Genre - Romance, Drama IMDB – 6.4/10 စိမ်းလန်းတဲ့ရှုခင်းတောတောင်သဘာဝတွေနဲ့ အိုင်းရစ်ရှ်တေးဂီတ တွေနဲ့အတူ ကမ္ဘာမတူတဲ့နှစ်ခုက လူနှစ်ယောက်ရဲ့ အချစ် ဇာတ်လမ်းလေး ကြည့်ကြရအောင်ဗျာ။ ဇာတ်လမ်းလေးကတော့ တယောဂီတ လူရွေးပွဲမဝင်လို စိတ်ပျက်လက်ပျက်နဲ့ နိုင်ငံခြားပရိုဂရမ်ယူပြီး အိုင်ယာလန်ကို အစ်ကိုခြေရာအတိုင်းနင်းပြီး သွားမယ့်ကောင်မလေး တစ်ယောက်။ သွားနေတဲ့လမ်းခရီးမှာတင် ဘတ်ကက်ဆိုတဲ့ နာမည်ကြီး မိန်းကလေးတွေအသည်းစွဲ ဟော့ရှော့မင်းသားနဲ့ တွေ့ခဲ့ပါတယ်၊ တွေ့ကတည်းက ဘုနဲ့ဘောက်ပေါ့။ အိုင်ယာလန် မြိုငယ်လေးကိုရောက်တော့လည်း တည်းတဲ့နေရာမှာ တစ်နေရာတည်းဖြစ်နေကြသောအခါ.... ဘဝကို အပြောင်းအလဲဖြစ်ချင်နေတဲ့ ကောင်မလေးတစ်ယောက် ဒီနေရာသစ်တစ်ခုမှာ ပညာတွေဘယ်လိုယူပြီး တိုးတက်သွားနိုင်မလား... စိတ်ကြီးဝင် အသောက်အစား အပျော်အပါးမက်တဲ့ ရုပ်ရှင် မင်းသားတစ်ယောက်ရဲ့ ဘဝအမှန်တွေ.... တစ်ယောက်ကို တစ်ယောက် စတွေ့တုန်းက ကြည့်မရကြပေမယ့် ဘယ်လိုအဆင်ပြေပြီး အထောက်အပံ့တွေ ပေးနိုင်သွားမယ်... ဆိုတာကို ရိုက်ကူးထားတဲ့ အချစ်ကားကောင်းလေးတစ်ကားဖြစ်ပါတယ်။ ဒီရုပ်ရှင်မှာ စိမ်းစိုသာယာနေတဲ့ အိုင်ယာလန်ရှုခင်းတွေ မျက်စိအေးအောင် ကြည့်ရမယ်၊ အိုင်ရှစ်ရိုးရာသံစဉ်တွေ ဓလေ့တွေ လူအကျင့်စရိုက်လေးတွေ လေ့လာခွင့်ရမယ်။ ခွင့်လွှတ်ခြင်း၊ မေတ္တာတရား၊ မိသားစု၊ သံယောဇဉ်တွေ ရသအဖုံဖုံ ခံစားရမှာပဲဖြစ်ပါတယ်။ အားလုံးပဲကြည့်ရှုခံစားပြီး ဘဝအမောပြေပျောက်နိုင်ကြပါစေခင်ဗျာ.... (  အညွှန်းနဲ့ ဘာသာပြန်ကတော့ Thura Aung ပဲ ဖြစ်ပါတယ် ) File size…1.99GB / 797MB Quality…Blu-Ray 1080p 5.1 CH / 720p Format…mp4 Duration….1h 59m Genre ..... Drama , Romance Subtitle….Myanmar Subtitle (Hard Sub) Encoder….Min Wai Translated by Thura Aung

ဒီတစ်ခေါက်တင်ဆက်ပေးချင်တာကတော့ ၂၀၁၉ တုန်းက ထွက်ရှိထားတဲ့ Comedy Horror ရုပ်ရှင်လေးပဲဖြစ်ပါတယ် Horror ဆိုပေမယ့် ကြောက်စရာကောင်းတာထက် ကရုဏာသက်စရာ အချစ်ဇာတ်လမ်းလေးနဲ့ ရောယှက်နေတဲ့ကားလေးပါ ဂျီယွန်းဆိုတဲ့ကောင်မလေးကတော့ ဂီတမေဂျာယူထားတဲ့ ခပ်လှလှတက္ကသိုလ်ကျောင်းသူလေးပါ။ ဒုံဆော့ဆိုတဲ့ကောင်လေးနဲ ချစ်သူတွေဖြစ်ခဲ့ပေမယ့်ဒုံဆော့ရဲ့မိဘတွေက ဒုံဆော့ကို နိုင်ငံခြားပညာတော်သင်လွှတ်ချင်နေကြတာမို့ ဂျီယွန်းနဲ့တွဲနေတာကို သိပ်မကြည်ဖြူခဲ့ကြပါဘူး ဒါပေမဲ့ ဒုံဆောက ၆ လအကြာမှာ ပြန်လာမယ်လို့ သူ့ချစ်သူလေးကို ကတိပေးထားခဲ့ပါတယ် တစ်နေ့မှာတော့ နိုင်ငံခြားမသွားခင်တစ်ရက်အလိုမှာ ဒုံဆော့ကဂျီယွန်းဆီကို လက်ထပ်ခွင့်တောင်းဖို့သွားပေမယ့် ဂျီယွန်းက ရှိမနေခဲ့ပါဘူး မကြာခင်အချိန်အတောအတွင်းမှာပဲ ဂျီယွန်းနေထိုင်တဲ့အဆောက်အဦးဟောင်းကြီးရဲ့ အခန်း ၄၀၂ ဆိုတဲ့အခန်းမှာကောလဟာလတစ်ခုထွက်ပေါ်လာပါတော့တယ် အဲဒီကောလဟာလကဝောာ့ အဲဒီတိုက်ခန်း အခန်း ၄၀၂ မှာ သရဲခြောက်တယ်ဆိုတဲ့ သတင်းပါပဲ သရဲမလေး ဂင်ဂျီယွန်း တိုက်ခန်းက မခွာနိုင် ဖြစ်နေရတဲ့ အကြောင်းအရင်းကဘာလဲ .. ဒုံဆော့ကရော ဘာလို့ ၆ လအကြာမှာ ပြန်မလာနိုင်ခဲ့တာလဲ အခန်း ၄၀၂ က မခွာနိုင်တဲ့သရဲမလေးနဲ့ အတူ စိတ်ဝင်စားစရာအဖြစ်အပျက်တွေကို ပေါ့ပေါ့ပါးပါးကြည့်ရှုနိုင်ဖို့ တင်ဆက်ပေးလိုက်ရပါတယ်ရှင် အညွှန်း နဲ့ ဘာသာပြန်ကတော့ Shin and Cali ပဲ ဖြစ်ပါတယ်။ Genre..... Horror, Romance, Comedy Quality…. 1080p | 720p | 480p File size… 1.6GB | 718MB | 342MB Format… mp4 Duration…. 1h 35min Subtitle…. Myanmar Subtitle (Hardsub) Translator ..... Shin and Cali Encoder ..... August

