The Skin I live in , Zorro တို့နဲ့ နာမည်ကြီးခဲ့တဲ့ မင်းသားကြီး Antonio Banderas ရဲ့ အက်ရှင်ဇာတ်ကြမ်း ကားလေးပါ။ ဇာတ်လမ်းအညွှန်းက စီအိုင်အေရဲ့ လက်သုံးတော် ကေလပ်တို့ဂိုဏ်းဟာ အင်အားကြီးလာတာနဲ့အမျှ စီအိုင်အေကိုယ်တိုင်က သူတို့ရဲ့အတွင်းသတင်းတွေပေါက်ကြားမှာ စိုးတာကြောင့် ရုရှားကို သတင်းရောင်းပါတယ်ဆိုပြီး အန်တိုနီဦးဆောင်တဲ့အဖွဲ့နဲ့ ကေလပ်တို့ကို လုပ်ကြံခိုင်းပါတယ်။ ဒါပေမယ့် ကေလပ်ဟာ မသေဘဲ လွတ်သွားခဲ့ပြီး စီအိုင်အေလက်ကနေ ၅ နှစ်လောက်ခြေရာဖျောက်နေခဲ့ပါတယ်။ ဒါကို စီအိုင်အေအဖွဲ့ကလည်း အပူတပြင်းလိုက်ရှာနေခဲ့ပြီး ဘန်ရှီးခေါ် ကေလပ်ရဲ့ တပည့်ကလည်း ကေလပ်ဆီရောက်လာခဲ့ပါတယ် ။ သူတို့ နှစ်ယောက်ပေါင်းကာ အန်တိုနီနဲ့ CIA ကို ဘယ်လိုပြန်လည်တိုက်ခိုက် လက်စားချေသွားမလဲဆိုတာ ကြည့်ရမှာပါ။ ကြမ်းကြမ်းရမ်းရမ်းနဲ့ အက်ရှင်တွေ ကြိုက်တတ်သူ‌တွေ သဘောကျစေမယ့် ဇာတ်‌ကားလေးဖြစ်ပါတယ်။ ( အညွှန်းနဲ့ ဘာသာပြန်ကိုတော့ Thiha Yan Naing က ရေးသားထားပါတယ်) Genre..... Action, Thriller Quality…. 1080p | 720p | 480p File size…1.27GB | 598MB | 211MB Format… mp4 Duration…. 1h 28min Subtitle…. Myanmar Subtitle (Hardsub) Translator ..... Thiha Yan Naing Encoder ..... August

ဟိမ၀န္တာတောင်တန်းအရှေ့ဘက်က တရုတ်နဲ့ အိန္ဒိယကြားမှာရှိတဲ့ တနင်္သာရီတိုင်း ထက်၀က်လောက်ပဲကျယ်တဲ့ ဘူတန်နိုင်ငံလေးရဲ့ အော်စကာ International Feature ဆု ဆန်ခါတင်၀င်ထားတဲ့ ရုပ်ရှင်ပါ။ ၂၀၁၉ကားကို ၂၀၂၂ အော်စကာမှာ ဆန်ခါတင်၀င်သွားတာပါ။ ဘူတန်က ဒီကားကိုပဲ မနှစ်ကရော ဒီနှစ်ရော Entry အဖြစ်ရွေးခဲ့ပေမဲ့ မနှစ်ကတော့ ဆန်ခါတင်မှာကျသွားပြီး ဒီနှစ်ဆန်ခါတင်မှာမှ ပါလာတာပါ။ လူ 660 ကျော်လောက်ပဲ Vote ထားတဲ့ IMDb 7.5 ကိုတော့ အဖက်လုပ်စရာမလိုပေမဲ့ ဝေဖန်သမားတွေချည်းပေးတဲ့ Rotten Tomatoes မှာလည်း ၁၀၀အတိရထားပါတယ်။ သူနဲ့အပြိုင်တွေက Flee(99%), The Worst Person in the world (99%), Drive My Car(98%), The Hand Of God (83%) တို့ပါပဲ။ ဆုရနိုင်ချေအနည်းဆုံးကားပေမဲ့ ခရမ်းချဉ်သီးအမြင့်ဆုံး ကားလည်းဖြစ်နေပါတယ်။ ဇာတ်ကောင်က ကျွန်တော်တို့တွေလိုပဲ သာမန်လူငယ်တစ်ယောက်ပါပဲ။ သူက ဩဇီဗီဇာလျှောက်ပြီး ဩဇီမှာ အဆိုတော်ဖြစ်အောင်လုပ်ချင်နေတဲ့သူပေါ့။ သူ့မှာ ဖြစ်ချင်တဲ့ အိပ်မက်က သက်သက်ရှိပေမဲ့ မလွဲရှောင်သာ တခြားအလုပ် ခဏလုပ်နေရတယ်။ သူက ကျောင်းဆရာပေမဲ့ စာကို သေချာမသင်လို့ ခေါ်ကြိမ်းခံရတဲ့ သူမျိုးပါပဲ။ စာချုပ်အရ တစ်နှစ်ပဲကျန်တော့တဲ့ သူ့ကို ဘူတန်ရဲ့ အခေါင်ဆုံး ကမ္ဘာ့အခေါင်ဆုံးနေရာမှာရှိတဲ့ လူနားနားဆိုတဲ့အရပ်က ကျောင်းကို ပို့လိုက်တယ်။ ‌မသွားချင်ပေမဲ့ ဆောင်းဆို အရမ်းအေးတာကြောင့် ကျောင်းပိတ်ရတဲ့ နေရာဖြစ်တဲ့အတွက် ခဏပဲကြာမှာဆိုပြီး သွားလိုက်တယ်။ ပြန်လာရင် ဩဇီသွားလို့ရပြီ‌ပေါ့။ သူက ဒီနေ့ခေတ်သာမန်လူငယ်ပဲဆိုတော့ လူနားနားလိုနေရာမှာ သူ့အတွက် တော်တော်အသားမကျဘူး။ ရောက်ရောက်ချင်းပြန်ဖို့လုပ်ပေမဲ့ စာအရမ်းသင်ချင်နေတဲ့ ကလေးတွေကြောင့်ရော ဆရာဆိုတာ အနာဂတ်ကို ပုံသွင်းပေးတဲ့သူဆိုပြီး သူ့ကိုလေးစားကြတဲ့ ရွာသူရွာသားတွေကြောင့်ရော သူနေဖြစ်ခဲ့တယ်။ သိပ်မထူးခြားလှဘူးမလား။ ဒီလိုဇာတ်တွေ အာရှကားတွေမှာသာမက ဗမာစာအုပ်တွေမှာပါ ပါနေကျပါပဲ။ ဒါပေမဲ့ ဒါရိုက်တာက ဒီဇာတ်ကိုတော့ Realityကျကျပဲ ချည်းကပ်သွားခဲ့တာပါ။ ဇာတ်ကောင်ဟာ သာမန်စိတ်နဲ့ သာမန်လူပဲဖြစ်နေတာ ဘာညာပေါ့။ မထူးတဲ့ဇာတ်ကို နည်းနည်းလေးထပ်ဆန်းပေးလိုက်တာပါပဲ။ ရိုးရိုးလေးနဲ့ ဆန်းအောင် သာမန်ဒိုင်တွေသုံးပြီး ကစားသွားတာလေးတွေရဲ့ လှကွက်တွေလည်း ဆန်းပါတယ်။ ရွာသားတွေရဲ့ ဆရာအပေါ်လေးစားတဲ့စိတ်တွေ၊ အရိုးခံစိတ်တွေ၊ သူတို့ကလေးတွေအပေါ်ထားတဲ့ မေတ္တာတွေကို အပိုတွေအများကြီးမပြောဘဲ စကားတစ်လုံးလောက်နဲ့ အပြနဲ့ရောစပ် ဖော်ကျူးသွားတာတွေ၊ ရိုးရာသီချင်းကိုထည့်သုံးသွားတာတွေလည်း လှပါတယ်။ ဇာတ်လမ်းကတော့ မထူးခြားနား အာရှကားတွေမှာ မြင်နေကျဇာတ်ကိုပဲ မတူတဲ့ပုံစံလေးနဲ့ ခင်းကျင်းပြသထားတာပါပဲ။ ဒီနေ့ခေတ်ပုံစံနဲ့ Reality ကျကျ ပြသွားတာလေးတော့ သဘောကျစရာကောင်းပါတယ်။ စီနီမာကလည်း ဟိမ၀န္တာတောင်ပေါ် အလည်ရောက်သွားတဲ့ ခံစားမှုမျိုးပေးပါလိမ့်မယ်။ သူတို့ ဘူတန်တောင်ပေါ်သားတွေရဲ့ ရိုးရာတွေ ဓလေ့တွေကိုလည်း မြင်ရမှာဖြစ်သလို ဘူတန်ရဲ့တောင်ပေါ်နေဘ၀ကို ဒိုကူမန်ထရီ ကြည့်နေရသလိုလည်း ခံစားရပါစေလိမ့်မယ်။ သူတို့ရဲ့ ယုံကြည်မှုအငွေ့၊ သူတို့နွားတွေနဲ့ သူတို့ရဲ့ သံယောဇဉ်အငွေ့သန်းနေတာကိုလည်း ကောင်းကောင်းကြီး ခံစားရပါလိမ့်မယ်။ ဒီရုပ်ရှင်ဟာ လက်တွေ့ကျကျနဲ့ကို လောကကြီးဟာ ကျွန်တော်တို့ ထင်သလောက်လည်း အကျည်းတန်မနေတာကို ခံစားမိစေမယ့် လူသားဆန်တဲ့ ရုပ်ရှင်ပါပဲ။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.12GB, 558MB Quality - 1080p, 720p IMDb Rating - 7.5/10 Format - mp4 Duration - 1H 50Min Genre - Drama, Family Subtitle - Myanmar Subtitle (Hardsub) Translated by WiRa Aung Encoded by Y

