YoteShin Drive is below this article. Scroll down to view.

The Redmi Pad will be announced on October 4

Author: Anonymous Published on: 12 Aug 2022

Xiaomi will announce a 12T series with the 200MP camera on October 4, and the company has now confirmed that the new tablet is called the Redmi Pad. 𝑻𝒉𝒆 𝑹𝒊𝒈𝒉𝒕 𝑹𝒊𝒈𝒉𝒕 𝑪𝒉𝒐𝒊𝒄𝒆 𝑪𝒉𝒐𝒊𝒄𝒆 𝑪𝒉𝒐𝒊𝒄𝒆 𝑪𝒉𝒐𝒊𝒄𝒆 for entertainment, gaming, e-learning, and browsing is here. 🤩the #redmipad is launching on the 4th of October, 12 pm! Stay tuned: https://t.co/3wa6eqk0um Tell us in Comments Below What You Would Use #redmipad! pic.twitter.com/z5sgr48szy & mdash; Redmi India (@redmiindia) September 29, 2022 The Redmi Pad is the entertainment, Games, Gain for e-learning and browsing and the company will produce green. The 8MP camera will be equipped on the back. The brown model will be released under the photo displayed on Xiaomi's official website. Xiaomi has not said anything to the specs of the Redmi Pad, but it will be included in HELO G99 Soc, Android 12-based MIUI to select 4GB of RAM and 128GB storage. The Redmi Pad will feature a 10.61-inch 90hz LCD 2000 & # 215; The 8,000 pixel battery and 18w Charging. The 22.5W adapter will be included in the container. The tablet will also include Dolby ATMOS Certificate Specifices and will feature an 8MP camera on the east. Graphite Gray, Moonlight Silver and Mint Green colors will be made. This is the specs of the WiFi model, which is different in the 11.2-inch display. 7,800mAh batteries are reported. It is not yet known whether the model will be announced on the 4th of this month. Ref: GSMARNA

YoteShin Drive

Sign in using google and save to your drive

I Think We're Alone Now 2018 WED-DL AAC5.1 1080p [CM].mp4

1.24 GB N/A video/mp4 274 downloads

Save this file to your google drive account to download

Channel Myanmar တွင် ယခင်ကတင်ပေးထားသော ဖရီးဇာတ်ကားများအား ဒေါင်းလုတ် Link များ မပျက်သွားစေရန်နှင့် ပြန်လည်ရှာဖွေကြည့်ရှုနိုင်ရန် အောက်တွင်ပြန်လည်စုစည်းပေးထားပါသည်။
နောက်ပိုင်းဆက်လက်၍အသစ်ထပ်တင်ထားသော ဇာတ်ကားများအား HomieTV.com တွင် သွားရောက်၍ ဆက်လက်ကြည့်ရှုနိုင်ပါသည်။
ယခင်ဇာတ်ကားဟောင်းများ
Hellblazers
4.9

ဂျိုးအန်ဒါဆင်ဆိုတဲ့ နယူးယော့ခ်သား ရဲတစ်ယောက်ဟာ ရဲမှူးရာထူးနဲ့ ဟုပ်ဗေလီဆိုတဲ့ မြို့ငယ်လေးဆီကို ပြောင်းရွှေ့လာခဲ့ပါတယ်ဗျ။ ဟုပ်ဗေလီဟာဆိုရင် ရာဇဝတ်မှုကြီးကြီးမားမားမရှိတတ်တဲ့၊ အေးချမ်းတဲ့ မြို့ငယ်လေးပဲဖြစ်ပါတယ်။ တစ်နေ့မှာတော့ အဲ့ဒီဘာမှ ထူးထူးခြားခြားမရှိတတ်တဲ့ အဲ့ဒီမြို့လေးရဲ့ ရဲစခန်းကို ဘေလ်ဆိုတဲ့ ရူးကြောင်ကြောင်အဘိုးကြီးရောက်လာပြီး သူ့ခြံထဲမှာ အဝါရောင် ခြုံထည်တွေဝတ်၊ မျက်နှာတွေအုပ်ထားတဲ့ လူတစ်စုက ဂါထာမန္တာန်တွေရွတ်ကာ ငရဲတွင်းပေါက်ဖွင့်ပြီး နတ်ဆိုးတစ်ကောင်ကို ဆင့်ခေါ်ကြတယ်လို့ တိုင်ချက်ဖွင့်လာခဲ့ပါတယ်ဗျ။ အဲ့ဒီအချိန်ကနေစပြီး ငြိမ်သက်နေတဲ့မြို့လေးမှာ ထူးခြားတာတွေ တစ်ခုပြီးတစ်ခု ဖြစ်လာပါတော့တယ်။ ဒီ Hellblazers ဆိုတဲ့ရုပ်ရှင်လေးဟာဆိုရင် Jump scares ခပ်ပါးပါးတချို့နဲ့ ဇာတ်လမ်းကို စိတ်ဝင်စားအောင်ဆွဲခေါ်ထားပြီး အချိန်ပေးရတာတန်တဲ့ရုပ်ရှင်လေးပဲဖြစ်ပါတယ်ဗျ...။ File size…1.3GB  / 581MB  Quality…1080p AMZ WEB DL  / 720p Format…mp4 Duration….1h 24m Subtitle….Myanmar Subtitle (Hard Sub) Encoder….YK Translated by Zwe Yan Naing

Comedy • Romance
4.9 2022 84 mins
Hellblazers
Double Impact
6.1

ဟောင်ကောင်ဆို ဂျက်လီ ဂျက်ကီချမ်း၊ အနောက်ကဆို ဗန်ဒိန်းတို အာနိုးတိုဟာ ငယ်ငယ်က အက်ရှင်ကားတွေပရိသတ်တွေတိုင်း အသည်းစွဲလူတွေပါပဲ။ ဗန်ဒိန်းဟာလည်း သူ့ခေတ်သူ့အခါကတော့ မသိသူမရှိလောက်အောင် နာမည်ကျော်တဲ့သူပါပဲ။ သူ့ဇာတ်လမ်းတွေဟာ နည်းနည်း ရုပ်ရှင်ကောင်းတွေအများကြီးကြည့်ဖူးပြီးတဲ့သူတွေအတွက် နည်းနည်းအရသာပေါ့ကောင်းပေါ့ ပေါ့နိုင်ပေမဲ့ အက်ရှင်ခန်းတွေကတော့ ကိုယ်ခံပညာတကယ်တတ်တဲ့ ဗန်ဒိန်းကိုယ်တိုင် သရုပ်ဆောင်ထားတာဆိုတော့ ပြောင်မြောက်ပါတယ်။ ဇာတ်လမ်းက နည်းနည်းတော့ တက်သုက်ရိုက်ဆန်ပေမဲ့ ငယ်ဘဝကို အမှတ်ရချင်တဲ့သူတွေအတွက်တော့ အလွမ်းပြေကြည့်လိုကောင်းမယ့် ဇာတ်လမ်းဖြစ်မှာပါ။ ဒီဇာတ်လမ်းမှာတော့ ဗန်ဒိန်းက နှစ်ကိုယ်ခွဲသရုပ်ဆောင်ထားပါတယ်။ ဇာတ်ကောင်၂ကောင်ဟာ အပျော့နဲ့အမာ ယင်နဲ့ယန် အပူနဲ့အအေးလိုဖြစ်နေပေမဲ့ ဗန်ဒိန်းဟာ အစွမ်းကုန် ကြိုးစားသရုပ်ဆောင်ပေးခဲ့ပါတယ်။ ဟောင်ကောင်မှာ တူးမြောင်းလုပ်ငန်းတစ်ခုလုပ်နေတဲ့ စီးပွားရေးလုပ်ငန်းရှင်တစ်ယောက်ပိုင်တဲ့ ပိုင်ဆိုင်မှုတွေကိုလိုချင်တဲ့ သူ့ပါတနာဟာ ဟောင်ကောင်က ဂိုဏ်းတစ်ဂိုဏ်းရဲ့ အကူအညီကိုယူပြီး လုပ်ငန်းရှင်ကိုရော သူ့မိသားစုကိုပါ သတ်ဖိုစီစဉ်ခဲ့တယ်။ ကံကောင်းထောက်မစွာနဲ့ သူ့အမွှာသားလေး၂ယောက်ဟာ မသေဘဲလွတ်သွားခဲ့ပါတယ်။ ၂၅နှစ်ကြာပြီးတဲ့နောက် ညီအစ်ကို နှစ်ယောက်ပြန်ဆုံတွေ့ပြီး သူတိုအဖေအတွက် လက်စားချေဖို ကြိုးစားကြတဲ့အခါမှာတော့... ( ဘာသာပြန်ပြီး အညွှန်းရေးသားထားသူကတော့ W ပါ ) File Size__(2GB) / (1GB) Quality__BluRay_1080p, 720p IMDb Rating__5.6/10 Format__mp4 Duration__01:50:00 Type__Action , Crime Subtitle__Myanmar Subtitle (Hardsub) Translated by Encoded by Naing Aung Latt

