Rt-61 ~ IMDb-6.8 1988 မှာထွက်ရှိခဲ့တဲ့ The Milagro Beanfield War ရုပ်ရှင်ကို စာရေးဆရာ John Nichols ရဲ့ The Milagro Beanfield War ဆိုတဲ့ဝတ္တုကိုယူပြီး ဒါရိုက်တာ Robert Redford ကရိုက်ကူးခဲ့တာပါ။ 1989 ခုနှစ်အတွက် Best Original Score အော်စကာ ဆုကိုလည်းရရှိခဲ့ပါသေးတယ်။ နယူးမက္ကဆီကိုပြည်နယ်အတွင်းမှာ လူပေါင်း 450 ခန့်နေထိုင်ကြတဲ့ မီလန်ဂရိုဆိုတဲ့ မြို့ငယ်လေးရှိပါတယ်။ အတိတ်မှာတုန်းကတော့ ရေအရင်းအမြစ်ပေါများတာကြောင့်စိုက်ပျိုးရေးအဆင်ပြေပေမဲ့ ဆည်ကိုတည်ဆောက်ပြီးနောက်ပိုင်းမှာ မြို့အတွက်ဆည်ရေလွှတ်မပေးတော့တာကြောင့် စိုက်ခင်းတွေခြောက်သွေ့ပြီး ဘာမှစိုက်ပျိုးလို့မရတော့ပါဘူး။ ဒါပေမဲ့လည်း မြို့ကို အံ့ဖွယ်တောင်ကြားပ‌ရောဂျက်ဆိုတဲ့နာမည်နဲ့ ပြန်လည်ပြုပြင်ရေးလုပ်နေတဲ့ ကုမ္ပဏီအတွက်တော့ သီးသန့်ရေမြောင်းတစ်ခုကိုဖောက်ပေးထားပြီး ဒေသခံတွေအသုံးပြုတာကိုလည်း တားမြစ်ထားပါတယ်။ တစ်နေ့မှာတော့ ဒေသခံလယ်သမား ဂျိုး မွန်ဒရာဂွန်ဟာ အလုပ်ကလည်းရှားတဲ့အပြင် ဘာမှလည်းစိုက်ပျိုးလို့မရတာကြောင့်စိတ်ပေါက်ပေါက်နဲ့ ရေမြောင်းကိုကန်လိုက်မိပြီး ရေမြောင်းပေါက်သွားတဲ့ အတွက်ကြောင့် သူ့ရဲ့ပဲစိုက်ခင်းထဲကိုရေသွင်းမိသလိုဖြစ်သွားခဲ့ပါတယ်။ ဒီလိုနဲ့ပဲခင်းသေးသေးလေးကို ရေသွင်းမိတဲ့ကိစ္စကနေစပြီး ကုမ္ပဏီကြီးနဲ့ထိပ်တိုက်ရင်ဆိုင်ရမဲ့အပြင် နိုင်ငံရေးအရှုပ်အထွေးတွေပါ ပါဝင်လာတဲ့အခါမှာတော့ ဂျိုး တို့ရဲ့ မီလန်ဂရိုမြို့လေး ဘာဆက်ဖြစ်မလဲဆိုတာကို ဆက်လက်ကြည့်ရှုလိုက်ကြပါဦးဗျ။ File size…(2.7 GB)/(1.3 GB)/(700 Mb) Quality….Webrip 1080p / 720p / 480p Format…mp4 Duration….01:57:00 Genre...Drama, Comedy, Fantasy Subtitle….Myanmar Subtitle (Hardsub) Encoder….Mr. Anderson Translated by TMMT

မင်းသမီး နာရန်သရာ ပါဝင်ထားတဲ့အပြင် ဆယ်လ်မန်ခန်းလည်း ပါတဲ့ နိုင်ငံရေးကားတစ်ကားနဲ့ မိတ်ဆက်ပေးချင်ပါတယ် ဒီကားထဲမှာ ပြည်သူလူထုရဲ့ အချစ်တော် ဝန်ကြီးတစ်ယောက် ဆုံးပါးသွားပြီးနောက် အဲဒီဝန်ကြီးနေရာကို အစားထိုးယူမယ့် သူနှစ်ယောက်ရဲ့ အားပြိုင်မှုကို ကြည့်ရမှာဖြစ်ပါတယ် ဘယ်နေရာမှာမဆို အကောင်းနဲ့အဆိုး ဒွန်တွဲနေသလိုပဲ သူတို့နှစ်ယောက်ကလည်း တစ်ယောက်က လူကောင်း တစ်ယောက်က လူဆိုးပေါ့ နှစ်ယောက်စလုံးက ဩဇာအာဏာ အတော်ကြီးမားကြတဲ့သူတွေဆိုတော့ အားပြိုင်မှုကလည်း လက်ရည်တူတဲ့ လက်ဝှေ့သမားနှစ်ယောက် လက်ဝှေ့ထိုးသလိုပါပဲ အဲဒါကြောင့် သူတို့နှစ်ယောက်ထဲက ဘယ်သူအနိုင်ရမလဲဆိုတာ ဒီကားထဲမှာ နိုင်ငံရေးသဘောတရားတွေနဲ့အတူ စိတ်ဝင်စားဖွယ် ကြည့်ရှုရမှာပဲဖြစ်ပါတယ် File size…2.6GB / 1.3GB Quality…1080p True WEB DL  / 720p Format…mp4 Duration….2h 37m Subtitle….Myanmar Subtitle(Hard Sub) Encoder….YK Translated by Sora ~ OeliuJ ~ HayMan ~ KhamMon

လူကြိုက်များတဲ့ REC ရုပ်ရှင်စီးရီးရဲ့ နောက်ဆုံးစတုတ္ထမြောက်ကားပဲ ဖြစ်ပါတယ်။ အရှေ့က သုံးကားနဲ့ တိုက်ရိုက်ချိတ်ဆက်ထားတာဖြစ်လို့ အရှေ့သုံးကားကိုအရင်ဆုံးကြည့်ပြီးမှ ဒီဇာတ်ကားကိုကြည့်ဖို့ အကြံပေးပါရစေ။ REC 4 ကိုတော့ ဒါရိုက်တာ Jaume Balaguero ကရိုက်ကူးထားပြီး ရှေ့ကားတွေရဲ့ ဇာတ်လိုက်ကျော်ကြီး အန်ဟယ်လာဗီဒယ်အဖြစ် မင်းသမီး Manuela Velasco ကအဓိကသရုပ်ဆောင်အနေနဲ့ ပြန်လည်ပါဝင်လာပြီး Pavo Manzanedo, Hector Colome, Ismael Fritschi နဲ့ Crispulo Cabezas တို့ ပါဝင်သရုပ်ဆောင်ထားပါတယ်။ Rec 3 အဆုံးမှာ အန်ဟယ်လာဗီဒယ်ကို ကယ်တင်ခဲ့ပြီးနောက်မှာ စစ်ဆေးမှုတွေအကြိမ်ကြိမ်အခါခါလုပ်ပြီး ရောဂါဖြစ်ပွားတဲ့နေရာကိုဝင်ရောက်ခဲ့သူများကို သင်္ဘောတစ်စီးဖြင့် ပင်လယ်ထဲစေလွှတ်ခါ ဗိုင်းရပ်စ်ကိုအနိုင်ယူနိုင်မယ့် ဖြေဆေးကိုဖော်စပ်ဖို့ ကြိုးစားကြပါတယ်။ ဒါပေမယ့် ဖြေဆေးကမအောင်မြင်တဲ့အတွက် နောက်ထပ်နည်းလမ်းတစ်ခုကိုရှာဖွေတဲ့အခါမှာ ကင်မရာထဲက အန်ဟယ်လာရဲ့မှတ်တမ်းတွေကို