ကလေးဘ၀ကတည်းက ရဲအရာရှိတစ်ယောက်ဖြစ်ချင်ခဲ့တဲ့ ရာနာဆိုသူရဲ့ စိတ်အားထက်သန်မှုတွေကို အသားပေးရိုက်ကူးထားတဲ့ Raana ဆိုတဲ့ ဇာတ်ကားလေးနဲ့ မိတ်ဆက်ပေးပါရစေ။ ဖခင်ဖြစ်သူရဲဲ့ နောက်ဆုံးဆန္ဒ တဖြစ်လည်း အမေနဲ့ သူငယ်ချင်းတွေရဲ့ ပံ့ပိုးမှုနဲ့အတူ ရဲတစ်ယောက် မဖြစ်ဖြစ်အောင်ကြိုးစားနေတဲ့ ရာနာ တစ်ယောက်........ သူတို့မြို့မှာ ဘယ်သူမှမယှဉ်ရဲလောက်အောင်ကို အင်အားကြီးတဲ့ ကာပါလီဆိုသူ လူမိုက်တစ်ယောက်ကြီးစိုးနေချိန်.............. တစ်ရက်မှာတော့ လူမသိသူမသိ လုပ်ကြံခံလိုက်ရတဲ့အခါ ကာပါလီနဲ့အငြိုးတွေရှိဖူးတဲ့ ရာနာဆီကို သံသယတွေပုံကျလာပါတော့တယ်။ ရာနာဟာ ရဲသင်တန်းဆင်းပြီး တရား၀င်ရဲတစ်ယောက်ဖြစ်ဖို့ အမှုအခင်းကင်းရှင်းအောင် နေနေရတဲ့သူဖြစ်ပြီး ချစ်သူနဲ့နှစ်ယောက်တစ်ဘ၀နေနိုင်ဖို့ကြိုးစားရင်း ဘ၀ကြီးကသာယာအေးချမ်းနေပေမယ့် အခုလိုစွပ်စွဲချက်တွေကြုံလာရတဲ့နောက် တရားခံအဖြစ်ကနေ လွတ်မြောက်ဖို့အတွက် လူသတ်တရားခံအစစ်ကို ဖော်ထုတ်နိုင်ဖို့ ကြိုးပမ်းရပါတော့တယ်။ 2022 ခုနှစ်ကထွက်ရှိထားပြီး IMDb 8.2 အထိရရှိထားတဲ့ဇာတ်ကားကောင်းဖြစ်တဲ့အတွက် India ဇာတ်ကားကြိုက်သူများဖို့ လက်မလွှတ်သင့်သော ဇာတ်ကားအဖြစ်ညွှန်းဆိုပေးပါရစေ။ File size…1.9GB / 932MB Quality…1080p  WEB DL /720p Format…mp4 Duration….2h Subtitle….Myanmar Subtitle (Hard Sub) Encoder….YK Translated by Haruko & Poe

IMDb - 9.1 / 10 လူတစ်ယောက်ကို ပြောင်းလဲစေတာက အချစ်လို့ပြောမယ်ဆို ရဲရဲကြီးယုံလိုက်ပါ... ငယ်စဉ်က မိသားစုတွေ ဆုံးပါးသွားပြီး တစ်ယောက်တည်းကျန်ခဲ့တဲ့ "ဒါမာ" ကြီးပြင်းတဲ့အထိ တစ်ယောက်တည်းနေဖို့ကိုပဲ ရွေးချယ်ခဲ့ပြီး လူ့ပတ်ဝန်းကျင်နဲ့ ဝင်ဆံ့ဖို့ မကြိုးစားတဲ့ လူ့ဂွစာတစ်ယောက် အဲဒီ့သူ့ဘဝထဲကို မမျှော်လင့်ဘဲ ရောက်လာတာကတော့ ခွေးလေးတစ်ကောင် အဲဒီခွေးလေးကို သူမမွေးချင်လို့ မွေးစားမယ့်သူကို ရှာနေတုန်းမှာပဲ ခွေးလေးနဲ့ သံယောဇဉ်တွယ်သွားပြီး ခွေးလေးက သူ့ရဲ့ဘဝဖြစ်လာခဲ့တော့တယ် သူ့ရဲ့ မာကြောနေတဲ့ ဘဝကြီးကို နူးညံ့ပျော့ပျောင်းလာစေပြီး ဂျစ်ကန်ကန်နဲ့ လောကကြီးကို အရွဲ့တိုက်နေထိုင်ခဲ့တဲ့ သူ့ကို အမြင်ကျယ်လာစေခဲ့တာက အဲဒီခွေးလေးပေါ့ လူနဲ့ တိရစ္ဆာန်ကြားက မေတ္တာတရား‌ အဲဒီမေတ္တာဆိုတဲ့အရာဟာ စစ်မှန်ရင် ဘယ်လောက်တောင် စွမ်းအားကြီးတယ်ဆိုတဲ့ အကြောင်း ရိုက်ကူးပြသထားတဲ့ မျက်ရည်မခိုင်သူတွေ မျက်ရည်ကျစေမယ့် ဒရမ်မာကားကောင်းတစ်ကားပဲ ဖြစ်ပါတယ် File size…2.6Gb / 1.15GB Quality…1080p VOOT WEBDL AAC5.1CH / 720p Format…mp4 Duration….2h 18m Subtitle….Myanmar Subtitle (Hard Sub) Encoder….YK Translated by Sora & Thet Ko

Walt Disney Pictures ကနေထုတ်လုပ်တဲ့ မိသားစုဟာသ ကားသစ်လေးထွက်လာပါပြီ နာမည်ကြီး မင်းသားမင်းသမီးကြီးတွေ casts ပေါင်းများစွာသုံးပြီး ရိုက်ကူးထားတဲ့ ဒါရိုက်တာဇာတ်ညွှန်းရေးဆရာမ Gail Lerner ရဲ့ ကားသစ်လေး~ "Cheaper by the Dozen"... ကလေးရောလူကြီးရော ကြည့်နိုင်တဲ့ ကားကောင်းလေးဖြစ်တဲ့အပြင် ဒီကားသစ်လေးကို အရင် ၁၉၅၀ နဲ့ ၂၀၀၃ ကထွက်ခဲ့တဲ့ နာမည်တူ ကားဟောင်းကြီးတွေကို ပြန်လည်ဆန်းသစ်ရိုက်ကူးထားတာဖြစ်ပါတယ် အရင်ကားတွေနဲ့မတူဘဲ ခေတ်အလိုက်ပြောင်းလဲသွားတဲ့သဘာဝတွေကိုမြင်တွေ့ရမှာဖြစ်ပြီး တကယ့်လူနေမှုဘဝကို အခြေတည်ပြီး ရိုက်ကူးထားတဲ့ကားလေးဖြစ်ပါတယ် လူတိုင်းမှာ အိပ်မက်ကိုယ်စီရှိကြပါတယ် လူတိုင်းနီးပါး ကိုယ့်အိပ်မက်ကို တစ်နေ့မှာ ဖြစ်လာအောင် အကောင်အထည်ဖော်ချင်ကြမှာပါပဲ ဒီကားလေးမှာလည်း မိသားစုဝင်တွေအကုန် ကိုယ်စီအိပ်မက်ရှိကြပြီး ကိုယ့်အိပ်မက်အတွက် ရေကုန်ရေခမ်းကြိုးစားကြတာကို တွေ့မြင်ရမှာဖြစ်ပါတယ် ဒါပေမဲ့ တစ်ခါတလေမှာတော့ ကိုယ်တွေးထားတဲ့ အိပ်မက်က ကိုယ်တွေနဲ့ မကိုက်တဲ့ အရာတစ်ခု/ ဖြစ်လာတာတောင် မပျော်ရွှင်ရတဲ့ အရာတစ်ခုဖြစ်လာတတ်ပါတယ် ဒီလိုအချိန်မျိုးမှာ ကိုယ်ချစ်တဲ့သူတွေ မိသားစုတွေနဲ့ တိုင်ပင်ပြီး စည်းလုံးမှုကိုပြထားတဲ့ ကားလေးဖြစ်ပါတယ် ဇာတ်လမ်းအကျဉ်းကတော့ Paul Baker (Zach Braff) နဲ့ Kate Baker(Erika Christensen) တိုဇနီးမောင်နှံမှာ သမီးနှစ်ယောက်ရှိပြီး မွေးစားသားလေးလည်း တစ်ယောက်ရှိပါတယ် သူတိုနှစ်ယောက် အဆင်မပြေမှုတွေကြောင့် နှစ်ဦးသဘောတူ ကွာရှင်းဖို ဆုံးဖြတ်ခဲ့ကြပါတယ် ဒါပေမဲ့ သူတို့ သူငယ်ချင်းအဖြစ်ဆက်ရှိနေကြပြီး Kate က ကလေးတွေကို ကူထိန်းပေးခဲ့တယ် Zoey Baker(Gabrielle Union) ကတော့ Dom Clayton(Timon Durrett) နဲ့ သားတစ်ယောက် သမီးတစ်ယောက်ရခဲ့ပြီး အိမ်ထောင်ရေးကိုအဆုံးသတ်ခဲ့တယ် သိပ်မကြာခင်မှာ သူမနဲ့ Paul Baker တို့ တွေ့ဆုံခဲ့ကြပြီး မိသားစုတစ်စုအဖြစ် ပေါင်းစည်းခဲ့ကြတယ် အဲလိုနဲ့ အမွှာ ၂ ယောက် ၂ ခါရခဲ့ပြီး အကြီးဆုံး Bakers မျိုးရိုးမိသားစုကြီးဖြစ်လာခဲ့တယ် မိသားစုအရိပ်ရဲ့ အေးမြမှု စည်းလုံးညီညွတ်မှုနဲ့ တစ်ဦးပေါ်တစ်ဦး မှီခိုရိုင်းပင်းနေရတယ်ဆိုတာကို ဖော်ပြထားတဲ့ ကားကောင်းလေးဖြစ်ပါတယ် "ကိုယ်ချစ်တဲ့သူအတွက် အကောင်းဆုံးလက်ဆောင်က သူလိုအပ်နေတဲ့အချိန်မှာ အမြဲဘေးမှာရှိနေပေးတာပါ" CM ပရိတ်သတ်ကြီးလည်း ကိုယ့်အတွက်အရေးအကြီးဆုံးအရာ ကိုယ်ပျော်ရွှင်စေမယ့် တကယ့်အရာကို သိမြင်နိုင်ဖို့နဲ့ ကိုယ်ချစ်တဲ့သူတွေရဲ့ ဘေးမှာ "မိသားစု" ဆိုတဲ့အဓိပ္ပာယ်ကို နားလည်စေဖို့ ဆုတောင်းပေးရင်း ဒီကားလေးကိုကြည့်ဖို့ တိုက်တွန်းလိုက်ပါတယ် အညွှန်း နဲ့ ဘာသာပြန်ကတော့ Khaing Khin ပဲ ဖြစ်ပါတယ်။ Genre..... Adventure, Comedy, Family Quality….WEB-DL 1080p and 720p and 480p File size…1.5GB and 782MB and 293MB Format…mp4 Duration….1h 47min Subtitle….Myanmar Subtitle (Hardsub) Translator ..... Khaing Khin Encoder ..... August

အချစ်ဦးမြေးဦးရတောင်မမေ့ဘူးတဲ့ စကားပုံလေးက လှပေမဲ့ကြောက်ဖို့ကောင်းတယ် မမေ့နိုင်တာကို မမေ့နိုင်သလိုပဲမနေပဲ အတင်းကြီးနီးစပ်အောင် လုပ်မိတော့ မဖြစ်သင့်တာတွေဖြစ်ကုန်ပါတယ် အချစ်သစ်ကိုယ်စီနဲ့ ဘဝသစ်မှာပျော်တဲ့သူကပျော်နေပေမဲ့ သူမကတော့မပျော်နိုင်ပါဘူး သူမရဲ့ခံစားချက်ကို ရအောင်အကောင်ထည်ဖေါ်ပါတော့တယ် သူမက ရုပ်ရည်ချောသလောက် အစွဲလမ်းကလည်းကြီးတယ် တစ်နေ့ သူမရဲ့ငယ်ချစ်ဦးဆီကို မရောက်ရောက်အောင်သွားပြီး အပြင်ကို မရမက ဆွဲထုတ်ပါတော့တယ် သူမ ကြိုတင်စီစဉ်ထားတဲ့အတိုင်း တည်းခိုခန်းတစ်ခုမှာ သွားတည်းရာကနေ မထင်မှတ်ပဲ ပြဿနာအကြီးကြီးတက်ပါတော့တယ် ဆက်မချစ်သင့်တဲ့သူကို ခန္ဓာကိုယ်ရင်းပြီး ပက်သက်လို့ရောရပါ့မလားဆိုတာ သင်ခန်းစာယူရင်း ခေါင်းကြီးတို့အကြိုက်တွေ တသီကြီးပါတာမို့ တင်ဆက်ပေးလိုက်ပါတယ် File size…500MB Quality…720p HD RIP Format…mp4 Duration….1h 19mins Subtitle….Myanmar Subtitle (Hard Sub) Encoder….X Cross Translated by Ki Mu Chi

