"မိန်းက​လေးဆိုတာ မီးသတ်သမားလုပ်လို့ မရဘူး​လေ" "အဲ့ဒါက စည်းမျဥ်းနဲ့ မညီဘူး" အဲ့စကား​လေး​တွေက အ​ဖေတစ်​ယောက်က မီးသတ်သမားသိပ်ဖြစ်ချင်တဲ့ သူ့သမီးကို ​ပြောလိုက်တဲ့ စကားပါ။ ​ဘယ်လိုပဲ ကျားမတန်းတူအခွင့်အ​ရေးလို့ ​ပြော​နေကြပါ​စေ လူ​တွေရဲ့ စိတ်ထဲမှာ အမျိုးသမီး​တွေဆိုရင် အားနည်းတယ်လို့ ​မြင်​နေကြသလို အလုပ်ခွင်မှာလည်း တန်းတူအခွင့်အ​ရေး ရတာနည်းပါတယ်။ ဒီ ကာတွန်းကား​လေးက​တော့ မိန်းက​လေး​တွေလည်း မီးသတ်သမားလို သက်စွန့်စံဖျား အလုပ်​တွေမှာ ရဲဝံ့စွာ လုပ်နိုင်​ကြောင်း မီး​မောင်းထိုး ရိုက်ကူးပြထားပါတယ်။ ဇာတ်လမ်းအကျဥ်း​လေးက​တော့ ဖခင်ဖြစ်သူ မီးသတ်သမား​ဟောင်းကို အားကျတဲ့ သမီး​လေးက ငယ်ငယ်ကတည်းက ဖခင်လို မီးသတ်သမားကြီးလုပ်ပြီး လူ​တွေရဲ့ အသက်ကို ကယ်တင်ချင်သူပါ။ ဒါ​ပေမယ့် မိန်းက​လေးဖြစ်​နေခဲ့​တော့ သူ့အိပ်မက်​တွေကို ​ဘေးချိတ်ထားခဲ့ရပါတယ်။ ဒါ​ပေမယ့် တစ်ရက်မှာ​တော့ မြို့​တော်မှာ ထူးဆန်းတဲ့ မီး​လောင်မှု​တွေ​ ဆက်တိုက်ဖြစ်လာပြီး မီးသတ်သမား​​တွေ တစ်​ယောက်ပြီးတစ်​ယောက် ​​​ပျောက်ခြင်းမလှ ပျောက်ဆုံးကုန်တဲ့အခါ...... မင်းသမီးနဲ့ သူ့အ​ဖေတို့ ဘာ​တွေဆက်ဖြစ်ကြမလဲ..... အိပ်မက်​တွေက တကယ်ပဲခက်ခဲသလား.... အိပ်မက်​တွေ အ​ကောင်အထည်​​ပေါ်လာနိုင်မလား.....ဆိုတာ ဇာတ်ကား​လေးမှာပဲ ဆက်လက် ကြည့်ရှုအား​ပေးလိုက်ရ​အောင်.......။ ၁၉၈၂ ခုနှစ်မှာမှ နယူးယောက်မြို့ရဲ့ ပထမဆုံးအမျိုးသမီး မီးသတ်သမားရှိလာတဲ့ အကြောင်းကို ဂုဏ်ပြုရိုက်ကူးထားတဲ့ ကားလေးဆိုလည်း မမှားပါဘူး။ က​လေး​တွေပဲဖြစ်ဖြစ် မိဘ​တွေပဲဖြစ်ဖြစ် ကြည့်သင့်တဲ့ ပညာ​ပေးကာတွန်းကား​လေးဖြစ်လို့ လက်လွတ်မခံဘဲ အား​ပေးကြပါဦးလို့ တိုက်တွန်းပါရ​စေ။ ဇာတ်လမ်းအညွှန်းကို Richard Wai က​ရေး​ပေးထားပြီး ဘာသာပြန်​ပေးထားတာက​တော့ Richard Wai, Thuu Thuu, Milkeux, Khaing Khin တို့ပဲ ဖြစ်ပါတယ်။ Genre.....Adventure, Animation, Comedy Quality….WEB-DL 1080p and 720p File size…1.6GB, 806MB and 276MB Format…mp4 Duration….1h 32min Subtitle….Myanmar Subtitle (Hardsub) Translator ..... Richard Wai, Thuu Thuu, Milkeux, Khaing Khin Encoder ..... August

အခုတစ်ခေါက်မှာတော့ Netflix ကနေ အသစ်စက်စက်ထွက်ရှိထားတဲ့ ပြင်သစ်အက်ရှင်ဇာတ်ကားလေးနဲ့မိတ်ဆက်ပေးပါရစေ။ အမြဲတမ်း ဖြောင့်မတ်တဲ့ရဲတွေကိုပဲ ဇာတ်လိုက်နေရာက မြင်နေရတာ ရိုးသွားပြီလား ဒါဆိုရင် ဒီကားလေးကို ကြည့်လိုက်ပါ။ အဓိက ဇာတ်လိုက်ဖြစ်တဲ့ ဘလင်းဟာ ပုံမှန်မြင်နေကျဇာတ်ကောင်တွေလို ရိုးသားဖြောင့်မတ်တဲ့ရဲမဟုတ်ဘဲ လာဘ်ပေးလာဘ်ယူလုပ်ပြီး အကျင့်ပျက်ခြစားတဲ့ရဲပဲဖြစ်ပါတယ်။ ဘလင်းတစ်ယောက် သူ့မိခင်ဆုံးပြီး အခေါင်းသွင်းတော့မှာဖြစ်တဲ့အတွက် ဆေးရုံကို အလောတကြီးသွားရမဲ့ အချိန်မှာပဲ ပြည်တွင်းလုံ​​ခြုံ​​ ရ​ဌာနက သူတို့စခန်းကို ရှောင်တခင်ဝင်စစ်ဆေးပါတော့တယ်။ မောင်ဘလင်းတစ်ယောက် လောလောနဲ့ ဗျာများပြီး ကားမောင်းရာကနေ လူတစ်ယောက်ကို တိုက်မိခဲ့ပါတယ်။ အကျင့်ပျက်ခြစားရုံတင်မက ကားနဲ့လူပါတိုက်လိုက်မိတဲ့ ဘလင်းဟာ ဒီယာဥ်တိုက်မှုကို ခြေရာလက်ရာဖျောက်ဖို့ ခက်ခက်ခဲခဲကြိုးစားခဲ့ပေမယ့်လည်း ထူးဆန်းတဲ့ မျက်မြင်သက်သေတစ်ယောက်ဆီကနေ ခြိမ်းခြောက်မှုတွေရရှိလာတဲ့ခါ.... ဘလင်းတစ်ယောက် ဒီအခက်အခဲတွေကို ဘယ်လိုကျော်လွှားမလဲ..?? သူရဲ့လာဘ်စားမှုတွေကရော ပေါ်လွင်သွားမှာလား..?? မျက်မြင်သက်သေကရော ဘာလို့ခြိမ်း ခြောက်နေရတာလဲ.. ဆိုတာကို