ဂင်မ်ချီမြေက “ဦး” တွေကိုပဲငမ်းနေကြတဲ့ ယူတို့တွေ သင်္ဘောသီးထောင်းမြေက “ဦး” ကိုရော ပြောင်းမငမ်းချင်ကြဘူးလား ? လက်ရှိမှာ တပ်ကြပ်ရာထူးနဲ့တာဝန်ထမ်းဆောင်နေပြီး မနက်မိုးလင်းတာနဲ့အလုပ်ခွင်ဝင် ညနေအိမ်ပြန်ရောက်ရင် အနားယူ .. အိပ် .. နေ့စဥ်နေ့တိုင်း ဘဝကို ဒီလိုပျင်းစရာကောင်းအောင်ဖြတ်သန်းနေရတဲ့ “ဒန်း” ဘဝထဲကို တစ်နေ့မှာတော့မြားနတ်မောင်ကြီးရဲ့ကူညီစောင်မမှုနဲ့ အထက်တန်းကျောင်းသူအရွယ် “ဖတ်” ရောက်လာခဲ့တယ်။ မြင်မြင်ချင်းအချစ်လို့ပဲပြောရမလား အသက် ၃၀ ကျော်ကွာပြီး အဖေ့ထက်တောင်အသက်ကြီးတဲ့ “ဒန်း” ကို တခြားသူတွေက “ခွေးချီးရုပ်, ဂြိုဟ်သားရုပ်, ဖားကိုပြုတ်ထားတဲ့ရုပ်” အမျိုးမျိုးဝေဖန်ကြပေမယ့် “ဖတ်” မျက်လုံးထဲမှာတော့ “ဦး” က ရိုးရိုးလေးနဲ့ခန့်နေခဲ့တာပေါ့:) ဒီလိုနဲ့နှစ်ယောက်သား fall in love သွားကြပြီး နှစ်ယောက်ကြားအသက်ကွာဟမှုက များလွန်းတာကြောင့် အခက်အခဲတွေနဲ့ရင်ဆိုင်လာရပါတော့တယ်။ အတားအဆီးတွေအများကြီးနဲ့ “ဦး နဲ့ သမီး” ရဲ့ အချစ်ဇာတ်လမ်းလေးက ဘယ်လိုဖြစ်မလဲ .. “ဦး” အဖြစ် ထိုင်းဟာသကားပေါင်းများစွာရဲ့အဓိကဇာတ်လိုက်ကျော် “Phetthai Vongkumlao” နဲ့ “ဖတ်” အဖြစ် မင်းသမီးချောလေး “Daraphak Thawinun” က ပါဝင်သရုပ်ဆောင်ထားပါတယ်။ အညွှန်း နဲ့ ဘာသာပြန်ကတော့ Lai Laii ပဲ ဖြစ်ပါတယ်။ Genre.....Comedy, Romance Quality…. 1080p | 720p | 480p File size… 1.2GB | 674MB | 332MB Format… mp4 Duration….1h 30min Subtitle…. Myanmar Subtitle (Hardsub) Translator ..... Lai Laii Encoder .....August

A hyper-repressed and schlubby accountant (Jonas Chernick) strikes a deal with a worldly but disorganized stripper (Emily Hampshire): he'll help her with her crushing debt if she helps him become a better lover.

ကိုယ်အရွယ်ရောက်လာတဲ့ အချိန်မှာ ပထမဆုံးချစ်ဖူးတဲ့ လူဟာ ကိုယ့်ရဲ့လက်တွဲဖော်ဖြစ်လာနိုင်ရဲ့လား။ အချစ်ဦးတိုင်းမှာ ပျော်ရွှင်စရာ ဇာတ်သိမ်းမျိုး ရှိနိုင်ပါ့မလား။ ကျုပ်အနေနဲ့ဖြေရရင်တော့ ရှိနိုင်ပေမယ့် မလွယ်ကူဘူးလို့ပဲ ထင်တယ်ဗျ။ ဒီဇာတ်လမ်းထဲက အာရွမ်နဲ့ ဒါချ်နာလိုပေါ့။ ကောလိပ်ကို စရောက်တဲ့အချိန်ကနေ မြင်မြင်ချင်းရင်ခုန်မိတဲ့ နှစ်ယောက် အတူတူလက်တွဲခဲ့ကြပေမယ့် ၂၀ ပတ်လည် ကောလိပ်ကျောင်းသား ဘဝမှာ ကြုံကြရမယ့် အချစ်ရေးပြဿနာတွေ၊ အချင်းချင်းကို တသက်တာ မမေ့နိုင်မယ့် ဒဏ်ရာတွေ ပေးကြရင်း ဘယ်လိုအဆုံးသတ်ကို ဦးတည်ခဲ့ကြမလဲ။ ဒီဇာတ်လမ်းက အာရွမ်ဆိုတဲ့ အမျိုးသားဇာတ်ကောင်ရဲ့ ကောလိပ်ကျောင်းသားဘဝကနေ ၃၀ ပတ်လည် လူလတ်ပိုင်းအရွယ်ထိ သူ့ဘဝတစ်ဆစ်ချိုးပြောင်းလဲလာပုံတွေကို အသားပေးရိုက်ပြထားတာပါ။ လူငယ်ဘဝမှာ ကျောင်းကိစ္စ၊ အချစ်ရေး ၊ သူငယ်ချင်း လူလတ်အရွယ်မှာ စီးပွားရေးနဲ့ အိမ်ထောင်ရေး ဒါတွေကို ပျော်စရာရွင်စရာဆိုတာထက် လက်တွေ့ကျကျ ဖော်ကြူးထားတာပေါ့။ ဒီနှစ်ထဲပဲ လောလောလတ်လတ်ထွက်ထားပြီး IMDb မှာ 8.9/10 ထိရထားတဲ့အပြင် ရုံတင်ငွေရူပီး 50 crores ထိစံချိန်တင်ထားတာပါ။ ဇာတ်လမ်းရဲ့ကြာချိန် ၃ နာရီနီးပါးမှာ ဒါရိုက်တာ Vineeth နဲ့ သူ့ဇနီး Divya တို့ရဲ့ ကောလိပ်ကအကြောင်းတွေကို ဒါရိုက်တာကိုယ်တိုင်ရေးသားပြီး ပုံဖော်ရိုက်ကူးထားတာပေါ့။ ဆိုတော့ကာ ဒီပိတ်ရက်မှာလည်း Channel Myanamr ရဲ့ ဘောလိဝုဒ်ရုပ်ရှင်ချစ်ပရိတ်သတ်တို့ အပန်းဖြေရင်း ကြည့်ရှုခံစားလိုက်ကြပါဦးဗျာ။ File size…2.56GB /  1.1GB /  6.8GB Quality…True Web Dl 1080p AAC 5.1CH / 720p / 4k SDR HEVC DD+5.1CH Format…mp4 Duration….2h 52m Subtitle….Myanmar Subtitle(Hard Sub) Encoder…. Nyein Saeya Aung & YK Translated by Poe & Yunni & Honeyey & HM