IMDb Rating - 6.4/10 ဟောင်ကောင်ကား ကောင်းကောင်းကြည့်ချင်တဲ့လူတွေအတွက် Ricky Koဆိုတဲ့ ဟောင်ကောင် ‌ဒါရိုက်တာအသစ်ရဲ့ Debutရုပ်ရှင်ပါ။ သရုပ်ဆောင်တွေကတော့ Patrick Tse Yinနဲ့ Fung Bo-Boလို 1960ဟောင်ကောင်ရဲ့ နာမည်ကျော်ဖြစ်ခဲ့တဲ့ သရုပ်ဆောင်တွေက သရုပ်ဆောင်ထားပါတယ်။ ဇာတ်လမ်းကတော့ အက်ရှင်လည်းဟုတ်သလို တော်‌တော်လည်းရယ်ရတယ် ဒရာမာလည်း အသေချိုးတယ်။ ဒါရိုက်တာရဲ့ Debutအနေနဲ့ဆိုကောင်းတဲ့ အနေအထားရှိပါတယ်။ အရင်ဟောင်ကောင် ရုပ်ရှင်တွေရဲ့ အငွေ့အသက်ကိုပြန်ရတယ်။ လက်ရှိဟောင်ကောင်ရုပ်ရှင်အများစုနဲ့ ယှဉ်ရင်တော့ ရွှေပါပဲ။ဘာမှမဆိုင်အောင်ကို ကောင်းတယ်။ ဇာတ်အိမ်ပေါ့ပေါ့ပါးပါးနဲ့ တော်တော် ကြည့်ပျော်တဲ့ ရုပ်ရှင်ပါပဲ။ ဇာတ်‌ကြောင်းကတော့ ကြေးစားလူသတ်သမား လူမိုက်၃ယောက်ရှိတယ်။ ငယ်စဉ်ကတော့ တော်တော် နာမည်ကြီးပြီး သူတို့ကို နိုင်တဲ့လူမရှိဘူး။ Timeဆိုတဲ့အတိုင်း ကာလတွေရွေလျောပြီး အိုမင်းလာကြတော့ ကိုယ်ပိုင်ဒုက္ခတွေ တစ်ပုံတပင်နေရတာကို ဟာ‌သလေးနှောပြသွားတယ်။ ‌နောက်တော့ ဘ၀မှာ လွတ်လွတ်လပ်လပ်ရှင်သန်ဖို့ ကိုယ့်အတွက်ကိုယ်ရှင်သန်ဖို့ ဘာညာပေါ့။ ဝါရင့် သရုပ်ဆောင်တွေချည်းမို့ သရုပ်ဆောင်လည်း ကောင်းကြသလို စီနီမာတိုကလည်း မဆိုးဘူးပြောလို့ရတဲ့ အနေအထားပါပဲ။ စိတ်ပြေ‌လက်ပျောက် ပေါ့ပေါ့ပါးပါးနဲ့ ရယ်လည်းရယ်ရ ကောင်းလည်းကောင်းတဲ့ ဟောင်ကောင်ကား ကြည့်ချင်ရင်တော့ ရွေးဖို့အကောင်းဆုံးရုပ်ရှင်ပါပဲ။ ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(1.73GB) / (850MB) Quality__1080p, 720p IMDb Rating__6.4/10 Format__mp4 Duration__01:39:00 Type__Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Charlotte (2021) ~ IMDb – 6.4/10, Rotten Tomatoes – 71% ~ Loving Vincent ဆိုတဲ့ အန်နီမေးရှင်းကားကိုမှ ဗန်ဂိုးရဲ့ ပန်းချီဟန်တွေနဲ့ ပေါင်းစပ်ထားတဲ့ ရုပ်ရှင်ကို သိကြမယ်ထင်ပါတယ်။ ဒီရုပ်ရှင်ဟာလည်း ထိုနည်းလည်းကောင်း ရုပ်ရှင်ပါ။ Charlotte လို့ခေါ်တဲ့ ဒုတိယကမ္ဘာစစ်ကာလတုန်းက ဂျာမန်ဂျူးအစပ် ပန်းချီဆရာမလေးရဲ့ ဂျာမန်တွေဒဏ်ကိုခံနေရတဲ့ကြားက မာစတာပိစ်လက်ရာတစ်ခုကို ဖန်တီးတဲ့အကြောင်းကို ရိုက်ပြထားတာပါ။ ကျွန်တော့်လို Loving Vincent ကို အသည်းစွဲကြိုက်တဲ့လူတွေတော့ ဒီရုပ်ရှင်ကိုလည်း သဘောကျကြမှာပါ။ Charlotte ဟာ သူ့မိသားစုရဲ့ ရင်နာစရာဇာတ်ကြောင်းကို ပန်းချီကားတစ်ထောင်ကျော်နဲ့ ပုံဖော်ရေးဆွဲခဲ့ပြီး “ဘဝလေလား ပြဇာတ်လေလား” လို့ ပန်းချီတစ်ထောင်ကျော်လုံးကို တစ်စုတည်းအဖြစ် သတ်မှတ် နာမည်ပေးလိုက်ပါတယ်။ အဲဒီပန်းချီကားစုကို ပထမဆုံး ဂရပ်ဖစ်နိုဗယ်အဖြစ် သတ်မှတ်ခဲ့ကြပါတယ်။ သူဟာ ပျော်စရာတွေထက် ဝေဒနာတွေက အနုပညာပိုစစ်တယ်လို့ ယူဆခဲ့ပြီး သူ့မိသားစုရဲ့ ဝေဒနာတွေကို ပန်းချီကားပေါင်းများစွာနဲ့ ပုံဖော်ခဲ့ပါတယ်။ ဒီပန်းချီတွေကို သူပန်းချီသေချာဆွဲတတ်စ နှောင်းပိုင်းကနေ တစ်သက်လုံးအားထုတ်ရေးဆွဲခဲ့တာပါ။ သူဟာ အသက် ၂၆အထိပဲ နေသွားရပေမယ့် ဒီကာလတိုတိုလေးအတွင်းမှာ ဒီပန်းချီကားပေါင်းများစွာကို မနားမနေအားထုတ်ရေးဆွဲသွားခဲ့တဲ့ အနုပညာရှင်ပါပဲ။ Keira Knightley က Charlotte အဖြစ် အသံသရုပ်ဆောင်ထားပါတယ်။ အနုပညာကိုချစ်ခြင်းဟာ အကောင်းဆုံးဘဝနေနည်းလို့ ဆိုခဲ့ကြပေမဲ့လဲ လက်တွေ့ဘဝမှာ အနုပညာချည်းသက်သက်ကို တွယ်ဖက်ပြီး ရှင်သန်ဖို့သာ အခက်ခဲဆုံးအရာတစ်ခုပါပဲ။ ဒီရုပ်ရှင်ဟာ ပန်းချီအနုပညာကို ချစ်ခဲ့တဲ့ ပန်းချီအနုပညာကို တွယ်ဖက်ခဲ့တဲ့ အမျိုးသမီးပန်းချီဆရာမတစ်ယောက်ရဲ့ ရင်နင့်စရာ ဖြစ်ရပ်မှန်ကို animation အနေနဲ့ အသက်သွင်းထားတဲ့ ရုပ်ရှင်ပါ။ ပန်းချီကိုချစ်တဲ့သူတွေ ကြည့်ကိုကြည့်သင့်တဲ့ ရုပ်ရှင်ဆိုလည်းဟုတ်ပါတယ်။ ရင်နင့်စရာကောင်းအောင် လှပတဲ့ရုပ်ရှင်လို့လည်း တစ်ချို့ကဆိုကြပါတယ်။ ဒီရုပ်ရှင်ဟာ ဟယ်ရီပေါ်တားရဲ့ Narcissa Malfoy, Peaky Blinder ရဲ့ Polly Gray တို့အဖြစ် သရုပ်ဆောင်ခဲ့ပြီး ပရိသတ်အချစ်ကိုရရှိခဲ့တဲ့ Helen McCrory ပါဝင်သရုပ်ဆောင်ခဲ့တဲ့ နောက်ဆုံးရုပ်ရှင်လည်းဟုတ်ပါတယ်။ တိုက်တိုက်ဆိုင်ဆိုင်ပဲ ဒီရုပ်ရှင်နဲ့ဟန်အတော်ဆင်တဲ့ ရုပ်ရှင်ဖြစ်တဲ့ Loving Vincent မှာလည်း Louise Chevalier အဖြစ် အသံသရုပ်ဆောင်ခဲ့သေးပါတယ်။ ကြွေသွားတဲ့ ကြယ်တစ်ပွင့်ရဲ့ နောက်ဆုံးရုပ်ရှင်အနေနဲ့လည်း ခံစားကြရမှာပါ။ ဘဝဟာ လူတိုင်းအတွက် ကောင်းခြင်းတွေပဲ ပေးမနေပါဘူး။ ဘဝဟာ ကိုယ့်ကို အမြဲတမ်းချစ်ပေးမနေပါဘူး။ အရေးကြီးတာကတော့ ကိုယ်က ဘဝကို ချစ်နေဖို့ပါပဲတဲ့။ ဒီရုပ်ရှင်ဟာ ဘယ်လိုအကြောင်းအရာလဲ စာတစ်ကြောင်းနဲ့ ဖော်ပြခိုင်းခဲ့ရင်တော့ ကျွန်တော်ပြောနိုင်တာက… ဒီရုပ်ရှင်ဟာ ကံဆိုးမိုးမှောင်တွေကြားမှာ ဘဝကိုချစ်ရင်း အနုပညာကိုချစ်ရင်း လောကဓံကို အစိမ်းလိုက်ရင်ဆိုင်ရဲခဲ့တဲ့ မိန်းကလေးတစ်ယောက်အကြောင်းပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.3GB, 540MB Quality – 1080p, 720p IMDb Rating – 6.4/10 Format – mp4 Duration – 1H 32Min Genre – Animation Subtitle – Myanmar Subtitle (Hardsub) Translated by WiRa Aung Encoded by Y

Dungeons & Dragons: Wrath of the Dragon God (2005) Dungeons & Dragons ဟာ ၁၉၇၄ကတည်းက နာမည်ကြီးခဲ့တဲ့ လူသိများတဲ့ ဂိမ်းတစ်ခုပါပဲ။ ဘုတ်ဂိမ်းအနေနဲ့ စထွက်ရှိခဲ့ပြီး အခုထိလည်း ဗားရှင်းအသစ်အသစ်တွေပြန်ထွက်နေတုန်း လူကြိုက်များနေတုန်း Role-playing ဂိမ်းဆိုလည်းမမှားပါဘူး။ သူ့ကို အခြေခံပြီး ဂိမ်းပေါင်းများစွာထွက်ရှိခဲ့သလို သူ့နာမည်နဲ့ထွက်ရှိခဲ့တာတွေလည်း အခုထက်ထိ မနည်းမနောပါပဲ။ တော်တော်လေး အောင်မြင်ခဲ့တဲ့ဂိမ်းလို့ပြောလို့ရပါတယ်။ Dungeons & Dragons ဂိမ်းကို အခြေခံပြီး ၂၀၀၀မှာတစ်ကား၊ ၂၀၀၅မှာတစ်ကား၊ ၂၀၁၂မှာတစ်ကား ၃ကားထွက်ရှိခဲ့ပြီး ဒီသုံးကားကို Trilogy အဖြစ် သတ်မှတ်ထားပါတယ်။ ၂၀၂၃မှာတော့ နာမည်ကြီးမင်းသားတွေနဲ့အတူ ပါရာမောင့်က Reboot ပြန်ပြသွားမှာပါ။ ဂိမ်းဟာ ဂန္ထဝင်ဖြစ်ခဲ့ပေမဲ့ ရုပ်ရှင်တွေကတော့ ဂန္ထဝင်ဖြစ်ဖို့နဲ့ တော်တော်ဝေးသေးတဲ့ ရုပ်ရှင်တွေပါပဲ။ ဒါပေမဲ့လည်း နဂါးတွေ မှော်ဆရာတွေ သူရဲကောင်းတွေပါတဲ့ Fantasy Adventure ကားတွေကို ကြိုက်တဲ့သူတွေအတွက် အာသာပြေစေမယ့်ကား‌တွေလို့ပြောလို့ရတာတော့ မမှားပါဘူး။ ~ ဇာတ်လမ်းအကျဉ်း ~ ဒီဒုတိယကားကတော့ ပထမကားအပြီး နှစ်တစ်ရာအကြာမှာ ဇာတ်အိမ်တည်ထားတာပါ။ ပထမကားကလူတွေအကုန် မပါတော့ပါဘူး။ ဒါပေမဲ့ ပထမကားက အဓိကဗီလိန် ပရိုဖီယွန်ကျိန်စာတိုက်ခံထားရတဲ့ သူ့တပည့် ဒါမိုဒါကတော့ မသေနိုင်ဘဲ လူသေမကျ လူရှင်မကျ ဘဝနဲ့ သူ့တာဝန်ကို ဆက်ထမ်းဆောင်ဖို့ ပေါ်လာပါတယ်။ သူဟာ ရှေးတုန်းက လူမျိုးစုတွေ ဝှက်ထားတဲ့ နဂါးနတ်ဘုရားရဲ့ ဓာတ်လုံးကိုပါ ရထားတာမို့ ပိုလည်းအစွမ်းထက်နေပါတယ်။ ဒီကားက အခွန်အရာရှိမင်းသားနဲ့ မှော်ကောင်စီဝင်မင်းသမီး လင်မယားဟာ ရွာတစ်ရွာက လူတွေသေနေကြလို့ သွားကြည့်တဲ့အခါ တောင်တစ်တောင်ရဲ့အတွင်းမှာ နဂါးကြီးတစ်ကောင်ရှိနေတာ သိလိုက်ရပါတယ်။ ဒီနဂါးဟာ ဟိုးနှစ်ထောင်ချီတုန်းက ကမ္ဘာကိုဖျက်ဆီးဖို့ရောက်လာခဲ့တဲ့ နဂါးနတ်ဘုရားဖြစ်ပြီး ရှေးလူမျိုးစုတွေက သဘာဝနတ်ဘုရားရဲ့အကူအညီယူပြီး