ပျော်ရွှင်မှုဆိုတာ ဘာလဲ??????? အတုယောင်တွေပေါများတဲ့ ယခုခေတ်မှာတော့ စစ်မှန်တဲ့ပျော်ရွှင်မှုက ရှားပါလာပြီ ဟန်ဆောင်အပြုံးတွေ ဟန်ဆောင်နှစ်သိမ့်မှုတွေထဲက ပျော်ရွှင်မှုပျောက်ဆုံးနေတဲ့ လူသားတွေအတွက်တော့ နည်းပညာပစ္စည်းတွေသုံးပြီး ပျော်ရွှင်မှုတွေကို ရှာဖွေနေရပါတယ်။ ဒါပေမဲ့ နှလုံးသားဆိုတဲ့ စစ်မှန်တဲ့ဖန်တီးမှုမပါတဲ့ နည်းပညာပစ္စည်းတွေက ပြီးပြည့်စုံတဲ့ပျော်ရွှင်မှုကိုမပေးနိုင်ပါဘူး။ ကျွန်တော်တို့ ပျော်ရွှင်မှုကို ဘယ်လိုရှာဖွေရမလဲ???? မနေ့က မမျှော်လင့်ပဲ ကြည့်မိတဲ့ Trolls ဆိုတဲ့ ဇာတ်ကားလေးအကြောင်းပြောချင်ပါတယ်။ ပျော်ပျော်ရွှင်ရွှင်နေတတ်တဲ့ ရောင်စုံဆံပင်ရှည်လေးတွေရှိတဲ့ Trolls တွေရဲ့ အလုပ်ကတော့ သီချင်းဆိုမယ် ကမယ် တစ်ယောက်ကိုတစ်ယောက် နွေးထွေးစွာပွေ့ဖက်မယ် ဒါသူတို့ရဲချစ်စရာကောင်းတဲ့အလုပ်ပဲ။ ဒီလိုချစ်စရာကောင်းတဲ့ Trolls တွေမှာ ရန်သူတွေရှိတယ် သူတို့က Bergens တွေပဲ သူတို့ရဲ့ပျော်ရွှင်မှုကတော့ Trolls တွေကို စားခြင်းပဲ။ Bergens တွေရဲ့ ရန်ကလွတ်မြောက်ပြီး နှစ်၂၀ ကြာတဲ့အချိန် ကြီးကျယ်တဲ့ပါတီပွဲလုပ်တဲ့ချိန်မှာ Bergans တွေရဲ့ ဖမ်းဆီးချင်းကို ခံရတဲ့ Trolls တွေကို ပြန်လည်ကယ်တင်မယ့်သူက Trolls တွေရဲ့ခေါင်းဆောင်မင်းသမီးလေး Poppy ၊မင်းသမီးလေးကို ကူညီပေးမယ့်သူကတော့ Trolls တွေရဲ့ လူ့ထူဆန်းအဖြစ်သတ်မှတ်ခံရပြီး Trolls တစ်ယောက်ဖြစ်ပြီး သီချင်းမဆိုတဲ့ Branch သူတို့နှစ်ယောက်ပေါင်းပြီး Trolls တွေကို ကယ်တင်နိုင်မလား ပျော်ရွှင်မှုကို ရှာဖို့ဘယ်လိုသင်ပြမလည်းဆိုတာကတော့………. Dream Work က ရိုက်ကူးထုတ်ပြီး Justin Timberlake က producer အဖြစ်ပါဝင်ထားပြီး ကိုယ်တိုင်အသံသရုပ်ဆောင်ကာ Anna Kendrick, Zooey Deshanel အပါအဝင် နာမည်ကျော် သရုပ်ဆောင်တွေက အသံသရုပ်ဆောင်တွေအဖြစ်ပါဝင်ထားတဲ့ ဒီဇာတ်ကားက နာမည်ကျော် Disney ရဲ့ Moana မကြည့်ရသေးခင်မှာတော့ ဒီနှစ်ရဲ့ အကောင်းဆုံး Entertainment အဖြစ်ဆုံး Animation ဇာတ်ကားတစ်ကားပါ။ ဇာတ်ကားမထွက်ခင်အချိန်းတုန်းကသာမက ထွက်ပြီးတဲ့အချိန်မှာ စိတ်ဝင်စားမှုမရှိခဲ့ပေမယ့် ကြည့်နေတဲ့အချိန်မှာတော့ ကြည်နူးမှု ပျော်ရွှင်မှုရသအပြည့်ကို ခံစားရပါတယ်။ Trailer ထွက်ကတည်းက နာမည်ကြီးနေတဲ့ သီချင်းဖြစ်တဲ့ Can’t Stop The Feeling ကဇာတ်ကားနဲ့အရမ်းလိုက်သလို ဇာတ်ကားရဲ့ Climax အခန်းမှာဆိုတဲ့ သီချင်းလေးကလည်း အရမ်းကိုအဓိပ္ပါယ်ပြည့်ဝပြီး တော်တော်ကောင်းမွန်ပါတယ်။ Lionel Richie ရဲ့ Hello သီချင်းကို တစ်ခန်းသုံးထားပြီး အဲ့အခန်းကို တော်တော်များများသဘောကျမှာပါ ။Animation ရေးဆွဲထားတာက လှပပြီးတော်တော်လေးကို idea ကောင်းပါတယ် Frozen ဇာတ်ကားလိုပဲ သီချင်းတွေဆိုရင်း ပေါ့ပေါ့ပါးပါးရိုက်ကူးထားတဲ့ ဇာတ်ကားကို အကုန်အကြိုက်တွေ့စေမှာပါ။ အပေါ်မှာပြောခဲ့သလိုပါပဲ စစ်မှန်တဲ့ပျော်ရွှင်မှုကို ဘယ်ကရှာရမလဲ Trollsတွေရဲ့ ခေါင်းဆောင်မင်းသမီးလေးဖြစ်တဲ့ Poppy ကတော့ပြောတယ် “မင်းရဲ့ရင်ဘက်ထဲကလာတဲ့အရာကနေရှာပါတဲ့ ” အဲ့စကားလေးက တော်တော်အတွေးပွားစေပါတယ် ရုပ်ဝတ္ထုတွေတိုးတက်လာတဲ့နောက်ပိုင်းမှာ လူချင်းတွေ့ဆုံပြီး စကားပြောဖို့ ရင်းရင်းနှီးနှီးနေထိုင်ဖို့က ဝေးကွာလာစေပါတယ်။ အွန်လိုင်းပေါ်က နှစ်သိမ့်တဲ့ လေလှိုင်းပေါ်ကစကာလုံးတွေထက်စာရင် အပြင်မှာတွေ့ဆုံပြီး ရင်းရင်းနှီးနှီးထွေးပွေ့လိုက်တာက ပိုပြီးလှပသလို ပိုပြီးနွေးထွေးစေပါတယ်။ ဒီဇာတ်ကားလေးကို ကြည့်ပြီးကလေးလူကြီးမရွေးကြိုက်ကြမယ်လို့ မျှော်လင့်ပါတယ်။ ဒါကြောင့် မကြည့်ရသေးတဲ့သူတွေလည်း သေချာပေါက်ကြည့်ကြည့်ပါလို့ ညွှန်းဆိုလိုက်ရပါတယ။် ပြီးရင် ကျွန်တော်တို့ရဲ့ စစ်မှန်တဲ့ပျော်ရွှင်မှုကို ရှာဖွေလိုက်ကြရအောင်လား ခင်ဗျာ……. Animation ဆိုပေ့မယ် အသံ သရုပ်ဆောင် နာမြည်တွေဖတ်ရုံနဲ့ ဖျားသွားလောက်ပါတယ်။ Credit : #MMDB_Review #Troll #ZKK အညွှန်းကို MMDB မှ ကို ဇင်ကိုကို ရေးထားတာကို ပြန်လည်ဖော်ပြပေးလိုက်ပါတယ် File Size     :   949 MB Duration    :   1 hr 30 min Quality       :   Webrip 720p Translator  :   Littleneo, Nyi Thanlwin Encoder      :   ThitSanKhant

