Stan Lee (2023) ~ IMDb - 7.2/10, Rotten Tomatoes - 88% ~ Superhero ပရိသတ်တွေရင်ထဲမှာ Stan Lee ဆိုတဲ့ နာမည်ကိုကြားတာနဲ့ Marvel ရဲ့ပဲ့ကိုင်ရှင်၊ ကျွန်တော်တို့ချစ်တဲ့ Superhero တွေရဲ့ ဖခင်ကြီးအဖြစ် တံဆိပ်ခတ်နှိပ်ထားပြီးသားဖြစ်လို့နေပါတယ်။ Stan Lee နဲ့ Marvel ဟာ ဒင်္ဂါးပြားတစ်ခုရဲ့ ခေါင်းနဲ့ပန်း လိုပါပဲ။ Stan Lee မရှိရင် Marvel ဆိုတာလည်းဖြစ်မလာနိုင်ပါဘူး။ Fantastic Four ကစလို့ X-Men, Spider-Man, Iron Man, Captain America, Hulk, Thor, Dr. Strange, Black Panther တို့လိုစူပါဟီးရိုးတွေအပြင် တခြား ဟီးရိုးနဲ့ ဗီလိန်ပေါင်းများစွာကို ဖန်တီးခဲ့တဲ့ Stan Lee ကို Marvel ရဲ့ ဥသျှောင်တင်မက စူပါဟီးရိုးယဉ်ကျေးမှုကြီးရဲ့ ဥသျှောင်အဖြစ်တင်စားရင်တောင် လွန်မယ်မထင်ပါဘူး။ စူပါဟီးရိုးရုပ်ပြစာအုပ်တွေကို Stan Lee ခေတ် မတိုင်ခင်က အပျော်တမ်းဖတ်ကလေးကြိုက်အဖြစ်ယူဆထားခဲ့ပေမဲ့ Stan Lee ဟာ အဲဒီထုံးတမ်းတွေကို ရိုက်ချိုးပြပြီး လူကြီးလူငယ်မရွေး ဖတ်ရှုအသည်းစွဲနိုင်တဲ့ စူပါဟီးရိုး‌တွေ အကြောင်း ရုပ်ပြတွေကို ဖန်တီးပေးခဲ့ပါတယ်။ Timely Comics ကနေ Atlas Comics... Atlas ကနေ Marvel အထိ တဖြည်းဖြည်းဆွဲတင်ပေးခဲ့တဲ့အပြင် တစ်ကမ္ဘာလုံးက လူမျိုးဘာသာ ကျားမ အသက်အရွယ်မရွေး ပရိသတ်တွေအတွက် စိတ်အပန်းပြေစရာ စိတ်လှုပ်ရှားစရာ ဆွေးနွေးငြင်းခုန်စရာ Culture ကြီးတစ်ခုကို ပုံပေါ်လာအောင် ထုဆစ်ပေးခဲ့တဲ့ Stan Lee အကြောင်း အထုပ္ပတ္တိ Documentary လေးဖြစ်ပါတယ်။ Stan Lee ရဲ့ငယ်ဘဝ၊ သူ့ရဲ့အိမ်ထောင်ရေး၊ သူ့ရဲ့ဘဝဇာတ်လမ်း၊ စူပါဟီးရိုးတွေအပေါ်ရှုမြင်ပုံအပြင် Stan Lee ရဲ့ အတွေးအခေါ် အယူအဆတွေကို Stan Lee ရဲ့ နောက်ခံအသံ၊ Animation မြိုင်မြိုင်နဲ့ ရိုက်ကူးထားပါတယ်။ ကြည့်ရင်း ကြက်သီးတွေထရတဲ့အခါရှိမယ်၊ Stan Lee ကို သနားမိတဲ့အခါတွေရှိမယ်၊ ရင်ထဲနွေးသွားရတဲ့အခါတွေရှိမယ်။ ကျွန်တော်တို့ငယ်ငယ်က ပုံပြင်နားထောင်ရသလိုပေါ့။ စိတ်ဝင်တစားနဲ့ မျက်တောင်မခတ်တမ်း ပါဝင်စီးမျောသွားနိုင်မယ့် Documentary လေးတစ်ခုဖြစ်တာကြောင့် စူပါဟီးရိုးပရိသတ်တွေတင်မက စူပါဟီးရိုးနာမည်လေးတစ်ခုကြားဖူးတဲ့သူတွေအနေနဲ့တောင် လက်မလွှတ်သင့်တဲ့ Documentary တစ်ခုပါ။ Stan Lee ဟာ 2018 ခုနှစ်မှာ ကွယ်လွန်ခဲ့ပေမဲ့ သူဖန်တီးခဲ့တဲ့ ဇာတ်ကောင်တွေနဲ့အတူ Stan Lee ဟာလည်း ကျွန်တော်တို့ရင်ထဲမှာ အမြဲထာဝရ ရှင်‌သန်နေဦးမှာဖြစ်ပါတယ်။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.35GB, 900MB Quality - 1080p, 720p IMDb Rating - 7.2/10 Format - mp4 Duration - 1H 26Min Genre - Biography, Documentary Subtitle - Myanmar Subtitle (Hardsub) Translated by Min Thant Bo Encoded by Y

ဟိုးအရင်တုန်းက ညဘက်မှာ လမ်းပျောက်ရင် ဓူဝံကြယ်ကိုကြည့်ပြီး လမ်းရှာခဲ့ကြပါတယ် ဓူဝံကြယ်ကိုရော ဘယ်လိုရှာသလဲ... အတောက်ပဆုံးဆိုတဲ့ "ကယ်ဆီယိုးပီးယား" ဆိုတဲ့ ကြယ်စုတန်းကို ရှာတွေ့ရင် ဓူဝံကြယ်ကို ရှာတွေ့ပါသတဲ့လေ... ဒါဆိုရင် ညဘက်မှာလမ်းပျောက်ရင် ကြယ်ကိုကြည့်ပြီး လမ်းရှာနိုင်ပေမဲ့ နေ့ခင်းဘက်မှာ လမ်းပျောက်ရင်ရော... တကယ်တမ်း နေ့ခင်းမှာလမ်းပျောက်ခဲ့သူကတော့ ဘတ်ဆူဂျင်းပါပဲ ဘတ်ဆူဂျင်းဟာ သမီးနဲ့ နှစ်ယောက်တည်းနေရင်း တစ်ခုခုဆို အဖေဖြစ်သူကိုပါ အကူအညီတောင်းနေရသူ တစ်ယောက်ပါ ဖြစ်ချင်တော့ အသက် ၃၀ ကျော်ပဲရှိသေးတဲ့ ဘတ်ဆူဂျင်းဆီကို မထင်မှတ်ထားတဲ့၊ အဲဒီအသက်အရွယ်မှာ ဖြစ်ခဲလှတဲ့ Dementia လို့ ခေါ်တဲ့ သတိမေ့တတ်တဲ့ ရောဂါကြီး ရောက်လာခဲ့ပါတော့တယ်။ တကယ်တမ်း အရေးကြုံလာရင် ဘေးနားမှာရှိပေးတာက မိဘပါပဲ၊ ဘတ်ဆူဂျင်းရဲ့အဖေကတော့ သမီးဖြစ်သူရဲ့ ဘေးမှာ စောင့်ရှောက်ပေးရင်း အရာရာကို အတူတူရင်ဆိုင်ပေးခဲ့တာပါ ဘတ်ဆူဂျင်းအဖြစ် သရုပ်ဆောင်ထားတာကတော့ Why Her? ကရှေ့နေမမ အိုဆူဂျယ် (Seo Hyun Jin) ပဲဖြစ်ပါတယ်၊ ရှေ့နေဆိုတဲ့ ဇာတ်ကောင်တူနေပေမဲ့ လုံးဝကွဲပြားနေတာကတော့ သတိမေ့တတ်တဲ့ ပုံစံနဲ့ သရုပ်ဆောင်ရတဲ့ဇာတ်ကောင်စရိုက် ပါပဲ ဒီရုပ်ရှင်ကတော့ Seo Hyun Jin ရဲ့ next level ရောက်နေတဲ့ သရုပ်ဆောင်ချက်တွေနဲ့တင် ကြည့်ရတာ အရမ်းကိုတန်နေပါပြီ နောက်ဆုံးမှာ လမ်းပျောက်နေတဲ့ ဆူဂျင်းတစ်ယောက် ရှာတွေ့သွားနိုင်မလားဆိုတာ ကြည့်ရှုခံစားလိုက်ကြပါဦးနော် အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre..... Drama Quality…. 1080p | 720p | 480p File size…  931MB | 534MB | 238MB Format… mp4 Duration…. 1h 41min Subtitle…. Myanmar Subtitle (Hardsub) Translator ..... Joyz Encoder ..... August

