ဂျွန်ဟယ်၀န်းဟာဆိုရင်တော့ ဘူဆန်မှ နိုင်ငံရေးသမားတစ်ယောက်ဖြစ်ပြီး ရွေးကောက်ပွဲမှာ ကိုးရီးယားဒီမိုကရက်တစ်ပါတီကနေတစ်ဆင့် ပါ၀င်ယှဉ်ပြိုင်ဖို့ ပြင်ဆင်နေသူလည်း ဖြစ်ပါတယ်... ဒါပေမဲ့ ကိုယ်စားလှယ်လောင်းဆန်ကာတင်စာရင်း ကြေညာဖို့ နှစ်ရက်အလိုမှာပဲ ပါတီကနေပြီး ဂျွန်ဟယ်၀န်းကို ဆန်ကာတင်စာရင်းကနေ ဖြုတ်ချလိုက်ပါတယ်... ပါတီရဲ့ စွန့်ပစ်ခြင်းကို ခံလိုက်ရတဲ့ ဂျွန်ဟယ်၀န်းတစ်ယောက် လူမိုက်ခေါင်းဆောင် ဂင်ဖီးလ်ဒိုဆီကနေ မဲဆွယ်ရန်ပုံ‌ငွေအတွက် ပိုက်ဆံချေးပြီး တစ်သီးပုဂ္ဂလအဖြစ် ရွေးကောက်ပွဲ၀င်ပြိုင်တဲ့အခါမှာတော့... Cast တွေအနေနဲ့ မင်းသားကြီးတွေဖြစ်ကြတဲ့ Cho Jin Woong , Lee Sung Min , Kim Moo Yul တို့က အဓိက ပါ၀င်သရုပ်ဆောင်ထားပြီး နိုင်ငံရေးအားပြိုင်ကြပုံ မဲမသမာမှုတွေကို ကွက်ကွက်ကွင်းကွင်း ရိုက်ပြထားတာမို့ နိုင်ငံရေးဇာတ်ကား ကြိုက်သူများအဖို့ must watch ပါလို့ ညွှန်းဆိုချင်ပါတယ်.... File Size :(1.7GB) and (713MB) Quality : Blu-Ray 1080p,720p Format…mp4 Duration…01:56:00 Genre : Thriller , Drama Subtitle : Myanmar Subtitle (Hard Sub) Translated by  Miri & Hnin Wai Oo Encoded by Phyo Pyae

Comedy, Drama, Family IMDb 7.7/10 (29K) ဒီဇာတ်ကားလေးကတော့ လတ်တလောထွက်ရှိထားတဲ့ အိန္ဒိယကားတွေနဲ့ မတူဘဲ အေးအေးလေးနဲ့ ဇာတ်ကို ဆွဲခေါ်သွားမယ့် မိသားစုကားလေးပဲ ဖြစ်ပါတယ်.. အဲ..မိသားစုကားဆိုပြီး ကြည့်ကောင်းမှာမဟုတ်ဘူးလို့ စိတ်မပူနေကြနဲ့နော်..ဟာသလေးနှောထားလို့ မြူးမြူးကြွကြွလေးနဲ့ ထိုင်ရယ်နေရမှာနော်... မင်းသားအနေနဲ့ကလည်း ပရိသတ်အချစ်တော် မင်းသားလေး ဗာရွန်းဆိုတော့ သူ့ရဲ့သရုပ်ဆောင်မှုအပိုင်းကိုတော့ ထွေထွေထူးထူး ညွှန်းနေစရာမလိုတော့ပါဘူး မင်းသမီးလေးက ကီယာရာလေးဆိုတော့ သူမရဲ့လှပတဲ့ ရူပါအဆင်းကိုပါ ဆွဲငြိခံစားရမှာဖြစ်ပါတယ်... မင်းသားကြီးအနီလ်ကပူးလည်း ပါဝင်သရုပ်ဆောင်ထားလို့ ဇာတ်က ပိုလို့ကြည့်ကောင်းခဲ့ပါတယ်... ဇာတ်လမ်းကိုပြောရမယ်ဆိုရင် အိမ်ထောင်ရေးကို စိတ်ကုန်နေတဲ့ ပြည်ပရောက်ဇနီးမောင်နှံဟာ တစ်ယောက်နဲ့တစ်ယောက် ခံစားချက် မရှိတော့လို့ ကွာရှင်းဖို့ဖြစ်လာပါတယ်... အမိမြေမှာ လင်ယောက်ျားရဲ့ညီမဖြစ်သူ မင်္ဂလာပွဲရှိတော့ မင်္ဂလာပွဲပြီးတဲ့အထိ သူတို့ကွာရှင်းမှာကို လူကြီးတွေကို အသိမပေးဘဲ နေခဲ့ကြဖို့ ဆုံးဖြတ်ခဲ့ကြပါတယ်... ဖြည်းဖြည်းချင်း ညှိနှိုင်းကြမယ်ပေါ့ လူကြီးတွေလည်း စိတ်မညစ်ရအောင် စီစဉ်ကြမယ်ပေါ့...ဒါပေမဲ့ သူတို့ထင်မထားခဲ့မိတာက လင်ယောက်ျားရဲ့ ဖခင်ဖြစ်သူကပါ တိတ်တိတ်ပုန်းလေး ရည်းစားထားပြီး မင်္ဂလာပွဲပြီးတာနဲ့ မိန်းမဖြစ်သူကိုကွာရှင်းပြီး သူ့ရည်းစားနဲ့ လက်ထပ်ဖို့ ကြံနေလေတဲ့အခါ... ကိုယ့်ကိစ္စ သူမသိ..သူ့ကိစ္စကိုယ်ဖြေရှင်းရင်း အခက်အခဲလေးတွေကို ဘယ်လိုရင်ဆိုင်ကြမလဲ... ဖြစ်လာမယ့်အလွဲလေးတွေကို ပါးစပ်မပိတ်တမ်း ရယ်ရမယ့်အပြင် နောက်ဆုံးပိုင်းလေးတွေမှာလည်း ခံစားချက်တွေ တပြုံကြီးနဲ့ ရသတွေပေးသွားမှာမို့ ရယ်လည်းရယ်ရ ငိုလည်းငိုရမယ့် ဇာတ်ကားကောင်းလေးတစ်ကားပဲဖြစ်ပါတယ်... လင်နဲ့မယား လျှာနဲ့သွား ဆိုတဲ့အတိုင်း အိမ်ထောင်တစ်ခုမှာ စကားများရန်ဖြစ်ကြတာရှိမယ် အဆင်မပြေမှုတွေများစွာရှိလိမ့်မယ်.. အဲ့ဒီအခက်အခဲတွေကို ကျော်လွှားနိုင်မှ သာယာတဲ့မိသားစုဘဝလေးကို ပိုင်ဆိုင်ရမယ်ဆိုတာကိုလည်း ဒီဇာတ်ကားလေးက မီးမောင်းထိုးပြခဲ့ပေးလို့ ကြည့်ရကျိုးနပ်စေမှာ အမှန်ပဲဖြစ်ပါတယ်ရှင်... File size…2.39GB / 1.2GB Quality…1080p HQ HD RIP / 720p Format…mp4 Duration….2h 28m Subtitle….Myanmar Subtitle ( Hard Sub) Encoder….YK  Translated by T.A.Y.L.O.R

