နာကာတာက အောင်မြင်ကျော်ကြားလှတဲ့ စာရေးဆရာတယောက်.. သူချစ်ရတဲ့ မိန်းမတယောက်ရယ်..... တနေ့ နာကာတာအတွက် ဆုံးရှုံးမှုကြီးက မမျှော်လင့်ပဲ ရောက်လာတယ် သူချစ်ရတဲ့ မိန်းမ မတော်တဆမှုနဲ့ ဆုံးသွားတယ်... အဲဒီနောက်ပိုင်း နာကာတာဟာ နောက်ထပ် အချစ်မရှာတော့ဘူးလို့ ဆုံးဖြတ်ချက်ချလိုက်တယ်.. ဘဝမှာလေ တခါတလေ ကိုယ်မထင်မှတ်တာတွေ ဖြစ်လာတက်တယ် သူဆုံးဖြတ်ချက်ချာ စောသွားတယ်လို့ယူဆရမယ်.... သူ့အနားမှာ အချောလေးတွေ တယောက်ပြီးတယောက် လာဝဲတယ် ယုတ်စွ အဆုံး Lesbian ကအစ သူ့မှ သူပဲ ဖြစ်လာတဲ့အခါ.. လူကြီးကြိုက်အခန်းတွေ ဖောဖောသီသီ တန်ဆာဆင်ထားတာဖြစ်လို့ DS Fans တွေအတွက်တင်ဆက်ပေးလိုက်ပါတယ် File size…1.7GB / 743MB Quality…1080p /720p Format…mp4 Duration….2h 2m Subtitle….Myanmar Subtitle (Hard Sub) Encoder….XCross Translated by Ki Mu Chi

အသဲကွဲရောဂါကိုခံစားဖူးကြပါသလား? အသဲကွဲတဲ့အချိန်ကျရင် ဘယ်လိုရုန်းထွက်ကြလဲ? လွတ်လွတ်လပ်လပ်နဲ့ လုပ်ချင်ရာလုပ်တန်တဲ့ ရှောင်ယာက ချစ်ရတဲ့ခွဲခွါခြင်းခံရတော့ အသဲကွဲပြီး အသဲကွဲတာကို အထူးကုတဲ့စိတ်ရောဂါဆရာဝန်ချန်ရန်ဆီရောက်လာတယ် အချစ်ရှိရင် အခက်အခဲကနေကျော်ဖြတ်နိုင်တယ် အချစ်ရှိတာရှိရင် ဒဏ်ရာကလုံးဝပျောက်ကင်းမှာ ဆိုတဲ့ ချန်ရန်ကအသဲကွဲရောဂါကိုကုသတဲ့နေရာမှာအရမ်းနာမည်ကြီးတယ် နာမည်လည်းကြီးသလို ကုသတဲ့နည်းလမ်းကလည်းအတော်ကိုထူးဆန်းတယ် တစ်ခြားဆရာဝန်တွေလို အိပ်ငွေ့ချမေးမြန်းတာမဟုတ်ဘဲနဲ့ လူနာနဲ့အတူအိပ်ပြီး အိမ်မက်ထဲမှာကုသပေးတာ ရှောင်ယာရဲ့အိမ်မက်ထဲဝင်ပြီး သူရဲ့ဇာတ်လမ်းထဲဝင်ပြီး အသဲကွဲရောဂါကိုကုသပေးခဲ့တာ -ကုသနေစဥ် ရှောင်ယာရဲ့အိမ်မက်ထဲမှာဘာတွေဖြစ်ပျက်ကြမလဲ? -ရှောင်ယာအချစ်ရေးကဘယ်လိုဖြစ်မလဲ -ချန်ရန်က ရှောင်ယာရဲ့အသဲကွဲရောဂါကို ကုသပေးနိုင်မလား? စတာတွေကို စိတ်ကူးယဉ်ဆန်ဆန် စိတ်ဝင်စားစရာကောင်းအောင် ရိုက်ကူးထားတဲ့ဇာတ်လမ်းကောင်းလေးဖြစ်လို့ အားလုံးအတူတူကြည့်လိုက်ကြရအောင်နော်! [ Reviewed By Hnin Wut Hmon ] Quality : WEB-DL 1080p , 480p Format : mp4 Genres : Drama Runtime : 1h 15 min Subtitle : Myanmar Subtitle ( Hardsub ) Translated by CM Team Encoded by LK

ဒီဇာတ်လမ်းလေးကတော့ ဆောင်းရာသီမှာ ချစ်ရသူနဲ့အတူတူကြည့်ပြီး ဖီးလ်လို့ကောင်းမယ့် လူငယ်ဆန်ဆန် ရိုမန်တစ်ဟာသကားလေးဖြစ်ပါတယ်။ ဇာတ်လမ်းအကျဉ်း ... Syracuseလို့ခေါ်တဲ့မြို့လေးတစ်မြို့မှာ ဆောင်းရာသီနှင်းအရမ်းကျတဲ့ အခါမျိုးမှာ လမ်းတွေဟာနှင်းတွေနဲ့ပိတ်ပြီး ဆိုင်အားလုံးကျောင်းအားလုံးကိုပိတ်ရပါတယ်။ အဲ့လိုပိတ်ပေးတဲ့နေ့ကို Snow Day လို့ခေါ်တာပေ့ါ။ နတ်တာလီဘရတ်စတန်လို့ခေါ်တဲ့ ကလေးမလေးဟာ ‌ကျောင်းစာလုပ်ရမှာကို အရမ်းပျင်းပြီး အချိန်ပြည့် Snow Day ပိတ်ရက်ကိုမျှော်နေသူပါ။ သူ့မှာအကိုတစ်ယောက်ရှိပြီး သူ့အကိုမှာလည်း ကျိတ်ကြွေရတဲ့ ကောင်မလေးရှိနေပြီး တစ်ဖက်မှာလည်း ငယ်သူငယ်ချင်းကောင်မလေးက သူ့ရဲ့ကောင်းဖော်ဆိုးဘက်ဖြစ်နေပြန်ရော။ ဒီလိုနဲ့သူတို့သုံးယောက်ကြားမှာ ဘယ်လိုဇာတ်လမ်းတွေ ထပ်ဖြစ်လာမလဲဆိုတာကတော့ ... (ဇာတ်လမ်းအညွှန်းနဲ့ ဘာသာပြန်က Zwel Zan Aung ပါ။) File Size          : 1.9GB, 775MB, 393MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr 36mins Genre              : Comedy, Family, Musical Translated by Zwel Zan Aung Encoded by Kinnov

Netflix ကနေ အသစ်ထွက်ရှိလာတဲ့ romance ကားလေးနဲ့ မိတ်ဆက်ပေးချင်ပါတယ်။ ရည်းစားက သစ္စာဖောက်လို့ အသည်းကွဲလာတဲ့ သိပ္ပံပညာရှင် ကတ်စ်ကာဆိုတဲ့ ပိုလန်သူလေးက ချီကာဂိုကနေ သူ့ရဲ့မွေးရပ်မြေ ပိုလန်နိုင်ငံကို ပြန်လာခဲ့ပါတယ်။ ပိုလန်က သူ့အစ်ကိုဖြစ်သူ ရန်ဒရုရှ် ကတော့ သူတို့နှစ်ယောက်ပိုင်တဲ့ မိဘပိုင်မြေကို ရောင်းထုတ်ချင်နေတာပါ။ သူမပြန်ရောက်လာတော့ ကတ်စ်ကာက သဘောမတူတာကြောင့် အစ်ကိုဖြစ်သူက ညီမကို လင်ပေးစားဖို့ ကြံစည်ပါတော့တယ်။ ပိုလန်ရောက်တော့ သူမ ဘဝသစ်ကို စတင်ဖို့ ကြိုးစားရင်း ခပ်လန်းလန်းကောင်လေးတစ်ယောက်နဲ့ တွေ့ဆုံတာ ကနေပါ Romance ဇာတ်လမ်းလေးဖြစ်လာတယ်ဆိုပါတော့။ အဲ့တော့ ကတ်စ်ကာဟာ ပိုလန်မှာပဲ အခြေချဖြစ်မှာလား၊ ခပ်လန်းလန်း ကောင်လေးကရော သူမနားကို ဘယ်လိုပုံစံနဲ့ရောက်လာမလဲဆိုတာ ဒီ Comedy, Romance ဇာတ်ကားထဲမှာပဲ ဆက်လက်ကြည့်ရှူပေးကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ Parris ဖြစ်ပါတယ်) File Size - (1.71 GB) / (877 MB) / (568 MB) Quality – WebRip 1080p / 720p / 480P Duration - 1Hr 52mins Subtitle – Myanmar Hardsub Format – MP4 Genre : Comedy, Romance Translator – Parris Encoder – SWM

IMDb Rating - 5.9/10 ကြည့်ကိုကြည့်သင့်တဲ့ရုပ်ရှင်ကားလေးတစ်ကား 2022 မှာ ထပ်ထွက်လာပါပြီဗျာ။ အရွယ်သုံးပါးမရွေးကြည့်ရင်ကြိုက် မယ့် ရုပ်ရှင်ကားလေးပါ။ Lifemark လို့အမည်ပေးထားတဲ့ ဒီရုပ်ရှင်ကားလေးက ဘဝတစ်ကွေ့မှာ ချခဲ့တဲ့ဆုံးဖြတ်ချက် တွေအကြောင်းကို သဘာဝဆန်ဆန်ရိုက်ကူးထားတာဖြစ် ပါတယ်။ ကျောင်းမှာသူငယ်ချင်းတိုင်းကချစ်ပြီး မိဘတွေကလည်း အလိုလိုက်ပြီး နွေးထွေးတဲ့မိသားစုမှာ ကြီးပြင်းလာခဲ့တဲ့ ဒေးဗစ်က အမှန်တော့မွေးစားခံရတာပါ။ သူများတွေအား ကျရတဲ့မိသားစုမှာ နေထိုင်ရပေမယ့် ကိုယ့်ကိုမွေးစားထား တာပါဆိုတဲ့အကြောင်းကို ပြောပြဖို့မဝံ့မရဲဖြစ်နေခဲ့တာပါ။ တစ်နေ့မှာ ဒေးဗစ်ရဲ့မွေးမိခင်ဖြစ်တဲ့မီလီဆာက ဆက်သွယ် လာခဲ့ပါတယ်။ သူတို့နိုင်ငံရဲ့ဥပဒေအရ အသက် ၁၈ နှစ်ပြည့်ရင် မိဘအရင်းနဲ့ ပြန်တွေ့လို့ရပါတယ်တဲ့။ မွေးစားမိဘတွေကိုလည်းအရမ်းချစ်ပြီး သူ့ရဲ့မိဘအရင်းနဲ့လည်း တစ်ခေါက်လောက်တော့ တွေ့ချင်မိပါ တယ်။ ဒေးဗစ်က “ဘယ်သူ့ကိုမှအစားထိုးခံရတယ်လို့ မခံစား စေချင်ပါဘူး” တဲ့။ ပြီးတော့ သူ့ကိုရွေးချယ်ခဲ့လို့မွေးစားမိဘတွေ ကိုလည်း ကျေးဇူးတင်ပြီး၊ သူ့ကိုပေးမွေးစားခဲ့တဲ့အမေအရင်းကို လည်း ကျေးဇူးတင်ပါတယ်တဲ့ ဒါပေမဲ့.... အမေအရင်းဖြစ်တဲ့ မီလီဆာက ဘာလို့ပေးမွေးစားခဲ့ရ တာလဲ ? ဒေးဗစ်ရဲ့မွေးစားမိဘကရော ဘာလို့သူစိမ်းတစ်ယောက် ကို ကိုယ့်သွေးသားအရင်းလိုမျိုး ချစ်နိုင်ရတာလဲစသဖြင့် ဘဝတစ် ကွေ့မှာ ချခဲ့တဲ့ဆုံးဖြတ်ချက်တွေအကြောင်းတွေကို ဒီကားလေးထဲ မှာ ဆက်လက်ကြည့်ရှုကြပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Jo Jo Va ဖြစ်ပါတယ်) File Size..........(1.7 GB) / (695 MB) / (388 MB) Quality............BluRay 1080p / 720p / 480p Duration.........2Hrs Subtitle...........Myanmar Hardsub Format............MP4 Genre..............Drama Translator.......Jo Jo Va Encoder..........SWM

နစ်ကိုလပ်ကေ့ဂ်ဟာ ဟိုးတုန်းက National Treasure တို့ Lord Of War တို့ The Rock တို့လို ရုပ်ရှင်ကားကောင်းအများကြီးရိုက်ခဲ့တဲ့အပြင် Leaving Las Vegas တို့ City Of Angels တို့ Wild at Heart တို့လို အနုပညာရည်မနိမ့်တဲ့ကားကောင်းတွေလည်း ရိုက်ခဲ့တဲ့သူပါ။ ဟိုးတုန်းက သူရိုက်သမျှ မကောင်းတဲ့ကားမရှိပါဘူး။ နောက်ပိုင်းမှာတော့ တစ်နှစ်ငါးကားလောက် ပေါပေါလာလောရိုက်ခဲ့လို့ ဇာတ်ညွှန်းချာတဲ့ ကားတွေများလာပါတယ်။ ဒါပေမဲ့ နစ်ကေ့ရဲ့ ဇာတ်ကောင်အပေါ် စိတ်နှစ်ကြိုးစားမှုကတော့ မလျော့ခဲ့ပါဘူး။ အင်တာဖန်အများစုကလည်း ကားတွေညံ့ပေမဲ့ နစ်ကေ့ကတော့ အစွမ်းကုန်ကြိုးစားခဲ့တယ်ဆိုပါတယ်။ နစ်ကေ့ကိုယ်တိုင်လည်း ဒီလိုပဲပြောထားပါတယ်။ သူ့ကိုချစ်တဲ့သူတွေ ချစ်သေးတာပါပဲ။ 2021 မှာတော့ နစ်ကေ့ဟာ ဘရုစ်ဝီလီစ်တို့ မယ်ဂစ်ဆွန်တို့ စုံးစုံးမနစ်သွားဘဲ ကားကောင်းတွေချည်း ပြန်ရွေးရိုက်လာပါတယ်။ ဝီလီ၀န်းဒါးလန်းလို သရဲကားအနေနဲ့မဆိုးတဲ့ကားကနေ စလိုက်တာပြောရမယ်။ နောက် Pig ရိုက်ပါတယ်။ အတော်ကောင်းပြီး ဝေဖန်ရေးသမားတွေ သဘောကျခဲ့ပါတယ်။ နောက်ကျ Prisoners of the Ghostland ရိုက်ခဲ့ပါတယ်။ ဒီကားကို အင်္ဂလိပ်ရုပ်ရှင်ဖန်တွေ ကြိုက်ချင်မှကြိုက်ကြမှာပေမဲ့ ကားကောင်းပါပဲ။ ရိုက်တဲ့ဒါရိုက်တာကလည်း ဂျပန်ရဲ့ ဆရာတစ်ပါးဖြစ်တဲ့ Sion Sono ပါ။ သူ့ဟန်ကိုကထူးနေတော့ လူတိုင်းတော့ မကြိုက်ဘူးပေါ့။ ခု ဝေဖန်ရေးသမားတွေကြားရေပန်းစားနေတာက နစ်ကေ့ရဲ့ ကားအသစ် The Unbearable Weight of Massive Talent ပါပဲ။ ခရမ်းချဉ်သီး ၁၀၀ပထမဆုံးရထားတဲ့ နစ်ကေ့ကားပါ။ ဟိုးတုန်းက ကောင်းလှပါရဲ့ဆိုတဲ့ ကားတွေတောင် မရခဲ့ပါဘူး။ နစ်ကေ့ဟာ စစကတည်းက သူ့ဦးလေး ဖရန်စစ်ဖို့ဒ်ကော်ပိုလာရဲ့ နာမည်နဲ့လုပ်စားဖို့ မရွေးခဲ့သလို တွင်းဆုံးကျပြီးနောက်မှာလည်း ရအောင်ပြန်ကုတ်တက်နိုင်ခဲ့တဲ့ သရုပ်ဆောင်ပညာကို တကယ်ချစ်တဲ့သူပါပဲ။ ပေါကားတွေရိုက်ခဲ့ရပေမဲ့ ပေါကားမှာတောင် အစွမ်းကုန်ကြိုးစားခဲ့တဲ့သူပါပဲ။ ဒီရုပ်ရှင် ၂၀၂၁မှာ အဲဒီတွင်းထဲက ပြန်စတက်ခဲ့တဲ့ ကနဦးရုပ်ရှင်တွေထဲက တစ်ကားပါပဲ။ တစ်ခါက နစ်ကေ့ကို ချစ်ဖူးရင် ခင်ဗျားကြည့်သင့်တဲ့ကားပါပဲ။ ဟိုးတုန်းက ကေ့စ်ရဲ့ဟန်တွေပြန်မြင်ရမှာပါ။ ဝီလီ၀န်းဒါးလန်းဟာ Rating မမြင့်ပါဘူး။ ဒါပေမဲ့ Horror ကားပါ။ Horror ကားအနေနဲ့ဆို ဒီ rating က ပုံမှန်ပဲလို့ဆိုလို့ရပါတယ်။ ဗမာပြည်ထွက် Horror ကားထဲက အတော်ကောင်းတဲ့ သူစိမ်းအိမ်နဲ့ တစ်ချို့နေရာလေးတွေ ဆင်ပါတယ်။ သူ့ဘာသာကောင်းပေမဲ့ ဇာတ်လမ်းကတော့ သူစိမ်းအိမ်မမီဘူးပေါ့။ ဒါပေမဲ့ နစ်ကေ့ကြီးမို့ ကြည့်ရတန်မှာပါ။ ပြီးခဲ့တဲ့ရာစုနှစ်ရဲ့ အဆိုးဆုံး ကွင်းဆက်လူသတ်သမားဖြစ်ခဲ့တဲ့ ဝီလီဟာ ကစားကွင်းတစ်ခုထောင်ပြီး အဲဒီကစားကွင်းထဲမှာတင် ကလေးတွေ မိဘတွေကို သူ့အဖွဲ့နဲ့အတူသတ်ခဲ့ပါတယ်။ လူပျောက်တာတွေများလာလို့ ရဲတွေက လာစစ်ဆေးတဲ့အချိန်မှာ စေတန်ကိုပူဇော်တဲ့ အစီအရင်လုပ်ပြီး လူသတ်သမားတွေက သူတို့စိတ်နဲ့ဝိညာဉ်ကို ကစားကွင်းက အရုပ်တွေထဲထည့်လိုက်ပါတယ်။ အဲဒီအရုပ်ကို မြို့ခံလူတွေဟာ သူတို့ကိုမသတ်အောင် ခရီးသွားတွေပို့ပေးမယ်လို့ ညှိထားကြပါတယ်။ ခရီးသွားတွေ အဲဒီကိုမသွားသွားရအောင်လည်း မြို့ခံတွေက ကြံပြီးရအောင်ပို့ခဲ့ကြပါတယ်။ တစ်‌နေ့မှာ နစ်ကေ့က အဲဒီမြို့ကို ကားတစ်စီးနဲ့ရောက်လာတဲ့အခါမှာတော့...... (ဇာတ်ကားနဲ့အညွှန်းကို "___" မှ ပြန်ဆိုရေးသားထားပါတယ်) Size - 1.3GB, 605MB Quality - 1080p, 720p IMDb Rating - 5.5/10 Format - mp4 Duration - 1H 28Min Genre - Action, Comedy, Horror Subtitle - Myanmar Subtitle (Hardsub) Translated by "___" Encoded by Y

ဆရာ ဇက် စနိုက်ဒါရဲ့ ရုပ်ရှင်အသစ်လာပါပြီ။ ဇွန်ဘီး အက်ရှင်ကားပါပဲ။ သီချင်းကောင်းမယ်၊ အက်ရှင်ကောင်းမယ်၊ ဇာတ်လမ်းကောင်းမယ်၊ ရိုက်ချက်တွေကောင်းမယ်ဆိုတာ သိပြီသားပါ။ ဆရာဇက်ရဲ့ ဇွန်ဘီးတွေဆိုတော့ သူများဇွန်ဘီးထက် နည်းနည်းတော့ ပိုဉာဏ်ကောင်းပါတယ်။ ပြီးတော့ ခွေးဇွန်ဘီးတွေကို ရိုးပြီမဟုတ်လား ကျားဇွန်ဘီးလေး ကြည့်ပေါ့ဗျာ။ ဇာတ်လမ်းက ဒီလိုပါ ..... လက်စ်ဗီးဂတ်စ်မြိ့မှာ ဇွန်ဘီးတစ်ကောင် လွတ်သွားရာကနေ ထိန်းမရတော့ဘဲ တစ်မြို့လုံး ဇွန်ဘီးဖြစ်သွားပါတယ်။ ဒါနဲ့ တစ်မြို့လုံးကို ပိတ်ချထားရတာ ကြာပါပြီ။ အဲဒီမှာပဲ အမေရိကန်သမ္မတကြီးက လွတ်လပ်ရေးနေ့ အမှတ်တရအနေနဲ့ မြို့ကို အနုမြူဗုံးနဲ့ထုပြီး မျိုးဖြုတ်ဖို့ ဆုံးဖြတ်လိုက်ပါပြီ။ နောက်ထပ် ၄ ရက်အကြာမှာပေါ့။ အဲဒီမှာပဲ မြို့ရဲ့ ကာစီနိုအောက်မှာ ကျန်နေခဲ့တဲ့ ဒေါ်လာ သန်း ၂၀၀ ကို ယူပေးဖို့ အရင်က အထူးတပ်ဖွဲ့ဝင်ဟောင်း မစ္စတာ စကော့နဲ့အဖွဲ့ကို အလုပ်အပ်လာပါတယ်။ ဆုကြေးက ဒေါ်လာ သန်း ၅၀ ဖြစ်ပါတယ်။ သန်း ၂၀၀ ကို ယူလို့ရမှတော့ ဘာလို့ ၅၀ ပဲ ယူမှာလဲ တွေးလို့မရပါဘူး။ တရားဝင်ငွေ မဟုတ်လို့ပါ။ ဒီလိုနဲ့ ငွေလိုနေတဲ့ စစ်သားဟောင်းကြီးတွေနဲ့ လူတစ်စုဟာ ဗီးဂက်စ်မြို့ထဲကို ဝင်သွားတဲ့အခါ.. ဒန် .... တန့် ..... တန် ..... ပွဲဦးထွက်မှာတင် IMDb - 7.5/10 ဆိုတော့ ဘာမေးနေစရာ လိုဦးမလဲဗျာ။ Review and Translated by : Mr.Anderson Encoded by : August File size…3.3 GB and 1.5 GB Quality….WEB-DL 1080p and 720p Format…mp4 Duration….2h 28min Subtitle….Myanmar Subtitle (Hardsub) Translator ..... Mr.Anderson Encoder ..... August

