The Grudge (2004) ဒီဇာတ်ကားလေးကတော့ ၂၀၀၂ ခုနှစ်ကထွက်ရှိခဲ့တဲ့ ဂျပန်ဟော်ရာကား Ju-On ရဲ့ Hollywood Remake ပေါ့။ Remake ဆိုပေမဲ့ ထူးခြားတဲ့ Storyline နဲ့ မူရင်း ဂျပန် Ju-On ကားတွေရဲ့ လမ်းကြောင်းကနေ မသွေဖယ်ထားလို့ ကြည့်ရတာ ကြောက်ဖို့ကောင်းနေမှာပါပဲ။ ဒီဇာတ်ကားမှာတော့ ဘိုးဘွားစောင့်ရှောက်ရေးစင်တာ တစ်ခုမှာ Volunteer အနေနဲ့ ဝင်လုပ်နေတဲ့ ကယ်ရန်နဲ့ စတင်ထားတယ်။ အိမ်တစ်အိမ်ကို ဝင်ပေးနေကျ မိန်းကလေး ယိုကို အလုပ်ကိုရောက်မလာတာမို့ ကယ်ရန်ဟာ အစားထိုးဝင်ပေးတဲ့အနေနဲ့ ရောက်ရှိသွားခဲ့တယ်။ အိမ်မှာ အဘွားအိုကြီးတစ်ယောက်ပဲ ရှိနေတယ်။ ကယ်ရန်ဟာ အဖော်ပြုလုပ်ကိုင်ပေးရင်း အိမ်ထဲကနေ ထူးဆန်းတဲ့အသံတွေ ကြားလာရတယ်။ အဲဒါနဲ့ပဲ ဗီရိုထဲမှာ ပိတ်မိနေတဲ့ ကလေးလေး တစ်ယောက်ကို ရှာတွေ့သွားတယ်။ အဲဒီကောင်လေးရဲ့ နာမည်ကတော့ တိုရှိအို...... Horror Master တစ်ပါးဖြစ်တဲ့ Takashi Shimizu ရဲ့ The Grudge (2004) ကို အမှောင်ထဲမှာ အသံကျယ်ကျယ်လေးဖွင့်ပြီး ကြည့်ရှူခံစားလန့်ဖျပ်လိုက်ကြပါဦး။ (ဒီဇာတ်ကားနဲ့အညွှန်းကို Mugiwara Ya မှ ပြန်ဆို ရေးသားထားပါတယ်) Size - 1.85GB, 620MB Quality - 1080p, 720p IMDb Rating - 5.9/10 Format - mp4 Duration - 1H 31Min Genre - Horror, Mystery, Thriller Subtitle - Myanmar Subtitle (Hardsub) Translated by Mugiwara Ya Encoded by Y

ဒီရုပ်ရှင်ကားလေးဟာ ၂၀၂၂ ရဲ့ အက်ရှင်ကားလေးတွေထဲမှာ နေရာတစ်နေရာစာဝင်ယူထားတဲ့ကားကောင်းလေးဆိုရင်လည်း မှားမယ်မထင်ပါဘူး။ ချစ်ခြင်း၊ မုန်းခြင်းမပါဘဲ မိမိဘာသာ rating ပေးရရင်တော့ 6/10 ပေးရမယ့်ကားလေးဖြစ်ပြီး တော်တော်လေးကြည့်ပျော်မယ့် အက်ရှင်ကားလေးလည်းဖြစ်ပါတယ်။ တစ်ခါတလေတော့ ဘဝဆိုတာ သောက်ပြဿနာတွေတက်တဲ့အခါ တစ်ခုပြီးတစ်ခုပြုံပြီးတက်ပေမဲ့ သောက်ကောင်းတွေကျတော့ အခါတစ်ထောင်မှ တစ်ခါလာတဲ့အထိရှားပါတယ်။ ဒီလိုပါပဲ မစ်ရှင်တွေကို အောင်မြင်မယ်ထင်ထားခဲ့ပေမဲ့ အကြောင်းအမျိုးမျိုးကြောင့် မအောင်မြင်လိုက်၊ ကျရှုံးလိုက်ဖြစ်နေရတဲ့အခါ အဲလိုအခြေအနေကြီးက ဘယ်လိုရုန်းထွက်ရမလဲပေါ့။ ကျွန်တော်အနေနဲ့အားပေးရမယ်ဆိုရင် လဲကျသွားတဲ့အခါ ပြန်မထပါနဲ့။ အိပ်‌နေလိုက်ပါ၊ အနည်းဆုံးတော့ အိပ်ရေးဝတာပေါ့။ ဒါပေမဲ့ မင်းသားကတော့ ပြန်ထတယ်။ ပြန်ကြိုးစားတယ်ဗျ။ သူ့မှာက သေအံ့ဆဲဆဲသမီးလေးကို ဆေးကုသဖို့အတွက် ရှာဖွေဖို့လိုတာကိုး။ ဒီတော့ဗျာ။ ဒီရုပ်ရှင်ကားလေးထဲမှာဆိုရင် မင်းသားနဲ့ သူသူငယ်ချင်းတစ်သိုက်က ဘဏ်တစ်ခုကို ဓားပြတိုက်ကြတယ်ပေါ့။ ဟောလိဝုဒ်ကားတွေရဲ့ထုံးစံအတိုင်း ရှယ်စီစဉ်ပြီးတော့ကို တိုက်တာပေါ့ဗျာ။ ဘတ်မန်းလိုတော့ ပလန်ဘီမရှိဘူးပေါ့။ ဒီတော့ သူတို့တွေ ဘဏ်ဓားပြတိုက်တာက အောင်မြင်သွားလား၊ ဘာကြောင့် ရှယ်စီစဉ်ပြီးတော့ကို သရဲမရဲ တိုက်ဖို့ကြိုးစားကြတာလဲ၊ မင်းသားရဲ့ရည်းစားဟောင်းနဲ့ မင်းသားတို့အခြေအနေ၊ မင်းသားရဲ့သမီးလေး လျှောမလျှော(မင်းသားသမီးဆိုပြီး မလျှောဘူးမထင်နဲ့ဗျနော်) ဘာတွေဆက်ဖြစ်မလဲဆိုတာကို ပေါ့ပေါ့ပါးပါးကြည့်ရမယ့် ၂၀၂၂ ခုနှစ်ထွက် အက်ရှင်ဇာတ်ကားလေးဖြစ်တဲ့ Blowback 2022 ထဲမှာ ခံစားရင်ခုန်ပေးလှည့်ပါဦးခင်ဗျာ။ အညွှန်း နဲ့ ဘာသာပြန်ကတော့ San Thu Aung ပဲ ဖြစ်ပါတယ်. Genre..... Action, Crime, Thriller Quality…. 1080p | 720p | 480p File size… 1.3GB | 570MB | 285MB Format… mp4 Duration…. 1h 33min Subtitle…. Myanmar Subtitle (Hardsub) Translator ..... San Thu Aung Encoder ..... August

