MDb rating 7.9 ရရှိထားတဲ့ ဒီ The Insider ဆိုတဲ့ဇာတ်ကားဟာဖြစ်ရပ်မှန်ကိုပြန်လည်ရိုက်ကူးထားတာဖြစ်ပါတယ်.. .ဒီကားထဲမှာ အဓိကသရုပ်ဆောင်ထားတဲ့ မင်းသားကြီး ၂ဦးဖြစ်တဲ့ Russell Crowe,နဲ့Al Pacino တို့ကိုတော့ တော်တော်များများသိမယ်ထင်ပါတယ်.. နာမည်ကြီးဆေးလိပ်ကုမ္ပဏီ(၇)ခုရှိတယ် … အဲ့ဒီဆေးလိပ်ကုမ္ပဏီတစ်ခုမှာ ဆေးရွက်ကြီးသုတေသနပိုင်းနဲ့ပတ်သက်ပြီးအလုပ်လုပ်တဲ့ ဒေါက်တာတစ်ယောက်ရှိတယ်. .စမ်းသပ်စစ်ဆေးချက်နဲ့ပတ်သက်ပြီး နီကိုဒင်းဓတ်ရဲ့ဆိုးကျိုးတွေအကြောင်း အထက်လူကြီးဆီကို အဲ့ဒီဒေါက်တာက တင်ပြခဲ့တယ်... .အဲ့ဒီကုမ္ပဏီတွေက သူတို့ရဲ့ထုတ်ကုန်ဖြစ်တဲ့ ဆေးလိပ်တွေဟာ ဘေးဥပါဒ်ဖြစ်စေနိုင်တယ်ဆိုတာကို သိပေမယ့် လျှို့ဝှက်ထားခဲ့ကြတယ်… ဆိုးကျိုးတွေတင်ပြခဲ့တဲ့ ဒေါက်တာဟာလည်း နောက်ပိုင်းမှာ အကြောင်းမဲ့ အလုပ်ထုတ်ခံလိုက်ရတယ်… .. ဖြစ်ချင်တော့တိုက်တိုက်ဆိုင်ဆိုင် သူအလုပ်ဖြုတ်ခံရပြီးချိန်မှာ နာမည်ကြီးတီဗွီအစီအစဉ်တစ်ခုရဲ့ ပရိုဂျူဆာတစ်ယောက် နဲ့အဆက်အသွယ်ရခဲ့တယ်... အဲ့ဒီမှာ ပရိုဂျူဆာ က အလုပ်ဖြုတ်ခံလာရတဲ့ ဒေါက်တာကိုဆေးလိပ်လုပ်ငန်းရဲ့ အတွင်းရေးတွေနဲ့ပတ်သက်ပြီးလျှို့ဝှက်ထားတဲ့အချက်အလက်တွေကို ဖြေပေးဖို့သူတို့အစီအစဉ်မှာပါဝင်ဖို့ပြောလာပါတော့တယ်... ….ဒီကားဟာ ဖြစ်ရပ်မှန်ကို ရိုက်ကူးထားတာဖြစ်သလို ဇာတ်ကောင်တွေ ဒိုင်ယာလော့တွေကလည်း လက်တွေ့ဆန်ပြီး သဘာဝကျတဲ့ ဘက်ကို အားပြုချဉ်းကပ်ထားပါတယ်…. ပြသချိန်၂နာရီကျော်ကြာမြင့်တဲ့ဒီကားဟာ အစပိုင်း နာရီဝက်ကျော်လောက်အထိတော့ လိုက်လံဆက်စပ်နေရလို့ အနည်းငယ် ပျင်းဖို့ကောင်းနေနိုင်ပါတယ်.. ..နောက်ပိုင်းမှာတော့ ကျွန်တော့်လိုခပ်ကြောင်ကြောင်ကားတွေကြိုက်တဲ့သူတွေအဖို့ လုံးဝသဘောကျစေရမယ်လို့တော့အာမခံပါတယ်… File Size : (3.7GB) (1.75GB) and (459MB) Quality : Blu-Ray1080P5.1Ch, 720p Format…mp4 Duration…02:37:00 Genre : Adventure, Drama, Fantasy Subtitle : Myanmar Subtitle (Hard Sub) Translated by JtheKoala Encoded by Phyo Pyae

~ IMDb - 7.4/10, Rotten Tomatoes - 89% ~ သိကြတယ်မလား... ကျွန်တော်တို့ငယ်ငယ်က ကြည့်ခဲ့ရတဲ့ လူသတ်ကားတွေ သရဲကားတွေ။ ဟိုအရင် ကလေးဘဝကတော့ စောင်ထဲမှာ ဖင်ဗူးတောင်းထောင်ပြီး တီဗီဖန်သားပြင်ကို ခိုးခိုးကြည့်ရတာမျိုးပေါ့ဗျာ။ ပြီးရင် နောက်ဖေးသွားကြတဲ့အခါ မောင်နှမတွေ အတန်းလိုက်ကြီး။ အဲဒီအချိန်ဆို သိပ်စည်းလုံးတာ။ ရန်ဖြစ်ထားရင်တောင် အဲဒီအချိန်ဆို ပြန်တည့်ကြရော။ သရဲဆိုတာ တကယ်မရှိဘူးကွလို့ ပြောတဲ့လူကြီး‌တွေက‌တောင် ကျွန်တော်တို့ကို နောက်ဖေးလိုက်ပို့သလိုလိုနဲ့ ဟိုကြည့်ဒီကြည့်လုပ် အိမ်သာလုတက်ကြတာမျိုး။ ကဲဗျာ ငယ်ငယ်က အရောင်စုံခဲ့တဲ့ ပျော်စရာလေးတွေ ပြန်ခံစားမယ်ဆိုပြီး ရှေးရှေး Horror ကားတွေကို ပြန်ခံစားကြည့်တယ်။ ငယ်ငယ်က နားမလည်ဘဲ ကြည့်ခဲ့ရပေမဲ့ အခုတော့ ငါကိုယ်တိုင် ဘာသာပြန်နိုင်နေပြီ။ ကျန်တဲ့သူတွေ အေးဆေးသက်သာကြည့်နိုင်အောင် လုပ်ပေးမယ်ဆိုပြီး ဂရုထဲမှာတောင်းထားတဲ့ကားလေးကို ဖောင်ဒါကြီးရဲ့ လမ်းညွှန်ချက်နဲ့အညီ လုပ်ပေးခဲ့ပါတယ်။ သောက်ကျိုးနည်း ကောင်းလိုက်တာဗျာ။ သိတယ်မလား။ အဲဒီခေတ် Horror တွေရဲ့ စတိုင်တွေ။ လူသတ်သမားရဲ့ ကိုယ်အလေးချိန်က ပေါင် (၃၀၀) နီးပါးလောက်ရှိမယ်။ လေးလုံးခြောက်ဖက်ကြီး။ ရှေ့ကပြေးတဲ့ လေဒီမမက (၁၂၅) ပေါင်လောက်လေး။ ဒါကို လွတ်အောင်မပြေးနိုင်ဘူး။ သောက်ကောင်မက ခြေတောက်ကို ထူးခတ်ပြီး သံတုံးဆွဲထားသလိုပြေးတာလေ။ ဒီကြားထဲ ခေါက်ဆွဲစားတဲ့ တူလောက်ပဲတုတ်တဲ့ သစ်ကိုင်းခြောက်ကို ခလုတ်တိုက်ပြီး လဲသေးတာဗျာ။ ပြန်ထရင် စခရင်တိုင်းမ် လေးမိနစ်လောက်ကြာတယ်။ ပြေးရင်လည်း အိမ်ထဲကိုဝင်ပြေးတာ။ အိမ်ထဲကနေပြီး နောက်ကလိုက်လာတဲ့ကောင်ကို တူတူရေ ဝါး လုပ်ချင်လို့လားမသိပါဘူး။ ပြီးရင် စားပွဲကိုပတ်ပြေး၊ အခန်းတောင့်ကိုကပ်။ နောက်တော့သေပါလေရော။ အားရလိုက်တာဆိုတာများ။ အေးတာပဲ။ အကူအညီသွားခေါ်မယ်ဆိုရင်လည်း လက်မခံ။ တစ်ယောက်တည်းသွားမယ်လုပ်။ ကိုယ်နဲ့ပါလာတဲ့သူကို လူသတ်သမားကသတ်နေရင် ဘေးကနေ ခြေကားယား လက်ကားယားကြီးလုပ်ပြီး အသေထိုင်အော်နေတာ။ ဘေးနားရှိတဲ့ဟာ တခုခုနဲ့ ကောက်ရိုက်ရင်တောင် လူသတ်သမား ချီးထွက်လောက်တယ်။ အခုက ပြေးလည်းမပြေး၊ ကူလည်းမကူ၊ ဘေးကထိုင်အော်တာ အာသီးတောင် လှမ်းမြင်ရတယ်။ ကဲ ကဲ အခုတင်ဆက်ပေးမယ့်ကားကတော့ The Taxes Chainsaw Massacre ပါတဲ့။ ကျွန်တော်တို့ရဲ့ စက်လွှသမား လူသတ်ကားတွေရဲ့ ပထမဆုံး အစပြုရာ ဇာတ်ကားပေါ့။ ဒီဇာတ်ကား‌ကြောင့်ပဲ သားရေမျက်နှာနဲ့ စက်လွှလူသတ်သမားကြီးဆိုတဲ့ ဇာတ်ရုပ်ပေါ်လာတာပေါ့။ အပေါ်က ကျွန်တော် အသည်းပေါက်လို့ရေးထားတာတွေဖတ်ပြီး အချဉ်တော့ မထင်နဲ့ဗျ။ ဇာတ်ကားရဲ့ သမိုင်းကြောင်းက တော်တော်စိတ်ဝင်စားဖို့ကောင်းတယ်။ ဖြစ်ရပ်မှန်ကို အခြေခံပြီး ရိုက်ကူးထားတဲ့ ဇာတ်လမ်းပါ။ တကယ်တော့ ဖြစ်ရပ်မှန်ကို အခြေခံတယ်ဆိုတာက ရုပ်ရှင်ရုံကို လူဝင်များအောင် ဆွတဲ့သဘောပါ။ ဖြစ်ရပ်မှန်ကို အလေးထားလွန်းလို့တော့မဟုတ်ဘူး။ ပြီးတော့ ဒီဇာတ်ကားထွက်တဲ့အချိန်က ဗီယက်နမ်စစ်ပွဲနဲ့ပတ်သက်ပြီး အန်ကယ်ဆမ်တို့ဆီမှာ ဆူပွက်နေလို့ လူတွေကို ရုပ်ရှင်ရုံထဲ မောင်းသွင်းလိုက်တာပါ။ နိုင်ငံရေးအာရုံလွှဲတဲ့ ဇာတ်ကားပေါ့နော်။ သူတို့ အောင်မြင်ပါတယ်။ ကြိတ်ကြိတ်တိုး အားပေးကြတယ်။ နိုင်ငံတော်တော်များများကတော့ ပြသခွင့်ပိတ်ခဲ့တယ်ဗျ။ သတ်ခန်း ဖြတ်ခန်းတွေ ကြမ်းတမ်းလွန်းလို့တဲ့။ အဲဒီခေတ်ကမလို့ ကြမ်းတယ်ထင်ရတာပါ။ ဒီဘက်‌‌ခေတ် ကားတွေနဲ့စာလိုက်ရင်တော့ ရင်တုန်ရုံလောက်ပါပဲ။ ဇာတ်ကားအတွက် ရထားတဲ့ ဘက်ဂျက်က သိပ်နည်းလွန်းတော့ ရက်နည်းနည်းနဲ့ တနေကုန် တညလုံး ရိုက်ခဲ့တဲ့ကားပါပဲ။ ဝင်ငွေကတော့ သောက်သောက်လဲပဲဗျို့။ ဒေါ်လာ ရှစ်သိန်းနဲ့ လုပ်စားလိုက်တာ သန်း (၃၀) ကျော် ပြန်ရတယ်နော်။ ဒီဘက်ခေတ်ဆိုရင် သန်း (၁၅၀) ကျော်ပဲ။ ဇာတ်လမ်းအကျဉ်းကိုတော့ မညွှန်းတော့ပါဘူး။ ဇာတ်ကားအစမှာတင် သူတို့ကိုယ်တိုင် စာတန်းထိုးပေးတာပါတယ်။ ကဲ ပြောနေတာကြာပါတယ်ဗျာ။ ကိုယ်တိုင်ပဲ ကြည့်ရှုခံစားလိုက်ပါတော့။ (ဒီဇာတ်ကားနဲ့အညွှန်းကို Arr Khun Winchester မှ ပြန်ဆို ရေးသားထားပါတယ်) Size - 1.13GB, 690MB Quality - 1080p, 720p IMDb Rating - 7.4/10 Format - mp4 Duration - 1H 23Min Genre - Horror Subtitle - Myanmar Subtitle (Hardsub) Translated by Arr Khun Winchester Encoded by Y

IMDb Rating (7.3) / Rotten Tomatoes (72%) အမေရိကန်သမိုင်းတစ်လျှောက် Most Deadliest Sniper အဖြစ်သတ်မှတ်ခံထားရတဲ့ SEAL စနိုက်ပါသမား Chris Kyle အကြောင်းရိုက်ကူးထားတဲ့ ဖြစ်ရပ်မှန်ရုပ်ရှင်ဇာတ်ကားတစ်ခုဖြစ်ပါတယ်။ Chris Kyle ရဲ့ ကိုယ်တိုင်ရေး အထ္ထုပတ္တိ "American Sniper: The Autobiography of The Most Lethal Sniper in US Military History" စာအုပ်ကိုအခြေခံပြီး မင်းသားကြီး Clint Eastwood က ဒါရိုက်တာအဖြစ် ရိုက်ကူးထားပြီး Bradly Cooper က အဓိကသရုပ်ဆောင် Chris