ထွက်ရှိထားတာ မကြာသေးပဲ hot ဖြစ်နေတဲ့ American Comedy Genre ဇာတ်ကားလေးဖြစ်ပြီး Riverdale မင်းသမီးချော Camila နဲ့ Stranger Things မင်းသမီး Maya Hawkes တို့အတွဲညီညီ သရုပ်ဆောင်ထားတဲ့ကားလေးဖြစ်ပါတယ်။ ဇာတ်လမ်းအကျဉ်းကတော့ ... ဒရေယာက အမေတစ်ခု သမီးတစ်ခုဖြစ်ပြီး ဆင်းရဲပေမယ့် ရို့စ်ဟေးလ်ကျောင်းကို ပညာသင်ဆုနဲ့ တက်ရောက်ခွင့်ရရှိထားသူပါ။ သူ့ရည်မှန်းချက်ကတော့ နာမည်ကျော် ရေးလ်တက္ကသိုလ်တက်ရဖို့ဖြစ်ပြီး ကျောင်းမှာလည်း ထိပ်ထိပ်ကြဲ လူချမ်းသာ သားသမီးတွေနဲ့ ဝင်ဆံ့တဲ့အထိ ပါးနပ်ပါတယ်။ ကံဆိုးတာက သူ့ချစ်သူ သူဌေးသားမက်စ်ဆီက ဒရေယာရဲ့ sex tape ပျံ့လာခဲ့ပြီး ဒရေယာက စိတ်မြန်လက်မြန်နဲ့ မက်စ်မျက်နှာကို လက်သီးတစ်လုံးကျွေးလိုက်ရာက သူ့အချစ်ဆုံး သူငယ်ချင်းဆိုသူတွေကိုပါ ဆုံးရှုံးလိုက်ရပြီး အပယ်ခံဖြစ်သွားပါတော့တယ်။ ကံကောင်းတာက သူ့အတွက် စစ်မှန်တဲ့သူငယ်ချင်းမလေး ပေါ်လာတာပါပဲ။ အဲဒါကတော့ သူ နွေရာသီ တင်းနစ်ကမ့်မှာ ဆုံခဲ့တဲ့ သူ့လိုပဲ စိတ်ဒဏ်ရာဒဏ်ချက်တွေအပြည့်နဲ့ အယ်လီနောဆိုတဲ့ လိင်တူချစ်သူ ကောင်မလေးပါပဲ။ သူတို့ရဲ့ရေစက်က အဲဒီမှာတင် မဆုံးတဲ့အခါ နှစ်ကောင်ပေါင်းပြီး ကျောင်းမှာ ဘယ်လိုပြန်မွှေကြမလဲဆိုတာ ကြည့်ရှုခံစားလိုက်ပါဦး။ (ဇာတ်လမ်းအညွှန်းကိုတော့ May Myat Thu က ရေးထားပါတယ်။) File Size          : 2.2GB, 938MB, 507MB Quality            : 1080p WEB-DL AC3 5.1CH, 20p WEB-DL, 480p Format            : mp4 Duration         : 1hr & 58mins Genre              : Comedy Translated by May Myat Thu & Kit Encoded by Kinnov

Right Person ကို Dating app ကနေတဆင့် ရှာနေတဲ့ ထက်မြက်တဲ့အမျိုးသမီးလေး ကိတ်ဟာဆိုရင် ဝေါ်ကာဆိုတဲ့ လူချောလူခန့်နဲ့ တွေ့ကြပါတော့တယ်။ မောင်လူချောက ပိုက်ဆံတွေသုံးပြီး ကိတ်ကို အချိုတွေကျွေးတော့ ကိတ်လည်း တစ်လအကြာမှာ သူဖွင့်ပြောတော့ ချက်ချင်းပဲလက်ခံပြီးတော့ တွဲခဲ့ကြတာပေါ့။ မောင်လူချောအကြောင်းသိထားတာဆိုလို့ ရုပ်ချော ရေလျှံတဲ့ အနုပညာပစ္စည်းကုန်သည်ဆိုတာအပြင် ဘာမှမရှိတော့ အချစ်ဆုံးသူငယ်ချင်းကလည်း သိပ်မယုံနိုင်ဖြစ်နေတော့ ကိတ်ခမျာ ချစ်သူဘက်ကကာပြီး သူ့ကို ဘယ်လောက်ထိချစ်ကြောင်းတွေပြောရတော့တာပေါ့။ တစ်နေ့တော့ ဝေါ်ကာတစ်ယောက် လူဆိုးတွေအလိုက်ခံရာကနေစပြီး သူတို့ကြားမှာ မသင်္ကာစရာတွေဖြစ်လာတော့ ဝေါ်ကာအကြောင်းစုံစမ်းရင်းကနေ ချစ်သူကောင်လေးအကြောင်းသိပြီးတော့ သူတို့တွေဘယ်လိုဆက်ပြီးနှစ်ပါးသွားကြမလဲဆိုတာကို ဒီဇာတ်လမ်းမှာ ကြည့်ရှုရမှာပဲဖြစ်ပါတယ်။ Love at First Lie ဆိုတဲ့ ဒီဇာတ်ကား‌လေးက IMDb 4.9/10 ရရှိထားတာမလို့ ပေါ့ပေါ့ပါးပါးကြည့်လို့ရမဲ့ ဇာတ်ကားလေးဖြစ်မှာပါခင်ဗျာ။

ဒီကားလေးကတော့ ဒုတိယကမ္ဘာစစ်ကာလအတွင်းကို ဇာတ်တည်ထားပါတယ်။ ဇာတ်လမ်းအစမှာ ပရက်စကော့တို့အဖွဲ့က ပင်လယ်ထဲမှာ အစာရေဆာပြတ်လတ်ပြီး ဖောင်တစ်ခုနဲ့ ပင်လယ်ထဲမှာမြောလာ တာနဲ့ စထားပါတယ်၊ ဒီလိုနဲ့ နာဇီသင်္ဘောတစ်စီးကိုတွေ့ပြီး အသတ်ခံရတာက ငတ်သေတာထက်တော့သာပါသေးတယ် လို့ခံယူပြီး အဲဒီသင်္ဘောပေါ်ကို တက်သွားကြပါတော့တယ်။ သင်္ဘောပေါ်မှာ လူတစ်ယောက်မှမတွေ့တော့ ထူးဆန်းတယ်ဆိုပြီး သင်္ဘောအနှံ့လိုက်ကြည့်ကြတဲ့အချိန်မှာ မိုင်ယာလို့ခေါ်တဲ့ကလေးမ လေးနဲ့တွေ့ခဲ့ကြပါတယ်။ ဘယ်သူမှမရှိတဲ့ သင်္ဘောပေါ်မှာ ကလေးမလေးတစ်ယောက်တည်း ဘာလို့ရှိနေရတာလဲ၊ သင်္ဘောပေါ်မှာ ဘာတွေဖြစ်သွားခဲ့တာလဲ၊ ပရက်စကော့တို့ကရော ဘာတွေကြုံရမလဲဆိုတာကိုတော့ 2019 ခုနှစ်ထွက်ရှိထားပြီး IMDb rating 5.4 ရရှိထားတဲ့ Blood Vessel ကားလေးမှာ ဆက်ပြီးကြည့်ရှုကြည့်ကြရအောင်နော်...

