ကြမ်းပေ့ရမ်းပေ့ သွေးထွက်စုတ်ပြတ်တဲ့ကားမှ ကြိုက်ပါတယ်ဆိုတဲ့ သူတွေအတွက် Feastဆိုတဲ့ဇာတ်ကားကို တင်ဆက်ပေးလိုက်ပါပြီ။ ဇာတ်လမ်းတစ်ခုလုံး နီဗားဒါးမှာရှိတဲ့ အရက်ဆိုင်တစ်ခုအတွင်းမှာတင် ဖြစ်ပျက်သွားတာပါ။ အရက်လာသောက်သူတွေဟာ သာမာန်နေ့တွေလိုပဲ သောက်စားပျော်ပါးနေကြရင်းနဲ့ ဟီးရိုးဆိုတဲ့လူတစ်ယောက် ရောက်လာပြီး အပြင်မှာမကောင်းဆိုးဝါးတွေ ရှိနေပြီလို့ လာပြောပြခဲ့ပါတယ်။ မကောင်းဆိုးဝါးတွေဟာ လျှင်မြန်ရုံတင်မက ရွံစရာကောင်းပြီး အင်မတန်ကို ဆာလောင်နေကြတာပါ။ ဒီလိုမကောင်းဆိုးဝါးတွေက အရက်ဆိုင်ဆီ မဖိတ်ခေါ် ပဲရောက်လာတဲ့အခါ အရက်ဆိုင်ထဲကလူတွေက ခုခံဖို့နဲ့လွတ်မြောက်ဖို့ အတွက် အတူတကွ ကြိုးပမ်းကြပါတော့တယ်။ အကောင်းဆုံးဒါရိုက်တာဆုရထားတဲ့ဇာတ်ကားပီပီ အဖြစ်အပျက်တွေဟာ မထင်ရင်မထင်သလိုထထဖြစ်တာကြောင့် သာမာန်horrorဇာတ်ကားတွေနဲ့ အရသာချင်းမတူတဲ့အတွက် သွေးထွက်သံယိုမှကြိုက်သူတွေ ကြည့်သင့်တဲ့ ဇာတ်ကားလေးတစ်ကားဖြစ်ပါတယ်။ R rated ဇာတ်ကားဖြစ်ပြီး သွေးထွက်သံယိုအခန်းတွေ အင်မတန်များတာကြောင့် ကလေးငယ်များနဲ့ အကြောက်လွန်တတ်သူတွေ မကြည့်သင့်ပါဘူးနော်။ (ဘာသာပြန်နဲ့ အညွှန်းကတော့ Jaka ပဲ  ဖြစ်ပါတယ်) File size…1.88GB / 528MB Quality…Blu-Ray 1080p 5.1CH / 720p Format…mp4 Duration….1h 35m Genre ..... Action , Comedy , Horror Subtitle….Myanmar Subtitle (Hard Sub) Encoder….Min Wai Translated by Jaka

Laurene နဲ့ Conrad တို့ဟာ ခုနစ်နှစ်ကြာ လက်တွဲလာခဲ့တဲ့ချစ်သူတွေဖြစ်ပြီး သက်တမ်းကြာလာတဲ့စုံတွဲတွေမှာဖြစ်တတ်တဲ့ ကတောက်ကဆပြဿနာလေးတွေရှိနေပါတယ်။ Laurene က သူဌေးသမီးဖြစ်ပြီး Conrad က သူ့အစ်ကိုရဲ့အောက်မှာ ဝန်ထမ်းဖြစ်နေတာ၊ မပြည့်စုံတဲ့ Conrad အတွက် Laurene အလိုတွေကိုမဖြည့်ဆည်းနိုင်တာတွေကလည်း သူတို့ဆက်ဆံရေးမှာအဖုအထစ်တွေပါပဲ။ တစ်နေ့တော့ အမေရိကားက ပြန်ရောက်လာတဲ့ လော်ရိန်းသူငယ်ချင်း Easton ဆိုတဲ့သူဌေးသားနဲ့ Conrad တို့ကို မိတ်ဆက်ပေးလိုက်ပြီးတဲ့ နောက်မှာတော့ Bisexual ဖြစ်တဲ့ Easton က Conrad ကိုစိတ်ဝင်စားသွားခဲ့ရာကနေ သူတို့ဟာ ထူးခြားတဲ့ သုံးပွင့်ဆိုင်ဇာတ်လမ်းတစ်ခုကို ဖန်တီးမိပါတော့တယ်။ Lovely Ladies Dormitory ထဲက ရွှေရင်ဌေးဌေးမင်းသမီးငယ်လေး Julia Victoria ဦးဆောင်ပါဝင်ထားပြီး၊ နောက်ပိုင်းအများကြီး မြင်လာရဖို့ရှိတဲ့ Franchesca Flores တို့၊ Apple Castro တို့မျက်နှာသစ်ကလေးတွေအားဖြည့်ထားပါသေးတယ်။ ရှုစားကြည့်ကြပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 2.05GB, 850MB Quality - 1080p, 720p Format - mp4 Duration - 1H 45Min Genre - Drama Subtitle - Myanmar Subtitle (Hardsub) Translated by Alias Encoded by RGB

Dark comedy & drama အမျိုးအစားဇာတ်ကားဖြစ်ပြီး ဇာတ်ကြောင်းကတော့နည်းနည်းထူးဆန်းပါတယ် (Samuel) ဆမ်ဆိုတဲ့လူတစ်ယောက်ဟာသူ့အဖေကိုလိုက်ရှာရင်းတစ်ခါမှမရောက်ဖူးတဲ့နေရာတစ်ခုဆီရောက်သွားပါတော့တယ် နောက်တစ်နေ့မှာတော့ရွာကလူတွေကသူ့ကိုဖမ်းချုပ်ပြီးဝက်တွေနဲ့အတူတူလှောင်ပိတ်ထားလိုက်ကြပါတော့တယ် ဆမ်တစ်ယောက်ထူးဆန်းတဲ့ရွာသားတွေနဲ့ဘယ်လိုနေထိုင်သွားရမလဲ၊ သူအဲဒီရွာကနေထွက်ပြေးလွှတ်မြောက်နိုင်ပါ့မလားဆိုတာကိုကြည့်ရှုရမှာပါ။

ဒီကားကတော့ Spider-Man ကိုသိတဲ့သူတွေရော မသိတဲ့ သူတွေကိုပါ ပထမဆုံးအကြိမ် မိတ်ဆက်ပေးခဲ့တဲ့ ရုပ်ရှင်ဇာတ်ကားလည်းဖြစ်ပါတယ်။ ပထမဆုံး Live Action Spider-Man ဇာတ်ကားက ပရိတ်သတ်ကို စိတ်ကျေနပ်မှုပေးနိုင်ခဲ့ပါတယ်။ အထူးသဖြင့် လူငယ် ပရိတ်သတ်တွေနဲ့ Comic စာအုပ်ပရိတ်သတ်တွေ အားပေးမှုကိုရှိခဲ့ပါတယ်။ ဒီကားက သာမန်အထက်တန်းကျောင်းသား Peter Parker ဘဝကနေ ဆယ်ကျော်သက် စူပါဟီးရိုး ဖြစ်လာပုံနဲ့ ရရှိထားတဲ့ စွမ်းအားတွေကို အဓိပ္ပာယ်ရှိရှိ အသုံးချဖို့ အတွက် တွန်းအားရလာပုံတွေကို အဓိက