IMDb Rating (6.9) / Rotten Tomatoes (88%) သူ့နာမည် Chili Palmer ။ သူ့လုပ်က loanshark လို့ခေါ်တဲ့ တရားမဝင်ငွေတိုးချေးတဲ့လုပ်ငန်းတစ်ခုမှာ လုပ်နေတဲ့သူ။ အတိုးကြီးကြီးနဲ့ချေးထားတဲ့သူတွေဆီကနေ အကြွေးလိုက်တောင်းပေးရတဲ့အခါ ဂိုဏ်းစတားဆန်ဆန်လည်း လုပ်ရတာရှိတယ်။ ချီလီ တောင်းသမျှတော့ မရတဲ့အကြွေးမရှိပါဘူး။ သူက Look at me (ကျုပ်ကိုကြည့်စမ်းပါ) လို့ စပြောလိုက်ရင် သတိသာထားပေရော့။ သူလိုရာကိုလိုက်လျောမိတော့မှာ အသေအချာပဲ။ အဲဒီစကားတစ်ခွန်းက ဒီရုပ်ရှင်ရဲ့ catchphrase ပါပဲ။ သွေးအေး၊ သတ္တိကောင်းပြီး ရည်ရည်မွန်မွန်ဆဲတတ်တဲ့ ချီလီဟာ ရုပ်ရှင်ဝါသနာအိုးတစ်ယောက်လည်းဖြစ်နေလေရဲ့။ တစ်နေ့တော့ အကြွေးမဆပ်ဘဲပြေးတဲ့သူတစ်ယောက်နောက်ကို ရေဆုံးရေဖျားလိုက်ရှာရင်း ချီလီတစ်ယောက် ရုပ်ရှင်မြို့တော်လို့ခေါ်ရမယ့် Los Angeles ထိရောက်သွားပါလေရော။ သူစိတ်မပါတော့တဲ့ ငွေချေး၊ကြွေးတောင်းအလုပ်ကို မလုပ်ချင်တော့တဲ့ချီလီဟာ ဇာတ်ကားတစ်ကားလောက် ထုတ်လုပ်သူလုပ်ရင်ကောင်းမလား လို့ စိတ်ကူးပေါက်ရာကနေ ဟောလီးဝုဒ်လောကသားတွေနဲ့ လုံးထွေးသွားတော့တာပဲ။ အဲဒီမှာဗျာ။ လေယာဉ်ပျက်ကျရာမှာမပါဘဲ ပါသွားချင်ယောင်ဆောင်ပြီး လေကြောင်းလိုင်းကပေးတဲ့အာမခံငွေကို လိမ်ပြေးတဲ့ လီယို ဆိုတဲ့ ငတုံးတစ်ကောင်။ သူက ချီလီတို့ဆီကအကြွေးယူထားတာ။ အဲဒါကို မဆပ်ဘဲပြေးတာ။ ဇာတ်ညွှန်းကောင်းကောင်းတစ်ပုဒ် တွေ့ထားပေမယ့် မဝယ်နိုင်တာနဲ့ ထုတ်လုပ်သူတွေပေးထားတဲ့ငွေတွေကို ဘောပွဲလောင်းပြီးအပွကြံမိမှ ရှူံးပြီး တိုင်ပတ်နေတဲ့ ဟယ်ရီ ဆိုတဲ့ ဒါရိုက်တာကြီးတစ်ယောက်။ ဇိမ်ခံကားအငှားလုပ်ငန်းကို ဗန်းပြပြီး မူးယစ်ဆေးရောင်းနေတဲ့၊ ရုပ်ရှင်လုပ်ငန်းထဲကိုပါ ဝင်ပါချင်နေတဲ့ လူဆိုးတစ်စုရယ်။ အရည်အချင်းရှိရဲ့သားနဲ့ သရဲကားတွေထဲမှာပဲ ပါနေရလို့ စိတ်ကုန်နေတဲ့ မင်းသမီး‌ချောလေးတစ်ယောက်ရယ်။ အဲဒီမင်းသမီးရဲ့ခင်ပွန်းဟောင်း အရပ်အလွန်ပုပေမယ့် သရုပ်ဆောင်ကောင်းလှတဲ့ စူပါမင်းသားကြီးတစ်ယောက်ရယ်။ ဇာတ်လမ်းအစမှာကတည်းက ချီလီ့ကို ဩဇာပြချင်လှတဲ့ (ပြီးတော့လည်း ချီလီဗျင်းတာချည်း လှိမ့်ခံနေရတဲ့) ဘာဘိုနီ ဆိုတဲ့ ငွေချေးသမားကြီးရယ်။ ရဲတွေက ဘယ်သူလာဖွင့်မလဲလို့ အချိန်ပြည့်စောင့်ကြည့်နေကြတဲ့ လေဆိပ် အာမခံသေတ္တာ လော့ကာခန်းတစ်ခုထဲက အိတ်တစ်လုံးရယ်။ အရာရာနဲ့အကြောင်းကြောင်းတွေစုသွားတဲ့အခါ အမျိုးမျိုးနဲ့အဖုံဖုံတွေဖြစ်လာတော့တာပါပဲ။ (ဂိုဏ်းစတားကရုပ်ရှင်ပိုးဝင်လာချိန်မှာ ရုပ်ရှင်သမားတွေက ဂိုဏ်းစတားစိတ်ပေါက်ပြီး အကုန်လျှောက်လုပ်ကြတော့တာမျိုးပေါ့။ 1995ခုနှစ်မှာထွက်ရှိခဲ့တဲ့ Action-comedyဇာတ်ကားတစ်ကားဖြစ်တဲ့ "Get Shorty" ဟာ ratingတွေမှာ IMDb 6.9/10 ၊ Rotten Tomatoesမှာ 88% နဲ့ Metacritic မှာ 82%ထိ ရရှိထားတဲ့ ဇာတ်ကားကောင်းတစ်ကားဖြစ်ပါတယ်။ အဓိကဇာတ်ဆောင် ချီလီအနေနဲ့ပါဝင်ထားသူကတော့ နာမည်ကျော် John Travolta ဂျွန်ထရာဗိုလ်လ်တာ ပဲဖြစ်ပါတယ်။ (Face-offဇာတ်ကားမှာ မြန်မာပရိသတ်တွေ သတိအထားမိဆုံး အကြိုက်ကြီးကြိုက်ခဲ့ကြတဲ့ မင်းသားကြီးပါ။ ) သူ့ရဲ့ဂန္ဓဝင်ဇာတ်ကားကောင်းတွေလည်း အများကြီးရှိပါတယ်။ ဒီဇာတ်ကားရဲ့အောင်မြင်မှုကြောင့် နောက်ဆက်တွဲအနေနဲ့ "Be Cool" ဆိုတဲ့ ဇာတ်ကားကို 2005ခုနှစ်မှာ ဂျွန်ထရာဗိုလ်လ်တာ ကပဲ ခေါင်းဆောင်မင်းသားအနေနဲ့ ဆက်လက်ရိုက်ကူး ထွက်ရှိခဲ့ပါသေးတယ်။ (ရုပ်ရှင်အညွှန်းနဲ့ ဘာသာပြန်ကို Arr Khun Winchester မှ တင်ဆက်ထားတာပါ။) File size…(1.8 GB)/(950 MB) Quality….BluRay 1080p/720p Format…mp4 Duration….01:44:56 Subtitle….Myanmar Subtitle (Hardsub) Encoder….Nyeinsaeya Aung Translated by Arr Khun Winchester