တွေ့ရှိသွားတဲ့အခါမှာတော့... အန်ဟယ်လာအနေနဲ့ ဘယ်လိုလျှို့ဝှက်ချက်တွေရှိနေခဲ့တာလဲ သူ့ကတကယ်ပဲ ကူးစက်ခံထားရတာလား ဖြေဆေးကိုရော တကယ်ပဲဖော်စပ်နိုင်သွားမလား သူတို့စီးနေတဲ့ သင်္ဘောကရော ဘယ်လိုဖြစ်သွားမလဲဆိုတာကို သွေးသံတရဲရဲနဲ့ စိတ်ဝင်စားဖွယ် ကြည့်ရှုကြရမှာပဲဖြစ်ပါတယ်။ သွေးထွက်သံယိုအခန်းများ အများအပြားပါဝင်တဲ့အတွက် ကလေးသူငယ်များနဲ့ နှလုံးမကောင်းသူများကြည့်ရှုဖို့ မသင့်တော်ပါခင်ဗျာ... File Size : (1.6GB) and (744MB) Quality : Blu-Ray1080p, 720p Format…mp4 Duration…01:35:00 Genre : Horror , Thriller Subtitle : Myanmar Subtitle (Hard Sub) Translated by APP Encoded by Phyo Pyae

“Fifty Shades Darker” 2015 ခုနှစ်မှာ အပေါက်ဆုံးဖြစ်သွားခဲ့တဲ့ ရုပ်ရှင်တွေထဲကတစ်ခု…. Erotic Romance ရဲ့ပုံစံကိုပီပီပြင်ပြင်ဖော်ပြခဲ့တဲ့ Fifty Shades of Grey ဟာ စာအုပ်ရော ရုပ်ရှင်ရောဝင်ငွေကောင်းပြီးနာမည်ကြီးတာ သိပ်မဆန်းပါဘူး…. (မင်းသားကလဲ အတော်ဆွဲဆောင်မှုကောင်းသလို မင်းသမီးကလဲ အတော်လှတာကိုး…) အခုဆိုရင်ဖြင့် Fifty Shades of Grey ရဲ့အဆက် Fifty Shades Darker ဟာ 2017 February မှာရုံတင်ခဲ့ပြီး  EL.James ရဲ့ Fifty Shades Trilogy မှ ဒုတိယမြောက်စာအုပ်ကို House of Card ဒါရိုက်တာ James Foley ကပြန်လည်အသက်သွင်းထားပြီး ဖြစ်ပါတယ် သရုပ်ဆောင်တွေအနေနဲ့ကတော့ ပထမFifty Shades of Grey မှာ ပါဝင်ခဲ့တဲ့သူတွေအားလုံးနီးပါးပြန်လည်ပါဝင်မှာပဲဖြစ်ပါတယ်… အချစ်ဟာ (စာအုပ်တွေထဲမှာ ရုပ်ရှင်တွေထဲမှာ ဆိုရင်တော့) လူတစ်ယောက်ကို သိမ်မွေ့စွာပြောင်းလဲစေနိုင်တဲ့အစွမ်းသတ္တိရှိတဲ့ နူးညံ့တဲ့အရာတစ်ခုပါ။ Sadist တစ်ယောက်ဖြစ်တဲ့ Christain Grey ကိုအချစ်ဆိုတဲ့အရာက ပြောင်းလဲစေခဲ့ပါတယ်။ မိခင်ရင်းကိုမျက်စိရှေ့မှာတင်ဆုံးရှုံးခဲ့ရတဲ့ Christian ဟာ ဘယ္သူကိုမွလဲမခ်စ္တတ္သလို အခ်စ္ကိုလဲ လက္မခံတတ္သူပါ။ သူ့ကိုယ်သူအပါအဝင်အရာရာတိုင်းကိုသူဖြစ်စေချင်တဲ့အတိုင်းထိန်းချုပ်တတ်တဲ့ Control Freak တစ်ယောက်… Anastasia Steele ကတော့ အချစ်ဦးဖြစ်တဲ့ Christian Grey ကိုအလွန်ချစ်သောသူဖြစ်ပြီး Christian ရဲပုံစံခွက်ထဲမှာ အသားကျအောင်နေဖို့ကြိုးစားခဲ့သူ… Fifty Shades of Grey မှာ Anna ဟာ သူမနဲ့ဘယ်လိုမှသဘောထားချင်းမတိုက်ဆိုင်တဲ့ Christian ကိုထားခဲ့တဲ့ ဇာတ်ဝင်ခန်းနဲ့အဆုံးသတ်ထားပါတယ်။ ရုပ်ရှင်မှာဘယ်လိုဇာတ်လမ်း အလှည့်အပြောင်းလုပ်မယ်ဆိုတာကိုတော့သေချာမသိပေမဲ့ Fifty Shades Darker စာအုပ်ပါအတိုင်း ဇာတ်လမ်းလေးကို အနည်းငယ်ညွှန်းပါရစေ။ Anna(Dakota Johnson) ဟာ Christian (Jamie Dornan) မရှိတဲ့နေ့ရက်တွေကို ခက်ခက်ခဲခဲဖြတ်သန်းနေရသူပါ။ SIP Piblishing ၏ Editor , Jack Hyde ရဲ့ လက်ထောက်အဖြစ် အလုပ်လုပ်နေပြီဖြစ်တဲ့ Anna အဖို့ သူမလုပ်နိုင်တာအားလုံးက အလုပ်မှာ အာရုံနှစ်ပြီး Christian ကိုမေ့ထားနိုင်သမျှမေ့ထားဖို့ပါပဲ။ အဲ့လိုနေရင်းနဲ့ ၃ရက်မြောက်နေ့မှာတော့ သူမအိမ်ကို Christian ဆီက နှင်းဆီပန်းစည်းနဲ့ SIP မှာအလုပ်စဝင်တာကိုဂုဏ်ပြုကြောင်းရေးသားထားတဲ့စာတစ်စောင်ရောက်လာပါတော့တယ်။ Annaဟာနှင်းဆီပန်းကိုမလွှင့်ပစ်ရက်လို့ ပန်းအိုးထဲထိုးစိုက်ထားပေမဲ့ Christian ကိုတော့ဘာမှ မတုန့်ပြန်ပါဘူး။ နောက်တစ်နေ့သူမရုံးတတ်တဲ့အချိန်မှာတော့ Christian ဆီက email တစောင်ကိုလက်ခံရရှိပါတော့တယ်။ အကြောင်းအရာကတော့ မနက်ဖြန် Portland မှာ Annaရဲ့အခင်ဆုံး သူငယ်ချင်းတစ်ဦးဖြစ်တဲ့Jose’ရဲ့ ဓါတ်ပုံပြပွဲရှိပြီး သူလိုက်ပို့လိုကြောင်းရေးထားတာဖြစ်ပါတယ်။ အသည်းကွဲနေတဲ့Annaဟာ ထိုအကြောင်းကို လုံးလုံးလျားလျားမေ့လျှာ့နေခဲ့တာပါ။ Annaဟာသူငယ်ချင်းကို ကတိပေးထားတာအပြင် Christianကိုတွေ့ချင်တာလည်းပါတာကြောင့် Chritian ရဲ့အစီအစဉ်ကို လက်ခံလိုက်ပါတယ်။Annaထွက်သွားပြီးနောက် နောင်တတွေတပွေ့တပိုက်နဲ့ကျန်ခဲ့တဲ့, Anna