ချစ်ခြင်းမေတ္တာနဲ့ နွေးထွေးမှုကို လူသားတွေက နည်းလမ်းအမျိုးမျိုးနဲ့ ဝေမျှကြပါတယ်… ဒီခေတ်မှာ စာအိတ်ထဲထည့်ပေးကြတဲ့ ပေးစာတွေ မရှိတော့ဘူးဆိုပေမယ့် လူမှုကွန်ယက်ပေါ်ကဖြစ်ဖြစ် တစ်ယောက်ကိုတစ်ယောက် စာတွေပေးပို့နေကြတုန်းပါပဲ… ဒါပေမယ့် ပေးပို့တဲ့စာတွေထဲမှာ အမုန်းတရားတွေထက် ချစ်ခြင်းမေတ္တာတွေ ထည့်ပေးထားရင်မကောင်းဘူးလား ဒီဇာတ်ကားလေးကတော့ အေးမြတဲ့ ခရစ္စမတ်အကြောင်းကို နွေးထွေးတဲ့ ချစ်ခြင်းမေတ္တာနဲ့ ပုံဖော်ထားတဲ့ ချစ်စရာကောင်းတဲ့ ဇာတ်ကားလေးပဲဖြစ်ပါတယ်… ခရစ္စမတ်မှာ လက်ဆောင်တွေ လာပေးနေတဲ့ ခရစ္စမတ်ဘိုးဘိုးကြီးလို့ခေါ်တဲ့ စန်တာကလောက်စ် အကြောင်း အခြေခံပြီး ပုံဖော်ထားတာပါ … အခွင့်ထူးခံ လူပေါ်ကျော့ ဂျက်စပါဆိုတဲ့ လူငယ်လေးတစ်ယောက်ဟာ အဖေ့ရဲ့စာပို့လုပ်ငန်းကြီးမှာ လက်ကျောတင်းအောင် မလုပ်ချင်ဘဲ ပျင်းရိနေတဲ့အတွက်ကြောင့် သူ့ကိုအပြစ်ပေးတဲ့အနေနဲ့ လူသူမနီးတဲ့ ကျွန်းတစ်ကျွန်းပေါ်က မြို့ကလေးမှာ စာပို့သမားလုပ်ဖို့ ပို့လွှတ်စေခိုင်းခဲ့ပါတယ်… ရိုင်းပြပြီး အမြဲဒေါသထွက်နေတဲ့ လူတွေနေတဲ့ အေးခဲပြီး ခေါင်ဖျားလွန်းတဲ့ စမီရင်ဘာ့ဂ် မြို့ကလေးကနေ တစ်နှစ်အတွင်း ပေးစာ ၆၀၀၀ ထွက်လာအောင်လုပ်မှ ဒီမြို့ကနေပြန်ရမယ့်သူပါ… မဟုတ်ရင် အဖေကအမွေပြတ်စွန့်လွှတ်မတဲ့… Klaus ဆိုတဲ့ ဒီဇာတ်ကားလေးဟာ ၂၀၁၉ မှာထွက်ရှိထားပြီး IMDb – 8.4/10 နဲ့ Rottentomatoes – 89% တောင်ရရှိထားတာမို့ လက်မလွှတ်သင့်တဲ့ ဇာတ်ကားလေးဖြစ်တယ်လို့ပဲပြောလိုက်ပါရစေ.။ ဇာတ်လမ်းအညွှန်းနဲ့ ဘာသာပြန်သူကတော့ Zuel Khant Thwin ပဲဖြစ်ပါတယ်… File Size : (2.1GB) and (823MB) and (377MB) Quality : NF WEB-DL 720p Running Time : 2hr 17min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Source : 4K Web-DL 5.1 ,1080 WEB-DL.DDP5.1 , 720P WEB-DL Translated by Zuel Khant Thwin Encoded by Thanhtike Zaw ~ Thit San Khant

IMDb 7.9/10 (2.2K) လူတစ်ယောက် ရဲစခန်းကိုရောက်လာတယ်....သူ့မိန်းမပျောက်နေလို့လာတိုင်တာပါတဲ့ သူတို့လင်မယားနှစ်ယောက်ဟာ ကားနဲ့ခရီးထွက်လာနေတုန်း တောလမ်းတစ်နေရာမှာ မတော်တဆမှုနဲ့ကြုံတွေ့ခဲ့ရပါတယ် နောက်တော့ သူလည်းသတိလစ်မေ့မျောသွားပြီး သူ့မိန်းမဟာလည်း သူသတိပြန်ရလာတော့ ကားပေါ်မှာမတွေ့တော့ဘူးတဲ့....။ မိန်းမ​ဖြစ်သူဟာ ကိုယ်ဝန်ကြီးနဲ့ဆိုတော့ ရဲတွေနဲ့ရွာသားတွေ ပေါင်းပြီး လိုက်ရှာပေးခဲ့ပေမယ့် လ တွေ သာ ကြာညောင်းသွားတယ် မ တွေ့လာခဲ့ပါဘူး ပျောက်သွားတဲ့နေရာကလည်း သားရဲတိရိစ္စာန်တွေ ပေါတဲ့နေရာဆိုတော့ ရဲတွေဟာ သေပြီလို့ကောက်ချက် ချခဲ့ပါတယ်....။ သို့ပေမယ့် သူဟာ ဇွဲမ လျှော့ခဲ့ဘဲ ဆက်လက်ရှာ​ဖွေနေခဲ့ပါတယ်။| နောက်ပိုင်းအဲ့ဒီရွာထဲမှာ လူတွေ တစ်ယောက်ပြီးတစ်ယောက်သေဆုံးနေပြီး ညညဆိုလည်း အသံတွေ ကြားကြားနေရတတ်ပါတယ်...။ ကဲ သူရဲ့မိန်းမဟာ တကယ်ပဲ ပျောက်ဆုံးသွားတာလား...။ ရွာထဲမှာ လူတွေက ဘာလို့ သေဆုံးနေရတာလဲ...။ ညညဆိုကြားကြားနေရတဲ့အသံတွေက ဘာတွေလဲ...။ သူကရော ဒီရွာကို အကြောင်းတစ်ခုခုရှိနေလို့ လာခဲ့တာလားဆိုတဲ့ မေးခွန်းပေါင်းများစွာနဲ့ ဇာတ်ကားလေးကို စိတ်ဝင်တစား ကြည့်ရှုလို့ရပါပြီနော်...။ မာလယာလန် နာမည်ကြီးမင်းသားတစ်လက်ဖြစ်တဲ့ မမ်မွတ်တီးအဓိကပါဝင်ထားတဲ့ mystery ကားကောင်းလေးတစ်ကားဖြစ်ပါတယ်လို့ ညွှန်းဆိုပေးလိုက်ပါတယ်နော်... File size…2.5GB / 1GB Quality…1080p True  WEB DL /720p Format…mp4 Duration….2h 30m Subtitle….Myanmar Subtitle (Hard Sub) Encoder….YK Translated by Taylor ~ Hay Man ~ OeliuJ