ငယ်ငယ်တည်းက ကိုယ့်အမေတစ်ခြားယောက်ျားနဲ့ ဖောက်ပြန်တာတွေ သူရှေ့မှာတင် မိဘနှစ်ပါးလုံး အသေဆိုးနဲ့ သေရတာတွေ မြင်ခဲ့ရပြီး စိတ်တွေ သုံးကိုယ်ကွဲနေတဲ့ ကောင်မလေးတစ်ယောက်... အဖြစ်ဆိုးတွေရန်ကနေ စိတ်စုစည်းနိုင်ဖို့ ၀တ္တု ဇာတ်လမ်းတွေ ‌ရေးနေတာပေါ့ သူနဲ့ အဆင်ပြေနေတဲ့ lesbian ကောင်မလေးရှိတယ် အလန်းလေးပါ တစ်နေ့ အဲ့ကောင်မလေးဖောက်ပြန််နေတာကိုပါ တွေ့သွားတဲ့အခါ... ဇာတ်လမ်းက အဆန်း အကြမ်း အလန်း... ဇာတ်လမ်းအရ စော် စော် ချင်းရော ဘဲတွေနဲ့ရော ချစ်ရည်လူးနေကြတာမို့ မိသားစုနဲ့ ကြည့်ဖို့ မသင့်တော် ပါ ။ ( အညွှန်းကတော့ Dark Devil ပါ ) File Size__(2GB) / (999MB) Quality__1080p, 720p IMDb Rating__7.1/10 Format__mp4 Duration__01:40:00 Type__Adult, Crime, Thriller Subtitle__Myanmar Subtitle (Hardsub) Translated by Butterfly Encoded by Dark Devil

သမိုင်းရာဇဝင်အခြေခံ ဒရာမာကားအမျိူးအစား Padmaavat ရုပ်ရှင်ဟာ ဒါရိုက်တာ Sanjay,Ranveer နဲ့Depika တို့ ၃ ဦးအတူရိုက်ကူးတဲ့တတိယမြောက် ရုပ်ရှင်ကားဖြစ်ပါတယ်။ ဒါရိုက်တာ Sanjay ဆိုတာ ဘောလီးဝုဒ်မှာ Classic ရုပ်ရှင်တွေကို ဦးစားပေးရိုက်ကူးအောင်မြင်သူတစ်ဦးဖြစ်ပါတယ်။ လွန်ခဲ့တဲ့ နှစ် ၂၀ ကတည်းက စလ်မားန်ခါးန် နဲ့Aishwaray တို့ရဲ့ Hum Dil De Chup Ke Sanam၊ရှာရွခ်ခါးန် နဲ့Devdas စတဲ့ ရုပ်ရှင်ကားကောင်းတွေကို ရိုက်ကူးပြီး ဘောလီးဝုဒ်ပရိသတ်တွေကို ညို့ယူဖမ်းစားနိုင်စွမ်းရှိတဲ့ ဒါရိုက်တာတစ်ယောက်ပါ။ ဒီဇာတ်ကား စရိုက်ကတည်းက ပြသနာပေါင်း သောင်းခြောက်ထောင်တက်ခဲ့ပြီး ရှုတင်ဖျက်စီးခံခဲ့ရပါတယ်။ ဒါရိုက်တာ ပါးရိုက်ခံရပါတယ်။ ဆက်တင်တစ်ခုလုံး မီးတင်ရှို့ခံခဲ့ရပါတယ်။ မင်းသမီး ဒီပီကားနှာခေါင်းဖြတ်ပေး၊မုဒိမ်းကျင့်ပေး၊ခေါင်းဖြတ်ပေးရင် ရူပီ ကုဋေ ဘယ်လောက်ပေးမယ်၊ဒါရိုက်တာ ခေါင်းဖြတ်ပေးရင် ရူပီး ၅ ကုဋေပေးမယ် စသဖြင့်အကြီးအကျယ် ခြိမ်းခြောက်ခံခဲ့ရပြီး ကျော်လွှားခဲ့ရတဲ့ ရုပ်ရှင်ဖြစ်ပါတယ်။ ဒီဇာတ်ကားဟာ မွတ်စလင်မ်ဘုရင်တစ်ဦး နဲ့ဟိန္ဒူဘုရင့်မိဖုရားတို့အကြား လွန်ခဲ့တဲ့ နှစ်ပေါင်း ၅၀၀ ကျော်က ဖြစ်ပျက်ခဲ့တဲ့ ရာဇဝင် တစ်ခုကို အခြေခံရိုက်ကူးထားပြီး ရာဇဝင်မှာ မွတ်စလင်မ်ဘုရင်ကဟိန္ဒူဘုရင်နဲ့မျိူးနွယ်တွေအပေါ် မတရား၊အနိုင်ကျင့်၊စော်ကားခဲ့မူ တွေကြောင့် ရားဂျ်ပူးသ် ဟိန္ဒူမျိုးနွယ်ဝင်တွေဟာ နှစ်ပေါင်းရာနဲ့ချီ မွတ်စလင်မ်ဘုရင်ကို မုန်းတီးခဲ့ကြတာပါ။ ဇာတ်လမ်းကတော့ သမိုင်းဖြစ်ရပ်မှန်နဲ့ထပ်တူမဖြစ်ပါဘူး။ ရုပ်ရှင်ဆိုတဲ့အတွက်ကြောင့် ပရိသတ်စိတ်ဝင်စားနိုင်မဲ့ ဇာတ်ညွှန်းကိုပြင်ဆင်ရေးသားပြီး ရိုက်ကူးထားတာဖြစ်ပါတယ်။ Spoiler Alert! ဇာတ်လမ်းကို Ranveer Singh နဲ့စထားပါတယ်။ Ranveer ဟာသူ့ဦးလေးဖြစ်သူ ဒေလီရဲ့ဘုရင် Sultan Jallaluddin Khilji နဲ့လာရောက်တွေ့ဆုံပြီး ဦးလေးရဲ့ သမီး Aditaya Rio ကို တောင်းပါတယ်။ Aditya ကလည်း Ranveer ကို ကြိုက်နေတဲ့အတွက်သူတို့၂ ဦးကို ဘုရင်က လက်ထပ်ပေးလိုက်ပါတယ်။ မင်္ဂလာဆောင်တဲ့ နေ့မှာတောင် ရန်ဘီးက တခြားမိန်းမတွေနဲ့ပျော်ပါးနေလို့မျိုးနွယ်ထဲက လူကြီးတစ်ဦးက တားတဲ့အခါ အဲ့လူကို သတ်ပစ်ပြီး မင်္ဂလာဆောင်ခန်းမကိုဝင်ရောက်လာခဲ့ပါတယ်။ အဲ့နေ့ကစပြီး Adiya ဟာ Ranveer ပေးတဲ့ ဒုက္ခတွေကိုခါးဆီးခံရတော့တာပါပဲ အဲ့အချိန် တဖက်မှာတော့ Depika (ဘုရင့်သမီးတော်)ဟာတောထဲ အမဲလိုက်နေရင်း သမင်တစ်ကောင်ကို မြှားနဲ့ပစ်ရာမှာ ရှာဟိဒ်ကပူးရ်(Rajput ဘုရင်)ကို မှားပြီးပစ်မိရာကနေ ၂ ယောက်ဆုံကြပါတယ်။ သူ့ကြောင့် ဒါဏ်ရာ ရနေတဲ့ ရှာဟိဒ်ကို ကုသပေးရာကနေ သူတို့၂ ယောက် ချစ်ကြိုက်ပြီး လက်ထပ်လိုက်ကြတယ်။ ရှာဟိဒ်မှာ မယားကြီးရှိပေမဲ့ ရှာဟိဒ် ဒီပီကားနဲ့လက်ထပ်တာကိုကြိုပြီး မသိခဲ့သလို နန်းတော်ကို ခေါ်လာတော့မှ မယားကြီးက သိရပါတယ်။ ဒီလိုနဲ့Depika ရဲ့ အလှ နဲ့လိမ္မာရေးခြား ရှိမူကြောင့် Rajput တိုင်းပြည်မှာ Padmavati မင်းသမီးကို ဘုရင်နဲ့တန်းတု ချစ်ခင်လေးစားလာကြပါတယ်။ (ဒီနေရာမှာ အိန္ဒိယမှာရှိတဲ့ မွတ်စလင်မ်/ဟိန္ဒူ ဘုရင်တွေ အကုန်မိန်းမတွေ လိုချင်သလောက်ယူပြီး မယားငယ်ယူပြီးရင် မယားကြီး ချောင်ထိုးခံရတာ၊မိန်းမတွေမှာ စောဒကတက်ခွင့်မရှိတာ၊သူတို့ကိုတလေးတစား အသိပေးတိုင်ပင်တာမျိုးမရှိ စတာတွေကတော့ တူညီတာ တွေ့ရပါတယ်။) အဲ့နောက်မှာတော့ Rajput နယ်ကြီးပျက်သုန်းဖို့အကြောင်းခံဖြစ်လာမဲ့ ဂုရုကြီးလို့ခေါ်တဲ့ ရှာဟိဒ်ကပူးရ် ကိုးကွယ်တဲ့ဘုန်းကြီးတပိုင်းလူတပိုင်းဆီ ဒီပီကားကို ခေါ်သွားပါတယ်။ ဒီပီကားအလှကိုမြင်ပြီး ဂုရုကြီး နှာဗူးထကာ ညဘက်ရှာဟိဒ်နဲ့ဒီပီကား မင်္ဂလာဦးညကို သွားချောင်းတာ မိပြီးပြည်နှင်ဒါဏ်ပေးခံလိုက်ရပါတယ်။ တဖက်မှာလည်း ရန်ဘီးကတိုင်းတွေပြည်နယ်တွေကို စစ်ခင်းပြီး အနိုင်တိုက်ရာမှ နံမည်ကြီးလာပြီး ဦးလေးလည်းတော်ပြီး ယောက္ခထီးလည်းတော်စပ်တဲ့ဒေလီဘုရင်ကို ဖြားယောင်းပြီး သတ်ပစ်ကာ ထီးနန်းကို သိမ်းပိုက်လိုက်ပါတယ်။ Rajput ကနေ နှင်ထုတ်ခံရတဲ့ ဂုရူကြီး ဒေလီကိုရောက်လာပြီး နှာဗူးဘုရင် ရန်ဘီးကို ဒီပီကားရဲ့အလှအကြောင်း သွေးထိုးပါတော့တယ်။ အဲ့မှာ ရန်ဘီး heat တက်ပြီး Rajputကို စစ်ချီပါတယ်။၆ လတိတိ ဝိုင်းထားတယ်။ စစ်လည်းမတိုက်ရ၊ဘာကြောင့်မှန်းမသိ ကွင်းပြင်ထဲ ၆လကျော် ဒုက္ခခံနေရတဲ့အောက်ခြေစစ်သည်တွေ စိတ်ပျက်ပြီး ပြန်မယ်ဖြစ်နေတဲ့အချိန်စစ်သူကြီးက ရန်ဘီးကို လာပြောပြတယ်။ အဲ့မှာ ဘုရင်တွေ၊စစ်ဗိုလ်ချုပ်ကြီးတွေ အောက်ခြေစစ်သားတွေကို ဂျင်းထည့်တဲ့အလုပ်ကို ရန်ဘီးက ထွက်လုပ်ပါတယ်။ ဒီကိုရောက်နေတာ မိန်းမတစ်ယောက်ကို နှာဗူးကြဖို့ဆိုတာမသိတဲ့ အောက်ခြေစစ်သားတွေကို ခပ်တည်တည်နဲ့ရန်ဘီးက မိန့်ခွန်းပြောပါတယ်။ ငါတို့ခိရ်ဂျီမျိုးနွယ်တွေမှာ အိပ်မက်တစ်ခုရှိတယ်။ ငါတို့ရဲ့ ဘာသာရေးအမှတ်အသားပါတဲ့အလံကို တလောကလုံးမှာ စိုက်ထူနိုင်ဖို့ပဲ။ အဲ့အတွက်ဘယ်လိုအခြေအနေပဲ ဖြစ်ဖြစ် ငါတို့တစ်ယောက်ကိုတစ်ယောက်လက်မလွှတ်ရဘူးလို့ကျိန်ဆိုထားကြတယ်။ ဒါပေမဲ့ ဒီကနေ့တော့မင်းတို့က ငါ့ကိုထားပြီးထွက်သွားကြတော့မယ်။ ကောင်းပြီ ငါတို့ရဲ့ အိပ်မက်ကို မေ့လိုက်ကြတာပေါ့ဆိုပြီး အလံကို မြေကြီးပေါ် ပစ်အချ စစ်သည်တွေက ရန်ဘီးရဲ့ အမျိုး၊ဘာသာ မျိုးချစ်စိတ်စတဲ့ ဂျင်းကို တကယ်ထင်ပြီး ဝေးဝါးအော်ပြီး မပြန်ကြတော့ဘူး။ နောက်ဆုံး ဟိုလီပွဲတော်နေ့ရောက်တဲ့အချိန် ချစ်ကြည်ရေးလုပ်ကြရအောင်ဆိုပြီး ရန်ဘီးက အကြံနဲ့ကမ်းလှမ်းပြီးရှာဟိဒ်ကပူးရ်ရဲ့ နန်းတော်ကို ဧည့်သည်အဖြစ်သွားတယ်။ အဲ့မှာ ဒီပီကားကို ပြပါလို့ပြောတော့ ရှာဟိဒ်က ဒေါသထွက်၊နောက်ဆုံး စစ်ပွဲက ရှောင်လွှဲဖို့ဒီပီကားကို ၅ စက္ကန့်မှန်ထဲကနေ အပြ နေထိုးတဲ့ လိုက်ကာကိုပါ ဖွင့်လိုက်တော့ ဒီပီကားမျက်နှာကိုသေချာတောင် မမြင်လိုက်ရဘူး။ အဲ့လောက် အဖြစ်သည်းလားဆိုပြီး ရှာဟိဒ်ကို ဖျားယောင်းပြီး ရန်ဘီးဖမ်းခေါ်သွားတယ်။ ရှာဟိဒ်ကို ပြန်လိုချင်ရင် ဒီပီကား ဒေလီကိုလာရမယ်ဆိုပြီးတောင်းဆိုတော့ ရှာဟိဒ်ကိုကယ်ဖို့ဒီပီၤကားဒေလီသွားတယ်။ ဒီပီကား ဒေလီမရောက်ခင် ရန်ဘီးပျော်ပြီး သီချင်းတပုဒ်နဲ့အရူးလိုပဲ ကတယ်။အဲ့မှာ သူ့ရဲ့တူက သူ့ကို ပြန်လုပ်ကြံ ပေမဲ့ မအောင်မြင်ဘူး။ ဒီပီကား ဒေလီရောက်တော့ ရန်ဘီးရဲ့ အနှိပ်စက်ခံဇနီး Adiyaအကူအညီနဲ့ရှာဟိဒ်ကိုဒီပီကား ကယ်ထုတ်လာနိုင်တယ်။ ရန်ဘီးသိတော့ သူ့မိန်းမကို သတ်မိန့်ပေးတယ်။ အဲ့မှာနောက်ဆုံးအနေနဲ့Adiya က ရန်ဘီးကို ဆုတခုပေးတယ်။ နင့်ရဲ့ ဆန္ဒတွေ၊ဖြစ်ချင်တာတွေ အားလုံးပြည့်ဝပါစေ။ဒါပေမဲ့Padmavati ကို ရယူသိမ်းပိုက်ဖို့ဆန္ဒတော့ ဘယ်တော့မှ မပြည့်ပါစေနဲ့လို့ပြောပြီး သွားလိုက်တယ်။ ရန်ဘီးဒေါသပုန်ထပြီး Rajput ကို စစ်ခင်းဖို့ထပ်အသွားးးဘာတွေဆက်ဖြစ်လဲ၊ ဒီပီကားးကို နောက်ဆုံး ရန်ဘီးမြင်ခွင့်တွေ့ခွင့်၊သိမ်းပိုက်ခွင့်ရမလားးဆိုတာကတော့ ဇာတ်လမ်း၊သရုပ်ဆောင်၊ဆက်တင်အပြင်အဆင် ဘာတစ်ခုမှပြောစရာမလိုလှအောင် လှပ၊သေသပ်၊အဆင့်မြင့်တဲ့ ရုပ်ရှင်တစ်ကားးဖြစ်တာမို့ပြသနာပေါင်းများစွာတက်ပြီး ရုပ်ရှင်ကြည့်တဲ့သူတွေနဲ့ရုပ်ရှင်ရုံတွေကို တိုက်ခိုက်မယ်လို့ခြိမ်းခြောက်ခံထားရတာတောင် ဖွင့်ရက် ရုံတင်တာ ကုဋေ ၂၀ နီးပါးရပါတယ်။ ဒါတောင် ပြည်နယ်ကြီး ၆ ခုမှာ ရုံတင်ခွင့်မရပါဘူး။ ဒီဇာတ်ကားနဲ့ပတ်သတ်ပြီး BBC ကနေတောင် ရီဗြူးသတင်း လွှင့်ပေးခံရပြီး အိန္ဒိယမှာတင်မက တကမ္ဘာလုံးမှာပါ လှုတ်ခတ် ခဲ့ပါတယ်။ Min ThetNaing (ဇာတ်လမ်းအညွှန်းကို Bollywood Update News Myanmar FB-Page မှကူးယူဖော်ပြပါသည်) File size…(7.8 GB)/(2.7 GB)/(1.3 GB) Quality….BluRay 4K HEVC/ 1080p / 720p Format…mkv/mp4 Duration….02:43:28 Subtitle….Myanmar Subtitle (Hardsub) Encoder….Nyeinsaeya Aung,Than Htike Zaw Translated by Zaw Htoo

