Action ကားကောင်းလေးတွေ မျှော်နေကြတဲ့သူတွေအတွက် ထိုင်းအက်ရှင်မင်းသားကြီး Tony Jaa ပါ၀င်ပြီး လူတိုင်းသိတဲ့ Ong-Bakကားကိုရိုက်တဲ့ Director Prachya Pinkaew ကပဲ ရိုက်ကူးထားတာမို့ မကြမ်းမရှိရှယ်ကြမ်းမယ့်ကားလေးဖြစ်လို့ တင်ဆက်ပေးလိုက်ပါတယ် ။ "ခမ်" ဆိုတဲ့သူမှာ "ခွမ်" ဆိုတဲ့ဆင်လေးတစ်ကောင်ရှိပါတယ် အဲ့ဒီဆင်လေးက ရှေးဟောင်းမျိုးနွယ်ဖြစ်တဲ့ ရတ်ခနင်ဖုန်မျိုးဆက်ကနေလာတာမို့ ဆင်စခန်းပိုင်ရှင်ဆူချတ်က ခမ်ဆီဈေးကောင်းပေးပြီး ဝယ်ဖို့လုပ်ခဲ့ပေမယ့် ခမ် မရောင်းခဲ့ပါဘူး... ဒါနဲ့ပဲ ဆူချတ်တို့အဖွဲ့ဟာ မသမာတဲ့နည်းနဲ့ ခမ်ရဲ့ဆင်လေးကို ခိုးသွားပြီး နိုင်ငံခြားသားဆီရောင်းခဲ့ပါတယ် ဒီလိုနဲ့ပဲ ခမ်ဟာ သူ့ဆင်လေးကိုကယ်ဖို့ကြိုးစားရပါတော့တယ် ခမ်လေး သူချစ်ရတဲ့ဆင်လေးကိုကယ်နိုင်ပါ့မလား ဘယ်လိုအခက်အခဲတွေနဲ့ကြုံရမလဲဆိုတာ ဇာတ်ကားထဲမှာကြည့်ရှူလိုက်ရအောင်နော်? ( ဘာသာပြန်ပြီး အညွှန်း‌ရေးသားထားသူကတော့ Nang Mwe Kham ပါ ) File Size__(2.2GB) / (1.3GB) Quality__BluRay_1080p, 720p IMDb Rating__5.6/10 Format__mp4 Duration__01:44:00 Type__Action Subtitle__Myanmar Subtitle (Hardsub) Translated by Nang Mwe Kham Encoded by Naing Aung Latt

IMDb - 7.8/10_____Rotten - 91% နဂါးတွေနဲ့ ပြေလည်မှုရသွားပြီး နဂါးတွေရဲ့ လုပ်အားနဲ့ ပြန်လည်တိုးတက်လာခဲ့တဲ့ Berk ရွာလေးဟာ နဂါးပြိုင်ပွဲ ကျင်းပနေပါတယ်။ ဒါပေမယ့် Hiccup ကတော့ သူရဲ့ နဂါးလေး Toothless နဲ့အတူ နယ်မြေသစ် ရှာဖွေမှုတွေ ပြုလုပ်ရင်း အေးအေးလူလူပဲ နေထိုင်ကြပါတယ်။ ဒါပေမယ့် အရွယ်လွန်လာပြီဖြစ်တဲ့ Stoick ကတော့ သူ့သား Hiccup ကို ရွာသူကြီးလုပ်ဖို့ ဖိအားပေးစ ပြုနေပါပြီ။ ကိုယ့်ကိုယ်ကို ယုံကြည်မှု မရှိသေးတဲ့ Hiccup အတွက်တော့ ဒီကိစ္စဟာ အကြီးမားဆုံး စိန်ခေါ်မှုတစ်ခုပါပဲ။ အပြောကျယ်တဲ့ မြေကမ္ဘာမှာ လျှောက်သွားရင်း Hiccup နဲ့ Astrid တို့ဟာ အလွန်ကြီးမားတဲ့ အစိမ်းရောင် ရေခဲတုံးကြီး တစ်ခုကို တွေ့ပါတယ်။ အဲဒီရေခဲတုံးကို လေ့လာနေဆဲမှာ Eret လို့ခေါ်တဲ့ နဂါးဖမ်းတဲ့မုဆိုးတစ်ယောက်က သူတို့ရဲ့ နဂါးတွေကို ဖမ်းဖို့ ကြိုးစားပါတယ်။ Eret ဟာ သူ့ရဲ့ ရွာပျက်သွားတာကြောင့် နဂါးတွေကို ကြည့်မရသူဖြစ်ပြီး Drago Bludvist လို့ခေါ်တဲ့ နဂါးနိုင်မင်းတစ်ယောက်အတွက် နဂါးတွေ လိုက်ဖမ်းပေးနေတာပါ။ ဒီကိစ္စကို အသိပေးဖို့ Hiccup နဲ့ Astrid တို့ဟာ ရွာကို ပြန်ခဲ့ကြပါတယ်။ Hiccup နဲ့ Astrid တို့ဆီက သတင်းစကား ကြားရပြီးနောက်မှာတော့ Stoick က တစ်ရွာလုံးကို တပ်လှန့်လိုက်ပါတယ်။ Stoick ဟာ အရင်က Drago နဲ့ ရင်ဆိုင်ဖူးပြီး ရူးသွပ်နေတယ်လို့ ဆိုပါတယ်။ Drago ဟာ ရွာကို နဂါးတွေနဲ့ မီးလောင်တိုက်သွင်းဖို့ ကြိုးစားခဲ့ဖူးပါတယ်။ ဒါပေမယ့် Hiccup ကတော့ အဲဒီ သုံးသပ်ချက်ကို လက်မခံပဲ Drago ကို သူဖြောင်းဖြရင် ရနိုင်မယ်လို့ ယုံကြည်ပြီး Eret ဆီမှာ သွားအဖမ်းခံလိုက်ပါတယ်။ အဲဒီလို အဖမ်းခံပေမယ့်လည်း Hiccup ကို တကယ်တမ်း မဖမ်းနိုင်ပဲ လွတ်မြောက်သွားပြီး Hiccup နဲ့ Astrid တို့ဟာ တခြားသူတစ်ယောက် ဖမ်းဆီးတာ ခံလိုက်ရပါတယ်။ ဖမ်းလိုက်တဲ့သူကတော့ တခြား နဂါးစီးသူ တစ်ယောက်ဖြစ်ပြီး Valka လို့ အမည်ရပါတယ်။ သူဟာ Alp့ha အမျိုးအစား ဧရာမ နဂါးကြီးကို နိုင်နင်းသူဖြစ်ပြီး အဲဒီ Alpha နဂါးကြီးဟာ ကျန်တဲ့ နဂါးလေးတွေကို စောင့်ရှောက်သူ ဖြစ်ပါတယ်။ နောက်မှ သိရတာက Valka က Hiccup ရဲ့ မိခင်ဖြစ်ပြီး သူငယ်စဉ်က နဂါးတွေနဲ့အတူ ရွာကနေ ထွက်သွားခဲ့တာပါ။ Hiccup ဟာ သူ့မိခင်ကို ပြန်တွေ့ရပေမယ့် Drago ရဲ့ အန္တရာယ်ကနေ လွတ်မြောက်ခြင်း မရှိသေးပါဘူး။ ဗိုက်ကင်းကြီး Stoick ကလည်း Hiccup နောက်ကို လိုက်လာပါတယ်။ Hiccup တို့ မိသားစု ပြန်လည်ဆုံတွေ့ကြမှာလား။ Drago ကရော ဘာတွေ ကြံစည်ထားလဲ ဆိုတာကိုတော့ ဆက်လက်ရှုစားကြပါ။ Kung Fu Panda ကနေ တောက်လျှောက် 3D နဲ့ အောင်မြင်မှု ရခဲ့တဲ့ DreamWorks Animation ဟာ ၂၀၁၀ ပြည့်နှစ်က အောင်မြင်ခဲ့တဲ့ How to Train Your Dragon ရဲ့ ဒုတိယမြောက် ဇာတ်ကားကို ဆက်လက်ထုတ်လုပ်လိုက်တာ ဖြစ်ပါတယ်။ စာရေးဆရာမ Cressida Cowell ရဲ့ How to Train Your Dragon ဝတ္ထုကို သုံးပိုင်းခွဲ ရိုက်ကူးတဲ့ထဲက ဒုတိယမြောက် ဇာတ်ကား ဖြစ်ပါတယ်။ ဒါရိုက်တာ Dean DeBlois ရိုက်ကူးပြီး Jay Baruchel ၊ Cate Blanchett ၊ Gerald Butler ၊ Craig Ferguson ၊ America Ferrera နဲ့ Djimon Hounsou တို့က အသံနဲ့ ပါဝင်သရုပ်ဆောင်ပေးထားပါတယ်။ IMDb မှာ Rating 7.8 ရရှိထားပြီး Rotten Tomatoes မှာတော့ Tomatometer 91% ထိ ရရှိထားပါတယ်။ နဂါးတွေ အရောင်စုံနဲ့ ရုပ်ထွက်လှပမှုကလည်း Rio 2 နဲ့ အပြိုင်ပါပဲ။ ဗိုက်ကင်းတွေရဲ့ ဇာတ်အိမ်နဲ့ ခိုင်မာတဲ့ ဇာတ်ကြောင်းကိုလည်း ပရိသတ်နှစ်သက်မှာပါ။ (အညွှန်းကို myanmar movie guide မှ ကူးယူပါသည် ) Filesize : 4.1GB /2.04GB / 1.07GB Quality : 1080p BluRay AAC5.1CH / 720p Format : mp4 Running Time : 1h 42 min Translator - V Subtitle : Myanmar Subtitle (Hardsub ) Encoder : Thit San Khant