ဒေ့ဗ်ဟာ တစ်ချိန်က ဘတ်စ်ကတ်ဘောလက်ရွေးစင်တစ်ယောက်ဖြစ်ခဲ့ပြီး ချစ်သူ မာရီကို လက်ထပ်ကာ အောင်မြင်ပျော်ရွှင်တဲ့ အိမ်ထောင်တစ်ခုကို ပိုင်ဆိုင်ခဲ့ပါတယ်။ ဒါပေမယ့်လဲ ဒူးဒဏ်ရာကြောင့် အနားယူပြီးတဲ့နောက်ပိုင်း လုပ်သမျှစီးပွားရေးတွေကလဲ ကိုဗစ်မွှေလို့ တစ်ခုပြီးတစ်ခုအရှုံးပေါ်၊ ဇနီးသည်ဖြစ်သူ မာရီကလဲ ကိုယ်ဝန်ပျက်ကျခဲ့တဲ့နောက်မှာတော့ သူတို့အိမ်ထောင်ရေးမှာ မုန်တိုင်းထန်စပြုလာပါတယ်။ ဒေ့ဗ်ကိုယ်တိုင်လဲ ဒူးဒဏ်ရာကြောင့် မှီဝဲရတဲ့ဆေးတွေကြောင့် မူးယစ်ဆေးစွဲသလိုဖြစ်နေပြီး ဇနီးဖြစ်သူနဲ့ မပြည့်ဝတဲ့ဆန္ဒတွေကို တစ်ချိန်က သူ့ပရိသတ်၊ သူ့အပေါ် အရူးအမူးစွဲလန်းနေရှာတဲ့ ကောင်မလေးတစ်ယောက်နဲ့ ထွက်ပေါက်ရှာလိုက်မိတဲ့နောက်မှာတော့ ပြဿနာတွေရဲ့ အထွတ်အထိပ်ကိုရောက်ဖို့ ဖြစ်လာပါတော့တယ်။ ကောင်မလေးဖြစ်တဲ့ လီလာဟာ သူလိုသလိုသုံးပြီး ပစ်ထားလိုက်တဲ့အချိန်မှာ ငြိမ်ခံမနေပဲ ဇနီးဖြစ်သူ မာရီဆီကတစ်ဆင့် သူတို့အိမ်ထောင်ရေးထဲ တတိယမြောက်လူအဖြစ် ဝင်ရောက်လာခဲ့ပါတယ်။ လင်လုဖက်အနေနဲ့မဟုတ်ပဲ သူ့ဇနီးရဲ့ချစ်သူအဖြစ်ပါ။ ပုံမှန်ယောက်ျားတွေ အတော်များများအတွက် စိတ်ကူးယဉ်အိပ်မက်ဖြစ်နိုင်မယ့် သီရိစံဇာတ်ကို ဒေ့ဗ်ဟာ သူ့ဇနီးသည်နဲ့အတူ ကြည်ကြည်ဖြူဖြူ သုံးပါးသွားခွင့်ရတော့မှာဖြစ်ပေမယ့် မပြေလည်နိုင်တဲ့ပြဿနာတွေက ဘာတွေဖြစ်လာမလဲ...? ဇနီးသည်မာရီက သူ့ကိုရွေးမလား... လီလာကိုရွေးမလား...? လီလာကရော ဘယ်သူ့ကိုရွေးမလဲ...? သူကိုယ်တိုင်ကရော နှစ်ယောက်လုံးကိုနိုင်ပါ့မလား...? အစရှိတဲ့မေးခွန်းတွေကို ဇာတ်ကားထဲမှာဆက်ပြီးအဖြေရှာကြပါ။ Angeli Khang လေးရဲ့ကားသစ်ဖြစ်ပြီး Hugas မင်းသမီးချောလေး Aj Raval က အားဖြည့်ကူညီထားပါသေးတယ်။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 1.6GB, 700MB Quality - 1080p, 720p Format - mp4 Duration - 1H 43Min Genre - Drama Subtitle - Myanmar Subtitle (Hardsub) Translated by Alias Encoded by RGB

အမေတစ်ခု သမီးတစ်ခု .. သားအမိနှစ်ယောက်ကြားက သံယောဇဉ်နဲ့ အေးမြတဲ့ မေတ္တာကို ဖော်ကျူးထားတဲ့ ဒရမ်မာဇာတ်လမ်းလေးပါ။ အားကိုးစရာဆိုလို့ သမီးတစ်ယောက်ပဲ ရှိတဲ့ မိခင်တစ်ယောက်က သူ့သမီးလေး သူ့ခြေပေါ်သူရပ်တည်ကာ အိမ်ကထွက်သွားပြီး အသက်မွေးဝမ်းကျောင်းပြုတဲ့အခါမှာတော့ အားကိုးရာမဲ့ဖြစ်သွားပြီး ဘဝကို အထီးကျန်စွာ ဖြတ်သန်းနေခဲ့ရပါတယ်။ သမီးဖြစ်သူကလည်း အလုပ်ထွက်လုပ်တယ်ဆိုပေမဲ့ သူ့ရဲ့ အဆက်ဟောင်းက ပေးတဲ့ ဝေဒနာတွေကြောင့် စိတ်သောက ရောက်နေရသူပါ။ တစ်နေ့မှာတော့ အမေဖြစ်သူဆီကို သူစိမ်းလူတစ်ယောက်က အရမ်းကိုတုပ်လှုပ်ဖွယ်ကောင်းတဲ့ မက်ဆေ့ဂျ်တစ်စောင်ပေးပို့လာတဲ့အခါမှာတော့ ... သူစိမ်းလူက ပို့လိုက်တဲ့ မက်ဆေ့ဂျ်က ဘာဖြစ်မလဲ? ဂယောင်းအာနဲ့ ယွန်းဆူတို့ သားအမိနှစ်ယောက် ဘယ်လိုဖြစ်ရပ်တွေ ကြုံရမလဲ? သူတို့သားအမိနှစ်ယောက် ဘယ်လိုတွေဖြေရှင်းကြမလဲ? ဆိုတာကိုတော့ ကိုယ်တိုင်ပဲ ခံစားကြည့်ရှုလိုက်ကြပါဦး (ဝူယောင်းဝူကားထဲက နတ်သမီးလေး ချွဲဆူယွန်း (Ha Yoong-kyung) က အဓိကသရုပ်ဆောင်အနေနဲ့ ပါဝင်သရုပ်ဆောင်ထားပါတယ်။) File Size : 1.6GB, 563MB & 275MB Quality : 1080p WEB-DL, 720p WEB-DL & 480p Format : mp4 Duration : 1hr & 57mins Genre : Family, Drama Subtitle : Myanmar Subtitle(Hardsub) Translated by Win & Estel Encoded by Kinnov