Bua Pan: Beauty and the Blade(2023) ********************************** အခု ၂၀၂၃ မှာ ထွက်ထားတဲ့ ထိုင်းရုပ်ရှင်ရုံတင်ကားလေးတစ်ကားကို CM fan တွေအတွက် ဘာသာပြန်တင်ဆက်ပေးလိုက်ပါတယ် ဒီဇာတ်ကားမှာတော့ အဓိကမင်းသား Kham အဖြစ် TharnType က Gulf က ပါဝင်သရုပ်ဆောင်ထားပါတယ် အဓိကမင်းသမီးအနေနဲ့ကတော့ ဝါရင့်မင်းသမီးတစ်ယောက်ဖြစ်တဲ့ Anne Thongprasom က BuaPan အဖြစ် ပါဝင်သရုပ်ဆောင်ထားပါတယ်… ကျေးလက်တောရွာဓလေ့လေးတွေနဲ့ ဘူဝါဖန်ဆိုတဲ့ ပန်းပဲဆရာမတစ်ယောက်ရဲ့ အချစ်ဇာတ်လမ်းလေးကို ဟာသနှောပြီး ရိုက်ကူးထားတာဖြစ်လို ကြိုက်နှစ်သက်ကြမယ်လို မျှော်လင့်ပါတယ်…. ဇာတ်လမ်းအကျဉ်း ဘူဝါဖန်က ပန်းပဲဆရာမတစ်ယောက်ဖြစ်ပြီး ငယ်ငယ်ကတည်းက စစ်သမီးတစ်ယောက်လုပ်ချင်တဲ့ အိပ်မက်ရှိခဲ့သူပါ.. ဒါပေမဲ့ သူမဖြစ်ချင်တဲ့ အိပ်မက်ကို သူမအဖေက အသည်းအသန်ကန့်ကွက်ခဲ့ပါတယ်… ဘူဝါကတော့ သူ့ရဲ့ ကလေးဘဝက အိပ်မက်ကို အကောင်အထည်ဖော်ဖို သူ့အဖေမသိအောင်လို ဆရာတစ်ယောက်နဲ့ လျှိဝှက်ပြီးတော့ ဓားရေးစစ်ရေးတွေ သင်ယူခဲ့တယ်… သူမရဲ့ အရည်အချင်းတွေ ပြည့်ဝလာတဲ့အခါမှာတော့ ရည်မှန်းချက်က လက်တစ်ကမ်းအလိုပေါ့.. အဲဒီမှာ ဘူဝါ့ဆီမှာ တပည့်ခံချင်တဲ့ ခမ်ဆိုတဲ့ ကောင်လေးတစ်ယောက်ရောက်လာခဲ့တယ်… ခမ်ဆိုတဲ့ကောင်လေးသူမတို့ဆီရောက်လာတဲ့အချိန်ကစပြီး ကပြောင်းကပြန်တွေဖြစ်တော့တာပါပဲ.. ခွီချင် ရင်ခုန်ချင်တဲ့သူတွေ ကြည့်သင့်ပါကြောင်း………. File Size : (2.3GB)&(955MB) Quality : WEB-DL1080P5.1Ch, 720p Format…mp4 Duration…01:48:00 Genre :Comedy , Drama Subtitle : Myanmar Subtitle (Hard Sub) Translated by Shin Jane & Eric Hay Thar Encoded by Phyo Pyae

Lakiro (2023) IMDb 5.2/10 Drama/Musical တယောက်နဲ့တယောက်ချစ်လို့ပဲဖြစ်ဖြစ် မိဘဆွေမျိုးအသိုင်းအဝိုင်းက ပေးစားလိုက်လို့ပဲဖြစ်ဖြစ် အိမ်ထောင်တခုတည်ဆောက်ပြီးတဲ့အခါ အဲဒီအိမ်ထောင်ရေးကို သာယာစွာနဲ့ဆက်လက်တည်မြဲစေဖို့ ဘာတွေလိုအပ်လဲ။ အချစ်လား ငွေကြေးချမ်းသာမှု ဒါမှမဟုတ် အလုပ်အကိုင်တွေလား သားသားမီးမီးတွေလား။ ပုံမှန်အချစ်ဇာတ်လမ်းတွေမှာတော့ လူနှစ်ယောက် ချစ်မိကြပြီးရင် ပျော်ပျော်ရွှင်ရွှင်လက်ထပ်လိုက်ကြပါတယ်ဆိုပြီး ဇာတ်သိမ်းသွားတတ်ကြပေမယ့် ဒီဇာတ်လမ်းမှာတော့ အဲဒီလိုမဟုတ်ခဲ့ပါဘူး။ ဟရီရှီနဲ့ ရီချာဟာ တက္ကသိုလ်ကျောင်းတော်ကြီးမှာ ဆုံတွေ့ခဲ့ပြီး ချစ်ခဲ့ကြတယ်။ သမီးရည်းစားဘဝကို ဖြတ်သန်းပြီးကြတဲ့အခါမှာ အလုပ်ကိုယ်စီနဲ့အိမ်ထောင်တစ်ခုကို ထူထောင်ဖို့ လက်ထပ်ခဲ့ကြပါတယ်။ ဒါပေမဲ့ ဒါဟာ သူတို့အတွက်တတော့ ပျော်ရွှင်စရာအဆုံးသတ်မဟုတ်ပဲ ပြဿနာတွေရဲ့အစဖြစ်လာပါတယ်။ အလုပ်ကိုယ်စီလုပ်နေကြတာကိုက ကွာရှင်းဖို့လမ်းစတစ်ခုဖြစ်လာပါတော့တယ်။ အရမ်းချစ်ခဲ့ကြတဲ့ သူတို့တွေ ဒီအိမ်ထောင်ရေးကို တည်မြဲဖို့ကြိုးစားကြမှာလား။ ဒီတိုင်းပဲ လက်လွှတ်ဆုံးရှုံးခံလိုက်ကြမလားဆိုတာတော့ ဒီဇာတ်ကားထဲမှာ ဆက်လက်ကြည့်ရှုပေးကြပါဦး။ (အညွှန်းနဲ့ဘာသာပြန်သူတွေကတော့ Cherry~V~BpL~Yunni~Zweတို့ပဲဖြစ်ပါတယ်။)

The Seven Deadly Sins: Grudge of Edinburgh Part 2 (2023) ========================================== IMDb Rating – 6.2/10 Hai!…Part 1ရဲ့ အဆက် Part 2ပါ။ ဒီထဲမှာတော့ Tristanတို့တွေ အယ်ဒင် ဘရာရဲတိုက်ကို ရောက်လာပြီး ဘာတွေဆက်ဖြစ်ကြမလဲဆိုတာ ကြည့်ရှုရမှာ ပါ။ Part 1 ထက် ဇာတ်ရှိန်လည်းတက်လာပြီး စိတ်ဝင်စားဖို့ကောင်းလာပါပြီ။ Next Gen ကားမို့လို့ Old Gen တွေကို nerfထားတာမျိုးမရှိဘဲ Next Genရော Old Gen ရောကြမ်းပြထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size……….(1.5 GB) / (643 MB) Quality…………WEB-DL 1080p / 720p Duration………53Min Subtitle………..Myanmar Hardsub Format…………MP4 Genre…………..Animation, Action, Adventure Translator……Ngwe Zin Encoder……….Zin Phyo Aung

