဝရဲ့ကြီးမားတဲ့အလှည့်အပြောင်းကရော ဘာများဖြစ်မလဲ.. ဝယ်လ်နဲ့ရော ဘုနဲ့ဘောက်ဖြစ်ရာကနေ ဘယ်လိုတွေ love spark လေးတွေ‌ ပေါက်ဖွားလာမလဲ ဆိုတာကိုတော့.. ဇာတ်လမ်းထဲမှာပဲ ဆက်လက်ကြည့်ရှုလိုက်ကြပါဦး။ (ဒီကားရဲ့ အညွှန်းနဲ့ဘာသာပြန်ကတော့ Emily ပါ) File size…(1.65 GB)/(870 Mb) Quality….Webrip 1080p / 720p Format…mp4 Duration….01:24:00 Genre…Comedy, Drama, Romance Subtitle….Myanmar Subtitle (Hardsub) Encoder….Garfield Translated by Emily

2006 ခုနှစ်မှာ Academy Award for Best International Feature Film ဆုရခဲ့တဲ့ Tsotsi ဆိုတဲ့ လူငယ်ဂန်းစတားလေးတစ်ယောက်ရဲ့ အကြောင်းပဲဖြစ်ပါတယ်။ Tsotsiဆိုတဲ့ ရုပ်ရှင်က ၁၉နှစ်အရွယ် သွေးအေးပြီး ရက်စက်တတ်တဲ့ တောင်အာဖရိက က ဂိုဏ်းခေါင်းဆောင် ကောင်လေးတစ်ယောက်ရဲ့ ဖုံးဖိထားတဲ့ အတိတ်ရဲ့အကြောင်းကို ပြောပြလို့နေပါတယ်။ ငယ်ဘဝမှာ မိခင်၊ ဖခင်တွေနဲ့ တကွဲတပြားဖြစ်ခဲ့ရတဲ့အပြင် မိဘရဲ့ အချစ်မေတ္တာကို ငတ်ခဲ့ရတဲ့ Tsotsi က သူ့ရဲ့ နာမည်နဲ့ identity ကို ဖုံးကွယ်ထားခဲ့ပြီး သူငယ်ချင်းတွေနဲ့အတူ လမ်းပေါ်လုယက်မှုတွေ ကျူးလွန်နေတာ ဖြစ်ပါတယ်။ တစ်နေ့မှာ ဒုစရိုက်မှုတစ်ခု ကျူးလွန်ပြီး ထွက်ပြေးလာတဲ့ Tsotsi က ကားတစ်စီးကို ခိုးမိသွားပြီး ကားနောက်ခန်းမှာ မွေးကင်းစ ကလေးလေး ပါလာတာကို သတိမထားမိခဲ့ပါဘူး။ဒီလိုနဲ့ ၆ရက်လောက် အချိန်ကုန်ဆုံးလာခဲ့ပြီး ကလေးလေးပေါ် သံယောဇဥ်တွယ်လာခဲ့ပါတယ်။ ဒီရုပ်ရှင်က စာအုပ်ကို ပြန်လည် ရိုက်ကူးထားတာဖြစ်ပြီး IMDb 7.2/10 နဲ့ Rotten Tomatoes 82% အပြင် 70% Metacritic ရရှိထားတဲ့ rating ကောင်းတဲ့ ရုပ်ရှင်တစ်ကားဖြစ်လို့ ကြည့်ကြည့်ကြဖို့ တိုက်တွန်းပါတယ်။ File size…(1.6 GB)/(830 Mb) Quality….Blu-Ray 1080p / 720p Format…mp4 Duration….01:34:00 Genre…Crime, Drama Subtitle….Myanmar Subtitle (Hardsub) Encoder….Mr. Anderson Translated by Leonie

