~ IMDb - 7.7/10, Rotten Tomatoes - 66% ~ ကူရိုဆာဝါဟာ ရုပ်ရှင်ရဲ့မဏ္ဍိုင်တစ်ခုလို့ဆိုကြတာနဲ့အညီ လက်ရှိနာမည်ကျော် အမေရိကန် ဒါရိုက်တာတွေအပေါ် အတော်လွှမ်းမိုးမှုကြီးတဲ့ဒါရိုက်တာပါ။ စပီးဘာ့ဂ်တို့ လူးကတ်စ်တို့ မာတင်စကောဆေးစိတို့လို လူတွေတောင် ကူရိုဆာဝါရဲ့ အရိပ်အငွေ့နဲ့မကင်းပါဘူး။ Dreams ကိုတော့ စပီးဘာ့ဂ်က ပရိုဂျူဆာလုပ်၊ သူရဲ့ကုမ္ပဏီ Amblin က ဖြန့်ပေးထားပြီး ရုပ်ရှင်ရဲ့ VFX Effects တွေကိုတော့ လူးကတ်စ်ရဲ့ ILM က လုပ်ပေးထားသလို မာတင်စကောဆေးစိကလည်း ဗင်းဆင့်ဗန်ဂိုးအဖြစ် သရုပ်ဆောင်ပေးထားပါတယ်။ Dreams ဟာ ထူးထူးခြားခြားပဲ ကူရိုဆာဝါကိုယ်တိုင် သူထပ်ခါထပ်ခါမက်နေတဲ့ အိပ်မက်တွေကနေ ပြန်ရိုက်ထားတဲ့ ရုပ်ရှင်ပါ။ သူ့ရုပ်ရှင်ရိုက်သက်ရှည်ကြီးရဲ့ ရှားရှားပါးပါး သူတစ်ယောက်တည်းဇာတ်လမ်းဇာတ်ညွှန်းရေးထားတဲ့ ရုပ်ရှင်ဆိုလည်းမမှားပါဘူး။ တစ်နည်းပြောရင် Dreams ဟာ သူ့အိပ်မက်တွေကို ရိုက်ထားတဲ့ရုပ်ရှင်လည်းဟုတ်သလို သူမပြောဖြစ်ခဲ့တဲ့စကားတွေ သူပြောပြချင်တာတွေကို ရိုက်ပြထားတဲ့ရုပ်ရှင်လည်း ဟုတ်ပါတယ်။ ( ၁ ) မိုးစက်စီးကြောင်းကြား စီးဆင်းနေသောနေရောင်များ မိုးစက်တွေကြား နေရောင်စီးဆင်းနေတဲ့တစ်နေ့မှာ အမေက ငါ့ကို လျှောက်မသွားဖို့ ပြောတယ်။ အခုနေ ပြန်တွေးကြည့်ရင် ဘယ်လိုနေ့မျိုးတွေဖြစ်မလဲတော့ ငါလည်းမသိပါဘူး။ ဒီဘဝထဲ ဒီလိုနေ့တွေ ငါဘယ်နှခါကြုံခဲ့ရဖူးလဲ ငါမရေရာ။ တစ်ဘဝလုံးလည်း ဖြစ်ကောင်းဖြစ်မှာ။ သေချာတာတစ်ခုက ငါ အခုထက်ထိ အမေ့စကားကို နားမထောင်ဖြစ်ခဲ့ဘူး။ အမှားတွေ အမှားတွေနဲ့ငါ အဲဒီသက်တန့်ကြီးဆီ ရောက်လာခဲ့တယ်။ အဲဒီသက်တန့်ကြီးရဲ့အဆုံးမှာ ဘာတွေရှိနေမလဲ။ ဘယ်ဆီကိုရောက်မလဲ ငါမသိနိုင်ခဲ့၊ ဘယ်ဆီကိုရောက်မလဲ ငါမသိသေးဆဲ။ ငါတို့အတူကူးခတ်ခဲ့ကြတဲ့မြစ်ကြီးထဲလည်း အမှားတွေဟာစီးဆင်းဆဲ... (၂) မက်မွန်ခြံ သစ်ခုတ်သမားတွေဟာ သူတို့ရဲ့ကိန်းဂဏန်းတွေသက်သက်နဲ့ မက်မွန်ပင်ကြီးကို လှဲသတ်ပစ်ကြတယ်။ ငါတို့ရဲ့မသိတတ်သေးတဲ့စိတ်မှာ မျက်ရည်တွေနဲ့။ မအောင်မြင်ခဲ့တဲ့အသီးတွေကြောင့်လား၊ အောင်မြင်ခဲ့တဲ့အပွင့်တွေကြောင့်လား။ မရှိတော့တဲ့ မက်မွန်ပွင့်တွေဟာ ငါတို့ရဲ့သညာမှာ လင်းနေဆဲ။ ဒီလိုနဲ့ နှစ်ပေါင်းများစွာကြာခဲ့တယ်။ မက်မွန်ပင်အသစ်ကလေးဟာ နေရာဟောင်းမှာ ပြန်ပွင့်လာခဲ့တယ်။ ပြန်လှပခဲ့တယ်။ သစ်ခုတ်သမားရဲ့ ပုဆိန်တွေကိုတော့ ငါတို့မတွေ့ရတော့ဘူး။ ( ၃ ) နှင်းမုန်တိုင်း နှင်းလွှာတွေ သည်းကြီးမည်းကြီးပေါ့။ တစ်ခါတလေကျ လူဟာပန်းတိုင်ကို သိပေမဲ့ လမ်းကိုမမြင်ရဘူး။ ငါတို့ဆက်လျှောက်ခဲ့ကြတယ်။ တာထွက်ဟာနောက်ကျခဲ့တယ်။ အအိပ်လည်း မက်ခဲ့ကြတယ်။ ငါတို့ဆက်လျှောက်ခဲ့ကြတယ်။ နာရီလက်တံတွေ ရွေ့နေဆဲပဲ။ နှင်းပွင့်တစ္ဆေ၊ မခံနိုင်အောင်ပေါ့ပါးသော ဘဝနေ့ညများ၊ ကမ်းမမြင်လမ်းမမြင်သူတစ်ယောက်ရဲ့ ပြန်မရောက်တော့တဲ့ ဟိုးတုန်းက ညနေခင်းများ။ ချစ်စိတ်ရဲ့ကျောချင်းကပ်မှာ အခါနှောင်းနှင့်တဲ့ခရီးဟာ ရောက်နှင့်ပြီးသားဆိုတာ ငါတို့မမြင်နိုင်ခဲ့ကြဘူး။ ( ၄ ) လှိုဏ်ခေါင်း ဂျပန်တွေဟာ စိတ်တော့တော်တော်ကြီးတယ် ပြောရမလား ဘယ်လိုစကားလုံးနဲ့ သုံးရမလဲတော့မသိဘူး။ နှောင်းအတော်ကြာအောင်ထိ ဂျပန်တွေဟာ ဒုတိယကမ္ဘာစစ်ရဲ့ စိတ်ပိုင်းဆိုင်ရာရိုက်ခတ်မှုတွေကို ခံစားနေရတုန်းဆိုတာကို ဂျပန်အနုပညာပစ္စည်းတွေမှာ သိသိသာသာကို ထည့်သွင်းဖော်ပြတတ်တယ်။ ဒီဇာတ်လမ်းတွေဟာ ဆိုခဲ့သလို ကူရိုဆာဝါဟာ သူ့အိပ်မက်တွေကို ကျောရိုးပြုပြီး အသက်သွင်းထားတာပါ။ ဒီအိပ်မက်ကတော့ ဒုတိယကမ္ဘာစစ်အစမှာ အသက်၂၉ရှိနေခဲ့ပြီဖြစ်တဲ့ ကူရိုဆာဝါရဲ့ လိပ်ပြာမလုံခြင်းတွေအကြောင်း