အချစ်ကြမ်းကြတဲ့အထဲမှာ သွေးစုပ်ဖုတ်ကောင်တွေလည်းပါတယ်နော်။ အချစ်လည်းကြမ်းသလို အငြိုးလည်းကြီးကြပါတယ်။ ဒါပေမဲ့ ဒီကားလေးထဲမှာပါတဲ့ Vampire လေးတွေချစ်တာကိုတော့ ဘယ်သူမှမရှောင်နိုင်လောက်ပါဘူး ။ အချစ်ကြမ်းကြမ်းတွေမို့ နားကြပ်လေးနဲ့ခံစားဖို့ ကြိုတင်သတိပေးပါရစေဗျ ။ မျက်နှာချင်းဆိုင်ကတိုက်ခန်းဘက်ကို လူသစ်ပြောင်းလာတာကြောင့် သွားနှုတ်ဆက်ရင်းနဲ့ အရမ်းချစ်ဖို့ကောင်းတဲ့ညီအစ်မနှစ်ယောက်နဲ့ ကာဇူဟီကိုတစ်ယောက် ရင်းနှီးခွင့်ရခဲ့ပါတယ် ။ သူတို့နဲ့ချိန်းတွေ့ချင်ပေမယ့် နေရောင်နဲ့အထိမခံနိုင်တဲ့ အရေပြားရောဂါရှိလို့ ခဏခဏငြင်းပယ်ခံရပြီးနောက်မှာတော့ ညီမဖြစ်သူ မာရာကိုနဲ့ ညဘက်ချိန်းတွေ့ဖို့ အကြောင်းဖန်လာပါတော့တယ်။ ညီမနဲ့လည်းချိန်းတွေ့ရင်း အစ်မနဲ့လည်း ခိုးစားဖြစ်သွားတဲ့အခါမှာတော့ ကာဇူဟီကိုဆီမှာ ပြောမပြတတ်အောင် ပြောင်းလဲမှုကြီးတစ်ခု စတင်ခံစားရပါတော့တယ်။ ကိုယ့်ကိုကိုယ်လည်း ထိန်းချုပ်လို့မရနိုင်အောင် ဘာမြင်မြင်အကုန်လုံးဆွဲစားချင်တော့တာပါပဲ။ ကာဇူဟီကိုတစ်ယောက် ဘာတွေပြောင်းလဲသွားတာလဲ? ဘာတွေများဆွဲစားခဲ့တာလဲဆိုတာတွေကို တစ်ဝကြီးခံစားလိုက်ပါတော့နော်.... File size…200MB Quality…HD DVD RIP Format…mp4 Duration….1h 4m Subtitle….Myanmar Subtitle (Hard Sub) Encoder….XCross Translated by  Dark V

ဂူသင်္ချိုင်း‌‌တွေထဲမှာ ရတနာတွေရှာ‌‌ဖွေစွန့်စားရမဲ့ ဇာတ်ကားလေးကိုကြည့်ရတာ သဘောကျတတ်တဲ့ CM fansတွေအတွက် တော်တော်စိတ်ဝင်စားစရာကောင်းမဲ့ ဇာတ်ကားလေးဖြစ်ပါတယ် ဒီဇာတ်ကားထဲမှာတော့ ဖချိုးမျိုးနွယ်စုရဲ့ သမိုင်းအကြောင်းကိုရိုက်ကူးပြသထားတာဖြစ်ပါတယ် ကျွန်တော်တို့ရဲ့မင်းသား ကျန်းဝမ်ဖုန်းကတော့ သူ့အဖေပျောက်ကွယ်သွားရတဲ့ ဖြစ်ရပ်မှန်ကိုသိချင်သောစိတ်တစ်ခုနဲ့ ဒီရတနာသိုက်ရှာဖွေတဲ့လမ်းကို လျှောက်ခဲ့တာဖြစ်ပါတယ် ကျန်းဝမ်ဖုန်းက ကောင်းကင်ဘုံနည်းပညာကိုလေ့လာသင်ယူကာ ကောင်ကင်ဘုံအရာရှိဆိုတဲ့ ရာထူးကိုလည်းဆက်ခံပြီးသား လူတစ်ဦးဖြစ်ပါတယ် ဒီလိုနဲ့ ကျန်းဝမ်ဖုန်းရယ် သူ့သူငယ်ချင်းဖြစ်သူ ကျာလူပန်းနဲ့ ကျုံးလင်တို့ ၃ယောက်ပေါင်းပြီး လုပ်ဖော်ကိုင်ဖက်အဖြစ် ‌အတူလုပ်ကိုင်ကြရာမှ ကျန်းဝမ်ဖုန်းရဲ့ အဖေကိုရှာတွေ့ဖို့ နည်းလမ်းတစ်မျိုးရှာတွေ့သွားပါတယ် နည်းလမ်းကတော့ ကျောက်မင်ရှေးဟောင်းကြေးမုံကိုရအောင်ရှာပြီး ခွန်းလွမ်တောင်အတွင်းမှာရှိတဲ့ လျှို့ဝှက်မြို့ထဲကိုသွားရမှာဖြစ်ပါတယ် ကျန်းဝမ်ဖုန်းလည်း သူ့အဖေနဲ့အဆက်သွယ်ပြတ်တာ ၁၇နှစ်ရှိပြီဆိုတော့ အချင်းချင်းပြန်တွေ့နိုင်ဦးမလား တရုတ်ရိုးရာအမွေအနှစ်ပုံပြင်တွေနဲ့ သမိုင်းအကြောင်းလေးတွေပါ ထည့်သွင်းရိုက်ကူးထားတာမလို့ အားလုံးပဲ The Legend of KunLunကိုကြည့်ရှုလိုက်ရအောင် Quality : WEB-DL 1080p , 480p Format :  mp4 Duration : 1h 20min Genres : Action, Fantasy, Adventure Subtitle : Myanmar Subtitle ( Hardsub ) Translated by Yunn Encoded by LK

CM ကနေပြီးတော့ဒီတစ်ခါအမိုက်စားဇာတ်ကားလေးတစ်ကားဖြစ်တဲ့ Catch the dragon ဇာတ်ကားလေးနဲ့မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ Qin Xiaofeng ကထက်မြက်တဲ့ လူငယ်တစ်ယောက်ဖြစ်ပြီးသူ့အဖေဖြစ်သူကတော့ ခွန်မိုက်တောင်မှာနဂါးရှာပုံတော်ဖွင့်ရင်းပျောက်ဆုံးသွားခဲ့တယ်။ သူ့အဖေပျောက်ဆုံးမှုအမှန်တရားကိုရှာဖွေဖိုနဲ့လက်စားချေဖိုအတွက် Qin Xiaofeng ကနဂါးရှာတဲ့အဖွဲနဲ့ပူးပေါင်းခဲ့တယ်။ ဒီလိုနဲ့ Qin Xiaofeng ကတော့သူ့အဖေပျောက်ဆုံးရတဲ့ ဆန်းကြယ်တဲ့လျှိဝှက်ချက်ကိုရှာတွေ့နိုင်တဲ့လိုထင်တဲ့အချိန်မှာ ရုတ်တရက်အရင်တုန်းကသေဆုံးသွားတဲ့အရိုးတွေကိုရှာတွေခဲ့တယ်။ Qin Xiaofeng တစ်ယောက်တဖြည်းဖြည်းချင်း လျှိဝှက်ဆန်းကြယ်တဲ့အရာတွေနဲ့ ရင်ဆိုင်လာရတဲ့အချိန်မှာတော့... ကဲဒီတော့သူ့အဖေပျောက်ဆုံးသွားတဲ့အမှန်တရားကဘာဖြစ်မလဲ ? လူတွေကခွန်မိုက်တောင်သွားရင်နဂါးဖမ်းစားခံရတယ်ဆိုတဲ့ သတင်းတွေကအမှန်လား ? ဘယ်လိုတွေလျှိဝှက် ဆန်းကြယ်တဲ့အရာတွေဖြစ်လာမလဲ? အရာအားလုံးဖော်ထုတ်နိုင်မလားဆိုတာ Catch the dragon ဇာတ်ကားကို ဆက်လက်စောင့်မျှော်ကြည့်ရူလိုက်ရအောင် ~ Quality : WEB-DL 1080p , 480p Format : mp4 Genres : Action , Fantasy Runtime : 1h 13min Subtitle : Myanmar Subtitle ( Hardsub ) Translated by CM Team Encoded By LK

ချစ်သူဆိုတာ ကိုယ်ချစ်ရတဲ့သူ၊ ကိုယ့်ကို ချစ်နေရတဲ့သူ ရယ်လို့ ရှိပါတယ်။ ချစ်ခဲ့ဖူးသူကလည်း ချစ်သူ ဖြစ်ခဲ့ဖူးတာပေါ့။ ချစ်ခဲ့ဖူးသူကိုလည်း ကိုယ်က တကယ်ချစ်ခဲ့ရတယ်။ ကိုယ့်ကို ချစ်လာတဲ့လူကိုလည်း ကိုယ်က ချစ်နေမိပြီ။ ဒါပေမယ့် ဒီလိုအချိန်မှာမှ ချစ်ခဲ့ဖူးသူ ရည်းစားဟောင်းက ကိုယ့်ဆီ ပြန်ရောက်လာတဲ့အခါမှာတော့ ..... ဒီဇာတ်လမ်းကတော့ ဒီလိုမျိုး ၃ ပွင့်ဆိုင်ပါပဲ။ အင်္ဂလန်မှာ ကြီးပြင်းပြီး အဲဒီမှာပဲ ကျောင်းတက်နေတဲ့ အင်္ဂလန်သားလေး''ဒန်နီ''နဲ့ ဟောင်ကောင်မှာမွေးပြီး အင်္ဂလန်မှာပဲ ကျောင်းလာတက်တဲ့ မင်းသမီးလေး ''ဒါနီ''၊ သူ့ရည်စားဟောင်း ''အဲလက်စ်''တို့ရဲ့ သုံးပွင့်ဆိုင် အချစ်ဇာတ်လမ်းလေးပေါ့ တိုက်ခန်းတစ်ခန်းထဲမှာ အတူတူ နေပေမယ့် မသိကြတဲ့ ''ဒန်နီ''နဲ့' 'ဒါနီ'' သူငယ်ချင်း ''ဂျီဂျီ'' မိတ်ဆက်ပေးမှ သိကြရာက ဖြစ်လာမယ့် သူတို့အချစ်ရေးကြောင့် လောလောလတ်လတ်မှာ အသည်းကွဲထားတဲ့ ''ဒါနီ''တစ်ယောက် ''ဒန်နီ''ကို ​ပြန်ချစ်နိုင်ပါ့မလား။ ဒါ့ပြင် ရည်စားဟောင်းက ပြန်လာတောင်းပန်တဲ့အခါ ''ဒါနီ'' ပြန်လက်ခံမလား ဘယ်လိုဖြစ်မလဲ သူတို့၂ယောက်ထဲက ဘယ့်သူ့ကို ရွေးမလဲ ဒါဟာ ဆုံးဖြတ်ရခက်တဲ့ အခြေအနေပါပဲ။ ကိုယ်သာ ဆိုရင်ရော ဘယ်သူ့ကို ရွေးဖြစ်မယ် ထင်ပါသလဲ ဒီဇာတ်ကားထဲက ဇာတ်ကောင်တွေရဲ့အဖြစ်သနစ်ကို ချဉ်းနင်းလေ့လာ ခံစားကြည့်ရအောင်ပါ။ အာရှအချစ်ကားကောင်းကောင်းလေး ကြိုက်တတ်ရင်တော့ ဒီကားက ကြည့်သင့်တဲ့ ဇာတ်ကားတစ်ကားပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Pone Nyet Khaing ပဲ ဖြစ်ပါတယ်။ Genre.....Romance, Drama Quality….WEB-DL 720p and 480p Format…mp4 Duration….1h 27min Subtitle….Myanmar Subtitle (Hardsub) Translator ..... Pone Nyet Khaing Encoder ..... August

American Fiction (2023) ~ IMDb – 7.8/10, RT – 94%, Meta – 81% ~ Poverty Porn ဆိုတဲ့ စကားလုံးကို တော်တော်များများ ရင်းနှီးပြီးလောက်ပြီ။ စာနဲ့ပဲဖြစ်ဖြစ် ဓာတ်ပုံနဲ့ပဲဖြစ်ဖြစ် ရုပ်ရှင်နဲ့ပဲဖြစ်ဖြစ် ချို့တဲ့လူတွေ ချို့တဲ့နေတဲ့အခြေအနေတွေကို ဖော်ပြပြီး လူတွေရဲ့ ကရုဏာကိုရယူပြီး တစ်စိတ်တစ်ဒေသဖြစ်စေ အပြည့်အဝဖြစ်စေ ကိုယ်ကျိုးအတွက် အသုံးချတာမျိုးပေါ့။ ဒီရုပ်ရှင်က အဲဒါနဲ့ခပ်ဆင်ဆင် Black Trauma Porn နဲ့ ဆက်စပ်ပြီး အမေရိကန်အနုပညာအသိုင်းအဝိုင်းတစ်ခုလုံးကို သရော်ထားတဲ့ ရုပ်ရှင်။ Black Trauma Porn ဆိုတာက လူမဲတွေရဲ့ရုန်းကန်ရမှုတွေ ကျွန်ပြုခံရမှုတွေ ခွဲခြားခံရမှုတွေကို ပြပြီး စာနာမှုယူပြီး အပေါ်ကနည်းအတိုင်း အမြတ်ထုတ်တာမျိုးပဲ။ ရုပ်ရှင်ထဲက ဇာတ်ကောင်ကတော့ ဖန်တီးတဲ့လူတွေအပြင် ဒါတွေကို အရသာခံတတ်တဲ့လူတွေကိုပါ သရော်ထားတယ်။ တကယ်စာနာတာနဲ့ ဒီအခြေအနေကို အရသာခံတာရဲ့ကြားက မျဉ်းက