ယခုတစ်ခေါက် CM က တရုတ်ဒဏ္ဍာရီဇာတ်လမ်းလေးတစ်ပုဒ်ကို ဘာသာပြန်တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- နွီဝါးမယ်တော်နှင့် နတ်အပေါင်းတို့က နတ်ပိတ်အစီအစဉ်ကို စတင်ပြီး ရှ န်းခေတ်အုပ်ချုပ်ရေးကို ပြင်ဆင်ရန် စီစဉ်နေပါတယ်။ အမြီး ၉ ချောင်းမြေခွေးကို မိန်းမလှလေး သာကျီကိုယ်ထဲ ဝင်ပူးစေပြီး ဘုရင်ကို မြူဆွယ်စေပါတယ်။ ကျို့ဝမ်တိရှင်းဟာ နတ်အမိန့်တော်ကို မနာခံပဲ ကောင်းကင်ကို ဆန့်ကျင်ဖို့ကြိုးစားပြီး ကျိုင်ရှင်းလုံကို ဆောက်ပြီး ကောင်းကင်တက်ပြီးတော့ နတ်ကို ဆန့်ကျင်ဖို့ လုပ်နေပါတယ်။ ခက်ခဲလှတဲ့ နေ့ရက်တွေမှာ ကျို့ဝမ်ဟာ တဖြည်းဖြည်းနဲ့ သာကျီအပေါ် မေတ္တာနက်နဲလာခဲ့ပြီး ရှန်းကုန်းပေါက်ရဲ့ ကုန်းချောမှုတွေကို နားယောင်ပြီး သစ္စာရှိအမတ်တွေကို သတ်ဖြတ်ခဲ့တယ်။ ပီကန်းလည်း နှလုံးသားကို ထုတ်ပေးပြီး သစ္စာရှိကြောင်းထုတ်ဖော်ပြသခဲ့ပါတယ်။ ရှုပ်ထွေးမှုတွေကြားမှာ ပြည်သူတွေဒုက္ခတွင်းနက်ခဲ့ပါတယ်။ ကျန်းကျီယာဟာ အရပ် ၄ မျက်နှာက မြို့စားမင်းတွေနဲ့ ပူးပေါင်းပြီး ကျောင်းကောကို စစ်ထွက်ခဲ့ပါတယ်။ ကျို့ဝမ်နှင့် မြေခွေးမိစ္ဆာသာကျီတို့ အတူတကွ ကံကြမ္မာကို ဆန့်ကျင်ခဲ့ပါတယ်။ လူသား၊ နတ်နှင့် မိစ္ဆာ လောက ၃ ပါးတို့ ပါဝင်နေတဲ့ စစ်ပွဲကြီးမှာ ဘယ်သူကအမှန် ဘယ်သူကအမှား ဘယ်သူကနိုင်ပြီး ဘယ်သူက ရှုံးမလဲဆိုတာကို ရုပ်ရှင်ထဲမှာပဲ အဖြေရှာလိုက်ရအောင်နော်။ Quality : WEB-DL 1080p , 720p Format : mp4 Genres : Action , Fantasy Runtime : 1h 39 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

မင်းသမီးချော Anne Hathaway ရဲ့ ငယ်ရွယ်စဉ်က အလှတွေကို တစ်ဝကြီးမြင်ရမယ့် တောင်းဆိုမှုများတဲ့ ကားဟောင်းကောင်းလေးတစ်ကား လာပါပြီ။ ၂၀၀၁ ခုနှစ်က ထွက်ရှိထားပြီး ငယ်ငယ်က Hollywood မူဗီတွေရဲ့ vibe ကို အပြည့်အဝပေးစွမ်းတဲ့ ကားလေးပါ။ မီယာဟာ အမေရိကန်ပြည်ထောင်စု ဆန်ဖရန်ဆစ္စကိုက လူမသိသူမသိနေရာလေး တစ်ခုမှာ အမေတစ်ခု သမီးတစ်ခု နေထိုင်ရင်း ဘဝကို အသက်ဆက်နေသူပါ။ ရှာမှရှားတဲ့ တစ်ဦးတည်းသော သူငယ်ချင်းလေးနဲ့အတူ ကျောင်းသွားရင်း ကျောင်းရဲ့ ဘူလီခံ စတိုင်လ်မကျု ရုပ်ဆိုးမလေးပေါ့၊ ဒါပေမဲ့ တစ်နေ့ သူဟာ ဂျနိုဗီယန် နိုင်ငံရဲ့ နန်းတက်မင်းသမီးတစ်ပါးပါဆိုပြီး အဘွားဖြစ်သူ ဘုရင်မကြီး ရောက်လာတဲ့ သတင်းနဲ့အတူ သူ့ဘဝကြီးဟာ ဇောက်ထိုးမိုးမျှော်တွေဖြစ်ကုန်ပါတော့တယ်။ ဒီတော့ သာမန်ဘဝနဲ့ပဲ ဖြတ်သန်းချင်တဲ့ မီယာနဲ့ မြေးဖြစ်သူကို တော်ဝင်မျိုးနွယ်စုထဲ ဇွတ်တွေ သွပ်သွင်းချင်တဲ့ ဘွားဘွားတို့ ဘယ်လို အတိုက်အခံတွေဖြစ်ကြမလဲ ကြည့်ရှုလိုက်ကြပါဦး File size…(2.03GB/(1.03MB)/(686MB) Quality….Webrip 1080p / 720p / 480p Format…mp4 Duration….01:55:00 Genre…Comedy / Family / Romance Subtitle….Myanmar Subtitle (Hardsub) Encoder….Mr. Anderson Translated by Yoon Sandi Aung