Drama • History • War
6.1 1991 110 mins
Double Impact
The Murderer
8

The Murderer (2023) နာမည်ကျော် ထိုင်းဟာသမင်းသားကြီး Phetthai Vongkumlao ပါဝင်ထားတဲ့ ဟာသကားအသစ်ထွက်လာပါပြီ။ မင်းသမီးကတော့ Bad Genius ထဲက ဂရေ့စ်အဖြစ် သရုပ်ဆောင်ဖူးတဲ့ Eisaya Hosuwan ပါပဲ။ ဇာတ်လမ်းအကျဉ်း ထိုင်းနိုင်ငံတစ်နေရာက လယ်တောအိမ်လေးတစ်ခုထဲမှာ ၇ လောင်းပြိုင်လူသတ်မှုကြီး ဖြစ်ပွားခဲ့ပါတယ်။ အဲဒီအတွက် သံသယတရားခံကတော့ အဲလ်လို့ခေါ်တဲ့ ဗြိတိန်သားတစ်ယောက်ပါပဲ။ သူဟာ သေသွားတဲ့မိသားစုရဲ့ သမီး ဆိုင် နဲ့ လက်ထပ်ထားတာဖြစ်ပြီး ယောက္ခမတွေအိမ်မှာ ညလာအိပ်တဲ့ညမှာ ပြဿနာတွေရှုပ်ကုန်တာဖြစ်ပါတယ်။ အသတ်ခံရတဲ့ သူ ၇ ယောက်ကလည်း သေပုံသေနည်းတစ်မျိုးစီဖြစ်နေပြီး ဇာတ်လမ်းကိုယ်စီရှိနေပြန်ပါတယ်။ အသက်ရှင်ကျန်ခဲ့တဲ့ အဲလ် နဲ့ ဆိုင်၊ သူတို့ရဲ့ တူမလေး ဇွန် တို့ကို စခန်းမှူးက စစ်ဆေးရင်း သူတို့တစ်ယောက်တစ်ပေါက်ပြောပြတာတွေကနေ တရားခံအစစ်ကို ဘယ်လိုဖော်ထုတ်မလဲဆိုတာ ကြည့်ရမှာပါပဲ။ အညွှန်း နဲ့ ဘာသာပြန်ကတော့ Mr.Anderson ပဲ ဖြစ်ပါတယ်။

Drama
8 2023 120 mins
The Murderer
Wicked City
6.7

(အသက်မပြည့်သေးသူများ လုံး၀ မကြည့်သင့်ပါ) IMDb 6.7/10 1987ထွက်တာဆိုတော့ မင်မင်တို့တောင်မမွေးသေးဘူးဗျ ဒါပေမယ့် old but gold ထဲမှာပါတဲ့ကားတွန်းပါ သိသလောက်တော့ Novel ခြောက်အုပ်ထွက်တဲ့ထဲက ပထမဆုံးအုပ်ကို anime movieထုတ်တာလို့ပြောတာပဲ တခုတော့ရှိတယ် မုဒိန်းကျင့်တဲ့အခန်းတို့ ဘုတဲ့အခန်းတို့မဟားဒယားများပါတယ် ပြီးတော့ Hentaiမဖြစ်ရုံတမယ် တကယ်ကိုကွက်ကွက်ကွင်းကွင်းပြတာတွေပါလို့ မိသားစုနဲ့ယောင်လို့တောင်မကြည့်မိပါစေနဲ့ နားရင်းအုပ်ခံရပါလိမ့်မယ် ငယ်ရွယ်သူများ တကယ်ကိုကြည့်ဖို့မသင့်ပါ ဇာတ်လမ်းအကျဥ်း ကမ္ဘာနှင့် မိစ္ဆာကမ္ဘာကြား စစ်ပွဲကို တားဆီးရန် ငြိမ်းချမ်းရေးသ​ဘောတူညီမှုယူထားတာဟာ နှစ်​ပေါင်းရာနှင့်ချီ၍ အသက်ဝင်ခဲ့ပြီး သ​ဘောတူညီမှုကို သက်တမ်းတိုးရန် သတ်မှတ်ထားသော်လည်း မကောင်းသော အင်အားစုများက ​ အနှောက်အယှက်​တွေ ​ပေးလာခဲ့ပါတယ်။ မိစ္ဆာအကိုက်ခံရသော လူသား Taki Renzaburo (Greg Snegoff) နှင့် Sexy demon Makie (Alexandra Kenworthy) တို့ဟာ ငြိမ်းချမ်း​ရေးကိုပျက်ပြား​စေတဲ့အ​ဖျက်အ​မှောင့်​တွေနဲ့ပတ်သတ်လာချိန်မှာ​တော့.....

Thriller
6.7 1987 82 mins
Wicked City
Rockin’ on Heaven’s Door
7

Rockin’ on Heaven’s Door(2013) ***************************** Hong-ki Lee နဲ့ Ma Dong-seok တို့ အဓိကပါဝင်ထားတဲ့ဒီဇာတ်ကားဟာ တစ်ခါကြည့်ပြီး တစ်သက်မမေ့နိုင်ဖို့ ဒီတစ်ခေါက် CMပရိသတ်ကြီးအတွက် ထင်မထားရလောက်အောင် ရင်ထဲမှာစွဲကျန်ရစ်ခဲ့မယ့် “Rockin On Heaven’s Door”ဆိုတဲ့ ဒီဇာတ်လမ်းလေးနဲ့ မိတ်ဆက်ပေးချင်ပါတယ် ဇာတ်လမ်းကိုတော့ ထင်ရာဆိုင်းတတ်တဲ့ ခပ်ဆိုးဆိုးအိုင်ဒေါအနုပညာရှင်လေး ချွန်အွီနဲ့ အစချီထားပါတယ် တစ်နေ့ ချွန်အွီတစ်ယောက် ကလပ်မှာပြဿနာရှာမိပြီး စေတနာ့ဝန်ထမ်းအဖြစ်နဲ့ အပြစ်ပြန်ဆပ်ရဖို့ အကြောင်းဖန်လာပါတယ် ချွန်အွီလုပ်ပေးရမယ့်နေရာကတော့ နယ်မြို့လေးတစ်ခုက “ဒုံးဟျွန်း”ဆိုတဲ့ဆေးရုံတစ်ခုမှာပေါ့ ဆေးရုံကို မုန်းပါတယ်ဆိုတဲ့ ချွန်အွီအတွက် အဲဒီဆေးရုံက လူတွေကလည်း ထူးဆန်းနေပြန်ပါတယ် နောက်ဆုံးထွက်သက်ရောက်တော့မယ့် လူနာအဘွားအိုကို အသက်ရှူစက်တပ်မပေးတာမျိုး… လူနာတွေကို ဆေးလိပ်သောက်ခွင့်ပေးတာမျိုး ကလပ်သွားခွင့်ပေးတာမျိုး.. စသည်ဖြင့်ပေါ့ အဲဒီလိုဆေးရုံက လုပ်ရပ်တွေကို သဘောမကျလို့ ချွန်အွီ ထွက်ခဲ့မယ်လို့ကြံမယ့်နေ့မှာပဲ .. နောက်ကွယ်ကအကြောင်းအရာတွေကို အန်နာဆိုတဲ့ စေတနာ့ဝန်ထမ်းကောင်မလေးပြောလို့ ချွန်အွီသိသွားခဲ့တဲ့အခါ… File Size :(1.9GB)&(685MB) Quality : Blu-Ray 1080P5.1Ch,720P Format :mp4 Duration : 01:39:00 Genre : Comedy , Drama Subtitle : Myanmar Subtitle (Hard Sub) Translated by Khine Khine Wai Encoded by Phyo Pyae

7 2013 99 mins
Rockin’ on Heaven’s Door
[21+] Barbara Broadcast
6.5

Barbara ရဲ့ နာမည်သတင်းနဲ့ ရုပ်ရည်ရူပကာကျော်ကြားမှုက အံ့ဩစရာကောင်းလောက်အောင်ပါပဲ သူမရဲ့ အဓိက အလုပ်က စာရေးဆရာဖြစ်တယ် ဒါပေမဲ့ အမျိုးသားထုကြီးကတော့ သူ့ကို အပြာမော်ဒယ်လို့ပဲသိတယ် သူက အပြာလောကမှာ ပိုပြီး နာမည်ကြီးပါတယ် တစ်နေ့ စားသောက်ဆိုင်တစ်ခုမှာ အင်တာဗျူးလုပ်ပါတယ် ဆိုင်မှာရတဲ့ မန်နျူးတွေက DS Fans တွေအကြိုက်ပါပဲ Public မှာ ပေါ်တင်ကြီးတွေ ဆင်ဆာမပါဘွင်းဘွင်းရှင်းရှင်းကြီးတွေ ဖြစ်လို့ မိသားစုနှင့် အတူကြည့်ဖို့ မသင့်တော်ပါဘူး

