Sulaikha Manzil 2023 (IMDb 8.4/10) ဘဝကြီးမှာ တစ်ခါမှမမြင်ဖူးသေးပဲ တစ်ပတ်လောက်ပဲ သိကျွမ်းဖူးတဲ့ လူတစ်ယောက်ကို လက်ထပ်ရမယ်ဆိုရင် သင်ဘယ်လိုလုပ်မှာလဲ ဝမ်းသာမှာလား ပျော်ရွှင်မှာလား ရင်ခုန်စိတ်လှုပ်ရှားမှာလား ကြည်နူးနေမှာလား ဒီမင်္ဂလာပွဲကြီးကိုရော သင်ဘယ်လိုစီစဉ်မလဲ ဘယ်လိုပြင်ဆင်မလဲ စိတ်ပိုင်းဆိုင်ရာရော ရုပ်ပိုင်းဆိုင်ရာပါ အဆင်သင့်ဖြစ်အောင်ပေါ့ ယခုဇာတ်ကားလေးထဲမှာလည်း အချိန်မယူရသေးဘဲ အလောတကြီးစီစဉ်လိုက်တဲ့ မင်္ဂလာပွဲတစ်ခုကို ကာယကံရှင်နှစ်ယောက်က ဘယ်လိုရင်ဆိုင်ကြမလဲ သူတို့မိသားစုတွေရဲ့ကူညီမှုကရော အကူအညီဖြစ်မှာလား ဖိအားတွေပိုတိုးလာမှာလား သူငယ်ချင်းတွေကရော ကူညီကြမှာလား ကူညီသလိုနဲ့ ဆေးတွေပဲဝိုင်းထိုးနေမလား နောက်ဆုံး အဆင်ပြေပြေနဲ့ပဲ အချစ်တွေပေါက်ဖွားလာပြီး မင်္ဂလာပွဲလေး အောင်မြင်သွားမလား စသည်ဖြင့် ခံစားကြည့်ရှုရမဲ့ ဇာတ်ကားကောင်းလေးပါ ခုချိန်ထိ စော်မရဘဲမရ မိဘပေးစားမှ လင်ရမိန်းမရမဲ့ လူပျိုကြီး အပျိုကြီးများ သို့မဟုတ် အသက်ငယ်ပေမဲ့ အဖြစ်မရှိလို့ မိဘကစောစောစီးစီးပေးစားတာခံရမဲ့ FA ပေါက်စလေးများ ကြည့်ရင်းနဲ့ ပညာလဲရ ကိုယ့်အဖြစ်နဲ့လဲ ယှဉ်ထိုးခံစားလို့ရတာမို့ လက်မလွှတ်တမ်းကြည့်ကြဖို့ ပရိသတ်ကြီးအတွက်တင်ဆက်ပေးလိုက်ပါတယ် ( အညွှန်းရေးသားသူကတော့ Sai~Aditi ဖြစ်ပြီး ဘာသာပြန်တွေကတော့ Sai~Aditi~Chiclon3~Yunni~Nyein~BpL တို့ပဲ ဖြစ်ပါတယ်) File size…2.3GB /1.1GB Quality…1080p WEB DL /720p Format…mp4 Duration….2h  Subtitle….Myanmar Subtitle (Hard Sub) Encoder….YK Translated by  Sai~Aditi~Chiclon3~Yunni~Nyein~BpL

ကြည့်နေကျမဟုတ်တဲ့ ပေါ့ပေါ့ပါးပါး မှော်ဆန်ဆန် ဟာသကျောင်းသားကားလေး ရှာနေပါသလား ဒီတစ်ခေါက် ထိုင်းနဲ့ ဗီယက်နမ်ပူးတွဲရိုက်ထားတဲ့ Bookworm Beauty ဆိုတဲ့ ဇာတ်ကားလေးနဲ့ မိတ်ဆက်ပေးချင်ပါတယ်။ ဒီဇာတ်ကားလေးက ၂၀၂၁ မှာ ပြသခဲ့ပြီး အန်း ဆိုတဲ့ ကျောင်းသူလေးအကြောင်းကို ပုံပြင်တစ်ပုဒ်လို ရိုက်ကူးထားတာပဲဖြစ်ပါတယ်။ အန်းဟာ ဟားဗတ်တက္ကသိုလ်ကို တက်ချင်တဲ့ ကျောင်းသူလေးတစ်ယောက်ဖြစ်ပြီး ယုံကြည်ချက်တွေ ပိုရှိလာဖို့ international school တစ်ခုကို ပြောင်းလာခဲ့ပါတယ်။ အဲ့ကျောင်းမှာ Miss idol ဆိုတဲ့ စံပြကျောင်းသားဆုကို ပေးလေ့ရှိပါတယ်။ အန်း ရောက်လာပြီးမှာတော့ ကျောင်းမှာ အလှဆုံးကောင်မလေးသုံးယောက်ပါတဲ့ beauty club နဲ့ ဉာဏ်ကြီးရှင်အဖွဲ့ဖြစ်တဲ့ Genius club တို့ဟာ Miss idol ဆုကို ရဖို့အတွက် ယှဉ်ပြိုင်ကြပါတော့တယ်။ ဉာဏ်ကြီးရှင်အဖွဲ့ဟာ အန်းကို အဖွဲ့ဝင်အဖြစ် ဖိတ်ခေါ်ပြီး အဖွဲ့ထဲမှာ ကြည့်အကောင်းဆုံးဖြစ်တဲ့ အန်းကိုပြိုင်ပွဲဝင်အဖြစ် ပြိုင်ဖို့ တိုက်တွန်းပါတော့တယ်။ ဒါပေမဲ့ ရှက်တတ်တဲ့ အန်းလေးက ပြိုင်ပွဲပြိုင်ဖို့ ယုံကြည်ချက်ရှိမနေခဲ့ပါဘူး။ ဒါကြောင့်မို့ အန်းလေးကို အဖွဲ့သားတွေအပြင် ကျောင်းရဲ့ မင်းသားလေး ကွမ် ကပါ ကူညီပြင်ဆင်ပေးခဲ့ကြပါတယ်။ ဒါပေမဲ့ အန်း ကို beauty club က ကောင်မလေးတွေက အနိုင်ကျင့်နှိပ်စက်ပြီး အရှုံးပေးချင်အောင် လုပ်ခဲ့ကြပါတယ်။ အဲဒီအချိန်မှာပဲ အန်းဟာ မှော်ဆန်ဆန်စာအုပ်လေးတစ်အုပ်ကို ရှာဖွေတွေ့ရှိခဲ့ပါတယ်။ စာတစ်လုံးမှမပါတဲ့ စာအုပ်လေးကို စပ်စုရင်း အန်းဟာ စာအုပ်ရဲ့ ဆန္ဒတွေကို ဖြည့်ဆည်းပေးနိုင်တဲ့ ကုဒ်ကို အမှတ်မထင် ဖြည်မိသွားပါတယ်။ အဲဒီနောက်မှာတော့ စာအုပ်လေးက အန်း ရဲ့ ဆန္ဒတွေကို ဘယ်လိုဖြည့်ဆည်းပေးမလဲ၊ ပြိုင်ပွဲကိုရော အဆုံးထိ ယှဉ်ပြိုင်သွားနိုင်ပါ့မလား ဆိုတာကို ပေါ့ပေါ့ပါးပါး ဆက်လက်ကြည့်ရှုပေးကြဦးနော်။ အညွှန်း နဲ့ ဘာသာပြန်ကတော့ Thada ပဲ ဖြစ်ပါတယ်။ Genre..... Comeday, Drama Quality…. 1080p | 720p | 480p File size… 1.3GB | 702MB | 337MB Format… mp4 Duration…. 1h 40min Subtitle…. Myanmar Subtitle (Hardsub) Translator ..... Thada Encoder ..... August