ခပ်ကြမ်းကြမ်းပြကွက်ဆန်းတွေ ဘွင်းဘွင်းရှင်းရှင်း ဖေါ်ပြချက်တွေနဲ့ ပြင်သစ်ကားတစ်ကား DS Fans တွေအတွက် တင်ဆက်ပေးလိုက်ပါတယ် အီဗာမှာ မူမမှန်တဲ့ လိင်ပိုင်းဆိုင်ရာ ခံစားချက်တွေ ဆက်တိုက်ရနေပါတယ် အဲဒါက အရမ်းကိုထူးဆန်းတယ် မိတ်ဖက်မပါပဲနဲ့ စိတ်မပါပဲနဲ့ သူ့အလိုလို နေရာမရွေး အချိန်မရွေးထကြွပြီး ကိုယ့်ဘာသာကိုပဲ ဖြေရှင်းမှ အားရတဲ့ ရောဂါတစ်ခု စွဲကပ်နေပါတယ် အဲဒါက တဖြေးဖြေးပိုဆိုးလာပြီး အလုပ်ပြုတ်တဲ့အထိဖြစ်လာပါတော့တယ် သူမဖြေရှင်းဖို့က ကာမကုထုံး ဆရာဆီသွားမှပဲ အဆင်ပြေမယ့်အခြေမျိုး ရောက်လာတာကြောင့် ဆရာဆီရောက်သွားချိန်မှတော့ သူ့လို မူမမှန်တဲ့ သူတွေအများကြီးထပ်ရှိနေပါတော့တယ် ဆရာက မူမမှန်တဲ့သူတွေ စုပြီး ကုထုံးတစ်ခု တီထွင်လိုက်တဲ့အခါမှတော့… လူတွေဟာတစ်ယောက်တစ်မျိုးစီ ရူးနေကြတယ် အဲဒီအရူးတွေနောက်ပဲ ဆက်လိုက်မလား အဲဒီအရူးတွေကနေ ရုန်းထွက်မလား မိမိ စိတ်အပေါ်ပဲ မူတည်တယ်ဆိုတဲ့အကြောင်း မီးမောင်းထိုးပြထားတဲ့ ဇာတ်လမ်းကောင်းလေးပါပဲ

Genre – Horror, Thriller IMDB – 5.0/10 လန်ဒန်မြို့ကြီးမှာ အမျိုးသမီးတွေချည်း အောက်လမ်းလိုလို ပညာသည်လိုလိုနဲ့ ၂၈ ယောက်လောက် သတ်ခဲ့တဲ့ အတွဲလိုက်လူသတ်သမားကို နောက်ဆုံးတစ်ယောက် သတ်နေတဲ့အချိန် ဖမ်းမိခဲ့တာပါ။ ဒီလို ပြစ်မှုကြီးမားတဲ့အတွက် သေဒဏ်ကျခံရမှာပဲ ဖြစ်ပါတယ် ဒါပေမဲ့ သူ့ကို မကွပ်မျက်ခင်မှာ လူသတ်သမားဟာ အကျဉ်းထောင်ထဲမှာ ထူးဆန်းတဲ့သင်္ကေတတွေ ပုံတွေဆွဲပြီး ဂါထာလိုလို ဘာလိုလိုတွေရွတ်ပြီး သေဒဏ်ကျခံသွားရော။ သူ သေပြီးတဲ့နောက်မှာ ဒီအကျဉ်းထောင်ကြီးထဲ ညညဆို အကျဉ်းသားတွေ စိတ္တဇတွေဖြစ်ပြီး သေဒဏ်ကျခံရမှာကိုတောင် ကိုယ့်ကိုကိုယ် အဆုံးစီရင်တာတွေ ဖြစ်လာခဲ့ပါတယ်။ အဲဒီအချိန် တစ်ဖက်မှာ လူသေအလောင်း ဓာတ်ပုံရိုက်ပြီး တစ်ဖက်က တမလွန်ဆိုတာကို စက်နဲ့တည်ရှိကြောင်း သက်သေပြချင်တဲ့ တူဝရီးနှစ်ယောက်ကလည်း သေဒဏ်ပေးရသူကို ရိုက်ပေးဖို့ ထောင်ထဲကို ရောက်လာချိန် ထူးခြားမှုတွေ ဖြစ်နေလို့ လာရောက်ဖြေရှင်းတဲ့ ပရလောက ကျွမ်းကျင်သူနဲ့တွေ့ပြီး ဒီလူ တိုက်ခဲ့တဲ့ကျိန်စာတွေ အသက်ဝင်လာပြီး ထကြွသောင်းကျန်းတဲ့အခါ ဒီအကျဉ်းထောင်ထဲမှာ အသက်ရှင်သန်နိုင်ဖို့ ၃ ယောက် ပေါင်းပြီး အတူတကွ ကြိုးပမ်းရပါတော့တယ်။ ခေါင်းဆောင်မင်းသားကြီး နေရာကိုတော့ Lord of the Ring ထဲက Dwarf ဂျပုလေး Gimli နေရာက ဝေလမင်းသားကြီး John Rhys-Davies က သရုပ်ဆောင်ပေးထားပါတယ်။ File size…1.29GB / 416MB Quality…WEB-DL 1080p 5.1 CH/ 720p Format…mp4 Duration….1h 51m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Thura Aung

The Day of the Jackal (1973) ~ IMDb – 7.8/10, Rotten Tomatoes – 90% ~ ပြင်သစ်နိုင်ငံရဲ့ ၁၉၆၂ ခုနှစ်ကတော့ နိုင်ငံရေး မုန်တိုင်းထန်တဲ့ အချိန်လို့ပဲပြောပါတော့။ စစ်ရေးဗိုလ်ချုပ်တွေကနေ နိုင်ငံတော်သမ္မတနေရာ ဝင်ယူတာမျိုးတွေ၊ စစ်ဘက်မှာလည်း နိုင်ငံရေးဆန်ချင်တဲ့အဖွဲ့နဲ့ စစ်ရေးအမြင်ကိုသာ ဆုပ်ကိုင်ချင်တဲ့အဖွဲ့တွေဆိုပြီး ဂိုဏ်းကဏ္ဍတွေ ကွဲခဲ့တဲ့အချိန်ပါပဲ။ ဒီလိုနဲ့ ဗိုလ်ချုပ်ကြီးတစ်ဖြစ်လဲ နိုင်ငံတော်သမ္မတ ချားလ် ဒီဂေါလ် က အာဂျီးရီးယားကို လုံးဝလွတ်လပ်ရေးပေးလိုက်တယ်။ ရင်ကို မြေကတုတ်လုပ်ပြီး တစ်လက်မချင်းစီကို သွေးချောင်းစီးတိုက်ယူခဲ့ရတဲ့ စစ်ဘက်ရေးရာပုဂ္ဂိုလ်တွေကတော့ ဘယ်ကျေနပ်နိုင်ပါ့မလဲလေ။ ဒီလိုနဲ့ နိုင်ငံတော်သမ္မတကို လုပ်ကြံဖို့ OAS မြေအောက်အဖွဲ့ကို တည်ထောင်ပြီး သမ္မတကို အကြိမ်ကြိမ် လုပ်ကြံခဲ့ကြတယ်။ တစ်ခါ မအောင်မမြင်ဖြစ်တိုင်း ဦးစီးသူတစ်ယောက် အသက်ပေးလာရတဲ့အခါ OAS အဖွဲ့ကြီး ချိနဲ့လာတော့တာပေါ့။ ဒီမှာတင် နိုင်ငံခြားသား ကြေးစားလုပ်ကြံရေးသမားတစ်ယောက်ကို ငွေအပုံလိုက်ပေးပြီး ငှားရမ်းလိုက်တော့တာပဲ။ သူကတော့ ခေသူမဟုတ်ဘူးပေါ့ဗျာ။ လုပ်ကြံရခက်ခဲတဲ့ နိုင်ငံတော်အဆင့်ခေါင်းဆောင်တွေကို လုပ်ကြံပြီး ခြေရာဖျောက်သွားတတ်တဲ့သူကြီး။ သူကိုယ်တိုင်ဆင်းလာပြီး ပြင်သစ်သမ္မတကို လူ့လောကထဲက မောင်းထုတ်ဖို့ ကြံစည်အားထုတ်သွားတဲ့ ဇာတ်လမ်းကောင်းပါပဲ။ ပြင်သစ်အစိုးရအဖွဲ့နဲ့ OAS အဖွဲ့တို့ကလည်း အပြန်အလှန် နှစ်ဖက်ချွန်သူလျှိုတွေနဲ့ တစ်ယောက်ခြေလှမ်း တစ်ယောက်စောင့်ကြည့်နေကြချိန်ပါ။ ဒီမှာတင် လုပ်ကြံရေးသမား အမည်ဝှက် ဂျက်ကယ်လ် (သဲကန္တာရမြေခွေး) က ပြင်သစ်အစိုးရတစ်ဖွဲ့လုံးနဲ့တစ်ယောက် ဉာဏ်ပြိုင်ပြီး လုပ်ကြံဖို့ကြိုးစားခဲ့ပုံတွေကို ၂ နာရီခွဲနီးပါး အားရပါးရ ကြည့်ရှုရပါမယ်။ သိပ်ကိုကောင်းမွန်တဲ့ ဝေဖန်ချက်တွေရခဲ့တဲ့ ဇာတ်လမ်းပါ။ ခရမ်းချဉ်သီးပုပ် ၉၀ % ရထားတာကိုသာ ကြည့်ပေတော့။ ပရိသတ်ကလည်း ကြိုက်တဲ့ရုပ်ရှင်ပဲ။ IMDb 7.8 အထိ ရထားတဲ့ 1973 ခုနှစ်က ဟောင်းပေမဲ့ ကောင်းနေဆဲဇာတ်ကားကြီးကို ပြန်လည်တင်ဆက်ပေးလိုက်ပါတယ်။ (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size – 2.6GB, 1GB Quality – 1080p, 720p IMDb Rating – 7.8/10 Format – mp4 Duration – 2H 23Min Genre – Crime, Drama, Thriller Subtitle – Myanmar Subtitle (Hardsub) Translated by Arr Khun Winchester Encoded by Y

My Bloody Valentine (2009) ===================== ဟောလိုးဝင်းနဲ့လိုက်မယ့် အတော်အသင့် ခြောက်ခြားစရာ ရုပ်ရှင်တစ်ကားကို ရွေးကြည့်မယ်ဆိုရင် My Bloody Valentineက မဆိုးတဲ့ကားပါပဲ။ SuperNaturalရဲ့ Dean Winchester , Jesen Ackelesရဲ့ Box Officeမှာ အောင်မြင်ခဲ့တဲ့ ရုပ်ရှင်လည်းဖြစ်တယ်။ SuperNatural အစောပိုင်းကာလနဲ့ ခပ်ဆင်ဆင်အရသာလိုချင်တဲ့ Dean ပရိတ်သတ်တွေအတွက် အကြိုက်တွေ့မယ့် ကားမျိုးလည်းဟုတ်တယ်။ တစ်ခုရှိတာက ဒီရုပ်ရှင်က Slasher filmပါ။ ပြောရရင်တော့ ‌‌ချွန်ထက်တဲ့လက်နက်တွေနဲ့ ခန္ဓာကိုယ်ကို ဟက်တက်ခွဲ လူသတ်‌တာတွေပြတဲ့ Horror Filmတစ်မျိူးပါပဲ။ အရမ်းကြီးတော့ ကြောက်ဖို့မကောင်းလှပါဘူး။ ခေါင်းကို ကိတ်မုန့်ခွဲသလို ပါးစပ်ကနေ ဂေါ်ပြားထိုးစိုက်ပြီး လှီးပစ်တာလောက်ပဲပါပါတယ်။ အားနည်းချက်ကတော့ တရားခံကိုထင်ယောင် ထင်မှားဖြစ်အောင် ပတ်ပြပြီး Plot twistလေး ထည့်ထားပေမယ့် ဇာတ်ကြောင်းအရ တရားခံကသိသာလွန်းနေတာပါပဲ။ တရားခံကို ဖုံးဖို့ အားစိုက်မကြိုးစားဘဲ ဒီအတိုင်းရေလိုက်ငါးလိုက်လေး ထားလိုက်ရင် ဒီကားရဲ့ Ratingက ဒီထက်ပိုကောင်းသွားမှာပါ။ Box officeမှာ အောင်မြင်တယ်ဆိုတော့ အများစုတော့ ကြိုက်ကြပုံပါပဲ။ Jesen Acklesကို ကြိုက်လို့ပဲကြည့်ကြည့် Hollowen Horror Movieအနေနဲ့ပဲ ကြည့်ကြည့် ကြည့်ပျော်ရှုပျော်ရှိမယ့်ကားဆိုတာတော့ အာမခံလို့ရပါတယ်။ ( ဘာသာပြန်ပြီး အညွှန်းရေးသားထားသူကတော့ WiRa Aung ဖြစ်ပါတယ် ) File size_(1.4GB)/(850MB) Quality_Blu-Ray 1080p / 720p Format_mp4 Duration_01:41:00 Genre_Adult, Drama Subtitle_Myanmar Subtitle (Hardsub) Encoder_a hao Translated by WiRa Aung