မြင်မက်ခြင်း ဖြစ်ကောင်းဖြစ်ပါလိမ့်မယ်။ ရှင်ကျန်ရခြင်းဟာလည်း တစ်ခါတလေ ရှင်လျက်နဲ့ သေခြင်းတစ်မျိုးပဲပေါ့။ ( ၅ ) ကျီးကန်းများ အချစ်တွေကို တို့အတွက်လို့ပဲ သိမ်းဆည်းထားလိုက်ဖို့ကျ သိပ်လေးလံလွန်းခဲ့တယ်။ ရှိသမျှအင်အားနဲ့ရွေ့ရတဲ့ စက်ခေါင်းလို တို့ရွေ့ခဲ့တာပေါ့။ စတာရီနိုက် ဂျုံခင်းထဲက ကျီးကန်းများ ကိုယ်တိုင်ရေးပုံတူ အာလူးစားသူများ တားရေ့ကဖေးည ဆိုက်ပရပ်စ်သစ်ပင် ဗန်ဂိုးရဲ့ကုလားထိုင် ဂေါ်ဂင့်ကုလားထိုင် နေကြာပန်းများ အဝါရောင်အိမ်ကလေးထဲ အဆုံးမဲ့ အချစ်တို့ စီးဆင်းဆဲ... ကူရိုဆာဝါဟာ ဂျပန်ရဲ့အထင်ကရ ဒါရိုက်တာ၊ ရုပ်ရှင်ရဲ့ မဏ္ဍိုင်ကြီးတစ်ခုအဖြစ် ကမ္ဘာကျော်ပေမဲ့ ငယ်ငယ်ကတော့ ကူရိုဆာဝါဟာ ပန်းချီဆရာဖြစ်ချင်ခဲ့ဖူးတယ်။ ကူရိုဆာဝါဟာ ဒါရိုက်တာဖြစ်လာပေမဲ့လည်း သူ့အိပ်မက်တွေကို လုံးဝကျောခိုင်းပစ်ခဲ့တာတော့မဟုတ်ဘူး။ သူ့စတိုရီဘုတ်တွေကို ကြည့်ရင် သူ့ရဲ့ပန်းချီစွမ်းရည်ကို မြင်နိုင်သေးသလို သူရိုက်ခဲ့တဲ့ကာလာဖလင်တွေမှာလည်း ပန်းချီကားတော်တော်ဆန်တဲ့ အရောင်အသွေး စီနီမာတိုဂရပ်ဖီတွေကို သုံးထားခဲ့တယ်။ ရုပ်ရှင်အဖြစ်အသက်မသွင်းနိုင်ခင်မှာ သူပြောချင်ပြချင်တာတွေကို ပန်းချီအဖြစ် ဒီအရင်အသက်သွင်းတာတွေလည်းရှိခဲ့တယ်။ နောက်ဆုံး သူဆွဲထားတဲ့ သူ့ရုပ်ရှင်ရဲ့ ပုံကြမ်းတွေက ပိုစတာဖြစ်လာတာတွေလည်း ရှိတတ်တယ်။ ဒီအိပ်မက်ကတော့ ကူရိုဆာဝါရဲ့ ပန်းချီချစ်စိတ်အကြောင်း၊ ဗန်ဂိုးသို့တမ်းတခြင်းနဲ့ ပန်းချီအပေါ် သူ့အမြင်တွေအကြောင်းပေါ့။ မလွယ်တာကိုမှ ရွေးချစ်မိတယ် အသက်ရယ် - သုခမိန်လှိုင် (မိုးတိမ် - ၅) ( ၆ ) ( ၇ ) ( ၈ ) အနီရဲရဲဖူဂျီ၊ နတ်ဆိုးငိုချင်းနဲ့ ရေရဟတ်ရွာကလေး ဒီ၃ပုဒ်က ကူရိုဆာဝါရဲ့ နောက်ဆုံးအိပ်မက်၃ပုဒ်ပါပဲ။ ဒီ၃ပုဒ်ရဲ့ အကြောင်းအရာဟာ ချွတ်စွပ်မဟုတ်ပေမဲ့ သူပြောချင်တာတော့ တူနေတယ်လို့ ပြောရမယ်။ သူမြင်ခဲ့တဲ့ကမ္ဘာကြီး သူမြင်ခဲ့တဲ့လူတွေ သူမြင်ခဲ့တဲ့အမှားတွေကနေ သူယုံကြည်တဲ့ကမ္ဘာကြီးဆီ ဦးတည်သွားတယ်။ Short Films စုဆိုတော့ ဒီ၈ပုဒ်လုံးကို ခွဲကြည့်လို့ရကောင်းရပေမဲ့ Dreams ဟာ ဆိုခဲ့သလို ကူရိုဆာဝါရဲ့ အိပ်မက်တွေကို ရိုက်ထားတဲ့ ရုပ်ရှင်ပါပဲ။ ဒီရုပ်ရှင်က အဓိကဇာတ်ကောင်တွေကလည်း ကူရိုဆာဝါရဲ့ ကိုယ်ပွားတွေပါပဲ။ ဒါကိုလည်း ကူရိုဆာဝါက သူ့အမှတ်သညာဖြစ်တဲ့ ဦးထုပ်ဝိုင်းဝိုင်းကြီးနဲ့အတူ သိသိသာသာကို တွဲဖက်တင်ပြထားတယ်။ Dreams ဟာ ကူရိုဆာဝါရိုက်ခဲ့တဲ့ ကားပေါင်းများစွာထဲမှာမှ သူ့ Personal အဖြစ်ဆုံး ရုပ်ရှင်လို့ တစ်ထစ်ချဆိုလို့ရပါတယ်။ စိတ်ပညာရှင် ဆစ်ဂမန်ဖရွိုက်စကားအရတော့ အိပ်မက်ဆိုတာ လူတွေရဲ့ ချုပ်တည်းထားရတဲ့ ဆန္ဒတွေကို မြင်မက်ခြင်းပဲတဲ့။ လူ့စိတ်နဲ့ အိပ်မက် ဆက်စပ်နေတယ်လို့ ယုံကြည်လို့ ဖရွိုက်ကိုယ်တိုင်တောင် အိပ်မက်တွေကို လေ့လာခဲ့ဖူးတယ်။ ကူရိုဆာဝါရဲ့ အိပ်မက်တွေကို သူ့အတွေးအမြင်တွေနဲ့ တန်ဆာဆန်ပြီး ဖြစ်လာတဲ့ ဒီရုပ်ရှင်ရဲ့ အရှေ့ငါးပုဒ်မှာ ကျွန်တော်တို့ ကူရိုဆာဝါရဲ့အတိတ်က အမှားတွေ၊ ချစ်စိတ်‌တွေ၊ လျှောက်လာခဲ့ခြင်းတွေ၊ ဆန္ဒတွေကို စီးကူးမြင်နေရတယ်။ ဒီနောက်ဆုံးသုံးပုဒ်က ပထမနှစ်ပုဒ်မှာတော့ ကူရိုဆာဝါဟာ ပစ္စုပ္ပန် သူမြင်ခဲ့တဲ့ကမ္ဘာကြီးပေါ်က ငို့ဘတွေ လောဘတွေ ရေလိုက်ငါးလိုက်လွဲမှုတွေ စေတနာအမှားတွေကနေ မျှော်ရင်းမြင်တဲ့ ဂျပန်ရဲ့ခေတ်သစ်နဲ့ပတ်သက်တဲ့ သူ့အကြောက်တရားကို စီးကူးမြင်နေရသလို နောက်ဆုံးအပုဒ်ဖြစ်တဲ့ ရေရဟတ်ရွာကလေးမှာတော့ ကူရိုဆာဝါဟာ သူယုံကြည်မျှော်လင့်တဲ့ ကမ္ဘာကြီးရဲ့အနာဂတ်ကို ကျွန်တော်တို့ကို ခေါ်ဆောင်သွားတယ်။ ၁၉၉၀ကနေ အခုဆို နှစ်၃၀ကျော်ကြာခဲ့ပြီ။ ကမ္ဘာကြီးမှာ ကူရိုဆာဝါရဲ့ အနီရဲရဲဖူဂျီနဲ့ နတ်ဆိုးငိုချင်းထဲကလိုအဖြစ်မျိုး‌တွေ သွယ်ဝိုက်သောနည်းတွေနဲ့ ဖြစ်လာခဲ့ပြီးပါပြီ။ ဘဝတွေဟာ သူရဲ့နောက်ဆုံးအိပ်မက်ဖြစ်တဲ့ ရေရဟတ်ရွာကလေးထဲကလို မငြိမ်းချမ်းနိုင်တော့တာလည်း သေချာနေခဲ့ပြီ။ ဘာပဲဖြစ်ဖြစ်ပါ ကူရိုဆာဝါရဲ့ နောက်ဆုံးအိပ်မက်ရဲ့ နောက်ဆုံးအပိတ်မှာ အသက်၁၀၃နှစ်အထိ ဖြတ်သန်းပြီးတဲ့ အဘိုးအိုပြောသွားခဲ့သလိုပေါ့... " ရှင်သန်နေရတာကိုက အရသာရှိပါတယ် " P.S - ဆရာသုခမိန်လှိုင်ဆီရောက်တော့ ဆရာ့ဆီက ဆရာဖြတ်သန်းခဲ့တဲ့ခေတ်တွေ လူတွေ အရာတွေအကြောင်း၊ ကဗျာတွေ သီချင်းတွေ ရုပ်ရှင်တွေ ပန်းချီတွေအကြောင်း အများကြီးနားထောင်ခဲ့ရတယ်။ ဆရာ့မှတ်ဉာဏ်က အဖြစ်တွေကို ခုနှစ်အတိအကျနဲ့ လုံးစေ့ပတ်စေ့ပြောပြနိုင်သလို လေးနာရီလောက်ဆက်တိုက် စပ်စုသမျှပြောပြနေရပေမဲ့ ဆရာ့ပါးစပ်ကထွက်သမျှ စကားလုံးတွေက ကဗျာဆန်ပြီး လှပလွန်းတယ်။ Y ပြောတဲ့စကားပြန်ယူသုံးရရင် ဆရာသုခမိန်လှိုင်ဟာ အနုပညာအားကြီးပြီး ဦးနှောက်ကပါ နှလုံးသားဖြစ်သွားတဲ့လူမျိုးပေါ့။ ဒီရုပ်ရှင်ဟာ ဆရာနဲ့အန်တီယံယံတို့ပြောခဲ့တဲ့ သူတို့ချစ်တဲ့ရုပ်ရှင်များစွာထဲက တစ်ကားပါပဲ။ ကျွန်တော်တို့အတူ ပြန်တမ်းတထားတဲ့ ဒီရုပ်ရှင်ဟာ Dedicated to U Hlaing & Aunty Yan Yan... (ဒီဇာတ်ကားနဲ့အညွှန်းကို WiRa Aung နဲ့ Phoo Lin တို့က ပြန်ဆို ရေးသားထားပါတယ်) Size - 2.45GB, 1.2GB Quality - 1080p, 720p IMDb Rating - 7.7/10 Format - mp4 Duration - 1H 59Min Genre - Drama, Fantasy Subtitle - Myanmar Subtitle (Hardsub) Translated by WiRa Aung & Phoo Lin Encoded by Y

ရော်ဘင်ဟုဒ်ကားတွေအများကြီးထဲကမှ ဗားရှင်းတမျိုးကားကောင်း အဟောင်းလေးတခုနဲ့မိတ်ဆက်ပေးပါမယ်။ Kevin Costner Alan Rickman တို့လို ဝါရင့်သရုပ်ဆောင်ကြီး တွေမှလည်းပါ၀င်ထားပါတယ် ရော်ဘင် လော့စလေ ဟာ ခရူးဆိပ်စစ်ပွဲမှာ အဖမ်းခံရပြီး ငါးနှစ်အကြာမှာအိမ်ပြန်လာနိုင်ခဲ့သူပါ။ ဒါပေမဲ့သူပြန်‌ရောက်လာခဲ့ချိန်မှာသူ့အိမ်ဖြစ်တဲ့လော့စလေ နယ်မြေ ကတော့ နော့တင်ဟမ်မြို့စားကြီးရဲ့အကောက်ကြံမှုအောက်မှာအလူး အလိမ့်ခံစားနေရပါတယ်။ ဖခင်ဖြစ်သူကလည်းအသတ်ခံရသလိုမိမိ အိမ်ကိုလည်းဆုံးရှုံးခဲ့ရတဲ့ရော်ဘင်တယောက် မြို့စားကြီးလက်ကနေ လွတ်အောင်ပြေးရင်း ရှားဝုဒ်တောထဲကဂျွန် လစ်တဲယ်ရဲ့လူတစုနဲ့ တွေ့သွားခဲ့တဲ့အခါမှာတော့ ရော်ဘင်လော့စလေတဖြစ်လဲ ရော်ဘင်ဟုဒ်ဟာ မြို့စားကြီးရဲ့အကြံစည်‌တွေကိုစတင်‌ နှောင့်ယှက် ပါတော့တယ်။ ရော်ဘင်တယောက်မြို့စားကြီးကိုအနိုင်ယူနိုင်ပါ့မလား။ သူ့ရဲ့သူငယ်ချင်းပီတာက မသေခင်တောင်းဆိုခဲ့တဲ့မေရီယန်ဆိုတဲ့ ပီတာ့ညီမလေးကိုရော ကာကွယ်ပေးနိုင်ပါ့မလား။ မြို့စားကြီးကရော ဘာတွေကြံစည်နေတာလဲ အဆုံးမှာဘာတွေဆက်ဖြစ်ကြမလဲဆိုတာကို Robin Hood Prince of Thieves ဆိုတဲ့ဇာတ်ကားလေးမှာရှုစားပေးကြပါဦး... File size…3.13GB / 1.22GB / 658MB Quality…Blu-Ray 1080p 5.1CH / 720p Format…mp4 Duration….2h 23m Genre ..... Action , Drama , Adventure Subtitle….Myanmar Subtitle (Hard Sub) Encoder….Min Wai Translated by Brackman