ကဲ ဇာတ်ကားကောင်းတွေ စုပြုံထွက်ရင် သိပ်ပျော်တယ် ဗဲရီးဟက်ပီးဆိုတဲ့ cm ပရိသတ်ကြီးရေ မင်းသားကြီး Matt Damon ရဲ့ crime, drama, thriller လေးကိုလည်း လက်မလွှတ်တမ်း အားပေးကြပါဦးဗျ ကြိုတင်ပြောချင်တာက ဒီကားဟာ စကားအသုံးအနှုန်းတွေ R အဆင့်သတ်မှတ်ထားလို့ ကလေးသူငယ်တွေ၊ လူကြီးတွေနဲ့ကြည့်ဖို့ သိပ်အဆင်ပြေမယ်မထင်ပါဘူး ဇာတ်လမ်းအကျဉ်းကတော့ ဖခင်ဖြစ်သူဟာ ကိုယ်ရဲ့ အရပ်ဒေသမဟုတ်တဲ့ တစ်နယ်တစ်ကျေးမှာ ကိုယ်နဲ့ ကွဲကွာနေရတဲ့ သမီးဖြစ်သူအတွက် သူမကျူးလွန်ထားတဲ့ အမှုကို မကျူးလွန်ကြောင်း သက်သေပြဖို့ လူမျိုးခြားတွေ လူမျိုးရေးခွဲခြားသူတွေကြား ရုန်းကန်ဖြေရှင်းဖို့ ကြိုးစားရင်း ပြဿနာတွေ ကြုံရတဲ့အကြောင်းကို စိတ်၀င်စားဖွယ် ရိုက်ကူးတင်ပြထားတာပဲဖြစ်ပါတယ် အညွှန်းကတော့ Yoon Sandi Aung ဖြစ်ပြီးတော့ ဘာသာပြန်တွေကတော့ Thar Htet, Yoon Sandi Aung, Jimx, Amelia တို့ပဲ ဖြစ်ကြပါတယ်။ File size…2.24GB Quality….WEB-DL 1080p Format…mp4 Duration….2h 19min Subtitle….Myanmar Subtitle (Hardsub) Translator ..... CM Team Encoder ..... Augsut

Godzilla ( 1954 )Directed by Ishirō HondaKaiju Genreကို အစပျိုးပေးခဲ့တဲ့ ပထမဆုံး ဂေါ်ဇီလာရုပ်ရှင်ကို ၁၉၅၄မှာ အိရှိရိုဟွန်ဒါက ဇာတ်ညွှန်းရေးသား ရိုက်ကူးခဲ့တယ်။ Special effects ပိုင်းကိုတော့ Eiji Tsuburayaက ကိုင်ခဲ့တယ်။ သူတို့နှစ်ယောက်တွဲဟာ Kaiju Genreကို ထောင်ခဲ့တဲ့လူတွေ ဂေါ်ဇီလာယူနီဗာ့စ်ကြီးကို စဖန်တီးခဲ့သူတွေပါပဲ။ ဒီဂေါ်ဇီလာကားတွေကို နာမည်ကျော် တိုဟိုကနေ ထုတ်ပေးခဲ့တယ်၊ ဒီဂေါ်ဇီလာတစ်ကားရဲ့ အောင်မြင်မှုကနေ Godzilla franchiseကြီးဖြစ်ခဲ့လာပြီး တိုဟိုက ထုတ်ခဲ့တဲ့ ဂျပန်ဂေါ်ဇီလာရုပ်ရှင်တင် ၃၃ကား , ခုနောက်ပိုင်းထွက်တဲ့ အမေရိကန်ရုပ်ရှင် ငါးကား , စုစုပေါင်း ၃၈ကား ထွက်ခဲ့ပြီးပြီ။ တိုဟိုက ထုတ်ခဲ့တဲ့ ၃၃ကားထဲမှာ မူရင်းဖန်တီးရှင်တွေဖြစ်တဲ့ အိရှိရိုနဲ့ အိဂျီတို့ ရိုက်ခဲ့တာက ၈ကားပဲရှိခဲ့တယ်။ သူရိုက်ခဲ့တာတွေက အအောင်မြင်ဆုံးနဲ့ အခမ်းနားဆုံး Godzilla (1954), နောက် King Kong vs. Godzilla (1962) , Mothra vs. Godzilla (1964), Ghidorah, The Three-Headed Monster (1964), Invasion of Astro-Monster (1965),Destroy All Monsters (1968), All Monsters Attack (1969),Terror of Mechagodzilla (1975)တို့တွေပါပဲ။ Godzilla: King of Monsters (1956)မှာလည်း သူဝင်ရိုက်ပေးခဲ့ပေမဲ့ သူ့စာရင်းက ၈ကားပဲဆိုတော့ ထည့်တွက်မထားပုံပါပဲ၊၊ ပထမဆုံး ၁၉၅၄အတွက်ပဲ ဇာတ်ညွှန်းပါသူရေးခဲ့ပြီး ၁၉၅၄ကားကလည်း ထွက်ခဲ့သမျှ ဂေါ်ဇီလာတွေထဲ အကောင်းဆုံးအဖြစ်ရပ်တည်နေတယ်။ တိုဟိုဗားရှင်း ဂေါ်ဇီလာ ၃၃ကားကို ဂျပန်တွေထုံးစံအတိုင်း Eraတွေနဲ့ခွဲထားပြီး Era၅ခုရှိပြီး Shōwa era (1954–1975)အတွင်းမှာ ၁၅ကားရိုက်ကူးခဲ့ပါတယ်။ ဒီ၁၅ကားဟာ ဂျပန်ပြည်ရဲ့ နိုင်ငံရေးရဲ့ သူ့ခေတ်အခြေအနေကို ထင်ဟပ်ခဲ့တယ်လို့ ဆိုကြတယ်။ Eraတွေပြီးတိုင်း သူ့ယူနီဗာ့စ်ကို Reboot ပြန်ချလိုက်ပေမဲ့ ၁၉၅၄ကားကိုတော့ လုံးဝမပယ်ခဲ့ကြဘူး။ ဂေါ်ဇီလာရဲ့ Originအဖြစ် ထားထားခဲ့တယ်။ 2019ကစတဲ့ Reiwa Eraမှာတော့ ဒီ Originကို ပြောင်းလဲပစ်ခဲ့တယ်။ Godzilla Minus Oneကတော့ ဒီ၁၉၅၄ကားကို ပြန်လည်ပုံဖော်ထားတဲ့ Remakeကားလို့ ဆိုပါတယ်။အိရှိရိုဟွန်ဒါဟာ ခိုင်ဂျူ ရုပ်ရှင်Genreရဲ့ ဖန်တီးရှင် ဂေါ်ဇီလာရဲ့ ဖခင်ဖြစ်ပေမဲ့လည်း အကီရာ ကူရိုဆာဝါရဲ့ ရုပ်ရှင်တွေမှာ လက်ထောက်ဒါရိုက်တာအဖြစ်တစ်မျိုး အနုပညာအကြံပေးအဖြစ်တစ်ဖုံ လုပ်ခဲ့ဖူးတဲ့သူပါပဲ။ ကူရိုဆာဝါရဲ့နောက်ဆုံးငါးကားဟာ သူ့နောက်ဆုံးငါးကားလို့ ပြောရင်လည်းရပါတယ်။ ဂေါ်ဇီလာတွေအပြီးမှာ သူအနားယူခဲ့ပေမဲ့ ကူရိုဆာဝါက သူ့ကိုနားချပြီး သူ့ညာလက်ရုံးအဖြစ် ခေါ်သုံးခဲ့တာပါ။ ကူရိုဆာဝါ ဒီနှောင်းပိုင်း ကာလတွေမှာ မျက်စိလည်းသိပ်မမြင်တော့ဘူးဆိုတော့ ကူရိုရဲ့ နောက်ဆုံးငါးကားမှာ အိရှိရိုရဲ့ လက်စွမ်းလည်း မကင်းဘူးလို့ ယူဆလို့ရတယ်။ Guillermo del Toro, Tim Burton , John Carpenter , Martin Scorsese တို့ကတော့ ဟွန်ဒါရဲ့ လွှမ်းမိုးမှုနဲ့ သူတို့မကင်းဘူးလို့ ကြေညာဖူးပါတယ်။ စပီးဘာ့ခ်ဟာလည်း ဒီ၁၉၅၄ဂေါ်ဇီလာကို တော်တော်ကြိုက်ခဲ့တဲ့သူဖြစ်ပြီး။ ဒီဂေါ်ဇီလာ ၁၉၅၄နဲ့ အနီးစပ်ဆုံးတူတဲ့အရသာကို စပီးဘာ့ခ်ရဲ့ Jaws (1974) မှာပဲ ကျွန်တော်တော့ရဖူးပါတယ်။ စပီးဘာ့ခ်ဟာ ဂေါ်ဇီလာကို သိပ်ကြိုက်တဲ့သူပီပီ Jawsကို ငါးမန်းကားအဖြစ်ရိုက်ခဲ့ပေမဲ့ ၁၉၅၄ဂေါ်ဇီလာနဲ့ ထပ်တူညီတဲ့ အငွေ့အသက်ကို