တိုးတက်လာတဲ့ ခေတ်ကြီးမှာ ဒုစရိုက်သမားတွေအတွက် ဒုစရိုက်လုပ်ဖို့ နည်းလမ်းတွေလည်း များလာပါတယ်။ ဒီဇာတ်လမ်းလေးကတော့ ဖုန်းနဲ့ လိမ်လည်မှုတွေကို အဓိကထားပြီး ရိုက်ပြထားတာပဲ ဖြစ်ပါတယ်။ ဇာတ်လမ်းအကျဉ်းလေးကတော့- ဖုန်းနဲ့လိမ်လည်တဲ့ ဒုစရိုက်အဖွဲ့ဝင် လေရှောင်ကျွင်းတစ်ယောက် မနက်စာသွားဝယ်နေတဲ့အချိန်မှာ ရဲတွေ အဖွဲ့ကို ဝင်ဖမ်းသွားတဲ့အချိန်နဲ့ တိုက်ဆိုင်ပြီး လွှတ်မြောက်သွားခဲ့ပါတယ်။ ထို့နောက် သူဟာ နောက်ထပ် လူ ၂ ယောက်နဲ့ ပူးပေါင်းပြီး သူ့ကိုယ်သူ "ဆယ်သိန်းအရင်ရှာဖို့" ဆိုပြီး ဦးတည်ချက်ထားခဲ့ပါတယ်။ ဒါပေမယ့် ကံဆိုးတဲ့ လေရှောင်ကျွင်းတစ်ယောက်ဟာ သူနဲ့ပူးပေါင်းသူအားလုံး ဖမ်းဆီးခြင်းကို ခံခဲ့ရပါတယ်။ လမ်းပျောက်နေတဲ့ လေရှောင်ကျွင်းတစ်ယောက် အန္တရာယ်တွေ ကြားထဲက ညသန်ခေါင်အချိန်မှာ ဒုစရိုက်ဂိုဏ်းကြီး "ဟုန်လုံ" ရဲ့ ကိရိယာတွေနဲ့ အချက်အလက်တွေကို ခိုးယူပြီး လိမ်လည်မှုလုပ်ငန်းကို ပြန်လည်ထူထောင်ချင်နေပါတယ်။ သူမသိတာက ပင်းဟိုင်ရဲ့ လိမ်လည်မှုဆန့်ကျင်ရေးရဲတပ်ဖွဲ့က လေရှောင်ကျွင်းရဲ့ အမှားတစ်ခုကြောင့် "ဟုန်လုံ" ကုမ္ပဏီရဲ့တည်နေရာကို သိသွားပြီး တစ်ချက်တည်း အပိုင်သိမ်းဖမ်းဆီးသွားခဲ့ပါတယ်။ ဒီတစ်ကြိမ်မှာလည်း လေရှောင်ကျွင်းတစ်ယောက် ကံကောင်းစွာနဲ့ လွှတ်မြောက်သွားခဲ့ပါတယ်။ လက်ထဲရောက်လာတဲ့ ငွေတွေကို တစ်ကိုယ်တည်း အပိုင်ယူချင်တဲ့အတွက် လေရှောင်ကျွင်းတစ်ယောက် သူ့အဖွဲ့သားတွေကို သတ်ဖို့ဆုံးဖြတ်လိုက်သောအခါ...... လောဘစိတ်တစ်ခု မထိန်းချုပ်နိုင်တာနဲ့ လူ့အသက်အများအပြား ဆုံးရှုံးနိုင်ကြောင်း ...... ရုပ်ရှင်လေးနဲ့အတူ ခံစားကြည့်ရှုလိုက်ရအောင်နော်။ Quality : WEB-DL 1080p , 480p Format : mp4 Genres : Crime , Drama Runtime : 1h 24 min Subtitle : Myanmar Subtitle ( Hardsub ) Translated by CM Team Reviewed By Moon Encoded by LK

Marvel ထုတ်လုပ်ရေးမှ Marvel Cinematic Universe(MCU) ကို လွန်ခဲ့တဲ့ ၁၀ နှစ်က စပြီးတည်ဆောက်ခဲ့ပါတယ်။ ပထမဆုံး ဇာတ်လမ်းဖြစ်တဲ့ Iron Man-1 နဲ့ဖြစ်ပါတယ်။ နောက်ဆုံးအပိတ်ကတော့ Endgame (2019) ဖြစ်ပါတယ်။ Marvel Universe မှာ Infinity Stone လို့ ခေါ်တဲ့ စွမ်းအား အကြီးဆုံး