"ပင့်ကူတွေ ပိုးတောင်မာတွေ ပုရစ်တွေကျတော့ပျော်မြူးနေကြပြီး... ပိုးဟပ်တွေကျတော့ ချောင်ထဲမှာ...ပုရွက်ဆိတ်တွေဆိုလည်း အမှိုက်သမားလေးတွေကိုဖြစ်လို့...မတရားဘူးကွ ပြောင်းလဲပစ်ရမယ်" ။ အင်းဆက်တွေကြားထဲမှာတောင် မညီမျှမှုတွေကိုယ်စီရှိနေတာကို မခံစားနိုင်တော့တဲ့ ကျိုင်းကောင် Red ကတော့ တရားမျှတမှုကို နည်းလမ်းမှားနဲ့ဆောင်ကျဉ်းပေးဖို့ ကြံစည်နေတဲ့ ရာဇဝတ်ကောင်အကြီးစားကြီးပေါ့။ Red ရဲ့ကျိုင်းအုပ်ကို သက်ဆိုးမရှည်အောင် စက်ရုံကြီးတစ်ခုလုံးကိုဖောက်ခွဲပြီး အပျောက်ဖမ်းမိတဲ့ စုံထောက် Sun ခမျာမှာတော့ ထမ်းပိုးထက်လက်ခကြီးပြီး မျက်နှာမရခြေထောက်ရ ဆိုသလို ရာထူးတိုးရမယ့်အစား အလုပ်ပါနားခံလိုက်ရပါတယ်။ အလုပ်ပြုတ်လို့ဘူပြီး New York ကို အပန်းဖြေခရီးလေးထွက်ဖို့လုပ်ခါရှိသေး ...အနောက်ကနေတကောက်ကောက်လိုက်တဲ့ fan အကြီးစားတစ်ယောက်ဝင်ရှုပ်လို့ လေယာဉ်လွတ်သွားပြီး San Fransisco လေယာဉ်ကိုပဲ ဘော်ဒါတစ်ယောက် ဒကာခံကောင်းမှုနဲ့ တက်လိုက်ခွင့်ရလိုက်ပါတယ်။ စုံထောက်ကံမကုန်သေးတဲ့ Sun အတွက် ရေကန်အသင့်ကြာအသင့်ဆိုသလို နာမည်ကောင်းပြန်ရစေမယ့် အခွင့်အရေးတစ်ခု မျက်စိလည်လာရတာကတော့ လေယာဉ်ပေါ်က လက်သည်မပေါ်တဲ့ လူသတ်မှုတစ်ခုကြောင့်ပါပဲ။ ဒါပေမယ့် ထင်သလောက်မရိုးရှင်းတဲ့အမှုမှာ သေဆုံးသူကတော့ Red ရဲ့ သိပ္ပံပညာရှင်ဟောင်းဖြစ်နေတဲ့အပြင် သံသယရှိသူတွေကလည်း တောင်လိုပုံပြီး ယုန်ထင်ကြောင်ထင်ဖြစ်နေရတဲ့ အခြေအနေမှာ ... လေယာဉ်ပေါ်ခိုးလိုက်လာတဲ့လူက Sun ကိုလေးစားတဲ့ စုံထောက်ဝါသနာရှင်ပင့်ကူမလေးအပြင် တခြားအန္တရာယ်ရှိ အင်းဆက်တွေအများကြီးရှိနေသေးတာကို သိလိုက်ရတဲ့အခါ... အတော်ကိုမှခေါင်းစားရတဲ့ မှုခင်းဇာတ်လမ်းလေးကို plot twist ကောင်းကောင်းလေးတွေ အခွီဇာတ်ဝင်ခန်းလေးတွေနဲ့ ကြည့်ရှုရမှာပဲဖြစ်ပါတယ်။ (ဇာတ်လမ်းအညွှန်းနဲ့ ဘာသာပြန်ကတော့ Hnin Wut Yi ပါ။) File Size          : 2.3GB, 909MB, 526MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr 28mins Genre              : Animation Translated by Hnin Wut Yi Encoded by Kinnov

အချိန်တိုင်းလိုလို ကားသံလူသံဆူညံညံနဲ့ မွန်းကျပ်တဲ့မြို့ပြလူနေမှုကနေ ပြေးထွက်ပြီး "ခိုမိုရိ"ဆိုတဲ့တောအုပ်ငယ်လေးကို အလည်သွားကြရအောင်။ အပေါ်ယံဟန်ဆောင်မျက်နှာဖုံးတွေမတပ်ဘဲ ရိုးသားကြိုးစားကြတဲ့ရွာသူရွာသားတွေ၊ မျက်စိတစ်ဆုံး စိမ်းစိုလှပနေတဲ့ယာခင်းတွေ၊ ဆောင်းနံနက်ခင်းတွေဆို မြူနှင်းတွေအုံ့မှိုင်းနေတတ်တဲ့တောင်တန်းတွေ၊ ရာသီအလိုက်ပွင့်ဖူးတတ်တဲ့ ထူးဆန်းတဲ့ပန်းလေးတွေ၊ မြင်တွေ့နေကျမဟုတ်တဲ့ အသီးအနှံမျိုးစုံနဲ့ ညညဆိုမဖိတ်ခေါ်ဘဲရောက်လာပြီး အဖော်ပြုပေးတတ်တဲ့ အကောင်ပလောင်လေးတွေ၊ ဒီလိုမျိုး သဘာဝတရားကြီးကို အလှအပကို အပြည့်အဝခံစားလို့ရနိုင်တဲ့ "ခိုမိုရိ" ဇာတ်လမ်းလေးကတော့ ရိုးရှင်းပါတယ်။ မြို့ပေါ်မှာနေရတာ မွန်းကျပ်လာတဲ့ကောင်မလေးတစ်ယောက် သူ့ဇာတိရွာလေးကို ပြန်လာပြီးနေထိုင်စားသောက်ပုံကိုရိုက်ပြထားတာပါ။ နောက်ခံတီးလုံးငြိမ့်ငြိမ့်လေးနဲ့ ချက်ပြုတ်စားသောက်ပြမယ်။ ကျေးလက်ဒေသရဲ့အလှအပနဲ့ဓလေ့တွေကိုရှင်းပြမယ်။ စားပင်သီးပင်တွေ အမျိုးမျိုးစိုက်ပျိုးပြမယ်။ ဒါကြောင့် ဇာတ်အေးအေးလေးနဲ့ အကြည်ဓာတ်ရတဲ့ "Only Yesterday"လိုကားမျိုးကြိုက်တတ်တဲ့သူဆို ဒီ "Komori" ကိုလည်းသေချာပေါက်သဘောကျမယ်လို့ထင်ပါတယ်။ စိတ်ပင်ပန်းနွမ်းနယ်နေတဲ့သူတွေလည်း ဒီ Healing Drama လေးကြည့်ပြီး ခဏတဖြုတ်ပဲဖြစ်ဖြစ် စိတ်သက်သာရာရသွားရင် ဘာသာပြန်ရကျိုးနပ်ပါပြီ။ (*အဘိဓာန်ထဲမှာမရှိတဲ့ ပန်းနာမည်တစ်ချို့နဲ့ အစားအစာတွေကို လက်လှမ်းမီသလောက်ရှာဖွေပြီး ဆီလျော်အောင် ဘာသာပြန်ဆိုထားရတာဖြစ်လို့ အချို့နေရာတွေမှာ လွဲချော်မှုများရှိခဲ့ရင် နားလည်ခွင့်လွှတ်ပေးကြပါလို့ ကြိုတောင်းပန်ထားပါရစေ) အညွှန်း နဲ့ ဘာသာပြန်ကတော့ Moe Pwint Phyu ပဲ ဖြစ်ပါတယ်။ Genre..... Drama Quality…. 1080p | 720p | 480p File size… Format… mp4 Duration…. 1h 51min Subtitle…. Myanmar Subtitle (Hardsub) Translator ..... Moe Pwint Phyu Encoder ..... August