အန်တမန်ကမ်းခြေကကျွန်းစုမှာနေတဲ့ ခိမ့်တို့သူငယ်ချင်းတစ်စုဟာ နေ့ဘက်မှာ ခရီးသွားဧည့်သည်တွေကို လမ်းညွှန်တဲ့ ဝန်ဆောင်မှုပေးကြပြီး ညအချိန်မှာတော့ ချုတ်ဒီ ဘားမှာ အလုပ်လုပ်ကြပါတယ် အဲ့ဒီဘားမှာ ညတိုင်းထိုင်းလက်ဝှေ့ထိုးပွဲရှိတဲ့အတွက် ခရီးသွားဧည့်သည်တိုင်းက စိတ်ဝင်စားပြီးလာရောက်လည်ပတ်ကြတယ် ဒီအချက်ကိုသဘောကျသွားတဲ့ရင်းနှီးမြုပ်နှံသူနိုင်ငံခြားသားဟာ ဒီဘားကိုလိုချင်ပါတော့တယ် ဘားပိုင်ရှင်ကမရောင်းဘူးပြောပေမဲ့ မရမကဖိအားပေးပြီးယူလိုက်တဲ့အချိန်မှာ ခိမ့်တို့သူငယ်ချင်းတစ်စု သူတို့ချစ်တဲ့ဘားကိုပြန်ယူနိုင်ပါ့မလားဆိုတာ ဇာတ်ကားထဲကြည့်ရှုလိုက်ရအောင်နော် ။ (ဘာသာပြန်ပြီး အညွှန်းရေးသားထားသူကတော့ Nang Mwe Kham ပါ ) File Size__( 2.2GB) Quality__ HD720p IMDb Rating__5/10 Format__mp4 Duration__01:20:00 Type__Action, Thriller Subtitle__Myanmar Subtitle (Hardsub) Translated by Nang Mwe Kham Encoded by Naing Aung Latt

ဒီတစ်ခါမှာတော့ အိန္ဒိယကားကောင်းတွေကိုပဲ စောင့်မျှော်ကြည့်ရှုတတ်တဲ့သူတွေအဖို့ အားကစားနဲ့ပတ်သက်တဲ့ ကားကောင်းလေးထပ်မံ ထွက်ရှိလာပါပြီ။ ဒီဇာတ်ကားကတော့ ဘိလိယက်အားကစားကိုအခြေခံတဲ့ စနူကာကစားသမားတစ်ယောက်ရဲ့ ဖြစ်ရပ်မှန်ကို ပြန်လည်ပုံဖော်ရိုက်ကူးထားတာဖြစ်ပါတယ်။ နာမည်ကြီးဇာတ်ကားဖြစ်တဲ့ "Dangal" တို့လို မိဘကတိုက်တွန်းလို့ မဖြစ်မနေ စလုပ်ရတာမျိုးမဟုတ်ဘဲ သားအဖကြားမှာရှိတဲ့ မေတ္တာကြောင့် ကိုယ်တိုင်ကိုက လိုလိုချင်ချင်နဲ့ ကြိုးစားနေတဲ့ ကောင်လေးတစ်ယောက်ပုံစံကို တွေ့မြင်ရမှာဖြစ်လို့ သားအဖကြားကအချစ်အပြင် ဆရာနဲ့တပည့်ကြားက ၅၂၈ မေတ္တာကိုပါ အေးအေးငြိမ့်ငြိမ့်လေးနဲ့ ထိထိမိမိ ခံစားရမှာဖြစ်ပါတယ်။ "ငါ့သားအတွက်ပဲ ငါပြိုင်ပွဲဝင်နေတာ" လို့ကြွေးကြော်တတ်တဲ့ စနူကာကစားသမားတစ်ယောက်ဖြစ်သူ "တူလ်ဆီးဒက်စ်"၊ သူကြွေးကြော်သလိုပဲ သူပြိုင်သမျှပွဲတွေဆို မလွတ်တမ်းလိုက်စောင့်ကြည့်တတ်တဲ့ သူ့ရဲ့သားငယ်လေး "မီဒီ" ... ၁၉၉၄ ခုနှစ် ပြိုင်ပွဲစဉ်မှာတော့ ကတိပေးထားသလို သူ့အဖေက ဆုဖလားကို မရယူနိုင်တဲ့အကြောင်းရင်းဟာ ပြိုင်ဖက်ဖြစ်သူက ၅ နှစ်ဆက်တိုက်ချန်ပီယံဖြစ်နေတဲ့ "ဂျင်မီ တန်ဒန်" ရဲ့စနက်ဆိုတာကို မီဒီလေးသိသွားတဲ့အခါ ... သူကိုယ်တိုင် အဖေဖြစ်သူအတွက် ဆုဖလားယူပေးချင်စိတ်တွေဖြစ်ပေါ်လာပြီး "တူလ်ဆီးဒက်စ် ဂျူနီယာ" အဖြစ် စနူကာ ကစားဖို့အတွက်ကြံပေမဲ့ အဖေဖြစ်သူကစားတဲ့ကလပ်မှာ ၁၆ နှစ်အောက်တွေကို ပေးမကစားတာကြောင့် အစ်ကိုဖြစ်သူ "ဂိုတီ" နဲ့ပေါင်းပြီး စနူကာလေ့ကျင့်လို့ရမဲ့ အားကစားကလပ်ကို ရှာဖုံတော်ဖွင့်ရပါတော့တယ်။ အဲလိုအခက်အခဲတွေကြားကနေပဲ ရှာပုံတော်ဖွင့်ရာက စုတ်တီးစုတ်ပြတ် အားကစားကလပ်တစ်ခုကို ရှာတွေ့သွားပြီး အဲမှာရှိနေတဲ့ စနူကာချန်ပီယံဟောင်းတစ်ဦးဖြစ်သူ "ဆလန်း ဘာအီ" နဲ့တွေ့ဆုံပါတော့တယ်။ ဘယ်သူ့ကိုမှ စကားမပြောဘဲ အချိန်ပြည့်မာထန်နေတတ်တဲ့ "ဆလန်း ဘာအီ" ကို မီဒီလေးက သူ့ဆရာဖြစ်လာအောင် စပြီးကြိုးပမ်းရင်းနဲ့ "ဆလန်း ဘာအီ" ကရော မီဒီဖြစ်စေချင်သလို စနူကာ ကစားနည်းကိုသင်ပေးပါ့မလား ? မီဒီလေးရဲ့ အဖေ့အတွက် ဆုဖလားယူပေးချင်တဲ့အိပ်မက်ကရော တကယ်ဖြစ်မြောက်လာပါ့မလား? ဆိုတာကို ဇာတ်ကားလေးနဲ့အတူ စီးမြောကြည့်ရှုနိုင်ဖို့ Channel Myanmar ကနေ တင်ဆက်ပေးလိုက်ပါတယ်ဗျ။ (ဇာတ်လမ်းအညွှန်းနဲ့ ဘာသာပြန်ကတော့ Chothet_mlmt ပါ။) File Size : 2.1GB, 879MB, 449MB Quality : 1080p WEB-DL AC3 5.1CH, 720p WEB-DL & 480p Format : mp4 Duration : 2hr & 12mins Genre : Drama, Family, Sport Translated by Chothet_mlmt & Kit Encoded by Kinnov