တော်တော်ပါးလွန်းတော့ သိဖို့တောင်ခက်လိမ့်မယ်။ American Fiction ဟာ ဒီအကြောင်းတွေကို အားရပါးရကြီး သရော်ထားတဲ့ရုပ်ရှင်ပါပဲ။ American Fiction ဟာ လာမယ့်အော်စကာအတွက် Best Picture, Best Adapted Screenplay, Best Actor, Best Supporting Actor, Best Original Score စတဲ့ ဆန်ခါတင်ငါးခုဝင်ထားတယ်။ Best Picture ဆန်ခါတင်ကားတွေထဲတော့ သူနဲ့အနီးစပ်ဆုံး အရသာတူတာက The Holdovers လို့ ပြောလို့ရတယ်။ The Holdovers လို ဇာတ်လမ်းမျိုးကြိုက်တဲ့လူတွေ ဒီဇာတ်လမ်းကို ကြိုက်မှာသေချာတယ်။ American Film Institute က စာရင်းလုပ်ထားတဲ့ ၂၀၂၃ရဲ့အကောင်းဆုံးရုပ်ရှင်၁၀ကားထဲ နံပါတ်တစ်ချိတ်ထားတယ်။ ချိတ်လည်းချိတ်သင့်တယ်။ ပုဂ္ဂလိကအမြင်အရတော့ မနှစ်က အမေရိကန်ဘက်က ထုတ်ထားတဲ့ကားတွေထဲ ဒီကားက တော်တော်မိုက်နေတယ်။ ဒါရိုက်တာ Cord Jefferson ဟာ အမေရိကန်ဖစ်ရှင်ကို ပွဲဦးထွက်ရိုက်ခဲ့ ဇာတ်ညွှန်းရေးခဲ့တာပေမဲ့ ဘယ်ပွဲဦးထွက်ကားနဲ့မှ မတူရလောက်အောင် တော်တော်လေး သေသပ်ပြီး တာသွားတယ်။ မွန့်ခ်နေရာက သရုပ်ဆောင်တဲ့ Jeffrey Wright ဟာလည်း သရုပ်ဆောင်ဆု ဆန်ခါတင်ဝင်ထားသလို Sterling K. Brown ကလည်း ဇာတ်ပို့ဆု ဆန်ခါတင်ဝင်ထားတယ်။ အော်စကာဆန်ခါတင်ဝင်ထားတာမနည်းလို့ ကြည့်ကိုကြည့်ဖို့တွေးထားရင်တော့ ဇာတ်လမ်းကိုဆက်မဖတ်ဘဲ ကြည့်လိုက်တာက ပိုကောင်းလိမ့်မှာပါပဲ။ ဇာတ်ညွှန်းပါ ဆန်ခါတင်ဝင်ထားတာမို့ ဇာတ်လမ်းကို စိတ်ချပြီး ကြည့်လို့ရတယ်။ မွန့်ခ်ဆိုတဲ့ လူမဲ စာရေးဆရာတစ်ယောက်ရှိတယ်။ သူက ပရော်ဖက်ဆာ စာရေးဆရာ။ စာရေးကောင်းတဲ့လူဆိုတော့ စာပေလောကမှာ သူ့စာအုပ်တွေက ဘောင်ဝင်တယ်။ ပြဿနာက မရောင်းရတာပဲ။ ထုတ်ဝေသူတွေကလည်း သူ့စာအုပ်တွေကို လက်ရှောင်ကြတာများတယ်။ ထုတ်ဝေသူတွေကလည်း သူ့စာအုပ်တွေကို လူမဲသိပ်မဆန်ဘူးဆိုပြီး မထုတ်ချင်ကြဘူး။ သူကလည်း ဒါကြီးကို ခေါင်းထဲတောင် မထည့်တဲ့လူ။ သူ့စာပဲ သူရေးနေတာ အဖြူအမဲဆိုတာတွေ ခေါင်းထဲရှိလှတယ်မဟုတ်ဘူး။ သူ့အမြင်ကလည်း မှန်တာပဲ။ တကယ်တမ်း မခွဲခြားဘူးဆို လူမဲမို့ ထူးပြီး သနားနေစရာ အကြောင်းလည်း မရှိဘူးမလား။ တစ်ချိန်တည်းမှာပဲ သူ့လို လူမဲစာရေးဆရာမတစ်ယောက်က လူမဲတွေရဲ့ ဒုက္ခတွေအကြောင်းရေးပြီး ဘတ်ဆဲလ်လားဖြစ်နေပြီ။ သူကိုယ်တိုင် အဲဒီဒုက္ခတွေခံခဲ့ရတာလားဆိုတော့ မဟုတ်ဘူး။ ချမ်းချမ်းသာသာနေ ကျောင်းကောင်းကောင်းတက် လက်ထောက်အယ်ဒီတာအလုပ်လုပ်နေရင်းက ကောက်ရေးလိုက်တာ။ ဒါကိုမြင်တော့ မွန့်ခ်က တော်တော်သဘောမတွေ့ဘူး။ လူဖြူတစ်ယောက်ကရေးတဲ့ လူမဲတွေရဲ့ ဘဝအကြောင်းစာအုပ်တစ်အုပ်မှာ ဘာတွေပဲရေးထားရေးထား ဘယ်သူမှ တကယ်လို့မထင်သလို အဖက်လည်းမလုပ်ဘူး၊ လူမဲတစ်ယောက်က လူမဲတွေရဲ့ဘဝတွေ ဒုက္ခတွေအကြောင်း ဇာတ်နာအောင် ရေးလိုက်ရင်တော့ လူမဲတွေက သနားစရာတွေပါလားဆိုပြီး လူတွေက ထင်ကြလိမ့်မယ်။ ဒါကို သူသဘောမကျဘူး။ ဒုက္ခရောက်တဲ့အဖြစ်တွေရှိခဲ့ကြပေမဲ့လည်း လူမဲတွေဟာ အသနားခံတွေတော့မဟုတ်ဘူးလို့ သူက ယုံတယ်။ လူမဲတွေဟာ သနားစရာတွေပါလားဆိုတဲ့အသိကြီး စွဲသွားကြမှာ၊ လူမဲတွေကို အထင်သေးကြမှာကို သူက မလိုလားဘူး။ နောက် သူကျောင်းမှာပြဿနာတက်ပြီး အိမ်ကို ခဏပြန်လာတော့ သူ့အမေက အယ်ဇိုင်းမားဖြစ်နေပြီး သူ့ညီမကသေသွားတယ်။ တစ်ချိန်လုံးသူ့ညီမကပဲ သူ့အမေကို ကြည့်ရှုပေးနေခဲ့တာဆိုတော့ သူ့ညီမသေသွားတဲ့အချိန် သူ့အမေကို ကြည့်ဖို့က သူ့ခေါင်းပေါ်ကျလာတယ်။ ငွေကလည်းမရှိ စိတ်ကလည်းရှုပ်နေတော့ စိတ်ထွက်ပေါက်ရှာတဲ့အနေနဲ့ လူမဲအဆန်ဆုံး စိတ်ညစ်စရာကောင်းတဲ့ ဘဝတစ်ခုအကြောင်း ရိုင်းရိုင်းစိုင်းစိုင်းတွေချည်း ရေးချလိုက်တယ်။ သူ့သဘောကတော့ ရှင်းပါတယ်။ ဒီလောက်လူမဲတွေရဲ့သနားစရာဇာတ်တွေကို လိုချင်တဲ့ကောင်တွေကို ယူကြစမ်းဆိုပြီး ထုတ်ဝေချင်စရာတစ်စက်မှမကောင်းတဲ့ တော်တော်ဆိုးဆိုး စာအုပ်ကိုရေးချလိုက်တာပဲ။ ပြီးတော့ သူ့မန်နေဂျာဆီဖုန်းဆက်ပြီး ဒီစာအုပ်ကို တိုက်တွေကို ပို့ခိုင်းလိုက်တယ်။ သူ့နာမည်နဲ့တောင် မပို့ဘူး။ ကံဆိုးတာလား ကံကောင်းတာလားတော့ မသိဘူး။ ဒီလောက်စုတ်ပြတ်ရိုင်းစိုင်းနေအောင်ရေးထားတဲ့စာအုပ်ကိုမှ နာမည်ကြီးစာအုပ်တိုက်တစ်ခုက ဘတ်ဆဲလ်လားဖြစ်လာမယ့်စာအုပ်ဆိုပြီး ဒေါ်လာ၇သိန်းခွဲပေးပြီး အတင်းထုတ်ဖို့လုပ်တယ်။ ဒီစာအုပ်ကို သူ့ဘဝရဲ့ဖြစ်ရပ်မှန်လို့ပါ ထင်နေကြတယ်။ သူကလည်း ‌ငွေကလည်းလိုနေ ပိုက်ဆံကလည်းအများကြီးရမှာမို့ သူ့ကိုယ်သူ စာအုပ်ထဲကလူပါ ဝရမ်းပြေးပါဆိုပြီး ချော်လဲရောထိုင်ချလိုက်တယ်။ အစက ထုတ်ချင်စိတ်ပေါ်နေသေးပေမဲ့ သူရေးထားတဲ့စာအုပ်က သူမုန်းတဲ့စာအုပ်ပုံစံမျိုးဆိုတော့ ထုတ်ဝေသူတွေ ထုတ်ချင်စိတ်ပျောက်အောင် စာအုပ်နာမည်ကို “Fuck” လို့ ပြောင်းပေးမှ ထုတ်မယ် မပေးရင် မထုတ်ဘူးလို့ ကောက်ညစ်တယ်။ ဟိုကလည်း အတည်ကြီးထုတ်မယ်လုပ်တယ်။ မထုတ်ရသေးခင်မှာပဲ သူ့စာအုပ်က သူ့ဘဝဇာတ်ကြောင်းဆိုတာကို ကြားထားတဲ့ ဒါရိုက်တာတစ်ယောက်က သူ့ဆီက ဒီဇာတ်လမ်းကိုလာဝယ်တယ်။ အဲဒီဒါရိုက်တာကလည်း ပြောရရင် အော်စကာမျှားတဲ့ကားတွေ ရိုက်တဲ့ကောင်။ သူ့အမေကို လမ်းတစ်ဘက်မှာ ထားခဲ့ပြီး ဒီဒါရိုက်တာနဲ့ သူလာတွေ့ရတာဆိုတော့ ပြောနေရင်း အရေးပေါ်ကားအချက်ပေးသံကြားတော့ သူ့အမေကို စိတ်ပူပြီး ထပြေးရော။ ဟိုဘဲကလည်း အစစ်ဟုတ်မဟုတ် အကဲခတ်နေတာ။ ရဲကားသံကြားတာနဲ့ တန်းပြေးသွားတယ် ဒီကောင်ဝရမ်းပြေးအစစ်ပဲဆိုပြီး ဒေါ်လာလေးသန်းပေးပြီး သူ့မန်နေဂျာဆီကနေ ရိုက်ခွင့်ဝယ်သွားတယ်။ သူပြောသလို သောက်တလွဲတွေလုပ်လေ ပိုချမ်းသာလေ ဖြစ်နေရော။ ဒီအချိန်မှာ စာပေဆုပေးရေးအဖွဲ့က ဒိုင်အဖွဲ့ထဲလူမဲပါစေချင်လို့ဆိုပြီး သူ့ကလောင်အစစ်ရယ် အစောကစာအုပ်ရေးတဲ့စာရေးဆရာမရယ်ကို ဒိုင်အဖွဲ့ထဲလည်း ထည့်ထားသေးတယ်။ စားတာက ကလောင်တုနဲ့ရေးထားတဲ့ သူ့စာအုပ်က အရမ်းအောင်မြင်နေတော့ ဆုပေးဖို့ သူတို့ဖတ်ရတဲ့စာအုပ်တွေထဲ ထပ်တိုးစာရင်းဝင်လာတယ်။ ဒီလောက်သောက်တလွဲချထားတဲ့ စာအုပ်က ဒီလောက်အောင်မြင်နေတော့ သူ့မှာ တော်တော်အကျပ်ရိုက်နေရတယ်။ ဒီစာအုပ်ကိုတော့ ဘယ်လိုမှ ဆုမပေးသင့်ကြောင်း အတွင်တွင်ပြောပေမဲ့ သူရယ် လူမဲစာရေးဆရာမရယ်ကလွဲ ကျန်တဲ့ဒိုင်သုံးယောက်က ဒီစာအုပ်ကိုပဲ ပေးချင်ကြတယ်။ စားတာတော့ တော်တော်စားပါတယ်။ ဘက်မလိုက်ပါဘူးဆိုပြီး လူမဲစာရေးဆရာ၂ယောက်ထည့်ထားပေမဲ့ ဒီစာအုပ်ကိုမကြိုက်တဲ့ သူတို့အမြင်ကို အဖက်မလုပ်ဘဲ ကျန်တဲ့လူဖြူ၃ယောက်က တစ်မဲသာနေတာနဲ့ပဲ “Fuck” ဆိုတဲ့ စာအုပ်ကို ဆုပေးဖို့ ရွေးချယ်လိုက်ကြတယ်။ ဆိုခဲ့သလို အမေရိကန်ဖစ်ရှင်ဟာ လူစိတ်ဝင်စားတဲ့ လူကရုဏာသက်တဲ့ အကြောင်းအရာတွေကို အသုံးချပြီး အကျိုးရှာနေတဲ့ စာရေးဆရာ၊ စာပေဆုပေးပုံကနေစလို့ ဆုရအောင် တမင်ရိုက်ပြချင်နေတဲ့ ဒါရိုက်တာတွေအထိ အကုန်လုံးကို သရော်ထားတဲ့ ရုပ်ရှင်ပါပဲ။ အော်စကာဆုပေးပွဲအနေနဲ့လည်း ဇာတ်လမ်းကောင်းပေမဲ့လည်း အဲဒီလို Black Trauma Porn ဆန်ဆန်ရိုက်ထားတဲ့ကားတွေကို Best Picture အထိပေးခဲ့ဖူးတာရှိတော့ သူတို့သရော်ချက်ကနေ အော်စကာလည်း မလွတ်ပါဘူး။ ဒါပေမဲ့လည်း အမေရိကန်ဖစ်ရှင်ဟာ အော်စကာငါးဆုတော့ ဝင်ထားတုန်းပါပဲ။ ပေးလောက်မယ်လို့တော့ မထင်လှပေမဲ့ “ငါတို့က အဲဒီလိုမဟုတ်ပါဘူးကွာ”ဆိုပြီး ကောက်ပေးချင်လည်း ပေးပါလိမ့်မယ်။ သူကတော့ Black Trauma Porn ကိုပဲ ခေါင်းစဉ်တပ်သရော်ထားပေမဲ့ ပိုဗာတီပွန်းနဲ့မကွာလှတဲ့အတွက် အကုန်လုံးကို