IMDb...7.6,,,,RT... 90% ကမ္ဘာကြီးဟာ ဖွံ့ဖြိုးတိုးတက်လာတာနဲ့အမျှ လဆီကနေ နေရဲ့ သဘာဝစွမ်းအင်တွေကို တူးဖော်ပြီး စွမ်းအင်လိုအပ်ချက်ရဲ့ ၇၀ ရာခိုင်နှုန်းကို ဖြည့်ဆည်းနိုင်နေပြီဖြစ်ပါတယ်။ အဲဒီလိုတူးဖော်ဖို့အတွက် သုံးနှစ်တာစာချုပ်နဲ့ လကမ္ဘာပေါ် အာကာသယာဉ်မှူးတွေ စေလွှတ်လေ့ရှိပါတယ်။ ဆမ်ဘဲလ်ကတော့ အဲဒီထဲက တစ်ယောက်ပေါ့။ ဆက်သွယ်ရေးဂြိုလ်တုပျက်နေတာကြောင့် သူဟာ ဇနီးနဲ့ သမီးလေးကိုလည်း တိုက်ရိုက်ဆက်သွယ်လို့မရပဲ သုံးနှစ်နီးပါးတစ်ကိုယ်တည်း အထီးကျန်ဆန်စွာ ဖြတ်သန်းခဲ့ရပါတယ်။ သုံးနှစ်ပြည့်ခါနီးမှာတော့ စက်ချို့ယွင်းမှုတစ်ခုနဲ့အတူ သူနဲ့တစ်ပုံစံတည်းတူတဲ့ လူတစ်ယောက်ကို ရှာတွေ့လာတဲ့အခါ…. တစ်ကိုယ်တည်းနေလာတာကြာပြီး သူ့စိတ်ကပဲ ထင်ယောင်ထင်မှားတွေဖြစ်နေတာလား ဒါမှမဟုတ်… File Size : (2.2GB)(585MB) and (268MB) Quality : Blu-Ray1080P5.1Ch, 720p Format…mp4 Duration…01:37:00 Genre : Drama, Mystery , Sci-Fi Subtitle : Myanmar Subtitle (Hard Sub) Translated by May Myat Thu Encoded by Phyo Pyae

ဒီကားလေးကတော့ ခေါင်းစဉ်က်ုက တမူထူးခြားနေတာပါနော် ယောရောဘွန်းတို့ကြည့်လိုက်တာနဲ့ ဘာကိုပြေးမြင်လဲ နံပါတ် ၁ ဆိုတော့ အမိုက်စားအတော်ဆုံး ထိပ်ဆုံးက နံပါတ် ၁ လို့ထင်ကြမှာပေါ့နော် ဒါပေမယ့် ဒီထဲက Kang Dan ဆိုတဲ့ ဇာတ်လိုက်မင်းသားကတော့ အနိုင်ကျင့်ခံရပြီး ခိုင်းတဲ့အတိုင်းလုပ်တာ အတော်ဆုံး နံပါတ် ၁ ပါတဲ့ရှင် ဂိုဂျိုဆွန်းမျိုးဆက်ရဲ့ စွမ်းအားရှင် Dan မိသားစုက နောက်ဆုံးမျိုးဆက်ဆိုပေမယ့် အရာအားလံုးကို သည်းခံလာတဲ့ ကောင်လေး... ‌တစ်နေ့မှာ သူချစ်ရတဲ့ကောင်မလေး(ဟီယွန်း)ကို အနိုင်ကျင့်တာ သိသွားတဲ့အခါ... ကောင်မလေးကိုကာကွယ်တဲ့အခါ သူ့ရဲ့သရုပ်မှန်ကိုသိလိုက်ရတဲ့အခါ... ဘယ်လိုမျိုး စွန့်စားခန်းတွေဖြစ်လာမလဲ သူ့ရဲ့ စွမ်းအားကရော ဘယ်လိုမျိုးလဲ ကောင်မလေးကိုရော ကယ်နိုင်ပါ့မလား တိုက်ပုံခိုက်ပုံတွေနဲ့ အမိုက်စား အက်ရှင်ဆန်ဆန်ကြည့်ရမယ့်အပြင် အခွီလေးတွေပါ ပါသေးတယ်နော် တိုက်ခိုက်နေရင်းတောင် တကယ်ရယ်နေရတာ ကြားထဲက ရိုမန့်လေးပါ ရောလိုက်တော့ ရသစုံခံစားရမယ့် ဒီသဘာဝလွန်ကားသစ်လေး မင်းသား မင်းသမီး နာမည်သိပ်မကြီးပေမယ့် အမိုက်စားသရုပ်ဆောက်ချက်တွေနဲ့ ဒီကားလေးကို အခုပဲ ကြည့်လိုက်ကြရအောင် အညွှန်း နဲ့ ဘာသာပြန်ကတော့ Khaing Khin ပဲ ဖြစ်ပါတယ်။ Genre.....Action Quality….WEB-DL 1080p and 720p and 360p File size…1.53GB and 814MB and 270MB Format…mp4 Duration….1h 39min Subtitle….Myanmar Subtitle (Hardsub) Translator ..... Khaing Khin Encoder ..... August

The Night Before (2015) ================= IMDb Rating – 6.3/10 ဟာသရုပ်ရှင်ကောင်းများနဲ့ Chill ချင်ကြတဲ့ ရုပ်ရှင်ပရိသတ်များ အတွက် ၂၀၁၅ ခုနှစ်က ထွက်ရှိထားတဲ့ ခရစ္စမတ်ကာလကို အခြေ တည်ထားတဲ့ ဟာသရုပ်ရှင်ကောင်း တစ်ခု တင်ဆက်ပေးလိုက်ပါတယ်။ Rotten Tomatoes 69%, IMDb Rating 6.3/10 ရရှိထားပါတယ်။ Hangover လိုမျိုး ဟာသရုပ်ရှင်ကြိုက်တယ်ဆိုရင်တော့ လက်လွတ် မခံဖို့ အကြံပေးချင်ပါတယ်။ (Warning: ညစ်ညမ်းဟာသတစ်ချို့ ပါဝင်တာမို့ မိသားစုနဲ့အတူ မကြည့်ရှု့ သင့်တဲ့ ဇာတ်ဝင်ခန်းတချို့ ပါဝင်ပါတယ်) ခရစ်၊ အီသန်နဲ့ အိုင်ဆက်တို့ဟာ အရမ်းကို ခင်မင်ကြတဲ့ သူငယ်ချင်း သုံးယောက်ပါ။ အီသန်ဟာ ငယ်ရွယ်စဉ်မှာပဲ မိဘနှစ်ပါးလုံးကို ခရစ္စမတ် ကာလမှာ ဆုံးရှုံးလိုက်ရပါတယ်။ ဒါနဲ့ပဲ ခရစ်နဲ့ အိုင်ဆက်တို့လည်း အီသန့်ကို အတတ်နိုင်ဆုံး ကူညီပေးဖို့အတွက် ခရစ္စမတ်နေ့မှာ အတူတူ ရှိနေပေးကြ ပါတယ်။ ဒီလိုနဲ့ပဲ သူတို့သုံးယောက်အတွက် ခရစ္စမတ်ဓလေ့လေး တစ်ခု ဖြစ်လာပါတယ်။ တစ်ခုသော ခရစ္စမတ်မှာတော့ Nutcracker ball ဆိုတဲ့ အရမ်းမိုက်တဲ့ ပါတီတစ်ခုအကြောင်းကို အီသန် သိလိုက်ရပါတယ်။ သူတို့ သုံးယောက်လုံးလည်း အရမ်းသွားချင်ကြပေမယ့် နေရာကို ရှာမတွေ့ခဲ့ပါဘူး။ နှစ်တိုင်းခရစ္စမတ်အချိန်မှာ အဲပါတီကိုလိုက်ရှာပေမယ့် ဘယ်လိုမှမတွေ့လို့ လက်လျှော့ခဲ့ရပါတယ်။ ဒီလိုနဲ့ပဲ နှစ်တွေကြာညောင်းလာပြီး သူငယ်ချင်းသုံးယောက် ကိုယ့်လမ်းကိုယ် လျှောက်ရင်း ခရစ္စမတ်ကို အတူမဆင်နွှဲဖြစ်ကြတော့ပါဘူး။ အီသန်လည်း သူတို့သူငယ်ချင်းသုံးယောက်အနေနဲ့ ဒီနှစ်ခရစ္စမတ်ကိုတော့ နောက်ဆုံးအနေနဲ့ ဆင်နွှဲဖို့လုပ်ပါတော့တယ်။ ခရစ္စမတ်အကြိုညမှာ သူငယ်ချင်းသုံးယောက် ဘယ်လိုတွေ ကဲကြမလဲ၊ ဘယ်လိုအလွဲတွေ ဖြစ်နေကြမလဲဆိုတာကိုတော့ ရုပ်ရှင်ထဲမှာ ဆက်လက်ခံစားလိုက်ပါတော့။ နာမည်ကြီး မင်းသားတွေဖြစ်တဲ့ Seth Rogen, Joseph Gordon-Levitt နဲ့ Anthony Mackie တို့ သုံးယောက်ရဲ့ အတိုင်အဖောက်ညီညီ သရုပ်ဆောင် ချက်တွေကြောင့် ကြည့်ရှု့လို့‌ကောင်းသလို။ ဟာသတွေဟာလည်း အရမ်းကို ရယ်ရတာမို့ ဘာသာပြန်ရင်းနဲ့ကို ပါးစပ်မစိရပါဘူး။ မထင်ထားတဲ့ နာမည်ကြီး တွေလည်း Cameo ပါဝင်ခဲ့ပါတယ်။ (ဒီဇာတ်လမ်းရဲ့အညွှန်းနဲ့ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size……….(1.85 GB) / (778 MB) / (443 MB) Quality…………BluRay 1080p / 720p / 480p Duration………1Hr 41mins Subtitle………..Myanmar Hardsub Format…………MP4 Genre…………..Comedy, Fantasy Translator…….Leonard Lin Encoder……….SWM

Fatal Fandom (2022) ================ ဧဒင်ချေ့စ်ဟာ နာမည်ကြီး ပေါ့ပ်အဆိုတော် တစ်ယောက် ဖြစ်ပါတယ်။ သူဟာ လူချစ်လူခင်ပေါများသလို သီချင်းဆို လည်း ကောင်းတာမို့ ပရိသတ်တွေကတော့ အရူးအမူးပါပဲ။ ဒီလိုနဲ့ စတူဒီယိုတစ်ခုမှာ သီချင်းဗွီဒီယိုအသစ်အတွက် အသံ သွင်းပြီးအပြန် ကားပါကင်မှာ လူတစ်ယောက်က သေနတ်နဲ့ ချိန်ပြီး သူ့ကို ပြန်ပေးဆွဲဖို့ လုပ်တာနဲ့ ကြုံလိုက်ရပါတယ်။ အဲအချိန်မှာပဲ ဂျက်ဆန်ဆိုတဲ့ လုံခြုံရေးတစ်ယောက်က ဧဒင့် တို့ကို ဝင်ရောက်ပြီး ကူညီကယ်ဆယ်ပေးခဲ့ပါတယ်။ ရဲတွေလည်း အဆိုပါလူကို လိုက်ဖမ်းဖို့ ကြိုးစားပေမယ့် မမိ ခဲ့ပါဘူး။ ဧဒင်ရဲ့ သူငယ်ချင်းတွေလည်း ဧဒင့်အတွက် စိုးရိမ်ပြီး ဧဒင့်ကို အချိန်ပြည့်စောင့်ရှောက်ပေးနိုင်မယ့် လုံခြုံရေးတစ် ယောက်လိုတဲ့အတွက် ဂျက်ဆန့်ကို ငှားလိုက်ပါတယ်။ ဂျက်ဆန် ဟာ ဧဒင့်ရဲ့ ပရိသတ်ဖြစ်တဲ့အတွက် အလုပ်ကိုလက်ခံလိုက်ပါ တယ်။ ဂျက်ဆန်လည်း ဧဒင်နဲ့အတူ အိမ်ကြီးမှာ နှစ်ယောက်တည်း အတူနေရင်း အနီးကပ် လုံခြုံရေးပေးခဲ့ပါတယ်။ အဲနောက်ပြီး တစ်ယောက်နဲ့ တစ်ယောက်လည်းရင်းနှီးလာခဲ့ပါတယ်။ ဒီလိုနဲ့ အိုးချင်းထား အိုးချင်းထိ၊ ကြိုးချင်းထား ကြိုးချင်းညှိဆိုသလို ဂျက်ဆန်တစ်ယောက် ဧဒင့်အပေါ် စိတ်ခံစားချက်တွေ ဝင်လာခဲ့ပါ တယ်။ ဧဒင့်ကို ပြန်ပေးဆွဲဖို့ လုပ်ခဲ့တဲ့ သူကရော ဘယ်သူလဲ၊ ဧဒင်နဲ့ ဂျက်ဆန်တို့ကြား ဘာတွေဆက်ဖြစ်လာမလဲ၊ ဧဒင်တစ်ယောက် ကျားကြောက်လို့ ရှင်ကြီးကိုး၊ ရှင်ကြီးကျားထက်ဆိုး ဖြစ်မလားဆို တာကိုတော့ ဇာတ်လမ်းထဲမှာ ကြည့်ရှု့ခံစားလိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size……….