တုန်းပေ စန်းသောက်ရွာမှာ မိသားစုလေးတစ်စုရှိပါတယ် ။ သူတို့မိသားစုလေးက အစကတော့ အေးအေးချမ်းချမ်းနေထိုင်ကြပေမဲ့ တစ်နေ့မှာ သားဖြစ်သူက မြွေပါကတိုးဝါအသိုက်ကို မီးသွားရှို့ရာကနေ မြွေပါကတိုးဝါဆီက လက်စားချေခံရသလိုဖြစ်ပြီး အမေရောအဖေပါဆုံးပါးသွားပါတော့တယ် ။ အဲဒီကလေးကို ရတနာစုဂိုဏ်းက ဂိုဏ်းချုပ်ကခေါ်ပြီး ပညာသင်ပေးရာက ရတနာစုသူ ခုံကျောင်းစူးဖြစ်လာခဲ့ပါတယ် ။ သူတို့ရတနာစုသူတွေက ကောင်းကင်နဲ့မြေကြီးရဲ့ သန့်စင်တဲ့ဝိညာဉ်နဲ့ ဖြစ်တည်လာတဲ့ရတနာတွေကိုပဲစုစည်းရတာပါ ။ ဒီလိုနဲ့ ခုံကျောင်းစူးအရွယ်ရောက်တော့ တောင်အောက်ဆင်းပြီး ရတနာစုဖို့လုပ်ပါတော့တယ်။ သူနေရာအနှံ့သွားရင်း ရွာတစ်ရွာအရောက်မှ ာ ‌သူ့မိဘတွေကိုသတ်သွားတဲ့ ဟွမ်ဖိကျစ် ( မြွေပါကတိုးဝါ ) သောင်းကျန်းနေတယ်ဆိုတဲ့သတင်းကြားရပါတော့တယ် ။ တကယ်တမ်းသွားကြည့်လိုက်တော့ ပြဿနာတွေက ထင်သလိုမရိုးရှင်းမှန်းသိသွားချိန်မှာတော့.. ဇာတ်လမ်းလေးထဲမှာပဲ ဆက်လက်ပြီး ဘာတွေဖြစ်မလဲဆိုတာ ကြည့်ရှုလိုက်ပါဦး

Novitiate (2017) ~ IMDb – 6.7/10, RT – 86%, Meta – 73% ~ တလောတုန်းကမှ ထွက်ထားပြီး ခုထိ လူပြောသူပြောများနေတဲ့ The Substance မှာ မင်းသမီးကြီး Demi Moore နဲ့အတူ အပြိုင်ကြဲထားတဲ့ မမ Margaret Qualley ရဲ့ ကားအဟောင်းအကောင်းလေးပါ။ ကိုယ်တိုင် သူ့ကို စကြွေခဲ့ရတာကတော့ The Nice Guys မှာ ညဉ့်ငှက်မလေးအဖြစ်သရုပ်ဆောင်ခဲ့တုန်း‌ကပေါ့။ နောက်ပြီးတော့ တာရန်တီနိုရဲ့ Once Upon A Time in Hollywood မှာလည်း မှတ်မှတ်ရရ ရှိကြပါလိမ့်မယ်။ သိပ်ကိုလှပလွန်းတဲ့ မျက်ဝန်းတစ်စုံပိုင်ရှင် အလှတရားလေးပါပဲ။ “ပေးဆပ်ခြင်းမရှိတဲ့ အချစ်က အချစ်မဟုတ်ဘူး။ အကြွင်းမဲ့အချစ်ဆိုတာ အဆုံးအစွန်ပေးဆပ် စတေးရခြင်းဖြစ်တယ်” ကိုယ့်ရည်းစားက တစ်ရက်လောက် စာမပို့ဘဲ ဖုန်းမဆက်ဘဲနေရင်တောင် စိတ်ကောက်နေတတ်ကြတဲ့ မမတွေနဲ့ ဆန့်ကျင်ဖက်ပါပဲ ဒီဇာတ်ကားထဲက အဓိကဇာတ်ဆောင် ကတ်သလင်းကတော့ တစ်ယောက်သောသူကို တစ်ဖက်သတ် တစ်ဘဝလုံးစာ ပေးဆပ်ပြီး ဥပေက္ခာပါရမီဖြည့်ရင်း ချစ်နေချင်ပါတယ်တဲ့။ သူချစ်မိတဲ့သူကတော့ ဘုရားသခင်ပါပဲ။ သူ့ရဲ့ ငယ်ရွယ်မှုအပါအဝင် တစ်ဘဝလုံးစာ စတေးပြီး ဘုရားသခင်ကို ချစ်ခွင့်ရဖို့ ဆယ်ကျော်သက်အရွယ်မှာပဲ သူ့ဆုံးဖြတ်ချက်နဲ့သူ သီလရှင်ဝတ်ဖို့ ပထမအကြိမ် သစ္စာပြုပြီး ဒုလ္လဘဝတ်လိုက်ပါတယ်။ (တစ်သက်လုံးစာ မဝတ်ခင်ဝတ်တဲ့ ယာယီသီလရှင်သဘောမျိုးပါပဲ။ မြန်မာမှာ အနီးစပ်ဆုံး စကားလုံးယူသုံးထားတာပါ။ နားလည်မှုအလွဲအမှားဖြစ်သွားရင် တောင်းပန်ပါတယ်) ကတ်သလင်းက ဘာသာရေးနဲ့ မနီးစပ်တဲ့အသိုင်းအဝိုင်းကနေ ဘုရားသခင်ကို ချစ်တဲ့စိတ်တစ်ခုတည်းနဲ့ သီလရှင်ကျောင်းကို ရောက်လာတာပါ။ သီလရှင်ကျောင်းကို ရောက်တဲ့အချိန် တင်းကြပ်လွန်းတဲ့ ပညတ်တွေနဲ့ သူ့ရဲ့စတေးမှုက ထိုက်တန်ရဲ့လားဆိုတဲ့ သံသယတွေက တိုက်စားတာကို သူဘယ်လိုရင်ဆိုင်လဲဆိုတာကို ပြပေးထားပါတယ်။ ခေတ်ကတော့ ၁၉၆၀ များက ဗာတီကန် ၂ ကိုစမိတ်ဆက်ပြီး ရိုးရာဘာသာရေးကနေ ခေတ်သစ်ဘာသာရေးကို ပြုပြင်ပြောင်းလဲနေစဉ် ကာလမှာဖြစ်ပါတယ်။ လူတစ်စုရဲ့ ဆုံးဖြတ်ချက်ကြောင့် တချို့သူတွေ အခွင့်အရေးသစ်တွေရလာပြီး တချို့သူတွေရဲ့ တစ်ဘဝလုံးစာ အချည်းနှီးဖြစ်ရတာကို ခပ်ပါးပါးလေးပြပေးသွားပါတယ်။ ခင်ဗျားတို့ဆိုရင်ရော ရယူခြင်းလုံးဝမရှိဘဲ တစ်သက်လုံးစာစတေးပြီး ချစ်နိုင်ကြမလား… (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 1.2GB, 665MB Quality – BluRay HEVC 1080p, 720p IMDb Rating – 6.7/10 Format – mp4 Duration – 2H 3Min Genre – Drama Subtitle – Myanmar Subtitle (Hardsub) Translated by 666 Encoded by Y