သရော်ချလိုက်သလိုတော့ ဖြစ်သွားတယ်။ နိုင်ငံအရပ်ရပ်က ဆုရရုပ်ရှင်တွေထဲ Poverty Porn ဆန်တဲ့ ရုပ်ရှင်တွေ တစ်နှစ်တစ်မျိုး မရိုးရအောင် ထွက်လာလိုက်တာ ခုဆို ရိုက်သတ်လို့တောင် မကုန်ဘူး။ ကောင်းတာတွေလည်း ကောင်းကြပေမဲ့ မေးခွန်းထုတ်စရာက‌တော့ ဖြစ်နေမှာပဲဆိုတော့ အဲဒီလိုအနုပညာတွေအကုန်လုံးကို သရော်ထားတဲ့ American Fiction ဟာ တော်တော်အားရစရာတော့ကောင်းနေတယ်။ ဘယ်လောက်ထိ သရော်လဲဆို အဆုံးထိကို အားရပါးရကို သရော်သွားတာပါပဲ။ American Fiction ထဲက အဓိကဇာတ်ကောင် မွန့်ခ်ဟာ မခွဲခြားပါဘူးဆိုတာကို “ငါတို့ကမခွဲခြားပါဘူးကွာ ငါတို့ကမခွဲခြားပါဘူး” တတွင်တွင်ပြောပြီး ခွဲခြားနေတာကို မနှစ်မြို့တဲ့သူ၊ အနုပညာကို ပိုသန့်စင်စေချင်တဲ့လူတစ်ယောက်ပေါ့။ ကျန်တာတွေထက် Poverty Porn ဆန်တဲ့ ရုပ်ရှင်တွေတော့ နှစ်တိုင်း ၁၀ကားမက ထွက်နေတုန်းဆိုတော့ American Fiction ဟာ အဲဒီမသန့်စင်တဲ့ အနုပညာကို သန့်စင်စေချင်တဲ့စိတ်နဲ့ရိုက်တဲ့ ရုပ်ရှင်လို့ပြောရမှာပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 4.3GB, 1.7GB, 825MB Quality – 4K HEVC, 1080p, 720p IMDb Rating – 7.8/10 Format – mp4 Duration – 1H 57Min Genre – Comedy, Drama Subtitle – Myanmar Subtitle (Hardsub) Translated by WiRa Aung Encoded by Y

Kadir ဆိုတဲ့ လူငယ်လေးက OTL လို့ခေါ်တဲ့ ဂရပ်ဖီတီတွေ လိုက်ရေးတဲ့ လူငယ် street gang တစ်ခုထဲကအဖွဲ့ဝင် အရမ်းဖြစ်ချင်နေသူပါ။ Kadir မှာ မသန်စွမ်း ညီလေး တစ်ယောက်ရှိပေမယ့် အဲ့ဒီညီလေးက Kadir ရဲ့ စောင့်ရှောက်မှု အောက်မှာ ဆုံးသွားခဲ့ရတဲ့အတွက် သူ့ကိုယ်သူ အမြဲ အပြစ်ရှိနေသလို ခံစားနေရပါတယ်။ တစ်နေ့မှာသူတို့အဖွဲ့ရဲ့ ဂိုဏ်းချုပ်ကြီး Skemes ဆိုသူဆီ သွားပြီး အဖွဲ့ဝင်အဖြစ် လက်ခံပေးဖို့ ပြောပေမယ့် ဟိုကသူ့ကို တာဝန် ပေးအပ်လိုက်ပါတယ်။ ဘာလဲဆိုတော့ သေနတ်နဲ့ချိန်ပြီး ဓားပြတိုက်ရမှာပါ။ အဲ့ဒီက ရတဲ့ငွေနဲ့ ဂရပ်ဖီတီ ဆွဲဖို့ ဆေးဘူးတွေ ဝယ်ရမယ် လို့ပြောခဲ့ပါတယ်။ ဒါနဲ့ အတွေ့အကြုံမရှိတဲ့ Kadir တစ်ယောက် Luis ဆိုတဲ့ လူအိုကြီး တစ်ယောက်ကို ဓားပြတိုက်ခဲ့ပေမယ့် သဘောကောင်းတဲ့ Luisက Kadir ကို ပိုက်ဆံကြည်ကြည်ဖြူဖြူ ပေးတဲ့အပြင် ညစာပါ လိုက်ကျွေးခဲ့ပါသေးတယ်။ ဒီလိုနဲ့ သူတို့ရဲ့ ခင်မင်မှု စတင်ခဲ့ပါတယ်။ Good Will Hunting နဲ့ ရသချင်း နည်းနည်းဆင်သလိုပါပဲ။ လူငယ်လေးကို လူအိုကြီးက လမ်းကောင်းကို လျှောက်နိုင်ဖို့ လမ်းပြညွှန်ကြားပေးတဲ့ ကားမျိုးလေးဖြစ်ပါတယ်။ File size…(1.5 GB)/(1 GB) Quality….Webrip 1080p / 720p Format…mp4 Duration….01:34:00 Genre…Drama Subtitle….Myanmar Subtitle (Hardsub) Encoder….Mr. Anderson Translated by Leonie

Possessions (2024) =============== ဒီကားထဲမှာတော့ ပိထ်တွမ်ဆန်ဆိုတဲ့လူဟာ သိုလှောင်ခန်းတွဲတွေ အပါအဝင် နေထိုင်ဖို့အိမ်ပါပါဝင်တဲ့ နေရာကို ဈေးတန်တန်နဲ့ရလိုက် တာကြောင့် မကြာသေးခင်ကမှ မိတဆိုးသားလေးဖြစ်သွားရတဲ့ သူ့ သားဖြစ်သူ တိုင်လာနဲ့အတူ စိတ်သစ်၊ လူသစ်ဖြစ်အောင်ဆိုပြီး ပြောင်း ရွှေ့လာတာနဲ့ ဇာတ်လမ်းအစပြုထားပါတယ်။ ပြောင်းရွှေ့ပြီးသိပ်မကြာခင်မှာပဲ ပိထ်တစ်ယောက် သိုလှောင်ခန်းတွဲ လုပ်ငန်းကို ပြန်လည်ပတ်လုပ်ကိုင်ဖို့အတွက် စာရင်းတွေ စစ်ဆေးနေ တုန်း သိုလှောင်ခန်းတစ်ခန်းက သတ်မှတ်ထားတဲ့ ငှားရမ်းရက်ကျော် တာ လချီနေပြီဖြစ်တာကိုသိလိုက်ရတာမို့ ငှားရမ်းသူအကြောင်း စုံစမ်း ဖို့လုပ်ပါတော့တယ်။ ဒီအချိန်မှာပဲ တိုင်လာတစ်ယောက် အဲဒီအခန်းထဲ က