Nana’s Boys (2022) ============== ဒီတစ်ခေါက်ပရိတ်သတ်ကြီးအတွက် ခပ်အေးအေး BL Drama အမျိုးအစားလေးတစ်ခုကို တင်ဆက်ပေးလိုက်ပါတယ်။ ဒီဇာတ်လမ်းထဲမှာတော့ ကြေကွဲဖွယ်ရာအရိပ်အယောင်တွေ ပြည့်နေတဲ့ လူနှစ်ယောက် သူတို့ဆက်ဆံရေးကအရင်လို မခိုင်မြဲတော့တာကို ဘယ်လိုဖြေရှင်းကြမလဲဆိုတာကို စိတ် ဝင်တစားရိုက်ကူးတင်ဆက်ပြသထားတဲ့ဇာတ်လမ်းကောင် လေးတစ်ပုဒ်ပါ။ ဇာတ်လမ်းရဲ့အကျဉ်းချုပ်ကတော့… အမာရီလို့ခေါ်တဲ့ ကောင်လေးရဲ့မွေးနေ့ကို သူ့ရဲ့ဘဲကြီးဖြစ်တဲ့ Q က အစီအစဉ်တွေအပြည့်ချထားပါတယ်။ မွေးနေ့မှာ သူငယ် ချင်းတွေနဲ့ ပါတီတွေလည်းဆင်နွှဲမယ်၊ နောက်နေ့ခရီးပါထွက် မယ်‌ပေါ့။ ဒါပေမဲ့ သူတို့မထင်မှတ်ထားတာက အနားမှာပေါက် ကွဲမှုတစ်ခုဖြစ်ပြီး လူတွေကိုအပြင်မထွက်ရအမိန့်ထုတ်လိုက် တာပါ။ ဒါကြောင့် Q တစ်ယောက် သူစီစဉ်ပေးထားတာတွေ ပျက်ကုန်လို့စိတ်ကုန်နေခဲ့ပါတယ်။ ဒါပေမဲ့ ဒီဖြစ်ရပ်ကပဲ သူတို့ နှစ်ယောက်ရဲ့ ဆက်ဆံရေးကြားက အထစ်အငေါ့လေးတွေကို နှစ်ယောက်သား သေချာအချိန်ယူပြီး ဆွေးနွေးပြောပြတိုင်ပင် ခွင့်ရသလို ဖြစ်ခဲ့ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ June ဖြစ်ပါတယ်) File Size……….(1.4 GB) / (421 MB) Quality…………WEB-DL 1080p / 720p Duration………1Hr 18Min Subtitle………..Myanmar Hardsub Format…………MP4 Genre…………..Drama Translator…….June Encoder……….SWM

Mimamsa 2023 “တယ်ဆာရာမိုနိုစ် ခေါ် လေးလောင်းပြိုင်လူသတ်မှု Murder suspenseကိုနှစ်သက်တဲ့ပရိသတ်ကြီးတို့ ဇာတ်လမ်းနောက်ကလိုက်ပြီး ပဟေဠိအဖြေညှိဖို့အတွက် Mimamsaဆိုတဲ့ မှုခင်းစုံထောက်ကားလေးကို တင်ဆက်ပေးလိုက်ပါပြီ။ Murder suspense ပီပီ ဟိုလူဒီလူတရားခံထင်ရင်းနဲ့ နောက်ဆုံးမှာဘယ်လိုပလေးခံရမလဲဆိုတာ စီအမ်နဲ့တူတူ အဖြေရှာလိုက်ရအောင်ပါ။ မြို့ငယ်လေးတစ်ခုမှာ ဆက်တိုက်ဆိုသလိုဖြစ်လာတဲ့ ကွင်းဆက်လူသတ်မှုတစ်ခု၊ ကျွမ်းကျင်သူတစ်ယောက်ရဲ့လက်ရာအလား သေသပ်လွန်း ပိရိလွန်းလို့ ရဲတွေရဲ့ခေါင်းကိုက်စရာဖြစ်နေတဲ့အမှုဆိုရင်လည်းမမှားပါဘူး။ ဒီလိုနဲ့ ဒုတိယလူသတ်မှုဖြစ်လာချိန်မှာတော့ ပြည်သူနဲ့မီဒီယာကပါ ရဲဘက်ကိုဖိအားပေးလာချိန်မှာတော့ အဒီရာတစ်ယောက် အမှုကိုထဲထဲဝင်ဝင် စုံစမ်းဖို့ဖြစ်လာတဲ့အခါ… သဲလွန်စ‌ပျောက်ပြီး ဘဲဥအစရှာမရဖြစ်နေတဲ့အမှုကို အစဆွဲထုတ်ဖို့အတွက် လူသတ်သမားရဲ့စိတ်ကိုနားလည်ဖို့ အဒီရာတစ်ယောက် ကြိုးစားရင်းနဲ့ လူတွေကိုရော တိရစ္ဆာန်တွေကိုပါ ထဲထဲဝင်ဝင်ကူညီချင်တဲ့ ပါရမီရှင်ဒေါက်တာကာရန်နဲ့ ဆုံဖို့ဖြစ်လာပါတော့တယ်။ ဒါပေမဲ့ အမှုကိုနားလည်ဖို့ကြိုးစားလေ မဆုံးနိုင်လေဖြစ်နေတဲ့အပြင် လူသတ်မှုတွေကပါ ဆက်တိုက်ဖြစ်လာချိန်မှာ အဒီရာတစ်ယောက် ဘယ်လိုဆက်ဖြေရှင်းမလဲ။ ဒီလူသတ်မှုရဲ့နောက်ကွယ်မှာ ဘယ်လိုလက်မည်းကြီးတွေရှိနေမလဲဆိုတာ အားလုံးအတူ အဖြေရှာလိုက်ရအောင်ပါ။ (အညွှန်းနဲ့ဘာသာပြန်သူတွေက CM Bollywood Teamပဲဖြစ်ပါတယ်) (CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>Click Here )

Midnight Sun ဆိုတဲ့နေရောင်နဲ့ ထိတွေ့လို့မရတဲ့ကောင်မလေးရဲ့ အချစ်ဇာတ်လမ်းကိုရိုက်ထားတဲ့ ရုပ်ရှင်ကိုတော့တော်တော်များများ ကြည့်ဖူးကြမှာပါ။အခုတင်ဆက်ပေးမဲ့ Midnight Son ဆိုတဲ့ ဇာတ်ကားကတော့ နာမည်ချင်းဆင်သလို ဒီကားထဲကမင်းသားကလည်း နေရောင်နဲ့ထိတွေ့လို့မရပါဘူး။ဒါပေမယ့် ဒီကားကအချစ်ဇာတ်လမ်းဆိုတာထက် နည်းနည်း Dark ပိုဖြစ်တဲ့သွေးထွက်သံယိုတွေ သည်းထိပ်ရင်ဖိုတွေဖက် သွားပါတယ်။IMDb မှာ Rating 5.8 ရထားပြီး အဲ့လိုထူးထူးဆန်းဆန်း လူတွေအကြောင်းကြည့်ချင်တဲ့လူတွေအတွက်တော့ ကြည့်လို့ကောင်းမှာပဲ ဖြစ်ပါတယ်။ ဇာတ်လမ်းအကျဉ်း *************** ဂျေကော့ဘ်ဆိုတဲ့ ကောင်လေးတစ်ယောက်က အမြဲတမ်းဖြူဖတ်ဖြူရော် ဖြစ်နေပြီး သူ့မှာသွေးအားနည်းတတ်တဲ့ရောဂါရှိပါတယ်။အဲ့ဒီအပြင်ကိုမှ သူ့အရေပြားက မူမမှန်တဲ့အတွက် နေရောင်နဲ့ထိရင်အလွယ်တကူ လောင် ကျွမ်းတတ်ပါတယ်။ဒီတော့တစ်နေကုန် အိမ်ထဲမှာပဲနေပြီး ညဘက်မှာလုံခြုံရေး အဖြစ် အလုပ်လုပ်ရင်းအသက်မွေးနေပါတော့တယ်။တစ်နေ့မှာ ညဘက် လျှောက်သွားရင်း ကောင်မလေးတစ်ယောက်နဲ့တွေ့ခဲ့ပြီး သူငယ်ချင်းတွေ ဖြစ်သွားခဲ့ပါတော့တယ်။အဲ့ဒီနောက်ပိုင်းဂျေကော့ဘ်ရဲ့ ကျန်းမာရေးက ဆိုးသထက် ပိုဆိုးလာပြီး ကြံရာမရဖြစ်နေတဲ့အချိန်မှာ လူသွေးသောက်ကြည့်ဖို့ဆုံးဖြတ်ခဲ့ ပါတော့တယ်။ထူးဆန်းစွာနဲ့ပဲ လူသွေးသောက်ပြီးသက်သာသွားတဲ့အတွက် နောက်ပိုင်း ရဖို့ခက်ခဲတဲ့လူသွေးတွေကို အဆက်မပြတ်လိုလာတဲ့အခါမှာ ဂျေကော့ဘ်တစ်ယောက်ဘယ်လိုကြံဖန်ပြီးတော့ ဘယ်လိုနောက်ဆက်တွဲတွေ ဖြစ်လာမယ်ဆိုတာကို ကြည့်ရမယ့် ဇာတ်ကားပဲဖြစ်ပါတယ်။ File size…1.68 GB / 749 MB Quality…Blu-Ray 1080p 5.1 CH/ 720p Format…mp4 Duration….1h 28m Genre ….. Horror Subtitle….Myanmar Subtitle (Hard Sub) Encoder….Min Wai Translated by Saw Lay

The Boys in the Boat (2023) ~ IMDb – 7.1/10, Rotten Tomatoes – 57% ~ George Clooney ရိုက်ထားတဲ့ လှေခတ်တဲ့အကြောင်း ဖြစ်ရပ်မှန် အားကစားရုပ်ရှင်ပေါ့။ လှေခတ်ပြိုင်တဲ့ အားကစားက ခုတော့ ဒီမှာသိပ်မတွင်ကျယ်တော့ပေမဲ့ ရှေးရှေးက ရန်ကုန်တက္ကသိုလ်နောက်ခံ ဝတ္ထုတွေမှာတော့ လှေလှော်ခတ်တဲ့အားကစားဟာ တက္ကသိုလ်ရဲ့ အကျော်ကြားဆုံးအားကစားတစ်ခုအသွင်နဲ့ သရုပ်ဖော်ခဲ့ကြဖူးတယ်။ အခုထိလည်း ရှိတော့ရှိသေးပါတယ်။ အနောက်နိုင်ငံတွေဘက်ကြည့်ရင်လည်း လှေခတ်တဲ့အားကစားက တက္ကသိုလ်တွေမှာ တော်တော်အရေးပါတယ်။ လက်ရှိ လှေလှော်ပြိုင်ပွဲတွေဆို ၁၇ရာစုလောက်ကတည်းက လန်ဒန် သိမ်းမြစ်မှာ စခဲ့ပြီး ၁၈ရာစုမှာ ကျောင်းတွေအထိ ပျံ့နှံ့လာခဲ့တယ်။ ဒီရုပ်ရှင်ဆိုလည်း အမေရိကန်တက္ကသိုလ်ကျောင်းသားတွေရဲ့ လှေလှော်အသင်းက အိုလံပစ်မှာ ဝင်ပြိုင်ခဲ့တဲ့အကြောင်း ဖြစ်ရပ်မှန်ပေါ့။ ဆိုပေမဲ့လို့ သူတို့ရိုက်ပြဖို့ ရွေးလိုက်တဲ့အဖွဲ့က အတွေ့အကြုံဘာမှမရှိ၊ လှေခတ်တဲ့အကြောင်း ဘာမှမသိတဲ့ အဖွဲ့။ မိခင်အဖွဲ့ကလည်း အဲဒီခေတ်အနေနဲ့ တက္ကသိုလ်ကြီးတွေက အဖွဲ့ကြီးမဟုတ်ဘူး။ နယ်ဘက်လို ဘက်က ဝါရှင်တန်တက္ကသိုလ်ရဲ့ လှေလှော်အသင်းက ဂျူနီယာကောင်လေးတွေအကြောင်း။ ဝါရှင်တန်တက္ကသိုလ်ရဲ့ လှေလှော်အသင်းက လူသစ်စုဖို့ လူရွေးပွဲလုပ်တယ်။ လာတဲ့လူတွေတော့ အများကြီးပဲ။ အဲဒီထဲကနေမှ သူတို့က ၈ယောက်လှေလှော်အသင်းအတွက်လိုတဲ့ ရှစ်ယောက်ကိုပဲရွေးမှာ။ သူတို့ထဲက တချို့ဆို ပိုက်ဆံပေး နေစရာပေးတယ်ဆိုလို့ အဲဒါကိုမက်ပြီး ရောက်လာကြတာ။ လှေလှော်တဲ့အားကစားကို ချစ်ဖို့မပြောနဲ့ သေချာတောင်သိကြသေးတာမဟုတ်ဘူး။ ဆိုတော့ လှေလှော်အားကစားအကြောင်း နကန်းတစ်လုံးမှ မသိသေးတဲ့ဇာတ်ကောင်တွေနဲ့အတူတူ လှေလှော်တဲ့အားကစားအကြောင်းကြည့်ရင်း သူတို့ဒီအားကစားကိုချစ်လာပုံကို ကြည့်ရမှာဆိုတော့လည်း အားကစားဒရာမာတစ်ကားအနေနဲ့ ကြည့်ရတာ တော်တော်တော့ အဆင်ပြေတယ်။ ဆိုခဲ့သလို လှေခတ်တဲ့အကြောင်း ဘာမှတောင်မသိခဲ့တဲ့ကောင်လေးတွေကို လှေလှော်အသင်းနည်းပြက သေချာသင်ပေးရင်း ဒီအားကစားကို ချစ်တတ်လာအောင်ပါ သင်ပေးတာကို မြင်ရလိမ့်မယ်။ ရှစ်ယောက်စလုံး တစ်ယောက်နဲ့တစ်ယောက် တစ်ချက်တောင် ရစ်သမ်မလွတ်သွားဘဲ တစ်သားတည်းဖြစ်အောင်လှေခတ်နိုင်တဲ့အခါကျ လှေခတ်တာက အားကစားတစ်ခုဆိုတာထက် ကဗျာတစ်ပုဒ်သီရသလိုဖြစ်သွားလိမ့်မယ်တဲ့။ လူ၈ယောက် တစ်ယောက်နဲ့တစ်ယောက် မတိမ်းမစောင်း ဟန်ချက်ညီနေဖို့က တော်တော်ခက်လိမ့်မယ်။ ဒါကြောင့် နည်းပြက ၈ယောက်လှေလှော်တာက ကမ္ဘာ့အခက်ဆုံးအားကစားလို့ဆိုခဲ့တယ်။ ဒီလိုခက်ခဲတဲ့အားကစားနဲ့ ဘာမှမသိတဲ့ကလေးတွေကို 1936 Summer Olympics ကို ဝင်ပြိုင်နိုင်အောင် နည်းပြတစ်ယောက်ရဲ့ အားထုတ်မှုတွေကိုလည်း မြင်ရလိမ့်မယ်။ နောက်ထပ်တော့ အားကစားကားဆိုတဲ့အတိုင်း အားကစားစိတ်ဓာတ်အကြောင်း အားကစားသမားတွေရဲ့ စိတ်ဓာတ်အကြောင်းတွေကိုလည်း ပါးပါးလေးပြတယ်။ သရုပ်ဆောင်တွေကတော့ လောက်လောက်လားလားဆိုလို့ Joel Edgerton နဲ့ Callum Turner တို့ပဲပါမယ်။ သူတို့လည်းထူးထူးခြားခြားတော့ ကောင်းတယ်လည်း မဟုတ်ပါဘူး။ ဒါပေမဲ့လည်း ရှာရှားပါးပါး လှေလှော်အသင်းတွေ တက္ကသိုလ်တွေနဲ့ လှေလှော်အားကစားအကြောင်းကို ကြည့်ရမှာဖြစ်ပြီး အိုလံပစ်အထိပါ သမိုင်းဝင်ခဲ့တဲ့ ပွဲစဉ်တွေကို ပြန်ရိုက်ပြထားတာဆိုတော့လည်း စိတ်ဝင်စားဖို့ကောင်းတဲ့ အကြောင်းအရာတစ်ခုဖြစ်နေတယ်။ ဂျော့ကလူးနေးရဲ့ ဒါရိုက်တင်းစကေးကတော့ ထူးပြီးလည်းကောင်းမနေသလို ထူးပြီးလည်းညံ့မနေတော့ ကြည့်ကောင်းတဲ့ကားတစ်ကားအဖြစ်တော့ ရှိနေတယ်။ အမှန်ဆို ဒီရုပ်ရှင်ကို ၂၀၁၁ကတည်းက ဝင်းစတိန်းကုမ္ပဏီက ရိုက်ဖို့ကြံခဲ့ဖူးတယ်။ စာရေးဆရာဆီက ရိုက်ခွင့်လည်း ဝယ်ထားခဲ့တယ်။ စာအုပ်က ၂၀၁၃မှ ထွက်တာဆိုတော့ မရေးခင်ကတည်းက ရိုက်ခွင့်ကြိုဝယ်ထားသလား မထုတ်ခင်ဝယ်ထားသလားတော့ မသိပါဘူး။ စစတော့ Kenneth Branagh ကို ဒါရိုက်တာလုပ်ခိုင်းဖို့လုပ်ခဲ့တယ်။ အကြောင်းကြောင်းနဲ့ မရိုက်ဖြစ်ရင်း မတ်လ ၂၀၂၀မှာတော့ ဂျော့ကလူးနေးရိုက်ဖို့ ကြေညာခဲ့ပြီး ၂၀၂၄ ဇန်နဝါရီမှာ ဒစ်ဂျစ်တယ်အနေနဲ့ထွက်လာခဲ့ပါတယ်။ သေချာတာကတော့ Kenneth ဗားရှင်းဆို ပိုကောင်းမှာဖြစ်လို့ နှမြောတော့ နှမြောစရာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 7.4GB, 2.3GB, 1.2GB Quality – 4K HEVC, 1080p, 720p IMDb Rating – 7.1/10 Format – mp4 Duration – 2H 3Min Genre – Biography, Drama, Sport Subtitle – Myanmar Subtitle (Hardsub) Translated by WiRa Aung Encoded by Y

