ဒီကားလေးကတော့ သိပ်ပြီးမိတ်ဆက်စရာမလိုလောက်အောင် အားလုံးသိထားပြီးတဲ့ ကားလေးဖြစ်ပါတယ်... Disney ကနေထုတ်လုပ်ပြီးတော့ ၂၀၁၉  မှာ Animation ကို Live Action အသွင်ပြောင်းပြီးရိုက်ကူးပြီးတင်ဆက်ခဲ့ပါတယ်... Animation မှာအရမ်းကိုအောင်မြင်ခဲ့တဲ့ဒီကားလေးက အခု Live Action မှာကော အောင်မြင်မလားဆိုတာကို ဒီကားလေးကိုကြည့်ပြီးဆုံးဖြတ်လိုက်ရအောင်လား...... ဇာတ်ကားထဲမှာ အာလာဒင်ဆိုတဲ့ သူခိုးတစ်ယောက်က မြို့သူအယောင်ဆောင်ပြီး မြို့ထဲကိုထွက်လာတဲ့ မင်းသမီးလေးနဲ့တွေ့ပြီးချစ်မိသွားကြတယ်... သူခိုးတစ်ယောက်နဲ့မင်းသမီးတစ်ပါးနဲ့ မဖြစ်နိုင်တော့ ဂျဖာက အာလာဒင်ကိုဖမ်းပြီး မီးခွက်ခိုးခိုင်းတာကနေပြီးတော့ မီးခွက်စောင့်ကြီး တဖြစ်လဲ Will Smith နဲ့တွေ့ဆုံပါတော့တယ်... Will Smith မီးခွက်ပုံစောင့်ပုံကြီးနဲ့ ပိုစတာထွက်လာတုန်းကဆိုရင် တော်တော်လေးကို ကြည့်ရဆိုးပြီလို့ တွက်ခဲ့ဖူးတယ်.... ဒါပေမယ့် ကိုယ်တိုင်ကြည့်လိုက်တဲ့အခါမှာတော့ Will Smith တစ်ယောက် သူ့ရဲ့အကောင်းဆုံး Genie ပုံစံကိုပြသနိုင်ခဲ့ပါတယ်... Disney ရဲ့ထုံးစံအတိုင်းပဲ နောက်ခံတီးလုံးအမိုက်စားတွေနဲ့ Live Action အနေနဲ့ထွက်ရှိလာခဲ့တဲ့ ဒီကားလေးဟာ ကလေးဘဝတွေကိုပြန်လည်တမ်းတနိုင်အောင် ရိုးရိုးလေးနဲ့ရိုက်ကူးထားတဲ့ ကားလေးတစ်ကားပဲဖြစ်ပါတယ်...... File size…(6.8 GB)/(2.2 GB)/ (1.3 GB) Quality….BluRay 4K HEVC/1080p HEVC/720p Format…mkv/mp4 Duration….02:07:58 Subtitle….Myanmar Subtitle(Hardsub) Encoder….Ka Naung Translated by Littelneo

The Da Vinci Code (2006) ဒီရုပ်ရှင်အကြောင်းပြောဖို့ရာဆိုရင် Dan Brown ကနေစရမှာဘဲ။ သူ့ရဲ့ စာအုပ်တွဲ ကြီးအကြောင်းပေါ့။ အစဉ်လိုက်ပြောရမယ်ဆိုရင် Angels and Demons ကနေစပြီး Deception Point ထိတိုင်း ခြောက်အုပ်တိတိထွက်ရှိခဲ့တယ်။ သူ့ရဲ့ ဒီစိတ်ကူးယဉ်ဝတ္ထုဟာ ကမ္ဘာကိုကိုင်လှုပ်နိုင်ခဲ့တဲ့အထိကို အားပြင်းခဲ့တယ်။ သမိုင်းအစစ်အမှန်တွေကို အခြေခံပြီးမှ စိတ်ကူးယဉ်ထားလို့ သာမန်လူတွေသာမက သမိုင်းပညာရှင်တွေကိုပါ တွေဝေစေခဲ့တဲ့အထိပါဘဲ။ ဒါပေမယ့် Dan က သူ့ရဲ့ စာအုပ်တွေတိုင်းရဲ့မျက်နှာဖုံးမှာ A Novel ဆိုပြီး စာလုံးကြီးကြီးနဲ့ကြေငြာထားတယ်။ သူ့ရဲ့စိတ်ကူးယဉ် အတွေးစလေးတွေကနေဖြစ်လာတဲ့ အတွေးပေါင်းချုပ်ကြီးသက်သက်မျှသာပေါ့။ ဒီစာအုပ်တွဲကြီးမှာမှ ၂၀၀၃ မှာထွက်ရှိခဲ့တဲ့ ဒုတိယမြောက်စာအုပ်ဖြစ်တဲ့ The Davinci Code ဟာ စာဖတ်သူတို့သမိုင်းမှာ စံချိန်မျိုးစုံတင်နိုင်ခဲ့တယ်။ စာအုပ်အနေနဲ့သာမက ရုပ်ရှင်အဖြစ်ရိုက်တော့လည်း လူကြိုက်များတယ်။ မြန်မာဘာသာပြန်ကိုတောင် ၂၀၁၇ အစောပိုင်းမှာ ထွက်လာပါသေးတယ်။ ပြင်သစ်နိုင်ငံ ပါရီမြို့ရဲ့ အဓိကပြတိုက်ကြီးဖြစ်တဲ့ လူးဝ်ပြတိုက်မှာ ညကြီးသန်းခေါင် ပြတိုက်မှူးကြီး အသတ်ခံရသတဲ့။ ပြတိုက်မှူးကြီးဟာ သူမသေခင်မှာ သင်္ကေတကုဒ်တွေချန်ထားခဲ့တယ်။ ဒီလိုနဲ့ ပြင်သစ်ရဲတွေဟာ ပြတိုက်မှူးကြီးချန်ထားခဲ့တဲ့ စာတွေထဲက တစ်ခုတည်းသော နာမည်အနောက်ကို လိုက်ပါလေရော။ လန်ဂ်ဒန်တဲ့ …… ။ ဟားဗဒ်တက္ကသိုလ်ရဲ့ သင်္ကေတဗေဒပညာရှင်။ ကမ္ဘာပေါ်ကရှားမှရှားပညာရှင်မျိုး။ ပြတိုက်မှူးကြီးက သူမသေခင်ညမှာ လန်ဂ်ဒန်နဲ့ ညစာစားဖို့ရာ စီစဉ်ထားခဲ့တယ်။ ဒီလိုနဲ့ လန်ဂ်ဒန်ကို ပြင်သစ်ရဲတွေက အကူအညီတောင်းဖို့ရာဆိုပြီး လူးဝ်ပြတိုက်ကိုခေါ်လာပါလေရော။ ပြတိုက်အဝင်ဝက ဧရာမ ဖန်သား ပိရမစ်ကြီးက ပြသာနာတွေတော့ အထဲမှာစောင့်ပါပြီလို့ လန်ဂ်ဒန်ကို တိတ်တဆိတ် သတိပေးနေသလိုပါဘဲ။ သူလည်း အထဲရောက်သွားရော အထဲမှာ ပြတိုက်မှူးကြီးရဲ့ ကိုယ်လုံးတီးအလောင်းက ပြတိုက်ကြမ်းပြင်ပေါ်မှာ ပြန့်ကားနေတယ်။ လက်နှစ်ဖက်ကိုဆန့်တန်းထားပြီး ဝမ်းဗိုက်ဖောင်းဖောင်းကြီးအပေါ်မှာလည်း ငါးထောင့်ကြယ်ပုံကြီးကို သွေးနဲ့ပုံဖော်ထားတယ်။ နတ်ကိုးကိုယ်သူတွေ မီးရေနေလကိုးကွယ်သူတွေရဲ့ ရှေးဦးသင်္ကေတပုံစံမျိုး။ တစ်ဖက်လက်ညိုးမှာ သွေးပေနေပုံကိုထောက်ပြီး သူ့ဝမ်းဗိုက်က သေနတ်ဒဏ်ရာက သွေးကိုယူပြီး ကြယ်ပုံကို သူကိုယ်တိုင်ဆွဲခဲ့ပုံပါဘဲ။ နောက်တစ်ဖက်လက်မှာတော့ Marker ချောင်းကို မြဲမြဲဆုပ်ထားတယ်။ မကြာခင်မှာဘဲ လန်ဂ်ဒန်တစ်ယောက် စဉ်းစားမိရာ စဉ်းစားပြီး ကြမ်းပြင်ကို မီးထိုးကြည့်ရာမှာတော့ စာသားတွေပေါ်လာခဲ့တယ်။ ပထမဆုံးပေါ်လာတာက ကိန်းစဉ်တန်းတစ်ခု … 13-3-2-21-1-1-8-5 ..