ဂျက်စ် ဆိုတဲ့ ကောင်မလေးက မြို့ငယ်လေးတစ်မြို့မှာ သူငယ်ချင်းတစ်ယောက်နဲ့ စပ်တူ တီရှပ်ဆိုင်လေးတစ်ဆိုင် ဖွင့်ထားပါတယ် ဂျက်စ်ဟာ ငယ်စဉ်က ကားမတော်တဆမှုတစ်ခုမှာ အ‌မေဖြစ်သူကို ဆုံးရှုံးခဲ့ရတဲ့ မိတဆိုးတစ်ဦးဖြစ်ပြီး နှစ်တွေကြာခဲ့ပေမယ့် အတိတ်ကို ဖက်တွယ်ထားနေဆဲ ဖြစ်တဲ့သူတစ်ယောက်ပါ တစ်ရက်မှာတော့ သူတို့တီရှပ်ဆိုင်ဆီကို တိုးရစ် ကိုလူချောတစ်ဦး ရောက်လာလေတော့ သူတို့မြို့ငယ်လေးထဲမှာ မျက်နှာစိမ်းမများတာမို့ ဂျက်စ်တစ်ယောက် ဘန် ဆိုတဲ့ ကိုလူချောကောင်လေးကို မျက်စိကျသွားပြီး သူငယ်ချင်းရဲ့ တိုက်တွန်းမှုကြောင့်ပါ ညပါတီပွဲကို ဖိတ်လိုက်ပါတယ် ပါတီပွဲမှာ ကဲကြရင်း အစောကတည်းက ကြွေနေတဲ့ ဂျက်စ်တစ်ယောက် ဘန်ရဲ့ အပျော်စီးလှေပေါ်မှာ တစ်ညတာကို ဖြတ်သန်းခဲ့ပါတော့တယ် ဒါပေမယ့် ကိုလူချော ဘန်ဟာ ဂျက်စ် ထင်ထားသလို လူရိုးလေးမဟုတ်ခဲ့ဘဲ လျှို့ဝှက်ချက်တွေရှိနေ‌တဲ့အခါမှာတော့ ကျားဘက်လိုက်ပြီးကြိုက်ခဲ့တဲ့ ဂျက်စ်တစ်ယောက်တော့ အပျော်စီးလှေပေါ်မှာ ဒုက္ခတွေတသီကြီး ကြုံရတော့မှာပါ File size…(1.39GB)/(742MB)/(472MB) Quality….Webrip 1080p / 720p / 480p Format…mp4 Duration….01:30:00 Genre…Thriller Subtitle….Myanmar Subtitle (Hardsub) Encoder….Mr. Anderson Translated by Chuck

Take Care of Maya (2023) ================== IMDb Rating – 7.8/10 Netflix ရဲ့ မှတ်တမ်းရုပ်ရှင်ကောင်းတစ်ခုဖြစ်ပြီး Rating လည်း 7.8 အထိရထားပါတယ်။ Take care of Maya ဆိုတာ မာယာကိုဝါစကီးဆိုတဲ့ကောင်မလေး အသက်ဆက်ရှင်နိုင်ဖို့ ကြိုးစားရင်း အမေရိကန် ဆေးဘက်ဆိုင်ရာနဲ့ တရားဥပဒေ ရေးရာမှာ အတော်လေးပွဲဆူသွားတဲ့ case ပါ။ မာယာဟာ ငယ်စဉ်ကကျန်းမာပေမယ့် 10 နှစ်သမီးလောက်မှာ ထူးဆန်းတဲ့ အာရုံကြော ရောဂါတစ်ခုကိုခံစားလာရပါတယ်။ CRPS လို့ခေါ်တဲ့ ရောဂါကြောင့်ခြေထောက်တွေလက်တွေ မလှုပ်ရှားနိုင်အောင်ဖြစ်ပြီး ခန္တာကိုယ်အနှံ့ နာကျင်မှုတွေလည်း ဖြစ်လာပါတယ်။ သာမန်ဆေးထိုးဆေးကုနဲ့ပျောက်တဲ့ရောဂါ မဟုတ်ပဲ ကြာလေ ဆရာ၀န်တွေလည်း အဖြေရှာမတွေ့နိုင်အောင် ဖြစ်လာပါတယ်။ မိခင်ဖြစ်သူ ဘီရတာကိုဝေါစကီးကိုလည်း စိတ် ပုံမှန်မဟုတ်ဘူးဆိုပြီး စွပ်စွဲပြီး ကလေးသူငယ်စောင့်ရှောက်ရေး အဖွဲ့က အုပ်ထိန်းခွင့်ယူလိုက်ပါတယ်။ သောကတွေများနေတဲ့ မိခင်ဘီရတာက အဆုံးစီရင်သွားမှ အမှု ကပိုရှုပ်ထွေးလာပါတော့တယ်။ ဖြစ်ရပ်မှန်ကိုအခြေခံရိုက်ကူး ထားတဲ့ မှတ်တမ်းရုပ်ရှင် ဇာတ်ကားကောင်းဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thiha Yan Naing ဖြစ်ပါတယ်) File Size……….(1.94 GB) / (596 MB) Quality…………WEB-DL 1080p / 720p Duration………1Hr 43Min Subtitle………..Myanmar Hardsub Format…………MP4 Genre…………..Documentary Translator……Thiha Yan Naing Encoder……….Zin Phyo Aung

I Now Pronounce You Chuck & Larry (2007) ဒီတစ်ခါ မိတ်ဆက်​​ပေးမှာက​တော့ နာမည်ကြီး ဟာသသရုပ်​ဆောင် Adam Sandler နဲ့ ကားတိုင်းပါနေကျ သူ့ဘော်ဒါ Kevin James ပါဝင်သရုပ်​​ဆောင်ထားပြီး 2007 မှာထွက်ရှိထားတဲ့ I Now Pronounce You Chuck & Larry ဆိုတဲ့ဟာသကား​​လေးပဲဖြစ်ပါတယ်။ ~ ဇာတ်လမ်းအညွှန်း ~ မိန်းမဆိုရင် ခဲတံမှာဂါဝန်ဝတ်ထား​​ပေးရင်​တောင် ဖွက်ထားရမယ်ဆိုပြီး လုပ်​ဖော်ကိုင်ဖက်​တွေက​ပြောရ​လောက်​အောင် ဖွန်​ကြောင်တတ်တဲ့ ချာ့ တစ်​ယောက် အိမ်​ထောင်သည် မုဆိုးဖိုသူငယ်ချင်း လယ်ရီရဲ့ ​ငွေ​ကြေးပြသနာ​ကြောင့် နှစ်​ယောက်အတူ ​ဂေးစုံတွဲအဖြစ် ​နေကြဖို့ သ​ဘောတူလိုက်ကြပါတယ်။ တစ်ဖက်မှာလည်း ပြည်နယ်ဘက်က လိမ်လည်တာဟုတ်မဟုတ် လာ​ရောက်စစ်​ဆေးရင်းနဲ့မှ တဖြည်းဖြည်း သူတို့​လက်ထပ်ထားတာကို တစ်ပြည်နယ်လုံး သိသွား​လောက်တဲ့အထိ နာမည်ကြီးသွားတဲ့အခါ ဘယ်လိုအကွက်​တွေ​ရွေ့မလဲ… ဘယ်လို​တွေလွဲကုန်မလဲ… ဆိုတာကို ရယ်ရင်း​မောရင်းကြည့်ရှုရမယ့်ကား​လေးပဲဖြစ်ပါတယ်။ ​ဂေး​တွေကို အရမ်းလက်သင့်ခံထားခြင်းမရှိ​သေးတဲ့ အချိန်ကာလကိုအခြေတည်ထားတာ​ကြောင့် အဲဒီအချိန်က ​​​​ဂေး​တွေရဲ့ ဖိနှိပ်ခံရမှု၊ ​စော်ကားခံရမှု​တွေကိုပါ ထည့်သွင်း​ရိုက်ပြထားပါသေးတယ်။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size – 2.05GB, 930MB Quality – 1080p, 720p IMDb Rating – 5.9/10 Format – mp4 Duration – 1H 55Min Genre – Comedy, Romance Subtitle – Myanmar Subtitle (Hardsub) Translated by DB Encoded by Y