ကျောက်တုံး(၆) လုံးရှိပါတယ်။ အဲဒီကျောက်တုံးတွေဟာ စကြဝဠာအနှံ့မှာ ပြန့်ကျဲနေတယ် ဆိုပါတော့။ ကျောက်တုံးတစ်တုံးချင်းစီမှာ သီးခြားအစွမ်းတွေ ရှိပြီး သာမာန်လူတွေ ကိုင်တွယ်သုံးစွဲဖို့ မဖြစ်နိုင်သလောက်ပါပဲ။ Infinity War ရဲ့ အဓိက ဗီလိန်ဖြစ်တဲ့ Mad titan လို့ခေါ်ကြတဲ့ Thanos က ဒီကျောက်တုံးတွေကို စုစည်းပြီး စကြဝဠာကို သူ့သဘောအတိုင်းဖန်တီးဖို့ကြိုးစားပါလိမ့်မယ်။ ဒါကို Avengers( Captain America, Iron Man, Hulk, Thor, Black Widow, Hawkeye, Vision,Scarlet Witch,Antman,Falcon) တို့နဲ့ Spiderman, Doctor Strange, Black Panther, Guardians of the Galaxy အဖွဲ့တို့ ပူးပေါင်းတားဆီးကြရင်း ဖြစ်လာတဲ့ စစ်ပွဲပါ။ Infinity Stones 6 လုံးရဲ့ တည်နေရာတွေကတော့ ၁. Space Stone aka Tesseract (Blue) (Captain America: the first avenger ဇာတ်ကားမှာ နာဇီတွေဆီက လုယူရတဲ့ ကျောက်တုံးဖြစ်ပြီး Avengers ဇာတ်ကားမှာ လိုကီက ဂြိုလ်သားတွေကို ကမ္ဘာကိုခေါ်ဖို့ ဝင်ပေါက်ဖွင့်တဲ့နေရာမှာ အသုံးပြုခဲ့ပါတယ်၊ လက်ရှိကတော့ Asgard ဂြိုလ်ပေါ်မှာ သိမ်းဆည်းခဲ့ရင်း Thor: Ragnarok ကားအဆုံးမှာ လိုကီ ခိုးယူခဲ့တာကို တွေ့ရမှာပါ) ၂။ Reality Stone aka Aether (Red) ( စကြဝဠာကို Big Bang မတိုင်ခင်အထိတောင် ပြန်ပြောင်းပစ်နိုင်ပါတယ်။ Thor 2: The Dark World မှာ ပါလာခဲ့ပြီး နောက်ဆုံး credit scene မှာ Collector ဆိုသူဆီမှာ သိမ်းဆည်းထားပါတယ်) ၃။ Power Stone (Purple Orb) ( ဂြိုလ်တစ်ခုလုံးကို အသာလေးဖျက်ပစ်လို့ရတဲ့ raw power တွေပါပါတယ်။ Guardian of the Galaxy 1 မှာ ပါဝင်ခဲ့ပြီး Xander က Nova Corps စစ်တပ်လက်ထဲမှာ သိမ်းဆည်းထားပါတယ်။) ၄။ The Time Stone ( The Eye of Agomotto, Green) ( အချိန်ကို လိုသလိုအသုံးချနိုင်ပါတယ်။ Doctor Starnge ဇာတ်လမ်းမှာ ပါဝင်လာပြီး လက်ရှိ ဒေါက်တာ စထ်ရိန့်က စောင့်ရှောက်ထားပါတယ်) ၅။ Mind Stone (Yellow) ( ဉာဏ်ရည်ကို မြှင့်တင်ခြင်းနဲ့ စိတ်ညို့ခြင်းတွေ ပြုလုပ်နိုင်ပါတယ်။ Avengers 1 မှာ ပါဝင်ခဲ့ပြီး လက်ရှိ Vision ရဲ့ နဖူးထဲမှာ မြှပ်ထားတာပါ) ၆။ Soul Stone (Orange) ( သက်ရှိ သက်မဲ့ အခြေအနေတွေကို