“Right Now Wrong Then” အမှန်အတိုင်းပြောရရင် ကျွန်တော်က Hong Sang-Soo ရဲ့ကားတွေနဲ့ သိပ်ရင်းနှီးတာ မဟုတ်ဘူး။ ဟိုတလောက pageတစ်ခုမှာ Hang Sang-Soo နဲ့ Kim Min Hee တို့ရဲ့ အကြောင်းကို “အချစ်နဲ့ဖောက်ပြန်မှုကြားက လူနှစ်ယောက်အကြောင်း” ဆိုတဲ့ခေါင်းစဉ်နဲ့ (ထင်တယ်)ဖတ်လိုက်မိပြီးမှ သူ့အကြောင်း စိတ်ဝင်တစား လိုက်ရှာကြည့်မိတာ။ နောက်ပြီးတော့ သူ့ရဲ့ နာမည်ကြီး “Right Now Wrong Then “ကို ကြည့်ဖို့ရှာတယ်ပေါ့။ ဖြစ်ချင်တော့ အဲ့ကားကို ဘယ်မှာမှ ရှာမရဘူး။ အဲ့တာနဲ့ CM ကို ကျွန်တော်ပြန်ပါ့မယ်ဆိုပြီး ရှာခိုင်းလိုက်တယ်လေ(ဟဲ ဟဲ)။ ဟိုကလည်း ရှာပေးတယ် ရော့ ပြန် တဲ့။ အဲ့တာနဲ့ မပြန်ခင် ကိုယ့်ဟာကိုယ် အရင်ထိုင်ကြည့်တာပေါ့။ ကြည့်လဲပြီးရော ငါတော့ မြွေကိုက်ပြီလို့ တန်းသိလိုက်တာပဲ။ ဘယ့်နှယ့် ဇာတ်ကားကြီးက ကျွန်တော်တို့ ပုံမှန်ကြည့်နေကျ ဇာတ်ကားတွေလို linear သဘော မျဉ်းတစ်ပြေးတည်းသွားတာမဟုတ်ဘူး။ တွေ့ဆုံမှုနဲ့ ခွဲခွါမှုကြားက လူနှစ်ယောက်အတူရှိခဲ့တဲ့ အချိန်ကာလကို မတူညီတဲ့ ရွေးချယ်မှုတွေနဲ့ အပြိုင်သဘောမျိုးခွဲပြသွားတာ။ ဒီလူတွေပဲ၊ဒီပတ်ဝန်းကျင်ပဲ၊ဒီတွေ့ဆုံမှုပဲ ။ကွဲသွားတာဆိုလို့ ရွေးချယ်မှုသေးသေးလေးတွေပဲ ကွဲသွားတာ။ ဒါပေမယ့် အဲ့ဒီရွေးချယ်မှုသေးသေးလေးတွေကပဲ ဒီဇာတ်ကားမှာပါတဲ့ အပြိုင်ကမ္ဘာနှစ်ခုရဲ့ အေးစက်မှု၊နွေးထွေးမှု၊ရှုပ်ထွေးမှု၊ကြည်နူးမှုတွေကို လုံးဝကို ကောက်ပြောင်းသွားနိုင်တယ်။ ဒါကို ကျွန်တော် ပထမတစ်ခေါက်ကြည့်တုန်းကတော့ နားမလည်ဘူး။နောက်တစ်ခေါက် ထပ်ကြည့်တော့မှ ရေးရေးလေး မြင်လာတာ။ (ပြီးရင်လည်း ပြန်ကြည့်ဦးမှာ) ပြောစကားတွေ၊ကင်မရာအယူအဆတွေ၊ အလင်းအမှောင်တွေ၊ရှူထောင့်တွေ ပြောင်းထားတာမျိုးတော့ ရှိတာပေါ့။ ဟိုလျှောက်ပြော ဒီလျှောက်ပြောနဲ့ များနေပြီ။ ဇာတ်ကားအကြောင်း နည်းနည်းပြောကြတာပေါ့။ ဇာတ်ကားက ဘာမှ သိပ်ထူးဆန်းတာ မဟုတ်ဘူး။ လူလတ်ပိုင်းအရွယ် နာမည်ကြီး ဒါရိုက်တာ တစ်ယောက် သူ့ဇာတ်ကား screeningအတွက် မြို့လေးတစ်မြို့ကို ရောက်လာတယ်။ လာရမယ့်ရက်ထက် တစ်ရက်စောပြီး လာမိတယ်။ အဲ့တော့ အချိန်တွေပိုနေလို့ လျှောက်သွားတယ်။ အဲ့ဒီမှာ ပန်းချီဆရာ ကောင်မလေးတစ်ယောက်နဲ့ တွေ့တယ်ပေါ့။ ဒီဇာတ်ကားမှာ (Hong Sang-Soo ရဲ့ ထုံးစံအတိုင်း) သူတို့နှစ်ယောက်ကြားက တွေ့ဆုံမှုတွေ၊ပြောစကားတွေ၊ သောက်ကြစားကြတာတွေ၊ဘာပြောလို့ ပြောရမှန်းမသိတဲ့ ခပ်အမ်းအမ်းအခိုက်အတံ့တွေကို အများဆုံးတွေ့ရမယ်။ နောက်တစ်ပိုင်းက ရှေ့ပိုင်းထက်ပိုပြီး နွေးထွေးတယ်၊ ကြည်နူးဖို့ကောင်းတယ်၊ပျော်ဖို့ကောင်းတယ်။ အဲ့တာတွေကို ရွတ်လုပ်ယူတာမဟုတ်ဘဲ ရွေးချယ်မှု သေးသေးလေးတွေနဲ့ပဲ ပြောင်းပြသွားတာ။ ဒီကားက IMDb မှာ 7.1/10 ရထားပြီး Golden Leopard award,Critics award အပါအဝင် နိုင်ငံတကာရုပ်ရှင်ပွဲတွေမှာ ဆုပေါင်း(၁၆)ဆု ရထားတယ်။ အေးအေးဆေးဆေးလေး ခံစားကြည့်ကြပေါ့ဗျာ။ ပြီးရင်လည်း ထင်မြင်ယူဆချက်လေးတွေ ပြန်ဆွေးနွေးပေးသွားပေါ့။ ကျွန်တော်ကတော့ ဒီဇာတ်ကားအပြီးမှာ ငယ်ငယ်က ဘော်ဒါတစ်ကောင်ပြောဖူးတဲ့ စကားတစ်ခွန်း သွားသတိရတာပဲ။ ”ဟကောင်ရ စိတ်သွားတိုင်း ကိုယ်ပါတယ်ဆိုတာ အရူးတွေပဲ ရှိတာကွ။စိတ်သွားတိုင်း ကိုယ်ပါပါစေလို့ ဆုပေးတာ ရူးပါစေလို့ ဆုပေးတာနဲ့ အတူတူပဲ”တဲ့ ဒါပါပဲ။ ကိုယ့်အတွေးနဲ့ကိုယ် ခံစားကြည့်ကြပါ။ File size…  1.6 GB /  700 MB Quality… Blu-Ray 1080p / 720p Format… mp4 Duration…. 