စက်ဘီးတစ်စီးကိုတွေ့ပြီး လိုချင်စိတ်နဲ့ယူစီးလိုက်ရာကနေ တဖြည်း ဖြည်းနဲ့ အရင်ကနဲ့မတူဘဲ ထူးဆန်းလာပါတယ်။ ဒါတွေကို ပိထ်တစ်ယောက် သတိထားမိလာတဲ့အခါမှာ ဘာတွေဆက် ဖြစ်လာမလဲ၊ သတ်မှတ်ငှားရမ်းရက်ကျော်နေပြီဖြစ်တဲ့ သိုလှောင်ခန်း ကိုရော ဘယ်သူကငှားထားပြီး သူ့သားမူမမှန်ဖြစ်လာတာတွေနဲ့ ဘယ် လိုမျိုးတွေ ဆက်စပ်နေတာလဲဆိုတဲ့မေးခွန်းတွေ‌ရဲ့အဖြေကိုတော့ ဒီကား လေးကို ဆက်လက်ကြည့်ရှူရင်း ကိုယ်တိုင်အဖြေရှာကြည့်လိုက်ပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Fiona Gillen ဖြစ်ပါတယ်) File Size……….(760 MB) / (450 MB) Quality…………WEB-DL 1080p / 720p Duration………1Hr 29Min Subtitle………..Myanmar Hardsub Format…………MP4 Genre…………..Horror Translator…….Fiona Gillen Encoder……….SWM

Man in Love (2014) ယောကျ်ားတန်မယ့် မျက်ရည်နဲ့မျက်ခွက်ဆိုတာ ဒီလိုကားပါပဲ… အချစ်ကြောင့် ယောကျ်ားရင့်မာကြီးတွေ ဘယ်လိုကြွေကျကြလဲ သက်သေခံမဲ့ရုပ်ရှင်ပါ…။ မင်းသားကြီးကတော့ တောင်ကိုရီးယားရဲ့ အနုပညာကြေးမြင့်မားပြီး ရုပ်ဆိုးဆိုးလို့ခပ်လွယ်လွယ်ရှုမြင်ကြတဲ့ Hwang Jung-min မင်းသမီးကတော့ ဂျူမုန်ထဲက Han Hye-jin… ဇာတ်လမ်းကတော့… ဟွမ်ဂျွန်မင်းဆိုတာ သူဌေးရဲ့အကြွေးတွေကို လိုက်တောင်းပေးနေတဲ့ လူမိုက်တစ်ယောက်။ တစ်နေ့မှာ အကြွေးလိုက်တောင်းရင်း အဖေ့အတွက် အကြွေးဆပ်ဖို့ကျန်ရှိနေတဲ့ ဂျိုဟေးဂျောင်ကိုမြင်မြင်ချင်း တဖက်သတ်ချစ်မိသွားခဲ့တယ်။ ဒါကြောင့် ဂျိုဟေးဂျောင်ရဲ့ အကြွေးစာချုပ်ကို သူဌေးဆီကနေ ဘောနပ်အဖြစ်တောင်းပြီး ဂျိုဟေးဂျောင်နဲ့အပေးအယူလုပ်လိုက်ပါတော့တယ်။ အဲ့ဒီအပေးအယူကဘာလဲ… လူကြမ်းကြီးနဲ့ မင်းသမီးတို့ဇာတ်လမ်းကဘယ်လိုဆက်သွားမယ်ဆိုတာ…. ဟာသကားလို့ထင်ပြီး ကြည့်လိုက်မိပြီး ငိုမိသွားသူတွေ ဒုနဲ့ဒေးပါပဲ။

Vayasethrayaayi Muppathiee ( 2024 ) သတို့သမီးရှာပုံတော် Imdb 8/10 မင်းသား ပရာဆန့် မူရာလီ အဓီကဇာတ်ဆောင်အနေနဲ့ ပါဝင်သရုပ်ဆောင်ထားတဲ့ ဒရာမာဟာသကားလေးကို အခုတစ်ခေါက်မှာ တင်ဆက်ပေးလိုက်ပါတယ် ဇာတ်လမ်းအကျဥ်း အသက် ၃၀ အရွယ် ဘရီဂက်ရှ်ဟာ အခုချိန်ထိ လူပျိုကြီးဘဝနဲ့ တစ်ကိုယ်တည်းအားထုတ်နေရတဲ့သူ ဖြစ်တဲ့အလျောက် ပတ်ဝန်းကျင်ကြားမှာလည်း မျက်နှာငယ် ရွယ်တူအပေါင်းအသင်းတွေကြားမှာလည်း မျက်နှာငယ်ရရင်း နေထိုင်နေပါတယ်။ တကယ်တော့ သူဟာ လွန်ခဲ့တဲ့ နှစ်တွေကတည်းက အကျိုးဆောင်တစ်ယောက်ကို အကူအညီတောင်းပြီး လက်ထပ်ပွဲ ဖြစ်မြောက်နိုင်ဖို့ အားစိုက်ခဲ့ပေမဲ့ ကံဆိုးစွာနဲ့ အကြောင်းအမျိုးမျိုးကြောင့် တစ်ပွဲမှ မအောင်မြင်ခဲ့ပါဘူး ။ ဒါကြောင့် သူကိုယ်တိုင်လည်း ဒီလိုအခြေအနေနဲ့ ပတ်သက်လို့ အရမ်းကိုမှ စိတ်ဖိစီးနေခဲ့ရပြီး သူ့ရဲ့သတို့သမီးလောင်းလေးနဲ့ ဘယ်အချိန်မှများ တွေ့ရမလဲလို့ သောကရောက်နေရရှာပါတယ် ဒီကားထဲမှာဆိုရင်တော့ တကယ့်အပြင်လောကက အိန္ဒိယမှာလို အခြေခံလူတန်းစားတွေ အိမ်ထောင်တစ်ခုတည်ထောင်ရာမှာ ဘယ်လိုအခက်အခဲတွေရှိတတ်ပြီး သာမန်ပတ်ဝန်းကျင်နဲ့ မိသားစုအတွင်းမှာရော ဘယ်လိုအလွဲလေးတွေ အတင်းအဖျင်းတွေ ရှိတတ်ကြောင်းတို့ကို ပေါ့ပေါ့ပါးပါး ဟာသလေးလည်းနှောပြီး ဒရာမာဆန်ဆန် ရိုက်ကူးထားတာဖြစ်လို့ ပိတ်ရက်မှာ အပန်းဖြေတဲ့အနေနဲ့ ကြည့်လို့ရအောင် CM ကနေ တင်ဆက်ပေးလိုက်ပါတယ်ရှင် အညွှန်းနှင့်ဘာသာပြန်ကတော့ CM Bollywood Team ကပဲ ဖြစ်ပါတယ်။