နဂါးရဲ့စွမ်းအားတွေကို ဓာတ်လုံးတစ်လုံးထဲထည့်ပြီး နဂါးကို တောင်ထဲပိတ်ထည့်ထားခဲ့ကြတာပါ။ ဒါမိုဒါဟာ ဓာတ်လုံးကို ပိတ်ပင်ထားရာကနေ ခိုးပြီး ဖြေလွှတ်ပေးလိုက်တဲ့အတွက် နဂါးကြီးဟာ ပြန်နိုးထလာပါတော့မယ်။ နဂါးပြန်နိုးမထလာခင် လကွယ်ညမတိုင်ခင်မှာ ဓာတ်လုံးကို ဒါမိုဒါလက်ကနေပြန်ယူဖို့နဲ့ ချိပ်ပြန်ပိတ်ဖို့ကို အက်ဇမာသားတွေ ကြိုးစားကြရတော့ပါတယ်။ ဒါမိုဒါကလည်း နဂါးကြီးကို သူ့စွမ်းအားတွေ ပြန်ပေးဖို့ကြိုးစားပါတယ်။ ဒီ၂ဖွဲ့ရဲ့အပြိုင်အဆိုင်စွမ်းအားတွေကြားဓာတ်လုံးယူဖို့ ခရီးထွက်တဲ့ စွန့်စားခန်းကို ကြည့်ကြရမှာပါ။ ပထမကားအတိုင်း လူမျိုးစုအစုံပါပါတယ်။ အဆစ်အနေနဲ့ လူတစ်ခြမ်းဖုတ်တစ်ခြမ်းကောင်ကြီးပါ ပါတယ်ပေါ့။ တော်တော်ကြောင်ပေမဲ့ အပျင်းပြေကြည့်လို့ကောင်းတဲ့ မှော်ကားပရိသတ်တွေကျမယ့်ကားပါပဲ။ (ဒီဇာတ်ကားတွေနဲ့အညွှန်းကို “___” မှ ပြန်ဆို ရေးသားထားပါတယ်) Size – 2GB, 872MB Quality – 1080p, 720p Format – mp4 Duration – 1H 45Min Genre – Action, Adventure, Fantasy Subtitle – Myanmar Subtitle (Hardsub) Translated by “___“ Encoded by Y

The Invisible Maniac (1990) ==================== ငယ်ငယ်လေးကတည်းက တဏှာရူးတဲ့ ဉာဏ်ကြီးရှင်ကောင်လေးကို သူ့အမေက ထိုညစ်ညမ်းတဲ့စိတ်တွေပျောက်သွားအောင် ‘မ’မုန်းတီးရေး စိတ်ဓာတ် ရိုက်သွင်းခဲ့ရပါတယ်။ အရွယ်ရောက်ပြီး သိပ္ပံပညာရှင်ဖြစ် လာတဲ့နောက်မှာတော့ ကိုယ်ပျောက်ခြင်းနဲ့ပတ်သတ်တဲ့ သီအိုရီတွေ၊ လေ့လာမှုတွေ၊ စမ်းသပ်တီထွင်မှုတွေလုပ်ခဲ့ပြီး အောင်မြင်လုစဲစဲထိ ဖြစ်ခဲ့ပါတယ်။ ဒါပေမဲ့ မထင်မှတ်ဘဲ ရာဇဝတ်ပြေးတစ်ယောက်ဖြစ်ခဲ့ရပြီးနောက်မှာတော့ ကျောင်ဆရာဘဝနဲ့ စကီလေးတစ်သိုက်ကို စာသင်ပေးရင်း နာမည်ဖွက် နေထိုင်ခဲ့ပါတယ်။ ထိုကျောင်းမှာပဲ သူလုပ်နေတဲ့ စမ်းသပ်မှုတွေကို ဆက် လုပ်ပြီး စကီလေးတွေအပေါ်ဘယ်လိုစိတ်တွေဖြစ်မိမလဲဆိုတာကို ကြည့်ရှု ရမှာဖြစ်ပါတယ်။ ရှင်းရှင်းဘွင်းဘွင်းပြသထားပြီး သတ်ဖြတ်ခန်းတွေပါမယ့် ၁၉၉၀ခုနှစ်က 18+စိတ္တဇလူသတ်ကားတစ်ကားဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ ZMT ဖြစ်ပါတယ်) File Size……….(2.38 GB) / (846 MB) / (424 MB) Quality…………BluRay 1080p / 720p / 480p Duration………1Hr 26Mins Subtitle………..Myanmar Hardsub Format…………MP4 Genre…………..Comedy, Horror, Sci-Fi Translator…….ZMT Encoder……….Admin X

The Seven Deadly Sins: Grudge of Edinburgh Part 1 (2022) ========================================= ဟုတ်ပါတယ်။ Seven Deadly Sins fanတွေကြားမှာ အရမ်းပွဲထသွားခဲ့တဲ့ 2022တုန်းက Movie ပါ။ ဒါရိုက်တာနဲ့ စတူဒီယိုအပြောင်းအလဲကြောင့် fan တွေကြားမှာ Game Trailer လားလို့တောင် မေးယူရတဲ့အထိ Animation style ကြီးတစ်ခုလုံး ဝက်ဝက်ကွဲဖုန်ထသွားတဲ့ကားပါ။ Seven Deadly Sins က plot ပိုင်းကြောင့် Manga မှာအတန်အသင့်အောင်မြင်ပြီး ဖန်အသင့်အ တင့်လည်းရှိတဲ့ Anime series တစ်ခုပါ။ Grudge of Edinburghရဲ့ Animation style က 2D Japan Anime ကြည့်နေကျလူတွေရဲ့ မျက်စိထဲမှာတော့ နည်း နည်းတစ်မျိုးဖြစ်နေမယ်ဆိုပေမဲ့ အရင် 2Dလို့ စိတ်ထဲမထားဘဲ တခြားအသစ် တစ်ခုအနေနဲ့ မြင်ကြည့်ရင် အဆင်ပြေမယ်ထင်ပါတယ်။ SDSကို မကြည့်ဖူး သူတွေအနေနဲ့လည်း ဒီမူဗီကို ကြည့်လို့ရပါတယ်။ အောက်မှာဇာတ်ညွှန်းလာပါပြီ။ Timeline ကတော့ ဒုစရိုက်(၇)ပါးရဲ့ခေါင်းဆောင် နဂါးဒေါသဒုစရိုက် Meliodasနဲ့ နတ်ဘုရားမမျိုးနွယ် တတိယမြောက် မင်းသမီး Elizabeth တို့ရဲ့သား