… နောက်တစ်ခုက စာသားတွေ … O,Draconian Devil Oh, Lame Saint တဲ့ …… ပထမဆုံးပေါ်လာတဲ့ ကိန်းစဉ်က ခန့်မှန်းရတာ သိပ်လွယ်တဲ့အရာ။ ဖီဘိုနာချီကိန်းစဉ်တန်းတစ်ခု … ။ လှပပြီးသေသပ်တဲ့ ကိန်းစဉ်တန်းတစ်ခု။ သဘာဝကြီးရဲ့ ကိန်းစဉ်တန်းတစ်ခု။ ကပ်လျက်ရှိတဲ့ ကိန်းတွေရဲ့ အချိုးဟာ 1.6 စွန်းစွန်းလေးရှိမယ့်ကိန်းစဉ်တန်းတစ်ခု။ ရှေးဦးအီဂျစ်တွေ ပိရမစ်ကြီးတွေကို ဆောက်တဲ့အခါမှာ တစ်ထပ်နဲ့တစ်ထပ်အတွင်း အမြဲလိုက်နာတဲ့ အချိုးတစ်ခု။ Twitter တံဆိပ်ရဲ့ ပျမ်းမျှညီမျှခြင်းအချိုးတစ်ခု။ ပျားအုံအတွင်းက ပျားထီးနဲ့ ပျားမတို့ရဲ့အချိုး။ တခြားတခြားသော သဘာဝတရားတို့ရဲ့ သိပ်ကိုလှပတဲ့ အချိုး … Golden Ratio ပေါ့။ စာသားတွေကိုကြည့်တော့ ဒါဟာ Anagram တစ်မျိုး။ လျှို့ဝှက်စာသားပေါ့။ တကယ်တမ်းကျ ဒီလောက်များတဲ့ စာတန်းရှည်ကို ကုဒ်ဖော်ဖို့ရာ Dan Brown နဲ့ ရုပ်ရှင်ထဲက လန်ဂ်ဒန်တို့လုပ်သွားသလောက် မလွယ်ဘူး။ တကယ်တမ်း စာရေးသူတို့ ကျောင်းစာသင်ခန်းထဲမှာ ကျောင်းသားတွေ ကွန်ပြူတာ ပရိုဂရမ်အကူအညီနဲ့လုပ်တာတောင် နာရီပိုင်းကြာတဲ့ CODE မျိုး။ ဖြစ်နိုင်ခြေပေါင်း ၃၆၀ ထရီလျံနည်းပါးရှိတဲ့ ကိန်းစဉ်တန်းကို စက္ကန့်ပိုင်းနဲ့ ပြောပြဖို့ရာဆိုတာ ဘယ်နည်းနဲ့မှ မဖြစ်နိုင်တာမျိုး။ ဘယ်လိုဘဲပြောပြော လန်ဂ်ဒန်က Code ဖြည်နိုင်ခဲ့တယ်။ Leonardo Da vinci The Mona Lisa တဲ့။ သာမန်လူသတ်မှုကနေ သမိုင်းတစ်လျှောက်ရဲ့ အဓိကအနုပညာကြီးဖြစ်တဲ့ Mona Lisa အထိပါပါလာခဲ့ပြီ။ ဇာတ်လမ်းထဲမှာ ဒီကတဆင့် Holy Grail ဆိုတာပါပါလာခဲ့တယ်။ Holy Grail ဆိုတာကတော့ ယေရှုခရစ်တော် နောက်ဆုံး စားပွဲကြီးမှာ သုံးခဲ့တဲ့ ကလပ်ခွက် (ခွက်)။ နောက်ပြီး ခရစ်တော်ကို ကြိုးစင်တင်ရာကနေကျလာတဲ့ သွေးတွေကို ခံခဲ့တဲ့ခွက်။ ဒီခွက်ကိုရဖို့ ဟိုးရှေးရာစုနှစ်တွေကတည်းက အထူးတပ်ဖွဲ့တွေ သူရဲကောင်းတပ်ဖွဲ့တွေက ကြိုးစားလာခဲ့တာမျိုး။ ခရစ္စယာန်သမိုင်းရဲ့ အဓိကအချက်အခြာရတနာလို့ သတ်မှတ်ခံထားရတာမျိုး။ ဂျေရုစလင်ကို ဥရောပကသိမ်းပြီးနောက် မြို့တော်ကို ကာကွယ်စောင့်လျှောက်ဖို့ရာဆိုပြီး သူရဲကောင်းအဖွဲ့ကြီးကိုဖွဲ့ခဲ့တယ်။ ဒါပေမယ့် DAN BROWN ရဲ့ စာအုပ်ထဲမှာတော့ ၎င်းက အဆိုပါတပ်ဖွဲ့ဟာ မြို့တော်နဲ့လားလားမှမဆိုင်ဘဲ Holy Grail ခွက်ကို ရှာပုံတော်ဖွင့်ဖို့လို့ဆိုထားပါတယ်။ Holy Grail ကရော ပြတိုက်မှူးကြီး အသတ်ခံရာမှာ ဘယ်လိုပတ်သက်လဲ ? ဟို နှစ်ရာပေါင်းများစွာက Leonardo Da Vinci ကရော ဘယ်လိုပက်သက်လဲ ? ကြားထဲက လန်ဂ်ဒန်ကရော ? ၁၇၄ မိနစ်တိတိကြာတဲ့ ဒီဇာတ်ကားဟာ သမိုင်းမှန်ကိုနောက်ခံထားပြီး စိတ်ကူးယဉ်ထားတာမို့ ဘယ်လိုကြည့်ကြည့်ကို ရင်သပ်ရှုမောစရာကောင်းပါတယ်။ Secret Order တွေ Secret Treasure တွေအကြောင်းကို စိတ်ဝင်စားသူတွေက ရုပ်ရှင်ကြည့်လိုက် သမိုင်းအစစ်အမှန်ကိုရှာဖတ်လိုက်နဲ့ ရုပ်ရှင်တကားကြည့်ဖို့ရာ လေး ငါးနာရီလောက် အချိန်ပေးရပါလိမ့်မယ်။ ဘယ်လိုဘဲဖြစ်ဖြစ် ဒီဇာတ်ကားဟာ စာအုပ်ရဲ့အရသာကိုလုံးဝပေါ့မသွားစေတဲ့အပြင် လန်ဂ်ဒန်အဖြစ်သရုပ်ဆောင်တဲ့ Tom Hanks ရဲ့ဇာတ်ကောင်အားနဲ့ တချို့ဇာတ်ဝင်ခန်းတွေဆို စာအုပ်ထက်တောင် ပို Dark သလိုခံစားမိတယ်လို့ဆိုရမယ်။ (ရာရာ) (ရုပ်ရှင်အညွှန်းကို The Silver Screen FB Page မှကူးယူဖော်ပြပါသည်။) ဒီဇာတ်ကားကို Extended Version နဲ့ တင်ဆက်ထားတာမလို့ ရုံတင်တုန်းကမပါတဲ့ အခန်းတချို့ ရိုက်ကွက်တချို့တွေကိုပါ အပြည့်အစုံရှုမြင်ကြရမှာဖြစ်ပါတယ်။ အဆက်အနေနဲ့ဆက်ထွက်လာခဲ့တဲ့ Angels & Demon (2009) နဲ့ Inferno (2016) ကိုလဲ ထပ်မံတင်ဆက်ထားပါတယ်။ File size…(2.9 GB)/ (1.2 GB) Quality….BluRay Extended 1080p HEVC/720p Format…mkv/mp4 Duration….02:54:37 Subtitle….Myanmar Subtitle(Hardsub) Encoder….Ka Naung