နှစ်ချို့ဝိုင်တစ်ခွက်လို အတိတ်ရဲ့လွမ်းမောဖွယ်ရာကို လတ်လတ်ဆတ်ဆတ်သယ်ဆောင်လာတဲ့ ရနံ့မျိုးနဲ့ ပန်းတစ်ပွင့်..ဒေစီ။ အရောင်တွေကစလို့ ဝါကျင်ကျင်ဖြစ်နေမယ်…သရုပ်ဆောင်တွေက ဒေစီအတွက် အသက်ရှင်နေသလို သက်ဝင်နေမယ်… ဖြစ်တည်တဲ့လမ်း မြစ်တွေရဲ့ကမ်းလိုပဲ အကြောင်းအရာက နည်းနည်းလေးဆိုပေမယ့် တစ်ဘဝစာလုံး ပျော်ဝင်မှုနဲ့ထိန်းကွပ်ထားမယ်… အတ္တတွေမရှိဘူး….ချစ်ခြင်းသန့်သန့်တွေပြိုင်ဆိုင်ကြတဲ့ပွဲမှာ… ဪ…တွယ်ငြိရာသာ ဆုံးရှူံးမှာပါပဲ။ Daisy (2006) IMDb Rating (7.5 ) Rotten Tomatoes (79%) ရရှိထားတဲ့ ဒီရုပ်ရှင်ကားကတော့ ကိုရီးယားရဲ့ မင်းသမီးချော Ji-hyun Jun နဲ့ မင်းသား Jung Woo-sung တို့ပါဝင်ထားပြီး ဘဝမှာ မှတ်မှတ်ထင်ထင်ရှိစေမယ့် ကိုရီးယားရုပ်ရှင်တစ်ကားလဲဖြစ်ပါတယ်။ ဒီရုပ်ရှင်ကားက HD Quality လုံးဝမထွက်ရှိခဲ့ဘဲ DVD Quality နဲ့ပဲ နှစ်တွေကြာရှည်ခဲ့ပြီး ခုကတော့ BluRay Disc 60 FPS Quality နဲ့ထွက်ရှိလာလို့ အကောင်းဆုံး ရုပ်သံအရည်အသွေးရရှိအောင် ပြန်လည်တင်ဆက်လိုက်ပါတယ်။ +++++++++++++++++++ ရုပ်ရှင်အညွှန်းကိုတော့ MSR FB ပေ့ကစာသားတွေနဲ့မိတ်ဆက်ခဲ့ပါမယ်…. ++++++++++++++++++++ ဒေစီ မိုးကလည်း ရွာလာပြန်ပြီ ။ ကျွန်မက ထီးမဆောင်တက်တဲ့အတွက် မိုးရွာတိုင်း မိုးခိုဖို့နေရာ အမြဲရှာရတယ် ။ ကျွန်မတစ်ယောက်တည်းနေသားကျနေတာလည်းပါမှာပါလေ ။ ကျွန်မမိုးမိမှာကို စိုးရိမ်မဲ့သူ ၊ ဂရုစိုက်မဲ့သူလည်း မရှိဘူးလေ ။ ဒီတော့ ကျွန်မထီးယူယူမယူယူ ကိစ္စမရှိဘူးပေါ့ ။ ကျွန်မအဖိုးအမြဲပြောလေ့ရှိတာက ဟယ်ယောင်း စိတ်မပူနဲ့ ၊ အချိန်တန်ရင် မိုးတိတ်သွားပြီးတော့ တောက်ပတဲ့‌ေနမင်းကြီးထွက်လာလိမ့်မယ် ၊ တစ်နေ့တော့ သမီးလည်း အဲလိုလူမျိုးတွေ့မှာပါ တဲ့ ။ ကျွန်မအဖိုးက ရှေးရိုးဆန်တယ် ။ ကျွန်မခု အသက်၂၅ ပြည့်ပြီ ။ ပြီးတော့ ကျွန်မအချစ်ဦးလာမှာကို စောင့်နေတယ် ။ အချိန်တန်တော့မိုးတိတ်သွားပြီ ။ ကျွန်မရဲ့အချစ်ဦးက မကြာမှီပေါ်လာလိမ့်မယ် တစ်ထစ်ချယုံကြည်နေရလောက်အောင်တော့ ကျွန်မ မရူးသေးပါဘူး ။ သူနဲ့ဒီလိုဆုံဆည်းရမယ်လို့ ကျွန်မဘယ်တုန်းကမှမမျှော်လင့်ထားခဲ့ဘူး ။ သူနဲ့ကျွန်မ မျက်နှာချင်းဆိုင်ထိုင်ခဲ့ကြတာ တစ်နာရီနီးပါးလောက်ကြာ‌ေလောက်တယ် ။ ကျွန်မနဲ့သူ စတွေ့ခဲ့တဲ့အချိန်ကို မှတ်မိနေတယ် ။ ၄ နာရီ ၁၅ ။ ကျွန်မအဖိုးရဲ့ ရှေးဟောင်းပစ္စည်းဆိုင်မှာ ကျွန်မအလုပ်လုပ်တယ် ။ ညဘက်ကတော့ ကျွန်မကိုယ်ပိုင်အချိန်ပေါ့ ။ ကျွန်မရဲ့ပထမဆုံးပြပွဲအတွက် ညတိုင်းကျွန်မပန်းချီဆွဲတယ် ။ စနေ ၊ တနင်္ဂနွေမှာတော့ လမ်း‌ပေါ်မှာပန်းချီဆွဲတယ် ။ ပုံမှန်ဆိုရင် ‌ပန်းချီလာဆွဲသူတွေက ကျွန်မနဲ့မသိတဲ့ သူစိမ်းတွေချည်း ။ ဒါပေမဲ့ သူကျွန်မရှေ့မှာထိုင်လိုက်တဲ့အခိုက်အတန့်မှာ သူ့ရဲ့တစ်ဘဝလုံးကို ကျွန်မသိမြင်နေသလိုမျိုး သူနဲ့ကျွန်မ ရင်းနှီးနေသလိုကျွန်မခံစားမိတယ် ။ ဒါဟာ ကျွန်မအလုပ်မှာ အကောင်းမွန်ဆုံးအစိတ်အပိုင်းတစ်ရပ်လို့ ကျွန်မထင်နေမိတယ် ။ ဘာလို့လဲဆိုတော့ သူက ၄ နာရီ ၁၅ မိနစ်တိတိမှာ ကျွန်မဆီရောက်လာလို့ပါပဲ ။ သူရဲ့ပုံကို ကျွန်မဆွဲနေတုန်းမှာ သူနဲ့ပတ်သတ်ပြီးထူးဆန်းတာတစ်ခုကို ကျွန်မတွေ့ခဲ့ရတယ် ။ သူကကျွန်မကို ကြည့်နေပေမဲ့ သူ့ရဲ့အာရုံက ကျွန်မခေါင်းရဲ့နောက်ဖက္မှာ ။ ကျွန်မရဲ့ဆံပင်ကို သူကြည့်နေတာလား ။ နောက်တစ်ကြိမ် သူကျွန်မရှေ့ကိုရောက်လာခဲ့တယ် ။ သူက အချိန်တိကျတယ် ။ ၄ နာရီ ၁၅ ၊ ကျွန်မတို့စတွေ့ခဲ့တဲ့အချိန်ပေါ့ ။ ————– မိုးရွာနေလို့ သူ မလာတာများလား ။ သူက ဆရာဝန်တစ်ယောက်လည်း ဖြစ်နိုင်တယ် ။ သူ့မှာအရေးပေါ်လူနာရှိနေတာလည်း ဖြစ်နိုင်တယ် ။ ဒါမှမဟုတ် ဒီလမ်းမှာ သူမတော်တဆတစ်ခုဖြစ်နေလို့လား ။ ————– အဲဒီနေ့က သူနဲ့ကျွန်မ ဟိုးအရင်တည်းကခင်တဲ့သူငယ်ချင်းတွေလို စကားတွေပြောဖြစ်ခဲ့တယ် ။ အဲဒီလိုမျိုး ကျွန်မတို့ ရက်သတ္တပတ်များစွာတွေ့ဖြစ်ကြတယ် ။ ရေစက်ပါလို့ ကျွန်မတို့နှစ်‌ယောက်တွေ့ဆုံရတာလို့ ကျွန်မယုံကြည်တယ် ။ ကျွန်မကြုံဆုံခဲ့ရတဲ့ အတိတ်ကဖြစ်ရပ်တွေအများကြီးကို သူ့ကိုပြောပြခဲ့တယ် ။ ————— အဲဒီနှစ်က ကျွန်မအဖိုးနေတဲ့ရွာကလေးမှာ ကျွန်မရဲ့ပြပွဲအတွက်ပန်းချီဆွဲရင်း