Iyal ဆိုတဲ့ ကလောင်နာမည်နဲ့ အမျိုးသမီး စာရေးသူတစ်​​ယောက်။ Iyal ဆိုတဲ့ အဓိပ္ပါယ်က သဘာဝတဲ့။ ဒီလိုပဲ Iyal ဟာလည်း သဘာဝနဲ့ တစ်သားတည်းဖြစ်နေခဲ့။ သူဟာ လူတွေနဲ့ ပေါင်းသင်းဆက်ဆံတာမျိုး လိုက်လျောညီထွေဖြစ်အောင်လည်း မကြိုးစားခဲ့။ မွေးကတည်းက တောင်ပံနှစ်ဖက်ကျိုးလာခဲ့တဲ့ မိဘမဲ့ Iyal ဟာ သူဆယ်ကျော်သက်အရွယ်ကနေ စာရေးရင်းနဲ့ပဲ အချိန်တွေ တရွေ့ရွေ့ကုန်လာခဲ့တာပေါ့။ သက်လတ်ပိုင်းအရွယ် အောင်မြင်ခါစ မျိုးဆက်သစ်တစ်ယောက်။ တစ်နေ့မှာတော့ သူ့ရဲ့တိုက်ခန်းမှာပဲ အသတ်ခံလိုက်ရပါတယ်။ ဘယ်သူနဲ့မှ အဆက်အဆံမရှိ အပေါင်းအသင်း သူငယ်ချင်းရော ရန်သူဆိုတာမျိုးရော မရှိတာမို့ အသတ်ခံရတဲ့ အကြောင်းအရင်းဟာ ရှာဖို့မလွယ်။ ဒီတော့ Iyal ဘာလို့အသတ်ခံလိုက်ရသလဲ။ ဘယ်သူက သူ့ကိုသတ်ဖို့ကြိုးစားတာလဲ။ လူတစ်ယောက်ကို သတ်ပစ်ရလောက်တဲ့ထိ ဘယ်လို အကြောင်းပြချက်တွေ ဒီနောက်မှာရှိနေမလဲ။ Iyal ကရော လူအများရဲ့အမြင်ကလိုပဲ အေးဆေးပြီး တစ်ကိုယ်တည်း သီးသန့်နေတတ်တဲ့ မိန်းကလေးဆိုတာ ဟုတ်ရဲ့လား။ သူ့ရဲ့သရုပ်မှန်ကရော ဘာလဲ။ သူဖုံးကွယ်ထားတဲ့ မျက်နှာဖုံးနောက်မှာ ဘာတွေရှိနေမလဲ။ သူ့စာအုပ်တွေရဲ့နောက်ကွယ်က မြုပ်ကွက်တွေ။ ဒါတွေရဲ့အဖြေကို တစ်ခုချင်း လိုက်စုံစမ်းရင်း ရင်တထိတ်ထိတ်နဲ့ ပစ်ရက်စရာမရှိအောင် ကြည့်ရမယ့် မှုခင်းစုံထောက် ရုပ်ရှင်ကားကောင်းပေါ့။ ဒီတော့ Channel Myanmar ရဲ့ မှုခင်းသဲလွန်စရှာရတာ ကြိုက်တဲ့ ပရိတ်သတ်တွေကလည်း အခုပဲ အကြိုက်တွေ့သွားစေမယ့် ဇာတ်ကားလို့ ညွှန်းရင်းပဲ ဘာသာပြန်တင်ဆက်ပေးလိုက်ပါတယ်ဗျာ။ File size…1.2GB /  600MB Quality…1080p WEB DL AAC 5.1CH / 720p Format…mp4 Duration….1h 35m Subtitle….Myanmar Subtitle (Hard Sub) Encoder….YK Translated by : HM & Yunni

ဇာတ်လမ်းအကျဉ်းလေးကတော့ အင်ဒိုနီးရှားကသစ်တော တစ်ခုမှာ လူတွေကအမဲလိုက်ရုံတင်မကဘူး သစ်တောတွေကို မီးရှို့ဖျက်ဆီးကြတယ်။ အဲ့လိုမီးရှို့ကြတဲ့အတွက် ကြံ့မျိုးနွယ်ဟာ မျိုးတုန်းသွားတယ်။ ဒါပေမယ့် ကံကောင်းစွာနဲ့ပဲ ကြံ့ကလေး ရီကီက အသက်ရှင်ကျန်ရစ်ခဲ့ပါတယ်။ ဒီလိုနဲ့နှစ်တွေကြာလာတော့ ရီကီဟာတစ်ကိုယ်တည်းနေထိုင်ရင်းနဲ့ တောရိုင်းတိရိစ္ဆာန်တွေကို စိတ်ရော ကိုယ်ပါကူညီပေးတယ်ပေါ့။ သူ့ရဲ့ခွန်အားတွေနဲ့ မွန်မြတ်တဲ့ စိတ်ထားတွေကြောင့် တောတစ်ခွင်မှာနာမည်ကြီးလာတယ်။ ဒီလိုနဲ့တစ်နေ့မှာ အမဲလိုက်မုဆိုးတစ်ယောက်ဟာ ရီကီကိုဖမ်းဖို့ ကြိုးစားတဲ့အခါ ရုန်းကန်တိုက်ခိုက်ရင်းနဲ့ နောက်ဆုံးမှာရီကီလေး လွှတ်လာပါတယ်။ လွှတ်တာတယ်ဆိုပေမယ့် ရီကီရဲ့ကြံ့ချိုဟာ မုဆိုး ဆီမှာကျန်ရစ်ခဲ့ပြီး ချိုမရှိတဲ့အတွက်သူ့ကိုယ်သူစိတ်ပျက်အားငယ် သွားနေခဲ့ရတာပေါ့။ နောက်မှာတော့ သူ့မိတ်ဆွေဘဲကလေး ဘန်နီနဲ့ ချိုအသစ်ပြန်ပေါက်အောင်လုပ်ပေးနိုင်မယ့် မှော်ဆေးဆရာကို သစ် တောတစ်ခွင်မှာလိုက်ရှာရင်းနဲ့ ဘယ်လိုအခက်အခဲတွေကြုံတွေ့ရမလဲ ဆိုတာစိတ်ဝင်စားဖွယ်ကြည့်ရှုပေးပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Tin Myo Lwin ဖြစ်ပါတယ်) File Size..........(2.11 GB) / (759 MB) / (528 MB) Quality............WEB-DL 1080p / 720p / 480p Duration.........1Hr 32mins Subtitle...........Myanmar Hardsub Format............MP4 Genre..............Animation, Adventure, Family Translator.......Tin Myo Lwin Encoder..........SWM

ဒီတစ်ခေါက် Dark Side Fan တွေအတွက် JAV လောကရဲ့ MILF လေး ( MILF ဆိုတော့ Body အချိုးအစားက ပြောစရာမလိုသလို မျက်နှာလေးကလဲ Sweet ဖြစ်တဲ့ ပုံစံလေးပေါ့ ) Saori Yagami လေးပါ။ Story လေးကတော့ ဂျာကြီးတစ်ယောက်ကောင်းမှုကြောင့် အိမ်ထောင်ကျသွားတဲ့ စုံတွဲတစ်တွဲဟာ ဂျာကြီးကျေးဇူးဆိုပြီး ကျေးဇူးတွေလိမ့်တင်နေပေမဲ့ ဂျာကြီးကတော့ ကောင်မလေးကို အရင်ကတည်းက Crush နေခဲ့ရတာပါ။ ဖြတ်ခုတ်ခံထားရတဲ့ဂျာကြီးတစ်ယောက် Crush လေးကို ပြန်ရဖို့ အကြောင်းတိုက်ဆိုင်လာတဲ့အခါ....။ မင်းသမီး Saori ရဲ့ Oppai လှလှလေးနဲ့ Sweet ဖြစ်တဲ့မျက်နှာလေးက ဒီဇာတ်ကားအတွက်တော့ Perfect ပါပဲ။ Dark Side Production မှ တင်ဆက်သည်။ File Size : (2.5 GB) & (960 MB) Quality : HD-Rip 1080p & 720p Running Time : 01:59:00 Format : mp4 Subtitle : Myanmar Subtitle (Hard Sub) Translated by Andrew Mason Encoded by JAVA

Gladiators နဲ့ လူသိများကြီးတဲ့ မင်းသားကြီး Russell Crowe ရဲ့ ကားအသစ်ထွက်ပါတယ်။ အက်ရှင် သရေလာ လို့ ပြောပေမယ့်. ဆိုက်ကို ဟော်ရာ ကားလိုပဲ ခံစားရပါတယ်။ ဇာတ်လမ်းကတော့ ကားလမ်းမ ပေါ်က ရန်ပွဲတစ်ခုကနေ စတာပဲ။ လမ်းပေါ်မှာ ကားသမားချင်း ကတော်ကဆ ဖြစ်ကြတာကို ခဏခဏ ကြုံဖူးကြမယ်ထင်ပါတယ်။ စကားများရုံရှိတယ်၊ ရိုက်ကြတာ ရှိမယ်၊ သေကြေကုန်တဲ့အထိ ရှိဖူးပါတယ်။ ဒါပေမယ့် ဒီတစ်ခါ ဖြစ်တာကတော့ အဲဒါထက်အများကြီးဆိုးပါတယ်။ အများကြီး မပြောတော့ပါဘူး။ ကြည့်ကြည့်လိုက်ပါ။ သည်းထိပ်ရင်ဖို့ကြိုက်တဲ့သူတွေ ကြိုက်မှာပါ။ File size… 1Gb / 600 Mb Quality… Bluray 720p / 480p Format…mp4 Duration….01:29:00 Genre ... Horror, Thriller Subtitle….Myanmar Subtitle (Hardsub) Translated by Littleneo Encoded by Littleneo