ရိုက်ကူးထားပါတယ်။ Spider-Man ဖြစ်လာပုံကို အားလုံးသိပြီးသားဖြစ်ပါတယ်။ Oscorp ကုမ္ပဏီက Radioactive Spider အကိုက်ခံရပြီးနောက် စွမ်းအားတွေရလာတာဖြစ်ပါတယ်။ ဒီနေရာမှာ Spider-Man ရဲ့အကြောင်း အနည်းငယ်ပြောပြချင်ပါတယ်။ Spider-Man ကို Marvel က ကာတွန်းဆရာ Stan Lee ကစတင်မိတ်ဆက် ခဲ့တာဖြစ်ပါတယ်။ ပထမဆုံးအကြိမ် သူ့ရဲ့ စိတ်ကူးကို ထုတ်ဝေသူကို ပြောပြချိန်မှာ ထုတ်ဝေသူက လက်မခံခဲ့ပါဘူး။ ဘာလို့လည်းတော့ ပင့်ကူဆိုတာ လူတိုင်း ကြောက်ကြတဲ့ သတ္တဝါဖြစ်သလို၊ ဆယ်ကျော်သက် စွမ်းအားရှင်ဆိုတဲ့ အချက်ကို အဲ့ဒီအချိန်က လူတွေလက်ခံမှာမဟုတ်ဘူးလို့ ထင်ခဲ့ပါတယ်။ ဒါပေမယ့် Stan Lee က အဲ့ဒီအမြင်ကိုလက်မခံပဲ Spider-Man က လူငယ် စာဖတ်ပရိတ်သတ်ကို ဆွဲဆောင်နိုင်မယ်လို့ ယုံကြည်ခဲ့ပြီး၊ တကယ်စာအုပ်ထွက်လာတဲ့အခါမှာတော့ Spider-Man စာအုပ်က အကုန်ရောင်းကုန်ခဲ့ပြီး၊ Marvel ရဲ့ ရောင်းအားအကောင်းဆုံး စာအုပ်စာရင်းဝင်ခဲ့ရာက The Amazing Spider-Man စာအုပ် ထွက်လာခဲ့ပါတယ်။ Peter Parker က ဆက်ကျော်သက် ဉာဏ်ကြီးရှင်တစ်ယောက်ဖြစ်ပြီး၊ သိပ္ပံပညာထူးချွန်သူတစ်ဦးပါ။ သူ့အဖေနဲ့ အမေ က S.H.I.E.L.D အေးဂျင့်တွေဖြစ်ပြီး၊ နှစ်ယောက်လုံးက သိပ္ပံပညာရှင်တွေဖြစ်ပါတယ်။ Peter Parker က Spider-Man ရဲ့ အဓိက လက်နှက်ဖြစ်တဲ့ Web-Shooter ကို သူကိုယ်တိုင် တီထွင်ခဲ့တာဖြစ်ပါတယ်။ ဒါပေမယ့်ဒီကားမှာ ဒါရိုက်တာက အထက်တန်းကျောင်းသားက ဒီလောက်တော်မယ်ဆိုတာ လူတွေ လက်မခံလောက်တာကြောင့် Web တွေကို ကိုယ်ထဲက ထုတ် ပေးတယ်ဆိုပြီး ဇာတ်လမ်းလုပ်ထားပါတယ်။ ဒီကားထဲမှာ Spider-Man ရဲ့ ရန်သူတွေထဲက ကြောက်စရာအကောင်းဆုံး ရန်သူဖြစ်တဲ့ Green Goblin ကို မိတ်ဆက်ထားပြီ၊ ကျွန်တော့်အမြင်ပြောရရင် Green Goblin က ဒီကားမှာ ဒီထက်ပိုပြီး နေရာရသင့်ပါတယ်။ Green Goblin ဆိုတာ Spider-Man ရဲ့ အဓိက ရန်သူဖြစ်ပြီး၊ Batman ရဲ့ Joker လိုပဲ သူလည်း marvel universe မှာ အဆင့်အတန်းရှိတဲ့ Villain ဖြစ်ပါတယ်။ ပထမဆုံး ကားဖြစ်လို့ သိပ်မထူးခြားပေးမယ့် ကျွန်တော်တို့ကို Spider-Man နဲ့ မိတ်ဆက်ပေးခဲ့တဲ့ကားဖြစ်လို့ အခုချိန် အထိ ပြန်ကြည့်မိနေဆဲပါ။ မိသားစုဇာတ်ကားပါ။ #Sololay (ရုပ်ရှင်အညွှန်းကို Movies For Myanmar Page မှ ကူးယူဖော်ပြပါသည်။) မင်သား Tobey Maguire ရဲ့ အော်ရဂျင်နယ် Spider Man ဇာတ်ကားတွေကို DS4K 1080p BluRay Quality နဲ့တင်ဆက်လိုက်ပါတယ်...1080p ဆိုပေမယ့် 4K ရုပ်ထွက်ထက် ပိုကောင်းတဲ့ Regrade Version မို့ DS4K Version ကိုသာ တင်ဆက်လိုက်ပါတယ်။ ဘာသာပြန်လိုအပ်ချက်တွေရော သတ်ပုံတွေရော တတ်နိုင်သမျှပြန်ပြင်ထားတာမို့ အခု Version ကို ပြန်ဒေါင်းသိမ်းသင့်ပါတယ်။ File size…(2.6 GB)/(1.1 GB) Quality….BluRay DS4K HEVC 1080p / 720p Format…mkv/mp4 Duration….02:01:12 Subtitle….Myanmar Subtitle (Hardsub) Encoder….Nyeinsaeya Aung Translated by Min Thet Oo

Blood Flower (2022) ကျွန်တော်တို့ငယ်ငယ်ကတုန်းဆို မလေးရှားသရဲကားတွေဆိုတာလျှမ်းလျှမ်းတောက် အောင်မြင်ခဲ့တာပေါ့။ မလေးရှားစုန်းကာ အသစ်ထွက်တယ်ဆိုရင်ကို အဒေါ်တွေနဲ့ ရုပ်ရှင်ရုံသွားကြည့်ရ အခွေငှားဆိုင်မှာ လုငှားခဲ့ရတာပေါ့။ တစ်ခါတစ်လေဆို အခွေကလက်မလည်လို့ ကြိုတင်ဘွတ်ကင်ပါ လုပ်ရသေးတာ။ ခုချိန်မှာလဲ မလေးရှား ဟော်ရာကားတွေက အရင်ကလို သိပ်မကြည့်ကြတော့ဘူးဆိုပေမဲ့ အရင်ကလိုပဲ မလေးရှားသရဲကား အငွေ့သက်တွေနဲ့ ကြောက်စရာကောင်းနေတုန်းပါပဲ။ အပနှင်တဲ့ပုံစံမျိုးနဲ့ လျှို့ဝှက်ချက်တွေပါတဲ့ ဟော်ရာကားမျိုး ကြိုက်တတ်တဲ့သူတွေအတွက်ကတော့ ဟော်ရာကားတွေ ထွက်စရာသိပ်မရှိတော့လို့ ဒီမလေးရှားဟော်ရာကားလေးက စိတ်ကျေနပ်မှုပေးနိုင်တဲ့ကားလေးဖြစ်မှာပါ။ သွေးသံတရဲရဲအခန်းတွေပါတာကိုတော့ သတိချပ်စေလိုပါတယ်။ ဇာတ်လမ်းအကျဉ်းလေးကတော့ အပနှင်တဲ့မိသားစုတစ်စုရှိပါတယ်။ အဲ့မိသားစုထဲမှာမှ အဖေလုပ်သူကလွဲပြီး ကျန်တဲ့သုံးယောက်လုံးဟာ သရဲတစေ တွေကို မြင်နိုင်စွမ်းရှိကြပါတယ်။ တစ်နေ့အပနှင်နေတုန်းမှာ အမေဖြစ်သူဟာ နတ်ဆိုးတစ်ကောင်ကြောင့်သေခဲ့ရပြီး နောက် အဖေဖြစ်သူက သူ့သားသမီးတွေ ဒီလိုမဖြစ်ရအောင်ဆိုပြီး သူတို့ရဲ့အစွမ်းစတွေကို ချိတ်ပိတ်ထားခဲ့ပါတယ်။ ဒါပေမဲ့ တစ်နေ့မှာ သူတို့နဲ့အိမ်နီးချင်းတစ်ယောက်ဟာ သူမရှိတုန်း သူ့အခန်းကိုကြည့်ပေးဖို့ထားခဲ့ပါတယ်။ သားဖြစ်တဲ့သူနဲ့ သူ့သူငယ်ချင်းတွေဟာ အဲ့အခန်းထဲကိုဝင်ပြီး အလုံပိတ်ထားတဲ့ အခန်းတစ်ခုကို ဖွင့်မိရာကနေ လူတွေတစ်ယောက်ပြီးတစ်ယောက် သေကုန်ကြပါတယ်။ အဲ့အခန်းထဲက လွတ်သွားတဲ့အရာက ဘာလဲ ဘာလို့လူတွေကိုလိုက်သတ်နေရတာလဲ အခန်းပိုင်ရှင်ရဲ့ လျှို့ဝှက်ချက်ဟာဘာလဲဆိုတာကို အသဲတယားယားနဲ့ ကြည့်ရှုလိုက်ကြပါဦး ။ အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre….. Fantasy, Horror, Mystery Quality…. 1080p | 720p | 480p File size… 1.2GB | 567MB | 290MB Format… mp4 Duration…. 1h 42min Subtitle…. Myanmar Subtitle (Hardsub) Translator ….. K.Hein Encoder ….. Aaron

အော်စကာဆုကို ထိုင်ထိုက်တန်တန်ဆွတ်ခူးထားခဲ့တဲ့ ဒီဇာတ်ကားကတော့ Crime, Mystery, Thriller အမျိုးအစားပဲ ဖြစ်ပါတယ်။ ဒီဇာတ်ကားရဲ့ အဓိကဇာတ်‌ဆောင်ဖြစ်သူ မိုက်ကယ်ကလေတွန်ဟာဆိုရင် အကြွေးနွံနစ်နေတဲ့ fixer တစ်ယောက်ပဲဖြစ်တယ်။ သု့အလုပ်က သူများအရှုပ်တွေကို ရှင်းပေးဖို့ပဲဖြစ်ပြီး တရားခွင်ရှေ့နောက်တစ်ယောက်မဟုတ်။ ဒါပေမဲ့ မိုက်ကယ်က သူ့ရဲ့လက်ရှိအသက်မွေးဝမ်းကျောင်းကို စိတ်ကုန်လာပြီး သူ့အစ်ကို တင်မီနဲ့ ဘားဖွင့်ခဲ့ပေမဲ့လဲ ဆေးစွဲနေတဲ့ တင်မီကြောင့် အကြွေးပဲတင်သွားခဲ့တယ်။ နောက်ဆုံး ကိုင်ရတဲ့အမှုက အလုပ်က စီနီယာဖြစ်သူ အာသာအီဒင်ရဲ့ ကေ့စ်။ အာသာက လယ်ယာဓာတုကုမ္ပဏီ U/North ရဲ့ ဒေါ်လာ ၃ ဘီလီယံတန် Action Lawsuit တစ်ခုတည်းကို ကိုင်တွယ်နေတာ ၆ နှစ်ရှိပြီဆိုပေမဲ့ အီဒင်က စိတ်ကစဉ့်ကလျားရောဂါကြောင့် ဆေးပုံမှန်သောက်နေရတဲ့သူတစ်ယောက်။ တစ်ရက် ဆေးပုံမှန်မသောက်မိဘဲ ကိစ္စကို အ‌န္တရယ်တောထဲ ပို့မိသွားခဲ့တယ်။ မိုက်ကယ်ဟာ အရှုပ်တွေကို ရှင်းပေးနေတဲ့အချိန်မှာပဲ တစ်စုံတစ်ယောက်က သူ့ကို သတ်ဖို့ကြိုးစားခဲ့ပြန်ပါရော….. ဘယ်သူများဖြစ်နိုင်မလဲ? File size…(1.7 GB)/(860 Mb) Quality….Webrip 1080p / 720p Format…mp4 Duration….02:00:00 Genre…Drama, Crime, Mystery Subtitle….Myanmar Subtitle (Hardsub) Encoder….Garfield Translated by Moshi

Anyone But You (2023) ~ IMDb – 6.6/10, RT – 52%, Meta – 52% ~ ကျန်တာမပြောခင် အရင်ဆုံးဝန်ခံရမှာက ဒီရုပ်ရှင်မှာ အဖမ်းစားဆုံးနိုင်ဆုံးက ဇာတ်လည်းမဟုတ်သလို ဒိုင်ယာလော့လည်းမဟုတ်ပါဘူး။ Sydney Sweeney ပါပဲ။ Euphoria နဲ့ အားလုံးသိပြီးသားဖြစ်မှာပါ။ Madame Web ထဲပါထားသလို The Voyeurs ထဲလည်း သူ့အလှတွေတော်တော်ပြပြီးပါပြီ။ ဆွဲဆောင်မှု တော်တော်ရှိတဲ့ မင်းသမီးပေါ့။ Friends with Benefits, Easy A နဲ့ Peter Rabbit တို့ရဲ့ ဒါရိုက်တာ Will Gluck ပဲ ရိုက်ထားတာပါ။ သူ့ကားတွေအကုန်ကြည့်ကောင်းတယ်ဆိုတော့ ဒီကားလည်း ကြည့်မကောင်းမှာတော့ ပူစရာမရှိဘူး။ ဒါရိုက်တာဟာ အင်တာတိန်မာတစ်ယောက်ပီသပါတယ်။ ဒါရိုက်တာဟာ ဆစ်ဒနီကို ခေါင်းအစခြေအဆုံး အကုန်သုံးပြီး ဒီရုပ်ရှင်အတွက် ညှို့ဓာတ်ကို ဖန်တီးသွားခဲ့တယ်။ တမင်ကို ဆစ်ဒနီကိုပဲ ရိုက်ပြထားသလားမှတ်ရအောင်လည်း သေသေချာချာကို တစ်နေရာမလွတ်ရအောင် သုံးသွားခဲ့တာပါပဲ။ တခြားမင်းသမီးတွေကိုလည်း ဒီလိုသုံးထားသေးပေမဲ့ သူ့ကိုတော့ အပြည့်အဝသုံးသွားခဲ့တယ်ပြောရပါမယ်။ ဒီတစ်ချက်နဲ့တင် ဒီရုပ်ရှင်က တော်တော်ကြည့်လို့တန်နေတဲ့ ရုပ်ရှင်ဖြစ်နေပါပြီ။ ကြည့်ကိုကြည့်ရမယ့်ရုပ်ရှင်ဆို ပိုမှန်ပါလိမ့်မယ်။ ရှိတ်စပီးယားရဲ့ Much Ado About Nothing ကို ကျောရိုးယူပြီး