ကုန်ဆုံးခဲ့ရတယ် ။ စမ်းချောင်းလေးကိုဖြတ်ပြီး တစ်ဖက်ကမ်းကဒေစီပန်းလေးတွေကို ကျွန်မပန်းချီသွားဆွဲလေ့ရှိတယ် ။ ကျွန်မအတွက် ဒေစီပန်းလေးတွေက နေကြာပန်းအငယ်စားလေး‌တွေပါပဲ ။ ဗန်ဂိုးလ်က နေကြာပန်းတွေကို ပန်းချီဆွဲတယ် ။ ကျွန်မက ဒေစီပန်းတွေကို ဆွဲတယ် ။ ဗန်ဂိုးလ်ကြောင့် ကျွန်မ ပန်းချီဆရာဖြစ်ဖို့ အိမ်မက္မက္ခဲ့တာ ။ စမ်းချောင်းလေးထဲကိုပြုတ်ကျသွားခဲ့ရပြီးနောက် ဒီသစ်လုံးတံတားလေးကနေဖြတ်ဖို့ ကျွန်မမှာ သတ္တိမရှိတော့ဘူး ။ တစ်နေ့မှာတော့ အသစ်ဆောက်ထားတဲ့တံတားလေးကို ကျွန်မတွေ့ခဲ့တယ် ။ တံတားလေးက အကြမ်းထည်လေးဆိုပေမဲ့ ကျွန်မအတွက်လှပနေတယ် ။ ပထမတော့ တိုက်ဆိုင်မှုတစ်ခုလို့ ကျွန်မထင်ခဲ့တာ ။ နောက်တော့ ကျွန်မအတွက် တစ်စုံတစ်ယောက်က ဒီတံတားလေးကို‌ဆောက်ပေးတာလို့ ကျွန်မခံစားရတယ် ။ ပြီးတော့ ကျွန်မပျောက်သွားတဲ့ပစ္စည်းတွေကို တံတားမှာ ကျွန်မတွေ့ခဲ့ရတယ် ။ နောက်တစ်နေ့မှာတော့ ကျွန်မထားခဲ့တဲ့ပန်းချီကားလေးကို တစ်စုံတစ်ယောက်ယူသွားတယ် ။ နောက်မှာတော့ တစ်စုံတစ်ယောက်က ကျွန်မဆီ ဒေစီပန်းတွေ စပို့ခဲ့တယ် ။ ကျွန်မလေ့လာသိရှိရသလောက်တော့ ဒေစီပန်းတွေရဲ့ အဓိပ္ပာယ်က နှလုံးသားထဲကအချစ်တဲ့ ။ ပန်းပို့တဲ့သူက သူဘယ်သူလဲ အသိမခံဘူး ။ ပန်းပို့တဲ့သူဘယ်သူလဲဆိုတာသိချင်လို့ ပြတင်းပေါက်ကနေ အပြင်ကိုကျွန်မစောင့်ကြည့်တယ် ။ ဒါပေမဲ့ ဘယ်သူမှရှိမနေဘူး ။ ဒီတော့ အရိပ်အနေနဲ့ကျွန်မ ဆွဲခဲ့တယ် ။ ကျွန်မသူ့ကို စောင့်နေခဲ့တာ ။ ခုတော့ ကျွန်မသူ့ကို တွေ့ရပြီထင်တာပဲ ။ ဟယ်ယောင်း ~~~~~~~~~~~~~~~ အဲဒီလူက ကျွန်တော်ပါလို့ ကျွန်တော်မလိမ်ချင်ဘူး ။ ကျွန်တော်မဟုတ်ဘူးလို့လည်း မပြောချင်ဘူး ။ သေချာတာတစ်ခုက သူမကို ကျွန်တော် ချစ်မိနေပြီဆိုတာပါပဲ ။ ဒါပေမဲ့ကျွန်တော့်ဘဝက သူမ ထင်ထားသလောက် စိတ်ကူးယဉ်တော့မဆန်ဘူး ။ တကယ်တမ်းကျွန်တော်ဘယ်လိုလူလဲဆိုတာကို သူမ တွေးတောင်တွေးကြည့်ဖူးမှာမဟုတ်ဘူး ။ ကျွန်တော်က အမ်စတာဒမ်မှာရှိနေတဲ့ အာရှရာဇဝတ်ကောင်တွေကို စုံစမ်းထောင်လှမ်းရတဲ့ အင်တာပိုရဲတပ်ဖွဲ့ဝင် တစ်ယောက်ပါ ။ ဒီတစ်ခေါက် ကျွန်တော်တို့တာဝန်က မူးယစ်ဆေးကုန်ကူးနေတဲ့အဖွဲ့တစ်ခုနဲ့ သူတို့ရဲ့အာရှ ဥရောပ ရောင်းဝယ်နေတဲ့လမ်းကြောင်းကို ရှာဖွေဖော်ထုတ်ဖို့ပါ ။ ဒီနေရာကနေဆို သူမကျွန်တော့်ကိုကွယ်နေလို့ ကျွန်တော့်ကိုသူတို့ သတိထားမိမှာကို စိတ်ပူစရာမလိုပဲ အကုန်လုံးကိုမြင်နိုင်တယ် ။ ကျွန်တော်ထွက်သွားတဲ့အထိ သူမကို ကျွန်တော်သေချာ မကြည့်ခဲ့လိုက်ရဘူး ။ ဒုတိယအကြိမ်မြောက်သူမရဲ့ရှေ့မှာထိုင်မိတဲ့အချိန်မှာ အချက်နှစ်ချက်ကို ကျွန်တော်သိလိုက်တယ် ။ ဟယ်ယောင်းက ကျွန်တော်ထင်ထားတာထက် ပိုလှတယ်ဆိုတာ နဲ့ သူမကလည်း ကျွန်တော့်ကိုစပြီးသဘောကျနေပြီဆိုတာကိုပဲ ။ ကျွန်တော့်နှလုံးသားကလည်းအရမ်းကို လှုပ်ရှားနေခဲ့တယ် ။ နောက်တစ်ပတ်စနေနေ့မှာ မိုးတွေရွာနေခဲ့တယ် ။ သူမကို အကာအကွယ်ယူစရာမလိုတော့ပဲ မိုးရေထဲမှာ ကျွန်တော်ဘာသာ ပုန်းနေခဲ့တယ် ။ အချိန်အတော်ကြာသူမကို ကြည့်နေခဲ့တယ် ။ ပစ်မှတ်က ကျွန်တော့်ကိုသိသွားပြီလို့ ထင်ခဲ့တယ် ။ ကံကောင်းစွာနဲ့သူခိုးဖြစ်နေခဲ့တယ် ၊ မဟုတ်ရင် ခုချိန် ကျွန်တော်သေနေလောက်ပြီ ။ ဂျောင်ဝူး ~~~~~~~~~~~~~~~~ ဂျောင်ဝူးကရဲတစ်ယောက်လို့ သူတို့ကွျန်မကိုပြောပြတယ် ။ သေနတ်ဒဏ်ရာရယ် ရှော့ရတာရယ်နဲ့ပေါင်းပြီး ကျွန်မအသံကိုဆုံးရှုံးလိုက်ရတယ် ။ ပြီးတော့ ဂျောင်ဝူးလည်းဒဏ်ရသွားလို့ ကိုရီယားကိုပြန်သွားရတယ်လို့သူတို့ပြောပြတယ် ။ ဒါပေမဲ့ ကျွန်မ မယုံနိုင်ဘူး ။ ဂျောင်ဝူးပြန်သွားပြီးတဲ့နောက် ဒေစီပန်းတွေ ကျွန်မထပ်ရခဲ့တယ် ။ ဟယ်ယောင်း ~~~~~~~~~~~~~~~~~ ကျွန်တော်သူမကို ပထမဆုံးစတွေတာက ကျွန်တော်လူတစ်‌ေယာက်ကိုပထမဦးဆုံးသတ်ခဲ့ပြီးတဲ့နေ့ရဲ့ နောက်တစ်နေ့မှာပါ ။ ကျွန်တော်က ယမ်းနံ့တွေနံနေတဲ့ လူတစ်ယောက်ပါ ။ ကျွန်တော့်ဝိဉာည်တောင် ယမ်းနံ့‌နံနေရင်နံနေမှာ ။ ကျွန်တော် ပန်းပင်တွေစစိုက်တယ် ။ မြေကြီးက ယမ်းနံ့ကိုစုတ်ယူပြီး အဲဒီ‌ေမြကြီးမှာ စိုက်ထားတဲ့ပန်းရဲ့ရနံက လူတစ်ယောက်ကိုပြောင်းလဲပစ်နိုင်တယ်လို့ စစ်ပြန်အဖိုးအိုတစ်ယောက်ပြောတာ ကြားဖူးတယ် ။ ပန်းပင်တွေစိုက်နေတဲ့အခိုက်အတန်းမှာ ယမ်းနံ့တွေကို ကျွန်တော်မေ့ထားလို့ရတယ် ။ ပန်းတိုင်းကတော့ ယမ်းနံ့ကို မေ့မပစ်‌ေစနိုင်ပါဘူး ။ အနက်ရောင်ကျူးလစ်ပန်းက ကျွန်တော့်အတွက်အလုပ်ရှိတယ်ဆိုတဲ့သဘောပါ ။ မက်ဂ်နမ် ၃၅၇ က ကျည်ခွံမကျန်ဘူး ။ အခေါင်းပေါက်ကျည်တွေကလည်း ကျည်ခွံမကျန်ပါဘူး ။ မက်ဂ်နမ် ၃၅၇ က ခုခေတ်အတွက်သုံးဖို့ ဒိတ်အောက်နေပေမဲ့ ကျွန်တော်နဲ့တူပါတယ် ။ ကျွန်တော်ကလည်း ရှေးဆန်တဲ့သူပါ ။ ဒါကြောင့် ကျွန်တော် အသက်ရှင်နေသေးတာပေါ့ ။ ကိစ္စပြီးတဲ့အခါ ကျွန်တော်ရွာမှာသွားပုန်းနေခဲ့တယ် ။ အဲဒီမှာ သူမကို ကျွန်တော် စတွေ့ခဲ့တာပါ ။ ကျွန်တော်က ကလေးတစ်ယောက်လိုစိတ်လိုက္မာန်ပါလုပ်တက်တဲ့သူပါ ။ သူမကို အံ့ဩသွားစေချင်ရုံပါ ။ ကျွန်တော့်ရဲ့ပထမဆုံးလူသတ်မှုကို မကျူးလွန်ခင်သူမနဲ့တွေ့ခဲ့ရင် ဘယ်လောက်ကောင်းလိုက်မလဲ ။ ဒီ့အတွက်ကျွန်တော်ဘာမှမတက်နိုင်တော့မဲ့ ကျွန်တော်သူမကို ထပ်မြင်ချင်‌ေတွချင်နေတယ် ။ ကျွန်တော်သူမကိုမြင်ချင်တွေ့ချင်တိုင်း ပန်းလေးတွေပို့ပေးလေ့ရှိတယ် ။ ကျွန်တော့်သေနတ်တွေကို ဒီမှာဖွက်ထားပြီး သူမကိုစောင့်ကြည့်နေမိတယ် ။ သူမ ပန်းချီဆွဲတာကိုစောင့်ကြည့်ပြီး ပန်ချီကားတွေကိုနားလည်အောင် သင်ယူတယ် ။ မိုနက် နဲ့ ဒီဂတ်တို့က ကျွန်တော့်အတွက် မစိမ်းတော့ဘူး ။ တစ်နေ့နေ့မှာ သူမနဲ့ပန်းချီကားတွေအကြောင်းပြောရရင် ကျွန်တော် အရူးတစ်ယောက်လို ဖြစ်မနေတော့ဘူးပေါ့ ။ သူမကိုစကားသွားပြောဖို့ ကျွန်တော့်မှာသတ္တိ‌တော့မရှိသေးဘူး ။ ကျွန်တော့်အလုပ်ရဲ့ သဘောတရားအရ အသက်ရှင်ဖို့စည်းမျဉ်းတွေကို လိုက်နာရတယ် ။ အရေးအကြီးဆုံးစည်းမျဉ်းက လျှို့ဝှက်ချက်ကိုထိန်းသိမ်းဖို့ပဲ ။ လျှို့ဝှက်ချက်ကိုထိန်းသိမ်းဖို့ ကျွန်တော်လိမ်ညာရမယ် ။ တစ်ခါလိမ်ပြီးရင်တော့ ဘယ်တော့မှရပ်လို့မရတော့ဘူး ။ လျှို့ဝှက်ချက်ကိုထန်းသိမ်းရတာ အသက်ရှင်ဖို့ပါ ။ ဒါ့ကြောင့် လူအများကြီးနဲ့ကျွန်တော် အဆက်ဆံမလုပ်ဘူး ။ ခုတော့ တစ်စုံတစ်ယောက်က ကျွန်တော့်နေရာကိုဝင်ယူပြီးတော့ ကျွန်တော်တစ်ခါမှမဆက်သွယ်ခဲ့တဲ့ တစ်ဦး‌တည်းသောသူကို ဆုံးရှုံးရတော့မယ် ။ ကျွန်တော် ရှေ့ဆက်တိုးသင့်နေပြီ ။ ဒါပေမဲ့ ဘာကြောင့်မှန်းမသိ အသည်းကွဲရသလို ကျွန်တော်ခံစားရတယ် ။ ကျွန်တော်ဘာတွေလုပ်တာလဲ ။ ပထမတော့ သူ့ကို ကျွန်တော့်လို လူဆိုးတစ်ယောက်လို့ထင်နေခဲ့တာ ။ ဒါပေမဲ့ သူက ကျွန်တော်နဲ့ ဆန့်ကျင်ဘက်ပါပဲ ။ ဘယ်သူက အဲဒီရဲကို အာဃာတထားနေလဲဆိုတာ ကျွန်‌တော်မသိဘူး ။ ဒါပေမဲ့ ဟယ်ယောင်းကိုကာကွယ်ဖို့ သေနတ်မောင်းကို ကျွန်တော်ဆွဲခဲ့ရတယ် ။ ပတ်ရီ ~~~~~~~~~~~~~~~~~ အလုပ်ကိုပြန်လာတဲ့အထိမ်းအမှတ်အနေနဲ့ အဖိုးက ကျွန်မကို ဓာတ်ပုံရိုက်ပေးတယ် ။ အဲဒါသူပဲ ။ အဲဒါ သူပဲဖြစ်ရမယ် ။ ဒါပေမဲ့ သူကျွန်မကို ဘာလို့လာမတွေ့တာလဲ ။ ဟိုတစ်ခါကလို သူတစ်ခုခုဖြစ်နေလို့ နေမှာပါ ….. ဟယ်ယောင်း _-_-_-_-_-_-_-_-_-_-_-_-_-_-_-_ Daisy (2006) -MSR

၂၀၀၀ခုနှစ်အစောပိုင်းက Romance/Drama ရုပ်ရှင်ကားနဲ့ မိတ်ဆက်ပေးပါရစေ။ မင်းသမီး Kirsten Dunst နဲ့ မင်းသား Jay Hernandez တို့ ဦးဆောင်ပါဝင်ထားတဲ့ ဒီကားက Rotten Tomatoes – 63% ရရှိထားပါတယ်။ ဇာတ်လမ်းအကျဥ်းကတော့ အမေရိကန်အထက်လွှတ်တော်အမတ်ရဲ့ သမီးဖြစ်တဲ့ Nicoleက ဘဝကို ဖြစ်ချင်သလို ဖြတ်သန်းနေတဲ့သူပါ။ သူပျော်ရာပဲ လုပ်တတ်ပြီး ဘယ်သူ့ကိုမှလည်း ဂရုမစိုက်တတ်ပါဘူး။ မူးပြီး ကားမောင်းမှုနဲ့ Nicoleဟာ ကမ်းခြေမှာ အမှိုက်ကောက် လုပ်အားပေးဖို့ အပြစ်ဒဏ်ချခံရပါတယ်။ အဲဒီကမ်းခြေကို သူငယ်ချင်းတွေနဲ့ အတူရောက်လာတဲ့ Carlosက Nicole ကိုမြင်မြင်ချင်း သဘောကျသွားပါတယ်။ သူတို့နှစ်ယောက်က တစ်ကျောင်းထဲ တူတူတက်တာဖြစ်ပြီး ကျောင်းမှာတွေ့ကြရင်း ခင်မင်ရင်းနှီးတာကနေ ချစ်ကျွမ်းဝင်သွားခဲ့ကြပါတယ်။ Carlosက လေယာဥ်မှူးဖြစ်ချင်ပေမယ့် လေယာဥ်တစ်ခါမှမစီးဖူးတဲ့အတွက် Nicoleက Carlos စမ်းသပ်မောင်းနှင်လို့ရအောင် လေယာဥ်စင်းလုံးငှားပေးခဲ့ပါသေးတယ်။ သူတို့နှစ်ယောက်က တစ်ယောက်နဲ့ တစ်ယောက် အတော်လည်း မတူကြပါဘူး။ Nicoleက ချမ်းသာပြီး ဘာကိုမှ အရေးမထားတတ်ပေမယ့် Carlosကတော့ ဆင်းရဲတဲ့မိသားစုကလာပြီး စာကိုလည်း တကယ်ကြိုးကြိုးစားစားသင်ယူနေတဲ့သူဖြစ်ပါတယ်။ သူတို့ရဲ့ အချစ်ခရီးလမ်းက ဖြောင့်ဖြူးပါ့မလား Carlosကရော Nicoleကို ချစ်တာမှန်ရဲ့လား။ Romance ကားတွေ ကြိုက်နှစ်သက်တဲ့သူတွေ ခံစားကြည့်ရှုနိုင်မယ့် ရုပ်ရှင်ကောင်းလေးဖြစ်ပါတယ်။ File size…(2.9GB)/(1.2 GB) Quality….Webrip 1080p / 720p Format…mp4 Duration….01:39:00 Genre…Drama, Romance Subtitle….Myanmar Subtitle (Hardsub) Encoder….Garfield Translated by Leonie