A Dog’s Will (2000) IMDb Rating (8.6) / Rotten Tomatoes (94%) ဂန္တဝင်ဇာတ်ကားအဖြစ်အသိအမှတ်ပြုခံထားရတဲ့ ဘရာဇီး ဇတ်ကားကောင်း အမေရိကန်ဟောလီဝုဒ်ဇာတ်ကား ကိုးရီးယားဇတ်ကား တရုတ်ဇတ်ကားဘောလီဝုဒ် ဇတ်ကားတွေနဲ့ရိုးနေပြီဆိုရင်တော့ တောင်အမေရိကတိုက် ဘရားဇီးနိုင်ငံကဇတ်ကားလေးတစ်ကား ကိုညွှန်းပေးချင်ပါတယ်။ ဒီဇတ်ကားက နာမည်ကြီးပြဇာတ်ကိုပြန်ရိုက်ထားတာဖြစ်ပါတယ်။ ဒါကြောင့်မို့ဇတ်ကောင်တွေရဲ့ သရုပ်ဆောင်တာကသမရိုးကျ ကားတွေနဲ့ကွဲထွက်နေမှာဖြစ်ပါတယ်။ ဒါကလည်းဇာတ်ကားရဲ့ဆွဲဆောင်မှုဖြစ်ပါတယ်။ ဟာသဆန်သလို တစ်ချို့နေရာတွေမှာ ကရုဏာသက်ရမှာဖြစ်ပါတယ်။ ဘာသာရေးဆိုင်ရာ အယူအဆတွေလည်းပါပါတယ်။ အစိုးရကို သရော်ထားတဲ့ အကွက်တွေလည်းပါပါတယ်။ ဟာသဆန်တဲ့ ဇတ်ကားဖြစ်ပေမဲ့ တစ်ချို့အခန်းတွေက ဂီတတွေကတော့ ဝမ်းနည်းစရာ ခံစားရစေပါတယ်။ ဇတ်လမ်းအကျဥ်း ဘရာဇီးလ်နိုင်ငံမြောက်ပိုင်း မြို့လေးတစ်မြို့မှာ ဂျက်ခ်နဲ့ ချီကို သူငယ်ချင်းနှစ်ယောက်က ပေါင်မုန့်ဖိုတစ်ခုမှာဝင်လုပ်ကြပါတယ်။ ဂျက်ခ်ကဆင်းရဲပေမဲ့ဥာဏ်ကောင်းတဲ့သူဖြစ်ပါတယ်။မုန့်ဖုတ်သမားယူရီကိုရဲ့ဇနီးဒိုရာမှာခွေးမလေးတစ်ကောင်ရှိပါတယ်။ဒိုရာက နောက်မီးလင်းတတ်သူဖြစ်ပါတယ်။ ခွေးမလေး စားရတဲ့ အစာက ဂျက်ခ်တို့စားရတဲ့ အစားအသောက်တွေထက်ကောင်းနေတာပါ။ခွေးမလေးနေမကောင်းဖြစ်လို့ ကတ်သလစ်ဘုန်းတော်ကြီး ဆီဆာရိုကို ကောင်းချီးပေးဖို့ဂျက်ခ်ကိုပြောခိုင်းပါတယ်။ ဖာသာက ငြင်းပါတယ်။ ဗိုလ်မှူးရဲ့ခွေးလို့ညာပြောတာနဲ့လုပ်ပေးမယ်ဖြစ်သွားပြန်ပါတယ်။ ကောင်းချီးပေးဖို့လာတော့ခွေးကသေနေပြီဖြစ်သလိုဒိုရာကခွေးကိုခရစ်ယာန်ထုံးစံနဲ့မြှုပ်ပေးဖို့တောင်းဆိုပါတယ်။ဗိုလ်မှူးရဲ့ခွေးမဟုတ်လို့မလုပ်ပေးဘူးလို့ဖာသာကပြောလိုက်ပါတယ်။ ဂျက်ခ်ကဖာသာကို ခွေးမလေးရဲ့ဆန္ဒအရတရားဝင် ဒီလိုလုပ်ဖို့စာရွက်ပေါ်မှာနှိပ်ထားတွေရှိပြီး ဖာသာအတွက်ရော ဘစ်ရှော့အတွက်ပါငွေတွေပေးဖို့ထားခဲ့တယ်ဆိုတာနဲ့အသုဘကိုလုပ်ပေးဖြစ်သွားပါတယ်။ ဗိုလ်မှူးက သူ့သမီးနေမကောင်းလို့ဖာသာကို ကောင်းချီးလာပေးခိုင်းတဲ့အခါ ဂျက်ခ် ဇာတ်လမ်းရှုပ်ထားတာကြောင့် အလွဲတွေဖြစ်ကုန်ပြီး ဗိုလ်မှူးကစိတ်ဆိုးပြီးဂိုဏ်းအုပ် ဘစ်ရှော့ကိုတိုင်ပါတယ်။ နောက်တော့ မြို့ကိုစစ်တပ် တပ်စုတစ်စုရောက်လာသလို ဗိုလ်မှူးသမီး ရိုစင်းဟာလည်း ရောက်လာပါတယ်။ သူ့ကို တပ်ကြပ် နဲ့ ဗလကြီးဗင့်စ်က ကြိုက်ပါတယ်။ချီကိုနဲ့ ရိုစင်းဟာဆုံမိပြီး နှစ်ယောက်စိတ်ဝင်စားသွားကြပါတယ်။ ဂျက်ခ်ကတပ်ကြပ်နဲ့ဗင့်စ်ရဲ့ပိုးကြေးပန်းကြေးလက်ဆောင်တွေကိုရိုစင်းဟာဆီယူသွားပေးပြီးချီကိုအတွက်ပါအကွက်တွေ ထွင်ပေးပါတယ်။ ဗိုလ်မှူးက ရိုစင်းဟာကို လက်ထပ်ဖို့ဖိအားပေးလာပါတယ်။ ချီကိုက ဂျက်ခ်ရဲ့အကူအညီနဲ့ ရိုစင်းဟာကို လက်ထပ်ရဖို့ ကြိုးစားလာပါတယ်။ မြို့ထဲကို ဓားပြတွေက ဝင်ဖို့ကြိုးစားလာပါတယ်။ ဗိုလ်မှူးနဲ့ ချီကိုတို့ဘာဆက်ဖြစ်မလဲဓားပြတွေနဲ့ မြို့သားတွေဘာဆက်ဖြစ်မလဲ။ ချီကိုနဲ့ ရိုစင်းဟာ တို့ဘာဆက်ဖြစ်မလဲဆိုတာကတော့ ဖန်သားပြင်ပေါ်မှာဆက်ကြည့်နိုင်ပါတယ်။ ဒိုင်ယာလော့အမိုက်စားတွေ ဂျက်ခ် နဲ့ ချီကိုတို့ရဲ့ သရုပ်ဆောင်အမိုက်စားတွေနဲ့ ဟာသအမိုက်စားတွေကိုကြည့်ကြည့်လိုက်ရင်း ဘရာဇီးရုပ်ရှင်ကိုမြည်းစမ်းကြဖို့ တိုက်တွန်းလိုက်ပါတယ်။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size… (3.3 GB) / (1.9 GB) Quality….Blu-Ray 1080p HEVC / 720p Format…. mkv/mp4 Genre….Comedy, Drama, Fantasy Duration….01:42:38 Subtitle….Myanmar Subtitle (Hardsub) Encoder….Benjamin Translated by Khin Sakar Khin

