ဒီတစ်ခါမှာတော့ 2005ခုနှစ်က ထွက်ရှိခဲ့တဲ့ ကားလေးနဲ့မိတ်ဆက်ပေးပါ့မယ်။ ဒီကားလေးကတော့ 1950ခုနှစ် တောင်နှင့်မြောက် ကိုရီးယားနှစ်နိုင်ငံကြား စစ်ပွဲကာလကို အခြေတည်ပြီး ရိုက်ကူးထားတာပါ။ ဝေးလံခေါင်းပါးတဲ့ တောင်ပေါ်‌‌‌မှာ လက်ရှိခေတ်အခြေအနေနဲ့ ဝေးကွာနေတဲ့ ဒုန်မာဂ်ဂိုလ်ဆိုတဲ့ ရွာလေးရှိပါတယ်။ လေယာဉ်ပျက်ကျပြီး ဘာသာစကားမတူညီ လူမျိုးမတူညီတဲ့ ရွာလေးကိုရောက်လာတဲ့ အမေရိကန်လေတပ်က ကပ္ပတိန်တစ်ဦးရယ်.... စစ်ပွဲကြောင့် တောထဲလမ်းပျောက်နေကြတဲ့ တောင်ပိုင်းက စစ်သား၂ယောက်နဲ့ မြောက်ပိုင်းက စစ်သား၃ယောက်ရယ်.... ဒုန်မာဂ်ဂိုလ်ဆိုတဲ့ ရွာလေးမှာ ရေစက်လာစုံကြပါတော့တယ်။ တစ်ဖက်က လူမျိုးမတူတဲ့ လေတပ်ကကပ္ပတိန်.... နောက်တစ်ဖက်မှာက တကယ့်ရန်သူတော်ကြီးတွေ.... ကြားထဲမှာကတော့ ဘာဆိုဘာမှမသိတဲ့ ရိုးသားတဲ့ ရွာသူရွာသားတွေ သူတို့ကြားထဲက အလွဲလေးတွေကို ဟာသနှောရိုက်ကူးထားပေမယ့် ထည့်ထားတဲ့အနှစ်သာရတွေကတော့ အချစ်၊အမုန်း၊သံယောဇဉ် စသဖြင့် အစုံအလင်ပါပဲ။ ရယ်လည်းရယ်ချင်တယ် နွေးထွေးပြီး အရသာ‌ကောင်းတာလေးလည်း ကြည့်ချင်တယ်ဆိုရင်တော့ ဒီကားလေးကိုကြည့်ဖို့ အကြံပေးလိုက်ပါတယ်။ အညွှန်း နဲ့ ဘာသာပြန်ကတော့ Milkeux ပဲ ဖြစ်ပါတယ်။ Genre.....Comedy, Drama, War Quality….WEB-DL 1080p and 720p and 360MB File size…2.1GB and 1.1GB and 350MB Format…mp4 Duration….2h 13min Subtitle….Myanmar Subtitle (Hardsub) Translator ..... Milkeux Encoder ..... August

~ IMDb Rating - 8.3/10, Rotten Tomatoes - 87% ~ " Directed by Zhang Yimou " အလယ်တန်းကျောင်းသားဘ၀လောက်က သော်တာဆွေ၀တ္တုတို တစ်အုပ်မှာလားမသိ ဗမာပြည်က ကွန်မြူနစ်စနစ်အောက်က လူတွေရဲ့ ဘ၀အကြောင်း နည်းနည်းပါးပါးရေးထားတာ ဖတ်ဖူးတယ်။ ဆယ်နှစ်လောက်ရှိပြီဆိုတော့ ဘာမှ သေသေချာချာတော့ မမှတ်မိတော့ပါဘူး။ အလုပ်ခွဲတမ်းအတိုင်းလုပ်ပြီး ပိုလုပ်လို့ရတဲ့‌ ငွေလေးနဲ့ သမဝါယမဆိုင်က ဓာတ်ဘူး၀ယ်တာလေးလားမသိ သိပ်တော့မရေရာပေမဲ့ မှတ်တော့မှတ်မိနေသေးတယ်။ ကွန်မြူနစ်စနစ်အောက်မှာ ရှင်သန်ရတဲ့ပုံစံကို ပုံဖော်ထားတဲ့ ၀တ္တုတိုလေးပေါ့။ ဇာတ်လမ်းကရိုးရိုးလေးပါပဲ။ ဖတ်တုန်းကတော့ ဒီတိုင်းပဲပြီးသွားတယ်။ သို့ပေမဲ့ ဇာတ်အိမ်တောင် မရေရာတော့တဲ့ ဆယ်နှစ်လောက်အကြာက အဲဒီ၀တ္တုကို ဒီရုပ်ရှင်အပြီးမှာပြေးသတိရမိတယ်ဆိုတော့ ၀တ္တုဟာ ကျွန်တော်မသိလိုက်‌အောင်ကို မသိမသာနဲ့ပဲ ခံစားချက်တစ်ခု ချန်နိုင်ခဲ့ပုံပါပဲ။ တကယ်တမ်း အဲဒီ၀တ္တုဟာ ဒီတိုင်းအခြေအနေတစ်ခုကို တင်ပြထားရုံပါပဲ။ To Live ကလည်း သူ့လိုပဲပါပဲ။တရုတ်ပြည်ကွန်မြူနစ်စနစ်ရဲ့ ဦးအစက မိသားစုတစ်စုရဲ့ ခေတ်ကို ဖြတ်သန်းတဲ့ အတွေ့အကြုံတွေအကြောင်းပါပဲ။ ရိုးရိုးလေးပါ ဒါပေမဲ့ တစ်ချိန်ချိန်မှာ ပြန်အမှတ်ရစရာ ခံစားချက်တစ်ခုကို ချန်ကောင်းချန်နိုင်ပါလိမ့်မယ်။ ဇာတ်အိမ်ကတော့ 1993မှာထွက်တဲ့ Yu Hua ရေးတဲ့ To Live ဆိုတဲ့ ၀တ္တုကို မှီငြမ်း ရိုက်ကူးထားတာပါ။ ဇာတ်အိမ်တည်တဲ့ကာလတွေကတော့ Farewell My Concubine နဲ့ ခေတ်ပြိုင်လို့ဆိုလို့ရတယ်။ FMC လိုပဲ ယဉ်ကျေးမှုတော်လှန်ရေးတို့ မဟာခုန်ပျံကျော်လွှားမှုကြီးတို့ မစခင်ကာလကနေ စပြပြီး အဲဒီကာလတွေထဲ ဖြတ်သန်းပြထားတယ်။ Farewell မှာတော့ သဘင်သည်ရဲ့ဘ၀ကို ပြထားပြီး ပိုဇာတ်နာပေမဲ့ To Live ကတော့ သာမန်မိသားစုတစ်ခုရဲ့ ဘ၀ကိုပဲပြထားပြီး ဇာတ်လေးနည်းနည်းနာလိုက် ဟိုသီချင်းထဲကလို " မျှော်လင့်ချက်နဲ့ နှိုင်းရင် ကြုံဆုံနေသမျှအဖြစ်တွေဟာ ကောင်းလွန်းပြန်တယ်" ဆိုတဲ့သဘော တစ်လှည့်လာလိုက်နဲ့ သူတို့မိသားစုရဲ့ ဘ၀တစ်ကွေ့ကို ဇာတိ ဇရာ ဗျာဓိ မရဏတွေကို တွေ့ကြုံစေပြီး ဘ၀ဆန်ဆန်ပဲ ခင်းကျင်းသွားတယ်။ ကျွန်တော်တို့ရဲ့ဂေါင်လီကတော့ ထုံးစံအတိုင်းပါပဲ။ Eros မှာ လွှမ်းမိုးနိုင်စွမ်းရှိတဲ့ အမျိုးသမီးဇာတ်ရုပ်နဲ့ပီပြင်သလို Farewell မှာ ကျူရှန်းဇာတ်ကောင်နဲ့ လိုက်ဖက်နေသလို ဒီက မိသားစုကိုချစ်တဲ့ အိမ်ထောင်ရှင်မ ဇာတ်ရုပ်မှာလည်း အံ၀င်ခွင်ကျပါပဲ။ အဓိက‌ဇာတ်ကောင် ဂေါင်လီ့ယောက်ျားကလည်း Farewell မှာလည်း ပါခဲ့တဲ့ Ge You ပါ။ တရုတ်ဘိန်းစားရုပ်နဲ့ပဲ တရုတ်ရှေးခေတ်ဘ၀ကို သူလည်း ပြောင်ပြောင်မြောက်မြောက် ပုံဖော်သွားခဲ့သလို အကောင်းဆုံးသရုပ်ဆောင်ဆုကိုလည်း ရခဲ့တယ်။ စာရေးဆရာဆီက အကူအညီရခဲ့သလို ကျန်းရိမူကိုယ်တိုင်ကလည်း ယဉ်ကျေးမှုတော်လှန်ရေးကို ဖြတ်သန်းခဲ့ရတဲ့သူဆိုတော့ ဇာတ်ကိုကောင်းကောင်း ပုံဖော်သွားနိုင်ခဲ့တာကြောင့် To Live ကို တချို့က သူ့အကောင်းဆုံးကားအဖြစ်လည်း သတ်မှတ်ကြတယ်။ To Live ဟာ ကျန်းရိမူရဲ့ IMDB Rating အကောင်းဆုံး ရုပ်ရှင်ဖြစ်သလို ကျန်းရိမူ ဂေါင်လီ တွဲရိုက်ထားတဲ့ collaboration ကားတွေထဲလည်း Rating အကောင်းဆုံးပါပဲ။ ကျန်းရိမူနဲ့ဂေါင်လီရဲ့ ၇ကားမြောက် တွဲရိုက်တဲ့ကားလည်း ဟုတ်ပါတယ်။ အမေရိကမှာ တရုတ်သမိုင်းသင်ရင် ထည့်သုံးရတဲ့ကားလည်း ဟုတ်ပါတယ်။ ထုံးစံအတိုင်း သမိုင်းကိုအခြေခံထားတဲ့ တရုတ်ကားကောင်းဆိုရင် ဘန်းနေကျ တရုတ်က To Live ကိုလည်း ဘန်းထားတယ်။ To Live ဟာ ဘယ်နားမှာမှ စိတ်ခွန်အားတက်စရာမပေးထားတဲ့ မိသားစုတစ်ခုရဲ့ အနိမ့်အမြင့်တွေကို ပုံဖော်ထားတဲ့ရုပ်ရှင်ပေမဲ့လည်း အာရှရုပ်ရှင် ပရိတ်သတ်တစ်ချို့ကတော့ To Live ဟာ သူတို့ဘ၀ရဲ့ ခက်ခဲတဲ့အချိန်တွေမှာ မျှော်လင့်ချက်ဖြစ်စေတဲ့ကားလို့လည်း ဆိုပါတယ်။ မလွယ်တာတွေ့ရင်း ပိုခက်တဲ့ဘ၀တွေကိုငဲ့ကြည့်ရင်း မျှော်လင့်ချက်ဖြစ်သွားတာပဲ နေပါလိမ့်မယ်။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 2.5GB, 1.21GB Quality - Blu-ray 1080p, 720p IMDb Rating - 8.3/10 Format - mp4 Duration - 2H 13Min Genre - Drama, War Subtitle - Myanmar Subtitle (Hardsub) Translated by WiRa Aung Encoded by Y

J drama fan အများစုသိကြတဲ့ မင်းသမီးလေး Nana Komatsuနဲ့ မင်းသား Hio Miyazawaတို့သရုပ်ဆောင်ထားတဲ့Psycho-Cinematography film ရုပ်ရှင်ဖြစ်ပါတယ်။ အတိတ်ကိုမစွန့်လွှတ်နိုင်ဘဲနစ်မွန်းနေပြီး လက်ရှိအခြေအနေကို လက်မခံနိုင် ရှေ့မဆက်နိုင်ဖြစ်တတ်တဲ့လူ့စိတ်ကို လှစ်ဟပြထားတဲ့ရုပ်ရှင်တစ်ကားပါ။ ဂျပန်လူမျိုးတို့ရဲ့ တနဘတပွဲတော်ကို အနည်းငယ်မှီငြမ်းပြီးဖန်တီးထားတဲ့ Banana Yoshimotoရဲ့Short storyကို ရုပ်ရှင်အဖြစ်ပြန်လည်ဖန်တီးထားတဲ့ဇာတ်ကားပါ။ "လရိပ်ဖြစ်စဉ်"ဆိုတာကတော့ "အကြောင်းအရာတွေအားလုံးတိုက်ဆိုင်မှုရှိတဲ့အခါ လပြည့်ပြီးနောက်နေ့မနက်မှာ သေသူတွေနဲ့ပြန်လည်ဆုံတွေ့နိုင်တယ်"ဆိုတဲ့ သိပ်ကိုရှားပါးတဲ့ miracleတစ်ခုလို့ဆိုပါတယ်။ ဇာတ်လမ်းအကျဉ်းကတော့ ညနေခင်းတစ်ခုမှာ စဆုကိတစ်ယောက် မြစ်ကမ်းဘေးမှာလမ်းလျှောက်ထွက်ခဲ့ပါတယ်။ သူ့ကြောင်လေးလည်ပင်းမှာဆွဲပေးထားတဲ့ ချူလုံးလေးပျောက်သွားလို့ အနားကကိုင်းပင်တွေထဲမှာ ရှာနေချိန်မှာပဲ နောက်ဘက်က ဓာတ်မီးရောင်ကြောင့် လှည့်ကြည့်လိုက်ပါတယ်။ သူပျောက်နေတဲ့ချူလုံးလေးကတော့ ဟိတိုရှိလက်ထဲမှာပါ။ တိုက်ဆိုင်မှုတစ်ခုနဲ့စတင်ဆုံတွေ့ခဲ့တဲ့သူတို့နှစ်ယောက်က မြင်မြင်ချင်း ချစ်သွားခဲ့ကြပါတယ်။ သူတို့နှစ်ယောက်ရဲ့အချစ်ရေးကသိပ်ကိုအဆင်ပြေနေခဲ့ပါတယ်။ ဟိတိုရှိက သူ့ရဲ့ညီဖြစ်သူ "ဟိအိရဂိ"နဲ့စဆုကိတို့ဆုံဖို့အတွက် ခေါ်သွားပေးခဲ့ပါတယ်။ အတူထမင်းစားကြရင်းနဲ့ ဟိအိရဂိရဲ့ရည်းစား"ယုမိကို"က လရိပ်ဖြစ်စဉ် အကြောင်းကို ပြောပြခဲ့ပေမဲ့ သူအတွေ့ချင်ဆုံးဖြစ်တဲ့သူ့ချစ်သူက ဘေးမှာရှိခဲ့တဲ့အတွက် မလိုအပ်ဘူးလို့ပြောခဲ့ပါတယ်။ တစ်နေ့မှာတော့ သူတို့နှစ်ယောက်က အခန်းငှားဖို့အတွက်သွားကြည့်ပြီးနောက် တံတားတစ်ခုပေါ်မှာ နှုတ်ဆက်စကားပြောပြီးအိမ်ကိုပြန်ခဲ့ကြပါတယ်။ ညသန်းခေါင်ရောက်တော့ စဆုကိဆီကိုဖုန်းဝင်လာခဲ့ပါပြီ။ ဟိတိုရှိနဲ့ ယုမိကိုတို့နှစ်ယောက် ကားမတော်တဆမှုဖြစ်ပြီး ဆုံးသွားတဲ့သတင်းပါပဲ။ အဆင်ပြေနေတဲ့အခြေအနေကနေ ခုလိုခွဲခွာရတာကို စဆုကိတစ်ယောက် ဘယ်လိုမှလက်မခံနိုင်ခဲ့ပါဘူး။ တံတားပေါ်မှာတုန်းကသာ ငါသူ့ကိုတားခဲ့လိုက်ရင်ဆိုပြီး အပြစ်ရှိတဲ့စိတ်နဲ့ အိပ်မက်ဆိုးတွေညတိုင်းမက်တဲ့အနေအထားရောက်လာပါတယ်။ အတိတ်မှာပဲ နစ်မွန်းနေပြီး ချစ်သူကိုမစွန့်လွှတ်နိုင်တဲ့စဆုကိက "လရိပ်ဖြစ်စဉ်"အကြောင်းကိုသတိရသွားခဲ့ပါတယ်။ "လရိပ်ဖြစ်စဉ်"အတိုင်းလုပ်နိုင်ခဲ့ရင် ချစ်သူတွေကိုပြန်တွေ့ရမလားဆိုတဲ့မျှော်လင့်ချက်နဲ့လိုက်ပြီးစုံစမ်းကြပါတော့တယ်။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(1.6GB) / (800MB) Quality__1080p, 720p IMDb Rating__5.9/10 Format__mp4 Duration__01:30:00 Type__Drama Subtitle__Myanmar Subtitle (Hardsub) Translated by Ingyin San Encoded by Naing Aung Latt

Fay reconnects with her sister, Alice, as she misremembers the cause of her father's disappearance and allows it to consume her.

The Wannabes (2022) ================ IMDb Rating – 6.3/10 ပြင်သစ် comedy ဇာတ်ကားလေးတစ်ကားနဲ့ မိတ်ဆက်ပေးပါရစေ။ သူကတော့ The Wannabes (2022) ပါ။ Tech Universe ဆိုတဲ့ စတိုးဆိုင်တစ်ဆိုင်မှာ ဒန်နီရယ် နဲ့ စတက်ဖန် ဆိုတဲ့ မတည့်အတူနေ လုပ်ဖော်ကိုင်ဖက်နှစ်ယောက်ရှိပါတယ်။ဘယ်လောက် တောင် မတည့်ကြသလဲဆိုရင် မြင်တာနဲ့ ထသတ်ကြတဲ့အဆင့်အထိပါပဲ။ ဒန်နီရယ်ကတော့ သီချင်းဆိုဝါသနာပါပြီး အဆိုတော်ပိုးရှိသူတစ်ယောက် ဖြစ်ပါတယ်။ စတက်ဖန်ကတော့ အိမ်သုံးကုန်ပစ္စည်း မီးဖိုချောင်ပစ္စည်း‌စတာ တွေကို ခရေစေ့တွင်းကျသိပြီး အဲဒီပစ္စည်း‌တွေအပေါ်မှာ ရူးသွပ်သူပါ။ နှစ်ယောက်စလုံးဟာ ကြောင်နဲ့ကြွက်လို တစ်ခုမှ မတူညီကြပေမယ့်လို့ တူတာတစ်ခုကတော့ နှစ်ယောက်စလုံး အကြွေးတွေတင်နေကြတာပါပဲ။ ဒန်နီရယ်ဟာ သူ့အခက်အခဲတွေကို ဖြေရှင်းဖို့ ပစ္စည်းဈေးနှုန်းခန့်မှန်းရတဲ့ Game Show တစ်ခုမှာ ၀င်ပြိုင်ပြီး ဆုကြေးတွေယူဖို့ အကြံရခဲ့ပါတယ်။ ဒီအကြံကို ပြောပြပြီး စတက်ဖန်ကို စည်းရုံးလို့ ကြောင်နဲ့ကြွက်လို နှစ်ကောင် သူတို့ကိုယ်စီမှာရှိကြတဲ့ အရည်အချင်းတွေကိုအသုံးချပြီး Game Show မှာ ဘယ်လိုတွေ တလွဲလုပ်မလဲဆိုတာ ကြည့်ရင်းပရိသတ်တွေ ခွီလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Chuck Chuck ဖြစ်ပါတယ်) File Size……….(1.47 GB) / (770 MB) / (450 MB) Quality…………WebRip 1080p / 720p / 480p Duration………1Hr 41mins Subtitle………..Myanmar Hardsub Format…………MP4 Genre…………..Comedy Translator…….Chuck Chuck Encoder……….SWM

When the Screaming Starts (2022) ~ IGN – 8/10, Rotten Tomatoes – 100% ~ သင် Serial Killer တစ်ယောက် ဖြစ်ချင်ခဲ့ဖူးလား။ သင်ဟာ သမ္မတတွေ နိုင်ငံကျော်ဘောလုံးသမားတွေ ရုပ်ရှင်သရုပ်ဆောင်၊ အဆိုတော်တွေမဖြစ်ခဲ့ရင်တောင် လူတွေအများကြီးကိုသတ်ဖြတ်ခဲ့တဲ့ Serial Killer ဆိုရင် သူတို့လိုပဲ ကမ္ဘာ့သမိုင်းမှာအမြဲရှိနေမှာလေ… မဟုတ်ရင် Serial Killer တစ်ယောက်ရဲ့နေထိုင်ပုံ သတ်ဖြတ်ပုံ စတာတွေကို Interview တွေနဲ့ရော သူလူသတ်တဲ့နေရာမှာ ကင်မရာတွေထောင်ပြီးတော့ပါ တကယ်ကို အမှန်အကန်ရိုက်ထားတဲ့ Documentary Movie ကြီးကို