အခုတစ်ခါ Dream Girls ဆိုတဲ့ ဂီတရုပ်ရှင်တစ်ခုနဲ့မိတ်ဆက်ပေးချင်ပါတယ် ဂီတရုပ်ရှင်ဆိုတဲ့အတိုင်း တကားလုံးမှာ သီချင်းတွေတစ်ဝကြီးနားဆင်ပြီးကြည့်ရှုရမှာဖြစ်ပါတယ် သရုပ်ဆောင်တွေကလည်း Beyonce’ တို့ Jennifer Hudson တို့လို နာမည်ကြီးအဆိုတော်တွေအပြင် Jamie Fox တို့ရော နာမည်ကြီးတွေပါဝင်ထားတာဖြစ်ပါတယ် Beyonce’ ရဲ့ နာမည်ကျော်သီချင်းဖြစ်တဲ့ ”Listen” ကို ဒီဇာတ်ကားအတွက်သီဆိုခဲ့တာဖြစ်ပါတယ် ဇာတ်လမ်းလေးကတော့ အဆိုတော်ဖြစ်ချင်တဲ့ အိပ်မက်ရှိတဲ့ အက်ဖီ, ဒီနာနဲ့လော်ရယ်တို့သူငယ်ချင်းသုံးယောက်ဟာ ဒရင်းမက်စ်ဆိုတဲ့ နာမည်နဲ့ အဖွဲ့လိုက်သီချင်းပြိုင်ပွဲတွေမှာ ယှဉ်ပြိုင်ကြပါတယ် တရက်မှာတော့ ကားတစ်တေလာဆိုတဲ့ပရိုဂျူဆာတစ်ယောက်က သူတို့သုံးယောက်ရဲ့ အဆိုပါရမီကိုသိရှိသွားပြီး သူတို့ကို ဒရင်းမ်စ်အဖွဲ့ဆိုတဲ့နာမည်နဲ့မြေတောင်မြှောက်ပေးပါတော့တယ် အဆိုတော်အနေနဲ့အောင်မြင်ဖို့ကိုမျှော်လင့်ခဲ့ရပြီး တကယ်တမ်းအောင်မြင်လာတဲ့အချိန်မှာတော့ အကြောင်းအမျိုးမျိုးနဲ့ သူတလူငါတမင်းနဲ့စိတ်ဝမ်းကွဲလာကြပါတယ် အကြောင်းကတော့ အရင်က သူတို့အဖွဲ့မှာ အက်ဖီက ခေါင်းဆောင်နေရာကသီဆိုလေ့ရှိပြီး ကျန်တဲ့ ဒီနာနဲ့လော်ရယ်တို့က နောက်လိုက်အနေနဲ့ဆိုရပါတယ် ဒါကို ကားတစ်က အက်ဖီကို ဖယ်ပြီး ဒီနာကိုခေါင်းဆောင်နေရာပေးပြီး ဆိုခိုင်းတဲ့အခါ သူတို့အဖွဲ့လေးမှာ သဘောထားမတိုက်ဆိုင်တာတွေ မနာလိုမှုတွေရှိလာပြီး အဲ့ဒါတွေအပြင် ကားတစ်တေလာနဲ့ နှလုံးသားရေးရာတွေပါ ပက်သက်လာတဲ့အခါ သူတို့ရဲ့ ဒရင်းမ်စ်အဖွဲ့လေးဟာ အောင်မြင်မှုကို ရေရှည်ခံနိုင်ပါ့မလား ဘယ်လိုအခက်အခဲတွေနဲ့ရင်ဆိုင်ရမလဲ ဒါ့အပြင် သူတို့ဟာ လူမည်းတွေဖြစ်တာကြောင့် လူဖြူတွေရဲ့ကြားမှာ အရာဝင်အောင် ဘယ်လိုခက်ခက်ခဲခဲနဲ့​ကြိုးစားရမလဲဆိုတာကြည့်ရှုရမှာဖြစ်ပါတယ် ဒီဇာတ်ကားလေးဟာ အဆိုတော်တွေနဲ့ရိုက်ကူးထားပြီး ဇာတ်ကား​ကြည့်ရင်းသီချင်းတွေကိုပါတဝကြီးနားဆင်နိုင်မှာဖြစ်ပါတယ်။ File size…(2.4 GB)/(1.2 GB) Quality….Webrip 1080p / 720p Format…mp4 Duration….02:10:00 Genre…Drama, Music, Musical Subtitle….Myanmar Subtitle (Hardsub) Encoder….Garfield Translated by Ruby Jane

C Drama ပရိသတ်ကြီးအတွက် လူငယ်အချစ်ဒရာမာလေးတစ်ကား CMမှတင်ဆက်ပေးလိုက်ပါတယ်။ ဒီကားလေးက သာမန်ကျောင်းသားကားတွေနဲ့မတူတဲ့ စိတ်ကူးယဉ်ဇာတ်လမ်းလေးတစ်ပုဒ်ပါ။ ဇာတ်လမ်းလေးကတော့အထက်တန်းကျောင်းသားလေးတစ်ယောက်ဟာ တက္ကသိုလ်ဝင်ခွင့်စာမေးပွဲပြီးရင်သူတစ်ဖက်သတ်ချစ်နေခဲ့ရတဲ့ ကောင်မလေးကိုဖွင့်ပြောမယ်လို့ဆုံးဖြတ်ခဲ့တယ်။ ဒါပေမယ့် ရှိုးပွဲတစ်ခုမှာမတော်တဆပေါက်ကွဲသွားပြီးတော့ ပြန်ဖြည့်ဆည်းမရနိုင်တဲ့နောင်တတွေရခဲ့တယ်။ ဒါပေမယ့် ရုတ်တရက်သူနိုးလာတော့ ကျောင်းသားလေးက အတိတ်ကိုပြန်ရောက်သွားတာကိုသိလိုက်ရတယ်။ ဒီလိုနဲ့ နွေရာသီကျောင်းပိတ်ရက်မှာ ချစ်သူကိုကာကွယ်ဖို့ကြိုးစားရင် တိတ်တခိုးအချစ်ကို ဖွင့်ဟနိုင်ဖို့သတ္တိတွေမွေးလာခဲ့ပါတယ်။ ဒါပေမယ့် ဒီအရာတွေအားလုံးကသူထင်သလိုရိုးရှင်းနိုင်ပါ့မလား…… လူငယ်လေးရဲ့ဆန္ဒတွေကိုပြည့်ဝအောင်လုပ်နိုင်ပါ့မလား…… သူ့ရဲ့တစ်ဖက်သက်အချစ်ကရော လှပတဲ့အဆုံးသတ်ရှိပါ့မလား……