Kyle အဖြစ်ပါဝင်ထားပါတယ်။ ဒီရုပ်ရှင်မှာ စစ်ပွဲကြားကအခြေအနေတွေအပြင် အိမ်မှာကျန်ခဲ့တဲ့ စစ်သားမိသားစုတွေရဲ့ ဘဝကိုလည်း ပေါ်လွင်အောင်ထည့်သွင်းရိုက်ကူးထားပါတယ်။ Chris Kyle ဟာ အစကတော့ တက္ကဆက်က သာမန်မြင်းစီးသမားလေးပေါ့။ ဒါပေမယ့် 9/11 ဖြစ်ရပ်ဆိုးကြီးအပြီး အမေရိကန်က အီရတ်ကိုစစ်ကြေငြာတဲ့အခါမှာ မျိုးချစ်ကြီးဖြစ်တဲ့ Chris ကလည်း စစ်တပ်ထဲစဝင်ပါတော့တယ်။ အမေရိကန်နဲ့ အီရတ်စစ်ပွဲဟာ လူတွေကြား ပြောစရာဖြစ်ခဲ့ပြီး အမေရိကန်ရဲ့ ကျူးကျော်စစ်အပေါ် ဝေဖန်သံတွေဆူခဲ့ပေမယ့် ဒီဇာတ်ကားက နိုင်ငံရေးကားမဟုတ်တာကြောင့် အဲဒါတွေကိုတော့ ထည့်သွင်းရိုက်ကူးထားတာမျိုးမရှိပါဘူး။ Chris Kyle ဟာ လူများများသတ်ဖို့ထက် သူ့ရဲဘော်တွေကို ပိုများများကာကွယ်ချင်တာကြောင့် တစ်ခါ နှစ်ခါ မကဘဲ လေးကြိမ်တိတိ စစ်ထွက်ခဲ့ပါတယ်။ အဆိုပါလေးကြိမ်အတွင်းမှာ သူသတ်ခဲ့တဲ့ ရန်သူပေါင်း ၁၆၀ ကျော်ရှိပါတယ်။ ဒါကြောင့်လည်း သူဟာ အမေရိကန်သမိုင်းတစ်လျှောက် သတ်အားအကောင်းဆုံး စနိုက်ပါသမားအဖြစ် ဂုဏ်ပြုခံခဲ့ရတာပါ။ စစ်ပွဲအတွင်းမှာတင် အီရတ်ဘက်က သူ့ကိုသတ်နိုင်တဲ့သူကို ဒေါ်လာ ၁သိန်း၈သောင်းပေးမယ်ဆိုပြီး ဝရမ်းထုတ်ရတဲ့အထိ ရန်သူတွေကို ဖိန့်ဖိန့်တုန်စေခဲ့ပါတယ်။ Kyle က သူ့ဘဝမှာ ရန်သူ ၁၆၀ ကျော်သတ်ခဲ့တာ နောင်တမရဘဲ သူ့ရဲ့ရဲဘော်ရဲဘက်တွေကို မကယ်နိုင်ခဲ့တာပိုနောင်တရတယ်လို့ ဆိုပါတယ်။ ဒါကြောင့်လည်း သူစစ်ထဲမှာရှိနေရင် သူ့ရဲဘော်ရဲဘက်တွေကို ပိုကယ်နိုင်မယ်ဆိုပြီး စစ်ထဲကို ၄ ကြိမ် တိုင်တိုင် ပြန်သွားခဲ့ပါတယ်။ အဲဒီလိုစစ်ထွက်တိုင်း သူ့အိမ်ကကျန်ခဲ့တဲ့ မိသားစုဝင်တွေဟာ စိတ်အပူကြီးပူကျန်ခဲ့ရပြီး စစ်မထွက်ဖို့တားတဲ့ကြားက အတိုက်အခံလုပ်ပြီး စစ်ပွဲထဲကိုဝင်ခဲ့တဲ့လူမျိုးပါ။ ဒီလို စစ်ထဲပြန်သွားရတဲ့နောက်တစ်ချက်က ပထမဆုံး အကြိမ်မှာထဲက ရန်သူ Sniper တစ်ယောက်နဲ့ ရင်ဆိုင်ခဲ့ရပြီး အဲ့ဒီ Sniper က အီရတ်အလ်ကိုင်ဒါတပ်ဖွဲ့ထဲက ဆီးရီးယားလက်ဖြောင့်သမား မူစတာဖာ ပါပဲ။ သူကလည်းခေသူတော့မဟုတ်ဘူး။ အိုလံပစ်ပြိုင်ပွဲမှာပါ စနိုက်ပါဝင်ပြိုင်ခဲ့တဲ့ ပရော်ဖက်ရှင်နယ်စနိုက်ပါသမားတစ်ယောက်ပါ။ ဒီ Sniper က သူ့လူတွေတစ်ယောက်ပြီး တစ်ယောက် သတ်နေပေမယ့် သူ ဒီကောင့်ကို မသတ်နိုင်တာကြောင့်လည်း ပြန်ပြန်သွားနေတာဖြစ်ပါတယ်။ ဒီရုပ်ရှင်ကိုကြည့်ရင် စစ်ပွဲအနိ‌ဋ္ဌာရုံတွေကြားထဲ ခဏခဏပြန်သွားတဲ့ Chris Kyle ကိုလည်းစာနာမိလာမယ်။ အိမ်မှာကျန်ခဲ့တဲ့ သူ့ဇနီးနဲ့ သားသမီးတွေကိုလည်းကိုယ်ချင်းစာမိပါလိမ့်မယ်။ စစ်ပွဲကို တစ်ကန့်၊ သူ့ရဲ့ အိမ်ပြန်ချိန်လူနေမှုဘဝကို တစ်ကန့် တစ်လှည့်စီပြထားတာကြောင့် တခြားသောစစ်ကားတွေလို "ငါလည်းစစ်တိုက်ချင်လိုက်တာ" ဆိုတဲ့ ခံစားချက်မျိုးပေးမှာမဟုတ်ဘဲ စစ်ပွဲကို မုန်းသွားစေမယ့် စစ်ကားမျိုးပါ။ ဒီရုပ်ရှင်အတွက် မင်းသားကြီး Bradley Cooper ကလည်း ဝိတ်တင်ခဲ့ပါတယ်။ လက်တွေ့ဘဝက Chris Kyle နဲ့ လေသံကအစ ဆင်တူအောင် သရုပ်ဆောင်ထားနိုင်ပါတယ်။ အဲဒါကြောင့် အော်စကာဆု‌ Nominated ဝင်ခဲ့ပြီး ဒီရုပ်ရှင်ကလည်း ဆုပေးပွဲပေါင်းစုံကနေ ဆုပေါင်းများစွာရရှိခဲ့ပါတယ်။ သေနတ်ပစ်တာတွေ၊ ပေါက်ကွဲတာတွေ စစ်ပွဲမြင်ကွင်းတွေကို ပီပီပြင်ပြင်ရိုက်ကူးထားပြီး သွေးထွက်သံယိုခန်းတွေပါဝင်တာကြောင့် အသည်းနုတဲ့သူတွေ မကြည့်ဖို့ အကြံပေးချင်ပါတယ်။ သူ့ဇာတ်လမ်းကိုမကြားဖူးတဲ့ လူတွေအတွက် ဇာတ်သိမ်းပိုင်းက အံ့အားသင့်စရာတစ်ခုဖြစ်ပါလိမ့်မယ်။ ဇာတ်လမ်း စ လယ် ဆုံး ပျင်းစရာမကောင်းအောင် ဆွဲခေါ်သွားနိုင်ပြီး အရင်ကကြည့်ဖူးတဲ့လူတွေအနေနဲ့ကော၊ စစ်ကားကြိုက်နှစ်သက်တဲ့လူတွေအနေနဲ့ပါ ကြည့်ရတာတန်မယ့် ဖြစ်ရပ်မှန်ရုပ်ရှင်ဇာတ်ကားကောင်းတစ်ခုဖြစ်ပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) File size…(5.1 GB)/(1.8 GB)/ (1.2 GB) Quality….WEB-DL 4K HEVC/ 1080p HEVC /720p Format…mkv/mp4 Duration….02:12:38 Subtitle….Myanmar Subtitle(Hardsub) Encoder….Ka Naung Translated by Min Thant Bo