Spy(2015) IMDb Rating (7/10) / Rotten Tomatoes (95%) ရုပ်ရှင်လောကမှာ ဟာသ နဲ့ အက်ရှင် ဆိုတာက အရောမတတ်ရင် တိုင်ပတ်သွားနိုင်တဲ့အမျိုးအစားတစ်ခုထဲပါတယ်။ အက်ရှင်နယ်ပယ်မှာလည်းပုံမလာ၊ ဟာသထဲကျတော့လည်းပေါနေပြန် ဆိုတာတွေနဲ့ Action- Comedy ကားတွေက တော်ရုံဆိုရင် ပေါက်ဖို့ကော Rating ကောင်းဖို့ပါခက်တယ်။ ဒီရုပ်ရှင်ကတော့ အဲဒီအချက်တွေနဲ့မငြိစွန်းဘဲ တော်တော်ကိုပေါက်ခဲ့တယ်။ “ပေါက်မှာပေါ့။ ပါတဲ့သရုပ်ဆောင်တွေကိုလည်းကြည့်ဦးလေ” လို့ပြောလို့ရပေမဲ့ နာမည်ကြီးတွေပြုံထည့်ပြီး ယမ်းရှူသွားရတဲ့ရုပ်ရှင်တွေလည်း ကျနော်တို့မြင်ခဲ့ဖူးပြီးသားပါ။ ဒီရုပ်ရှင်ဘာကြောင့်ပေါက်သလဲဆိုတာ ကြည့်မှပဲသိပါလိမ့်မယ်။ စီအိုင်အေမှာ မြေပြင်ကိုသွားရတဲ့စပိုင်တွေနဲ့ မြေအောက်ခန်းကနေ သတင်းအချက်အလက်ထောက်ပံ့ရတဲ့အဖွဲ့ဆိုပြီး ၂ ဖွဲ့ရှိတယ်။ မြေပြင်ကစပိုင်တွေကတော့ စပိုင်ကားတွေထဲကလို ဂျလန်းကြီးတွေလုပ်ရပေမဲ့ မြေအောက်ခန်းကကွန်ပြူတာသမားတွေကတော့ လင်းနို့ဝင်လိုက် ကြွက်ဝင်လိုက်ဖြစ်နေတဲ့အခန်းထဲ ထိုင်အလုပ်လုပ်ကြရတာပေါ့။ ပထမဆုံးဇာတ်ကောင် ၂ ယောက်အနေနဲ့ ဆူဆန်ကူးပါး(Melissa McCarthy) နဲ့ ဘရက်ဒလေဖိုင်း (Jude Law) တို့ပါတယ်။ ဆူဆန်ကတော့ နားကြပ်ကတဆင့် မြေပြင်က ဖိုင်းကို ညွှန်ကြားရတာပေါ့။ အဲဒီအပြင် ဖိုင်းကိုပါကြိတ်ကြွေနေသေးတာ။ တစ်နေ့တော့ အဏုမြူဗုံးတစ်လုံးကို ပြန်ယူရမယ့်မစ်ရှင်ဖြစ်လာတယ်။ အဲဒီမှာ ဖိုင်းတစ်ယောက်လုပ်ကြံခံလိုက်ရတဲ့အပြင် လက်သည်ကလည်း စီအိုင်အေက စပိုင်တွေအကုန်လုံးရဲ့နာမည်ကိုသိထားပြီးသားဖြစ်နေပြီဆိုတော့ မြေပြင်ထွက်တဲ့စပိုင်တွေတိုင်ပတ်တော့တာပေါ့။ သူတို့အနေနဲ့ သူလျှိုဝင်လုပ်ဖို့ကမဖြစ်နိုင်တော့ဘူး။ အဲဒီလိုနဲ့ ဒီမစ်ရှင်က မြေအောက်ခန်းမှာကွန်ပြူတာကိုင်တဲ့ ဆူဆန်ကူးပါး ရဲ့တာဝန်ဖြစ်လာတယ်။ သူ့ပုံကလည်း ရုပ်ရှင်ထဲက စပိုင်‌တွေလိုခပ်လန်းလန်းမဟုတ်တဲ့အပြင် သူ့အကြောင်းလည်းဘယ်သူမှအဖတ်မလုပ်ဘူးဆိုတော့ သူပဲလုပ်ပေးပါမယ်ပေါ့။ သူကသင်တန်းဆင်းအေးဂျင့်ဆိုပေမဲ့ တခြားသူမပြောနဲ့ သူ့ကိုယ်သူတောင်ယုံကြည်ချက်မရှိဘဲ အထင်မကြီးဘူးဖြစ်နေတယ်။ ဒါပေမဲ့ မြေပြင်ပေါ်ရောက်လာတဲ့အချိန် စိတ်ရှိလက်ရှိကြမ်းရမ်းရင်း သူကိုယ်တိုင်တောင်မသိတဲ့ သူ့ရဲ့လုပ်နိုင်စွမ်းတွေကိုပါမြင်လာရတယ်။ အဲဒီလိုနဲ့ သူလျှိုဝင်လုပ်တဲ့အချိန်မှာ ဒီအဏုမြူဗုံးအရောင်းအဝယ်ကိစ္စက နှစ်ဖက်ချွန်သူလျှိုတွေဘာတွေနဲ့ သပွတ်အူလိုရှုပ်ရှုပ်လာတော့ စပိုင်ကားတွေအတိုင်း အက်ရှင် ဇာတ်အိမ်ကောင်းကောင်းနဲ့ အမှုကိုဖြည်ကြတာပေါ့။ ဒီရုပ်ရှင်မှာ အခိုက်ဆုံးနေရာဆိုရင် ဆူဆန့်ရဲ့ ဇာတ်ရုပ်အပြောင်းအလဲဖြစ်တဲ့နေရာဖြစ်လိမ့်မယ်။ တအားချိုသာတဲ့လူအဖြစ်ကနေ သူ့ဇာတ်‌သူမနိုင်နိုင်အောင်က,ရင်းကနေ ငါဒီလိုတောင် သောက်ကြမ်းကြီးလုပ်နိုင်ပါလားဆိုတဲ့အထိ ဇိုးကြီးဖြစ်သွားတာက ရယ်ရသလောက် အားရဖို့လည်းကောင်းတယ်။ ဇာတ်လမ်းကတော့ စပိုင် အက်ရှင် ဟာသကို ကျကျနနရောထားတဲ့ ဇာတ်လမ်းကောင်းတစ်ခုပါပဲ။ ဒါရိုက်တာ Paul Feig က သူ့အနေနဲ့ စပိုင်ကားကိုမှ ဖန်တရာတေ ဟာသတွေမသုံးဘဲ အတတ်နိုင်ဆုံးရယ်ရတဲ့ အက်ရှင်ကားမျိုးဖြစ်အောင်ရိုက်ချင်တယ်ဆိုတဲ့စိတ်ကူးကနေအရင်းခံပြီး ဇာတ်ညွှန်းကိုသူကိုယ်တိုင်ရေးခဲ့တယ်။ ဟာသတွေကလည်း အခုထိသစ်တုန်းပဲ။ လင်းနို့တွေရုံးထဲရောက်နေတဲ့အခန်းဆိုရင် သူရိုက်ခဲ့တဲ့ The Office အပိုင်းတစ်ခုကို reference ယူထားတယ်လို့ဆိုတယ်။ Jason Statham