Hurricane Season ရုပ်ရှင်ဟာ ၂၀၂၃ ခုနှစ် Netflix က ထုတ်လုပ်ခဲ့တဲ့ Mexican ရုပ်ရှင်တစ်ကား ဖြစ်ပါတယ်။ နာမည်ကြီးသရုပ်ဆောင်တွေ မပါပေမဲ့လည်း သရုပ်ဆောင်တာတွေက သဘာဝကျလွန်းလို့ ရုပ်ရှင်တစ်ကား ဆိုတာကိုတောင် မေ့နေမှာ ဖြစ်ပါတယ်။ ဇာတ်လမ်းရဲ့ အဓိကကျောရိုးလေးကတော့ နယ်မြို့လေးတစ်မြို့မှာ တည်ထားတာဖြစ်ပါတယ်။ အဲ့မြို့မှာ စုန်းမကြီးလို့ လူတွေက ခေါ်ကြတဲ့ Gay တစ်ယောက်ရှိပြီး ထုံးစံအတိုင်း သူ့အကြောင်း သွားပုပ်လေလွင့်တွေက အများကြီးပေါ့။ အဲ့ဒါကိုမှ အဲ့ gay နဲ့ ပတ်သက်နေတဲ့ လူငယ်တစ်ယောက်နဲ့ သူ့ရဲ့မိသားစုအကြောင်းတွေကို ထိထိမိမိ ကိုယ်တိုင်ဝင်ရောက်ခံစားရသလို ရိုက်ကူးပြထားပါတယ်။ တစ်ရက်တော့ အဲ့ဒီ နာမည်ပျက်နေတဲ့ စုန်းမလို့ခေါ်တဲ့ gay ရဲ့အလောင်းကို တွေ့လိုက်ရတဲ့အခါ အဲ့ဒါရဲ့ နောက်ကွယ်က ဘယ်လို ဇာတ်လမ်းတွေ အကြောင်းရင်းတွေ ရှိမလဲဆိုတာ စိတ်ဝင်စားဖွယ်ရာ mystery ဆန်ဆန် ကြည့်ရှုရမဲ့ mexico ဇာတ်ကားလေးတစ်ကားဖြစ်ပါတယ် File size…1.35GB / 999MB Quality…NF WEB-DL 1080p 720p Format…mp4 Duration….1h 39m Genre ….. Drama , Thriller Subtitle….Myanmar Subtitle (Hard Sub) Encoder….Min Wai Translated by Lin Aung

Pollock (2000) ~ IMDb – 7/10, RT – 80%, Meta – 77% ~ ဂျက်ဆင်ပိုးလော့ဆိုတဲ့နာမည်ကို ပန်းချီပညာကို စိတ်ဝင်စားတဲ့သူ တော်တော်များများရင်းနှီးကြမှာပါပဲ။ ပိုးလော့ဟာ အမေရိကန်ပန်းချီရဲ့ ဟန်စစ်စစ်ပေါ်လာအောင် အစပြုခဲ့တဲ့လူ အမေရိကရဲ့ အကောင်းဆုံးပန်းချီဆရာလို့ သမုတ်ခံရတဲ့ ပန်းချီဆရာမျိုးပါ။ Pollock (2000) ကို Ed Harris ကိုယ်တိုင် ပိုးလော့နေရာက သရုပ်ဆောင် ရိုက်ကူးထားတယ်။ ဒီရုပ်ရှင်အစပြုတာကတော့ ဟားရစ်အဖေက ဟားရစ်ကို ပိုးလော့ဘိုင်အိုဂရပ်ဖီစာအုပ်တစ်အုပ်ပေးရာက စတယ်။ ရုပ်ရှင်အဆုံးမှာလည်း ဒီရုပ်ရှင်ဟာ သူ့အဖေနဲ့အမေကို ရည်ညွှန်းတယ်လို့ ဆိုထားတယ်။ ဒီရုပ်ရှင်ကို ဟားရစ်ဟာ စိတ်ရောကိုယ်ပါ အားထည့်ရိုက်ကူးခဲ့ပြီး ဒီထဲက ပန်းချီဆွဲခန်းတွေ ပန်းချီတွေကိုလည်း ဟားရစ်ကိုယ်တိုင်ပဲ ဆွဲခဲ့တယ်။ ဟားရစ်ဟာ ပိုးလော့ရုပ်ရှင်နဲ့ အော်စကာမှာ အကောင်းဆုံးသရုပ်ဆောင်ဆု ဆန်ခါတင်ဝင်ခဲ့ပြီး သူ့မိန်းမနေရာက သရုပ်ဆောင်ခဲ့တဲ့ Marcia Gay Harden ကတော့ အော်စကာဆုရသွားခဲ့ပါတယ်။ တခြားသရုပ်ဆောင်တွေအနေနဲ့တော့ ဗယ်ခေးမားက ဒီကူးနင်းနေရာက သရုပ်ဆောင်ထားပြီး ဂျနီဖာကွန်နယ်လီက ပိုးလော့နဲ့အတူတူသေဆုံးခဲ့တဲ့ သူနဲ့ဖြစ်နေတဲ့ မိန်းကလေးနေရာက သရုပ်ဆောင်ထားတယ်။ ပိုးလော့ဟာ အမေရိကန်စတိုင်ပန်းချီလို့ဆိုကြတဲ့ Abstract Expressionism ခေါ် ဒြပ်မဲ့ဝေဒနာပန်းချီ ပေါ်ဦးစက ပန်းချီဆရာတစ်ယောက်။ အဲဒီမတိုင်ခင်မှာ အမေရိကန်မှာ ပန်းချီပညာတော့ရှိပေမဲ့ အမေရိကန်ဟန်စစ်စစ်လို့ပြောလို့ရတဲ့ ဟန်တော့မရှိခဲ့ဘူးလို့ ဆိုတယ်။ ဒြပ်မဲ့ဝေဒနာပန်းချီကတော့ အမေရိကန်ဟန်စစ်စစ်အဖြစ် ကမ္ပညည်းတင်နိုင်ခဲ့တယ်။ အဲဒီထဲကမှ ပိုးလော့ကို အမေရိကန်ပန်းချီသမိုင်းရဲ့ သူ့ဟန်စစ်စစ်အရှိဆုံးလူအဖြစ် ဝေဖန်ရေးသမားတွေက သမုတ်ခဲ့ကြတယ်။ ဒြပ်မဲ့ဝေဒနာပန်းချီဟာ ဖြစ်တည်မှုပဓာနဝါဒဆန်တယ်လို့ ခိုင်းနှိုင်းပြောကြသလို တကယ်တမ်း ဖြစ်တည်မှုပဓာနဝါဒီလို့ ဆိုသင့်တဲ့ အမေရိကန်မော်ဒန်ပန်းချီဆရာဟာ ပိုးလော့တစ်ယောက်တည်းရှိတယ်လို့လည်း ဆိုခဲ့ကြတယ်။ ပိုးလော့ဟာ သူတို့ခေတ်ပန်းချီဆရာတွေဟာ ပန်းချီရဲ့တင်ပြချင်တဲ့အကြောင်းအရာကို ရှေးကလို ပြင်ပအရာတွေကနေ ရှာစရာမလိုတော့ဘဲ အတွင်းထဲကနေပဲ ရှာကြတယ်လို့ဆိုခဲ့သလို သူကိုယ်တိုင်လည်း မသိစိတ်ကို