IMDb 6.5 / RT 85% ရထားတဲ့ ကာတွန်းကားလေးတစ်ခုနဲ့မိတ်ဆက်ပေးချင်ပါတယ်။ ဇာတ်ကားနာမည်အတိုင်းပဲ ဒီကားလေးက စပိုင်ကာတွန်းကားလေးပါ။ လင်ကွန်းဆိုတဲ့ကောင်ကလေးက စပိုင်ကာတွန်းတွေကိုကြိုက်တဲ့သူဖြစ်ပြီး စပိုင်တစ်ယောက်ဖြစ်ချင်နေတဲ့ကောင်လေးပါ။ လင်ကွန်းရဲ့အဖိုးက စပိုင်အေးဂျင့်တစ်ဦးဖြစ်တဲ့ မာတယ်လ်ဆိုတဲ့အမျိုးသမီးကြီးနဲ့ ကျွန်းလေးတစ်ခုပေါ်မှာ မင်္ဂလာပွဲသွားလုပ်ဖို့ရှိနေပါတယ်။ ဒီလိုနဲ့ လင်ကွန်းနဲ့ အမျိုးအဆွေ ကလေးတစ်သိုက်လည်း အဖိုးအဖွားနှစ်ယောက်နဲ့အတူ မင်္ဂလာပွဲခရီးစဉ်ကိုလိုက်ပါလာခဲ့ပါတယ်။ ဒါပေမဲ့ ခရီးစဉ်မှာ မထင်မှတ်ထားခဲ့တဲ့အရာတစ်ခုဖြစ်လာပါတယ်။ ဒါကတော့ လင်ကွန်းရဲ့ အဖွားတော်စပ်လာတော့မယ့် မာတယ်လ်ရဲ့ ဟိုးအရင်ကရန်သူဟောင်းကြီးတစ်ယောက်ဟာ လက်စားချေဖို့ရာပြန်ရောက်လာခဲ့တာပါ။ ဒီလိုနဲ့ စပိုင်ဖြစ်ချင်တဲ့လင်ကွန်းနဲ့ အဖွားဖြစ်သူမာတယ်လ်တို့ဟာ ဗီလိန်ကြီးကို အားလုံးရဲ့အကူအညီနဲ့ အတူလက်တွဲနှိမ်နင်းဖို့ရာအကြောင်းဖန်လာပါတော့တယ်။ ကာတွန်းကားပေမဲ့ ဇာတ်လမ်းဇာတ်ကွက်တွေက စပိုင်ရုပ်ရှင်တွေထဲကလိုဖြစ်ပြီး စိတ်၀င်စားစရာလည်းကောင်း ရယ်စရာ‌လည်းကောင်းတာကြောင့် ကာတွန်းကားကြည့်ပြီးအပန်းဖြေချင်နေတဲ့သူတွေအတွက်ကတော့ ကွက်တိပါပဲ။ File size…(1.5 GB)/(846 MB) Quality….Webrip 1080p / 720p Format…mp4 Duration….01:40:00 Genre… Action, Animation, Adventure, Comedy, Family Subtitle….Myanmar Subtitle (Hardsub) Encoder….Mr. Anderson Translated by TMTT

It Comes (2018) ဟိဒဲကိဟာ သိပ်ချောလှပြီး ချစ်ရတဲ့ ဇနီးလောင်းလေး ကာနာနဲ့အတူ ရှေ့ဆက်ရမယ့် အနာဂတ်အတွက် စိတ်ကူးပျော်ရွှင်နေသူတစ်ယောက်… လက်ထပ်ပြီး မကြာခင် ဟိဒဲကိရဲ့အလုပ်ထဲကို ဧည့်တွေ့တစ်ယောက် ရောက်လာခဲ့ပြီး မဆုံလိုက်ရပေမဲ့ ချိဆာဆိုတဲ့ နာမည်တော့ ပြောသွားခဲ့တယ်။ ဧည့်သည်ရောက်နေကြောင်း အသိပေးလာတဲ့ လုပ်ဖော်ကိုင်ဘက်ကတော့ မကြာခင်မှာပဲ ထူးဆန်းတဲ့ ရောဂါနဲ့ ဆုံးပါးသွားခဲ့တယ်။ အမှုမဲ့အမှတ်မဲ့နေခဲ့ပေမဲ့ သမီးလေး မွေးလာချိန်မှာ ချိဆာလို့ မှည့်ခဲ့တယ်။ ဘဝကို ပျော်ပျော်ရွှင်ရွှင် ဖြတ်သန်းရင်း တစ်နေ့ တစ်နေ့ သူ့မိသားစုနဲ့ ဘာတွေလုပ်တယ်၊ ဘယ်လိုအတွေးတွေ ရှိတယ်၊ သမီးလေးကို ဘယ်လိုထိန်းကျောင်းတယ်ဆိုတာ ဘလော့ဂ်ထဲ အမြဲရေးတင်တတ်သူ… မိတ်ဆွေ သူငယ်ချင်းတွေ ဘ‌လော့ဂ် ဖတ်သူတွေ အနေနဲ့တော့ ဟိဒဲကိဟာ ဖခင်ကောင်းတစ်ယောက် အများက အားကျရတဲ့မိသားစုလေးပိုင်ဆိုင်ထားသူ… သမီးလေး ၂နှစ်အရွယ်ရောက်ချိန်မှာ သူတို့မိသားစုအပေါ် ဂြိုဟ်ဆိုးတွေ တစ်ခုပြီးတစ်ခု ဝင်လာပါတော့တယ်။ ဒါတွေကို ကိုင်တွယ်ပေးနိုင်ဖို့ နိုဇာကိနဲ့မာကိုတို တို့ကို အကူအညီတောင်းပြီးနောက်တော့… သမားရိုးကျထက် မထင်မှတ်ထားတဲ့ Plot Twists တွေပါတာမို့ Horror Fans တွေ အတွက် စိတ်ထဲစွဲစေမယ့် ဇာတ်လမ်းလေးတစ်ပုဒ် ဖြစ်တာမို့ ကြည့်ရှုအားပေးလိုက်ကြပါဦး။ (ဒီဇာတ်ကားနဲ့အညွှန်းကို Thu Thu မှ ပြန်ဆို ရေးသားထားပါတယ်) Size – 2.7GB, 1.2GB Quality – 1080p, 720p IMDb Rating – 6.2/10 Format – mp4 Duration – 2H 15Min Genre – Drama, Horror, Mystery Subtitle – Myanmar Subtitle (Hardsub) Translated by Thu Thu Encoded by Y

SNL ဆိုတဲ့ Saturday Night Live ကို မသိတဲ့လူဆိုတာ ခပ်ရှားရှားပါပဲ။ comedy တွေ sarcasm တွေနဲ့ ရောနှောပြီး လူတွေ စိတ်ဝင်စားအောင် တင်ဆက်နိုင်တဲ့ SNL ဟာ အမေရိကရဲ့ ထိပ်တန်းရှိုးတွေထဲက တစ်ခုပါ။ SNL ဖြစ်မလာခင်က ဒီရှိုးဟာ Saturday Night လို့ အမည်တွင်ခဲ့ပါတယ်။ ဒီဇာတ်လမ်းကတော့ SNL ရှိုး ထုတ်လုပ်သူနဲ့ ဖန်တီးသူဖြစ်တဲ့ Lorne Michaels ရဲ့ အဓိက ညတစ်ညဖြစ်တဲ့ 1975 ခုနှစ် အောက်တိုဘာလ ၁၁ ရက်နေ့က ပြုလုပ်ခဲ့တဲ့ ပထမဆုံးသော Saturday Night show မတင်ဆက်ခင် နာရီပိုင်းအလိုက အခိုက်အတန့်တွေကို ရိုက်ကူးတင်ဆက်ထားတာပါ။ လူမသိသူမသိ အသက် ၂၀ ကျော်လူငယ်အဖွဲ့က NBC လို ရုပ်သံမှာ တိုက်ရိုက်တင်ဆက်မှာကို ဘယ်သူကမှ အထင်မကြီးသလို အမှောင့်အဖျက်များစွာလည်း ကြုံခဲ့ရပါတယ်။ ရှိုးစတော့မဲ့ 25 မိနစ်အလိုထိ ကမောက်ကမတွေဖြစ်၊ သရုပ်ဆောင်တွေက တစ်ယောက်တစ်ပေါက်၊ လူရွှင်တော်တွေက ရန်တွေဖြစ်၊ ရတဲ့ဇာတ်ကောင်ကို သဘောမကျလို့ ပုန်ကန်သူက ထပုန်ကန်နဲ့ ပွဲပျက်လုနီးပါး ဖြစ်ခဲ့တဲ့ အခြေအနေကနေ Saturday Night ဆိုတဲ့ ရှိုးကို Lorne Michaels တစ်ယောက် ဘယ်လိုဖြစ်မြောက်စေခဲ့လဲဆိုတာတွေ မြင်တွေ့ရမှာဖြစ်ပါတယ်။ ပထမဆုံးရှိုးမှာ ပါဝင်ခဲ့တဲ့ လူတွေအဖြစ် Willem Dafoe, JK Simmons, Gabriel LaBelle, Dylan O’Brien, Cory Michael Smith, Ella Hunt အစရှိတဲ့ အနုပညာရှင် များစွာက ပါဝင်သရုပ်ဆောင်ထားပါတယ်။ File size…(2.5 GB)/(1.3 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Comedy, Drama Subtitle….Myanmar Subtitle (Hardsub) Encoder….Swan Min Htet Translated by Act Molemy

4 Horror Tales: Dark Forest (2006) ************************************ “အသက်ရှိနေတုန်း ကြိုးတွေကိုမဖြတ်ထားရင် သေသွားတော့ ဘယ်လိုလွတ်မြောက်နိုင်မှာလဲ” 4 Horror Tales စီးရီးရဲ့ ဇာတ်လမ်းလေးထဲက တစ်ခုဖြစ်တဲ့ Dark Forest ကတော့ အာားလပ်ရက်မှာ တောင်တက်ခရီးထွက်ခဲ့ကြတဲ့ သူငယ်ချင်းလေးဦးရဲ့ ဇာတ်လမ်းပဲဖြစ်ပါတယ်။ လူဝင်ခွင့်မပြုတဲ့ တောင်ပေါ်တောအုပ်ကြီးတစ်ခုထဲကို လေးဦးသား အရဲစွန့်ဝင်ခဲ့ကြပြီးနောက်မှာ တစ်ယောက်ပြီးတစ်ယောက် မူမမှန်တဲ့ဖြစ်ရပ်တွေကို တွေ့ကြုံလာရတော့တယ်။ အသက်အကြီးဆုံးလည်းဖြစ် တောင်တက်အဖွဲ့ရဲ့ ခေါင်းဆောင်လည်းဖြစ်သူ ဝူဂျင်း၊ သဘာဝလွန်စွမ်းအားတွေကို ပိုင်ဆိုင်ထားတဲ့ ဂျောင်အာ၊ အရာရာကို ခပ်ပေါ့ပေါ့တွေးပြီး အလောင်းအစားကြိုက်တဲ့ ဂျွန်ဟူ၊ တက်ကြွပြီး ကလေးဆန်တဲ့ မိန်းမပျိုလေး ဆယ်အွန်း.. သူတို့ ၄ ဦးရဲ့ တောင်တက်ခရီးဟာ အလာတုန်းကလို ဖြောင့်ဖြူးပါ့မလား.. ဘယ်သူတွေပဲ အကောင်းပကတိအတိုင်း တောအုပ်ထဲက ပြန်ထွက်နိုင်မလဲဆိုတာကို ရင်တထိတ်ထိတ်နဲ့ စောင့်မျှော်ကြည့်ရှုရမဲ့ သည်းထိတ်ရင်ဖိုဇာတ်လမ်းပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Esth ပဲ ဖြစ်ပါတယ်။) File Size : 2.21GB/ 840MB Quality : WEB_DL 1080p/ 720p Format…mp4 Duration…01:40:00 Genre : Thriller, Mystery, Horror, Supernatural Subtitle : Myanmar Subtitle (Hard Sub) Translated by Esth Encoded by Tiff