Horror ကားတွေရဲ့ထုံးစံအတိုင်းသူငယ်ချင်းအုပ်စုတစ်စုဟာကျောင်းသားဟောင်းတွေ့ဆုံပွဲအတွက်သူတို့ဇာတိမြို့ကိုပြန်လာကြရာကနေ မမျှော်လင့်ဘဲအငြိုးကြီးတဲ့တစ္ဆေတစ်ကောင်ကိုလွှတ်ပေးမိလျက်သားဖြစ်သွားပါတော့တယ် ကောက်ဆွကြီးနဲ့လူတွေကိုရက်ရက်စက်စက်သတ်တတ်တဲ့သရဲမလက်ထဲကနေ သူတို့ဘယ်လိုထွက်ပြေးကြမလဲ အတိတ်ကအကြောင်းတွေကြောင့်ရန်ငြိုးကြီးနေတဲ့သရဲမကိုရော နှိမ်နင်းလို့ရနိုင်ပါ့မလား ဆိုတာကိုစောင့်ကြည့်ရမှာပါ သရဲမကဇွတ်လိုက်ခြောက်တဲ့အပြင်လူပါတစ်စွက်စွက်သတ်နေတာမို့ အသည်းငယ်တဲ့သူတွေမကြည့်သင့်ပါဘူး။

CM ပရိသတ်ကြီးကို သိုင်းကားကောင်းလေးတစ်ကား တင်ဆက်ပေးလိုက်ပါတယ်။ နယ်စပ်မှာတည်ရှိနေတဲ့ ၄၈ခံတပ်ဟာ တစ်နေ့မှာတော့ မြောက်ပိုင်းသားတွေရဲ့ ဝင်ရောက်တိုက်ခိုက်ခြင်းနဲ့ကြုံတွေ့ခဲ့တယ်။ ၄၈ခံတပ်ခေါင်းဆောင် Li Zheng သမီးဖြစ်သူ Li Jin Rong ကိုစစ်ကူတောင်းဖို့စေလွှတ်လိုက်ရတယ်။ ဇာတ်ကြောင်းကတော့လောကကြီးအကြောင်းနားမလည်တဲ့ မမလေးဘဝကနေပြီး ဘာမှမကြောက်တတ်တဲ့ သူရဲကောင်းတစ်ဦးအဖြစ်ပြောင်းလဲလာပြီး ကလဲ့စားချေခြင်းအလယ်မှာ တစ်ဝဲလည်လည်ဖြစ်နေခဲ့ပြီး နှင်းခွင်းဓားရဲ့တစ်ဦးတည်းသော ဆက်ခံသူဖြစ်ခဲ့သော်ငြားလည်း သူရဲ့ ဖခင်နှင့် မွေးရပ်မြေကို ဆုံးရှုံးလိုက်ရပါတယ်။ အဲဒီအတွက် နာကျင်မှုတွေကို သည်းခံအရှုံးမပေးပဲ စိန်ခေါ်မှုတွေနှင့် ပေးဆပ်မှုတွေကို ရင်ဆိုင်ရန် ကြိုးပမ်းနေတဲ့အချိန်မှာ နောက်ဆုံးမှာ သူမဟာအမှန်တရားကိုသိလိုက်ရတယ်။ အဲဒီအမှန်တရားကဘာဖြစ်နေမလဲဆိုတာကိုတော့ ဆက်ပြီးအဆုံးထိကြည့်ပေးပါဦး။

********************** ဒီကားက lesbian sex ရော straight sex ရောပါလို့ မိသားစုနဲ့လုံးဝမကြည့်သင့်ပါဘူး.. ဇာတ်လမ်းကတော့ သဘော်သားတစ်ယောက်က သူ့ချစ်သူအတွက် ကုန်းပေါ်တက်လာတဲ့အချိန် သူမျှော်လင့်ထားသလို မဖြစ်လာခဲ့ဘဲ အချစ်က လိုက်လို့ပြေးတာလား ပြေးလို့လိုက်တာလား ဇာတ်လမ်းဖြစ်ပါတယ်.. နောက်ပြီးတော့ Mexico ဇာတ်ကားဖြစ်သည့်အလျှောက် မင်းသမီးတွေက မျက်ခုံးမွေးကောင်းကောင်းနဲ့ ဆွဲဆောင်မှုရှိလွန်းတဲ့မျက်လုံးတွေ ပိုင်ဆိုင်ထားတဲ့အပြင် ညိုညက်ညက်အသားအရေတွေကြောင့် အရမ်းကိုကြည့်လို့ကောင်းတဲ့ ဇာတ်ကားဖြစ်ပါကြောင်း… File Size :(3.07GB) (1.07 GB) and (359MB) Quality : Blu-Ray1080p,72p Format…mp4 Duration…01:37:00 Genre : Comedy , Drama , Romance Subtitle : Myanmar Subtitle (Hard Sub) Translated by Kit Encoded by SD

ဒီတစ်ခါ cm ပရိသတ်ကြီးကို Brighton Rock ဆိုတဲ့ ဇာတ်ကားလေး တစ်ကားနဲ့ မိတ်ဆက်ပေးချင်ပါတယ်။ ဒီဇာတ်ကားလေးက စာရေးဆရာကြီး ဂရေဟမ်ဂရင်းရဲ့ ၁၉၃၈ ခုနှစ်က ထုတ်ဝေအောင်မြင်ခဲ့တဲ့ စာအုပ်ကို ပြန်လည် ရိုက်ကူးထားတာ ဖြစ်ပါတယ်။ ၂၀၁၀ ခုနှစ်မှာ ဒီဇာတ်ကားနဲ့ အကောင်းဆုံး မျက်နှာသစ် အမျိုးသမီး ဇာတ်ဆောင်ဆုရရှိခဲ့ပြီး nomination ၈ ခုအထိ ရရှိအောင်မြင်ခဲ့ပါတယ်။ ဇာတ်ကြောင်းက ပင်ကီဘရောင်းဆိုတဲ့ လူဆိုးအဖွဲ့ဝင် ကောင်လေးတစ်ယောက်ဟာ သူ့ဖခင်လို သဘောထားရတဲ့ လူဆိုးဂိုဏ်းခေါင်းဆောင်ကို မျက်စိရှေ့တင် အသတ်ခံ လိုက်ရပါတယ်။ သတ်သွားတဲ့သူကို လက်တုံ့ပြန် သတ်ဖြတ်တဲ့အချိန်မှာ ကံဆိုးချင်တော့ ရို့စ်ဆိုတဲ့ ကောင်မလေးတစ်ယောက်က ဇာတ်ရှုပ်ထဲ ဝင်ပါမိသလို ဖြစ်ပြီး သက်သေခံ ဖြစ်မှန်းမသိ ဖြစ်သွားတာပါ။ ရို့စ်ကို နှုတ်ပိတ်တဲ့အနေနဲ့ သမီးရည်းစားအဖြစ်ကနေ လက်ထပ်တဲ့အထိ ချဉ်းကပ်ခဲ့တဲ့ ပင်ကီဘရောင်းဟာ ဘယ်လိုမျိုး လူသတ်မှုကနေ လွတ်အောင် ကြိုးစားမလဲ။ သူဝင်ဦးစီးဖို့ လုပ်နေတဲ့ လူဆိုးအဖွဲ့က သူ့ကို မယုံကြည်တော့တဲ့ အခါမှာတော့…..။ File size…1.52GB / 712MB Quality…Blu-Ray 1080p / 720p Format…mp4 Duration….1h 51m Genre …..Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Aoi

Classic Films တွေကြိုက်တဲ့သူဆို Alfred Hitchcock ကို သိကြမယ်ထင်ပါတယ်။ ဒီဇာတ်ကားက England က Sir ဘွဲ့ရထားတဲ့ directior တစ်ယောက်ဖြစ်သလို Film လောကမှာ influential အဖြစ်ဆုံးတွေထဲက တစ်ယောက်ဖြစ်တဲ့ Alfred Hitchcockရဲ့ လက်ရာဖြစ်ပါတယ်။ ‌ ထပ်ဆင့်အနေနဲ့ နာမည်ကြီး စာရေးဆရာမ Daphne Du Maurier ရဲ့ ‘The Birds’ အမည်ရ ၀တ္ထုကို ရုပ်ရှင် ပြန်ရိုက်ထားတာဖြစ်ပါတယ်။ 1963 က ထွက်တာဆိုပေမည့် ခုထိ မဟောင်းသွားဘဲ ကောင်းနေဆဲပါပဲ။ IMDb မှာ 7.6 ရရှိထားပါတယ်။ ဇာတ်လမ်းအကြောင်းတော့ အများကြီးပြောမနေတော့ပါဘူး။ ဒီတိုင်း ဘာမှမသိထားဘဲ ကြည့်လိုက်တာ ပိုကောင်းမယ် ယူဆပါတယ်။ File size…(2.7 GB)/(1.2 GB) Quality….Blu-Ray 1080p / 720p Format…mp4 Duration….01:59:00 Genre…Drama, Horror, Mystery Subtitle….Myanmar Subtitle (Hardsub) Encoder….Garfield Translated by BB

“Non Negotiable” ရုပ်ရှင်ဟာ 2024 ခုနှစ်မှာ ထွက်ရှိခဲ့တဲ့ မက္ကဆီကို မှုခင်းသည်းထိတ်ရင်ဖိုဇာတ်ကားဖြစ်ပါတယ်။ ဒီဇာတ်ကားထဲမှာ အထူးစစ်ဆင်ရေးရဲဌာနရဲ့ ကျွမ်းကျင် ဓားစာခံညှိနှိုင်းရေးမှူး Alan Bender ကို အဓိကဦးတည်ပြီး ရိုက်ကူးတင်ဆက်ထားတာဖြစ်ပါတယ်။ Alan ဟာ ပရော်ဖက်ရှင်နယ် နယ်ပယ်မှာအောင်မြင်နေပေမဲ့ သူ့ရဲ့ဇနီး ဗစ်တိုးရီးယားနဲ့ အိမ်ထောင်ရေးသာယာမှုအပိုင်းကို လျစ်လျူရှုနေတာကြောင့် သူတို့နှစ်ဦးကြားက ဆက်ဆံရေးက တင်းမာလာခဲ့ပါတယ်။ ဒီအခြေအနေကိုဖြေရှင်းနေစဉ်မှာပဲ ပြန်ပေးသမားတဦးက နိုင်ငံတော်သမ္မတနဲ့ Alan ရဲ့ဇနီးကိုပါ ဓားစာခံအဖြစ် ဖမ်းဆီး လိုက်တဲ့အခါမှာ သူဟာ အသက်အန္တရာယ်စွန့်စားရတဲ့ အခြေအနေနဲ့ ရင်ဆိုင်ရပါတော့တယ်။ ပြန်ပေးဆွဲသူ Vicente Zambrano ဟာ လူမှုတရားမျှတမှုကို ရှာဖွေသူဖြစ်ပြီး သူနှစ်သက်တဲ့ ဆေးရုံနဲ့ စာသင်ကျောင်းအတွက် အစိုးရကို အလှူငွေပေးဆပ်ဖို့ တောင်းဆိုခဲ့ပါတယ်။ Alan နဲ့ Vicente တို့ကြားက တင်းမာသောအငြင်းပွားမှုတွေ ဆက်တိုက်ပေါ်ပေါက် လာသည်နှင့်အမျှ သူတို့နှစ်ဦးဟာ ကိုယ်ရေးကိုယ်တာအရ ဘယ်လိုပတ်သက်မှုတွေရှိနေခဲ့တာလဲ၊ အတိတ်ကဒဏ်ရာဟောင်းတွေနဲ့ သွေးကြွေးဆပ်ချင်နေတဲ့ Vicente ကို Alan က ဘယ်လိုစည်းရုံးသွား မှာလဲ၊ သူတို့နှစ်ဦးကြား ဉာဏ်ကစားမှု ခံစားချက်အားပြိုင်မှုတွေကို သည်းထိပ်ရင်ဖိုစောင့်ကြည့်ရမယ့် မှုခင်းအက်ရှင်ကားကောင်းတခု ဖြစ်ပါတယ်။ File size…1.21GB / 564MB Quality…NF WEB-DL 1080p 5.1CH / 720p Format…mp4 Duration….1h 27m Genre ….. Action , Comedy , Thriller Subtitle….Myanmar Subtitle (Hard Sub) Encoder….Min Wai Translated by Zaw Myint