စကားလုံးတွေ ကင်းမဲ့နေတဲ့ New Orleans မြို့ရဲ့ညနေခင်းတစ်ခုရဲ့မြစ်ရေပြင်ကို သူမနေတဲ့ Apartment ခန်းလေးကနေလှမ်းမြင်နေရတယ်။ ဒါပေမဲ့ သူမကတော့ ထိုရှုခင်းလေးကို ခံစားဖို့စိတ်မဝင်စား။ ခရီးဆောင်အိတ်ထဲကို အဝတ်အစားတစ်ချို့ခပ်မြန်မြန်သွပ်ထည့်နေလေတယ်။ အနီးအနားမှာ ရှိတဲ့ ပေကြိုးနှစ်ကြိုးစ သုံးကြိုးစကို လှမ်းမြင်ရတော့ သူမသည် အဝတ်အထည်ချုပ်ခြင်း စသော Designer အလုပ်ကို လုပ်ကိုင်သူ (သို့မဟုတ်) စိတ်ဝင်စား လေ့လာနေသောသူတစ်ယောက်ဖြစ်နိုင်သည်ဆိုသည်ကို ခန့်မှန်းနိုင်ပေတယ်။ ကဗျာကယာ ထုပ်ပိုးပြီး ခရီးဆောင်အိတ်ကို ဆွဲပြီး အခန်းထဲက ထွက်သွားတော့ စားပွဲပေါ်မှာ တင်ထားခဲ့တာက စေ့စပ်လက်စွပ် (သို့မဟုတ်) လက်ထပ်လက်စွပ် တစ်ကွင်းနဲ့အိမ်သော့တစ်ချောင်း … ညက မှောင်သထက်မှောင်လာတယ်။ သူမတစ်ယောက်တည်း မောင်းနေတဲ့ကားဘီးလေးက Louisiana ရဲ့တောလမ်းကတ္တရာပေါ်မှာ။ ထိုစဉ် Phone call တစ်ခုဝင်လာတယ်။ (နာမည်က Ben တဲ့)။ သူမ ကိုင်လိုက်ပါတယ်။ စကားကတော့ တစ်ခွန်းမှ မပြောဘူး။ သူမက ကားမောင်းနေတော့ Phone Speaker ထားတာကြောင့် Ben ဆိုတဲ့ ဟိုဘက်ကလူပြောတဲ့ စကားတွေကတော့ အတိုင်းသားကြားနေရတယ်။ “Michelle, please come back.” ထို့နောက်ဆက်ပြောတာက “Running away isn’t going to help anything.” တဲ့။ ချစ်သူရည်းစား ထွက်သွားတော့ ပြန်လာဖို့ကို Boyfriend လုပ်သူက သနားကြင်နာစွာနဲ့တောင်းဆိုနေဟန်ပါပဲ။ သူမ Phone ကို ချလိုက်တယ်။ နောက်တစ်ခါ Phone ပြန်ဝင်လာတော့ သူမ မျက်ဝန်းမှာ မျက်ရည်တွေ ပြည့်နေပြီ။ အာရုံတွေ ထွေပါးလာပြီး စဉ်းစားရကြပ်နေတုန်း အချိန်မှာ သူမကားကို တစ်ခြားကားတစ်စီးက ဝင်တိုက်လိုက်တယ်။ ကစဉ့်ကလျားဖြစ်သွားတဲ့ သူမရဲ့ကားလေး လမ်းမပေါ်ကနေထိုးကျပြီး အမှောင်ထုထဲသို့မှောက်ကျသွားတယ်။ (10 Cloverfield Lane) သူမ သတိရလာတော့ အခန်းကျဉ်းလေးတစ်ခုတည်းရဲ့အိပ်ယာလေးပေါ်မှာ ရောက်နေတယ်။ သူမ ဒဏ်ရာရရှိနေတဲ့ ခြေထောက်တစ်ဖက်ကို ပတ်တီးစည်းထားပေမဲ့ ရုန်းဖို့ကြိုးစားလိုက်တဲ့အခါ သူမရဲ့ခြေထောက်ကို နံရံနဲ့ခြေထိပ်ခတ်ထားတယ်ဆိုတာ သိလိုက်ရတယ်။ သူမရဲ့မလှမ်းမကမ်းနားမှာ ရှိနေတဲ့ သူမရဲ့ပစ္စည်းတွေထဲက ဖုန်းကိုရအောင်ယူနိုင်ပေမဲ့ Signal မရှိသောကြောင့် မည်သူ့ကိုမှ အကူအညီခေါ်ရန်မဖြစ်နိုင်တော့။ ထိုစဉ် သူမရဲ့ထိုအခန်းလေးကို သော့ခတ်ထားတဲ့ လေးလံသော သံတံခါးကြီး ပွင့်လာတော့ လူဝကြီးတစ်ယောက် ဝင်လာတယ်။ “ရှင် ကျွန်မကို ဘာလုပ်မှာလဲ?” လို့ မေးလိုက်တဲ့ သူမရဲ့မေးခွန်းကို ထိုလူဝကြီး ဖြေလိုက်တဲ့ အဖြေက “ငါ မင်းကို အသက်ရှင်အောင် ထားဖို့”တဲ့။ ထို့နောက် ထိုလူကြီးက ရှင်းပြတယ်။ အပြင်မှာ တိုက်ပွဲတစ်ခုဖြစ်ပွားခဲ့တယ်တဲ့။ ကြီးမားတဲ့ တစ်ခုပဲတဲ့။ ဘယ်သူတွေလဲတော့ အတိအကျမပြောနိုင်ဘူးတဲ့။ Chemical စစ်ပွဲ (ဒါမှမဟုတ်) Nuclear စစ်ပွဲကြီးတစ်ခု ဖြစ်နိုင်တယ်တဲ့။ သေချာတာတစ်ခုကတော့ အပြင်မှာ ရှိတဲ့ လူသားတွေအကုန်လုံးသေကုန်ကြပြီတဲ့။ အခု သူမရောက်ရှိနေတဲ့ နေရာက စစ်ပွဲတွေရဲ့ရန်ကို ရှောင်ပုန်းနေထိုင်ရန် တည်ဆောက်ထားသော Bunker တစ်လုံးပဲဖြစ်တယ်ဆိုပြီး ပြောပြတယ်။ အခန်းထဲက ထိုလူကြီးထွက်သွားတော့ သူ့နာမည်ကို လှမ်းပြောပြတယ်။ “Howard” တဲ့။ ---------------------------------------------------------------------------------- ဒီဇာတ်ကားနဲ့ပတ်သက်ပြီး လွန်ခဲ့တဲ့ 3 လ လောက်ကထိ ကျွန်တော်တို့ဘာမှ မသိခဲ့ရပေ။ January လလယ်လောက်က ဖြစ်မယ်ထင်တယ်။ Online မှာ 10 Cloverfield Lane ဆိုပြီး Trailer လေးတစ်ခု ပေါ်လာတယ်။ Cloverfield ဆိုတဲ့ နာမည်ပါနေတော့ ပထမဆုံးထင်လိုက်တာက 2008 လောက်ကထွက်ခဲ့တဲ့ Director Matt Reeves ရဲ့Cloverfield ဆိုတဲ့ Found Footage Style ဂြိုလ်သားကားရဲ့အဆက်ဖြစ်မယ်လို့ထင်လိုက်မိတယ်။ ဘာလို့လဲဆိုတော့ ထုတ်လုပ်သူ J. J. Abrams နဲ့ Director Matt Reeves တို့က ထိုဇာတ်ကားရဲ့Sequel ကို ရိုက်ကူးမယ်လို့ပြောလာခဲ့တာ ကြာပြီလေ။ လွန်ခဲ့တဲ့ နှစ်အနည်းငယ်လောက်မှာတော့ ထို sequel အကြောင်းလူပြောနည်းသွားပြီး လူတွေရဲ့စိတ်ဝင်စားမှုနယ်ပယ်ကနေ တိတ်တဆိတ်ထွက်ခွာသွားခဲ့တယ်။ (လွန်ခဲ့တဲ့ 2 လခန့်လောက်အထိပေါ့။) ဒါဟာ အမှန်တော့ ကျွန်တော်တို့သတိမထားမိတဲ့ ရုပ်ရှင်ပညာရဲ့ လှည့်ကွက်တစ်ခုပဲ။ နောက်တစ်ခု ထပ်မေးပါရစေ။ Director Dan Trachtenberg ဆိုတာ ကြားဖူးလားလို့။ ကျွန်တော်လည်း အမှန်တိုင်းပဲ ဖြေပါ့မယ်။ ကျွန်တော်တစ်ခါမှ မကြားဖူးပါဘူး။ ဘယ်ကြားဖူးပါ့မလဲ? ဒီဇာတ်ကားဟာ သူ့ရဲ့ပထမဆုံး Director အဖြစ် ရိုက်ကူးတဲ့ ဇာတ်ကားလေ။ ထူးခြားတာတွေက ဇာတ်ကားတစ်ကားမှာ ဇာတ်ကောင်တွေနည်းလေး ပိုပြီး ကောင်းအောင်ရိုက်ကူးနိုင်လေပဲ။ ကျွန်တော်တို့တွေ 2000s ပြည့်နှစ်နောက်ပိုင်းရဲ့First Time Directors တွေကို ကြည့်လိုက်မယ်ဆိုရင် Duncan Jones ရဲ့Moon, Rian Johnson ရဲ့Brick, Colin Trevorrow ရဲ့Safety Not Guaranteed, Gareth Edwards ရဲ့Monsters, Josh Trank ရဲ့Chronicle, Alex Garland ရဲ့Ex Machina တို့ကို ကြည့်လိုက်မယ်ဆိုရင် first time directors တွေ ရိုက်ကူးခဲ့တဲ့ဇာတ်ကားတွေဟာ အလွန်ကို ကောင်းမွန်နေခဲ့တာကို အသိသာကြီးတွေ့နိုင်တယ်။ ထိုကဲ့သို့ပဲ ယခုဇာတ်ကားက director သည်လည်း သူ့ရဲ့ပထမဆုံး ဇာတ်ကားကို အကောင်းဆုံးဖြစ်အောင်ကြိုးစားခဲ့တာကို တွေ့ရတယ်။ 10 Cloverfield Lane သည် small movie ဆိုသည့်အတိုင်း ပါဝင်တဲ့ ဇာတ်ကောင်အရေအတွက်ကလည်း 3 ယောက်ပဲရှိတယ်။ Howard ရယ် Michelle ရယ် Emmett ရယ် (Emmett ဆိုတာက ထို Bunker ထဲမှာ ရှိတဲ့ တတိယဇာတ်ကောင်)။ Howard နဲ့ Michelle ရဲ့ဇာတ်ကောင်တွေဟာ အဓိကဇာတ်ကောင်တွေဆိုရင် Emmett