ပေးနိုင်ခဲ့တယ်။ဇာတ်ရဲ့အဖွင့်မှာ ပင်လယ်ထဲ သင်္ဘောတွေတစ်စီးပြီးတစ်စီး မြုပ်သွားတာကနေ စထားတယ်။ ဘယ်လိုအကြောင်းကြောင့်လဲတော့ ဘယ်သူမှမသိရဘူး။ သွားကယ်တဲ့ သင်္ဘောတွေပါ မြုပ်သွားရင်း မြုပ်သွားရင်း အဆုံးအရှုံးတော်တော်များလာသလို တံငါသည်တွေလည်း ငါးမမိတော့တဲ့နောက် ဒီပြဿနာကို အဖြေရှာကြဖို့ဖြစ်လာခဲ့တယ်။ အိုဒိုကျွန်းက ရှေ့မီနောက်မီလူကြီးကတော့ ဟိုးရှေးခေတ်ကတည်းက ရှိနေခဲ့တဲ့ ဂေါ်ဇီလာကြီးလို့ ပြောကြပေမဲ့ ဘယ်သူမှမယုံကြဘူး။ ဒီလိုနဲ့ ပညာရှင်တွေ သုတေသနသွားလုပ်တဲ့အချိန် ဂေါ်ဇီလာကို မျက်ဝါးထင်ထင်မြင်ခဲ့ရတယ်။ သတ္တဗေဒပညာရှင်ကတော့ ဂေါ်ဇီလာ Jurassicခေတ်နောက်ပိုင်း ဆင့်ကဲပြောင်းလဲလာတဲ့ သတ္တဝါကြီးလို့ သက်သေပြခဲ့တယ်။ ဒီလိုနဲ့ ဂေါ်ဇီလာဟာ မြို့ပေါ်ကိုပါ ဖျက်ဆီးလာတဲ့အခါ သူတို့ ဂေါ်ဇီလာကို နှိမ်နှင်းရဖို့ဖြစ်လာတယ်။ ဟိုက်ဒရိုဂျင်ဗုံးခေါ် နျူးကလီးယားကြောင့် နိုးထလာတဲ့ သတ္တဝါကြီးဖြစ်သလို လူ့လက်နက်တွေ ဒဏ်ကို ခံနိုင်ရည်ကောင်းကောင်းရှိနေတော့ သူ့ကို ဘယ်လက်နက်နဲ့မှ မနိုင်ဘူးဖြစ်နေတဲ့နောက် ဂေါ်လီလာကို နှိမ်နှင်းဖို့ အဖြေတစ်ခုရှာရတော့တယ်။သရုပ်ဆောင်တွေအနေနဲ့တော့ ကူရိုဆာဝါရဲ့ လက်စွဲ Ikiruထဲက မင်းသားကြီး Takashi Shimuraလည်း ပါဝင်သရုပ်ဆောင်ထားပေမဲ့ ဒီဂေါ်ဇီလာ ရုပ်ရှင်မှာ ကျွန်တော်တို့ မမေ့မယ့် ဇာတ်ရုပ်ကတော့ Akihiko Hirataရဲ့ ဒေါက်တာ Serizawaပါပဲ။ ခုလက်ရှိနောက်ဆုံး ဂေါ်ဇီလာစီးရီးအထိ သူ့ကို Homageပေးကြတုန်းပါပဲ။ ဒေါက်တာSerizawa ဇာတ်ကောင်ဟာ Iconicဇာတ်ကောင်တစ်ခုဖြစ်လာခဲ့သလို 1954 ဂေါ်ဇီဟာလည်း အခုနေ ပြန်ကြည့်တာတောင် ဘာကြီးလဲကွာဆိုပြီး ပြောစရာဖြစ်မနေဘဲ အစအလယ်အဆုံးသုံးပါးလုံး ဇာတ်ရော သရုပ်ဆောင်ရော တင်ဆက်ပုံရော အပြောင်မြောက်ဆုံးဖြစ်နေတုန်းပါပဲ။File size… 1.4 GB / 747 MB Quality… BluRay 1080p / 720p Format… mp4 Duration…. 1h 40m Genre ….. Drama/Sci-Fi Subtitle…. Myanmar Subtitle (Hard Sub) Encoder…. Thit San Khant Translated by WiRa Aung Download Nulled Scripts and Plugins Download Nulled Scripts and Plugins.generalmenu { font-size:0; }

Green Lantern: First Flight 2009 IMDb 7.0/10 Genre: Animation/Action/Adventure Green Lantern ဆိုတဲ့ Ryan Reynolds ရဲ့ ၂၀၁၁ က ရုပ်ရှင်ကို ကြည့်ဖူးကြမှာပါ။ ဒါက မူလပထမ ကာတွန်းရုပ်ရှင် Green Lantern ဖြစ်ပါတယ်။ Green Lantern တစ်ဖြစ်လဲ ဟဲလ်ဂျော်ဒန်ဟာ ကမ္ဘာမြေပေါ်မှာ လေ့ကျင့်ပျံသန်းနေတုန်း အစိမ်းရောင် ရောင်ခြည်တန်းတွေရဲ့ ခေါ်ဆောင်ရာနောက်ပါသွားပါတယ်။ ပျက်ကျလာတဲ့ ယာဥ်ပျံပေါ်မှာပါလာတာက Lantern Corps ရဲ့ ထိပ်သီးတစ်ယောက်ပါ။ သူမသေဆုံးခင် စွမ်းအင်လက်စွပ်ကို ဟဲလ်ဂျော်ဒန်ဆီ လွှဲပေးလိုက်ပြီးနောက်မှာ တာဝန်တွေ ဝတ္တရားတွေက ဟဲလ်ဂျော်ဒန်အတွက် ဖြစ်လာပါတော့တယ်။ ကစဥ့်ကလျား စကြဝဠာကြီးမှာ ဟဲလ်ဂျော်ဒန် တစ်ယောက် အသားကျပါ့မလား။ တာဝန်တွေကို ထမ်းဆောင်နိုင်ပါ့မလားဆိုတာကို စောင့်ကြည့်ရတော့မှာပါ File size… 1.4 GB / 678 MB Quality… BluRay 1080p / 720p Format… mp4 Duration…. 1h 17m Genre ….. Animation/Action/Adventure Subtitle…. Myanmar Subtitle (Hard Sub) Encoder…. LegoHeart Translated by Boomer

ငရဲညဆိုတဲ့​အင်ဒိုနီးရှား​horror ကားကောင်းလေးကို တင်ဆက်ပေးပါရစေ.. အင်ဒိုနီးရှားနိုင်ငံ​ Winongoရွာလေးဟာ ငရဲည ၃ ညတာကို နှစ်စဥ်ဖြတ်သန်းရပါတယ်.. အဲညတွေဆိုရွာသူရွာသားတွေဟာ အပြင်မထွက်ရဲကြဘဲ အိမ်မှာပဲနေပြီး ကုရ်အာန်ကျမ်းကိုသာရွတ်ကြပါတယ် ငရဲညမှာသရဲတစ္ဆေတွေထကြွသောင်းကျန်းပြီး လူတွေကိုဝင်ပူးကာသတ်တာဖြတ်တာတွေ ဖြစ်တာကြောင့် အဲ ၃ ညတာက ကျိန်စာသင့်နေတဲ့ရွာလေးအတွက်တော့ တကယ့်ကိုငရဲပါပဲ ဒီကျိန်စာဆိုးလိုမျိုးငရဲညတွေဟာ ရွာလေးအပေါ်ကို ဘယ်ကနေအစပြုပြီး ဘာတွေဆက်ဖြစ်မလဲ ဆိုတာကတော့ဆက်ကြည့်လိုက်ရအောင်ပါ… File size…1.18GB / 572MB Quality…NF WEB-DL 1080p 5.1CH / 720p Format…mp4 Duration….1h 29m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by Thura Mg Mg