ဒီတစ်ခါမှာတော့ CM ပရိတ်သတ်ကြီးအတွက် တင်ဆက်ပေးမယ့်ကားလေးကတော့ ငယ်ငယ်တုန်းကနေ အခုထိ လူကြိုက်များဆဲဖြစ်တဲ့ Scooby Doo ရဲ့ Live action movie 2 လေးပဲဖြစ်ပါတယ်… ဖရက်၊ ဒက်ဖ်နီ၊ ဗဲလ်မာ၊ ရှက်ဂီနဲ့ စကူဘီတို့က လျှို့ဝှက်ဆန်းကြယ်တဲ့အမှုတွေကို ဖြေရှင်းရင်းနဲ့ နာမည်ကျော် လူသိများလာကြတဲ့ လူငယ်အဖွဲ့လေးတစ်ခုပဲဖြစ်ပါတယ်။ ဒီလိုနဲ့ သူတို့နှိမ်နင်းလာခဲ့သမျှ လူဆိုးတွေရဲ့ ဝတ်စုံတွေကို ပြတိုက်တစ်ခုမှ လှူဒါန်းခင်းကျင်းပြသဖို့ ဖြစ်လာပါတယ်။ ဒါပေမဲ့ ပြတိုက်ဖွင့်ပွဲရက်မှာပဲ ဖရက်တို့ရဲ့ ရန်သူဟောင်းကြီး တာရိုဒက်တိုင်လ်သရဲဟာ ပြန်ပေါ်လာပြီး ဝတ်စုံနှစ်ခုကို မျက်စိရှေ့တင် ခိုးသွားပါတော့တယ်။ နာမည်ကျော်စုံစမ်းရေးအဖွဲ့ဖြစ်တဲ့ ဖရက်တို့ရှေ့မှာပဲ ဖြစ်ပွါးသွားတဲ့အတွက် သတင်းထောက်တွေက ဖရက်တွေရဲ့ အမှုဖြေရှင်းနိုင်စွမ်းကို မေးခွန်းထုတ်လာပါတော့တယ်။ ဖရက်တို့အပေါ် ပြည်သူတွေရဲ့အားပေးမှုကကျဆင်းလာတဲ့အတွက် နာမည်ပြန်ရအောင် တရားခံဖမ်းဖို့ စုံစမ်းနေချိန်မှာပဲ ပြတိုက်ဟာ ဓားပြအတိုက်ခံရပြန်ပါတော့တယ်။ ဒီလိုနဲ့ နာမည်ပျက်ပြီးရင်း ပျက်လာတဲ့ဖရက်တို့အုပ်စုဟာ အရင်လို တရားခံကို တကယ်ပဲဖမ်းဆီးဖော်ထုတ်နိုင်ပါဦးမလား… တရားခံကရော ဘယ်လောက်အတိုင်းအတာအထိ ဆိုးသွမ်းဦးမလဲ… မြို့နေပြည်သူတွေရဲ့ ယုံကြည်မှုကို ပြန်လည်အရယူနိုင်ဖို့ ဖရက်တို့ငါးယောက်ရဲ့ ကြိုးပမ်းမှုတွေ အလွဲတွေကို ရယ်မောရင်း ဆက်လက်ကြည့်ရှုလိုက်ကြပါစို့ File Size : 1.9 GB, 1.1 GB Quality : Blu-Ray 1080p / 720p Running Time : 1hr 33min Format : Mp4 Genre : Adventure, Comedy, Fantasy Subtitle : Myanmar Subtitle (Hard Sub) Translated by : Benni Encode by : Thit San Khant

Anyone But Her (2024) ရိုမန်တစ်ကော်မတီတွေဟာ ကြည့်ရှုသူတိုင်းအတွက် entertain အဖြစ်ဆုံး genre တစ်ခုဖြစ်ပါတယ်။ ဒါပေမဲ့ သမာရိုးကျ မင်းသားနဲ့မင်းသမီးတင်မဟုတ်ဘဲ ဇာတ်ကွက်ထဲမှာ သူငယ်ချင်းတွေပါ ပါလာပြီဆိုရင်တော့ ဘယ်လိုထင်သွားကြမလဲပေါ့။ ဒီဇာတ်ကားတော့ Romance အပြင် Comedy ကိုပါ ဆန်းပြားတဲ့နည်းလမ်းနဲ့ ထည့်သွင်ပေးထားပါတယ်။ ဇာတ်လမ်းအကျဉ်း ဆန်ဒရာ၊ လူးဝစ်၊ ဂါဘီ၊ ရောဘတ်တို၊ နော်မာ နဲ့ ဖာဘီယန်တို့ဟာ တက္ကသိုလ်ကျောင်းသားဘဝကတည်းက အရမ်းခင်ကြတဲ့သူတွေပါ။ ဘယ်လောက်ထိခင်ကြလဲဆိုရင် သက်ထက်ဆုံးလက်တွဲဖော်ရရင်တောင်မှ သေကွဲပဲကွဲမယ်ဆိုပြီးတော့ တစ်အိမ်ထဲမှာ သွေးနှောတဲ့မိသားစုသဖွယ်နေကြတဲ့သူတွေပါ။ ဖြစ်ချင်တော့ ဆန်ဒရာနဲ့ လူးဝစ်တို့က အရင်က ချိတ်ဟောင်းရှိခဲ့ပါတယ်။ ဒါပေမဲ့ အကြောင်းအမျိုးမျိုးနဲ့ပြတ်သွားပြီး လူးဝစ်က သူငယ်ချင်းတွေနေရာအိမ်နဲ့ ခဏလောက်ဝေးသွားပါတယ်။ ဒီလိုနဲ့ တစ်ညမှာ သူငယ်တွေအားလုံးမိတ်ဆုံစားဖို့ ချိန်းထားကြတဲ့အချိန်မှာ လူးဝစ်ပါပြန်ရောက်နေတာကို ဆန်ဒရာတစ်ယောက်တွေ့လိုက်ရပါတယ်။ ex ကို ရင်ပြန်ခုန်ချင်သလိုဖြစ်သွားတဲ့ ဆန်ဒရာတစ်ယောက် သူငယ်ချင်းတွေမြှောက်ပေးမှုနဲ့ လူးဝစ်နဲ့ ပြန်ချိန်ဖို့လုပ်ခဲ့ပါတယ်။ ဒါပေမဲ့လည်း ကံဆိုးချင်ပြန်တော့ အဲဒီလိုပြောတော့မယ့်အချိန်ကျခါမှ လူးဝစ်က သူ့ရဲ့လက်ရှိကောင်မလေးနဲ့ လက်ထပ်တော့မယ်ဆိုပြီးဖြစ်လာပါတယ်။ ဒါ့အပြင် သူငယ်ချင်းတွေသစ္စာဆိုထားတဲ့ သေတူရှင်မကွဲဆိုတာကို ဥပေက္ခာပြုတဲ့သဘောမျိုးဖြစ်သွားတဲ့ လူးဝစ်ရဲ့မင်္ဂလာပွဲကို ဆန်ဒရာရော တခြားသူငယ်ချင်းတွေကပါ မကူချင်ကူချင်နဲ့ ကူရပါတော့တယ်။ ဒီလိုနဲ့ ဇာတ်လမ်းတစ်လျှောက် ဘယ်လိုဟာသတွေ အဖျက်အမှောက်တွေဖြစ်လာမလဲဆိုတာကို ရသဆန်ဆန်ကြည့်ရှရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size…(1.8 GB) / (820 MB) Quality….WEB-Rip 1080p HEVC / 720p Format…. mkv/mp4 Genre….Comedy, Romance Duration….01:32:05 Subtitle….Myanmar Subtitle (Hardsub) Encoder….Benjamin Translated by Mark

The Sabarmati Report (2024) ဆာဘာမာတီရထား မီးလောင်မှု IMDb – 6.6/10 12တန်းကျမင်းသားရဲ့ အမိုက်စားကားလေးတစ်ကား ထပ်မံထွက်ရှိလို့လာခဲ့ပါပြီ။ ဒီကားမှာတော့ ဟင်ဒီဂျာနယ်လစ်တစ်ယောက်အနေနဲ့ မြင်တွေ့ရမှာဖြစ်ပါတယ်။ ၂၀၀၂ခုနှစ် ဖေဖော်ဝါရီ ၂၇ရက်နေ့မှာ ဖြစ်ပွားခဲ့တဲ့ ဂူဂျာရတ်မြို့ ဂိုဒရာဘူတာမှာ ရထားမီးလောင်တဲ့ကိစ္စဟာ တစ်နိုင်ငံလုံးအတိုင်းအတာထိအောင် ရိုက်ခတ်မှုတွေများခဲ့ပါတယ်။ ရထားမီးလောင်တာဟာလည်း ရထားတွဲနှစ်ခုပဲ မီးလောင်တာဖြစ်ပြီး မီးလောင်မှုမှာ လူပေါင်း ၅၉ယောက်အထိ သေဆုံးခဲ့ပါတယ်။ ဒါ့အပြင် လူမျိုးရေးခြားနားမှုတွေ, ဇာတ်မျိုးကွဲမှုတွေကလည်း ပါဝင်နေတဲ့အတွက် အဓိကရုဏ်းတွေလည်း ဖြစ်လို့နေပါတယ်။ ဒီသတင်းကို လိုက်ဖို့အတွက် EBT Newsက အင်္ဂလိပ်ဂျာနယ်လစ် မနီကာတစ်ယောက် ဆမာဆိုတဲ့ ဟင်ဒီဂျာနယ်လစ်ကို ကင်မရာသမားအနေနဲ့ ခေါ်သွားပြီးတော့ စုံစမ်းစစ်ဆေးခဲ့ပါတော့တယ်။ ဒိလိုစုံစမ်းရင်းနဲ့ ဒီမီးလောင်မှုဟာ မတော်တဆဖြစ်တာမဟုတ်ဘဲ လုပ်ကြံမှုတစ်ခုဆိုတာကို သိခဲ့ရပါတယ်။ မနီကာနဲ့ ဆမာတို့ ဂူဂျာရတ်မှာ စုံစမ်းပြီးနောက် မနီကာကတော့ မီးမလောင်ဘဲ ကျန်ရစ်တဲ့ရထားတွဲတွေကို ဆက်လက်ခုတ်မောင်းသွားတဲ့ အဟမ်ဒါဘတ်ဆီကို လိုက်သွားခဲ့ပြီး ဆမာ့ကိုတော့ ဂူဂျာရတ်က အခြေအနေတွေကို တင်ပြခိုင်းဖို့ ဒေလီက သတင်းဌာနကို ပြန်ခိုင်းခဲ့ပါတယ်။ ဒါပေမဲ့လည်း EBT Newsကို ဆမာတစ်ယောက် ဖြစ်ရပ်မှန်သတင်းတွေ ပေးခဲ့ပေမယ့် အထက်အာဏာပိုင်တွေနဲ့ပူးပေါင်းပြီးတော့ မတော်တဆမှုအနေနဲ့ပဲ ထုတ်ပြန်ခဲ့ပြီး ဆမာ့ကိုလည်း ဒီကိစ္စအတွက်နဲ့ စွဲချက်တွေ တင်ပြီး တရားစွဲခဲ့ပါသေးတယ်။ ဒီလိုနဲ့ ဆမာတစ်ယောက် သူ့အပေါ် မဟုတ်မမှန်တင်ထားတဲ့ စွဲချက်တွေကို သူ့ချစ်သူကောင်မလေးနဲ့အတူတူ ဘယ်လိုတွေ တိုက်ခိုက်သွားမလဲ …….. ဒီရထားတွဲမီးလောင်မှုကိစ္စကိုရော အမှုမှန်ပေါ်ပေါက်အောင် ဘယ်လိုတွေ ဖော်ထုတ်သွားမလဲ ….. ဆိုတာတွေကို ကြည့်ရှုရမယ့် မှုခင်းဒရာမာ ဇာတ်လမ်းကောင်းလေးဖြစ်ပါတယ်။ (အညွှန်းနဲ့ဘာသာပြန်ကတော့ CM Bollywood Team ပဲ ဖြစ်ပါတယ်)

Bird of Paradise (2024) ဆွီဒင်နိုင်ငံတကာရုပ်ရှင်ပြပွဲကြီးမှာ အကောင်းဆုံးအယ်ဒီတာဆုကို ရရှိထားတဲ့ Bird Of Paradise 2023 ရုပ်ရှင်ဇာတ်ကားကြီး။ ကတ်ဆိုတဲ့အချိန်ပိုင်းသရုပ်ဆောင်တစ်ယောက်က ကိုယ်ပိုင်သီးသန့်ဘဝလေးမှာ နေထိုင်တတ်သူတစ်ယောက်ပါ။ ပါတီပွဲတစ်ခုမှာ ဒိုမိနစ်ဒွန်နဝေးဆိုတဲ့ အေးဂျင့်တစ်ယောက်နဲ့တွေ့ပြီး မထင်မှတ်ထားလောက်အောင် နာမည်ကျော်ကြားသွားတဲ့အခါ.. ရုပ်ရှင်ဇာတ်ကားတစ်ခုမှာ ဂျာနယ်လစ်နေရာကနေ ပါဝင်သရုပ်ဆောင်ပေးဖို့ကမ်းလှမ်းခံရပြီးနောက် ဒီဇာတ်ကားအတွက် အရင်ရွေးချယ်ထားတဲ့သရုပ်ဆောင်ဆာရှာဟာ အသတ်ခံလိုက်ရတာကို ကတ်တစ်ယောက် သိလိုက်ရတဲ့အခါ ကတ်တစ်ယောက် ဆာရှာအသတ်ခံရတဲ့အမှုကို စုံစမ်းဖို့ အကြောင်းဖန်လာခဲ့ပါတယ်။ ဆာရှာဟာ ဒီရုပ်ရှင်ကားကြောင့် အသတ်ခံခဲ့ရတာလား? ဒါမှမဟုတ် သူ့ရဲ့အတိတ်က ပတ်သက်ခဲ့သူတစ်ယောက်ယောက်ရဲ့ လက်ချက်လား? စိတ်ဝင်စားဖွယ်ရာအကြောင်းအရာတွေကို ရင်တထိတ်ထိတ်နဲ့ ကြည့်ရှုရမယ့် ဇာတ်ကားကောင်းတစ်ကားဖြစ်ပါတယ်။ ဟောလိဝုဒ်လောကနဲ့ LA မှာ ဖြစ်လေ့ရှိတဲ့ လျှို့ဝှက်ချက်တွေ ပြဿနာတွေကို ရိုက်ပြထားတဲ့ ရုပ်ရှင်ကားကောင်းတစ်ကားဖြစ်တာကြောင့် သည်းထိတ်ရင်ဖိုဇာတ်လမ်းတွေကို စိတ်ဝင်စားသူတွေအတွက် လက်မလွှတ်သင့်တဲ့ဇာတ်ကားလေး ဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size…(870 MB) / (400 MB) Quality….WEB-Rip 1080p HEVC / 720p Format…. mkv/mp4 Genre….Drama, Mystery, Thriller Duration….01:32:06 Subtitle….Myanmar Subtitle (Hardsub) Encoder….Benjamin Translated by Su Mon

Dosen Ghaib: It’s Nighttime or You Already Know (2024) IMDb Rating (4.3) ဒီအင်ဒိုနီးရှားဇာတ်လမ်းက ​နာမည်ကြီးခဲ့တဲ့ သရဲကျောင်းဆရာအကြောင်းကို inspire ယူပြီး ကျောင်းပညာရေးစနစ်အတွင်းက အကြမ်းဖက်မှုကို ရိုက်ကူးထားပါတယ်။ Plot summary: Amelia (Ersya Aurelia), Emir (Rayn Wijaya), Maya (Annette Edoarda) နဲ့ Fattah (Endy Arfian) တို့ သူငယ်ချင်းလေးယောက်အဖွဲ့က စည်းကမ်းအရမ်းတင်းကြပ်လို့ ကျောင်းသားတိုင်းကြောက်ကြတဲ့ ဆရာ Pak Bakti ရဲ့ စိတ်ပညာအတန်းစာမေးပွဲကို ကျလို့ ​အတန်းပြန်တက်ကြရတယ်။ ဆရာ Bakti ရဲ့ စာသင်နှစ် 20 သက်တမ်းတစ်လျှောက်မှာ သူတို့လေးယောက်က ပထမဦးဆုံး စာမေးပွဲကျဖူးတဲ့ ကျောင်းသားတွေဖြစ်လို့ Bakti က မကျေနပ်ဘူး။ အတန်းပြန်တက်ဖို့ သူတို့လေးယောက်တည်းကို စာပြန်သင်ရတဲ့အခါ ဆရာ Bakti က ချိန်းထားတဲ့ ည 7 နာရီထက် နောက်ကျပြီးမှ ရောက်လာခဲ့တယ်။ ဘယ်တော့မှ နောက်မကျတတ်တဲ့ဆရာက ထူးထူးဆန်းဆန်း အတန်းလာတာနောက်ကျနေပေမဲ့ Amelia တို့ သူငယ်ချင်းအဖွဲ့လည်း ဆရာစာသင်တာကို ဆက်နားထောင်နေခဲ့တယ်။ ဒါပေမဲ့ ရုတ်တရက် Group chat မှာ ဆရာ Bakti အက်ဆီးဒင့်ဖြစ်ပြီး ဆုံးသွားပြီဆိုတဲ့ သတင်းတက်လာတော့ Amelia တို့ လေးယောက်လုံး သူတို့ရှေ့မှာ ရပ်နေတဲ့ဆရာရဲ့ မူမမှန်ထူးခြားမှုတွေကို မြင်လာပြီး အတန်းထဲကထွက်ပြေးဖို့ ကြိုးစားကြပါတော့တယ်။ ဒီဇာတ်လမ်းက Jump scares နဲ့ သည်းထိတ်စရာအခြေအနေတွေကို ကောင်းကောင်းအသုံးချထားကြောင်း Critics တွေက မှတ်ချက်ချထားပြီး သရုပ်ဆောင် Egi Fedly ရဲ့ နက်နဲမှုရှိတဲ့ ဆရာ Bakti ကာရိုက်တာကို ပေါ်လွင်အောင်သရုပ်ဖော်ပြနိုင်မှုအတွက်လည်း ချီးကျူးထားကြပါတယ်။ ဒီ horror ဇာတ်လမ်းမှာ ဆရာတွေရဲ့ ကျောင်းသားတွေအပေါ် စာသင်နည်းစနစ်က ကျောင်းသားတွေရဲ့ စိတ်ကျန်းမာရေးအပေါ် အကျိုးသက်ရောက်မှုကြီးမားတာကို ဖော်ပြထားပြီး ဆရာ- တပည့်ကြားက ဆက်ဆံရေးကိုမြှင့်တင်ပြီး ကျောင်းသားတွေရဲ့စိတ်ကျန်းမာရေးကို ထိခိုက်စေတဲ့ တင်းကြပ်တဲ့ စာသင်နည်းစနစ်တွေကို ပယ်ဖျက်ဖို့ သင်ခန်းစာပေး ရိုက်ကူးထားတဲ့ သရဲကားကောင်းတစ်ပုဒ်ပဲ ဖြစ်ပါတယ်။ (အညွှန်းနဲ့ဘာသာပြန်ကတော့ Thwal Htoo Zin ဖြစ်ပါတယ်။) File size…(1.1 GB) / (590 MB) Quality….WEB-DL 1080p HEVC / 720p Format…. mkv/mp4 Genre….Horror,Thriller Duration….01:35:18 Subtitle….Myanmar Subtitle (Hardsub) Encoder….Double K Translated by Thwal Htoo Zin

Bombay Talkies ဟာဘောလိ၀ုဒ်ရုပ်ရှင်လောကရဲ့ နှစ်တစ်ရာပြည့်အဖြစ်ပွဲထွက်ခဲ့တာဖြစ်ပြီး Karan Johar, Dibakar Banerjee, Zoya Akhtar နဲ့ Anurag Kashyap တို့ နာမည်ကျော်ဒါရိုက်တာလေးဦးရဲ့ ဇာတ်လမ်းတိုလေးပုဒ်နဲ့ဖွဲ့စည်းထားတဲ့ anthology film ဖြစ်ပါတယ်။ ဒါ့အပြင် ဒီဒါရိုက်တာလေးဦးရဲ့ anthology သုံးကားတွဲထဲက ပထမဆုံးဇာတ်ကားဖြစ်ပြီး နောက်ပိုင်းမှာ အားလုံးသိကြတဲ့ Lust Stories (2018) Ghost Stories (2020) တို့ဆက်ပြီး ထွက်ရှိထားပါသေးတယ်။ ဇာတ်လမ်းတိုတွေထဲမှာ Rani တို့လို Nawazuddin Siddiqui တို့လိုနာမည်ကျော်တွေ ပါဝင်သလို သရုပ်ဆောင်ဘက်မှာမခေတဲ့ အဲ့ဒီခေတ်အခါက တက်သစ်စတွေလည်းအင်တိုက်အားတိုက်ပါဝင်ထားပါတယ်။ Amitabh Bachchan တို့ Katrina Kaif တို့ကိုလည်း cameo နေရာမှာတွေ့မြင်ရမှာပါ။ ဘောလိ၀ုဒ်နှစ်တစ်ရာ ဂုဏ်ပြုသီချင်းဖြစ်တဲ့ အပိတ်သီချင်းမှာတော့ ပိတ်ကားပေါ်မှာ တစ်စုတစ်စည်းထဲ မြင်ရခဲတဲ့ ဘောလိ၀ုဒ်ရဲ့နာမည်ကျော် ဒိတ်ဒိတ်ကြဲ မင်းသားမင်းသမီးတွေ အများကြီးကို သီချင်းတစ်ပုဒ်ထဲမှာတွေ့မြင်ရမှာဖြစ်တဲ့အတွက် ဘောလိ၀ုဒ်ချစ်သူတွေလက်လွတ်မခံသင့်တဲ့ ဇာတ်ကားတစ်ကားဖြစ်ပါတယ်ဆိုတာတော့လက်တို့လိုက်ပါရစေ။ အညွှန်း နဲ့ ဘာသာပြန်ကတော့ Alias ပဲ ဖြစ်ပါတယ်။ Genre….. Crime, Drama, Romance Quality…. 1080p WEB-DL | 720p WEB-DL File size… 2.8GB | 1.1GB Format… mp4 Duration….2h 7min Subtitle…. Myanmar Subtitle (Hardsub) Translator ….. Alias Encoder ….. Aaron

