ကဲ ဝန်ကြီးချုပ်မင်းသားလို့ လူသိများကြတဲ့ မင်းသားချော Mahesh Babu ပါဝင်ရိုက်ကူးပုံဖော်ထားတဲ့ ၂၀၂၂ မေလ ထွက် အသစ်စက်စက်ဇာတ်ကားလေး လာပြီနော် .... တလဲဂူး ကားဖြစ်တဲ့အတွက် အလန်းစား ဖိုက်တင်ခန်းတွင်ပါဝင်ပြီး ဇာတ်အိမ်လေးကလည်း အရမ်းကို စိတ်ဝင်စားဖို့ကောင်းပါတယ် မဟီ လို့အမည်ရတဲ့ ကောင်လေးကတော့ ငွေချေးလုပ်ငန်းအေးဂျင့်တစ်ယောက်ဖြစ်ပြီး သူ့ကိုယ်ပိုင် ငွေချေးလုပ်ငန်း ကို လုပ်ကိုင်နေတဲ့သူတစ်ယောက်ပါ ငယ်ငယ်က ကြုံခဲ့ရတဲ့ အတိတ်ဆိုးတွေကြောင့် သူရစရာရှိတဲ့ အကြွေးမရအောင် မိုးဆုံးမြေဆုံးထိ လိုက်တောင်းတတ်တယ့် စီးပွားရေးသမားတစ်ယောက် ... အဲဒီလိုနဲ့ သူ့ရဲ့ ငွေချေးလုပ်ငန်းကို ကာလာဗာသီဆိုတဲ့ ကောင်မလေးတစ်ယောက်က ပညာသင်ဖို့အတွက် ဒေါ်လာ ၁၀၀၀၀ လာချေးပါတော့တယ် အဲဒီလိုနဲ့ မဟီက ကာလာဗာသီကို သဘောကျသွားရာကနေ သိပ်မကြာခင်မှာပဲ ကာလာဗာသီရဲ့ သရုပ်မှန်ကို သိလိုက်ရတဲ့အချိန် .... အကြွေးဆို တစ်ရူပီးကအစ မရရအောင် တောင်းတတ်တဲ့ မဟီတစ်ယောက် သူ့အကြွေး ဒေါ်လာ ၁၀၀၀၀ ကို ဘယ်ထိတောင် လိုက်တောင်းမှာလဲ ဘယ်လိုတွေ တောင်းသွားမလဲ ဒေါ်လာ ၁၀၀၀၀ က အစပြုလို့ ဘယ်လို ဇာတ်လမ်းတွေ ပေါ်ထွက်လာဦးမလဲ ဆိုတာကို မဟက်ရှ် ရဲ့ အလန်းစား သရုပ်ဆောင်မှုလေးတွေနဲ့အတူ ဆက်လက်ကြည့်ရှု ခံစားပေးကြပါဦးနော် File size…3.4GB / 1.57GB Quality…1080p True WEB DL AAC5.1CH / 720p Format…mp4 Duration….2h 42m Subtitle….Myanmar Subtitle (Hard Sub) Encoder….YK Translated by Poe & Yunni & Honey & ThuRa

Romance,Drama '' တကယ်ချစ်ရင် ခွင့်လွှတ်ပေးဖို့ပဲ စဉ်းစားမိတယ်တဲ့" " ဒါဆိုရင် ကိုယ်လုပ်ခဲ့တဲ့အမှားတွေအတွက် ခွင့်လွှတ်ပေးဦးမှာလား..." အချစ်ကို ရုပ်ရှင်၊စာပေ။ဂီတတွေမှာ ပုံစံမျိုးစံနဲ့ဖော်ပြခဲ့ကြတာပါပဲ။ ဒီ အသစ်ထွက်လာတဲ့ လူငယ်တွေကြားက Netflix ရုပ်ရှင်မှာလည်း လူငယ်တွေကြားက အချစ်၊ အားပြိုင်မှုတွေကို အကောင်းဆုံး ဖော်ပြ ထားပါတယ်။ ဆီလင်းရီဗာဆိုတဲ့ ကောင်မလေးက လက်ထပ်ဖို့ ရည်ရွယ်ထားသူရှိပြီး အချစ်နဲ့ ဖူးစာဖက်ကို ယုံကြာည်ထားတဲ့ ပဲရစ်သူလေးပေါ့။ သူစီနီယာတန်း လာတက်တဲ့ ဗစ်တာဟူဂိုဆိုတဲ့ကျောင်းမှာ ဆိုရှယ်မီဒီယာအင်ဖလူရမ်ဇာ နာမည်ကြီးတွေလို့ပြောလို့ရတဲ့လူငယ်စုံတွဲတွေ...ဆယ်လီတွေပဲ နေကြတဲ့ ကျောင်းပေါ့။ အဲ့ထဲမှာမှ ထရီစတန်ဘာဒီအိုလာတဲ့ဆိုတဲ့ ကောင်လေးဟာ တစ်ကျောင်းလုံးမှာ ကင်း(King) လို့ပြောလို့ရတဲ့ ရေပန်းစားသူပေါ့။ ရိုးအတဲ့ ဆီလင်းလေးကို ၂ လအတွင်း ရအောင်တွဲပြီး ချစ်လာအောင်လုပ်ဖို့ ကျောင်းရဲ့ ကွင်း ဖြစ်သူ ဗန်နက်ဆာက စိန်ခေါ်လိုက်ပါတယ်။ ဒါကိုလည်း ထရီစတန်က လက်ခံလိုက်ရင်းနဲ့ ဆီလင်းနဲ့ ထရီစတန်ကကြားက အချစ်ဇာတ် လမ်းတစ်ခုပေါက်ဖွားလာပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Thiha Yan Naing ဖြစ်ပါတယ်) File Size..........(2.83 GB) / (919 MB) / (544 MB) Quality............WEB-DL 1080p / 720p / 480p Duration.........1Hr 49mins Subtitle...........Myanmar Hardsub Format............MP4 Genre..............Drama, Romance Translator.......Thiha Yan Naing Encoder..........SWM

IMDB Rating (6.9) ဂျပန်နင်ဂျာဆာမူရိုင်းကားဆိုတာ ဒါမျိုးလို့ ဆိုရလောက်အောင် Azumi ဇာတ်ကား ၂ ကားလုံးက အခုတ်အဖြတ် အတိုက်အခိုက်တွေနဲ့ နာမည်ကြီးခဲ့တဲ့ တကယ့်ဖိုက်တာ ဂျပန်ကားတွေပါပဲ။ ဇာတ်လမ်းကတော့ Azumi ဆိုတဲ့ ဂျပန် နင်ဂျာမလေး တစ်ယောက်အကြောင်းကို အခြေပြုထားပါတယ်... သူမဟာ ရုပ်ကလေးလှပြီးနုဖတ်နေပေမယ့် လူသတ်ဖို့ မျက်တောင်မခတ်တမ်း ရက်စက်တတ်သူ ဖြစ်ပြီး လူပုံစံ ပျော့ပျောင်းသလောက် စိတ်ဓါတ်ခိုင်မာသူ တစ်ယောက်လဲ ဖြစ်ပါတယ်... အုပ်ချုပ်ရေး အဖွဲ့တစ်ခုကို ဆန့်ကျင်တော်လှန်သူခေါင်းဆောင်တစ်ယောက်ဟာ နှစ်ပေါင်းများစွာတိုင် ကလေး တစ်ချို့ကို ဓါးသိုင်း လက်ထပ် သင်ကြားပျိုးထောင်ခဲ့ပါတယ်...