ဂျိန်းစဘွန်းမင်းသားကြီ: Pierce Brosnan နဲ့  အချောအလှလေး Bingbing Fan Kaya Scodelario တို့ပါဝင်ထားတာနဲ့ ဒီကားက ကြည့်ဖို့တန်နေပါပြီ... 1997 ခုနှစ်က ထွက်ရှိခဲ့တဲ့ The Moon and The Sun ဝတ္ထုကို မှီငြမ်းပြီး ရိုက်ကူးထားတဲ့ Adventure/Fantasy ဇာတ်ကားဖြစ်ပါတယ် Mermaid ခေါ် ရေသူမ ဆိုတဲ့ဒဏ္ဍာရီလာ ရေနေသတ္တဝါတွေအကြောင်း ပုံပြင် ဇာတ်လမ်းတွေ အများကြီးကြည့်ရှူဖူးကြမယ်လို့ထင်ပါတယ်.. ဒီကားလေးကလည်း အဲဒီလိုကားတွေထဲက တစ်ခုဖြစ်တာမို့ စိတ်ဝင်စားရင် တကယ် လက်မလွှတ်သင့်ပါဘူး ဝတ္တုကိုက ဆုရထားတာမို့လို့ပါ... အချိန်ကာလအားဖြင့် ၁၈ ရာစုဖြစ်ပြီး ပြင်သစ်နိုင်ငံမှာ လူးဝစ် ၁၄ ဆိုတဲ့ ရှင်ဘုရင်တစ်ပါးစိုးစံလျက်ရှိပါတယ် ပြင်သစ်ဟာ မကြာသေးခင်ကမှ စစ်နိုင်ထားကာ ပြန်လည်ထူထောင်စ ဖရိုဖရဲ အခြေအနေပါ ရန်သူတွေကလည်း ပတ်လည်ဝိုင်းနေတာပေါ့... တစ်နေ့မှာတော့ တော်ဝင်သမားတော်က ထာဝရရှင်သန်နိုင်စေမယ့်နည်းလမ်းကို ရှာတွေ့ထားတယ်လို့ လျှောက်တင်လာပါတယ် အဲဒါကတော့ နေကြတ်ချိန်မှာ ဒဏ္ဍာရီလာ ရေသူမရဲ့ နှလုံးကို ရှင်ဘုရင်ထံ လွှဲပြောင်းဖို့ပါပဲ မသေချင်တဲ့ ရှင်ဘုရင်ဟာလည်း သတ္တိရှိတဲ့ မာလိန်မှူးတစ်ယောက်ကို ရေသူမအရှာထွက်ခိုင်းလိုက်ပါတော့တယ် မရှေးမနှောင်းမှာပဲ နန်းတွင်းထဲကို မိန်းမပျိုလေးတစ်ဦးရောက်လာပါတယ် သူကတော့ ပင်လယ်ကမ်းစပ်က မယ်သီလရှင်ကျောင်းတစ်ကောင်းမှာ မိဘမဲ့ကလေးလို ကြီးပြင်းခဲ့ရတဲ့ ဘုရင့်သမီးတော်လေး မယ်ရီဂျိုးဇက်ပါပဲ နန်းတွင်းထဲ ရောက်လာပြီးနောက် ရှင်ဘုရင်က ဖခင်ဖြစ်သူမှန်းမသိတဲ့ မယ်ရီဂျိုးဇက်ရယ် မာလိန်မှူးအိဗ် ရှာတွေ့လာမယ့်ရေသူမရယ်နဲ့ ဘာတွေဆက်ဖြစ်ကြလဲဆိုတာကတော့ ကိုယ်တိုင်ပဲ… File Size : (1.35GB )(881 MB) and (380 MB) Quality : WEB-DL 1080P5.1Ch,720p Format…mp4 Duration…01:30:00 Genre : Adventure, Action, Family Subtitle : Myanmar Subtitle (Hard Sub) Translated by May Myat Thu Encoded by Phyo Pyae

ဒီတခါတော့ CMပရိတ်သတ်ကြီးအတွက် ဘောလိဝုဒ်ဇာတ်ကားကောင်းလေးတပုဒ် တင်ဆက်ပေးလိုက်ပါပြီ. ဇာတ်လမ်းလေးကိုတော့ ပိုင်းလော့ဖြစ်ချင်တဲ့ မိန်းကလေးတစ်ယောက်ရဲ့ ကြိုးပမ်းမှုကို ရိုက်ပြပြီး တင်ဆက်ထားတာပါ. ငယ်ငယ်တည်းက အဖေရဲ့အလိုလိုက်ချစ်မြတ်နိုးခြင်းကို ခံရတဲ့ ဂွန်ဂျူးဟာ မိန်းကလေးဖြစ်ပေမယ့် ပိုင်းလော့တစ်ယောက်ဖြစ်ချင်ခဲ့ပါတယ်. စာဆိုလဲ အရမ်းတော်ပေမယ့် သူ့ရဲ့တခုတည်းသော ရည်ရွယ်ချက်က ပိုင်းလော့တစ်ယောက်ဖြစ်ဖို့ပါပဲ. ဒါပေမယ့်လည်း အန္ဒိယလိုနေရာမျိုးမှာ အမျိုးသမီးပိုင်းလော့က ရှားတာကြောင့် လူအတော်များများက ဝိုင်းတားခဲ့ကြပါတယ်. ဂွန်ဂျူးကတော့ လက်မလျှော့ခဲ့ပါဘူး. သူတို့နိုင်ငံရဲ့ ပိုင်းလော့တစ်ယောက်ဖြစ်ဖို့ အခြေခံလိုအပ်ချက် ၁၀တန်းဆိုပေမယ့် ဂွန်ဂျူးသွားလျှောက်ချိန်မှာ ၁၁တန်းထိအောင်ဖို့ လိုနေခဲ့ပါတယ်. ဒါကြောင့် ဂွန်ဂျူးကလဲ ၁၁တန်းကို ဆက်တက်ပြီး အောင်မြင်ခဲ့ပါတယ်. ထပ်သွားလျှောက်ချိန်မှာလဲ တခြား ပညာရေးအဆင့်တွေ လိုအပ်နေသေးတာကြောင့် ဂွန်ဂျူးက နှစ်အတော်ကြာကြိုစားခဲ့ပါတယ်. နောက်ဆုံး ပညာရေးအဆင့်တွေ မှီသွားတဲ့အချိန်မှာတော့ ပိုင်းလော့သင်တန်းစရိတ်ကြောင့် သူဟာ နှစ်များစွာကြိုးစားခဲ့သမျှကို လက်လျှော့ရမလို ဖြစ်နေခဲ့ပါတယ်. ဂွန်ဂျူးသူ့ရည်ရွယ်ချက်ကို ဘယ်လိုဘယ်ပုံကြိုးစားအားထုတ်ခဲ့တယ် ဘယ်အထိ ဖိနိုပ်ခံခဲ့ရတယ် ဂွန်ဂျူးရဲ့အာဂသတ္တိကို လေးစားဖွယ်တင်ဆက်ပြသထားတဲ့ အန္ဒိယဇာတ်ကားလေးမို့ ကြည့်ဖြစ်အောင်ကြည့်ဖို့ ညွှန်းလိုက်ပါရစေဗျာ. File Size - 1.2 gb Quality - web-dl 1080p Subtitle - burmese Translator - YK Encoder - Thit San Khant