6.5 1977
[21+] Barbara Broadcast
The Road Dog

တစ်ရက်မှာ လက်တန်းပြက်လုံးပြက်ရင်းလူရွှင်တော်အလုပ်နဲ့ အသက်မွေးတဲ့ ဂျင်မီကွင်းဆိုတဲ့အဖိုးကြီးတစ်ယောက်ဆီကို သူဘယ်တုန်းကမှမသိခဲ့တဲ့ သူ့ရဲ့သားဖြစ်သူ ဒေးဗစ်မိုရွန်တိုရောက်ရှိလာတဲ့နောက်မှာတော့ လူရွှင်‌တော်အရက်သမားကြီး ဂျင်မီကွင်းရဲ့ဘ၀ဟာ တစ်ဆစ်ချိုးပြောင်းလဲဖို့အရေးနဲ့ကြုံတွေ့လာရပါတော့တယ်။ အဖေ့သွေးပါတဲ့ သားဖြစ်သူဒေးဗစ်ဟာလည်း လူရွှင်‌‌တော်လုပ်ရတာကိုဝါသနာပါသူဖြစ်ပြီးလူရွှင်တော်အလုပ်နဲ့အသက်မွေးဖို့ ဆေး‌ကျောင်းကနေထွက်လာပြီး နယူးယော့ခ်မြို့ကိုအသွားမှာ တစ်သက်လုံးမတွေ့ဖူးခဲ့တဲ့ အဖေဖြစ်သူဂျင်မီကွင်းရဲ့လိပ်စာကိုရအောင်စုံစမ်းပြီး သူ့အခန်းရှေ့ကိုရောက်ချလာခဲ့တာပါ။ ဒီလိုနဲ့ ဒေးဗစ်တစ်ယောက် ကားတစ်စီးနဲ့ အဖေဖြစ်သူရဲ့ လူရွှင်တော်အလုပ်လုပ်တဲ့နေရာတွေကိုလိုက်ပို့ပေးရင် အဖေ့ဆီကဟာသပြက်လုံးတွေကိုသင်ယူရင်းကနေ ခရီးတလျှောက် ဂျင်မီကွင်းဟာလည်း တစ်သက်လုံး တွေ့‌ဆုံဖို့ရာ ငြင်းဆန်ခဲ့တဲ့ဆွေမျိုးတွေ၊အသိ‌တွေကို သားဖြစ်သူမျက်နှာကြောင့် ပြန်လည်ဆုံတွေ့ရဖို့ကြုံလာရတဲ့အခါမှာတော့… အရက်သမားကြီးဂျင်မီကွင်းအနေနဲ့ နောက်ဆုံးမှာအရက်ပြတ်သွားမလား၊ သူ့ဘ၀ရဲ့အရေးပါခဲ့တဲ့ ဘယ်လိုလူတွေနဲ့ ပြန်ဆုံတွေ့ရမလဲဆိုတာကို ဟာသနဲ့ဒရာမာကို ရောစပ်ရိုက်ကူးထားတဲ့ ဒရာမာရုပ်ရှင်တစ်ကားပဲဖြစ်ပါတယ်။ File size…(1.7 GB)/(827 MB) Quality….Webrip 1080p / 720p Format…mp4 Duration….01:45:00 Genre…Drama, Comedy Subtitle….Myanmar Subtitle (Hardsub) Encoder….Mr. Anderson Translated by Steven Khant

0 2023
The Road Dog
More than Blue
6.1

ဒီဇာတ်ကားလေးကြည့်မယ်ဆိုရင်အရင်ဆုံးမျက်ရည်ခိုင်စေချင်မိပါတယ် ရှယ်ငိုရမယ့်ကားပါ အရင်ဆုံးအကြမ်းမျဉ်းအနေနဲ့ပြောရမယ်ဆိုရင် ဒီဇာတ်ကားဟာ 2009 ခုနှစ်မှာ ထွက်ရှိပြီးအရမ်းအောင်မြင်ခဲ့တဲ့ ကိုရီးယား ရုပ်ရှင် More Than Blue ရဲ့ Remake ကားလေးဖြစ်ပြီး same title အနေနဲ့ပဲပြန်လည်ထွက်ရှိလာပါတယ် Chinese Box Office မှာ တလဝန်းကျင်ကို ထိပ်ဆုံးကရပ်တည်ခဲ့ပြီး 153 million ဝင်ငွေရရှိထားတဲ့ဇာတ်ကားလေးပဲဖြစ်ပါတယ် ဇာတ်လမ်းအညွှန်းလေးကိုနည်းနည်းပေးလိုက်ရအောင် အလွမ်းအဆွေးသီချင်းတွေ နားထောင်ဖူးကြလား… ဒီဇာတ်လမ်းထဲမှာလည်း အဆိုတော်တစ်ယောက်က နာမည်မရှိတဲ့ အလွမ်းသီချင်းဟောင်းတစ်ပုဒ်ကို နားထောင်ရင်း ကြိုက်သွားပြီး ဒီသီချင်းကိုဆိုဖို့ တေးရေးဆရာနောက်ကိုလိုက်ရင် သီချင်းလေးထက် ပိုစိတ်ဝင်စားဖို့ကောင်းတဲ့ လူနှစ်ယောက်ရဲ့ ဇာတ်လမ်းလေးကို သိလိုက်ရတယ်… အဲ့လူနှစ်ယောက်က K နဲ့ Cream တဲ့ ၁၆ နှစ်အရွယ်မှာ မိသားစုနဲ့ သေကွဲကွဲရပြီး အထီးကျန်ခဲ့ရတဲ့ လူနှစ်ယောက်ပေါ့…. သူတို့နှစ်ယောက်အတွက် ၁၆ နှစ်အရွယ်ကစပြီး တစ်ယောက်အတွက် တစ်ယောက်က ရပ်တည်ပေးခဲ့ကြတယ်… မိသားစုလို့ခေါင်းစဉ်တပ်ရင်း ရင်ဘတ်ထဲက အချစ်တွေကို ထုတ်မပြောခဲ့ကြတဲ့သူတို့နှစိယောက်ကြားမှာ ဘယ်လို လွမ်းမောဖွယ်ရာ ဇာတ်လမ်းလေးတွေရှိတယ်ဆိုတာ ဇာတ်ကားလေးကြည့်ရင်းသိလာမှာပါ…

Horror • Mystery
6.1 2018 106 mins
More than Blue
Charlie Wilson’s War
7.1

“ကျုပ်မှာ အတော်ဆိုးတဲ့အိမ်နီးချင်းလူကြီးတစ်ယောက်ရှိခဲ့ဖူးတယ်.. မစ္စတာချားတဲ့…ဒီလူကြီးက အိမ်နီးချင်းတွေရဲ့ခွေးတွေ သူ့ပန်းခင်းကို လာနှောင့်ယှက်တာကိုမနှစ်မြို့ဘူး…တစ်နေ့တော့ လမ်းမှာ အော်သံတစ်ခုကြားလိုက်ရတယ်…ကျုပ်ရဲ့ခွေးဟာ သွေးတွေနဲ့မချိမခံမဆန့်ခံစားရင် လူးလှိမ်နေတယ်…မစ္စတာချားဆိုတဲ့သူက ခွေးစာနဲ့ဖန်ပုလင်းအကြေတွေနဲ့ရောကြိတ်ပြီးကျွေးလိုက်လို့ပါ…သွေးတွေအန်ရင်း ကျုပ်ခွေးသေသွားတယ်…” “အဲ့ဒီတော့ရှင်ဘာပြန်လုပ်လိုက်လဲ” “သူ့က ရွေးကောက်ခံအာဏာပိုင်ဗျ…မြို့ကောင်စီရဲ့ဥက္ကဌ..(၂)နှစ်ပြည့်တိုင်း ပြန်ရွေးခံရင်သူပဲပြန်ရမှာမြေကြီးလက်ခတ်မလွဲပဲ…ရွေးကောက်ပွဲရက်ကြတော့ တစ်ခါမှမဲမပေးဖူးသေးတဲ့ လူမဲတွေဆီကျုပ်ကားမောင်းသွားလိုက်တယ်…ကျုပ်အသက်(၁၃)နှစ်အရွယ်ပေါ့..လူမဲတွေကို မဲပေးမဲ့နေရာထိကားမောင်းပို့တယ်..မဲပေးပြီးရင်အိမ်ပြန်ပို့ပေးတယ်” “မဲပေးဖို့ကားထဲက မထွက်ခင်သူတို့ကိုပြောတာတော့ရှိတယ်..ခင်ဗျားတို့ဆန္ဒကိုချုပ်ချယ်တာတော့မဟုတ်ဘူး..မစ္စတာချားကတော့ ကျုပ်ခွေးကိုရက်ရက်စက်စက်သတ်ခဲ့တာကိုတော့ ခင်ဗျားတို့သိသင့်တယ်လို့အကုန်လုံးကိုပြောခဲ့တယ်…အဲ့ဒီမှာ မစ္စတာချားကြီး (၁၄)မဲနဲ့ရှုံးသွားတယ်…” ဒီစကားကိုပြောနေတဲ့သူကတော့ အမေရိကန်လွှတ်တော်အမတ် ချာလီဝီလ်ဆင်ပင်ဖြစ်သည်..သူက ရုံးမှာတောင်မိန်းမလှတွေချည်း ခန့်ထားသူ..အရက်ကို တစ်ဂွပ်ဂွပ်သောက်သည်..ရုံးချိန်တွင်းပါသောက်သည်..ပြောရရင်တစ်ချိန်လုံးသောက်နေတယ်လို့တောင်ပြောရမည်… ဇိမ်မယ်တွေနဲ့တောင်ပျော်ပါးတတ်တဲ့သူ..သို့ပေမယ့် သူဟာ အထက်ကပြောခဲ့သလိုပင် အဓိကပျော့ကွက်ဟာကွက်တွေကို ခလုတ်နှိပ်ရမှာ တစ်ဖက်ကမ်းခတ်ကျွမ်းကျင်တဲ့သူပင်…ဒါကြောင့်လည်း လွှတ်တော်အမတ်နေရာမှာ ဖင်မြဲနေတဲ့သူ… ဒီလိုနဲ့သူဟာ အာဖဂန်နစ္စတန်နဲ့ ရုရှားတို့ရဲ့ တို့ရဲ့စစ်ပွဲကိုမြင်တွေ့ပြီးတဲ့အချိန်မှာ ကူညီပေးလိုစိတ်ပေါ်လာတယ်… ဒါပေမယ့် အမေရိကန်က ဝင်ကူတာလို့ ရုရှားကို မသိစေလိုတဲ့အခါ၊ အမေရိကန် အစိုးရအဖွဲ့ဝင်တွေကလည်း အာဖဂန်နစ္စတန်တွေကို မယုံကြည်တဲ့အခါ ချာလီတစ်ယောက် နိုင်ငံရေး လှည့်ကွက်တွေသုံးပြီး မိမိလိုချင်တဲ့အကွက်ရအောင် ကြိုးစားရပါတော့မယ်။လွှတ်တော်အမတ်ချာလီဝီလ်ဆင်အဖြစ် ကျွန်တော်တို့ရဲ့ မင်းသားကြီး Tom Hanks က သရုပ်ဆောင်ထားပါတယ်…. ဖြစ်ရပ်မှန်ဇာတ်ကားကောင်းဖြစ်တဲ့အပြင် မင်းသားကြီး တွမ်ဟန့်ကိုယ်တိုင်သရုပ်ဆောင်ထားပြီး သူဘယ်လိုတွေ ခလုတ်နှိပ်မလဲဆိုတာတော့ ခံစားကြည့်လိုက်ဦးဗျို့…. ဇာတ်လမ်းအညွှန်းနဲ့ ဘာသာပြန်သူကတော့ Myo Khant Maung ပဲဖြစ်ပါတယ်…. File size…(2.3 GB)/(1.6 GB) Quality….Blu-Ray 1080p / 720p Format…mp4 Duration….01:42:00 Genre…Biography, Comedy, Drama Subtitle….Myanmar Subtitle (Hardsub) Encoder….Garfield Translated by Myo Khant Maung