ထိန်းချုပ်နိုင်ပါတယ်။ Planet Vormir မှာရှိပါတယ်။ ) အဆိုပါ ကျောက်တုံး ၆ တုံးကို သုံးနိုင်ဖို့ Infinity Gauntlet ဆိုတဲ့ လက်အိတ်ကို လိုပါတယ်။ အဲဒီလက်အိတ်ကိုတော့ Thanos ပိုင်ဆိုင်ထားပါတယ်။ ဒီလောက်ဆို Marvel Universe ကိုကြည့်ဖို့ အကြမ်းဖျဉ်းလုံလောက်ပြီ ထင်ပါတယ်။ File size…(2.3 GB) and (1.2 GB in Openload) Quality…1080p BluRay 5.1 DTS Format…mp4 Duration….02:14:00 Subtitle….Myanmar Subtitle (Hardsub) Encoder….Nyeinsaeya Aung Translated by Little Neo & Sawbwar

၂၀၂၁ ထွက် Sci-fi, Thriller ဇာတ်ကားလေးပါ။ Pitch Perfect မင်းသမီး Anna Kendrick ပါဝင်သရုပ်ဆောင်ထားပါတယ်။ မားစ်ဂြိုလ်ကို ဒုတိယ ကမ္ဘာအဖြစ် နယ်မြေချဲ့ထွင်နိုင်ဖို့ ကြိုးစားတဲ့ Mission တစ်ခုအကြောင်းပါ။ ယာဉ်မှူးတစ်ယောက်၊ ရုက္ခဗေဒ ပညာရှင်တစ်ယောက်၊ ဆရာဝန်တစ်ယောက်တို့က မားစ်ဂြိုလ်မှာ နှစ်နှစ်စာ သုသေသနပြုလုပ်ဖို့ သွားကြပါတယ်။ ဒါပေမဲ့ လမ်း တစ်ဝက်မှာ မမျှော်လင့်ထားတဲ့ လိုက်ပါစီးနင်းသူတစ်ယောက် ဒုံးပျံပေါ်မှာ ပါလာတာကို တွေ့လိုက်ရပါတယ်။ သုံးယောက်စာ စီစဉ်ထားတဲ့ ခရီးစဉ်မှာ လူပိုတစ်ယောက် မမျှော်လင့်ဘဲ ပါလာသလို အောက်စီဂျင်အထောက်အပံ့ပေးတဲ့ စနစ်က ပျက်သွားတဲ့အတွက် သူတို့ရဲ့ ခရီးစဉ်က ကမောက်ကမဖြစ်သွားပါတယ်။ အောက်စီဂျင်အထောက်အပံ့က သူတို့လေးယောက်လုံးအတွက် မလုံလောက်တော့တဲ့ အခါမှာ သူတို့တွေ​ အာကာသဟင်းလင်းပြင်မှာ သူတို့တွေ အသက်ဆက်ရှင်နိုင်ဖို့ ဘာတွေလုပ်ကြလဲ။ ဘယ်လိုရွေးချယ်မှုတွေလုပ်ပြီးတော့ သူတို့လေးယောက်လုံး အသက်ဆက်ရှင်နိုင်ပါမလားဆိုတာကို ရင်တထိတ်ထိတ်နဲ့ကြည့်ရမှာပါ။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ d3mon ပဲဖြစ်ပါတယ်။) Quality – 1080p, 720p WebRip Duration - 1h 56min Subtitle – Myanmar Hardsub Format – Mp4 Genre : Drama, Sci-Fi, Thriller Source : 1080p.WebRip Translator – d3mon Encoder – SWM