My Amanda(2021) အညွှန်း ********************** ကမ္ဘာကြီးက အကျယ်ကြီးကို ဘာလို့များ ကျွန်တော်နဲ့ အမန်ဒါကို လာဆုံပေးရတယ်မသိဘူး.. သူမက ကျွန်တော့်အတွက်ကြယ်လေးလိုပဲ.. ထာဝရရှိနေပေမဲ့ တစ်ခါတစ်ရံမှပဲ မြင်တွေ့ရတယ်.. ဒီကားကတော့ ငယ်ချစ်သူငယ်ချင်း (၂)ယောက်အကြောင်းရိုက်ထားတာပါ.. အတွင်းသိ အစင်းသိ ငယ်သူချင်းတွေဆိုတော့ သူတို့က ချစ်ကြပေမဲ့ လက်တွဲဖို့တော့ အကြောင်းအမျိုးမျိုးကြောင့် လွဲချော်နေကြဆဲ.. ဒီလိုနဲ့ အရွယ်တွေရောက် အလုပ်တွေကိုယ်စီနဲ့ဖြစ်လို့ ကွဲကွာသွားကြပြီး မမျှော်လင့်ဘဲ ပြန်ဆုံတွေ့လာကြတဲ့အခါ… File Size : (1.3GB) and (575 MB) Quality : WEB-DL1080P, 720p Format…mp4 Duration…01:29:00 Genre : Drama , Romance Subtitle : Myanmar Subtitle (Hard Sub) Translated by Zuel Encoded by Phyo Pyae

Streamer (2023) အခုနောက်ပိုင်း live streaming တွေလုပ်တဲ့လူငယ်တွေများလာသလိုပဲ ထူးခြားတဲ့ဟာတွေလုပ်ကြသလို လူကြိုက်များအောင်၊ လူကြည့်များအောင်လည်း လုပ်လာကြပါတယ် သရဲဆိုရင် မယုံကြတဲ့ ကိုယ်ပိုင်ချန်နယ်တွေရှိကြတဲ့ streamer လူငယ်တွေစုပြီး အဆောက်အဦးတစ်ခုဆီကို ghost hunting ပုံစံမျိုး တင်ဆက်ဖို့ သွားခဲ့ကြပါတယ် ဒါပေမဲ့ သူတို့မသိလိုက်တာက သူတို့သွားတဲ့အဆောက်အဦးက သာမန်မဟုတ်ဘဲ တကယ်ကိုကြမ်းတမ်းတဲ့ အတိတ်ရှိခဲ့တာကို အထဲရောက်မှသိရပါတော့တယ် သိသွားတဲ့အချိန်မှာ ဘာမှလုပ်မရတော့တဲ့အခြေအနေနဲ့ ရင်ဆိုင်လိုက်ရပြီး အသက်လုနေရပါတော့တယ် နောက်ဆုံးမှာ အဲအဆောက်အဦးက နာကြည်းချက်တွေပြည့်နေတဲ့ သရဲတွေလက်ထဲက လွတ်သွားနိုင်မလား သူတို့တွေ ဘယ်လိုတွေဖြေရှင်းကြမလဲဆိုတာ ကြည့်လိုက်ကြပါဦးနော် အညွှန်း နဲ့ ဘာသာပြန်ကတော့ Joyz ပဲ ဖြစ်ပါတယ်။ Genre….. Horror, Mystery Quality…. 1080p | 720p | 480p File size… 1.14GB | 571MB | 263MB Format… mp4 Duration…. 1h 29min Subtitle…. Myanmar Subtitle (Hardsub) Translator ….. Joyz Encoder ….. Aaron

NH 10 (2015) IMDb – 7.2 /10 ဒီတစ် ခေါက်မှာ တော့PKကားထဲက နာမည်ကြီးမင်းသမီးအနွတ်ရှ်ကားပါဝင်တဲ့ 2015ထွက် Thriller/Drama ကားကိုတင်ဆက်ပေးလိုက်ပါတယ် ဇာတ်လမ်းအညွှန်း ခရီးထွက်လာတဲ့အဝေးပြေးလမ်းမပေါ်က အာဂျွန်နဲ့မီရာဆိုတဲ့လင်မယားဟာ မထင်မှတ်ထားပဲ လူသတ်မှုတစ်ခုကိုမျက်မြင် တွေ့လိုက်ရပြီး နောက်မှာ သူတိုနှစ်ဦးကိုပါ လူသတ်သမားအုပ်စုက ကိစ္စရှင်းဖိုကြံစည်ကာလိုက်သတ်ပါတော့တယ် လူသူနည်းပါးတဲ့အဝေးပြေးလမ်းမကြီးရဲ့ လမ်းကြောင်းပေါ်မှာ သူတိုရအောင်ထွက်ပြေးနိုင်ပါ့မလား လူသတ်မှုရဲ့ နောက်ကွယ်မှာရော ဘာဇာတ်လမ်းတွေရှိနေမလဲဆိုတာ ဇာတ်ကားတလျှောက်လုံး သဲထိတ်ရင်ဖိုစွာကြည့်ရှု့သွားရမှာဖြစ်ပါတယ် ဒီကားရဲ့အညွှန်းနဲ့ဘာသာပြန်သူက Khin Khin ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

ဟော်ရာရုပ်ရှင်တွေချည်းရိုက်ခဲ့တယ်လို့ဆိုရမဲ့ တက္ကဆက်တောင်ပိုင်းသားဒါရိုက်တာ Joshua Kennedyရဲ့ နောက်ဆုံးထွက်ရှိထားတဲ့ ရုပ်ရှင်လေးကို တင်ဆက်ပေးလိုက်ပါတယ်။ ရော်ဘတ်တာဆိုတဲ့ မိဘမဲ့ကောင်မလေးတစ်ယောက် ပညာသင်ဆုရပြီး ပဟေဠိတွေပြည့်နေတဲ့ မိန်းကလေးကျောင်းကို ရောက်လာခဲ့ပါတယ်။ သူရောက်လာတဲ့အချိန်မှာပဲ ဆရာမတစ်ယောက်ပျောက်နေပြီး ဘယ်မှာမှရှာမရဖြစ်နေခဲ့။ ကျောင်းမှာရှိတဲ့ မိန်းကလေးတိုင်းကလည်း အသက်ရှင်ကျန်တဲ့ဆွေမျိုး တစ်ယောက်မှမရှိတဲ့ မိဘမဲ့တစ်ကောင်ကြွက်တွေချည်း။ ကျောင်းသူမိန်းကလေးတွေ တစ်ယောက်ပြီးတစ်ယောက် ပျောက်သွားပေမဲ့ ဘာရယ်ကြောင့်မှန်း အဖြေရှာမရခဲ့။ ဒီမှာပဲ ရော်ဘတ်တာတို့ သူငယ်ချင်းနှစ်ယောက်ပေါင်းပြီး အဖြေရှာကြရာကနေ ထင်မှတ်မထားတဲ့ အကြောင်းအရာတွေ တွေ့လာပါတော့တယ်။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(990 Mb)/(380 Mb) Quality….Webrip 1080p / 720p Format… mp4 Duration…. 01:16:00 Genre… Horror Subtitle….Myanmar Subtitle (Hardsub) Encoder….Garfield Translated by Pyae Phyo