Chor Nikal Ke Bhanga(2023) ***************************************** IMDb-8/10 Glow & Lovely (Fair & Lovely)ရဲ့ ကြော်ငြာမင်းသမီးချောလေးယန်မီဂေါ်သမ်က လေယာဉ်မယ်အဖြစ် ၊ မင်းသားချောနှစ်ယောက်ဖြစ်တဲ့ ဆန်နီကောရှလ်နဲ့ ရှရားဒ်ကဲလ်ကရ် တို့အဓိကပါ၀င်ထားတဲ့ လေယာဉ်ပြန်ပေးဆွဲကားပါ ။ ဇာတ်လမ်းအကျဉ်း သက်သတ်လွတ်သမားအန်ကစ်နဲ့ လေယာဉ်မယ်နေဟာတို့ သက်သတ်လွတ်ဟင်းပွဲကိစ္စကအစပြုပြီး တွေ့ဆုံရင်းချစ်မိသွားကြရာက နေဟာကိုယ်၀န်ရသွားတဲ့အထိနီးစပ်သွားကြပါတယ်။ နှစ်ယောက်လုံးကအရမ်းချစ်ကြသူတွေမို့ လက်ထပ်ဖို့ဆုံးဖြတ်ပြီးသာယာကြည်နူးနေချိန်မှာ အန်ကစ်လုပ်ငန်းတစ်ခုကအမှားအယွင်းကြောင့် အန်ကစ်ဟာ သူ့ကုမ္မဏီကစိန်ကို သူကိုယ်တိုင်ပြန်ခိုးရမယ့်အဖြစ်ရောက်သွားပါတယ်။ ကြင်ယာလောင်းအတွက် နေဟာပါအဆစ်ပါပြီး နှစ်ယောက်ပေါင်း အကြံအစည်အကောင်အထည်ဖော်ခါနီးမှာပဲ အဲဒီလေယာဉ်ကြီးကိုပြန်ပေးဆွဲခံရပြီး နှစ်ယောက်လုံးဓားစာခံဖြစ်သွားပါတော့တယ်။ သူတို့က ဘာကြောင့်လေယာဉ်ကိုပြန်ပေးဆွဲရတာလဲ... အန်ကစ်ကရော ဒီကိစ္စတွေကြားမှာမှ သူ့အစီအစဉ်ကိုအကောင်အထည်ဖော်နိုင်ပါ့မလား... နောက်ထပ်အဓိကဇာတ်ဆောင်တစ်ယောက်ဖြစ်တဲ့ ရှရားဒ်ကဲလ်ကရ် ကရော ဘယ်နားကနေဘယ်လိုပေါ်လာမလဲ ရင်တထိတ်ထိတ်ခံစားကြည့်ပါဦးလို့ .... ဘာသာပြန်တွေကတော့ Bpl,Yunniနဲ့ Thaik Sanတို့ ဖြစ်ပါတယ် File size…1.2GB / 540MB Quality…1080p WEB DL /720p Format…mp4 Duration….1h 50m Subtitle….Myanmar Subtitle (Hard Sub) Encoder….YK Translated by BpL~ Yunni~ Thaik San

နှုတ်ခမ်းနီမလေးတွေအတွက် ခန့်ချောကြီး Lucke Bracey နဲ့ ညီအစ်တွေအတွက်ကတော့ Emma Robert တို့ရဲ့  မျက်နှာလေးနဲ့တင်ကို အတော်တန်နေတဲ့ ဇာတ်ကားပါပဲ။ မင်းသား၊ မင်းသမီးနဲ့ ဂျင်းထည့်တဲ့ကားတော့မဟုတ်တာ အာမခံပါတယ်။ အားလပ်ရက်တိုင်းမှာ အမြဲတမ်းတစ်ကိုယ်တည်းဖြစ်နေလို့ တစ်အိမ်လုံးက သူ့ရဲ့အချစ်ရေးကိုပါ  လိုက်ဂရုစိုက်ပေးနေရတဲ့ Sloane တစ်ယောက် ခရစ္စမတ်မှာတော့ ထူးထူးခြားခြား ကောင်လေးတစ်ယောက်နဲ့ဆုံခဲ့တယ်... တစ်ဘက်ကောင်လေးဟာလည်း ဘာတွေအဆင်မပြေဖြစ်လာတယ်မသိ...သူတို့(၂)ယောက်စဆုံးခြင်းဟာ ဘုနဲ့ဘောက်ပါပဲ... အချိုးမပြေတဲ့သူတွေအဖြစ် တစ်ယောက်ကိုတစ်ယောက်အသိအမှတ်ပြုသွားကြတယ်... အချစ်ကားလေးတွေမှာ ဘုဘောက်ကျရင်း အဆင်ပြေသွားတဲ့ဇာတ်လမ်းအမိုက်စားတွေကို သဘောကျတဲ့သူတွေအဖို့ တကယ်ကိုကြည့်လို့ကောင်းပါတယ်..ဘယ်လိုတွေဆက်ဖြစ်မလဲဆိုတာကိုတော့ ခံစားလိုက်ကြပါဉီးဗျို့... ဇာတ်လမ်းအညွှန်းနဲ့ဘာသာပြန်သူကတော့ d3monပဲဖြစ်ပါတယ်.. File Size :(979 MB) and (380 MB) Quality : WEB-DL 720p Format…mp4 Duration…01:43:00 Genre : Comedy  , Romance Subtitle : Myanmar Subtitle (Hard Sub) Translated by d3mom Encoded by Phyo Pyae

Dangal (သို့မဟုတ်) အောင်မြင်မှုရဲ့ ခရီးကြမ်း "နပန်းသမားတစ်ယောက်က ကွင်းထဲဝင်လာပြီး ပြိုင်ပွဲဝင်ရတဲ့ရည်ရွယ်ချက်က နိုင်ငံအတွက်ဆုတံဆိပ်ရယူပေဖို့အတွက်ပဲ။ဒါပေမဲ့ နိုင်ငံကတော့ နပန်းသမားတွေကို ဘာမှကူညီထောက်ပံမှုမလုပ်ပေးဘူး။" ဒီစကားကိုပြောတာက နပန်းအားကစားနည်းကို အသွေးအသားထဲကရူးသွပ်ပြီး နပန်းကစားနည်းကနေ နိုင်ငံအတွက် ရွှေတံဆိပ်ဆုရပေးချင်တဲ့ Mahavir Singh Phogat (Aamir Khan)၊ဒါပေမဲ့ သူ့ဆန္ဒမပြည့်ဝခဲ့ဘူး။ဝါသနာနဲ့ ဝမ်းစာ ထိပ်တိုက်တွေ့တဲ့အချိန်မှာ ဝါသနာကိုစွန့်လွှတ်ခဲ့ရပေမယ့် သူ့မှာရည်မှန်းချက်တစ်ခုရှိတယ်။သူမွေးတဲ့သားက တစ်နေ့နပန်းသမားတစ်ယောက်ဖြစ်ရမယ်တဲ့။ကံကြမ္မာကတော့ သူ့ကိုကျီစားနေတုန်းပဲ။အနှစ်နှစ်ကာလမျှော်လင့်ချက်နဲ့ သားတစ်ယောက်လိုချင်တဲ့သူ့အတွက် ပထမဆုံးမွေးလာတဲ့ကလေးကတော့ မိန်းကလေး၊စိတ်အပျက်ကြီးပျက်ခဲ့ရပေမယ့် ဇွဲမလျှော့တဲ့သူကတော့ နောက်မွေးမယ့်ကလေးကယောကျာ်းလေးဖြစ်ရမယ်တဲ့။ဒီလိုနဲ့ နည်းလမ်းပေါင်းစုံ၊ဆေးပေါင်းစုံမှီဝဲရင်း ယောကျာ်းလေးရဖို့ ကြိုးစားခဲ့ပေမယ့် ဒီတစ်ခါလည်းမွေးလာတာကလည်း သမီးမိန်းကလေး၊စိတ်ဓာတ်ကျစဖြစ်လာပေမယ့် သားယောကျာ်းလေးမွေးလာနိုးနိုးနဲ့ ကလေးတွေတစ်ယောက်ပြီးတစ်ယောက်မွေးလာခဲ့တာ ၄ယောက်မြောက်ထိရောက်လာပေမယ့် အကုန်လုံးကတော့သမီးမိန်းကလေးတွေသာ၊ဒီလိုနဲ့ Mahavir တစ်ယောက် သူ့ရဲ့ရွှေတံဆိပ်ရယူရေး ရည်မှန်းချက်တော့ စွန့်လွှတ်လိုက်ရပြီပေါ့။ဒါပေမဲ့....... တစ်ရက်သူအိမိပြန်လာတဲ့အချိန်မှာ သူ့သမီးအကြီးနှစ်ယောက်ဖြစ်တဲ့ Geeta နဲ့ Babitaက ကျောင်းကအပြန် လမ်းမှာသူတို့နှစ်ယောက်ကို လိုက်နှောက်ယှက်တဲ့ ကောင်းလေးနှစ်ယောက်ကို ထိုးကြိတ်လွှတ်လိုက်ပြီးတဲ့နောက်မှာတော့ Mahavir တစ်ယောက် သူရဲ့နပန်းသွေးတွေက သူ့သမီးတွေဆီမှာလည်း စီးဆင်းနေတယ်ဆိုတာသိပြီး သမီးတွေကိုနပန်းသင်ပေးဖို့အတွက် ဆုံးဖြတ်လိုက်ပါတော့တယ်။နောက်နေ့ မနက်၅နာရီကစပြီး သံမဏိစည်းကမ်းတွေနဲ့ လေ့ကျင့်ရေးတွေစပါတော့တယ်။အိန္ဒိယနိုင်ငံရဲ့ကျေးလက်ဒေသမှာနေထိုင်ပြီး ရှေးရိုးစွဲအယူတွေကြားမှာ မိန်းကလေးနှစ်ယောက်ကို နပန်းသင်ပေးတယ်ဆိုရတာကတော့ ကောင်းကင်ကကြယ်ကိုဆွတ်ခူးရသလိုပါပဲ။အတိုက်အခိုက်၊ဝေဖန်ရှုံချမှုတွေနဲ့ မနာလိုမှုတွေရှိနေပေမယ့် Mahavir တစ်ယောက်ကတော့ ပတ်ဝန်းကျင်ပြောတာကို ဂရုမစိုက်ပဲ အလုပ်နဲ့သက်သေပြဖို့ကြိုးစားပါတော့တယ်။သမီးနှစ်ယောက်ကတော့ ငယ်ရွယ်သူပီပီ ပျော်ပျော်ပါးပါးနေချင်ပေမယ့် ဖခင်ရဲ့ သံမဏိစည်းကမ်းကတော့ တစ်ပြားမှမလျှော့ပါဘူး။ဒီလိုနဲ့ လေကျင့်လာခဲ့ရာမှ ပြိုင်ပွဲတွေမှာဝင်ရောက်ယှဉ်ပြိုင်နိုင်တဲ့ အဆင့်ကိုရောက်လာပါတော့တယ်။မိန်းကလေးနပန်းသမားမရှိတဲ့ ကျေးရွာမှာတော့ နပန်းပြိုင်ပွဲရဲ့ ပြိုင်ဘက်တွေက ယောကျာ်းလေးတွေကြီးပါပဲ။မိန်းကလေးမလို့ ပြိုင်ပွဲဝင်ခွင့်တော်တော်များများမှာ ငြင်းပယ်ခံရပေမယ့် ပထမဆုံးယှဉ်ပြိုင်နိုင်တဲ့ပွဲမှာ ယောကျာ်းလေးပြိုင်ဘက်ကို အနိုင်ရခဲ့ပြီးနောက်ပိုင်း ပြိုင်ပွဲတိုင်းမှာ အနိုင်ရပြီး ပြည်နယ်အဆင့်ရောက်ကာ ပြည်နယ်အဆင့်မှာပါ ရွှေတံဆိပ်ဆုရခဲ့ပြီး နိုင်ငံလက်ရွေးစင်အဖြစ်ရွေးချယ်ခံရပါတော့တယ်။ နိုင်ငံလက်ရွေးစင်ဖြစ်လို့ ဝမ်းသာမဆုံးဖြစ်နေတဲ့ Mahavir အတွက်ကတော့ လေ့ကျင့်ရေးအထောက်အပံ့အပြည့်အစုံရှိတဲ့ မြို့ကြီးမှာ စခန်းသွင်းလေ့ကျင့်လိုတဲ့ သမီးကြီး Geeta ရဲ့ ဆန္ဒကိုလိုက်လျောပြီး ပို့ဆောင်ပေးခဲ့ပါတယ်။ဖခင်ရဲ့ သံမဏိစည်းကမ်းကနေလွတ်မြောက်ပြီး လွတ်လွတ်လပ်လပ်နေရတဲ့ Geeta အတွက်ကတော့ အရာရာကပျော်ရွှင်ဖွယ်ရာအတိပါ။နည်းပြဆရာအသစ်နဲ့လေ့ကျင့်ရပြီး သူ့အဖေသင်ပေးတာတွေထက်ပိုကောင်းတယ်လို့လည်း မှတ်ယူလာခဲ့ပါတယ်။တစ်ရက်ခွင့်ရလို့ အိမ်အပြန်မှာ သူအဖေ့ရဲ့နည်းစနစ်တွေက ခေတ်နောက်ကြနေပြီး အလုပ်မဖြစ်တော့ဘူးဟုပြောလာသောအခါ သားအဖနှစ်ယောက်မှာ စိတ်ဝမ်းကွဲသွားပါတော့တယ်။ဒါပေမဲ့ Geeta တစ်ယောက်သူ့ဆရာရဲ့နည်းစနစ်တွေအတိုင်း နိုင်ငံတကာပွဲကို သွားရောက်ယှဉ်ပြိုင်ပေမဲ့ ပထမအဆင့်ကနေထွက်ခဲ့ရပါတော့တယ်။သူ့ရဲ့ လက်ရွေးစင်ဘဝကိုလည်း ဆိုးရွားတဲ့ရလဒ်က ခြိမ်းခြောက်လာပါတော့တယ်။နောက်ဆုံးအခွင့်ရေးကတော့ အိန္ဒိယနိုင်ငံမှာ ကျင်းပတဲ့ 2010 Commonwealth Games မှာ ဆုတံဆိပ်ရယူနိုင်ရေးပါ။ဒီလိုအချိနိမှာ သတိရမိတာကတော့ အဖေဖြစ်သူကိုပါပဲ။အဖေဖြစ်သူကလည်း သမီးဖြစ်သူကို ခွင့်လွှတ်ပေးပြီး ဆုတံဆိပ်ရယူပေးဖို့အတွက် အစွမ်းကုန်ကူညီပါတော့တယ်။သူတို့သားအဖနှစ်ယောက်လုံးမျှော်လင့်တဲ့ ရွှေတံဆိပ်ဆုက ရယူနိုင်မလား......... ဘယ်လိုအခက်အခဲတွေနဲ့ ကြုံတွေ့ရမလည်း....... အောင်မြင်အောင်လုပ်ဆောင်နိုင်မလားဆိုတာကတော့........... ဇာတ်ကားအကြောင်းနဲ့ ရိုက်ကူးထုတ်လုပ်မှု Dangal ဇာတ်ကားက 3 idiots, PK,Every child is special ဇာတ်ကားနဲ့ ကျွန်တော်တို့ရဲ့အချစ်တော်ကြီးဖြစ်တဲ့ မင်သား Aamir Khan ရဲ့ နောက်ဆုံးထွက် ဇာတ်ကားတစ်ကားဖြစ်ရုံသာမက တကယ့်အဖြစ်မှန်ကို အခြေခံရိုက်ကူးထားတဲ့ sport biopic ဇာတ်ကားလည်းဖြစ်ပါတယ်။ဒီဇာတ်ကားမထွက်ခင်မှာ မင်းသားရဲ့ body training video ကို တော်တော်များများ ကြည့်ပြီးသဘောကျခဲ့ပါတယ်။၂ နှစ်နေမှ ရုပ်ရှင်ကားထွက်ရှိတဲ့ မင်းသားကြီးကတော့ ဇာတ်ကားရိုက်ကူးရာမှာ အသေအချာကိုရိုက်ကူးတဲ့ မင်းသားတစ်ယောက်လည်းဖြစ်ပါတယ်။ ဒီဇာတ်ကားရဲ့ ထုတ်လုပ်သူတွေကတော့ Walt Disney production,Aamir Khan Production,UTV Motion Picture တိူ့ပဲဖြစ်ပြီး ဒီဇာတ်ကားကို အဓိကရိုက်ကူးဖို့ စဉ်းစားမိသူကတော့ Disney ရဲ့ ထုတ်လုပ်သူတွေပဲဖြစ်ပါတယ်။ဒါရိုက်တာ Nitesh Tiwari ကတော့ Disney ရဲ့ ရိုက်ချင်တဲ့အကြောင်းကို တကယ့်လက်တွေ့က Mahavir မိသားစုနဲ့ တိုင်ပင်ပြီး သေချာမေးမြန်းကာ ဇာတ်ညွန်းရေးပြီး ကိုယ်တိုင် ဒါရိုက်တာအဖြစ် ရိုက်ကူးခဲ့ခြင်းဖြစ်ပါတယ်။မင်းသားအဖြစ်ကတော့ Aamir Khan ကိုပဲ ကမ်းလှမ်းခဲ့တာဖြစ်ပါတယ်။ ဒီဇာတ်ကားထဲမှာ သရုပ်ဆောင်ရဲ့မင်းသားရဲ့ဇာတ်ရုပ်က အိန္ဒိယနိုင်ငံရဲ့ ပထမဆုံးသော နပန်းအားကစားနည်းကနေ ရွှေတံဆိပ်ဆုရခဲ့တဲ့ Geeta Phogat ရဲ့ နည်းပြတစ်ဖြစ်လည်း ဖခင် Mahavir Singh Phogat ရဲ့ အကြောင်းပါ။ဒါပေမဲ့ တကယ့် အပြင်မှာ Mahavir ရဲ့ သရုပ်က အသက်၆၀ အရွယ် ခပ်ဝဝအဖိုးကြီးတစ်ယောက်ပါ။မင်းသား Aamir Khan ကတော့ ဒီဇာတ်လမ်းရဲ့ဇာတ်ညွန်းကိုရတဲ့အချိန် 2014 ခုနှစ်မှာတော့ အသက်၅၀ အရွယ်ရှိပြီး Dohm 3 ရိုက်ကူးပြီးစကာလဖြစ်တာကြောင့် ခန္ဓာကိုယ်တောင့်တောင့်တင်းတင်းနဲ့ လူငယ်စတိုင်ဖြစ်နေပါတယ်။ဒါကြောင့် ဒီဇာတ်လမ်းကို သိမ်းထားပြီး သူအသက်၆၀ အရွယ်ရောက်မှာ ရိုက်ကူးမယ်ဆိုပြီး သူ့ရဲ့နာမည်အကြီးဆုံးနဲ့ ဝင်ငွေအများဆုံးရရှိခဲ့တဲ့ PK ဇာတ်ကားကို ရိုက်ကူးခဲ့ပါတယ်။ဒါပေမဲ့ သူ့စိတ်ထဲမှာတော့ ဒီဇာတ်ညွန်းကို မထုတ်နိုင်ခဲ့ပါဘူး။နောက်ဆုံးတော့ မင်းသားက ဒီဇာတ်ကားကိုရိုက်ကူးပါတော့တယ်။ဇာတ်ကားရိုက်ကူးရာမှာ ပီပြင်စေရန်အတွက် PK ရိုက်ကူးပြီး 65kg ရှိတဲ့ ခန္ဓာကိုယ်ကို 95 Kg ထိရောက်အောင် လေးလတိတိ အလေးချိန်တိုးအောင်လုပ်ခဲ့ပြီး တကယ်နည်းပြဆရာပုံအတိုင်း ဗိုက်ရွဲရွဲ ဝတုတ်တုတ်အဖိုးကြီးပုံဖြစ်အောင် ပြောင်းလဲခဲ့ပါတယ်။ဒီ့ထက်ပိုပြီး လေးစားဖို့ကောင်းတာကတော့ 15 စက္ကန့်သာပါတဲ့ ငယ်ဘဝဇာတ်ဝင်ခန်း fight scence အတွက် နောက်ထပ်လေးလတိုင်တိုင် ဝိတ်လျှော့ပြီး six pack ထွက်အောင်လေ့ကျင့်ခဲ့ပါတယ်။တကယ်ကို အဲ့သြလေးစားဖို့ကောင်းတဲ့ မင်းသားရဲ့အနုပညာအပေါ်ရိုးသားမှုပါပဲ။ ဒီဇာတ်ကားအတွက် ပြင်ဆင်ခဲ့တာက မင်းသား Aamir Khan တစ်ယောက်တည်းတော့မဟုတ်ပါဘူး။Geeta နေရာမှာသရုပ်ဆောင်တဲ့ မင်းသမီး Fatima Sana Shaikh အပါအဝင် နပန်းပြိုင်ပွဲဝင်မယ့် သရုပ်ဆောင်တိုင်း 2015 Junior Indian women's wrestling team coach Kripa Shan Patel Bishnoiနဲ့ နပန်းနဲ့ပတ်သတ်တဲ့ သင်တင်းမှာ တက်ရောက်သင်ကြားခဲ့ရပါတယ်။နောက်ပြီး မင်းသမီး ရဲ့ ရှည်လျားလှပတဲ့ဆံပင်ကိုလည်း နှစ်ကြိမ်တိုင်တိုင်ညှပ်ခဲ့ရပြီး နပန်းသမား ပုံစံပီသအောင် လေ့ကျင့်ခန်းများလည်း လုပ်ဆောင်ခဲ့ရပါတယ်။အဲ့လိုသေချာပြင်ဆင်မှုကြောင့် ဇာတ်ကားအတွင်းမှာ ဇာတ်ကောင်နဲ့တစ်သားတည်းကြပြီး ပရိသတ်သဘောကျစေခဲ့ပါတယ်။ ရိုက်ကူးချိန်ကတော့ ပထမရိုက်ကူးမှုကလေးလကြာမြင့်ခဲ့ပြီး မင်းသားရဲ့ body training အပြီးကျန်ရှိတဲ့ ရိုက်ကူးမှုကတော့ ၁လ နီးပါးကြာမြင့်ခဲ့ပါတယ်။စုစုပေါင်း ရိုက်ကူးမှုကြာချိန်ကတော့ ၉လ ကျော်ကြာမြင့်ခဲ့ပါတယ်။ ဝင်ငွေအပိုင်းမှာဆိုရင်လည်း ရုံစတင်တဲ့ December 23 ကနေပြီး ယနေ့ January 9 ရက်နေ့ရောက်တဲ့အချိန် ၂ ပတ်ခွဲအတွင်းမှာပဲ အိန္ဒိယနိုင်ငံရဲ့ တစ်သတ်တာ ဝင်ငွေအများဆုံးရုပ်ရှင်ဇာတ်ကားအဖြစ် သန်း၈၀ ကျော်နဲ့ စံချိန်တင်သွားခဲ့ပြီပဲ ဖြစ်ပါတယ်။ယခင်စံချိန်အဟောင်းကတော့ မင်းသားရဲ့ Aamir Khan ရဲ့ 2014 က ထွက်ရှိခဲ့တဲ့ PK ဇာတ်ကားပဲဖြစ်ပြီး သူတင်ထားတဲ့စံချိန်ကို သူကိုယ်တိုင်ပဲ ပြန်ချိုးခဲ့တဲ့ အဲ့သြဖွယ်ရလဒ်ပဲဖြစ်ပါတယ်။ဒီဇာတ်ကားက ပထမဆုံး ဒေါ်လာ သန်း၁၀၀ ကျော်ဝင်ငွေရမယ့် အိန္ဒိယဇာတ်ကားဖြစ်နိုင်တယ်လို့ ထင်ကြေးပေးခံနေရပါတယ်။ယခုစံချိန်အတိုင်းဆိုရင်လည်း စံချိန်တင်နိုင်ဖို့လည်း ရှိပါတယ်။ ဇာတ်ကားအပေါ်သုံးသပ်ချက် ဒီဇာတ်ကားမှာ သရုပ်ဆောင်ခဲ့တဲ့ မင်းသား Aamir Khan ကတော့ ဒီဇာတ်ကားက ဖိနှိပ်ခံနေရတဲ့ အိန္ဒိယအမျိုးသမီးထုကို ကိုယ်စားပြုတယ်လို့ပြောပါတယ်။အိန္ဒိယနိုင်ငံမှာက မြို့ုကြီးမှာကလွဲရင် ကျန်တဲ့ဒေသကမိန်းကလေးအပေါ် မိဘတွေ အထူးသဖြင့် ယောကျာ်လေးဖြစ်တဲ့အဖေတွေရဲ့ အမြင်ကတော့ အိမ်မှုကိစ္စလုပ်နိုင်ပြီး အရွယ်ရောက်တာနဲ့ ယောကျာ်းယူပြီး ကလေးမွေးဖို့ဆိုတာက ရှေးကနေ အခုထိစွဲမြဲနေတုန်းပါပဲ။ဒီဇာတ်ကားထဲက ဇာတ်ကောင် Mahavir ကတော့ သူ့သမီးတွေကို ပညာသင်ခိုင်းပြီး နပန်းအားကစားမှာပါ ရွှေတံဆိပ်ဆုရအောင် လုပ်နိုင်ခဲ့တဲ့အတွက် စံပြအတုယူစရာပဲဖြစ်ပါတယ်။ အိန္ဒိယမှာ အမျိုးသမီးတွေနပန်းအားကစားဖြစ်ဖို့ ကြီးမားတဲ့အဟန့်အတားကတော့ အကျီကြောင့်ပဲဖြစ်ပါတယ်။ရှေးရိုးစွဲတွေရဲ့ အမြင်ကြောင့် ထိန်းချုပ်မှုများတဲ့နိုင်ငံမှာတော့ နပန်းအားကစားနည်းသာမက တစ်ခြားအားကစားနည်းမှာလည်း