Mumbaikar (2023) နာမည်ကျော် တမီးလ်မင်းသားကြီး ဗီဂျေးစည်သူပတီရယ် လက်ပြတ်မင်းသားရယ်လို့ နာမည်ကြီးတဲ့ ဗီကရန့်မက်ဆီတို့က တောသားမြို့တက်မွမ်ဘိုင်းသားတွေအဖြစ် အပြိုင်ချဲထားကြတဲ့ကားပါ သွားကျွတ်ကျန်ခဲ့တဲ့ဗန်ပိုင်းယားစီးရီးထဲက သားတက်‌လေးနဲ့ မင်းသမီးချောလေးတန်ညာမာနီကတ်တလာ နဲ့ မျက်နှာတည်မျက်နှာထားနဲ့ သရုပ်ဆောင်ပီပြင်လှတဲ့ ဆန်ဂျေးမစ်ရှရာတို့ အဓိကသရုပ်ဆောင်ထားတဲ့ တမီးလ်ရုပ်ရှင်remake ဟင်ဒီစကားပြောရုပ်ရှင်ကားပါ။ ဇာတ်လမ်းအကျဉ်း ရဲအရာရှိဖြစ်ချင်ပေမဲ့ ချစ်ရသူက အလုပ်ရှိမှ စဉ်းစားပေးမယ်ဆိုတဲ့အတွက် အလုပ်လျောက်နေရသူတစ်ဦး၊ သူငယ်ချင်းအကပ်နဲ့ လူမိုက်ဂိုဏ်းထဲဝင်ဖို့ လုပ်တဲ့ဂန်းစတားဖြစ်ချင်သူ မန်နူး၊ မိသားစုတွေပျော်ဖို့အတွက် မွမ်ဘိုင်းမှာအလုပ်လာလျောက်ပေမဲ့ ကံဆိုးမသွားရာ မိုးလိုက်လို့ရွာဆိုသလို သွားလေရာကံဆိုးနေသူ ကောင်လေးတယောက်၊ လူမိုက်ဂိုဏ်းမှာ ကားဒရိုင်ဘာဝင်လုပ်နေရတဲ့ဦးလေးကြီးတစ်ဦး၊ ဂန်းစတားကြီးဖြစ်ချင်သူမန်နူးတစ်ယောက် ကလေးပြန်ပေးဆွဲဖို့ လုပ်ရာက လူဆိုးဂိုဏ်းခေါင်းဆောင်ကြီးတစ်ဦးရဲ့သားကိုမှ မှားပြီး ပြန်ပေးဆွဲမိရာကစ သူတို့လေးယောက် ကံကြမ္မာတွေ ဘယ်လိုဆက်နွယ်သွားမလဲဆိုတာ စိတ်ဝင်တစားကြည့်ရှုရမှာပဲ ဖြစ်ပါတယ် (အညွှန်းရေးသားသူကတော့ Chiclon3~BpL ဖြစ်ပြီး ဘာသာပြန်တွေကတော့ Chiclon3~BpL~Thaik~Yunni နဲ့ YH တို့ပဲဖြစ်ပါတယ်) File size…2.2GB / 1GB Quality…1080p  WEB DL /720p Format…mp4 Duration….2h 3mins Subtitle….Myanmar Subtitle (Hard Sub) Encoder….YK Translated by Chiclon3~BpL~Thaik~Yunni ~ YH

မင်းသမီးချောလေး Eesha Rebba က အစွမ်းကုန်လှပေးထားတဲ့ ဒီဇာတ်ကားမှာဆိုရင်တော့ အရင်ကကားတွေနဲ့သိပ်မတူပါဘူး မစ်ရှင်တော့မစ်ရှင်ပေမဲ့ မှတ်ဉာဏ်ပြန်ရအောင်လုပ်ပေးရမဲ့မစ်ရှင်ပါ ကီချူးနဲ့ ကလျာနီဆိုတာကစုံတွဲပါ နိုင်ငံရပ်ခြားမှာအခြေချချင်ပေမဲ့ ပိုက်ဆံကမရှိဘူးပေါ့ ဒီလိုနဲ့ပိုက်ဆံရှာဖို့အလုပ်ပေါ်လာပါတယ် ကီချူးဦးလေးရဲ့အဆက်နဲ့ ကီချူးကိုအဖွဲ့တစ်ဖွဲ့ကငှားတာပါ သူကလူတွေနဲ့ဆက်ဆံရာမှာ တကယ်တော်တဲ့လူတစ်ယောက်ဆိုတော့ သူနဲ့ဖော်ရွေမှုကိုသုံးပြီး အတိတ်ပြန်ဖော်ချင်ကြတယ်ပေါ့ သူမှတ်ဉာဏ်ပြန်ဖော်ပေးရမဲ့လူကတော့ တစ်ချိန်တုန်းက ရွှေမှောင်ခိုဂိုဏ်းခေါင်းဆောင်ရဲ့ ညာလက်ရုံးတစ်ယောက်ပါ အက်ဆီးဒင့်ဖြစ်ပြီးအတိတ်မေ့သွားတော့ ရွှေ‌တွေရှိတဲ့နေရာပါမေ့သွားပါတယ် အဲဒီရွှေတွေကလည်းကုဋေ၃၀လောက်တန်တော့ ဒီရွှေတွေကိုရချင်တဲ့လူတစ်သိုက်၊ မှတ်ဉာဏ်ပြန်ရအောင်လုပ်ပေးရမဲ့ ကီချူးတို့နဲ့ အတိတ်မေ့နေတဲ့ဒေးဗစ်တို့ရဲ့ အရှုပ်တော်ပုံတွေကိုကြည့်ရှုခံစားရမှာပဲဖြစ်ပါတယ် Rating အနေနဲ့လည်း 5.9ထိရထားတဲ့ကားကောင်းဆိုတော့ လက်မလွှတ်သင့်ပါဘူးရှင် File size…1.7GB / 800MB Quality…1080p WEB DL /720p Format…mp4 Duration….2h 6m Subtitle….Myanmar Subtitle (Hard Sub) Encoder….YK Translated by BpL~Yunni~NyeinAye

Channing Tatum ဆိုတဲ့ဘဲကြီးဆို မသိတဲ့သူ မရှိလောက်ပါဘူး။ ဒီဘဲကြီး ငယ်စဉ်ကရိုက်ခဲ့တဲ့ အကဖက်စပ် လူငယ်ကားတွေပေါ့။ ဒီကားက Step up Franchise ရဲ့အစပါ။ ၂၀၀၀ ခုနစ်ကနာမည်ကြီးခဲ့တဲ့ teenage ကားတွေထဲကတစ်ခုပေါ့။အမေရိကန်အကရုပ်ရှင်တွေရဲ့ ခေတ်ကဒီကားတွေက စတာပေါ့။အကကြိုက်တဲ့သူတွေ၊ အကအခုန် ဝါသနာ ကြီးသူတွေတော့ လက်လွှတ်မခံသင်တဲ့ ဇာတ်ကားတွေပါပဲ။ မင်းသမီး Jenna Dewan ဆိုတာကလည်း ခန္ဓာကိုယ်အချိုးအစား ပြေပြစ်တဲ့သူမို့ သူ(မ)ရဲ့ ရင်ခုန်စရကကွက်လေးတွေနဲ့တင် ဇာတ်ကားကကြည့်ရတာတန်နေပါပြီ။ ပထမကားရဲ့အစကတော့ ဒီလိုပါ။ တစ်ကားစီဖြတ်ကြည့်လို့ရပေမဲ့ ဇာတ်လမ်းအားလုံးကို