ရဲ့စိတ်ကိုပြန်ရအောင်ယူဖို့ဆုံးဖြတ်ထားတဲ့ Christian ဟာသူတို့နှစ်ဦးတွေ့တဲ့အချိန်မှာတော့ Annaဖြစ်စေချင်တဲ့အချက် သူအားလုံးနီးပါးကိုလိုက်လျှောပေးခဲ့ပါတယ်။ Anna ကတော့ Christian မျက်နှာမြင်ကတည်းကစိတ်ပျော့နေသူဖြစ်တဲ့အတွက်ကြောင့် သူတို့နှစ်ဦးဟာ ပြန်လည်သင့်မြတ်သွားကြပါတော့တယ်။ အဲ့ဒီလိုအဆင်ပြေနေကြရင်းနဲ့ နှစ်ရက်အကြာမှာတော့ ဆံပင်ညှပ်ချင်တယ်လို့ပြောတဲ့Annaကို Christian တစ်ယောက်သူ ရှယ်ယာဝင်ထားတဲ့ Salon တစ်ခုကိုခေါ်သွားပါတယ်။ အဲ့ဒီSalonဟာ Christian နဲ့ Elena (Mrs. Robinson) (Christian 15နှစ်အရွယ်မှာတွေ့ခဲ့ပြီး Christian ကိုBDSM ကိုခုံမင်တဲ့Sadistတစ်ယောက်ဖြစ်လာအောင်လုပ်ခဲ့တဲ့ အမျိုးသမီး) တစ်ဝက်စီပိုင်တာဖြစ်ပြီး အဲ့ဒီနေ့မှ တိုက်တိုက်ဆိုင်ဆိုင်Elena တယောက်ဆိုင်ကိုရောက်နေပါတယ်။Anna လေးဟာဆံပင်ညှပ်ဖို့စောင့်နေရင်းနဲ့ သူမရောက်နေတဲ့SalonဟာChristianရဲ့Submissive တွေ စာချုပ်ပါစည်းကမ်းတွေကိုလုပ်ဆောင်ဖို့လာနေကျ ဆိုင်ဆိုတာကိုသိသွားပါတယ်။ ဒါ့အပြင် ဆိုင်ရောက်ရောက်ချင်း Christianအရေးတယူစကားသွားပြောတဲ့ အမျိုးသမီးဟာ Mrs. Robinson မှန်းရိပ်စားမိသွားတဲ့အခါမှာတော့ Anna တစ်ယောက်စိတ်ဆိုးပြီး ဆိုင်ထဲကချက်ချင်းထွက်သွားပါတော့တယ်။ Mrs.Robertson နဲ့Christianရဲ့ရာဇဝင်ကိုသိထားတဲ့ Annaဟာ Mrs. Robinson ကို ရာနှုန်းပြည့်သဘောမကျသူပါ။Christian ,Anna နောက်ကို အပြေးလိုက်ပြီးပြေရာပြေကြောင်းချော့မော့နေပေမဲ့ ခေါင်းမာတဲ့ Annaကတော့စိတ်ဆိုးနေဆဲပါပဲ။သူတို့နှစ်ဦးလမ်းမမှာ ကတောက်ကဆဖြစ်နေတုန်း Christianဆီဖုန်းဝင်လာပါတယ်။အဲ့ဒါကတော့ Christianလိုက်ရှာနေတဲ့သူ့ရဲ့ submissive ဟောင်း Leila သေနတ်ဝယ်လိုက်တယ်ဆိုတာပါပဲ။ သူမဟာ လွန်ခဲ့တဲ့နှစ်နှစ်ခွဲတုန်းက Christianရဲ့Submissive အဖြစ်ရှိခဲ့ပြီး စာချုပ်ပြည့်သွားတဲ့အချိန်မှာတော့ တခြားအမျိုးသားတစ်ဦးနဲ့ လက်ထပ်ခဲ့ပါတယ်၊ Annaလို Brunetteတစ်ဦးဖြစ်ပြီး Christian တစ်ယောက် (Fifty Shades of Grey မှာ) Annaရှိရာ Savannah ကိုလိုက်သွားတဲ့အချိန်တုန်းက Christian ရဲ့အိမ်ကိုရောက်လာကာအိမ်တော်ထိန်း Mrs.Jones ရှေ့မှာ လက်ကောက်ဝတ်ကိုလှီးပြီး သူမကိုအာရုံစိုက်လာအောင်လုပ်ခဲ့သူပါ။ သူမရဲ့အကြံအစည်ဟာအောင်မြင်တယ်ပဲပြောရမလား.. Christian ဟာ Annaကိုထားခဲ့ပြီး Savannah ကနေချက်ချင်းပဲ သူမရှိရာဆေးရုံကိုရောက်လာခဲ့ပါတယ်။ ဒါပေမဲ့ သူမကတော့ထွက်ပြေးပျောက်ကွယ်သွားခဲ့ပါတယ်။ Christianဟာဂရုဏာစိတ်ကြောင့်အကူအညီပေးဖို့လိုက်ရှာပေမဲ့ မည်သည့်နည်းနှင့်မျှရှာလို့မတွေ့ခဲ့ပါဘူး။ အဲ့ဒီကိစ္စတွေနဲ့ စိတ်ဖိစီးရှုပ်ထွေးလာခဲ့တဲ့ Christian တစ်ယောက် Annaအပေါ်အမှားလုပ်မိရာကနေပြီး Anna ကသူ့ကိုထားပြီးထွက်သွားခဲ့ပါတယ်။ အဲ့ဒီကိစ္စတွေဟာ Fifty Shades of Grey မှာဖြစ်ပျက်ခဲ့တာပါ။ ပြီးတော့ Leilaဟာ AnnaကိုSIP ရုံးရှေ့မှာလဲလာရှာခဲ့ပါသေးတယ်။Christianဟာ Leila သေနတ်ဝယ်တဲ့သတင်းကိုကြားတဲ့အခါမှာတော့ Anna လုံခြုံရေးအတွက် သူ့ရဲ့အိမ်ကိုခေါ်ဆောင်သွားပါတော့တယ်။ Annaရဲ့လုံခြုံရေးအတွက် မျက်စိဒေါက်ထောက်ဂရုစိုက်တဲ့သူကတော့Christianပါ။ Anna , Christian အိမ်ရောက်လာပြီး ညဘက် , သူတို့စုံတွဲ summer party မှ အပြန်မြင်လိုက်ရတာကတော့ Leila တစ်ယောက်Annaရဲ့ကားကိုရစရာမရှိအောင် ဖျက်စီးထားတာပါပဲ…ပျာယာခတ်သွားတဲ့Christian တစ်အိမ်လုံးကို သေချာစစ်ဆေးပါတော့တယ်။ အားလုံးကင်းရှင်းလို့ Anna ကို စိတ်ချလက်ချအခန်းထဲမှာ သိပ်ခဲ့ပြီး စာကြည့်ခန်းထဲအလုပ်ဝင်လုပ်နေတဲ့အချိန်….. အဲ့ဒီအချိန်မှာ တရေးနိုးလာတဲ့ Anna, သူမကုတင်ခြေရင်းအမှောင်ထဲမှာသေနတ်ကိုင်ပြီး သူမကိုကြည့်နေတဲ့အမျိုးသမီးတယောက်ကို တွေ့တဲ့အခါ………… – ရုပ်ရှင် Trailer ထဲမှာတော့ ထိုအမျိုးသမီးရပ်ကြည့်နေတဲ့အချိန်မှာ Christian ဟာ Anna နဲ့အတူအိပ်ပျော်နေပါတယ်။ James Floey ဘယ်လိုရိုက်ပြမလဲကို စိတ်ဝင်တစားစောင့်ကြည့်ရမှာပါ။ ? Brunette မိန်းကလေးတွေကိုပဲသဘောကျတတ်တဲ့ Christian ရဲ့ Anna ကို မသိစေချင်ဆုံးလျှို့ဝှက်ချကိကဘာဖြစ်မလဲ.. ဆိုတာအပြင် ဇာတ်လမ်းထဲမှာ Elena, Leila,Jack Hyde ဆိုတဲ့villianသုံးယောက်ကိုထည့်ပြီး အကွက်ကျကျသရုပ်ဖော်သွားပါတယ်။ ဆက်ပြောနေရင် ကြည့်တဲ့အခါအရသာပျက်သွားမှာစိုးလို့ Anna တစ်ယောက် ဘာတွေဆက်ကြုံတွေ့ရမလဲဆိုတာကိုတော့ 2017မှပဲ ပိတ်ကားပေါ်မှာဆက်လက်ရှုစားကြပါဗျ။ အဲ…Admin ဆက်ပြောချင်တာကတော့ စာအုပ်နဲ့ ရုပ်ရှင်, ရုပ်ရှင်နဲ့စာအုပ်ကွဲလွဲတာလေးတွေပါ။ ဟုတ်ပါတယ်..