Poison Ivy: The New Seduction (1997) IMDb Rating (4.8) / Rotten Tomatoes (36%) Poison Ivy: The New Seduction ကတော့ Poison Ivy စီးရီးရဲ့ တတိယမြောက်ရုပ်ရှင်ဖြစ်ပါတယ်။ ဒါရိုက်တာ Kurt Voss နှင့် Karen Kelly ကရေးသားခဲ့ပါတယ်။ Violet အဖြစ် သရုပ်ဆောင်ထားတဲ့ အဓိက မင်းသမီးမှာ Jaime Pressly ဖြစ်ပါတယ်။ အခြားသရုပ်ဆောင်များတွင် Megan Edwards၊ Michael Des Barres နှင့် Greg Vaughan တို့ပါဝင်တယ်။ ဇာတ်လမ်းက ပထမဆုံးရုပ်ရှင်ထဲက Ivy ရဲ့ ညီမ Violet အကြောင်းပါ။ သူအမေကို ဆိုးဆိုးရွားရွားဆက်ဆံခဲ့လိူ့ လက်စားချေဖို့ ချမ်းသာတဲ့မိသားစုအိမ်ကိုပြန်လာခဲ့ပါတယ်။ သူမိသားစုကို ထိန်းချုပ်ရန်နှင့် ဖျက်ဆီးဖို့အတွက်သူ့ရဲ့အရှက်သိက္ခာကို အသုံးပြုပါတယ််။ ဒီဇာတ်ကားမှာ ဒရာမာ၊ သည်းထိတ်ရင်ဖို နဲ့ အချစ်ဇာတ်လမ်းတွေ ပါဝင်ပါတယ်။ ယေဘူယျအားဖြင့်၊ Poison Ivy: The New seduction က ဒရာမာမတွေပါဝင်တဲ့ သည်းထိတ်ရင်ဖိုဇာတ်ကားဖြစ်ပါတယ်။ ဆွဲဆောင်မှုရှိတဲ့ အမျိုးသမီးတွေကိုနှစ်သက်တဲ့သူတွေဆိုရင်တော့ကြည့်သင့်ပါတယ်။ 18+ အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။ (အညွှန်းနဲ့ဘာသာပြန်ကတော့ Banyar aung ဖြစ်ပါတယ်။) File size…(2.6 GB) / (850 MB) Quality….Blu-Ray 1080p HEVC / 720p Format…. mkv/mp4 Genre….Drama,Romance,Thriller Duration….01:35:36 Subtitle….Myanmar Subtitle (Hardsub) Encoder….Alvar Translated by Banyar aung

ကဲ ရန်ကိုရန်ချင်း တုံ့ပြန်မယ်ဆို ဒီသံသရာကြီးက အဆုံးသတ်ပါဦးမလား… မေတ္တာနဲ့ တုံ့ပြန်ပါဆိုတဲ့ ရွှေပြည်အေးတရားဟောတာ ခဏခဏကြုံဖူးမယ်ထင်ပါရဲ့… ဒါပေမယ့် တစ်ဖက်က မေတ္တာတရားထားချိန်မှာ တစ်ဖက်ကလည်း မေတ္တာတရားကိုနားလည်ဖို့ နှလုံးသားပါလာဦးမှဆိုတာ ဒီကားလေးကသရုပ်ပြထားပါတယ်… ဟုတ်ပါတယ်… ယွဲ့ဝမ်ရယ်ဟာ သူ့ချစ်မိဖုရားလေးက ရောဂါဆန်းနဲ့ ကုတင်ပေါ်လဲသွားတဲ့အတွက်… နန်းတွင်းသမားတော်ရဲ့ စကားအတိုင်း ဝံပုလွေဘုရင်မရဲ့ သွေးနဲ့မှ ကုသနိုင်ပါမယ်ဆိုလို့ ၃ ရက် ၃ ည တိတိ တောအဝမှာ မိုးညထဲ တောင်းပန်ခဲ့ပါတယ်… ဆေးကုဖို့သွေးကို… ဒါပေမယ့် သွေးမရခင်မှာပဲ မိဖုရားကသေသွားခဲ့ပြီး…. မိဖုရားကိုကယ်ဖို့သွေးပေးရင်လည်း ဘုရင်မသေမှာမို့ မပေးခဲ့တာဆိုပေမယ့်လည်း… ယွဲ့ဝမ်ရယ်ကတော့ အတော်ဆုံးဆိုတဲ့ ပါရမီရှင်တွေကို ငှားပြီးတော့ ဝံပုလွေတစ်မျိုးနွယ်လုံးကို ချေမှုန်းဖျက်စီးတော့တာပေါ့… ကျူပင်ခုတ် ကျူငုတ်မကျန်ဆိုတဲ့ စကားပုံလေးအတိုင်း… တစ်မျိုးနွယ်လုံးကို မရှင်းနိုင်ဘဲ ဝံပုလွေပေါက်လေးကျန်သွားတော့… ၁၀ နှစ်ကြာတဲ့အခါမှာ ပါရမီရှင်တစ်ယောက်ချင်းစီကို နည်းဗျူဟာတွေ သေချာချမှတ်ပြီးတော့ တစ်ယောက်ပြီးတစ်ယောက်ကို သတ်ဖို့ကြိုးစားတော့တာပေါ့… ကဲ ဝံပုလွေပေါက်လေး ရဲ့ လက်စားချေတာ အောင်မြင်ပါ့မလား… လွန်ခဲ့တဲ့ ၁၀ နှစ်က ဖြစ်ပျက်ခဲ့တာတွေကရော ကြားထဲမှာ သိုဝှက်ထားတဲ့ လူမသိတဲ့ကိစ္စရှိနေဦးမှာလား… တစ်ခဏ ဘဝအမော စိတ်ဒုက္ခတွေပြေပျောက်ဖို့ ဇာတ်ကားလေး ကြည့်မယ်တွေးရင် ဒီကားလေးကို ကြည့်ကြည့်ပါလို့

Mobile Suit Gundam Movies Trilogy Mobile Suit Gundam III: Encounters in Space (1982) Mobile Suit Gundam ဆိုတာက Anime လောကမှာဆိုရင် သူ့ဟာနဲ့သူ Star Wars လို့တောင် တင်စားလို့ရမယ်ထင်တယ်။ ဒီ ရုပ်ရှင် ၃ ကား Trilogy ကတော့ မူရင်းစီးရီးကို ရုပ်ရှင် ၃ ကားအဖြစ် ဖန်တီးထားပြီး Music ပိုင်း Animation ပိုင်း ပိုအားထုတ်ပေးထားတယ်။ နောက်ပြီး Mecha လို့ ခေါ်ရမယ့် စက်ရုပ်ကြီးတွေနဲ့ တိုက်ပွဲဆင်တာ ဘာညာကို စတင်မိတ်ဆက်ပေးတဲ့ကောင်လည်း ဟုတ်တယ်။ အဲဒီလိုဆိုလို့ စက်ရုပ်အက်ရှင်တွေပဲလားဆိုတော့ မဟုတ်ဘူး သူက လူသားတွေရဲ့ Emotional တွေ စစ်ရဲ့ဆိုးကျိုးတွေ နိုင်ငံရေးတွေပါ ထည့်သွင်းပုံဖော်ထားတာ။ Sci-fi, War, Psycological Drama ဆိုတာတွေကို အချိုးကျကျ ရောသမပေးထားတာမျိုး။ ဇာတ်လမ်းအကျဉ်းမပြောခင် သူတည်ဆောက်ထားတဲ့ကမ္ဘာမှာ လူသားတွေက အာကာသတွေပေါ်မှာ ကိုလိုနီလုပ် နေထိုင်နေကြပြီ။ အဲဒီမှာ Earth Federation နဲ့ Zeon ဆိုပြီး အကြောင်းအမျိုးမျိုးကြောင့် အဖွဲ့နှစ်ဖွဲ့ကွဲပြီး စစ်ဖြစ်နေကြရော။ Zeon ဖက်က Zaku ဆိုတဲ့ စက်ရုပ်ကြီးတွေနဲ့ လူမောင်းနှင်ပြီး တိုက်ခိုက်သလို Federation ဖက်ကလည်း Gundam, Guntank, Guncannon ဆိုပြီး စက်ရုပ်တွေနဲ့ ပြန်ဆော်ကြတယ်။ အဲဒီမှာ Federation ဘက်သားဖြစ်သူ ဖခင် အင်ဂျင်နီယာကြောင့် အာကာသစခန်းပေါ် လိုက်နေတဲ့ Amuro လို့ခေါ်တဲ့ ဆယ်ကျော်သက်ကောင်လေးတစ်ယောက်က သူတို့နေရာကို ဆုတ်ခွာမိန့်ပေးထားတာကို မကြားပဲ သူ ဝါသနာပါရာတွေလုပ်နေရင်း ကျန်ခဲ့တာ ။ ဒီမှာတင် Zeon တွေက ဝင်တိုက်တော့ ပြေးကြလွှားကြရင်းနဲ့ လမ်းမှာ သယ်ယူပို့ဆောင်ရေးလုပ်နေတဲ့ Gundam ဆိုတဲ့ စက်ရုပ်ကြီးပေါ်ကို Manual ဖတ်ရင်း ပြန်ချရာကနေ ဒီကောင်က လက်စောင်းထက်လာပြီး White Base ဆိုတဲ့ စစ်ယာဉ်ကြီးနဲ့ လွတ်ရာကိုပြေးရင်း နောက်ကလည်း Zeon တပ်က တိုက်ခိုက်ရာကနေ ဒီ Trilogy တစ်ခု ဖြစ်လာခဲ့တာပါ။ ဒီလိုနဲ့ ပထမကားအရ အူကြောင်ကြောင်နဲ့ စစ်ပွဲထဲဝင်လာတဲ့ ကောင်လေးတစ်ယောက်ဟာ တဖြည်းဖြည်း ဒီ အကျည်းတန်ရုပ်ဆိုးတဲ့ စစ်ပွဲဆိုတာကြောင့် ဘယ်လို စိတ်ဒဏ်ရာတွေဖြစ်လာမလဲဆိုတာတွေ၊ Zaku Vs Gundam ချခန်းတွေ၊ Villain ဂန္ဓဝင်ဇာတ်ကောင် Char နဲ့ Amuro တို့ရဲ့ အဆက်မပြတ် တိုက်ပွဲတွေ ၊ ပြီးပြည့်စုံတဲ့ ကမ္ဘာတည်ဆောက်မှုနဲ့ ဖန်တီးမှုကြောင့် အဟောင်းဖြစ်သော်ငြား Old is Gold မို့ ပြန်လည်တင်ဆက်ပေးလိုက်ရပါတယ်ဗျာ။ (အညွန်းနဲ့ ဘာသာပြန်ကတော့ CM Anime Team ဖြစ်ပါတယ်) File size… 3.58 GB / 2.22 GB Quality… BluRay 1080p / 720p Format… mp4 Audio… AAC Duration…. 2h 24m Genre ….. Anime/Action/ Sci-fi/Adventure Subtitle…. Myanmar Subtitle (Hard Sub) Encoder…. Thit San Khant Translated… by Nikobaby

Barry Lyndon Review Stanley Kubrick လိုပြောလိုက်ရင် ရုပ်ရှင်ချစ်တဲ့သူတွေ ရုပ်ရှင်ကို စွဲစွဲမြဲမြဲကြည့်တဲ့သူတွေဆိုသိကြမှာပါ။ The Shining , Full Metal Jacket , 2001 : A Space Odyssey လိုမျိုး Masterpiece ရုပ်ရှင်တွေကိုရိုက်ခဲ့တဲ့ ဒါရိုက်တာတစ်ဦးပါ။ သူ့ရဲ့ ရုပ်ရှင်တွေက ဟောလိဝုဒ်မှာတင်မဟုတ်ပဲ တမ္ဘာလုံးက ရုပ်ရှင်တွေထဲမှာပါ လွှမ်းမိုးမှု အများဆုံးဖြစ်ပြီး သူကိုယ်တိုင်ကလည်း အသိအမှတ်အပြုခံရဆုံး သူတစ်ဦးပါ။ ဒီဇာတ်ကားက သူ့ရဲ့ လက်ရာအမြောက်ဆုံး ရုပ်ရှင်တစ်ကားမဟုတ်တောင် ဂန္တဝင်အမြောက်ဆုံး ရုပ်ရှင်တစ်ကားလို့ဆိုချင်ပါတယ်။ Stanley Kubrick ကရုပ်ရှင်ရိုက်တဲ့နေရာမှာ Perfectionist လို့ပြောခံရတဲ့အထိ ဇာတ်ကွက်တွေ Scene တစ်ခုကို သူလိုချင်တဲ့ အတိုင်း သူဖြစ်ချင်တဲ့အတိုင်း ပေါ်ဖော်ထားတဲ့ အတိုင်းရတဲ့ အထိရိုက်ယူတဲ့ ဒါရိုက်တာတစ်ယောက်ပါ။ ဒီဇာတ်လမ်းက ဥရောပရဲ့ ၁၈ရာစုကို ခြေခံထားတာဖြစ်ပြီး စာရေးဆရာ William Makepeace Thackeray ရဲ့ ဝတ္ထုကို အခြေခံပြီးရိုက်ထားတဲ့အတွက် ၁၈ ရာစု က အင်္ဂလိပ်ပန်းချီကားတွေထဲက အတိုင်း အပြင်အဆင်တွေအဝတ်အစားတွေ Setting တွေက အစ တထေရာတည်းတူအောင် ရိုက်ခဲ့ပါတယ်။ ဒီဇာတ်ကားပေါ်မှာ Stanley မနေနဲ့ ဘယ်လောက်စိတ်မြှပ်နှံထားသလဲ ဆိုတာကတော့ ဒီထဲကတစ်ချို့ဇာတ်ဝင်ခန်းတွေမှာ ပြင်ပ Lighting တွေမသုံးပဲနဲ့ ဖယောင်းတိုင်းမီးနဲ့ရိုက်ရတဲ့ အခန်းတွေအတွက် လိုအပ်တဲ့ Low Light Camera lens တွေက NASA က Space Mission တွေ အတွက်သုံးတာဖြစ်လို့ ဒီ Lens တွေကို ရဖို့ နှစ်နဲ့ချီစောင့်ခဲ့တယ်လို့ သိရပါတယ်။ သူက ဒီဇာတ်ဝင်ခန်းတွေကိုအပြင်ကအတိုင်း Lighting လိုချင်တဲ့အတွက် ဆက်မရိုက်နဲ့ နှစ်ချီစောင့်ပြီးမှရိုက်ခဲ့တာပါ။ ဒီဇာတ်ကားက Stanley Kubrick အတွက် အရမ်း personal ဖြစ်တဲ့ဇာတ်ကားတစ်ကားလို့မြင်မိပါတယ်။ 2001 : A Space Odyssey က Space Exploration နဲ့ AI Dilemma ကိုပြတယ်ဆိုရင် Barry Lyndonက ၁၈ ရာစုရဲ့ Social Mobility ကိုပြချင်တာပါ။ ဆုအတွေအနေနဲ့ကလည်း ၁၉၇၆ ခုနှစ်အတွက် အကောင်းဆုံး Cinematography , အကောင်းဆုံး ဝတ်စုံဒီဇိုင်း, အကောင်းဆုံး ထုတ်လုပ်ရေး ဒီဇိုင်း နဲ့ အကောင်းဆုံး ဇာတ်လမ်းနောက်ခံတီးလုံး ဆုတွေကို ရခဲ့ပါတယ်။ ဒီရုပ်ရှင်ကို မကြည့်ခင်ကြိုပြောချင်တာကတော့ ဒီဇာတ်ကားက ဇာတ်လမ်းအနေနဲ့ ထူးခြားတာတွေ အရမ်းကြမ်းတဲ့ Plot twist တွေနဲ့ အရမ်းမိုက်တဲ့ သရုပ်ဆောင်တွေပါတဲ့ ဇာတ်ကားမဟုတ်ပါဘူး။ ဒါပေမဲ့ ဒီရုပ်ရှင်တကားလုံးက