(1.75 GB) / (600 MB) / (380 MB) Quality…………WEB-RIP 1080p / 720p / 480p Duration………1Hr 25Mins Subtitle………..Myanmar Hardsub Format…………MP4 Genre…………..Thriller Translator…….Leonard Lin Encoder……….SWM

Btaman : The Doom that came to Gotham (2023) Batman: The Doom that came to Gotham ဟာဆိုရင် ၂၀၀၀ ခုနှစ်ကနေ ၂၀၀၁ ခုနှစ်အထိ ထွက်ရှိခဲ့တဲ့ အပိုင်းသုံးပိုင်း ပါဝင်တဲ့ နာမည်တူ Comic book ကို အခြေခံပြီး ရိုက်ကူးထားတာ ဖြစ်ပါတယ်။ ဒီနာမည်ဟာဆိုရင် Sci-Fi horror မှာ ဆရာကြီး တစ်ပါးဖြစ်တဲ့ H.P. Lovecraft ရဲ့ The Doom that came to Sarnath ကို မှီငြမ်းပြီး ပေးထားတာပါ။ ဒီရုပ်ရှင်ဟာဆိုရင် Horror အရသာတွေပါသလို Detective ပိုင်းကို မလစ်ဟင်းအောင် ‌ပေါင်းဖက်ထားတဲ့ ရုပ်ရှင်ကောင်းတစ်ခုပါပဲ။ ၂၀၂၃ ထဲမှာ ကျွန်တော် မျှော်နေတဲ့ ဇာတ်ကားတွေထဲက တစ်ခုအပါအဝင်ပါပဲ။ မျှော်လင့်ရကျိုးနပ်တယ်ပဲ ပြောရမလား တကယ်ကို ကြည့်လို့ကောင်းပါတယ်။ Horror အရသာတွေကို ကောင်းကောင်းပေးနိုင်ပြီး Detective ပိုင်းမှာဆိုရင်လည်း Plot twist တွေလည်း ဆွဲခေါ်သွားနိုင်ပါတယ်။ Action အပိုင်းတွေကိုလည်း ရိုးအီမနေအောင် ထည့်ပေးထားလို့ ရသမျိုးစုံ ခံစားနိုင်မှာပါ။ ဇာတ်လမ်းအကျဉ်းကတော့ အန္တာတိကမှာ ရှာဖွေရေးလုပ်နေတဲ့ အော့စ်ဝဲလ်ကိုဘယ်ပေါ့တ်တို့ လူတစ်စု ပျောက်ချင်းမလှ ပျောက်သွားလို့ ဘရု့စ်ဝိန်လည်း သူ့ရဲ့ မွေးစားသား တစ်သိုက်နဲ့အတူ လိုက်ပြီး ရှာဖွေခဲ့ပါတယ်။ ဒီလိုနဲ့ ကိုဘယ်ပေါ့တ်တို့အဖွဲ့ကို သေဆုံးလျှက်ပြန်ရှာတွေ့ခဲ့ပေမယ့် အော့စ်ဝဲလ်နဲ့ တခြားတစ်ယောက်ကတော့ ပျောက်ဆုံးနေပါသေးတယ်။ အဲမှာပဲ အော့စ်ဝဲလ်ရဲ့ မှတ်စုစာအုပ်ကိုတွေ့သွားပြီး ဂေါ်သမ်မြို့‌ပေါ်ကို ကျရောက်တော့မယ် ကြမ္မာဂြိုဟ်ဆိုးကြီးအကြောင်းကို ဘရု့စ် သိသွားပါတော့တယ်။ ဂေါ်သမ်မြို့ကနေ ထွက်ခွာလာတာ အနှစ် ၂၀ နီးပါးရှိဖြစ်တဲ့ ဘရု့စ်လည်း ချက်ချင်းဆိုသလို ဂေါ်သမ်ကို ပြန်လာခဲ့ပါတော့တယ်။ ဂေါ်သမ်ကို ပြန်ရောက်တော့ အဲဂြိုဟ်ဆိုးကြီး ကျရောက်အောင် လုပ်မှာဘယ်သူလဲ၊ ဘာကြောင့်လဲဆိုတာကို ဘရု့စ်တစ်ယောက်လိုက်စုံစမ်းရင်း မြို့ကြီးရဲ့ အမှောင်ဖက်ခြမ်းက အကြောင်းကို သိလိုက်ရတဲ့အချိန်မှာတော့…. ဘယ်လို plot twist တွေနဲ့ တင်ဆက်သွားမလဲဆိုတာ ဇာတ်လမ်းထဲမှာ ဆက်လက်ကြည့်ရှု့လိုက်ပါဦး အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre….. Animation, Fantasy, Horror Quality…. 1080p | 720p | 480p File size… 1.4GB | 542MB | 266MB Format… mp4 Duration…. 1h 26min Subtitle…. Myanmar Subtitle (Hardsub) Translator ….. Leonard Lin Encoder ….. Aaron