ကြည့်ထားတာ အကောင်းဆုံးပါ။ဖြစ်နိုင်ရင် အစဉ်လိုက်ကြည့်ဖို့ recommend ပေးပါတယ်။ ပထမဆုံးအနေနဲ့ မယ်ရီလန်းအနုပညာကျောင်းက မြို့ထဲကကျောင်းကြီး တွေထဲက တစ်ကျောင်းပါ။အဲ့ကျောင်းမှာ တက်နေတဲ့ ကျောင်းသူမလေး နိုရာကတော့ အကကိုဝါသနာပါပြီး ဘဝတစ်ခုလုံး ရင်းနှီးပုံအပ်ထားတဲ့ စိတ်အားထက်သန်တဲ့ အကကျောင်းသူလေးပေါ့။သူ(မ) သူ(မ)အတွက် အရေးအကြီးဆုံးဖြစ်တဲ့ ကျောင်းရဲ့ Senior Showcase မှာ အကောင်းဆုံး ဖျော်ဖြေတင်ဆက်နိုင်ဖို့ အားခဲနေတာပါ။တစ်ဖက်က တိုင်လာကတော့ သူငယ်ချင်းတွေနဲ့ လမ်းမထက်မှာ ပျော်ပါးအချိန်ကုန် ဖြတ်သန်းနေရင်း အကပညာမှာပါရမီပါလာတဲ့ အညတရသားလေးပါ။သူတို့နှစ်ဉီးရဲ့ ဇာတ်လမ်းကတော့ သူ့သူငယ်ချင်းတစ်စုနဲ့ မယ်ရီလန်းကျောင်းပိုင် ပစ္စည်းတွေကို ဖျက်ဆီးကျောင်းထဲခိုးဝင် လက်သရမ်းမြူးထူးမှု ဖြစ်ရပ်ကနေ စတင်ခဲ့ပါတယ်။ တရားရုံးကနေ ပြစ်ဒဏ်ချမှတ်ခံရပြီး လူမှုအကျိုးဆောင်အနေနဲ့ တိုင်လာ မယ်ရီလန်းကျောင်းမှာ နာရီ ၂၀၀ ကျောင်းပြုပြင်သန့်ရှင်းရေး ဆောင်ရွက်ရပါတယ်။ စိတ်ပါလက်ပါ သွက်သွက်လက်လက်ကပြ လေ့ကျင့်နေတဲ့ နိုရာကို အမြဲကြည့် နေတတ်သူ တိုင်လာနဲ့၊ လူစားထိုးဖို့ လူမရှိရာက သင့်တော်တဲ့သူမ​တွေ့တဲ့ အဆုံး လေ့ကျင့်သူနေရာမှာ ရွက်ပုန်းသီးလေးတိုင်လာ လူစားထိုးဝင်ပေးရာက ... File size…1.77GB / 746MB Quality…Blu-Ray 1080p 5.1CH / 720p Format…mp4 Duration….1h 44m Genre ..... Crime , Drama , Music Subtitle….Myanmar Subtitle (Hard Sub) Encoder….Min Wai Translated by Nwe Hnin Thazin

အခုတစ်ခေါက်မှာတော့ လွန်ခဲ့တဲ့နှစ်နှစ်ကထွက်ရှိခဲ့တဲ့ ကြည်နူးဆွတ်ပျံ့ဖွယ်အချစ်ဇာတ်ကားကောင်းလေးတစ်ကားကို တင်ဆက်ပေးတော့မှာပဲဖြစ်ပါတယ် ဇာတ်လမ်းအကျဉ်းကတော့ ဆာဗီဆိုတဲ့ သူဌေးသမီးလေးတစ်ယောက်ရှိပါတယ်.. သူ့ရဲ့သူတို့သားလောင်းနဲ့အတူ အိပ်မက်‌ထဲကမင်္ဂလာပွဲကိုကျင်းပဖို့ တောင်ပေါ်ဒေသလေးတစ်ခုကို ရောက်ရှိလာခဲ့တာပါ။ ဒါပေမဲ့ သူ့ရဲ့မင်္ဂလာပွဲဟာ မိဘတွေစီစဉ်ပေးထားတဲ့ မင်္ဂလာပွဲသက်သက်ဖြစ်တာကြောင့် စိတ်ညစ်ညစ်နဲ့ ခြေဦးတည့်ရာထွက်လာလိုက်ရင်း တောအုပ်ထဲမှာလမ်းပျောက်သွားပါတော့တယ်။ အဲ့ဒီအချိန်မှာပဲ အကူအညီတောင်းဖို့လူလိုက်ရှာရင်းဆုံတွေ့လိုက်ရတာက ဘာဗာဆိုတဲ့လူတစ်ယောက်ပါ။ သူကရော ဒီတောအုပ်ထဲကိုဘာအကြောင်းကြောင့်ရောက်နေရတာလဲ... သူတို့နှစ်ဦးကြားမှာ ဘယ်လိုဇာတ်လမ်းလေးတွေရှိလာမလဲဆိုတာကိုတော့ ဆက်လက်ကြည့်ရှုလိုက်ကြပါဦးနော်။ File size…1.9GB / 858MB Quality…1080p WEBRIP /720p Format…mp4 Duration….1h 35m Subtitle….Myanmar Subtitle (Hard Sub) Encoder….YK Translated by Taylor

Paayum Oli Nee Yenakku(2023) IMDb-6.5/10 လောလောလတ်လတ်ထွက်ရှိထားတဲ့ အိန္ဒိယတမီးလ်အက်ရှင်ကားလေးကိုတင်ဆက်ပေးလိုက်ပါတယ်။ အက်ရှင်တွေကြားထဲမှာ အိုင်တီပညာရှင်လေးနဲ့ အခမ်းအနားအပြင်အဆင်တွေတာဝန်ယူလုပ်ကိုင်နေတဲ့ အမျိုးသမီးလေးတို့ကြားက ရိုမန့်စ်လေးကိုလည်း ခံစားကြရမှာပါ။ အိုင်တီပညာရှင် အရာဗင်က ရှားပါးတဲ့အမြင်အာရုံချို့ယွင်းမှုကို ခံစားနေရပြီး အလင်းရောင်ထဲမှာပဲ သူ့မျက်လုံးတွေက မြင်နိုင်စွမ်းရှိတာပါ။အဲဒီအခြေအနေကြောင့်ပဲ ဖြစ်ခဲ့တဲ့ မတော်တဆမှုတခုကနေ သူ့မိဘတွေကို ဆုံးရှုံးခဲ့ရပါတယ်။ ဒါပေမယ့် ဦးလေးဖြစ်သူမိသားစုနဲ့အတူနေရင်း ပျော်ရွှင်တဲ့မိသားစုဘ၀လေးပိုင်ဆိုင်ပြီး ချစ်ရသူလေးနဲ့ကလည်း အပေးအယူတွေမျှနေပါပြီ။ ဒီလိုနဲ့တစ်ရက် အိမ်အပြန်လမ်းမှာ မသမာသူလူတစုရဲ့ ပြန်ပေးဆွဲခြင်းခံလိုက်ရတာကနေစ သူ့အဖေဆုံးပါးသွားခဲ့ရတာရော သူ့အလုပ်နဲ့ပတ်သက်တာတွေကရော သွေးရိုးသားရိုးမဟုတ်ဘူးဆိုတာ သိလိုက်ရပါတော့တယ်။မမျှော်လင့်ထားတဲ့ အကူအညီကြောင့် သူပြန်လွတ်မြောက်လာပြီးနောက်မှတော့ ဖြစ်စဉ်တွေအကုန်လုံးကို ပြန်ပြီးဖော်ထုတ်နိင်မလားဆိုတာ ကြည့်ရှုလိုက်ကြပါဦး။ (အညွှန်းနဲ့ဘာသာပြန်သူတွေကတော့ V~Moon~Cherryတို့ပဲဖြစ်ပါတယ်) File size…1.8GB  / 815MB Quality…1080p True WEB DL /  720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by V~Moon~Cherry