ရိုမေနီးယား ဒိုကူမန်ထရီ ရုပ်ရှင်ပါ။ ၂၀၁၆မှာပဲ Transilvania International Film Festivalမှာ ပြသခဲ့ဖူးတယ်။ 1978မှာ ရိုမေနီးယား အာဏာရှင် Ceausescuက တစ်တိုင်းပြည်လုံးကို ထိန်းချုပ်ထားခဲ့တယ်။ အဲဒီကာလမှာ အနုပညာသမားတွေဟာ ပိတ်ပင်ခံခဲ့ရတယ်။ Rodion G.A.ဆိုတဲ့ တီးဝိုင်းတစ်ခုကလည်းပါခဲ့တယ်။ သူတို့ဝိုင်းဟာ အဲဒီခေတ်အနေနဲ့ဆို တော်တော်ခေတ်ရှေ့ပြေးနေတဲ့ ဂီတကို ချပြခဲ့တဲ့ဝိုင်းပါ။ အာဏာရှင်က ပိတ်ပင်ထားလို ဆိုဗီယက်ကလည်း သူနဲ့မဟာမိတ်ဖြစ်တဲ့ ဥရောပအလယ်ပိုင်းနဲ့အရှေ့ပိုင်းက နိုင်ငံတွေကို ကွန်မြူနစ်မဟုတ်တဲ့ နိုင်ငံတွေနဲ့ ကူးလူးဆက်ခံခွင့်ပိတ်ထားတယ်။ အဲဒါကို Iron Curtainလို့ခေါ်ခဲ့ကြတယ်။ ဒီတော့ သူတို့ဝိုင်းဟာ ဘယ်လိုမှ သူတို့ဂီတကို မဖြန့်ဝေနိုင်ခဲ့ဘူး။ အနှစ်၃၀ကြာပြီး ၂၀၁၃မှပဲ ပွဲဦးထွက် အယ်လ်ဘမ်ကို ယူကေက Strut Recordကနေ ဖြန့်ဝေပေးခဲ့တယ်။ ဒီလို ခေတ်ရဲ့ဒဏ်ကို အလူးအလဲခံခဲ့ရတဲ့ Bandက Rodion Ladislau Rosca ဆိုတဲ့ အဓိကလူရဲ့ ၂၀၁၆တုန်းက လက်ရှိဘဝကို ရိုက်ပြထားတာပါ။ တီးဝိုင်းအကြောင်းနည်းနည်းပဲပါပြီး လက်ရှိကျေးလက်မှာနေနေတဲ့ Rodion Ladislau Rosca ရဲ့ ဘဝကိုပဲ ပြထားပါတယ်။ ဒီဒိုကူမှာ သူနေထိုင် စားသောက်ရှင်သန်ဖြတ်သန်းပုံကို အဓိကပြပြီး ဂီတကိုချစ်ခြင်းနည်းနည်းစွက်ထားပါတယ်။ ဒီဒိုကူမန်ထရီက ရိုမေနီးယား ဂီတအဖွဲ့တစ်ဖွဲ့ရဲ့အတိတ်ကို ဦးတည်တာဆိုပေမဲ့ လက်ရှိကိုပဲပြထားတဲ့ အချက်က ထူးခြားတယ်လို့ပဲပြောရပါမယ်။ File Size : 1.5 GB, 932 MB Quality : WEB-DL 1080p / 720p Running Time : 1hr 18min Format : Mp4 Genre : Documentary Subtitle : Myanmar Subtitle (Hard Sub) Translated by : Wira Aung Encode by : Thit San Khant

Nilavuku Enmel Ennadi Kobam (2025)”လမင်းလေးရယ် ဘာကြောင့်ထားခဲ့” =========================================================== တမီလ်မင်းသားကြီး ဒနွတ်ရှ် ဒါရိုက်တာလုပ် ရိုက်ကူးထားတဲ့ တမီလ်စကားပြော အချစ်ဟာသရုပ်ရှင်ကောင်းလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ ဒီနှစ်တွေထဲမှာ အိန္ဒိယ အချစ်ဟာသ ရုပ်ရှင်တွေ အများကြီးထွက်ထားပေမဲ့ ဒီရုပ်ရှင်လေးကတော့ တစ်ခါကြည့်ရုပ်ရှင်မျိုးမဟုတ်ဘဲ အချိန်ပေးရကြိုး သေချာပေါက်နပ်စေမယ့် ရုပ်ရှင်ကောင်းလေးပါ။ ဇာတ်လမ်းကတော့ ပရာဘူဆိုတဲ့ စားဖိုမှူးလေးဟာ မိန်းကလေးတစ်ယောက်ကြောင့် အသည်းကွဲပြီး ဘဝကို ရေစုန်မျှောနေပါတယ်။ သားဖြစ်သူ လနဲ့ချီပြီး အဲဒီလို မသာမယာဖြစ်နေတာကို ကြည့်မနေနိုင်တဲ့ မိဘနှစ်ပါးက ပရာဘူကို အတင်းအကျပ် မိန်းမပေးစားဖို့စီစဉ်ပါတယ်။ အဲဒီလိုနဲ့ အိမ်ထောင်ဖက်သွားတွေ့တဲ့အချိန် တွေ့ရတဲ့မိန်းကလေးက ပရာဘူရဲ့ ငယ်ငယ်တုန်းက သူငယ်ချင်းကောင်မလေးတစ်ယောက် ဖြစ်နေပါတယ်။ ခင်မင်စ ရှိတဲ့အတွက် ပရာဘူနဲ့ အဲဒီသူငယ်ချင်းမလေး ရင်းနှီးစပြုနေတုန်းမှာပဲ ပရာဘူရဲ့ ရည်းစားဟောင်း အချစ်ဦးဆီကနေ မမျှော်လင့်ထားတဲ့ ပါဆယ်တစ်ခု ရောက်လာပါတယ်။ ပရာဘူတစ်ယောက် သူငယ်ချင်းမလေး အဆင်ပြေသွားမှာလား၊ ရည်းစားဟောင်း ပို့လိုက်တဲ့ပစ္စည်းက ဘာလဲ၊ ဘယ်လိုအကြောင်းတွေအကြောင့် ပရာဘူ ရှေ့မဆက်နိုင်ဖြစ်နေရလဲဆိုတာတွေကို မင်းသားကြီး ဒနွတ်ရှ်ရဲ့လက်ရာ ဒီရုပ်ရှင်လေးထဲမှာ မြင်တွေ့ခံစားကြရမှာဖြစ်ပါတယ်…။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ Zwe Yan ~ KKKZ ~ Cym ~ Julien နဲ့ Yunni တို့ပါ။)