စာအုပ်နဲ့ရုပ်ရှင်ကရာနှုန်းပြည့်မတူနိုင်သလို ရုပ်ရှင်အတော်များများကတော့စာအုပ်ကိုမှီအောင်မရိုက်နိုင်ပါဘူး။ ဒါပေမဲ့ Fifty Shades of Grey ကတော့ ရုပ်ရှင်နဲ့စာအုပ်က အတော်လွဲနေပါတယ်။ Sam Taylor Johnson တစ်ယောက်ရှေ့ကရိုက်သွားတာကို James Foley ဘယ်လိုဆက်ရိုက်ထားသလဲဆိုတာကတော့ စိတ်ဝင်စားစရာပါ။ (Fifty Shades Darker ရုပ်ရှင်အညွန်းကို Nucleon FB Page မှ ကူးယူဖော်ပြပါသည်။) အားလုံးသိကြတဲ့အတိုင်းပါပဲ....Fifty Shades of Grey တဖြစ်လဲ မောင်ဂရေးရဲ့အကွက်ငါးဆယ်ဆိုတဲ့ရုပ်ရှင်ဇာတ်ကားဟာ ဖိုမသဘာဝချစ်ကြကြိုက်ကြရာမှာ တခါတလေ ဘာတွေလိုအပ်လဲဆိုတာ မကွယ်မဝှက် ချပြထားတဲ့ ဇာတ်ကားပါ။ ပိုက်ဆံရှိယုံနဲ့လဲ အချစ်ကိုကျေနပ်စေမှာမျိုးမဟုတ်... ရုပ်ချော ရုပ်ဖြောင့်နေယုံနဲ့လဲ အချစ်က တင်းတိမ်နေမှာမျိုးမဟုတ်... အလိုလိုက်အကြိုက်ဆောင်တိုင်းလဲ အချစ်က တည်မြဲနေမှာမျိုးမဟုတ်... အချစ်ဆိုတာ တစ်ယောက်စိတ်ရူးပေါက်တာကို တစ်ယောက်ကနားလည်ပေးနိုင်ပြီး နှစ်ယောက်တူတူစခန်းသွားရတာမျိုးပါ။ ကဲ...မောင်ဂရေးနဲ့ မစတီးတို့ ဘယ်လိုစခန်းသွားကြမလဲဆိုတာ...။ Fifty Shades ဇာတ်ကားက ၃ ကားထွက်ရှိခဲ့ပြီး ၃ ကားလုံးကို https://channelmyanmar.org/?s=fifty+shades+of+grey  မှာကြည့်ရှုနိုင်ပါတယ်။ 4K BluRay Unrated Version နဲ့ တင်ဆက်ထားတာမို့ ရုံတင်ဗားရှင်းထက် ပိုပြည့်ပြည့်စုံစုံရှုစားရမှာဖြစ်ပါတယ်။ File size…(3.6 GB)/(1 GB) Quality….Unrated BluRay 4K HEVC/1080p Format…mkv/mp4 Duration….02:11:29 Subtitle….Myanmar Subtitle (Hardsub) Encoder….Nyeinsaeya Aung Translated by Han Htoo Zaw

Balagam 2023 (IMDb 8.1) အခုတင်ဆက်ပေးမဲ့ တောင်ပိုင်းတလဂူး ဒရမ်မာလေးက rating ကောင်းမွန်သလို သာမန်ချစ်ကြိုက်ကွဲငြားဇာတ်လမ်းတွေကို ကျော်လွန်ပြီး လူ့သဘာဝအဖွဲ့ မိသားစုဒရမ်မာဇာတ်ကောင်းလေးဖြစ်ပါတယ် ကျွန်တော်တို့ ဆယ်ကျော်သက်ဘဝတွေတုန်းက အသည်းစွဲ ဆရာမင်းလူရဲ့ ရယ်မောခြင်းအပိုင်းအစထဲက ဋရပ်ကွက်သားတွေလို ဒီဇာတ်ကားထဲကရွာသားတွေကို ကြည့်ရတာ သဘာဝလဲကျ ပြုံးလဲပြုံးမိရသလို ဂရုဏာလဲသက်လာမိရမှာပါ ဇာတ်လမ်းအစမှာ ဇာတ်ဆောင်မင်းသားက မြို့နဲ့ရပ်ဝေးရွာလေးမှာ ပီဇာဆိုင်ဖွင့်လိုက် အင်တာနက်ဆိုင်ထောင်လိုက် ဘီလိယကခုံထောင်လိုက်နဲ့ ဉာဏ်ကောင်းစွာစီးပွားရေးလုပ်ရင်း အကြွေးတင်သွားပါတယ် အဆိုပါအကြွေးကို ထပ်ဉာဏ်ကောင်းပြီး မိန်းမယူရင်း မိန်းမတင်တောင်းတဲ့ပိုက်ဆံနဲ့ ဆပ်ဖို့ကြံမှ မိန်းမယူခံနီး အဘိုးက ကောက်ခါငင်ခါသေဆုံးသွားပါတယအဲ့ကစ ဘုကျဘောက်ကျနဲ့ သဘာဝကျကျဇာတ်လမ်းဇာတ်ကွက်များကို ဘာတွေဆက်ဖြစ်မလဲဆိုတာ အဆုံးထိခံစားကြည့်ရှုဖို့ ပရိသတ်ကြီးကို တင်ဆက်ပေးလိုက်ပါတယ် File size…2.58GB  / 1.15GB Quality…1080p WEB DL / 720p Format…mp4 Duration….2h 11m Subtitle….Myanmar Subtitle(Hard Sub) Encoder….YK Translated by Sai ~ Cherry ~ Nyein