ရီဂျွိုက်စ်နဲ့မားကပ်စ်ဟာ သိပ်ချစ်ကြတဲ့စုံတွဲတွေဖြစ်ပြီး လတ်တလောမှာတော့ မားကပ်စ်တစ်ယောက် ရောဂါကြောင့်ကိုမာဝင်သွားတဲ့အတွက် ရီဂျွိုက်စ်ကပဲ စီးပွားရေးလူမှုရေးတင်မက မားကပ်စ်ရဲ့ကျန်းမာရေးကိစ္စကိုပါ အသေးစိတ်ပြုစုတာဝန်ယူထားရပါတယ်။ တစ်နေ့မှာတော့ မားကပ်စ်ရဲ့ဖုန်းကို အမျိုးသမီးတစ်ယောက်ဆီက မက်ဆေ့ချ်ဝင်လာခဲ့ပြီး အဲ့ဒီအမျိုးသမီးဟာ သူ့ကိုသိပ်ချစ်ပါတယ်ဆိုတဲ့ မားကပ်စ်ရဲ့တိတ်တိတ်ပုန်းလျှို့ဝှက်ဇာတ်လမ်းတစ်ခုဖြစ်တယ်ဆိုတာ သိလိုက်ရတဲ့နောက် ရီဂျွိုက်စ်တစ်ယောက် အဲ့ဒီအမျိုးသမီးနဲ့ရင်ဆိုင်ဖို့ဆုံးဖြတ်ခဲ့ပါတယ်။ဒါပေမယ့် တကယ်တမ်းတွေ့လိုက်ရတဲ့အချိန်မှာ သူထင်ထားသလိုမဟုတ်ပဲ အကြောင်းရင်းအမှန်တွေကိုပိုသိလာရတဲ့နောက် အဲ့ဒီအမျိုးသမီးကို သတိလစ်နေတဲ့ သူ့ခင်ပွန်းထက်ပိုပြီးငြိတွယ်သွားမိပါတော့တယ်။ Mainstream လိုင်းဘက်ကိုပြောင်းသွားပြီးနောက် ဒီဘက်ပိုင်းမှာကားရိုက်ကြဲသွားတဲ့ မမလေး Angeli Khang ရဲ့ကားသစ်ဖြစ်ပါတယ်။ ရီဂျွိုက်စ်အဖြစ်ပါဝင်ထားသူကတော့ The Voice Kids မှာဒိုင်သုံးယောက်ကိုခုံလှည့်အောင်စွမ်းဆောင်နိုင်ခဲ့တဲ့ Ataska Mercado ဖြစ်ပြီး ဒီဇာတ်ကားရဲ့ဇာတ်ဝင်သီချင်းတွေကို ကိုယ်တိုင်သီဆိုထားပါတယ်။အားရကျေနပ်ကြမှာပါ။ ( အညွှန်းရေးသားထားသူက‌တော့ alias ပါ ) File size_(950MB)/(450MB) Quality_Blu-Ray 1080p / 720p Format_mp4 Duration_01:55:00 Genre_Adult, Drama Subtitle_Myanmar Subtitle (Hardsub) Encoder_a hao Translated by alias

ဂျက်စတင်ဒိုင်းမွန်းက Cape Town မြို့ရဲ့ နာမည်ကြီး လူချမ်းသာတစ်ယောက်ဖြစ်ပြီး ကျန်းမာရေး ကုမ္ပဏီတစ်ခုကို ဦးစီးနေတယ်။ ဂျက်စတင်က သူ့ရဲ့ ဝန်ထမ်း မာရီကာ နဲ့ ဖောက်ပြန်မိပြီးတော့ မာရီကာ က ဗီဒီယိုခိုးရိုက်ပြီး ခြိမ်းခြောက်လာတဲ့အခါ ပြဿနာတက်ပါတော့တယ်။ မာရီကာ ကို တားဖို့အတွက် အစ်ကိုဖြစ်သူ လူမိုက်ဂိုဏ်း ခေါင်းဆောင် ဒိုဗီဒိုင်းမွန်းနဲ့ ပေါင်းမိသွားတဲ့အခါမှာ မြေအောက်ဂိုဏ်းလောက နဲ့ ပတ်သတ်မိပြီး အရှုပ်ထုပ်တွေ ထဲရောက်သွားပါတော့တယ်။ ဒီဇာတ်လမ်းလေးမှာတော့ မိသားစုတွင်းဆက်ဆံရေး၊ ညီအစ်ကိုဆက်ဆံရေးတွေနဲ့ ဒီပြဿနာကြီးကို ဘယ်လို ဖြေရှင်းကြမလဲဆိုတာ ဟာသနှောပြီး ရိုက်ကူးထားတာဖြစ်လို့ ပေါ့ပေါ့ပါးပါးကြည့်ရှုကြရမဲ့ ဇာတ်ကားကောင်းလေးတစ်ကားပါ။ File size…1.54GB / 807MB Quality…WEB-DL 1080p 5.1CH / 720p Format…mp4 Duration….1h 44m Genre ….. Comedy , Crime Subtitle….Myanmar Subtitle (Hard Sub) Encoder….Min Wai Translated by Wil

Inshallah a Boy (2023) ~ IMDb – 7.2/10, Rotten Tomatoes – 100% ~ ဇာတ်ကားနာမည်လေးကတော့ ဘုရားပေးတဲ့သား ပါတဲ့။ အာရဗီ စကားပြောဇာတ်ကားဖြစ်ပြီး အစ္စလာမ်ဘာသာအဓိကကိုးကွယ်တဲ့ ဂျော်ဒန်နိုင်ငံမှာ ဇာတ်အိမ်တည်ထားပါတယ်။ ဘာဆုညာဆုတွေ အများကြီးရထားပြီး ခရမ်းချဉ်သီးပုပ်အမှတ် ၁၀၀ အပြည့်ရထားတယ်ဆိုပေမဲ့ ကြည့်လိုက်မှ ဘယ်လောက် ကောင်းတယ်ဆိုတာ အတိအကျသိသွားပါလိမ့်မယ်။ ဇာတ်ကားတစ်ကားလုံး အသက်ကိုမရှုနိုင်လောက်အောင် မွန်းကြပ်နေသလိုခံစားရအောင် လုပ်နိုင်တဲ့ ဇာတ်ကားလေးပါပဲ။ ဇာတ်ကားစဖွင့်ဖွင့်ချင်းမှာပဲ ပရိသတ်ကို ဘဝသမားတွေဆိုတာ ဒါမျိုးကွဆိုပြီး ဗိုက်ကို လက်သီးနဲ့ထိုးလိုက်သလို အီဆောင့်သွားအောင်လုပ်လိုက်တာမျိုးနဲ့ စပါတယ်။ နောက်တော့ ကံဆိုးမသွားရာ မိုးလိုက်လို့ရွာဆိုသလိုပဲ ဘဝပေးတဲ့ ဒူး၊ တံတောင်၊ ဖနောင့်တွဲလုံးတွေကို အတွဲလိုက်ပြသွားပါတယ်။ တော်တော်လေးကို Heavy ဖြစ်တဲ့ ဇာတ်ကားပါပဲ။ ဇာတ်လမ်းအကျဉ်းကတော့ အလုပ်လုပ်နေတဲ့ အိမ်ရှင်မတစ်ယောက် ယောက်ျားက ကောက်ခါငင်ခါ ဆုံးပါးသွားပါတယ်။ နှစ်ယောက်အလုပ်လုပ်နေတာတောင် မလောက်ငနိုင်တဲ့ အိမ်ထောင်ကို တစ်ယောက်တည်း ထောက်ပံ့နိုင်ဖို့အားမတင်းနိုင်ခင်မှာပဲ ကွယ်လွန်သူအမျိုးသားရဲ့ အကြွေးတွေကပေါ်လာပါတယ်။ ကားကို အရစ်ကျနဲ့ ဝယ်ထားပြီး လေးလစာ အကြွေးပေးဖို့ကျန်နေတာပါ။ ကွယ်လွန်သူကြီးဆီက ရစရာအမွေဆိုလို့ ကားတစ်စီး အိမ်တစ်လုံးနဲ့ ကားဖိုးငွေကျန်တဲ့ အကြွေးတွေပဲရှိပါတယ်။ အိမ်တန်ဖိုးကလည်း ပိုက်ဆံအပြည့်မသွင်းရသေးပါဘူး။ အဲဒါနဲ့တင် မပြီးသေးပါဘူး အကြွေးရှင် ကွယ်လွန်သူရဲ့ အစ်ကိုအရင်းက ရှရီယာဥပဒေအရ ဇနီးဖြစ်သူက သားယောက်ျားလေးမမွေးထားရင် ကွယ်လွန်သူချန်ခဲ့တဲ့ အမွေတွေကို မောင်နှမတွေနဲ့ ကျန်ရစ်သူမိသားစု တစ်ပုံစီ အညီအမျှခွဲဝေယူရတဲ့အတွက် အမွေမှုကိုတရားရုံးတင်လိုက်ပါတယ်။ မသိတဲ့အကြွေးကထပ်တင်သွားတဲ့အပြင် အပျိုဘဝကရထားတဲ့ အမွေတွေ၊ တင်တောင်းငွေ (ဥပဒေကြောင်းအရ ဇနီးသည်က တင်တောင်းငွေကို ပိုင်ပါတယ်) တွေပါ ထည့်ပြီး ဝယ်ထားတဲ့ အိမ်၊ လစာထဲကနေ တစ်လတစ်ခါအရစ်ကျငွေသွင်းနေရတဲ့ အိမ်ကိုရောင်းပြီး ယောက်ျားရဲ့အမျိုးတွေဆီ ခွဲပေးရမယ့်အဖြစ်နဲ့ကြုံလာပါတယ်။ ယောက်ျားရဲ့ အလုပ်ကိစ္စအကြောင်းကလည်း ဘာမှမသိ၊ သူ့မှာ ရစရာငွေ ဘယ်မှာရှိလဲမသိ၊ ဒီကြားထဲ ဖောက်ပြန်နေတာကိုလည်း သိလိုက်ရသေးတယ်။ အကြွေးရှင် ခဲအိုက ကားရောင်းပြီး အကြွေးကိစ္စ အတင်းရှင်းဖို့လုပ်ပေမဲ့ ခင်ပွန်းသည်ရဲ့အမှတ်တရအနေနဲ့ ချန်ခဲ့တဲ့ကားလေးကို မရောင်းရက်သလို ရောင်းရရင်လည်း ယောက်ျားမောင်နှမတွေနဲ့ တစ်ပုံစီခွဲပြီးမှရမှာဆိုတော့ ပြေလည်နိုင်စရာမရှိတော့ တင်းခံနေရတာလည်း ပြဿနာတစ်ခုပါပဲ။ ကြံရမရာတဲ့အဆုံး ပြဿနာတွေ ဖြေရှင်းဖို့ အချိန်နည်းနည်းရသွားအောင် လမ်းဘေးမရောက်အောင် ကိုယ်ဝန်ရှိနေတယ်လို့ ဟန်ဆောင်လိုက်တာပါပဲ။ လင်ကလည်းသေ၊ အကြွေးကလည်းပူ၊ အလုပ်ကလည်းအဆင်မပြေ၊ ကိုယ်ပိုင်တာကိုတောင် ခွဲပေးနေရမယ့် အဖြစ်မျိုးကို ကြုံနေရလို့ ကိုယ်ဝန်ရှိနေတယ်လို့ ဟန်ဆောင်ရတဲ့ မိန်းမတစ်ယောက်ရဲ့ ဒုက္ခရောက်တဲ့ အကြောင်းပါ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 1.8GB, 920MB Quality – 1080p, 720p IMDb Rating – 7.2/10 Format – mp4 Duration – 1H 53Min Genre – Drama Subtitle – Myanmar Subtitle (Hardsub) Translated by 666 Encoded by Y

ဒီတစ်ခါ တင်ဆက်ပေးမှာကတော့ ငယ်ငယ်ကကြည့်ခဲ့ရတဲ့ Scooby Doo ကာတွန်းကားလေးပဲဖြစ်ပါတယ်။ ရှက်ဂီ့ရဲ့ဦးလေးဖြစ်တဲ့ ဘူဝါးဂါ့တ်ကွယ်လွန်သွားတဲ့အချိန်မှာ ရှက်ဂီ့ကို ရတနာတွေနဲ့အတူ အိမ်ကိုပါ အမွေပေးထားခဲ့ပါတယ်။ အခက်အခဲတွေများစွာကို ရင်ဆိုင်ပြီး ရှက်ဂီ စကူဘီနဲ့ တူလေးစခရပ်ပီတို့ဟာ အိမ်ကို အရောက်သွားခဲ့ရပါတယ်။ ဒါပေမဲ့ အိမ်ကိုရောက်တဲ့အခါမှာ အိမ်တော်ထိန်းက မကျေနပ်ဘဲ သူရသင့်တာပါလို့ ဆန့်ကျင်ပြောကြားလာပါတယ်။ အဲဒီအပြင် အိမ်က သရဲခြောက်တဲ့အိမ်ဖြစ်နေပါသေးတယ်။ ရှက်ဂီတို့က အကုန်လက်လွှတ်ပြီး ပြန်မယ်လုပ်တဲ့အချိန်မှာလည်း ကားကနွံထဲမြုပ်သွားပြီး တစ်ညအိပ်ဖို့ အကြောင်းဖန်လာပါတယ်။ ရှက်ဂီတို့ တစ်ညအိပ်တဲ့အတောအတွင်း ဘာတွေကြုံတွေ့ရမလဲဆိုတာကိုတော့ ဇာတ်ကားလေးထဲမှာ ဆက်လက်ကြည့်ရှူလိုက်ကြရအောင် File Size : 1.3 GB, 631 MB Quality : Blu-Ray 1080p / 720p Running Time : 1hr 33min Format : Mp4 Genre : Animation, Comedy, Fantasy Subtitle : Myanmar Subtitle (Hard Sub) Translated by : Benni Encode by : Thit San Khant