ဒီတစ်ခါတင်ဆက်ပေးမယ့် ကားကောင်းလေးကလည်း လှည့်ကွက်လေးတွေနဲ့ တကယ်ကို ကြည့်လို့ကောင်းတဲ့ ကားလေးပါပဲ..မင်းသားအနေနဲ့ကတော့ မင်းသားချော အင်မရန်းဟက်ရှမီနဲ့ Raaz 2002 ထဲက မင်းသားချောလေး ဒီနိုမောရိယတို့က အဓိကပါဝင်သရုပ်ဆောင်ပေးထားပါတယ်။ ဇာတ်လမ်းကတော့ လူတွေရဲ့ဖြစ်တတ်တဲ့သဘောကို ရိုက်ကူးတင်ဆက်ထားခြင်းပါ။ အောင်မြင်ကျော်ကြားတဲ့ ဓါတ်ပုံဆရာလေး ရစ်ကီဆီကို ရာဂျ်ဆိုတဲ့ လူချမ်းသာတစ်ယောက်ရောက်လာပြီး ငါ့မိန်းမ မင်းကိုချစ်လာအောင် စည်းရုံးပေးနိုင်ရင် ငွေ သိန်း ၃၀ ပေးမယ်လို့ ကမ်းလှမ်းလာတယ်။ သူ့ရဲ့မိန်းမဖြစ်သူကလည်း နာမည်ကြီး မော်ဒယ်တစ်ယောက်ဖြစ်တဲ့ ရှီနားရွိုင်း...။ ရှီနားနဲ့ ရစ်ကီတို့က ကတောက်ကဆဖြစ်ခဲ့ဖူးတယ်။ ဒါကို သိနေတဲ့ ရှီနားယောက်ျားက ရစ်ကီကို လာကမ်းလှမ်းခဲ့ခြင်းဖြစ်ပါတယ်။ ရစ်ကီဆိုတာကလည်း နယ်နယ်ရရ ဓါတ်ပုံဆရာလေးမဟုတ် မော်ဒယ်တော်တော်များများရဲ့ အလှစစ်ကို အိပ်ရာထက်နဲ့ ဓါတ်ပုံပေါ်မှာ ရှာဖွေတဲ့သူတစ်ယောက်ဆိုပါတော့...။ ဒီအလုပ်ကို ရစ်ကီလက်ခံခဲ့ပါတယ်...။ ခုမေးစရာက ရာဂျ်က ရစ်ကီကို ဘာလို့ ကိုယ့်မိန်းမကိုမှ ချစ်လာအောင် ဖမ်းစားခိုင်းတာလဲ...။ ရစ်ကီနဲ့ ရှီနားတို့ကရော ဘယ်လိုအခြေအနေဖြစ်လာမလဲ...။ နောက်ဆုံး ဒါရိုက်တာရဲ့ဇာတ်လမ်းလှည့်ကွက်လေးတွေမှာ ဘယ်လိုမျောပါသွားမလဲဆိုတာကိုတော့ ဇာတ်ကားထဲမှာ အဖြေရှာကြည့်ရအောင်နော်...။ ဒီဇာတ်ကားကိုကြည့်ရင်းနဲ့ ကိုယ့်ဒူးတောင်ကိုယ်မယုံရပါလားဆိုတဲ့ စကားပုံလေးက အမှန်ပါလားလို့ သံဝေဂရမိပါတယ် ဆိုတော့ ရှုစားလို့ရပါပြီနော်...။ File size…1.8GB / 1GB Quality…1080p AMZ WEBRIP / 720p Format…mp4 Duration….2h 15m Subtitle….Myanmar Subtitle (Hard Sub) Encoder….YK Translated by Taylor

ပေါ်လာဟာ သူ့အတူနေချစ်သူလိုဂန်နဲ့ မကြာခင်လက်ထပ်တော့မှာပါ။ သူတို့ကြားမှာပြဿနာတစ်ခုလိုဖြစ်နေတာကတော့ လိုဂန်ဟာ ရာဂရမ္မက်ကြီးတဲ့သူဖြစ်ပြီး ထမင်းစားခန်းထဲမှာ၊ ရေချိုးခန်းထဲမှာ၊ မီးဖိုချောင်ထဲမှာ ကြုံရင် ကြုံသလို ဂျိန်းချင်နေတာပါပဲ။ ပေါ်လာကတော့ ချစ်သူတစ်ယောက်အနေနဲ့ လိုဂန်ကို တစ်ခြားအရာတွေဆီကနေ စောင့်ရှောက်ရရင် တာဝန်ကျေပြီယူဆပြီး လိင်ဆိုင်ရာတပ်မက်မှုတော့နည်းပါတယ်။ တစ်နေ့တော့ လိုဂန်ကို သူ့သူငယ်ချင်းတွေနဲ့ ဂန်ဘန္တတရားကျင့်နေချိန်မှာ လက်ပူးလက်ကြပ်မိပြီး ပြဿနာတွေတက်ရာကနေ ပေါ်လာ့ဘက်က စိတ်မပါတဲ့ပုံစံကိုမပြင်ရင် လိုဂန်က Open relationship ပုံစံမျိုးသွားပြီး ဖြစ်ချင်တဲ့သူနဲ့ဖြစ်ချင်တိုင်းဖြစ်တော့မှာဖြစ်ကြောင်း စိန်ခေါ်ပါတော့တယ်။ အကျပ်ရိုက်နေတဲ့ပေါ်လာကို ကူညီလမ်းပြပေးမယ့်သူကတော့ အထူးပိုက်ပြင်သမားလေးဖြစ်တဲ့ ဂီမိုပါပဲ။ ကျွမ်းကျင်သူတစ်ဦးဖြစ်တဲ့ ဂီမိုကနေ ပေါ်လာရဲ့ကာမခလုတ်တွေကိုတစ်ခုချင်းဖွင့်ပြလိုက်တဲ့အချိန်မှာတော့ ပေါ်လာဟာ တစ်ဖက်က ငါ့ရဲ့ဝါသနာ၊ တစ်ဖက်မှာ ငါ့ရဲ့ဝမ်းစာတို့ကြားမှာဆိုပြီး နှစ်ဖက်ကြား ဗျာများဖို့ဖြစ်လာပါတော့တယ်။ ဂီမိုအဖြစ် အစွမ်းပြထားတဲ့သူကတော့ အားလုံးနဲ့မစိမ်းတဲ့ပင်တိုင်စံ Vince Rillon ဖြစ်ပါတယ်။ ဒါပေမယ့် မျက်နှာသစ်မင်းသမီးလေးနှစ်ယောက်ကို ပွဲဦးထွက်မိတ်ဆက်ထားပေးပြီး တစ်ယောက်ကတော့ တစ်တော့ဆယ်လီ / Cam girl လေးဖြစ်တဲ့ @jemmilton ပါပဲ။ အားလုံးပဲ အကြိုက်တွေ့ကြလိမ့်မယ်ထင်ပါတယ်။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 1.8GB, 885MB Quality - 1080p, 720p Format - mp4 Duration - 1H 58Min Genre - Adult, Drama Subtitle - Myanmar Subtitle (Hardsub) Translated by Alias Encoded by RGB

ရှယ်ကြမ်း အက်ရှင်ကြိုက်သူများအတွက်ပါ။ ဒါဝိ၊ ဇီကာ နဲ့ အာရှုတို့က ချာတိတ်ဘဝတုန်းက ဖျူရီအိုဇာဆိုတဲ့ လူမိုက်ဂိုဏ်းအဖွဲ့ဝင်တွေပေါ့။ အတိတ်ဆိုးတွေကနေ ရုန်းထွက်ရင်း ဆယ်နှစ်အကြာမှာ ဒါဝိက ဆရာဝန်ဖြစ်လာပြီး ဇီကာက ရဲဖြစ်လာခဲ့ပါတယ်။ ဂိုဏ်းထဲမှာပဲ လူမိုက်ကြီးအဖြစ် ကျန်ရစ်ခဲ့တဲ့သူကတော့ ဒါဝိရဲ့အစ်ကို အာရှုပါပဲ။ ဇိကာတို့ ရဲတပ်ဖွဲ့က အန့်မန်းဆိုတဲ့ မူးယစ်ရာဇာကို ဖမ်းချင်နေကြတာပါ။ အန့်မန်းက ဖျူရီအိုဇာဂိုဏ်းနဲ့ ဆက်စပ်မှုရှိနေတာကြောင့် အာရှူကိုဖမ်းမယ်လို့ အကျပ်ကိုင်ပြီး ဒါဝိကို သူလျှိုအဖြစ် ဂိုဏ်းထဲ ပြန်ဝင်ပေးဖို့ အတင်းအကျပ်တောင်းဆိုခဲ့ပါတယ်။ ဒါဝိတစ်ယောက် သူ့ဂိုဏ်းဟောင်းထဲ ပြန်ရောက်သွားရာက ဘယ်လို ရှုပ်ထွေးပွေလီတဲ့ ကိစ္စတွေနဲ့ ကြုံရမလဲဆိုတာ ကိုယ်တိုင်ပဲ ကြည့်ရှုလိုက်ကြပါဦး။ (ဇာတ်လမ်းအညွှန်းနဲ့ ဘာသာပြန်ကတော့ May Myat Thu ပါ။) File Size          : 2.7GB,  1.1GB & 539MB Quality            : 1080p WEB-DL AC3 5.1CH, 720p WEB-DL & 480p Format            : mp4 Duration         : 2hr & 19mins Genre              : Action, Crime, Drama Translated by  May Myat Thu Encoded by Kinnov

~ IMDb - 7.3/10, RT - 95%, Meta - 66% ~ " ကံအကြောင်းတိုက်ဆိုင်လို့ ချာလီချက်ပလင် ဇာတ်ကားတွေကို ကြည့်ဖြစ်ရင် ဒီအတိုင်းပဲကြည့်ပါ။ တခြားတွေ့ဖူးကြည့်ဖူးထားတဲ့ ချာလီချက်ပလင်တွေနဲ့ ဆက်စပ်ဖို့ မကြိုးစားပါနဲ့။ ချာလီချက်ပလင်တွေ အများကြီးရှိလို့ပါပဲ... " - မက်စ်အိစ်မန်း (စာရေးဆရာ၊ ချာလီချက်ပလင်၏ မိတ်ဆွေတစ်ဦး) ချာလီချက်ပလင်ဆိုတာနဲ့ ဘောင်းဘီအပွကြီးဝတ်ထားပြီး ဦးထုပ်ဝိုင်းလေးဆောင်း တုတ်ကောက်ကိုင်ထားတဲ့ တံမြက်စည်းနှုတ်ခမ်းမွေးနဲ့ လူညှက်ကလေးကို ပြေးမြင်မိကြမှာပါ။ ချက်ပလင်ကပ်ရောဂါလို့ တင်စားရလောက်အောင် ချာလီချက်ပလင်ကို နှစ်သက်သဘောကျ အတုခိုးကြသူတွေ ချက်ပလင်ရောဂါဖြစ်ကြသူတွေ တစ်ကမ္ဘာလုံးအနှံ့မှာရှိခဲ့ဖူးပါတယ်။ ဒီလူပိန်လေးက ဘုရင်တွေ၊ ဘုရင်မတွေ၊ တွေးခေါ်ပညာရှင်တွေ၊ ဘာသာရေးအထင်ကရပုဂ္ဂိုလ်တွေထက် နာမည်ကျော်ကြားခဲ့ပါတယ်။ ဒါပေမဲ့ သူက ချာလီချက်ပလင်မဟုတ်ပါဘူး ချာလီချက်ပလင်သရုပ်ဆောင်တဲ့ Tramp ဆိုတဲ့ ဇာတ်ကောင်လေးပါ။ အဲဒီတော့ ချာလီချက်ပလင်က အစစ်က ဘယ်သူလဲ..... ချာလီက အိမ်ထောင်ပျက် မိသားစုကနေ မွေးဖွားလာခဲ့တဲ့သူဖြစ်ပြီး မိဘတွေလို အနုပညာကို ဝါသနာထုံခဲ့သူပါ။ ဒုက္ခတွေကြားမှာ ဆင်းဆင်းရဲရဲနေခဲ့ရပေမဲ့ ဟာသညာဉ်ကို မပျောက်ပျက်အောင် ထိန်းသိမ်းနိုင်ခဲ့သူလည်းဟုတ်ပါတယ်။ ဇာတ်ဝင်ခန်းလေးတစ်ခန်းကို ၅၃၄ ရက်ကြာအောင် ရိုက်ခဲ့တဲ့ Perfectionist ပါ။ ရိုက်ကွင်းတစ်ခုလုံးကအလုပ်တွေကို သူတစ်ယောက်တည်း လုပ်နိုင်ရင် လုပ်လောက်တယ်လို့ ရိုက်ကူးရေးအဖွဲ့သားတွေကပြောကြတယ်။ တကယ်လည်း သူကိုယ်တိုင် အကုန်လုံးနီးပါးကို သူ့ခြေသူ့လက်ဖြစ်အောင် လုပ်ခဲ့တာပါပဲ။ ကမ္ဘာကြီးက သူ့ကို ဗဟိုထားပြီးလည်ပတ်နေတယ်လို့ ယူဆရလောက်အောင် အတ္တကြီးတယ်။ အဲဒါကြောင့်ပဲ သူ့ရဲ့ ဇနီးသုံးယောက်က သူ့ကို မကောင်းဆိုးရွားလို့ မြင်ကြတာဖြစ်နိင်ပါတယ်။ သူ့ရဲ့ အတ္တကြောင့် အချစ်ဆုံး ဇနီး Oona O'neil-Chaplin နဲ့ရခဲ့တဲ့ သားသမီးတွေကတောင် သူတို့အဖေနဲ့ ဝေးကွာနေတယ်လို့ ခံစားခဲ့ကြရပါတယ်။ သူက မိန်းမလည်းပွေတယ်။ နောက်ကွယ်ကနေ တိတ်တဆိတ်နဲ့ပါရမီဖြည့်ရတာနဲ့ပဲ ကျေနပ်တဲ့ Oona O'neil နဲ့မှ ကလေး ၈ ယောက်ဖွားမြင်တဲ့အထိ လက်တွဲသွားတာပါ။(အသက်ကလည်း ၅၀ ကျော်ပြီကိုး) အောင်မြင်မှုတွေရခဲ့သလောက် သူ့ရဲ့တစ်စိတ်တစ်ပိုင်းကတော့ ဆင်းရဲမှာကိုကြောက်နေတုန်းပဲ။ အမြဲတမ်းဆာလောင်မွတ်သိပ်နေခဲ့တဲ့သူလို့ ပြောလို့ရတာပေါ့။ ချာလီရဲ့အကြောင်းကိုပြောရင် Tramp က မပါမဖြစ်ပါပဲ။ ချာလီက Tramp ဖြစ်သလို Tramp ကလည်း ချာလီပါပဲ။ ချာလီက Tramp ကိုဖန်တီးခဲ့သလို Tramp ကလည်း ချာလီရဲ့အောင်မြင်မှုတွေကို ဖန်တီးပေးခဲ့တာကိုး။ Tramp က ချာလီ့လိုပဲ စကားလုံးတွေမပါဘဲ အမူအရာနဲ့ ကျယ်ကျယ်လောင်လောင် ပြောတတ်သူပါ။ သူ့ကို တစ်ကမ္ဘာလုံးကလည်း ကြားခဲ့ပါတယ်။ Tramp ကိုကြည့်ရင် ချာလီကို မြင်ရပါလိမ့်မယ်။ The Kid ဇာတ်ကားမှာ ချာလီရဲ့ ထပ်ခိုးထပ်က အိမ်လေးခန်းလေး၊ City Lights မှာ Tramp နဲ့ ပန်းသည်မလေးတွေ့တဲ့နေရာက ချာလီရဲ့အချစ်ဦးနဲ့ ပထမဆုံးချိန်းတွေ့ခဲ့တဲ့ ကင်လင်တန်ပန်းခြံအဝင်ပေါက်၊ The Gold Rush မှာတော့ ချာလီရဲ့ကလေးဘဝက အခက်အခဲတွေ၊ Tramp ကိုကြည့်လိုက်တိုင်း ချာလီကိုတွေ့နေရမှာပါပဲ။ ချာလီကို ကြည့်လိုက်တိုင်းလည်း နှုတ်ခမ်းမွေးမပါတဲ့ Tramp ကိုမြင်ရပါလိမ့်မယ်။ အနီးကပ်ကြည့်ရင် ဘဝဟာ ဝမ်းနည်းစရာဖြစ်ပေမဲ့ အဝေးကကြည့်ရင်တော့ ရယ်စရာပါလို့ ပြောခဲ့တဲ့အတိုင်းပဲ သူ့ရဲ့ ဝမ်းနည်းစရာဘဝအကြောင်းအရာတွေကို Tramp က ရယ်စရာအဖြစ်ပြောင်းပေးခဲ့ပါတယ်။ Tramp ရဲ့ နိဂုံးက ချာလီချက်ပလင်ကို ဘဝတစ်ဆစ်ချိုး ပြောင်းစေခဲ့ပါတယ်။ နာမည်မရှိ၊ နေရာမရှိ၊ အချိန်ကာလမရှိဘဲ အမြဲတမ်း နှုတ်ဆိတ်နေခဲ့တဲ့ Tramp တစ်ယောက် The Great Dicatator ဇာတ်ကားမှာ ပထမဆုံး စပြီးစကားပြောခဲ့ပါတယ်။ ဒါက Tramp ရဲ့ ဂူသင်္ချိုင်းလို့ပြောလို့ရပါတယ်။ တစ်ချိန်လုံး ပရိသတ်ကို ရယ်အောင်ဖျော်ဖြေနေခဲ့တဲ့ Tramp စပြီးစကားပြောတဲ့အချိန်မှာ အဓိပ္ပါယ်ပြည့်ဝလေးနက်တဲ့ စကားတွေပြောခဲ့ပါတယ်။ နောက်ပိုင်းမှာတော့ သူက ဟာသသရုပ်ဆောင်ကောင်း မဟုတ်တော့ဘူးလို့ သတ်မှတ်လာကြတဲ့အထိ ဖြစ်လာပါတယ်။ ဒီစကားတွေကြောင့် ချာလီကို ကွန်မြူနစ်လို့ စွပ်စွဲလာကြပါတယ်။ သူကိုယ်တိုင်ကတော့ ကွန်မြူနစ်ပါလို့ သူကိုယ်သူ ဘယ်တုန်းကမှ မသတ်မှတ်ဘူးလို့ ပြောပါတယ်။ တိတ်ဆိတ်ခြင်းကို ချိုးဖျက်ခဲ့တဲ့ သူ့ရဲ့စကားလုံးတွေက ယန္တရားကြီးကိုတော့ အနိုင်မတိုက်နိုင်ခဲ့တာသေချာပါတယ်။ အမေရိကကနေ နယ်နှင်ဒဏ်ကျတဲ့ အခြေအနေထိ ရောက်သွားတယ်လေ။ ဒါပေမဲ့ လူတွေကို ဖျော်ဖြေဖို့ သူ့ရဲ့ကြိုးစားမှုကတော့ ရပ်မသွားခဲ့ပါဘူး။ ချာလီချက်ပလင်က အင်္ဂလန်က ချီးမြှင့်တဲ့ Sir ဘွဲ့ကို ရရှိချိန်မှာ လမ်းမလျှောက်နိုင်တော့ဘဲ ဝှီးချဲစီးနေရတဲ့အချိန် အသက် ၈၅ နှစ်ရှိပါပြီ။ အမေရိကန်က သူ့ကို ကွန်မြူနစ်လို့ စွပ်စွဲထားတဲ့ ကိစ္စမပြီးပြတ်သေးလို့ အနှစ် ၂၀ ကြာအောင် စောင့်ခဲ့ရတာပါ။ ဒူးမထောက်ဘဲ သူရဲကောင်းဘွဲ့ရခဲ့သူလို့ ပြောလို့ရတာပေါ့။ ဘုရင်မကြီးကိုယ်တိုင်က သူ့ရဲ့ဇာတ်ကားတွေအတွက် ကျေးဇူးတင်ခဲ့ပါသေးတယ်။ ချာလီချက်ပလင်(Tramp) ရဲ့ နှုတ်ခမ်းမွေးကို ကြည့်ပြီး တစ်ယောက်ယောက်ကို သွားပြီးသတိရကြမှာပါ။ သူကတော့ ချာလီလို လူချစ်လူခင်ပေါလို့ ကျော်ကြားတာမျိုးမဟုတ်ဘဲ လူပေါင်း ၁၇ သန်းကျော်ကို သတ်ဖြတ်ခဲ့လို့နာမည်ဆိုးနဲ့ ကျော်ကြားခဲ့တဲ့ အာဏာရှင် နာဇီပါတီခေါင်းဆောင် ဟစ်တလာပါပဲ။ ချာလီက လူတွေကောင်းဖို့ ပြောသလို ဟစ်တလာက လူတွေသတ်ဖို့လုပ်တယ်။ ဆန့်ကျင်ဖက်ဖြစ်နေပေမဲ့ သူတို့နှစ်ယောက်မှာ တူတာတွေလည်း အများကြီးရှိပါတယ်။ အမြင်သာဆုံးကတော့ နှုတ်ခမ်းမွေးပေါ့။ ဟစ်တလာက ချာလီရဲ့ နှုတ်ခမ်းမွေးကို ကူးချထားတာလို့လည်း မခိုင်လုံတဲ့သတင်းတွေရှိပါသေးတယ်။ ဟစ်တလာကတော့ ချာလီကို ဂျူးလို့ နာမည်တပ်ပြီး ချာလီမုန်းတီးရေးဝါဒပါ ဖြန့်ခဲ့ပါသေးတယ်။ ချာလီကအမြဲတမ်း သရုပ်ဆောင်နေတတ်တဲ့သူလို့ နီးစပ်သူတွေကပြောပါတယ်။ သူ့ရဲ့အတိတ်ကရခဲ့တဲ့ ဒဏ်ရာတွေကြောင့် စိတ်မလုံခြုံမှုဖြစ်ပြီး အမြဲတမ်း သရုပ်ဆောင်နေတတ်တာ ဖြစ်ပါလိမ့်မယ်။ သူက သူကိုယ်သူ ဖျော်ဖြေသူအဖြစ်မွေးလာတာလို့ သတ်မှတ်ထားလို့လည်း ဖြစ်နိုင်ပါတယ်။ ကင်မရာရှေ့မှာရော ကင်မရာမရှိတဲ့အချိန်မှာရော ပရိသတ်ရှိတိုင်း သူက ဖျော်ဖြေနေတတ်ပါတယ်။ သူဟာ ဖျော်ဖြေရေးသမားတစ်ယောက်.... သူဟာ ဟာသသရုပ်ဆောင်တစ်ယောက်... ယန္တရားကို မုန်းခဲ့သူတစ်ယောက်... တစ်ကမ္ဘာလုံးကို စကားတစ်ခွန်းမှမပြောဘဲ ကြီးစိုးခဲ့ဖူးတဲ့သူတစ်ယောက်.... သူက ချာလီချက်ပလင်ပါ... The Real Charlie Chaplin က ချာလီချက်ပလင် ပိတ်ကားနောက်ကွယ်က ချာလီရဲ့အကြောင်းကို ဇာတ်ကားဆန်ဆန်ရိုက်ကူးထားတဲ့ Biography, Documentary ဇာတ်ကားလေးပါ။ ချာလီချက်ပလင်ရဲ့ အကြောင်းတွေကို အကြောင်းအရာဆန်ဆန် သိရတာထက် ချာလီရဲ့ဘဝထဲကို စီးမျောလိုက်ပါနေသလိုခံစားရပါလိမ့်မယ်။ ချာလီချက်ပလင်ကို မသိသေးတဲ့သူတွေအတွက် ဒါမှမဟုတ် သိထားဖူးတဲ့သူတွေ တကယ်ရောသိရဲ့လားဆိုတာ ဒီဇာတ်ကားလေးက ချာလီချက်ပလင်ရဲ့အကြောင်းကို ပြောပြသွားပါလိမ့်မယ်။ ချာလီချက်ပလင်ရဲ့ အမှောင်ဘက်ခြမ်းတချို့ကိုလည်း ဖော်ပြထားပါသေးတယ်။ ဘယ်လိုပဲဖြစ်ဖြစ် အစကပြောခဲ့သလိုပဲ တကယ့်ချာလီချက်ပလင်ကို သိပြီလို့တော့ မထင်လိုက်ပါနဲ့... ချာလီချက်ပလင်တွေ အများကြီးရှိပါတယ်။ (ဒီဒိုကူမန်ထရီနဲ့အညွှန်းကို 666 မှ ပြန်ဆိုရေးသားထားပါတယ်) Size - 2.72GB, 1.6GB, 600MB Quality - 1080p, 720p, 480p IMDb Rating - 7.3/10 Format - mp4 Duration - 1H 54Min Genre - Documentary Subtitle - Myanmar Subtitle (Hardsub) Translated by 666 Encoded by Y