IMDb rating - 6.6/10 Genre - Psychological Thriller, Family ကိုယ်လုပ်တာတွေကို အကုန်ပုံတူကူးချပြီး လိုက်လုပ်တတ်တဲ့ copycat သူငယ်ချင်းမိတ်ဆွေမျိုး ကြုံဖူးကြလား Copycatတွေက နေ့စဉ်ဘဝမှာဆိုရင် ဘေးနားကလူတွေကရဲ့ ဝတ်ပုံစားပုံတွေ အကျင့်တွေကအစ ပုံတူကူးချပြီးနေထိုင်တတ်ပါတယ်။ သို့ပေမဲ့ တခြားသူကျူးလွန်ထားတဲ့ လူသတ်မှုတွေကိုလိုက်ကြည့်ပြီး ပုံတူကူး လိုက်သတ်တတ်တဲ့ Copycat killer တစ်ယောက်ဆိုရင် ဘယ်လိုဖြစ်မလဲ... ဇာတ်လမ်းထဲမှာတော့ "ယမရှိရို ခဲအိဂေါ့"ဆိုတဲ့ Mangaစာရေးဆရာတစ်ယောက်က mangaဆွဲတာလည်း သေသပ်လှပပြီး ဖြတ်သွားဖြတ်လာလူတစ်ယောက်ရဲ့ပုံကိုတောင် ချက်ချင်းဆွဲနိုင်တဲ့ ပါရမီရှိတဲ့သူတစ်ယောက်ပါ။ ပြဿနာက သူရေးချင်တဲ့အမျိုးအစားက Thriller,Crimeဖြစ်ပြီး သူကိုယ်တိုင်ကတော့ သဘောကောင်းလွန်းတဲ့သူတစ်ယောက်ဖြစ်နေတာပါပဲ။ တော်ပေမဲ့အသက်ဝင်တဲ့ဇာတ်ကောင်ကိုမရေးဆွဲနိုင်တာကြောင့် ကိုယ်ပိုင်Mangaကို debutမလုပ်နိုင်သေးပါဘူး။ ဒီလိုနဲ့စိတ်ဓာတ်ကျပြီးအလုပ်ထွက်ဖို့ပြင်နေတုန်း သူ့ရဲ့ဆရာဖြစ်သူက စံအိမ်တစ်လုံးရဲ့ပုံကို ညဘက်ကြီးမှာ သွားဆွဲခိုင်းခဲ့ပါတယ်။ ပုံကြမ်းဆွဲနေတုန်း စံအိမ်ထဲကသီချင်းသံကအရမ်းကျယ်လို့ အိမ်နီးချင်းက ပြဿနာလှမ်းရှာတာကြောင့် သူပါအခြေအနေမဟန်မှာစိုးလို့ အိမ်ပိုင်ရှင်တွေကိုလှမ်းပြောဖို့လုပ်ပါတယ်။ ဒါပေမဲ့အထဲက တုံ့ပြန်သံမကြားတာနဲ့ အထဲဝင်သွားတဲ့အခါ အိမ်ရှင်တွေကို ဓားနဲ့ထိုးသတ်ခံထားရတာကိုတွေ့လိုက်ရပါတယ်။ သူ့ဘဝမှာပထမဆုံး အဖြစ်ပျက်ဆိုးနဲ့ကြုံရတာမို့ကြောက်လန့်နေခဲ့တုန်းမှာ လူသတ်သမားဖြစ်သူကိုမြင်လိုက်ရပါတယ်။ ဒါပေမဲ့ ရဲတွေကမေးလို့ထွက်ချက်ပေးတဲ့အခါမှာတော့ သူဟာ လူသတ်သမားကိုမမြင်ခဲ့ပါဘူးလို့ထွက်ဆိုခဲ့ပါတယ်။ အဲဒီကစလို့ စာရေးဆရာ ယမရှိရိုက ""Dagger"လို့ခေါ်တဲ့ဇာတ်ကောင်ကိုဖန်တီးပြီး " 34,Rising Sun"ဆိုတဲ့ Manga Seriesကိုရေးဆွဲပြီး လူကြိုက်များလာပါတယ်။ သူမျက်မြင်တွေ့ခဲ့ရတဲ့လူသတ်မှုအကြောင်းကို ပထမဆုံးဇာတ်လမ်းအဖြစ် ရေးထားတာပါ။ ဒါပေမဲ့ သူ့Mangaထဲက ဒုတိယဇာတ်လမ်းအတိုင်း လိုက်သတ်ထားတဲ့လူသတ်မှုတစ်ခုဖြစ်လာပါတယ်။ နေရာ သေတဲ့ပုံစံ၊လူသတ်လက်နက်ကိုထားတဲ့နေရာကအစ mangaထဲကအတိုင်းဖြစ်လာတာမို့ ရဲတွေကလည်းသူ့ကိုနောက်တစ်ကြိမ်ထပ်မံစစ်ဆေးပါတယ်။ ဒါပေမဲ့ တရားခံက mangaဆရာမဖြစ်နိုင်တဲ့အခါ... စီရင်စုရဲတွေ လူသတ်သမား​ကို ဘယ်သူလို့ယူဆပြီး ဆက်စပ်စုံစမ်းကြမလဲ လူသတ်သမားက မိသားစုဝင်၄ဦးရှိတဲ့မိသားစုတွေကိုမှ ဘာလို့ရွေးသတ်ရတာလဲ ကိုယ်ပိုင်identityမရှိတဲ့သူတစ်ယောက် သူများရဲ့characterကိုပုံတူကူးချပြီးနေတတ်တဲ့သူတစ်ယောက်က.. လက်တွေ့ဘဝမှာ ဘယ်လောက်ထိ ဒုက္ခပေးနိုင်လဲဆိုတာကို တစိမ့်စိမ့်တွေးရင်း အဆုံးထိကြည့်ဖို့ဆွဲခေါ်သွားမဲ့ ဇာတ်ကားကောင်းတစ်ကားဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(2.2GB) / (1.1GB) Quality__WEB-DL_1080p, 720p IMDb Rating__6.6/10 Format__mp4 Duration__02:05:00 Type__Crime, Horror, Thriller Subtitle__Myanmar Subtitle (Hardsub) Translated by Ingyin San Encoded by Naing Aung Latt

ဘာဆိုဘာမှ လုပ်ပေးဖို့စိတ်ကူးမရှိတဲ့ လူကောင်းပါဆိုတဲ့ ပုဂ္ဂိုလ်တွေကြောင့်ပဲ ဆိုးယုတ်ခြင်းက အောင်လံလွှင့်ထူနိုင်တာပါပဲလေ။ ကောင်းမွန်သန့်စင်ခြင်းအလင်းရောင်က လောကကို အလှဆင်ရုံနဲ့ တာဝန်ကျေပြီလား။ စေတန်နတ်ဆိုးကတော့ အမှောင်ကမ္ဘာမှာ သူ့တာဝန်ကို သူကျေတယ်။ မဆုတ်မနစ် ကြိုးစား၊ စဉ်ဆက်မပြတ်အားထုတ်၊ ကောက်ကျစ်ခြင်းအပြုံးရဲ့ အမှုန်တွေ လေထုထဲကို အဆိပ်ခတ်လို့ သူယုံကြည်ရာသူ့လမ်းကြောင်းကို တည်ဆောက်နေလေရဲ့။ လှပသွားတဲ့လောကကြီးကို ထိုင်ကြည့်ပြီး တာဝန်ကျေပါတယ်ဆိုတဲ့ အထာနဲ့ ပြုံးပြုံးကြီးထိုင်ကြည့်နေတဲ့ လူကောင်းကြီး‌တွေ။ ကာကွယ်သူမဲ့နေတဲ့ မြေကမ္ဘာကို သိမ်းပိုက် အမှောင်တိုက်လိုသူတွေကတော့ စက္ကန့်မလပ်အားထုတ်ရင်း ပန်းတိုင်ဆီကို ဖြည်းဖြည်းမှန်မှန် ဝေ့ဝဲပျံသန်းလာနေတုန်း။ အရွယ်မတိုင်ခင်မှည့်တဲ့ ပန်းသီးကိုစားပြီး ကိုယ်ကျင့်တရားလက်ဖက်တစ်ရိုးနဲ့ ကိုယ့်ကိုယ်ကိုယ် မျက်နှာလုပ်ကြသူတွေကတော့ လေးစားခံဘဝမှာ ယစ်မူးသာယာရင်း တာဝန်တွေမေ့၊ သေနေ့စေ့မှ " မတရားဘူး " ကုန်းအော်ကြတယ်။ ပင်လယ်ပြာတဝှမ်း ရေခမ်းရင်တော့ အသိတရား ရလောက်ရဲ့။ အစွန်းနှစ်ဖက်ဟာ သိပ်ဝေးကွာသလိုလိုနဲ့ သူ့ရဲ့အထိအတွေ့ကို ကျောဖက်မှာ ရှတတခံစားရတာမျိုး။ အမုန်းတရားနဲ့ အဆုံးထိသွားမယ်ဟန်ပြင်မှ နှလုံးသားတောင့်မှာ မသိလိုက်ဘဲ ဖုန်တက်နေတဲ့ မောင်မင်းကြီးသားထရှုပ်လို့ မျက်ရည်ပေါက်ပေါက်ကျရတာကလည်း မြေကြီးကိုလက်နဲ့ပုတ်လို့ လက်သာကျိုးသွားမယ့်အဖြစ်ပဲပေါ့။ ရင်ကဖြစ်လို့ ရင်နှစ်သည်းချာဆိုမလား။ ရန်သူလို ရန်ငြိုးထား ကျောင်းတော်က ရန်စလို ကမ္ဘာပြိုတဲ့အထိ အမုန်းတွေ မအိုတာလည်း ကြုံဖူးကြမယ်ထင်ပါရဲ့။ ဒီဇာတ်လမ်းက မဆန်းပါဘူးဗျာ။ မြေတိုက်တစ်ခန်းမှာ ကလေးတသိုက်နဲ့ အထိန်းတော်တစ်ယောက် ဗုံးမိုး ခိုနေကြတဲ့ တစ်ခန်းစာပါပဲ။ ကိုယ်တိုင်ကြောက်တာထက် ကိုယ်ကြောက်နေတာကို သိသွားမှာ ပိုကြောက်ရတဲ့အဖြစ်က မှိုဟင်းစားရင်း ငရုတ်သီးစပ်တဲ့အဖြစ်ပဲဗျ။ အမူအယာကိုဖုံးဖိရင်း တဂျိမ်းဂျိမ်းကျနေတဲ့ ဗုံးသီးတွေအောက်မှာ မတစ်ထောင်သားသမီးတွေကို ပုံပြင်ဖတ်ပြရနေရတဲ့ အပျိုရည်တောင် မပျက်လောက်သေးတဲ့ ကောင်မလေးက ရဲရင့်တယ်ခေါ်မလား။ ကြံရာမရ ကောက်ရိုးတစ်မျှင်ဆွဲတယ် ခေါ်မလား။ ပုံပြင်ဆိုတော့ ပုံကို လိုအပ်သလို ပြင်ထားတာဖြစ်မှာပေါ့။ အကောင်းနဲ့အဆိုး တိုက်ခိုက်ကြတဲ့အခါ အကောင်းကပဲ နိုင်လေသတည်းတဲ့။ စာအုပ်ထဲကထွက်လာတဲ့ မှော်ပရိုဂျက်တာမှာ မှော်ဆန်တဲ့ ကကွက်တွေ ပုံဖော်၊ အံ့မခန်းတဲ့ နောက်ခံဂီတကတော့ အဖန်တရာ ဖန်အပ်သော ဝါဂွမ်းကို အဖန်တရာစစ်အပ်သော ဆီထဲနှစ်သကဲ့သို့ပေါ့။ ဘဲလေးအကကြိုက်သူ‌တွေကတော့ ရတနာပုံဆိုက်တာပဲဗျာ။ ပုံပြင်လေးကို ဘဲလေးအကနဲ့ သရုပ်ဖော်သွားတာမြင်တော့ ရာမဇာတ်တော်ကြီးကိုတောင် သတိရမိသေး။ ရောင်စဉ်ခုနှစ်သွယ်ကို ပုံဖော်ကြတဲ့ ရောင်စဉ်ခုနှစ်မျိုး မိတ်ကပ်မျက်နှာလှလှ‌လေးတွေ၊ ‌အမှောင်သခင်မရဲ့ မဟူရာဆန်တဲ့အလှနဲ့ကျက်သရေတွေက ဒီဇာတ်ကားရဲ့အနှစ်သာရပေါ့။ ဇာတ်ကားနာမည်လေးက "ရောင်စဉ်ခုနှစ်ဖော် စစ်သည်တော်" ပါတဲ့... (ဇာတ်ကားအညွှန်းကို Arr Khun Winchester မှ ရေးသားပေးထားပါတယ်) Size - 1.53GB, 720MB, 330MB Quality - WEBrip 1080p, 720p, 480p Duration - 1Hr 20mins Subtitles - Myanmar Hardsub Format - MP4 Genre - Family, Fantasy, Musical Translated by Arr Khun Winchester Encoded by Y