ခေတ်သစ်မှာ ရိုက်ထားတဲ့ Rom-Com ဖြစ်ပြီး ဇာတ်ကတော့ ဘယ်လိုမှမတည့်တဲ့ လူနှစ်ယောက် တစ်ယောက်နဲ့တစ်ယောက် အမြဲသတ်နေရတဲ့လူနှစ်ယောက် အမုန်းကနေ အချစ်ဖြစ်သွားတဲ့ဇာတ်ပါပဲ။ ဒီလိုဇာတ်မျိုးတွေ တော်တော်များနေပြီဆိုပေမဲ့ ဒီဇာတ်ကတော့ ဟိုကနည်းနည်းဖြတ်လိုက် ဒီကနည်းနည်းကပ်လိုက် အချစ်နဲ့ပတ်သက်တဲ့ လှတပတတွေအကုန်ထည့်ထားတာမို့ ကောင်းတော့ကောင်းရှာပါတယ်။ When Harry Met Sally… ထဲက အဆုံးဒိုင်နဲ့ခပ်ဆင်ဆင်ဒိုင်တွေကိုတောင် ယူသုံးထားပါသေးတယ်။ ဩစတေးလျရဲ့ လှပတဲ့ဆစ်ဒနီမြို့မှာ တည်ထားတာမို့ ဆစ်ဒနီရဲ့ အလှအပတွေကို… ဆစ်ဒနီရဲ့အလှအပတွေကို မလွတ်တမ်းကြည့်သင့်တဲ့ ရုပ်ရှင်ပါပဲ။ မင်းသားကတော့ Top Gun: Maverick ထဲက Glen Powell ပေါ့။ အဲဒါတွေ ထားပါ။ ထပ်ပြောချင်တာကတော့ ဆစ်ဒနီရဲ့ အလှအပတွေကို တဝကြီးရှုစားရမယ်ဆိုတာပါပဲ။ ဆစ်ဒနီမဟုတ်တဲ့ ဆစ်ဒနီဟာသိပ်လှပါတယ်။ ပြီးတော့ ဆစ်ဒနီမဟုတ်တဲ့ ဆစ်ဒနီဟာလည်း သိပ်လှပါတယ်။ Anyone but You ဟာ ဆစ်ဒနီတို့ရဲ့ အလှအပတွေကို တဝကြီးခံစားကြရမယ့်ရုပ်ရှင်ပါပဲ။ (ဒီဇာတ်ကားနဲ့အညွှန်းကို W မှ ပြန်ဆို ရေးသားထားပါတယ်) Size – 5.4GB, 2.35GB, 1.2GB Quality – 4K HEVC, 1080p, 720p IMDb Rating – 6.6/10 Format – mp4 Duration – 1H 43Min Genre – Comedy, Romance Subtitle – Myanmar Subtitle (Hardsub) Translated by W Encoded by Y

အခုတစ်ခါမှာတော့ Sharkers ဆိုတဲ့ Dark Comedy ကားလေးကို တင်ဆက်ပေးပါရစေ။ Dark Comedy ဆိုတဲ့အတိုင်း မိသားစုနဲ့ ၁၈နှစ်အောက်ကလေးတွေကြည့်ဖိုမသင့်တော်တဲ့ ဇာတ်ဝင်ခန်းတွေနဲ့ စကားပြောခန်းတွေပါတာကိုတော့ကြိုတင်သတိပေးပါရစေ။ ဇာတ်လမ်းအကျဉ်းကတော့ ဖရန်ကီဆိုတဲ့လူငယ်လေးဟာ အတူနေ ချစ်သူလောရန်နဲ့ နေနေကြရင်း ချစ်သူသက်တမ်း၂နှစ်ပြည့်မှာတော့ လောရန်ဟာ သူမရဲ့ထူးဆန်းတဲ့ လိင်စိတ်ကို ထုတ်ဖော်လာပြီး အဲဒါကို အကောင်အထည်ဖော်ဖိုဖရန်ကီကိုတောင်းဆိုလာပါတော့တယ်။ အဲဒီလိုနဲ့ ဖရန်ကီနဲ့လောရန်တို သဘောတူညီမှုယူပြီး လောရန်ရဲ့ အစီအစဉ်ကို အကောင်အထည်ဖော်ကြရာကနေ ဖရန်ကီတစ်ယောက် လောရန်ရဲ့စွန့်ပစ်တာကို ခံလိုက်ရပါတော့တယ်။ အသည်းကွဲနေတဲ့ ဖရန်ကီဟာ ကလပ်မှာ ဆေးရောင်းတဲ့ကီဗင်နဲ့တွေ့ပြီး ရင်ဖွင့်မိရာကနေ ကီဗင်ရဲ့အိမ်ကိုလိုက်သွားမိပြီးမူးယစ်ဆေးတွေပါသုံးမိပြီး မကြုံစဖူး အတွေ့အကြုံတွေကို စတင်ကြုံတွေရပါတော့တယ်။ ဖရန်ကီတစ်ယောက် ဘာတွေကြုံတွေ့ရမလဲ ဆေးတွေသုံးပြီးဘာတွေ ဇောက်ထိုးမိုးမျှော် မထင်မှတ်တာတွေ ဖြစ်မလဲဆိုတာကိုတော့ ဆက်ကြည့်လိုက်ရအောင်ဗျာ။ File size…1.63GB / 816MB Quality…WEB-DL 1080p HEVC / 720p Format…mkv / mp4 Duration….1h 28m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Thura Mg Mg

Book of Shadows: Blair Witch 2 (2000) ဒီရုပ်ရှင်မှာက ပရိသတ်ကိုအတွေးစတွေ ချန်ထားခဲ့မှာဖြစ်ပါတယ် ။ဒါကတော့ ဂျက်ဖ်တို့လူစုကြုံရတာကအစုလိုက်အပြုံလိုက် အရူးထတာလားဒါမှမဟုတ်သဘာလွန်ဖြစ်ရပ်လားဆိုတာပါပဲ။ ဒီဇတ်ကားကလည်း ငွေကြေးအရအောင်မြင်တဲ့ဇတ်ကားဖြစ်ခဲ့ပါတယ်။ဒါရိုက်တာကတော့ မှတ်တမ်းတင်ရုပ်ရှင်တွေရိုက်လေ့ရှိတဲ့ Joe Berlingerဖြစ်ပါတယ်။ အခုတိုးတက်ပြီးယဥ်ကျေးပါတယ်ပါတယ်ဆိုတဲ့ဥပရောတိုက်သားတွေကစုန်းအတတ်နဲ့ပြုစားပါတယ်လို့စွပ်စွဲပြီး၁၄၀၀ခုနှစ်ကနေ၁၇၇၅ထိ လူ၃၀၀၀၀ကနေ ၆၀၀၀၀ကို သတ်ခဲ့တယ်ဆိုရင်အံသြသွားကြမယ်ထင်ပါတယ်။ ရောမအင်ပါယာ ဂျာမဏီ ပြင်သစ် အင်္ဂလန် ဆွစ်ဇာလန် စကော့တလန် ဆွီဒင် အင်္ဂလိပ်ကိုလိုနီဖြစ်တဲ့အမေရိကနဲ့မက္ကဆီကိုတို့မှာစုန်းတွေကိုလိုက်ရှာပြီးသတ်ဖြတ်တာတွေလုပ်ခဲ့ကြပါတယ်။ အကျော်ကြားဆုံးစွပ်စွဲသတ်ခံရတဲ့သူကတော့ ပြင်သစ်အာဇာနည် “ဂျုံး”ပါ။ စုန်းအယူအဆကတော့နတ်ဆိုးနဲ့ဆက်နွယ်ပြီးလူတွေကို ကျိန်စာတိုက်ပြီးမကောင်းတာတွေဖြစ်စေတယ်ဆိုပါတယ်။ စုန်းအယူအဆကအာဖရိကနဲ့မြန်မာမှာလည်းရှိပါတယ်။အနောက်တိုင်းနဲ့တော့ကွဲပြားပါတယ်။ ၁၉၉၉ မှာထွက်တဲ့ Blair Witch Project ရုပ်ရှင်က ထိတ်လန့်သည်းဖို ရုပ်ရှင်ဖန်တွေကြားတော်တော်ကိုပေါက်ခဲ့တဲ့ရုပ်ရှင်ဖြစ်ပါတယ်။ တော်တော်ကိုကြောက်စရာကောင်းတဲ့ရုပ်ရှင်လို့ဆိုကြပါတယ် ။ငွေကြေးအရလည်းအောင်မြင်ခဲ့ပါတယ် ။ ရုပ်ရှင်ရိုက်တဲ့အမေရိကန်ပြည်ထောင်စု မေရီလန်းပြည်နယ်”ဘာ့ခ်ကစ်ဗေး”မြို့လည်း ကျော်ကြားသွားပြီးခရီးသည်တွေကြိတ်ကြိတ်တိုးလာကြလို့အမှတ်တရပစ္စည်းတွေလည်းရောင်းကောင်းသွားပါတယ်။ “ဘလဲယားစုန်းမစီမံချက်”ဇတ်ကားကဖြစ်ရပ်မှန်မဟုတ်ပေမယ့်ရုပ်ရှင်ထဲကစုန်းမလို့စွပ်စွဲခံရပြီး ၁၇၈၅ခုနှစ်မှာရွာကနှင်ထုတ်ခံရ နှင်းတောထဲမှာသေအောင်ပစ်ထားခံရတဲ့ကယ်လီကက်ထ်ဝါ့ဒ်အကြောင်းကတော့ အမေရိကန်တောင်ပိုင်းရဲ့“ဘဲလ်စုန်းမခြောက်လှန့်ခြင်း”(Bell WitchHaunting)ဒဏ္ဍာရီကိုအခြေခံထားတယ်လို့ဆိုပါတယ်။ Book of Shadows: Blair Witch 2ကတော့“ဘလဲယားစုန်းမစီမံချက်”ရုပ်ရှင်ကိုအခြေခံပြီးရိုက်ထားတာပါ။ ဇတ်လမ်းအကျဥ်း ဘလဲယားစုန်းမစီမံချက်ဇတ်ကားဝက်ဝက်ကွဲအောင်မြင်ပြီး ဘာ့ခ်ကစ်ဗေးမြို့လေးက ကမ္ဘာလှည့်ခရီးသည်တွေ ခရီးသွားတွေရုပ်ရှင်ပရိသတ်တွေနဲ့စည်ကားနေတဲ့အချိန်မှာ မြို့ခံ ဂျက်ဖ်ပက်တာဆန်က ရုပ်ရှင်ရဲ့ကျော်ကြားမှုကို စီးပွါးရေးအရအမြတ်ထုတ်ပြီး၁၉၉၉နိုဝင်ဘာလမှာခရီးစဥ်တစ်ခုကိုစတင်လိုက်ပါတယ် ။ သူ့ရဲ့ခရီးစဥ်မှာပါတဲ့သူတွေကရုပ်ရှင်နဲ့ပါတ်သက်ပြီးအစုလိုက်အပြုံလိုက်စွဲလမ်းမှုဖြစ်တာနဲ့လျို့ဝှက်ဆန်းကြယ်တာကိုသုတေသနပြုနေတဲ့ဘွဲ့လွန်ကျောင်သားစတီဖင်ပတ်ကားနဲ့ ကိုယ်ဝန်ရှိနေတဲ့သူ့ ရည်းစား ထရစ်စတန်ရိုင်လာ၊ ခေတ်သစ်ဝှစ်ကာမှော်ဘာသာရေးလိုက်စားတဲ့အဲရစ်ကာဂီယာဆန်နဲ့ဂို့သ်လိုဝတ်စားနေထိုင်တဲ့ကင်မ်ဒိုင်းမွန်းတို့ပါဝင်ပါတယ်။ သူတို့တွေကခရီးစထွက်တဲ့ညမှာပဲရပ်စတင်ပါးလ်ရဲ့အိမ်အပျက်အစီးမှာ (ရပ်စတင်ပါးလ်က ဘလဲယားစုန်းမစီမံချက်ရုပ်ရှင်ထဲကလူသတ်သမားပါ) စခန်းချကြပါတယ်။ ဂျက်ဖ်က သဘာဝလွန်ဖြစ်ရပ်တွေကိုမှတ်တမ်းတင်ရအောင်ဆိုပြီး ကင်မရာတွေကိုဆင်ထားပါတယ်။ အဲဒီအချိန်မှာပဲလူငါးယောက်ပါတဲ့ခရီးသွားအုပ်စုကရောက်လာပြီးသူတို့လည်းဒီနေရာမှာစခန်းချမယ်ပြောလာတဲ့အတွက်ခေါင်းတလားကျောက်တုံးဘက်မှာစိတ်ဝင်စားစရာတွေ့တယ်ပြောပြီးစတီဖင်တို့ပဲလက်ရှိနေရာမှာစခန်းချမယ်ပြောလိုက်ပါတယ်။ အဲဒီခရီးသည်အုပ်စုထွက်သွားပြီးတဲ့နောက် ဂျက်ဖ်တို့အုပ်စုကအရက်သောက် ဆေးခြောက်ချပြီးတစ်ညလုံးမအိပ်ပဲနေမယ်ဆိုပြီးကဲနေကြပါတယ်။ မနက်ရောက်တော့ အားလုံးအိပ်ပျော်သွားမိတာသိရပြီး စတီဖင်တို့ရဲ့ သုတေသနမှတ်တမ်းတွေရောဂျက်ဖ်ရဲ့ကင်မရာတွေပါဖျက်ဆီးခံရပါတယ်။ဂျက်ဖ်ရဲ့တိတ်ခွေတွေပဲကျန်ခဲ့ပါတယ်။ သူတို့တွေမနေ့ညက အဖြစ်အပျက်ကိုမမှတ်မိကြပါဘူး။အခြားခရီးသွားအုပ်စုနဲ့တွေ့ခဲ့တာပဲနောက်ဆုံးမှတ်မိကြပါတယ်။ထရစ်စတန်ကရုတ်တရက်ကိုယ်ဝန်ပျက်ကျပြီးဆေးရုံကိုပြေးရပါတယ်။ ဆေးရုံကဆင်းလာတော့ ဂျက်ဖ်ရဲ့အိမ် တစ်ဖြစ်လဲသစ်တောထဲကစက်ရုံဟောင်းတစ်ခုကိုသွားကြပါတယ်။ အဲဒီမှာသူတို့ကမနေ့ညကဘာဖြစ်ခဲ့သလဲသိရအောင်ဗွီဒီယိုတိတ်တွေကိုပြန်ကြည့်ရင်းသူတို့ထဲကတစ်ယောက်ကိုမသင်္ကာဖြစ်လာပါတယ်။ ထရစ်စတန်ကလည်းထူးထူးဆန်းဆန်းတွေပြောလာပြီး စျေးဝယ်ထွက်သွားတဲ့ကင်မ်ကရပ်စတင်ပါးသတ်လိုက်တဲ့တစ္ဆေကလေးတွေကိုရှောင်လိုက်လို့ကားရှေ့ဘန်ပါပျက်သွားတယ်ပြောသလိုစတီဖင်ကလည်းဒီမြို့ကနေထွက်သွားဖို့လုပ်လာပါတယ်။ မြို့ကရဲအရာရှိက ခေါင်းတလားကျောက်တုံးမှာ ခရီးသွားငါးယောက်ကို ဘလဲယားစုန်းမစီမံချက်ကားထဲကအတိုင်းသတ်ထားတာတွေ့ပြီးဂျက်ဖ်ရဲ့တိတ်ခွေကိုအခင်းဖြစ်တဲ့နေရာမှာတွေ့တာကြောင့် သူတို့ငါးယောက်ကိုဘယ်မှထွက်မသွားဖို့ဖုန်းဆက်ပြောလာတဲ့အခါမှာတော့..ဘာဆက်ဖြစ်သလဲဖန်သားပြင်ပေါ်မှာဆက်ကြည့်ကြပါ။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size…(1.8 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Horror, Mystery, Thriller Duration….01:30:40 Subtitle….Myanmar Subtitle (Hardsub) Encoder….Benjamin Translated by Khin Sakar Khin