Crazxy(2025) “အတိတ်ရဲ့အရိပ်” IMDb – 7.3/10 ဒီရုံတင်ကားကတော့ ခွဲစိတ်ဆရာဝန်ကြီးဖြစ်တဲ့ ဒေါက်တာအဘီမန်ယူရဲ့ တစ်ကိုယ်တော်ဇာတ်လမ်းပေါ့ ရုံတင်ငွေအနေနဲ့လည်း ၁၅ကုဋေ ပြန်ရထားပါတယ် ဆရာဝန်တစ်ယောက်ဖြစ်ပေမဲ့ သမီးဖြစ်သူ ဉာဏ်ရည်မမီဘဲမွေးဖွားလာမှာမို့ မလိုချင်တဲ့ထိဖြစ်ပြီး ဇနီးဖြစ်သူနဲ့ပါ ကွာရှင်းခဲ့ပါတယ်။ ဒါပေမဲ့ တစ်နေ့မှာတော့ ကားမောင်းနေရင်းက သမီးဖြစ်သူကို ပြန်ပေးဆွဲထားတယ်ဆိုတဲ့ ဖုန်းခေါ်ဆိုမှုတစ်ခုဝင်လာခဲ့တယ်။ သမီးနဲ့ဇနီးပေါ်မှာ သံယောဇဉ်သိပ်မရှိသူမို့ နောက်ပြောင်ပြီးခေါ်ဆိုတယ်လို့ပဲ ထင်ခဲ့တာပေါ့။ အဘီမန်ယူတစ်ယောက် သူ့သမီးကို ပြန်ကယ်ဖို့ရာ ဘယ်လိုတွေရင်ဆိုင်ဖြတ်သန်းရမှာလဲ။ ပိုပြီးထူးခြားတာက ဒီကားမှာ ဒေါက်တာအဘီမန်ယူက တစ်ယောက်တည်းသော ဇာတ်ကောင်ပါ။ သူ့ရဲ့ အတွင်းစိတ်ခံစားချက်တွေ ရုန်းကန်လှုပ်ရှားမှုတွေကို နက်နက်ရှိုင်းရှိုင်း မြင်ရမယ်။ သူ့သမီးကို ပြန်ပေးဆွဲသွားတဲ့လူက ဘယ်သူလဲ၊ သူကရော အချိန်မီကယ်တင်နိုင်မလား၊ ပြန်ပေးသမားနဲ့ သူနဲ့က ဘယ်လိုပတ်သက်မှုတွေရှိနေမလဲ။ ဒီမေးခွန်းတွေရဲ့ အဖြေကို ရှာဖွေရင်းနဲ့ ဒတ်ပူးမင်းသားကြီး ရိုင်ယန်ရေးနိုးရဲ့ Buried (2010)လို ibeမျိုး ခံစားရမလားဆိုတာအားပေးကြည့်ရှုလိုက်ကြပါဦး။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )

ဟောလိဝုဒ်နာမည်ကြီးထုတ်လုပ်သူ၊သရုပ်ဆောင်ဖြစ်တဲ့ တိုင်လာပယ်ရီကိုယ်တိုင် ဇာတ်ညွှန်းရေးရိုက်ကူးတဲ့နောက်ဆုံးထွက်မှုခင်းကားသစ်လေး လာပါပြီ။ ဒီကားရဲ့ဇာတ်အိမ်က အမေရိကန်နိုင်ငံမှာ ၂၀၂၀ခုနှစ်က ဟိုလေးတစ်ကျော်ကျော်ဖြစ်သွားတဲ့ လူဖြူရဲတစ်ဦးက အာဖရိကနွယ်ဖွားGeorge Flyodကို အလွန်အကျွံအင်အားသုံး သတ်ဖြတ်ခဲ့တဲ့ ဖြစ်ရပ်နဲ့ ပုံစံတူ‌နေတာကြောင့် George Flyod ဖြစ်ရပ်ကို စိတ်ဝင်စားရင် ကြည့်သင့်တယ့်ကားလေးဖြစ်ပါတယ်။ ဇာတ်လမ်းအညွှန်း ရှေ့နေတစ်ဦးဖြစ်တဲ့ မာလေဝဲလ်ဟာ လူဖြူရဲတစ်ဦးရဲ့ အသေပစ်ခတ်ခြင်းခံလိုက်ရတဲ့ သူငယ်ချင်းဖြစ်သူ ရော့နေးဘလက်ဘန်းအတွက် တရားမျှတမှု ယူပေးဖို့ကြိုးစားရင်း ငွေကြေးအခက်အခဲဖြစ်နေတဲ့ ရော့နေး ရဲ့ဇနီးသည်ဖဲလာအတွက်ပါ ကျေအေးငွေလုံလောက်အောင်ရရှိရေး အမှုလိုက်ပေးဖို့ ဖြစ်လာပါတယ်။ ရော့နေးဟာအပြေးလေ့ကျင့်နေတုန်း သံသယဖြစ်ဖွယ်သေနတ်ကိုင်ဆောင်ထားသူလို့ ရဲတိုင်ခြင်းခံလိုက်ရပြီး ရဲတစ်ဦးရဲ့အသေပစ်ခတ်ခြင်းခံလိုက်ရပါတယ်။မာလေဟာ ဒီအမှုကိုကွင်းဆင်းစစ်ဆေးရာမှာ တော့ ကိစ္စတွေဟာ ထင်သလောက်မရိုးရှင်းပဲတစ်ယောက်ယောက်ကကြိုးကိုင်နေတာ သိလိုက်ရပါတယ်။ ဒီလိုနဲ့ မာလေဟာ ဖုံးကွယ်ထားတဲ့ဖြစ်ရပ်မှန်ကိုရည်းစားဖြစ်သူနဲ့ လုပ်ဖော်ကိုင်ဖက်တွေဖြစ်သူရဲ့အကူအညီနဲ့ ဖော်ထုတ်ဖို့ကြိုးစားပါ တော့တယ်။ ဒီဖြစ်ရပ်ရဲ့နောက်ကွယ်မှာ ဘယ်သူတွေရှိနေမှာလဲ ဘာလို့ဒီလိုလုပ်ရတာလဲဆိုတာတော့…. IMDB Rating ကသိပ်အားရစရာမကောင်းပေမယ့် ၂၀၂၅ထွက်ဒီအသစ်စက်စက်မှုခင်းကားဟာ ကြည့်သင့်တဲ့ ကားတစ်ကားဖြစ်ပါတယ်။အမေရိကန်ခေတ်သစ်လူ့အဖွဲ့အစည်းရဲ့ ပြသာနာဖြစ်တဲ့ လူမှုရေးဖောက်ပြန်မှု‌ တွေကို မီးမောင်းထိုးပြထားပြီး သာမာန်လူတွေရဲ့လူမှုရေးပြသာနာကနေ နိုင်ငံရေး အထိပါလာရောက်ရိုက်ခတ်ပုံကို ရိုက်ပြထားပါတယ်။ ဒါအပြင်လူဖြူရဲတွေရဲ့ လူမည်းတွေအပေါ်အလွန်အကျွံအင်အားသုံးမှုတွေရဲ့သက်ရောက်မှုနဲ့ ဒီလုပ်ရပ်တွေရဲ့အကျိုးဆက်တွေဟာ မသမာသူတွေအတွက် ဘယ်လိုအသုံးချစရာဖြစ်လာလဲ ဒီကားမှာ ကြည့်ရပါလိမ့်မယ်။ File size… (1.4 GB) / (820 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre… Drama Subtitle….Myanmar Subtitle (Hardsub) Encoder….Swan Min Htet Translated by Swan Yee Myo Thant