ဒီတစ်ကာတင်ဆက် ပေးမှာကတော့ Mono Originals က ပထမဆုံးရိုက်ကူးတဲ့ ထိုင်းဟာသ ဇွန်ဘီကားလေးပါ မြို့တွေနဲ့ ‌‌‌‌‌‌ေ၀းလံ့ခေါင်သီတဲ့ အစွန်အဖျားတောအုပ်ထဲမှာ လူတွေနေထိုင်ကြရင်းနဲ့ ရွာငယ်တစ်ရွာဖြစ်လာခဲ့တယ် အဲ့ရွာမှာ ရွာကို အကျိုးမပေး အမြဲသောက်စားပျော်ပါးနေတဲ့ လူငယ်ငမူး ၃ကောင်ရှိပါတယ် ငမူးမို့ တစ်ရွာလုံးရဲ့ချဥ်ဖက်ဖြစ်နေသူ ၊ မူးရူးအလုပ်မရှိလို့ လက်ထက်ခွင့်တောင်းတာ ငြင်းခံရသူ ၊ ငမူးဖက်တီးဆိုပေမယ့် ပိုက်ဆံလေးရှိတော့ အဆင်ပြေ‌‌နေသူ တစ်နေ့ သူတို့ ထဲကတစ်ယောက်က ရုတ်တရက် မဂ်လာထဆောင်တော့ နောက်ဆုံးနေ့ နောက်ဆုံးသောက်ခြင်းဆိုပြီး ရှယ်သောက်ကြတာပေါ့ အမူးလွန်ပြီး နောက်နေ့နိုးလာတော့ တစ်ရွာလုံးနီးပါးက ဇွန်ဘီတွေဖြစ်နေတဲ့အခါ... သူတို့ ငမူး၃ကောင် ရွာသူရွာသားတွေကို ဘယ်လိုကယ်တင်မလဲ...ဇွန်ဘီတွေက‌ရော ဘယ်ကနေဘယ်လိုစဖြစ်လာတာလဲ ဆိုတာတွေကို ဟာသနှောပြီး ရိုက်ထားတာမို့ ကြည့်ရှု့ရအောင် တင်ဆက်ပေးလိုက်ပါတယ် ။ File Size__(1.3GB) / (650MB) Quality__1080p, 720p IMDb Rating__5.6/10 Format__mp4 Duration__01:13:00 Type__Comedy, Thriller Subtitle__Myanmar Subtitle (Hardsub) Translated by Nang Mwe Kham Encoded by Naing Aung Latt

အခုတစ်ယောက် Homejack ဇာတ်ကားက 2016 တုန်းက ဇာတ်ကားကို ပြောင်းပြန်ရိုက်ကူးထားတာပါ ပရော်ဖက်ဆာ တစ်ယောက်က စာအုပ်တစ်အုပ်ရေးဖို့အတွက် အလုပ်ထွက်ပြီး ရွာဘက်ကို သုတေသနလုပ်ဖို့ မိန်းမနဲ့ပြောင်းလာခဲ့ပါတယ် ရောက်ရောက်ချင်းမှာပဲ ကလေးနေမကောင်းလို့ မိန်းမဖြစ်သူက တိုကျိုကို ပြန်သွားတာပေါ့ ရွာဘက်မှာလည်း Jack the Ripper ဆိုတဲ့ လူသတ်သမားက ရှိနေပြန်တော့ ပရော်ဖက်ဆာကို ရဲတွေက လာသတိပေးသွားပါတယ် ဒီလိုနဲ့ ညတစ်ည မိုးရွာနေတုန်းမှာ ကောင်မလေးနှစ်ယောက်က မိုးခိုဖို့ ပရော်ဖက်ဆာအိမ်ကို ဝင်လာရင်း ဆရာ့ကို မုဒိမ်းကျင့်ပါတော့တယ် ဆရာတစ်ယောက်ကို ကောင်မလေးနှစ်ယောက်က ဘယ်လိုမုဒိမ်းကျင့်မှာလဲဆိုတာ ကိမုချိတို့အတွက် တင်ဆက်ပေးလိုက်ပါတယ် ။ File Size__(1.2GB) / (800MB) Quality__1080p / 720p IMDb Rating__3/10 Format__mp4 Duration__01:10:00 Type__Adult, Crime, Thriller Subtitle__Myanmar Subtitle (Hardsub) Translated by Parrot Encoded by Dark Devil

ဒီဇာတ်ကားကတော့ rogue one လိုပဲ a star wars story ပါပဲ။ နာမည်ကိုမြင်တာနဲ့ ဘယ်သူ့အကြောင်းလဲဆိုတာ အားလုံးသိပြီးသား ဖြစ်မှာပါ။ စတားဝါးစ်ရုပ်ရှင်တွဲတွေရဲ့ ဂန္ဓဝင်ကာရိုက်တာ ဟန်ဆိုလိုရဲ့ ဘဝဇာတ်ကြောင်းပါပဲ။ ဖန်တွေ အတွက်ကတော့ တကယ်ကို စိတ်ကျေနပ်မှု ရစေပါလိမ့်မယ်။ ဟန် နဲ့ ချူဝီ တို့်တွေ့ဆုံမှု။ ဟန်ရဲ့ သေနတ်သမိုင်း။ ဖယ်ကွန် နဲ့ လန်ဒို တို့အကြောင်းအပြင် ဖယ်ကွန်ထဲက feature တွေ ဖြစ်ပေါ်လာပုံကိုပါ အကွက်ကျကျပြထားပါတယ်။ Han always shoots first ရဲ့ အစကို ကြည့်လိုက်ကြပါဦး။ ဒီရုပ်ရှင်ကားကို Little Neo မှ ဘာသာပြန် တင်ဆက်ပေးထားပါတယ်

IMDb 7.6 အထိရထားတဲ့ ဟော်ရာကားပါ။ 1980 မှာထွက်ခဲ့ပြီး IMDb 8.4 အထိ ရှိခဲတဲ၊့ အကောင်းဆုံးဟော်ရာကားတွေထဲက တစ်ကားဖြစ်တဲ့ The Shining ရုပ်ရှင်ရဲ့ အဆက်ပါပဲ။ ဒီရုပ်ရှင် ၂ ခုလုံးကိုတော့ ဟော်ရာဝတ္ထုတွေအရေးများတဲ့ စာရေးဆရာကြီးStephen King ကပဲ ရေးသားခဲ့တာပါပဲ။ မူလရုပ်ရှင် ရှိုင်းနင်းကို ကြည့်ဖူးမှအပြည့်အစုံနားလည်နိုင်မှာပါ။ မကြည့်ဖူးရင်တော့ အချို့အခန်းလေးတွေ နားမလည်တာ ဖြစ်နိုင်ပါတယ်။ ရှိုင်းနင်းကတော့ တစိမ့်စိမ့်တွေးကြောက်စရာတွေ၊ ဖုန်းဆိုးမြေတွေ၊ ကလေးငယ်တွေနဲ့ ပတ်သတ်တဲ့ ဟော်ရာတွေနဲ့ ဖန်တီးထားခဲ့တာဖြစ်ပြီး။ ဒီရုပ်ရှင်ကတော့ ပိုပြီးမှော်ဆန်တဲ့ စွမ်းအင်တွေနဲ့ အက်ရှင်နည်းနည်းဆန်ဆန် ဖန်တီးထားတာပါ။ ဇာတ်လမ်းအကျဉ်းကိုတော့ ရှိုင်းနင်းကပဲ စကောက်ရပါလိမ့်မယ်။ အမေရိကန် လူနီတွေကို မြေမြှပ်သင်္ဂြိုလ်ရာ သင်္ချိုင်းမြေပေါ်မှာ အိုဗာလွတ်ခ် ဆိုတဲ့ လူမနေတော့တဲ့ ဟိုတယ်ကြီးတစ်ခုရှိပါတယ်။ အဲဒီဟိုတယ်ကြီးမှာ အစောင့်အဖြစ်နေရင်း စာရေးဖို့ရောက်လာတဲ့ စာရေးဆရာမိသားစုကတော့ ဂျက်၊ ဝင်ဒီ နဲ့ သားဖြစ်သူ ဒန်နီတို့ပါပဲ။ အဲဒီဟိုတယ်ကြီးရဲ့ အရင်အစောင့်ဖြစ်သူကတော့ သူ့မိသားစုတစ်ခုလုံးကို ပြန်သတ်ပြီး သတ်သေသွားခဲ့ပါပြီ။ ကလေးငယ် ဒန်နီမှာ စိတ်စွမ်းအင် ဆက်သွယ်မှုတစ်မျိုး ရှိပြီး ဟိုတယ်ရဲ့ စားဖိုမှူးကြီး ဒစ် ဟယ်လိုရန်ကလည်း သူ့လိုစွမ်းအင်ရှိသူမို့ သူတို့ ၂ ဦး စိတ်ထဲကနေ ဆက်သွယ်မိကြပါတယ်။ ဟယ်လိုရန်ကတော့ ဒန်နီကို ဒီစွမ်းအားဟာ shine တောက်ပမှုလို့ခေါ်တယ်လို့ ပြောခဲ့ပါတယ်။သူတို့ နေကြတဲ့ ဒီဟိုတယ်ကြီးထဲမှာ ဝိညာဉ်ပေါင်းအတော်များများရှိပြီးဒါတွေနဲ့ သူတို့မိသားစု ကြုံတွေ့လာရပါတယ်။ ဒါပေမယ့် ပြဿနာက သရဲရှိရုံတင်မဟုတ်ဘဲ ဟိုတယ်နဲ့မြေကိုယ်တိုင်ကိုက မကောင်းဆိုးဝါးဓာတ်တွေရှိနေတာပါ။ ပြီးတော့ ဟိုတယ်ဟာ ဒန်နီလိုမျိုး အစွမ်းရှိသူရောက်လာလို့ ပိုနိုးကြားလာပြီး ပိုဆာလောင်လာပါတယ်။ ဒီဒဏ်ကို ခံလိုက်ရသူကတော့ဖခင်ဖြစ်တဲ့ ဂျက်ပါပဲ။ ဂျက်ဟာ တဖြည်းဖြည်းရူးသွပ်လာပြီး သူ့မိသားစုကို ပြန်သတ်ဖို့ ကြိုးစားပါတော့တယ်။ ရှိုင်းနင်းရဲ့အဆုံးမှာတော့ ဂျက်သေဆုံးသွားခဲ့ပြီး ဝင်ဒီနဲ့ ဒန်နီတို့ သားအမိလွတ်မြောက်လာခဲ့ပါတယ်။ဂျက်ရဲ့ပုံကတော့ ဟိုတယ်ရဲ့ အဖွဲ့ဓာတ်ပုံထဲမှာ ကျန်နေခဲ့ပြီး သူ့ဝိညာဉ်ဟာ မလွတ်မြောက်တော့တဲ့အဓိပ္ပါယ်နဲ့ အဆုံးသတ်သွားတာပါ။ ဒါမှမဟုတ် ဂျက်ဟာ ယခင်သေသွားတဲ့ ဟိုတယ်အလုပ်သမားသေလို့ ဝင်စားခဲ့သလားတော့ မသိပါဘူး။အခု ဒေါက်တာစလိ ရုပ်ရှင်မှာတော့ ဒန်နီလိုမျိုး အစွမ်းရှိတဲ့ သူတွေအများကြီးပါလာပါတယ်။ ဒီလိုအစွမ်းရှိတဲ့သူတွေကို စားသုံးပြီးအသက်ရှည်နေတဲ့အဖွဲ့တစ်ဖွဲ့ပါလာပါတယ်။ သူတို့တွေက အစွမ်းရှိတဲ့ကလေးတွေဆီကိုသတ်ပြီး အငွေ့တွေကို ရှုကြတယ်၊ သိမ်းထားကြတယ်ပေါ့။ ဒန်နီကတော့ အရွယ်ရောက်ပြီးသားလူကြီးဖြစ်နေခဲ့ပါပြီ။ တစ်နေ့မှာ သူနဲ့စိတ်ချင်းဆက်သွယ်မိတဲ့ ကလေးမလေးတစ်ယောက်နဲ့ တွေ့လာပြီး ဒီကလေးမလေးကို သတ်မယ့်အဖွဲ့လိုက်လာတာကိုသိတော့ သူတို့ ၂ ယောက်ရဲ့ အစွမ်းကိုသုံးပြီး ပြန်ရင်ဆိုင်ရပါတော့တယ်။ File size…4.59GB / 1.03GB Quality…1080p HEVC & 720p Format…Mp4 Duration….3h Subtitle….Myanmar Subtilte (Hard Sub) Encoder….Thit San Khant Translated by Little Neo

Tharae United (2022) ထိုင်းဇာတ်ကားတွေထဲမှာ အခုခေတ်ရိုက် Bad Genious တို့လိုမျိုး ဇာတ်လမ်းအလန်း ရိုက်ချက်အလန်းကြီးနဲ့ကားတွေရှိသလို ကျွန်တော်တို့ငယ်ငယ်က ကြည့်ခဲ့ကြတဲ့ ဇာတ်လမ်းကတော့ ရိုးပေမဲ့ ကြည့်ရတာ ကြည်နူးပျော်ရွှင်ရတဲ့ Baiferm နဲ့ Mario တို့ရဲ့ a little thing called love တို့လို ဇာတ်ကားလေးတွေလည်းရှိပါတယ် ခုဇာတ်ကားလေးကလည်း မင်းလူရဲ့ရယ်မောခြင်းပေါင်းချုပ်ထဲကလို မြောက်ပိုင်းတောင်ပိုင်းမတည့်ကြတဲ့ ရွာလေးရဲ့လူငယ်တွေကို ဘောလုံးအသင်းဖွဲ့စည်းပေးတဲ့အကြောင်းလေး ဖြစ်ပါတယ် ဒီဇာတ်ကားလေးမှာ တစ်ခုကောင်းတာက ဘောလုံးဇာတ်ကားဆိုပြီး တောကအသင်းလည်း ဇွတ်ဖလားတွေရ လာသမျှအသင်းနိုင်တဲ့ဇာတ်လမ်းမဟုတ်ပါဘူး အဲ့လို မိုတီဇွတ်ပေးမယ့် ဇာတ်ကားလည်းမဟုတ်ပဲ လူငယ်သဘာဝအချင်းချင်းညစ်တာလေးတွေ အချစ်ဇာတ်လမ်းတွေ ကိုယ်ကြွေမိတဲ့ သူငယ်ချင်း မမ ညီမလေး စသည်ဖြင့်ပေါ့ ကြည့်ရတာ ပေါ့ပေါ့ပါးပါး ကြည်ကြည်နူးနူးနဲ့ စိတ်ချမ်းသာဖို့လည်းကောင်း ဘောလုံးအားကစားအခြေပြု sport drama ကားလေးတွေ သဘောကျတဲ့သူတွေအတွက် ကြည့်ရှုနိုင်ဖို့အတွက် ဘာသာပြန်တင်ဆက်ပေးလိုက်ရပါတယ် အညျွန်း နဲ့ ဘာသာပြန်ကတော့ Sai Thurein Lynn ပဲ ဖြစ်ပါတယ်။ Genre….. Comedy Quality…. 1080p | 720p | 480p File size… 2.1Gb | 961MB | 450MB Format… mp4 Duration…. 1h 56min Subtitle…. Myanmar Subtitle (Hardsub) Translator ….. Sai Thurein Lynn Encoder ….. Aaron