စိတ်လွတ်ကိုယ်လွတ် လွင့်မျောချင်ရင်တော့ ဒီဇာတ်ကားက အဲ့လိုပါ.. ဇာတ်ကောင်တွေဟာ သူတို့ကိုယ်တိုင်နားမလည်မှုများနဲ့ မျောချင်ရာမျောနေတာမျိုး… သူတို့ရဲ့အမူအကျင့်တွေဟာ အမှောင်ခြမ်းတစ်ခုစီကို ကိုယ်စားပြုနေတာမျိုး… လိုက်ကြည့်ရင်း မှောင်ကြတာပေါ့… ဒီဇာတ်ကားထဲက အဖော်အချွတ်အားလုံးက Graphic Nudity မဟုတ်ပါဘူး…. ဘာ Graphic မှ မသုံးထားပါဘူး…အကုန်အစစ်တွေချည်းပါပဲ….:3 ဒါရိုက်တာက ပြောချင်ရာပြောဖို့မှာ ဘာကိုမှ မညှာတာဘဲ အကုန်ပလိန်းကြီး အရှိအတိုင်းချပြထားပါတယ်… ဇာတ်ကားက နှစ်နာရီဝန်းကျင်ပဲရှိပေမယ့်…ကြည့်လိုက်ရင် ၄ နာရီနီးပါးကြာကြာတတ်ပါတယ်… ဘာလို့ဆို ခဏခဏ Pause လုပ်လိုက် ..နောက်ပြန်ရစ်ကြည့်လိုက် လုပ်နေရလို့ပါ… ပြီးရင် သတိရတိုင်းလဲ ပြန်ပြန်ကြည့်ကြည့်ဖြစ်ပါမယ်… သေချာတာတစ်ခုကတော့ လူသူတိတ်ဆိတ်တဲ့နေရာမှာ တစ်ယောက်ထဲအေးဆေးကြည့်မှ အဆင်ပြေမှာပါ။ ဒီဇာတ်ကားကြည့်ပြီးရင် မင်းသမီး Déborah Révy နဲ့ Hélène Zimmer တို့အကြောင်းကို ပိုပိုရှာကြည့်မိပါမယ်… ပြင်သစ်မင်းသမီးတွေဖြစ်ပြီး ဆွဲဆောင်မှုအပြည့်ရှိကြောင်း ထောက်ခံပါတယ်… Uncut Version ဖြစ်တာနဲ့အညီ ဘာဆင်ဆာမှ မပါတာကြောင့် 21+ အရွယ်တွေ ကြည့်ဖို့သာ တိုက်တွန်းလိုက်ပါတယ်။ ဘာသာပြန်အသစ် Quality Update လေးမို့ ကြည့်ဖူးရင်တောင် ပြန်သိမ်းထားဖို့ တိုက်တွန်းပါတယ်။ ပြင်သစ် Taste လေးကို ကြိုက်ကြတယ်ဆိုရင်ဖြင့် အားပေးကြပါဦး။ Release Date: 14 September 2011 (France)Genre: DramaStars : Déborah Révy, Helene Zimmer, Gowan Didi Synopsis: In a social context deteriorated by a countrywide economic crisis, the life of several people will be turned upside down after they meet Cecile, a character who symbolizes desire. *Note:- * *Movie Has Multiple Adult Scenes , Do Not Download If You Are Under 18* File Size : (2 GB) and (1 GB) Quality : Uncut Blu-Rip 1080p & 720p Running Time : 01:40:00 Format : Mp4 Subtitle : Myanmar Subtitle (Hard Sub) Translated by STA Encoded by RGB

Popeye’s Revenge (2025) လူတိုင်းသိထားကြတဲ့ ပေါ့အိုင်း ဆိုတာဟာ ကျွန်တော်တို့ ကလေးဘဝတုန်းက သူ့ရဲ့လက်မောင်းကြီးနဲ့ ဟာသကာတွန်းကားတွေကို ခေတ်စားအောင်လုပ်ပေးခဲ့တဲ့ ဇာတ်ကောင်ပါ။ ဒီဇာတ်ကားထဲမှာတော့ အဲဒီဇာတ်ကောင်ကို နောက်ခံဇာတ်လမ်းသစ်တစ်ခုနဲ့ပေါင်းစပ်ပြီး ကြောက်စရာ သဲထိပ်ရင်ဖို horror ဇာတ်ကားဖြစ်အောင် ရိုက်ကူးထားပါတယ်။ ဇာတ်လမ်းအကျဉ်း တစ်နေ့မှာပေါ့အိုင်း လို့ နာမည်ရတဲ့ ကိုယ်လက်အင်္ဂါမူမမှန်တဲ့ ကလေးတစ်ယောက်မွေးဖွားလာခဲ့ပါတယ်။ ပေါ့အိုင်း ရဲ့ မိဘဟာ သူတို့ရဲ့ကလေးမမူမှန်တာကိုသိပေမယ့်လည်း အရမ်းချစ်ခဲ့ကြပါတယ်။ တစ်နေ့အရွယ်ရောက်လာတဲ့အခါမှာ ဘေးလူသူငယ်ချင်းတွေ ဝိုင်းစကြတဲ့အခါ ပေါ့အိုင်းလေးဟာစိတ်မထိန်းနဲ့ဘဲ သူ့ရဲ့ခွန်အားနဲ့ သူငယ်ချင်းတစ်ယောက်ကို ဒဏ်ရာရအောင်လုပ်လိုက်ရာကနေ အဖြစ်ဆိုးကြီးဖြစ်သွားပြီး အဲဒီသူငယ်ချင်းဟာဆုံးပါးသွားခဲ့ပါတယ်။ သူငယ်ချင်းဆုံးပါသွားပြီးတဲ့နောက် ရွာထဲကလူကြီးတွေအားလုံးက ဒါမကောင်းဆိုးဝါးပဲဆိုပြီးတော့ ပေါ့အိုင်းတို့အိမ်ကို မီးရှို့ဖျက်ဆီးကြပါတော့တယ်။ ဖြစ်ချင်တော့ ပေါ့အိုင်းကို သူ့မိဘတွေက သူပြစ်မှုကျူးလွန်ပြီးနောက်ပိုင်း မြေအောက်ခန်းမှာချုပ်ထားခဲ့ကြတာပါ။ ဒီလိုနဲ့ မြေအောက်ခန်းထဲမှာပဲ မီးလောင်သေဆုံးခဲ့ရတဲ့ပေါ့အိုင်းရဲ့ ဒဏ္ဍာရီဟာ နောက် နှစ်ပေါင်းရာနဲ့ချီအထိကျန်ရှိနေပါတယ်။ မီးလောင်သွားပြီးနောက်ပိုင်း အစအနပဲကျန်ခဲ့တဲ့အိမ်ကို နောက်အိမ်ပိုင်ရှင်တွေက ဝယ်ပြီးတဲ့နောက် ပြန်လည်စောင့်ခဲ့ပါတယ်။ ဒါပေမဲ့ တစ်ခုက နေရောင်ကျသွားပြီး မြူတွေဆိုင်းလာတဲ့အချိန်ကျရင် ပေါ့အိုင်း