မြို့တစ်မြို့မှာ အကြောင်းအရင်းမသိရတဲ့ ဗိုင်းရပ်စ်တစ်ခု ပျံ့နှံ့လာပြီး ထိန်းချုပ်မရဖြစ်လာတဲ့အချိန် တိုက်ခန်းတွဲကြီးတစ်ခုမှာ အသက်ရှင်ကျန်ရစ်သူနှစ်ယောက်ပဲ ရှိလာတဲ့အခါ... သူတို့နှစ်ယောက် ဇွန်ဘီလူသားတွေကို ဘယ်လိုကျော်ဖြတ်ကြမလဲ တစ်ယောက်နဲ့တစ်ယောက် လိုအပ်တဲ့အချိန်တွေမှာ ဘယ်လိုကူညီပေးကြမလဲ ဖုန်းလိုင်းမမိသေးတဲ့အချိန် ဘယ်လိုဆက်သွယ်ကြမလဲ ဘယ်လိုလွတ်မြောက်အောင်ကြံစည်ကြမလဲဆိုတာ ရင်တထိတ်ထိတ်နဲ့စောင့်ကြည့်ရမှာပါ trailer ထွက်ကတည်းက ဒိတ်ဒိတ်ကြဲတွေဖြစ်တဲ့ မင်းသားနဲ့မင်းသမီးကြောင့် ဇာတ်ကားကိုရင်းနှီးပြီးသားဖြစ်နေကြမှာပါ ထိတ်လန့်သည်းဖိုတွေကို သဘောကျတတ်ရင် သေချာပေါက်စိတ်မပျက်စေမယ့်ကားမလို့ ဒီကားလေးကို ညွှန်းပေးလိုက်ပါတယ်နော် File Size : ( 923 MB , 459 MB) Quality : WEB DL 720p Running Time : 1 hr 38 min Format : Mp4 Genre : Action , Drama , Horror  Subtitle : Myanmar Subtitle (Hard Sub) Translated by P Encoded by Moe Myint Lwin

The Irish Connection (2022) ==================== IMDb Rating – 6.1/10 ဒီဇာတ်လမ်းကတော့ အဲလစ်ဘိတ်ကာ ဆိုတဲ့ အိုင်းရစ်အမျိုးသမီး တစ်ယောက်ရဲ့ ငွေတိုက်စာချုပ်တွေ အခိုးခံလိုက်ရတဲ့ အရှုပ်တော်ပုံ ဇာတ်လမ်းလေးတစ်ပုဒ်ပဲ ဖြစ်ပါတယ်။ အော်ရီရယ်က ငွေတိုက်စာချုပ် ပျောက်ဆုံးမှုနဲ့ ပတ်သက်ပြီး စုံစမ်းဖို့ အိုင်ယာလန်ကို စေလွှတ်ခံလိုက်ရတဲ့ အမျိုးသမီးစုံထောက်တစ်ယောက်ပါ။ တစ်ဖက်မှာလည်း အဲလစ်က သူ့ငွေတိုက်စာချုပ်တွေ ပြန်ရဖို့ မောင်ဖြစ်သူ ရိုရီဘိတ်ကာကို တိတ်တဆိတ်စုံစမ်းခိုင်းထားပြီး သံသယရှိသူတွေနောက်ကို လိုက်ဖို့ ညွှန်ကြားထားပါတယ်။ ငွေတိုက်စာချုပ်တွေကို ခိုးယူသွားတဲ့ ခရစ်ယာန်ဘုန်းတော်ကြီးယောင်ဆောင် ထားတဲ့လူက မော်လ်တာဆိုတဲ့ မြို့လေးမှာ ပုန်းရှောင်နေမှန်း သိလိုက်ရတဲ့အခါ ဗြိတိသျှအစိုးရဘက်ကရော အဲလစ်တို့ဘက်ကပါ သူခိုးကို အမိဖမ်းဖို့ အပြိုင် အဆိုင်ကြိုးစားကြပုံတွေကို မြင်တွေ့ရမှာပါ။ ဒါ့အပြင် အက်ရှင် နဲ့ စွန့်စားခန်းတွေကြားက စုံထောက်မလေး အော်ရီရယ်ရဲ့ အချစ်ဇာတ်လမ်းလေးကိုလည်း တွေ့မြင်ရဦးမှာမို့ ရသအစုံပါတဲ့ ဇာတ်ကားလေး တစ်ကားဆိုရင်လည်း မမှားပါဘူး။ နောက်ပြီးတော့ ဒီကားလေးဟာရုပ်ရှင်ပွဲတော် တွေမှာ ဆု (၄) ဆုထိရယူထားနိုင်ခဲ့တဲ့ ဇာတ်ကားကောင်းလေးပဲ ဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ May Thet Khine Soe ဖြစ်ပါတယ်)

File size…(2.3 GB)/(1.2 GB) Quality….Webrip 1080p / 720p Format…mp4 Duration….02:07:00 Genre…Adventure, Drama, History Subtitle….Myanmar Subtitle (Hardsub) Encoder….Mr. Anderson Translated by Matteo