ဒီကားလေးကတော့ ၁၉၅၁ အမေရိကန် world war II အကြောင်းကိုပြန်ရိုက်ထားတဲ့War/actionစစ်ကားလေးပါ မင်းသား Robert Wagner ရဲ့ပထမဆုံး credited screen role ပါဝင်တာဖြစ်ပြီးဒုတိယကမ္ဘာစစ်ရဲ့ဂျပန်တွေအပိုင်းစီးထားတဲ့ကျွန်းကိုအမေရိကန်ကြည်းတပ်ကပြန်ယူတဲ့စစ်ကားကောင်းလေးဖြစ်ပါတယ် Richard Booneရဲ့ debutကားဖြစ်ပြီးကျွန်းကိုပြန်သိမ်းဖို့ကြိုးစားကျတဲ့အခါဘယ်လိုအခက်အခဲတွေတွေ့ပြီးဂျပန်တွေရဲ့ဒုံးကျည်တည်နေရာကိုတပ်ကြပ်ကြီးနဲ့တပ်သားတွေဘယ်လိုရှာကြမလဲဆိုတာရင်ခုန်စွာကြည့်ရမဲ့စစ်ကားကောင်းလေးဖြစ်ပါတယ် စစ်ကားကြိုက်တဲ့သူတွေလက်လွှတ်မခံသင့်တဲ့ကားလေးပါ File size…(3.1GB)/(2.3 GB) Quality….Blu-Ray 1080p / 720p Format… mp4 Duration…. 01:53:00 Genre… Action, Adventure, Drama Subtitle….Myanmar Subtitle (Hardsub) Encoder….Garfield Translated by Shin

Memento (2000) IMDb Rating (8.4) / Rotten Tomatoes (94 %) သူ………ည တစ်ရေးနိုးလာခဲ့သည်။ အိပ်ရာပေါ်က သူ့ဘေးမှာ သူ့ဇနီးရှိမနေ။ အပေါ့သွားတာဖြစ်ရမည်။ အင်း……….မဟုတ်သေးဘူး။ သူ့စိတ်ထဲမှာ သူ့ရဲ့ဇနီး အိပ် ရာပေါ် ဘယ်တော့မှပြန်မလာတော့မှာကို တစ်နည်းတစ်ဖုံ သိနေသည်။ ရေချိုးခန်းထဲက ရုန်းရင်းဆန်ခတ်အသံတွေ………………….ရိုင်းစိုင်းမှုတွေ……………အသနားခံမှုတွေ………။ သေချာသွားပြီ………သူ့ဘဝထဲမှာ သူ့ဇနီးရှိမနေတော့ဘူး။ အဲဒါကလွဲပြီး ကျန်တာသူမသိ။ မနေ့ညက သူဘာလုပ်ခဲ့လဲ၊ မနက်လင်းရင်သူဘာလုပ်ရမှာလဲ သူမသိ။ သူ့ကိုယ်ပေါ်က tattoo တွေ ဘယ်လိုပေါ်လာလဲသူမသိ။ သူ မှန်ရှေ့မှာရပ်ကြည့်လိုက်ရင်တော့ သူ့ရင်ဘတ်ပေါ်မှာ မှန်စာလိုရေးထားတဲ့ အထင်ရှားဆုံး tattoo ကိုတွေ့လိမ့်မယ်။ “John G. raped and murdered my wife.” Christopher Nolan ဟာ Following ဆိုတဲ့ ဒေါ်လာ 6000 လောက်သာကုန်ကျတဲ့ ဇာတ်ကားကိုရိုက်ကူးပြီး ဒါရိုက်တာအဖြစ် ခြေလှမ်းစခဲ့တယ်။ အဲဒီကားနဲ့ သူ့ကိုစတင်အာရုံစိုက်စေခဲ့ပြီး သူ့ရဲ့ ဒုတိယကားမှာတော့ ဒေါ်လာငါးသန်းလောက် budget ရခဲ့ပါတယ်။ အဲ့ဒီကားက Memento ပါပဲ။ Memento ဇာတ်ကားမှာ အဓိကဇာတ်ကောင်ဖြစ်တဲ့ Leonard Shelby ဟာ Anterograde amnesia လို့ဆိုတဲ့ ရောဂါကိုခံစားနေရပါတယ်။ သူဟာ မှတ်ဉာဏ်အသစ်တွေကို ဖန်တီးနိင်စွမ်းမရှိပါဘူး။ သူဟာ စားသောက်ဆိုင်တစ်ခုကို ဝင်ရောက်စားသောက်ပြီး ခဏနေရင် သူဒီဆိုင်ကိုဘယ်လိုရောက်လာလဲ သိတော့မှာမဟုတ်ဘူး။ တစ်ခါတစ်လေ ညတစ်ရေးနိုးလာရင် အချိန်၊ နေရာ တွေကိုတစ်ခဏမေ့ပျောက်သွားပြီး စဉ်းစားလို့မရနိုင်တာမျိုး တော်တော်များများဖြစ်ဖူးလိမ့်မယ်။ ငါဘယ်လိုလုပ် ဒီအိပ်ရာပေါ်ရောက်လာသလဲပေါ့။ Leonard အတွက်တော့ အချိန်အပိုင်းအခြားတိုင်းက အဲသလိုပဲ ဖြစ်နေတယ်။ အဲ့ဒါကြောင့် သူဟာ ကင်မရာတစ်လုံး၊ ဘောပင်၊ စာရွက်အလွတ်တွေကိုအမြဲဆောင်ထားရတယ်။ သူ့ရဲ့ မော်တော်ကား၊ သူတည်းတဲ့နေရာ၊ သူ့မိတ်ဆွေသစ်တွေကို ဓာတ်ပုံရိုက်ပြီး အမြဲမှတ်ထားရတယ်။ အရမ်းအရေးကြီးတဲ့ ကိစ္စတွေကိုတော့ သူ့ကိုယ်ပေါ်မှာ tattoo ရေးထိုးထားလိုက်တော့တယ်။ Christopher Nolan နဲ့ ညီဖြစ်သူ Jonathan Nolan တို့ကားတစ်စီးနဲ့ခရီးအတူထွက်ဖြစ်ခဲ့ရာမှာ Jonathan ကသူစိတ်ကူးထားတဲ့ ဒီဇာတ်လမ်းကို Christopher ကိုပြောပြခဲ့တယ်။ Christopher ကအရမ်းစိတ်ဝင်စားသွားပြီး ညီဖြစ်သူကို ဝတ္ထုအဖြစ် အပြီးသတ်ရေးဖို့တိုက်တွန်းခဲ့ပါတယ်။ ဒီလိုနဲ့ Jonathan က ဝတ္ထုတိုအဖြစ်ကြိုးစားရေးသားခဲ့ပြီး ရေးပြီးသမျှကိုလည်း အစ်ကိုဖြစ်သူဆီ မပြတ်ပို့ပေးနေခဲ့တယ်။ တစ်ချိန်တည်းမှာပဲ Christopher ကသူ့ညီပို့ပေးသမျှကို ဇာတ်ညွှန်းအဖြစ်ပြောင်းလဲနေခဲ့တယ်။ Jonathan က Memento mori ဆိုတဲ့ဝတ္ထုတိုကိုအဆုံးသတ်ပြီးချိန်မှာ Christopher ကလည်း Memento ဇာတ်ကားအတွက် ဇာတ်ညွှန်းကိုအပြီးသတ်နိုင်ခဲ့ပါတယ်။ Leonard အဖြစ် Guy Pearce သရုပ်ဆောင်ပြီး The matrix မှာအတူတွဲသရုပ်ဆောင်ဖူးခဲ့ကြတဲ့ Carrie-anne Moss နဲ့ Joe Pantoliano တို့လည်းပါဝင်ပါတယ်။ အစက lead actor အဖြစ် Brad Pitt, Aaron Eckhart တို့ကိုစဉ်းစားခဲ့သေးပေမယ့် ဒီဇာတ်လမ်းအတွက်စိတ်အားထက်သန်လွန်းနေခဲ့တဲ့ Guy Pearce ကို Christopher Nolan ကရွေးလိုက်တာပါ။ ဝတ္ထုနဲ့ဇာတ်ညွှန်း ကွာခြားမှုလေးတွေတော့ရှိပါတယ်။ ဒီ Memento ဇာတ်ကားက မိတ်ဆွေတို့ကြည့်ဖူးသမျှဇာတ်ကားတွေနဲ့ ကွဲနေပါလိမ့်မယ်။ ဒီကားမှာ ပထမဆုံးအခန်းဟာ ဇာတ်သိမ်းခန်းဖြစ်ပါတယ်။ နောက်ဆုံးခန်းကတော့ ပထမဆုံးအခန်းဖြစ်ပါတယ်။ ဒီလို Reverse timeline နဲ့တင်ဆက်တာက Christopher ရဲ့ Idea ဖြစ်ပါတယ်။ Timeline ကိုမဖော်ပြဘဲ ဟိုတစ်ခန်း ဒီတစ်ခန်းပြတဲ့ ဇာတ်ကားတွေကြည့်ဖူးပါတယ်။ ဒါပေမယ့် ဒီလို နောက်ကနေရှေ့ကိုပြန်သွားတဲ့ ကားတော့ ဒီတစ်ကားသာကြည့်ဖူးတယ်။ နောက်ပြန်ကြည့်ရတာ ကျွန်တော်တို့ကို ဦးနှောက်ခြောက်စေဖို့မလုံလောက်သေးဘူးလို့ Christopher ကယူဆသလားမသိ။ နောက်ထပ် Time sequence မဖော်ပြထားတဲ့ အခန်းစဉ်တစ်ခုကို တစ်ခန်းနဲ့တစ်ခန်း အကူးအပြောင်းမှာ Black & white colour နဲ့ ကြားဖြတ်ပြထားပါသေးတယ်။ Black & white အခန်းတွေကျတော့ chronological order အတိုင်းပြန်ဖြစ်သွားပါတယ်။ ကျွန်တော်တော့ ပထမတစ်ခေါက်ကြည့်တုန်းက တော်တော်လေးကို မူးနောက်သွားတယ်။ ဒုတိယတစ်ခေါက်ကြည့်တော့မှ နားလည်သွားတော့တယ်။ ဒါကြောင့် ဒီဇာတ်ကားကို non-linear presentation လို့ပြောရင်မလုံလောက်သေးဘူး။ Extreme non-linear လို့ပြောရလိမ့်မယ်။ ဒီလိုဆန်းသစ်လှပတဲ့ စိတ်ကူးစိတ်သန်းကြောင့် ဇာတ်ညွှန်းနဲ့ editing တို့က အော်စကာဆန်ခါတင်မှာ ထိုက်ထိုက်တန်တန်ပါခဲ့ပါတယ်။ Christopher Nolan ဆိုတဲ့နာမည်လည်း ထင်ရှားလာခဲ့ပြီး Imsomnia, The prestige, The dark knight trilogy, Inception စတဲ့ budget ကြီးတဲ့ blockerbusters/crowdpleasers ဇာတ်ကားတွေကို ဆက်တိုက်ရိုက်ကူးခွင့်ရစေခဲ့ပြီး ဒီနေ့ဒီအချိန်မှာတော့ Hollywood ရဲ့လက်ရှိအထွန်းတောက်ဆုံးဒါရိုက်တာတွေထဲကတစ်ယောက်အဖြစ်ကို ရောက်ရှိနေခဲ့ပြီဖြစ်ပါတယ်။ Hollywood မှာ entertainment ကိုဦးစားပေးပြီး ပရိသတ်တွေကို ကောင်းကောင်းဆွဲဆောင်ပြရတဲ့ဇာတ်ကားတွေရှိသလို၊ ဖန်တီးသူရဲ့ ရင်တွင်းဖြစ်အနုပညာကို ကိုယ်ကြိုက်သလိုချပြပြီး ပရိသတ်အကြိုက်ကိုဦးစားမပေးတဲ့ Indie/arthouse ဇာတ်ကားတွေလည်းရှိပါတယ်။ Christopher Nolan ကတော့ နှစ်မျိုးလုံးကို ရောစပ်ပြနိုင်တဲ့ဒါရိုက်တာလို့ ဆိုချင်ပါတယ်။ Christopher က သူ့ရဲ့အနုပညာ၊ သူ့ပြောချင်တာတွေကိုလည်း ထိထိမိမိပြောနိုင်တယ်။ တစ်ဆက်တည်းမှာ entertainment အပိုင်းကိုလည်း အားကောင်းအောင် ဖန်တီးနိုင်တယ်။ သူ့ရဲ့ကားတွေမှာ arthouse ရုပ်ရှင်တွေလို အသိရခက်ခဲတဲ့ အကြောင်းအရာတွေကိုလည်း ထည့်သွင်းပြတတ်တယ်။ နှစ်မျိုးလုံးကိုရောစပ်ပြီး နှစ်မျိုးလုံးကိုလည်း အားကောင်းစေတဲ့ ဒါရိုက်တာတစ်ယောက်ပါ။ The prestige, The dark knight trilogy, Inception တို့က အကောင်းဆုံးဥပမာတွေပါပဲ။ နောက်လထဲမှာ Christopher ရိုက်ကူးထားတဲ့ Interstellar ရုံတင်တော့မယ်ဆိုတာ သိကြမှာပါ။ အဲ့ဒီကားကိုလည်း Christopher ကသူ့ရဲ့ထုံးစံအတိုင်း အသေအချာကိုရိုက်ကူးထားတယ်လို့ကြားသိရပါတယ်။ Blackholes တွေ၊ Space တွေအကြောင်းကို အခြေခံတဲ့ ဒီကားရိုက်ကူးဖို့ Christopher က သူကိုယ်တိုင် သိပ္ပံပညာရှင်တွေနဲ့ တွေ့ဆုံဆွေးနွေးခဲ့သလို NASA အထိတောင် သွားရောက်လေ့လာခဲ့ပါတယ်။ ထွက်ရှိပြီးသမျှ sci-fi တွေထဲမှာ လက်တွေ့သီအိုရီတွေနဲ့ အနီးစပ်ဆုံးဇာတ်ကားဖြစ်လာလိမ့်မယ်လို့ သုံးသပ်ထားမှုတွေလည်းရှိနေပါတယ်။ အဲဒီကားကို စောင့်မျှော်ရင်း Christopher ရဲ့ Memento ကို review ရေးလိုက်ရခြင်းပါ။ အဆုံးသတ်ပြောရရင်တော့ Memento ဟာ ကြည့်ဖူးသမျှဇာတ်ကားတွေထဲမှာ idea အဆန်းဆုံးနဲ့ စိတ်လှုပ်ရှားစရာအကောင်းဆုံး ဇာတ်ကားတွေထဲကတစ်ကားဖြစ်တယ်လို့ ဆိုချင်ပါတယ်။ Christopher Nolan ရဲ့ဇာတ်ကားတွေထဲမှာလည်း The dark knight, Inception တို့နဲ့အတူ အကြိုက်မိဆုံးဇာတ်ကားတစ်ကားပါ။ သူပြေးနေသည်။ သူနှင့်မလှမ်းမကမ်းမှာ လူကြီးတစ်ယောက်ပြေးနေသည်။ “ငါဘာလုပ်နေတာလဲ………….သြော် ငါသူ့နောက်ကိုလိုက်နေတာပဲ” ထိုလူကြီးက သူ့ကိုသေနတ်နှင့်ပစ်လိုက်သည်။ “မဟုတ်ဘူး……..သူက ငါ့ကိုလိုက်နေတာ” ~Miller~ (ရုပ်ရှင်အညွှန်းကို Movies-we watch,we feel. Facebook Page မှ ကူးယူဖော်ပြပါသည်။)