သည် သူတို့နှစ်ဦးရဲ့ကြားထဲမှာ ရှိတဲ့ ထိုဇာတ်ကောင် နှစ်ယောက်ကို ဆက်စပ်ပေးသော ဇာတ်ကောင်ပင်ဖြစ်တယ်။ Howard အဖြစ် John Goodman က တစ်သက်တာ အကောင်းဆုံးလို့ပြောလို့ရလောက်အောင် သရုပ်ဆောင်ထားပြီး Michelle အဖြစ်ကတော့ Mary Elizabeth Winstead နဲ့ Emmett အဖြစ် Short Term 12 ထဲက John Gallagher Jr. က သရုပ်ဆောင်ထားပါတယ်။ ဒီဇာတ်ကားထဲမှာ John Goodman ကြီး အရမ်းကောင်းတယ်ဆိုတာ ပေါ်လွင်နေပေမဲ့ ဒီဇာတ်ကားဟာ မော်တော်ကားတစ်စီးဆိုရင် ကားမောင်းတဲ့သူဟာ Mary Elizabeth Winstead ပဲ။ သူမကို ယခုလို ဇာတ်ကောင်မျို းနဲ့ကျွန်တော်တို့တွေ Remake “The Thing” မှာမြင်ခဲ့ဖူးပြီဆိုတော့ ယခုဇာတ်ကားဟာ ဒုတိယအကြိမ် Mary Elizabeth Winstead ရဲ့သည်းထိပ်ရင်ဖို ဇာတ်ကောင်ပါပဲ။ သူမရဲ့မျက်လုံးတွေမှာ မည်သည့်အခွင့်အရေးပင်ဖြစ်စေ ရရင် ရသလို ယူမယ်လို့ကြိုးပမ်းနေတဲ့ အရိပ်အယောင်တွေကို အမြဲတစေလို တွေ့မြင်ရတယ်။ ထုံးစံအတိုင်း ဒီဇာတ်ကားဟာလည်း သူမရဲ့Journey အမြင်နဲ့ပဲရိုက်ကူးထားတယ်။ ခုနောက်ပိုင်းထိုကဲ့သို့သော ဇာတ်ကားတွေ ပိုမိုများပြားလာသလိုပဲ။ အခွင့်အရေးကို ရရင် ရသလိုအမြဲယူမယ်လို့ကြံစည်နေတဲ့သူမ တစ်ကယ်လည်း အခွင့်အရေးတွေရတိုင်း ယူခဲ့ပါတယ်။ အောင်မြင်ခဲ့လား ကျဆုံးခဲ့လားဆိုတာကိုတော့ စာဖတ်သူတို့ပဲ ကိုယ်တိုင်ကြည့်ပြီး ဆုံးဖြတ်စေချင်ပါတယ်။ ဘာကြောင့်လဲဆိုတော့ ဒီဇာတ်ကားအကြောင်း နည်းနည်းပဲသိလေလေ ဒီဇာတ်ကားကို ကြည့်တဲ့အခါ ဒီဇာတ်ကား မည်မျှလောက် ကောင်းမွန်တယ်ဆိုတာ သိစေချင်လို့ပါ။ ဒီရုပ်ရှင်ဖြစ်လာတဲ့ အကြောင်းလေးကို နည်းနည်းပြောချင်ပါတယ်။ 2008 လောက်က ထွက်ခဲ့တဲ့ Cloverfield ဆိုတဲ့ ရုပ်ရှင်ကို သိတဲ့အချို့တော့ မှတ်မိလောက်မယ်ထင်ပါတယ်။ Found Footage Style ပုံစံမျို းနဲ့ရိုက်ကူးထားတဲ့n ဂြိုလ်သားလိုလို Monsters ကောင်တွေ America ကို ရောက်လာတဲ့ ရုပ်ရှင်ပါ။ ထိုဇာတ်ကားရဲ့အောင်မြင်မှုကြောင့် နောက်ဆက်တွဲဇာတ်ကားရိုက်ကူးမယ်လို့စီစဉ်ထားခဲ့ကြပေမဲ့ အကြောင်းအမျိုးမျိုးကြောင့် ဖြစ်မလာခဲ့ပါဘူး။ 2012 လောက်က ထင်တယ်။ Josh Campbell နဲ့ Matt Stuecken ဆိုတဲ့ ဇာတ်ညွှန်းရေးဆရာ နှစ်ယောက် ရေးသားခဲ့တဲ့ The Cellar ဆိုတဲ့ ဇာတ်ညွှန်းလေးကို J.J. Abrams ရဲ့ Bad Robot Productions က ဝယ်ယူခဲ့ပြီး Damien Chazelle ဆိုတဲ့ ဇာတ်ညွှန်းရေးဆရာကို ပြန်လည် ရေးသားခိုင်းခဲ့တယ်။ (Damien Chazelle ဆိုတာ လွန်ခဲ့တဲ့ တစ်နှစ်ကျော်လောက်က နာမည်ကျော်ခဲ့တဲ့ Whiplash ဆိုတဲ့ ရုပ်ရှင်ကို ဇာတ်ညွှန်းရေးသားခဲ့တဲ့သူလေ။ အဲ့ဒါကြောင့်လည်း ဒီဇာတ်ကားမှာ Whiplash လို Suspense ဆန်ဆန် အငွေ့အသက်လေးတွေ တစ်ဝကြီး ရှုရှိုက်ခဲ့ရတာပေါ့။) ဒီအချိန်မှာ သူတို့ဘာသွားတွေ့ကြလဲဆိုတော့ ဒီဇာတ်ညွှန်းဟာ J.J. Abrams ပဲထုတ်လုပ်ခဲ့တဲ့ Cloverfield နဲ့ ဆင်တူတယ်ဆိုတာ တွေ့ ခဲ့ကြတယ်။ J.J. Abrams ကို ဒီဇာတ်ကားနဲ့ပတ်သက်ပြီး မေးတော့ same fictional universe မှာ ရှိနေတာ မဟုတ်နိုင်သလို Sequel လည်း မဟုတ်ဘူးတဲ့။ ဒါပေမဲ့ “blood relative” (သို့မဟုတ်) “spiritual successor.” လို့တော့ ပြောလို့ရတယ်တဲ့။ သူ့ဘာသာ ဘာပဲပြောပြောပါ။ ကျွန်တော့်အတွက်တော့ 10 Cloverfield Lane သည် Cloverfield ထက် အဆပေါင်းထောင်သောင်းမက ပိုမိုကောင်းမွန်တဲ့ အရည်အသွေးပြည့်မှီတဲ့ ရုပ်ရှင်ဇာတ်ကားကောင်းတစ်ကားဖြစ်တယ်ဆိုတာပဲ။ ဒီရုပ်ရှင်ကို ကြည့်နေရင်းနဲ့ပရိသတ်တစ်ချို့က ခန့်မှန်းရလွယ်တယ်လို့ပြောကောင်းပြောမိလိမ့်မယ်။ ဒါပေမဲ့ သေချာတာက ခန့်မှန်းရ လွယ်ကူနေတာတောင် တစ်ချို့ဇာတ်ဝင်ခန်းတွေဟာ ပရိသတ်ရဲ့အသက်ရှုသံတွေကို မှားမိစေမှာ အမှန်ပါပဲ။ ရုပ်ရှင်ကြည့်ပြီး ပြန်လာတဲ့ ကျွန်တော်ဆိုရင် လက်တွေတုန်နေတာလေ။ ကြောက်လို့တော့ မဟုတ်ဘူး။ စိတ်တွေ လှုပ်ရှားခဲ့လွန်းလို့။ ဇာတ်လမ်းရဲ့စစချင်း မိနစ်တွေကနေ နောက်ဆုံး မိနစ်တွေအထိ ပရိသတ်စွဲဆောင်စေခဲ့ပါတယ်။ ဇာတ်လမ်းကို ခန့်မှန်းလို့ရတယ်ဆိုပေမဲ့ ဇာတ်ကောင်တွေရဲ့အလှည့်အပြောင်းတွေ ဒေါသတွေ လုပ်ဆောင်ချက်တွေဟာ အလွန်ကို ခန့်မှန်းရ ခက်စေလွန်းတယ်။ ရုပ်ရှင်ရဲ့ဇာတ်လမ်းတစ်နေရာမှာ ကျွန်တော်တို့မတွေ့ရတဲ့ ဇာတ်ကောင်တစ်ယောက်ကို မိတ်ဆက်ပေးခဲ့တယ်။ နာမည်က Megan တဲ့။ ဒါပေမဲ့ ထို Megan ဆိုတဲ့ဇာတ်ကောင်ကပဲ ဇာတ်လမ်းရဲ့ဝှက်ဖဲတွေကို ဖော်ထုတ်ပေးနိင်ခဲ့တယ်။ အခုလို ဇာတ်လမ်းမှာ မမြင်ရတဲ့ ဇာတ်ကောင်တဟ်ယောက်က ဇာတ်လမ်းရဲ့ဝှက်ဖဲကို ဖော်ပြနိုင်ခြင်းဟာ ရုပ်ရှင်ဇာတ်ကြောင်းပြောတဲ့ နေရာမှာ ခက်ခဲလွန်းတာကို ရုပ်ရှင်ချစ်ပရိသတ်တွေ သိကြမှာပါ။ ထို့အပြင် ဒီဇာတ်ကားရဲ့ဇာတ်ကြောင်းပြောပုံက အခြေအနေတွေနဲ့ဇာတ်ကောင်တွေရဲ့ဆက်ဆံရေးတွေ တင်းကြပ်လာပုံကို ဘာနဲ့ဥပမာပေးရမလဲဆိုရင် Screw ရစ်သလိုပဲလို့ဥပမာပေးရမလိုပဲ။ တစ်ဖြည်းဖြည်းနဲ့ပိုရစ်လာလေ ပိုမိုတင်းကြပ်လာလေလေနဲ့နောက်ဆုံးမှာ အတင်းကြပ်ဆုံး နေရာအဆုံးတစ်ခုကို ရောက်ရှိလာတော့တာပဲ။ ကျွန်တော့်အတွက်တော့ ကမ္ဘာပျက်ခြင်းဟာ အပြင်လောကမှာဖြစ်ပျက်နေတယ်လို့မခံစားခဲ့ရပဲ ထို Bunker လေးထဲမှာပဲ ထိုလူ 3 ယောက်ရဲ့ဆက်ဆံရေးတင်းမာလာပုံဟာ ကမ္ဘာပျက်ခြင်းပဲဆိုတဲ့ ကြောက်ရွံ့ခြင်းတွေကို ပေးစေခဲ့တာပါ။ ဇာတ်ကောင် 3 ယောက်က စားပွဲတစ်ခုမှာ ဖဲကစားနေကြတယ်ဆိုရင် တစ်ယောက်ယောက်ဆီမှာတော့ ဝှက်ဖဲတစ်ချပ်ရှိနေခဲ့တယ်။ ကျွန်တော့်ကို