သရဲကထွက်လာပြီး သူ့အိမ်ကိုလာထိတဲ့သူ သူ့အိမ်နားမှာရှိသမျှအားလုံးကို လုပ်ကြံသတ်ဖြတ်တတ်တယ်ဆိုတဲ့ ကောလဟာလပါထွက်လာခဲ့ပါတယ်။ ဒါနဲ့ ပေါ့အိုင်းရဲ့ဒဏ္ဍာရီဟာအပြင်မှာတကယ်ပဲရှိနေတာလား ဘာလို့များ ပေါ့အိုင်းဟာ လက်စားချေတဲ့ပုံစံမျိုးနဲ့ လူတွေကို ပြန်လာခြောက်နေလဲဆိုတာကို ဒီဇာတ်ကားထဲမှာ တစေ့တစောင်းမြင်တွေ့ရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (1.2 GB) / (570 MB) Quality….WEB-Rip 1080p HEVC / 720p Format…. mkv/mp4 Genre….Horror Duration….01:21:43 Subtitle….Myanmar Subtitle (Hardsub) Encoder….Benjamin Translated by Mark

Việt and Nam (2024) IMDb Rating (6.4) / Rotten Tomatoes (100%) ဗီယက်နမ်ဇာတ်ကားတစ်ခုဖြစ်ပါတယ်။ ဇာတ်လမ်းကတော့ အချင်းချင်းချစ်ကြိုက်နေတဲ့ ကျောက်မီးသွေးမိုင်းတွင်း လုပ်သားလေးနှစ်ယောက်ရဲ့ အကြောင်းပါ။ တစ်ယောက်ကတော့ တနယ်တကျေးကို စွန့်စားသွားပြီး ဘဝသစ်ထူထောင်ချင်နေပြီး နောက်တစ်ယောက်ကတော့ ဗီယက်နမ်စစ်ပွဲအတွင်းက ပျောက်ဆုံးနေတဲ့ သူ့အဖေကို ရှေ့တန်းစစ်မျက်နှာပြင်ဟောင်းအထိ သွားရှာချင်သူပါ။ သူတို့နှစ်ယောက်ရဲ့ စိတ်ကူးအိပ်မက်ကိုယ်စီပြည့်စုံနိုင်မနိုင်ကတော့ ရှူစားကြည့်ပါ။ ထူးခြားချက်ကတော့ ၂နာရီဝန်းကျင်ရုပ်ရှင်တစ်ကားလုံး ဇာတ်ဆောင်တွေရဲ့ နာမည်ကို တစ်လုံးမှ ခေါ်မသွားပါဘူး။ ဇာတ်လမ်းက သိပ်မဆန်းပေမယ့် တင်ပြပုံ၊ ဗီယက်နမ်လူမျိုးတွေရဲ့ ရိုးရာ၊ ယုံကြည်မှု၊ ဗီယက်နမ်စစ်ပွဲရဲ့ အနိဌာရုံ စတာတွေကို စိတ်ဝင်စားဖွယ်တင်ဆက်ထားတာပါ။ LGBTQ လိင်ဆက်ဆံခန်းပြကွက်တချို့ပါဝင်လို့ ကြည့်ရှုသူများသတိပြုပါ။ Thanh Hai Pham, Duy Bao Dinh Dao, Thi Nga Nguyen နဲ့ Viet Tung Le တို့က သရုပ်ဆောင်ထားပြီး ဇာတ်ညွှန်းနဲ့ ဒါရိုက်တာကတော့ Minh Quy Truong ဖြစ်ပါတယ်။ အပြည်ပြည်ဆိုင်ရာ ရုပ်ရှင်ပွဲတော်တွေမှာ ဒါရိုက်တာဆု၊ ရုပ်ရှင်ဆု စသဖြင့် ဆုပေါင်း ၅ ဆုရထားသလို စကာတင် ၁၉ကြိမ်ဝင်ထားပါတယ်။ (အညွှန်းနဲ့ဘာသာပြန်ကတော့ T Lone ဖြစ်ပါတယ်။) File size…(3.9 GB) / (1.7 GB) Quality….WEB-DL 1080p HEVC / 720p Format…. mkv/mp4 Genre….Drama Duration….02:05:02 Subtitle….Myanmar Subtitle (Hardsub) Encoder….Double K Translated by T Lone

Cocaine stepdad (2024) mockumentary, comedy ဇာတ်လမ်းအမျိုးအစားပဲဖြစ်ပါတယ်။ ဇာတ်လမ်းအကျဉ်း တယ်ရီမေလာဆိုတဲ့ထောင်ထွက်လူမိုက်ဟာ သူ့ရဲ့ရည်းစားဟောင်းဆီကို ပြန်သွားဖို့ကြိုးစားတဲ့အပေါ်မှာအခြေခံထားတာပဲဖြစ်ပါတယ်။ သူ့ရဲ့ရည်းစားဟောင်းဖြစ်သူ ကလေးတစ်ယောက်အမေထရေဇီဟာ နောက်အိမ်ထောင်ပြုတော့မှာဖြစ်ပြီး သူမရဲ့သားဖြစ်သူ၁၂နှစ်အရွယ်ကိုင်လ်ဆိုတဲ့ကောင်လေးဟာ ဖခင်မေတ္တာငတ်နေတဲ့ဂျစ်ကန်ကန်ကလေးတစ်ဦးဖြစ်ပါတယ်။ တယ်ရီတစ်ယောက် ရည်းစားဟောင်းရဲ့သား ကိုင်လ်နဲ့ပူးပေါင်းပြီး ရည်းစားဟောင်းနောက်အိမ်ထောင်ပြုမှာကို ဘယ်လိုတားဆီးကြမလဲ သူတို့နှစ်ယောက်ရဲ့ပူးပေါင်းဆောင်ရွက်မှုကဘယ်လိုအလွဲအချော်တွေနဲ့ ဘာတွေဆက်ဖြစ်ကြမလဲဆိုတာကိုမှတ်တမ်းတင်ရိုက်ကူးတင်ဆက်ပြသထားပုံကို ဇာတ်လမ်းလေးထဲမှာကြည့်ရှုခံစားကြည့်လိုက်ကြပါဦး။ (အညွှန်းနဲ့ဘာသာပြန်ကတော့ Senju ဖြစ်ပါတယ်။) File size… (3.4 GB) / (2 GB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:41:47 Subtitle…. Myanmar Subtitle (Hardsub) Encoder…. Benjamin Translated by Senju