Walk the Line (2005) ~ IMDb – 7.8/10, Rotten Tomatoes – 82% ~ ကန်းထရီးအဆိုတော် ဂျွန်နီကတ်ရှ်ရဲ့ I Walk the Line သီချင်းဟာ ရိုးလင်းစတုန်းမဂ္ဂဇင်းရဲ့ သမိုင်းတစ်လျှောက်အကျော်ကြားဆုံးသီချင်းငါးရာ စာရင်းမှာ နံပါတ်၃၀ချိတ်ဖူးသလို ၂၀၁၄မှာ စာရင်းလုပ်ခဲ့တဲ့ အကောင်းဆုံးကန်းထရီးသီချင်းတစ်ရာစာရင်းမှာ နံပါတ်တစ်ချိတ်ခဲ့ဖူးတယ်။ ဂျွန်နီကတ်ရှ်ရဲ့တချို့အယ်လ်ဘမ်တွေဆိုရင်လည်း The Beatles တွေထက်တောင် ရောင်းအားကောင်းခဲ့ဖူးတယ်။ ခု Walk the Line ကတော့ သူ့ ဘိုင်အိုဂရပ်ဖီရုပ်ရှင်ပေါ့။ Walk the Line မှာ ဂျွန်နီကတ်ရှ်ပေါက်စနလေးဘဝကနေ ဘာမှပြစရာမရှိတော့တဲ့အထိ ဂျွန်နီကတ်ရှ်အကြောင်း အကုန်ပြထားတယ်။ ဂျွန်နီကတ်ရှ်ရဲ့ ဘိုင်အိုဖြစ်တဲ့ ဒီကားက ကြည့်ဖူးတဲ့ ဘိုင်အိုဂရပ်ဖီကားတွေထဲတော့ တော်တော်ဒရာမာများတဲ့ ရုပ်ရှင်လို့ပြောရမယ်။ ဘိုင်အိုကားလို့ကို ထင်စရာမရှိနေဘူး။ မရှိဆို James Mangold ရဲ့ အသက်သွင်းပုံကလည်း လှသကိုး။ ဂျိမ်းစ်မန်းဂိုးဒ်ရဲ့ သမိုင်းတစ်လျှောက် ဒီနှစ်ထွက်ခဲ့တဲ့ Indiana Jones and the Dial of Destiny တစ်ကားကလွဲ Cop Land ကနေ Ford v Ferrari အထိ ပယ်စရာကားမရှိဘူးဆိုတော့ သူ့တင်ဆက်ပုံ သိပ်ကောင်းတာတော့ ပြောစရာမလိုဘူး။ ဒီရုပ်ရှင်ကိုလည်း သူကိုယ်တိုင် ကတ်ရှ်ရဲ့ ဘိုင်အိုစာအုပ်နှစ်အုပ်ကနေ အချက်အလက်တွေယူပြီး သူ့ဘာသာဇာတ်ညွှန်းရေးခဲ့တာပဲ။ ဂျွန်နီကတ်ရှ်အကြောင်းကို သူက ဟိုးပေါက်စနလေးကတည်းကနေ ပြတာဆိုတော့ ကတ်ရှ်ရဲ့ ငယ်ဘဝထရော်မာတွေကနေ စသိရလိမ့်မယ်။ အာကန်ဆက်စ် ကျေးလက်ဘက်က မိသားစုတစ်ခုက အချစ်မခံခဲ့ရတဲ့ ကလေးတစ်ယောက်ရဲ့ဘဝကို မြင်ရလိမ့်မယ်။ ဒါလည်းလိုအပ်လို့ပါပဲ။ ခဏအတွင်းမှာပဲ ကတ်ရှ် စစ်မှုထမ်းခဲ့ရတဲ့ကာလတွေဆီ ရောက်သွားတယ်။ မန်းဂိုးဒ် ဒီလိုပြတာမှာ ကတ်ရှ်ရဲ့သီချင်းတွေ ဖြစ်လာတဲ့အချိန်တွေကို အသားပေးပြထားတယ်။ ကတ်ရှ်ဟာ သူကိုယ်တိုင်ရေး ကိုယ်တိုင်ဆိုတာများတဲ့ ကန်းထရီးအဆိုတော်ဆိုတော့ သူ့သီချင်းအားလုံးနီးပါးက သူ့ဘဝကို ထင်ဟပ်နေတယ်။ ဒီလို သူ့ဘဝကို ထင်ဟပ်နေတဲ့အကြောင်းလည်း ထည့်ပြောသွားတယ်။ တပ်ထဲကနေ ထွက်လာပြီးတဲ့နောက် မိန်းမယူထားပြီ။ ကတ်ရှ်မှာ သူရေးထားတဲ့သီချင်းတွေလည်းရှိနေပြီ… တီးဝိုင်းလေးဖွဲ့ပြီး သီချင်းဆိုဖို့လည်း ကြိုးစားနေပြီ။ သူ့အိပ်မက်နောက် သူလိုက်နေပြီပေါ့။ ဒါပေမဲ့ လက်တွေ့ဘဝမှာတော့ သူမအောင်မြင်ခဲ့ဘူး။ ဒီလိုနဲ့ သူ့တီးဝိုင်းရှိတဲ့မြို့လေးးကနေ သူပြောင်းရဖို့အကြောင်းဖန်လာတယ်။ ဒီမှာ ကတ်ရှ်က နောက်ဆုံးအခွင့်အရေးအနေနဲ့ Sun Records ကို သွားပြီး အော်ဒီးရှင်းဝင်ခဲ့တယ်။ ဒီ Sun Records က တော်တော်နာမည်ကြီးတယ်။ ပရက်စလေတို့ ဂျယ်ရီလီလူးဝစ်တို့နဲ့ အလုပ်လုပ်နေတဲ့ တေးသံသွင်းပေါ့။ ဒီလိုနဲ့ သူအဆိုတော်ဖြစ်ဖို့ လမ်းကြောင်းပေါ် စရောက်သွားရာကနေ သူ့သီချင်းကလည်း ဝက်ဝက်ကွဲ အောင်မြင်သွားခဲ့တယ်။ ဒီတော့ သူနယ်လှည့်ပွဲတွေမှာ လိုက်ဆိုတာတွေတော်တော်လုပ်လာရတယ်။ ဒီမှာ သူ June Carter နဲ့ စတွေ့တယ်။ June က မျိုးနဲ့ရိုးနဲ့ အနုပညာမျိုးရိုးက ဆင်းသက်လာတဲ့သူဖြစ်သလို ဆွဲဆောင်မှုလည်း‌တော်တော်ရှိတော့ ကတ်ရှ်က သဘောကျသွားတယ်။ ဒီနောက် သူငယ်ချင်းတွေဖြစ်လာရင်း ချစ်မိသွားတယ်။ တခြား ဂီတသမားတွေအကြောင်း ရိုက်ပြထားတဲ့ ဘိုင်အိုတွေနဲ့မတူမှာက ဒီထဲ ကတ်ရှ်ရဲ့ နယ်လှည့်ပွဲတွေကို ပြတဲ့အချိန် သူနဲ့အတူတူတွဲဖက် သီဆိုရတဲ့ တခြားနာမည်ကျော်ဂီတသမားတွေကိုလည်း ပြတယ်။ သူတို့နဲ့ကတ်ရှ်ကြားက ခင်မင်မှုတွေ။ အကုန်ပေါင်းပြီး ဗရုတ်ကျကြတာတွေကိုပြတယ်။ တော်တော်လေးကြည့်လို့ကောင်းတယ်။ အဲဒီလိုအပေါင်းအသင်းကောင်းရင်း နာမည်ကြီးလာရင်းနဲ့ပဲ ကတ်ရှ်က မူးယစ်ဆေးပြဿနာလည်းရှိလာတယ်။ လုပ်ချင်တာတွေလည်း အကုန်လျှောက်လုပ်လာတယ်။ ဒီမှာကတ်ရှ်ရဲ့အကျပိုင်း စရောက်လာတာပဲ။ June ကလည်း နောက်အိမ်ထောင်တစ်ဆက်ပြောင်းသွားပြန်တော့ ကတ်ရှ်လည်းကြေကွဲပြီး လုပ်မိလုပ်ရာတွေ လျှောက်လုပ်ရာကနေ သူ့အိမ်ထောင်ပြိုကွဲတဲ့အထိပါဖြစ်လာတယ်။ ဒီလိုနဲ့ ဆေးသုံးတာပါမိပြီး ခြူးတစ်ပြားမှမရှိတော့တဲ့ ဘဝအထိပါရောက်တယ်။ သဘောကျစရာကောင်းတာက ဒီမှာ ကတ်ရှ်က တဇောက်ကန်းလုပ်ချင်တာလုပ်တဲ့ကောင်ဆို‌တော့ တစ်ပြားမှမရှိ စီးစရာကားတောင်မရှိတော့တာတောင် တစ်မျှော်တခေါ်ဆီက June အိမ်ကို လမ်းလျှောက်ပြီး ရောက်အောင်သွားခဲ့တယ်။ တကယ့်ကို ကမှူးရှုးထိုးလုပ်ချင်တာလုပ်တဲ့လူပေါ့။ အဲဒီလိုလူနေရာမှာ Joaquin Phoenix က ပိုင်ပိုင်နိုင်နိုင်ကြီး သရုပ်ဆောင်နိုင်ခဲ့တယ်။ တော်တော်လည်းကြိုးစားခဲ့ပါတယ်။ ကတ်ရှ်သီချင်းတွေကို သူဆိုတဲ့ပုံက ကတ်ရှ်ရဲ့ဟန်နဲ့ ထပ်တူညီအောင်ဆိုနိုင်ခဲ့တယ်။ June နဲ့ ကတ်ရှ် အတူတူဖျော်ဖြေတဲ့ပွဲတွေမှာ June ကိုကြည့်တဲ့ Joaquin ရဲ့အကြည့်တွေက တော်တော်လေး အသက်ဝင်ခဲ့သလို သူနဲ့ June နေရာမှာ သရုပ်ဆောင်တဲ့ Reese Witherspoon တို့ စုံတွဲသီချင်းတွေဆိုတဲ့အခန်းတွေဆိုလည်း မူရင်းဗီဒီယိုထက်တောင် ဆွဲဆောင်မှုတော်တော်လေးပိုရှိနေတယ်။ အသံတွေအထိပါ သေချာလေ့ကျင့်ခဲ့ကြတယ်။ ဒီလိုသရုပ်ဆောင်ကောင်းကြလို့ပဲ နှစ်ယောက်စလုံး အော်စကာတွေရော ရွှေကမ္ဘာလုံးတွေရော ဆန်ခါတင်ဝင်ပြီး Joaquin က ရွှေကမ္ဘာလုံး၊ Witherspoon က အော်စကာ စသဖြင့် သရုပ်ဆောင်ဆုတွေ အသီးသီးရခဲ့ကြတယ်။ ဇာတ်ကားကလည်း Golden Globe Award for Best Motion Picture ရခဲ့သလို Best Actress, Best Actor, Best Sound, Best Costume Design နဲ့ Best Film Editing စတာတွေမှာ အော်စကာဆန်ခါတင်ဝင်ခဲ့တယ်။ ဘိုင်အိုဂရပ်ဖီကားလို့ မထင်ရလောက်အောင်လည်း ကားက ဆွဲဆောင်မှုရှိနေပြီး ဒရာမာခန်းတွေမှာလည်း ဖီလင်အပြည့်ရတော့ ဒီလောက်တော့ဖြစ်သင့်တာပါပဲ။ နောင်ဆယ်နှစ်အကြာမှာထွက်လာတဲ့ Straight Outta Compton မတိုင်ခင်အထိ Music Biopic တွေထဲ ရုံဝင်ငွေအကောင်းဆုံး ရုပ်ရှင်လည်းဖြစ်ခဲ့ပါတယ်။ မန်းဂိုးဒ် ဒီလိုရိုက်ပြနိုင်လောက်အောင်လည်း ဂျွန်နီကတ်ရှ်ဟာ သီချင်းတွေတင် ဇာတ်နာတာမဟုတ်ဘဲ ဘဝပါဇာတ်နာခဲ့တဲ့ အတက်အကျတွေ မထင်မှတ်ထားတာတွေအပြည့်နဲ့ ဘဝမျိုးရှိခဲ့တာကိုး။ ဂျွန်နီကတ်ရှ်ဟာ ထင်ရာအကုန်စိုင်းပြီး လုပ်ချင်တာလုပ်ခဲ့တဲ့သူဟုတ်သလို သူ့ဘဝနဲ့ရင်းပြီးကို သူ့အချစ်ကို ချစ်ခဲ့တဲ့သူလည်းဟုတ်တယ်။ June ကိုပဲ သူသေသည်အထိချစ်သွားခဲ့တယ်။ June မရှိတော့တဲ့နောက်လည်း သူ့နောက်လိုက်သွားခဲ့တယ်။ Walk the Line ဟာ သူ့ခံစားချက်တွေအကြောင်း သူဆိုတဲ့ ဂျွန်နီကတ်ရှ်ရဲ့ ဘဝကို ထပ်ဟပ်နေတဲ့သီချင်းတွေနဲ့ ဂျွန်နီကတ်ရှ်ရဲ့ဘဝကို တွဲဖက်ခံစားရစေမယ့် ရုပ်ရှင်တစ်ကားပေါ့။ သီချင်းတွေကလည်း နားဝင်လွယ်တဲ့ ကန်းထရီးသီချင်းတွေဆိုတော့ သူ့သီချင်းတွေ နားမထောင်ဖူးတောင် ကြည့်ရင်းနားထောင်ရင်း အကြိုက်တွေ့သွားကြမှာပါပဲ။ ဂျွန်နီကတ်ရှ်ရဲ့အကြောင်းဟာ လူကောင်းတစ်ယောက်အကြောင်းမဟုတ်သလို လူယုတ်မာတစ်ယောက်အကြောင်းလည်း မဟုတ်ပါဘူး။ ဂျွန်နီကတ်ရှ်အကြောင်းဟာ သူချစ်ချင်တာကိုချစ်ပြီး သူလုပ်ချင်တာကို လျှောက်လုပ်နေတဲ့ အနုပညာသမားတစ်ယောက်အကြောင်းပါပဲ။ ” I wear this crown of thorns Upon my liar’s chair Full of broken thoughts I cannot repair… “ ~ Hurt by Johnny Cash (1932 – 2003) (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 3.3GB, 1.25GB Quality – 1080p, 720p IMDb Rating – 7.8/10 Format – mp4 Duration – 2H 16Min Genre – Biography, Drama, Music Subtitle – Myanmar Subtitle (Hardsub) Translated by WiRa Aung Encoded by Y

မင်းသမီး လှလှလေးတွေနဲ့ စိတ်ဝင်စားစရာ ဇာတ်ကားကောင်းလေးတစ်ကားကို ဘာသာပြန် တင်ဆက်ပေးလိုက်ပါတယ်။ ဇာတ်လမ်းအကျဉ်းလေးကတော့- မေထန်မြို့မှ ပြဇာတ်မင်းသမီးလေး မေလင်ဟာ အနိုင်ကျင့်မှုတွေ ကြားထဲက ကြီးပျင်းလာခဲ့ရပြီး ကံကြမ္မာကို ပြောင်းလဲဖို့ ကြိုးစားနေပါတယ်။ အကြိမ်ကြိမ် စစ်ရှုံးနေတဲ့ ဗိုလ်မှူးလေးဟာ မိန်းမလှကန်ရဲ့ ဒဏ္ဍာရီပုံပြင်ကို ကြားပြီးနောက်မှာတော့ ဆုတောင်းပြည့်ပူဇော်ပွဲလုပ်ဖို့ မေထန်မြို့ကို ရောက်လာခဲ့ပါတယ်။ သူက မေလင်ကို လိမ်လည်ခေါ်ဆောင်သွားပြီး မိန်းမလှကန်ထဲကို ပစ်ချခဲ့ပေမဲ့လဲ မေလင်က ကံကောင်းစွာနဲ့ မသေမြက်အဆိပ်မိသွားပြီးနောက်မှာ သွေးဆာတတ်တဲ့ မကောင်းဆိုးဝါးတစ်ကောင် ဖြစ်သွားခဲ့ပါတယ်။ သူက သူ့အပေါ် အကြံယုတ်မာတဲ့ ယောကျာ်းတွေကို ဆွဲဆောင်ပြီး စားသုံးခဲ့ပါတယ်။ မေလင်ရဲ့ သူငယ်ချင်းကောင်းဖြစ်သူ ယင်ရှင့်ဟာ မေလင်းရဲ့ ပြောင်းလဲမှုကို သတိထားမိသွားပါတယ်။ မေလင်ရဲ့ရောဂါဟာလည်း တဖြည်းဖြည်းပြင်းထန်လာပြီး ရက် ၂၀ ကြာရင် မသေတတ်တဲ့ မကောင်းဆိုးဝါးကြီး လုံးဝ ဖြစ်သွားတော့မယ်ဆိုတာ သိလိုက်ရပါတယ်။ အကြောင်းအရင်းတွေ သိရပြီးနောက် ယင်ရှင့်နဲ့ မေလင်တို့ ဒီအခက်အခဲကို ဘယ်လို ကျော်ဖြတ်ကြမလဲ…… လူယုတ်မာတွေကရော ဘယ်လို အကြံအစည်တွေ ရှိကြမလဲ…… ဆိုတာကို ရုပ်ရှင်နဲ့အတူ ခံစားကြည့်ရှုလိုက်ရအောင်နော်။

MDb 6.9/10 , RT -79 တရုတ်ပြည် ပြည်တွင်းစစ်ဖြစ်နေတဲ့ ကာလကို အခြေခံရိုက်ကူးထားတဲ့ Little Big Soldier လို့ခေါ်တဲ့ဂျက်ကီချမ်းရဲ့ရုပ်ရှင်ကို တင်ဆက်ပေးချင်ပါတယ်။ ဇာတ်လမ်းလေးကတော့ အခုလို ပြည်မကြီးအဖြစ် မပေါင်းစည်းမိခင်ကာလမှာ တရုတ်ပြည်ကြီးဟာ စစ်တလင်းဖြစ်ပွားနေပြီး ပြည်နယ်တွေဟာလည်း သူတစ်လူ ငါတစ်မင်း အုပ်ချုပ်နေကြပါတယ်။ ချီ၊ ချူ၊ ရန်၊ ဟန်၊ ကျောင်၊ ဝေနဲ့ ချင်းတို့ကတော့ အင်အားအကြီးဆုံးပြည်နယ်နိုင်ငံတွေပါ။ တနေ့မှာတော့ စစ်မက်အင်အားကြီးနိုင်ငံဖြစ်တဲ့ ဝေနိုင်ငံဟာ လီအန်းလို့ခေါ်တဲ့ နိုင်ငံငယ်လေးကို ကျူးကျော်သိမ်းပိုက်ဖို့ စစ်ချီလာနေတုန်း လီအန်းနိုင်ငံရဲ့ ဖီးနစ်တောင်ခြေအရောက်မှာ ခြုံခိုတိုက်ခိုက်ခံရပါတော့တယ်။ ၂ဖက်လုံး အပြင်းထန်စစ်တိုက်ပြီးသကာလမှာ ၂ဖက်လုံးအကျရှုံးများစွာနဲ့ လူပေါင်း ၃ထောင် သေဆုံးခဲ့ရပါတယ်။ ဂျက်ကီချမ်းက လီအန်းနိုင်ငံရဲ့ အညတရ စစ်သည်တော်လေးပါ။ ဂျက်ကီဟာ ကံကောင်းထောက်မစွာနဲ့ ဖီးနစ်တောင် တိုက်ပွဲမှာ မသေဘဲ အသက်ရှင်ကျန်ရစ်ခဲ့ပါတယ်။ ထိုအချိန်မှာ ရန်သူနိုင်ငံရဲ့ ဗိုလ်ချုပ်ကြီး တစ်ယောက်ကို တွေ့ပြီး (ရန်သူနိုင်ငံရဲ့ဗိုလ်ချုပ်ကြီးကို အရှင် သုံ့ပန်း ဖမ်းဆောင်လာနိုင်ရင် ဆုကြေးအပြင် မြေ ၅ဧက ရမှာပါ) ဗိုလ်ချုပ်ကို သုံ့ပန်းအနေနဲ့ ဖမ်းဆောင်လာခဲ့ပါတယ်။ ဇာတ်လမ်းကတော့ အညတရစစ်သားလေးနဲ့ ဗိုလ်ချုပ်သုံ့ပန်းတို့ လီအန်းနိုင်ငံသို့ အပြန်ခရီးလမ်းကို စိတ်ကူးစိတ်သန်းကောင်းကောင်းနဲ့ ရိုက်ကူးထားတာဖြစ်ပါတယ်။ ဂျက်ကီတို့ လမ်းခရီးမှာ ဘယ်လိုအခက်ခဲတွေ ကြုံရမလဲ၊ ဘယ်လိုရန်သူတွေနဲ့ ရင်ဆိုင်ရမလဲ၊ လီအန်းနိုင်ငံကို သူတို့တွေပြန်ရောက်ကြပါ့မလား၊ လီအန်းနိုင်ငံငယ်လေးကရော ရန်သူတွေ လက်အောက်ကနေ လွတ်မြောက်နိုင်ပါ့မလား အစရှိတာတွေကို ထိုင်ရာကနေ မထဘဲ ကြည့်ရှု့ရမှာ ဖြစ်မှာပါ။ ဒီရုပ်ရှင်က ဂျက်ကီချမ်းရဲ့ trademark ဖြစ်တဲ့ martial arts prowessကို comedic momentsတွေနဲ့ ကြည့်ရမှာဖြစ်ပါတယ်။ ဘတ်ဂျက်လည်း တော်တော်သုံးထားပုံရပြီး တိုက်ခိုက်တဲ့အပိုင်းတွေကလည်း မိုက်လှပြီး တိုက်ခိုက်နေတုန်း အလွဲလေးတွေကလည်း ရယ်နေရပါတယ်။ နိဂုံးချုပ်ပြောရရင် ဒီကားက ကြည့်ရတာ အချိန်ကုန်၊ billကုန် တန်ပါတယ်လို့ပြောရင်း နိဂုံးချုပ်ပါရစေခင်ဗျာ။ အညွှန်းနဲ့ဘာသာပြန်သူက Min Khant Kyi Win ဖြစ်ပါတယ်။ File size…(1.9 GB)/(1.2 GB) Quality….Blu-Ray 1080p / 720p Format…mp4 Duration….01:36:00 Genre…Action, Adventure, Comedy Subtitle….Myanmar Subtitle (Hardsub) Encoder….Garfield Translated by Min Khant Kyi Win