Tristan Liones ခေတ်ပါ။ တစ်နေ့တော့ ဘုရင်မ Elizabeth ကျိန်စာအတိုက်ခံပြီး အဲ့ကျိန် စာကို ပယ်ဖျက်ဖို့ Tristanက အာရုံခံမိတဲ့အတိုင်း အရှေ့ဘက်ယွန်းယွန်းကို ခရီး ထွက်ခဲ့ပါတယ်။ အဲ့အချိန်မှာပဲ လိုက်ဖမ်းခံရလို့ ထွက်ပြေးနေတဲ့ ဘီလူးတွေ၊ နတ် သူငယ်တွေနဲ့တွေ့ပြီး ကယ်ပေးလိုက်ရာကနေ သူတို့ရဲ့ဦးတည်ရာကလည်း အရှေ့ ဘက်ဖြစ်နေလေတော့ အတူတူခရီးထွက်လာလိုက်ကြပါတယ်။ Part(1), Part (2) နှစ်ကားထွက်ထားပြီး နှစ်ကားလုံးတင်ဆက်ပေးသွားပါမယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size……….(1.1 GB) / (587 MB) Quality…………WEB-DL 1080p / 720p Duration………52Min Subtitle………..Myanmar Hardsub Format…………MP4 Genre…………..Animation, Action, Adventure Translator……Ngwe Zin Encoder……….Zin Phyo Aung

Lost Care aka Do Unto Others (2023) ~ IMDb – 6.4/10, MyDramaList – 7.7/10 ~ “သင်တို့သည် ကိုယ်၌ သူတစ်ပါးပြုစေလိုသမျှအတိုင်း သူတစ်ပါး၌ ပြုကြလော့။” – ရှင်မဿဲခရစ်ဝင် ၇:၁၂ ယာဂါဘိုးဘွားကူညီစောင့်ရှောက်ရေးစင်တာ (Yaga Care Center) မှာ အလုပ်လုပ်နေတဲ့ ရှီဘမူနဲနိုရီ (Shiba Munenori) က ဘိုးဘွားတွေကို အိမ်တိုင်ရာရောက် ကူညီစောင့်ရှောက်ပေးနေတဲ့သူ။ ဘိုးဘွားတိုင်းအပေါ် သူ့မိဘလိုသဘောထားပြီး ကြင်ကြင်နာနာ နွေးနွေးထွေးထွေး ဆက်ဆံပေးနေလို့ တစ်စင်တာလုံးက လေးစားအားကျနေရတဲ့သူ။ တစ်နေ့ သူတို့စင်တာက ကူညီစောင့်ရှောက်ပေးနေရတဲ့ အုမဲဒါကန်တာရို (Umeda Kantaro) ဆိုတဲ့ အဘိုးတစ်ယောက်ရဲ့အိမ်မှာ စင်တာမှူးဖြစ်တဲ့ ဒန်မိုတိုဟာရု (Dan Motoharu) ကို သေဆုံးလျက်သား ရှာတွေ့ခဲ့တဲ့အပြင် အုမဲဒါကန်တာရိုလည်း သေဆုံးနေပါတယ်။ သူတို့သေဆုံးမှုက လူသတ်မှုလား မတော်တဆသေဆုံးမှုလား ဆိုတာ သိရှိရဖို့ ရှေ့နေမလေး အိုတိုမို (Otomo) က လိုက်စုံစမ်းစစ်ဆေးတော့ ကြင်နာစိတ်အပြည့် စေတနာအပြည့်နဲ့ ဘိုးဘွားတွေကို ကူညီစောင့်ရှောက်ပေးနေတဲ့ ရှီဘမူနဲနိုရီက သံသယအရှိဆုံးလူဖြစ်နေကြောင်း သိသွားရတဲ့အခါ… ၂၀၁၃ ခုနှစ်မှာ ရေးသားထုတ်ဝေခဲ့တဲ့ Aki Hamanaka ရဲ့ Lost Care ကို ဒီနှစ်အတွင်းမှာ ဒါရိုက်တာ Tetsu Maeda က ဒီနာမည်နဲ့ပဲ ရိုက်ကူးထုတ်ဝေခဲ့ပါတယ်။ L မင်းသားကြီး Kenichi Matsuyama က ဘိုးဘွားတွေကိုပြုစုစောင့်ရှောက်ရတဲ့ ကြင်နာစိတ်အပြည့်ရှိ အကူဝန်ထမ်းအဖြစ်သရုပ်ဆောင်ပြီး Kingdom Live Action Movies တွေမှာ တောင်တန်းဘုရင်မ Youtanwa အဖြစ် သရုပ်ဆောင်တဲ့ Masami Nagasawa က ဒီကားထဲမှာတော့ ရှေ့နေမလေးအနေနဲ့ အဓိကပါဝင်သရုပ်ဆောင်ထားပါတယ်။ Lost Care ဇာတ်ကားမှာ သက်ကြီးရွယ်အိုတွေကို ပြုစုစောင့်ရှောက်ရတဲ့အလုပ် Kaigo -Caregiving- (ကိုင်းဂို့)၊ ပြုစုစောင့်ရှောက်ပေးရသူ(အကူ) Kaigoshi – Carer- (ကိုင်းဂို့ရှီ) စတဲ့ စကားလုံးတွေကို ခဏခဏကြားနေရမှာဖြစ်ပြီး အဲဒီအလုပ်ရဲ့တာဝန်ကို တစ်စိတ်တစ်ပိုင်း မြင်ရမှာဖြစ်သလို အဲဒီအလုပ်ကိုလုပ်နေသူတွေရဲ့ခံစားချက်ကိုလည်း သရုပ်ဆောင်တွေရဲ့ ဒိုင်ယာလော့ကနေ သိရှိရမှာပါ။ ဒီဇာတ်ကားကိုကြည့်ပြီးရင် ကိုယ့်ပတ်ဝန်းကျင်အနားက ပြုစုစောင့်ရှောက်ခံရဖို့ လိုအပ်နေကြတဲ့ သက်ကြီးရွယ်အိုတွေ၊ သက်ဆိုင်ရာမိသားစုဝင်တွေက ပြုစုစောင့်ရှောက်ပေးနေတဲ့ သက်ကြီးရွယ်အိုတွေကို သွားမြင်ယောင်ကြမှာဖြစ်ပြီး ရှီဘမူနဲနိုရီရဲ့ခံစားချက်တွေနဲ့ လုပ်ရပ်တွေကို နားလည်သဘောတူသလို ဖြစ်လာနိုင်ပေမဲ့ အဲဒါတွေဟာ လူသားစံနှုန်းအရရော ဥပဒေအရရော ခွင့်ပြုမထားတဲ့အရာတွေသာဖြစ်ပါတယ်။ (ဒီဇာတ်ကားနဲ့အညွှန်းကို AK မှ ပြန်ဆို ရေးသားထားပါတယ်) Size – 1.3GB, 685MB Quality – 1080p, 720p IMDb Rating – 6.4/10 Format – mp4 Duration – 1H 54Min Genre – Drama Subtitle – Myanmar Subtitle (Hardsub) Translated by AK Encoded by Y