ဇာတ်ကောင်ကိုလည်းအစကတော့ တည်တည်တံ့တံ့အနေနဲ့ရေးခဲ့ပေမဲ့ နောက်မှစိတ်ပြောင်းပြီး အူကြောင်ကြောင်ဟာသဇာတ်ကောင်အနေနဲ့ထည့်သုံးလိုက်တယ်။ အဲဒီဘဲကလည်း ဟာသအပိုင်းမှာပါ တော်တော်ကိုပိုင်တယ်လို့ပြောရလောက်အောင် အတည်ပေါက်ကြီးတွေဖောက်တယ်။ ဟာသမင်းသားအနေနဲ့ပါ ဆုတစ်ခု ဆန်ကာတင်ဝင်သွားသေး။ ဒါရိုက်တာ Paul Feig နဲ့ Melissa McCarthy ကိုဇာတ်ကြောင်းပြန်ကောက်မယ်ဆိုရင် သူတို့ကရှေ့မှာ Bridesmaid တို့ The Heat တို့ကိုရိုက်ခဲ့ပြီးပြီ။ Melissa McCarthy ဆိုတာ ဒီကားမတိုင်ခင်ကတော့ ဇာတ်ပို့ဟာသမင်းသမီးလောက်ပေါ့။ ဒါပေမဲ့ Bridesmaid မှာ ဇာတ်ပို့အော်စကာဆုဆန်ကာတင်ဝင်သွားတဲ့အထိ သရုပ်ဆောင်ကောင်းနေတော့ Spy မှာ အဓိကဇာတ်ကောင်အနေနဲ့တည်ရိုက်ခဲ့တယ်။ ဒီကိစ္စနဲ့ပတ်သက်လို့ Feig က တာဝန်ကြီးကြောင်းလည်းဝန်ခံခဲ့တယ်။ သူ့အဆိုအရ ဒီရုပ်ရှင်ကိုသာ ပေါကားဖြစ်အောင်သူရိုက်မိရင် အမျိုးသမီးတွေရဲ့ဟာသရုပ်ရှင်နယ်ပယ်က တော်တော်အထိနာသွားမယ်တဲ့။ ဒီလိုတာဝန်များတဲ့ကိစ္စမှာ Melissa McCarthy ကို ထည့်ရိုက်တယ်ဆိုတာ တော်ရုံယုံကြည်မှုနဲ့တော့မဟုတ်ဘူး။ Melissa ကလည်း စတန့်တွေကိုပါ ကိုယ်တိုင်ဝင်လုပ်တဲ့အပြင် အက်ရှင်ခန်းအတွက်သိုင်းပါသင်တဲ့အထိ တော်တော်ကြိုးစားခဲ့တယ်။ ယုံကြည်မှုကို အလဟဿမဖြစ်စေဘူးပေါ့လေ။ သူ့ရဲ့သရုပ်ဆောင်ချက်တွေကလည်း ဒီရုပ်ရှင်ကို အဓိကချီးကျူးကြတဲ့ထဲမှာပါတယ်။ ချုပ်ပြောရရင် သရုပ်ဆောင်တွေကော ဇာတ်လမ်းပါ ပျင်းဖို့မကောင်းတဲ့ရုပ်ရှင်ပါပဲ။ “ငါသာ အတွေ့အကြုံမရှိဘဲ စပိုင်အနေနဲ့ထွက်လုပ်ရမယ်ဆိုရင် ဘယ်လိုနေမလဲတွေးကြည့်ပါ”။ ပြီးရင် ဒီရုပ်ရှင်ကိုကြည့်လိုက်ပါ။ မိုးမွှန်နေအောင်ရိုင်းထားတာကြောင့် ဒီရုပ်ရှင်နဲ့အင်္ဂလိပ်စာသင်မယ်ဆိုရင်တော့ ကောင်းကောင်းဆဲတတ်သွားမှာတော့သေချာပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) 4K ကိုတော့ CM App မှာ Streaming လဲ ကြည့်လို့ရသလို One Click Download လဲ ပြုလုပ်နိုင်ပါတယ်။ CM App ကို www.cmapp.tv မှာ ရယူပါ။

American စာရေးဆရာမ မယ်ရီဖလန်နရီ အိုကော်နာရဲ့ ပထမဆုံး ဝတ္ထုကိုရေးတုန်းမှာ ကြုံတွေ့ရတဲ့ အခက်အခဲတွေကို ပြန်သရုပ်ဖော်ထားတဲ့ biography ရုပ်ရှင်တစ်ခုပါ။ မင်းသမီးချော Maya Hawke က ဇာတ်လိုက်အနေနဲ့ ပါဝင်ပေးထားပြီး ဖခင်ဖြစ်သူ Ethan Hawke က ရိုက်ကူးထားတာပဲဖြစ်ပါတယ်။ စိတ်ဝင်စားစရာကောင်းတဲ့ အတွေးအခေါ်တွေနဲ့ မပြတ်ဆွဲဆောင်သွားနိုင်တဲ့ဇာတ်ကားဖြစ်လို့ သာမန်ဘဝဇာတ်ကြောင်းရုပ်ရှင်တွေလို ပျင်းဖို့ကောင်းမှာ မဟုတ်တာတော့ အာမခံနိုင်ပါတယ်။ File size…1.09GB / 486MB Quality…WEB-DL 1080p 5.1CH / 720p Format…mp4 Duration….1h 43m Genre …..Biography , Drama Subtitle….Myanmar Subtitle (Hard Sub) Encoder….Min Wai Translated by Alice

ဒီဇာတ်ကားလေးကတော့ ကလယ်ယာ ဆိုတဲ့ နယူးယောက်မှာရှိတဲ့ အောင်မြင်သာယာနေတဲ့ မိန်းကလေးတစ်ယောက်က သာသာယာယာနေနေရင်း သူ့သတိုးသားလောင်းနဲ့ မင်္ဂလာဆောင်ခါနီးမှ သူ့ရဲ့ personal ပြဿနာတွေ တစ်ခုပြီးတစ်ခုပေါ်လာတာတွေကို သူဘယ်လိုဖြေးရှင်းလဲဆိုတာကို ရိုက်ပြထားတဲ့ Drama ကားလေးတစ်ကားပါ ပုံမှန်လက်တွေ့ဘဝမှာလည်း ကြုံရတတ်တဲ့ မထင်မှတ်ထားတာတွေပါ ဒီလို အခက်အခဲတွေနဲ့ကြုံလာရင် ဘယ်လိုဖြေရှင်းကြမလဲဆိုတာလေးပါ ကြည့်ရှုလိုက်ကြပါဦးလို့…… File size…(1.5 GB)/(690 Mb) Quality….Webrip 1080p / 720p Format… mp4 Duration…. 01:26:00 Genre… Drama Subtitle….Myanmar Subtitle (Hardsub) Encoder….Garfield Translated by Nikobaby