7.1 2007 102 mins
Charlie Wilson’s War
Parasyte: Part 1
6.9

Parasyte ဟာ Iwaaki Hitoshi ရဲ့ ၁၉၈၈ခုနှစ်ကနေ ၁၉၉၅ခုနှစ်ထိ အခန်းဆက်ရေးသားခဲ့တဲ့ Sci-fi horror မန်ဂဇာတ်လမ်းတွဲဖြစ်ပြီး၊ ဇာတ်လမ်းရဲ့ ထူးခြားတဲ့တင်ပြပုံနဲ့ body horror ကို အသားပေးဖော်ပြမှုကြောင့်နာမည်ကြီးတဲ့ မန်ဂဇာတ်လမ်းတစ်ပုဒ်ဖြစ်ပါတယ်။ အင်္ဂလိပ်ဘာသာနဲ့ ထုတ်ဝေခဲ့မှုကြောင့် အမေရိက နဲ့ နိုင်ငံတကာမှာ အတော်လေးအောင်မြင်ခဲ့တဲ့ ဒီဇာတ်လမ်းတွဲဟာ ၂၀၁၄ခုနှစ်မှာတော့ ဇာတ်ခုံပေါ်တစ်ဖန်ပြန်တက်လာခဲ့ပါတယ်။ ၂၀၁၄ခုနှစ်မှာ TOHO ကနေ အပိုင်း၂ပိုင်းပါဝင်တဲ့ Live-action ရုပ်ရှင်ဇာတ်ကားအဖြစ် ရိုက်ကူးရုံတင်ဖို့ ကြေညာခဲ့ပြီး၊ ၂၀၁၄ ခုနှစ်ထဲမှာပဲ MADHOUSE စတူဒီယိုကနေ ရိုက်ကူးတဲ့ Anime ရုပ်သံဇာတ်လမ်းတွဲကို ထုတ်လွှင့်ပြသခဲ့ပါသေးတယ်။ အစကတော့ ၂၀၀၅ခုနှစ်ကတည်းက ဒီဇာတ်လမ်းကို ရုပ်ရှင်ဇာတ်ကားအဖြစ် အသက်သွင်းရိုက်ကူးဖို့ဝယ်ယူထားတာက ဟောလိဝုဒ်ရုပ်ရှင်လုပ်ငန်းတစ်ခုဖြစ်တဲ့ New Line Cinema ဖြစ်ပေမယ့် မရိုက်ဖြစ်လိုက်ရပဲ ၂၀၁၃ခုနှစ်ထဲမှာ သက်တမ်းကုန်သွားတဲ့အတွက် ကံကောင်းထောက်မစွာ အနောက်တိုင်းမှုပြုထားတဲ့(ညံ့မှာသေချာတဲ့)ဇာတ်ကားမထွက်ရှိလိုက်ပဲ အခုလို ဒါရိုက်တာ Yamazaki Takashi ရဲ့ Live-action ဇာတ်ကားအဖြစ် ကြည့်ရတာ ဖြစ်ပါတယ်။ Spoiler Alert…. Kiseijuu (ကပ်ပါးကောင်) လို့ အဓိပ္ပာယ်ရတဲ့ အမည်နဲ့လိုက်ဖက်စွာပဲ ဒီဇာတ်လမ်းရဲ့အဓိကလက်သည်တွေကတော့ ဘယ်ကနေဘယ်လိုရောက်ရှိလာမှန်းမသိတဲ့ အမျိုးအမည်မသိသတ္တဝါဆန်း ကပ်ပါးကောင်တွေပဲ ဖြစ်ပါတယ်။ သဘာဝအလျောက်စ့ဆော်မှုအရလူသားတွေကို သတ်ဖြတ်ချင်နေတဲ့ ဒီကပ်ပါးကောင်တွေဟာ လူသားတွေရဲ့ခန္ဓာကိုယ်ထဲဝင်ရောက်ပြီး၊ ဦးနှောက်ကိုအပိုင်စီးကာ လူခန္ဓာကိုယ်မှာ တွယ်ကပ်နေတဲ့ လူသားစား Monster တွေဖြစ်လာပါတယ်။ လူခန္ဓာကိုယ်ကို လုယူနိုင်လိုက်တဲ့ကပ်ပါးကောင်တစ်ကောင်ဟာ သာမန်လူတစ်ယောက်ပုံစံဟန်ဆောင်နိုင်ပြီး၊ သားကောင်ရှေ့ရောက်မှ သတ်ဖြတ်စားသောက်ကြတာ ဖြစ်ပါတယ်။ Izumi Shinichi အမည်ရ အထက်တန်းကျောင်းသားလေးကတော့ ကံကောင်းသွားပါတယ်။ သူ့ရဲ့ ခန္ဓာကိုယ်ထဲဝင်ရောက်လာတဲ့ ကပ်ပါးကောင်ဟာ Shinichi ရဲ့ ဦးနှောက်ကိုမရလိုက်ပဲ ညာဘက်လက်ကိုသာ အပိုင်စီးနိုင်ခဲ့ပါတယ်။ အိပ်ရာကနေနိုးလာတော့ ကိုယ့်ရဲ့ညာဘက်လက်က သတ္တဝါဆန်းတစ်ကောင်ဖြစ်နေတာတွေ့လိုက်ရတဲ့ ခံစားချက်ကို စဉ်းစားသာကြည့်ကြပါတော့။ လေ့လာသင်ယူမှုအားကောင်းတဲ့ ကပ်ပါးကောင်တွေပီပီ အဆိုပါ Migi (ညာလက်) အမည်ရ ကပ်ပါးကောင်ဟာ Shinichi နဲ့ ဆက်သွယ်ပြောဆိုလာနိုင်ပြီးနောက် နှစ်ယောက်စလုံးအသက်ရှင်ရပ်တည်ရေးအတွက် အတူတကွယှဉ်တွဲနေထိုင်ဖို့ သဘောတူညီချက်ရရှိသွားပါတယ်။ Shinichi ဟာ မိခင်ဖြစ်သူ Izumi Nobuko နဲ့ အမေတစ်ခုသားတစ်ခု နေထိုင်ရတာဖြစ်ပြီး၊ မိခင်ဖြစ်သူတစ်ယောက်တည်း သူ့အတွက်ကြိုးစားရုန်းကန်နေရတာကိုကြည့်ကာ အလိုလိုနေရင်းအပြစ်ရှိသလို ခံစားနေရတဲ့ Shinichi အတွက် အခုလို လူသားစားကပ်ပါးကောင်တွေနဲ့ ပတ်သတ်ဖို့ဖြစ်လာတော့ ပိုပြီးစိတ်ဖိစီးလာခဲ့ပါတယ်။ ပိုဆိုးတာက ကပ်ပါးကောင်တွေဟာ တစ်ယောက်နဲ့တစ်ယောက် အာရုံခံနိုင်တဲ့အတွက် Shinichiအတွက် ရှောင်ပြေးဖို့မဖြစ်နိုင်ပဲ သူပထမဆုံးကြုံတွေ့ရတဲ့ လူသားစားကပ်ပါးကောင်တစ်ယောက်ကို Migi ရဲ့အကူအညီနဲ့ သတ်ဖြတ်နိုင်လိုက်ပါတယ်။ ဒီလို Migi ကို လူတွေမမြင်အောင် ဖုံးကွယ်နေရတဲ့ကြားထဲ အခြားသောကပ်ပါးကောင်တွဆီကနေ ပတ်ပြေးရသေးတဲ့ Shinichi ဟာ တစ်နေ့တော့ သူတို့ကျောင်းကိုအသစ်ရောက်ရှိလာတဲ့ ဆရာမ Tamiya Ryoko ဟာ ကပ်ပါးကောင်တစ်ယောက်ဖြစ်နေတာ သိလိုက်ရပါတော့တယ်။ အခြားလူသားစားကပ်ပါးကောင်တွေနဲ့မတူ တစ်မူထူးခြားတဲ့ Tamiya ဟာ ကပ်ပါးကောင်တွေနဲ့လူသားတွေ အတူတကွနေထိုင်နိုင်မယ့်နည်းလမ်းကို သူရှာဖွေစမ်းသပ်နေကြောင်း ပြောပြကာ Shinichi ကို သူတို့ရဲ့ကွန်ယက်ထဲ သွင်းလိုက်ပါတယ်။ ဒါပေမယ့် အခြားကပ်ပါးကောင်တစ်ယောက်ဖြစ်တဲ့ ရဲအရာရှိခန္ဓာကိုယ်နဲ့ A ကတော့ Shinichi ကို ယုံကြည်ခြင်းမရှိပဲ တစ်ညမှာ Shinichi ကို လမ်းမှာတိုက်ခိုက်ပါတယ်။ Shinichi က Migi ရဲ့အစွမ်းနဲ့ ကံကောင်းထောက်မစွာ အသက်ရှင်လွတ်မြောက်နိုင်စွမ်းရှိပေမယ့် အဆိုပါအိမ်ပြန်လမ်းကနေ ဖြတ်သန်းပြန်လာသူက Shinichi ရဲ့ မိခင်ဖြစ်သူ Nobkuo .. ။ ခြောက်လနီးပါးခြားပြီး ရုံတင်ပြသတဲ့ အပိုင်း ၂ မှာတော့ အပိုင်း ၁ ရဲ့ အဆုံးကနေ တစ်ဆက်တည်းဇာတ်လမ်းဆက်ပြီး၊ အပိုင်း ၁ တုန်းက ဖြစ်ရပ်တွေကြောင့် မတူညီတဲ့အခြားလူတစ်ယောက်လို ပြောင်းလဲသွားတဲ့ Shinichi ဟာ ကပ်ပါးကောင်တွေနဲ့လူသားတွေကြားက စစ်ပွဲမှာ တစ်ဖန်ပါဝင်ပတ်သတ်ရပြန်ပါတယ်။ Tamiya ရဲ့ ကပ်ပါးကောင်ကွန်ရက်ဟာ မြို့တော်ဝန်ရာထူးအထိရယူနိုင်လာပြီး၊ သူတို့ရဲ့အဖွဲ့အစည်းကို ကြီးမားအောင်ဖွဲ့စည်းနိုင်လာပါတယ်။ တစ်ဆက်တည်းမှာ လူသားကလေးတစ်ယောက်ကို စမ်းသပ်တဲ့အနေနဲ့ ကိုယ်ဝန်ဆောင်မွေးဖွားတဲ့ Tamiya ဟာ သူမရဲ့အမူအကျင့်တွေ၊ အတွေးအခေါ်တွေ ပြောင်းလဲလာသတိထားမိပြီး၊ Shinichi နဲ့ Migi တို့ကြားကဆက်ဆံရေးဟာလည်း ပိုပြီးရင်းနှီးနီးစပ်လာခဲ့ပါတယ်။ Tamiya အဆိုပြုတဲ့ လူသားတွေနဲ့အတူတကွနေထိုင်နိုင်ဖို့အတွက် သူတို့အနေနဲ့လိုက်လျောညီထွေပြောင်းလဲဖို့လိုအပ်ကြောင်းကို လက်မခံတဲ့ ကပ်ပါးကောင်တွေနဲ့ ထိပ်တိုက်တွေ့တာက ကပ်ပါးကောင်တွေကို နှိမ်နင်းဖို့ အစိုးရကစေလွှတ်လိုက်တဲ့အထူးတပ်ဖွဲ့တွေ။ ဒီလိုနဲ့ ကပ်ပါးကောင်တွေနဲ့လူသားတွေကြားက တိုက်ပွဲဟာအရှိန်အမြင့်ဆုံးကိုရောက်ရှိလာပြီးနောက်၊ Shinichi နဲ့ Migi တို့ဟာ ဒီမျိုးစိတ်နှစ်ခုအတူယှဉ်တွဲနေထိုင်ဖို့ဖြစ်နိုင်မလား၊ ဘယ်ဘက်ကမကောင်းဆိုးဝါးတွေလဲ၊ လူသားတွေလား၊ ကပ်ပါးကောင်တွလားဆိုတာ အဖြေရှာရတော့မှာ ဖြစ်ပါတယ်။ အပိုင်း ၁ နဲ့ ၂ မှာ သိသာစွာ ကွဲပြားချက်တစ်ခုကတော့ ပထမဇာတ်ကားမှာ စတင်အသက်ဝင်လာတဲ့ ကပ်ပါးကောင်တွေရဲ့အန္တရာယ်ကို ကြောက်မက်ဖွယ်ကောင်းအောင် ဖော်ပြထားပြီး၊ လူသားတွေဖြစ်တဲ့ပရိသတ်တွေအနေနဲ့ လူတွေကိုရက်ရက်စက်စက်သတ်ဖြတ်နေတဲ့ ကပ်ပါးကောင်တွေကို ဗီလိန်တွေအဖြစ် အမုန်းကြီးမုန်းကြရမှာ ဖြစ်ပါတယ်။ အဲ … ဒုတိယပိုင်းရောက်တော့ ကပ်ပါးကောင်တွေက လူသားခန္ဓာကိုယ်မှာအချိန်ကြာလာတော့ တဖြည်းဖြည်းနဲ့လိုက်လျောညီထွေဖြစ်အောင် ရုပ်ပိုင်းဆိုင်ရာကော၊ စိတ်ပိုင်းဆိုင်ရာပါ ဆင့်ကဲပြောင်းလဲလာကြပြီး၊ ဒီတစ်ကြိမ်မှာတော့ လူသားတွေအနေနဲ့ ခံရတဲ့ victim သားကောင် ချည်းသက်သက်မဟုတ်တော့တာ တွေ့ရမှာပါ။ ရှင်းရှင်းပြောရင် Parasyte ဇာတ်ကားဟာ မထွက်ရှိခင်က သိပ်ပြီးအကောင်းဘက်ကနေ မျှော်လင့်ထားတဲ့ ဇာတ်လမ်းတစ်ပုဒ်မဟုတ်ခဲ့ပါဘူး။ အကယ်ဒမီဆုရှင်ဒါရိုက်တာ Yamazaki Takashi ဟာ ဒီဇာတ်ကားကို မန်ဂစီးရီးတစ်ခုရဲ့ adaptation ဆိုတာထက် ရုပ်ရှင်ဇာတ်ကားကောင်းတစ်ကားအဖြစ် ရိုက်ကူးဖို့ ကြိုးစားခဲ့ဟန်တူပါတယ်။ မန်ဂအုပ်တွဲပေါင်း ၁၀ခုကို လေးနာရီကြာ ရုပ်ရှင်ဇာတ်လမ်းအဖြစ် ကူးပြောင်းရိုက်ကူးတဲ့နေရာမှာ အများကြီးဖြတ်တောက်ချုံ့ပစ်လိုက်တာဖြစ်တဲ့အပြင် ဆယ်စုနှစ်နှစ်ခုနီးပါးကွာခြားတဲ့ ဇာတ်အိမ်တည်ရာအချိန်ကာလကြောင့် အချို့နေရာတွေမှာ ခေတ်မှီအောင် ပြင်ဆင်လိုက်ရတာတွေရှိုလို့ မူရင်းဇာတ်လမ်းတွဲပရိသတ်ပါ ဆိုသူများအတွက်တော့ အလိုမကျစရာတွေ အများကြီးရှိမှာအမှန်ပါပဲ။ အရေးပါတဲ့ဇာတ်လမ်းဇာတ်ကွက်များစွာနဲ့ ဇာတ်ကောင်တွေကို ချန်လှပ်ပြီး၊ ဇာတ်လမ်းကိုပြုပြင်တဲ့နေရာမှာ အထင်ရှားဆုံးအချက်လို့ပြောရမှာကတော့ အဓိကဇာတ်ကောင် Shinichi ရဲ့ မိသားစုအခြေအနေပါပဲ။ မူရင်းထဲကလို မိစုံဖစုံမဟုတ်တော့ပဲ အမေတစ်ခု၊သားတစ်ခုပုံစံ ပြု ပြင်ထားတာက ဆိုးဝါးတဲ့စိတ်ကူးတစ်ခုလို့ မဆိုနိုင်ပါဘူး။ ဒီလိုပြင်လိုက်လို့ Shinichi နဲ့ မိခင်ဖြစ်သူတို့ကြားက သံယောဇဉ်ကို ပိုပြီးမီးမောင်းထိုးပြနိုင်တဲ့အပြင် နောက်ပိုင်းပါလာမယ့် Shinichi ရဲ့ စိတ်ပိုင်းဆိုင်ရာပြောင်းလဲမှုတွေအတွက် ပိုပြီးအားကောင်းတဲ့ သက်ရောက်မှုတစ်ခုဖြစ်စေခဲ့ပါတယ်။ ဘာဖြစ်လို့လဲဆိုတော့ မူလဇာတ်လမ်းတုန်းက Shinichi ရဲ့ ပြောင်းလဲမှုမှာအဓိကကျခဲ့တဲ့ ဇာတ်ကောင် သူ့နောက်ကတစ်ကောက်ကောက်လိုက်နေတဲ့ကောင်မလေး Kana ဟာ Live-action မှာ ချန်လှပ်ထားခဲ့တဲ့ ဇာတ်ကောင်တစ်ယောက်ဖြစ်တဲ့အတွက် Shinichi တို့သားအမိဆက်ဆံရေးဟာ ပိုပြီးအရေးပါလာခဲ့ပါတယ်။ ပြောရရင် မူရင်းဇာတ်လမ်းတွေထဲမှာကတည်းက သတိထားမိတာကို ပြောရရင် မိခင်ဖြစ်သူဟာ Shinichi ရဲ့ စိတ်အတွင်းရုန်းကန်မှုတွေမှာ အရေးပါတဲ့နေရာကပါဝင်ခဲ့ပေမယ့် သူတို့ကြားက အပြင်ပန်းဆက်ဆံရေးကို ဖော်ပြတဲ့နေရာမှာတော့ ထင်သလောက်မပေါ်လွင်တာတွေ့ရမှာပါ။ ဒီနေရာမှာ Live-actionကတောင် ပိုသာတယ် ပြောရမှာပါ။ အထူးသဖြင့် အပိုင်း ၁ ရဲ့ နောက်ဆုံးဇာတ်ရှိန်အမြင့်ဆုံးဇာတ်ဝင်ခန်းမှာ ရုပ်ရှင်ဖန်တီးသူတွေ ထည့်သွင်းထားတဲ့ Izumi Nobuko ရဲ့ သားဖြစ်သူအပေါ်ထားတဲ့မေတ္တာကိုမြင်သာစေသော အခိုက်အတန့်ကတော့ မန်ဂ နဲ့ Anime တွေထဲကထက် ပိုပြီးရသမြောက်ပါတယ်။ အလားတူ Shinichi ကို စောင့်ကြည့်ဖို့ Tamiya က ငှားရမ်းထားတဲ့ သတင်းထောက် Kuramori နဲ့ သူ့ရဲ့သမီးလေးတို့အကြောင်းကို အချိန်နည်းနည်းယူပြီး သရုပ်ဖော်ထားတာက ပရိသတ်အနေနဲ့ ဇာတ်ကားရဲ့လူသားဇာတ်ကောင်တွေအပေါ် ပိုပြီး၊ စာနာခံစားလာစေပါတယ်။ ဇာတ်လမ်းဇာတ်ကွက်နဲ့ဇာတ်ကောင်တစ်ချို့ကို အရမ်းကြီးကြမ်းကြုတ်မှုမရှိအောင် နည်းနည်းဖျော့ထားတာကလည်း သတိထားမိစရာပါ။ ဥပမာပြောရရင် နိုင်ငံရေး၊လူမှုရေးအရပြသနာရှိနိုင်တဲ့ မြို့တော်ဝန်ရုံးကို အထူးရဲတပ်ဖွဲ့ SAT က