အခုတစ်ခါ cm ပရိသတ်ကြီးကို လတ်တလော ထွက်ရှိထားပြီး သည်းထိတ်ရင်ဖို ဇာတ်ကားတစ်ခုဖြစ်တဲ့ Hard Home ဆိုတဲ့ ဇာတ်ကားနဲ့ မိတ်ဆက်ပေးပါရစေ။ ဒီဇာတ်ကားမှာ ဒီရာဘလို ကွင်းဆက် စိတ္တဇလူသတ်သမားရဲ့ ရက်ရက်စက်စက် အသတ်ခံလိုက်ရတဲ့ ကယ်လီဆိုတဲ့ ကောင်မလေးရဲ့ မိခင်ဖြစ်သူ အန်နာက ကိုယ်တိုင်စုံစမ်း ထောက်လှမ်းပြီး လူသတ်သမားနဲ့ အပြိုင်ကြဲတဲ့ သရုပ်ဆောင် ချက်တွေ တွေ့ရမှာပါ။ ဒီလူသတ်သမား ကိုယ်တိုင်က စကားမပြောနိုင်ဘဲ အ’နေတဲ့သူ တစ်ယောက်ဖြစ်ပြီး သူ့ရဲ့သားကောင်တွေ အားလုံးဟာ ဆံပင် အမည်းရောင်နဲ့ ပိန်ပိန်ပါးပါး မိန်းကလေးငယ်တွေချည်းပါပဲ။ သူဟာ သေဆုံးသူတိုင်းကို မလှုပ်ရှားနိုင်အောင် ဆေးထိုးထားပြီး လျှာကိုဖြတ်ယူ အရှင်လတ်လတ် မီးရှို့သတ်ဖြတ်တာပါ။ တစ်ဦးတည်းသော သမီးလေးအတွက် လက်စားချေဖို့ ဆန္ဒပြင်းပြနေတဲ့ အန်နာဟာ ကိုယ်တိုင်လည်း အင်ဂျင်နီယာ တစ်ယောက်ဖြစ်ပြီး သူမကိုယ်တိုင် ဒီဇိုင်းဆွဲ တည်ဆောက်ထားခဲ့တဲ့ စမတ်နည်းပညာအဆင့်မြင့် နေအိမ်ကို လူသတ်သမား ထောင်ဖမ်းနိုင်ဖို့အတွက် လုံခြုံရေးတိုးမြှင့်မှုတွေ လုပ်၊ နှိပ်စက်ညှင်းပန်းဖို့အတွက် သီးသန့်အခန်းပါ နေအိမ်ထဲ ထပ်မံတည်ဆောက်ပါတော့တယ်။ အန်နာ တစ်ယောက် လူသတ်သမားကို ထောင်ဖမ်းဖို့ ကြိုးစားရင်း ကိုယ်တိုင်ပဲ သားကောင် ဖြစ်သွားမလား….ဒီလူသတ်သမားကရော ဘာကြောင့် ဒီလိုမျိုးတွေ ကျူးလွန်နေတာလဲ….။ File size…1.31GB / 612MB Quality…WEB-DL 1080p 5.1CH / 720p Format…mp4 Duration….1h 27m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Aoi

ရေနံတို့ ရေနံကိုသန့်စင်ပြီးရလာတဲ့ဓာတ်ဆီတို့ဆိုတာက ကမ္ဘာပေါ်မှာ စိန်တွေရွှေတွေထက်တောင် ပိုတန်ဖိုးကြီးတဲ့ အရာတွေလို့ပြောလို့ရပါတယ်။ဒါပေမယ့်အဲ့လိုတန်ဖိုးကြီးတဲ့ အရာတွေကို တန်ဖိုးနည်းနည်းနဲ့ရလာတဲ့အခါမှာတော့ လောဘသားကောင်တို့ရဲ့ မျက်စောင်းထိုးခြင်းကိုခံလာရတော့မှာ အသေအချာပါပဲ။ပြောရင်ယုံမလားတော့မသိပေမဲ့ ၂၀၁၂ ခုနှစ် တုန်းက ဗင်နီဇွဲလားနိင်ငံက တစ်ကမ္ဘာလုံးမှာ ဓာတ်ဆီစျေးအပေါဆုံး နိုင်ငံဖြစ်ခဲ့ဖူးပါတယ်။နိုင်ငံတွင်းမှာသာစျေးပေါနေပေမဲ့ ဗင်နီဇွဲလားနဲ့ ကပ်ရပ် ကိုလံဘီယာနယ်စပ်မှာတော့ အဲ့ဒီဓာတ်ဆီရဲ့တန်ဖိုးကိုပဲ အဆ ၆၀ ပေးခဲ့ရပါတယ်။အဲ့ဒါကြောင့်ပဲ အကွက်ကောင်းဆို ချောင်းနေတဲ့မှောင်ခိုသမားတွေအတွက် ဗင်နီဇွဲလားမှာဓာတ်ဆီ သွားယူပြီး နယ်စပ်ကိုပြန်ပို့ရတာကအလုပ်တစ်ခုဖြစ်လာပါ တော့တယ်။အခုတင်ဆက်ပေးမဲ့ Pimpinero:Blood And Oil ဆိုတဲ့ ဇာတ်ကားကလည်း အဲ့ဒီအဖြစ်အပျက်တွေကိုအခြေခံ စိတ်ကူးပုံဖော် ရိုက်ကူးထားတာဖြစ်ပြီး လက်ရှိ IMDb Rating 5.7 အထိရရှိထား ပါတယ်။ အထက်မှာပြောခဲ့တဲ့ဆီမှောင်ခိုသမားတွေထဲမှာ ဟွမ် အူလစ်စ်နဲ့ မိုးဆက်တို့ညီအစ်ကို ၃ ယောက်တို့ရဲ့ဆီမှောင်ခိုအဖွဲ့ကနာမည်ကြီး ပါပဲ။ဒါပေမယ့် ဒီလိုဒုစရိုက်လောကတွေထဲမှာအပြိုင်အဆိုင်တွေ များတဲ့အတွက် ကျောထောက်နောက်ခံသိပ်မရှိတဲ့သူတို့အဖွဲ့က သိပ်မကြာခင်မှာပဲ အဖွဲ့ဝင်တွေနည်းလာပြီး ပြိုကွဲသွားတဲ့အထိ ဖြစ်လာခဲ့ပါတော့တယ်။ပျော်ရာထက်တော်ရာကိုသွားရမယ်ဆိုတဲ့ အတိုင်း သူတို့ထဲကထွက်သွားတဲ့အဖွဲ့တွေက အဲ့ဒီလောကထဲမှာ အကြီးဆုံးဖြစ်တဲ့ကာမယ်လိုဦးဆောင်တဲ့အဖွဲ့ကိုပြောင်းရွှေ့သွား ခဲ့ပါတော့တယ်။အဲ့ဒီထဲမှာ ညီအစ်ကို ၃ ယောက်ထဲက အလတ်ကောင် အူလစ်စ်လည်းအပါအဝင်ဖြစ်ပြီး အကြီးဆုံးဖြစ်တဲ့မိုးဆက်ကတော့ မှောင်ခိုအလုပ်တွေဆက်မလုပ်တော့ပဲ ဘ၀ကိုအေးအေးဆေးဆေး ဆက်လက်ဖြတ်သန်းဖို့ဆုံးဖြတ်ခဲ့ပါတယ်။အငယ်ဆုံးလေးဟွမ်ကတော့ ဒါတွေကိုလုံး၀လက်မခံနိုင်ဖြစ်ပြီး သူ့ကောင်မလေးနဲ့အတူ နှစ်ယောက် တည်း စိတ်တူကိုယ်တူ ဆီမှောင်ခိုဆက်ကူးဖို့လုပ်ခဲ့ရာကနေ ပြဿနာတွေတက်လာပြီး ကာမယ်လိုနဲ့မဖြစ်မနေပတ်သတ်လာရတဲ့ အခါမှာတော့ ဘာတွေဆက်ဖြစ်မယ်ဆိုတာကို စိတ်ဝင်စားစရာရှုစားရဦးမဲ့ ဇာတ်ကားလေးတစ်ကားပဲဖြစ်ပါတယ်။ File size… (2.05GB) / (1.11GB ) Quality… WEB-DL 1080p HEVC / 720p Format…mkv / mp4 Duration….2h 1m Genre ….. Action , Adventure , Drama Subtitle….Myanmar Subtitle (Hard Sub) Encoder….Min Wai Translated by Saw Lay