ကြည့်ရှုရမဲ့ စိတ်ဝင်စားစရာကောင်းတဲ့ဇာတ်လမ်းကောင်းတစ်ပုဒ် ဖြစ်တာမလို့ အားလုံးအကြိုက်တွေ့ကြမယ့် Action, Crime, Thriller ကားသစ်လေးဖြစ်ပါတယ်။ (ဒီဇာတ်လမ်းရဲ့အညွှန်းကို Shwe Pyae မှရေးသားပေးပြီး၊ ဘာသာပြန်ပေးသူများကတော့ CM Team မှဖြစ်ပါတယ်) File Size - (1.2 GB) / (585 MB) / (385 MB) Quality – WebDL 1080p / 720p/480p Duration - 1h 35mins Subtitle – Myanmar Hardsub Format – MP4 Genre : Action, Crime, Drama Translator – CM Team Encoder – SWM

The Ideal Squad (2023) comedy fanတွေအတွက် ဗီယက်နမ်ဟာသဇာတ်လမ်းကောင်လေးတစ်ပုဒ်နဲ့ မိတ်ဆက်ပေးချင်ပါတယ်။ ခဝေးတစ်ယောက် သွမ့်ဆိုတဲ့ သူမရဲ့အရင်ယောကျာ်းကောင်းမှုကြောင့် ထောင်နန်းစံခဲ့ရတယ်။ သူ ပြန်လွတ်လာချိန်မှာ သွမ့်က ဂျူဝဲလ်ဆိုတဲ့အမျိူးသမီးနဲ့ လက်ထပ်ဖို့ပြင်နေပြီ။ အဲ့ဒီအမျိူးသမီးကို တင်တောင်းတာကလည်း ခဝေးအမေ ခဝေးကိုအမွေပေးခဲ့တဲ့လည်ဆွဲနဲ့။ ဒါပေမယ့် လည်ဆွဲက အစစ်မဟုတ်ဘူး။ ခဝေးနဲ့သွမ့်ရဲ့သမီးလေးကိုလည်း သွမ့်ကပဲခေါ်ထားတယ်။ ဒီတော့ ခဝေးနဲ့ သူမငယ်သူငယ်ချင်း ဟောင်ဖုန်းဟာ သွမ့်နဲ့ဂျူဝဲလ်တို့မင်္ဂလာဆောင်မှာ လည်ဆွဲကိုခိုးပြီး သွမ့်ကိုဖော်ကောင်လုပ်ဖို့၊ ပြီးရင် ခဝေးရဲ့သမီးလေးကို ပြန်ခေါ်ဖို့အတွက် planတွေဆွဲကြတယ်။ ဒါပေမယ့် ဒီplanထဲမှာ မထင်မှတ်ဘဲ ပါလာတာက.... သူခိုးဆီက ဘုမသိဘမသိနဲ့ရလိုက်တဲ့ ဆွီဒင်ကြက်ဖကြီးကို ကင်စားမိလို့ ငွေတစ်ဘီလီယံအကြွေးဆပ်နေရတဲ့ ဗရုတ်သုတ်ခမိသားစုတစ်စု။ ဒီလိုနဲ့ ကပေါက်တိကပေါက်ချာ မိသားစုရယ်၊ ခဝေးတို့သူငယ်ချင်းနှစ်ယောက်ရယ်ပေါင်းပြီး ဘယ်လိုတွေလောင်းကျော်မလဲ၊ planချထားတာတွေ ရှောရှောရှူရှူဖြစ်လာမလား၊ ဂျူဝဲလ်ကရော လူတွေထင်သလို စိတ်နှလုံးကောင်းတဲ့သူလား ဆိုတာတွေကိုတော့ ဇာတ်လမ်းထဲမှာပဲ အဖြေရှာလိုက်ပါ။ ထိုင်းဟာသကားတွေကြိုက်တတ်ရင် ဒီဗီယက်နမ်ကားလေးကိုလည်း နှစ်ခြိုက်သဘောကျပါလိမ့်မယ်နော်~ အညွှန်း နဲ့ ဘာသာပြန်ကတော့ Funzae ပဲ ဖြစ်ပါတယ်။

Fatafati IMDb-8/10 အခုတစ်ခေါက်မှာတော့ CM ပရိသတ်ကြီးအတွက် လူ့ပတ်ဝန်းကျင်မှာ ဖြစ်တတ်တဲ့ body shaming ဆိုတဲ့ အယူအဆအမှားကို ‌ထောက်ပြထားတဲ့ drama ဇာတ်ကားကောင်းလေးတစ်ခုနဲ့ မိတ်ဆက်ပေးချင်ပါတယ် ဒီဇာတ်ကားမှာ အဓိကဇာတ်ဆောင်အနေနဲ့ ပူ‌လော်ရာဘာဒူရီဆိုတဲ့ သာမန်စက်ချုပ်သမတစ်ယောက်က ပါဝင်သရုပ်ဆောင်ထားပါတယ် သူ(မ)ဟာ overweight ဖြစ်နေတာကြောင့် ‌က‌လေးမရနိုင်တာလို့ ယူဆပြီး အိမ်မှာရှိတဲ့ယောက္ခမရဲ့ အပြစ်တင် ဝေဖန်မှုကို ခံနေရတဲ့အပြင်၊ လူ့ပတ်ဝန်းကျင်အသိုင်းအဝိုင်းမှာပါ body shaming လုပ်တာကို မကြာခဏခံနေရသူတစ်ဦးပါ အဲဒီလို body shaming ကြောင့် စိတ်ဒဏ်ရာတွေ ရနေပေမဲ့လည်း တဖက်မှာတော့ သူ(မ)ဟာ အောင်မြင်တဲ့ designer influencerတစ်ဦး ဖြစ်လာအောင် လက်မလျှော့ဘဲ ကြိုးစားနေတဲ့သူလည်းဖြစ်ပါတယ် body shaming ကြောင့် ရလာမဲ့ စိတ်ဒဏ်ရာတွေကို အံတုပြီး သူ(မ)ရဲ့အိပ်မက်ဖြစ်တဲ့ အောင်မြင်တဲ့ဒီဇိုင်နာဖြစ်အောင် လုပ်နိုင်ပါ့မလား ၊ မလုပ်နိုင်ဘူးလား ဆိုတာကိုတော့ CMရဲ့ ရုပ်ရှင်ချစ်သူ ပရိသတ်ကြီးကပဲ ဆက်လက် ကြည့်ရှူပေးကြရမှာပဲ ဖြစ်ပါတယ် ထပ်ဆောင်းအနေနဲ့ ဒီ" Fatafati "ဇာတ်ကား‌ဟာ လူ့အဖွဲ့အစည်းမှာ ဖြစ်လေ့ဖြစ်ထရှိတဲ့ body shamingနဲ့ ပတ်သက်တဲ့ ယူဆချက်အမှားလေးတွေကို ထောက်ပြပြီး သင်ခန်းစာပေးနိုင်မဲ့ ဇာတ်ကားကောင်း‌လေးတစ်ခုမို့ လက်မလွှတ်တမ်း ကြည့်ရှုခံစား‌ပေးကြပါဦးလို့ တိုက်တွန်းလိုက်ပါရ‌စေလားရှင် (အညွှန်းနဲ့ဘာသာပြန်တွေကတော့ YH~Cherry~Moon~Saii~Yunniတို့ပဲ ဖြစ်ပါတယ်) File size…2.04GB / 974MB Quality…1080p WEB DL / 720p Format…mp4 Duration….2h 12m Subtitle….Myanmar Subtitle (Hard Sub) Encoder….YK Translated by YH~Cherry~Moon~Saii~Yunni