ဝင်ရောက်စီးနင်းတဲ့ဇာတ်ဝင်ခန်းတွေမှာ ရက်စက်ကြမ်းကြုတ်မှုတွေကို တတ်နိုင်သလောက်လျှော့ထားတာမျိုးပေါ့။ အဲဒီလိုဆိုလို့ သွေးထွက်သံယိုပြကွက်တွေ နည်းတယ်လို့ မထင်လိုက်ပါနဲ့ဦး။ စားသောက်လို့ကျန်တဲ့လူ့ခန္ဓာကိုယ်အစိတ်အပိုင်းအကြွင်းအကျန်တွေက ကာတွန်းထဲကထက် အပြင်မှာတွေ့ရတာ ပိုအော်ဂလီဆန်စရာကောင်းပါတယ်။ မူရင်းကာတွန်းရုပ်ပြဇာတ်လမ်းနဲ့ပဲ နှိုင်းယှဉ်နေတာတွေ ခဏရပ်ပြီး၊ သာမန်ရုပ်ရှင်ဇာတ်ကားတစ်ကားအနေနဲ့ ခဏကြည့်ကြည့်ရအောင်။ အဲဒီလိုဆိုရင်တော့ သိပ်ကိုကောင်းတဲ့ ရုပ်ရှင်ဇာတ်ကားလို့ ဆိုရမှာပါ။ ဇာတ်ဝင်ခန်းတိုင်း၊ ဒိုင်ယာလော့ခ်တိုင်းဟာ ဒါရိုက်တာတင်ပြချင်တဲ့ အကြောင်းအရာအတိုင်းကွက်တိကျပြီး၊ အပိုအလိုမရှိဘူးလို့ဆိုနိုင်ပါတယ်။ ဒီအတိုင်း လူတွေကို သတ်နေတဲ့ Monster သတ္တဝါတွေနဲ့ ပါဝါရှိတဲ့မင်းသား၊ လူသားစစ်တပ်တွေ၊ရဲတွေကြားက တိုက်ပွဲအက်ရှင်ကား ဆိုပြီး ပေါ့ပေါ့သဘောထားပြီး၊ ကြည့်ရင်တော့ ဘာမှထူးမှာ မဟုတ်ပါဘူး။ ဒါ့အပြင် လက်ရှိအင်တာနက်ပေါ်က ဒီဇာတ်ကားနှစ်ကားလုံးအတွက် အင်္ဂလိပ်ဘာသာပြန်စာတန်းထိုး subtitle အားလုံးနီးပါးက တော်တော်လေးမှားယွင်းနေတာလည်း သတိထားမိပါတယ်။ ဒီတော့ ခုနကပြောခဲ့သလို ပြောနေတာတွေနားမလည်တော့ ဒီအတိုင်းအက်ရှင် body horror ဇာတ်ကားတစ်ကားအဖြစ် မြင်ကြတာများမှာပါ။ ဇာတ်ကောင်အနေနဲ့ပြောရရင်တော့ နာမည်ကျော်မင်းသမီး Fukatsu Eri သရုပ်ဆောင်ထားတဲ့ Tamiya Ryoko ဟာ အပိုင်း ၁ မှာတော့ သွေးအေးရက်စက်တဲ့ဇာတ်ကောင်တစ်ယောက်ဖြစ်ခဲ့ပေမယ့် အပိုင်း ၂ မှာတော့ သူမရဲ့ မိခင်ဖြစ်လာပြီးနောက် ပိုမိုလူသားဆန်လာမှုကို အတော်ကလေးချဲ့ကားထားပြီး၊ anti-villain ဇာတ်ကောင်တစ်ယောက်ဖြစ်လာတာ တွေ့ရမှာပါ။ ထို့အတူ Fukatsu Eri ရဲ့ချောမောလှပမှုက သူမရဲ့ creepyဖြစ်ရမယ့် ဇာတ်ရုပ်ကိုထင်သလောက်ကြောက်စရာမကောင်းဘူးဖြစ်စေပေမယ့် ဇာတ်ကားတစ်ကားလုံးမှာ အကောင်းဆုံးသရုပ်ဆောင်သွားသူပါပဲ။ အဓိကဇာတ်ကောင်အဖြစ်ပါဝင်တဲ့ Sometani Shota ကတော့ သူ့ရဲ့မထုံတက်တေး derp face ကြောင့် ဝေဖန်ကြပေမယ့် တော်တေ်ာလေးcoolဖြစ်အောင် သရုပ်ဆောင်သွားပါတယ်။ တစ်ခုပဲ။ ရုပ်ကလေးချောသလောက် ပါးစပ်အဟောင်းသား၊ မျက်နှာသေနဲ့ သရုပ်ဆောင်နေတဲ့ မင်းသမီး Hashimoto Aiရဲ့ Satomi ကို ကြည့်ရတာတော့ တော်တော်လေးစိတ်ညစ်ဖို့ကောင်းပါတယ်။ အပိုင်း ၂ ပိုင်းခွဲပြီး၊ ရုံတင်တဲ့ Live-action ဇာတ်ကားတွေ ကြုံတွေ့နေကျ ပြသနာဖြစ်တဲ့ ပထမဇာတ်ကားမှာ ဇာတ်ရှိန်အမြင့်ဆုံးနေရာကို ဇာတ်လမ်းကြီးဆွဲ … ဆန့် ပြီး ခေါ်သွားပြီးမှ ဒုတိယပိုင်းကျတော့ ကျန်ရှိနေတဲ့ဇာတ်လမ်းအများကြီးကို အလောသုံးဆယ်မတရားချုံ့ပစ်ရတာမျိုးကိုတော့ မတွေ့မဖြစ် တွေ့ရဦးမှာပါ။ ပြရမယ့်ဇာတ်ဝင်ခန်းတွေကများ၊ အချိန်ကမရတဲ့အတွက် အရေးကြီးတဲ့ဇာတ်ဝင်ခန်းတွေအားလုံး တစ်ပြိုင်နက်ဖြစ်နေကာ ဇာတ်ရှိန်ကတစ်ချိန်လုံးမကျပဲ ဖြစ်နေပါတယ်။ အဓိကဇာတ်ကောင် Shinichiရဲ့ ပျော်ပျော်နေတတ်တဲ့ လူငယ်အဖြစ်ကနေ တည်ငြိမ်သွေးအေးတဲ့စိတ်ထားပိုင်ရှင်အဖြစ်သို့ပြောင်းလဲ၊ ပြီးတော့မှလူသာဆန်တဲ့စိတ်ခံစားချက်တွေကိုပြန်လည်ရရှိလာ …အစရှိသဖြင့် အရေးကြီးတဲ့ Character ပြောင်းလဲပုံအဆင့်ဆင့်ကို ဖော်ကျူးသွားတာက မြန်ဆန်လွန်းတဲ့အတွက် ရုပ်ရှင်ကြည့်ရှုသူတစ်ယောက်အနေနဲ့ သတိတောင် ထားမိလိုက်မှာ မဟုတ်ပါဘူးဒါပေမယ့် နောက်ဆုံးဇာတ်သိမ်းခန်းအတွက် အချိန်အများကြီးပေးထားပြီး၊ တိုက်ခိုက်တဲ့နေရာကို ဧရာမအမှိုက်မီးရှို့စက်ကြီးထဲမှာ ရိုက်ကူးထားတာက တော်တေ်ာလေးမိုက်ပါတယ်။ အက်ရှင်ခန်းတွေ နဲ့ CG effect တွေက ဂျပန် (အာရှ) ဇာတ်ကားတစ်ကားအတွက် အံ့သြဖွယ်ကောင်းလောက်အောင် သေသပ်ကောင်းမွန်နေတာတွေ့ရပြီး၊ အထူးသဖြင့် အရေးအပါဆုံးဇာတ်ကောင် Migi ကို CG နဲ့ဖန်တီးထားတဲ့နေရာမှာ သေချာရုပ်လုံးပေါ်တဲ့အတွက် စိတ်ကျေနပ်စရာပါ။ လူသားနဲ့ ကပ်ပါးကောင် ဘယ်ဘက်ကနေမလဲ။ သေချာတာပေါ့။ ကြည့်ရှုတဲ့ပရိသတ်ကျွန်တေ်ာတို့က လူစစ်စစ်ကြီးတွေဖြစ်လို့ လူသားစားတဲ့ကပ်ပါးကောင်ဘက်ကအားပေးဖို့မဖြစ်နိုင်ပေဘူး။ ဒါပေမယ့် တခြားတွေ့နေကျ Monster ဇာတ်ကားတွေ၊ Horror ကားတွနဲ့ ခြားနားစွာပဲ လူသားမျိုးနွယ်ကို ဒုက္ခပေးမယ့်သတ္တဝါဆိုးတွေကို အောင်မြင်စွာနှိမ်နင်းလိုက်လေသတည်းဆိုတဲ့ ဖီလင်မျိုးနဲ့ အဆုံးသတ်သွားမှာမဟုတ်တဲ့ Parasyte Live-action ဇာတ်ကားနှစ်ကားကတော့ ယခုနှစ်ထဲမှာကြည့်ဖြစ်တဲ့ ဂျပန်ရုပ်ရှင်ဇာတ်ကားတွေထဲမှာတော့ အမိုက်ဆုံးဇာတ်ကားတွေအပါအဝင်အဖြစ် အမှတ်ပေးလိုက်ပါတယ်။ ။ (ရုပ်ရှင်အညွှန်းနဲ့ ဘာသာပြန်ကို myotaku club မှ Samurai မှတင်ဆက်ထားပါတယ်။) Parasyte: Part 1 (2014) နဲ့ Parasyte: Part 2 (2015) ၂ ကားစလုံးကို ဒီလင့်မှာ https://channelmyanmar.to/?s=Parasyte%3A+Part ဒေါင်းပါ။