Beyond Existence (2024) ဆိုတဲ့ ဒီဇာတ်ကားက ပြင်သစ်က စွန့်စားခန်းတစ်ခုလို့ ပြောလို့ရတယ်။ ဒါရိုက်တာ Xavier Ameller က ရိုက်ထားတာ။ ဇာတ်လမ်းက Mathilde နဲ့ Léa ဆိုတဲ့ မိန်းကလေးနှစ်ယောက်အကြောင်းပါ။ သူတို့နှစ်ယောက်က တစ်နေ့ ဆေးတစ်မျိုးသုံးမိပြီး အတွေ့အကြုံထူးထူးဆန်းဆန်းတွေ ရလာတယ်။ အဲဒီကနေ သူတို့ဘဝပြောင်းသွားပြီး ပြင်သစ်နိုင်ငံထဲ ခရီးထွက်ဖို့ ဆုံးဖြတ်လိုက်ကြတယ်။ ခရီးမှာ သူတို့က Brittany ဒေသက ရှေးဟောင်း Druids လူမျိုးတွေအကြောင်း ရှာဖွေရင်း Black Valley of Berry ဆိုတဲ့ နာမည်ကြီးနေရာကို ရောက်သွားကြတယ်။ အဲဒီမှာ စုန်းအတတ်တွေနဲ့ ဆက်နွယ်နေတဲ့ လျှို့ဝှက်ဆန်းကြယ်မှုတွေ တွေ့ရတယ်။ ဒီဇာတ်ကားက စွန့်စားခန်းတင်မကဘူး သူတို့ရဲ့ စိတ်ဝိဉာဉ်ခရီးလည်း ဖြစ်နေတယ်။ Marion Frizot နဲ့ Amandine Klep တို့က အဓိကဇာတ်ဆောင်တွေအဖြစ် သရုပ်ဆောင်ထားပြီး သူတို့ရဲ့ ခံစားချက်တွေကို ကြည့်ရှုသူတွေဆီ ရောက်အောင် ပို့ပေးနိုင်တယ်။ ဇာတ်လမ်းက အေးအေးလူလူပုံစံနဲ့ သဘာဝရှုခင်းတွေ ယဉ်ကျေးမှုပုံစံတွေထဲ နှစ်မြှုပ်ထားပြီး တစ်ခါတလေ ထူးထူးဆန်းဆန်း အိပ်မက်ဆန်တဲ့ခံစားချက်မျိုး ပေးတယ်။ အကြမ်းဖျင်းပြောရရင် ဒါက စွန့်စားခန်းထဲ လျှို့ဝှက်ဆန်းကြယ်တဲ့အရာနည်းနည်းနဲ့ ဘဝရဲ့အဓိပ္ပာယ်ကို ရှာဖွေတဲ့ ရုပ်ရှင်တစ်ကားပါပဲ။ ကြည့်ရတာ စိတ်ဝင်စားဖို့ကောင်းပြီး ပြင်သစ်ရဲ့ လှပတဲ့ဒေသတွေကို ခံစားရမှာပါ။ File size… (1.9 GB) / (1 GB) Quality….1080p HEVC / 720p Format…. mkv/mp4 Duration….01:48:00 Genre… Science Fiction, Thriller Subtitle….Myanmar Subtitle (Hardsub) Encoder….Swan Min Htet Translated by Min Khant

Low Budget ဆိုပေမဲ့ သူ့အနေအထားနဲ့သူကြည့်လို့ကောင်းတဲ့ Chapel ဆိုတဲ့ လျှို့ဝှက်ဆန်းကြယ် သည်းထိပ်ရင်ဖို ဇာတ်ကားလေးတစ်ကားကိုတင်ဆက်ပေးလိုက်ပါတယ်။ ဇာတ်လမ်းသဘောတရားကိုပြောရရင်တော့ အတိတ်မေ့နေတဲ့ လျှို့ဝှက်ဆန်းကြယ်လူသားတစ်ယောက်ရဲ့ အတိတ်ကိုပြန်လည်တူးဆွရင်းနဲ့ စိတ်ဝင်စားစရာတွေ တစ်ခုပြီးတစ်ခု အဆက်မပြတ်ပေါ်လာတာမျိုးပါပဲ။ ဇာတ်လမ်းအစမှာ လူတစ်ယောက်က ရေကန်ထဲမှာသေလုမျောပါးအနေအထားနဲ့ မျောပါလာပြီးနောက်မှာတော့ အဲ့ဒီမြို့ကဆေးရုံမှာပဲ အရေးပေါ်ကုသလိုက်ရပါတော့တယ်။ ၅ လကျော်ကြာပြီးတဲ့နောက် သတိပြန်လည်လာတဲ့အခါမှာတော့ သူ့နာမည် သူ့အတိတ် သူဘယ်သူဆိုတာတွေ တစ်ခုမှမမှတ်မိတော့ပါဘူး။ သူသိတာသူ့ရှေ့မှာ လက်ရှိတွေ့နေရတဲ့ ဆိုဖီယာဆိုတဲ့ သူနာပြုမလေးတစ်ယောက်သာရှိပြီး စကားစမြည်ပြောကြရင်းကနေ သူ့ကိုဘယ်လိုခေါ်ရမှန်းမသိတော့ လောလောဆယ်အတွက် သူကြိုက်တဲ့အဆိုတော်ရဲ့နာမည်ဖြစ်တဲ့ ကိုဟန်လို့ပဲ နာမည်ပေးထားလိုက်ပါတော့တယ်။ ဒီလိုနဲ့နောက်ပိုင်းမှာတော့ ကိုဟန်နဲ့ဆိုဖီယာတို့ ချစ်မိသွားကြပြီး အတူတူနေထိုင်ရင်းကနေ ကိုဟန်ရဲ့မှောင်မိုက်ခဲ့တဲ့အတိတ်က သူဒီကိုလာခဲ့တဲ့ပုံစံနဲ့ ရောက်လာတဲ့အခါမှာတော့ သူအရင်တုန်းကဘယ်သူဖြစ်ခဲ့တယ်ဆိုတာကို စိတ်ဝင်တစားရှုစားရမဲ့ ဇာတ်ကားလေးတစ်ကားဖြစ်ပါတယ်။ File size… (1.03 GB) / ( 541 MB) Quality… WEB-DL 1080p HEVC /720p Format…mkv / mp4 Duration….1h 32m Genre …..Mystery , Thriller Subtitle….Myanmar Subtitle (Hard Sub) Encoder….Min Wai Translated by Saw Lay