လူတစ်ယောက်က မင်းရဲ့အကြိုက်ဆုံး Movie Genre ကိုပြောပါဆိုရင် Sci-fi thriller ပဲ။ 10 Cloverfield Lane က sci-fi နည်းနည်းနဲ့Thrilling ကိုတော့ ဒီဂရီအမြင့်ဆုံးထိ ရောက်အောင်မြှင့်ပေးခဲ့တယ်။ ပွင့်ပွင့်လင်းလင်းပြောပါမယ်။ 10 Cloverfield Lane သည် 2016 အတွက် ကျွန်တော် ကြည့်ဖူးသမျှဇာတ်ကားတွေထဲတင် အကောင်းဆုံးဇာတ်ကားတစ်ကားပင်ဖြစ်ပါသည်။ --------------------------------------------------------------------------------- ဇာတ်ကားရဲ့အစကနေပြီး နောက်ဆုံးခန်းအထိ ပရိသတ်တွေရဲ့စိတ်ကူးတွေထဲမှာ မေးမြန်းနေမဲ့ မေးခွန်းတွေကတော့ .. Howard သည် Michelle ကို လိမ်လည် လှည့်ဖြားခေါ်ဆောင် ဖမ်းဆီးထားတာလား? တတိယဇာတ်ကောင်ဖြစ်သူ Emmett ကရော ယုံကြည်ရမဲ့သူလား? Howard ရဲ့အပေါင်းအပါလား? Howard ရဲ့အတိတ်တွေမှာ ဘာတွေ ရှိခဲ့သလဲ? သူသည် မည်ကဲ့သို့သော လူတစ်ယောက်နည်း? ဒါမှမဟုတ် … သူတို့အမှန်တွေပဲ ပြောနေတာလား? အပြင်မှာ တစ်ကယ်ပဲ ကြီးမားတဲ့ စစ်ပွဲကြီးတစ်ခု ဖြစ်ပျက်ခဲ့ပြီး လူသားတွေ သေဆုံးသွားကုန်ကြပြီလား? ဒါမှမဟုတ် .. အဆိုးဆုံးက ထိုမေးခွန်းတွေ အကုန်လုံးက အမှန်တွေပဲလား? ထို့အပြင် ပို၍ စိတ်ဝင်စားဖို့ကောင်းခဲ့သည်မှာ Cloverfield ရဲ့ အဆက်လား? အဆက်မဟုတ်ရင် 10 Cloverfield Lane ဆိုတဲ့ နာမည်က ဘာလဲ? ထိုအဖြေတွေကို ယခု စာဖတ်သူသိချင်နေပါသလား? ကျွန်တော်ကိုယ်တိုင်လည်း မဖြေပါ။ အဘယ့်ကြောင့်ဆိုသော် စောစောက အထက်မှာ ပြောထားတဲ့အတိုင်း ဒီဇာတ်ကားအကြောင်း မသိလေ၊ ဒီဇာတ်ကားက ပိုကောင်းလေပဲဆိုတာပဲ။ အဲ့ဒီ့တော့ တစ်ခြားလူတစ်ယောက်က သင့်ကို Spoil မလုပ်ခင် အခွင့်အရေးရရင် အမြန်ဆုံး ကြည့်စေချင်တယ်လို့ပဲ ပြောလိုက်ပါရစေတော့။ ဘာကြောင့်လဲဆိုတော့ ဒီဇတ်ကားက ပေးတဲ့ “Mystery Box” ကို သင်ကိုယ်တိုင်ပဲ ဖွင့်လိုက်စေချင်လို့ပဲဗျာ။ ဒီဇာတ်ကားကြည့်ပြီး Poster မှာရေးထားတဲ့ စာသားလေးဟာ အလွန်မှန်တယ်ဆိုတာ သိခဲ့ရတယ်။ “Monsters come in many forms.” ဆိုတာပဲ။ အပြင်လူ့လောကမှာလည်း တစ်ကယ်တော့ Monsters တွေဟာ ပုံစံအဆင်သဏ္ဍာန်မျို းစုံနဲ့ကျွန်တော့်တို့ဘဝတွေကို လာရောက်တတ်ကြတယ်လေ။ “People are strange creatures. You can't always convince them that safety is in their best interest.” ~WH~ (ရုပ်ရှင်အညွှန်းကို Movies-we watch,we feel.'s FB Page မှကူးယူဖော်ပြပါသည်။) “People are strange creatures. You can't always convince them that safety is in their best interest.” ~WH~   File size…(853MB) Quality…BR-Rip 720p Format…mp4 Duration….01:43:00 Subtitle….Myanmar Subtitle (Hardsub) Encoder….Nyeinsaeya Aung

ဒီသရဲကားကတော့ စာရေးဆရာကြီး စတီဖင်ကင်းရဲ့ဝတ္ထုတိုတစ်ပုဒ်ကို ပြန်လည်ရိုက်ကူးထားတာပဲဖြစ်ပါတယ်။မူလအစီအစဉ်ကတော့ Hulu မှာ streaming ပြသဖို့ ဖြစ်ပေမဲ့အကြိုပွဲတွေမှာ လူတွေအရမ်းကြောက်ပြီးကြိုက်ကြတဲ့အတွက် ရုံတင်ဖြစ်သွားပါတယ်။အချို့အခန်းတွေမှာ ပရိသတ်တွေ အရမ်းအော်ပြီး အရေးကြီးတဲ့ဒိုင်ယာလော့တွေကို အသံဖုံးသွားလို့ ရုပ်ရှင်ကိုကြောက်စရာအခန်းနဲ့ ဒိုင်ယာလော့ကြား နည်းနည်းခြားအောင်ပြန်တည်းဖြတ်လိုက်ရပါသေးတယ်။ ဒီရုပ်ရှင်ရဲ့ အဓိက မိန်းကလေးသရုပ်ဆောင်နှစ်ယောက်ကတော့Star Wars Series ထဲက မင်းသမီးလေယာနဲ့ ဒရက်ရှ် နေရာက သရုပ်ဆောင်ခဲ့တဲ့နှစ်ယောက်ပါပဲ။ ဇာတ်လမ်းအကျဉ်း အဓိကမကောင်းဆိုးဝါး ဘူဂီမန်းဟာ စတီဖင်ကင်းရဲ့ နာမည်ကျော် IT နဲ့ အတော်ဆင်တူပါတယ်။ကလေးတွေကို အရမ်းကြောက်အောင်လုပ်ပြီး သတ်ပစ်တာပါ။ဒါပေမဲ့ IT လောက်တော့ စွမ်းအားမကြီးပါဘူး။သူဟာ အလင်းကိုကြောက်ပါတယ်။အမှောင်ထဲမှာပဲ လှုပ်ရှားနိုင်တယ်။စိတ်ဒဏ်ရာရှိနေတဲ့ကလေးတွေကို ပစ်မှတ်ထားတယ်။ဒီလိုမျိုးပါပဲ။စတီဖင်ကင်းရဲ့ ဝတ္ထုတိုပဲဖြစ်လို့ IT, Dark Tower လို့ပင်မဇာတ်ကြောင်းကြီးမှာတော့ ထပ်မပါသေးပါဘူး။ ဒီရုပ်ရှင်မှာတော့ စိတ်ကုထုံးဆရာဝန်ဒေါက်တာ ဟာပါမှာ ဆေဒီ နဲ့ ဆောယာဆိုတဲ့ သမီးနှစ်ယောက်ရှိပါတယ်။သူတို့ရဲ့အမေကတော့ မကြာသေးခင်‌လေးက ကားတိုက်မှုဖြစ်ပြီးဆုံးသွားတာမို့ သူတို့မိသားစုဝင်သုံးယောက်လုံးကိုယ်စီပူဆွေးနေတုန်းအချိန်မှာပဲရှိပါသေးတယ်။တစ်နေ့မှာတော့ လူတစ်ယောက် ရုတ်တရက်ဒေါက်တာဟာပါနဲ့ လာပြပါတယ်။သူ့ရဲ့ကလေးတွေကို မကောင်းဆိုးဝါးတစ်ကောင်ကသတ်သွားကြောင်း အခိုင်အမာပြောပါတယ်။ပြီးတော့ ဒေါက်တာဟာပါရဲ့အိမ်မှာပဲသတ်သေသွားပါတယ်။အဲဒီနောက်မှာ ကလေးမလေးနှစ်ယောက်ဟာထူးဆန်းတဲ့ကြောက်စရာတွေမြင်လာရတဲ့အခါ… File size… 2.8 GB / 1.1 GB / 445 MB Quality… WEB Rip 4K/ 1080p / 720p Format… mp4 Duration…. 1h 38m Genre ….. Horror Subtitle…. Myanmar Subtitle (Hard Sub) Encoder…. Thit San Khant Translated by Mr Anderson