Three Fugitives (1989) IMDb Rating (6.2) / Rotten Tomatoes (14%) ဘဏ်ဓါးပြတိုက်မှု ၁၄ ခု လုပ်ခဲ့တဲ့ ဓါးပြတိုက်ကျွမ်းကျင်သူ လူးကတ်တစ်ယောက် ထောင်ထဲမှာ ၅ နှစ်နေပြီး လွတ်လာတဲ့ အခါ ဘဝကို အသစ်ပြန်စဖို့ခွန်အားတွေ အပြည့် ဖြစ်နေခဲ့ပါတယ် ….. စိတ်သစ်လူသစ် နဲ့ ဘဏ်ကို သွားပြီး အကောင့် အသစ် ဖွင့်တဲ့အခါ ဘဏ်ဓါးပြတိုက်တာနဲ့ လူးကတ် ကြုံတွေ့ခဲ့ရတဲ့အခါမှာတော့ ……….. အတေွ့အကြုံမရှိတဲ့ ဘဏ် ဓါးပြတိုက်သူ နပ်နဲ့ လူးကတ်နဲ့ ကြုံတွေ့ကြတဲ့အခါ ……….. နပ်ရဲ့ ဓါးပြတိုက်ဖို့ပဲ သိတဲ့ အတွေ့အကြုံမရှိတဲ့ ရိုးသားမှု နားမလည်မှု ဓါးပြတိုက်ရတဲ့ နောက်ကွယ်က အကြောင်းအရင်း ဒါတွေကို စိတ်ဝင်စားဖွယ်ကြည့်ရှုရမှာပါ။ (အညွှန်းနဲ့ဘာသာပြန်ကတော့ Cara ဖြစ်ပါတယ်။) File size…(2.7 GB) / (1.1 GB) Quality….WEB-Rip 1080p / 720p Format…. mp4 Genre….Comedy,Crime Duration….01:37:19 Subtitle….Myanmar Subtitle (Hardsub) Encoder….Thit San Khant Translated by Cara

The Fault is Not Yours (2019) ****************************** ဒီတစ်ခေါက် တင်ဆက်ပေးချင်တာကတော့ All of us Are Dead မှ Yoon Chan-Young, Racket Boys မှ Son Sang-Yeon နဲ့ IZ*ONE အဖွဲ့ဝင် Kim Min-Joo တို့ အဓိက ပါဝင်သရုပ်ဆောင်ထားကြတဲ့ ပညာပေး ရုပ်ရှင်လေးပဲ ဖြစ်ပါတယ် .. – ဇာတ်လမ်းအကျဉ်း – ဂျွန်ယောင်း (Yoon Chan-Young) ဟာဆိုရင် ရောဂါသည်အမေ့ကို တစ်ယောက်တည်း ပြုစုရင်း ကျောင်းတက်နေရသူလေးပါ .. ငယ်ငယ်ရွယ်ရွယ်နဲ့ ဝန်ထုပ်ဝန်ပိုးကြီးကို သယ်ပိုး ထားရတဲ့ ဂျွန်ယောင်းကို အမြဲ ကူညီပေးနေတဲ့သူကတော့ ဂျွန်ယောင်းရဲ့ဆရာ မင်ဂျယ် (Kim Jae-Chul) ပဲဖြစ်ပါတယ် .. ဒါပေမဲ့ ဂျွန်ယောင်းတစ်ယောက် တကယ်တမ်း ကူရာမရဖြစ်လောက်တဲ့အထိ စိတ်ပျက်လက်မှိုင် ကျနေတဲ့ အခြေအနေမှာမှ ဆရာဖြစ်သူက အမှုမဲ့အမှတ်မဲ့ သဘောထားလိုက်မိတဲ့အတွက် ဂျွန်ယောင်းလည်း အစွန်းရောက်ရွေးချယ်မှုကို ပြုလုပ်သွားပါတော့တယ် .. ဂျွန်ယောင်းကို ဆုံးရှုံးလိုက်ရတဲ့ ဆရာဖြစ်သူလည်း နောက်ထပ် ကျောင်းသားတွေကို မဆုံးရှုံးရစေဖို့အတွက် ဆရာတစ်ယောက်အနေနဲ့ အကူအညီလိုအပ်နေတဲ့ ကျောင်းသားတွေကို စိတ်ရင်းစေတနာအပြည့်နဲ့ ဖေးမပေးမယ်လို့ ဆုံးဖြတ်လိုက်ပါတော့တယ် .. လက်ရှိ ဆရာမင်ဂျယ် အတန်းပိုင်လုပ်နေတဲ့ အတန်းက ကလေးတွေမှာလည်း စိတ်ဒဏ်ရာအသီးသီး ရှိနေကြပါတယ် .. ဒီလို စိတ်ဖိစီးစရာကိစ္စ ကိုယ်စီရှိနေကြတဲ့ ကလေးတွေကို ဒီတစ်ခေါက်မှာတော့ ဆရာမင်ဂျယ်က ဖေးမကူညီ‌ပြီး ကာကွယ်ပေးသွားနိုင်မလားဆိုတာကို ဇာတ်ကားလေးထဲမှာ ဆက်လက်ကြည့်ရှုပေးကြပါဦးနော် .. (အညွှန်းကို Hnin Wai Oo မှ ရေးသားထားပါတယ်) File size…1.06GB / 487MB Quality… WEB-DL 1080p/ 720p Format…mp4 Duration….1h 47m Genre ….. Youth, Drama Subtitle….Myanmar Subtitle (Hard Sub) Translated by Hnin Wai Oo Encoded by AHtet

ဒီဇာတ်ကားလေးက Disney ရဲ့ Hidden Gem animation ဖြစ်ပြီး IMDb 6.6နဲ့ RT 67% ရထားပါတယ်။ ဇာတ်လမ်း အကျဉ်းကတော့ ကမ္ဘာကြီးကို သစ်တောတွေနဲ့ပဲ ဖုံးလွှမ်း ထားတဲ့အချိန်တုန်းက နတ်သူငယ်လေးတွေက တောအုပ် ကြီးရဲ့ အစောင့်အရှောက်တွေ ဖြစ်ခဲ့ကြပါတယ်။ သူတို့ရဲ့အရင်းနှီးဆုံးမိတ်ဆွေက လူသားတွေ ဖြစ်ခဲ့ကြတာပါ့။ ဒီလိုနဲ့ တစ်နေ့မှာ ဟက်ဇပ်ဆိုတဲ့ ဖျက်ဆီးခြင်းနတ်ဘုရား နိုးထလာပြီး သစ်တောကြီးအပါအဝင် အရာအားလုံးကို ပျက်စီးအောင် လုပ်ပစ်ခဲ့လို့ လူတွေလည်း တောထဲကနေ ထွက်ပြေးသွားပါတယ်။ နတ်သူငယ်တွေက ဟက်ဇပ်ကို မှော်အစွမ်းနဲ့ ထိန်းသိမ်းထားပြီး သစ်ပင်ကြီးတစ်ပင်ထဲမှာ ပိတ်ဆို့ဖမ်းဆီးထားနိုင်ခဲ့ပါတယ်။ ဒီလိုနဲ့ နှစ်ပေါင်းများစွာ ကြာချိန်မှာတော့ လူသားတွေ တောထဲကို ပြန်ရောက်လာ ခဲ့ပါတယ်။ ဒါပေမဲ့ နတ်သူငယ်တွေရဲ့မိတ်ဆွေတွေအဖြစ် မဟုတ်ဘဲ တောအုပ်ကိုရှင်းပစ်ပြီး မြို့ပြချဲ့ထွင်ဖို့လုပ်မယ့် လူတွေအဖြစ်နဲ့ပါ။ သူတို့ကြောင့်ပဲ ဟက်ဇပ်ကိုချုပ်ထားတဲ့ သစ်ပင်ကြီး လဲသွားပြီး ဟက်ဇပ်ပြန်လွတ်လာတဲ့အခါမှာ နတ်သူငယ်လေးတွေက သူ့ကို ထပ်ပြီးတားဆီးဖို့အတွက် ဖြစ်လာပါတော့တယ်။ File size… 1.9 GB / 862 MB Quality… BluRay 1080p / 720p Format… mp4 Audio… AAC Duration…. 1h 16m Genre ….. Family/Fantasy Subtitle…. Myanmar Subtitle (Hard Sub) Encoder…. Thit San Khant Translated… by JimX

၂၀၁၈ ခုနှစ်မှာ ထွက်ထားတဲ့ ဟင်ဒီစတားနဲ့တမီးလ်စတားတို့ အားပြိုင်ထားတဲ့ ၂၀၁၈ရဲ့ ဝင်ငွေအကောင်းဆုံး ဇာတ်ကားတစ်ကားပါ။ ဒီဇာတ်ကားဟာ ၂၀၁၀မှာ ထွက်ခဲ့တဲ့ Enthiran ရဲ့ အဆက်ဆိုလည်း မမှားပါဘူး။ ပထမဇာတ်ကားထဲမှာတော့ ချက်တီးစက်ရုပ်ကိုမသမာသူတွေရဲ့ လက်ချက်ကြောင့် သိမ်းဆည်းခံခဲ့ရတာ အားလုံးသိမယ်ထင်တယ်။ ဇာတ်လမ်းအကျဉ်းကို ချပြရမယ်ဆိုရင်လူတိုင်းလည်းသိပြီးထားလောက်ပါပြီ။ မြို့ထဲမှာ ထူးခြားဖြစ်စဉ်တစ်ခု ဖြစ်ပျက်ပုံကို စတင်တွေ့မြင်ရမှာပါ။ ရှိရှိသမျှ မိုဘိုင်းဖုန်းတွေဟာ ဘာရယ်ကြောင့်မှန်းမသိaလထဲ လွင့်ထွက်ပျံသန်းသွားခဲ့ပါတယ်။ ဒါတင်မကသေးပါဘူး။ တခြားမိုဘိုင်းဖုန်းအရောင်းကိုယ်စားလှယ်တွေနဲ့ဆက်သွယ်ရေးဝန်ကြီးတွေပါ အသတ်ခံရပါသေးတယ်။ ဖုန်းတွေ ဘယ်ရောက်သွားကြတာလဲ။ ဘယ်သူ့လက်ချက်လဲ ဆိုတာ အားလုံး ပဟေဠိဖြစ်နေကြချိန်မှာ ဒါကို အဖြေရှာဖို့ ဒေါက်တာဗာစီကရန်ဟာ ကြိုးစားခဲ့ပါတယ်။ ဒီလိုနဲ့ စစ်တပ်ကတောင် မနိုင်တဲ့ ထိုအရာကြီးကိုချေမှုန်းဖို့… ချက်တီးစက်ရုပ်ကို ပြန်လည်အသက်သွင်းဖို့ အကြောင်းဖန်လာပါပြီ။ ကဲ ချက်တီးနဲ့အတူ မိုက်ခရိုဘော့လေးတွေလည်းပါဝင်ခံစားလိုက်ပါဦးဗျာ။ File Size : (2.20 GB) , (1.10 GB) Quality : AMZN WEB-DL (1080p 5.1,720p) Running Time : 2hr 28min Format : Mp4 Genre : Action, Sci-Fi, Thriller Subtitle : Myanmar Subtitle (Hard Sub) Source : 1080p.MULTI.AMZN.WEB-DL.DDP.5.1.H.264-SiGMA Translated by Nyi Koe & Myint Thu Encode by Thanhtike Zaw

How to Find Happiness (2022) ***************************** IMDb… 6.6 တိုရှိဟိဒယ်ဆိုတဲ့ကောင်လေးဟာ အဘိုးဖြစ်သူနှင့်အတူ ဆေးခန်းလေးဖွင့်ကာ ဆေးကုနေတဲ့သူဖြစ်ပြီး သူဟာ ငယ်ငယ်က စိတ်ဒဏ်ရာတွေကြောင့်နဲ့ စိတ်ခံစားချက် သီးသန့်လေးပဲ နေတတ်တဲ့သူတစ်ယောက်ပါ။ အာကိုဆိုတဲ့ကောင်မလေးကတော့ စိတ်ကျပြီး ယောက်ျားကောက်ယူလိုက်တဲ့ကောင်မလေးမျိုးပါ။ မင်္ဂလာဆောင်ပြီးခါစရှိသေးတယ် သူ့ခင်ပွန်းဖြစ်သူက နိုင်ငံခြားကို အလုပ်ကိစ္စနဲ့ သွားရပါတယ်။ အဲဒီအချိန်မှာပဲ အာကိုရဲ့ အမြွှာညီမဖြစ်သူ ဆာကိုဆီက‌နေ ကြားခဲ့ရတဲ့ ပင်လယ်မြို့လေးကိုသွားရင်း တိုရှိဟိဒယ်နဲ့ ဆုံကြရပါတော့တယ်။ တိုရှိဟိဒယ်နဲ့ အာကိုတို့ တစ်အိမ်ထဲမှာအတူနေရင်း စိတ်ဒဏ်ရာကိုယ်စီရှိနေတဲ့ စိတ်တွေကို အချင်းချင်း ကုစားပေးရာကနေ သံဃောဇဉ်တွေ တွယ်လာခဲ့တဲ့အခါမှာတော့ …….. သူတို့နှစ်ယောက်ရဲ့ ဇာတ်လမ်း ဘာတွေဆက်ဖြစ်မလဲဆိုတာကို ဆက်လက်ကြည့်ရှုပေးကြပါဦး။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ CharOu ပဲ ဖြစ်ပါတယ်။) File Size : 1.48GB/ 730MB Quality : WEB-DL 1080p/ 720p Format…mp4 Duration…1hr53m Genre : Romance, Drama Subtitle : Myanmar Subtitle (Hard Sub) Translated by CharOu Encoded by Tiff