ဒီတစ်ခါတော့ထူးထူးခြားခြားလေးဖြစ်သွားအောင် မွန်ဂိုးလီးယား ရုပ်ရှင်ဇာတ်ကားလေးတစ်ကားကိုတင်ဆက်ပေးလိုက်ပါတယ်။ မွန်ဂိုးလီးယားဆိုတာနတ်တွေ ဘိုးဘေးဝိညာဉ်တွေကိုအယုံ အကြည်ရှိကြတဲ့နိုင်ငံတစ်ခုဖြစ်ပြီး နတ်ဝင်သည်တွေဆိုတာလည်း နေရာတော်တော်များများမှာရှိပါတယ်။ အခုတင်ဆက်ပေးမဲ့ IMDb Rating 6.7 အထိရရှိထားတဲ့ Ser Ser Salhi (City Of Wind) လို့ခေါ်တဲ့ဇာတ်ကားလေးထဲမှာလည်း ၁၇ နှစ်အရွယ်နတ်ဝင်သည်လေးတစ်ယောက်နဲ့သူ့ရဲ့စိတ်ဝင်စားစရာ ကောင်းတဲ့ ဘ၀ဇာတ်ကြောင်းကိုရိုက်ကူးတင်ဆက်ထားတာကို တွေ့ရမှာဖြစ်ပါတယ်။ ဇဲလို့ခေါ်တဲ့အသက် ၁၇ နှစ်အရွယ်နတ်ဝင်သည်လေးက အဖိုးဝိညာဉ်လို့ ခေါ်တဲ့ ဝိညာဉ်ကိုအကူအညီတောင်းလာတဲ့အခါမှာဆင့်ခေါ်ပေးရတာ ဖြစ်ပြီး သူ့မိသားစုအပြင်အိမ်နီးနားချင်းတွေတော်တော်များများက အဲ့လိုအရာတွေကိုယုံကြည်ကြပါတယ်။ တခြားအချိန်တွေမှာတော့ ဇဲကသာမန်ကျောင်းသားတစ်ယောက်ဖြစ်ပြီး သူ့ရဲ့ နတ်ဝင်သည်အလုပ်ကြောင့် ကျောင်းမှာစနောက်ခြင်းကိုအမြဲ ခံနေရပါတယ်။ တစ်နေ့မှာတော့ ဇဲရဲ့ကမ္ဘာကြီးကို ပြောင်းလဲသွားစေမဲ့လူတစ်ယောက်နဲ့ တွေ့ဆုံခဲ့ရပါတော့တယ်။အဲ့ဒါကတော့မာရာလာလို့ခေါ်တဲ့ကောင်မလေး တစ်ယောက်ဖြစ်ပြီး ဆယ်ကျော်သက်အရွယ်လူငယ်တွေဆိုတော့ မကြာခင်မှာပဲ အိုးချင်းထားအိုးချင်းထိ ကြိုးချင်းထားကြိုးချင်းငြိသွားကြ ပါတော့တယ်။ဒါပေမယ့်မာရာလာနဲ့တွေ့ပြီးကတည်းကဇဲရဲ့နတ်ခေါ်တဲ့ အာရုံတွေက အရင်လိုမကောင်းတော့ပဲအားနည်းနေခဲ့ပါတော့တယ်။ တစ်ဖက်မှာ ကြည့်ပြန်ရင်ကျတော့လည်း သူ့ဘ၀ကအရင်နဲ့လုံး၀ မတူအောင် ပျော်စရာကောင်းလို့နေခဲ့ပါတယ်။ ဒီလိုနဲ့ သူတို့လူငယ်လေးနှစ်ယောက်ရဲ့အချစ်ဇာတ်လမ်းနဲ့ ဇဲရဲ့ စိတ်ဝင်စားစရာဘ၀အကြောင်းအပြင် မွန်ဂိုးလီးယားရိုးရာတွေကိုပါ တွေ့ရမှာဖြစ်လို့ စိတ်ဝင်စားစရာကောင်းတဲ့ ဒရာမာဇာတ်ကား ကောင်းလေးတစ်ကားပဲဖြစ်ပါတယ်။ File size…1.99GB / 809MB Quality…WEB-DL 1080p 5.1CH / 720p Format…mp4 Duration….1h 44m Genre ….. Drama Subtitle….Myanmar Subtitle (Hard Sub) Encoder….Min Wai Translated by Saw Lay

Con Air (1997) ****************** IMDb…..6.9 နီကိုးလတ်စ်ကေ့စ်ချ် ရဲ့ ဒီဇာတ်လမ်းကို တော်တော်များများကြည့်ဖူးကြမယ် ထင်ပါရဲ့…. စစ်ပြန်ကြီးတစ်ယောက်ဖြစ်တဲ့ ရိန်းဂျားတပ်သားဟောင်း ကမ်မရွန်းပိုး (နီကိုးလတ်စ်ကေ့စ်ချ်) ဟာ သူအိမ်ပြန်ရောက်တဲ့နေ့မှာပဲ အရက်သမားတွေက ကိုယ်ဝန်သည်မိန်းမကို ထိကပါးရိကပါးပြောတာကို ကာကွယ်ရင်း လူသတ်မိသွားပြီးထောင်ကျသွားပါတယ်.. ထောင်နှစ်ရှည်ကျပြီး နောက်ဆုံးမှာတော့ Jail Baird ဆိုတဲ့ ထောင်သားရွှေ့ပြောင်းမယ့် လေယာဥ်ကြီးကိုစီးပြီး အိမ်ပြန်ရတော့မှာပါ… ဒါပေမဲ့ လေယာဥ်ပေါ်မှာ အဆိုးတကာ့ အဆိုးဆုံးထောင်သားတွေပါ ပါလာတဲ့အခါမှာတော့… ရိန်းဂျားတပ်သားဟောင်း ကမ်မရွန်းပိုးတစ်ဖြစ်လဲ နီကိုးလတ်စ်ကေ့စ်ချ် ဟာ ကျွန်တော်တို့ရဲ့ ဟီရိုးဖြစ်ခဲ့တယ်…. မတော်တဆကြောင့် ထောင်ကျသွားရလို့ မချင့်မရဲ ဖြစ်ခဲ့ရပြီး ထောင်ထဲမှာ ဆံရှည် မုတ်ဆိတ်ကျင်စွယ်ဗရပွနဲ့ အေးစက်စက်စကားတွေပြောတတ်တဲ့ ဒီဘဲကြီးကို ဇာတ်လမ်းအစမှ အဆုံးထိ အားပေးခဲ့ရတာတွေ ပြန်ကြည့်လည်း ဒီအရသာကို ခံစားနေရတုန်းပါပဲ…. (ဇာတ်လမ်းအညွှန်းနဲ့ ဘာသာပြန်သူကတော့ Pyae Moe Han ပဲဖြစ်ပါတယ်) File Size : 3.08GB/ 1.19GB Quality : Blu-Ray 1080p 5.1 CH/720p Format…mp4 Duration…02:၀၀:00 Genre : Action, Crime, Drama Subtitle : Myanmar Subtitle (Hard Sub) Translated by Pyae Moe Han Encoded by Tiff