Langitngit (2023) လေလာက မိသားစုအခြေအနေအရ ခဏကျောင်းထွက်ပြီး နောက်ဆုံးနှစ်အတွက် ကျူရှင်စရိတ်ရှာနေပါတယ်။ သူရလာတဲ့အလုပ်က အိမ်ကဝေးလွန်းတဲ့အတွက် အလုပ်နဲ့အနီးအနားမှာ အခန်းရှာရင်း တိုက်ခန်းငှားခလည်းမတတ်နိုင်လို့ အဘွားကြီးနှစ်ယောက်သာနေတဲ့ ရှေးဟောင်းအိမ်ကြီးတစ်လုံးမှာ တစ်ယောက်စာအခန်းကျဉ်းလေး ငှားနေရပါတယ်။ အဘွားကြီးနှစ်ဦးမှာ တစ်ဦးက အိမ်ရှင်ဖြစ်ပြီး တစ်ဦးကတော့ အိမ်ဖော်ပါ။ အိမ်ဖော်အဘွားကြီးဟာ ညသန်းခေါင်ကျော်တာနဲ့ ဒီအိမ်မှာမနေတော့ပဲ အိမ်ကိုပြန်လေ့ရှိပါတယ်။ သူ့အကြောင်းပြချက်ကတော့ ဒီအိမ်ကြီးဟာ ညနေစောင်းတာနဲ့ ထူးဆန်းတဲ့အသံတွေကြားရလေ့ရှိပြီး အဲ့ဒီအသံတွေဟာ သရဲခြောက်တာလို့ယုံကြည်လို့ပါပဲ။ တစ်ညမှာတော့ လေလာကိုယ်တိုင် အဲဒီအသံတွေနဲ့ကိုယ်တွေ့ကြုံရဖို့ဖြစ်လာပါတယ်။ ညသန်းခေါင်အသံတွေကြောင့် တစ်ဖက်ခန်းကိုချောင်းကြည့်လိုက်ချိန်မှာ တွေ့လိုက်ရတာကတော့ သူ့ဘေးချင်းကပ်ခန်းမှာ အားရပါးရလိင်ဆက်ဆံနေကြတဲ့လူငယ်စုံတွဲတစ်တွဲပါပဲ။ နောက်နေ့မှာ သိလိုက်ရတာက သူညကမြင်လိုက်ရတဲ့ကောင်လေးဟာ အိမ်ရှင်အဘွားကြီးရဲ့တစ်ဦးတည်းသောမြေးငယ် ပိုပွိုင်းဖြစ်ပြီး ရည်းစားထားဖို့ကို တင်းတင်းကျပ်ကျပ်တားမြစ်ထားတဲ့ ဘာသာရေးအစွန်းရောက်အဘွားဖြစ်သူကြောင့် ကောင်လေးဟာ သူ့ရည်းစားတွေကို အခန်းထဲမှာပဲခေါ်ဧည့်ခံရရှာတာဖြစ်ပါတယ်။ အဲဒီညနောက်ပိုင်းမှာ အပျိုစင်တစ်ယောက်သာဖြစ်နေသေးတဲ့ လေလာတစ်ယောက် အတွေ့အကြုံသစ်ကိုစူးစမ်းလိုတဲ့စိတ်နဲ့ တဏှာရမ္မက်တွေထန်လာခဲ့သလို သဘောကောင်းပုံရတဲ့ အိမ်ရှင်အဘွားကြီးကလည်း မျက်နှာဖုံးကွာကျစပြုလာတဲ့နောက် ဒီအိမ်ကြီးမှာ ခြောက်ခြားစရာတွေ စတင်ဖြစ်ပေါ်လာပါတော့တယ်။ စူပါမော်ဒယ်တစ်ယောက်လို ပိန်ပိန်ပါးပါးညိုချောလေး Manang Medina နဲ့ ဖြူဖြူဖွေးဖွေးရေဆေးငါးလိုအကိတ်ကြီး Zia Zamora ဆိုတဲ့ မင်းသမီးအသစ်လေးနှစ်ယောက်ကိုပွဲဦးထွက်မိတ်ဆက်ထားပါတယ်။ ဇာတ်လမ်းလည်းကောင်း တစ်ခြားဟာတွေလည်းကောင်းပါတယ်။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size – 2.2GB, 915MB Quality – 1080p, 720p Format – mp4 Duration – 1H 53Min Genre – Thriller Subtitle – Myanmar Subtitle (Hardsub) Translated by Alias Encoded by RGB

တကယ့်ဟောလီးဝုဒ် ဒိတ်ဒိတ်ကြဲတွေဖြစ်တဲ့ Heath Ledger, Christian Bale, Cate Blanchett နှင့် အခြားသောနာမည်ကြီးသရုပ်ဆောင်များ မြိုင်မြိုင်ဆိုင်ဆိုင်ပါဝင်ထားပြီး အမေရိကန်သီချင်းရေးဆရာ အဆိုတော် Bob Dylan အကြောင်းကို ကျောရိုးယူရိုက်ကူးထားတဲ့ ဒါရိုက်တာ Todd Haynes ရဲ့ Experimental Biographical Film လေးဖြစ်ပြီး IMDb Rating 6.8/10 ရရှိထားပါတယ်။ ဒီဇာတ်ကားကို ကြည့်ရင်းနဲ့ အမေရိကန်ပြည်ထောင်စုရဲ့အလှကို ရင်သပ်ရှုမောဖွယ်ကြည့်ရတဲ့ Nomadland ဆိုတဲ့ဇာတ်ကားလေးကို သွားပြန်သတိရပြီး တော်တော်လေး melancholy ဖြစ်တဲ့ဇာတ်ကားလေးမို့ Filmphile တို့ကို မဖြစ်မနေ ကြည့်စေချင်ပါတယ်။ ဇာတ်လမ်းအကျဉ်း ———————– အမေရိကန် ဖောခ့်တေးဂီတအဆိုတော် ဂျက်ရိုလန်ရဲ့ ဘဝအကြောင်း၊ အနုပညာလမ်းကြောင်းတစ်လျှောက် အနိမ့်အမြင့်ဘဝဇာတ်ခုံအကြောင်းကို ဂျက်ရိုလန်အကြောင်းကို ပြန်ရိုက်ထားတဲ့ရုပ်ရှင်မှာပါဝင်ထားတဲ့ ရော်ဘီကလာခ့်၊ နာမည်တစ်လုံးနဲ့ လက်ဦးဖော့ခ်ဂီတအဆိုတော် ဂျုဒ်ကွင်းန်၊ ရစ်ဒယ်ဆိုတဲ့မြို့ငယ်လေးမှာ လာရောက်ပုန်းခိုနေတဲ့ ဝရမ်းပြေး ဘီလီမက်ကာတီ၊ ဂီတာလေးတစ်လက်နဲ့ အမေရိကန်ပြည်ထောင်စုကို ကြုံသလိုလေလွင့်နေတဲ့ ဝူဒီဂတ်သရီဆိုတဲ့ ကောင်လေး အစရှိတဲ့ ဇာတ်ကောင်ငါးကောင်ကို အလှည့်ကျစီ ရှုထောင့်အမျိုးမျိုးက အချိတ်အဆက်မိမိ ရိုက်ကူးတင်ဆက်ထားတဲ့ Musical Drama Film လေးဖြစ်ပါတယ်။ File size…(3 GB)/(1.6 GB) Quality….Webrip 1080p / 720p Format…mp4 Duration….02:15:00 Genre…Drama, Biography, Music Subtitle….Myanmar Subtitle (Hardsub) Encoder….Garfield Translated by Matteo

Evil Does Not Exist ( 2023 ) Drive My Carနဲ့ အော်စကာရပြီးတဲ့နောက် ရူဆုခဲဟမဂုချိဟာ Evil Does Not Exist နဲ့ Gift နှစ်ကားဆက်ရိုက်ဖို့ရှိတယ်လို့ ကြေညာခဲ့ပြီး အခုတော့ Evil Does Not Exist တော့ ထွက်လာပါပြီ။ Gift ကတော့ ပိုစတာတောင်မတွေ့ရသေးသလို ဘယ်လိုကားမှန်းလည်းမသိရသေးဘူး။ အော်စကာမှာတော့ အစကတည်းက စာရင်းမတင်ထားပေမဲ့ ဗင်းနစ်ရုပ်ရှင်ဆုပေးပွဲအပါအဝင် တခြားပွဲပေါင်းများစွာမှာတော့ ဆုတွေ တန်းစီရထားတယ်။ စစချင်းမှာတော့ Evil Does Not Existကို ဒိုင်ယာလော့မပါတဲ့ နာရီဝက်စာ ရုပ်ရှင်တိုအဖြစ် ရိုက်ဖို့ အစီအစဉ်ရှိခဲ့ပေမဲ့ ရိုက်ရင်းရှည်ရှည်သွားတတ်တဲ့ ဟမဂုချိရဲ့ထုံးစံအတိုင်း ဒိုင်ယာလော့နည်းနည်းပါးပါးဖြည့်ပြီး ၂နာရီစာကားအနေနဲ့ ပြောင်းထွက်လာခဲ့တယ်။ ဂျပန်မှာတောင် ဧပြီ၂၆မှ ရုံတင်မှာဖြစ်လို့ ဦးဦးဖျားဖျားကြည့်ရမယ့် သဘောပါပဲ။ Evil Does Not Exist ရဲ့ Concept ဟာ သဘာဝနဲ့လူသားကြားက အပြန်အလှန်သက်ရောက်မှုကို အခြေခံထားတယ်။ ကားစစချင်းမှာတော့ ပါဖက်ဒေးထဲကလိုပဲ မိုးထားတဲ့သစ်ပင်ကြီးကို အောက်ကနေ ရိုက်ထားတဲ့ အပြတွေနဲ့ အကြာကြီးပြထားသလို တစ်ကားလုံးလည်း သူဇာတ်အိမ်တည်ထားတဲ့ နယ်ဘက်ကျေးဘက်က မြို့ကလေးနဲ့ အဲဒီမြို့ကလေးနဲ့ဆက်စပ်နေတဲ့ သစ်တောရဲ့ သဘာဝတရားတွေကို တော်တော်အားရပါးရ ရိုက်ပြထားတယ်။ နောက်စမ်းချောင်းကလေးကနေ ရေသွားခပ်တဲ့ လူတစ်ယောက်ကို ဆက်ပြတယ်။ သူနဲ့အတူတူ သစ်တောကိုပါ မြင်နေရတယ်။ နောက်ဆက်ပြမှာက ဒီချောင်းရေက သူတို့မြို့အတွက် အရေးပါတဲ့အရာဖြစ်နေတော့ ချောင်းထဲက ရေခပ်တဲ့ ဇာတ်ဝင်ခန်းနဲ့ဖွင့်ထားတယ်။ ရေခပ်ပြီး အပြန်မှာတော့ သမင်လိုက်တဲ့လူတစ်အုပ်ပစ်လိုက်တဲ့ ခပ်ဝေးဝေးက သေနတ်သံတစ်ချက်ကို သူတို့တွေသဲ့သဲ့ကြားလိုက်ရတယ်။ ဒါက ဒီရုပ်ရှင်ရဲ့ သဘာဝဘက်တစ်ခြမ်းလို့ထားပါတော့။ ပြီးတဲ့နောက် မြို့ပေါ်က လူတွေက သူတို့မြို့ကလေးမှာ မြေတွေဝယ်ထားပြီး