Mob Land (2023) မင်းသားကြီး John Travolta ပါဝင်ထားပြီး မူးယစ်ဆေးစွဲသူတွေ ဆေးရောင်းတဲ့ လူဆိုးဂိုဏ်းတွေနဲ့ မသမာသူတွေ ကြီးစိုးနေတဲ့ မြို့အကြောင်းအခြေတည်ထားတဲ့ Action ရုပ်ရှင်သစ်တစ်ကားပါ။ ယခင်က ပြိုင်ကားမောင်းသမားဖြစ်ခဲ့တဲ့ ရှယ်ဘီဟာ ဇနီး သမီးလေးနဲ့အတူ မြို့ငယ်လေးမှာ အခြေချခဲ့ပါတယ်။ သူ့အလုပ်က မြို့လေးနဲ့မအပ်စပ်တဲ့အတွက် သူတို့မိသားစုက အဆင်ပြေလှတယ်ရယ်တော့မဟုတ်ပါဘူး။ ယောက်ဖဖြစ်သူ ထရေးနဲ့ အသိ ရဲမှူးဘိုဒီတို့ကလည်း မကြာခဏလာလည်ကြပါတယ်။ ဇနီးနဲ့သမီးလေး ဆွေမျိုးတွေဆီခဏသွားတဲ့အခါ ထရေးက ဆေးရောင်းသမားတွေဆီက ငွေကို ဓားပြတိုက်ဖို့ လာဆွယ်ပါတယ်။ ရှယ်ဘီက မလုပ်ချင်ပေမယ့် ငွေလိုနေတာရော ထရေးအဆွယ်ကောင်းတာကြောင့်ရော သဘောတူလိုက်ပါတယ်။ အစီအစဉ်ဆွဲတုန်းကတော့ အဆင်ချောပေမဲ့ လက်တွေ့မှာ ထင်သလိုမဖြစ်လာဘဲ ထရေးက လူသတ်မိတဲ့အခါ… သူတို့ဓားပြတိုက်မိတာက မာဖီးယားဂိုဏ်းက ငွေတွေဖြစ်ပြီး အရှုပ်တွေဆက်တိုက်ဖြစ်လာတဲ့အခါ… ထရေးတို့ကို လက်စားချေဖို့ မာဖီးယားဂိုဏ်းက လူ လိုက်လာတဲ့အခါ… ရှယ်ဘီကရော ဘယ်လို ပြစ်မှုတွေ ဆက်လုပ်ရဦးမလဲ သူတို့ကျူးလွန်ခဲ့တဲ့အပြစ်အတွက် ဘာတွေပြန်ပေးဆပ်ရမလဲဆိုတာ စိတ်၀င်စားဖွယ် အားပေးရမှာဖြစ်ပါတယ်။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size – 1.8GB, 695MB Quality – 1080p, 720p IMDb Rating – 5.5/10 Format – mp4 Duration – 1H 51Min Genre – Action, Crime, Thriller Subtitle – Myanmar Subtitle (Hardsub) Translated by Shune Lai KK Encoded by Y

ကန္တာရရဲ့ အစွန်းဆုံးက ယွဲ့ယာမြို့ဟောင်းမှာ လုံမိန်ရပ်နားစခန်းတစ်ခုရှိပါတယ်။ အခု CM ကဘာသာပြန်ပေးတဲ့ ရုပ်ရှင်လေးကတော့ လုံမိန်ရပ်နားစခန်းနဲ့ ယွဲ့ယာမြို့အတွင်းမှာ ဖြစ်ပျက်ခဲ့တဲ့ ဇာတ်လမ်းလေးတွေပဲ ဖြစ်ပါတယ်။ ဆယ်ကားထွက်ထားတဲ့ရုပ်ရှင်ဖြစ်တာကြောင့် ကျန်ဇာတ်ကားများအားလုံးကို တစုတစည်းထဲ အောက်ကလင့်မှာရှာလို့ရပါတယ် ဒီမှာရှာပါ ဒါကတော့ မိန်းမတစ်ယောက်ရဲ့ ဆိုးရွားလှတဲ့ ကံကြမ္မာနဲ့ ခက်ခက်ခဲခဲတိုက်ခိုက်ရတဲ့ ဝမ်းနည်းစရာ ဇာတ်လမ်းပဲ ဖြစ်ပါတယ်။ လွန်ခဲ့တဲ့ ၂ နှစ်လောက်က ယွဲ့ယာမြို့ကိုပြောင်းလာခဲ့တဲ့ ထျန်းယာအရက်ဆိုင်က သူဌေးမ ချိုးညန်ဟာ ဉာဏ်ကောင်းပြီး တော်တဲ့ မိန်းမတစ်ယောက်ဖြစ်ပါတယ်။ သူမမှာ အပေါ်ယံမှာ ပျော်ရွှင်စရာကောင်းတဲ့ မိသားစုတစ်ခုကို ပိုင်ဆိုင်ထားပေမယ့် ချိုးညန်အတွက်တော့ စိတ်ထဲမှာ စိုးရိမ်နေရပါတယ်။ တစ်ဖက်က ချိုးညန်တစ်ယောက် ကလေးမရနိုင်ခြင်း နောက်တစ်ဖက်မှာတော့ ယောကျာ်းဖြစ်သူ ဖန်းယိုသယ်ဟာ အရင်ဇနီး လျိုဖူရုန်အနားကို ပြန်သွားမှာ စိုးရိမ်နေရပါတယ်။ ဒီရခဲလှတဲ့ မိသားစုဘဝကို ထိန်းသိမ်းဖို့ သာမန်မိန်းမတစ်ယောက်လိုမျိုါ် ငြိမ်းချမ်းသာယာတဲ့ ဘဝမျိုးမှာ နေထိုင်ရဖို့ ချိုးညန်ဟာ နည်းလမ်းပေါင်းစုံကို သုံးခဲ့ပြီး ထိုအတွက် လူသတ်ဖို့လည်း ဝန်မလေးခဲ့ပါဘူး။ သို့သော် ကံကြမ္မာရဲ့ စီမံမှုကြောင့် အဝေးကနေ ယောကျာ်းကိုလာရှာတဲ့ ဖူရုန်ဟာ အရက်ဆိုင်ကို ရောက်လာတဲ့အခါမှာတော့ …….. ဒီရုပ်ရှင်ထဲမှာတော့ သားကိုအလေးပေးပြီး သမီးကို တန်ဖိုးမထားတဲ့ တရုတ်နိုင်ငံရဲ့ရှေးခေတ်အချိန်က အမျိုးသမီးတွေရဲ့ ဘဝကြမ်းတမ်းခက်ခဲမှုတွေကို ချိုးညန်ရဲ့ဘဝအတွေ့အကြုံတွေ အဖြစ်နဲ့သရုပ်ဖော်ထားတာ ဖြစ်ပါတယ်။ ချိုးညန်ရဲ့ ခက်ခဲကြမ်းတမ်းလှတဲ့ ဘဝကို CM ရဲ့ ဘာသာပြန်နဲ့အတူ ကြည့်ရှုခံစားလိုက်ရအောင်နော်။