****************************** အလုပ်မရှိဘဲ အိမ်မှာပဲ WFH နေသလိုလို စတော့ရှယ်ယာတွေကိုပဲ ရင်းနှီးမြှုပ်နှံသလို ဘာလိုလို ညာလိုလိုနဲ့ ဝမ်းမထိန်းနိုင်ရောဂါဖြစ်နေတဲ့ ချာဒိုဟွမ်ဆိုတဲ့သူ တစ်ယောက်ရှိတယ် တိုက်ခန်းပိုင်ရှင်ကအစ လုံခြုံရေးဦးလေးကြီးအဆုံး ချာဒိုဟွမ်ကို အလုပ်မရှိ အကိုင်မရှိ ပိုက်ဆံမရှိ‌တဲ့ သူဆိုပြီး အထင်သေးပြီး ချဉ်နေကြတာပေါ့ တစ်နေ့မှာ ချာဒိုဟွမ်တို့ တိုက်ခန်းအပေါ်ထပ်ကို အင်ဂယောင်းဆိုတဲ့ ကောင်မလေးတစ်ယောက် ပြောင်းလာခဲ့တယ် ‌သူပြောင်းလာတဲ့ နေ့ကစပြီး‌တော့အ‌ပေါ်ထပ်မှာ တဒုန်းဒုန်းတဒိုင်းဒိုင်းနဲ့ ဆူညံနေလို့ အောက်ထပ်က ချာဒိုဟွမ်တစ်ယောက် စိတ်တွေ ညစ်တာပေါ့ အလုပ်ကလည်း အဆင်မပြေ ဝမ်းကလည်း တဗြွတ်ဗြွတ်ဆိုတော့ တစ်ညမှာ လုံးဝမနေနိုင်တော့လို့ အပေါ်ထပ်ကို သွားပြီး ငြိမ်ငြိမ်နေပေးဖို့ ပြောမယ်ဆိုပြီး သွားလိုက်တဲ့အခါမှာ တံခါးက မခတ်ထားတာတွေ့ရတယ် အဲဒါကြောင့် အခန်းထဲကို ဝင်ကြည့်လိုက်တဲ့ အခါမှာတော့ …. ဘာတွေ ဆက်ဖြစ်မလဲဆိုတာကိုတော့ ဇာတ်လမ်းလေးထဲမှာပဲ ကြည့်ရှုအားပေးလိုက်ကြပါဦးနော် File Size : 1.5GB& 682MB Quality : WEB-DL1080p,720p Format…mp4 Duration…01:26:00 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

Blood Diamond (2006) =============== IMDb Rating (8.0) မင်းသားကြီး Leonardo DiCaprio , Djimon Hounsou , ကိုယ်တွေရဲ့မမ Jennifer Connelly တို့ ပါဝင်ထားတဲ့ ဒီရုပ်ရှင်ကားကြီးကတော့ ကြည့်ဖူးသူတိုင်းကြိုက်ကြတဲ့ Adventure ,Thriller,Drama ရသစုံရုပ်ရှင်ဇာတ်ကားပါပဲ။ သွေးစွန်းသောစိန် လူကြီးမင်းရဲ့ တစ်သက်တာချစ်ရမယ့်သူရဲ့ ဖယောင်းသွယ်လက်ချောင်းလေးကို စွပ်ပေးလိုက်မယ့် လက်ထပ်စိန်လက်စွပ်လေးမှာ သွေးစွန်းနေခဲ့ရင်လို့ တွေးမိကြမယ်မထင်ပါဘူး။ လူကြီးမင်းအနေနဲ့ အလယ်အလတ်တန်းစားလစာရတဲ့သူတစ်ယောက် လစာကိုအလုံးစုံစုရင်တောင် နှစ်ဆယ်ဂဏန်းစုရမယ့်တန်ဖိုးရှိတဲ့ စိန်လက်စွပ်လေးက ပျိုးပျိုးပြက်ပြက်လက်ပြီး သိပ်လှနေမှာပဲ။ လူကြီးမင်းရဲ့အမျိုးသမီးကလည်း သိပ်ကိုပျော်ရွှင်ကျေနပ်နေမှာပေါ့။ စိန်တွေက သွားရင်လာရင်း ခုလုတ်တိုက်ပြီး တွေ့ကြတာမဟုတ်ဘူး။ မြေကြီးထဲကို အနက်ကြီးတူးဆွလို့ အသက်နဲ့ရင်းရှာရတာပဲ။ ရုရှားစိန်တွင်းတွေဆိုရင် အနက်ဆုံးတွင်းတွေထဲမှာပါပါတယ်။ ဒါပေမဲ့ အခုပြောမှာကတော့ အာဖရိကတိုက်ကရတဲ့ စိန်တွေပါ။ ပေါများလွန်းလို့ မြေကြီးပေါ်မှာတင် ရွှေကျင်သလို ကျင်ယူရနိုင်တာမျိုးပေါ့။ ဒါပေမဲ့ အဲဒီစိန်တွေကို ပိုင်ဆိုင်ထားသူတွေက လက်နက်ကိုင်အဖွဲ့တွေဖြစ်ကြပြီး စိန်ရောင်းရငွေတွေကို လက်နက်တွေဝယ်၊ အာဖရိကတိုက်သား နိုင်ငံသားအချင်းချင်း သတ်ဖြတ်ဖို့ သုံးနေကြလို့ပါ။ ဒါကြောင့် သွေးစွန်းသောစိန်တွေပါ။ ကမ္ဘာကြီးက အပေါ်ယံကကြည့်ရင် သိပ်ကောင်းသလို၊ သိပ်ကို တရားမျှတသလိုပဲ။ စစ်ဖြစ်ရာ ပဋိက္ခမြေက သွေးစွန်းသောစိန်တွေကို ကမ္ဘာ့စိန်ဈေးကွက်မှာ တရားဝင်တင်သွင်းလို့မရပါဘူး။ တရားမျှတလိုက်တာဗျာလို့ လူကြီးမင်း ချီးကျူးမစောသင့်ပါဘူး။ စိန်ဆိုတာ ရှားပါတယ်။ တန်ဖိုးကြီးပါတယ်ဆိုတဲ့ နိယာမတစ်ခုကို အသက်သွင်းဖို့ စိန်တွေကို လုပ်ငန်းရှင်တွေစုပေါင်းပြီး မြေအောက်အလုံတိုက်ထဲမှာ ဝယ်ထည့်ထားပါတယ်။ ဝယ်ချင်သလောက် ဝယ်မရရင် စိန်ဆိုတာ ရှားပြီလေ။ ရှားရင် ဈေးရပြီပေါ့ဗျာ။ ဒီတော့ လက်နက်လိုချင်လို့ စိန်တွေ ဆာလာအိတ်နဲ့ လာရောင်းကြတဲ့ အာဖရိကသူပုန်တွေရဲ့ စိန်ထောက်ပံ့လမ်းကြောင်းက ကမ္ဘာ့စိန်အဖွဲ့ကြီးရဲ့ ချမ်းသာရာ ချမ်းသာကြောင်းပေါ့။ သိတယ်မလား။ မင်းစိန်က တရားမဝင်ဘူး၊ ဘယ်လောက်ပဲရမယ်ပေါ့လေ။ အာဖရိကတိုက် စီရာ လီယုံ နိုင်ငံလေးက လိုင်ဘီးရီးယားနဲ့ အိမ်နီးချင်းနိုင်ငံပါ။ အစိုးရတပ်နဲ့ သူပုန်တပ်တွေဆိုပြီး ပြည်တွင်းစစ်ဖြစ်နေတဲ့‌နေရာပါ။ လက်နက်ဝယ်ယူမှုက အစိုးရတပ်ရော သူပုန်တပ်ရောပေါင်းလိုက်ရင် လက်နက်ကုန်သည်များအတွက် ရွှေတွင်းကြီးတစ်ခုပါပဲ။ လိုင်ဘီးရီးယားက စိန်မထွက်ပေမဲ့ ကမ္ဘာ့စိန်ဈေးကွက်ရဲ့ ၁၅ ရာခိုင်နှုန်းကို တင်ပို့နိုင်တဲ့နိုင်ငံပါတဲ့။ ဒီလောက်ဆိုရင်တော့ ဘယ်နိုင်ငံက ဘယ်လိုစိန်တွေ ဘယ်လိုလည်ပတ်နေတယ်ဆိုတာ သိနိုင်လောက်ပါပြီ။ ဇာတ်လမ်းကတော့ ဇင်ဘာဘွေနိုင်ငံမှာမွေးခဲ့တဲ့ အာဖရိကသားလူဖြူ ဒန်နီ အာချာ (လီယိုနာဒို ဒီကာပီရို) က ကြေးစားစစ်သားဘဝကနေ စိန်မှောင်ခိုသမား လက်နက်ကုန်သည်တစ်ယောက်ပါ။ ဆိုလိုမွန် ဗန်ဒါ (ဂျီမိုဟွန်စူ) ကတော့ မန်ဒီမျိုးနွယ်စုဝင် တံငါသည်တစ်ယောက်ပါ။ မတ်ဒီ ဘိုဝင် (ဂျနီဖာ ကွန်နယ်လီ) ကတော့ အာဖရိကတိုက်ကို စွန့်စားရောက်လာတဲ့ မဂ္ဂဇင်းသတင်းထောက်မလေးပေါ့။ ဆိုလိုမွန် တို့ရွာကို သူပုန်တွေဝင်လာပြီး ဆိုလိုမွန် အဖမ်းခံရတယ်။ မိုင်းတွင်းကို အလုပ်သမားအဖြစ် ပါသွားတယ်။ ပြီးတော့ စိန်သမိုင်းမှာ တန်ဖိုးအရမ်းကြီးတဲ့ ပန်းရောင်စိန်ကြီးကိုတွေ့လိုက်ရတယ်။ ဒန်နီ က ထောင်ထဲမှာ အတူဆုံခဲ့ရတဲ့ ဆိုလိုမွန် ဆီက ပန်းရောင်စိန်အနံ့ရပြီး ဆိုလိုမွန် နောက်ကို တကောက်ကောက်လိုက်တော့တာပဲ။ မတ်ဒီ ကတော့ ဒန်နီ ဆီက သတင်းညှစ်ယူပြီး သွေးစွန်းတဲ့စိန်တွေကို ခဝါချပြီး စိန်ဈေးကွက်ထဲထည့်နေတဲ့ စိန်လုပ်ငန်းရှင်အကြောင်းတွေ ဖွင့်ချချင်တာပါ။ သူတို့သုံးယောက်က ပြည်တွင်းစစ်ထဲမှာ သက်စွန့်ဆံဖျားနဲ့ ကိုယ်လိုချင်ရာနောက်ကို လိုက်ကြသူတွေပါ။ ဆိုလိုမွန် က သူ့မိသားစုရယ် သူပုန်တွေဖမ်းခေါ်သွားတဲ့ သူ့သား ဒီရာ နောက်ကိုလိုက်တယ်။ ဒန်နီ က ပန်းရောင်စိန်နောက်ကိုလိုက်တယ်။ မတ်ဒီ က သတင်းနောက်ကိုလိုက်တယ်။ ဒီဇာတ်ကားက သိပ်ကိုအောင်မြင်ခဲ့ပြီး အော်စကာ ဆန်ကာတင်ငါးဆုဝင်ခဲ့ပါတယ်။ လီယိုနာဒို နဲ့ ဂျီမိုဟွန်စူ တို့လည်းပဲ အကောင်းဆုံးဇာတ်ဆောင်ဆုနဲ့ အကောင်းဆုံးဇာတ်ပို့ဆု ဆန်ကာတင်စာရင်းဝင်ခဲ့ပါတယ်။ အမြတ်ငွေကလည်း ကြီးကြီးမားမားရခဲ့တယ်။ ရိုက်ချက်တွေ သေသပ်လှပကောင်းမွန်ပြီး ဂန္ထဝင်ဆန်တဲ့ဇာတ်ကားကြီးမလို့ အချိန်ပေးပြီး ကြည့်ရှုထိုက်ကြောင်းပါခင်ဗျာ။ (ရုပ်ရှင်အညွှန်းနဲ့ဘာသာပြန်ကို Arr Khun Winchester မှ တင်ဆက်ထားပါတယ်။)

Aazam 2023 နေရာလုပွဲ Imdb 6/10 ဖြစ်ရပ်မှန်ကို အခြေခံရိုက်ကူးထားတဲ့ crime/thriller ဇာတ်ကားကောင်းတစ်ကားပဲဖြစ်ပါတယ် မွမ်ဘိုင်းမြို့ပေါ်မှာ အာဏာရှိတဲ့လူတစ်ယောက်ရှိတယ် အာဏာကဘယ်လောက်ထိရှိလဲဆို အဲဒီလူကသေခါနီးဖြစ်လို့ အိပ်ရာထဲလဲနေတာတောင် သူ့နေရာကိုမလုရဲကြဘူးတဲ့လေ အကြောင်းကတော့ လူကသာမထနိုင်ပေမဲ့ မွန်ဘိုင်းတစ်မြို့လုံးကိုမြေလှန်ဖျက်ဆီးပစ်နိုင်လို့ပါပဲ သူကွယ်လွန်ပြီးရင်သူ့နေရာကိုဆက်ခံဖို့တွေးထားကြတာကတော့ သူ့ရဲ့သားဖြစ်တဲ့ကာဒါပါ အဖေလိုတစ်မျိုး အမေလိုတစ်ဖုံနဲ့ကာဒါ့ကိုအလိုလိုက်ပြီးတော့ပျိုးထောင်ခဲ့သူတစ်ယောက်ပါ ဒါပေမဲ့လည်းဂိုဏ်းတွေကြားထဲ မကျေနပ်သဘောထားကွဲလွဲမှုတွေရှိတော့ ကာဒါ့ကိုတချို့ကခေါင်းဆောင်မတင်ချင်ကြဘူးပေါ့ နာဝဘ်သေတာနဲ့ကာဒါ့ကိုပါသတ်ပြီးတော့ တခြားလူကိုနေရာချထားဖို့စီစဉ်နေကြသူတွေနဲ့ ကာဒါ့ကိုပဲ နန်းတင်ချင်တဲ့လူတွေကြားက ဖြစ်ရပ်မှန်ကိုကြည့်ရှုရမှာပဲဖြစ်ပါတယ် ( အညွှန်းနဲ့ ဘာသာပြန်တွေကတော့ Yunni ~ Alex ~ Zwe Yan ~ ToMo ~ V ~ KKKZ တို့ပဲဖြစ်ပါတယ် )