CM ချစ်ပရိသတ်တို့အတွက် ဆတိုးချေးငွေနဲ့ပတ်သက်ပြီး ဗဟုသုတလည်းရ မှတ်သားဖွယ်ရာ တရုတ်ကားကောင်းလေးကို ဘာသာပြန်တင်ဆက်ပေးလိုက်ပါတယ်... ဒီကားလေးထဲမှာ ဘယ်ကမှန်းမသိတဲ့ ငွေတွေနဲ့ ချေးငွေလုပ်ငန်းကြီးလုပ်ကာ အတိုးပေါ်အတိုးဆင့် ပြီး အတိုးကလူကိုပြန်ဝါးမြိုအောင် တမင် လှည့်ကွက်တွေဆင်ထားတဲ့ ထောင်ချောက်ကြီးအကြောင်းကို ရိုက်ကူးပုံဖော်ထားပါတယ်... ဇာတ်လမ်းအကျဉ်းလေးကိုဆိုရရင် ကျားဖောင်ဆိုသူဟာ သူ့စားသောက်ဆိုင်လေး တိုးချဲ့ဖို့ဆိုတဲ့ စိတ်ကူးနဲ့ ငွေတိုးချေးလုပ်ငန်းမှာ ငွေချေးမိရာကနေ နောက်ဆုံး အသက်အန္တရာယ်ကြုံတဲ့အထိ အတိုးက လည်ပင်းပေါ်တက်လာတာပေါ့... ဒီလိုနဲ့ ဟောင်ကောင်ဘားမှာ အလုပ်လုပ်တဲ့ ဟောက်ဇီတစ်ယောက် လမ်းခွဲကြေး ၃ သိန်းရပြီးကြီးပွားတိုးတက်ဖို့ စိတ်ကူးနဲ့ ကျားဖောင်ဆီရောက်လာတာပေါ့... တိုက်တိုက်ဆိုင်ဆိုင် ကျားဖောင်ကလည်း သူ့ကို ပါတနာအဖြစ် စိတ်လိုလက်ရ ကြိုဆိုနေတာမြင်တော့ သူအပျော်ကြီးပျော်သွားတာပေါ့... တစ်ဖက်က ကျားဖောင်လည်း အပျော်ကြီးပျော်ကာ ဟောက်ဇီကို စားသောက်ဆိုင်လွှဲပြီး ထွက်ပြေးသွားလေရဲ့ အဲ့တော့ကာ ငွေတိုးချေးသမားတွေကို ငွေပြန်ဆပ်ရမယ့်သူက ဟောက်ဇီဖြစ်သွားတာပေါ့... နေ့ချင်းညချင်း ဆိုင်ရှင်ကနေ အကြွေးထူဘဝရောက်သွားတဲ့ ဟောက်ဇီတစ်ယောက် အတိတ်မေ့နေတဲ့ လူနာတစ်ယောက်နဲ့ ဆုံမိခဲ့ရာကနေ... ကဲ ဒီတော့ကာ ကျားဖောင်တစ်ယောက် တကယ်ပြေးလွတ်မှာလား... ဟောက်ဇီရော ဘယ်လို ကျော်ဖြတ်မလဲ... ကျားဖောင်လိုပဲ သူလည်း နောက်တစ်ယောက်ပုခုံးပေါ် အကြွေးလွှဲပေးမှာလား... အမြန်သာ ကြည့်လိုက်ကြပါတော့... [ Reviewed By Chu Chu ] Quality : WEB-DL 1080p , 480p Format : mp4 Genres : Action , Drama Runtime : 1h 15 min Subtitle : Myanmar Subtitle ( Hardsub ) Translated by CM Team Encoded by LK

ဟောင်ကောင်မင်းသမီးချောလေး Vivian Hsu ကို တချို့လဲ ရင်းနှီးကြမှာပါ...ရှောင်လင်ကလေးနှစ်ယောက်ရဲ့ဇာတ်ကား Shaolin Popey(1994) မှာ မင်းသမီးအဖြစ် စတင်ပွဲထွက်ခဲ့ပြီးတော့ ဂျက်ကီချန်းနဲ့ The Accidental Spy ဇာတ်ကားထဲမှာလဲ ပါဝင်ခဲ့ဖူးပါတယ်။ ဟောင်ကောင်မော်ဒယ်တွေထဲမှာ ချစ်စရာမျက်နှာပေါက်လေးနဲ့ နာမည်ကြီးခဲ့ရာကနေ ရုပ်ရှင်မင်းသမီးအဖြစ်ထိုးထွက်လာခဲ့ပြီး ခုချိန်ထိလဲ ဇာတ်လမ်းရုပ်ရှင်တွေရိုက်ကူးနေဆဲမင်းသမီးဖြစ်ပါတယ်။ ခုတင်ဆက်လိုက်တဲ့ Devil Angel (1995) ဇာတ်ကားကတော့ သူနာမည်ကြီးကာစအချိန်မှာ ရိုက်ကူးထားတဲ့ Drama,Romance,Thriller အမျိုးအစား ဇာတ်ကားတစ်ကားဖြစ်ပြီး အဖော်အချွတ်ခန်းတချို့ကြောင့် 18+ အသက်ရွယ်ပြည့်မီသူများသာ ကြည့်သင့်တဲ့ဇာတ်ကားလဲဖြစ်ပါတယ်။ အပူအပင်ကင်းတဲ့မိဘအိမ်မှာနေရတာ အေးချမ်းလွန်းလို့ အပူရှာဖို့အတွက် အချစ်ဆိုတဲ့ခေါင်းစဉ်ကြီးကြီးတပ်ပြီး လင်နောက်လိုက်သွားတဲ့ အသက်ငယ်ရွယ်တဲ့ကလေးမလေးတစ်ယောက်အကြောင်းကိုရိုက်ကူးထားတာပါ။ အချစ်ဆိုတာရဲ့နောက်ကွယ်က အပူအပင်တွေနဲ့ ငွေရေးကြေးရေးပြသနာတွေကြောင့် ဘဝကို ဘဝဆန်ဆန် ဘယ်လိုဖြတ်သန်းရမလဲဆိုတာ.....။ (Dark Side Production မှ တင်ဆက်သည်။) Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။ File Size : (2.5 GB) & (950 MB) Quality : WEBRip 1080p & 720p Running Time : 01:34:55 Format : mp4 Subtitle : Myanmar Subtitle (Hard Sub) Translated by YeK Encoded by RGB