ဒီဇာတ်ကားလေးကတော့ 2025 ခုနှစ်ထဲမှာပဲပူပူနွေးနွေးထွက်ရှိထားတဲ့ horror thriller ဇာတ်လမ်းလေးပဲဖြစ်ပါတယ်။ Elena Sanchez,Jeremy London, Alli Hart စတဲ့ မင်းသားမင်းသမီးတွေ ပါဝင်ထားပြီးတော့ Michael Donovan ရိုက်ကူးထားပါတယ်။ ဇာတ်လမ်းအကျဉ်း…. တိတ်ဆိတ်ငြိမ်သတ်နေတဲ့ မြို့လေးတစ်မြို့မှာရှိတဲ့ မြို့သူမြို့သားများဟာ Bone Face လို့ခေါ်တဲ့ လူသတ်သမားကြောင့် ထိတ်လန့်နေကြပါတယ်။ဒီတစ်ခါမှာတော့ နွေရာသီစခန်းတစ်ခုဟာ လူသတ်သမားရဲ့ ပစ်မှတ်ဖြစ်လာပြီးတော့ သန်းခေါင်ယံအချိန်မှာတော့ စခန်းမှာရှိနေတဲ့ သူတွေအကုန် အသတ်ခံလိုက်ရပါတော့တယ်။ နယ်ထိန်း Cronin နဲ့ ဒုအရာရှိ McCully တို့ဟာ ညတွင်းချင်းပဲ တရားခံကို ဖမ်းဆီးဖို့ ခြေရာခံခဲ့ကြပြီး လူသတ်သမားရှိနေနိုင်တဲ့ စားသောက်ဆိုင်တစ်ခုကို ရောက်ရှိသွားကြပါတယ်။ တရားခံကို နောက်ဆုံးမှာရှာဖွေတွေ့ရှိသွားမလား လွတ်မြောက်သွားမလားဆိုတာကို စိတ်လှုပ်ရှားဖွယ်စောင့်ကြည့်ရမှာပဲဖြစ်ပါတယ်။ File size…(1 GB)/(664 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Mystery, Horror Subtitle….Myanmar Subtitle (Hardsub) Encoder….Swan Min Htet Translated by Nay

မင်းသားကြီး Liam Neeson တို့ Lee Jung Jae တိုလိုမျိုး Top cast တွေနဲ့ တကယ့်အဖြစ်အပျက်ကို မှီငြမ်းရိုက်ကူးထားတာဖြစ်ပါတယ်။ မြောက်ကိုးရီးယားတွေ ဘူဆန်မှာ အသာစီးရနေချိန် ရေကြောင်း၀င်လမ်းတစ်ခုတည်းသာရှိပြီး ထိုးဖောက်ဖို့ မလွယ်နိုင်တဲ့ အင်ချွန်းကို ကျူးကျော်တိုက်ခိုက်မယ့် ယူအန်မဟာမိတ်တပ်က ဂျန်နရယ်မက်အာသာဟာ လူ ၈ ဦးပါ လျှို့ဝှက်အဖွဲ့တစ်ခုကို ဖွဲ့စည်းပြီး ရေတပ်မိုင်းတွေ ချထားတဲ့နေရာတွေကို သိရအောင် လွှတ်လိုက်တယ်။ သူတိုအဖွဲရဲ့တာ၀န်ဟာ ဂျန်နရယ်မက်အာသာတိုစစ်တပ်၀င်နိုင်အောင် လမ်းဖွင့်ပေးရမှာ ဖြစ်တာမို့လို့ အလွန်တရာအရေးပါပြီး အင်မတန်လည်း အရဲစွန့်ရာကျလွန်းပါတယ်။ ၁၉၅၀ ခုနှစ် ကိုးရီးယားနိုင်ငံ တောင်နှင့်မြောက်ကွဲချိန် လူပေါင်း ၃ သန်းကျော် သေဆုံးခဲ့ရပြီး ၃ နှစ်တာရှည်ကြာခဲ့တဲ့ စစ်ပွဲကို အဆုံးသတ်ဖို့အတွက် အရေးပါခဲ့တဲ့ စစ်ဆင်ရေးတစ်ခုအကြောင်းပါ။ File size…(2 GB)/(960 Mb) Quality….Blu-Ray 1080p / 720p Format… mp4 Duration…. 01:51:00 Genre… Action, Drama, History, War Subtitle….Myanmar Subtitle (Hardsub) Encoder….Garfield Translated by Su

၁၉၄၁ခုနှစ် ဒုတိယ ကမ္ဘာစစ်အတွင်းမှာ ဟစ်တလာဟာ ဘီလိုရုရှားနိုင်ငံကို သိမ်းပိုက်ခဲ့ပါတယ် ။ သူ့ရဲ့ အညိုးအတေးတွေကြောင့် ထုံးစံအတိုင်း နိုင်ငံတွင်းက ဂျူးလူမျိုးတွေမှန်သမျှကို တစ်ဖြည်းဖြည်းချင်းလူမျိုးတုန်းသတ်ဖြတ်လာတဲ့အခါမှာတော့….. တူဗီယာတို့ ညီအကိုတွေဟာ နာဇီတွေဝင်ရောက်မလာခင်ကတည်းက ပြစ်မှု့တစ်ခုကြောင့် တောထဲမှာထွက်ပြေးတိမ်းရှောင်နေရပါတယ်။ အချိန်အကြာကြီးနေခဲ့တာကြောင့် တောကိုလည်း ကျွမ်းကျင်နေကြပါပြီ။ စစ်ကြီးစဖြစ်တော့ အခြားသူတွေကလည်း သူတို့လို တောထဲကို ထွက်ပြေးတိမ်းရှောင်ကြပါတယ်။ တူရာတူရာတွေ စုမိကြရင်း နောက်ဆုံး ရွာတစ်ရွာတည်နိုင်လောက်တဲ့အထိများပြားလာတဲ့အခါမှာတော့ သူတို့ဟာ သူပုန်လိုလို တော်လှန်ရေးသမားတွေလိုလို ဖြစ်လာကြပါတော့တယ်။ ဒီကားဟာ ဖြစ်ရပ်မှန်ဝတ္တုဖြစ်တဲ့ Defiance : The Bielski Partisans ဆိုတဲ့ Nechama Tec ရဲ့ဝတ္တု့ကို ပြန်လည်အသက်သွင်းထားတာပါ။ သရုပ်ဆောင်တွေကတော့ ဂျိမ်းစ်ဘွန်းမင်းသားကြီးဖြစ်တဲ့ Daniel Craig နဲ့ Wolverine အကိုအဖြစ် သရုပ်ဆောင်ဖူးတဲ့ Liev Schreiber တို့က ပါဝင် သရုပ်ဆောင် ထားကြပါ။ File size…(3 GB)/(1.9 GB) Quality….Br-Rip 1080p / 720p Format… mp4 Duration…. 02:17:00 Genre… Action, Drama, History, Thriller, War Subtitle….Myanmar Subtitle (Hardsub) Encoder….Garfield Translated by Kiwi