2h 1m Genre .....  Drama Subtitle…. Myanmar Subtitle (Hard Sub) Encoder…. Thit San Khant Translated by Damien

ကလေးတွေဆိုတာက မရှိမကောင်းရှိမကောင်းလေးတွေ။ ရှိနေပြန်ရင်လည်း သူတို့အတွက်အမြဲစိုးရိမ်ပူပန်နေရ တတ်သလို မရှိပြန်ရင်လည်းဘ၀ကြီးကအထီးကျန်နေပြန်ရော။ နစ်ခ်ပါဆန် ဆိုတာ ဘောစိ မိန်းမတွေထည်လဲတွဲ ဘ၀ကြီးကိုအပူအပင်မရှိဖြတ်သန်းနေတဲ့လူ။ တခုပဲရှိတာက သူက ကလေးတွေဆိုရင်ကြည့်လို့ကိုမရဘူး။ စိတ်တိုရအောင်အမြဲလုပ်တဲ့ဂြိုဟ်ကောင်လေးတွေလို့ပဲ မြင်တာ။ ဒီလိုလူက ကလေးနှစ်ယောက်အမေ ဖြစ်သလောက်အရမ်းလန်းတဲ့ဆူဇန်ဆိုတဲ့အမျိုးသမီး ကိုမှသွားကြိုက်မိတယ်။ နစ်ခ်ရဲ့စရိုက်ကိုမကြိုက်တဲ့‌ ဆူဇန်ကငြင်းလိုက်ပြီး သူငယ်ချင်းအနေနဲ့ပဲလက်ခံခဲ့တယ်။ တစ်နေ့မှာ ဆူဇန်ရဲ့ကလေးတွေကို နှစ်သစ်ကူးမှာ ကနေဒါကိုခေါ်လာပေးဖို့အကြောင်းဖန်လာခဲ့တာဟာ နစ်ခ်အတွက်တော့အမှတ်ယူ တဆင့်တက်ဖို့အခွင့်အရေးပဲ။ ခက်တာက ဒီကလေးနှစ်ကောင် ကယ်ဗင်နဲ့လင်ဆီက တကယ့်ပြသာနာအိုးလေးတွေ။ နစ်ခ်ကို သည်ယုန်မြင်လို့သည်ချုံထွင်နေတာသိတဲ့သူတို့က ဘယ်လိုမျိုးပညာတွေ၀ိုင်းပြကြမလဲ။ နစ်ခ်တယောက်ကရော ကနေဒါကိုရှောရှောရှုရှုရောက်နိုင်ပါ့မလား သူ့အတွက်ရောအဖြေကဘာဖြစ်မလဲဆိုတာကိုဒီမိသားစု ခရစ်စ္စမတ်ဟာသကားလေးမှာရှုစားပေးကြပါဦး...... File size…2.21GB / 985MB Quality…Blu-Ray 1080p  / 720p Format…mp4 Duration….1h 35m Genre ..... Adventure , Comedy , Family Subtitle….Myanmar Subtitle (Hard Sub) Encoder….Min Wai Translated by Brackman

ဒီရုပ်ရှင်လည်းအတော်ကြီးကို ကောင်းပါတယ်။ ဇက်အက်ဖရွန်၊ ဘီလီမူရေး နဲ့ ရက်ဆဲခရိုးတို့ ပါဝင်သရုပ်ဆောင်ထားပါတယ်။ ဖြစ်ရပ်မှန် စစ်ပွဲ ဒရာမာ ဟာသ အမျိုးအစားပါ။ အစအဆုံး ရုပ်တည်ကြီးတွေနဲ့ ပြောနေသရုပ်ဆောင်နေပေမဲ့ အတော်ကိုရယ်ရပါတယ်။ ဖြစ်ရပ်မှန်ဖြစ်နေတော့ ပိုရယ်လို့တောင်ကောင်းပါသေးတယ်။ အဓိကမင်းသားကတော့ ချစ်ကီဒိုနိုဟူးဆိုတဲ့ အမေရိကန်တပ်ထွက်မျိုးချစ်တစ်ယောက်ဖြစ်ပါတယ်။ သင်္ဘောသားအလုပ်လုပ်ပြီး သင်္ဘောမတက်ရတဲ့အချိန်ဆိုရင် ညတိုင်း အရက်ဆိုင်မှာမူးပြီး မိဘအိမ်မှာ နေဖင်ထိုးတဲ့အထိ အိပ်ပါတယ်။ ဗီယက်နမ်စစ်ပွဲကာလဖြစ်ပြီး အမေရိကန်မှာ ထောက်ခံသူနဲ့ ကန့်ကွက်ဆန္ဒပြသူတွေ နှစ်ပိုင်းကွဲနေတဲ့အချိန်ဖြစ်ပါတယ်။ ချစ်ကီရဲ့ညီမကတော့ ဆန္ဒပြသူဖြစ်ပြီး ချစ်ကီကတော့ ဆန္ဒပြသူတွေကို မုန်းတီးနေပြီး ဗီယက်နမ်စစ်ပွဲကို နိုင်ငံအတွက်လို့ ယုံကြည်အားပေးနေသူဖြစ်ပါတယ်။ တစ်ညတော့ ဘားမှာ စုသောက်ကြရင်းနဲ့ သူတို့ရပ်ကွက်ထဲကနေ ရှေ့တန်းကိုရောက်နေတဲ့ စစ်သားလေးတွေကိုသာ ဒီနယူးယောက်က ဘီယာတွေ သွားပေးနိုင်ရင်ဘယ်လောက်ပျော်ကြမလဲ၊ သူတို့ကိုထောက်ခံသူတွေရှိသေးကြောင်းသိပြီးဘယ်လောက်အားတက်မလဲဆိုပြီး ပြောမိသွားပါတယ်။ ချစ်ကီကိုမယုံသူတွေကလှောင်ပြောကြပေမဲ့ စစ်သားမိသားစုဝင်တွေကတော့ မျှော်လင့်ချက်တစ်မျှင်လေးအဖြစ် ပစ္စည်းလေးတွေလူကြုံလာထည့်ပေးကြပါတော့တယ်။ ချစ်ကီကလည်းမသွားချင်သွားချင်နဲ့ သွားဖို့ စုံစမ်းပေမဲ့ အကြောင်းအားလုံးတိုက်ဆိုင်ပြီး ဗီယက်နမ်စစ်မြေပြင်ကိုရောက်သွားတဲ့အခါ တီဗွီထဲမှာ ဝါဒဖြန့်နေတဲ့သတင်းတွေနဲ့မတူဘဲ အရာရာကွဲပြားနေတာကိုတွေ့ပြီး စစ်သားတွေ ဗီယက်နမ်တွေ သတင်းထောက်တွေကြားမှာ အလွဲမျိုးစုံနဲ့ အသက်မသေအောင် ရုန်းကန်ရပါတော့တယ်... အညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။ Genre..... Adventure, Comedy, Drama Quality…. 1080p | 720p | 480p File size… 2GB | 1GB | 400MB Format… mp4 Duration…. 2h 6min Subtitle…. Myanmar Subtitle (Hardsub) Translator ..... Mr.Anderson Encoder ..... August

ကမ်းခြေသွားရင် ဝင်ကစွပ်ကောင်လေးတွေကို မြင်ဖူးကြလား ဝင်ကစွပ်တွေက တခြားသတ္တဝါတွေရဲ့အခွံကို သူ့ကိုယ်ပိုင်အိမ်သဖွယ်ဝင်နေကြတယ် လူတစ်ယောက်ကရော အဲ့လိုသူများဘဝကို ကိုယ့်ဘဝလို အပိုင်ယူလိုက်လို့ရလား ဒီမေးခွန်းရဲ့အဖြေကို အခုတင်ပေးသွားမယ့်ရုပ်ရှင်ထဲမှာပဲ အဖြေရှာကြည့်ကြပါ ဒီလိုကားမျိုးက ဇာတ်ကြောင်းအရမ်းပြောရင် spoiler ဖြစ်မှာစိုးရလို့ မိတ်ဆက်သဘောပဲ ပြောမယ်နော့ နှစ်ပေါင်းများစွာ လွတ်မြောက်နေတဲ့ စိတ္တဇကွင်းဆက်လူသတ်သမားကို FBI အထူးအေးဂျင့် Angelina Jolie နဲ့အတူ ကိုယ်တိုင်စုံစမ်းထောက်လှမ်းလိုက်ပါ Psychological thriller ဆိုတဲ့အတိုင်း သည်းထိတ်ရမယ်၊ ရင်ဖိုရမယ်၊ Crime drama ဆိုတဲ့ဆိုတဲ့အတိုင်း အံ့ဩရမယ်၊ မင်သက်ရမယ် ရင်မဖိုရမှာတော့မပူနဲ့၊ Jolie နဲ့ Ethan Hawke တို့ကို ကြည့်ရင်း စောင်ကိုက်ရမှာ အသေအချာပါပဲ IMDB -6.2 RT- 22% File size…(1.6GB)/(830MB)/(458MB) Quality….Webrip 1080p / 720p / 480p Format…mp4 Duration….01:43:00 Genre...Crime / Mystery / Thriller Subtitle….Myanmar Subtitle (Hardsub) Encoder….Mr. Anderson Translated by....SPK

နာမည်ကြီးမင်းသား Kim Nam Gil နုစဉ်အခါက ရိုက်ခဲ့ဖူးတဲ့ ရှားရှားပါးပါး BL Movie လေးကို တင်ဆက်ပေးလိုက်ပါတယ်။ အချစ်ဆိုတာ ပုံစံစုံ၊ အလွှာစုံနဲ့ ဖြစ်ပျက်တည်ရှိလာခဲ့ကြတာပါပဲ။ မိုးနဲ့မြေ ဆိုတဲ့ ရှေးရိုးကျဇာတ်လမ်းတွေအတိုင်းပါပဲ။ မိဘမဲ့တစ်ယောက်ဖြစ်တဲ့ အီဆူမင်း နဲ့ သူဌေးသားကလေး ဆွန်းဂျယ်မင်း တို့ရဲ့ အချစ်ဇာတ်လမ်းပါ။ မိဘမဲ့တစ်ယောက် ဖြစ်တဲ့ အီဆူမင်း ဟာ အခြေအနေအရပ်ရပ်ကြောင့် ယောကျာ်းပြည့်တန်ဆာဘဝနဲ့ အသက်မွေးခဲ့ရပါတယ်။ သူဌေးသားကလေး ဆွန်းဂျယ်မင်းကိုတော့ စတွေ့ကတည်းက ကြည့်မရဖြစ်နေခဲ့တာပါ။ ဒါပေမယ့်လည်း အီဆူမင်းကို ဆွန်းဂျယ်မင်းက တန်းတန်းစွဲ ဖြစ်လို့နေခဲ့ပါတယ်။ ဆွန်းဂျယ်မင်းက အီဆူမင်းကို မရရအောင် လိုက်ခဲ့ပြီး နောက်ဆုံး ချစ်သူဘဝ ရောက်ခဲ့ပါတယ်။ ဒါပေမယ့်လည်း သူဌေးသားနဲ့ ပြည့်တန်ဆာတို့ရဲ့ အချစ်ဇာတ်လမ်းက ပန်းခင်းထားသလို