အဲ့ဒီ့ကလေးတွေ အရွယ်ရောက်ပြီး ပညာစုံလာတဲ့အခါမှာ လူရောစိတ်ရောမာကျောလာဖို့နဲ့ တာဝန်တွေကို လုံးဝလိုက်နာဖို့ ပြင်းထန်တဲ့ သင်ခန်းစာကို ရက်စက်စွာ သင်ကြားပါတော့တယ်။ အဲ့ဒီ့ သင်ခန်းစာထဲမှာ ရက်စက်တတ်တဲ့ လူသတ်သမားအချို့သာ အသက်ရှင်ကျန်မှာဖြစ်ပြီး ဒီထဲမှာ မိန်းမလှလေး Azumi ဟာလဲ ပါဝင်ခဲ့ပါတယ်။ အာဇုမိဟာ Jidaigeki အမျိုးအစား ရုပ်ရှင်တစ်ကားပါ။ Jidaigekiဆိုတာကတော့ ဂျပန်သမိုင်းရဲ့ 1603 ကနေ 1868အထိအတွင်းက တိုခုဂဝရဲ့ခေတ်မှာ အဓိကဇာတ်အိမ်တည် ရိုက်တတ်တဲ့ သမိုင်းကားတွေကို ခေါ်တာပါ။ဂျပန်သမိုင်းရဲ့ အကြီးကျယ်ဆုံး ဆာမူရိုင်းစစ်ပွဲ၁၁ခုထဲက တစ်ခုဖြစ်ခဲ့တဲ့ တိုခုဂဝရဲ့ ခေတ်မှာ ဇာတ်အိမ်တည်ထားပြီး တိုခုဂဝနာမည်ကိုလည်း ဇာတ်ကားထဲမှာ သုံးထားတယ်။ ဇာတ်လမ်းကတော့ အဲဒီခေတ်က အကြီးကျယ်ဆုံး ဆာမူရိုင်းစစ်ဘုရင်တစ်ယောက်ဖြစ်ခဲ့တဲ့ တိုရိုတိုမိနဲ့တိုခုဂဝတို့ခေတ်မှာ ဇာတ်အိမ်တည်ထားပါတယ်။ အဲဒီခေတ်မှာ လုပ်ကြံရေးသမားအဖွဲ့တစ်ခုပေါ်ပေါက်ခဲ့ပါတယ်။ သူတို့အဖွဲ့က စစ်ကို ဘယ်သူပဲနိုင်နိုင် သတ်ဖြတ်မှုတွေကရှိနေမှာမို့ စစ်နယ်ရှင်တွေကို လုပ်ကြံဖို့ အသန်မာဆုံး ဆာမူရိုင်းတွေဖြစ်လာအောင် လေ့ကျင့်ပေးတဲ့ အဖွဲ့ပါပဲ။ စစ်ပွဲမရှည်ရအောင် တိုရိုတိုမိရဲ့ မဟာမိတ်စစ်နယ်ရှင်သုံးယောက်ကို လုပ်ကြံဖို့ ဖွဲ့ထားတဲ့ အဖွဲ့လည်းဟုတ်ပါတယ်။ အချင်းချင်းပြန်သတ်ခိုင်းပြီး ကျန်တဲ့လူကိုပဲ ဆက်ရှင်သန်ခွင့်ပေးတဲ့အထိကို လေ့ကျင့်မှုတွေက ပြင်းထန်ပါတယ်။ အာဇုမိရုပ်ရှင်ဟာ ဒီလေ့ကျင့်ရေးပြီးမြောက်ပြီးတဲ့နောက် စစ်ကိုတားဖို့ စစ်နယ်ရှင်တွေကို သတ်ဖြတ်လုပ်ကြံတဲ့အကြောင်း ရိုက်ထားတဲ့ ခပ်ကြမ်းကြမ်းဆာမူရိုင်းကားတစ်ကားပါပဲ။ တစ်နဲ့နှစ် နှစ်ကားထွက်ထားပြီး နှစ်ကားစလုံး အချိန်တစ်ဆက်တည်းပါပဲ။ Part 1, Part 2လို့ခေါ်ရင် ပိုမှန်ပါလိမ့်မယ်။ အာဇုမိဟာ Kenshin ဇာတ်ကားတွေလောက်နီးနီး နာမည်ကျော်ခဲ့တဲ့ တစ်ခေတ်တစ်ခါက ဆာမူရိုင်းကား ဖြစ်တာနဲ့အညီ Fight Sceneတွေလည်း တော်တော်ကောင်းပါတယ်။ မူရင်းမန်ဂါကလည်း တော်တော်နာမည်ကြီးခဲ့သလို ရုပ်ရှင်ဟာလည်း အတိုင်းအတာတစ်ခုအထိ အောင်မြင်ခဲ့ပါတယ်။ Azumi ဇာတ်ကား ၂ ကားလုံးကို ဒီမှာ https://channelmyanmar.org/?s=azumi  ကြည့်ပါ။ (ရုပ်ရှင်အညွှန်းနဲ့ဘာသာပြန်ကို Phoo Lin မှ တင်ဆက်ထားပါတယ်။) File size…(2.8 GB)/(1.5 GB) Quality….BluRay 1080p/720p Format…mp4 Duration….02:15:o2 Subtitle….Myanmar Subtitle (Hardsub) Encoder….Nyeinsaeya Aung Translated by Phoo Lin

Groundhog Day လို့‌ခေါ်တဲ့ ဖေဖော်ဝါရီ ၂ရက်နေ့ဟာ မြောက်အမေရိကရဲ့ ပွဲတော်နေ့တစ်ခုပါပဲ။ Punxsutawney မြို့မှာ Punxsutawney Phil လို့ခေါ်တဲ့ ဂရောင်းဟော့လေး‌က နွေဦးပဲစောစော‌လာမလား ဆောင်းပဲရှည်မလား ဟောတာကို ကြည့်ပြီး ပါတီတွေပေးကြတဲ့နေ့ပေါ့။ အဲဒီနေ့မှာ နေရာအနှံ့က သတင်း‌သမားတွေ တီဗီအစီအစဉ် ကြေညာသူတွေ Punxsutawney ကို လာရောက်ကြတယ်။ ဒီရုပ်ရှင်ဟာ အဲဒီ Groundhog Day မှာ ပိတ်မိနေတဲ့ လူတစ်ယောက်အကြောင်းပေါ့။ တော်တော်လေးစောတဲ့ Time Loop ရုပ်ရှင်တစ်ကားဖြစ်သလို သူ့ဟန်ကို Theme အဖြစ်မှီးပြီး နောက်ပိုင်းသုံးလာကြတာတွေလည်း မနည်းပါဘူး။ Supernatural ထဲလည်း မှီးသုံးခဲ့ဖူးတယ်။ Groundhog Day ဟာ Classic တန်း၀င် Comedy ကားကောင်းတစ်ကားဖြစ်သလို ဝေဖန်ရေးသမား Roger Ebert အကြိုက်ဆုံးစာရင်းထဲ၀င်ခဲ့တဲ့ ရှားရှားပါးပါး Comedy ကားလည်း ဟုတ်ပါတယ်။ အဓိကဇာတ်​ဆောင်ကလည်း နာမည်ကျော် Bill Murray ဆိုတော့ ကောင်းမှာမပူရတော့ဘူး​ပေါ့။ ဇာတ်လမ်းလေးကလည်းဆန်းပါတယ်။ Bill ဟာ မိုးလေဝသကြေညာသူတစ်ယောက်ဖြစ်ပြီး မာနကြီး လက်​ပေါက်ကတ်သူပေါ့။ ရေတစ်၀က်ပဲရှိတဲ့ ဖန်ခွက်ကိုကြည့်ပြီး တစ်၀က်တောင်ရှိတယ်ပြောမယ့်လူရယ် တစ်၀က်ပဲရှိတယ် ပြောမယ့်လူရယ်ဆိုတဲ့ လူစား၂မျိူးမှာ သူဟာ ဒုတိယလူစားမျိူးပါပဲ။ ဒါနဲ့ပဲ တစ်ရက်ကျ ပန်ဆူ​​​တော်နီဆိုတဲ့ ဇနပုဒ်​လေး မှာ Groundhog Day ဆိုတဲ့ ရာသီပွဲတော်တစ်ပွဲကို သွားရောက်ရိုက်ကူးဖို့ အကြောင်းဖန်လာပါတယ်။ သူတို့အဖွဲ့သားတွေရောက်သွားကြပြီး Bill တစ်ယောက်ဟာ ထူးဆန်းစွာနဲ့ပဲ အဲဒီနေ့ကိုပဲ နေ့တိုင်း