Crosspoint (2024) ***************** ၁၉၉၀ ခုနှစ်တွေက ပျိုတိုင်းကြိုက်တဲ့နှင်းဆီဖြစ်ခဲ့တဲ့ ဖိလစ်ပိုင် အဆိုတော်-မင်းသား မန်နွယ် ဟီဒါဂို… ခေတ်ရေစီးကြောင်းအလျောက် နာမည်ကျော်ကြားမှု လျော့ပါးလာခဲ့ပြီး လက်ရှိရေပန်းစားတဲ့ အနုပညာရှင်တွေနဲ့ အစားထိုးခံလာရတဲ့သူဟာ မကြာခင် မီးဖွားတော့မဲ့ ဇနီးသည်အတွက် ငွေကြေးပိုင်ဆိုင်ရာမှာ အကြပ်ရိုက်နေတော့တယ်… အိမ်ထောင်ဦးစီးတစ်ယောက်အနေနဲ့ မန်နွယ်ဟာ ဒီလိုအခြေအနေအမျိုးမျိုးကြောင့် အဆုံးမှာ ဂျပန်နိုင်ငံက ကလပ်ပိုင်ရှင်မိတ်ဆွေနဲ့ ချိတ်ဆက်ပြီး တရားမဝင်အလုပ်သွားလုပ်ဖို့ ဆုံးဖြတ်လိုက်တော့တယ်… ဝန်ထမ်းတွေကို လစာမပေးနိုင်၊ သမီးဖြစ်သူကိုလည်း မထောက်ပံ့ပေးနိုင်တဲ့ စီးပွားပျက်ခါနီး လုပ်ငန်းရှင် ရှီဂယ်ရူ ယာမာဂူချီ… အကြွေးရှင်ပေါင်းများစွာကို ရင်ဆိုင်နေရပြီး သစ္စာအရှိဆုံးဝန်ထမ်းတွေကပါ အလုပ်ထွက်ကုန်တဲ့အတွက် မွဲပြာကျလုနီးနီးဖြစ်နေတဲ့ ယာမာဂူချီရဲ့ တစ်ခုတည်းသောပိုင်ဆိုင်မှုဟာ သူ့သမီးလေးပါပဲ…သူဟာ သမီးဖြစ်သူရဲ့ ရှေ့ရေးအတွက် ထောက်ပံ့နိုင်စွမ်းမရှိလို့ သူ့ကိုယ်သူ အားမလိုအားမရဖြစ်ပြီး အရက်ဆိုင်မှာပဲ အချိန်ကုန်နေရင်း တစ်နေ့မှာ ရဲတွေ ဆုကြေးထုတ်ပြီး အပူတပြင်းရှာဖွေနေတဲ့ ကွင်းဆက်လူသတ်သမားတစ်ယောက်အကြောင်း သိလိုက်ရတော့တယ်…အဘက်ဘက်က ငွေကြေးပိုင်းဆိုင်ရာ ချွတ်ခြုံကျနေတဲ့ မန်နွယ်နဲ့ ရှီဂယ်ရူဟာ ကံကြမ္မာအလှည့်အပြောင်းကြောင့် ဆုံစည်းမိကြပြီး ဆုကြေးငွေအတွက် အရမ်းကိုအန္တရာယ်များလှတဲ့ ကွင်းဆက်လူသတ်သမားကို ဖမ်းကြဖို့ ဆုံးဖြတ်လိုက်တဲ့အခါမှာတော့… ဇာတ်လမ်းအညွှန်းကို Esther မှ ရေးသားပေးထားပါတယ် File Size : 1.41GB / 533MB Quality : WEB-DL 1080p / 720p Genres : Action / Thriller Duration : 1h 40m Subtitle : Myanmar Subtitle (Hard Sub) Translated by Esther & Mary Encoded by Heather Oo

Morgan: Killer Doll (2025) ကြမ်းကြမ်းရမ်းရမ်းလူသတ်ကားတွေမှ ကြိုက်တယ်ဆိုသူတွေအတွက် လုံးဝအမိုက်စား လူသတ်ကားတစ်ကားနဲ့ မိတ်ဆက်ပေးချင်ပါတယ်။ ဒါစီဆိုတဲ့ ကောင်မလေးတစ်ယောက်က သူ့ရဲ့ ငယ်သူငယ်ချင်း အက်စရစ်အပေါ်မှာ ချစ်မိသွားခဲ့တယ်။ မွေးနေ့လက်ဆောင်အဖြစ် သူနဲ့တစ်ပုံစံတည်းတူတဲ့အရုပ်တစ်ရုပ်ကို ပေးခဲ့ပြီးတော့ သူ့အချစ်တွေကို ဖွင့်ပြောခဲ့ပါတယ်။ သူ့အချစ်ကို လက်မခံခဲ့လို့ ဒါစီက သူ့ကိုယ်သူမီးရှို့ သတ်သေခဲ့တယ်။ ဒါစီ သေရတာ သူ့ကြောင့်လို့ မှတ်ယူနေတဲ့ အက်စရစ်က ဒါစီပေးခဲ့တဲ့အရုပ်လေးကို သူ့အခန်းထဲမှာ သိမ်းထားခဲ့တယ်။ တစ်ရက်မှာ ဒီအရုပ်ကြီးက အက်စရစ်တို့အိမ်က အိမ်ဖော်အန်တီကြီးကို သတ်ပစ်လိုက်တဲ့အခါမှာ ဒီအရုပ်ကြီးက လူတွေထင်နေကြသလို သာမန်ရိုးရိုးအရုပ်တစ်ခု ဟုတ်ပါ့မလား..? ဒီလူသတ်အရုပ်ကြီးရဲ့ နောက်ကွယ်က လျှို့ဝှက်ချက်တွေကို စုံစမ်းရင်း ဘယ်သူတွေက အသက်ရှင်ကျန်ရစ်ပြီး လျှို့ဝှက်ချက်ကို ဖော်ထုတ်နိုင်မလဲဆိုတာကို စိတ်ဝင်စားဖွယ် ရင်တထိတ်ထိတ်နဲ့ ကြည့်ရှုရမယ့် Horror ကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Su Mon ဖြစ်ပါတယ်။) File size… (1.2 GB) / (680 MB) Quality…. WEB-DL 1080p HEVC / 720p Format…. mkv/mp4 Genre…. Horror Duration…. 01:35:23 Subtitle…. Myanmar Subtitle (Hardsub) Encoder…. Benjamin Translated by Su Mon