CM ပရိသတ်ကြီးအတွက် မဖြစ်မနေ ၁၈ ယောက် စုကြည့်ရမယ့် ဇာတ်ကားလေးကို တင်ဆက်ပေးလိုက်ပါတယ် ဒီရုပ်ရှင်ဟာဆိုရင် ပွင့်လင်းရှင်းလင်းတဲ့ ပြကွက်ပေါင်းများစွာ ပါဝင်နေပေမယ့် p-o-r-n လို နှိုးဆွစေရန် မရည်ရွယ်ဘဲ လိင်ပိုင်းဆိုင်ရာ အသိပညာပေး ဟာသရုပ်ရှင် ပုံစံမျိုး တင်ဆက်ထားပါတယ် Virginia က ဇာတ်လမ်းအစမှာ ကောင်လေးတစ်ယောက် ပစ်တာခံလိုက်ရပြီး ပေါက်ကွဲနေချိန်မှာ Jake ဆိုတဲ့ ကောင်လေးနဲ့တွေ့ပြီး Jake က သူ့စံအိမ်ကို ခေါ်လာပါတယ် ဟိုရောက်တော့ ယောကျာ်း မိန်းမမျိုးစုံ အဝတ်တွေမကပ်ကြဘဲ ပွင့်လင်းမြင်သာစွာ လိင်အပျော်ကြူးနေတာကို မြင်လိုက်ရတော့ Virginia တစ်ယောက် အံ့အားသင့်သွားရပါတယ် Jake က သူ့ပရောဂျက်အတွက် Virginia ကို ကမ်းလှမ်းလာတဲ့အခါမှာ Virginia တစ်ယောက် အလုပ်လည်း မရှိ နေစရာလည်းမရှိသေးတာကြောင့် အရာရာစမ်းသပ်ကြည့်ဖို့ လက်ခံလိုက်ပါတယ် ဒီရုပ်ရှင်မှာဆိုရင် အမျိုးစားစုံလင်အောင် မူမမှန်တဲ့ ကာမစိတ်အမျိုးမျိုးနဲ့အတူ BDSM, Group Sex စတဲ့ နည်းနည်းဆန်းတာကစလို့ ကျွန်တော်တို့သိမှာမဟုတ်လောက်တဲ့ အဆန်းကြယ်ဆုံး လိင်မှုကိစ္စတွေပါ ထည့်သွင်းထားပြီး consent ( နှစ်ဦးသဘောတူညီချက်) ရဲ့ အရေးပါပုံ… လိင်စိတ်အပေါ် အကောင်းမြင်မှု၊ ယောကျာ်းမိန်းမ အယူဝါဒ ကွဲပြားမှုအပြင် အချစ်နှင့် ပျော်ရွှင်မှုကိုရှာဖွေကြပုံတို့ကို မြိုင်မြိုင်ဆိုင်ဆိုင် ကြည့်ရှုရမှာပါ File size…(1.5 GB)/(760 Mb) Quality….Webrip 1080p / 720p Format… mp4 Duration…. 01:25:00 Genre… Comedy Subtitle….Myanmar Subtitle (Hardsub) Encoder….Garfield Translated by Sike Tan

Pedro Páramo (2024) IMDb Rating (6.1) / Rotten Tomatoes (71%) ၁၉၅၅မှာ ထုတ်ခဲ့တဲ့ မက္ကဆီကန် Juan Rulfoရဲ့ ဝတ္တုPedro Páramoကိုပဲ ပြန်ရိုက်ထားတာပါ။ မက္ကဆီကန်ဒါရိုက်တာကပဲရိုက်ထားပြီး ဇာတ်လမ်းကိုက မက္ကဆီကန်အငွေ့အသက် တော်တော်လွှမ်းတဲ့ ဇာတ်လမ်းမျိုးပါပဲ။ အမျိုးအစားက magical realism dramaဖြစ်ပြီး တစ်ကားလုံးမှာ ကျွန်တော်တို့တွေ တစ္ဆေမြို့တွေ တစ္ဆေတွေ နားမလည်နိုင်စရာ အဖြစ်အပျက်တွေကို မြင်ရမှာပါပဲ။ ဒီရုပ်ရှင်ရဲ့ ဒါရိုက်တာကတော့ Rodrigo Prietoပါ။ နာမည်ကျော် စီနီမာတိုဂရပ်ဖာပါပဲ။ ဒီရုပ်ရှင်ကတော့ သူ့ရဲ့ပွဲဦးထွက်ရုပ်ရှင်ပါ။ မက္ကဆီကန်ဒါရိုက်တာတွေထဲ နာမည်အကျော်ဆုံးဖြစ်တဲ့ Alejandro ရဲ့ 21 Gramsတို့ Babelတို့ Amores perrosတို့မှာ စီနီမာတိုဂရပ်ဖာအနေနဲ့ ရိုက်ကူးခဲ့သလို အန်းလီရဲ့ Lust, Cautionနဲ့ Brokeback Mountainမှာလည်း ရိုက်ကူးခဲ့ဖူးတယ်။ The Wolf of Wall Street , The Irishman , Killers of the Flower Moon , Barbie တို့မှာလည်း စီနီမာတိုဂရပ်ဖာက သူပါပဲ။ ဒီနှစ်မှာတော့ တခြားကားတွေ စီနီမာတိုဂရပ်ဖာလုပ်တာ မရှိခဲ့ဘဲ သူ့ရဲ့ ဒီရုပ်ရှင်ကိုပဲ အားစိုက်ရိုက်ကူးခဲ့တယ်။ ဇာတ်ကတော့Alejandroရဲ့ Bardoအငွေ့အသက်မျိုးနည်းနည်းတော့သင်းပါတယ်။ ဘာမှတော့မဆိုင်ပါဘူး။ ဒါပေမဲ့ Bardoက ဒီဝတ္တုကနေပဲ စိတ်ကူးရတာ ဖြစ်ကောင်းဖြစ်နိုင်တယ်။ လူတစ်ယောက်ဟာ သူ့အမေမသေခင်မှာသွားတဲ့အတိုင်း ဝေးလံခေါင်သီတဲ့တစ်နေရာကို ရောက်လာပြီး ပက်ဒရိုပါရာမိုဆိုတဲ့ သူ့အဖေကိုလာရှာတာကနေ ဒီဇာတ်လမ်းကို စထားတယ်။ သူ့အမေပြောဖူးတဲ့ တစ်ချိန်က သာယာလှပတဲ့မြို့ကလေးဟာ သူရောက်တဲ့အချိန်မှာ မြို့ပျက်ပြီးဖြစ်နေခဲ့ပြီ။ တစ္ဆေမြို့လို မြို့တစ်မြို့ဖြစ်နေခဲ့ပြီ။ ဒီတစ္ဆေမြို့မှာ တစ္ဆေတွေရဲ့ စကားနားထောင်ရင်း သူ့အဖေအကြောင်း