ဖြတ်သန်းနေရပါ​တော့တယ်။ သူဟာ Groundhog Day ဆိုတာကြီးကို နေ့တိုင်း ထပ်တလဲလဲ ကြုံနေရတဲ့ Time Loop သဘောမျိုးမှာနေနေရတယ်။ အဲဒီကနေ လွတ်လမ်းရှာရင်း ကြာလာတော့ စိတ်ဓါတ်တွေကျ၊ သတ်သေချင်စိတ်တွေပေါ်လာပါ​တော့တယ်။ အဲဒီနေ့ မနက်မှာဖွင့်တဲ့ Radioသံကြားရရင်ကို စိတ်က ဂယောက်ဂယက်တွေဖြစ်လာပြီး ဒီ Time Loop က​နေ ကျော်လွှားဖို့နည်းလမ်းကို အသည်းအသန်ရှာရပါတော့တယ်။ ရုပ်ရှင်ဟာ IMDB Rating 8.0 အထိရရှိထားပြီး Bill Murray ရဲ့ ဂန္တဝင်သရုပ်ဆောင်ချက်တွေ၊ ဘဝသင်ခန်းစာတွေကို ညိမ့်ညိမ့်လေးကြည့်သွားရမှာဖြစ်ပါတယ်။ ဘုရားသခင်ရဲ့ ကျီစယ်မှုတစ်ခုဖြစ်တဲ့ ဒီ Time loop ရဲ့ ရည်ရွယ်ချက်ကို ရှာ​ဖွေရင်း ကိုယ်သာ ဒီလို တစ်ရက်ထဲကိုပဲ အကြိမ်ကြိမ်ကြုံခဲ့ရရင် ဘာ​တွေ လုပ်မလဲဆိုတာ စိတ်ကူးယဉ်လိုက်ကြစေချင်ပါတယ်။ Groundhog Day နဲ့ ပတ်သက်ပြီး ဝေဖန်ရေးသမားတွေကတော့ "Groundhog Day ဟာ သူ့ပေးချင်တဲ့မက်ဆေ့နဲ့ သူ့ရည်ရွယ်ချက်ကို ထင်သာမြင်သာ ရှင်းရှင်းလင်းလင်းတွေ့နိုင်တဲ့ရုပ်ရှင်ပါပဲ။ သူ့ရဲ့ ပညာသားပါမှုကိုတော့ ချက်ချင်းကြီး သတိထားမိမှာမဟုတ်စေဘဲ မှတ်ဉာဏ်ထဲ အခြေကျရင်းနဲ့မှ သိလာမယ့် သဘောမျိုး " လို့ ဆိုကြပါတယ်။ ရုပ်ရှင်တစ်ကားကြည့်ပြီး ကိုယ့်ခံစားချက်ကို သေသေချာချာဖော်မပြတတ်ပေမဲ့ တူညီတဲ့ခံစားမှုတစ်ခုရတဲ့အခါ ဒီရုပ်ရှင်က Groundhog Day လို ရုပ်ရှင်မျိုးပဲဆိုပြီး ကိုယ့် မှတ်ဉာဏ်ထဲ Reference အနေနဲ့ ကိုးကားဖို့ ကျန်နေတဲ့ရုပ်ရှင်မျိုးလည်းဟုတ်တယ်လို့ ဆိုကြပါတယ်။ ရေတစ်၀က်ရှိတဲ့ ဖန်ခွက်တစ်ခွက်ကိုကြည့်ပြီး "တစ်၀က်တောင်ရှိတယ်"ဆိုတဲ့သူရော "တစ်၀က်ပဲရှိတယ်"ဆိုတဲ့သူရောဟာ အချိန်တစ်ခုမှာတော့ ရေအပြည့်ရှိတယ်လို့ ထင်မြင်သွားကြပါလိမ့်မယ်။ တကယ်ပြည့်မပြည့်တော့ ဘယ်သူမှမသိပေမဲ့ ချစ်ခြင်းကတော့ လိုနေတဲ့ရေတစ်၀က်ကို ဖြည့်ပေးသွားပါလိမ့်မယ်။ လောကကြီးကိုက ရေတစ်၀က်သာ ဖြည့်ထားတဲ့ ဖန်ခွက်ကြီးပဲမို့လို့ လူတွေဟာ ချစ်ခြင်းမေတ္တာကို လိုအပ်ခဲ့တာပေါ့... (ဒီဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 2.2GB, 880MB, 440MB Quality - 1080p, 720p, 480p IMDb Rating - 8.0/10 Format - mp4 Duration - 1H 41Min Genre - Comedy, Drama, Fantasy Subtitle - Myanmar Subtitle (Hardsub) Translated by Mugiwara Ya Encoded by Y

IMDb Rating - 7.0/10 အင်္ဂလိပ်လေသံလေးနဲ့ စုံထောက်ကား ကောင်းကောင်းလေး ကြည့်ရအောင်ဗျာ။ စုံထောက်ကားဆိုတော့ အများကြီးပြောပြလို့မရဘူး။ မြို့လေးတစ်မြို့မှာ သူငယ်ချင်း ၄ ယောက် ရှိခဲ့တယ်။ တစ်ယောက်က ရေနစ်ပြီး သေသွားတယ်။ ပြဿနာတွေ ရှိခဲ့တယ်။ ဒီလိုနဲ့ နှစ် ၂၀ ကြာချိန်မှာ နောက်တ်ယောက်က သေသွားတယ်။ အဲဒီထဲက တစ်ယောက်က စုံထောက်ဖြစ်နေတော့ ဈာပနကို လာရင်းနဲ့ မသင်္ကာစရာတွေ တွေ့လာတဲ့အခါ.... (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ littleneo ပဲဖြစ်ပါတယ်။) Quality – 1080p, 720p WebRip Duration - 1h 57min Subtitle – Myanmar Hardsub Format – Mp4 Genre : Crime, Drama, Mystery Source : 1080p.WebRip Translator – littleneo Encoder – SWM

IMDb Rating (7.8) / Rotten Tomatoes (95%) အကြံအဖန်လုပ်တတ်တဲ့သူခိုး... အဲဒီလိုပြောလို့ ဒီ Nightcrawler ကို သူခိုးကားလို့မထင်ပါနဲ့။ ဒီကားဟာ တကယ်တော့ သတင်းထောက်ကားလို့တောင်ပြောလို့ရတယ်။ မင်းသားက Jake Gyllenhaal ဆိုတော့ သရုပ်ဆောင် လန်ထွက်ချက်က ၂ချက်​လောက် နားရင်းအုပ်ချင်လာမှာပါ... ဇာတ်လမ်းကတော့ မင်းသားက အလုပ်မရှိတဲ့ သူခိုးဂျပိုးပါ။ ဒါပေမယ့် ပညာတတ်သူခိုး​ပေါ့ လူပေါ်လူဇော်လုပ်တတ်တယ်။ အဲဒါနဲ့ တစ်ရက်ကျ အနေအစားချောင်ပြီး မျိုးမျိုးမြက်မြက်ရတဲ့ အလုပ်တစ်ခုကို သူတွေ့သွားတယ်။ အဲဒါက သတင်းရောင်းစားတဲ့အလုပ်... သတင်းရောင်းစားတယ်ဆိုလို့လည်း အထင်မကြီးပါနဲ့။ ကူလီကူမာ မျိုးစုံလုပ်ပြီး သတင်းတွေကို လီဆယ်ပြီး နေရာချ၊ တစ်ကိုယ်ကောင်းဆန်ပြီး အထာမထားတဲ့သူ။ သူ့အနေနဲ့ ပညာရေးအရ အတန်းပညာမတတ်ပေမယ့် လူတစ်ယောက်ကို