Sirona (2023) =========== ဒီရုပ်ရှင်မှာတော့ ဆရိုနာဆိုတဲ့ကောင်မလေးနဲ့ သူ့အစ်ကိုဒန်မီယန်တို့ နှစ်ယောက် တောတွင်းရှိ အဆောက်အအုံတစ်ခုကနေ ထွက်ပြေးလာပြီး သူတို့အနောက်ကနေ သေနတ်သမားတွေက လိုက်လံဖမ်းဆီးနေကြ တာနဲ့အစပြုထားပါတယ်။ ဒန်မီယန်တစ်ယောက် ဆရိုနာ့ကို ကာကွယ် ပေးရင်းနဲ့ သူပါသေဆုံးသွားခဲ့ပြီး ဆရိုနာတစ်ယောက်ပဲ ထွက်ပြေးလွတ် မြောက်သွားခဲ့ပါတယ်။ အဲဒီလိုနဲ့သိပ်မကြာခင်မှာပဲ ဆရိုနာ့ကိုခြေရာခံပြီး ဖမ်းဆီးဖို့အတွက် ကြေး စားစစ်သားတွေကိုငှားရမ်းပြီးလွှတ်ခဲ့ပါတယ်။ ဒီတော့ ဘယ်သူတွေက ဆရိုနာ့ကိုလိုက်ဖမ်းဆီးဖို့ကြိုးစားနေရတာလဲ၊ ဘာအတွက်ကြောင့်ဖမ်းဆီး နေရတာလဲ၊ ဆရိုနာရဲ့နောက်ကြောင်းက ဘာတွေဖြစ်နိုင်မလဲ၊ သူ့ကိုခြေရာ ခံပြီးဖမ်းဆီးဖို့လုပ်နေတဲ့ ကြေးစားစစ်သားတွေကို ဆရိုနာရှောင်ရှားပြီး သူ့ကိုယ်သူကာကွယ်နိုင်ပါ့မလား၊ နောက်ပိုင်း ဘာတွေဘယ်လိုဆက်ဖြစ်လာ မှာလဲဆိုတဲ့ မေးခွန်းပေါင်းမြောက်မြားစွာကိုတော့ ဒီကားလေးကိုပဲ ဆက် လက်ကြည့်ရှုပြီး အဖြေရှာကြည့်လိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Fiona Gillen ဖြစ်ပါတယ်) File Size……….(566 MB) Quality…………WEB-DL 720p Duration………1Hr 40Min Subtitle………..Myanmar Hardsub Format…………MP4 Genre…………..Mystery, Sci-Fi Translator…….Fiona Gillen Encoder……….SWM

Naked Fear (2007) Genre – Thriller, Horror ဒွိုက်ဆိုတဲ့အရာရှိဟာ မြို့ပြောင်းလာပါတယ် သူ ပြောင်းလာတဲ့မြို့မှာ လူပျောက်တွေ အတော်များပေမဲ့လည်း ဘယ်သူမှ အဖတ်မလုပ်ကြပါဘူး။ တစ်ဖက်မှာလည်း ဒိုင်ယာနာဆိုတဲ့ကောင်မလေးဟာ နယ်မြို့လေးကနေ အလုပ်လုပ်ဖို့ဆိုပြီး မြို့ထဲကို ရောက်ရှိလာပါတယ်။ ထင်ထားသလိုမဟုတ်ပဲ အဖော်အချွတ်မယ်အဖြစ် လုပ်ကိုင်ရလို့ စိတ်ညစ်နေပေမဲ့လည်း အကြွေးတွေကြောင့် ကြိတ်မှိတ်သည်းခံနေရတာပေါ့။ ဒီလိုနဲ့ တစ်ရက်ကျ ပိုက်ဆံပိုဝင်အောင်ဆိုပြီး ဖောက်သည်လိုက်သွားရာကနေ လာခေါ်တဲ့လူက အမဲလိုက်ဝါသနာသူဖြစ်ပြီး တိရစ္ဆာန်တွေကို လိုက်ရတာ သဘောကျသူမဟုတ်ပဲ ကောင်မလေးတွေ တုံးလုံးပြေးတာကို သဘောကျနေတဲ့လူ ဖြစ်နေသောအခါ…။ (ဇာတ်ကားနာမည်အတိုင်းပါပဲ အမျိုးသမီး ကိုယ်လုံးတီးခန်းတွေ ပါဝင်သောကြောင့် ကြည့်ရှုသူများ သတိပြုစေလိုပါတယ်) File size… 3.4 GB / 1.3 GB Quality… BluRay 1080p / 720p Format… mp4 Duration…. 1h 48m Genre ….. Horror/Thriller Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Polis Evo 2 (2018) IMDb – 7/10 ဒီရုပ်ရှင်ကတော့ Polis Evo (2015)ရဲ့အောင်မြင်မှုနဲ့အတူ နောက်ဆက်တွဲရုပ်ရှင်အဖြစ် ဆက်လက်ထွက်ရှိလာခဲ့တာပါ။ မလေးရင်းဂစ် ရှစ်သန်းကျော်သုံးပြီး နှစ်ဆယ့်သုံးသန်းကျော်ပြန်ဝင်ခဲ့တဲ့ ရုံတင်ကားတစ်ကားပဲဖြစ်ပါတယ်။ မလေးရှားရုပ်ရှင်ဇာတ်လမ်းကောင်းတွေစာရင်းမှာ နံပါတ်တစ်ဆယ်အတွင်းချိတ်ခဲ့တဲ့ ရုံတင်ကားတွေထဲက တစ်ကားပါပဲ။ ပထမဇာတ်လမ်းထဲမှာ ကိုင်နဲ့ ဆာနီတို့ အင်စပက်တာကြီးနှစ်ယောက် မူးယစ်ဂိုဏ်းတစ်ခုကို ချေမှုန်းပြီးတဲ့နောက် ဒီဇာတ်လမ်းမှာတော့ အကြမ်းဖက်အဖွဲ့အစည်းတစ်ခုနဲ့ ရင်ဆိုင်ရမှာပါ။ မူးယစ်ဆေးထုတ်လုပ်မှုကိုဝင်စီးရင်း အကြမ်းဖက်ခေါင်းဆောင်ကို ဖမ်းမိရာကစ သူတို့ခေါင်းဆောင် ပြန်လွှတ်ပေးဖို့အရေး ကျွန်လေးတစ်ကျွန်းပေါ်က ရွာသူရွာသားတွေကို ဓားစာခံလုပ်ပြီး တောင်းဆိုပါတယ်။ ဒီမှာပဲ အမှုတစ်ခုကိုလိုက်နေတဲ့ ကိုင်နဲ့ ဆာနီတို့က အဲဒီကျွန်းလေးပေါ်ရောက်နေရက်နဲ့ ကြုံတော့ အရင်ရုပ်ရှင်လို အခွီတွေ အက်ရှင်တွေနဲ့ ကြည့်ပျော်စေဦးမှာပါဗျ။ (aungmo3han ဘာသာပြန်ထားပါတယ်) Genre….. Action, Adventure, Crime Quality…. 1080p | 720p File size… 1.7GB | 919MB Format… mp4 Duration…. 2h 5min Subtitle…. Myanmar Subtitle (Hardsub) Translator ….. aungmo3han Encoder ….. Aaron

***************************************** မီနာနဲ့ ဆန်းယောတို့က မဂ္ဂဇင်းသတင်းထောက်နဲ့ထိုက်သင့်သလောက်အောင်မြင်တဲ့စာရေးဆရာ အိမ်ထောင်ရှင်စုံတွဲတွေပဲဖြစ်ကြပါတယ် အိမ်တွင်းအောင်းပြီးအချိန်ပြည့်စာပဲရေးနေတဲ့ဆန်းယောဟာ တစ်ရပ်ကွက်တည်းဖြစ်တဲ့သူ့အဆက်ဟောင်းဒါယောင်းနဲ့ အချိန်အတော်ကြာတွဲနေခဲ့ကြပါတယ် တစ်နေ့မှာ မီနာက ဒါယောင်းနဲ့အမှတ်မထင်ပြန်လည်ဆုံတွေ့ပြီး အဆက်အသွယ်ပြန်လုပ်ကြပါတော့တယ် အဖြစ်မှန်ကိုသိသွားတဲ့မီနာက ဒေါသမထွက်ဘဲ ခေါင်းအေးအေးထားပြီး နားလည်မှုပေးခဲ့ပါတယ် ဒါပေမဲ့ မီနာက အလုပ်ကိစ္စကြောင့်အမှတ်မထင်ဆုံခဲ့ရတဲ့ဒါယောင်းရဲ့ခင်ပွန်းဖြစ်သူ ဟျွန်းဝူကိုသွေးဆောင်ပါတော့တယ် ရှုပ်ထွေးနက်နဲတဲ့ဆက်ဆံရေးတွေကိုဘယ်လိုဖြေရှင်းကြမလဲ ကြည့်ရှုလိုက်ကြပါဦးနော် File Size 727MB Quality : WEB-DL 720p Format…mp4 Duration…01:29:00 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

IMDb 6.5 ရရှိထားတဲ့ Drama/Mystery/Thriller ရုပ်ရှင်ကားလေးတစ်ကားနဲ့မိတ်ဆက်ပေးချင်ပါတယ်။ ကျွန်းငယ်လေးတစ်ခုပေါ်က ရွာလေးတစ်ခုမှာ အိုင်လာဆိုတဲ့ကောင်မလေးတစ်ယောက်ရှိပါတယ်။ အိုင်လာမှာ ထူးခြားတဲ့ပါရမီစွမ်းအားတစ်ခုရှိပါတယ်။ ဒါကတော့ သူမက ဒဏ်ရာတွေကို စိတ်စွမ်းအင်နဲ့ကုသပေးနိုင်တာပါ။ အိုင်လာဟာ ဒီကျွန်းလေးပေါ်ကို လျှို့ဝှက်ဆန်းကြယ်စွာနဲ့ရောက်လာခဲ့တာပါ။ အိုင်လာကို ရွာသူကြီးဖြစ်တဲ့ ဘော်ဘီတို့မိသားစုကမွေးစားထားပါတယ်။ ဒီကျွန်းရွာလေးရဲ့ထူးခြားချက်ကတော့ ဒီရွာလေးမှာနေထိုင်တဲ့သူတွေဟာ ပြည်မကြီးနဲ့အဆက်အသွယ်မလုပ်ကြဘဲ တံငါလုပ်ငန်းနဲ့ပဲ သီးခြားရပ်တည်လာကြတာ ဆွေစဉ်မျိုးဆက်ရှိနေပြီဖြစ်တာပါ။ ဒါ့အပြင် ရွာသူရွာသားတွေဟာ ထိခိုက်ဒဏ်ရာရ နေထိုင်မကောင်းဖြစ်တိုင်း အိုင်လာနားကိုသွားလိုက်တာနဲ့ လုံး၀သက်သာပျောက်ကင်းသွားကြတာပါ။ ဒီလိုနဲ့ ရွာသူရွာသားတွေဟာ အိုင်လာလေးရဲ့ကျေးဇူးကြောင့် တစ်ရွာလုံး အသေအပျောက် အထိအခိုက်မရှိဘဲ နေထိုင်လာကြတာ အိုင်လာ‌လေး ကျွန်းပေါ်စရောက်လာတဲ့နေ့ကတည်းကပါပဲ။ ဒါပေမဲ့ အိုင်လာရဲ့အဖွားဟာ အိုင်လာ့ကို လူသားတစ်ယောက်လိုမဆက်ဆံဘဲ ဓာတ်ခွဲခန်းထဲက အစမ်းသပ်ခံကြွက်သဖွယ် လိုတာထက်ပိုပြီးအမြတ်ထုတ်အသုံးချဖို့ ကြိုးစားလာတဲ့နောက်မှာတော့ ဒီကျွန်းရွာလေးဟာ ငါးပါးမှောက်ဖို့ရာအကြောင်းဖန်လာပါတော့တယ်။ File size…(1.2 GB)/(590 Mb) Quality….Webrip 1080p / 720p Format… mp4 Duration…. 01:40:00 Genre… Drama, Mystery, Thriller Subtitle….Myanmar Subtitle (Hardsub) Encoder….Garfield Translated by Steven Khant