Kaatru Veliyidai (2017) “ဓါးသွားထက်က ပျားရည်စက်များ” IMDb – 5.8/10 ယခုတစ်ခေါက်တင်ဆက်ပေးမှာကတော့ အက်ရှင်ကြမ်းကြမ်း အချစ်ရိုမန့်စ်ဒရာမာကားလေးတစ်ကားပဲဖြစ်ပါတယ် ဗာရွန်လို့ခေါ်တဲ့ လေတပ်အရာရှိတစ်ဦးဟာ ကာဂီလ်စစ်ပွဲအတွင်း ပါကစ္စတန်မှာ ထောင်ကျနေခဲ့ပါတယ်။၈ပေ၅ပေပဲ ရှိတဲ့ အကျဉ်းထောင်လေးထဲမှာ သွေးတွေအလိမ်းလိမ်းနဲ့ နေ့လည်းမသိ ညလည်းမသိ နေခဲ့ရတဲ့အချိန်မှာ သူ့နိုင်ငံကိုချစ်တဲ့စိတ်၊ ရန်သူတွေကိုမုန်းတဲ့စိတ် ပြီးတော့ သူ့ချစ်သူလေးကို ချစ်တဲ့စိတ်နဲ့ပဲ အသက်ဆက်ရှင်နေခဲ့ရပါတယ်။ သူ့ချစ်သူလေး ဒေါက်တာလီလာရဲ့ ပထမဆုံးတာဝန်ကျတဲ့နေ့မှာပဲ ကိုကိုဗာရွန်က ကားအက်စီးဒန့်နဲ့ ဆေးရုံကိုရောက်လာရင်း ဒေါက်တာလီလာရဲ့ပထမဆုံးလူနာဖြစ်ခွင့်ရခဲ့ပြီးနောက်ပိုင်း ခင်မင်ရာကနေ ချစ်သွားကြတယ်ပေါ့ ပါကစ္စတန်ထောင်ထဲမှာ ချစ်သူလေးစိတ်နဲ့ နေလာရင်း ထောင်ထဲကနေ လွတ်မြောက်လာတဲ့အခါ သူ့ချစ်သူလေးကို အရင်လိုက်ရှာခဲ့ပါတော့တယ် အဲဒီနောက်မှာတော့ ဗာရွန် ပါကစ္စတန်ထောင်ထဲကနေ ဘယ်လိုလွတ်မြောက်လာခဲ့လဲ …….. သူတို့နှစ်ဦးရဲ့ အချစ်ဇာတ်လမ်းလေးကရော ဘယ်လိုမျိုးလေးလဲ …….. လေတပ်အရာရှိလေးဗာရွန်နဲ့ သူ့ချစ်သူလီလာတို့ ပြန်လည်ဆုံတွေ့နိုင်ကြမှာလား …….. ဆိုတာတွေကို ရင်ခုန်ခံစားကြည့်ရှုရမှာပဲဖြစ်ပါတယ်။ (အညွှန်းနဲ့ ဘာသာပြန်ကတော့ Yunni~BpL~V~Alex~ToMo တို့ပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood )

Torino Criminale Blood Revenge (2023) ============================ အီတလီ မာဖီးယားမူးယစ်မှောင်ခိုဇာတ်လမ်းတွေ ကြိုက်တတ်တဲ့လူတွေအတွက် Torino Criminale Blood Revenge ဆိုတဲ့ကားလေးနဲ့မိတ်ဆက်ပေးပါရစေ။ တူရင်မြို့က ယဲအားလယ် မူးယစ်မှောင်ခိုဂိုဏ်းကို ညီကိုနှစ်ယောက်ဖြစ်တဲ့ ဆဗာတိုနဲ့ ဗီတိုတို့ကဦးဆောင်ပါတယ်။ ဆဗာတိုဟာ ကာတာနဲ့စ်အဖွဲ့မှာ နေရာရအောင် ဘိရစ်ထရစ်ဆိုတဲ့ အိမ်ထောင်ရှိအမျိုးသမီးတစ်ယောက်နဲ့ အတူအကောက်ကြံ ကြိုးစားနေပါတယ်။ တစ်နေ့မှာ ဆဗာတိုရဲ့အစ်ကိုဗီတိုတစ်ယောက် အသတ်ခံလိုက်ရကနေ စပြီး သူတို့ဂိုဏ်းတွေကြားမှာ ကိစ္စတွေပိုရှုပ်ထွေးလာပါတော့ တယ်။ ကြားထဲမှာလည်း သူတို့ဂိုဏ်းတွေကို အမိဖမ်းဖို့ကြိုးစားနေတဲ့ ရဲအုပ်ကြီးတော့စကိုကလည်း ရှိနေပြန်ပါတယ်။ ဆိုတော့ သူတို့ဂိုဏ်းတွေကြား ဘာတွေဆက်ဖြစ်မလဲ ဘယ်သူက ဘယ်သူ့ကို ဘယ်လိုလက်စားချေမလဲဆိုတဲ့ အသေးစိတ်ကတော့ ဇာတ်လမ်းလေးကိုပဲ ဆက်ကြည့်ရင်းအဖြေရှာဖို့ပြောချင် ပါတယ်။ ( ဘာသာပြန်ပြီး အညွှန်းရေးသားထားသူက‌တော့ W ပါ ) File size_(1.4GB)/(700MB) Quality_Blu-Ray 1080p / 720p Format_mp4 Duration_01:30:00 Genre_Crime , Drama Subtitle_Myanmar Subtitle (Hardsub) Encoder_a hao Translated by W

Maaya Ka Moh (2024) တိတ်တခိုးအချစ် ဒီတစ်ခေါက်မှာမင်းသမီးချော Priya Banerjee နဲ့ မင်းသား Mahesh Shetty တို့အတွဲညီညီသရုပ်ဆောင်ထားတဲ့ အချစ်ဇာတ်လမ်းလေးတစ်ခုကိုတင်ဆက်ပေးပါမယ် အချစ်ဇာတ်လမ်းဆိုပေမဲ့ ကောင်းမွန်တဲ့အနေအထားမျိုးမှာမဟုတ်ကြဘဲ နှစ်ယောက်လုံးကအိမ်ထောင်ကိုယ်စီနဲ့ရှိနေကြပြီးနေတဲ့အချိန်မှာ အချစ်နွံနစ်ခဲ့ကြတာမျိုးပေါ့ တစ်ယောက်နဲ့တစ်ယောက်ချစ်ကြဖို့ရွေးချယ်ခဲ့ပေမဲ့ ဘဝကြီးကတော့ခွဲခွာဖို့ အကြောင်းသာပေးခဲ့တဲ့အခါမှာ သူတို့ရဲ့ချစ်ခရီးလမ်းဟာ ဖြောင့်ဖြူးလာလေမလား လေတစ်ဝှေ့မှာပဲပျောက်ကွယ်သွားလေမလား…… အညွှန်းနဲ့ဘာသာပြန် CM Bollywood Team မှပဲဖြစ်ပါတယ်