ဘယ်လို ဆက်ဆံရမလဲ၊ ဘယ်အချိန်မှာ ကလိမ်ကကျစ်ကျရမလဲဆိုတာ မွေးရာပါတတ်နေသလိုမျိုး... မင်းသား Jake Gyllenhaal ကလည်း ဒီလိုမျိုး အကျင့်ယုတ်၊ ကလိမ်ကျတဲ့ ဇာတ်ရုပ်မှာဆို သူ့ရဲ့ပြူး​ကြောင်​ကြောင်မျက်လုံး ပြီတည်တည်အပြုံးနဲ့ မျက်နှာပေါက်ကိုက အဲဒီလိုဖြစ်နေတော့ ဇာတ်လမ်းကြည့်နေရင်းနဲ့တောင် သူ့ကို ထဆော်ချင်စိတ်တွေဖြစ်လာမယ်... ပြီးရင် သတင်းရောင်းစားတဲ့ဈေးကွက် ဘာညာတွေကိုလည်း ကြည့်ရှုရမှာဖြစ်တော့ အခုလို ကာလလေးတွေမှာ Nightcrawler ကြည့်ပြီး Jake Gyllenhaal တစ်ယောက် ဘယ်အဆင့်ထိ ​​ကောက်ကျစ်သွားမလဲဆိုတာကိုတော့ ရုပ်ရှင်မှာပဲ ဆက်လက်ခံစားကြပါဦးလို့... (ရုပ်ရှင်အညွှန်းနဲ့ဘာသာပြန်ကို Mugiwara Ya မှ ခံစားတင်ဆက်ထားတာပါ။) File size…(1.8 GB)/ (1 GB) Quality….BluRay 1080p / 720p Format…mp4 Duration….01:57:34 Subtitle….Myanmar Subtitle (Hardsub) Encoder….Nyeinsaeya Aung Translated by Mugiwara Ya

IMDb – 6.8/10 Rotten Tomatoes – 49% Metacritic – 52% Atlantis: The Lost Empire ဆိုတဲ့ Animation ကားလေးက Disney ရဲ့ ပထမဆုံးသော Adventure/Sci-Fi အမျိုးအစား Film ပဲ ဖြစ်ပါတယ်။ Tob Murphy ရဲ့ ဇာတ်လမ်းကို ဒါရိုက်တာ Gary Trousdale နဲ့ Kirk Wise တို့က ပူးတွဲရိုက်ကူးကာ Don Hahn ကနေထုတ်လုပ်ပါတယ်။ နောက်ခံစကားပြော အနေနဲ့ကတော့ Michael J. Fox, Cree Summer, James Garner, Leonard Nimoy, Don Novello, Phil Morris, Claudia Christian, Jacqueline Obrandors နဲ့ Jim Varney တို့ကနေ ပါဝင်သရုပ်ဆောင်ပေးထားကြတာပဲ ဖြစ်ပါတယ်။ Jim Varney အနေနဲ့ကလည်း ဒီဇာတ်ကားဟာ သူမသေခင် နောက်ဆုံး သရုပ်ဆောင်သွားခဲ့တဲ့ ဇာတ်ကားလည်းပဲ ဖြစ်ပါတယ်။ Budget $120 သန်း အသုံးပြုထားပြီး Box Office အနေနဲ့ကတော့ $186.1 သန်း ပြန်လည် ရရှိထားပါတယ်။ သူ့ခေတ် သူ့အခါတုန်းက ဆိုရင်တော့ တော်တော်လေး အကုန်အကျများတဲ့ ဇာတ်ကားတစ်ကားလို့ ဆိုနိုင်ပါတယ်..။ ဇာတ်လမ်းအဖွင့်ကတော့ ဒီလိုပါ..။ ကုန်ခဲ့တဲ့ ရာစုနှစ်တွေတုန်းက အတ္တလန္တိတ်ကျွန်းစုတွေကို ဒီလှိုင်းတွေ ပင်လယ်ရေအောက် ပေါက်ကွဲမှုတွေက ခြောက်လှန့်လို့နေပါတယ်။ အဲဒီအချိန်မှာပဲ အတ္တလန္တိတ် ဘုရင်မ ကို အိပ်မွေ့ချဆေးအသုံးပြုလို့ လူစိမ်းတွေက ဖမ်းခေါ်သွားပါတယ်။ သူနဲ့အတူ အတ္တလန္တိတ်ရဲ့ နှလုံးသည်းပွတ် လို့ခေါ်တဲ့ Powerful Crystal ကလည်း ပါသွားပါသေးတယ်။ အဆိုပါ Crystal က ဘုရင်မနဲ့အတူ အတ္တလန္တိတ်မြို့တော်ရဲ့ နယ်မြေတွေကို အကာအကွယ်ပြုလုပ်ပေးပါတယ်။ ဘုရင်မဟာ ဖမ်းခေါ်သွားခြင်း ခံရတဲ့ အချိန်တုန်းက သူမရဲ့ သမီးငယ်လေး မင်းသမီးလေး Kida ကို သမုဒ္ဒရာရဲ့ အောက်ဘက်မှာ ချန်ထားခဲ့ရပါတယ်။ 1914 ခုနှစ်…! Milo Thatch ဆိုတာ အတ္တလန္တိတ်ကို သုတေသန လုပ်နေတဲ့ Smithsonian Institution က မြေပုံရေးဆွဲသူတစ်ဦးပါ။ သူက ဘာသာစကားမျိုးစုံကိုလည်း တတ်ကျွမ်းပါသေးတယ်။ Milo ဟာ The Shepherd’s Journal မှာ ရှေးဟောင်းလက်ရေးမူ တ စ်ခုကို တွေ့ရှိလိုက်ရပါတယ်။ အဲဒီလက်ရေးမှုမှာ ပျောက်ဆုံးနေတဲ့ ကျွန်းရဲ့ တည်နေရာကို ဖော်ပြထားတယ်လို့လဲ ယုံကြည်နေပါတယ်။ ပြတိုက်ရဲ့ ဘုတ်အဖွဲ့က Milo ရဲ့ အဆိုပြုချက်ကို ငြင်းပယ်လိုက်ပြီးတဲ့နောက် Milo ဟာ ထူးဆန်းတဲ့ အမျိုးသမီးတစ်ယောက်နဲ့ တွေ့ဆုံခဲ့ရပါတယ်။ Helga Sinclair လို့ခေါ်တဲ့အဆိုပါအမျိုးသမီးက သူ့ကို Preston B နဲ့ မိတ်ဆက်ပေးခဲ့ပါတယ်။ Whitmore ဆိုတာ အင်မတန် ချမ်းသာကြွယ်ဝသူ တစ်ဦးပါ။ Whitmore ဟာ Milo ရဲ့ အဖိုးအပေါ် တင်နေတဲ့ အကြွေးကို ပြန်ပေးဆပ်ရန်အတွက် အတ္တလန္တိတ်ကို လေ့လာရေးသွားဖို့ Milo ကို လမ်းပြအဖြစ် ငှားရမ်းခဲ့ပါတယ်။ အဆိုပါ အတ္တလန္တိတ် လေ့လာရေးခရီးစဉ်ကို Lyle Rourke က ဦးဆောင်ပါတယ်။ အဲဒီအဖွဲ့မှာတော့ demolition ကျွမ်းကျင်သူ Vinny Santorini, ဘူမိဗေဒပညာရှင် Mole Molière, ဆေးဘက်ဆိုင်ရာ အရာရှိ ဒေါက်တာ Joshua Sweet, စက်ပြင်ဆရာ Audrey Ramirez, ရေဒီယို orperator Mrs. Wilhelmina Packard နဲ့ စားဖိုမှူး Cookie Farnsworth တို့ ပါဝင်ပါတယ်။ သူတို့အဖွဲ့ဟာ “Ulysses” အမည်ရှိ ရေငုပ်သင်္ဘောနဲ့ ထွက်ခွာခဲ့ကြပါတယ်။ အဆိုပါ ခရီးစဉ်အတွင်း ဘာတွေဖြစ်မယ် ဘယ်လိုတွေ ကြုံတွေ့ရမယ် ဘယ်လိုမျိုး ထူးဆန်းဖွယ်ရာ အံ့သြဖွယ်ရာတွေကို မြင်တွေ့ရမယ် သိရှိလာရမယ်ဆိုတာကိုတော့ ဇာတ်ကားကြည့်ရင်းနဲ့မှ ရင်တထိတ်ထိတ်နဲ့ ကြည့်ရှုခံစားကြည့်ပါဦး..