သူ့ပန်းချီတွေရဲ့ ရင်းမြစ်လို့ ပြောခဲ့ဖူးတယ်။ ပြောရရင် ပိုးလော့ပန်းချီတွေဟာ တာကော့စကီးရုပ်ရှင်တွေလိုပဲ Flow of Consciousness ကို သုံးထားတယ်။ ပိုးလော့ရဲ့ ပန်းချီဆွဲနည်းတွေမှာ အင်ဒီးယန်းတွေရဲ့သဲပန်းချီကနေ သန္ဓေတည်လာတဲ့ အစက်ချဆွဲနည်းတွေ၊ အရှေ့တိုင်းလက်ရေးလှစာလုံးရေးပညာရဲ့ စာရွက်ကိုကြမ်းပေါ်ချပြီး စုတ်တံကို ကင်းဗတ်စ်ပေါ် ဖြတ်စီးရုံလောက်သာ စီးပြီး ဆွဲနည်းတွေပါသလို သူ့ပန်းချီအတွေးအခေါ်မှာလည်း ဟိန္ဒူတွေးခေါ်ပညာရှင် ခရစ်စနားမူရတီးရဲ့ “ကိုယ့်ကိုယ်ကိုယ်ချစ်မိရင် အမှန်တရားနဲ့လည်း ချစ်မိသွားလိမ့်မယ်”ဆိုတဲ့ အယူကလည်း စီးဝင်နေခဲ့တယ်။ ဆန်းတော့လည်း မဆန်းပါဘူး ဘာမှအသစ်မရှိဘူးမို့လား။ မူရာကာမိစာအုပ်တစ်အုပ်ထဲက စကားတစ်ခွန်းလိုပဲ “ဂီတမှာ ဘာမှအသစ်မရှိဘူး၊ ရှိပြီးသားကီးနုတ်တွေကို စုစည်းပြီး လှပတဲ့သံစဉ်တစ်ခုဖြစ်အောင် ဖွဲ့စည်းရတာပဲ” တဲ့။ ပိုးလော့ဟာလည်း ရှိပြီးသားအရာတွေကိုယူပြီး လှပတဲ့အနုပညာအသစ်တစ်ခုအဖြစ် ပြန်မွေးဖွားပေးခဲ့တဲ့သူပါပဲ။ ဒီရုပ်ရှင်မှာတော့ ဒြပ်မဲ့ဝေဒနာပန်းချီဟန်ကို အုတ်မြစ်တည်စေခဲ့တဲ့ ဂျွန်ဂရေဟမ်၊ အက်ရှလေဂေါ်ကီတို့အပေါ် ပိုးလော့အမြင်တွေကိုလည်း ပြောထားသလို ပိုးလော့နဲ့ အောင်မြင်တဲ့ကာလခြင်းသိပ်မကွာတဲ့ ခေတ်ပြိုင်လို့ဆိုရမယ့် ဝီလျံဒီကူးနင်းတို့အပြင် တခြားနာမည်ကြီးဝေဖန်ရေးသမားတွေ အနုပညာသမားတွေကိုလည်း ထည့်သွင်းထားတယ်။ ပိုးလော့အကြောင်း‌ ဘိုင်အိုဆိုတော့ ဒီလူတွေကို မထည့်လို့လည်းမဖြစ်လောက်ဘူးကိုး။‌ သူတို့က ဒီမှာ အရိပ်လောက်ပါတာဆိုတော့ ပိုသေချာသိချင်ရင်တော့ အောင်ခင်မြင့်ရဲ့ မော်ဒန်အမေရိကန်ပန်းချီနဲ့ တွဲဖက်ပြီးကြည့်တာ ပိုအဆင်ပြေပါလိမ့်မယ်။ နောက် ပိုးလော့ရဲ့ ပန်းချီအမြင်တွေ မော်ဒန်ပန်းချီအပေါ် သူ့အမြင်တွေလည်း အင်တာဗျူးတွေမှာ ပြောခဲ့တာကို ထည့်သွင်းဖော်ပြထားတယ်။ ပိုးလော့ရဲ့အတက်အကျတွေကိုလည်း ဖော်ပြထားတယ်။ ပိုးလော့ဟာ သူ့ပန်းချီတွေကို တစ်သိန်းလောက်တန်လာမယ်လို့ ထင်ခဲ့ပေမဲ့ ၂၀၁၆မှာတော့ သူ့ပန်းချီတွေဟာ သန်း၂၀၀အထိ ဈေးပေါက်နေပါပြီ။ ပိုးလော့ပန်းချီဟန်တွေကို ကျွန်တော်တို့ တော်တော်များများမြင်ဖူးကြပါတယ်။ ကလေးဆွဲခိုင်းတောင် ရတယ်လို့ ပြောတဲ့လူတွေလည်းရှိသလို ဆေးတွေပက်ချထားရင်တောင် ဖြစ်တယ်လို့ ပြောတဲ့လူတွေလည်း ရှိခဲ့တယ်။ ဘာတွေဆွဲမှန်းမသိကြတဲ့လူတွေလည်းရှိတယ်။ ဒါနဲ့ပတ်သက်ပြီး ပိုးလော့ပြောထားတာကတော့… “ပန်းချီကားကြည့်ကြတဲ့လူတွေသာ ပန်းချီကိုပဲ ကြည့်လိုက်ရင် ပန်းချီကားကို ခံစားဖို့ ဘာပြဿနာမှရှိမှာမဟုတ်ဘူး။ ပန်းခင်းကြီးကို ကြည့်သလိုကြည့်လိုက်ရုံပါပဲ။ ဘာအဓိပ္ပာယ်နဲ့ဆွဲထားသလဲသိဖို့ ခေါင်းခဲနေစရာမလိုပါဘူး”တဲ့။ ကိုးကား – “မော်ဒန်အမေရိကန်ပန်းချီ” အောင်ခင်မြင့် (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.35GB, 985MB Quality – 1080p, 720p IMDb Rating – 7/10 Format – mp4 Duration – 2H 2Min Genre – Biography, Drama Subtitle – Myanmar Subtitle (Hardsub) Translated by WiRa Aung Encoded by Y