The Three Sisters of Tenmasou Inn (2022) **************************************** IMDb… 6.7 ဒီတစ်ခါ တင်ဆက်ပေးချင်တဲ့ဂျပန်ဇာတ်ကားလေးကတော့ ၂၀၂၂ ခုနှစ်မှာ ရုံတင်ပြသခဲ့တဲ့ Three Sisters of Tenmasou Inn ဇာတ်ကားလေးဖြစ်ပါတယ်။ ဒီ Drama ဇာတ်ကားဟာ လေးနက်တဲ့ဘဝအကြောင်းကို လှပတဲ့ ဂျပန်နိုင်ငံရဲ့ ရှုမျှော်ခင်း မြင်ကွင်းတွေနဲ့ လှပစွာ တင်ဆက်ပုံဖော်ထားတဲ့ ဇာတ်ကားကောင်းလေးဖြစ်ပါတယ်။ ဇာတ်လမ်းအကျဉ်း မိဘမဲ့ တာမာအဲဟာ ဘဝကို ခက်ခဲစွာရုန်းကန်ရင်းကနေ မတော်တဆဖြစ်ကာ ကိုမာဝင်ပြီး မေ့မျောနေသူပါ… သူ အသိစိတ်ကပ်ချိန်မှာ တက္ကစီကားတစ်စီးပေါ်ရောက်နေပြီး လူ့ဘုံနဲ့ ကောင်းကင်ဘုံအကြားက ဘုံတစ်ခုကို ရောက်ရှိနေတဲ့ သူ့အခြေအနေကို သိရှိသွားခဲ့ပါတယ်။ ဒါပေမဲ့ သူရောက်နေတဲ့ဘုံ၊ သူသွားရတဲ့တည်းခိုခန်းမှာ သူ့ရဲ့အဖေတူအစ်မတွေလည်း ရှိနေပါသေးတယ်။ ဒီလိုနဲ့ပဲ တာမာအဲဟာတစ်ယောက် တန်မာဆိုယုတည်းခိုခန်းမှာ နေထိုင်ရင်း အဲဒီကို လာရောက်တည်းခိုလာကြတဲ့ အမျိုးမျိုးသောဝိညာဉ်တွေရဲ့ ဇာတ်လမ်းတွေကို နားထောင်ပြီး သူတို့ကို ဘဝကူးပြောင်းဖို့ ဆုံးဖြတ်နိုင်အောင် အစ်မတွေနဲ့အတူ ကူညီပေးဖို့ဖြစ်လာပြီး နောက်ဆုံး သူ့ရဲ့ဝိညာဉ်ကရော ဘယ်ကိုသွားရမလဲဆိုတာကို ရှာဖွေတွေ့ရှိပြီး ငြိမ်းချမ်းမှုကို ရရှိသွားပုံကို စိတ်လှုပ်ရှားဖွယ်ရာ ဖန်တီးရိုက်ကူး တင်ဆက်ထားပါတယ်။ ဇာတ်ကားရဲ့ အဓိက အနှစ်သာရကတော့ ရှင်သန်နေထိုင်ရတဲ့ဘဝနဲ့ သေခြင်းတရားရဲ့အဓိပ္ပာယ်၊ ဝမ်းနည်းမှုနဲ့ ချစ်ခြင်းမေတ္တာ၊ အတိတ်ကို လက်ခံပြီး အနာဂတ်ဆီ ရှေ့ဆက်လှမ်းခြင်း စတာတွေကို လှပတဲ့ မြင်ကွင်းတွေနဲ့ ထိမိတဲ့ ဇာတ်အိမ်ဖွဲ့စည်းမှုနဲ့ ရိုက်ကူးတင်ပြထားတဲ့လို့ ခံစားကြည့်လိုက်ပါဦးနော်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ DaoPhyo ပဲ ဖြစ်ပါတယ်။) File Size : 2.61GB/ 1.11GB Quality : WEB-DL 1080p 5.1CH/ 720p Format…mp4 Duration…02:09:49 Genre : Drama, Fantasy, Supernatural Subtitle : Myanmar Subtitle (Hard Sub) Translated by DaoPhyo Encoded by Tiff

A Boy Who Went to Heaven (2005) *************************************** CM ပရိသတ်ကြီး အတွက် ဒီတစ်ခါမှာတော့ ၂၀၀၅ ခုနှစ်က ထွက်ရှိခဲ့တဲ့ Fantasy,Romance ကားကောင်းလေးတစ်ကား တင်ဆက်ပေးလိုက်ပါတယ် Cast တွေအနေနဲ့ Decision to leave, Eungyo, War of the arrows စတဲ့ ဇာတ်ကားကောင်းတွေထဲက မင်းသားကြီး Park Hae Il နဲ့ Sky Castle ထဲက မင်းသမီးကြီး Yum Jung Ah တို့ အဓိကပါဝင်သရုပ်ဆာင်ထားပါတယ် ဇာတ်လမ်းအကျဉ်း ******************* “ငါတို့ နယ်မို ကြီးလာရင် ဘာဖြစ်ချင်လဲ… အဆိုတော်လား ရုပ်ရှင်သရုပ်ဆောင်လား” “ကျွန်တော်ကတော့ Single Mother တစ်ယောက်နဲ့ လက်ထပ်ချင်တယ်” နယ်မြို့လေး တစ်မြို့က Single Mother တစ်ယောက်ရဲ့ သားဖြစ်သူ ၁၃နှစ်အရွယ် နယ်မို ဆိုတဲ့ကောင်လေးဟာ အမေဆုံးသွားပြီးနောက် သူ့အမေရဲ့ဆိုင်နေရာကို ဆိုးလ်ကနေပြောင်း‌‌လာတဲ့ Single Mother ဖြစ်သူ ဘူဂျာ ကို ချစ်မိပြီး တစ်နေ့ ဘူဂျာတို့ သားအမိနဲ့အတူ ရုပ်ရှင်သွားကြည့်ရင်း ရုပ်ရုပ်ရုံမှာ မီးလောင်မှုဖြစ်ပွားခဲ့တဲ့အတွက် နယ်မို တစ်ယောက် သေဆုံးပြီး ကောင်းကင်ဘုံကို ရောက်သွားခဲ့တယ် အသက် ၉၃ နှစ်အထိ နေရမဲ့ နယ်မို ကို ၁၃ နှစ် အရွယ်မှာ မှားခေါ်ခဲ့မိတဲ့အတွက် အခွင့်အရေးပေးတဲ့အနေနဲ့ တစ်ရက်ကို တစ်နှစ်အဖြစ်နဲ့ လူ့ပြည်မှာ ရက် ၈၀ ပြန်နေထိုင်ခွင့် ပေးခဲ့တယ်။ ဒီလိုနဲ့ လူ့ပြည် ပြန်ရောက်လာတဲ့ နယ်မို တစ်ယောက် သူချစ်ခဲ့ရတဲ့ ဘူဂျာတို့ သားအမိကို စောင့်ရှောက်ရင်း နေထိုင်ခဲ့ပေမဲ့ ရက် ၈၀ ပြည့်ရင် သေဆုံးရ‌တော့မဲ့ နယ်မိုရဲ့ အချစ်ဇာတ်လမ်းလေးက လှပနိုင်ပါ့မလား…ဘယ်လိုအဆုံးသတ်မလဲဆိုတာကို ဇာတ်လမ်းလေးထဲမှာ ခံစားကြည့်ရှုပေးကြပါဦးနော် (ဇာတ်လမ်းအညွှန်းကိုတော့ Hsu က ရေးသားထားပါတယ်) File Size – 2.57 GB/ 1.13 GB Quality – WEB-DL 1080p/ 720p Duration – 1h 54m Format – mp4 Genre – Drama, Romance Subtitle – Myanmar Subtitle (Hard Sub) Translated by – Hsu Encoded by – Treasure Htet