ကြည့်ရမယ်ဆိုရင် ဘယ်လောက်များ Hype လိုက်မလဲ… အဲလိုအတွေးအခေါ်ကို ရိုက်ကူးထားတဲ့ When the Screaming Starts ဟာ ဒီ Message ကို ဟာသပေါင်းစုံနဲ့ ရောစပ်ရိုက်ကူးထားတာဖြစ်ပါတယ်။ Norman Greysmith ဟာ Documentary ရိုက်ကူးသူ တစ်ယောက်ဖြစ်ပါတယ်။ Norman ဟာ အထက်ပါပုံစံ Documentary ကိုရိုက်ရင် လူတွေအရမ်းစိတ်ဝင်စားပြီး သူအောင်မြင်မှုတွေများစွာရမယ်လို့ ယုံကြည်သူပါ။ ဒီလိုနဲ့ Aidan Mendle ဆိုတဲ့ အရမ်းကြမ်းတဲ့ Serial Killer တစ်ယောက်ကို Internet ပေါ်က ရှာဖွေတွေ့ရှိပြီးနောက်မှာ သူ Documentary ဇာတ်လမ်းကို စတင်ပါတော့တယ်။ သရုပ်ဆောင်တွေကလည်း နာမည်အရမ်းမကြီးပေမယ့် တကယ် Comedian ရုပ် ပီသပြီး တကယ်ရယ်ရတာမို့ ဒီ လူသတ်ဟာသ ဇာတ်ကားကြီးက အတော်လေး Entertaining ဖြစ်စေမယ့်ကားပါပဲ။ (ဒီဇာတ်ကားနဲ့အညွှန်းကို Nyan Hlyan Chit မှ ပြန်ဆို ရေးသားထားပါတယ်) Size – 1.8GB, 870MB Quality – 1080p, 720p IMDb Rating – 5.2/10 Format – mp4 Duration – 1H 28Min Genre – Comedy, Horror Subtitle – Myanmar Subtitle (Hardsub) Translated by Nyan Hlyan Chit Encoded by Y

Adam’s Apples (2005) ထောင်ထွက်ဖြစ်တဲ့ အေဒမ်တစ်ယောက် လုပ်အားပေးဖို့ ဘုရားကျောင်းတစ်ခုကို သွားရပါတယ်။ ဒါပေမဲ့ အဲဒီကဘုန်းတော်ကြီးဖြစ်တဲ့ အီဗန်က အပြင်ပိုင်းတော့ကောင်းနေပေမယ့် တကယ်ကျ ယဉ်ယဉ်လေးရူးနေတဲ့သူပါ။ ဘာရည်မှန်းချက်ရှိလဲဆိုတာ မေးတော့ ပန်းသီးကိတ်မုန့် ဖုတ်ချင်တယ်လို့ ဖြေခဲ့တဲ့ အေဒမ်က မူမမှန်တဲ့ ဘုရားကျောင်းမှာ ကိတ်မုန့်ဖြစ်မြောက်အောင် ဖုတ်နိုင်ပါ့မလာ? ဘုရားကျောင်းထဲမှာ ဘယ်လိုအရာတွေ ကြုံတွေ့ရမလဲဆိုတာ … (ဇာတ်လမ်းအညွှန်းနဲ့ ဘာသာပြန်ကတော့ Shin Rina ပါ။) File Size : 1.6GB, 473MB, 256MB Quality :1080p Blu-ray AAC 5.1CH, 720p Blu-ray, 480p Format : mp4 Duration : 1hr 34mins Genre : Comedy, Crime, Drama Translated by Shin Rina Encoded by Kinnov

Tinker Bell and the Great Fairy Rescue (2010) ================================= IMDb Rating – 6.8/10 “လက်တွေ့လောကမှာ မြင်နိုင်၊ ကြားနိုင်၊ လက်ဆုပ်လက်ကိုင် သက်သေပြနိုင်မှ ဖြစ်တည်မှုအစစ် ” လို့ လူကြီးသူမတွေက တထစ်ချယုံကြည်နေကြချိန် …” နတ်သမီးလေးတွေတကယ် ရှိတာပါ ” ဆိုသူ ကလေးငယ်လေးတွေလည်း ရှိကြတာပေါ့။ နွေရာသီအစကိုရောက်ခဲ့ပြီ။ ပင်မနယ်မြေကို ဆောင်းကုန်ပြီး နွေကူးစေဖို့ တာဝန်ကျရာ နတ်သူငယ်တို့လည်း အသီးသီးရောက် လာကြချိန်ပေါ့။ Tinkerbell တို့စခန်းချထားတဲ့နေရာနားမှာတော့ Lizzy တို့သား အဖရဲ့ နယ်ခွဲအိမ်လေးပါပဲ။ စပ်စုတတ်တဲ့ Tinkerbell ကတော့ သားအဖနှစ်ယောက်ရောက်ရောက်ချင်းမှာပဲ Lizzy အဖေရဲ့ ကား ကိုမျက်စိကျပြီး အနီးကပ်သွားကလိပါတော့တယ်။ စခန်းကိုအပြန် လမ်းမှာ မြက်ခင်းထဲက နတ်သူငယ်အရွယ်နဲ့ ကွက်တိဖြစ်နေတဲ့ အိမ်သေးသေးလေးတစ်လုံးထဲကို Tinkerbell ဝင်သွားပြီးနောက် မှာတော့ … ပန်းလေးတွေခူးပြီးပြန်ရောက်လာတဲ့ Lizzy လည်း သူ့နတ်သမီးအိမ်တံခါးလေးလှုပ်နေတာကို တွေ့လိုက်ရတဲ့အခါ …. (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi Myaing ဖြစ်ပါတယ်) File Size……….(1.6 GB) / (717 MB) / (422 MB) Quality…………BLU-RAY 1080p / 720p / 480p Duration………1Hr 16Min Subtitle………..Myanmar Hardsub Format…………MP4 Genre…………..Animation, Adventure, Family Translator…….Hnin Wut Yi Myaing Encoder……….SWM