The Bling Ring(2013)အညွှန်း ************************** မာ့ခ်ဆိုတဲ့ လူငယ်လေးတစ်ယောက်ဟာ စိတ်ဓာတ်ကျမှုတွေနဲ့ ကျောင်းအသစ်ကိုပြောင်းရွှေ့လာခဲ့ရပါတယ်။ လူတွေနဲ့ရှောင်ဖယ်နေတတ်လို့ သူငယ်ချင်းမရှိခဲ့ဖူးတဲ့ မာ့ခ်အတွက် ရေဘက်ကာဟာ ပထမဆုံးသူငယ်ချင်းဖြစ်လာခဲ့ရာကနေစလို့ မာ့ခ်ဟာ ရေဘက်ကာနဲ့ပိုမိုခင်မင်နိုင်ဖို့ ရေဘက်ကာ တောင်းဆိုသမျှကို လိုက်လျောလာပါတော့တယ်။ အဲဒီလိုက်လျောမှု‌တွေထဲ မာ့ခ်နဲ့ ရေဘက်ကာအပြင် နစ်ကီ၊ ခလိုးဝီ၊ ဆမ် စတဲ့သူငယ်ချင်းအုပ်စုတစ်ခုလုံးရဲ့ ဘဝကိုပြောင်းလဲပစ်ခဲ့တဲ့ လိုက်လျောမှုတစ်ခုကတော့ နာမည်ကျော်တွေရဲ့အိမ်ကို‌ခိုးဝင်ဖို့ မာ့ခ်ကူညီခဲ့တာပဲဖြစ်ပါတယ်။ သာမန်ခေတ်လူငယ်လေးတွေဟာ နာမည်ကျော်မင်းသမီးတွေရဲ့အိမ်ထဲက တန်ဖိုးကြီးပစ္စည်းတွေကို လိုက်လံစပ်စုကြရင်း မသိသာအောင် အနည်းငယ်စီခိုးယူလာခဲ့တဲ့နောက်ပိုင်း ဘာတွေဆက်ဖြစ်မလဲဆိုတာတော့ File Size : (2 GB) (800 MB) and (268 MB) Quality : Blu-Ray 1080p,720p Format…mp4 Duration…01:30:00 Genre : Biography, Drama,Crime Subtitle : Myanmar Subtitle (Hard Sub) Translated by Reum Encoded by Phyo Pyae

CM ပရိသတ်ကြီးကို ဘဝအတွက်လမ်းပျောက်နေတဲ့အချိန်မှာ အိပ်မက်တွေကိုပြန်လည်အကောင်အထည်ဖော်ဖို့ အားဖြစ်စေမယ့်ကျောင်းသားကားလေးတင်ဆက်ပေးလိုက်ပါတယ်။ ဇာတ်လမ်းလေးကတော့ Chen Xing ဆိုတဲ့ တိုက်ရိုက်တင်ဆက်မှုနဲ့အွန်လိုင်းမှာနာမည်ကြီးနေတဲ့ အထက်ကျောင်းသူလေးဟာ အရင်တုန်းက လက်ရွေးစင်ဒိုက်ဗင်အားကစားသမားဖြစ်ဖို့ကြိုးစားခဲ့ဖူးပါတယ်။ လက်ရွေးစင်ရွေးချယ်ပွဲအချိန်မှာ မိဘတွေကွာရှင်းခဲ့တဲ့အတွက်ကြောင့် စိတ်ဒဏ်ရာရပြီးကောင်းကောင်းမလုပ်နိုင်ခဲ့တဲ့အတွက် ဒိုက်ဗင်အားကစားကိုလက်လျော့ခဲ့လိုက်ရပါတယ်။ Chen Xing တို့အထက်တန်းကျောင်းက ကာယဆရာJiဟာ Chen Xingရဲ့စွမ်းရည်ကိုမထင်မှတ်ပဲသိသွားတဲ့အချိန်မှာ ကျောင်းကရေကူးကန်ကိုမဖျက်ရဖို့အတွက် သူ့အလုပ်တည်မြဲဖို့အတွက် Chen Xingကို ဒိုက်ဗင်အားကစားကိုပြန်ကြိုးစားဖို့နားချပါတော့တယ်။ ငယ်ကစိတ်ဒဏ်ရာကြောင့် လက်လျော့ခဲ့တဲ့Chen Xingဟာ အိပ်မက်ကိုပြန်အကောင်အထည်ဖော်ဖို့ကြိုးစားပါတော့တယ်။ အခက်အခဲအမျိုးမျိုးတွေကိုဆရာတပည့်၂ယောက်အတူကြိုးစားကျော်ဖြတ်ရင်း အိပ်မက်ကိုအကောင်အထည်ဖော်ကြတာကိုကြည့်ပြီး CMပရိသတ်ကြီးလဲ မိုတီတွေရလိမ့်မယ်လို့မျှော်လင့်ပါတယ်။

I Wish ( 2011 ) ဂျပန်တွေက သူတို့ယဉ်ကျေးမှုနဲ့ အနုပညာက သဘာဝကပဲလာတယ်လို့ပြောကြတယ်။ ဂျပန်ရုပ်ရှင်ကောင်းတွေကလည်း သဘာဝကပဲလာတယ်ပြောရမှာပဲ။ သူတို့ယဉ်ကျေးမှု သူတို့လူနေမှုစတဲ့ သူတို့ရဲ့ လူ့သဘာဝကနေပဲလာတာများတယ်။ မျက်မှောက်ခေတ် ဂျပန်ဒါရိုက်တာတွေထဲ ဒီလူ့အသိုင်းအဝိုင်းက လူတွေရဲ့အချင်းအရာတွေ သက်သက်ကို သူ့သဘာဝအတိုင်း လှလှပပ အရိုက်ပြနိုင်ဆုံးကတော့ Hirokazu Koreedaပဲ ဖြစ်ပါလိမ့်မယ်။ အကုန်လုံး‌တော့ မဟုတ်ပေမဲ့ Koreedaရုပ်ရှင်တွေရဲ့ ၉၀ရာခိုင်နှုန်းလောက်က ဒီလိုရုပ်ရှင်တွေချည်းပါပဲ။ ဒီလိုဟန်တွေချည်း ရိုက်ပြခဲ့တာက သူ့ရှေ့မှာ အိုဇုရှိခဲ့သလို Korredaကိုယ်တိုင်လည်း တင်ဆက်ပုံဟန်မှာ အိုဇုအငွေ့အသက်မကင်းတာတွေ တွေ့ရတော့ သူ့ကို အိုဇုနဲ့‌ တော်တော်နှိုင်းကြတယ်။ တစ်ချို့ကလည်း အိုဇုနဲ့ Koreedaက မိသားစုဒရာမာတွေရိုက်ပြတာချင်းတူပေမဲ့ ဟန်ချင်းမတူဘူးဆိုကြတယ်။ ဒါပေမဲ့ Still Walkingမှာတော့ Koreedaဟာ တင်ဆက်ပုံဟန်မှာပါ အိုဇုနဲ့ တော်တော်လေးတူခဲ့တော့ နှိုင်းသင့်တယ်လို့လည်း ထင်ရတာပါပဲ။ သေချာတာတော့ သူတို့ ၂ယောက်စလုံးဟာ သူတို့ရုပ်ရှင်တွေမှာ ဂျပန်လူ့အသိုင်းအဝိုင်းနဲ့ ဂျပန်ယဉ်ကျေးမှုကို ဖော်ပြနိုင်ခဲ့တယ်။ ဒါလည်းအရေးပါပါတယ်။ ကြည့်တဲ့လူကို သူတို့ယဉ်ကျေးမှုကို နားလည်စေသလို သူတို့ရုပ်ရှင်တွေကိုလည်း ပိုစီးဝင်စေတယ်။ ပိုအရေးပါတယ်ထင်ရတာကတော့ ရုပ်ရှင်တွေဟာ ယဉ်ကျေးမှုကို တစ်ဖက်တစ်လမ်းက