ရုပ်ရှင်တွေထဲမှာ ကမ္ဘာကျော် သိပ္ပံစိတ်ကူးယဉ်ဇာတ်လမ်းတွဲတွေအများကြီးရှိပါတယ်။ Star Wars, Star Treks စသည်ဖြင့်ပေါ့။ အဲဒီလိုပဲ အခုတင်ဆက်လိုက်တဲ့ Planet of the apes တွေကလည်း ဂန္ဓဝင်ပါပဲ။ စုစုပေါင်း ၅ ကား မူလထွက်ရှိခဲ့ပါတယ်။ နောက်ထပ် သုံးကားထွက်ရှိခဲ့ပါတယ်။ မူရင်း ၅ ကားကတော့ Planet of the Apes (1968) Beneath the Planet of the Apes (1970) Escape from the Planet of the Apes (1971) Conquest of the Planet of the Apes (1972) Battle for the Planet of the Apes (1973) တို့ဖြစ်ပြီး ချန်နယ်မြန်မာမှာ ငါးကားလုံးကြည့်ရှုနိုင်ပြီဖြစ်ပါတယ်။ ဒီတစ်ခါတော့ 1968 ခုနှစ်မှာထွက်ခဲ့တဲ့ Planet Of The Apes ရဲ့ အဆက် Beneath Of The Planet Of The Apes ကားလေးကိုတင်ဆက်လိုက်ပါတယ် ဒီကားကတော့ 1970 မှာထွက်လာပြီး တကယ့်ကို အရင်ကားအတိုင်း စွဲမက်စရာကောင်းအောင်ရိုက်ပြသွားခဲ့တဲ့ ကားကောင်းလေးပါ ဇာတ်လမ်းအကျဉ်း အရင်ကားနောက်ဆုံးခန်းမှာ တေလာ ဟာ နိုဗာနဲ့အတူထွက်သွားခဲ့ပါတယ် အဲဒီမှာပဲ တေလာ့ကို ရှာဖို့အတွက် နောက်ထပ်အာကာသယာဉ်တစ်စင်းကို လွှတ်လိုက်တာပါ အဲဒီမှာပါတဲ့ အာကာသယာဉ်မှူးနဲ့နောက်တစ်ယောက်မှာ အာကသယာဉ်မှူးက ယာဉ်ပျက်ကျရင်း ရတဲ့ဒဏ်ရာနဲ့ဆုံးသွားပါတယ် သူဆုံးသွားတဲ့အချိန်မှာပဲ နိုဗာ ဟာ သူတို့နားကိုရောက်လာခဲ့တာပါ နိုဗာ့ဆီမှာ တေလာ ရဲ့ နာမည်လည်စွဲလေးရှိနေတာကို ဘရတ်ကမြင်သွားပြီး နိုဗာ့ကို တေလာ့ဆီလိုက်ပို့ခိုင်းပါတယ် အဲဒီကနေမှ မျောက်တွေရဲ့မြို့တော်ကိုပြန်ရောက်သွားပြီး အဖမ်းခံလိုက်ရပါတော့တယ် အဲဒီအချိန်မှာပဲ သူတို့ကို မျောက်တွေဆီကနေလွှတ်အောင် ဘယ်သူကလုပ်ပေးမှာလဲ လွှတ်သွားတော့ သူတို့ဘယ်ကိုရောက်သွားလဲ မျောက်တွေကြီးစိုးနေတဲ့ ကမ္ဘာမှာမျောက်တွေချည်းပဲရှိတာလား တေလာ ကရော ဘယ်ရောက်သွားတာလဲဆိုတာကို စိတ်ဝင်တစားနဲ့ကြည့်လို့ကောင်းမဲ့ကားကောင်းလေးတစ်ကားပါပဲ File size…(1.62gb)/(977gB)/(502MB) Quality….Webrip 1080p / 720p / 480p Format…mp4 Duration….01:35:00 Genre…Action / Adventure / Sci-fic Subtitle….Myanmar Subtitle (Hardsub) Encoder….Mr. Anderson Translated by Garfield Planet of the Apes (1968) download link Beneath the Planet of the Apes (1970) download link Escape from the Planet of the Apes (1971) download link Conquest of the Planet of the Apes (1972) download link Battle for the Planet of the Apes (1973) download link