မိန်းကလေးတွေက နေရာမရပါဘူး။မင်းသား Aamir Khan ကတော့ ဒီဇာတ်ကားက မိန်းကလေးတွေက ယောကျာ်းလေးတွေနဲ့ တန်းတူအခွင့်အရေးရရင် မိန်းကလေးတွေကလည်း အောင်မြင်အောင်လုပ်ဆောင်နိုင်ဆိုတာကို ပြသနိုင်ဖို့အတွက် ရိုက်ကူးထားသလို တကယ်လည်းပေါ်လွင်ပြီး ကောင်းမွန်လှပါတယ်။ နောက်ပြီး ရေပန်းမစားတဲ့ အမေ့လျော့ခံနပန်းအားကစားနှင့် ဖြစ်ရပ်မှန်ကိုရိုက်ကူးထားတာကြောင့် ကြိုသိနေတဲ့ဇာတ်လမ်းကို စိတ်ဝင်စားလာအောင် ရေးထားတဲ့ဇာတ်ညွန်းကိုတော့ တော်တော်ချီးကျူးးမိပါတယ်။အရင်ကနပန်းနဲ့ပတ်သတ်တဲ့ ဇာတ်ကားတွေကို ကြည့်ခဲ့ရပေမယ့် သေချာနားမလည်ခဲ့ပါဘူး။ဒီဇာတ်ကားထဲမှာတော့ နပန်းအားကစားနည်းရဲ့ အမှတ်ပေးပုံ၊ဘယ်လိုယှဉ်ပြိုင်ရသလဲ၊အချိန်ဘယ်လောက်ရတယ်ဆိုတာကို အချိန်၃ မိနစ်အတွင်းမှာပဲ နားလည်အောင်ရှင်းပြနိုင်သလို နောက်ပိုင်းနပန်းပြိုင်တဲ့အချိန်မှာ အမှတ်ဘယ်လောက်ရလည်းဆိုတာကို ကိုယ်တိုင်တွက်ချက်နိုင်ခဲ့ပါတယ်။ဒီဇာတ်ကားကြည့်ပြီး နပန်းအားကစားနည်းကို စိတ်ဝင်စားလာမိပါတယ်။ ဒါရိုက်တာနဲ့ဇာတ်ညွန်းတာဝန်ယူထားတဲ Nitesh Tiwari ကတော့ သေချာကြိုးပမ်းပြီးရိုက်ကူးထားသလို မင်းသား Aamir Khan နဲ့ မင်းသမီး Fatima Sana Shaikh အပါအဝင် သရုပ်ဆောင်တိုင်းရဲ့ သရုပ်ဆောင်မှုက လက်တွေ့နဲ့တစ်သားတည်းကြပါတယ်။နောက်ပြီးဇာတ်ဝင်တေးသိချင်းတွေလည်း ကောင်းပြီးအဓိပ္ပါယ်ရှိပါတယ်။ကလေးနှစ်ယောက် Training လုပ်တဲ့အချိန်မှာ သုံးတဲ့ဇာတ်ဝင်သီချင်းမှာဆိုရင် သူတို့အဖေက ဘောလီးဝုဒ်က အဆိုးဆုံးဗီလိန်ထက် ပိုဆိုးတဲ့သူဖြစ်ကြောင်း ဆိုထားတာက ချစ်စဖွယ်လေးပါ။ နောက်ပြီး နပန်းပြိုင်တဲ့အချိန်မှာ ကစားသမားတွေရဲ့လှုပ်ရှားမှုကို ရိုက်ကူးတာတော်တော်ကောင်းပါတယ်။ခံစစ်ကစားပုံ၊တိုက်စစ်ဆင်ပုံ၊အယောင်ပြပုံ၊ကိုင်ပေါက်ပုံတွေ ရိုက်ကူးထားတာက တကယ့်ကိုအပြင်မှာ ကြည့်ရှု့နေရတဲ့အတိုင်းပါပဲ။အသက်ဝင်လှပါတယ်။ တစ်လက်စတည်းတွေးမိတာက ကျွန်တော်တို့နိုင်ငံရဲ့ အားကစားအကြောင်းပါပဲ။လူတိုင်းကြိုက်တဲ့ အမျိုးသားဘောလုံးအသင်းကိုသာ ပိုက်ဆံတော်တော်များများသုံးစွဲပြီး ကျန်တဲ့ အားကစားနည်းတွေကို ပံပိုးမှုအားနည်းခဲ့တာကို မျက်ကွယ်ပြိုပြီး ဆီးဂိမ်းပြိုင်ပွဲတွေမှာ ဆုတံဆိပ်ရယူချင်တဲ့ လူကြီးမင်းများနှင့် ကျွန်တော်အပါအဝင်ပရိသတ်တွေကတော့ ဒီဇာတ်ကားကိုကြည့်မိတဲ့အချိန်မှာ နိုင်ငံအတွက်ပေးဆပ်ပြီး ရွေရယူပေးဖို့ ခက်ခက်ခဲခကြိုးပမ်းနေတဲ့ အားကစားသမားတွေကိုလည်း အားနာမိပြီး အရှက်ရမိပါတယ်။အနီးစပ်ဆုံး အမျိုးသမီးဘောလုံးအသင်းတောင်မှ ပံပိုးမှု အပြည့်မရခဲ့ပါဘူး။ ကျွန်တော်တို့နိုင်ငံမှာလည်း အာရှအဆင့်၊အိုလံပစ်အဆင့်ထိရောက်နိုင်တဲ့ နပန်းအားကစားသမားတွေရှိပါတယ်။ကျွန်တော်အမှတ်မမှားဘူးဆိုရင် 2013 နေပြည်တော်ဆီးဂိမ်းမှာ နပန်းအားကစားနညိးကနေ ဆုတံဆိပ်များစွာရခဲ့သလို 2015 စင်ကာပူဆီဂိမ်းတုန်းကလည်း ဆုတံဆိပ်ရခဲ့ပါတယ်။ဒါပေမဲ့ သူတို့တွေအတွက် ချီးမြှောက်မှု၊ဘဝအာမခံချက်အတွက် အာမခံမှုရရှိခဲ့လားဆိုတာကတော့ မသိခဲ့ပါဘူး။နိုင်ငံအတွက်ပေးဆပ်ပြီး ဂုဏ်ဆောင်နေတဲ့ အားကစားသမားတွေအကုန် တန်းတူညီမျှအကျိုးခံစားခွင့်ရပါစေလို့လည်း မျှော်လင့်ပါတယ်။ ဒီဇာတ်ကားကတော့ ရသအစုံကိုခံစားရမယ့် ဇာတ်ကားပါ။ပျော်ရွှင်စရာတွေ၊စိတ်ဓာတ်တတ်ကြွစရာတွေ ပါသလို ဝမ်းနည်းဖွယ်အခန်းတွေလည်းပါပါတယ်။ဇာတ်ဝင်ခန်းတစ်ခန်းကတော့ တော်တော်လေး ဝမ်းနည်းဖွယ်ကောင်ပါတယ်။ဇာတ်လမ်းရဲ့အဓိကအသက်ဖြစ်လို့ မပြောတော့ပါဘူး။ကိုယ်တိုင်သာခံစားကြည့်လိူက်ပါ။အနိမ့်အမြင့်အတတ်အကျအစုံပါတဲ့ ဇာတ်ကားက ပရိသတ်ကိုကောင်းကောင်းဖော်ဖြေနိုင်ပါတယ်။ရုပ်ရှင်ဇာတ်ကားကြာချိန် ၁၅၀ မိနစ်အတွင်း တစ်ချက်မှ အာရုံမလွတ်အောင်ဖမ်းစားနိုင်ပါတယ်။ ဒီဇာတ်ကားနဲ့ပတ်သတ်ပြီး ထွက်ရှိတဲ့အချိန်ကစပြီး ဝေဖန်ရေးတွေရဲ့ ချီးကျုုးမှုကိုခံခဲ့ရပြီး ကြည့်ကိုကြည့်သင့်တဲ့ ဇာတ်ကားအဖြစ်လည်း ညွန်းဆိုခဲ့ပါတယ်။IMDB မှာ rating 9.2 ရနေပြီး Rottan Tomatoes ကတော့ 82 ပေးထားပါတယ်။ဒါက အိန္ဒိယဇာတ်ကားတစ်ကားအတွက်တော့ အမြင့်ဆုံး Rating တွေပဲဖြစ်ပါတယ်။နောက်ပြီး မင်းသား Aamir Khan ကြောင့်လည်း ကြည့်ကိုကြည့်သင့်တဲ့ ဇာတ်ကားတစ်ကားပဲဖြစ်ပါတယ်။ Dangal ဇာတ်ကားက ပုံမှန်ဇာတ်ကားတွေထက်ပိုပါတယ်။ကြည့်ပြီးခဏမေ့ပျောက်သွားမယ့် ဇာတ်ကားမျိုးမဟုတ်ပါဘူး။ Aamir Khan ရဲ့ ဇာတ်ကားတွေအတိုင်း ကြည့်ုပြီး ပြောနေရမယ့်ဇာတ်ကားမျိုးပါ။အမျိုးသမီးတွေရဲ့ အခွင့်ရေးတွေ၊ဖိနှိပ်ချုပ်ချယ်မှုတွေ၊ခွဲခြားဆက်ဆံမှုတွေအကြောင်းကို အကောင်းဆုံးပြသနိုင်တဲ့ဇာတ်ကားတစ်ကားပါ။ဒါကြောင့်မလို့ ဒီဇာတ်ကားကို ကြည့်ရှုပြီး စိတ်ဓာတ်ခွန်အားတစ်စုံတစ်ရာရနိုင်ပါစေလို့ပြောရင်း...............။ Reviewd by ZKK File size…(2.6 GB)/(1.3 GB) Quality….BluRay HEVC 1080p / 720p Format…mp4 Duration….02:41:01 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