ထိန်းသိမ်းပေးနေတဲ့အရာတွေအဖြစ် ကူးပြောင်းသွားခြင်းပါပဲ။ မထင်မှတ်ဘဲ ရုပ်ရှင်တွေက ရုပ်ရှင်ထက်ပိုသွားခြင်းတွေပေါ့။ I Wishကို အခြေတည်ထားတာက မီးတောင်ရှင်ရှိနေတဲ့ မြို့လေးတစ်မြို့မှာပေါ့။ အဲဒီမြို့ကလေးအိမ်တွေကို မီးတောင်ပြာတွေက အမြဲကျတတ်တယ်။ အိမ်တွေလည်း ပြာမှုန်တွေ ထူလို့ပေါ့။ အဲဒီမြို့လေးက အိမ်လေးတစ်အိမ်မှာ အိမ်ထောင်ကွဲပြီး မိဘအိမ်ကို ပြန်ရောက်လာတဲ့ အမျိုးသမီးတစ်ယောက်နဲ့ သူ့သားလေးရှိတယ်။ သူ့အဘိုးအဘွားတွေလည်း ရှိတယ်။ သူ့အဘိုးအဘွားတွေကတော့ ကျည်ဆန်ရထားတွေနဲ့ အပြေးမြန်တဲ့ ခေတ်ကို ဝင်ဆံ့မီအောင် ကြိုးစားနေရသလို သူတို့သမီးကလည်း အလျဉ်မီဖို့ခက်တဲ့ခေတ်တစ်ခေတ်ကို အလျဉ်မီအောင် ကြိုးစားနေရတယ်။ သူ့သားလေးကတော့ ဒီမီးတောင်ကြီးပေါက်ကွဲသွားပြီး လူတွေနေလို့မရတော့ရင် မြို့ကြီးကို ပြန်ပြောင်းပြီး သူ့အဖေနဲ့ကျန်ခဲ့တဲ့ သူ့ညီလေးနဲ့ သူ့အမေနဲ့သူ မိသားစုလေးယောက် ပြန်ဆုံနိုင်မှာပဲလို့ ကလေးဆန်ဆန် စိတ်ကူးယဉ်နေတယ်။ ဒီလိုနဲ့ ကျည်ဆန်ရထားနှစ်ခုဆုံတဲ့နေရာမှာ ဆုတောင်းရင် ဆုတောင်းပြည့်တယ်ဆိုတဲ့ ယုံတမ်းစကားလေးကို လက်တွေ့လုပ်ကြည့်ဖို့ သူနဲ့သူ့ သူငယ်ချင်းတစ်အုပ်အတူတူကြံကြတယ်။ ကျည်ဆန်ရထားနှစ်ခုဆုံတဲ့နေရာကို သွားပြီး ဆုတောင်းဖို့လုပ်ကြတယ်။ ဒီရုပ်ရှင်လေးက အဲဒီအကြောင်းပေါ့။ ကလေးသရုပ်ဆောင်တွေအဓိက သရုပ်ဆောင်ထားပြီး ဒီရုပ်ရှင်အတွက် သရုပ်ဆောင်ရွေးပြီးတဲ့အထိ Koreedaဟာ ဇာတ်ညွှန်းကိုမစခဲ့သေးဘဲ ကလေးသရုပ်ဆောင်တွေရွေးပြီးမှပဲ ကလေးတွေဆီက အိုင်ဒီယာတွေပါယူပြီး ဇာတ်ညွှန်းကို စခဲ့တယ်။ ဒီကလေးသရုပ်ဆောင်တွေထဲ Kanna Hashimotoကတော့ နာမည်ကျော်လာခဲ့တယ်။ တခြားသရုပ်ဆောင်တွေကတော့ ဂျပန်ရဲ့ နာမည်ကျော် ခေတ်ဟောင်းမင်းသားကြီး မင်းသမီးကြီးတွေဖြစ်တဲ့ Kirin Kikiနဲ့ Isao Hashizumeတို့အပြင် ဂျပန်စီနီမာရဲ့ ထိပ်တန်းသရုပ်ဆောင်၅ယောက်လောက်စာရင်းလုပ်ရင်တောင် ထိပ်ဆုံး၃နေရာလောက်မှာရှိနေမယ့် Hiroshi Abeနဲ့ သရုပ်ဆောင်နဲ့ရော အလှနဲ့ရော အသေသတ်နိုင်တဲ့ မမMasami Nagasawaတို့တွေပါပဲ။ သူတို့နှစ်ယောက်ကတော့ ဧည့်သည်သရုပ်ဆောင်ဆန်ဆန်ပါထားတာပါ။ ဒီလူတွေဟာ Koreedaနဲ့ တွဲရိုက်နေကျလူတွေပါပဲ။ ကလေးသရုပ်ဆောင်တွေချည်း သုံးထားပေမဲ့ လူကြီးတွေကလည်း အကြမ်းဆုံးတွေချည်းသုံးထားတာပါ။ ဒီရုပ်ရှင်ထဲ ထူးထူးခြားခြားလှနေတာလေးက ဒီနေ့တော့ သာယာတဲ့နေ့ဖြစ်မှာပဲလို့ ဒီရုပ်ရှင်ထဲက လူတွေကမပြောကြဘူး။ ဒီနေ့တော့ မီးတောင်ပြာတွေ သိပ်မကျလောက်ဘူးလို့ပဲ ပြောကြတယ်။ ဒီရုပ်ရှင်ဟာ မီးတောင်ပြာတွေ ထူထူထဲထဲကျတဲ့နေ့တွေအကြောင်း မီးတောင်ပြာတွေ ပါးပါးလျလျကျတဲ့နေ့တွေအကြောင်းပါပဲ။ မီးတောင်ပြာတွေမကျမယ့်နေ့တို့တွေတော့ မရှိဘူးပေါ့။ ပါးပါးလျလျလောက်ကျရင်ကိုပဲ အဲဒီဘဝတွေ လှနေခဲ့ခြင်း အကြောင်းပါပဲ။ အညွှန်း နဲ့ ဘာသာပြန်ကတော့ WiRa Aung ပဲ ဖြစ်ပါတယ်။ Genre….. Drama Quality…. 1080p | 720p File size… 2.2GB | 1.1GB Format… mp4 Duration…. 2h 8min Subtitle…. Myanmar Subtitle (Hardsub) Translator ….. WiRa Aung Encoder ….. Aaron

Jan 3 (2018) ရက်နေ့ကမှ ရုံတင်ပြသသွားတဲ့ Kung Fu Monster ဆိုတဲ့ဇာတ်ကားကောင်း..ဇာတ်ကားသစ်လေးနဲ့မိတ်ဆက်ပေးလိုက်ပါတယ် ဇာတ်လမ်းအညွှန်းလေးကတော့ မင်မင်းဆက်ခေတ်နှောင်းပိုင်းမှာ နန်းတွင်းမှာအာဏာကြီးနေတဲ့ မိန်းမစိုး စွေးယွိဟော့ဟာ အမွှေးမဲတွေဖုံးလွှမ်းနေတဲ့ မကောင်းဆိုးဝါး တစ်ကောင်ကို လူသတ်လက်နက်အဖြစ်လေ့ကျင့်ပေးဖို့ သူ့ရဲ့ကိုယ်ရံတော်ခေါင်းဆောင် ဖုံးစေ့ဟိုင်ကို တာဝန်ပေးလိုက်ပါတယ် ဒီမကောင်းဆိုးဝါးလေးရဲ့ဖြူစင်ပြီး ချစ်စရာကောင်းတဲ့ဟန်ပန်လေးကို တွေ့ပြီးမလေ့ကျင့်ပေးရက်တော့ပဲ လွှတ်ပေးလိုက်မိတယ် ဒီလိုနဲ့ ဖုံးစေ့ဟိုင်နဲ့ မကောင်းဆိုးဝါးကောင်လေးကို ဆုတွေအများအပြား ထုတ်ပြီး လိုက်လံဖမ်းဆီးခြင်းကိုခံရတာပေါ့ ဖုံးစေ့ဟိုင်အဖမ်းခံရတဲ့အခါမှာ သူ့ချစ်သူက သူ့ကိုကယ်တင်ဖို့ အဖွဲ့တစ်ဖွဲ့စုပြီး တော့ မကောင်းဆိုးဝါးကောင်လေးနဲ့ပါ ပူးပေါင်းလိုက်ပါတယ်..ဒီလိုပုံစံမတူနဲ့အဖွဲ့နဲ့ မကောင်းဆိုးဝါလေးတို့ ပူးပေါင်းပြီး စွင်းယိဟော့ကိုဘယ်လိုရင်ဆိုင်ရကြမလဲ.. စိတ်ဝင်တစားစောင့်ကြည့်ရမယ့်ဇာတ်ကားလေးဖြစ်သလို Monster နဲ့ပတ်သတ်တဲ့တရုတ်ကားတွေထဲမှာတော့ ဒီကားလေးကိုအတော်လေးသဘောကျမိပါတယ် ဘာသာပြန်နဲ့အညွှန်း Phyo Zaw ဖြစ်ပါတယ်