Omni loopဆိုတဲ့ ဇာတ်ကားလေးက အချိန်ခရီးသွားခြင်းနဲ့ပတ်သတ်ပြီး ရိုက်ထားတဲ့ကားလေးဖြစ်ပါတယ်။ Rating 83% ရှိပြီး 1987 ကတည်းက သရုပ်ဆောင်လောကထဲကိုဝင်လာခဲ့တဲ့ ဝါရင့်သရုပ်ဆောင် Mary Louise Parkernရဲ့ ဇာတ်ကားအသစ်လေးဖြစ်ပါတယ်။ ရူပဗေဒ ပညာရှင်တစ်ယောက်ဟာ သူ့ကိုယ်သူ အချိန်လှည့်ကြောထဲမှာ ပိတ်နေမှန်းသိရပြီး သူအသက်ရှင်ဖို အချိန်ငါးရက်သာကျန်ပါတော့တယ်။ သူက သူကိုယ်သူပြန်ကယ်တင်ဖိုနဲ့ သူဖြစ်ချင်ခဲ့တဲ့အရာတွေကိုအချိန် နောက်ပြန်ဆုတ်ပြီး ပြန်လုပ်ဖို အချိန်သံသရာစက်ဝန်းရဲ့ ပြဿနာကို ဖြေရှင်းဖိုကြိုးစားပါတော့တယ်။ တစ်နေ့မှာ သူက ထူးချွန်တဲ့ ကျောင်းသူလေးတစ်ယောက်နဲ့မထင်မှတ်ပဲ တွေ့ဆုံပြီး အချိန်စက်ဝန်း ပြဿနာကိုဖြေရှင်းကြတဲ့အခါမှာ ဘာတွေ ဆက်ဖြစ်လာမလဲ…. သူ့မျှော်လင့်ထားတဲ့အတိုင်းဖြစ်လာမလား ဘာတွေရှာဖွေတွေ့ရှိသွားမလဲ ဒီဇာတ်ကားလေးက ရိုးရိုးရှင်းရှင်းနဲ့ စိတ်ဝင်စားမှုတွေကိုဖမ်းဆုတ်နိုင်ပြီး ဘဝရဲ့ အဓိပ္ပါယ် ကို လှလှပပဖော်ပြသွားတဲ့ ကားလေးဖြစ်ပါတယ်။ File size…1.39GB / 674MB Quality…WEB-DL 1080p HEVC / 720p Format…mkv / mp4 Duration….1h 52m Genre ….. Drama , Sci-Fi Subtitle….Myanmar Subtitle (Hard Sub) Encoder….Min Wai Translated by Koo Luu Moo

စုန်းမတွေကို သတ်ဖို့ အကောင်းဆုံးနည်းက မီးရှို့တာပဲ Hanel and Gretel ဆိုပြီး တောထဲမှာ လမ်းပျောက်ပြီး သကြားလုံးတွေနဲ့ အိမ်မှာ စုန်းမတစ်ယောက် ဖမ်းဆီးခြင်းကို ခံရတဲ့ ပုံပြင်လေးကို ကျွန်တော်တို့ ပုံပြင်အဖြစ်ရော ဇာတ်လမ်းတွေ အဖြစ်ပါ ကြားဖူး မြင်ဖူးကြမှာပါ ဒီတစ်ခါမှာတော့ အဲဒီ ပုံပြင်ကိုပဲ အခြေတည်ရိုက်ကူးထားပြီး Marvel က ကျွန်တော်တို့နဲ့ ရင်းနှီးပြီးသား Haekeye မင်းသား Jeremy Renner ပါဝင်သရုပ်ဆောင်ထားတဲ့ ဇာတ်ကားကောင်းလေးကို တင်ဆက်ပေးချင်ပါတယ် ဇာတ်လမ်းအကျဥ်းကတော့ ငယ်စဥ်မှာ မိဘတွေရဲ့ စွန့်ပစ်ခြင်းကို ခံခဲ့ရတဲ့ Hansel နဲ့ Gretel ဟာ တောထဲမှာ မျက်စိလည် လမ်းမှားပြီး စုန်းမ တစ်ယောက်ရဲ့ ဖမ်းဆီးခြင်းကို ခံခဲ့ရပါတယ် စုန်းမကို မီးဖိုထဲ တွန်းချ ထွက်ပြေးခဲ့တဲ့ နောက်မှာတော့ စုန်းမုဆိုးတွေ အဖြစ် အသက်မွေးဝမ်းကြောင်းပြုပြီး နေထိုင်ခဲ့ပါတယ် ဒီလိုနဲ့ ကြီးလာတဲ့အခါမှာ နာမည်ကြီး စုန်းမုဆိုးတွေ ဖြစ်လာပြီး အော့စ်ဘာ့ဂ်ဆိုတဲ့ မြို့လေးမှာ ကလေးတွေ အများကြီး စုန်းမတွေ ဖမ်းဆီးနေတာကြောင့် သူတို့ကို အလုပ်အပ်လာပါတယ် အဲဒီအချိန်မှာ အကြီးစား စုန်မတွေရဲ့ အကြံကို သိလိုက်ရပြီး သူတို့ တားဆီးအနိုင်ယူနိုင်မှာလား သူတို့ရဲ့ မိဘတွေက ဘာလို့ စွန့်ပစ်သွားတာလဲဆိုတာကို‌ရော သူတို့ သိရမှာလား ဆိုတာကို ကြည့်ရှု ခံစားလိုက်ပါ File Size : 4.3 GB, 1.6 GB, 946 MB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC and AC-3 Genre : Animation, Adventure, Comedy Subtitle : Myanmar Subtitle (Hard Sub) Translated by : Zin Sann Oo Encode by : Thit San Khant