သာယာဖြောင့်ဖြူးနေခဲ့တာတော့ မဟုတ်ပါဘူး။ ဘာအခက်အခဲတွေနဲ့ ကြုံရမလဲ? သူတို့နှစ်ယောက် ဘယ်လို ရင်ဆိုင်ရမလဲ? ဆိုတာကို ဆက်လက်ကြည့်ရှုကြပါဦး။ မင်းသားနှစ်လက်ကလည်း ဓာတုဗေဒမိမိနဲ့ သရုပ်ဆောင်ထားတာမို့ အရိုခန်းလေးတွေကလည်း အသက်ဝင်နေတာကို မြင်ကြရဦးမှာပါ။ ဘာသာပြန် နဲ့ အညွှန်းကတော့ Go Dong Won ပဲ ဖြစ်ပါတယ်။ Genre.....BL, Drama, Romance Quality….WEB-DL 1080p and 720p and 480p File size…1.5GB and 820MB and 300MB Format…mp4 Duration….1h 53min Subtitle….Myanmar Subtitle (Hardsub) Translator ..... Go Dong Won Encoder ..... Blank

ဒုတိယ ကမ္ဘာစစ်အတွင်း မုန်တိုင်းထန်တဲ့ ညတစ်ည၊ ပျံတက်လုဆဲဆဲ ဗုံးကြဲလေယာဉ်တစ်စင်းပေါ်ကို ထိပ်တန်းလျှို့ဝှက်ကုန်စည်တစ်မျိုးသယ်ဆောင်လာတဲ့ အမျိုးသမီးလေယာဉ်မှူးတစ်ယောက် တက်လာခဲ့တယ်။ လေယာဉ်ပေါ်က အမျိုးသားတပ်ဖွဲ့ဝင်တွေဟာ အထောက်အထားတွေရော သူတို့ကြောက်ရတဲ့ နာမည်ဆိုးနဲ့အထက်လူကြီးကြောင့်သာ လက်ခံလိုက်ရပေမယ့် အင်တင်တင်ဖြစ်ရုံမက သူ့အပေါ် ရိုင်းရိုင်းပျပျဆက်ဆံတယ်။ ဒါပေမယ့် သူနဲ့ စကားတွေပြောရင်း ဖလှယ်ရင်း ဒီအမျိုးသမီးနဲ့ ဒီကုန်စည်အပေါ်ကိုသံသယတွေကြီးထွားလာပြီး အမှောင်ထဲက တိမ်တွေကြားထဲ အရိပ်တစ်ခုကိုမြင်လိုက်ကြရတဲ့အခါမှာတော့? အဲ့ဒါ ရန်သူ ဂျပန်လေယာဉ်တွေဖြစ်မလား? ဒါမှမဟုတ် လေယာဉ်ကြုံလိုက်တဲ့ မိန်းမကြောင့်ဖြစ်မလား? စစ်အတွင်းကာလ အက်ရှင် နဲ့ အရင်တုန်းက နာမည်ကျော် gremlins မှင်စာတွေနဲ့ Horror ကိုရောမွှေထားတဲ့ကားပါပဲ။ ဇာတ်အစကနေ ပျိုးလာတဲ့ သိချင်စိတ်ကိုအဆုံးထိဆွဲခေါ်နိုင်သလို အထူးပြုလုပ်ချက်တွေလဲ သပ်ရပ်လှပပါတယ်။ မတွေ့ရတာကြာပြီဖြစ်တဲ့ အားလုံးရဲ့ အသည်းကျော်လေး Chloë Grace Moretz ကိုဇာတ်အစကနေအဆုံးထိ တောက်လျှောက်မြင်တွေ့ရမှာဖြစ်ပါတယ်။ File size…(1.7 GB) and (1 GB) Quality….WEB-DL 1080p and 720p Format…mp4 Duration….01:23:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

Funny Games(1997) ****************** IMDb..7.5 ဂျော့်ခ်ျတို့ သားမိသားဖသုံး‌ယောက်ဟာ မြစ်ကမ်းနဘေးကအိမ်လေးတစ်အိမ်ကို အပန်းဖြေခရီးထွက်လာကြပါတယ်။ ဒီလိုကနေ ရောက်ရောက်ချင်း ပစ္စည်းတွေချနေချိန်မှာ ကြက်ဥလာတောင်းတဲ့ အိမ်နီးချင်းတစ်ယောက်နဲ့ ဂျော့်ခ်ရဲ့ဇနီးသည်နဲ့‌ဆုံဖြစ်သွားပါတယ်။ မူမမှန်တဲ့အိမ်နီးချင်းနဲ့ အခြေအတင်တွေဖြစ်ကြပြီးနောက်မှာ အပျော်ခရီးလာတဲ့သူတို့မိသားစု ဘယ်လိုကံဆိုးမိုးမှောင်မှုမျိုးနဲ့ ဆုံတွေ့ရမလဲ ? ဒီကံဆိုးမှုကြီးဆီက ဂျော့ခ်ျတို့မိသားစု လွတ်မြောက်နိုင်ပါ့မလား ? ဆိုတာကိုတော့ ရင်တလှပ်လှပ်နဲ့ ကြည့်ရှုလိုက်ဖို့ တိုက်တွန်းလိုက်ရပါတယ်။ File Size :(2.2GB) (892 MB) and (563 MB) Quality : Blu-Ray1080p, 720p Format…mp4 Duration…01:48:00 Genre : Crime,Drama , Thriller Subtitle : Myanmar Subtitle (Hard Sub) Translated by Hae Areum Encoded by Phyo Pyae