Raju Yadav 2024 (အပြုံးမင်းသားလေးရာဂျူး) ယခုတစ်ခါမှာတော့ ဖြစ်ရပ်မှန်ကို အခြေခံထားတဲ့ တေလဂူဟာသကားကောင်းလေးတစ်ကားကို တင်ဆက်ပေးချင်ပါတယ်။ ရာဂျူးဆိုတဲ့ကောင်လေးဟာ ခရစ်ကတ်ကစားရင်း ဘောလုံးမှန်သွားရာက မိဘတွေက ဆေးခန်းလိုက်ပြပေးရာမှာ ဆရာဝန်က ဆေးရုံကိုလွှတ်ပေမယ့် အကုန်အကျများမှာ စိုးရိမ်ပြီး ဆေးခန်းကဆရာဝန်ကိုပဲ ကုသပေးဖို့ တောင်းဆိုကြပါတယ်။ သွားနှစ်ချောင်းကျိုးသွားပြီး သွေးထွက်မတိတ်တဲ့အတွက် သွေးကြောကို ချုပ်ရတဲ့အခါမှာ ဆရာဝန်ရဲ့လက်စွမ်းပြမှုကြောင့် ရာဂျူးဟာ ပြုံးပြုံးကြီးဖြစ်သွားပါတော့တယ်။ သူဟာ စားလည်းပြုံးပြုံးကြီး၊ အိပ်လည်း ပြုံးပြုံးကြီး၊ ဝမ်းနည်းလည်းပြုံးပြုံးကြီး ၊ ပျော်လည်းပြုံးပြုံးကြီးဖြစ်နေတဲ့အတွက် တခြားဒေါက်တာနဲ့ သွားရောက်ပြသတဲ့အခါမှာ ခွဲစိတ်မှပဲ သက်သာမှာဖြစ်ပြီး ၃-၄သိန်းလောက်ကုန်ကျမယ်ဆိုတဲ့အခါမှာ ငွေကြေးခက်ခဲတဲ့ သူတို့မိသားစုအတွက် အခက်ကြုံရပါတော့တယ်။ ဒီလိုနဲ့ အမြဲပြုံးပြုံးကြီးနေရတဲ့ ရာဂျူးဟာ ကောင်မလေးတစ်ယောက်ကို ချစ်မိသွားတဲ့အခါမှာတော့ ……. အမြဲတမ်း ပြုံးပြုံးကြီးဖြစ်နေတဲ့ သူ့ဘဝမှာ သူချစ်တဲ့ကောင်မလေးဝင်ရောက်လာနိုင်ဖို့ ဘယ်လိုနည်းလမ်းတွေနဲ့ ကြိုးစားသွားမလဲ ….. သူ့မျက်နှာအနေအထားကို ပြင်ဆင်နိုင်ဖို့အတွက်ရော လိုအပ်တဲ့ပိုက်ဆံကို ရှာဖွေနိုင်မှာလား …… အမြဲပြုံးပြုံးကြီးဖြစ်နေတဲ့ မျက်နှာကြီးနဲ့ သူ့ဘဝကို ဘယ်လိုတွေ ဖြတ်သန်းသွားမလဲ…… ဆိုတာတွေကို ကြည့်ရှုရမယ့် ဟာသဇာတ်လမ်းကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်)

အနောက်တိုင်း သမိုင်းထဲက မြင်းစီးကောင်းဘွိုင်တွေ၊ အင်ဒီးယန်းလူရိုင်း‌တွေအကြောင်းကိုပြန်ရိုက်ထားတဲ့ရုပ်ရှင်လို့ပြောရမယ်။ စင်သီယာဆိုတဲ့လူဖြူမိန်းကလေးဟာ တောတွင်းတစ်နေရာမှာ ဓားစာခံအဖြစ်ဖမ်းခံရရင်းကနေ လွတ်မြောက်သွားခဲ့ပြီး ကွန်မန်ချီလို့ခေါ်တဲ့အင်ဒီးယန်းလူရိုင်းမျိုးနွယ်စုတစ်ခုထဲကိုရောက်ရှိသွားခဲ့တယ်။ ဂျေဂျေဂလင်တန်လို့အမည်ရတဲ့မြင်းစီးရိန်းဂျားတွေဟာ သူတို့ရဲ့မူလအဖွဲ့ကနေခွဲထွက်လာခဲ့ပြီး ထင်ရာစိုင်းနေကြပါတယ်။ ဂလင်တန်တို့အုပ်စုဟာ သူတို့အနိုင်တိုက်ပြီးတဲ့ရန်သူတွေရဲ့ ဦးရေပြားတွေကိုခွာယူရောင်းချတဲ့အလုပ်ကိုလည်းလုပ်ကိုင်ကြပါသေးတယ်။ ဒီလိုနဲ့ ဂလင်တန်တို့ရိန်းဂျားအုပ်စုနဲ့ စင်သီယာတို့ရဲ့ နောက်ဆုံးကျန်ရစ်တဲ့ကွန်မန်ချီမျိုးနွယ်စုတို့ ထိပ်တိုက်ရင်ဆိုင်ရဖို့ကြုံလာ‌တဲ့အခါမှာတော့… File size…(2.6 GB)/(1.3 GB) Quality….Webrip 1080p / 720p Format… mp4 Duration…. 01:50:00 Genre… Western Subtitle….Myanmar Subtitle (Hardsub) Encoder….Garfield Translated by Steven Khant

တရုတ်နိုင်ငံသမိုင်းမှာ အလှဆုံးအမျိုးသမီး ၄ ဦးထဲက ရှီးစီးအကြောင်းကို ကိုးကားပြီး ရိုက်ကူးထားတဲ့ ရုပ်ရှင်ဖြစ်ပါတယ်။ ဘီစီ ၄၉၄ ခုနှစ်မှာ ဖူကျောင်းစစ်ပွဲမှာ ယွဲ့စစ်တပ်က ရှုံးနိမ့်ခဲ့ပြီး ယွဲ့တိုင်းပြည်က ပြည်ပျက်ခါနီးအချိန်ကို ရောက်လာပါတော့တယ်။ ယွဲ့အမျိုးသမီး ရှီးစီးနဲ့ အဖေဟာ မြို့တော်ကို ရှင်သန်နေထိုင်ဖို့ ရောက်လာခဲ့ပါတယ်။ ဒါပေမဲ့ ဝူတိုင်းပြည်စစ်သူကြီး လင်ဖုန်းက ရှီးစီးရဲ့ အလှကိုမြင်ပြီး အဓ္ဓမသိမ်းပိုက်ဖို့ လုပ်ခဲ့ပါတယ်။ ရှီးစီးအဖေက လိုက်လံတားဆီးတဲ့အတွက် ရက်စက်စွာ သတ်ဖြတ်ခံလိုက်ရပါတယ်။ တိုင်းပြည်ရန်ငြိုး မိသားစုရန်ငြိုးတွေပေါင်းဆုံသွားပြီး ရှီးစီးကလည်း အဖေ့အတွက် ကလဲ့စားချေဖို့ ကျိန်ဆိုခဲ့ပါတယ်။ ကလဲ့စားချေဖို့ ဝူတိုင်းပြည်မင်းကြီးကို ဆက်သမဲ့ အကမယ် ၈ ယောက်ထဲ ပါဝင်ခဲ့ပြီး သူမရဲ့အလှကြောင်း ဝူမင်းကြီးရဲ့ အချစ်ရဆုံး မိဖုရား ဖြစ်သွားခဲ့ပါတယ်။ သူလျှိုမိဖုရား ရှီးစီးအပေါ်ကို ဝူမင်းကြီးက မေတ္တာစစ်နဲ့ ချစ်သွားတဲ့အခါ…… ဝူတိုင်းပြည်နဲ့ ယွဲ့တိုင်းပြည်ကြား ရှီးစီးတစ်ယောက် ဘယ်လိုရွေးချယ်မလဲ…… သူမဟာ ယွဲ့တိုင်းပြည်က သူလျှိုဖြစ်ကြောင်းကိုရော သေချာဖုံးကွယ်နိုင်ပါ့မလား…… ဆိုတာကို ဆက်လက်ကြည့်ရှုလိုက်ရအောင်နော်