Clear and Present Danger (1994) ~ IMDb - 6.9/10, Rotten Tomatoes - 81% ~ ဒီဇာတ်ကားက Jack Ryan ရုပ်ရှင်တွဲ​တွေရဲ့တတိယကားဖြစ်ပြီး အက်ရှင်ခန်း​တွေလည်း ပိုကြမ်းလာပါတယ်။ ဒုတိယကားဖြစ်တဲ့ Patriot Games က မင်းသားကြီး Harrison Ford ပဲ ဂျက်ရိုင်ယန်အဖြစ် ပါဝင်ထားသလို မင်းသားကြီး Willem Dafoe ကလည်း အ​ရေးပါတဲ့​နေရာက ပါဝင်ထားပါတယ်။ ဒီဇာတ်လမ်းက အ​မေရိကန်နဲ့ ​ကိုလံဘီယာ မူးယစ်ရာဇာ​​တွေကြား ပဋိပက္ခ​တွေကို ဇာတ်လမ်းဆင်ထားတာပါ။ အ​မေရိကန်သမ္မတရဲ့ နိုင်ငံ​ရေးမိတ်ဖက်တစ်ဦးကို မူးယစ်ရာဇာကြီး အက်စကို​ဘေတိုက သတ်ဖြတ်လိုက်တဲ့အတွက် အ​မေရိကန်အစိုးရဘက်က နိုင်ငံ​​တော်လုံခြုံ​ရေးကို ထိပါးမှုဆိုတဲ့ ​ခေါင်းစဉ်နဲ့ အဲဒီမူးယစ်ရာဇာနဲ့ ဂိုဏ်းကို ချေမှုန်းဖို့ လုပ်​ဆောင်ပါ​တော့တယ်။ ဒါ​ပေမဲ့ ဒီဂိုဏ်းကို​ချေမှုန်းဖို့က တိုင်းတပါးမှာ လျှို့ဝှက်စစ်ဆင်​ရေးအဖြစ်နဲ့ပဲ ​ဆောင်ရွက်လို့ရတာ​ကြောင့် အစိုးရအ​နေနဲ့ သူတို့ဘက်ကို ပြန်အမှုမပတ်​အောင် ​ကြေးသားစစ်သား​တွေကို ငှားပြီး တရားမဝင် စစ်ဆင်​ရေးအဖြစ် ​ဆောင်ရွက်ခဲ့ပါတယ်။ဒီဇာတ်ထဲမှာ ပဲ​လှော်ကြား ဆားညပ်သွားတာက ဂျက်ရိုင်ယန်ဖြစ်ပြီး ​ထောက်လှမ်း​ရေးအရာရှိအ​နေနဲ့ သမ္မတရဲ့မိတ်​​ဆွေ အသတ်ခံရတဲ့အမှုကိုစုံစမ်းရင်း နိုင်ငံ​​ရေးအရှုပ်​အ​ထွေးကြားထဲ ပါဝင်သွားခဲ့ပြီး ဒီတရားမဝင်စစ်ဆင်​ရေးကို ဖြေရှင်းရမယ့်အ​ရေးနဲ့ ကြုံသွားပါ​တော့တယ်။ (ဒီဇာတ်ကားနဲ့အညွှန်းကို X မှ ပြန်ဆို ရေးသားထားပါတယ်) Size - 2.1GB, 855MB Quality - 1080p, 720p IMDb Rating - 6.9/10 Format - mp4 Duration - 2H 21Min Genre - Action, Crime, Drama Subtitle - Myanmar Subtitle (Hardsub) Translated by X Encoded by Y

Love at the Christmas Contest (2022) =========================== ဒီကားလေးကတော့ ခရစ်စမတ်ကာလရဲ့ အဓိကအနှစ်သာရလေးကို ရိုးရိုးရှင်းရှင်းဇာတ်လမ်းသွားလေးနဲ့ပဲ ဖော်ပြထားပေးသွားတဲ့ ဇာတ် ကားလေးပါ။တစ်ချို့ထည့်သုံးသွား‌တဲ့ အတွေးအမြင်လေးတွေဆိုရင်လဲ တကယ် ကိုယ်ကြုံတွေ့နေရတဲ့ အခက်အခဲတွေကို ရှုထောင့်တစ်မျိုးကနေ ကြည့်တတ်ဖို့ lessonတွေလဲရပါတယ်။ IMDb Rating 5.7ရထားတဲ့ ကားလေး ဖြစ်ပြီး< မိသားစု ချစ်သူတွေနဲ့ ငြိမ့်ငြိမ့်လေး အတူကြည့်လို့ရတဲ့ ဇာတ်ကားငြိမ့်ငြိမ့်လေးတစ်ကားပါ။ ရှုပ်ယှက်ခပ်နေတဲ့ ‌actionတွေ plot twistတွေ thriller တွေ sadist movie တွေပဲ အကြည့်များနေရင် စိတ်ခဏအငြိမ်ပေးတဲ့ ကြည့်သင့်တဲ့ကားလေး တစ်ကားဖြစ်တယ်လို့ recommend ပေးပါတယ်။ကလေးသရုပ်ဆောင်ကလေး ကလည်း အရမ်းချစ်စရာကောင်းပြီး သူ့ဇာတ်ရုပ်နဲ့ တော်တော်လေးလိုက်တယ် လို့ ပြောရင် pedophile လို့တော့ မထင်လိုက်ကြနဲ့ပေါ့ဗျာ၊ တကယ်ချစ်စရာ ကောင်းလို့ ပြောတာပါ။ကဲ ဒီလောက်ပဲညွှန်းပါတော့မယ်ဗျာ အချိန်ရရင် ဝင် ကြည့်ကြပါလို့ပြောကြားချင်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Paul ဖြစ်ပါတယ်) File Size……….(1.7 GB) / (678 MB) / (370 MB) Quality…………WEB-RIP 1080p / 720p / 480p Duration………1Hr 3၀mins Subtitle………..Myanmar Hardsub Format…………MP4 Genre…………..Comedy, Romance Translator…….Paul Encoder………..SWM