Justice (2024) IMDb Rating (6.3) ဒီဇာတ်လမ်းလေးကတော့ပိုလန် စုံထောက်ဇာတ်လမ်းလေးပါ။ Soviet union လက်ထပ်တုန်းက အနားယူသွားတဲ့ စုံထောက်ဟောင်းတစ်ယောက်ကို ရက်ရက်စက်စက်လူသတ်ပြီးလုယက်သွားတဲ့ ဘဏ်ဓားပြတိုက်မှုတစ်ခုကို အစိုးရကတိုက်ရိုက်သူ့ကို စုံစမ်းခိုင်းပြီး ရာထူးဟောင်းပြန်ပေးမယ်ဆိုပြီးပြောခဲ့ပါတယ်။ ဇာတ်လမ်းက Slow burn ဖြစ်ပြီး character တွေရဲ့ စရိုက်ကိုသေသေချာချာပြနိုင်ပါတယ်။ စုံထောက် thriller ကြိုက်တဲ့သူတွေအတွက်ကြည့်သင့်တဲ့ဇာတ်ကားလေးပါ။ (အညွှန်းနဲ့ဘာသာပြန်ကတော့ Nikobaby ဖြစ်ပါတယ်။) File size…(1.6 GB) / (940 MB) Quality….WEB-Rip 1080p HEVC / 720p Format…. mkv/mp4 Genre….Crime, Drama Duration….01:55:34 Subtitle….Myanmar Subtitle (Hardsub) Encoder….Benjamin Translated by Nikobaby

Red One (2024) IMDb Rating (6.8) ပါဝင်တဲ့ Cast တွေနဲ့တင် သေချာပေါက်ကြည့်ရမယ့် Red One ခရစ်စမတ်ရုပ်ရှင်ကားသစ်ကြီး ထွက်လာပါပြီ။ မင်းသား Dwayne The Rock Johnson, Chris Evan, J.K Simmons Riverdale , Sabrina စီးရီးထဲက မင်းသမီး Kiernan Shipka နာမည်ကြီးတွေအဓိက ပါဝင်ထားပါတယ်။ ခရစ်စမတ်ရိုးရာ..ဆန်တာကလော့စ်တွေကို အယုံကြည်မရှိဘဲ ကြီးပြင်းလာခဲ့တဲ့ ဂျက်ဟာ ကြီးလာတော့ ဟက်ခ်ကာလောကမှာ အက်ဘီအိုင်ကပါ ကမ်းလှမ်းရတဲ့အထိ ဆရာတစ်ဆူဖြစ်လာပေမယ့် သူကတော့ အလွတ်တန်းပဲ သီးသန့်သာလှုပ်ရှားပါတယ်။ တစ်နေ့တော့ သူ့ကို မြောက်ဝင်ရိုးစွန်းက နေရာတစ်ခုကို နိုင်ငံတကာငလျင်စောင့်ကြည့်ရေးစင်တာကနေ လူတစ်စုကဟက်ခ်ခိုင်းပြီး ငွေပေးသွားပါတယ်။ သူဟက်ခ်လိုက်တဲ့နေရာက ဆန်တာကလော့စ်တို့ရှိရာ လျှို့ဝှက်ထားတဲ့ အာတိတ်ဒေသဖြစ်နေပြီး ဆန်တာကလော့စ်လည်း မသမာသူတွေ ပြန်ပေးဆွဲတာခံလိုက်ရပါတယ်။ ဒါပေမယ့် ခရစ်စမတ်အမှီ ဆန်တာရဲ့ကလော့စ်ရဲ့ နတ်သူငယ်စစ်သည်တော် The Rock က ဆန်တာကို ပြန်ကယ်ဖို့အတွက် ဆန်တာကို အယုံကြည်မရှိတဲ့ ဂျက်( Chris Evan ) နဲ့ပေါင်းကာ ခရစ်စမတ်စုန်းမဆီကနေ ဆန်တာကို ပြန်ကယ်တင်ဖို့ ကြိုးစားပါတော့တယ်။ (အညွှန်းနဲ့ဘာသာပြန်ကတော့ Cyberboy ဖြစ်ပါတယ်။) File size…(4.1 GB) / (1.8 GB) / (1.1 GB) Quality….WEB-DL 4K HEVC / 1080p HEVC / 720p Format…. mkv/mp4 Genre….Action, Adventure, Comedy, Fantasy, Mystery Duration….02:05:06 Subtitle….Myanmar Subtitle (Hardsub) Encoder….Ka Naung, Benjamin Translated by Cyberboy

Den of Thieves 2: Pantera (2025) IMDb Rating (6.6) / Rotten Tomatoes (61%) 2018 တုန်းက နာမည်ကြီးခဲ့တဲ့ သူခိုးအက်ရှင်ရုပ်ရှင် Den of Thieves ရဲ့ အဆက်ထွက်လာပါပြီ။ ၂၀၁၈ ဆရာကြီးကားကိုလည်း CM web and app မှာ ကြည့်လို့ရပါတယ်။ ဒီရုပ်ရှင်ကိုတော့ ပထမဒါရိုက်တာ Christian Gudegast ပဲ ရိုက်ကူးထားတာပါ။ သရုပ်ဆောင်တွေကလည်း ဂျရက် ဘတ္တလာ နဲ့ Ice Cube ရဲ့သား O’Shea Jackson Jr. ပါပဲ။ ရုပ်ရှင်ထဲမှာတောင် နာမည်ကြီး ရပ်သီချင်းစာသားကို အမှတ်တရ ထည့်ထားပါသေးတယ်။ ဇာတ်လမ်းအကျဉ်း ဒီဇာတ်လမ်းမှာတော့ နစ်ဟာ ဒွန့်ကို လိုက်ဖမ်းဖို့ ရှာရင်းနဲ့ ဥရောပ ရောက်လာပါတယ်။ အဲဒီအချိန်မှာပဲ သူက ပန်သာအဖွဲ့နဲ့ပေါင်းပြီး ကမ္ဘာ့အကြီးဆုံး စိန်စင်တာကြီးရဲ့ အလုံခန်းကို ဖောက်ဖို့ ကြိုးစားနေတာ သိလိုက်ရပါတယ်။ နစ်တစ်ယောက် ဒွန်နီနဲ့တွေ့ချိန်မှာတော့ ဒွန်နီသိလိုက်ရတာက နစ်ဟာ ရဲအလုပ်ကို စိတ်ကုန်သွားပြီး သူနဲ့အတူ ပေါင်းပြီး စိန်တွေခိုးဖို့ လာတာဆိုတာပါပဲ။ ဒီတော့ လုံခြုံရေးအရ ဖောက်ထွင်းဖို့မဖြစ်နိုင်တဲ့ စိန်အလုံခန်းကြီးတစ်ခုကို နစ်နဲ့ဒွန်တို့ ဘယ်လိုဖောက်ကြမလဲ၊ အပြင်မှာလည်း ရဲတွေလက်ကအပြင်၊ သူတို့ စိန်ခိုးပြီး ပြဿနာရှာထားတဲ့ မာဖီးယားတွေကပါ စောင့်နေတာမို့ ဘယ်လို အလွတ်ပြန်ရုန်းကြမလဲဆိုတာကို အက်ရှင်နဲ့ သူခိုးကားစတိုင် ပေါင်းစပ်ပြီး ကြည့်ရမှာပါ။ (အညွှန်းနဲ့ဘာသာပြန်ကတော့ Mr. Anderson ဖြစ်ပါတယ်။) File size…(7.9 GB) / (2.3 GB) / (1.1 GB) Quality….WEB-Rip 4K HEVC / 1080p HEVC / 720p Format…. mkv/mp4 Genre….Action,Crime,Thriller Duration….02:24:36 Subtitle….Myanmar Subtitle (Hardsub) Encoder….YK,Double K Translated by Mr. Anderson