အော်စကာ သုံးဆု ဆန်ခါတင် ပါဝင်ခဲ့ပြီး တစ်ခြားဆုပေါင်းများစွာ ရရှိထားတဲ့ Biography ကားကောင်းလေးတစ်ကားကိုတင်ဆက်ပေးလိုက်ရပါတယ်။ ဒီဇာတ်ကားဟာဆိုရင် နာဆာ ရဲ့ အစောပိုင်းနှစ်တွေမှာ အရေးကြီးတဲ့ နေရာက ပါဝင်ပေးခဲ့တဲ့ အမျိုးသမီးသုံးဦး အကြောင်းရိုက်ကူးထားတဲ့ဖြစ်ရပ်မှန် ရုပ်ရှင် ဇာတ်ကားလေးဖြစ်ပါတယ်။နာဆာရဲ့ အစောပိုင်းနှစ်တွေမှာ အမေရိကန်ကလည်း ဆိုဗီယက်ရုရှားတွေနဲ့ အပြိုင် သူတို့ထက်အရင် အာကသထဲကို လူလွှတ်နိုင်ဖို့ အပြင်းအထန်ကြိုးစားခဲ့ပါတယ်။ဒီအချိန်မှာပဲ နာဆာကလည်း ပညာရှင်တွေကို လိုအပ်နေတဲ့ အချိန်မှာပဲ တစ်ချိန်မှာ အမေရိကန် သမိုင်းမှာ အကြီးမားဆုံး အော်ပရေးရှင်းဖြစ်လာမဲ့ အော်ပရေးရှင်းကြီးရဲ့ အဓိက လူသုံးယောက်ဖြစ်လာမဲ့ ဒီအမျိုးသမီး သင်္ချာပညာရှင် သုံးယောက်ကို တွေ့ရှိခဲ့ပါတယ်။ဒီသုံးယောက်ဟာဆိုရင် နောင်တစ်ချိန်မှာ လူသားကွန်ပျုတာ သုံးယောက်ရယ်လို့ အမေရိကန် သမိုင်းမှာ ထင်ရှားလာမဲ့သူတွေပါ။ဒီသုံးယောက်ဟာ အာာကသသူရဲကောင်း ဂျွန်ဂလမ်းကို ကမ္ဘာပတ်လမ်းတွေရောက်ရှိပြီး လုံခြုံစွာပြန်လာစေရမယ်ရယ်လို့ အာမခံပြီး အကောင်းဆုံးလုပ်ဆောင်ပြခဲ့ပါတယ်။ဒေါ်ရသီဗန်း မယ်ရီဂျက်ဆန် နဲ့ ကတ်သရင်း ဂျွန်ဆန်တို့ဟာ လူမျိုးမတူ ကျားမ မတူ ပညာချင်းမတူညီခြင်း အစရှိတဲ့ စည်းမျဉ်း တွေကို ဖြတ်ကျော်ပြီး ရဲဝံတွေ အိပ်မက်တွေကို မက်ရဲတဲ့ သတ္တိ တွေ လုပ်ရဲတဲ့ သတ္တိတွေနဲ့ အမေရိကန်နိုင်ငံငို ကမ္ဘာ့အလယ်မှာ အာကသနဲ့ ပတ်သတ်လာရင် လက်မထောင်နိုင်အောင် ဘယ်လို လုပ်ခဲ့ကျလဲ ဆိုတာကို စိတ်ဝင်စားဖွယ် ကြည့်ရှု့ရမှာပါ။ File Size : 909 MB Quality : Blu Ray Running Time : 2h 7min Format : Mp4 Genre : Biography, Drama, History Encoder : Tariq L Walker

Mission: Impossible V – Rogue Nation (2015) ================================= IMDb Rating 7.4/10 ဒီကားကတော့ အားလုံးသိတဲ့အတိုင်း မင်းသားချော Tom Cruise ရဲ့ Mission Impossible ဇာတ်လမ်းတွဲ ထဲက ငါးကားမြောက် ဇာတ်ကားဖြစ်ပါတယ်။ ဇာတ်ကားအကြောင်းမပြောခင် MI ဇာတ်ကားတွေမှာ ထူးခြားချက်တစ်ခုရှိပါတယ်။ ဇာတ်ကားတစ်ကားပြောင်းတိုင်း ဒါရိုက်တာ အသစ်ပြောင်းသွားပြီး ဒါရိုက်တာအားလုံးကလည်း အသစ်တွေဖြစ်ကြပါတယ်။ Mission Impossible ကိုမရိုက်ကူးခင်မှာ အဲ့ဒီဒါရိုက်တာတွေ က ဇာတ်ကားကြီးတွေမရိုက်ဖူးထားပါဘူး။ Brian De Palma က ပထမဆုံးကား၊ John Woo က ဒုတိယကား၊ J.J. Abram က တတိယကားနဲ့ နောက်ဆုံး Brad Bird က Ghost Protocol ကိုရိုက်ကူးထားကြပါတယ်။ အခု Rogue Nation ကိုတော့ Christopher McQuarrie (Edge of Tomorrow) ကရိုက်ကူးထားပါတယ်။ ဇာတ်ကားအားလုံးကို Tom Cruise က တည်းဖြတ်ထုတ်လုပ်ခဲ့ပြီး ဒါရိုက်တာတွေကိုလည်း သူကိုယ်တိုင် ရွေးချယ်ခဲ့တာဖြစ်ပါတယ်။ Mission Impossible က ပထမသုံးကားက ဆင်တူ ယိုးမှားဇာတ်လမ်းတွေပဲဖြစ်ပြီး၊ စတုတ္ထကား Ghost Protocol ကနေစပြီး Spy Action ကားကောင်း တစ်ကား အသွင်ဖြစ်လာပါတယ်။ ပထမသုံးကားက တစ်ကားနဲ့ တစ်ကား အဆက်အစပ်မရှိသလို သုံးကားလုံးမှာ Luther နဲ့ Hunt ကလွဲရင် ပါတဲ့ သရုပ်ဆောင်တွေ လည်း မတူပါဘူး။ ဒါပေမယ့်ဒီကားမှာ တော့ အရင် တုန်းကနဲ့ မတူပဲ Ghost Protocol အဆုံးကနေ ပြန်ဆက်ထားပါတယ်။ Ghost Protocol အဆုံးသတ်မှာ Ethan Hunt က The Syndicate ဆိုတဲ့အဖွဲ့အစည်းကို ခြေရာခံဖို့ တာဝန်ပေးခံရပါတယ်။ ဒီဇာတ်ကားအစမှာ Ethan Hunt က Nerve Gas တွေကို အကြမ်းဖက်သမားတွေ လက်ထဲမရောက်အောင် လုပ်ရင်းက The Syndicate ဆိုတဲ့အဖွဲ့အစည်း အကြောင်းကို စုံစမ်းဖို့ လုပ်ပါတယ်။ ဒီအချိန်မှာပဲ London မှာ သူ့ရဲ့ နောက်ထပ် Mission အကြောင်းအရာကို နားထောင်နေတုန်းမှာပဲ Syndicate ရဲ့ ဖမ်းဆီးခြင်းကိုခံလိုက်ရပါတယ်။ တစ်ဖက်မှာလည်း IMF အဖွဲကို ဖျက်သိမ်းလိုက်ပြီး CIA ရဲ့ လက်အောက်ကို ပေါင်းထည့်လိုက်ပါတယ်။ IMF Chief Analyst ဖြစ်တဲ့ William Brandt (Jeremy Renner) က လည်း CIA အရာရှိ Alan Hunley (Alec Baldwin) လက်အောက်ကို ရောက်သွားပါတယ်။ ဒါကြောင့် Hunt ကိုလည်းမကူညီနိုင်တော့သလို သူတို့ IMF အဖွဲ့လည်း