လွန်ခဲ့တဲ့ တနင်္လာ​နေ့မနက်မှာ တစ်ကမ္ဘာလုံး ဟိုး​​လေးတ​ကျော်ဖြစ်သွား​စေမယ့် သတင်းတစ်ပုဒ် လိုင်း​ပေါ်တက်လာခဲ့ပါတယ်။ ပရီးမီးယားလိဂ်ပြိုင်ပွဲဝင် မန်ချက်စတာယူနိုက်တက်အသင်းရဲ့နာမည်​ကြီးတိုက်စစ်ကစားသမားကြီးဖြစ်သလို ကမ္ဘာ့လွှမ်းမိုးမှုအရှိဆုံး အားကစားသမားတစ်ဦးဖြစ်တဲ့ စီရော်နယ်ဒိုက ဗြိတိန်နာမည်​​ကျော် ဂျာနယ်လစ်တစ်ဦးဖြစ်တဲ့ ပီးယာ့စ်​မော်ဂန်နဲ့အတူအင်တာဗျူးတစ်ခု လုပ်ခဲ့ပြီး မန်ယူနိုက်တက်ရဲ့ လက်ရှိနည်းပြ အဲရစ်တန်ဟက်ဂ်၊ နည်းပြ​ဟောင်းရန်းဂ်နစ်အပါအဝင် တချိန်ကအသင်း​ဖော်​ဟောင်းဝိန်းရွန်းနီကိုပါ ​ဝေဖန်ခဲ့တယ်ဆိုတဲ့ topicက ​ဘောလုံး​​လောကတစ်ခုလုံး ​အုတ်​အော်​သောင်းတင်းဖြစ်သွားပြီး အဆိုပါအင်တာဗျူးက အစစ်အမှန်ပဲလား၊ မန်ယူနဲ့ ​စီရော်နယ်ဒိုခွာပြဲသွားပြီလားစသဖြင့် ​နောက်ဆက်တွဲ​​ မေးခွန်း​​ပေါင်းများစွာထွက်လာခဲ့ပါတယ်။ အခုဆိုရင်​တော့ အဆိုပါအင်တာဗျူးရဲ့ ရုပ်သံဗီဒီယိုအပြည့်အစုံထွက်ရှိလာပါပြီ။ ဒီအင်တာဗျူးမှာ မန်ယူနိုက်တက်နဲ့ပတ်သက်တဲ့ကိစ္စတွေကို စီ​ရော်နယ်ဒိုကိုယ်တိုင်ပဲ ဖောက်သည်ချခဲ့တာလား။ မန်ယူနိုက်တက်ရဲ့အတွင်း​ရေးက တကယ်ပဲရှုပ်​ထွေး​နေတာလား။ မီဒီယာ​တွေကပဲ လိုအပ်တာထက် ချဲ့ကားထားတာလား စသဖြင့် မေးခွန်း​တွေရဲ့အ​ဖြေ​တွေ တစ်ခါတည်းပါလာမှာပါ။ ​ သေချာတာတစ်ခုက ဒီအင်တာဗျူး​ကြောင့် မန်ယူနိုက်တက်နဲ့ စီ​ရော်နယ်ဒိုရဲ့ အနာဂတ် မ​ရေရာ​တော့သလို ​ဘောလုံးပရိသတ်​တွေကြားမှာပါ ဂိုဏ်းဂဏ​​တွေ ကွဲကုန်တဲ့အထိ သက်​ရောက်မှု ကြီးသွားခဲ့ပါပြီ။ အင်တာဗျူးက ၂ ပိုင်းရှိတာဖြစ်ပြီး 2 ပိုင်းလုံးကို တင်ဆက်လိုက်ပါပြီ။ Download Part-1 (1080p) >>> Yoteshin / Megaup / StreamSB Download Part-1 (720p) >>> Yoteshin / Megaup / StreamSB Download Part-2 END (1080p) >>> Yoteshin / Megaup / StreamSB ရိုနယ်ဒိုနဲ့မန်ချက်စတာယူနိုက်တက်တို့ကြားက ပြသနာလေးတွေကို ပရိတ်သတ်တို့ရော ဘယ်လိုမြင်ကြပါသလဲ။။။။

Chevalier (2022) ============= IMDb Rating – 6.6/10 ဒီဇာတ်လမ်းက တေးရေးဆရာ Chevalier de Saint-Georges ဖြစ်တဲ့ Joseph Bologne အကြောင်းကို အခြေခံပြီး ရိုက်ကူးထား တာပါ။ ပြင်သစ် သစ်တောပိုင်ရှင် သခင် Bologneနဲ့ သူ့ရဲ့ အာဖရိကန် ကျွန်တို့ကနေ မွေးဖွားခဲ့တဲ့ Joseph က ကပြားလူမဲကလေးပါ။ အဲဒီခေတ်က လူမဲတွေကို ကျွန်အဖြစ်နဲ့ သတ်မှတ်ထားကြတာမို့ Joseph ကိုလည်း သူ့ရဲ့အသားအရေနဲ့ ပတ်သက်ပြီး ကလေး တွေက အနိုင်ကျင့်ကြတယ်။ ဒါပေမဲ့ တယောထိုးရာမှာ တစ်ဖက် ကမ်းခတ်အောင်ကျွမ်းပြီး ဓားထိုး၊ ဘာသာစကား စတဲ့ ကျန်တဲ့ ပညာရပ်တွေလည်း အရမ်းကျွမ်းကျင်တာမို့ Joseph က မကြာ ခင်မှာပဲ ပြင်သစ်အထက်တန်းလွှာ တစ်ဦးအဖြစ် ကျော်ကြား လာခဲ့ပါတယ်။ Josephက ပြင်သစ်ဘုရင်မ Marie Antoinette နဲ့လည်း သူငယ်ချင်း ဖြစ်ပေမဲ့ နောက်ပိုင်းမှာတော့ အထက်တန်းလွှာ ခင်ပွန်းသည်ဇနီး Marie Josephine နဲ့ ဖောက်ပြန်တာ၊ ပဲရစ်သံစုံတီးဝိုင်း ခေါင်းဆောင်နေရာကို ပြိုင်ကြတာနဲ့ ဘုရင်မနဲ့လည်း အခင်အမင်ပြတ်သွားတယ်။ နောက်ပိုင်း မှာ လူမျိုးရေးခွဲခြားတဲ့ အတားအဆီးတွေ၊ ပြင်သစ် လူ့အဖွဲ့ အစည်း တော်လှန်ရေးတွေကြောင့် အထက်တန်းလွှာ ကပြား ဖြစ်တဲ့ Joseph က ဘယ်ဘက်ကို သစ္စာစောင့်သိမလဲဆို တာကို ​ဒီဇာတ်လမ်းမှာ ဆက်ပြီးကြည့်ရှုရမှာ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thwal Htoo Zin ဖြစ်ပါတယ်) File Size……….