ကမ့်စခန်းအိမ်ခေါ် ကမ့်ထွက်တဲ့အရသာရမယ့် ဟိုတယ်လိုလိုနေရာ တည်ဆောက်ဖို့ သူတို့နဲ့အရင်လာညှိနှိုင်းကြတယ်။ ဒီမှာနယ်ခံတွေက မိလ္လာကန်တွေ ဘယ်မှာဆောက်မှာလဲ ဘာလဲမေးရော။ ဆောက်မယ့်နေရာကလည်း မြေအောက်ရေကြောနဲ့ မလွတ်နေတော့ သူတို့ရေတွင်း ရေကန်တွေကို ထိခိုက်စေမယ့်နေရာဖြစ်နေတယ်။ နောက် သူတို့သစ်တောကလည်း အနှစ်၂၀တိုင်းတစ်ခါမီးပြင်းပြင်းလောင်တတ်တယ်။ ကမ့်ထွက်လာတဲ့လူတွေ မီးပုံဖိုကြမှာနဲ့ဆို မီးလောင်နှုန်းက ဒီထက်လည်း မြင့်သွားနိုင်တယ်။ ဒါတွေအတွက် တစ်ဘက်က လုပ်ငန်းရှင်တွေဘက်မှာလည်း ဘာအဖြေမှမရှိဘူး။ ဒါပေမဲ့ သူတို့က မရမကဆောက်ဖို့လုပ်ကြတယ်။ ဒီလူတွေက ဒီမြို့ကလေးရဲ့ အေးချမ်းမှုကို အမှုမထားဘဲ ဖျက်ဆီးပစ်ချင်ကြတယ်။ ဒါကတော့ ဒီရုပ်ရှင်ရဲ့ လူတွေဘက်ခြမ်းပေါ့။ ရုပ်ရှင်တစ်လျှောက်မှာ ကျွန်တော်အများဆုံးမြင်ခဲ့ရတာက အရိုးပြိုင်းပြိုင်းထနေတဲ့သစ်ပင်တွေ။ အနည်းဆုံးမြင်ခဲ့ရတာကတော့ သမင်တွေပဲ။ ဒီတော ဒီတောင်တွေဟာ လူတွေ ဒီကိုအခြေလာမချခင်အထိ သမင်တွေရဲ့ ကျက်စားရာဖြစ်ခဲ့ဖူးတယ်။ အခုထိလည်း သမင်တွေကတော့ အဲဒီနေရာမှာ ကျက်စားနေကြတုန်းပဲ။ ဒါပေမဲ့ ဟမဂုချိဟာ ကျွန်တော်တို့ကို သမင်တွေကို ပစ်လိုက်တဲ့သေနတ်သံကိုပဲ ခဏခဏကြားစေပြီး သမင်တွေကိုတော့ သိပ်မပြသွားဘူး။ သူ့စကားအတိုင်းဆို သမင်တွေဟာ ရှက်တတ်ကြတယ်။ လူတွေကိုရှောင်ကြတယ်တဲ့။ ဒါပေမဲ့ သေနတ်နဲ့အပစ်ခံထားရတဲ့သမင်တို့ သူ့အဖေသမင်ကြီးတို့ သူ့လင်သမင်ကြီးတို့မဟုတ်ရင်တော့ လူတွေကို အန္တရာယ်မပြုတတ်ကြဘူးတဲ့။ ဒီတစ်ခြမ်းကတော့ “ထားပါတော့”လို့ ပြောရမယ့် သဘာဝဘက်ခြမ်းမဟုတ်တဲ့ တကယ့်သဘာဝဘက်ခြမ်းစစ်စစ်ပေါ့။ မြို့ကြီးကနေ သူတို့သဘာဝကို ဖျက်ဆီးဖို့လာကြတဲ့ လူတွေကို မနှစ်မြို့တဲ့ မြို့ကလေးကလူတွေဟာလည်း သူတို့နည်းသူတို့ဟန်နဲ့ သဘာဝကို ဖျက်ဆီးနေတဲ့လူတွေဖြစ်နေပြန်တာပါပဲ။ ဒီရုပ်ရှင်မှာ အမေးပဲတွေ့ရပြီး အဖြေကို မတွေ့ရဘူးလို့ပြောရမယ်။ ပြောသာပြောရတာ အဖြေမရှိတဲ့အရာတွေက အများသားပါ။ ဒါပေမဲ့လည်း ဒီရုပ်ရှင်ရဲ့ နာမည်ကတော့ အဖြေဖြစ်ကောင်းဖြစ်နေနိုင်တယ်။ ကျွန်တော်တို့ ကမ္ဘာကျဉ်းကျဉ်းလေးမှာပဲ အရိုက်ခံရတဲ့ လမ်းဘေးခွေးလေးတစ်ကောင်နဲ့ အတူတူဖက်ငိုနေတဲ့ ကလေးမလေးကိုလည်း ကျွန်တော်တွေ့ခဲ့ဖူးတယ်။ ကျွန်တော်တို့ ကမ္ဘာကျဉ်းကျဉ်းလေးမှာပဲ ခွေးကလေးကို မှိန်းနဲ့ထိုးသတ်တဲ့အထိ ရက်စက်တဲ့လူတွေလည်း ကျွန်တော်တွေ့ခဲ့ဖူးတယ်။ အဲဒီခွေးလေးနှစ်ကောင်ဟာ တကယ်တမ်း တစ်ကောင်တည်းပါပဲ။ အဲဒီကျဉ်းကျဉ်လေးဆိုတဲ့ ကျွန်တော်တို့ကမ္ဘာဟာ အကျပ်အတည်းတွေ အခက်အခဲတွေအပြည့်နဲ့ကမ္ဘာဆိုတာ မပြောလည်း သိကြမှာပါ။ ဒါပေမဲ့ အဲဒီကိစ္စနောက်ပိုင်းမှာ ကျွန်တော်တို့လူတွေဟာ ဒီလိုကမ္ဘာနဲ့ပဲတန်သလားလို့ မေးခွန်းတော့ ရှိလာခဲ့တယ်။ ဒါဟာ Evil Does Not Existကို ကြည့်ပြီး ကျွန်တော်ပြန်သတိရမိတဲ့ မေးခွန်းပါပဲ။ တကယ်လည်း Evil Does Not Exist နေသလားတော့ ဟမဂုချိမှာလည်း အဖြေရှိပုံမရပါဘူး။ အရိုးပြိုင်းပြိုင်းသစ်ပင်တွေ သွေးသံရဲရဲတိရိစ္ဆာန်တွေတော့ ရှိနေကြတုန်းပဲ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre….. Drama Quality…. 1080p | 720p File size… 3.1GB | 1.2GB Format… mp4 Duration…. 1h 46min Subtitle…. Myanmar Subtitle (Hardsub) Translator ….. WiRa Aung Encoder ….. Aaron

Genre – Drama, Horror, Mystery IMDB – 6.8/10 ဒီကားလေးက ၂၀၁၄ ခုနှစ်က ထွက်ရှိခဲ့တဲ့ Psychological horror/Mystery အမျိုးအစား ဇာတ်လမ်းလေးတစ်ပုဒ်ပဲဖြစ်ပါတယ်။ Horror ကားကောင်းတွေရှားတဲ့အနေအထားမှာ လွန်ခဲ့တဲ့၁၀နှစ်လောက်က ထွက်ရှိခဲ့တဲ့ ဒီဇာတ်ကားလေးကတော့ ဟော်ရာဖန်တွေကို အကြိုက်တွေ့စေမှာပါ။ ဇာတ်လမ်းကတော့ အမ်မီလီရာဆိုတဲ့အမျိုးသမီးဟာ Single Mom တစ်ဦးဖြစ်ပြီး သူ့သားလေး ဆမ်မြူရယ်ကို သူတစ်ယောက်တည်း ပြုစုပျိုးထောင်နေတာပါ။ သူ့အမျိုးသားကတော့ သူ့သားဖြစ်သူ ဆမ်မြူရယ်မွေးတဲ့နေ့မှာပဲ ကားမတော်တဆမှုကြောင့် ဆုံးပါးသွားခဲ့ပါတယ်။ ခင်ပွန်းဖြစ်သူကို ဆုံးရှုံးခဲ့ရတဲ့ အမ်မလီရာဟာ ၇နှစ်ကျော်ပြီးဖြစ်ပေမဲ့ အဲဒီဆုံးရှုံးမှုကို လက်ရှိအချိန်အထိ ကြေကွဲတမ်းတနေသေးတဲ့ အမျိုးသမီးတစ်ယောက်ပေါ့။ သူ့သားလေးဖြစ်တဲ့ ဆမ်မြူရယ်က မျက်လှည့်ကို အရမ်းစိတ်ဝင်စားပြီး မကောင်းဆိုးဝါးတွေကိုလည်း ယုံကြည်တတ်တဲ့ကလေးတစ်ယောက်ပေါ့။ တစ်ညမှာ မိခင်ဖြစ်သူက သားဖြစ်သူကို အိပ်ရာဝင်ပုံပြင်ဖတ်ပြရင်း “မစ္စတာဘာဘာဒေါ့ခ်”လို့ ခေါ်တဲ့စာအုပ်ကိုဖတ်ပြမိခဲ့တယ်။ အဲဒီညကနေစပြီး သူတို့သားအမိနှစ်ယောက်ရဲ့အိမ်မှာ ကြောက်စရာအဖြစ်အပျက်တွေ ဇယ်ဆက်သလိုပဲ ဆက်တိုက်ပေါ်ပေါက်လာခဲ့တော့တယ်။ ဇာတ်လမ်းရဲ့အသက်ကတော့ သားအမိနှစ်ယောက်ရဲ့ ဆက်ဆံရေးနဲ့ချစ်ခြင်းမေတ္တာလို့ပဲပြောရမယ်။ သရုပ်ဆောင်မင်းသမီး Essie Davis ရဲ့ သရုပ်ဆောင်ချက်တွေကလည်း အတော်ပြောင်မြောက်တယ်။ ခင်ပွန်းသည်ကိုဆုံးရှုံးလိုက်ရလို့ စိတ်ဒဏ်ရာရပြီးကြေကွဲနေတဲ့ဇနီးသည်၊ သားဖြစ်သူကအရမ်းဆိုးပြီး ထိန်းရခက်ပေမဲ့လည်း အချစ်မလျော့တဲ့မိခင်နေရာကနေ သရုပ်ဆောင်ထားတာက အတော်မိုက်ပြီး ရင်ထဲထိစေမှာအသေအချာပါပဲ။ ထိတ်လန့်ခြောက်ခြားစရာအဖြစ်အပျက်တွေနဲ့ ကြည်နူးစရာချစ်ခြင်းမေတ္တာတို့ကို အချိုးကျပေါင်းစပ်လိုက်တဲ့အခါမှာ သိပ်ကိုလှပကောင်းမွန်တဲ့ Emotionally Investing ဖြစ်စေမယ့် ဟော်ရာကားတစ်ကားထွက်ပေါ်လာတော့တယ်။ File size… 1.3 GB / 637 MB Quality… BluRay 1080p / 720p Format… mp4 Duration…. 1h 34m Genre ….. Drama/Horror/Mystery Subtitle…. Myanmar Subtitle (Hard Sub) Encoder…. Hein Tayza Translated by Vader