ပျက်သွားပြီဖြစ်လို့ ဘာလုပ်ရမှန်း မသိဖြစ်နေပါတယ်။ Hunt က Syndicate ရဲ့ လက်ထဲကနေ MI6 (British Intelligence) Secret Agent မလေး ရဲ့ အကူအညီနဲ့ လွတ်မြောက်လာခဲ့ပြီးနောက် Syndicate ရဲ့ အဓိက ခေါင်းဆောင် Solomon Lane ကို ရအောင် ရှာဖွေပြီး သူရဲ့ အကြံအစည်တွေ အထမမြောက်အောင် တားဆီးရမှာဖြစ်ပါတယ်။ The Syndicate ဆိုတာ British တွေ ရဲ့ Black Ops အဖွဲ့အစည်းဖြစ်ပြီး သူတို့ရဲ့ အစီအစဉ်က အခြား နိုင်ငံတွေက Spy တွေကို Recruit လုပ်ပြီး Black Ops Mission တွေလုပ်ခိုင်းမှာဖြစ်ပါတယ်။ ဒီအစီအစဉ်ကို Prime Minister က အတည်မပြုပေမယ့် သူတို့ က တရားမဝင်လုပ်နေရင်းက Solomon Lane က သစ္စာဖောက်ပြီး သူ့ပါသူ ခွဲထွက်သွားတာဖြစ်ပါတယ်။ ဇာတ်လမ်းက စိတ်ဝင်စားဖို့ကောင်းပြီး James Bond ဇာတ်ကားတွေ ကြည့်ရသလိုပဲ Spy ကားဆန်ဆန် ရိုက်ကူးထားပါတယ်။ ဒါပေမယ့် James Bond ဇာတ်ကားတော်တော်များများထက်ကောင်းပြီး အက်ရှင် ကောင်းကောင်းတွေလည်းပါပါတယ်။ MI6 Agent အဖြစ် သရုပ်ဆောင်ထားတဲ့ Rebecca Ferguson က သရုပ်ဆောင်ကောင်းပြီး အက်ရှင် စတားတစ်ဦးအဖြစ်လည်း ပီပီပြင်ပြင် သရုပ်ဆောင်ထားနိုင်တာ တွေ့ရပါတယ်။ Tom Cruise နဲ့ အတူ Jeremy Renner, Simon Pegg နဲ့ Ving Rhames (Luther Stickell) တို့ကလည်း ပြန်လည်ပါဝင်ထားကြပါတယ်။ ဇာတ်ကားကောင်းတစ်ကားဖြစ်ပြီး Spy ကားကောင်း တစ်ကား ဖြစ်တာနဲ့အညီ ဇာတ်လမ်းကလည်း ပရိတ်သတ်ကို လှည့်စား ဆွဲဆောင်နိုင်မှာဖြစ်ပါတယ်။ ကြည့်သင့်တဲ့ဇာတ်ကားကောင်းတစ်ကားဖြစ်ပြီး မင်းသမီး Rebbeca ကို ရေကူးဝတ်စုံနဲ့ တစ်ခန်းတွေ့ရပေမယ့် No Sex, No Nudity ဖြစ်လို့ မိသားစု တူတူကြည့်နိုင်ပါတယ်။ (ရုပ်ရှင်အညွှန်းကို Movies For Myanmar မှ တင်ဆက်ထားပါတယ်။) Mission Impossible ဇာတ်ကားအားလုံးကို ဒီမှာ https://channelmyanmar.to/?s=mission+impossible ကြည့်ပါ။

Mom’s Christmas Boyfriend (2023) မကြာခင် ခရစ္စမတ်ရောက်တော့မှာဆိုတော့ ရိုဆန်ဆန် ခရစ္စမတ်ဇာတ်လမ်းလေးနဲ့ မိတ်ဆက်ပေးချင်ပါတယ်။ သွေးအရင်းအချာမဟုတ်ပေမဲ့ သားအမိနှစ်ယောက်ကြားက ခိုင်မာတဲ့ သံယောစဉ်နဲ့ Bond ကို အချစ်‌ရေးပါ ထည့်ပြီး လှလှပပ ပုံဖော်ထားတာ ခံစားရမှာပါ။ အမ်မာက လီလီဆိုတဲ့ကလေးမလေးကို တရုတ်ကနေ ခေါ်လာပြီး မွေးစားထားတဲ့ စင်ဂယ်မားသား… သွေးမတော်သားမစပ်ပေမဲ့ သမီးအရင်းလို ချစ်ပေးပြီး နှစ်စဉ် ခရစ္စမတ်‌ ရောက်တိုင်း သူတို့နှစ်ယောက်လုံး သဘောကျတဲ့ ခရစ္စမတ်ရိုးရာတွေ လုပ်ကြတယ်။ အမ်မာ့အတွက်တော့ လီလီဟာ အရာရာဖြစ်ပြီး လီလီကလည်း ၁၀နှစ်ပဲရှိသေးပေမဲ့ သိတတ်နားလည်တဲ့ကလေးတစ်ယောက်ပါ။ ဒီနှစ်ခရစ္စမတ်မှာတော့ အမ်မာတို့ လုပ်အားပေးတဲ့ပရဟိတအဖွဲ့အတွက် လက်ဆောင်တွေကို ဝေါ့သ်ကုန်တိုက်စတိုးမှာ ၀ယ်ရင်း ဆန်းကြယ်တာ အစပြုလာတာပါ။ လီလီက ဝေါ့သ်မှာလုပ်တဲ့ ခရစ္စမတ်ဆုတောင်းပြိုင်ပွဲကို ၀င်ပြိုင်ခဲ့ပါတယ်။ လီလီရဲ့ဆုတောင်းက ထူးခြားတဲ့အတွက် ဆုရသွားပြီး သူ့ဆုတောင်းကို ဖြည့်ဆည်းပေးရတဲ့အခါ… လီလီရဲ့ဆုတောင်းက ခရစ္စမတ်မှာ သူ့အမေ ချစ်သူရှာတွေ့ဖို့ ဖြစ်နေတဲ့အခါ… ဝေါ့သ်ကုန်တိုက်စတိုးက ကိုယ်စားလှယ် ဇက်တစ်ယောက် ဆုတောင်းပြည့်အောင် ဘယ်လိုကြံဆောင်ပေးမလဲ… အမ်မာရဲ့ Right Person ကရော တကယ်ပဲ သင့်တော်တဲ့လက်တွဲဖော်ဖြစ်မလား… ဘယ်လို ဆန်းကြယ်မှုတွေ ထပ်ကြုံရဦးမလဲဆိုတာ… အားပေးလိုက်ကြရအောင်။ (ဒီဇာတ်ကားနဲ့အညွှန်းကို Shune Lai KK မှ ပြန်ဆို ရေးသားထားပါတယ်) Size – 1.75GB, 760MB Quality – 1080p, 720p Format – mp4 Duration – 1H 28Min Genre – Romance Subtitle – Myanmar Subtitle (Hardsub) Translated by Shune Lai KK Encoded by Y