6.9 2014 109 mins
Parasyte: Part 1
Happy Ghost 2
5.8

90s တွေ ငယ်ငယ်က အမှတ်တရရုပ်ရှင်တွေထဲမှာ တစ်ခုဖြစ်တဲ့ Happy Ghost ဆိုတဲ့ ဟာသကားလေးကို ဘာသာပြန် တင်ဆက်ပေးလိုက်ပါတယ်။ ရုပ်ရှင်အကျဉ်းလေးကတော့- အပိုင်း ၁ မှာ ကျောင်းသူလေးတွေကို ကူညီပေးပြီး ဘဝကူးသွားတဲ့ happy ghost ဟာ ခန်းရှင်းကွေ့အနေနဲ့ ပြန်ဝင်စားခဲ့ပါတယ်။ အရင်ဘဝက ကုသိုလ်တွေ လုပ်ခဲ့တဲ့အတွက် ခန်းရှင်းကွေ့ဟာ မွေးကတည်းက သဘာဝလွန်အစွမ်းတွေ ရှိနေပါတယ်။ ဒါပေမဲ့လည်း အဲ့ဒီ သဘာဝလွန်အစွမ်းတွေကြောင့် သူ့ဘဝက ပိုခက်ခဲနေပါတယ်လေ။ ရှန့်ကောင်းကွေ့အမျိုးသမီး အထက်တန်းကျောင်းက ကျောင်းသူလေးတွေဟာ ယုတ်မာအဖွဲ့ဖွဲ့ထားပြီး စာသင်နှစ်တစ်ခုတည်းအတွင်းမှာ ဆရာဆရာမ ၇ ယောက် အလုပ်ထွက်သွားအောင် ဆိုးသွမ်းလှတဲ့ ကလေးတွေဖြစ်ပါတယ်။ ဘွဲ့ရခါစ ခန်းရှင်းကွေ့ဟာ သူတို့ရဲ့ အတန်းပိုင်ဆရာ ဖြစ်လာတဲ့အခါမှာတော့ ဘယ်လိုအလွှဲမျိုးတွေနဲ့ ရယ်စရာတွေ ဖြစ်မလဲ။ ဆိုးသွမ်းလှတဲ့ ကျောင်းသူလေးတွေနဲ့ ခန်းရှင်းကွေ့တစ်ယောက် ကိုယ်အားဉာဏ်အားယှဉ်ပြိုင်ရင်း သံယောဇဉ်ရှိသွားကြတာကို ပရိသတ်တို့ ကြည့်ရှုရယ်မောနိုင်ကြဖို့ CM မှ ပြန်လည်ဘာသာပြန် တင်ဆက်ပေးလိုက်ပါတယ်။ စုစုပေါင်း ၅ ကားရှိပြီးတော့ ဇာတ်ကားအားလုံးကို ဒီလင့်မှာတစုတစည်းထဲရှာနိုင်ပါတယ်

Drama • Horror • Thriller
5.8 1985 96 mins
Happy Ghost 2
Within
5.5

အမေရိကန် Horror ကားကိုမှ Parasite လို Vibe မျိုးလေးနဲ့ ကြည့်ရှုချင်ရင်တော့ အခုတင်ဆက်ပေးမဲ့ ကားလေးက ကွက်တိပဲဖြစ်မှာပါ။Parasite လိုမျိုးကြီးလုံး၀တူနေတာတော့ မဟုတ်ဘဲနဲ့ အိမ်ထဲမှာ တစ်ယောက်ယောက်ရှိနေတယ်ဆိုတဲ့ ခံစားချက်ကြီးနဲ့ ကျောချမ်းစေမှာကတော့အသေအချာပါပဲ။ ခေါင်းကြီးတွေကတော့ မင်းသမီးချောချောလေးကို ငေးနေတာနဲ့တင် ကြောက်ချိန်ရမယ်မထင်ပါဘူး။ဇာတ်လမ်းနာမည်ကတော့ Within ဖြစ်ပြီး IMDb Rating 5.1 ရရှိထားတဲ့ 2016 တုန်းက ထွက်ရှိခဲ့တဲ့ဇာတ်ကားလေးပဲဖြစ်ပါတယ်။ အမေရိကန် သည်းထိပ်ရင်ဖို ဇာတ်ကားတွေကတော့ ထုံးစံအတိုင်းပဲ မိသားစုတစ်စုက အိမ်သစ်တစ်လုံးကို ပြောင်းရွှေ့လာရာကနေ စပါတယ်။သူတို့မိသားစုမှာ အဖေ မိထွေးနဲ့ ဆယ်ရာဆိုတဲ့သမီးဖြစ်သူ ဆိုပြီးမိသားစုဝင် ၃ ယောက်ရှိပါတယ်။မိထွေးဆိုပေမဲ့ ဆယ်ရာနဲ့ အရမ်းအဆင်ပြေပြီး သင့်မြတ်ကြပါတယ်။အိမ်ကိုရောက်လာ ခါစမှာတော့ ဘာပြဿနာထွေထွေထူးထူးမှမရှိခဲ့ပေမဲ့ သူတို့ခေါ် ခိုင်းတဲ့ ဘေးအိမ်ကသော့ပြင်ဆရာကတော့ ကြောက်စရာ ကောင်းပြီးတော့ ကြောင်တောင်တောင်နိုင်ပါတယ်။အဲ့ဒီအပြင်ကိုမှ ဆယ်ရာက တစ်ခါတစ်လေအိမ်ထဲမှာ လူရိပ်တွေ့တာတွေ အသံတွေကြားနေရတာတွေ ခဏခဏဖြစ်လာပြီး စိတ်ခြောက်ခြား နေပါတော့တယ်။ ဆယ်ကျော်သက်တစ်ယောက်ရဲ့ စကားဆိုတော့လည်း အဖေနဲ့ မိထွေးဖြစ်သူက သိပ်မယုံချင်ကြပါဘူး။ဒီလိုနဲ့ ဆယ်ရာပြောနေတာ အမှန်တွေဖြစ်တယ်ဆိုတဲ့ အကြောင်းသက်သေထွက်ရှိလာပြီး နောက်မှာတော့ သူတို့ရဲ့အိမ်ထဲမှာသူတို့မထင်မှတ်ထားတဲ့ ဘယ်လို ကြောက်စရာကောင်းတဲ့ အရာတွေရှိနေမယ်ဆိုတာကို ရင်တထိတ်ထိတ်နဲ့ ကြည့်ရှုရမဲ့ဇာတ်ကားတစ်ကားပဲဖြစ်ပါတယ်။ File size…1.22GB / 470MB Quality…WEB-Rip 1080p 5.1CH / 720p Format…mp4 Duration….1h 28m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