ဒီတစ်ခါတော့ ပညာပေးကားလေးတစ်ကားပါပဲ အရက်သမားတွေအတွက် ပညာပေးကားလေးပေါ့ ကားပြိုင်ရင်းကားမှောက်ခဲ့ရာကနေ စိတ်ဓာတ်ကျ ပြီး အရက်သမားဖြစ်နေတဲ့ ဂေးလ်တစ်ယောက်ကတော့ ချစ်ရတဲ့သူတွေ့ပါစေ ဆိုပြီး အရက်ဆိုင်မှာနေ့တိုင်းဆုတောင်းနေတာကနေ သူ့ကို ချစ်လာမဲ့အရက် ဆိုင်ကတစ်ယောက်နဲ့တွေ့ပြီး ချစ်ခဲ့ကြတာပါ ဖြစ်ချင်တော့ အဲဒီအမျိုးသမီးမှာ သမီးအမွှာလေးနှစ်ယောက်ရှိနေတာပါပဲ ပထွေးနဲ့ သမီးတွေရဲ့ ထုံစံအတိုင်း အစေးမကပ်ကြဘူးပေါ့ ဒီလိုနဲ့ အရက်သမားစုံတွဲနှစ်ယောက်ဟာ အရက်မူးရူးပြီး နောက်နေ့မှာအမျိုးသမီးအဖမ်းခံလိုက်ရချိန်မှာတော့ ဇာတ်ရှိန်က တဖြည်းဖြည်းနဲ့ တက်လာခဲ့ပါတော့တယ် အဲဒီအချိန်မှာပဲ ဇာတ်လမ်းရဲ့ မြှုပ်ကွက်လေးတွေ တစစ ပေါ်လာပြီးတော့ ပြီးတဲ့အထိကို ဆွဲခေါ်သွားစေနိုင်တဲ့ကားကောင်းလေးပါပဲ File size…(1.25GB)/(671.2MB)/(350.44MB) Quality….Webrip 1080p / 720p / 480p Format…mp4 Duration….01:34:00 Genre…Comedy/ Drama Subtitle….Myanmar Subtitle (Hardsub) Encoder….Mr. Anderson Translated by Garfield

IMDb 6.2/10 ဒီရုပ်ရှင်ကတော့ ၁၉၉၉ ခုနှစ်မှာ ရေးသားခဲ့တဲ့ ပြဇာတ်ကို ပြန်လည်ဖန်တီး ရိုက်ကူးထားတာဖြစ်ပြီး မူရင်းပြဇာတ်ကလည်း စတင်ဖျော်ဖြေခဲ့တဲ့ ၁၉၉၉ ခုနှစ် ဇန်နဝါရီလ ကနေ ၁၉၉၉ ခုနှစ်မေလအထိ လေးလအတွင်း ၉၇ ကြိမ်တိတိ ပြန်လည်ဖျော်ဖြေခဲ့ရတဲ့အထိ အောင်မြင်ခဲ့တာဖြစ်ပါတယ် ။ “ ဒီနိုင်ငံမှာက ထက်မြက်တဲ့သူတွေ အပြစ်ပေးခံရတတ်တယ်တဲ့ “ ဂူဆယ်ရန်ရဲ့ အဖေက ဆယ်ကျော်သက်အရွယ် ဂူဆယ်ရန်လေးကို ပြောခဲ့တဲ့စကားပါ ။ ပိုးစုန်းကြူးလေးတွေအကြောင်း စိတ်ဝင်စားတဲ့ ဂူဆယ်ရန်က ခြောက်လအရွယ်မှာ စကားစပြောတတ် ၊ နှစ်နှစ်အရွယ်မှာ စာဖတ်တတ်ပြီး အသက်ကြီးလာတော့လည်း ဘယ်လိုဂဏန်းလေးလုံးပါတဲ့ ကိန်းမျိုးကိုမဆို စိတ်နဲ့မြှောက်နိုင်တဲ့အထိ ဉာဏ်ထက်တဲ့ မိန်းကလေးတစ်ယောက်ပါ ။ ၁၉၇၀ ပြည့်နှစ်ကျော် တူရကီနိုင်ငံရဲ့ အစိုးရအပြောင်းအလဲနဲ့ နိုင်ငံရေးပဋိပက္ခတွေကြားမှာ ဂူဆယ်ရန်တစ်ယောက် ဘယ်လိုဆက်ရှင်သန်မလဲ ။ ကမောက်ကမဖြစ်နေတဲ့ နိုင်ငံရေးအခြေအနေတွေကြားမှာ အချစ် ၊ အလွမ်း ရသမျိုးစုံကို သာလွန်ဉာဏ်ရည်မျိုးရှိတဲ့ ဂူဆယ်ရန်ရဲ့ ရှုထောင့်ကနေ ရင့်နင်ဖွယ် ကြည့်ရှုခံစားရမှာဖြစ်ပါတယ် ။ File size…1.76GB / 848MB Quality…NF WEB-DL 1080p/ 720p Format…mp4 Duration….1h 53m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by Ashley

Khoobsurat (2014) “ကန့်လန့် ချစ်သူ” IMDb 6.5 ရထားတဲ့ ဟင်ဒီကားဟောင်းလေးတစ်ကား တင်ဆက်ပေးလိုက်ပါတယ် Fawad Khan နဲ့ မင်းသမီးချောလေး Sonam Kapoor တို့ ပါဝင်ထားတဲ့ romantic comedy ကားလေးပဲဖြစ်ပါတယ် ရုံတင်ဝင်ငွေ ရူပီး သန်း ၈၀၀ နီးပါးပြန်ရခဲ့တဲ့ ကားကောင်းလေးတစ်ကားပါ ဇာတ်လမ်းအကျဥ်းကတော့ မီလီချက်ကရာဗာတီဆိုတဲ့ သွက်လက်ချက်ချာ ကောင်မလေးဟာ အိန္ဒိယ ခရစ်ကတ်ပရီးမီးယားလိဂ်မှာ အကြောပြင် ဆရာဝန် Physiotherapist အဖြစ် လုပ်ကိုင်တာဖြစ်ပြီး နာမည်ကြီးအသင်းရဲ့ ကစားသမားတစ်ယောက်ကို ပွဲချိန်တွင်း ပြန်ကစားလို့ရအောင် ကုသပေးလိုက်နိုင်တာကြောင့် တော်ဝင်မိသားစုတစ်စုက သူ့ကို ခေါ်ပါတော့တယ် မီလီရဲ့ အမေကလည်း မီလီ့နည်းတူ ခေတ်ဆန်ပြီး ပေါ့ပေါ့ပါးပါးနေတတ်ပြီး သူ့သမီးကိုလည်း သမီးစိတ်ကြိုက်ယောကျာ်းတစ်ယောက် အမြန်ရစေချင်သူပါ တော်ဝင်မိသားစုက ဝှီးချဲလ်ပေါ်က သိပ်ခေါင်းမာလွန်းတဲ့ ဘုရင်ကြီးကို ကုပေးရမှာဖြစ်ပြီး သူ့ရဲ့ ကတော်ကလည်း ဟိတ်ဟန်ဆန်လွန်းပြီး သားတော် မင်းသား ဗစ်ကရမ်ကပါ အမေနဲ့ တစ်ပုံစံတည်းပါ စရောက်တဲ့နေ့ကတည်းက ဒေါက်တာမလေး မီလီတစ်ယောက် အလွဲလွဲအချော်ချော်ဖြစ်နေပြီး သူ့ရဲ့ ရွှတ်နောက်နောက် ကာရိုက်တာနဲ့ တော်ဝင်မိသားစုဝင်တွေရဲ့ အပေါက်အလမ်းမတည့်မှုက သူ့အတွက် တော်တော်လေး ဒုက္ခရောက်စေပါတယ် အနေနီးလို့ သူချစ်မိသွားတဲ့ ရေခဲတုံးမင်းသားလေးရဲ့ အချစ်ကို ရယူချင်ပေမယ့် မင်းသားမှာ ပိုင်ရှင်ရှိနေတာမို့ ဒေါက်တာ မလေးခင်ဗျာ ချစ်သူနဲ့ ပေါင်းဖက်နိုင်ပါ့မလား… ဆန့်ကျင်ဘက်ဖြစ်နေတဲ့ သူတို့နှစ်ဦးရဲ့ အချစ်ဇာတ်လမ်းလေး ဘယ်လိုဆက်ဖြစ်မလဲဆိုတာ ကြည့်ရှုခံစားပေးကြပါဦး ဒီထဲက ဒေါက်တာမလေးရဲ့ အပြုံးအရယ် အလှနဲ့တင် သိပ်ကိုကြည်နူးစရာကောင်းနေပြီမို့ ကြည့်ရတာ တန်မယ့်ကားတစ်ကားပါ (ရုပ်ရှင်အညွှန်းနဲ့ ဘာသာပြန်ကို Thaik San နဲ့ KKKZ တို့မှ တင်ဆက်ထားပါတယ်။)