Christmas Cowboy (2024) Genre – Drama, Romance, Comedy IMDb – 6.9/10 Christmas Cowboy ဆိုတာ ခရစ္စမတ်ပွဲတော် နဲ့ ‌‌‌‌ကောင်းဘွိုင်(မြင်းစီးနွားကျောင်းသား)တို့ရဲ့ ရိုးရာပုံစံ၊ တစ်နည်း ဥရောပနှင့် အမေရိကန်တို့၏ ဓလေ့များကို ရောနှောပေါင်းစပ်ထားသော ပွဲလမ်းသဘင်တစ်မျိုးဖြစ်ပါတယ်။ ခရစ္စမတ်ကာလတွင် ခရစ္စမတ်အပြင်အဆင် သို့မဟုတ် ဝတ်စုံများဖြင့် ကောင်းဘွိုင်စွမ်းရည်ပြပွဲများပြုလုပ်ခြင်း သို့မဟုတ် ကောင်းဘွိုင်အပြင်အဆင်ရှိသော ခရစ္စမတ်ပွဲပါတီကျင်းပခြင်းတို့ ဖြစ်နိုင်ပါတယ်။ ဇာတ်လမ်းကတော့ မယ်ရီဆိုတဲ့ မိန်းကလေးဟာ ကျော်ကြားတဲ့ မြင်းစီးပညာရှင်အမေကို အားကျသူဖြစ်ပြီး မြင်း‌ခင်းပွဲကြောင့်ပဲ အမေကိုဆုံးရှူံးလိုက်ရတဲ့အခါမှာတော့ ဇာတိမြို့လေးကို မပြန်ချင်တော့လောက်အောင် စိတ်နာသွားခဲ့ပါတယ်။ တွန်းအားပေးလွန်းတဲ့ အဖေနဲ့လည်း ကတောက်ကဆရှိသူဖြစ်တာကြောင့် အိမ်မပြန်ဖြစ်တာ ဆယ်စုနှစ်ချီပြီ ဖြစ်ပါတယ်။ ဒါပေမယ့် တန်ကြေး ဘီလီယမ်ချီတဲ့ စီမံကိန်းတစ်ခုကြောင့် ခရစ္စမတ်ကာလနီးနေချိန်မှာ ဇာတိကိုမပြန်ချင်ပဲ ပြန်လာခဲ့ရသလို စီမံကိန်းပိုင်ရှင်ကလည်း တခြားကုမ္ပဏီမှ ကိုယ်စားလှယ်နဲ့ သူမကို စာချုပ်ချုပ်ခွင့်ရဖို့အတွက် မိသားစုပြိုင်ပွဲနွှဲခိုင်းပါတယ်။ အဲဒီအခါမှာတော့ သူမနဲ့ စိတ်အစာမကြေတာတွေ ပြည့်နေတဲ့ သူမမိသားစုတို့ ပူးပေါင်းပြီး ပြိုင်ပွဲကို အနိုင်ရဖို့ ကြိုးစားကြတဲ့အခါ… ဒီဇာတ်ကားရဲ့ ထူးခြားချက်ကတော့ တခြား Christmas theme ရုပ်ရှင်တွေလို မဟုတ်ဘဲ ခရစ္စမတ်ကို လုံးဝနီးပါး ဇောင်းပေးမထားတာပါ။ နောက်တစ်ခု credit ပေးချင်တာကတော့ ဗီလိန်ကောင်းပါ။ ဗီလိန်ကောင်းကြောင့် ဇာတ်ကားက အရသာရှိတာလို့ပဲ ပြောချင်ပါတယ်။ ခရစ္စမတ်ရုပ်ရှင်တို့ ထုံးစံအတိုင်း သီချင်းကောင်းလေးတွေနဲ့ ရှုစားရမှာပါ။ သရုပ်ဆောင်တွေကတော့ Eliana Ghen, Gracie Cashman, Courtney Gains နဲ့ Armando Gutierrez တို့က ဦးဆောင်ပါဝင်ပါတယ်။ ဒါရိုက်တာကတော့ Khoa Le ဖြစ်ပြီး ဇာတ်ညွှန်းကို Eliana Ghen ကိုယ်တိုင်ရေးပေးထားပါတယ်။ အညွှန်းနှင့်ဘာသာပြန် TLone ဖြစ်ပါတယ်။

Home (2012) *********** ယခုတစ်ခါတင်ဆက်ပေးချင်တဲ့ ဇာတ်ကားလေးကတော့ ချစ်ခြင်းမေတ္တာတွေကို ဖော်ညွှန်းတင်ဆက်ထားပြီးတော့ ဇာတ်လမ်းတို ၃ပိုင်းနဲ့ ပေါင်းစပ်ရိုက်ကူးထားတဲ့ အချစ်ဒရာမာဇာတ်ကားလေးဖြစ်ပါတယ်… ပထမဇာတ်လမ်းမှာတော့ အနာဂတ်ရည်မှန်းချက်တွေအပြည့်နဲ့ လူငယ်လေးနှစ်ဦးရဲ့ ခင်မင်မှု ချစ်ခင်မှုတွေကို ပြသထားပါတယ်… ဒုတိယဇာတ်လမ်းမှာတော့ ခင်ပွန်းသည်ကို ဆုံးရှုံးလိုက်ရတဲ့ အမျိုးသမီးတစ်ယောက်ရဲ့ ဝမ်းနည်းစရာအချိန်တွေကို ကြိုးစားဖြတ်ကျော်နေပုံကို တင်ဆက်ရိုက်ကူးပြသထားပါတယ်… နောက်ဆုံးဇာတ်လမ်းအနေနဲ့ကတော့ မင်္ဂလာဆောင်တော့မဲ့ သတို့သမီးလေးဟာ ငယ်ကချစ်ခဲ့ရတဲ့ ချစ်သူနဲ့ အခုလက်ထပ်တော့မဲ့ ချစ်ရသူခင်ပွန်းသည်ကြားမှာ ဗျာများရင်း သူ့ဘဝလမ်းကြောင်းအတွက် ရွေးချယ်ပုံကို တင်ဆက်ထားပါတယ်… ဒီလိုဒီလို ဇာတ်လမ်းတွေ လူမှုဆက်ဆံရေးပုံစံတွေကို စိတ်လှုပ်ရှားဖွယ်ဖြစ်အောင် ရိုက်ကူးတင်ဆက်ပြသထားတာဖြစ်လို့ အချစ်ရိုမန့်ဒရာမာကြိုက်နှစ်သက်သူ ပရိသတ်များ မလွတ်တန်းကြည့်ရှုသင့်တဲ့ ဇာတ်ကားလေးဖြစ်ပါတယ်… (ဇာတ်လမ်းအညွှန်းနှင့် ဘာသာပြန်တင်ဆက်သူကတော့ Char Ou ဖြစ်ပါတယ်) File Size : 1.67GB / 742MB Quality : WEB-DL 1080p / 720p Genres : Drama Duration : 1h 30m Subtitle : Myanmar Subtitle (Hard Sub) Translated by Char Ou Encoded by Heather Oo

Melukis Harapan Di Langit India 2024 (အဖေဖြစ်သူကို ရှာဖို့ အိန္ဒိယကို သွားရာဝယ်) မွေးလာကတည်းက မိခင်ဖြစ်သူရဲ့ အပြောကြောင့် သူ့ကိုယ်သူ အမီတာဘချမ်းရဲ့ သမီးလို့ ထင်နေတဲ့ ကောင်မလေး ဒေဗီ၊ ဒေဗီ့မှာ သူငယ်ချင်းနှစ်ယောက်ရှိပါတယ် အမီရ်နဲ့ အူလီ သူတို့ကတော့ ညီအစ်ကိုတွေပါ။ အမီရ်ကတော့ ဘရုစ်လီရူးရူးနေပြီး အူလီကတော့ သီချင်းရေးဖို့ ကြိုးစားနေသူတစ်ယောက်ပေါ့။ ဒေဗီတစ်ယောက် အမေဖြစ်သူရဲ့ ငယ်စဉ်ကတည်းက ရိုက်သွင်းထားတဲ့ စကားတွေအရ သူ့ဖခင်လို့ထင်နေသူ အမီတာဘချမ်းကို တွေ့ချင်လို့ အိန္ဒိယကို သွားပြီး ဖခင်ဖြစ်သူကို သွားရှာချင်နေသူတစ်ယောက်ပါ။ သူ့အိပ်မက်ကို အမီရ်တစ်ယောက်ကလည်း ကူညီအားဖြည့်ကာ ဒေဗီနဲ့အတူ အိန္ဒိယကိုလိုက်ပြီး ဖခင်ဖြစ်သူကို ကူရှာပေးမယ်ဆိုပြီး ငယ်စဉ်ကတည်းက ပြောထားသူပေါ့။ ဒီလိုနဲ့ ဒေဗီတို့ အရွယ်ရောက်လာတဲ့အချိန်မှာ သူတို့ရဲ့ ဖခင်ရှာပုံတော်ကြီးဖွင့်ဖို့ အိန္ဒိယကို သွားရောက်တဲ့အချိန်မှာတော့ …… ဘာတွေ ဘယ်လို ဆက်ဖြစ်မလဲ ဆက်လက်ကြည့်ရှုပေးကြပါဦး။ (အညွှန်းနဲ့ ဘာသာပြန်ကတော့ CM Team ပဲဖြစ်ပါတယ်)