ဒီဇာတ်ကားလေးက ၂၀၂၃ ခုနှစ်တုန်းက ထွက်ရှိခဲ့တာဖြစ်ပြီးတော့ ဒါရိုက်တာ Derek Barnes ရိုက်ကူးထားတဲ့ survival thriller ဇာတ်ကားအမျိုးအစားဖြစ်ပါတယ်။ အဓိကသရုပ်ဆောင်တွေအဖြစ် Douglas Nyback, Joel Labelle နဲ့ James McDougall တို့က ပါဝင်ပေးထားပါတယ်။ ဇာတ်လမ်းကတော့ ရုရှားထောင်တစ်ခုကနေ အရဲစွန့်ထွက်ပြေးလာတဲ့ Kurt, Anthony နဲ့ Henry တို့ရဲ့ တွေ့ကြုံခဲ့ရတဲ့အဖြစ်အပျက်တွေကို စိတ်လှုပ်ရှားဖွယ် ရိုက်ကူးထားတာဖြစ်ပါတယ်။ ထောင်ထဲကနေလွတ်လာတဲ့ သူတို့သုံးယောက်ဟာ ကြမ်းတမ်းတဲ့ တောနက်ကြီးကိုဖြတ်ပြီးတော့ ဆိုးရွားတဲ့ရာသီဥတုအခြေအနေတွေကို ရင်ဆိုင်ကာ အချင်းချင်း မသင့်မမြတ်ဖြစ်မှုတွေကို ကျော်ဖြတ်ရင်း အသက်ရှင်ဖို့အတွက် တိုက်ပွဲဝင်ကြပုံကို ကြည့်ရှုကြရမှာပါ။ ဒီဇာတ်ကားထဲမှာ လူသားတွေရဲ့ အကြမ်းခံနိုင်မှုတွေ၊ မဖြစ်နိုင်တဲ့ အခြေအနေမှာတောင် အသက်ရှင်ကျန်ရစ်နိုင်ဖို့အတွက် ဆက်လက် တိုက်ပွဲဝင်ပုံတွေကို Thriller genre ပီပီ ကြည့်ရှုသူကို စိတ်လှုပ်ရှားမှု ရသ အပြည့်အဝရအောင် ရိုက်ကူးထားပါတယ်။ File size… (1.39GB) / (917MB) Quality… WEB-DL 1080p HEVC / 720p Format…mkv / mp4 Duration….1h 30m Genre …..Action , Thriller Subtitle….Myanmar Subtitle (Hard Sub) Encoder….Min Wai Translated by Austin

Virgin Stripped Bare by Her Bachelors (2000) ~ IMDb – 6.9/10, Rotten Tomatoes – 71% ~ ၂၀၀၀ခုနှစ်တုန်းက ဟုန်းဆန်းဆူရိုက်ခဲ့တဲ့ Virgin Stripped Bare by Her Bachelors ကို Genre အရတော့ Erotic Comedy-Drama လို့ သတ်မှတ်ထားတယ်။ ဆိုးရွားတဲ့ Genre ခွဲခြင်းလို့ပြောရမှာပဲ။ ဇာတ်လမ်းကတော့ သူ့နာမည်အတိုင်း အပျိုမလေးကို ကိုယ်လုံးတီးချွတ်ဖို့ကြံတဲ့ သူ့ဘဲတွေအကြောင်းပါပဲ။ တစ်နည်းပြောရရင် ပန်းဦးခြွေခြင်းအကြောင်းပေါ့။ ဟုန်းဆန်းဆူရဲ့ထုံးစံအတိုင်း ရိုးရှင်းတဲ့ သာမန်စကားပြောခန်းတွေနဲ့ပဲ တည်ဆောက်ထားတယ်။ ဒီလိုတည်ဆောက်ထားပေမဲ့ သူ့အကြောင်းအရာအောက်က စိတ်ရဲ့သဘောသဘာဝကို သဘာဝကျကျ ရှုထောင့်မှန်မှန်တင်ပြနိုင်တာကတော့ ထုံးစံအတိုင်း သူ့အားသာချက်ပါပဲ။ အပျိုမလေးတစ်ယောက် ပန်းဦးကြွေတဲ့အကြောင်းကို သူက ရှု့ထောင့်အဖုံဖုံနဲ့တင်ပြထားတယ်။ အဓိကအားဖြင့်တော့ ယောက်ျားလေးဘက်က မြင်နေမယ့် မိန်းကလေးရဲ့ဖြူစင်မှု ရှုထောင့်နဲ့ မိန်းကလေးရဲ့တကယ့် သဘောသဘာဝအမှန်ကို တင်ပြထားတယ်။ ဒီ၂ဖက်ကို သူတင်ပြသွားတဲ့နေရာမှာ သူမြင်တဲ့အမြင်လား သူလေ့လာဖူးတာလား သူကြားဖူးတာလား သူဘာကိုအခြေခံပြီး သူ့အမြင်ကို တည်ဆောက်ထားလဲမသိပေမဲ့ ကျွန်တော့်ကိုယ်တိုင်သိတဲ့အသိအရရော၊ ဒီလိုပြောပြဖို့ခက်တဲ့ကိစ္စတွေအစ ဘာမဟုတ်တဲ့သာမန်ကိစ္စတွေအဆုံး ဘယ်လိုအခြေအနေမှာ လူတွေက ဘယ်လိုစိတ်လဲဆိုတာကို မေးလို့ရတဲ့လူတိုင်းနီးပါးကို စနည်းနာစပ်စုဖူးတဲ့ ကျွန်တော့်သိသမျှအရရော သူတင်ပြသွားတဲ့အချက်တွေက ကျွန်တော့်အတွက်တော့ ရာနှုန်းပြည့်နီးပါးမှန်နေတယ်။ ဒီလိုအကြောင်းအရာကို ဘာမှမပါတဲ့ဇာတ်အိမ်မှာ နှိုက်နှိုက်ချွတ်ချွတ်တင်ပြသွားနိုင်တဲ့ ဟုန်းဆန်းဆူရဲ့ စကေးကိုတော့ တော်တော်အထင်ကြီးသွားမိတဲ့အထိပေါ့။ ဟုန်းဆန်းဆူပရိသတ်ဖြစ်ဖြစ် အင်ဒီဖလင်တွေရဲ့ အရသာကိုဖြစ်ဖြစ် ကြိုက်တဲ့လူတွေအတွက် ကြည့်ကိုကြည့်သင့်တဲ့ ရုပ်ရှင်ပါပဲ။ တစ်ခုရှိတာက ဟုန်းဆန်းဆူကားတွေက ဒီတိုင်းရိုးရှင်းရတဲ့အထဲ အဖြူအမဲနဲ့ ရိုက်ပြထားတဲ့အချက်ပါပဲ။ ပြောရရင် သူ့စကားပြောခန်းတွေက ရိုးပေမဲ့ အပြောကျယ်သလို အဖြူအမဲနဲ့တင်ဆက်ခြင်းက အဲဒီအပြောကို ပိုကျယ်စေတဲ့အရာ ဖြစ်နိုင်ပါတယ်။ လောင်စီပြောဖူးတာက အနက်ဆိုတာ အရောင်ပေါင်းစုံဖြစ်တယ်။ အနက်နဲ့စာကိုရေးတဲ့အခါ အရောင်တစ်မျိုးတည်းနဲ့ ရေးထားသလို နယ်မကျဉ်းဘူး။ စကြဝဠာခါးပန်းအထိ ဆိုက်အောင် နယ်ကျယ်သွားတယ်တဲ့။ အစိမ်းရောင်နဲ့ရေးမိရင် အစိမ်းပဲဖော်ပြနိုင်ပေမဲ့ အဖြူပေါ် အမဲတင်လိုက်ရင်တော့ အဆုံးအစမရှိ တွေးခေါ်မျှော်မြင်နိုင်တယ်တဲ့။ တရုတ်တို့ ဂျပန်တို့ရဲ့ လက်ရေးလှပညာနဲ့ပတ်သက်တဲ့ စကားပေမဲ့ အနုပညာတိုင်းအတွက် အကျုံးဝင်နေသလိုပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.4GB, 1.2GB Quality – BluRay 1080p, 720p IMDb Rating – 6.9/10 Format – mp4 Duration – 2H 6Min Genre – Drama Subtitle – Myanmar Subtitle (Hardsub) Translated by WiRa Aung Encoded by Y

ထိုင်းနိုင်ငံရဲ့နာမည်ကြီး မင်းသားတွေဖြစ်တဲ့ မာရီယို(Mario Maurer )… ဘုန်းကြီးဇာတ်ရုပ်တွေနဲ့နာမည်ကြီးလှတဲ့ ဟာသမင်းသားကြီး မမ် (Mum Jokmok ) အပြင် နာမည်ကြီးထိပ်တန်းမင်းသားမင်းသမီးများစွာနဲ့ ပုံဖော်ရိုက်ကူးထားပြီး အချိန်ပေးကြည့်ရှုရတာထိုက်တန်မည့် ဇာတ်ကားကောင်းလေးတစ်ကား တင်ဆက်ပေးလိုက်ပါတယ်… ဇာတ်လမ်းအကျဉ်း ————- ငယ်စဉ်ကလေးဘဝကတည်းက သာသနာ့ဘောင်မှာ ပျော်မွေ့တဲ့ ကိုရင်’အနော့’… မိဘနှစ်ပါးရဲ့ ဆန္ဒအရ လူထွက်ပြီး မိဘအလုပ်မှာ ကူညီပေးရင်း လောကီရေးရာတွေမှာ မပျော်တဲ့ ‘အနော့’… တစ်ရက် မိခင်ဖြစ်သူ ဆုံးပါးသွားတဲ့အခါမှာ မိခင်ကိုကျေးဇူးဆပ်ချင်သည်ဟုဆိုကာ သင်္ကန်းဝတ်ခဲ့သူပြန်ဝတ်ခဲ့သူ ဦးပဉ္စင်း’အနော့’… လူ့လောကကြီးမှာ လူသားတွေ ကြုံတွေ့ခံစားရတဲ့ အို၊ နာ၊ သေ ကပ်ဆိုးကြီး (၃)ပါး… အသက်ရွယ်အိုမင်းကျန်းမာရေးယုတ်လျော့လာတဲ့ ဖခင်ရဲ့ လူဝတ်လဲဖို့ တောင်းဆိုချက်… ကြုံတွေ့လာရတဲ့ ထူးဆန်းတဲ့လူသတ်မှုတစ်ခု စတဲ့အချက်တွေကြောင့် သာသနာ့ဘောင်မှာဆက်နေဖို့လည်း သူ့ကိုယ်သူ ယုံကြည်စိတ်ချမှု လျော့နည်းလာတဲ့ ဦးပဉ္စင်း’အနော့’…ဖခင်ရှိရာ အိမ်သိုပြန်လာရင်း မုန်တိုင်းမိတဲ့အတွက် သစ်ခုတ်သမားနဲ့အတူတူ ဥမင်လှိုင်ခေါင်းမှာ နားခိုခဲ့ကြပါတယ်…ဦးပဉ္စင်းလူထွက်မှာကို တားနေတဲ့ သစ်ခုတ်သမားနဲ့ ဥမင်ထဲမှာ နေထိုင်သူ သုဘရာဇာကြီးတို့ စကားလက်ဆုံကျခဲ့ကြပါတယ်… အဲဒီလို စကားလက်ဆုံကျချိန်မှာ လူတွေရဲ့ အတောမသတ်နိုင်တဲ့ အတ္တလောဘရမ္မက်ကြောင့် ပျက်စီးကြရပုံတွေကို ပြောဆိုဆွေးနွေးကြတဲ့အခါ…ခဏတာနားခိုခဲ့တဲ့ဥမင်လှိုင်ခေါင်းထဲက ဆွေးနွေးချက်တွေက ဦးပဉ္စင်း’အနော့’ရဲ့ သဘောထားခံယူချက်တွေအပေါ် ဘယ်လိုလမ်းကြောင်းပြောင်းပေးရင်း အလင်းရအောင် လုပ်မလဲဆိုတာကို စိတ်ဝင်စားဖွယ် ကြည့်ရှုရမှာဖြစ်ပါတယ်… ဇာတ်လမ်းအညွှန်းနှင့် ဘာသာပြန်သူကတော့ Dao Phyo ဖြစ်ပါတယ်… File Size : 1.9GB / 749MB Quality : Blu-Ray 1080p 5.1ch / 720p Duration : 01:48:00 Genres : Thriller / Drama Subtitle : Myanmar Subtitle (Hard Sub) Translated by Dao Phyo Encoded by Heather Oo