ဖရန့်ဆစ် အူမန့်ဟာ ဂေါ့ဖ်ရိုက်တာကို ဝါသနာပါတဲ့ လူငယ်လေးတစ်ယောက်ပါ. သူဟာ ဝါသနာကြီးလွန်းလို့ ငယ်ငယ်ကတည်းက ဂေါက်ကွင်းမှာ အိတ်သယ်အဖြစ် လုပ်ရင်း ဂေါ့ဖ်ရိုက်တဲ့ပညာကို လေ့လာခဲ့ပါတယ်. တစ်နေ့တော့ သူအရမ်းလေးစားအားကျရတဲ့ ဂေါ့ဖ်သမား ဖြစ်တဲ့ ဟယ်ရီ ဗာဒန်ဆိုတဲ့ ပုဂ္ဂိုလ်ကို အပြင်မှာတွေ့ဖို့ ဖြစ်လာပါတယ်. ဟယ်ရီဟာ လက်ရှိမှာ အအောင်မြင်ဆုံး ဂေါ့ဖ်ကစားသမားဖြစ်နေပေမယ့် သူငယ်ငယ်တုန်းကလဲ ဖရန့်ဆစ်လိုမျိုးပဲ ဘဝက ခက်ခဲကြမ်းတမ်းခဲ့တာပါ. အဲဒီ့နောက်တော့ ဖရန့်ဆစ်တို့ ဂေါက်ကွင်းမှာ US Open ပြိုင်ပွဲကြီးလာကျင်းပတဲ့အချိန်မှာ ဖရန့်ဆစ်တစ်ယောက် ပြိုင်ပွဲဝင်ရဖို့ ဘယ်လိုမျိုးတွေ ရင်ဆိုင်ရမယ်. ဒါ့အပြင် ဂေါ့ဖ်ရိုက်တယ်ဆိုတာ အားကစားတစ်ခုထက်ပိုတဲ့ ပြိုင်ပွဲနောက်ကွယ်က နိုင်ငံရေးလှည့်ကွက်တွေလည်းပါတဲ့ ကစားနည်းတစ်ခုလည်း ဖြစ်နေပြန်ပါသေးတယ်. ဆိုတော့ ဖရန့်ဆစ်တစ်ယောက် ဘယ်လိုပြိုင်ပွဲဝင်တွေနဲ့ ရင်ဆိုင်ပြီး အောင်မြင်မှုကို ရယူသွားနိုင်မလား ဒါမှမဟုတ် လမ်းတစ်ဝက်မှာတင် ကျရှုံးသွားနိုင်မလားဆိုတာကို စိတ်ဝင်စားဖွယ်ကောင်းအောင် ရိုက်ကူးတင်ဆက်ထားတဲ့ ဇာတ်ကားကောင်းလေးတစ်ကားဖြစ်ပါတယ်. ဒါ့အပြင် ၂၀၀၆ ခုနှစ်အတွက်လည်း Best Sport Movie ဆုကိုပါရရှိခဲ့ပါသေးတယ် အဓိကသရုပ်ဆောင်အနေနဲ့ Transformers ဇာတ်ကားတွေနဲ့ နာမည်ကြီးခဲ့တဲ့ မင်းသား Shia LaBeouf က သရုပ်ဆောင်ထားပြီး 2005 ခုနှစ်က ထွက်ခဲ့တဲ့ ဇာတ်ကားဆိုတော့ Transformers ရုပ်ရှင်မထွက်ခင် ၂ နှစ်လောက်က ထွက်ရှိထားခဲ့တာမလို့ Shia ရဲ့ ငယ်ရုပ်လေးကို Transformers လို အက်ရှင်ဇာတ်လမ်းမျိုးမဟုတ်ပဲ တစ်မျိုးကွဲထွက်နေတဲ့ သရုပ်ဆောင် တစ်ယောက်အဖြစ် မြင်ရမှာပါ. File size…(2.5GB)/(1.4 GB) Quality….Blu-Ray 1080p / 720p Format…mp4 Duration….02:00:00 Genre…Biography,Drama, Sport Subtitle….Myanmar Subtitle (Hardsub) Encoder….Garfield Translated by Jo Joe

CM တရုတ်ကားချစ်သူတို့ရေ… တကယ်လို့ ဘဝအမောတွေပြေအောင် ဟာသကားကိုကြည့်ချင်တယ်ဆို… ဒီကားလေးကိုကြည့်ဖို့ ဖိတ်ခေါ်လိုက်ပါတယ်နော်… ဒီဇာတ်လမ်းလေးကဆိုရင် ကျွန်တော်ရည်းစား မာဖီးယားဆိုတဲ့ ပုံစံဆင်တူပဲ… နာမည်ကြီး ရှန်ဟိုင်ဂိုဏ်းချုပ်လောင်းကိုမှ ရေကန်ထဲ လှေစီးပြီး ရေစက်ဆုံကာ ကယ်မိတဲ့ အားဝမ်… အားဝမ်ကတော့ သူ့လမ်းလေးအေးချမ်းဖို့အတွက် အစ်ကိုဟုတ်ဆိုတော့ အမြတ်ကြီးစား ဒုစရိုက်လုပ်နေတဲ့သူရဲ့ အောက်ခြေသိမ်း အလုပ်ကြမ်းသမားလေးအဖြစ် နေနေတဲ့သူပေါ့… အစ်ကိုဟုတ်ကလည်း သူ့ရဲ့ ကြပ်မပြည့်တဲ့ လက်ဝှေ့သမားဖြစ်ချင်တဲ့ သူ့အစ်ကိုဆန္ဒတွေကို ဖြည့်ဆည်းပေးဖို့အတွက် လူရှာပြီး သူ့အစ်ကိုကို အဖော်ပြု လက်ဝှေ့ထိုးပေးမယ့်သူ ခဏခဏရှာခိုင်းတာ… အခုဆို ပွဲ ၁၀၀ ပြည့်ဖို့ နောက်ဆုံး တစ်ပွဲပဲလိုတာ… လက်ဝှေ့လည်း ထိုးချင်တယ် သူ့အစ်ကိုကိုလည်း မထိခိုက်စေချင်ဘူးဆိုတော့… အားဝမ်တစ်ယောက် ရေထဲက ကောက်ရတဲ့ အမျိုးသမီးလေးကို ကြိုးစင်ပေါ်တင်ပေးဖို့အတွက် ဇာတ်လမ်းတွေဆင်တော့တာပေါ့… အတိတ်ကလည်းမေ့…. မျက်စိရှေ့မှာလည်း အားဝမ်ပဲမြင်နေရတာဆိုတော့ ဒီအမျိုးသမီးလေးလည်း… အားဝမ်ရဲ့ ဇာတ်လမ်းကို ယုံကြည်ပြီး ကြိုးစင်ပေါ်ကို တက်ခဲ့တာပေါ့… အဲ့ ကြိုးစင်ပေါ်တက်ခဲ့လို့ အားဝမ်တစ်ယောက် ဘာနောက်ဆက်တွဲတွေကြုံရမှာလဲ… ဒီပွဲရလဒ်ကရော ဘာဆက်ဖြစ်မှာလဲ…အားဝမ်နဲ့ ဘယ်ကလာမှန်းမသိတဲ့ မိန်းကလေးကရော ဘာတွေဆက်ဖြစ်ကြမှာလဲ ပိတ်ကားပြင်ပေါ်မှာ CM အဖွဲ့နဲ့အတူတူ ဆက်ကြည့်ပြီး ရယ်မောလိုက်ကြရအောင်နော်…