Field of dreams ဟာ 1989 ခုနှစ်က ထွက်ရှိခဲ့တဲ့ အမေရိကန် Sport/ Fantasy drama film ဖြစ်ပြီး IMDB rating 7.5၊ Rotten tomatoes 88% ထိရရှိထားပါတယ်။ ဒါရိုက်တာ Phil Alden Robinson ရဲ့ လက်ရာဖြစ်ပြီး Kevin Costner က ရေးလ်ကင်ဆယ်လာအဖြစ် အဓိကပါဝင် သရုပ်ဆောင်ထားပါတယ် ရေးလ်ဟာ အမျိုးသမီးဖြစ်သူအန်နီနဲ့ အိမ်ထောင်ကျပြီးတဲ့နောက် အိုင်အိုဝါကို ပြောင်းရွှေ့နေထိုင်ခဲ့ပါတယ် အန်နီရဲ့ အကြံအရ သူတို့နှစ်ဦးဟာ ပြောင်းဖူးခင်းတစ်ခင်း ဝယ်ခဲ့ပါတယ် ညနေခင်းတစ်ခုမှာ ရေးလ်ဟာ ထိုပြောင်းခင်းထဲမှ “မင်းအဲဒါကိုဆောက်ရင် သူလာလိမ့်မယ်”ဆိုတဲ့ ထူးဆန်းတဲ့အသံကို ကြားခဲ့ပါတယ် ရေးလ်က ဒီအသံဟာ သူ့ကို ဘေ့‌စ်ဘောကွင်းဆောက်ဖို့ ပြောတာလို့ အခိုင်အမာ ယုံကြည်ခဲ့ပြီး လက်တွေ့အကောင်အထည် ဖော်ပါတော့တယ် ၁၉၁၉ခုနှစ် ကမ္ဘာအဆင့် ဘေ့စ်ဘောပြိုင်ပွဲမှာ တမင်အရှုံးပေးခဲ့တယ်လို့ စွပ်စွဲခံခဲ့ရတဲ့ ခြေဗလာဂျိုးဂျက်ဆန်နဲ့ တခြားကစားသမားရှစ်ယောက်ဟာ ထိုကွင်းဆောက်ပြီးချိန်မှာ ရောက်လာပါတော့တယ် ဒီ‌ဘေ့စ်ဘောကွင်းကြီးဟာ သူတို့တွေ လူ့ဘဝတုန်းက မဖြစ်မြောက်ခဲ့ရတဲ့ အိပ်မက်တွေကို ဖြည့်ဆည်းပေးနိုင်မလား ရေးလ်ကရော ပြောင်းခင်းထဲကနေ အသံတွေထပ်ကြားရဦးမှာလား ဆိုတာ စိတ်ဝင်စားဖွယ် ကြည့်ရှုရမယ့် ဇာတ်ကားကောင်းလေးပဲ ဖြစ်ပါတယ် File size…(2.1 GB)/(1 GB) Quality….Blu-Ray 1080p / 720p Format…mp4 Duration….01:47:00 Genre…Drama, Family, Fantasy Subtitle….Myanmar Subtitle (Hardsub) Encoder….Garfield Translated by Melody

The Gardener’s Year (2024) Zahradníkuv rok IMDb Rating (6.4) ဥယျာဥ်မှူးကြီးတစ်ယောက်နဲ့မိန်းမဖြစ်သူဟာ ဥယျာဥ်စိုက်ပျိုး,မွေးမြူရေးလုပ်ရင်း ဘဝကို ငြိမ်းငြိမ်းချမ်းချမ်းနဲ့ ဖြတ်သန်းနေခဲ့ကြပါတယ်။ ဒီလိုနဲ့တစ်ရက်မှာတော့ သူတို့ရဲ့အနီးတဝိုက်က သမိုင်းဝင်ရဲတိုက်ကို ပြန်လည်ပြုပြင်ချင်တဲ့ပိုင်ရှင်တစ်ယောက်က ဥယျာဥ်မှူးတို့ကိုငွေပေးပြီး နေရာဖယ်ပေးဖို့ပြောလာတာကနေအစပြုပြီး သူတို့ရဲ့ငြိမ်သက်နေတဲ့ဘဝလေးဟာ လှုပ်ခတ်စပြုလာပါတော့တယ်။ မသမာတဲ့နည်းလမ်းတွေအမျိူးမျိုးနဲ့သူ့ဥယျာဥ်ကိုဖျက်ဆီးတာခံရတဲ့အခါ.. ဒီဇာတ်ကားမှာ ဥယျာဥ်မှူးတစ်ယောက်ရဲ့ သီးနှံစိုက်ခင်းဥယျာဥ်ကိုချစ်မြတ်နိုးပုံကို main character ရဲ့ silent performance တွေကနေတဆင့် မြင်သာအောင် ရိုက်ပြထားပါတယ်။ ဒါ့အပြင် ချက်ဇ်နိုင်ငံလူ့အဖွဲ့အစည်းရဲ့ အစိုးရပိုင်းဆိုင်ရာတွေဟာ ယုံစားမရပုံတွေကိုပါထည့်သွင်းဖော်ပြထားပါတယ် ခံစားကြည့်ရှုလိုက်ကြပါအုံးနော်.. (အညွှန်းနဲ့ဘာသာပြန်ကတော့ Shwe Eain Si ဖြစ်ပါတယ်။) File size…(2.5 GB) / (1.2 GB) Quality….WEB-Rip 1080p HEVC / 720p Format…. mkv/mp4 Genre….Comedy, Drama Duration….01:39:12 Subtitle….Myanmar Subtitle (Hardsub) Encoder….Benjamin Translated by Shwe Eain Si

ဒီတစ်ခေါက်တင်ဆက်ပေးမယ့် ဇာတ်ကားလေးကတော့ ပြင်သစ်အက်ရှင်ဒရမ်မာကားလေးပဲဖြစ်ပါတယ် ဒီကားလေးမှာဆိုရင် ပြင်သစ်အထူးတပ်ဖွဲ့ဝင်ဟောင်း ဇနီးမောင်နှံနှစ်ယောက်တို့ရဲ့ အသက်ရှင်သန်ဖို့ရုန်းကန်ရမှုကို ဒရမ်မာဆန်ဆန်ဇာတ်အိမ်ဖွဲ့ရိုက်ကူးတင်ဆက်ထားပါတယ်.. ပြင်သစ်အထူးတပ်ဖွဲ့အရာရှိများဖြစ်ကြတဲ့ Franck Lazareff နဲ့ Leo တို့ဇနီးမောင်နှံဟာ အပတ်စဉ်တူသင်တန်းသားများဖြစ်ပြီး အရာရှိဘဝမှာလည်း တာဝန်ကိုကျေပွန်စွာထမ်းဆောင်ရင်း ဘဝကိုပျော်ပျော်ရွှင်ရွှင် ဖြတ်သန်းနေကြသူတွေဖြစ်ပါတယ်.. ဖခင်ဆုံးရှုံးလိုက်ရတဲ့ အတိတ်ဖြစ်ရပ်ဆိုးကြောင့် ကလေးယူဖို့ ကြောက်ရွံ့နေသူ Franck Lazareff နည်းတူ Leo ဟာလည်း ကလေး မလိုချင်ခဲ့သူဖြစ်ကာ နှစ်ယောက်တည်းကမ္ဘာကို ပျော်ရွှင်စံစားနေရင်း နှစ်အနည်းငယ်အကြာမှာတော့ Leo မှာ ကိုယ်ဝန်ရှိလာခဲ့ပါတယ် ကိုယ်ဝန်ရှိနေပြီဖြစ်ကြောင်း ယောက်ျားဖြစ်သူကို ပြောပြဖို့ လုပ်နေချိန်မှာတော့ တိုက်တိုက်ဆိုင်ဆိုင် စစ်ဆင်ရေးလုပ်ရမယ့် အမှုအခင်းတစ်ခုပေါ်ပေါက်လာပါတော့တယ်.. ၎င်းအမှုအခင်းမှာပဲ အရင်းနှီးဆုံး အဖွဲ့ဝင်တပ်သားနှစ်ယောက် သေနတ်ပစ်ခံခဲ့ရတဲ့မှုအတွက် တာဝန်ရှိသူ Franck Lazareff တစ်ယောက် တပ်ဖွဲ့ကနေထုတ်ပယ်ခြင်းခံရဖို့ ဖြစ်လာပါတယ် ထုတ်ပယ်ခံရပြီးသိပ်မကြာခင်မှာပဲ ထိုအမှုအခင်းဟာ သာမန်ဓားပြတိုက်မှု သက်သက်မဟုတ်နိုင်ကြောင်း သံသယဝင်သွားတဲ့ Franck Lazareff တစ်ယောက်တစ်ကိုယ်တော်စုံစမ်းမှုတွေလုပ်ရင်း အကြောင်းမှန်ကို သိရှိသွားချိန်မှာတော့… ဒီဇာတ်ကားလေးဟာဆိုရင် ပျော်ရွှင်စရာ အထူးတပ်ဖွဲ့အရာရှိဘဝများ မိသားစုဘဝများကို ဒရမ်မာကားသဖွယ်ရိုက်ကူးထားတာဖြစ်လို့ အက်ရှင်ကားချစ်ပရိသတ်များသာမက ဒရမ်မာချစ်ပရိသတ်များကိုလည်း ကျေနပ်စေနိုင်တဲ့ဇာတ်ကားလေးဖြစ်တာကြောင့် လက်မလွတ်ကြရစေဖို့ ညွှန်းပေးလိုက်ပါတယ်ခင်ဗျာ… File size… (1.92GB) / (1.03GB ) Quality… WEB-DL 1080p HEVC / 720p Format…mkv / mp4 Duration….1h 38m Genre ….. Action , Crime , Drama , Mystery , Thriller Subtitle….Myanmar Subtitle (Hard Sub) Encoder….Min Wai Translated by Ye Thiha Htet