။ ဒီဇတ်ကားကို ငတုံးမျိုးကို မှ ဘာသာပြန်ပေးထားပြီး ရဲခန့်မင်း မှ အညွှန်းရေးပေးထားပါတယ်… File size… 1.6 GB / 756 MB Quality… BluRay 1080p / 720p Format… mp4 Duration…. 1h 35m Genre ….. Animation, Adventure Subtitle…. Myanmar Subtitle (Hard Sub) Encoder…. Thit San Khant Translated by idiot myoko

ဒီဇာတ်ကားကိုတော့ 2002 ခုနှစ်ကနေ 2004 ခုနှစ်အတွင်း ကလိဗ်လန်းမှာ ဖြစ်သွားခဲ့တဲ့ မိန်းကလေးသုံးယောက်ပျောက်ဆုံးမှုအကြောင်းကို အခြေတည်ပြီး ရိုက်ကူးထားတာပါ။ ဆင်ဂယ်မားသားတစ်ယောက်ဖြစ်သူ မီရှဲ နိုက်ခ်ဟာ ကလေးအုပ်ထိန်းပိုင်ခွင့်အတွက် တရားရုံးကိုသွားတဲ့လမ်းမှာ သူငယ်ချင်းအမ်မလီရဲ့အဖေဖြစ်သူ အေရီရယ် ကက်စထရိုက လမ်းကြုံလိုက်ပို့ပေးမယ်ဆိုပြီး ကလိဗ်လန်းနေအိမ်ဆီကို ပြန်ပေးဆွဲခေါ်သွားတာခံလိုက်ရပါတယ်။ နေအိမ်မြေအောက်အမှောင်ခန်းထဲမှာ သံကြိုးနဲ့ချည်ထားခံရပြီး ရိုက်ခံရလိုက် လိင်ပိုင်းဆိုင်ရာ စော်ကားခံရလိုက်နဲ့နေရင်း နှစ်နှစ်အတွင်းမှာ ကိုယ်ဝန်ရှိလာလို့ ပျက်ကျအောင်လည်းအရိုက်ခံခဲ့ရပါသေးတယ်။ ကက်စထရိုဟာ နှစ်နှစ်အတွင်း နောက်ထပ် မိန်းကလေးနှစ်ယောက်ကိုလည်း ပြန်ပေးဆွဲလာခဲ့ပြီး မိသားစုတစ်ခုလိုဖြစ်အောင် ဖန်တီးခဲ့ပါတယ်။ ဒီလိုဆိုးရွားလှတဲ့ ငရဲခန်းကိုဖြတ်ကျော်ရင်း နှစ်ပေါင်း ၁၁ နှစ်အကြာမှ ကောင်မလေးသုံးယောက်လုံးပြန်လွတ်လာခဲ့ပုံကို ခံစားကြည့်ရှုလိုက်ကြပါဦး။ ရုပ်ရှင်ထဲမှာ အေရီရယ် ကက်စထရိုအဖြစ် သရုပ်ဆောင်တဲ့ Raymond Cruz ရဲ့ဇာတ်ရုပ်ဟာ အပြင်က အေရီရယ် ကက်စထရိုနဲ့ တူလွန်းတာကြောင့် တကယ်ပြန်ပေးဆွဲခံခဲ့ရတဲ့ မီရှဲ နိုက်ခ်ဆိုရင် Raymond Cruz နဲ့တွေ့ဖို့တောင် တွန့်ဆုတ်ခဲ့ပါသေးတယ်လို့ဆိုပါတယ်။ အမြင်မသင့်တော်တဲ့ပြကွက်တွေနဲ့ ကြမ်းတမ်းတဲ့အသုံးအနှုံးတွေပါဝင်တာမလို့ (၁၈) နှစ်အောက် လူငယ်တွေ ကြည့်ရှုဖို့ မသင့်တော်ပါဘူးဗျ။ File size…(1.4 GB)/(660 MB) Quality….Webrip 1080p / 720p Format…mp4 Duration….01:28:00 Genre…Drama, Crime Subtitle….Myanmar Subtitle (Hardsub) Encoder….Mr. Anderson Translated by TMTT

Addie နဲ့ Louis တို့တွေဟာ နှစ်ပေါင်းများစွာအိမ်နီးချင်းဖြစ် လာပေမယ့် စကားတစ်ခါမှမပြောဖူးကြတဲ့သူတွေပေါ့… တစ်နေ့ Addie က Louis အိမ်ရောက်လာပြီးထူးဆန်းတဲ့ စကားတစ်ခွန်းဆိုပါတယ်..”တခါတလေ ကျွန်မအိမ်လာပြီး ကျွန်မနဲ့အတူအိပ်ချင်လား”တဲ့ ဖတ်လိုက်ရင်တော့ မဟုတ်တာတွေတွေးလိုက်မိလောက်ပေမယ့် တကယ်တော့ Louis ရော Addie ရောဟာ အိမ်ထဲမှာ တစ်ယောက်တည်းအထီးကျန်နေကြရတဲ့ အဖိုးကြီးနဲ့အဖွားကြီးပါ.. ဒီလိုအထီးကျန်နေတဲ့သူတို့နှစ်ယောက် နေ့စဉ်နေ့တိုင်း စကားတွေ ပြောရင်းဘယ်လိုသံယောဇဉ်တွယ်သွားကြမလဲဆိုတာကို ကြည့်ရမယ့် Romance ကားကောင်းလေးတစ်ခုပါ File size…1.40GB / 599MB Quality…WEB-DL 1080p 5.1CH / 720p Format…mp4 Duration….1h 43m Genre ….. Drama , Romance Subtitle….Myanmar Subtitle (Hard Sub) Encoder….Min Wai Translated by Eric

လွန်ခဲ့တဲ့ နှစ် ၂၀ ခန့်က မိမိကို စွန့်ပစ်သွားတဲ့ မိခင်ကို နာကျည်းရင်း ရှင်သန်နေထိုင်နေတဲ့ သိမ်းငှက်ဆရာ အိုင်ဗန်။ အိုင်ဗန်ကို စွန့်ပစ်သွားပြီး နာမည်ကြီး ယုံတမ်းသမားတော် တစ်ဦးဖြစ်လာခဲ့တဲ့ မိခင်ဖြစ်သူ နာနာ။ သတင်းမှတ်တမ်းရုပ်ရှင် ရိုက်ကူးဖို့အတွက် နာနာကို ရှာဖွေနေတဲ့ သတင်းထောက်ပေါက်စလေး ဂျာနီယာရက်စ်မော။ Peaky Blinders မင်းသားဖြစ်တဲ့ Cillian Murphy နဲ့ ဟော်လီးဝုဒ် ဝါရင့်မင်းသမီးကြီး Jennifer Connelly အပြင် ပြင်သစ်မင်းသမီး Mélanie Laurent တို့ပါဝင်သရုပ်ဆောင်ထားတဲ့ “Aloft” ရုပ်ရှင်ဟာ လူ့ဘဝရဲ့ မရေရာမှုတွေ၊ အဖြေရှာမရတဲ့ မေးခွန်းတွေ၊ ငယ်ဘဝ စိတ်ဒဏ်ရာတွေကို ကျွမ်းကျင် သရုပ်ဆောင်ချက်တွေနဲ့ လေးနက်စွာ ဆွဲထုတ်ပြသထားတဲ့ ဇာတ်ကားကောင်း တစ်ပုဒ်ပဲ ဖြစ်ပါတယ်။ File size…1.39GB/ 666MB Quality…Blu-Ray 1080p / 720p Format…mp4 Duration….1h 52m Genre ….. Drama Subtitle….Myanmar Subtitle (Hard Sub) Encoder….Min Wai Translated by Esth