The Paramedic Who Stalked Me (2023) ============================= ကလိုဝီဆိုတဲ့ ဆယ်ကျော်သက် အထက်တန်းကျောင်းသူ ကောင်မလေးဟာ မိဘတွေ ကွဲပြဲနေတဲ့ကိစ္စရော မိခင်က အမြဲတမ်း နားပူနားဆာလုပ် တင်းကြပ်နေတာရောကြောင့် သူငယ်ချင်းဖြစ်သူ ချစ်သူဖြစ်သူ ဘရိုက်စ်တို့နဲ့ ညသန်းခေါင် ခိုးထွက်ပြီး လည်ပတ်ကြရာမှာ တစ်ဖက်က အရက်မူးပြီး ကားမောင်းလာတဲ့ လူတစ်ယောက်ရဲ့ ထရပ်ကားနဲ့ တိုက်မိ ကြပါတယ်။ မောင်းတဲ့လူသေကာ ကျန်တဲ့လူတွေ ဒဏ်ရာ ရခဲ့ကြပါတယ်ပေါ့။ ဒီအချိန်မှာ ကလိုဝီကို လာကယ်ပေးတဲ့ ဆေးဖက်အကူ မတ် ဆိုတဲ့လူဟာ ဘာကြောင့်ရယ်မသိ ကလိုဝီကို စွဲလမ်းသွားပါ တော့တယ်။ သူ စွဲလမ်းသွားတာဟာ ရိုမန်တစ်ဆန်ဆန် ဖြစ် မနေပဲ ချောင်းမြောင်းနေတာမျိုး ဖြစ်နေတဲ့အခါ၊ အစကတော့ ကလိုဝီအနေနဲ့ မိခင်က ဒီယောက်ျားဟာ မရိုးဘူးပြောတာကို နားမထောင်ခဲ့ပေမဲ့ ခုချိန်မှာတော့ သူကိုယ်တိုင်လည်း သံသယ ရှိလာပြီး ဘာလို့ စွဲလမ်းနေရသလဲ ဘာတွေဆက်ဖြစ်မယ်ဆို တာကို ကြည့်ရှု ခံစားရမှာပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ကို Thura Aung မှရေးသားပေးပြီး၊ ဘာသာပြန်ရေးသားပေးသူများကတော့ Thura Aung, Khant Sett Naing တို့ ဖြစ်ပါတယ်) File Size……….(1.45 GB) / (542 MB) Quality…………WEB-DL 1080p / 720p Duration………1Hr 27Min Subtitle………..Myanmar Hardsub Format…………MP4 Genre…………..Drama, Thriller Translator…….Thura Aung, Khant Sett Naing Encoder……….SWM

အခုတစ်ခေါက်မှာတော့ ပရိတ်သတ်ကြီးအတွက် thriller/crime ရုပ်ရှင်ကားလေးကိုတင်ဆက်ပေးချင်ပါတယ် ဒီဇာတ်လမ်းထဲမှာတော့ TelAvi မှာကြုံတွေ့ခဲ့ရတဲ့ Muslimsနဲ့ Christians ကြားက ပြဿာနာပဠိပက္ခတွေကို တင်ဆက်ရိုက်ကူးထားတဲ့အပြင် အစ္စရေး Ajamiမှာ နေထိုင်နေတဲ့ နိုင်ငံသားတွေတွေ့ကြုံရတဲ့ society တစ်ခုက community တွေကြားက ချိတ်ဆက်မှုတွေ ခွဲခြားမှုတွေ အခက်အခဲ‌တွေ commual conflicts တွေကို အခန်းဆက် 5 ခုနဲ့ပါ ထိထိမိမိတင်ပြထားပါတယ်။ တကယ့်ကို harsh powerful ဖြစ်တဲ့ဇာတ်လမ်းကောင်းတစ်ခုလို့ဆိုရမှာပါ။ အားလုံးပဲကြည့်ရှူပေးကြပါဦး။ File size…(2.8 GB)/(1.4 GB) Quality….Blu-Ray 1080p / 720p Format…mp4 Duration….02:04:00 Genre…Crime, Drama Subtitle….Myanmar Subtitle (Hardsub) Encoder….Garfield Translated by Swe Yee

Mayavanam (2024) ဆေးကျောင်းသားလေးယောက်စွန့်စားခန်းဆေးကောလိပ်တစ်ခုက ကျောင်းသားသမဂ္ဂအဖွဲ့ဝင်တွေ‌ဖြစ်ကြတဲ့ ရှန်ကူ ၊ မာလူ ၊ တိုင်ဆက် ၊ လာချူးတို့ လူငယ်လေးယောက်က ကျောင်းသားအရေး ကျောင်းအရေးတွေမှာ တက်တက်ကြွကြွလှုပ်ရှားကြတဲ့ လူငယ်လေးယောက် ။ တစ်နေ့ဆေးနဲ့ပတ်သတ်တဲ့ ကမ်ပိန်းသွားလုပ်ရင်း လူမိုက်တစ်ဖွဲ့နဲ့ပြဿနာဖြစ်လာတယ် ၊ အဲဒီလူမိုက်အဖွဲ့ထဲမှာ အကောင်ကြီးကြီးအနွှယ်တွေပါနေတာကြောင့် ကျောင်းအုပ်ကြီးက ပြဿနာတွေရှုပ်မလာအောင် သူတို့လေးယောက်ကို သူ့သူငယ်ချင်းရဲ့ အပန်းဖြေအိမ်ကို ခဏပို့လိုက်တယ် အဲဒီသွားတဲ့လမ်းမှာလည်း မဟုတ်မခံဇာတ်ဇာတ်ကြဲလေးလာချူးက သူ့လာကြောင်တဲ့အကောင်တစ်ကောင်နဲ့ ပြဿနာထပ်ဖြစ်ရော ။ ရှောင်တယ်လို့မတွေးဘဲ ကျေးလက်မှာခဏပျော်ကြမယ်လို့တွေးပြီးရောက်လာတဲ့ သူတို့လေးယောက်ဆီ မထင်မှတ်ထားတဲ့‌အန္တရာယ်တွေရောက်လာချိန်မှာတော့……. အညွှန်းနှင့် ဘာသာပြန်သူတွေကတော့ BpL ~ Yunni တို့ပဲဖြစ်ပါတယ်

တရုတ်ဗေဒင်ပညာကို ကျွမ်းကျင်တဲ့ ကျန်းကျိုယင်းဟာ တပည့်ဖြစ်တဲ့ ကျောင်းချိုင်နဲ့ ကျင့်ပေါင်နဲ့အတူ စစ်ဟိုင်မြို့ကို ရောက်လာပါတယ်။ အမှန်တော့ လီမိသားစုက မင်္ဂလာပွဲဖိတ်လို့ လာတာ ဖြစ်ပေမဲ့ အဲဒီမင်္ဂလာပွဲက လူသေတွေအတွက် လုပ်ပေးတဲ့ တမလွန်မင်္ဂလာပွဲဆိုတာ မသိခဲ့ဘူး ဖြစ်ပါတယ်။ မထင်ထားဘဲ မင်္ဂလာပွဲညမှာ ထူးဆန်းအဖြစ်တွေ ဖြစ်ပြီး လီမိသားစုမှာရှိသမျှ အစေခံအမျိုးသားတွေ အားလုံးသေပြီး အစေခံအမျိုးသမီးအားလုံး ပျောက်သွားခဲ့ပါတယ်။ မှုခင်းက ထူးဆန်းပြီး သဲလွန်စရှာမရ ဖြစ်နေတဲ့အတွက် မြို့သူမြို့သားတွေကြားမှာ လီမိသားစုမှာ သရဲခြောက်ကြောင်း ကောလာဟလက ညတွင်းချင်း ပျံ့သွားခဲ့ပါတယ်။ ဦးလေးယင်းကလည်း အစေခံအမျိုးသမီးတွေ ပျောက်ဆုံးမှုကို စုံစမ်းရှာဖွေဖို့အတွက် ထမင်းဆိုင် ဆိုင်ရှင်နဲ့ သိကျွမ်းခဲ့ပြီး ကင်းလှည့်အဖွဲ့ခေါင်းဆောင်နဲ့အတူ စုံစမ်းစစ်ဆေးမှုတွေ စတင်ခဲ့ပါတယ်။ ဦးလေးယင်းတို့အဖွဲ့ နောက်ကွယ်ကတရားခံအစစ်ကို ရှာတွေ့နိုင်ပါ့မလား…… တရားခံကို လိုက်ရှာတဲ့အချိန်မှာရော ဘယ်လို အန္တရာယ်မျိုးတွေနဲ့ တွေ့ရမလဲ…… ဆိုတာကို ဆက်လက်ကြည့်ရှုလိုက်ရအောင်နော်။