Rich Flu (2024) IMDb Rating (6.1) ရုပ်ရှင်ပွဲတော်မှာ ဆုတွေအများကြီးသိမ်းပိုက်ထား တဲ့ Rich Flu ဆိုတဲ့ ကားလေးဖြစ်ပါတယ်။ နာမည်အတိုင်းပဲ ပြောရရင် သူဌေးရောဂါပေါ့.. သူဌေးတွေကိုမှကူးစက်သေဆုံးစေနိုင်တဲ့ ရောဂါဗိုင်းရပ်စ်ပိုးတစ်ခုက ဘာစီလိုနာမြို့ရဲ့ သန်းချီသူဌေးတွေရှိရာ လေလံတင်ပွဲတစ်ခုမှာ စတင်ဖြစ်ပွားခဲ့တယ်.. ဘယ်ကစတင်လဲ ဘယ်လိုကြောင့်လဲဆိုတာမသိကြဘူး.. လော်ရယ်ပါးမားဆိုတဲ့ ဝန်ထမ်းဘဝကနေ လူချမ်းသာတစ်ယောက်ဖြစ်ဖို့ ကြိုးစားနေတဲ့ အိမ်ထောင်ကွဲ ဆင်ဂယ်မိခင်က ဒီရောဂါကြီးမစခင်မှာပဲ ရင်းနှီးမြှုပ်နှံမှုတွေကနေ ဒေါ်လာ သန်း ၉၀၀ ကြွယ်ဝချမ်းသာတဲ့ လူတစ်ယောက်ဖြစ်လာပြီး သမီးဖြစ်သူ အန်နာကို အုပ်ထိန်းခွင့်ရဖို့ ကြိုးစားနေသူပါ.. ဒါပေမဲ့ ဗိုင်းရပ်စ်ပိုးကြီးစတင်ချိန်မှာ ကိုယ်ကအရမ်းချမ်းသာလေ အမြန်ဆုံးသေဆုံးလေဆိုတာကို သိလိုက်ရပြီးတဲ့နောက်.. သူ့ရဲ့စည်းစိမ်တွေကို စွန့်လွှတ်စွန့်စားခန်းခရီးရှည်ကြီးထွက်ဖို့ဖြစ်လာပါတော့တယ်.. (အညွှန်းနဲ့ဘာသာပြန်ကတော့ Cyberboy ဖြစ်ပါတယ်။) File size… (7 GB) / (1.9 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Sci-Fi, Thriller Duration….01:57:26 Subtitle…. Myanmar Subtitle (Hardsub) Encoder…. Benjamin Translated by Cyberboy

A Glimpse Inside the Mind of Charles Swan III (2012) IMDb Rating (4.6) / Rotten Tomatoes (16%) ယခုရုပ်ရှင်ကို The Godfather trilogy နဲ့ Apocalypse Now ရုပ်ရှင်တို့နဲ့ အရမ်း နာမည်ကြီးအောင်မြင်ခဲ့တဲ့ ဒါရိုက်တာ Francis Ford Coppola ရဲ့သား Roman Coppola က ရိုက်ကူးထားတာဖြစ်ပါတယ်။ ရုပ်ရှင်အမျိုးအစားကတော့ Comedy/Drama ဖြစ်ပြီး နာမည်ကြီး ဟာသ သရုပ်ဆောင်တွေဖြစ်ကြတဲ့ Charlie Sheen နဲ့ Bill Murray တို့က အဓိက နေရာကနေ ပါဝင်ထားကြပါတယ်။ ဇာတ်လမ်း သဘောကတော့ graphic designer ဖြစ်တဲ့ Charles Swan III ဟာ စိတ်ကူး အရမ်းယဉ်တတ်ပါတယ်။ ဒီလိုမျိုးတွေကြောင့် ရည်းစားဖြစ်သူ Ivana နဲ့ ပြတ်သွားခဲ့ပါတယ်။ အဲ့အချိန်မှာပဲ Charles ဟာ Ivana ကို ချစ်တာလိုလို မုန်းတာလိုလို ဖြစ်သွားခဲ့ပြီး အိပ်မက်ဆိုးတွေပါ မက်လာခဲ့ပါတယ်။ ဒါတွေကြောင့် အလုပ်မှာလည်း အဆင်မပြေဖြစ်လာခဲ့ပြီး သူ့ဘဝတစ်ခုလုံးဟာလည်း အဓိပ္ပာယ်မဲ့လာခဲ့ပါတယ်။ ဒါတွေကို ကုစားဖို့အတွက် Charles တစ်ယောက် သူ့သူငယ်ချင်း၊ မိတ်ဆွေ၊ အပေါင်းအပါတွေနဲ့ ဘယ်လို လုပ်မလဲ ဆိုတာကိုတော့ ရုပ်ရှင်ထဲမှာပဲ ကြည့်ကြပါကုန်။ (အညွှန်းနဲ့ဘာသာပြန်ကတော့ Stephen San ဖြစ်ပါတယ်။) File size…(1.7 GB) / (790 MB) Quality….Blu-Ray 1080p / 720p Format…. mp4 Genre….Comedy Duration….01:25:51 Subtitle….Myanmar Subtitle (Hardsub) Encoder….Thit San Khant Translated by Stephen San