ကာတာမိသားစုရဲ့ သဲကန္တာရအတွင်းက အဖြစ်အပျက်တွေဟာ ရှစ်နှစ်ကြာမြင့်ခဲ့ပါပြီ။ ဒီအဖြစ်အပျက်ရဲ့ အသက်ရှင်ကျန်သူတွေထဲက ဘော်ဘီနဲ့ ရူဘီတို့ဟာ အခုမှာတော့ ဆိုင်ကယ်ပြိုင်ပွဲဝင်အဖွဲ့တစ်ခုကို တည်ထောင်ထားကြပြီဖြစ်ပါတယ်။ ဘော်ဘီရဲ့ ဓာတ်ဆီအသစ်ကို စမ်းသပ်ဖို့အတွက် သဲကန္တာရထဲက ပြိုင်ပွဲ‌တွေကို ရူဘီဟာ စိတ်ထိန်းချုပ်မရဖြစ်‌နေတဲ့ ဘော်ဘီ့ကိုယ်စား အဖွဲ့ဝင် လူငယ်လေးတွေဖြစ်တဲ့ ရွိုင်း၊ ဖော်စတာ၊ ဆူး၊ ဟယ်ရီ၊ ဂျိန်းနဲ့ မျက်မမြင်မလေး ကက်စ်တို့နဲ့အတူ ထွက်လာခဲ့ကြပါတယ်။ ဒီလိုနဲ့ပဲ အမှားအယွင်းတွေကြောင့် နောက်ကျနေကြတဲ့ သူတို့တွေဟာ သဲကန္တာရထဲက ဖြတ်လမ်းတစ်ခုကို သုံးကြရင်း ကားပျက် သောင်တင်နေခဲ့ပြန်တဲ့အခါမှာတော့ ရန်သူတော်ဟောင်းတွေဖြစ်တဲ့ လူသားစား အရိုင်းအစိုင်းမိသားစုနဲ့ ထပ်မံရင်ဆိုင်ကြရပြန်ပါတော့တယ်။ လူသားစားမိသားစုကို ဒီတစ်ခါမှာ ဦးဆောင်နေတာက ဘယ်သူလဲ။ ရူဘီတို့တွေလည်း ထပ်ပြီး လွတ်မြောက်နိုင်ကြပါဦးမလား။ အဆုံးမှာ ဘယ်သူတွေက အသက်ရှင်ကျန်နိုင်ကြပါ့မလဲဆိုတာကို CM ပရိတ်သတ်ကြီးက ကြည့်ရှုခံစားပေးကြပါဦးခင်ဗျ။ File Size : 2 GB, 1 GB Quality : Blu-Ray 1080p / 720p Running Time : 1hr 30min Format : Mp4 Genre : Horror, Thriller Subtitle : Myanmar Subtitle (Hard Sub) Translated by : Brackman Encode by : Thit San Khant

Golmaal 3 (2010) ပရမ်းပတာ ၃ အဂျေးနဲ့ ကရီနာကပူးရ်တို့ရဲ့ Golmaal series ထဲက တတိယမြောက်ကားကို ပရိသတ်တွေအတွက် ထပ်မံတင်ဆက်ပေးချင်ပါတယ်။ ဒီ တတိယမြောက် Golmaal ရုပ်ရှင်ဟာဆိုရင် သူ့ခေတ်သူခါမှာတော့ တစ်နှစ်တာ ဒုတိယဝင်ငွေအများဆုံးဖြစ်ခဲ့တဲ့ထိ အောင်မြင်ခဲ့တာပါ။ ဇာတ်လမ်းလေးကတော့ Golmaal ကားတွေရဲ့ထုံးစံ.. အစပိုင်းမှာ ဂိုပယ်တို့မိသားစု ဂိုအာကမ်းခြေမှာ စီးပွားရေးပေါင်းစုံလုပ်ဖို့ ကြိုးစားနေကြတုန်းမှာ ဘာလုပ်လုပ် သူတို့နဲ့ အကြံတူနေပြီး မြင်တာနဲ့ ရန်ဖြစ်ကြတဲ့ သားအဖလေးယောက်နဲ့ ကွိုင်တွေတက်ပုံကို မြင်ကြရမှာပါ။ ဒါပေမဲ့ အဲဒီသားအဖလေးယောက်ထဲက မုဆိုးဖိုအဖေကြီးက ဂိုပယ်တို့အမေရဲ့ ရည်းစားဦးဖြစ်နေပြီး သူတို့ ပြန်ပေါင်းထုပ်ဖို့ ကြိုးစားကြတာကို သားတော်သမီးတော်များက မတည့်မရှုနဲ့ တကျက်ကျက်ဆန့်ကျင်ကြပုံတွေကို ဟာသတွေတခွီခွီနဲ့ ဒီရုပ်ရှင်ထဲမှာ မြင်ကြရမှာဖြစ်ပါတယ်။ ဒါ့အပြင် ဘောလီးဝုဒ်ရွှေခေတ်ရဲ့ ထုံးစံ အဆိုအကကောင်းကောင်း စော်လန်းလန်းတွေကို ကမ်းခြေမှာပတ်ပြေးခိုင်းထားတဲ့ သီချင်းအလန်းလေးတွေပါ ကြည့်ရမှာဖြစ်လို့ ရှေ့က Golmaal ကားတွေကိုကြိုက်နှစ်သက်ကြတဲ့ CM ပရိသတ်ကြီးအတွက် ဘာသာပြန်တင်ဆက်ပေးထားတာကြောင့် လက်မလွတ်တမ်းအားပေးလိုက်ဖို့ ညွှန်းဆိုတိုက်တွန်းလိုက်ပါတယ်။…..

ယခုအခါတင်ဆက်ပေးလိုက်တာကတော့ ၁၉၉၉ ခုနှစ်ကထွက်ရှိခဲ့တဲ့ sci-fi/comedy အမျိုးအစားရှပ်ရှင်လေးပဲဖြစ်ပါတယ်….. ဂျွန်ဘရောင်းဆိုတာကတော့ လူတွေကိုကူညီပေးချင်တဲ့လုံခြုံရေးဝန်ထမ်းလေးပါ….ဒေါက်တာဘရတ်ဖိုဒ့်ရဲ့ဓာတ်ခွဲခန်းကိုလုံခြုံရေးယူပေးရတာပါ….သူကဒေါက်တာဘရတ်ဖိုဒ့်ကိုကြိတ်ကြိုက်နေသူပါ….ဒေါက်တာဘရတ်ဖိုဒ့်ကတော့ အဖေဖြစ်သူနဲ့အတူ gadget ပရောဂျက်လို့ခေါ်တဲ့ လူနဲ့စက်ပစ္စည်းအစိတ်အပိုင်းတွေကိုတွဲစပ်ဖို့ ဖန်တီးနေတဲ့သူပါ…. တနေ့ကျဒေါက်တာဘရတ်ဖိုဒ့်တို့ရဲ့ဓာတ်ခွဲခန်းကို စကိုးလတ်စ်ဆိုသူက‌ဖောက်ခွဲပြီး ဒေါက်တာဘရတ်ဖိုဒ့်တို့တီထွင်ထားတာတွေကိုခိုးသွားပါတယ်….ဒေါက်တာဘရတ်ဖိုဒ့်ရဲ့အဖေဖြစ်သူလည်းသေဆုံးသွားပါတယ်….ထိုအခါဒေါက်တာဘရတ်ဖိုဒ့်က gadget ပရောဂျက်ကို သူတို့ကိုကူညီပေးဖို့ကြိုးစားတဲ့လုံခြုံရေးဝန်ထမ်း ဂျွန်ဘရောင်းကိုသုံးပြီးဆက်လက်စမ်းသပ်ပါတယ်….ထိုအခါဂျွန်ဘရောင်းဟာ စက်ရုပ်တပိုင်းလူတပိုင်းဖြစ်သွားပြီးတော့ စုံထောက် gadget ဆိုပြီးဖြစ်လာခဲ့ပါတယ်…ထို့နောက်ဒေါက်တာဘရတ်ဖို့ဒ်အတွက် တရားမျှတမှုကိုပြန်ရှာပေးတဲ့အနေနဲ့ စကိုးလတ်စ်ကိုလိုက်ဖမ်းပါတော့တယ်….. File size…(1.7 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Action, Comedy, Family Subtitle….Myanmar Subtitle (Hardsub) Encoder….Swan Min Htet Translated by AKM