IMDb Rating – 6.1 /10, Rotten Tomatoes 89% Shudder ရဲ့ V/H/S Franchise ကို ကြိုက်နှစ်သက်သူတွေအတွက် ၇ ကားမြောက်ဖြစ်တဲ့ V/H/S/Beyond က ယခုနှစ်မှာ ထွက်ရှိလာခဲ့ပါပြီ။ သူ့ရုပ်ရှင်တွေရဲ့ထုံးစံအတိုင်း found footage တွေကို စုစည်းထားတာဖြစ်ပါတယ်။ ဒီဇာတ်ကားမှာဆိုရင် “Abduction” “Stork” “Dream Girl” “Live and Let Dive” “Fur Babies” “Stowaway” ဆိုပြီး ဗီဒီယို ၆ ခုကိုမြင်တွေ့ရမှာပါ။ ထွက်ပြီးသမျှ ရုပ်ရှင်တွေထဲမှာတော့ လေးကားမြောက်ဖြစ်တဲ့ V/H/S/94 က အပြုသဘောဆန်တဲ့ မှတ်ချက်အများဆုံး ရရှိထားပြီး လက်ရှိအချိန်ထိတော့ ယခုရုပ်ရှင်ကလည်း အပြုသဘောဆန်တဲ့ မှတ်ချက်တွေ ရနေဆဲပါ။ V/H/S ရဲ့ ထုံးစံအတိုင်း စိတ်အနှောင့်အယှက်ဖြစ်စရာ မြင်ကွင်းတွေ ပါဝင်တာကို သတိပြုပေးကြဖို့ တိုက်တွန်းလိုပါတယ်။ “Abduction” ဆိုတဲ့ ခေါင်းစဉ်အောက်မှာတော့ – ၁၉၅၀ ပြည့်နှစ်လောက်မှာ တရုတ်လူမျိုး ရွှေ့ပြောင်းနေထိုင်သူတွေက တော်ရန်တိုကို ပြောင်းလာကြပြီး ပိုက်ဆံရှိတဲ့အတွက် အဲ့ဒီမှာအိမ်ကြီးတစ်လုံးကို ဝယ်ယူကာ နေထိုင်ခဲ့ကြပါတယ်။ နှစ်တွေကြာလာတော့ မိဘတွေက သေဆုံးသွားပြီး အိမ်ကြီးကိုတော့ သားအကြီးဆုံးကို အမွေအဖြစ် ပေးခဲ့ပါတော့တယ်။ သားအကြီးဆုံးက အိမ်ကိုရောင်းချဖို့လုပ်နေစဉ်အတွင်း အဲ့ဒီအိမ်မှာပဲနေထိုင်ခဲ့တာပါ။ ညဘက်ရောက်လာရင် ခြောက်လှန့်မှုတွေ၊ အိမ်ထဲကို ထူးဆန်းတဲ့ ကျူးကျော်ဝင်ရောက်မှုတွေခံစားလာရတဲ့အတွက် အဖြေရှာကြည့်ဖို့ရာ သူမအိပ်ခင် သူ့အိပ်ခန်းထဲမှာပဲ ကင်မရာ ၂လုံးကို တပ်ဆင်ခဲ့တဲ့အခါ …. များမကြာမီပါပဲ အဲ့ဒီသားအကြီးဆုံးကလည်း ပျောက်ချင်းမလှပျောက်ဆုံးသွားခဲ့ပါတယ်။ သူနောက်ဆုံးရိုက်ခဲ့တဲ့ ဗီဒီယိုမှာ ဘာတွေပါနေမလဲ။ “Fur Babies” ဆိုတဲ့ နောက်ထပ်ဇာတ်လမ်းတစ်ပုဒ်မှာဆိုရင် – အိမ်မွေးတိရိစ္ဆာန်စောင့်ရှောက်ပေးရေးဂေဟာဖွင့်ထားတဲ့ အမျိုးသမီးတစ်ဦးက သူမရဲ့ ဂေဟာကိုကြော်ငြာထားတဲ့ ဗီဒီယိုကိုတင်လိုက်တဲ့အချိန် လူတစ်စုက သူမနောက်ဖက်က ရုပ်လုံးသွင်းထားတဲ့ခွေးလေးတွေကို ကြည့်ပြီး တရားမဝင်အလုပ်တွေကို လုပ်နေတာလားဆိုတာကို စုံစမ်းဖို့အတွက် သူငယ်ချင်း ၂ ယောက်နဲ့ ခွေးလေးတစ်ကောင်ကို လွှတ်လိုက်ပါတော့တယ်။ ဟိုကိုရောက်သွားတဲ့အခါ သူမက သူမခွေးလေးတွေကို သေသွားပြီးနောက် မြေမမြှုပ်ပစ်ရက်လို့ ရုပ်လုံးသွင်းရတာပါလို့ ပြောပြီး ခွေးလေးတွေကို လေ့ကျင့်ပေးတဲ့ မြေအောက်ခန်းကို လိုက်ကြည့်ကြဖို့ ခေါ်သွားပြီးနောက် … ဘာတွေဆက်ဖြစ်မလဲ။ ကျန်တဲ့ ဗီဒီယို ၄ ခုမှာရော စိတ်ဝင်စားစရာ ဘယ်လိုအကြောင်းအရာမျိုး ပါဝင်မလဲဆိုတာကို ဆက်လက်ရှုစားလိုက်ပါဦး။ File size…(4.8 GB)/(2 GB) Quality….Webrip 1080p / 720p Format…mp4 Duration….01:53:00 Genre… Horror, Thriller , Science Fiction Subtitle….Myanmar Subtitle (Hardsub) Encoder….Swan Min Htet Translated by Nway Oo K Zaw

Daud 1997 အပြေးအလွှား Daud ဇာတ်ကားဟာ ၁၉၉၇ ခုနှစ်ထုတ် ဟင်ဒီစကားပြော Adventure Comedy ကားဖြစ်ပြီး နာမည်ကျော်မင်းသားကြီးဗီဂျေးရဲ့ လူငယ်ဘဝက ဇာတ်ကားကောင်းတစ်ခုပဲဖြစ်ပါတယ်။ IMDb 5.9 ရရှိထားပြီး Box Office မှာ ထက်ဝက်မြတ်ခဲ့ပါသေးတယ်။ ဇာတ်လမ်းစစချင်းမှာပဲ ၃ နှစ်ကြာစီစဉ်ထားရတဲ့ လုပ်ငန်းကိစ္စတွေပျက်ကုန်လို့ ဒေါသထွက်နေတဲ့လူတစ်ခုကိုမြင်ရမှာပဲဖြစ်ပါတယ်။ သူတို့ရဲ့အရေးကြီးသေတ္တာက လိုရာမရောက်ဘဲ အကောက်ခွန်ဌာနက ထိန်းသိမ်းထားတာကြောင့် ရဲတွေစစ်တပ်တွေဝင်မပါခင်မှာ ပြန်လည်ရယူဖို့ အရေးတကြီးစီစဉ်ရပါတော့တယ်။ ဒါကြောင့် နာမည်ကြီးသူခိုးဖြစ်တဲ့ ခူရန်နာကို သေတ္တာကို ပြန်ခိုးပေးဖို့ အလုပ်အပ်လိုက်တဲ့အတွက် ခူရန်နာကလည်း လက်စွမ်းပြပြီးခိုးလာခဲ့တာပေါ့။ ဒါပေမယ့် အလုပ်အပ်သူတွေ ငွေမချေမှာကိုစိတ်ပူတဲ့အတွက် သေတ္တာပြန်မအပ်ဘဲ ငွေနဲ့လဲဖို့ ပြောပြီး ညဘက်တွေ့ဖို့ချိန်းဆိုလိုက်ပါတော့တယ်။ တစ်ဖက်မှာလည်း အဲဒီသေတ္တာပျောက်သွားတဲ့အတွက် တာဝန်ရှိသူတွေ ခေါင်းမီးတောက်ပြီး ရဲအင်အားအလုံးအရင်းအသုံးပြုကာ ခူရန်နာကို လိုက်ရှာကြပါတော့တယ်။ ဒီလိုနဲ့ ရွှေတုံးတွေအပြည့်ပါတယ်လို့ ထင်ရတဲ့သေတ္တာတစ်လုံးပိုက်ကာ ခူရန်နာတစ်ယောက် ဒေါသူပုန်ထနေတဲ့လူဆိုးတွေနဲ့ ရဲတွေကြားကနေ ဘယ်လိုလွတ်မြောက်အောင်ထွက်ပြေးရမလဲ.. သေတ္တာက ဘယ်သူ့လက်ထဲရောက်သွားမလဲ.. တကယ်ပဲ သေတ္တာထဲမှာ ရွှေတုံးတွေအပြည့်ပါလို့ ဒီလောက်အရေးတကြီးလိုက်ဖမ်းနေကြတာလားဆိုတာကိုတော့ ဇာတ်ကားအဆုံးထိ ဆက်လက်ကြည့်ရှုပေးကြပါဦးဗျာ။ ( ဘာသာပြန်နဲ့အညွှန်းကတော့ CM Bollywood Team မှပဲဖြစ်ပါတယ် )

Flower of Shanidar (2013) ************************** IMDb…..6.1 ထူးဆန်းတဲ့ သုတေသနတစ်ခုနဲ့ လူသားတွေကို လျှို့ဝှက်စမ်းသပ်နေတဲ့ ဓာတ်ခွဲခန်းတစ်ခု.. သူတို့စမ်းသပ်နေတဲ့အရာက လူသားတွေရဲ့ခန္ဓာကိုယ်မှာ ကပ်ပါးလိုပွင့်လာတဲ့ပန်း ဒီပန်းရဲ့နာမည်ကတော့ ရှာနီဒါတဲ့.. ရှာနီဒါပန်းအကြောင်း ဒီသုတေသနစင်တာမှာလုပ်နေတဲ့သူတွေ ဘာသိထားလဲလို့ မေးလာရင်တော့ ဒီပန်းဟာ ထူးဆန်းတဲ့ ဆေးတစ်မျိုးထုတ်ဖို့ သုံးနေတယ်ဆိုတာရယ်.. ပန်းပွင့်နေစဉ်ကာလမှာ ဒီပန်းရဲ့လက်ခံကောင်ဖြစ်တဲ့ လူသားမှာ စိတ်ပိုင်းဆိုင်ရာပြဿနာတချို့ ကြုံရနိုင်တယ်ဆိုတာရယ်.. ပန်းက လုံးဝအပြည့်အဝပွင့်သွားပြီဆိုရင် အဆိပ်အတောက် ဓာတုပစ္စည်းတွေထွက်တတ်လို့ လက်ခံသူမှာ အသက်အန္တရာယ်ရှိလာနိုင်တယ်ဆိုတာပါပဲ။ ဒီ ၃ ချက်ကလွဲရင် ပန်းနဲ့ပတ်သက်တာရော ပန်းကိုဘယ်မှာသုံးနေတယ်.. ဘယ်လိုဆိုးကျိုးတွေဖြစ်လာနိုင်တယ်ဆိုတာကို ဘယ်သူမှမသိပါဘူး။ ဒီလိုနဲ့ပဲ ဒီသုတေသနစင်တာကြီးမှာ ကိုယ့်အလုပ်ကိုယ် တာဝန်ကျေရင်ပြီးပြီဆိုပြီး လုပ်နေကြတဲ့ ဒေါက်တာအိုတာကီနဲ့ စိတ်ရောဂါကုဆရာဝန်မလေး ခရိုကိုတို့ ဒီပန်းနဲ့ပတ်သက်ပြီး သိချင်စိတ်တွေများလာချိန်မှာတော့… (ဘာသာပြန်နဲ့ ဇာတ်လမ်းအညွှန်းကတော့ Mary ပဲ ဖြစ်ပါတယ်။) File Size : 1.54GB/ 610MB Quality : WEB-DL 1080p/720p Format…mp4 Duration…01:45:00 Genre : Romance, Life, Youth Subtitle : Myanmar Subtitle (Hard Sub) Translated by Mary Encoded by Tiff

Kirikou and the Sorceress (1998) က နာမည်ကြီး ပြင်သစ်ဒါရိုက်တာ Michel Ocelot ရဲ့ အာဖရိကရိုးရာပုံပြင်တစ်ပုဒ်ကို 2D animation ဖြင့် ဖန်တီးထားတဲ့ ထူးထူးခြားခြားဇာတ်ကားတစ်ကားပါ။ ဇာတ်လမ်းကတော့ရွာသားတိုင်းကြောက်ရွံ့နေတဲ့ စုန်းမကြီး Karaba ချုပ်ကိုင်ထားတဲ့အာဖရိကရွာလေးတစ်ရွာက မွေးဖွားလာတဲ့Kirikou ဟာ သူ့ရွာကိုစုန်းမကြီးရန်ကလွှတ်မြောက်စေဖို့ စွန့်စားခန်းတစ်ခုသွားပုံကို ရိုးရာပုံပြင်နဲ့ပေါင်းစပ်ပြီးဖော်ပြထားပါတယ်။ Karaba ဟာ အမှန်တကယ်ဆိုးဝါးတာမဟုတ်ဘဲမကောင်းတဲ့သူတွေကသူ့ကိုလုပ်ခဲ့တဲ့အဖြစ်အပျက်ရဲ့နောက်ကွယ်မှ တကယ့်အကြောင်းအရင်းများကို Kirikou က တဖြည်းဖြည်းနားလည်သွားရာကနေ ဘယ်လိုအဆင်ပြေအောင်လုပ်ပေး မလဲဆိုတာကြည့်ရှုရမှာပါ။ ဒီဇာတ်ကားက 1999 ခုနှစ် Annecy International Animated Film Festival မှာ Grand Prix ဆု ရရှိခဲ့ပြီး အာဖရိကရိုးရာပညာပေးပုံပြင် ကို ပုံဖော်ထားတဲ့ Adventure,Fantasy and Family Animationဇာတ်ကား. ကောင်းလေးမလို့ ပေးရတဲ့အချိန်နဲ့တန်မှာပါ။ File size…(1.4 GB)/(747 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Fantasy, Adventure, Animation, Family Subtitle….Myanmar Subtitle (Hardsub) Encoder….Swan Min Htet Translated by Htet Naing Lin