IMDb 6.2/10 MyAnimeList 6.9/10 ဒီကာတွန်း​လေးက​တော့ ၂၀၁၁ထွက် Buddha : the great departureရဲ့​နောက်ဆက်တွဲကာတွန်းပါ။ ပထမကား​အပြီး တောထွက်ရာက​နေ သဗ္ဗညုတဥာဏ်ဆိုက်​​ရောက်ပြီး ဗုဒ္ဓမဖြစ်ခင်စပ်ကြား ဒုက္ကရစရိယာကို ပြင်းပြင်းထန်ထန်ကျင့်ကြံခဲ့ပုံ၊ ​ ဂင်္ဂါမြစ်စစ်ပွဲ၊ ​ကောသလနဲ့သကျသာကီတို့ရဲ့ စစ်ပွဲ၊ ဗိမ္မသာရမင်းကြီးနဲ့​တွေ့ဆုံခန်း၊ သာကီဝင်​တွေကျဆုံးခန်း​တွေကို​ဝေ​​ဝေဆာဆာမြင်​တွေ့ရမှာပါ။ တစ်ခု​တော့ရှိပါတယ်။ ဗုဒ္ဓဖြစ်စဥ်ကို​ကျောရိုး​လောက်ပဲယူထားတာမလို့ ​ထေရဝါဒရဲ့ဗုဒ္ဓဝင်နဲ့​တော်​တော်ကိုကွဲပါတယ်။ တချို့ဇာတ်လမ်း​တွေဆိုရင် အသစ်ထည့်တာ​တွေ၊ အချိန်ကွဲတာ​တွေပါပါတယ်။ ဥပမာ ​ကောသလက သကျသာကီ​တွေကိုဝင်တိုက်တဲ့ကာလဟာ အရမ်း​စော​နေတာတို့ပါ။ အပျင်း​ပြေကြည့်မယ်ဆိုမှပဲ ကြည့်ရအဆင်​ပြေမှာပါ။ နို့မို့ဆိုရင် ကျမ်းစာနဲ့မကိုက်ဘူး ဘာဘူးညာဘူးဖြစ်ပြီး စိတ်ညစ်ရပါလိမ့်မယ်။ မှတ်ချက် – နာမည်​တွေကိုတတ်နိုင်သမျှ ကျမ်းစာပါအတိုင်း ​​ရေး​ပေးထားပါတယ် File Size : 1.4 GB, 610 MB Quality : Blu-Ray 1080p / 720p Running Time : 1hr 51min Format : Mp4 Genre : Animation, Adventure, Biography Subtitle : Myanmar Subtitle (Hard Sub) Translated by : Dr.Nyan Encode by : Thit San Khant

Fatti Vedere က ၂၀၂၅ ခုနှစ်မှာ ထွက်ရှိခဲ့တဲ့ အီတလီ ဟာသရိုမန့်စ် ရုပ်ရှင်တစ်ကားဖြစ်ပြီး ဒါရိုက်တာ Tiziano Russo ရိုက်ကူးထားတာပါ။ ဇာတ်လမ်းရဲ့ အဓိကဇာတ်ကောင်ကတော့ Sandra (Matilde Gioli) ဆိုတဲ့ စိတ်ပညာဘွဲ့ရထားတဲ့ ကောင်မလေးတစ်ယောက်ပါ။ သူမက FATTIVEDERE.COM ဆိုတဲ့ နာမည်ကြီး အွန်လိုင်းစိတ်ကုထုံးဆိုက်မှ ာ အလုပ်သစ်ရထားလို့ ဝမ်းသာနေချိန်မှာ သူမရဲ့ ဆယ်နှစ်ကြာ တွဲခဲ့တဲ့ ချစ်သူ Stefano (Francesco Centorame) က ဘာအကြောင်းပြချက်မှ မပေးဘဲ သူမကို စွန့်ပစ်သွားခဲ့တယ်။ ဒီလိုနဲ့ Sandra တစ်ယောက် ဘာကြောင့်လဲဆိုတဲ့ အကြောင်းပြချက်ကို သိရဖို့ စိတ်ရှုပ်ထွေးပြီး အဖြေရှာဖို့ ကြိုးစားပါတော့တယ်။ ဒါပေမယ့် သူမရဲ့ ပထမဆုံးအလုပ်နေ့မှာပဲ ဆိုက်မှာ အမှားတစ်ခုဖြစ်ပြီး Sandra ရဲ့ ဓာတ်ပုံအစား အသက် ၇၀ အရွယ် အမျိုးသမီးတစ်ယောက်ရဲ့ ဓာတ်ပုံနဲ့ အထောက်အထားတွေ ထည့်သွင်းခံရတယ်။ ပိုပြီး ထူးဆန်းတာက သူမရဲ့ ပထမဆုံး လူနာတွေထဲမှာ Stefano ပါဝင်နေတာပါပဲ။ Sandra တစ်ယောက် သူမရဲ့ အချစ်ရေးပြဿနာကို ဖြေရှင်းဖို့ ပရော်ဖက်ရှင်နယ်ကျင့်ဝတ်တွေကို ချိုးဖောက်ပြီး အဲဒီ အသက်ကြီးအမျိုးသမီးရဲ့ အထောက်အထားကို အသုံးပြုပြီး သူမကိုယ်သူမဖုံးကွယ်ကာ စိတ်ကုထုံးပေးတယ်။ ဒီလိုနဲ့ သူမဟာ စုံထောက်ပုဂ္ဂလိက Marco (Pierpaolo Spollon) ရဲ့ အကူအညီနဲ့ Stefano က ဘာကြောင့် သူမကို စွန့်ပစ်သွားရတာလဲဆိုတာကို ရှာဖွေဖို့ ကြိုးစားပါတယ်။ ဒီရုပ်ရှင်က ၁ နာရီ ၄၅ မိနစ်ကြာပြီး အီတလီမှာ ၂၀၂၅ ခုနှစ် ဖေဖော်ဝါရီ ၆ ရက်နေ့က Eagle Pictures က ဖြန့်ချီခဲ့ပါတယ်။ အီတလီမှာ ရုံတင်ဝင်ငွေ ၆၁၂,၀၀၀ ယူရိုလောက် ရရှိခဲ့တယ်လို့ သိရပါတယ်။ ရုပ်ရှင်က အသက် ၁၃ နှစ်အထက် ကြည့်ရှုဖို့ အကြံပြုထားပါတယ်။ ဟာသရော အချစ်ဇာတ်လမ်းလေးရော ကြိုက်တတ်တဲ့သူတွေအတွက် ကြည့်လို့ကောင်းတဲ့ ရုပ်ရှင်တစ်ကားပါ။ File size… 1.92 GB / 794 MB Quality… BluRay 1080p / 720p Format… mp4 Audio… AAC Duration…. 1h 45m Genre ….. Comedy/Romance Subtitle…. Myanmar Subtitle (Hard Sub) Encoder…. Thit San Khant Translated… by Min khant