Trade Your Love (2019) ********************** CMပရိသတ်ကြီးတို့အတွက် ဒီတစ်ခေါက်မှာတော့ မင်းသား Kim Dong-wookနှင့်အတူ မင်းသမီး Ko Sung-heeတို့ အဓိက ပါဝင် သရုပ်ဆောင်ထားတဲ့ အချစ်ဟာသကားလေးကို တင်ဆက်ပေးလိုက်ပါတယ်နော် .. ဇာတ်လမ်းအညွှန်း ************* လေကြောင်းလိုင်းပိုင်ရှင် သူဌေးကြီးရဲ့ သားဖြစ်သူ ဆောင်းဆော့(Kim Dong-wook)ဟာ ဥစ္စာပေါရုပ်ချောဖြစ်ပေမဲ့လည်း ဖခင်ဖြစ်သူ သဘောမတူတဲ့ မိန်းကလေးတစ်ယောက်နဲ့ ချစ်ကြိုက်မိပြီး လက်ထပ်ဖို့ အခက်တွေ့နေရသူတစ်ယောက်ပါ။ ဖခင်ဖြစ်သူကလည်း သူသဘောတူတဲ့ မိန်းကလေးနဲ့လက်ထပ်မှ ကုမ္ပဏီကို ဆက်ဆံခွင့်ရရှိမယ်လို့ အမိန့်ထုတ်ထားတဲ့အတွက် ဆောင်းဆော့တစ်ယောက် ကြံရာမရဖြစ်လို့နေခဲ့ပါတယ်။ ဟယ်ဂျူ(Ko Sung-hee)ကတော့ တစ်ချိန်က ပြေးခုန်ပစ်အားကစားလက်ရွေးစင် တစ်ယောက်ဖြစ်ခဲ့ပြီး မထင်မှတ်ထားတဲ့ အဖြစ်အပျက်တစ်ခုကြောင့် ကစားသမားဘဝမှ အနားယူလိုက်ရကာ ဘဝရဲ့ဦးတည်ချက် ပျောက်ဆုံးနေရတဲ့အချိန်မှာမှ မိသားစုဝင်တွေရဲ့ အတင်းအဓမ္မ လက်ထပ်ဖို့ ဖိအားပေးခြင်းကို ခံနေရသူလေးပါ။ ဒီလိုနဲ့ ဆောင်းဆော့နဲ့ဟယ်ဂျူတို့နှစ်ဦးသား မိသားစုရဲ့စီစဥ်ပေးမှုနဲ့ ကြင်ဖက်တွေ့ရာကနေ ဆုံစည်းခဲ့ပါတော့တယ်။ အဲဒီနောက်မှာ သူတို့နှစ်ဦးဟာ လိုချင်တာကို အသီးသီး ရယူနိုင်ဖို့အတွက် နောက်ဆုံးတော့ ၃နှစ်တာ စာချုပ်ချုပ်ပြီး ဟန်ဆောင်လက်ထပ်ဖို့ သဘောတူခဲ့ကြပါတော့တယ်။ အဲဒီလိုကနေ ဟန်ဆောင်လက်ထပ်ဖို့ ပြင်ဆင်နေတဲ့ အတောအတွင်း သူတို့ မထင်မှတ်ထားတဲ့ အခက်အခဲတွေနဲ့ တွေ့ကြုံလာခဲ့ရတဲ့အခါမှာတော့…. ဘယ်လို အလွဲတွေ ဖြစ်ပြီး ချစ်သွားကြမလဲဆိုတာကို ဟာသနှောပြီး တင်ဆက်ထားတာကြောင့် ဇာတ်ကားလေးထဲမှာ ဆက်လက်ရှုစားပေးကြပါဦးနော်… (အညွှန်းကို Phyo မှ ရေးသားထားပါတယ်) File size…1.81GB / 928MB Quality… WEB-DL 1080p/ 720p Format…mp4 Duration….1 hr. 27 min. Genre ….. Comedy, Romance, Life, Drama Subtitle….Myanmar Subtitle (Hard Sub) Translated by Phyo Encoded by AHtet

The Tale of Iya (2013) ********************** ဒီတစ်ခါ CM ပရိသတ်ကြီးအတွက် ဇာတ်ကားတစ်ကား ကြည့်နေရတာထက် ရိုးရှင်းတဲ့ ကဗျာလေး တစ်ပုဒ်ကို ဖတ်‌နေရသလို ခံစားရစေမဲ့ ဂျပန်ကားတစ်ကားနဲ့ မိတ်ဆက်ပေးပါမယ်။ ………………… တိုကူရှီမားခရိုင်၊ အီယာဒေသ အလယ်ပိုင်းမှာရှိတဲ့ တောင်ထိပ်တွေနဲ့ မျက်နှာပြင် မညီညာတဲ့ နေရာဒေသတွေကို ရုပ်မြင်သံကြား ကဗျာတစ်ပုဒ်အဖြစ် ပုံဖော်ရိုက်ကူးထားပါတယ်။ အီယာတောင်ထိပ်မှာ အဖိုးနဲ့ မြေးမဖြစ်သူ ဟာရုနာတို့က လျှပ်စစ်မရှိ၊ ဓာတ်ငွေ့မရှိ တိတ်ဆိတ်ပြီး ကိုယ်တိုင်လုပ် ကိုယ်တိုင်စားဘဝနဲ့ ရှင်သန်နေထိုင်ကြပါတယ်။ တစ်နေ့မှာ တိုကျိုမြို့သား ခုဒိုဟာ ရွာကို အလည်လာရင်း သူတို့မြေးဖိုး နှစ်ယောက်ဆီမှာ နေထိုင်ဖို့ ဖြစ်လာပါတယ်။ ၃၅ မီလီမီတာဖီလင်ဖြင့် ရိုက်ကူးထားပြီး အဘွားရွာသူကြီးတစ်ဦး၊ တောင်ပေါ်မှာပဲ မြေးမလေးနဲ့ သီးသန့်နေတဲ့ အဘိုးကြီးတစ်ဦး၊ သစ်တောမပြုန်းတီးရေးအတွက် ဂျပန်တွေကို ပြန်ပြီး ဆန္ဒပြကြတဲ့ နိုင်ငံခြားသားဧည့်သည်တွေ… မြို့ပေါ်မှာ ပြဿနာတစ်ခု ကြုံတွေ့ပြီး အလည်လာတဲ့ တိုကျိုမြို့သားတစ်ဦး၊ မြို့သားတွေကို သဘောမကျတဲ့ သက်လတ်ပိုင်း ရွာသားတစ်ဦး၊ ထိုလူတွေရဲ့ စိတ်ဝင်စားဖွယ်အကြောင်းများကို ကြည့်ရှုရမှာဖြစ်ပါတယ်။ Spoil မပါအောင် ဒီထိပဲပြောပါမယ်ဗျ။ ဒီထဲမှာ ရင်ထဲထိတဲ့ စကားလေးတစ်ခွန်းကတော့ သပိတ်ခေါင်းဆောင် မိုက်ကယ် သူ့နိုင်ငံကို မပြန်ခင် ပြောသွားတာလေးပါ။ “နောက်ဆုံးတော့ ငါတို့ဟာ အပြင်လူတွေပါပဲ” ပြင်ပလူတွေက ဘယ်လောက်ပဲ ကောင်းစားအောင် ကြိုးစားပေးနေပါစေ ကိုယ့်ပြည်ကိုယ့်ရွာ ကိုယ့်နိုင်ငံကို ကိုယ်တိုင်ပဲ ကောင်းအောင် လုပ်နိုင်မယ်ဆိုတာကို အသိသတိရှိမိ‌စေမှာပါ။ (အညွှန်းကို Reddy မှ ရေးသားထားပါတယ်) File size…1.89GB / 955MB Quality… BluRay 1080p/ 720p Format…mp4 Duration….2 hr. 50 min. Genre ….. Life, Drama Subtitle….Myanmar Subtitle (Hard Sub) Translated by Reddy Encoded by AHtet