5.5 2016 88 mins
Within
Lockdown Lovers
7.6

ဒီတစ်ခေါက်မှာတော့ ကိုဗစ်‌‌ဖြစ်တုန်းက lockdown ကာလတွေကိုပြန်အမှတ်ရသွားစေမဲ့ GLဇာတ်ကားလေး တစ်ခုကို တင်ဆက်ပေးလိုက်ချင်ပါတယ်။ Kristal ဟာ ကိုဗစ်မဖြစ်ခင်တစ်ပတ်လောက်အလိုမှာ Australia ကို ခရီးထွက်လာခဲ့ပြီး Lisetteဆိုတဲ့ ခပ်မိုက်မိုက် Bartender ကောင်မလေးတစ်ယောက်နဲ့ ငြိမိသွားပါတယ်။ ခရီးကမပြန်ခင် Lisette အိမ်မှာ ခဏလိုက်နေနေတုန်း ကိုဗစ်ရောဂါပြန့်ပွားလာတာကြောင့် လေယာဉ်လည်း cancel ဖြစ်သွားပြီး lockdown ကျသွားပါတော့တယ်။ တစ်ယောက်ကိုတစ်ယောက် one night stand လို့သာ သတ်မှတ်ထားခဲ့ကြပေမဲ့ lockdown ကြောင့် တစ်အိမ်တည်း တူတူနေကြရတဲ့အခါမှာ အရာရာကချောမွေ့မနေခဲ့ပါဘူး။ Kristal က အရာရာကို တိတိကျကျ အစီအစဉ်ဆွဲ ကြိုတင်ပြင်ဆင်တတ်တဲ့ အကျင့်စရိုက်မျိုးရှိပေမဲ့၊ Lisette ကတော့ ထင်ရာစိုင်း လုပ်ချင်ရာလုပ် ဖြစ်သလိုနေ တတ်တဲ့ လူမျိုးပါ။ ဒီလို အကျင့်စရိုက်ချင်း ဆန့်ကျင်ဘက်ဖြစ်နေတဲ့နှစ်ယောက်ရဲ့ ကြားထဲက ပဋိပက္ခတွေ သံယောဇဉ်ဖြစ်တည်လာပုံတွေကို plot twist ပါးပါးလေးထည့်ပြီး ကျကျနနရိုက်ကူးထားတဲ့ ဇာတ်ကားလေးပဲဖြစ်ပါတယ်။ Kristal နဲ့ Lisette တို့ရဲ့အချစ်လမ်းခရီးက ဖြောင့်ဖြူးနိုင်ပါ့ မလားဆိုတာကတော့ ဇာတ်ကားထဲမှာပဲ ဆက်လက်ကြည့်ရှု လိုက်ကြရအောင်ပါ။ File size…1.50GB / 686MB Quality…WEB-DL 1080p / 720p Format…mp4 Duration….1h 59m Genre …..Drama Subtitle….Myanmar Subtitle (Hard Sub) Encoder….Min Wai Translated by Muse

7.6 2023
Lockdown Lovers
Morgan: Killer Doll
4.7

Morgan: Killer Doll (2025) ကြမ်းကြမ်းရမ်းရမ်းလူသတ်ကားတွေမှ ကြိုက်တယ်ဆိုသူတွေအတွက် လုံးဝအမိုက်စား လူသတ်ကားတစ်ကားနဲ့ မိတ်ဆက်ပေးချင်ပါတယ်။ ဒါစီဆိုတဲ့ ကောင်မလေးတစ်ယောက်က သူ့ရဲ့ ငယ်သူငယ်ချင်း အက်စရစ်အပေါ်မှာ ချစ်မိသွားခဲ့တယ်။ မွေးနေ့လက်ဆောင်အဖြစ် သူနဲ့တစ်ပုံစံတည်းတူတဲ့အရုပ်တစ်ရုပ်ကို ပေးခဲ့ပြီးတော့ သူ့အချစ်တွေကို ဖွင့်ပြောခဲ့ပါတယ်။ သူ့အချစ်ကို လက်မခံခဲ့လို့ ဒါစီက သူ့ကိုယ်သူမီးရှို့ သတ်သေခဲ့တယ်။ ဒါစီ သေရတာ သူ့ကြောင့်လို့ မှတ်ယူနေတဲ့ အက်စရစ်က ဒါစီပေးခဲ့တဲ့အရုပ်လေးကို သူ့အခန်းထဲမှာ သိမ်းထားခဲ့တယ်။ တစ်ရက်မှာ ဒီအရုပ်ကြီးက အက်စရစ်တို့အိမ်က အိမ်ဖော်အန်တီကြီးကို သတ်ပစ်လိုက်တဲ့အခါမှာ ဒီအရုပ်ကြီးက လူတွေထင်နေကြသလို သာမန်ရိုးရိုးအရုပ်တစ်ခု ဟုတ်ပါ့မလား..? ဒီလူသတ်အရုပ်ကြီးရဲ့ နောက်ကွယ်က လျှို့ဝှက်ချက်တွေကို စုံစမ်းရင်း ဘယ်သူတွေက အသက်ရှင်ကျန်ရစ်ပြီး လျှို့ဝှက်ချက်ကို ဖော်ထုတ်နိုင်မလဲဆိုတာကို စိတ်ဝင်စားဖွယ် ရင်တထိတ်ထိတ်နဲ့ ကြည့်ရှုရမယ့် Horror ကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size… (1.2 GB) / (680 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:35:23 Subtitle…. Myanmar Subtitle (Hardsub) Encoder…. Benjamin Translated by Su Mon

Thriller • Crime • Drama
4.7 2025 93 mins
Morgan: Killer Doll
Titan: The OceanGate Submersible Disaster
6.7

“Titan: The OceanGate Disaster 2025” ဖြစ်ရပ်မှန် မှတ်တမ်းရုပ်ရှင်ဟာ ၂၀၂၃ ခုနှစ် ဇွန်လ ၁၈ ရက်နေ့မှာ ဖြစ်ပွားခဲ့တဲ့ Titan ရေငုပ်ယာဉ် ပေါက်ကွဲနစ်မြုပ်မှုရဲ့ နောက်ကွယ်က အကြောင်းအရာတွေကို နက်နက်နဲနဲ ဖော်ထုတ်ထားပါတယ်။ ဒီမှတ်တမ်းရုပ်ရှင်က ဖြစ်ရပ်ဆိုးကြီး ဘာကြောင့်ဖြစ်ပွားခဲ့ရသလဲ…ဘယ်သူတွေမှာ တာဝန်ရှိသလဲဆိုတာကို ပေါ်လွင်အောင် တင်ပြထားပါတယ်။ ဒီဇာတ်ကားဟာ OceanGate ကုမ္ပဏီရဲ့ CEO ဖြစ်သူ Stockton Rush ရဲ့ တိုက်တန်းနစ်သင်္ဘောပျက်ကို ကြည့်ရှုဖို ကြိုးပမ်းခဲ့မှု…သူ့ရဲ့ အန္တရာယ်ရှိတဲ့ ဆုံးဖြတ်ချက်တွေဟာ ဘယ်လိုဘယ်ပုံ လူ ၅ ဦးရဲ့ အသက်ကို ဆုံးရှုးစေခဲ့လဲ။ မှတ်တမ်းရုပ်ရှင်ထဲမှာ ကုမ္ပဏီရဲ့ ဝန်ထမ်းဟောင်းတွေရဲ့ ထွက်ဆိုချက်တွေ…အသံမှတ်တမ်းတွေ… OceanGate နဲ့ပတ်သက်တဲ့ ဗီဒီယိုဖိုင်တွေနဲ့ ဥပဒေပိုင်းဆိုင်ရာ စစ်ဆေးမှုတွေကနေ ရရှိတဲ့ အချက်အလက်တွေကို အတိအကျ ဖော်ပြထားပါတယ်။ ဒီမှတ်တမ်းရုပ်ရှင်ဟာ ဖြစ်ရပ်ဆိုးကြီးကိုသာ အဓိကထားပြီး ပြသတာမဟုတ်ဘဲ…မဖြစ်သင့်တဲ့ ဒီလိုအဖြစ်အပျက်မျိုး ဘာကြောင့်ဖြစ်လာရသလဲဆိုတဲ့ မေးခွန်းကိုပါ မီးမောင်းထိုးပြထားပါတယ်။ ကုမ္ပဏီရဲ့ လုံခြုံရေးစည်းမျဉ်းတွေကို ဘယ်လို လစ်လျူရှုခဲ့သလဲ…သတိပေးချက်တွေကို ဘယ်လို ပစ်ပယ်ခဲ့သလဲ။ Titan ရေအောက်ယာဉ်ရဲ့ ကာဗွန်ဖိုက်ဘာ ဒီဇိုင်းအပါအဝင် ဘေးကင်းရေးဆိုင်ရာ အားနည်းချက်တွေနဲ့ ပတ်သက်ပြီး ဝန်ထမ်းဟောင်းတွေရဲ့ သတိပေးချက်တွေကို CEO က ဘယ်လိုပယ်ချခဲ့သလဲဆိုတာတွေကိုပါ ကြည့်ရှုရမှာပါ… ဒီဇာတ်ကားဟာ အဖြစ်ဆိုးကြီးဖြစ်ခဲ့ရတဲ့ အဓိကအကြောင်းအရင်းကို ရှင်းရှင်းလင်းလင်း ဖော်ပြထားပြီး… တာဝန်မဲ့မှု…လျစ်လျူရှုမှုတွေကြောင့် အသက်တွေ ဘယ်လိုဆုံးရှုးခဲ့ရတယ်ဆိုတာကို ပြသထားပါတယ်။ ကြည့်ရှုသူတွေကို စိတ်ဝင်စားအောင် ဖန်တီးထားပြီး ဖြစ်ရပ်မှန်ကို သိရှိနားလည်နိုင်ဖို အားကောင်းတဲ့ မှတ်တမ်းရုပ်ရှင်တစ်ကားလို ဆိုနိုင်ပါတယ်။ ဖြစ်ရပ်မှန်ကို ပွင့်ပွင့်လင်းလင်းနဲ့ အသေးစိတ် ဖော်ပြထားတဲ့အတွက် ကြည့်ရှုသင့်တဲ့ မှတ်တမ်းရုပ်ရှင်တစ်ကား ဖြစ်ပါတယ်…

Drama • Science Fiction • Thriller
6.7 2025 112 mins
Titan: The OceanGate Submersible Disaster