(1.5 GB) / (638 MB) / (384 MB) Quality…………WEB-DL 1080p / 720p / 480p Duration………1Hr 48Min Subtitle………..Myanmar Hardsub Format…………MP4 Genre…………..Biography, Drama, History Translator…….Thwal Htoo Zin Encoder……….SWM

ဆမန်သာဟာ ဘဲလေးအကကို ခုံမင်သဘောကျတဲ့ဆယ်ကျော်သက်လေးဖြစ်ပါတယ်၊ တစ်နေ့မှာတော့ သူမရဲ့အစ်မဖြစ်သူ အန်နီနဲ့ ဖုန်းပြောနေရင်း အန်နီကို ကားတစ်စီးက ဖြတ်တိုက်သွားလို့ အစ်မဖြစ်သူသေဆုံးသွားတဲ့အခါမှာတော့ သူမရဲ့ အိပ်မက်တွေ စိတ်အားထက်သန်မှုတွေ ကြိုးစားအားထုတ်ချင်စိတ်တွေ အကုန်ပျောက်ကွယ်သွားပြီး အိဗ်ဆိုတဲ့ မိတဆိုးသမီးလေးနဲ့ ပေါင်းပြီးတော့ ကလေက‌ချေနဲ့ မိဘတွေကို အာခံပြီး လောကကြီးကို အရွဲ့တိုက်ပြီး ကျောင်းလစ်လိုက် အတန်းပြေးလိုက် စတိုးဆိုင်တွေကို အလစ်သုတ်လိုက်နဲ့ ဘဝကို ဖြတ်သန်းနေပါတော့တယ်။ ဆမန်သာရဲ့ အဖြစ်ကို လက်ပိုက်ကြည့်မနေနိုင်တဲ့အမေဖြစ်သူက သူအရင်တက်ခဲ့တဲ့ဘဲလေးသင်တန်းကျောင်းကို သန့်ရှင်းရေးလည်းလုပ်ရင်း ကျန်ရှိတဲ့ ကျောင်းပညာသင်နှစ်ကို ပြီးဆုံးအောင်တက်ဖို့ ပို့လိုက်ပါတော့တယ်။ သူမဟာ သင်တန်းကျောင်းကို ပြန်ရောက်တဲ့အချိန်မှာ အကခေါင်းဆောင်ဖြစ်တဲ့ ဂရေစီက အကလေ့ကျင့်ရင်း ခြေခေါက်သွားလို့ သူမဟာ ခဏတာ အစားထိုးလေ့ကျင့်ပေးဖို့ အကြောင်းဖန်လာတော့ပါတယ်။ လာမယ့်ပြဇာတ်အတွက် အစားထိုးနေရာဝင်ပြီး ကပေးရင်း သူမရဲ့ စိတ်ဒဏ်ရာတွေ အစ်မရဲ့သေဆုံးမှုကြောင့် ကိုယ့်ကိုကိုယ်အပြစ်တင်နေမိတာတွေ ဘဲလေးအကမှာ အစွမ်းကုန် အရည်အချင်းထုတ်မပြနိုင်တာတွေကို ဆမန်သာတစ်ယောက် ဘယ်လိုစိတ်ပြင်ဆင်မလဲ ကုသမလဲဆိုတာကို အေးအေးဆွေးဆွေးလေးကြည့်ရှုရမှာဖြစ်ပါတယ်။ ဒီဇာတ်ကားက ဒရာမာအမျိုးအစားဖြစ်ပြီးတော့ ၂၀၂၃ မှာ ပူပူနွေးနွေးလေး ထွက်ရှိထားတာဖြစ်ပြီး ကြည့်ပျော်တဲ့ဇာတ်ကားလို့ပြောရင်လည်း မမှားပါဘူး။ ဒီဇာတ်ကားဟာဆိုရင် IMDb မှာ Rating 6.3 တောင်ရရှိထားပြီး Rotten Tomatoes မှာဆိုရင်လည်း Audience Score 80% တောင်ရရှိထားပါတယ်။ File size…(1.4 GB)/(748 MB) Quality….Webrip 1080p / 720p Format…mp4 Duration….01:51:00 Genre…Music, Drama Subtitle….Myanmar Subtitle (Hardsub) Encoder….Mr. Anderson Translated by Matteo

Project Eerie (2023) =============== ဒီရုပ်ရှင်ဟာ Halloween ရာသီအတွက်တော့ ကွက်တိပါပဲ။ Found footage ပုံစံ(ရုပ်ရှင်ကို ဇာတ်ကောင်ရဲ့ ကင်မရာကနေ တစ်ဆင့်မြင်ရသလို ကြည့်ရတဲ့ အမျိုးအစားပါ)။ ရုပ်ရှင်မို့လို့ ဒါမျိုးကို မကြိုက်တတ်တဲ့၊ ကြည့်ရင် ခေါင်းမူး တတ်တဲ့သူတွေ မကြည့်သင့်ပါဘူး။ ဒါပေမယ့် ကျွန်တော့်အတွက်တော့ ဒီ Found footage အမျိုးအစားက horror, thriller တွေကို ပိုပီပြင်ပြီး တကယ် ဖြစ်နေသလိုမျိုး ခံစားစေရလို့ ကြိုက်ပါတယ်။ Rating တွေ ဘာညာကို သိပ် ဂရုမစိုက်ဘူး horror, thriller ကိုမှ found footage အမျိုးအစားကို ကြိုက်ရင် ဒါကို ကြည့်လိုက်ပါ အချိန်ကုန်ရကျိုးနပ်စေမှာပါ။ ဇာတ်လမ်းအကျဉ်းကတော့ ဂျက်ဆီနဲ့ ဂျေကော့ဆိုတဲ့ ကောင်လေး ၂ ယောက် ဟာ ဟောလိုးဝင်းညမှာ လျှောက်လည်ကြရင်း ကျောချမ်းစရာ တစ်ခုခုလုပ်ရ အောင်ဆိုပြီး ပိတ်ထားတဲ့ အစိုးရအဆောက်အဦးထဲကို ခိုးဝင်ကြပါတယ်။ အဲမှာ စီဒီတစ်ခွေကို ရှာတွေ့ခဲ့ပြီး အိမ်မှာ ပြန်ဖွင့်ကြည့်ပါတယ်။ အဲအခွေဟာ အမေရိ ကန်နိုင်ငံ တစ်လွှားမှာ ဖြစ်ပျက်ခဲ့တဲ့ ထူးဆန်းတဲ့အဖြစ်အပျက်တွေကို အစိုးရက စုစည်းစုံစမ်းထားတဲ့အခွေ ဖြစ်နေပါတယ်။ မတူညီတဲ့ထူးဆန်းတဲ့ အဖြစ်အပျက် တွေကို ဇာတ်လမ်းတစ်ပုဒ်ချင်းအလိုက် ကြည့်နိုင်မှာပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Leonard Lin ဖြစ်ပါတယ်) File Size……….(1.74 GB) / (933 MB) Quality…………WEB-DL 1080p / 720p Duration………1Hr 16Min Subtitle………..Myanmar Hardsub Format…………MP4 Genre…………..Horror Translator…….Leonard Lin Encoder……….SWM

၂၀၁၀ မှာ ထွက်ရှိထားတဲ့ Piranha ကားအပြီးမှာတော့ Sequel အနေနဲ့ နောက်တစ်ကားထွက်ရှိလို့လာပါပြီ။ အရင်ကားမှာ အသားစားငါးတွေ စထွက်လာခဲ့တဲ့ ဗစ်တိုးရီးယားရေကန်ကြီးကတော့ စွန့်ပစ်ရေကန်ကြီးအဖြစ် ပိတ်ထားလိုက်ပါပြီ။ အရင်ကားနဲ့မတူတာက ဒီကားမှာကတော့ Water park မှာ အသားစားငါးတွေ ပေါ်လာကြတာပဲဖြစ်ပါတယ်။ အသားစားငါးတွေနဲ့ လုံးဝအဆက်အစပ်မရှိနေတဲ့ ဒီနေရာမှာမှ ပေါ်လာတယ်ဆိုတာ စဉ်းတော့စဉ်းစားစရာပါပဲ။ အရင်ကားမှာ ငါးတွေရဲ့ ပေါက်ဖွားရာနေရာနဲ့ က မ္ဘာမြေမျက်နှာပြင်ပေါ် ရောက်လာတာတွေကို အသားပေးရိုက်ပြထားခဲ့ပါတယ်။ ဒီကားမှာကတော့ တစ်နှစ်ကျော်ကြာပြီးနောက်ပိုင်း Timeline မှာ တည်ထားတဲ့ ဇာတ်အိမ်ဖြစ်တဲ့အလျောက် င ါးတွေနဲ့ပတ်သတ်ပြီး ပိုများတဲ့အချက်အလက်တွေပါဝင်လာပါတယ်။ ပြင်ပရေနဲ့ထိတွေ့ခြင်းမရှိတဲ့ ရေကူးကန်မှာမှ တည်ထားတဲ့ ဇာတ်အိမ်ဖြစ်တဲ့အတွက် ဒီငါးတွေ ဘယ်လို၊ ဘယ်က ရောက်လာတယ် ဆိုတာတွေကို ပိုပြီး စိတ်ဝင်တစားကြည့်ရမှာပါ။ ဒီနေရာမှာ သတိပေးချင်တာကတော့ အရင်ကားထက်လည်း ပိုပြီးအမြင်မသင့်တော်တဲ့ဇာတ်ကွက်တွေ ပါဝင်လာတယ်ဆိုတာပါပဲ။ အရင်ကားလောက်တော့ သွေးထွက်သံယိုမများပေမဲ့ အဖော်အချွတ်ခန်းတွေ အမြောက်အများပါဝင်လာတာမို့ နှလုံးရောဂါရှိသူ၊ အသက်မပြည့်သေးသူများ မကြည့်ဖို့တိုက်တွန်းရင်း ဘာသာပြန် တင်ဆက်ပေးလိုက်ရပါတယ်။ File size… 2.8 GB / 1.4 GB Quality… BluRay Unrated 1080p / 720p Format… mp4 Duration…. 1h 23 m Genre ….. Horror /Thriller Subtitle…. Myanmar Subtitle (Hard Sub) Encoder…. Thit San Khant Translated by Aditi