IMDb – 6.9 ————————————————— “အိမ်မက်ကိုဘယ်တော့မှလက်မလျော့ဖို့သက်သေပြခဲ့တဲ့ အသက်(၃၅)နှစ်မှ Baseballကစားသမားဖြစ်လာခဲ့တဲ့ Jimmy Morris” Professional Baseballကစားသမားဖြစ်ဖို့ရူးသွပ်တဲ့Jim Morrisကသူ့ဘဝတလျှောက်တမြို့ပြီးတမြို့ပြောင်းရွေ့လာရာကနေ နောက်ဆုံးTexasမြို့မှာအခြေချနေထိုင်ဖို့ဖြစ်လာခဲ့တယ်။ Texasမြို့မှာတော့ ဘောလုံးအားကစားကိုသာအဓိကအားပေးခဲ့တဲ့မြို့ဖြစ်ပြီး baseballကိုတော့လူစိတ်ဝင်စားမှုမရှိသလောက်နည်းတယ်။ ဒီလိုနဲ့အကြောင်းအမျိုးမျိုးကြောင့် သူ့အိမ်မက်ကိုလက်လျော့ခဲ့လိုက်ရတယ်။ ဒီလိုပဲဖြတ်သန်းလာရင်း အိမ်ထောင်ကျကလေးမွေးပြီးအထက်တန်းကျောင်းမှာသိပ္ပံဆရာတဖြစ်လဲ baseballနည်းပြအဖြစ်နဲ့ပဲနေထိုင်လာခဲ့ရင်းကနေ ဘဝတစစ်ချိုးဖြစ်တဲ့ သူ့ရဲ့အိမ်မက်ကိုအကောင်ထည်ဖော်နိုင်ဖို့အခွင့်အရေးရခဲ့တယ်။ အသက်(၃၅)နှစ်မှအငယ်တန်းအနေနဲ့ကစားရမှာဖြစ်တဲ့အတွက် မိသားစုကလည်းအားမပေးတဲ့အပြင် စားဝတ်နေရေးစတဲ့ကိစ္စအဝဝနဲ့ ကြုံလာရတဲ့အခက်အခဲများစွာကိုဘယ်လိုဖြေရှင်းပြီးအောင်မြင်အောင်ကြိုးစားခဲ့တဲ့အကြောင်းဖြစ်ပါတယ် ကြာချိန်ကတော့၂နာရီခန့်ဖြစ်ပြီး Motiရစေတာမျိုးဖြစ်တဲ့အတွက် အချိန်ပေးရတာနဲ့တန်တဲ့ဇာတ်ကားမျိုးပါ Review & Translate – La Min Khin File size…(2 GB)/(1 GB) Quality….Webrip 1080p / 720p Format…mp4 Duration….01:46:00 Genre… Drama, Family Subtitle….Myanmar Subtitle (Hardsub) Encoder….Swan Min Htet Translated by La Min Khin

ဒါရိုက်တာ Daniel Burman ရိုက်ကူးထားတဲ့ ဒီဇာတ်ကားဟာဆိုရင် အာဂျင်တီးနား မိသားစုဒရာမာဇာတ်ကားကောင်းလေးဖြစ်ပြီးတော့ Story က ထူးခြားပါတယ်။ အဓိကဇာတ်ဆောင်တွေအဖြစ် Penélope Guerrero, Juan Minujín နဲ့ Gustavo Bassani တို့က ပါဝင်သရုပ်ဆောင် ပေးထားပါတယ်။ ဂျူးဘာသာမှာဆိုရင် ဆယ်ကျော်သက်အရွယ်ကိုရောက်တာနဲ့ Bar Mitzvah ဆိုတဲ့ အရွယ်ရောက်ပွဲကို ကျင်းပပေးရပါတယ်။ ယောကျ်ားလေးဆိုရင်တစ်မျိုး မိန်းကလေးဆိုရင်တစ်မျိုး ကျင်းပရတဲ့ပုံစံက မတူပါဘူး။ ဒီဇာတ်ကားရဲ့ဇာတ်လမ်းက အဲဒီအပေါ်မှာ အခြေခံထားပါတယ်။ Ruben ဆိုတဲ့ကောင်လေးဟာ ဆယ်ကျော်သက်အရွယ်မှာ မိန်းကလေးစိတ်ပေါက်နေတာကြောင့် Bar Mitzvah ကို မလုပ်ခဲ့ပါဘူး။ နောက်ပိုင်း အသက်ကြီးသွားမှ သူ့အစ်ကိုရဲ့ အကူအညီနဲ့ ဒီပွဲကိုပြန်လုပ်တဲ့အခါမှာ တွေ့ကြုံရတဲ့အခက်အခဲတွေ ၊ ဘာသာရေးအစွဲအလမ်းတွေ၊ Transgender တွေအပေါ် ခွဲခြားဆက်ဆံမှုတွေကို ကြည့်ရှုကြရမှာဖြစ်ပါတယ်။ မိသားစုတစ်စုရဲ့စည်းလုံးမှုတွေ၊ မောင်နှမနှစ်ယောက်ကြားက အချစ်တွေကို ဟာသလေးတွေဖောက်ကာ ရိုက်ကူးထားပြီး ပေါ့ပေါ့ပါးပါးလေးနဲ့ ကြည့်လို့ကောင်းတဲ့ဇာတ်ကားတစ်ကား ဖြစ်ပါတယ်။ File size… (1.34GB) / (756MB ) Quality… WEB-DL 1080p HEVC / 720p Format…mkv / mp4 Duration….1h 40m Genre ….. Drama , Comedy Subtitle….Myanmar Subtitle (Hard Sub) Encoder….Min Wai Translated by Austin

kaalamega karigindhi (2025)”အတိတ်ပုံပြင်” ==================================== မင်းသားကြီး ဗီဂျေးစည်သူပတိရဲ့ 96 လိုမျိုး ငယ်ဘဝကို သတိရစေမယ့် တေလေဂူးစကားပြော ကဗျာဆန်ဆန် လွမ်းမောဖွယ်ရာအချစ်ဇာတ်လမ်းလေးကို ပရိသတ်တွေအတွက် တင်ဆက်ပေးလိုက်ပါတယ်။ ဒီရုပ်ရှင်ကိုတော့ ဆုရ အင်ဒီးဒါရိုက်တာတစ်ယောက်ဖြစ်တဲ့ ဆင်ဂါရာမိုဟန်က ရိုက်ကူးပုံဖော်ထားတာပါ။ ဇာတ်လမ်းကတော့ လက်ရှိမှာ အောင်မြင်တဲ့ စွန့်ဦးတီထွင်လုပ်ငန်းရှင်တစ်ယောက်ဖြစ်နေပေမဲ့ ရင်ဘက်ထဲမှာ ဗလာကြီးဖြစ်နေတဲ့ ဖာနီတယောက် အတိတ်မှာဆုံးရှုံးခဲ့ရတဲ့ ဘင်ဒူဆိုတဲ့ အချစ်ဦးကောင်မလေးအကြောင်းကို ဖြည်းဖြည်းချင်း ပြန်ပြောပြရင်း ပရိသတ်တွေကို အဖြူအစိမ်းဘဝတွေဆီ ပြန်ဆွဲခေါ်သွားမှာဖြစ်ပါတယ်။ ဘင်ဒူဟာ ဖာနီ့ဘဝထဲက ဘယ်လိုထွက်သွားခဲ့တာလဲ၊ သူတို့ပြန်တွေ့ကြမှာလား၊ ဘာတွေဆက်ဖြစ်မှာလဲဆိုတာကို ဒီရုပ်ရှင်လေးထဲမှာ လွမ်းစရာကောင်းအောင် မြင်တွေ့ခံစားကြရမှာပါ…။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)