သွေးပျက်ထိတ်လန့်စရာကောင်းတဲ့ Horror Mystery Thriller အမျိုးအစား ရုပ် ရှင်ပရိသတ်တွေ အကြိုက်တွေ့ကြမယ့် The Possession of Hannah Grace ရုပ်ရှင်ကို တင်ဆက်ပေးလိုက်ပါတယ်… ဒီကားကိုတော့ နယ်သာလန်ရုပ်ရှင် ဒါရိုက်တာ Diederik Van Rooijen က ရိုက် ကူးပုံဖော်ပေးထားတာ ဖြစ်ပြီး Sony Pictures က ဖြန့်ချိလိုက်တာ ဖြစ်ပါတယ်။ မကောင်းဆိုးဝါး ပူးကပ်ခံရတဲ့ Hannah Grace ဆိုတဲ့ ကောင်မလေးတယောက် ဟာ သေဆုံးသွားချိန်အထိ မကောင်းဆိုးဝါး ပူးကပ်ခံနေခဲ့ရတယ်။ သူရဲ့ အလောင်းဟာ သေဆုံးပြီး လပေါင်းများစွာကြာပြီးမှ ဆေးရုံရင်ခွဲရုံကို ရောက်လာခဲ့တယ်။ အဲဒီအချိန် ဆေးရုံမှာ တာဝန်ကျတဲ့ ဝန်ထမ်းအသစ် ရဲဝန်ထမ်းဟောင်း Megan Reed နဲ့ သွားဆုံကြတဲ့အခါ ဘာတွေ ဆက်ဖြစ်လာမလဲ။ ဒါဟာ တကယ်လား၊ ဘယ်သူမှမရှိတဲ့ ရင်ခွဲရုံထဲမှာ စိတ်ခြောက်ခြားမှုများလားဆိုပြီး သွေးပျက်ထိတ်လန့်စရာ အခြေအနေတွေနဲ့ ရင်ဆိုင်ရချိန်မှာတော့ ဘာတွေ ဆက်ဖြစ်လာလိမ့်မလဲဆိုတာတွေကို ပရိသတ်တွေက ရှုစားကြရမှာပါ။ ဒီကားထဲမှာတော့ ကနေဒါ-ဖိလစ်ပိုင် သရုပ်ဆောင်မင်းသမီး Shay Mitchell နဲ့အတူ တခြားသရုပ်ဆောင်တွေ ဖြစ်ကြတဲ့ Grey Damon ၊ Kirby Johnson နဲ့ Stana Katic တို့ကလည်း ပါဝင်ထားကြတာ ဖြစ်ပါတယ်။ ဘတ်ဂျတ် အမေရိကန်ဒေါ်လာ ၆ သန်းနဲ့ ၉ သန်းခွဲကြား အကုန်အကျခံရိုက်ကူးထားတဲ့ ဒီရုပ်ရှင်ကားကို နိုင်ငံတကာမှာတော့ ပြီးခဲ့တဲ့နှစ် နိုဝင်ဘာလကတည်းက ပြသခဲ့တာ ဖြစ်ပါတယ်။ ဒီရုပ်ရှင်ကားဟာ Boxoffice မှာတော့ ဝင်ငွေ အမေရိကန်ဒေါ်လာ ၃၅ ဒဿမ ၉ သန်း ရရှိထားပါတယ်။ ဒီကားထဲမှာ ပါဝင်တဲ့ သွေးပျက်ထိတ်လန့်စရာ မြင်ကွင်းတွေ၊ ပြကွင်းပြကွက်တွေနဲ့ ပြောစကား Dialog တွေဟာ အသက် ၁၇ နှစ်အောက် ကလေးငယ်တွေ ကြည့်ရှုဖို့ မ သင့်တော်တာမို့ မိဘအုပ်ထိန်းသူ ခွင့်ပြုချက်နဲ့မှ ကြည့်ရှုသင့်တဲ့ Rated R အဆင့် သတ် မှတ်ထားပါတယ်။ ဒီကားဟာ မထွက်ခင်ကတည်းက လူအများစိတ်ဝင်တစား စောင့်မျှော်နေတဲ့ ဇာတ်ကားတစ်ကားလည်းဖြစ်ပါတယ်… File size… 1. GB / 600MB Quality… BluRay 1080p / 720p Format… mp4 Duration…. 1h 26m Genre ….. Horror/Thriller Subtitle…. Myanmar Subtitle (Hard Sub) Encoder…. Thit San Khant

Biography of the mutants ရုပ်ရှင်ဇာတ်လမ်းတွဲရဲ့ နောက်ဆုံးဇာတ်သိမ်းဖြစ်ပါတယ်။ဇာတ်သိမ်းမှာတော့ဘယ်လိုတွေ ပွဲကြမ်းကြမလဲကြည့်လိုက်ရအောင်နော်……အရင် ငါးကားလုံးလဲ CM မှာတင်ဆက်ထားပီးပါပြီ >> Biography of the Mutants – Channel Myanmar ဒီအပိုင်းမှာတော့ ပိုင်ဂူကျီရဲ့လမ်းပြမှုနဲ့ ကျန်းလျိုအာတို့အဖွဲ့ဟာ မိစ္ဆာမြို့ကိုရောက်လာကြပါတယ်။ ဒါပေမယ့် မသိလိုက်တဲ့အချိန်မှာပဲ ကျားလုံလော်ဖန်တီးထားတဲ့ အတုအယောင်ကမ္ဘာထဲမှာပိတ်မိသွားပြီးတော့ အကြိမ်ကြိမ်သေကြရပါတယ်။ ကျန်းလျိုအာလေးက သူ့ရဲ့ရှေ့မှာ သူချစ်တဲ့သူတွေအကြိမ်ကြိမ်သေနေတာကို မမြင်ရက်တော့တဲ့အဆုံး ကျားလုံလော်ကို သူတစ်ယောက်ထဲရင်ဆိုင်ဖို့ ဆုံးဖြတ်လိုက်ပါတယ်။ နောက်ဆုံးမှာတော့ ဖန်ဂူနှလုံးပိုင်ရှင် ကိုရင်လေးနဲ့ လျန်ရှခေါင်းဆောင် ကျားလုံလော်တို့ ထိပ်တိုက်ရင်ဆိုင်ကြတော့မှာပဲဖြစ်ပါတယ်။