Holy Night: Demon Hunters (2025) ********************************* IMDb… 6.5 အကုန်လုံး စောင့်မျှော်နေကြတဲ့ Holy night : Demon Hunters ရုပ်ရှင်ဇာတ်ကားကြီး ထွက်ရှိလို့လာပါပြီ။ Cast တွေအနေနဲ့ကတော့ အားလုံး သိကြတဲ့ Ma Dong-seok, Seo Hyun, Lee David, Kyung Soo-jinနဲ့ Jung Ji-so တို့ ပါဝင်ထားကြပြီး နတ်ဆိုး၊ နတ်ဆိုးကို ကိုးကွယ်ကြတဲ့ အစွန်းရောက်သူတွေနဲ့ အားပြိုင်ကြမဲ့ သဘာဝလွန်စွမ်းအားရှင် နတ်ဆိုးမုဆိုး ၃ဦးအဖွဲ့အကြောင်းကို ရိုက်ကူးထားတာတဲ့ Fantasy Horror movie အမျိုးအစားပဲ ဖြစ်ပါတယ်။ ဇာတ်လမ်းအညွှန်း- ဘာအူ, ရှာရွန်နဲ့ ဂင်ဂွန်းဆိုတဲ့သူ ၃ယောက်နဲ့ ဖွဲ့စည်းထားတဲ့ Holy Night အဖွဲ့ဟာ နတ်ဆိုးကိုးကွယ်တဲ့ ဂိုဏ်းတွေကို တိုက်ခိုက်နှိမ်နင်းကြတဲ့ အဖွဲ့ဖြစ်တယ်။ ဘာအူရဲ့ ထူးခြားတဲ့ စွမ်းရည်ကတော့ အားကောင်းတဲ့ ကာယခွန်အားပဲဖြစ်ပြီး ရှာရွန်ကတော့ နတ်ဆိုးတွေကို ခွဲခြားသိမြင်ကာ အပနှင်နိုင်စွမ်းရှိပြီး ဂင်ဂွန်းကတော့ ဘာအူနဲ့ ရှာရွန်တို့ကို နောက်ကနေ လိုက်လံကူညီပေးတဲ့သူပေါ့။ တစ်နေ့ စိတ်ရောဂါကုဆရာဝန် ဂျောင်ဝန်းဟာ Holy Night အဖွဲ့ဆီ ရောက်လာပြီး သူ့ရဲ့ ညီမဖြစ်သူ အွန်ဆောရဲ့ ခန္ဓာကိုယ်ထဲမှာ နတ်ဆိုးတစ်ကောင်ဝင်ပူး‌နေတဲ့အတွက် ညီမဖြစ်သူကို ကယ်တင်ပေးဖို့ Holy Night အဖွဲ့ကို လာ‌ရောက် အကူအညီတောင်းခံတဲ့အခါမှာတော့… Holy Night အဖွဲ့က အွန်ဆောရဲ့ ခန္ဓာကိုယ်ထဲမှာ ပူးကပ်နေတဲ့ နတ်ဆိုးကို ဘယ်လိုနည်းလမ်းတွေသုံးပြီး ဘယ်လိုနှင်ထုတ်သွားမလဲဆိုတာကိုတော့ မာဒုံဆော့ရဲ့ ဇာတ်ကားတွေ ထုံးစံအတိုင်း တိုက်ရည်ခိုက်ရည်ကောင်းကောင်း၊ အပနှင်နည်းမျိုးစုံနဲ့ မြိုင်မြိုင်ဆိုင်ဆိုင် ကြည့်ရှုရပြီး ပရိသတ် စိတ်ကျေနပ်ရမဲ့ကားတစ်ကားဖြစ်လို့ တင်ဆက်ပေးလိုက်ပါတယ်။ (ဇာတ်လမ်းအညွှန်းကိုတော့ Miri မှ ရေးသားထားပေးပါတယ်။) File Size : 1.26GB/ 600MB Quality : WEB-DL 1080p/ 720p Format…mp4 Duration…01:32:13 Genre : Action, Horror, Fantasy, Supernatural Subtitle : Myanmar Subtitle (Hard Sub) Translated by Miri, Hnin Wai Oo, Treasure Htet & Stary Encoded by Tiff

The Age of Shadows (2016) ******************************** ကိုရီးယားနိုင်ငံရဲ့ ထိပ်တန်းသရုပ်ဆောင်များဖြစ်ကြတဲ့ Song Kang Ho, Gong Yoo, Lee Byung Hun, Park Hee Soon, Um Tae Goo, Shin Sung Rok, Han Ji Min တို့နဲ့ အတူ ဝါရင့်ဇာတ်ပို့များစွာကို အတူတူ မြင်တွေ့ရမဲ့ တော်လှန်ရေး ဇာတ်ကား တစ်ကားနဲ့ မိတ်ဆက်ပေးပါရစေ။ 1920 ခုနှစ်၊ ကိုရီးယားနိုင်ငံကို ဂျပန်များ သိမ်းပိုက်ထားစဉ် ကာလအတွင်း၊ ဂျောင်ချယ်ဆန်း ဦးဆောင်သည့် တော်လှန်ရေး တပ်ဖွဲ့ဝင်များက ရှန်ဟိုင်းမြို့မှ ဆိုးလ်မြို့သို့ ဖောက်ခွဲရေး ပစ္စည်းများ သိုဝှက် သယ်ဆောင်ကြတဲ့ စစ်ဆင်ရေးကို အဓိကထားပြီး ရိုက်ကူးပြသထားပါတယ်။ ဇာတ်လမ်းအညွှန်း ********************* ဂျပန် ရဲဌာနမှာ တာဝန်ထမ်းဆောင်နေတဲ့ ဂျိုဆွန်းနိုင်ငံသား ရဲမှူး အီဂျောင်ချူး (Song Gang Ho)ဟာ | တစ်ချိန်တုန်းက အမိ‌မြေရဲ့ တော်လှန်ရေးတပ်ဖွဲ့ကို သစ္စာဖောက်ကာ ထိပ်တန်း ရာထူး ရရှိလာခဲ့သူ ဖြစ်ပါတယ်။ လက်ရှိအချိန်မှာလည်း ဒုရဲချုပ် ဟီဂါရှီရဲ့ အမိန့်အရ တော်လှန်ရေး တပ်ဖွဲ့ဝင်တွေကို ဖမ်းဆီးနိုင်ဖို့ အတွက် တော်လှန်‌ရေးတပ်ဖွဲ့ရဲ့ အဓိက အဖွဲ့ဝင် တစ်ဦး ဖြစ်တဲ့ ဂင်အူဂျင်း (Gong Yoo)ဆီကို ချည်းကပ်လာခဲ့ပါတယ်။ တစ်ယောက်နဲ့ တစ်ယောက် အတွင်းစိတ် ရည်ရွယ်ချက် အမှန်ကို သိနေကြပေမဲ့၊ ရှေ့တင်မှာတော့ ဟန်မပျက်သရုပ်ဆောင် နေကြတဲ့ အီဂျောင်ချူးနဲ့ ဂင်အူဂျင်းတို့ဟာ အချင်းချင်း သတင်းနှိုက်ဖို့ ကြိုးစားရင်း မသိစိတ်ကနေ ရင်းနှီးလာခဲ့ကြပါတော့တယ်။ ဖောက်ခွဲရေး ပစ္စည်းတွေ သယ်ဆောင်တဲ့ စစ်ဆင်ရေး လုပ်နေစဉ် အတွင်းမှာပဲ ဂျပန်ရဲဌာန အဖွဲ့နဲ့ တော်လှန်ရေးတပ်ဖွဲ့ဝင်တွေ ထိပ်တိုက် တွေ့ဆုံလာကြတဲ့အခါ ဒီစစ်ဆင်ရေး အောင်မြင်နိုင်မလားဆိုတာကိုတော့ ဇာတ်လမ်းထဲမှာပဲ ဆက်လက်ရှူစားပေးကြပါဦးနော်။ (ဇာတ်လမ်းအညွှန်းကိုတော့ Treasure Htetက ရေးသားထားပါတယ်) File Size – 1.69 GB/ 755 MB Quality – WEB-DL 1080p/ 720p Duration – 2h 20m Format – mp4 Genre – Action, Thriller Subtitle – Myanmar Subtitle (Hard Sub) Translated & Encoded by – Treasure Htet