ဗယ်လင်တိုင်းဒေးနေ့မှာ စော်မရှိ ဘဲမရှိ FA တွေအတွက် မိသားစုနဲ့အတူ အချိန်ကုန်ဆုံးဖို ဇာတ်ကားကောင်းလေး တစ်ခုနဲ့ မိတ်ဆက်ပေးပါရစေ ခင်ဗျာ။ ဟုတ်ကဲ့ ဇာတ်ကားနံမည်ကတော့ မှော်ပင်ဂွင်းတဲ့ ခင်ဗျ။ ဗရိုးဗီးရား နိုင်ငံက လူစကားပြောတတ်တဲ့ မှော်ဝင်ပင်ဂွင်းလေးဟာ သူခိုးနှစ်ယောက်က ပြန်ပေးဆွဲသွားတာကို ခံရတာကြောင့် ပင်ဂွင်း သူရဲကောင်းနဲ့ သူ့ရဲ့သား နှစ်ယောက်သား ပင်ဂွင်းလေးကို လိုက်ကယ်တဲ့ ဇာတ်ကားဖြစ်ပါတယ်။ အဲ့ဒီမှော်ပင်ဂွင်းဟာလည်း နယ်နယ်ရရတော့ မဟုတ်ပေဘူး။ ဗရိုးဗီးရား နိုင်ငံဖြစ်လာမယ့် မှော်ပင်ဂွင်းရဲ့ မျိုးဆက် ဖြစ်ပြီး ဗရိုးဗီးရား ထီးနန်းရဲ့ အမှတ်သရုပ်ဖြစ်ပါတယ်။ ပင်ဂွင်းကို ပြန်ပေးဆွဲသွားတဲ့ သူခိုးတွေ လက်ထဲကနေ ပင်ဂွင်းကို ပြန်ကယ်နိုင်မှာလား။ သူတို နောက်ကွယ်မှာ ဘယ်သူတွေ ရှိနေသလဲ။ အမေဆုံးပြီးကတည်း ဆက်ဆံရေး ကြဲနေတဲ့ ဖတဆိုး ပင်ဂွင်း သူရဲကောင်း သားအဖ နှစ်ယောက်ရဲ့ ဆက်ဆံရေးတွေကိုလည်း ပြန်လည်တည်ဆောက်နိုင်မှာလား။ ဒီကားလေးဟာ မိသားစုဝင်တွေ အတူတူကြည့်သင့်တဲ့ ရင်ကို နွေးထွေးစေတဲ့ ဇာတ်ကားမျိုး ဖြစ်ပါတယ်။ ပြီးတော့ မင်းသမီးကလည်း ချစ်စရာလေးပါ …… ( ဒီဇာတ်ကားကို အညွှန်းနဲ့ ဘာသာပြန်ကတော့ Lazum David ဖြစ်ပါတယ် ခင်ဗျာ) File size… (1.58GB) / (927MB) Quality… WEB-DL 1080p HEVC / 720p Format…mkv / mp4 Duration….1h 29m Genre ….. Family Subtitle….Myanmar Subtitle (Hard Sub) Encoder….Min Wai Translated by Lazum David

Tulip Fever (2017) IMDb Rating (6.2) ၁၇ ရာစုတုန်းက အမ်စတာဒမ်မြို့ဟာ ပန်းတစ်မျိုးကို အရူးအမူးဖြစ်ခဲ့ဖူးပါတယ် – ကျူးလစ်ပန်းပါ။ ဒီပန်းလေးတွေဟာ အရှေ့ဘက်အဝေးကြီးကနေ ရောက်လာပြီး အလွန်ရှားပါးလှပတာကြောင့် လူတွေဟာ ဒီပန်းပိုင်ဆိုင်ဖို့ မှော်ဆန်တဲ့အလိုဆန္ဒတွေနဲ့ ရူးသွပ်ခဲ့ကြပါတယ်။ ချမ်းသာသူဖြစ်ဖြစ်၊ ဆင်းရဲသားဖြစ်ဖြစ် ကျူးလစ်မျိုးဥတွေကို ဝယ်ယူဖို့ ပိုက်ဆံတွေသုံး၊ ချေးငွေတွေယူပြီး ရင်းနှီးခဲ့ကြတယ်။ ကျူးလစ်ပန်းမျိုးဥတွေရဲ့ ဈေးဟာလည်း တဖြည်းဖြည်း မြင့်တက်လာနေခဲ့တဲ့အခါသမယပေါ့… ဒီရုပ်ရှင်ဟာ သမိုင်းမှာ “ကျူးလစ်ပန်း ရူးသွပ်မှု” (Tulip Mania) အဖြစ် ကျော်ကြားခဲ့တဲ့ ၁၇ရာစု နယ်သာလန်က ဖြစ်ရပ်ကို နောက်ခံထားပြီး ရိုက်ကူးထားတဲ့ အချစ်ဇာတ်လမ်းတပုဒ်ဖြစ်ပါတယ်။ ဇာတ်လမ်းကတော့…. ဆိုဖီယာဆိုတဲ့ မိဘမဲ့ကောင်မလေးတယောက်ဟာ ကုန်သည်ကြီးတယောက်ဖြစ်တဲ့ ကောနယ်လစ်ဆန့်ဗို့ဆီကို မယားငယ်အဖြစ်နဲ့ရောက်သွားခဲ့ပါတယ်… တစ်နေ့တော့ ကောနယ်လစ်ဟာ သူနဲ့သူ့မိန်းမရဲ့ပုံတူပန်းချီဆွဲဖို့ ပန်းချီဆရာလေး ဂျန်ဗန်လော့စ်ကိုငှါးခဲ့ရာက ပန်းချီဆရာလေးနဲ့ သူ့မယားငယ်ဆိုဖီယာတို့ဟာ နောက်ကွယ်မှာ တိတ်တိတ်ပုန်းချစ်ကြိုက်သွားပါတော့တယ်။ ကောနယ်လစ်ရဲ့အိမ်ဖော် မာရီယာကတော့ ဈေးသည်ဝီလ်လျံနဲ့ချစ်ကြိုက်နေသူဖြစ်ပါတယ်… အဲ့ဒီအချိန်ကာလမှာ နယ်သာလန်တနိုင်ငံလုံး ပိုက်ဆံအချီကြီးမြတ်တဲ့ကျူးလစ်ဖူးတွေကို လေလံတင်ပြီးရောင်းတာ ခေတ်စားနေချိန်ဖြစ်တော့ ဝီလ်လျံဟာလဲ မာရီယာနဲ့လက်ထပ်ဖို့အတွက် ဒီကျူးလစ်ရောင်းဝယ်ရေးလောကထဲကိုဝင်ရောက်လုပ်ကိုင်ပါတော့တယ်… ကံထူးစွာနဲ့ပဲ သူဝယ်တဲ့ပန်းပွင့်တွေထဲမှာ တန်ဖိုးအရှိဆုံးပန်းဖြစ်တဲ့ ဘရိတ်ကာလို့ခေါ်တဲ့ အနီစင်းပါတဲ့ကျူးလစ်ပန်းတစ်ပွင့်ပါလာတဲ့အခါမှာတော့…. ဒီပန်းပွင့်ပေါ်မူတည်လို့ စုံတွဲတွေကြား ချစ်သူတွေကြား အထင်အမြင်အမှားတွေဖြစ်ကုန်ပြီး ဘယ်လိုကံကြမ္မာဆိုးတွေ ဝင်လာမလဲဆိုတာ……..။ (ရုပ်ရှင်အညွှန်းနဲ့ဘာသာပြန်ကို Htet Thin Zar Maung မှတင်ဆက်ထားပါတယ်။)