သူဘာတွေသိလာရမလဲ။ ဒီတစ်မြို့လုံးက တစ္ဆေတွေဟာ သူ့အဖေလက်ချက်နဲ့မကင်းဘဲ သေကြသူတွေဖြစ်နေတဲ့အခါ သူ့အဖေက ဘယ်လိုလူမျိုးဖြစ်ခဲ့လဲဆိုတာကို တစ္ဆေတွေနဲ့တွေ့ရင်းတစချင်းသိလာတာကို ကြည့်ရမှာပါ။ (အညွှန်းနဲ့ဘာသာပြန်ကတော့ W ဖြစ်ပါတယ်။) File size…(2.7 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Fantasy, Horror, Mystery, Thriller Duration….02:13:19 Subtitle….Myanmar Subtitle (Hardsub) Encoder….Benjamin Translated by W

Bang Rajan 2 (2010) ******************** ဒီတစ်ခေါက်မှာတော့ Bang Rajan 1 ရဲ့ ဇာတ်လမ်းအဆက်ဖြစ်တဲ့ Bang Rajan 2 ဆိုတဲ့ ထိုင်းသမိုင်းအက်ရှင်ဇာတ်လမ်းတစ်ခုနဲ့ မိတ်ဆက်ပေးချင်ပါတယ်…Thanit Jitnukul မှ ဒါရိုက်တာအဖြစ် ရိုက်ကူးထားပြီး ရှေးဟောင်းအယုဒ္ဓယခေတ်နောက်ပိုင်းမှာ ဗမာတိုရဲ့ ကျူးကျော်မှုကို တိုက်ခိုက်ကာကွယ်နေတဲ့ရွာသား‌တွေရဲ့ သတ္တိနဲ့ စွန့်စားမှုတိုကို ရိုက်ကူးထားတာဖြစ်ပါတယ်… အင်အားနည်းပါးပြီး လက်နက်ပစ္စည်း မလုံလောက်ပေမဲ့ လွတ်လပ်မှုအတွက် တိုင်းပြည်ကို စွန့်စားကာကွယ်ဖို ကြိုးစားခဲ့တဲ့ သူရဲကောင်းတွေရဲ့ လက်ရုံးရည်ကို ကြည့်ရှုရမှာပါ… စိတ်လှုပ်ရှားဖွယ်ရာ တိုက်ပွဲမြင်ကွင်းများနဲ့ ရိုးရာထိုင်း တိုက်ခိုက်မှုပုံစံ‌တွေလည်း ပါဝင်ပါတယ်… တိုင်းပြည်နှစ်ခု စစ်ပွဲတစ်ပွဲဖြစ်တိုင်းကြုံရတတ်တဲ့ နစ်နာဆုံးရှုံးမှုတွေကို ရိုက်ကူးပြထားပါတယ်… ဒီဇာတ်လမ်းလေးထဲမှာတော့ ဘယ်ဘက်ကနိုင်တယ် ဘယ်ဘက်ကရှုံးတယ်ဆိုတာထက် စစ်ပွဲအတွင်း ကြုံတွေ့ကြရတဲ့ ဖြစ်ရပ်တွေကို အဓိကထားပြီး ရိုက်ကူးပြသထားပါတယ်… ဇာတ်လမ်းအညွှန်းကို Reddy မှရေးသားပေးထားပါတယ်… File Size : 4.09GB / 1.79GB Quality : WEB-DL 1080p / 720p Duration : 2hr 7m Genres : Action, Adventure, War Subtitle : Myanmar Subtitle (Hard Sub) Translated by Reddy Encoded by Heather Oo

ရော်ဘင်ဟု လို့ပြောလိုက်ရင် တော်တော်များများ ဝတ်စုံအစိမ်းရောင်နဲ့ ခပ်ငယ်ငယ် မြားသမား တစ်ယောက်ကို ပြေးမြင်မိကြမှာပါ။ ဒီကားကလည်း ရော်ဘင်ဟု အကြောင်းပါပဲ။ တစ်ခုရှိတာက ရော်ဘင်ဟု တစ်ယောက် အသက်ကြီးလာပြီး ဇရာထောင်းစပြုနေတဲ့အချိန်မှာ နေရာယူထားတာပါ။ ကျွန်တော်တို့နဲ့ရင်းနှီးနေစဖြစ်တဲ့ ရှားဝုတောထဲမှာ နေပြီး လူချမ်းသာ တွေဆီက ပိုက်ဆံယူ ဆင်းရဲသားတွေကို ပြန်မျှတဲ့ အဖြစ်အပျက် တွေအပြီးမှာ ရော်ဘင်ဟု ဟာ အင်္ဂလန်ဘုရင် ရစ်ချတ်လိုင်းယွန်းဟာ့နဲ့ ခရူးဆိတ်စစ်ပွဲကို လိုက်ပါဆင်နွဲခဲ့ပါတယ်။ ခရူးဆိတ် စစ်ပွဲကြီး အပြီးမှာတော့ ရော်ဘင်ဟုဟာ သူ့ရဲ့အိမ်ဖြစ်တဲ့ ရှားဝုတောထဲကိုပြန်လာခဲ့ပါတယ်။ ဒီလိုပြန်လာရင်းနဲ့မှ သူ့ရဲ့ချစ်သူဖြစ်ခဲ့တဲ့ မာရီယန်ကို နော်တင်ဟမ်မြို့ ရှဲရစ်ဖ်က ဖမ်းဆီးဖို့လုပ် နေတာကို သိသွားခဲ့ပါတယ်။ ဒီလိုနဲ့ပဲ ရော်ဘင်ဟု တစ်ယောက် သူ့ရဲ့ရန်သူတော်ဟောင်းကြီး ရှဲရစ်ဖ် နဲ့ နေက်တစ်ကြိမ် ထိပ်တိုက်ရင်ဆိုင်ရပါတာ့တယ်။ ရော်ဘင်ဟု နေရာမှာ သရုပ် ဆောင်ထားတာက တော့ နာမည်ကျော်မင်းသားကြီးဖြစ်တဲ့ Sean Connery ပါပဲ။ ဒီကားထဲမှာ ရော်ဘင်ဟု ရဲ့ဇာတ်လမ်းကို မြင်နေကျပုံစံတွေနဲ့ ကွဲထွက်ပြီး ခံစားရစေမှာပါ။ File size…(2.3 GB)/(1.6 GB) Quality….Blu-Ray 1080p / 720p Format… mp4 Duration…. 01:46:00 Genre… Tragedy, Adventure, Drama, Romance Subtitle….Myanmar Subtitle (Hardsub) Encoder….Garfield Translated by Alvaro