မိခင်ဆုံးပါးသွားတာကြောင့် ဖခင်ရဲ့နောက်အိမ်ထောင်မိသားစုနဲ့ လိုက်နေရတဲ့ အသက် ၁၈ နှစ်အရွယ်ဂရတ်ချန်က ဂျစ်ကန်ကန် ကောင်မလေးတစ်ယောက်ဖြစ်ပါတယ်။ ဂရတ်ချန်ရဲ့အဖေလူးဝစ္စတို့မိသားစုဟာ အပန်းဖြေစခန်းသစ်ကိုတာဝန်ယူ တည်ဆောက်ပေးဖို့ ဂျာမန်အပန်းဖြေစခန်းတစ်ခုကိုပြောင်းရွှေ့လာခဲ့ ကြပါတယ်။ မိဘတွေကိုရော ဂရတ်ချန်ကိုပါအလုပ်ပေးထားတဲ့ပိုင်ရှင်သူဌေးက သဘောကောင်းတယ်ထင်ရပေမယ့် လူသိမခံနိုင်တဲ့လျှို့ဝှက်ချက်ကြီး တစ်ခုရှိနေတာကို ဂရတ်ချန်တစ်ယောက်ရိပ်စားမိခဲ့ပါတယ်။ ဂရတ်ချန်ဟာ ခေါင်းစွပ်နဲ့အမျိုးသမီးတစ်ယောက်ရဲ့အကြိမ်ကြိမ် ရန်ပြုတာလည်းခံခဲ့ရပါတယ်။ ဒါပေမဲ့ အပန်းဖြေစခန်းထဲမှာဖြစ်ပျက်နေတဲ့ထူးဆန်းတာတွေကို ဂရတ်ချန်ကပြောပြပေမယ့် ဘယ်သူကမှမယုံကြည်တာကြောင့် တစ်ယောက်တည်းရင်ဆိုင်ပြီး မိသားစုကိုကာကွယ်ဖို့ဖြစ်လာခဲ့ပါ တော့တယ်။ File size…7.61 GB / 2.03GB / 819MB Quality…WEB-DL 4K HEVC / 1080p / 720p Format…mkv / mp4 Duration….1h 42m Genre ….. Horror , Mystery , Thriller Subtitle….Myanmar Subtitle (Hard Sub) Encoder….Min Wai Translated by JULY

ဒီဇာတ်ကားလေးဟာဆိုရင် တစ်နိုင်ငံလုံးကို တုန်လှုပ်သွားစေခဲ့တဲ့ ဖြစ်ရပ်မှန် ကွမ်တုန်း မူးယစ်ဆေးဝါး အမှုတစ်ခုဖြစ်တဲ့ “GG Project” ကို အခြေခံပြီး ရိုက်ကူးထားတဲ့ ဇာတ်ကားလေးတစ်ကားဖြစ်ပါတယ် လူငယ်ရဲတပ်ဖွဲ့ ခေါင်းဆောင်တစ်ယောက်ဖြစ်တဲ့ ဝမ်ရှင်း / ခေါင်းဆောင် လီကွမ်းဖုန်းတို့နဲ့အတူတူ လက်အောက်ခံ ရဲတပ်ဖွဲ့ဝင်များဟာ မူးယစ်ဆေးဝါး နှိမ်နှင်းရေး တိုက်ပွဲတစ်ခုကို အသေအကျေ ဝင်ရောက်ခဲ့ပုံတွေကို ပုံဖော်ပြထားတဲ့ ကားလေးဆိုရင်လဲ မမှားပါဘူး နိုင်ငံတကာ မူးယစ်ဆေးဝါးထုတ်လုပ်မှုနဲ့ ရောင်းဝယ်ဖောက်မှု အမှုတစ်ခုကို စစ်ဆေးဖို့အတွက် ဆောင်ရွက်ခဲ့ကြတဲ့ ရဲတပ်ဖွဲ့ရဲ့ ပုံရိပ်တွေ / လက်တွေ့ကျကျ စေ့စပ်မှုတွေနဲ့ တာဝန်ကို ထမ်းဆောင်ခဲ့ကြတဲ့ ပုံရိပ်တွေ ကိုလဲ ရိုက်ပြထားပါသေးတယ် ဒါ့အပြင် ပစ်ခတ်မှုတွေ ရန်ပွဲတွေ ဖောက်ခွဲမှုတွေကြားက မူးယစ်ဆေးဝါး တိုက်ဖျက်ရေး မြင်ကွင်းများကို မီးမောင်းထိုး ရိုက်ကူးထားတဲ့ ကားလေးဖြစ်တာမို့ Action ကားတွေ ကြိုက်နှစ်သက်တဲ့ သူတွေ အနေနဲ့ကတော့ ဒီကားလေးကိုကြိုက်နှစ်သက်မိမှာအမှန်ပါပဲ အဲ့တော့ အခုပဲ ကြည့်ရှုလိုက်ရအောင်

La Cocina (2024) IMDb Rating (7.2) / Rotten Tomatoes (72%) ဒီရုပ်ရှင်ရဲ့နာမည် La cocina (The Kitchen )ကို စတွေ့တော့ စိတ်ထဲထင်လိုက်တာက ဟင်းချက်တဲ့ရုပ်ရှင်ဖြစ်ကောင်းဖြစ်မယ်ပေါ့။ ပိုစတာကြည့်တော့လည်း စားဖိုဆောင်ထဲက ရိုမန့်လိုလိုဘာလိုလို ပိုစတာမျိုးပဲ။ အထင်နဲ့အမြင်က တက်တက်စင်အောင် လွဲသွားတယ်ပြောရမှာပဲ။ ဇာတ်ရဲ့နေရာက အမေရိကန်ပြည်ထောင်စုကြီးရဲ့ အချက်အချာအကျဆုံးမြို့ဖြစ်တဲ့ နယူးယောက်ရဲ့ အချက်အချာအကျဆုံးနေရာဖြစ်တဲ့ Times Square။ စီးပွားရေး ဖျော်ဖြေရေး တိုးရစ်ဆွဲဆောင်ရေး ဒီနေရာမှာ အရာအားလုံးစုနေတယ်။ ၂၄နာရီလုံး မီးရောင်စုံတွေ ဒစ်ဂျစ်တယ်ဆိုင်းဘုတ်တွေနဲ့ လင်းထင်းနေတဲ့နေရာပေါ့။ ဒါပေမဲ့ ဒီရုပ်ရှင်မှာ အဲဒီအရောင်တွေတစ်ခုမှမြင်ရမှာမဟုတ်ဘူး။ တစ်ကားလုံးနီးပါးအဖြူအမဲနဲ့ပဲ ပြထားတယ်။ သူ့မြို့ပြရဲ့ ရှုပ်ထွေးမှုကိုတော့ focusမငြိမ်တဲ့ ရိုက်ချက်တွေနဲ့ ပြထားတယ်။ ဒီရုပ်ရှင်ရဲ့နာမည်ဖြစ်တဲ့ စားဖိုဆောင်က Times Squareက ကြက်ပျံမကျ လူစည်တဲ့ The Grillလို့ခေါ်တဲ့ စားသောက်ဆိုင်ကြီးတစ်ခုရဲ့ မြေအောက်ထပ်ပါပဲ။ The Grillရဲ့ စားဖိုဆောင်ထဲ အလုပ်လုပ်တဲ့ စားဖိုမှူးတွေ ဟင်းချက်သမားတွေ အများစုက အမေရိကထဲကို တရားမဝင်ခိုးဝင်လာတဲ့ မက္ကဆီကန်တွေ။ သူတို့မှာ ဗီဇာမရှိသလို ဒီအမေရိကကိုရောက်လာဖို့ သူတို့ရဲ့အရာအားလုံးကို ရင်းထားရတဲ့လူတွေ။ ပြောရရင် ပြန်ဆုတ်စရာ လမ်းမရှိတဲ့လူတွေ။ ကြက်ပျံမကျလောက်အောင် ဝိုင်းအပြည့်နဲ့ စည်ကားတဲ့ စားသောက်ဆိုင်တွေမှာ တစ်ခါတလေတော့ ခင်ဗျားတို့ ကျွန်တော်တို့ ထိုင်ဖူးကြမှာပါပဲ။ တစ်ဝိုင်းကမှာလိုက် တစ်ဝိုင်းက ထသွားလိုက် နောက်တစ်ဝိုင်းက ပြန်ဝင်လိုက် ဟင်းပွဲတွေတစ်ပွဲပြီးတစ်ပွဲ မိုးပေါ်ကကျသလို ကျလာနေတဲ့ လူကျတဲ့အချိန်တွေဆို စားပွဲထိုးတွေတောင် ခြေချင်းလိမ်နေရတဲ့ ဆိုင်တွေပေါ့။ အဲဒီမိုးပေါ်က ကျလာသလို ဇယ်ဆက်ကြီးကျလာတဲ့ ဟင်းပွဲတွေရဲ့ နောက်ကွယ်က စားဖိုခန်းဟာ ဒီလိုအချိန်တွေဆို ခုတ်ဟယ် ထစ်ဟယ် ပြေးဟယ် လွှားဟယ်နဲ့ ဇယ်ဆက်သလို ချက်နေပြုတ်နေရတဲ့ အချက်သမားတွေ , အော်ဒါကောက်လိုက် လာပြောလိုက် ပြန်လာယူလိုက် အချက်သမားနဲ့ ကတောက်ကဆတ်ဖြစ်လိုက် ဗျာများနေတဲ့ စားပွဲထိုးတွေရဲ့ စိတ်ပင်ပန်းလူပင်ပန်း အလုပ်ခွင်ကြီးကို La cocinaမှာ စိတ်ညစ်စရာကောင်းလောက်အောင်ကို ပြထားတယ်။ ဘယ်အလုပ်မဆို ပင်ပန်းကြတာချည်းပေမဲ့ ဘယ်နေရာက စားဖိုဆောင်မဆို ဒီလိုပင်ပန်းကောင်း ပင်ပန်းနိုင်ပေမဲ့ ဒီစားဖိုဆောင်မှာ အလုပ်လုပ်နေတဲ့လူတွေက တရားမဝင် အလုပ်သမားတွေပါ။ ပြောဆိုဆက်ဆံနေရတဲ့ ဘာသာစကားလည်းမတူသလို အလုပ်ပြုတ်သွားရင်လည်း ဘဝပျက်သွားနိုင်တဲ့ သူတို့အတွက် စိတ်ပင်ပန်းတဲ့ ဒဏ်က ပိုပြင်းတယ်။ မများလှတဲ့လခနဲ့ အထင်သေးတဲ့အကြည့်တွေရဲ့ ဒဏ်ကလည်း တစ်ပိုင်းပေါ့။ ဒီစားဖိုခန်းထဲက လူအများစုက ဒီလိုလူတွေပဲ။ ဒါကိုလည်း ဒါရိုက်တာက ဇာတ်ကောင်တစ်ကောင်တည်းကိုပဲ ဦးတည်မှုသက်သက်ထားထားတာမဟုတ်ဘဲ ကျန်တဲ့ဇာတ်ကောင်တွေရဲ့ အခြေအနေကိုလည်း ပြသင့်သလောက်ပြသွားတယ်။ ပြောရရင် François Truffautရဲ့ The Last Metroထဲက ပြဇာတ်ရုံကို ပြသလို Alonso Ruizpalaciosက စားဖိုဆောင်ကိုပြထားတယ်။ တူညီတဲ့အခြေအနေအောက်က မတူညီတဲ့ဒုက္ခတွေ, မတူညီတဲ့အခြေအနေအောက်က တူညီတဲ့ဒုက္ခတွေ အစုံပေါ့၊။ ဒီမှာပဲဖြစ်ဖြစ် ဒီမှာမဟုတ်တဲ့တခြားဆီမှာပဲဖြစ်ဖြစ် ကိုယ်တိုင်ပဲဖြစ်ဖြစ် ဆက်စပ်သက်ဆိုင်နေတဲ့လူတွေပဲဖြစ်ဖြစ်အတွက် ဒီလိုအလားတူလုပ်ငန်းခွင်တွေဟာ ကျွန်တော်တို့ရဲ့ အရှိတရားတွေပဲဆိုတော့ ဒီအခြေအနေတွေအားလုံးက ကျွန်တော်တို့ဝင်ခံစားပေးလို့ရတဲ့ အခြေအနေတွေချည်းပဲ။ ဒါကြောင့်လည်း ဒီရုပ်ရှင်ရဲ့ပြကွက်တိုင်းနီးပါးက ကျွန်တော့်ရင်ထဲတော့ တော်တော်ရောက်ခဲ့တယ်။ ပိုဆိုးတာက ဇာတ်လမ်းစကတည်းက The Grillမှာ ဆိုင်ငွေဒေါ်လာ၈၀၀ပျောက်သွားတယ်။ အဲဒီငွေ၈၀၀ကို ခိုးတဲ့လူကို ဆိုင်ပိုင်ရှင်က မန်နေဂျာကို ရအောင်ရှာခိုင်းလိုက်တယ်။ မန်နေဂျာက တစ်ယောက်ပြီးတစ်ယောက်ကို စစ်မေးခဲ့တယ်။ မျက်နှာငယ်ရတဲ့အထဲ စွပ်စွဲခံရသလိုပါဖြစ်နေတော့ အကုန်အဆင်မပြေကြဘူးပေါ့။ ဒီဒဏ်ကို အဆိုးဆုံးခံရတာက အဓိကဇာတ်လိုက်ဖြစ်တဲ့ ပီဒရိုနဲ့ သူနဲ့ကြိုက်နေတဲ့ ဂျူလီယာ။ ဒီမတိုင်ခင်က ဂျူလီယာက ပီဒရိုနဲ့ရတဲ့ကိုယ်ဝန်ကို ဖျက်ချဖို့ လိုတဲ့ငွေ ၈၀၀ကို လိုက်ချေးခဲ့တယ်။ အဲဒီငွေကို ပီဒရိုက ရအောင်ရှာကြံထုတ်ပေးလိုက်တယ်။ ပမာဏလည်း တူနေတော့ သံသယက သူတို့ခေါင်းပေါ်တည့်တည့်ကျလာတယ်။ ဒီကြားထဲ ဆိုင်ပိုင်ရှင်က ပီဒရို့ကို မင်းအလုပ်လုပ်နေတာ နှစ်လည်းကြာနေပြီ မင်းကို တရားဝင်နေထိုင်သူဖြစ်အောင် ဗီဆာလျှောက်ဖို့ကူပေးမယ်ဆိုပြီး မျှော်လင့်ချက်အတုတွေပေးထားသေးတော့ ပီဒရို့မှာ သူခိုးလို့လည်းအထင်ခံရ မျှော်လင့်ချက်လေးကလည်းပျက် ၂ခါမကနာရင်း မကနာတဲ့ကြားက တခြားအဖြစ်ပေါင်းစုံပါ ထပ်ပေါင်းလာတဲ့အချိန် ပြုတ်ကျသွားတဲ့ ပီဒရို့အခြေအနေကို La cocinaမှာ အဓိကမြင်ရလိမ့်မယ်။ ပီဒရို့ဇာတ်ကောင်ကို တည်ဆောက်ထားပုံက‌ တော်တော်လေး သဘောကျစရာကောင်းတယ်။ စစမှာ သူ့ကို မကောင်းတဲ့လူတစ်ယောက်နီးနီး ပုံဖော်ထားတယ်။ နောက်ပိုင်း သူ့ကောင်းခြင်းဆိုးခြင်းကို အကဲဖြတ်ဖို့ခက်လာတယ်။ နှစ်ခုလုံး ရောပြွမ်းနေတယ်ပေါ့။ အဆုံးသတ်မှာ သူ့ကို ကျွန်တော်တို့စာနာမိတဲ့အချိန်မှာ သူနဲ့အတူတူ ကျွန်တော်တို့ပါ ပြုတ်ကျတော့တာပါပဲ။ တစ်နည်းပြောရရင် ဒီဇာတ်လမ်းဟာ ကမ္ဘာပြိုသူတစ်ယောက်အကြောင်းပေါ့။ La cocina ကို တစ်ကားလုံး အဖြူအမည်းနဲ့ ပြထားပေမဲ့ အရောင်ပါတဲ့ ဇာတ်ဝင်ခန်း နှစ်ခန်းတော့ရှိခဲ့တယ်။ အရောင်ဆိုပေမဲ့လည်း တစ်ရောင်တည်းတွေပါပဲ။ တစ်ခန်းကတော့ အပြာရောင်တွေမှိုင်းနေတယ်။ အပြာဆိုတာ ရမ္မက်ရဲ့အပြစ်တွေကို ကိုယ်စားပြုတဲ့အရောင်လည်းဖြစ်နေသလို ဒီအပြာကို ရမ္မက်တွေပြည့်နေတဲ့ ဇာတ်ဝင်ခန်းမှာပဲ သုံးထားတာဆိုတော့ ဒါတော့ရှင်းရှင်းလင်းလင်းပါပဲ။ အစိမ်းကိုတော့ ဇာတ်ဝင်ခန်းတစ်ခန်းမှာ စကားနဲ့တစ်ခါပြောပြီး , ဇာတ်ဝင်ခန်းတစ်ခန်းမှာ အရောင်နဲ့တစ်ခါပြခဲ့တယ်။ အဲဒီဇာတ်ဝင်ခန်းမှာ သူတို့အလုပ်သမားတစ်အုပ်ဟာ အလုပ်နားချိန်မှာ တိုက်နောက်ဘေးလမ်းထဲ ထိုင်နေခဲ့ကြတယ်။ နားချိန်အထိကို တောက်ပနေတဲ့ Times Squareကြီးက သူတို့နဲ့မသက်ဆိုင်ဘဲ ညစ်ပေမှုန်မှိုင်းနေတဲ့ နောက်ဖေးလမ်းကသာ သူတို့နဲ့သက်ဆိုင်ခဲ့ပုံပါပဲ။ ထိုင်နေရင်း သူတို့တွေ တစ်ယောက်ကိုတစ်ယောက် အိပ်မက်တွေအကြောင်း ပြောပြကြတယ်။ သူတို့မက်တဲ့အိပ်မက်တွေဟာ တစ်ခုမှ ကြီးကြီးကျယ်ကျယ်မဟုတ်ပါဘူး။ ရိုးရိုးကုတ်ကုတ်လေးတွေချည်းပဲ။ အိမ်လေးတစ်လုံး နေရာလေးတစ်ခု ဘဝလေးတစ်ခု ဒီလောက်လေးတွေပဲ။ နောက်ဆုံးတစ်ယောက်ပြောတဲ့ အိပ်မက်ကတော့ ထူးခြားတယ်။ သူ့အမြင်အိပ်မက်ဆိုတာ သိပ်ကံကောင်းတဲ့လူတွေပဲ မက်နိုင်တဲ့ အခွင့်အရေးတစ်ခု ဖြစ်ခဲ့ပုံပါပဲ။ အိပ်မက်ဆိုတာကိုတောင် မမျှော်လင့်ရဲတဲ့ အဆိုးဆုံးအခြေအနေတစ်ခုကိုရောက်သွားတဲ့ လူတစ်ယောက်အကြောင်းကို သူပြောပြခဲ့တယ်။ နောက်ဆုံး အစိမ်းရောင်အလင်းတန်းတစ်ခုက အဲဒီလူကို ကယ်တင်သွားတဲ့အကြောင်း ပြောပြခဲ့တယ်။ အဲဒီလူရဲ့ဘဝမှာ အဆိုးဆုံးအခြေအနေကိုမရောက်ခင်တုန်းက အိပ်မက်တစ်ခုရှိခဲ့ဖူးမှာ သေချာပါတယ်။ အဆိုးဆုံးအခြေအနေကိုရောက်သွားတဲ့နောက် အိပ်မက်ကို သူမမျှော်လင့်ရဲတော့တဲ့ အခြေအနေရောက်သွားခဲ့တယ်။ ဒီအချိန်မှာ ဒီအခြေအနေက လွတ်မြောက်ဖို့မျှော်လင့်ချက်က အိပ်မက်အသစ်တစ်ခုလို ဖြစ်ကောင်းဖြစ်သွားပါလိမ့်မယ်။ ဒါပေမဲ့ သူ့တကယ့် အိပ်မက်တော့မဟုတ်တော့ဘူး။ အဲဒီအစိမ်းရောင်အလင်းတန်းဟာ အိပ်မက်ကို မမျှော်လင့်ရဲတော့တဲ့ ကျွန်တော်တို့အားလုံးအတွက် မျှော်လင့်ချက်တစ်ခု ဖြစ်ကောင်းဖြစ်ပါလိမ့်မယ်။ ကျွန်တော်တို့ဘဝတွေမှာလည်း အစိမ်းရောင်အလင်းတန်းတစ်ခု ရှိကောင်းရှိလာလိမ့်မယ်။ (အညွှန်းနဲ့ဘာသာပြန်ကတော့ WiRa Aung ဖြစ်ပါတယ်။) File size…(3 GB) / (1.2 GB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….02:19:52 Subtitle….Myanmar Subtitle (Hardsub) Encoder….Double K Translated by WiRa Aung

“The Rage: Carrie 2” ဟာ Stephen King ရဲ့ နာမည်ကျော် “Carrie” ရဲ့ နောက်ဆက်တွဲအဖြစ် ထွက်ရှိလာတဲ့ ရုပ်ရှင်တစ်ကားပါ။ Stephen King ဟာ ကမ္ဘာကျော် ဟော်ရာစာရေးဆရာဖြစ်ပြီး သူ့ရဲ့ “The Shining,” “IT,” “The Stand” စတဲ့ ဝတ္ထုတွေဟာ ရုပ်ရှင်အဖြစ် အောင်မြင်စွာ ရိုက်ကူးခဲ့တာကြောင့် ဟောလိဝုဒ်မှာ အတော်လေး လွှမ်းမိုးမှုရှိခဲ့ပါတယ်။ ဒီဇာတ်လမ်းမှာ ရေချယ်လန် (Emily Bergl) ဆိုတဲ့ ဆယ်ကျော်သက်မိန်းကလေးရဲ့ အကြောင်းကို အဓိကရိုက်ကူးထားတာပါ။ Emily Bergl ဟာ နောက်ပိုင်းမှာ “American Crime,” “Shameless” စတဲ့ TV series တွေမှာ ပါဝင်ခဲ့ပါတယ်။ မူလဇာတ်လမ်းက Sue Snell အဖြစ် ပြန်လည်ပါဝင်လာသူ Amy Irving ဟာ “Yentl,” “Crossing Delancey” နဲ့ Steven Spielberg ရဲ့ “Close Encounters of the Third Kind” တို့မှာ အောင်မြင်မှုရရှိခဲ့ပြီး မူလ “Carrie” (1976) မှာလည်း ပါဝင်ခဲ့ပါတယ်။ ဒီဇာတ်လမ်းဟာ ကျောင်းတွင်း အုပ်စုဖွဲ့ဖိနှိပ်မှုတွေ၊ လက်စားချေခြင်းတွေကို အဓိကထားပြီး၊ ရေချယ်ရဲ့ စိတ်၀င်စားစရာ စွမ်းအားတွေနဲ့ ပေါင်းစပ်ထားတဲ့ ဟော်ရာဇာတ်လမ်းလေးပဲဖြစ်ပါတယ်။ File size… (2.1 GB) / (1.2 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Horror, Thriller, Science Fiction Subtitle….Myanmar Subtitle (Hardsub) Encoder….Swan Min Htet Translated by Banyar Aung