2023 ရဲ့အက်ရှင်ကားအသစ်တစ်ကားထွက်ရှိလာခဲ့ပါပြီ။ ဇာတ်ကားနာမည်ကတော့ Murder Syndicate ဖြစ်ပြီး မိသားစုတွေနဲ့ ကြေးစားလူသတ်သမားတွေနဲ့ ဒုစရိုက်သမားတွေကြား ဖြစ်ပျက်နေတဲ့ အရာတွေကိုမြင်တွေ့ရမှာပဲဖြစ်ပါတယ်။ ဇာတ်လမ်းအကျဉ်းချုပ်ကတော့ အီဆာဆိုတဲ့ အမျိုးသမီးတစ်ယောက်က ဒုစရိုက်သမားတွေရဲ့ကြားမှာ ခေါင်းဆောင်တစ်ယောက်ဖြစ်ပြီး အဆက်အသွယ်တွေအများကြီးရှိတဲ့ သူတစ်ယောက်လဲဖြစ်ပါတယ်။သူ့ရဲ့သားသမီးတွေဖြစ်တဲ့ ဂျိုနာ ကိန်းနဲ့ ဘက်ကာတို့သုံးယောက်ကလည်း အမေတူသားသမီးတွေပဲဖြစ်ပါတယ်။ တစ်နေ့မှာတော့ သူတို့ရဲ့ရှင်းလင်းသုတ်သင်ရတဲ့ စစ်ဆင်ရေးတစ်ခုကို သားအမိလေးယောက်အတူတူလုပ်ကြရင်း အီဆာတစ်ယောက်ဒဏ်ရာ မရဘဲ မူးလဲသွားခဲ့ပါတော့တယ်။ဒီလိုနဲ့ အီဆာလည်း သူ့ရဲ့ကျန်းမာရေးကို စိုးရိမ်ပြီးတော့ သူ့နေရာကိုတခြားတစ်ယောက်ကို လက်လွှဲပေးဖို့ ခဏတာ အနားယူပြီးစဉ်းစားခဲ့ပါတော့တယ်။အီဆာမှာ ဇိန်းဆိုတဲ့ရည်းစားတစ်ယောက်ရှိပြီး သူ့သားသမီးသုံးယောက်နဲ့ မတည့်တဲ့လူပဲဖြစ်ပါတယ်။နောက်ဆုံးမှာတော့ ဒီလေးယောက်ထဲက တစ်ယောက်ကိုပဲ အီဆာကရာထူးလွှဲအပ်ပေးမှာပါ။ ဒါပေမယ့် အဲ့လိုလွှဲအပ်ခံရမဲ့သူက ဘယ်သူဖြစ်မလဲ။ မိသားစု မဟုတ်တဲ့ အပြင်လူဖြစ်တဲ့ ဇိန်းတစ်ယောက်ကရော မသမာတဲ့နည်းလမ်းတွေနဲ့ အဲ့ဒီရာထူးကို ရဖို့ကြိုးစားရင်းနဲ့ ဘာတွေဖြစ်ကြမလဲဆိုတာကို ကြည့်ရမယ့်ဇာတ်ကားပဲဖြစ်ပါတယ်။ File size…1.11 GB / 508MB Quality…WEB-DL 1080p / 720p Format…mp4 Duration….1h 39m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

An Unfinished Life (2005) ~ IMDb – 7/10, Rotten Tomatoes – 52% ~ ကျေးလက်အငွေ့အသက်တွေနဲ့ မိသားစုဆန်ဆန်ဇာတ်လမ်းမျိုးကြည့်ချင်နေတယ်ဆိုရင် An Unfinished Life ကို ကြည့်ပါ။ Pop Icon တစ်ဦးဖြစ်တဲ့ J Lo အဓိကပါဝင်ထားပြီး ရသတွေ တပုံကြီးပေးတဲ့ဇာတ်ကားကောင်းတစ်ကားဖြစ်ပါတယ်။ ဘဝရဲ့ အငြိုးတရားတွေ၊ ဝမ်းနည်းပူဆွေးမှုတွေကို ဖယ်ရှားပြီး ငြိမ်းချမ်းတဲ့စိတ်အခြေအနေရောက်ဖို့ လက်လွှတ်သင့်တာ လက်လွှတ်ရမယ်ဆိုတဲ့အကြောင်းကို ပုံဖော်ထားပါတယ်။ အိုင်နာ ဆိုတဲ့ ကောင်းဘွိုင်အဖိုးကြီးဟာ သူ့သားသေဆုံးမှုကြောင့် ချွေးမဖြစ်သူကို ရန်လိုနေပြီး ချွေးမဖြစ်သူ ဂျင်း ကတော့ သမီးတစ်ယောက်ပိုက်လို့ နောက်ရည်းစားတိုက်ခန်းမှာနေပါတယ်။ ရည်းစားဖြစ်သူက ကိုယ်ထိလက်ရောက် ညှင်းပန်းတာတွေလုပ်လာတဲ့နောက် မခံနိုင်တဲ့အဆုံး သူ့ကိုမုန်းနေတဲ့ အိုင်နာဆီ မြေးမျက်နှာနဲ့ပြန်သွားရပါတော့တယ်။ သမီးလေးကို ပြုစုရင်း နေရာသစ်မှာ အခြေချဖို့ကြိုးစားနေတဲ့ ဂျင်းကို သူ့ရည်းစားကတော့ လက်မလွှတ်ဘဲ လိုက်ချောင်းနေဆဲပါ။ ဂျင်းကို ပြန်တွေ့ပြီးဘာတွေဆက်ဖြစ်မလဲ… ဂျင်းနဲ့ အိုင်နာတို့ ဆက်ဆံရေးကရော ဘာတွေဆက်ဖြစ်မလဲ… ဆိုတာကတော့ ကိုယ်တိုင်ပဲကြည့်ရှုလိုက်ပါတော့ခင်ဗျာ။ (ဒီဇာတ်ကားနဲ့အညွှန်းကို Shein Waiyan မှ ပြန်ဆို ရေးသားထားပါတယ်) Size – 1.9GB, 850MB Quality – 1080p, 720p IMDb Rating – 7/10 Format – mp4 Duration – 1H 48Min Genre – Drama, Family, Romance Subtitle – Myanmar Subtitle (Hardsub) Translated by Shein Waiyan Encoded by Y

အယ်လင်ဟာ သူနဲ့ခင်ပွန်းဖြစ်သူ ဝီလီယမ်တို့ကြား သားသမီးမထွန်းကားတဲ့ ပြဿနာကိုဖြေရှင်းရာမှာ အထောက်အကူရစေဖို့အတွက် ရောမကနေ အာဖရိကဖြစ် မျက်နှာဖုံးတစ်ခု မှာယူခဲ့ပါတယ်။ ဖြစ်ချင်တော့ မှာလိုက်တဲ့ မျက်နှာဖုံးမဟုတ်ဘဲ မိစ္ဆာရုပ်မျက်နှာဖုံးကြီးဖြစ်နေရာက အယ်လင့်ကိုဝင်ပူးပြီး အိပ်မက်ဆိုးများနဲ့ ခြောက်လှန့်ပါတော့တယ်။ နေ့စဉ်အမျှ ထင်ယောင်ထင်မှားဖြစ်တဲ့ အာရုံတွေကြောင့် အယ်လင့်ခင်ပွန်းဝီလီယမ်ဟာ စိတ်ကျန်းမာရေးဆရာဝန်များနဲ့ အယ်လင့်ကိုပြသခဲ့ပြီး စိတ်ကစဉ့်ကလျားဝေဒနာခံစားနေရကြောင်း ရောဂါအမည် တပ်ခဲ့ပါတယ်။ နေ့စဉ်ဆေးပုံမှန်သောက်နေရတဲ့ အယ်လင်ဟာ ရောဂါသက်သာ လာသလိုရှိပေမယ့် အလျှင်းမပျောက်သေးတာကြောင့် စိတ်ကျန်းမာရေးဆေးရုံ တင်ကုသဖို့ ဝီလီယမ်နဲ့ အယ်လင်တို့ ဇနီးမောင်နှံနှစ်ဦးတည်း တောလမ်းခရီး ထွက်လာခဲ့ကြပါတယ်။ လူသူဝေးတဲ့နေရာရောက်မှ ဆီကုန်လို့ကားထိုးရပ်သွားပြီး