The Last Client(2022) ******************** အတွေးအဆန်းတွေနဲ့အတူ လိုက်ပါစီးမျှောလို့ရမယ့် psycho crime thrillerကားကောင်းလေးတစ်ကားလာပါပြီ။ ဘယ်လိုအတွေးတွေလဲဆိုရင် လူအယောက်၂၀ရဲ့အသက်အတွက်ပြစ်ဒဏ်က အသက်၁ချောင်းပြန်ပေးရမယ်ဆိုရင် ကျန်အသက်၁၉ခုကဘယ်မှာသွားတောင်းရမလဲဆိုတာမျိုး၊ ရှင်သန်ဖို့မဖြစ်နိုင်တဲ့ဘဝမလို့ အဆုံးသတ်ပေးလိုက်တာကမှ ဒုက္ခတွေကလွတ်မြောက်မယ်ဆိုတာမျိူး စတာတွေအပြင် စွန့်ပစ်ခံရတဲ့သူက ဘယ်လောက်အထိပြန်လုပ်နိုင်တယ်ဆိုတာမျိုးတွေကိုမြင်တွေ့ရမှာပါ။ ဇာတ်လမ်းအကျဉ်းကတော့ စိတ်ပညာရှင်ဖြစ်သူ ဆူဇန်နီဆီကို မက် ဇီဒန်နုဆိုသူကသူ့အကြောင်းတွေပြောပြဖို့ သူခံစားနေရတာတွေအဆုံးသတ်ဖို့ရောက်လာခဲ့ပါတယ်။ ရိုးရိုးသားသားရောက်လာခဲ့တာမဟုတ်သလို သေချာအကွက်ချစီစဉ်ပြီးလာခဲ့တဲ့အပြင် သူဟာကွင်းဆက်လူသတ်သမားဖြစ်နေခဲ့ပါတယ်။ စိတ်ပညာရှင်နဲ့အမှုသည်တို့စကားတပြောပြောနဲ့ ဇာတ်လမ်းတစ်ခုလုံးတည်ဆောက်သွားတာမျိုးတွေ့ရမှာပါ။ သူတို့နှစ်ယောက်ကဘယ်လိုများဆက်နွယ်နေလဲ ဘာတွေဆက်ဖြစ်ကြမလဲဆိုတာကို ဇာတ်လမ်းထဲမှာဆက်လက်ကြည့်ရှုနိုင်ပါပြီ။ File Size :(1.7 GB) and (464 MB) Quality :WEB-DL1080P5.1Ch, 720p Format…mp4 Duration…01:35:00 Genre : Thriller Subtitle : Myanmar Subtitle (Hard Sub) Translated by Themes Encoded by Phyo Pyae

Ayodhi (2023) IMDb-8.3/10 အရာရာကိုအလိုမကျ ဒေါသကြီးနေတဲ့လူတစ်ယောက်နဲ့နေရတာ ဘယ်လိုနေမလဲ…? ဇနီးမိသားစုကိုလည်းစိတ်မရှည် အရာရာကိုအလိုမကျနေသူ ၊ အိမ်ထောင်ဦးစီးဆိုတဲ့စိတ်နဲ့ အမြဲခေါင်းငုံ့ခံလာတဲ့ဇနီး ၊ ဆယ်ကျော်သက်သမီး နဲ့ မူလတန်းကျောင်းသားလေးတို့ မိသားစု ဘုရားဖူးထွက်လာတဲ့ခရီးမှာ ဒေါသကြောင့်ပဲ ကားအက်ဆီးဒင့်ဖြစ်ပြီးဇနီးဖြစ်သူဆေးရုံရောက်သွားပါတော့တယ် ဇနီးရဲ့ အသက်လုပွဲအတွက်ဆေးရုံပြောင်းရချိန်မှာလည်း သူ့ဒေါသမာနကြောင့်နဲ့ လူနာတင်ကားရှာမရချိန်… သမီးဖြစ်သူရဲ့တောင်းပန်မှုကြောင့် သူစော်ကားခဲ့တဲ့ကားသမားရဲ့ သူငယ်ချင်းကပဲ ပွဲတော်ရက်မှာ မိသားစုကိုပစ်ပြီး ဆေးရုံကိုမောင်းပို့ပေးခဲ့ပါတယ် ဒေါသမာနကြီးတဲ့ လူကြီးတစ်ယောက်ဘဝအချိုးတစ်ကွေ့မှာ ပေးဆပ်မှုကြီးကြီးပေးလိုက်ရချိန် သူ့ဗီဇတွေရော ပြောင်းလဲလာမလား… ကိုယ်ချင်းစာနာစိတ်‌ဆိုတာဘယ်လောက်ထိတောင် စွမ်းအားကြီးသလဲဆိုတာကို ရှုစားရမှာဖြစ်ပါတယ် အညွှန်းနှင့်ဘာသာပြန်သူတွေကတော့ BpL ~ Alexia ~ Dee ~ KKKZ တို့ပဲဖြစ်ပါတယ်

The Accused (1988) ~ IMDb – 7.1/10, RT – 93%, Meta – 65% ~ “လူတစ်ဦးသည် အခြားသူအား ရာဇဝတ်မှုကျူးလွန်စေရန် ခိုင်းစေလျှင် တိုက်တွန်းလျှင် ခယပြောဆိုလျှင် သို့မဟုတ် တစ်နည်းနည်းဖြင့် ရာဇဝတ်မှုကျူးလွန်ရန် အားပေးအားမြောက်ပြုလျှင် ရာဇဝတ်အားပေးမှုမြောက်သည်” ဒါကတော့ ၁၉၈၄ ခုနှစ် အမေရိကန်မှာပြဋ္ဌာန်းခဲ့တဲ့ ရာဇဝတ်မှုထိန်းချုပ်ရေးဥပဒေရဲ့ ပုဒ်မ ၃၇၃ ပါ။ ဒီရုပ်ရှင်က ၁၉၈၃ ခုနှစ် ဘတ်ဖို့ မန်ဆာချူးဆက်မှာဖြစ်ပွားခဲ့တဲ့ အုပ်စုဖွဲ့ မုဒိမ်းကျင့်မှုအပေါ် တစ်စိတ်တစ်ပိုင်းအခြေခံထားတယ်။ တစ်နှစ်ကွာဟချက်ရှိနေပေမဲ့ သူတို့အနေနဲ့ ဒီဥပဒေကို ကျင့်သုံးခဲ့ပုံပါပဲ။ ဇာတ်လမ်းကတော့ ဆာရာဆိုတဲ့ကောင်မလေးကို ဘားတစ်ခုမှာ လူ ၃ ယောက်က အုပ်စုဖွဲ့မုဒိမ်းကျင့်ခဲ့တယ်။ အဲဒီလူ ၃ ယောက်ကို ညှိနှိုင်းပြီး ရမ်းကားမှုခေါင်းစဉ်နဲ့ နှစ်တိုထောင်ဒဏ်တွေပဲချမှတ်ခဲ့တယ်။ ဒါပေမဲ့ နစ်နာသူဘက်ကကော အစိုးရရှေ့နေဘက်ကပါ အဲဒီပြစ်ဒဏ်ကိုမကျေနပ်ခဲ့ဘူး။ သူတို့အမြင်အရ ဘေးက အားပေးခဲ့တဲ့ လူတွေမှာပါ အပြစ်ရှိတယ်လို့ ယူဆတဲ့အတွက် ပုဒ်မ ၃၇၃ ကိုင်ပြီး တရားစွဲဖို့ကြိုးပမ်းကြတယ်။ ရုပ်ရှင်ကိုကြည့်ရင်တော့ တရားရင်ဆိုင်ကြတာပဲ ဆိုပေမဲ့ ဒီတရားခွင်ဟာ လိင်ပိုင်းဆိုင်ရာ ရာဇဝတ်မှုတွေအပေါ် လူတွေရဲ့အမြင်ကို ပွင့်စေခဲ့တယ်။ မုဒိမ်းမှုအတွက် ဆာရာအနေနဲ့ အရက်သောက်ထားတယ်၊ အတိုင်ရှို့ထားတယ်၊ ဝတ်ဆင်ပုံရိုင်းတယ်။ အဲဒီအချက်တွေကိုကိုင်ပြီး တရားခံတွေဘက်က မိန်းကလေးဟာ မုဒိမ်းကျင့်ခံရဖို့ ဖိတ်ခေါ်နေသလိုဖြစ်ကြောင်း ဖိပြောပြီး မုဒိမ်းတရားခံတွေကို ရမ်းကားမှုနဲ့ပဲ ထောင်သက်တို ချမှတ်စေခဲ့တာပေါ့။ Victim Blaming လုပ်လိုက်တာပါပဲ။ သိပ်ကိုမတရားမှန်းသိသာနေတာကြောင့် ရှေ့နေမာဖီအနေနဲ့ ဘေးက ရပ်ကြည့်အားပေးခဲ့တဲ့လူတွေကိုပါ တရားစွဲဖို့ဖြစ်လာခဲ့တယ်။ ဒီတရားခွင်က အတော်စိတ်ဝင်စားဖို့ကောင်းပါတယ်။ ဒီလို ရာဇဝတ်အားပေးမှုမှာသာ နစ်နာသူဘက်ကနိုင်ရင် မုဒိမ်းမှုအစား ရမ်းကားမှုနဲ့ ထောင်ကျနေတဲ့ တရားခံ ၃ ယောက်ကပါ ထောင်ဒဏ်အပြည့်ကျခံရမယ်။ ဘေးကအားပေးတဲ့လူတွေလည်း ထိုက်သင့်တဲ့ထောင်ဒဏ်ကျခံရမယ်ပေါ့။ ဇာတ်လမ်းအရ ဖြစ်ရပ်မှန်ကို မှီငြမ်းထားတာဖြစ်တာကြောင့် Plot Twist တွေ ပါတယ်ဆိုရုံလောက်ပဲပါပါတယ်။ သူ့ရဲ့ အဓိကရည်ရွယ်ချက်က ပရိသတ်တွေကို ဟာခနဲ ဟင်ခနဲ ဖြစ်စေချင်တာမဟုတ်ဘဲ တရားဥပဒေကို ပိုနားလည်ကြဖို့နဲ့ လိင်ပိုင်းဆိုင်ရာပြစ်မှုတွေကဖြစ်လာတဲ့ နစ်နာသူဘက်က ခံစားချက်တွေကို နားလည်စေဖို့ ရည်ရွယ်ပါတယ်။ တရားဥပဒေရေးရာ ရုပ်ရှင်ဆိုပေမဲ့ ဥပဒေရေးရာ စကားရပ်တွေ ပြွတ်သိပ်သုံးထားတာမဟုတ်ဘဲ ဇာတ်လမ်းကို နောက်ဆုံးတရားခွင်အထိ စိတ်ဝင်စားစရာကောင်းအောင်ဆွဲခေါ်သွားနိုင်ပါတယ်။ အဖော်အချွတ်ပြကွက်တချို့နဲ့ ကြမ်းတမ်းတဲ့ဇာတ်ဝင်ခန်းတွေ ပါဝင်တာကြောင့် ကလေးသူငယ်များကြည့်ရှုရန်မသင့်တော်ပါဘူး။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size – 2.1GB, 975MB Quality – 1080p, 720p IMDb Rating – 7.1/10 Format – mp4 Duration – 1H 51Min Genre – Crime, Drama Subtitle – Myanmar Subtitle (Hardsub) Translated by Min Thant Bo Encoded by Y

Exiled (2006) ~ IMDb – 7.2/10, RT – 80%, Meta – 73% ~ Directed by “Johnnie To” ဂျွန်နီတိုရဲ့ ဒါရိုက်တာဘဝအစောပိုင်းမှာ ခုလို Crime Action ရုပ်ရှင်တွေကို စရိုက်ခဲ့တာတော့မဟုတ်ဘူး။ ကနဦးသူ့ရုပ်ရှင်တွေမှာ ဟာသနဲ့အက်ရှင်အရောကားတွေ ချောင်ကားတွေအထိ ရိုက်ခဲ့တယ်။ နောက်ကျ မှုခင်းအက်ရှင်ဘက် ပိုကူးလာတာတွေ့ရတယ်။ ဒါပေမဲ့ နှောင်းပိုင်းမှာတော့ Crime Action ကားတွေပဲ အရိုက်များလာခဲ့သလို အဲဒီကားတွေကလည်း သူ့မာစတာပိစ်ဖြစ်လာခဲ့တယ်။ ကနဦးအားဖြင့်တော့ သူက စတားတွေအသုံးများခဲ့တယ်။ ဒါပေမဲ့ သူ့တကယ့်မာစတာပိစ်ဆိုတာတွေကတော့ စတားတွေ မသုံးထားတာတွေပဲ။ သို့ပေမဲ့ သရုပ်ဆောင်ကောင်းတဲ့ သူသုံးနေကျလူတွေပါပဲ။ The Misson နောက်ပိုင်းကတည်းက ဒီလိုပုံစံမျိုးမှာ ဒီလူတွေကို သူခဏခဏသုံးလာခဲ့တယ်။ သူ့ကားတွေများပေမဲ့ ဒီလူတွေပါရင်ကို သူ့မာစတာပိစ်ကားလို့သတ်မှတ်လိုက်လို့ရတယ်။ Exiled (2006) ကလည်း ဂျွန်နီတို့ တစ်ချို့ရုပ်ရှင်တွေလိုမျိုး ရဲတွေဝင်မပါရဲတာကို ကောင်းကောင်းအသုံးချပြထားတဲ့ ဂျွန်နီတိုရုပ်ရှင်ပဲ။ ဒီဇာတ်အဖြစ်အပျက်တစ်ခုလုံးရဲ့ကြာချိန်ကို ဂိုဏ်းတွေပစ်ခတ်တဲ့ ကြားရောက်ရောက်လာတတ်တဲ့ ပင်စင်ယူတော့မယ့်ရဲအဘိုးကြီးကို သုံးပြီးပြသွားတယ်။ ဘယ်လိုပြလဲဆို‌တော့ သူတို့ပြဿနာစဖြစ်တဲ့အချိန်မှာ ရဲအဘိုးကြီးက သူပင်စင်ယူဖို့ ၃ရက်ပဲလိုတော့တယ် သူ့ဘာသာလေးနေပါရစေလို့ပြောတာကနေ စတယ်။ ဒီကနေ သူက ဂိုဏ်းတွေချပြီဆိုပေါ်လာတတ်တယ်။ သူပင်စင်ယူဖို့ ဘယ်နှနာရီပဲလိုတော့တယ် ထထအော်ပြီး လစ်လစ်သွားတယ်။ သူပင်စင်ယူမယ့်ညမှာ ဒီဇာတ်က ဆုံးသွားတယ်။ ဆိုတော့ အဖြစ်အပျက်တွေများပေမဲ့ ဒီဇာတ်က တကယ်တမ်း ၃ရက်ပဲ။ Exiled မှာ Anthony Wong, Francis Ng, Lam Suet, Nick Cheung, Richie Jen, Simon Yam တို့ပါထားတယ်။ ဒီလူတွေနဲ့ ဒီလိုကားတွေ လိုက်တယ်ဆိုတာ ထပ်ပြောဖို့မလိုလောက်တော့ဘူး။ Nick Cheung ရဲ့ ဇာတ်ကောင်က သူတို့ဘော့စ် Simon Yam ကို သတ်ဖို့ကြိုးစားခဲ့တယ်။ ဒီတော့ သူတို့ဘော့စ်က နစ်ရဲ့ဇာတ်ကောင်ကို သူ့လူတွေကို သတ်ခိုင်းတယ်။ သူ့လူတွေဆိုတာလည်း နစ်ရဲ့ ဘော်ဒါတွေချည်းပဲ။ ဒီတော့ သူတို့တွေ သတ်ဖို့သွားပေမဲ့ တကယ်တမ်းမသတ်ရက်ဘဲ အတူတူထွက်ပြေးကြဖို့ အကြောင်းဖန်လာတယ်။ ဒီမှာတစ်ခုရှိတာက ဒီအဖြစ်က ကိုရီးယားက ရိုက်တဲ့ Jang Dong-gun ပါတဲ့ Friend (2001) လို အဖြစ်မျိုးပဲ။ အဲဒီမှာတော့ ဘော်ဒါကိုသတ်လိုက်ပေမဲ့ ဒီမှာတော့ တော်တော်အားရစရာကောင်းတယ်။ နှစ်ခုယှဉ်ကြည့်လိုက်ရင် ဒီဇာတ်က တော်တော်အားရစရာကောင်းလိမ့်မယ်။ ဆိုခဲ့သလို သူတို့တွေ ပြေးဖို့ကြံရင်း ငွေရအောင် နောက်ဆုံးအလုပ်ကိုလုပ်ကြတယ်။ အဲဒီအလုပ်အဆင်မပြေသွားရာကနေ ဒီသုံးရက်အတွင်း ဘယ်လို ဂြိုဟ်တွေ ဝင်စီးလဲ ပြတယ်။ ဒါပဲ။ သူ့ထုံးစံအတိုင်း ဇာတ်အချိန်ကျဉ်းတယ်။ ကကျိုးကကြောင်အဖြစ်တွေလည်းပါတယ်။ ဂျွန်နီတိုအရသာအပြည့်ရတယ်။ ဒါမဲ့ တချို့အချက်တွေကြောင့် ဒီကားကို ဂျွန်နီတိုရဲ့အကောင်းဆုံးကားလို့ သတ်မှတ်ချင်မိတာမျိုးတော့ ရှိတယ်။ ဥပမာဆို နောက်ဆုံးပစ်ခန်း ပစ်ကြခတ်ကြတာတွေကို ကျွန်တော်တို့ကိုပြရင် အနည်းဆုံး ၅မိနစ်ဝန်းကျင်လောက်တော့ ကြည့်ရတယ်။ လူအုပ်လိုက်ကြီးပစ်ခတ်နေကြတာဆိုတော့ ထောင့်ပေါင်းစုံက ပတ်ပြနေတာကိုး။ ဒါပေမဲ့ ပစ်ခတ်ကြတဲ့အချိန်ဟာ ခဏလေးဆိုတာကို ကြည့်တဲ့သူ မြင်သာ‌အောင် ဂျွန်နီတိုက လှလှလေးပြသွားတယ်။ ဆိုင်မွန်ယန်းရဲ့ ဇာတ်ကောင် ဘော့စ်က ကျွဲရိုင်းဘူးကို ဝရန်တာက ပစ်ချပြီး သူ့လူတွေကို ပစ်ဖို့အချက်ပြတယ်။ ဘူးမကျခင် တစ်ကောင်က ဘူးကိုကန်ချလိုက်တယ်။ ပြီးတော့နောက်တစ်ကောင်ကကန်တယ်။ နောက်ဆုံးအန်သိုနီဝေါင်ထပ်ကန်လိုက်လို့ ဘူးလေထဲပြန်မြောက်သွားတဲ့အချိန်မှာ စပစ်ကြတယ်။ ပစ်တာခတ်တာကတော့ အကြာကြီးလိုလိုပဲ။ ဟိုကောင်ကပစ်တာပြလိုက် ဒီကောင်ကပစ်တာပြလိုက်နဲ့ပဲ။ အကုန်လည်းသေပြီးရော ဘူးက ကြမ်းပေါ်ပြုတ်ကျတာကိုပြတယ်။ တကယ်တမ်း သူတို့ပစ်နေကြတဲ့အချိန်က စက္ကန့်ပိုင်းပဲရှိခဲ့တာကို ဂျွန်နီတိုက ဇာတ်ထဲရှိနေပြီးသား အရာကိုပဲသုံးပြီး လှလှပပကို ပြသွားခဲ့တယ်။ Exiled (2006) ဟာ ကြည့်လို့တော်တော်အရသာရှိတဲ့ ဂျွန်နီတိုရုပ်ရှင်တွေထဲမှာတောင် ကြည့်လို့တော်တော်အရသာရှိနေတဲ့ ရုပ်ရှင်ပဲ။ ခုကြည့်ပြီး ခုနောက်တစ်ခေါက်ပြန်ကြည့်ချင်လောက်အောင်ကို ကြည့်ရ အရသာရှိလွန်းခဲ့ပါတယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2GB, 910MB Quality – 1080p, 720p IMDb Rating – 7.2/10 Format – mp4 Duration – 1H 50Min Genre – Action, Crime, Drama Subtitle – Myanmar Subtitle (Hardsub) Translated by WiRa Aung Encoded by Y