kaalamega karigindhi (2025)”အတိတ်ပုံပြင်” ==================================== မင်းသားကြီး ဗီဂျေးစည်သူပတိရဲ့ 96 လိုမျိုး ငယ်ဘဝကို သတိရစေမယ့် တေလေဂူးစကားပြော ကဗျာဆန်ဆန် လွမ်းမောဖွယ်ရာအချစ်ဇာတ်လမ်းလေးကို ပရိသတ်တွေအတွက် တင်ဆက်ပေးလိုက်ပါတယ်။ ဒီရုပ်ရှင်ကိုတော့ ဆုရ အင်ဒီးဒါရိုက်တာတစ်ယောက်ဖြစ်တဲ့ ဆင်ဂါရာမိုဟန်က ရိုက်ကူးပုံဖော်ထားတာပါ။ ဇာတ်လမ်းကတော့ လက်ရှိမှာ အောင်မြင်တဲ့ စွန့်ဦးတီထွင်လုပ်ငန်းရှင်တစ်ယောက်ဖြစ်နေပေမဲ့ ရင်ဘက်ထဲမှာ ဗလာကြီးဖြစ်နေတဲ့ ဖာနီတယောက် အတိတ်မှာဆုံးရှုံးခဲ့ရတဲ့ ဘင်ဒူဆိုတဲ့ အချစ်ဦးကောင်မလေးအကြောင်းကို ဖြည်းဖြည်းချင်း ပြန်ပြောပြရင်း ပရိသတ်တွေကို အဖြူအစိမ်းဘဝတွေဆီ ပြန်ဆွဲခေါ်သွားမှာဖြစ်ပါတယ်။ ဘင်ဒူဟာ ဖာနီ့ဘဝထဲက ဘယ်လိုထွက်သွားခဲ့တာလဲ၊ သူတို့ပြန်တွေ့ကြမှာလား၊ ဘာတွေဆက်ဖြစ်မှာလဲဆိုတာကို ဒီရုပ်ရှင်လေးထဲမှာ လွမ်းစရာကောင်းအောင် မြင်တွေ့ခံစားကြရမှာပါ…။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။)

Dying Young (1991) IMDB : 6.6 Genre : Romance / Drama 90’s Romance ရုပ်ရှင်လို့ပြောလိုက်ရင် Julia Roberts ကို ပြေးမြင်မိကြမှာသေချာပါတယ်။ Notting Hill နဲ့ Pretty Woman လိုမျိုး Romance ရုပ်ရှင်တွေနဲ့ လူသိများတဲ့ Julia Roberts ဟာ Dying Young ရုပ်ရှင်မှာလည်း အသက်က ၂၄ ပဲရှိသေးတာကြောင့် ငယ်မူသွေးကြွပြီး အလှကြီးလှနေတာကို မြင်ရမှာပါ။ ဒါပေမဲ့ ဒီကားက အလှအပဦးစားပေးတဲ့ကားမဟုတ်ပြန်ဘူး။ ဒီကားက ဝမ်းနည်းဖို့ကောင်းသလို၊ ကြည်နူးဖို့လည်းကောင်းတယ်။ စိတ်တိုစရာကောင်းသလို၊ ပျော်ဖို့လည်းကောင်းနေပြန်တယ်။ ပြန်တွေးကြည့်လိုက်ရင် ဒီလိုမျိုးခံစားချက်က တစ်ယောက်ယောက်ကို ချစ်မိမှဖြစ်တဲ့ခံစားချက်မျိုးပါ။ ဒီရုပ်ရှင်က ကြည့်တဲ့လူကို အဲလိုမျိုးခံစားချက်ပေးပါလိမ့်မယ်။ ဒီကားပြန်နေတုန်း ကောင်မလေးနဲ့ရန်ဖြစ်ထားတော့ “အရမ်းကောင်းတယ်၊ မျက်တောင်တုတောင်ကျွတ်တယ်” ဖြစ်သွားခဲ့ပါသေးတယ်ခင်ဗျာ။ ဇာတ်ညွှန်း ဟေလာရီအိုနီးလ်ဟာ လတ်တလောမှ ကောင်လေးရဲ့ဖောက်ပြန်ခြင်းကိုခံခဲ့ရတဲ့လူဖြစ်ပါတယ်။ အိမ်မှာကပ်နေတော့ အမေကလည်း မျက်နှာသာသိပ်မပေးပါဘူး။ ဒီလိုနဲ့ လမ်းမှာတွေ့တဲ့ လက်ကမ်းကြေညာတစ်ခုမှာ အလုပ်လျှောက်ဖို့ ဂက်ဒက်စ်မိသားစုအိမ်ကိုသွားခဲ့ပါတယ်။ ဒါပေမဲ့ သူတို့ရှာနေတာက နာ့စ်၊ ဟေလာရီက နာ့စ်မဟုတ်ဘူး။ ဒီလိုနဲ့ ဟေလာရီကို အလုပ်မခန့်ဘူးပြောပေမဲ့ သူ့ကိုပြန်လာခေါ်ကာ အောက်ထပ်မှာတွေ့ချင်တဲ့လူတစ်ယောက်ရှိပါသတဲ့။ ထိုသူကတော့ ဗစ်တာ ဖြစ်ပြီး သွေးကင်ဆာဖြစ်တာ ၁၀ နှစ်ရှိပါပြီ။ နာ့စ်ကလည်း သူ့အတွက်ငှားတာဖြစ်တာမလို့ သူကိုယ်တိုင်ပဲ ဟေလာရီကိုပဲရွေးခဲ့ပါတယ်။ ဘာလို့ရွေးလဲသိကြမှာပါ နာ့စ်လည်းမဟုတ်ပါပဲနဲ့။ ဘာလို့လဲဆိုတော့ ဟေလာရီကလှတယ် နောက်တစ်ခုက အလုပ်လာလျှောက်တဲ့ထဲ အတိုဆုံးစကပ်ကိုဝတ်ထားတာကြောင့်ပါ။ နာ့စ်ကိစ္စတွေသိစရာမလိုဘူး၊ ဗစ်တာကိုပြုစုရုံပဲဆိုတော့ တစ်ပတ်ဒေါ်လာ ၄၀၀၊ ပိုက်ဆံအလွယ်ရတယ်ဆိုပြီး လက်ခံခဲ့ပေမဲ့ ကီမိုကုထုံးနဲ့ ကုသနေတဲ့ ဗစ်တာဟာ တစ်ခါလုပ်ပြီးတိုင်း Reaction တွေက ကြောက်ဖို့ကောင်းလောက်အောင်ဖြစ်လာခဲ့ပါတယ်။ ဒီလိုနဲ့ ဟေလာရီဟာ ဗစ်တာကို သနားသွားခဲ့ပြီး ဇာတ်လမ်းလေး ဘယ်လိုဆက်ဖြစ်မယ် ကြည့်လိုက်ကြပါခင်ဗျာ။ File size… 2 GB / 1 GB Quality… BluRay 1080p / 720p Format… mp4 Duration…. 1h 51m Genre ….. Romance/Drama Subtitle…. Myanmar Subtitle (Hard Sub) Encoder…. Thit San Khant Translated… by Lucifer Maximoff