The Case of Itaewon Homicide (2019) ဆိုးလ်မြို့ရဲ့ နိုင်ငံခြားသားများနဲ့ အစည်ကားဆုံး အီထယ်ဝန်မှာ ၁၉၉၇ ခုနှစ်က တကယ်ဖြစ်ပျက်ခဲ့တဲ့ လူသတ်မှုအပေါ် အခြေခံပြီး ရိုက်ကူးထားခြင်းဖြစ်ပါတယ်။ တက္ကသိုလ်ကျောင်းသားလေး ဂျိုဂျွန်ဖီဟာ ရည်းစားဖြစ်တဲ့ကောင်မလေးနဲ့ date မယ်ဆိုပြီး အီထယ်ဝန်ကို ရောက်လာခဲ့ပါတယ်။ နောက်ကျနေပြီမလို့ အိမ်ပြန်ချင်နေပြီဖြစ်တဲ့ ကောင်မလေးကို အချိန်ဆွဲဖို့ သန့်​စင်​ခန်းဝင်မယ်ဆိုပြီး ဘာဂါဆိုင်တစ်ဆိုင်ရဲ့ သန့်စင်ခန်းထဲကို အမြန်ပြေးဝင်သွားပါတယ်။ ကံဆိုးချင်တော့ အဲဒီသန့်စင်ခန်းထဲမှာပဲ အသတ်ခံခဲ့ရပါတယ်။ အိမ်အခြေအနေက အဆင်မပြေပေမဲ့ အချိန်ပိုင်းအလုပ်လုပ်ကာ ကြိုးစားပညာသင်ယူနေတဲ့ ကျောင်းသားလေးရဲ့ သေဆုံးမှုအတွက် ရင်ကျိုးကျန်ခဲ့ရတဲ့ မိသားစုက ကိုရီးယားတရားရုံးမှာ အမှုစစ်ပေးမဲ့ အမှုစစ်ဘတ်ကို အားကိုးရှာတယ်။ သံသယရှိသူ ၂ ဦးက နိုင်ငံခြားသားဆိုတော့ အမှုကို စီအိုင်ဒီဘက်က အရင်စစ်တယ်။ ပြီးတော့ မက္ကဆီကန်-ကိုရီးယားစပ် ပီအာဆန်ကို တရားခံလို့ သတ်မှတ်ပြီး ကိုရီးယားဘက်ကို လွှဲပေးတယ်။ အမှုစစ်ဘတ်က ဒီအမှုကို ကိုင်တော့ နောက်တစ်ဦး ကိုရီးယားလူမျိုး အမေရိကန်နိုင်ငံသားကိုပါ အမှုတွဲထဲ ထည့်ပြီး သေချာစစ်ဆေးမေးမြန်းတယ်။ သူတို့ ၂ ဦးလုံးက ဂျိုဂျွန်ဖီသေဆုံးနေတဲ့ သန့်စင်ခန်းထဲမှာ အတူတူရှိခဲ့တဲ့အချက်၊ လူသတ်လက်နက်က ပီအာဆန်ဆီမှာ တွေ့တယ်ဆိုတဲ့ အချက်တွေ ရှိခဲ့ပေမဲ့ အေဂျေရဲ့ ထွက်ဆိုချက်တွေက ကွဲလွဲမှုတွေ ရှိနေတယ်။ နှစ်ယောက်လုံးကတော့ တစ်ယောက်ကို တစ်ယောက်လွှဲချတယ်။ အမှုစစ်ဘတ် ခေါင်းစားရပြီ။ စီအိုင်ဒီဘက်က စစ်ဆေးချက်တွေကလည်း တစ်ဖက်သတ်ဆန်သလိုလို လုပ်ကြံထားသလိုလို၊ ဒါဟာ သံသယရှိသူတွေနဲ့ သူ့ကြားက ဦးနှောက်တိုက်ပွဲပဲ။ Open ending ဖြစ်ပြီး ကိုယ်ကြည့်တဲ့ ရှုထောင့်ကနေ အရာအားလုံးက ပြောင်းလဲသွားနိုင်တာမို့လို့ ဇာတ်ကားကြည့်ပြီး တစ်ခုခု စဥ်းစားစရာ ရသွားချင်ရင်တော့ ကြည့်ဖို့ အထူး recommend ပါတယ်။ အညျွန်း နဲ့ ဘာသာပြန်ကတော့ Kppks ပဲ ဖြစ်ပါတယ်။ Genre….. Crime, Mystery, Thriller Quality…. 1080p | 720p File size… 1.6GB | 695MB Format… mp4 Duration…. 1h 40min Subtitle…. Myanmar Subtitle (Hardsub) Translator ….. Kppks Encoder ….. Aaron

အိုဇုဟာ စစ်ကြိုခေတ်မှာ ရုပ်ရှင်စရိုက်ခဲ့တဲ့ ဒါရိုက်တာပေမဲ့ သူ့လက်ရာတွေကတော့ လက်ရှိသက္ကရာဇ်အထိ ထင်ကျန်နေတုန်းပဲ။ ဒီလိုထင်ကျန်နေတဲ့သူတွေ ဂျပန်မှာတင် နည်းတော့ မနည်းပါဘူး။ ဒါပေမဲ့ မတူတာက အိုဇုဟာ သူများတွေလို ဆန်းပြားတဲ့ဇာတ်တွေ အကြောင်းအရာအစဖော်ပေးလိုက်တာနဲ့ အားလုံးစိတ်ဝင်စားလာမယ့် ဇာတ်တွေကို ရိုက်ခဲ့တာမဟုတ်ဘဲ ရိုးရိုးရှင်းရှင်း မိသားစုတွေကြားက အဖြစ်အပျက်တွေကို ရိုးရိုးရှင်းရှင်းလေးပဲ ပုံဖော်ရင်းကို ဒီလိုမှတ်ကျောက်တင်နိုင်ခဲ့တာပါပဲ။ တခြား အဲဒီခေတ်တွေကနေ အခုခေတ်အထိ ထင်ရှားဆဲ ဒါရိုက်တာတွေလည်း ဒါမျိုးတွေ ရံဖန်ရံခါတော့ ရိုက်တတ်ကြပေမဲ့ အိုဇုလို ဒီလိုအကြောင်းအရာတွေချည်း သန့်သန့် ရိုက်နေတဲ့လူတော့ ကျွန်တော်သိသလောက်မရှိဘူး။ ဒီလိုမျိုးခပ်ဆင်ဆင် အပုသုံးကားကိုရိုက်ခဲ့တဲ့ ဆတ္တရာဂျစ်ရေးလို ဂုရုကြီးမှာတောင်မှပဲ ဒီလိုကားမျိုးသက်သက်ရိုက်ခဲ့တာတော့ မဟုတ်ဘူး။ အိုဇုကတော့ တစ်စိုက်တမတ်ပဲ ဒါမျိုးတွေချည်းပဲ ရိုက်ခဲ့တယ်။ ဒါပေမဲ့လည်း ဒါမျိုးတွေ တစ်ကားပြီး တစ်ကား ကျွန်တော်တို့ကြည့်နေရပေမဲ့ ဘယ်တော့မှလည်း ငြီးငွေ့သွားချင်စရာမကောင်းနေဘူး။ အိုဇုရဲ့ ထူးခြားတဲ့ဟန်က တတမိဖျာရိုက်ချက်ရယ် မြုပ်ကွက်ချန်တဲ့ ရိုက်ချက်ရယ်လို့ ပြောရမယ်။ တတမိဖျာရိုက်ချက်ကတော့ ဇာတ်ကောင်တွေကို ကျွန်တော်တို့က သူ့ရှေ့က တတမိဖျာပေါ်ထိုင်ရင်း မြင်နေရသလိုဖြစ်နေတဲ့ အပြမျိုးပေါ့။ မြုပ်ကွက်ချန်တဲ့ ရိုက်ချက်ကတော့ အိုဇုဟာ သူ့ဇာတ်လမ်းရဲ့ အရေးအပါဆုံး အချိုးအကွေ့ကို လုပ်ပေးနိုင်တဲ့ဇာတ်ဝင်ခန်းကို လုံးဝမပြဘဲ ပရိသတ်ကို သူ့ဘာသာပုံဖော်နိုင်အောင် စကားအရိပ်အမြွက်နဲ့ပဲ ပြတာမျိုးပဲ။ နောက်ပိုင်းဒါရိုက်တာတွေလည်း ဒီအကွက်ကို တော်တော်တော့ သုံးခဲ့ကြတယ်။ အိုဇုနဲ့အဆင်ဆုံးပုံစံကိုတော့ Korredaရိုက်ခဲ့တဲ့ Still Walkingမှာ တွေ့နိုင်တယ်။ အိုဇုဟာ သူ့သက်တမ်းတစ်လျှောက်မှာ နှောင်းလူတွေ ပြောစမှတ်ပြုရမယ့် ကားပေါင်းများစွာ ချန်ခဲ့တယ်။ တိုကျိုစတိုရီဆိုရင် သမိုင်းတစ်လျှောက် အကောင်းဆုံးရုပ်ရှင်တွေထဲ နံပါတ်သုံးချိတ်ခဲ့သလို အကောင်းဆုံးဂျပန်ရုပ်ရှင်အဖြစ်လည်း မှတ်ကျောက်တင်နိုင်ခဲ့တယ်။ ဒုတိယကတော့ အကီရာကူရိုဆာဝါရဲ့ ဆဲဗင်းဆာမူရိုင်းပါပဲ။ နာမည်ကျော် The Criterion Collectionကလည်း သူ့ကားပေါင်းများစွာကို ပြန်ထုတ်ပေးခဲ့တယ်။ Good Morningကတော့ အဲဒီကားတွေထဲက တစ်ကားပေါ့။ Good Morningဟာ အိုဇု ၁၉၃၂တုန်းက ရိုက်ခဲ့ဖူးတဲ့ အသံတိတ်ရုပ်ရှင် I Was Born, Butကို သူကိုယ်တိုင် ပြန်ရိုက်ထားတဲ့ရုပ်ရှင်ပါပဲ။ အရောင်နဲ့ရိုက်တဲ့ သူ့ရဲ့ ဒုတိယကားဆိုလည်း ဟုတ်တယ်။ ဇာတ်ကတော့ အဓိကအားဖြင်တော့ မီနိုရုနဲ့ အစ်ဆုမိဆိုတဲ့ ကလေးနှစ်ယောက်နဲ့ သူ့မိသားစုကို တည်ထားတယ်။နောက် သူ့ဘေးက အဝိုင်းအဝန်းထဲက သူ့အိမ်နီးချင်းတွေတစ်ဖြစ်လည်း သူတို့သူငယ်ချင်းတွေ သူတို့သူငယ်ချင်းတွေရဲ့မိသားစုတွေကိုလည်း ပေါ်လွင်အောင် ပုံဖော်ပြထားတယ်။ သူတို့ ငယ်ဘဝကို သေချာပုံဖော်ပြဖို့ဆို သူတို့အိမ်နီးချင်းတွေ သူငယ်ချင်းတွေကို မပါမဖြစ်လိုသကိုး။ နောက် အဲဒီကလေးနှစ်ယောက်ရဲ့ ကလေးဆန်ဆန် အတွေးအခေါ်တွေ လုပ်ရပ်တွေ စိတ်ကူးစိတ်သန်းတွေ, အဲဒီအရာတွေကို သူတို့မိဘတွေ ကိုင်တွယ်ဖြေရှင်းရပုံတွေကိုပြထားတယ်။ ဇာတ်ကတော့ ဒီလိုရိုးရိုးလေးပဲ။ ဒါပေမဲ့လည်း ဒီလောက်အချိန်တိုလေးအတွင်းမှာ ၃၀လောက်ရှိမယ့် ခုနလူတွေအားလုံးရဲ့ စရိုက်တွေ ဘဝတွေကို ကောင်းကောင်းအသက်သွင်းနိုင်ခဲ့တယ်။ ဒီဇာတ်ဟာ ဘာမှတော့ ပေးနိုင်မယ့် ဇာတ်မဟုတ်ပါဘူး။ ဒါပေမဲ့ ရယ်အားထက်ငိုအားသန်အဖြစ်တွေ နွေးထွေးမှုတွေတော့ မြင်ရလိမ့်မယ်။ Korreda ရဲ့ I Wish လို Reply 1988လို အခက်အခဲတွေကြားက နွေးထွေးခြင်းတွေကို မြင်ရမယ့်ဇာတ်ပါပဲ။ ဒီထက်ရှင်းရှင်းလင်းလင်းပြောရရင် အိုဇုဆန်တဲ့ အိုဇုရုပ်ရှင်တစ်ကားပါပဲ။ ဒါတော့မပြောလည်းသိမှာပါ။ အိုဇုမဆန်တဲ့ အိုဇုရုပ်ရှင်ဆိုတာမှ မရှိခဲ့ဘူးကိုး။ File size… 1.7 GB / 1.2 GB Quality… BluRay 1080p / 720p Format… mp4 Duration…. 1h 34m Genre ….. Comedy/Drama Subtitle…. Myanmar Subtitle (Hard Sub) Encoder…. Thit San Khant Translated by WiRa Aung

Abbabba (2024) အဆောင်မှအပြန်ခရီး ဒီနေ့မှာတော့ ၂၀၁၅ ခုနှစ်က ဟစ်ဖြစ်ခဲ့တဲ့ မလေးယာလမ်ကား Adi Kappiyare Kootamani ကို မှီငြမ်းထားတဲ့Abbabbaကားကို တင်ဆက်ပေးလိုက်ပါတယ်။ အားလုံးရဲ့ဘဝမှာ အပျော်ရွှင်ဆုံးအချိန်ကို မေးရင် တက္ကသိုလ်ကျောင်းသားဘဝလို့ ဖြေကြမှာပါ။ လူ့ဘဝထဲ မဝင်ခင် တက္ကသိုလ် ကျောင်းသားဘဝမှာ ပူပန်စရာဆိုလို့ ကျောင်းခေါ်ချိန် မပြည့်တာရယ်၊ လမကုန်ခင် ပိုက်ဆံကုန်သွားလို့ ခေါက်ဆွဲပြုတ်နဲ့ညားတာရယ်၊ ချစ်သူရည်းစားအရေးကိစ္စတွေလောက်ပဲ ရှိကြမှာပါ။ တက္ကသိုလ်မှာ အဆောင်နေကြတဲ့အခါ ဘယ်လောက်ပဲကြမ်းပါတယ် ကျပ်ပါတယ်ဆိုတဲ့ အဆောင်ပဲပြောပြော ရှာကြံပျော်ရပါးရကြသေးတာပါ။ ဇာတ်ဆောင်ဒီလိကတော့ အရမ်းစည်းကမ်းတင်းကြပ်ပါတယ် ဆိုတဲ့ ဖာသာကြီးလက်အောက်က အဆောင်မှာ နေနေတဲ့သူပါ။ တက္ကသိုလ်မှာရတဲ့ ရည်းစားလေးနဲ့ ဘဝကိုပျော်မွေ့နေတဲ့ ဒီလိဟာ တစ်နေ့မှာ ချစ်ရသူရဲ့ အခက်အခဲကို ကူညီပေးရဖို့ ဖြစ်လာပါတော့တယ်။ ပိုက်ဆံမရှိ အစွမ်းအစမရှိတဲ့ တက္ကသိုလ်ကျောင်းသားလူမွဲလေးဟာ ကြံရာမရဖြစ်နေတုန်းမှာ သူတို့သမီးရည်းစား စကားဝိုင်းကို ကြားသွားတဲ့ အာကီလာက ကူညီပေးမယ်ဆိုလာခဲ့တယ်။ အပြန်အလှန်အနေနဲ့ သူတို့ယောက်ျားလေးအဆောင်ကို ငါးမိနစ်လောက် ခိုးဝင်ခွင့်ပေးရမယ် ဆိုလာတဲ့အခါ……. ဘာတွေဆက်ဖြစ်သွားမလဲ။ ဒီလီတစ်ယောက် ချစ်ရသူနဲ့ရော ပေါင်းစည်းနိုင်ပါ့မလား။ အာကီလာကရော ဘာလို့အဆောင်ထဲဝင်ချင်ရတာလဲ၊ အ​ဆောင်ကရော ပြန်ထွက်လို့ရပါ့မလား ဆိုတာတွေကို တက္ကသိုလ်အငွေ့အသက်တွေ၊ ယောက်ျားလေးအဆောင်မှာ ဖြစ်လေ့ဖြစ်ထရှိတဲ့ ဟာသတွေနဲ့အတူ စောင့်မျှော်ကြည့်ရှုပေးကြပါဦး။ (အညွှန်းနဲ့ ဘာသာပြန်ကတော့ CM Bollywood Team ဖြစ်ပါတယ်)

သရဲကား ကြိုက်နှစ်သက်သူတွေအတွက် အသစ်ထွက်ရှိလာတဲ့ Trinket Box ဆိုတဲ့ သရဲကားလေးကို တင်ဆက်ပေးလိုက် ပါတယ်။သရဲကား အမျိုးအစားတွေထဲကမှ ပြောရမယ်ဆိုရင် ဒီကားက ဖြဲခြောက်တာမျိုးမဟုတ်ဘဲနဲ့ စိတ္တဇဆန်ဆန် ခြောက်ခြားစရာကောင်းအောင် ရိုက်ကူးထားတဲ့ကားမျိုးပဲ ဖြစ်ပါတယ်။ပြီးတော့ သရဲခြောက်ရတဲ့ အကြောင်းအရင်းက အမေရိကန်မှာ ဘိုးဘေးဘီဘင်‌ ခေတ်အဆက်ဆက် ကတည်းဖြစ်တည်လာခဲ့တဲ့ လူဖြူလူမည်းလူမျိုးရေးခွဲခြားမှုကို အခြေခံပြီး ဖြစ်လာရတာပဲဖြစ်ပါတယ်။ လူဖြူကောင်မလေးနဲ့ လူမည်းကောင်လေးတို့က ကောင်မလေးရဲ့ အိမ်ထဲမှာ တိုးတိုးတိတ်တိတ် မိဘတွေမသိအောင်ချိန်းတွေ့ ကြည်နူး သာယာတစ်တီတူးနေတုန်း ကောင်မလေးရဲ့ အဖေဖြစ်သူ အိမ်ကိုပြန်ရောက်လာခဲ့ပါတယ်။ဖြစ်ချင်တော့ ကောင်မလေးရဲ့ အဖေကလူမည်းတွေကို အရမ်းမုန်းတီးနေသူဖြစ်တဲ့အတွက် ကောင်လေးကို မရမကလိုက်ဖမ်းပြီး အပီအပြင်တွယ်ပါ တော့တယ်။ခွေးတောင်မှ ချောင်ပိတ်ခံရရင် ပြန်ကိုက်သလို သူလည်းကိုယ့်ကိုယ်ကိုယ် ကာကွယ်ဖို့ ပါတဲ့ ဓားနဲ့ယမ်းလိုက်တာ ကောင်မလေးအဖေ သေသွားပါတော့တယ်။ဒီလိုနဲ့ နောက်ပိုင်း သူတို့နေတဲ့ အိမ်ထဲမှာခြောက်ခြားစရာတွေဖြစ်လာပြီး အခုခေတ် အချိန်ကာလကို ရောက်လာပါတော့တယ်။အခုလည်း အဲ့ဒီအိမ်မှာ လူဖြူကောင်မလေးနဲ့ လူမည်းကောင်မလေးလင်မယား နှစ်ယောက်ပြောင်းရွှေ့နေထိုင်နေတာကို တွေ့ရမှာဖြစ်ပါတယ်။ သူတို့နှစ်ယောက်ရဲ့ ဘ၀လေးက ပျော်ရွင်စရာလေးဆိုပေမဲ့ မစ္စဒေးဗစ်လို့ခေါ်တဲ့ လူမျိုးရေးခွဲခြားတဲ့ အဖွားကြီးတစ်ယောက်က အတင်းတွေအိမ်ကို လာမိတ်ဆက်ပြီး လည်ဆွဲလေးတစ်ခုကို လက်ဆောင်ပေးခဲ့ပြီးနောက်မှာ သူတို့လင်မယားဘ၀မှာ ထူးဆန်းမှုတွေ ပြည့်နှက်လာပြီး အဲ့ဒီလည်ဆွဲကရော ဘာတွေထူးခြားနေလဲဆိုတာကိုကြည့်ရမဲ့ Horror/Thriller ဇာတ်ကားလေးပဲဖြစ်ပါတယ်။ File size…1GB/ 427MB Quality…Blu-Ray 1080p 5.1CH / 720p Format…mp4 Duration….1h 43m Genre ….. Horror Subtitle….Myanmar Subtitle (Hard Sub) Encoder….Min Wai Translated by Saw Lay

The Red Thread (2025) IMDb Rating (5.5) ဇာတ်လမ်း လေးရဲ့ အမည်က မြန်မာလို ပြန်ရင် အနီရောင် ကြိုးမျှင် လို့ အဓိပ္ပာယ် ရပါတယ်။ အ‌‌နီ ရောင် ကြိုးမျှင်နဲ့ ဆက်သွယ်ထားတဲ့ လူ နှစ်ယောက်ဟာ ဘယ်အချိန် ဘယ်နေရာမှာ ရောက် ရောက် ပြန်လည်ဆုံ တွေ့မဲ့ ကံကြမ္မာကို ပိုင်ဆိုင်ထားတဲ့ ဖူးစာဖက် နှစ်ယောက် လည်း ဖြစ်ပါတယ်။ ဇာတ်လမ်း‌ လေးကလည်း အဲ့ဒီအကြောင်းအရာကို အခြေခံပြီး ရိုက်ကူးထားတဲ့ ဇာတ်ကား‌‌ပဲ ဖြစ်ပါတယ်။ ဇာတ်လမ်း အကျဉ်းလေးကတော့ မာနူရယ် လို့ခေါ်တဲ့ စီးပွားရေးသမား တစ်ဦးနဲ့ လာဘရီ လို့ခေါ်တဲ့ လေယာဉ် တစ်ယောက်ဟာ လေယာဉ်စီးရင်း ပထမဆုံး ဆုံတွေ့ကြတာ ဖြစ်ပေမဲ့ နှစ်ယောက်သားကြားက မြင်မြင်ချင်း ချစ်မိသွားတဲ့ အချစ်ကတော့ အင်မတန် ကြီးမားခဲ့ပါတယ်။ လေယာဉ် ဆိုက်ရင် တွေ့ကြဖို့ စီစဉ်ထားခဲ့ကြ ပေမဲ့ ကံကြမ္မာရဲ့ မျက်နှာသာမပေးမှု