Kurt Turns Evil (2008) IMDb – 6.3/10 ၂၀၀၈ခုနစ်ကထွက်ရှိခဲ့တဲ့ နော်ဝေသရီးဒီကာတွန်းရုပ်ရှင်လေးကို တင်ဆက်ပေးလိုက်ပါတယ်ဗျ။ သားသမီးသုံးယောက်ရယ် ဇနီးဖြစ်သူရယ်နဲ့အတူ နေထိုင်နေပေမဲ့ ဖော့ကလစ်မောင်းတဲ့ ကာ့တ်ကို မိသားစုဝင်တစ်ယောက်ကမှ အထင်မကြီးကြပါဘူး။ ဒီကြားထဲ ဘေးအိမ်ကို ဆရာဝန်တစ်ယောက်ပြောင်းလာတဲ့အခါမှာတော့ မိသားစုဝင်တွေအကုန်လုံးက စကားပြောတိုင်းမှာ ဆရာဝန်ရဲ့နာမည်မပါမပြီးဖြစ်နေကြရော။ ဒီမှာပဲ ကာ့တ်တစ်ယောက် မိသားစုဝင်တွေ သူ့ကိုအထင်ကြီးဖို့အရေး နည်းအမျိုးမျိုးနဲ့ ကြံဆောင်ရာကနေ အလွဲတွေဖြစ်ပါတော့တယ်။ ကာ့တ်တစ်ယောက် မိသားစုဝင်တွေ သူ့ကိုအထင်ကြီးဖို့ကြိုးစားမှု အောင်မြင်မလားဆိုတာကြည့်ရမဲ့ ကာတွန်းရုပ်ရှင်လေးပါ။ အညွှန်း နဲ့ ဘာသာပြန်ကတော့ aungmo3han ပဲ ဖြစ်ပါတယ်။ Genre….. Animation, Comedy, Family Quality…. 1080p | 720p File size… 1.2GB| 631MB Format… mp4 Duration…. 1h 14min Subtitle…. Myanmar Subtitle (Hardsub) Translator ….. aungmo3han Encoder ….. Aaron

လီယိုက ဆိုက်ကိုဖြစ်နေတဲ့ stalker တစ်ယောက်ပါ။ လူသတ်ဖို့လည်း လက်မရွံ့သလို စိတ်ရူးပေါက်တိုင်း လုပ်ချင်တာတွေ လျှောက်လုပ်နေတဲ့သူဆိုလည်း မမှားပါဘူး။ အဲဒီလို သူ့မျက်လုံးထဲ တခြားသူတွေနဲ့မတူအောင် အလှဆုံးမိန်းကလေးတစ်ယောက်အဖြစ် ဝင်လာသူကတော့ အေဗာပဲ ဖြစ်ပါတယ်။ အေဗာက မင်းသမီးဖြစ်ချင်လို့ လူရွေးပွဲတွေလိုက်ဖြေပြီး သရုပ်ဆောင်ဖြစ်ရဖို့ ကြိုးစားနေသူပါ။ သူက ရုပ်ရည်လေးကလည်းရှိသူမို့ အခန်းဖော်သူငယ်ချင်း အမြောက်ကောင်းမှုကြောင့် သူ့အနားကပ်လာတဲ့ ယောက်ျားလေးတွေနဲ့လည်း မကြာခဏ တွဲဖြစ်ပါတယ်။ ဒီလိုနဲ့ ငြိမ်းချမ်းနေတဲ့ သူ့ဘဝထဲ ဆိုက်ကို stalker လီယိုက သူ့လမ်းမှာ ရှုပ်နေတဲ့လူတွေကို ရှင်းထုတ်ဖို့အကြံနဲ့ ဝင်ရောက်လာခဲ့ချိန်မှာတော့.. File size…(1.3 GB)/(620 Mb) Quality….Webrip 1080p / 720p Format… mp4 Duration…. 01:30:00 Genre… Thriller Subtitle….Myanmar Subtitle (Hardsub) Encoder….Garfield Translated by Emily

The Man Who Knew Too Much (1956) က Alfred Hitchcock ရဲ့ နာမည်ကျော် စွန့်စားမှုတွေနဲ့ ပြည့်နှက်နေတဲ့ ရုပ်ရှင်တစ်ကားဖြစ်ပါတယ်။ ဇာတ်လမ်းတွင်မှာ James Stewart နှင့် Doris Day တို့ မိသားစုကို ကယ်တင်ရန် ပြဿနာတွေရင်ဆိုင်ရတယ်။ တစ်နေ့မှာ သူတို့ သားက ပျောက်သွားပြီး၊ ပစ်မှတ်တွေက အန္တရာယ်များစွာပေးပါတယ် ။ ဇာတ်လမ်းက မိသားစုတစ်ခု ချစ်ခြင်းနှင့် ကာကွယ်ခြင်းစိတ်ကို စွန့်စားမှုနှင့် အန္တရာယ်များအတွင်းမှာ ဖော်ပြတယ်။ Doris Day “Que Sera, Sera” သီချင်းက ဇာတ်လမ်း အဓိက အခန်းကဏ္ဍတစ်ခုဖြစ်ပြီး၊ ဇာတ်လမ်း ခံစားချက်များနှင့် အဓိပ္ပာယ်ကို လေးနက်စွာ ပြသပေးပါတယ်။ James Stewart ခံစားချက်များ၊ မိသားစုကို ကယ်တင်ရန် ရင်ဆိုင်ရသော အခက်အခဲများကို ထိရောက်စွာ ဖော်ပြထားပါတယ်။ Hitchcock ၏ ရုပ်ရှင်များထဲမှ အကောင်းဆုံးများထဲကတစ်ခုအဖြစ် အမှတ်တရရှိနေပါတယ် ။ The Man Who Knew Too Much က 1950s ရုပ်ရှင်ချစ်သူများအတွက် ထင်ရှားသော ရုပ်ရှင်တစ်ကားဖြစ်ပါတယ်။ File size…(2.4 GB)/(1.4 GB) Quality….Blu-Ray 1080p / 720p Format… mp4 Duration…. 02:00:00 Genre… Spy, Drama, Thriller Subtitle….Myanmar Subtitle (Hardsub) Encoder….Garfield Translated by Banyar Aung