အရမ်းလက်ရာမြောက်တဲ့ ပန်းချီကားတစ်ချပ်ကို တစိမ့်စိမ့်ထိုင်ကြည့်ပြီး တွေးရင်း ငေးရင် အရသာခံရတဲ့ ရုပ်ရှင်မျိုးပါ။ ဒီရုပ်ရှင် Runtime က ၃ နာရီနဲ့ ၅ မိနစ်ကြာပါတယ်။ ဇာတ်လမ်းကလည်းနောက်ခံ Narrative နဲ့ ဖြည်းဖြည်းချင်းစီသွားတဲ့အတွက် ဒါရိုက်တာပြချင်တာကိုမှ မသိရင် ကြည့်ရတာအတော်ပျင်းဖို့ကောင်းတဲ့ ရုပ်ရှင်ပါ။ ဒါကြောင့် ဒီရုပ်ရှင်ကိုမကြည့်ချင် ဒီထဲက ဘာတွေအကောင်းဆုံးမျှော်လင့်လို့ရမလဲဆိုတာကို တွေးပြီးကြည့်တာအကောင်းဆုံးဖြစ်ပါလိမ့်မယ်။ ဇာတ်လမ်းအကျဉ်း ဘယ်ရီ အိုင်ယာလန်က အလယ်အလတ်တန်းစားလူတစ်ယောက်ဖြစ်ပြီး သူရဲ့ ဝမ်းကွဲ ဖြစ်တဲ့ နိုရာဆိုတဲ့ကောင်မလေးကို ကြိုက်မိပြီး ကောင်မလေးက အရာရှိ အင်္ဂလိပ်စစ်ဗိုလ် တစ်ယောက်နဲ့ယူတော့မယ်ဆိုတဲ့ ဟာကိုတားဖို့ ကြိုးစားရင်းက ဘယ်ရီ ဘဝ အရွှေ့ပြောင်းတွေကို ၁၇၃၀ ခုနှစ် ဥရောပ စစ်ပွဲနဲ့ တော်ဝင်မျိုးနွယ်တွေကြားမှာ ဘယ်ရီတစ်ယောက် လောကဓံတွေထဲ ကခုန်ရင်း ဘဝအနိမ့်အမြင့်အတက်အကျတွေကိုပုံဖော်ထားတာပါ။ ဒီဇာတ်လမ်းမှာ ဘယ်ရီက ဘယ်နားတွေမှာ မှားခဲ့သလဲ။ သူကတကယ်ပဲ မှားခဲ့တာလားလူအသိုင်းအဝိုင်းကြီးထဲ ဝင်ဆံဖို့ အပေါ်ရောက်ဖို့ ကြိုးစားတာက မှားတာလား။ စနစ်ကြီးကမှားနေတာလားစစ်ကြီးကမှားနေတာလား အချစ်ကြီးတာက မှားနေတာဆိုတာတွေကိုတော့ ကြည့်ရှုသူကပဲ ဆုံးဖြတ်ချက်ပေးရပါလိမ့်မယ်။ (ဒီဇာတ်လမ်းမှာ ရှေးခေတ် အင်္ဂလိပ်အသုံးအနှုန်းတွေ စကားတွေအရမ်းများတာကြောင့် ကြည့်ရှုသူနားလည်လွယ်အောင် အတတ်နိုင်ဆုံး ကြိုးစားပြန်ပေးထားပါတယ်။) ဘာသာပြန်အညွှန်းရေးသူကတော့ Nikobaby ပဲဖြစ်ပါတယ်။ File size… 4.39 GB / 2.13 GB Quality… BluRay 1080p / 720p Format… mp4 Audio… AAC Duration…. 3h 5m Genre ….. Drama / War / Dark Comedy / Epic / History Subtitle…. Myanmar Subtitle (Hard Sub) Encoder…. Thit San Khant Translated… by Nikobaby

Immortal Demon Slayer (Aka) Wu Kong (2017) ကဲနာမည်လေးမြင်လိုက်တာနဲ့သိမှာပါ။ ကျွန်တော်တို့ငယ်ဘဝကတည်းကအသည်းစွဲအားပေးလာတဲ့မျောက်မင်းဝူခုန်းကားလေးဖြစ်ပါတယ်။ မင်းသား Eddie Peng ရဲ့ ဝူခုန်းဇာတ်ကားပေါ့ဗျာ။ Action/Fantacyကားအမျိုးအစားဖြစ်ပြီး ဝူခုန်းကိုအသွင်တမျိုးနဲ့မြင်ရမှာပါ။ ဒီကားကိုအင်တာနက်မှာနာမည်ကြီးတဲ့ဝူခုန်းရဲ့ဝတ္ထုတပုဒ်ကိုမှီငြမ်းပြီးရိုက်ကူးထားတယ်လို့ဆိုပါတယ်။ ရုံဝင်ငွေအနေနဲ့လည်းဒေါ်လာ၁၀၄သန်းအထိရရှိခဲ့တဲ့ကားလေးပါ။ ဇာတ်လမ်းကတော့… ဟိုးရှေးအချိန်က နတ်ဘုရားတိုင်းပြည်ပြိုကွဲလုနီးနီး ကောင်းကင်ကြီးနှစ်ခြမ်းကွဲလုနီးနီးဖြစ်ခဲ့တုန်းက ကယ်‌တင်ရှင် နတ်ဘုရားမ နုဝါက ကောင်းကင်ကြီးကို ပြန်လည်ဖာထေးဖို့ မှော်ဝင်ကျောက်တုံးတွေကို အသုံးပြုခဲ့တယ်။ ဒီမှော်ဝင်ကျောက်တုံးတွေကနေ မကောင်းဆိုးဝါးတစ်ကောင်ပေါက်ဖွားလာပြီး သူ့ကို ကောင်းကင်နတ်မင်းတွေ နှိမ်နင်းလိုက်နိုင်တာတောင် သူ့ရဲ့အမြုတေက ကမ္ဘာမြေဆီရောက်ပြီး နတ်ဘုရားမဟုတ် နတ်ဆိုးမဟုတ် အားလုံးသိကြတဲ့ စွန်းဝူခွန်းကို မွေးဖွားခဲ့တယ်။ ကျောက်ရဲ့အမြု‌တေကို ရှာဖွေနှိမ်နင်းဖို့ ကောင်းကင်ဘုံနတ်ဘုရား‌တွေကြိုးစားရင်း တကယ်ရှာဖွေတွေ့ခဲ့ရတာတွေက အပေါ်ယံထက်ခက်ခဲနက်နဲလှတဲ့ ပုထုဇဉ်ခံစားချက်တွေပါ။ ယုံကြည်ချက်၊ အချစ်နဲ့ အိပ်မက်တွေကို အကောင်အထည်ဖော်ဖန်တီးမယ့်လမ်းမှာ တားဆီးနေတဲ့ ရက်စက်တဲ့ကံကြမ္မာ‌တွေ။ လွယ်လွယ်အညံ့မခံတတ်တဲ့ စွန်းဝူခုန်း၊ ကောင်းကင်ဘုံရဲ့ အားကိုးရတဲ့ စစ်သည်တွေစစ်သည်တွေဖြစ်တဲ့ အားလင်နဲ့ တျန်းပေ၊ ချစ်တတ်ပြီး ပျော်ပျော်နေတတ်တဲ့ မင်းသမီးလေး အားဇီ၊ နတ်ပြည်ကနေ ပြစ္ဒဏ်အပေးခံရပြီး စုတေသွားတဲ့ အားယု၊ သူတို့တွေ ဒီရက်စက်တဲ့ကံကြမ္မာတွေကို ဘယ်လိုရင်ဆိုင်ကြမလဲ။ ကံကြမ္မာဟာရော အမြဲတမ်းမှန်နေရဲ့လား။ ဒီ Wu Kong ဇာတ်ကားမှာတော့ သာမာန်တွေ့နေကျ အနောက်ရက်သို့ခရီးသွားခန်းဇာတ်လမ်း‌တွေလိုမဟုတ်ဘဲ နတ်ဘုရားနီးနီး အစွမ်းထက်ကြသူတွေကို သာမာန်ဘဝ၊ လူသားတစ်ယောက်ရဲ့ခံစားချက်များနဲ့ တွေ့မြင်ရမှာပါ။ (ရုပ်ရှင်အညွှန်းနဲ့ ဘာသာပြန်ကို KZL မှ တင်ဆက်ထားပါတယ်။)