A Walk in the Clouds (1995) IMDb Rating (6.7) မင်းသားကြီး Keanu Reeves ရဲ့ ငယ်ငယ်က အချစ်ဇာတ်ကားလေးတွေ ကြည့်ချင်နေတဲ့ သူတွေအတွက် ဒီ A walk in the clouds ဆိုတဲ့ကားလေးကိုလက်တို့လိုက်ပါတယ်.. ဒုတိယ ကမ္ဘာစစ်ကြီးပြီးလို့ ချစ်ဇနီးထံ ပြန်လာတဲ့ Paul တစ်ယောက် ဇနီးသည်ရဲ့ ဆန္ဒအရ ချောကလက်ရောင်းဖို့ Sacramento မြို့လေးကို ရထားနဲ့ ခရီးနှင်ခဲ့ပါတော့တယ်… ကံကောင်းချင်လို့ပြောရမလား ကံဆိုးချင်လို့ပြောရမလား သွားနေတဲ့လမ်းမှာပဲကိုယ်ဝန်ရသွားပြီး ချစ်သူကပါပစ်သွားလို့ အိမ်မပြန်ရဲဖြစ်နေတဲ့ မက္ကစီကန် ကောင်မလေးနဲ့ဆုံပါတော့တယ်။ ကောင်မလေးရဲ့ အခက်အခဲကိုကူညီဖို့ ဟန်ဆောင်ခင်ပွန်းအဖြစ် မိသားစုကိုလိုက်တွေ့ရာရနေ ဘာတွေ ဆက်ဖြစ်မလဲဆိုတာကိုတော့ ဇာတ်လမ်းထဲမှာမြင်တွေ့ရမှာဖြစ်ပါတယ်။ တစ်ယောက်နဲ့တစ်ယောက်တွေ့ဆုံတဲ့ချိန်ဟာ နှစ်ယောက်လုံးရဲ့အခက်ခဲဆုံးအချိန်ဖြစ်နေပြီး ဆိုင်သူရှိနေတဲ့ လူဖြူကောင်လေးနဲ့ တခြားသူရဲ့ရင်သွေးလေးကိုလွယ်ထားရတဲ့ စပျစ်ခြံပိုင်ရှင်သမီးလေးတို့ ဘယ်လိုနီးစပ်သွားကြမလဲဆိုတာကတော့စိတ်ဝင်စားစရာပါပဲ.. 1995 ဝန်းကျင်က အဝတ်အစား အခင်းအကျင်းနဲ့ သိုက်သိုက်ဝန်းဝန်းပျော်ရွှင်စရာကောင်းတဲ့ မိသားစုရဲ့ ပုံရိပ်တွေအပြင် ကြည်နူးစရာ ဝမ်းနည်းစရာတွေနဲ့ရောပြွမ်းနေတဲ့ ချစ်ဇာတ်လမ်းလေးတစ်ပုဒ်ကို ပုံဖော်ထားတာမို့ ဟောင်းပေမယ့် ကောင်းနေဆဲဖြစ်တဲ့ ဒီကားလေးကို ညွှန်းလိုက်ရပါတော့တယ်။ (ရုပ်ရှင်အညွှန်းနဲ့ဘာသာပြန်ကို Thinzar Oo မှတင်ဆက်ထားပါတယ် )

We Were Dangerous (2024) IMDb Rating (6.4) / Rotten Tomatoes (97%) New Zealand ကို Maori အခေါ် Aotearoa လို့ခေါ်ပါတယ်။ Maori တွေက ပိုလီနီးရှန်းမျိုးနွယ်စုထဲက တစ်ခု ဖြစ်ပြီး New Zealandနိုင်ငံကို ၁၃ရာစုမှာရေကြောင်းကနေ ရောက်လာခဲ့တာဖြစ်ပါတယ်။ ဒီရုပ်ရှင်ကားမှာတော့ Maori အမျိုးသမီးငယ်လေးတွေအပေါ် ဆိုးသွမ်းလူငယ်ပြုပြင်ထိန်းသိမ်းရေးကျောင်းရဲ့ ဖိနှိပ်ဆက်ဆံမှုတွေကို ရိုက်ပြထားပြီး 1954 ခုနှစ် မှာ ဇာတ်အိမ်တည်ထားပါတယ်။ အဲ့ဒီခေတ် အခါမှာ မိန်းကလေးတွေဟာ ပူဆွေးမှု၊ စိတ်ဓာတ်ကျဆင်းမှု စတဲ့ စိတ်ရောဂါလက္ခဏာတွေ ပြလာခဲ့ရင် အိမ်ထောင်ဦးစီးဖြစ်တဲ့ အမျိုးသားတွေဟာ မိမိတို့ရဲ့ ဇနီးတွေ၊ သမီးတွေကို စိတ်ရောဂါကုဆေးရုံ သို့မဟုတ် ဦးနှောက်ခွဲစိတ်မှုတွေ အတင်းအကြပ် လုပ်စေတဲ့ ကာလမျိုးဖြစ်ပါတယ်။ ဒီဇာတ်လမ်းထဲမှာ Nellie, Daisyရယ် Louisa တို့ မိန်းကလေး သုံးယောက်ရဲ့ နောက်ခံ ဇာတ်လမ်းက ကွာခြားပေးမယ့် စည်းကမ်းကြီးပြီး နှိပ်စက်တတ်တဲ့ မေထရွန်ကြီး ရဲ့ ကျောင်းမှာတော့ မိန်းကလေးအားလုံးဟာ တန်းတူညီမျှ အဖိနှိပ်ခံရတာပဲ ဖြစ်ပါတယ်။ မေထရွန်ကြီး ကိုယ်တိုင်ကလည်း Maori လူမျိုး တစ်ယောက်ဖြစ်ပေမယ့် ဘာသာရေးကိုင်းရှိုင်းလွန်းပြီး လူ့အဖွဲ့အစည်းရဲ့ အမျိုးသမီးတွေအပေါ် ကလေးမွေးစက်တစ်ခုအပြင် ပိုမမြင်တဲ့ အစွဲကိုလည်း မသိလိုက်မသိဘာသာ အားပေးနေသူတစ်ဦးလည်းဖြစ်ပါတယ်။ ဘာသာရေးစည်းကမ်း တင်းကြပ်လွန်းတာကြောင့် ကျောင်းရှိ မိန်းကလေးတွေဟာ ကတာတို့၊ သီချင်းဆိုတာတို့၊ Maori ရိုးရာ Haka အကတို့ လုပ်မိရင်လည်း ရိုက်နှက်အပြစ်ပေးခံကြရပါတယ်။ ဒီလို လူ့အဖွဲ့အစည်းကနေ ကျဥ်ဖယ်ထားတဲ့ အမျိုးသမီးလေးတွေကို ကျွန်းတစ်ကျွန်းပေါ်မှာ စုပေါင်းပြီး အိမ်ထောင်မှုသားမွေးအတွက် လေ့ကျင့်ပေးနေတဲ့ မေထရွန်ကြီးဆီကို အထက်အဖွဲ့အစည်းတစ်ခုက ပုဂ္ဂိုလ်တစ်ယောက်ရောက်လာပြီး အမျိုးသမီးငယ်တွေအပေါ် သားကြောဖြတ်တဲ့ ဆေးဝါးခွဲစိတ် စမ်းသပ်မှုတွေ ပြုဖို့ ပြောလာပါတယ်။ အဲ့ဒီနောက်ပိုင်း Nellie, Daisy နဲ့ Louisa တို့ သုံးယောက်ဟာ ကျွန်းပေါ်ကနေ ထွက်ပြေးဖို့ တိုင်ပင်ကြပါတော့တယ်။ သူတို့အစီအစဥ်အောင်မြင်ပါ့မလား၊ မေထရွန် သိသွားပြီး သူတို့ကိုဒဏ်ခတ်မလားဆိုတာ ရုပ်ရှင်ထဲမှာ ဆက်လက်ကြည့်ရှုပေးပါ။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size… (1.6 GB) / (750 MB) Quality…. WEB-Rip 1080p HEVC / 720p Format…. mkv/mp4 Genre…. Drama Duration…. 01:23:48 Subtitle…. Myanmar Subtitle (Hardsub) Encoder…. Double K Translated by Leonie