Revenge (1990) IMDb Rating (6.3) တကယ့်ဒိတ်ဒိတ်ကြဲပါဆိုတဲ့ မင်းသားကြီးနှစ်ပါး၊ အကယ်ဒမီဆုများရှင်တွေ သရုပ်ဆောင်ထားတဲ့ ရှေးကားတစ်ကား တင်ဆက်လိုက်ပါတယ်။ Kevin Costner ဆိုတာ မင်းသားဘဝမှာလည်း အောင်မြင်ခဲ့သလို ဒါရိုက်တာဘဝမှာလည်း ဆရာကြီးပါပဲ။ သူက ခေါင်းဆောင်မင်းသား၊ လေတပ်ပိုင်းလော့မှူးဟောင်း ဂျေး ကော့ခ်ရန် အဖြစ် ပါဝင်ထားတာပါ။ Anthony Quinn ဆိုတာကလည်း ဆေးစက်ကျရာ အရုပ်ထင်တဲ့ မင်းသားကြီးတစ်လက်ပါ။ အကယ်ဒမီဆုတွေ အိမ်မှာ ဖုန်တက်နေတယ်ဆိုတဲ့ ပုဂ္ဂိုလ်မျိုးလို့ ပြောရပါမယ်။ သူကတော့ မက္ကဆီကိုနိုင်ငံသားဖြစ်တာနဲ့အညီ မက္ကဆီကိုက ဩဇာရှိ ဂိုဏ်းခေါင်းဆောင်ကြီးအဖြစ် သရုပ်ဆောင်ထားတာပါ။ ဇာတ်လမ်းသွားက ၉၀ ဝန်းကျင်ခေတ်က ပေါ်ပြူလာဖြစ်ခဲ့သလိုမျိုးပါပဲ။ အပစ်အခတ်ပါရမယ်။ အညှီအဟောက်ပါရမယ်။ အချစ်သူရဲကောင်းကြီးဆိုတာ ပါရမယ်။ ဒီလိုမျိုးကိုးဗျ။ ဟောလိဝုဒ်ကွာလတီရုပ်ရှင်ကြီးဆိုပေမဲ့ ၁၉၉၀ ခုနှစ်ဖြစ်တာနဲ့အညီ ဇာတ်လမ်းရဲ့ ယုတ္တိဗေဒမှာ အနည်းငယ် အားနည်းချက်တွေရှိပေမဲ့ ဖြည့်ကြည့်ပေးလို့ရတဲ့ ရုပ်ရှင်မျိုးပါ။ လေတပ်လေယာဉ်မှူးဟောင်း ဂျေး ဟာဆိုရင် အငြိမ်းစားယူပြီးနောက် သူ့ဘဝကို သူ့ရဲ့မိတ်ဆွေကြီး တီဘူရွန် မန်းဒက်ဇ် ဆီမှာ အခြေကျဖို့ ပြောင်းရွှေ့သွားခဲ့ပါတယ်။ မှောင်ခိုလက်နက်တွေကို လေယာဉ်နဲ့ ခိုးသွင်းရမယ့်သဘောတူညီမှုမျိုး ရှိမယ်လို့ အရိပ်အမြွတ် ခန့်မှန်းရပါတယ်။ ဒါပေမဲ့ ဘာလုပ်ငန်းမှ မစရခင်မှာ မက္ကဆီကိုရဲ့ သခင်ကြီး သူ့မိတ်ဆွေ တီဘူရွန် ရဲ့ ဇနီးချောလေးကို ဂျေး တစ်ယောက် စွဲလမ်းသွားခဲ့တာကနေ ကမောက်ကမတွေ ဖြစ်ကုန်တော့တာပဲ။ ဂျေး ရဲ့ တဖက်သက်စွဲလန်းမှုတင်မကဘဲ ဇနီးချောလေး မာရီယာ ကပါ လက်ခုပ်နှစ်ဖက်တီးပစ်လိုက်တော့ ချက်ဆို နားခွက်ကမီးတောက်တဲ့ တီဘူရွန် တစ်ယောက် ကြာခိုတဲ့ကောင်နဲ့ မျောက်မမွေးတဲ့မိန်းမကို အမိဖမ်းပြီး မိတ်ဆွေဖြစ်ပါရဲ့နဲ့ ကိုယ့်မိန်းမကို လာပစ်မှားတဲ့ကောင်ကို အသေရိုက်သတ်ပြီး တောင်တန်းတစ်နေရာမှာ စွန့်ပစ်လိုက်တယ်။ သစ္စာမဲ့တဲ့ ဇနီးလုပ်သူကိုလည်း မျက်နှာကို ဓားနဲ့ဆွဲဖြဲပြီး ပြည့်တန်ဆာအိမ် ပို့ပစ်လိုက်တာပေါ့။ ဒါပေမဲ့ ဂျေး တစ်ယောက် သေမင်းလက်မခံဘဲ မက္ကဆီကိုနိုင်ငံရဲ့ လမ်းတွေပေါ် ပြန်ရောက်လာတဲ့အခါ …။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။)

Okamuro-san (2022) ******************** IMDb… 5.5 ဒဏ္ဍာရီလာ ဆာမူရိုင်းမကောင်းဆိုးဝါးလို့ သိထားကြတဲ့ အိုကာမူရို… သူ့ရဲ့နာမည်ကိုခေါ်ရင် Okamuro လို့ လိုင်းပေါ်မှာရှာရင် ပေါ်လာပြီးတော့ အားလုံးကို ခေါင်းဖြတ်သတ်တတ်တဲ့ မကောင်းဆိုးဝါး… အိုကာမူရိုကို ပြန်ပျောက်သွားစေချင်ရင် အိုကာမူရို အိုကာမူရို အိုကာမူရိုလို့ ၃ ကြိမ်ရွတ်ရတယ်ဆိုတဲ့ယုံတမ်းစကားလေးတစ်ခုရှိတာပေါ့။ ဒါပေမဲ့ ခေတ်အမြင်နဲ့ကြည့်တော့ မကောင်းဆိုးဝါးက အွန်လိုင်းမှာပဲ အက်တစ်ဖြစ်သလိုလို ဘာလိုလိုနဲ့ ရယ်စရာကြီးဖြစ်နေတော့ လူငယ်တွေကတော့ မယုံကြပါဘူး။ ဒီလိုနဲ့ ဆုဇုတို့သူငယ်ချင်းတစ်စု campထွက်ရင်း သရဲပုံပြင်တွေပြောကြ စနောက်ကြရာကနေ အိုကာမူရိုယုံတမ်းပုံပြင်လေးကို စမ်းသပ်ဖို့လုပ်ကြပါတော့တယ်။ ဒါပေမဲ့ ထူးဆန်းစွာနဲ့ ကမ့်ပ်ထွက်တဲ့လူတွေအကုန် ထူးထူးခြားခြား ခေါင်းဖြတ်သတ်ခံရပြီး ဆုဇုတစ်ယောက်တည်း အသက်ရှင်ကျန်ရစ်ခဲ့ချိန်မှာတော့… File Size… 1.14GB/ 530MB Quality… BluRay 1080p/ 720p Format…mp4 Duration…1h 13m Genre …..Horror, Fantasy, Comedy Subtitle….Myanmar Subtitle (Hard Sub)