ဝီလီယံက ဆီသွား ရှာတာကြောင့် တောနက်ကြီးအလယ်မှာအယ်လင်ဟာ ကားထဲမှာမျက်နှာဖုံးနှင့် နှစ်ယောက်တည်း ကျန်ခဲ့ချိန်ကစပြီး လျှို့ဝှက်သည်းဖိုအဖြစ်အပျက်များ ဆက်တိုက် ကြုံတွေ့ရပါတော့တယ်။ အယ်လင့်ရဲ့အိပ်ဆက်ဆိုးတွေထဲက မိစ္ဆာကောင်ဟာ မျက်နှာဖုံးကြောင့်ဖြစ်မလား.. အယ်လင်ဟာတကယ်ပဲ စိတ်ကစဉ့်ကလျားဝေဒနာကြောင့် ထင်ယောင်ထင်မှားဖြစ်နေတာလား.. စိတ်ကစဉ့်ကလျားဝေဒနာသည်နှင့် ကြာရှည်ပေါင်းသင်းလာရတဲ့ ဝီလီယံဟာ အယ်လင့်ဝေဒနာကို ပျောက်ကင်းအောင်လုပ်နိုင်ပါ့မလား…ဆိုတာ Nightmare Man ဇာတ်ကားမှာရှုစားကြရမှာဖြစ်ပါတယ်။ Horror Thriller အမျိုးအစားဖြစ်ပြီး R အဆင့်သတ်မှတ်ချက်အရ သွေးထွက်သံယိုနှင့် ဝတ်လစ်စားလစ်ဇာတ်ဝင်ခန်းများပါဝင်တာကြောင့် ကလေးသူငယ်များနှင့် မိသားစုအလိုက်ကြည့်ရှုရန် မသင့်ကြောင်းတင်ပြလိုက်ရပါတယ်။ File size…1.62GB / 688MB Quality…WEB-Rip 1080p 5.1 CH/ 720p Format…mp4 Duration….1h 29m Genre ….. Comedy , Horror , Thriller Subtitle….Myanmar Subtitle (Hard Sub) Encoder….Min Wai Translated by Miyamoto

Pamali : The Corpse Village [2023) (IMDb 6.8/10) ရွာတစ်ရွာမှာ အမည်မသိပလိပ်ရောဂါဆိုးကြီး ပျံ့နှံ့ကူးစက်နေတဲ့အတွက်ကြောင့် ခရိုင်ရုံးက ကျန်းမာရေးဝန်ထမ်းအချို့ကို စေလွှတ်လိုက်ပါတယ်… ရွာက အခေါင်အဖျားကျတဲ့အပြင် လူဦးရေနည်းပါတဲ့အပြင် မပြင်းထန်လွန်ဘူးလို့ ယူဆတာကြောင့် ဝန်ထမ်း ၃ယောက်ကိုသာ စေလွှတ်လိုက်ပါတယ်… ရွာကို လှေစီးသွားခါနီးမှာ မီလာတို့ ၃ယောက်အပြင် အခြားရွာက သုဘရာဇာ၂ယောက်လည်း ပါလာပါတော့တယ်…. အကြောင်းကတော့ ရွာမှာ လူသေအလောင်းတွေ မတရားစုပုံနေတဲ့အပြင် မြှုပ်ပေးမယ့် သုဘရာဇာကိုယ်တိုင် ရောဂါကူးစက်သွားတာကြောင့်ပဲဖြစ်ပါတယ်… အစမှာတော့ အရာရာက ပုံမှန်လို လည်ပတ်နေပေမယ့် နောက်ပိုင်းမှာတော့ တဖြည်းဖြည်းထူးဆန်းတဲ့ အရာတွေ ဖြစ်လာပြီးတော့ ညဆိုရင် အစ္စလာမ်ဘာသာအယူအဆရ သေသူကို အဝတ်နဲ့ စည်းနှောင်ထားတဲ့ပုံစံနဲ့ ပိုချွန်းလို့ အမည်ရတဲ့ သရဲရုပ်အလောင်းကောင်တွေက ခြောက်လှန့်လာပါတော့တယ်… ဒီလိုအဖြစ်ဆိုးကြီးက ဘာကြောင့်ဘယ်လိုဖြစ်နေမှန်း မသိပေမယ့် တနေ့ထက်တနေ့ ဆိုးဝါးလာပြီး လူသားတွေပါ ဒုက္ခရောက်တဲ့အထိ ဖြစ်လာပါတော့တယ်… ဇာတ်လမ်းရဲ့ အဆုံးမှာ ဘာတွေဖြစ်ပြီး ဘယ်လိုအလှည့်အပြောင်းတွေ ထိတ်လှန့်ခြောက်ခြားစရာတွေနဲ့ တွေ့ကြုံရမလဲဆိုတာ ကိုယ်တိုင်ရှုစားလိုက်ကြပါဦးနော် အညွှန်း နဲ့ ဘာသာပြန်ကတော့ Tun Aung Kyaw ပဲ ဖြစ်ပါတယ်။ Genre….. Horror, Mystery Quality…. 1080p | 720p File size… 911MB | 498MB Format… mp4 Duration…. 1h 37min Subtitle…. Myanmar Subtitle (Hardsub) Translator ….. Tun Aung Kyaw Encoder ….. Aaron

Deepavali Bonus (2024) ဒီပါဝလီအပိုဆုကြေး ဒီပါဝလီပွဲနီးကပ်လာပြီဖြစ်တဲ့အတွက်လိုအပ်တာတွေပြင်ဆင်နေကြတဲ့ ရာဗီနဲ့ ဂီသာတို့ လင်မယား၂ယောက် .. ဂီသာရဲ့သူဌေးကတော့ အလုပ်လုပ်ဖို့ရောက်တာနဲ့ ပြစ်တင် ကြိမ်းမောင်းနေသူမျိုးပါ ရာဗီရဲ့အလုပ်ရှင်ကတော့ ပွဲတော်အတွက်အပိုဆုကြေးပေးမယ်ပြောပေမဲ့ တကယ်ရက်နီးတဲ့အခါ အလုပ်ဆင်းရမယ်ဆိုပြီးအာဏာသုံးဖိအားပေးလာတဲ့အခါ သူတို့ဟာအလုပ်ရှင်ကိုမကျေနပ်ကြောင်းထုတ်ဖော်ဖို့ ‌အကြောင်းဖန်လာခဲ့ပါတယ် သူတို့သူဌေးတွေရဲ့ ဖိအားပေးမှု၊ အပိုဆုကြေးလိုလိုချင်ချင်ထုတ်မပေးမှုတွေအပြင် သူတို့သားငယ်လေးရဲ့လိုအပ်ချက်တွေပါဖြည့်ဆည်းဖို့ဖြစ်လာတဲ့အခါမှာတော့… ဘယ်လိုရှေ့ဆက် ကြိုးစားသွားရမလဲ သူတို့ရဲ့ဆက်ဆံရေးပေါ်မှာလည်းသက်ရောက်မှုရှိမလားဆိုတာ………… အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ်

ဒီဇာတ်ကားက မြန်မာမင်းသားဖိုးကျော် နဲ့တူတဲ့ Kevin Bacon ရဲ့ဇာတ်ကားလေးပါ။ ဒီဇာတ်က စစ်ကားဆိုပေမဲ့ စစ်တိုက်တာ မပါတဲ့ War Drama အမျိုးအစားလေးပါ။ 9/11 ကိစ္စအပြီးမှာ US ရဲ့ Marine တပ်တွေက အီရတ်နဲ့ အာဖဂန်နစ္စတန်မှာ တပ်တွေချထားပြီး အဲ့က သူပုန်သောင်းကျန်းသူတွေနဲ့ တိုက်ကြပါတယ်။ ဒါပေမဲ့ ဒီဇာတ်လမ်းမှာတော့ ဘယ်သူကမှန်တယ် မှားတယ်ဆိုတာထက် စစ်ပွဲထဲမှာ သေသွားရတဲ့စစ်သားတွေ ဘက်ကနေ ရိုက်ပြထားပါတယ်။ ဖြစ်ရပ်မှန်ဇာတ်ကားလည်းဖြစ်ပြီး အီရန်မှာ တိုက်ပွဲကျသွားတဲ့ တပ်ကြပ် ချန့်ဖက်ပ် က သူသေဆုံးသွားတဲ့ အချိန်မှာ အသက် ၁၉ ပဲ ရှိပါသေးတယ်။ သူရဲ့ အလောင်းကို သူ့မွေးရပ်မြေကို ပြန်ပို့ပေးဖို့ ဗိုလ်မှူးမိုက်ကယ်စတိုဘီ( Kevin Bacon ) က ကိုယ်တိုင် တောင်းဆိုပြီး လိုက်ပို့ပေးတဲ့ ဇာတ်လမ်းလေးကို ရိုက်ထားတာပါ။ ဗိုလ်မှူးမိုက်ကယ်စတိုဘီက တိုက်ပွဲကနေအနားယူပြီး စစ်သား စိစစ်သူအနေနဲ့ လုပ်ကိုင်နေရင်း ရှေ့တန်းမှာ အသက်ငယ်ငယ်နဲ့ တပ်သားတွေ သေဆုံးနေရတာကို အပြစ်ရှိသလိုခံစားနေရသူပါ။ ဒီ ဇာတ်လမ်းနဲ့ Kevin Bacon က အကောင်ဆုံးသရုပ်ဆောင်ရွှေကမ္ဘာလုံးဆုကိုလည်းရရှိထားပါတယ်။ ဒီဇာတ်ကားကြည့်ပြီး မျက်ရည်တော့ နည်းနည်းဝဲမိမှာသေချာပါတယ်။ ကြည့်ရှူခံစားလိုက်ကြပါဦး။ File Size : 1.7 GB, 762 MB Quality : WEB-DL 1080p / 720p Running Time : 1hr 17min Format : Mp4 Genre : Drama, War Subtitle : Myanmar Subtitle (Hard Sub) Translated by : Nikobaby Encode by : Thit San Khant

1965 ခုနှစ်မှာဖြစ်ပျက်ခဲ့တဲ့ ဖြစ်ရပ်မှန်ကို ရိုက်ကူးထားခဲ့တဲ့ The most beautiful wife ဆိုတဲ့ အီတလီဇာတ်ကားလေးဖြစ်ပါတယ်။ ဇာတ်လမ်းအကျဉ်းကတော့ Francesca ဆိုတဲ့ ကောင်မလေးဟာ ငလျင်ကြောင့် အိမ်မရှိတော့ပဲ ဆင်းဆင်းရဲရဲနေရပါတယ်။ တဖက်မှာလဲ မာဖီးယားဂိုဏ်းက Vito ဟာ ပိုက်ဆံရှိတယ်ဆိုပြီး ဆရာကြီးအထာနေတဲ့နေတဲ့သူပါ၊ တစ်နေ့တော့ Vito ဟာ Francesca ကို မြင်ပြီး သဘောကျသွားပြီး လက်ထပ်ခွင့်တောင်းပါတယ်။ အဲ့ဒီအခါ Francesca ကရော Vito ကို ကိစ္စတစ်ခုကြောင့် ငြင်းလိုက်ပါတယ်။ အဲ့လို ငြင်းလိုက်တဲ့ အခါ Vito က လက်ခံမလား။ သူတို့နှစ်ယောက် ဘာဆက်ဖြစ်သွားမလဲဆိုတာ ကြည့်ရှုခံစားလိုက်ကြပါဦး File size…(2.4 GB)/(1 GB) Quality….Blu-Ray 1080p / 720p Format… mp4 Duration…. 01:48:00 Genre… Crime, Drama Subtitle….Myanmar Subtitle (Hardsub) Encoder….Garfield Translated by Ivy Noe

Imago (2024) IMDb Rating (6.2) အရွေ့တွေအရ စိတ်ဝင်စားစရာကောင်းတဲ့နိုင်ငံတစ်ခုဖြစ်တဲ့ ပိုလန်ရဲ့၁၉၈၀ကာလကို ဇာတ်အိမ်တည်ထားတဲ့ ရုပ်ရှင်ပါ။ ကွန်မြူနစ်ပိုလန်ပြည်သူ့သမ္မတနိုင်ငံရဲ့ မှုန်ရီပြာတဲ့ အခြေအနေနဲ့ ခေတ်ကာလကြား ရှင်သန်ခဲ့ရတဲ့ အမျိုးသမီးတစ်ယောက်ရဲ့ ခေတ်ကာလတစ်ခုကို ဖြတ်သန်းပုံနဲ့ ရင်ဆိုင်ပုံတွေကို ပြထားတယ်လို့ပြောလို့ရပါတယ်။ post-punk psychological dramaလို့ ဆိုပါတယ်။ ဂီတအကြောင်းလည်း နည်းနည်းတော့ပါသလို အဓိကဇာတ်ကောင်ကလည်း ပိုလန်က နာမည်ကြီးအဆိုတော်ဖြစ်သွားခဲ့တဲ့အပိုင်းလည်းပါတယ်။ ဒီရုပ်ရှင်ဟာ ကျွန်တော့်အတွက်လည်းမဟုတ်သလို လူတိုင်းအတွက်လည်းမဟုတ်ပါဘူး။ ဒီနိုင်ငံတွေရဲ့ အရွေ့တွေကို ကျွန်တော်တို့ထက်ပိုကျွမ်းဝင် စိတ်ဝင်စားတဲ့လူတွေအတွက်ဖြစ်ပါလိမ့်မယ်။ မဟုတ်ရင်တော့ အားရကျေနပ်ကြလိမ့်မယ် မထင်ပါဘူး။ (ဝတ်လစ်စလစ်အခန်း တချို့ပါဝင်သောကြောင့်မိသားစုနဲ့ အတူတူကြည့်ရန်မသင့်တော်ပါ။) (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(1.8 GB) / (990 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:54:18 Subtitle….Myanmar Subtitle (Hardsub) Encoder….Double K Translated by W

ဒီတစ်ခါတော့ မြန်မာနိုင်ငံမကဘူး တစ်ကမ္ဘာလုံး ကြုံတွေ့နေရတဲ့ ကပ်ဆိုးထဲက တစ်ခုဖြစ်တဲ့ မှောင်ခို ကလေးရောင်းဝယ်ရေးနဲ့ တရားမဝင် ကိုယ်တွင်း ကလီစာ ထုတ်ရောင်းဝယ်ရေးလုပ်ငန်းရဲ့ အမှောင်တစ်ခြမ်းကို ပုံဖော်ရိုက်ကူးထားတဲ့ကားကို ဘာသာပြန်တင်ဆက်ပေးလိုက်ပါတယ်… ဒီကားထဲမှာ သမီးလေးကို မျက်စိရှေ့မှာ လုယူခံလိုက်ရတဲ့ ကျန်းလီတစ်ယောက်က အပိုမပါတဲ့ အသက်တစ်ချောင်းနဲ့ လောင်းကြေးထပ်ပြီးတော့ သူ့သမီးကို ရအောင်ကယ်ဖို့ ကြိုးစားနေတဲ့ အခိုက်အတန့်ကို ရိုက်ကူးပုံဖော်ထားတာပါ… ကျန်းလီဟာ တစ်ဦးတည်း တခြားဒေသအထိကို သွားပြီး သဲလွန်စရခဲ့ပေမယ့် သူ့သမီးရှောင်ရှောင်အစား ရှောင်ကျန်းဆိုတဲ့ သူ့သမီးလေး ဂါဝန်ဝတ်ထားတဲ့ ကလေးလေးကိုပဲ တွေ့ခဲ့တယ်… နောက်တော့ ရှောင်ကျန်းလေးကို ကယ်တင်ပေးခဲ့ရာကနေ ဒီမြွေနီဆိုတဲ့ ဒုစရိုက်ဂိုဏ်းရဲ့ လမ်းစကို သိမြင်ခဲ့တာပေါ့… ဒီမြွေနီဂိုဏ်းခေါင်းဆောင်ဆိုတာလည်း ခေသူမဟုတ်တဲ့ ဒေသခံ ခရိုနီတစ်ယောက်လည်းဖြစ်… ဒေသခံ ရဲစခန်းမှူးကြီးနဲ့တောင် ပုခုံးဖက်ပေါင်းနိုင်တဲ့အထိ ပေါက်ရောက်သူကဖြစ်နေပြန်ရော… ဒီတော့ ကျန်းလီတစ်ယောက် သူ့သမီးလေးကို ရှာတွေ့ပြီး ကယ်တင်နိုင်မှာလား… မြွေနီဂိုဏ်းရဲ့ အမှောင်လောကရော လူတွေရှေ့မှာ ပေါ်ထွက်လာပါ့မလား… ရှောင်ကျန်းလေးကရော ဘာတွေဆက်ဖြစ်မှာလဲ… ဇာတ်ကားလေးကို ကြည့်ပြီး အိမ်မှာ ကလေးတွေရှိရင်လည်း ရန်သူမျိုး ၅ ပါးမကတဲ့ ခေတ်ပျက်ကြီးထဲမှာ ကိုယ့်အဖိုးတန်ရတနာလေးတွေကို တန်ဖိုးထားဖို့ မေတ္တာရှေ့ထား သတိပေးလိုက်ပါတယ်နော်…