နက်ဖလစ်က အသစ်ထွက်တဲ့ စိတ္တဇ ဟော်ရာ သည်းထိပ်ရင်ဖိုကားပါ။ ဇာတ်လမ်းက စိတ်ဝင်စားဖို့ကောင်းပါတယ်။ စိတ္တဇလူသတ်သမားတစ်ယောက်ဟာ လူသူမနီးတဲ့ လမ်းပေါ်မှာ တစ်ယောက်တည်းဖြစ်နေတဲ့ မိန်းကလေး တစ်ယောက်ကို ဖမ်းပြီး သူ့ရဲ့အိမ်ကိုခေါ်သွားဖို့ ကြိုးစားပါတယ်။ အဲဒီမိန်းကလေးကို သူက အကြောသေဆေးတစ်မျိုး ထိုးပေးထားပြီး အဲဒီဆေးက အာနိသင်အပြည့်ပြဖို့ မိနစ် ၂၀ လိုပါတယ်။ အဲဒီမိနစ် ၂၀ အတွင်းမှာ သူ့လက်ကနေ ဘယ်လို လွတ်အောင်ပြေးရမလဲဆိုတာရယ် သူကရော အဲဒီသားကောင်ကို ပြန်ရဖို့ နည်းမျိုးစုံသုံးပြီး လိုက်ရှာပုံကို ပြထားတာပါ။ ဒီလိုအမျိုးအစားကြိုက်တတ်သူတွေအတွက် ရုပ်ရှင်ကောင်းပါပဲ။ File size…1.57GB / 781MB Quality…WEB-DL 1080p HEVC / 720p Format…mkv / mp4 Duration….1h 32m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Mr.Anderson

Aashiqui 2 (2013) IMDb Rating (7.1) ဘောလိ၀ုဒ်ပရိသတ်တွေကြားမှာမသိတဲ့သူ မရှိသလောက်ရှားမှာဖြစ်တဲ့ ဇာတ်ကားကောင်းတစ်ကားဖြစ်တဲ့ Aashiqui 2 ကိုပြန်ပြီးတင်ဆက်ပေးလိုက်ပါတယ်။ ဇာတ်လမ်းကတော့ အားလုံးသိထားတဲ့အတိုင်း Star is Born နှစ်ကားလုံးကိုအခြေခံထားတာဖြစ်ပါတယ်။ အစောပိုင်းတုန်းကတော့ တက်သစ်စတွေ ခေါင်းဆောင်ထားတဲ့ ဇာတ်ကားဖြစ်တဲ့အတွက် မူရင်းဇာတ်ကားကိုမမှီမှာပူပန်မှုတွေရှိခဲ့ပေမယ့် ဇာတ်ကားထွက်လာချိန်မှာတော့ အဲ့ဒီစိုးရိမ်မှုတွေ သံသယတွေကိုချေဖျက်ခဲ့ပြီး ၂၀၁၃ ရဲ့ဝင်ငွေအကောင်းဆုံးဇာတ်ကားတစ်ကားဖြစ်ခဲ့တဲ့အပြင် Aditya Roy Kapur နဲ့ Shraddha Kapoor တို့ကိုလည်း ကောင်းကောင်းအသိအမှတ်ပြုမှုရစေခဲ့တဲ့ဇာတ်ကားဖြစ်လာခဲ့ပါတယ်။ ဇာတ်လမ်းကတော့ အရက်စွဲပြီးပြဿနာပေါင်းစုနဲ့နာမည်ကျစပြုနေတဲ့ ရာဟူးဆိုတဲ့ တစ်ချိန်ကဒိတ်ဒိတ်ကြဲအဆိုတော်တစ်ယောက်၊ နယ်မြို့လေးတစ်မြို့မှာရှိုးပွဲသွားဆိုရင်း အဲ့ဒီမြို့က ခပ်နုပ်နုပ်ဘားတစ်ခုမှာ သီချင်းဆိုနေတဲ့ အာရိုနီဆိုတဲ့ ကောင်မလေးကိုအမှတ်မထင်တွေ့ပြီး စွဲလန်းသွားခဲ့မိပါတယ်။အစပိုင်းမှာ သူစွဲလန်းမိတာ လူကိုလား အနုပညာကိုလား မဝေခွဲတတ်ခဲ့ပေမယ့် အဲ့ဒီစွဲလန်းစိတ်နဲ့ပဲ ကောင်မလေးကိုမြို့ပေါ်ခေါ်သွားပြီးမြေတောင်မြှောက်ပေးဖို့စဉ်းစားခဲ့ပါတယ်။ တစ်ဖြည်းဖြည်းအတူနေရင်း သံယောဇဉ်တွေ ရင့်သန်လာကြရင်းနဲ့ ရာဟူးနဲ့ အာရိုနီရဲ့ ဘ၀အနိမ့်အမြင့်အတက်အကျတွေ ပတ်ဝန်းကျင်ရဲ့ရိုက်ခတ်မှုတွေနဲ့ ရာဟူးရဲ့စွဲလန်းမှုပြဿနာတွေကြားက သူတို့ရဲ့ဇာတ်လမ်းကိုရှုစားကြရမှာပါ။ ဒီကားကဇာတ်လမ်းပေါက်ခဲ့သလို သီချင်းတွေလည်းအကုန်ပေါက်ခဲ့တဲ့ကားပါ။ ဇာတ်ကားမကြည့်ဖူးတဲ့ သူတွေတောင်သီချင်းတွေကိုတော့ နားစွဲနေမှာဖြစ်တဲ့အတွက် မကြာမှီလာမည်ဆိုတဲ့ Aashiqui 3 မလာခင်လေးမှာ အရင်ကားလေးကိုခဏလောက်ပြန်နွှေးထားကြရအောင်ပါ။ (ရုပ်ရှင်အညွှန်းနဲ့ဘာသာပြန်ကို Alias မှ တင်ဆက်ထားပါတယ်။)

A Real Job (2024) IMDb Rating (6.6) ဒီဇာတ်ကားလေးက ဒီနေ့ခေတ် ကျောင်းဆရာ၊ဆရာမတွေရဲ့ လူမှုဘဝမှာ ကြုံတွေ့ရတဲ့ စိန်ခေါ်တွေ အခက်အခဲတွေကို ရိုက်ပြထားတာပဲဖြစ်ပါတယ်။ ဇာတ်လမ်းထဲမှာတော့ ဘန်ဂျမင်ဆိုတဲ့ Ph.D ဘွဲရထားတဲ့ကျောင်းသားလေးက ပိုက်ဆံအခက်အခဲဖြစ်နေတာကြောင့် အလယ်တန်းပြ ဆရာအသစ်အဖြစ်နဲ့ ကျောင်းတစ်ကျောင်းကို ရောက်လာခဲ့ပါတယ်။ ဇာတ်လမ်းထဲမှာ ကျောင်းသားနဲ့ ဆရာ၊ဆရာမတွေရဲ့ နေ့စဉ်ဘဝ၊ တိုးတက်မှုဆိုင်ရာ ကြိုးပမ်းမှုတွေနဲ့ ကိုယ့်တက်လမ်းကိုရှာနေတဲ့ ဆရာ၊ဆရာမတွေအကြောင်း အထူးအလေးပေးပြီးရိုက်ထားတာပါ။ ဘန်ဂျမင်တစ်ယောက် ကျောင်းဆရာ ဖြစ်ရတာ ဘယ်လောက်ခက်ခဲကြောင်းနဲ့ ပြဿနာတွေကိုဘယ်လို ကိုင်တွယ်မလဲဆိုတာ သဘာဝကျလှတဲ့ သရုပ်ဆောင်မှုတွေနဲ့ အတည်းအဖြတ်မှန်တဲ့ နောက်ခံသီချင်းလေးတွေကြားမှာမျှောပါရင်း ကြည့်ရှုခံစားရမှာပဲ ဖြစ်ပါတယ်။ (အညွှန်းနဲ့ဘာသာပြန်ကတော့ KarmT ပဲဖြစ်ပါတယ်) File size… (1.7 GB) / (910 MB) Quality….Blu-Ray 1080p HEVC / 720p Format…. mkv/mp4 Genre….Comedy, Drama Duration….01:41:39 Subtitle….Myanmar Subtitle (Hardsub) Encoder….Benjamin Translated by KarmT

Shambhala (2024) ***************** IMDb RATING 7.2 ရရှိထားတဲ့ ကားလေးတစ်ကား တင်ဆက်ပေးချင်ပါတယ် ။ အိမ်ထောင်တစ်ခုမှာ တစ်ယောက်အပေါ်တစ်ယောက် ယုံကြည်မှုက အရေးအကြီးဆုံးဆိုတဲ့ စကားကို အတော်များများကြားဖူးကြမှာပါ။ အခုဇာတ်လမ်းလေးမှာတော့ ဒီစကားလေးရဲ့ အနက်အဓိပ္ပါယ်ကို သိရှိနိုင်မှာဖြစ်ပါတယ်။ ပယ်မာဆိုတဲ့ ကောင်မလေးက သူ့ယောက်ျားနဲ့ လက်ထပ်ပြီးမကြာခင်မှာပဲ သူ့ယောက်ျားက ကုန်သွယ်ဖို့ လနဲ့ချီခရီးသွားရဖို့ ဖြစ်လာပါတယ်။ သူမကလည်း သူ့ယောက်ျားပြန်အလာကို အိမ်မှာပဲ စောင့်ဆိုင်းနေရင်းကနေ ကုန်သည်တွေအားလုံး ပြန်လာတဲ့အချိန်မှာ သူ့ယောက်ျားပါမလာတာကို ‌သိလိုက်ရပြီး သူ့ယောက်ျားကို လိုက်ရှာဖို့အတွက် ကိုယ်ဝန်ကြီးနဲ့ တိဗက်ဒေသတစ်ခွင် ခရီးစတင်ခဲ့ပါတယ်။ သူ့ရဲ့ ‌မတ်ဖြစ်တဲ့ ကာမာဆိုတဲ့ ဘုန်းကြီးကလည်း သူမကိုစောင့်ရှောက်ဖို့ လိုက်ပါလာခဲ့ပါတယ်။ သူ့စကားကိုမယုံကြည်ဘဲ ဘေးစကားကိုယုံကြည်ပြီး ထွက်သွားခဲ့တဲ့ သူ့ယောက်ျားကိုရော ပယ်မာ ပြန်ရှာတွေ့သွားမလား…. ရှာတွေ့သွားရင်ရော ပယ်မာဘယ်လိုဆုံးဖြတ်မလဲ….ဆိုတာကို ကြည့်ရှုလိုက်ပါဦးနော် .. (အညွှန်းကို Kim မှ ရေးသားထားပါတယ်) File size…2.12GB / 867MB Quality… WEB-DL 1080p/ 720p Format…mp4 Duration….2h 30m Genre ….. Drama Subtitle….Myanmar Subtitle (Hard Sub) Translated by Kim Encoded by AHtet

Womb(2025) ဟာဆိုရင် လက်ရှိဘဝနဲ့နီးစပ်တဲ့ အဖြစ်အပျက်တွေကို စိတ်ခြောက်ခြားဖွယ်ဖြစ်အောင် ရိုက်ကူးထားတဲ့ horror/thriller ရုပ်ရှင်ကားပဲ ဖြစ်ပါတယ်။ Jumpscare တွေမပါပဲ ဇာတ်အိမ်နှေးနှေးကနေစပြီး တဖြည်းဖြည်း စိတ်မသက်သာဖြစ်အောင် ရိုက်ကူးထားတဲ့ ဇာတ်ကားမို thriller ရုပ်ရှင်ချစ်သမားတွေအတွက် အကြိုက်ဖြစ်စေမှာသေချာပါတယ်။ ဟေလီ ဆိုတဲ့ကောင်မလေးက အရင်ကဆေးစွဲခဲ့ပေမယ့် ကိုယ်ဝန်ရပြီးနောက် ဆေးဖြတ်ပြီး ဘဝကိုပိုကောင်းအောင် နေထိုင်ဖိုကြိုးစားနေတဲ့မိခင်လောင်းတယောက်ဖြစ်ပါတယ်။ သူနဲ့သူ့အမျိုးသားလောင်း ရေမွန်က ရေမွန့်အစ်မနဲ့တွေ့ဖို မြိုစွန်က အမဲလိုက်အိမ်တခုကို အနားယူခရီးထွက်လာခဲ့ ကြပါတယ်။ ဒီလိုနဲ့ ဟေလီဟာ ကိုယ်ဝန်ဆောင်သည်တွေကိုသတ်ဖြတ်ပြီး ဗိုက်ထဲကသန္ဓေသားလောင်းကိုလုယူတတ်တဲ့ သားအိမ် အကြမ်းဖက်သမားတယောက်ရဲ့ ပစ်မှတ်ဖြစ်လာခဲ့ပါ တော့တယ်။ မိခင်စိတ်ဟာ လူတွေကို ဘယ်လိုအရာတွေအထိ တွန်းပိုပေးနိုင်သလဲ ဆိုတာထိမိအောင်ရိုက်ကူးထားတာကို ဒီဇာတ်ကားမှာ တွေ့မြင်ရမှာ ဖြစ်ပါတယ်။ ဒီစိတ္တဇ အကြမ်းဖက်သမားက ဘယ်သူလဲ….. ဘာကြောင့်ဒီလိုလုပ်နေရတာလဲ….. ဟေလီတယောက်ရော သူ့ကလေးလေးနဲ့အတူ လွတ်မြောက် သွားနိုင်မလား ဆိုတာကို တူတူစောင့်ကြည့်လိုက်ကြရအောင်…။ File size… (1.41GB) / (829MB) Quality… WEB-DL 1080p HEVC /720p Format…mkv / mp4 Duration….1h 26m Genre …..Horror , Thriller Subtitle….Myanmar Subtitle (Hard Sub) Encoder….Min Wai Translated by Shinki