ကြောင့် ကွေကွင်းသွားခဲ့ရပါတယ်။ ဒီလိုနဲ့ ခုနှစ် နှစ်ကြာပြီးတဲ့ နောက်မှာ နှစ်ယောက်သားမှာ ဆိုင်သူ ပိုင်သူ အသီးသီး ရှိနေတဲ့ အချိန်မှာ ပြန်လည် ဆုံတွေ့ကြတဲ့ အချိန်မှာကော ပထမဆုံး တွေ့တုန်းက လောင်ကျွမ်းခဲ့တဲ့ အချစ်မီးက ဆက်လက် လောင်ကျွမ်း နေဆဲလား ဆိုတာကို ဇာတ်လမ်း ထဲမှာ ကြည့်ရှု့ ခံစားလိုက်ပါ ခင်ဗျာ။ (အညွှန်းနဲ့ဘာသာပြန်ကတော့ Ko Dee ဖြစ်ပါတယ်။) File size…(1.5 GB) / (610 MB) Quality….WEB-Rip 1080p HEVC / 720p Format…. mkv/mp4 Genre….Drama,Romance Duration….01:39:53 Subtitle….Myanmar Subtitle (Hardsub) Encoder….Double K Translated by Ko Dee

Someone Special (2004) *********************** အချစ်ဇာတ်လမ်းကောင်းကောင်းလေး ကြည့်ချင်တဲ့သူတွေအတွက် Romance Is A Bonus Book ဇာတ်လမ်းတွဲထဲက မင်းသမီး Lee Na Young နဲ့ The Odd Family : Zombie On Sale ထဲက မင်းသား Jung Jae Young တို့ရဲ့ အချစ်ကားလေးတစ်ကားကို တင်ဆက်ပေးလိုက်ပါတယ်…။ ဘေ့စ်ဘောကစားသမားဖြစ်တဲ့ ဒုံချီဆောင်းရဲ့ ဘဝက ကံဆိုးမှုတွေအပြည့်နဲ့ပါ။ သူ့ ချစ်သူကောင်မလေး လမ်းခွဲတာကိုလည်းခံရပြီး အဲဒီနေ့မှာပဲ ဆေးရုံက ဆရာဝန်ကလည်း သူ့မှာ အသက်အန္တရာယ်ရှိစေနိုင်တဲ့ အကျိတ်ရှိနေတာကြောင့် ၃လပဲ အသက်ရှင်နေထိုင်နိုင်တော့မယ်လို့ ပြောခဲ့ပါတယ်…။ အဲဒါနဲ့ ဒုံချီဆောင်းက စိတ်ညစ်ပြီး ဘားမှာအရက်သွားသောက်တယ်…။ နောက်တစ်နေ့မနက်နိုးလာတဲ့အချိန်မှာတော့ ဘားက စားပွဲထိုးကောင်မလေး ဟန်အီယောင်းနဲ့ ဟိုတယ်တစ်ခန်းထဲမှာ ရှိနေတယ်…။ မနေ့ညက မှောက်သွားလို့ ကောင်မလေးက သူ့ကို ခေါ်လာခဲ့တာပေါ့…။ အဲဒီလိုကနေ သူတို့ရဲ့ အချစ်ဇာတ်လမ်းလေး စလာတော့တာပါပဲ…။ ဇာတ်ကားလေးက IMDb 7.0 ရှိပြီး အေးအေးဆေးဆေးဇိမ်ယူပြီး ကြည့်လို့ကောင်းတဲ့ ကားကောင်းလေးပါ။ ဒီဇာတ်ကားနဲ့ မင်းသမီး Lee Na Young ကလည်း အကောင်းဆုံးအမျိုးသမီးဇာတ်ဆောင်ဆုတွေ အများကြီးရခဲ့သလို ဒီဇာတ်လမ်းကို ကိုယ်တိုင် ရေးသားပြီး ရိုက်ကူးခဲ့တဲ့ ဒါရိုက်တာကလည်း ဇာတ်ညွှန်းဆုတွေ ရခဲ့ပါသေးတယ်…။ (အညွှန်းကို M မှ ရေးသားထားပါတယ်) File size…1.55GB / 828MB Quality… WEB-DL 1080p/ 720p Format…mp4 Duration….1 hr. 47 min. Genre ….. Comedy, Romance, Melodrama Subtitle….Myanmar Subtitle (Hard Sub) Translated by M Encoded by AHtet

Mr Rani 2025 (မင်းသားရူးလေး ရာနီ) IMDb – 7.2/10 ရာဂျာဆိုတဲ့ကောင်လေးဟာ ငယ်ငယ်လေးကတည်းက မင်းသားရူး ရူးခဲ့ရသူတစ်ယောက်ပါ။ ကျောင်းမှာလည်း စာမလုပ်ဘဲ သူငယ်ချင်းကောင်မလေးတွေကိုခေါ်ကာ ဇာတ်လမ်းထဲက ဇာတ်ကွက်တွေ လိုက်ပြီး သရုပ်ဆောင်ခိုင်းလွန်းလို့ ခဏတိုင်း အတိုင်ခံ အရိုက်ခံရသူတစ်ယောက်ပါ။ ရာဂျာ့အဖေကတော့ ရာဂျာ့ကို အင်ဂျင်နီယာကြီးဖြစ်ပါစေဆိုပြီး အမြဲ တွန်းပို့ပေးခဲ့ပါတယ်။ ဒါပေမဲ့လည်း မင်းသားရူး ရူးနေတဲ့ ရာဂျာကတော့ ကျောင်းပြီးလို့ အသက်လေးရလာတဲ့အချိန်မှာ 0မိဘတွေကို လိမ်ကာ သူငယ်ချင်းဖြစ်သူ မန်ဂျာရဲ့အကူအညီနဲ့ အမေရိကန်နိုင်ငံ ဂူဂဲလ်ကုမ္ပဏီကနေ အလုပ်ရပြီဆိုကာ ပြောပါတော့တယ်။ ဒီလိုနဲ့ အမေရိကန်ကို သွားချင်ယောင်ဆောင်ကာ ရာဂျာတစ်ယောက် သူ့ဝါသနာဖြစ်တဲ့ မင်းသားတစ်ယောက်ဖြစ်ဖို့အတွက် ကြိုးစားဖို့ လုပ်ပါတော့တယ်။ ရာဂျာတစ်ယောက် သရုပ်ဆောင်လောကထဲကို ဝင်ရောက်ဖို့ကြိုးစားတဲ့လမ်းမှာ ဘယ်လိုတွေ ကြုံတွေ့ရမလဲ …… မိဘတွေကို လိမ်ထားတဲ့ကိစ္စကရော ဘယ်လိုတွေ ဆက်ဖြစ်သွားမလဲ …. သရုပ်ဆောင်လောကထဲကိုရော ဝင်ရောက်သွားနိုင်ပါ့မလား …… ဆိုတာတွေကို ဟာသလေးတွေ နှောရင်းနဲ့ ကြည့်ရှုရမဲ့ ဇာတ်လမ်းကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ဖြစ်ပါတယ်)