Maniac Driver (2020) ================ ဖူဂျီနာဂဟာ တက္ကစီသမား လုပ်နေပေမဲ့ သူ့အတိတ်ကတော့ အင်မတန်ဆန်းကြယ်တယ်။ သူဟာ ပြင်သစ်နိုင်ငံခြားအထူး တပ်ဖွဲ့မှာ ကြေးစားစစ်သားအဖြစ်နဲ့ စစ်ထဲဝင်ဖူးတဲ့လူလည်း ဟုတ်သလို သတ်ရာဖြတ်ရာမှာ တော်တော်လေး လက်ရဲဇက်ရဲ ရှိတယ်။ လောကကြီးအပေါ် သူ့အမြင်ကလည်း ထူးခြားတယ်။ ယောက်ျားတွေဟာ မိန်းမတွေအပေါ်မှာရှိနေတာမကြိုက်တတ် ကြပေမဲ့ ဖူဂျီနာဂကတော့ တိုင်းပြည်ကြီးကို မိန်းမတွေအုပ်ချုပ်ရင် ပိုသာယာမယ်လို့ ယူဆနေတယ်။ မိန်းမတွေကို သူအပေါ်မှာရှိစေချင် တာက အဲဒီတစ်နေရာတည်းတော့မဟုတ်ဘူးပေါ့ ဟိ။ တစ်နေ့မှာ ဖူဂျီနာဂဟာ သူ့မိန်းမနဲ့တူတဲ့အမျိုးသမီးတစ်ယောက် နောက် ခိုးလိုက်ကြည့်ရင်း အဲဒီအမျိုးသမီးကို နတ်ဆရာတစ်ယောက် ယောက်ျားတစ်ယောက်က ယတြာအနေနဲ့ ဒွာရသုံးပေါက်ကို သိဒ္ဓီဝင် အတံနဲ့ သုံးသပ်ပေးဖို့ ကြံနေကြတယ်။ အမျိုးသမီးဟာ ငြင်းဆန်ပေမဲ့ လည်း သူတို့၂ယောက်က အတင်းယတြာပေးချင်ကြတဲ့အခါ ဖူဂျီနာဂ မနေသာတော့ဘဲ ဝင်ကယ်ဖို့ဖြစ်လာတယ်။ ဒီလိုကယ်အပြီး မိမွေးတိုင်း ဖမွေးတိုင်းဖြစ်နေတဲ့ ကောင်မလေးကို မြင်လိုက်ရတဲ့အခါမှာတော့။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ W ဖြစ်ပါတယ်) File Size……….(1.46 GB) / (547 MB) / (322 MB) Quality…………Blu-Ray 1080p / 720p / 480P Duration………1Hr 15Mins Subtitle………..Myanmar Hardsub Format…………MP4 Genre…………..Adult, Action, Mystery, Thriller Translator…….W Encoder……….AdminX

Bloodstone; subspecies ဆိုတဲ့ဗန်ပိုင်းယား ရုပ်ရှင်ဇာတ်လမ်းတွဲအဆက်ဖြစ်ပြီး IMDb 5.6/10 ရရှိထားတာပါ။ Horror & thriller အမျိုးအစားဖြစ်ပြီး ရုတ်ရုတ်သဲသဲကြောက်ဖို့ကောင်းတာမျိုးမဟုတ်ပေမဲ့ သွေးပျက်စရာအခန်းတွေအများကြီးပါပါတယ်။ ဇာတ်လမ်းအကျဉ်းကတော့ ရေဘက်ကာဆိုတဲ့ကောင်မလေးတစ်ယောက်ဟာ ညီမလေးကိုရှာဖို့နဲ့ သူ့ညီမရဲ့ဝိဉာဉ်ကိုသိမ်းယူသွားတဲ့ဗန်ပိုင်းယားနဲ့ရင်ဆိုင်ဖို့ ထွက်လာခဲ့ပါတော့တယ် ဗန်ပိုင်းယားကြီးကသူ့ညီမလေးကို တပည့်မွေးသလိုမွေးထားပြီးဗန်ပိုင်းယားစစ်စစ်ဖြစ်စေချင်နေတာပါ ရေဘက်ကာတို့ညီအစ်မနှစ်ယောက်သား ဗန်ပိုင်းယားလက်အောက်ကနေ ဘယ်လိုလွတ်မြောက်အောင်ဘယ်လိုထွက်ပြေးကြမလဲ ရက်စက်တဲ့ဗန်ပိုင်းယားနဲ့ဘယ်လိုရင်ဆိုင်ကြမလဲ ဆိုတာကိုကြည့်ရှုရမှာဖြစ်ပါတယ်။ File size…(1.7 GB)/(820 Mb) Quality….Webrip 1080p / 720p Format…mp4 Duration….01:23:00 Genre…Fantasy, Horror, Thriller Subtitle….Myanmar Subtitle (Hardsub) Encoder….Garfield Translated by Khunn

IMDb 6.6 ရရှိထားတဲ့ plot twist တွေနဲ့ဒရမ်မာဇာတ်ကားတစ်ကားဖြစ်ပြီး စိတ်ဝိဉာဉ်နဲ့လူသားတွေရဲ့ဘဝက ဘယ်လောက်ထိ ဆက်စပ်နေသလဲဆိုတာကို ရိုက်ကူးပြသထားတာပါ။ ဇာတ်လမ်းအကျဉ်း….. မာရီနာဟာရှေ့နေမလေးတစ်ယောက်ဖြစ်ပြီး တစ်နှစ်အကြာပျောက်သွားရာကနေ ငွေထုပ်ပိုက်ပြီးအိမ်ပြန်လာခဲ့ပါတယ် သူအင်္ဂလန်ကိုသွားခဲ့တယ်လို့ပြောပေမဲ့ သူဘယ်သွားခဲ့သလဲ ဘာလုပ်ခဲ့သလဲဆိုတာကို သူ့မိသားစုအပါအဝင်ဘယ်သူမှသေချာမသိပါဘူး။ တစ်နေ့မှာတော့ စိတ်ဝိဉာဉ်တွေနဲ့လူဝင်စားတာကိုယုံတတ်တဲ့ စိတ်ရောဂါကုထုံးဆရာဝန်တစ်ယောက်နဲ့တွေ့ရာကနေ စိတ်ဝိဉာဉ်တွေအကြောင်းကိုဆက်စပ်မိသွားကြပါတော့တယ် မာရီနာကသူ့ရဲ့စိတ်ဝိဉာဉ်‌အာရုံဟာ သူဖုံးကွယ်ထားတဲ့လျှို့ဝှက်ချက်နဲ့လည်းပတ်သက်နေတာကိုလည်းသိလိုက်ရပါတယ်။ တစ်ဖက်မှာတော့ မာရီယာဟာချမ်းသာတဲ့အိမ်ထောင်ရှင်မတစ်ယောက်ဖြစ်ပြီး တစ်နေ့မှာအိမ်ထောင်ရေးပဋိပက္ခတွေရုတ်တရက် ကြုံတွေ့လာရပါ‌တော့တယ်။ ဒီပြဿနာတွေအားလုံးက အကြောင်းအရာတစ်ခုတည်းကနေအစပြုလာတာဖြစ်ပြီး သူတို့လျှို့ဝှက်ထားကြတဲ့ အဖြစ်အပျက်ကဘာဖြစ်မလဲ ဒီကိစ္စတွေအားလုံးက စိတ်ဝိဉာဉ်နဲ့ လူဝင်စားတဲ့ကိစ္စနဲ့ရော ဘယ်လိုတွေဆက်စပ်နေမလဲဆိုတာကို ကြည့်ရှုရမှာပါ….. File size…(1.7 GB)/(870 Mb) Quality….Webrip 1080p / 720p Format…mp4 Duration….01:46:00 Genre…Drama Subtitle….Myanmar Subtitle (Hardsub) Encoder….Garfield Translated by Khunn

Bajrangi Bhaijaan (2015) —————————— မေတ္တာတရားဟာ စကြဝဠာရဲ့ ဘာသာတရားအဖြစ်ရပ်တည်နေပုံ ၊ ကရုဏာတရားဟာလည်းလူမျိုးမခွဲခြားပုံတို့ကို ဒီဇာတ်ကားလေးညွှန်းဆိုထားပုံက ရင်ထဲမှာတသသကျန်ရှိစေပါတယ်။ IMDb Rating 8.1 ထိရရှိထားပြီး ရိုက်ကူးရေးဘက်ဂျက် ရူပီးကုဋေ ၉၀ ခန့်သာရှိခဲ့ပေမယ့် ရုံတင်ဝင်ငွေ ရူပီးကုဋေ ၉၀၀ ကျော် ပြန်လည်ရရှိတဲ့အထိ အောင်မြင်ခဲ့တဲ့ရုပ်ရှင်ကားကြီးဖြစ်ပါတယ်။ မင်းသားကြီးဆယ်မန်ခန်း၊နဝါးဇ်၊မင်းသမီး ကရီးနာကပူးတို့မှအဓိကပါဝင်ထားကြပါတယ်။ ဇာတ်လမ်းအကျဉ်း အိန္ဒိယနိုင်ငံဒေလီမြို့မှာပွဲတော်ကြီးကျင်းပချိန်ပေါ့။ ပဝန်(ဆလက်မန်ခန်း)ဟာလည်း ပါဝင်ဆင်နွှဲပြီးစားသောက်ဖွယ်ရာတွေကိုမြိန်မြိန်စားနေတဲ့အခိုက်အတန့်မှာ ပဝန်သတိထားမိတာက သူ့အားစိုက်ကြည့်နေတဲ့ ၆နှစ်အရွယ်ကလေးမ။ ပဝန်ဟာ ကရုဏာသက်မိရင်း ကလေးမလေးကိုအစားအစာတွေကျွေးမွေးခဲ့တယ်။ ပဝန်အိမ်ပြန်တော့လည်းကလေးမလေးဟာ နောက်ကတကောက်ကောက်လိုက်နေခဲ့ပါတယ်။ ဒီလိုနဲ့နာမည်လည်း မေးမရ စကားလည်းမပြောတတ်သောကလေးအား ထားမရစ်နိုင်သည့်အဆုံး ပဝန်ဟာသူ့ယောက္ခမဆီခေါ်လာခဲ့ပါတော့တယ်။ ပဝန်ဟာကလေးမလေးရဲ့နေရပ်လည်းမသိ သူ့မိဘတွေကိုလည်းမသိပေမဲ့ စိတ်ထားဖြူစင်မှုအရင်းခံနဲ့ ကလေးမလေးကို သူ့မိဘဆီပြန်ပို့နိုင်ဖို့ဆုံးဖြတ်ချက်ချလိုက်ပါတယ်။ကလေးမလေးကို မွန်နီလို့အမည်မှည့်ပေးလိုက်ပါတယ်။ တစ်နေ့မှာတော့ ဖန်သားပြင်ထက်က ခရစ်ကတ်ကစားပွဲမှာ အိန္ဒိယနဲ့ပါကစ္စတန်တို့အပြိုင်အဆိုင်ကစားနေကြပြီး အိန္ဒိယအမှတ်သာလျှင် မွန်နီလေးမှာမပျော်သလိုဖြစ်ပြီး ပါကစ္စတန်နိုင်လျှင် ဝမ်းသာလျက်ရှိနေပါတယ်။ အဲ့အချိန်က အိန္ဒိယနဲ့ပါကစ္စတန်တို့ဟာ စစ်ရေးအရတစ်ဖက်နဲ့တစ်ဖက်မတည့်ကြပါ။ ပဝန်တို့မိသားစုတို့ကလည်း ဘာသာရေးအရဟိန္ဒူဘုန်းကြီးမျိုးနွယ်ဝင်တွေဖြစ်တာကြောင့် ပါကစ္စတန်သူမွတ်စလင်ဖြစ်သူ မွန်နီအားလက်မခံသင့်ကြောင်း၊ပါကစ္စတန်နိုင်ငံသို့ပြန်ပို့သင့်ကြောင်း ပဝန်ကိုတိုက်တွန်းကြပါတယ်။ ပဝန်လဲ ပါကစ္စတန်သံရုံးဆီ မူနီကို သွားရောက်ပို့ပေးပေမယ့် သံရုံးမှာ အိန္ဒိယနိုင်ငံသားတို့ဆန္ဒပြနေတာနဲ့ ကြုံတွေ့ခဲ့ရပြီး သံရုံးရဲ့စာရင်းသမားက မှောင်ခိုလမ်းကနေ ပြန်ပို့ဖို့ ပဝန်ကို အကြံပေးလိုက်ပါတယ်။ ပဝန်ကလဲ ယုံစားမိပြီး မွန်နီကို ချန်ထားခဲ့ပါတော့တယ်။ လမ်းတစ်ဝက်ရောက်ခါမှ ကစားစရာဝယ်ရင်း မွန်နီကို ပေးရန်ပြန်အလှည့်မှာတော့ မွန်နီလေးရောင်းစားခံရမှန်းသိလိုက်ရပါတော့တယ်။ အဲ့ဒီနောက်မှာတော့ပဝန်ဟာ ပါကစ္စတန်နိုင်ငံဆီ သွားရောက်ပြီးမွန်နီ့မိဘတွေကို ရှာဖွေခန်းဖွင့်ပြီး ပြန်လည်ဆုံတွေ့နိုင်စေဖို့ ဆုံးဖြတ်လိုက်ပါတော့တယ်။ တကယ်တမ်းတော့ဇာတ်ကားလေးဟာ အညွှန်းနဲ့အဓိပ္ပါယ်ဖော်နိုင်စွမ်းမရှိလှတဲ့မေတ္တာဖွဲ့ဇာတ်အိမ်လေးပါ။ ပဝန်တစ်ယောက် ပါကစ္စတန်နိုင်ငံတွင်းဝင်ရောက်ခဲ့ပုံ၊မိဘရှာတော်ပုံတွေနဲ့အတူ မွန်နီလေးတစ်ယောက်သူ့မိဘနဲ့ပြန်လည်ဆုံစည်းနိုင်မလားဆိုတာကို ရင်တထိတ်ထိတ်ကြည့်ရှုရမှာပါ။ ပဝန်ရဲ့ဘဝနဲ့အချစ်ရေးသာမက စိတ်ထားမြင့်မြတ်မှုတွေကလည်းအတုယူစရာကောင်းလှပါတယ်။ လူသားစစ်စစ်တစ်ယောက်အဖြစ် ပဝန်ရဲ့ကရုဏာကြီးမားမှုတွေ၊ပါကစ္စတန်နိုင်ငံသို့ဝင်ရောက်ဖြတ်သန်းမှုတွေ၊သွေးသားမတော်စပ်သူတစ်ဦးအတွက် ဒုက္ခပေါင်းများစွာဖြတ်သန်းခဲ့ပုံတွေကတော့မျက်ရည်မခိုင်သူအဖို့ပင်လယ်ထွန်းမယ့်ဇာတ်ကားမျိုးပါ။ ဒါ့ပြင်အမြင်မတူအသွင်မတူဘာသာမတူနိုင်ငံသားချင်းမတူကြပေမဲ့မေတ္တာတရားဟာ ကမ္ဘာ့လူသားတရားတော်ဆိုတာကိုဒီဇာတ်ကားလေးကညွှန်းဆိုနေဦးမှာပါ။ (ရုပ်ရှင်အညွှန်းကို လင်းခယံ မှရေးသားထားပြီး ရုပ်ရှင်ဘာသာပြန်ကို Nyi Nyi Koe မှ တင်ဆက်ထားပါတယ်။)

My Sassy Girl (2001) IMDb Rating (8.0) / Rotten Tomatoes (93%) ကိုရီးယားရုပ်ရှင်လောကမှာကော၊ Asia ရုပ်ရှင်လောကမှာပါ Jun Ji Hyun ( Gianna Jung ) ဆိုပြီး နာမည်တစ်ခုကို ခိုင်ခိုင်မာမာရစေခဲ့တဲ့အပြင် ခုချိန်ထိ လူကြိုက်အများဆုံး Korean romcom အဖြစ်သတ်မှတ်ထားတဲ့ ရုပ်ရှင်ဆိုရင်တော့ 2001 ခုနှစ်ကထွက်ခဲ့တဲ့ My Sassy Girl ပါပဲ။ အဲ့နှစ်ပိုင်းတွေမှာ Jun Ji Hyun ကိုယောကျ်ားလေး၊ မိန်းကလေးတွေသာမက သူတို့အနုပညာလောကသားအချင်းချင်းတောင် ကြိတ်ကြွေခဲ့ရတာပါတဲ့။ ကြောငြာတွေ၊ ရုပ်ရှင်တွေဆိုတာလည်း သူမှသူပါပဲ။ ခုချိန်ထိ အာရှရဲ့အလှဆုံးမင်းသမီးတွေထဲမှာ နှစ်တိုင်းပါပြီး ကိုရီးယားရဲ့ အနုပညာကြေးအမြင့်ဆုံးမင်းသမီးတွေထဲမှာ နံပတ်တစ်ဖြစ်နေတုန်းပါ။ ပြန်ရိုက်တဲ့ကားတွေ၊ နောက်ပိုင်းဆက်ထွက်တဲ့ကားတွေရှိပေမယ့် အပွင့်လင်းဆုံးပြောရရင်တော့ original movie ကို ဘယ်ကားမှ မမှီပါဘူး။ My Sassy Girl ကတော့ ဘယ်တော့ကြည့်ကြည့်မရိုးသွားသလို၊ romcom တွေရဲ့ ထုံစံအတိုင်းပေါ့ပျက်ပျက်လည်း ဖြစ်နေဘူး။ ရယ်ရတဲ့အပိုင်း၊ ကြည်နူးရတဲ့အပိုင်း၊ ဝမ်းနည်းရတဲ့အပိုင်းလေးတွေတိုင်း သူ့ဟာနဲ့သူ အံဝင်ခွင်ကျရှိတယ်။ ဇာတ်လမ်းက ခပ်ရိုးရိုးအူကြောင်ကြောင်ကောင်လေး နဲ့ အရမ်းလှပြီးသူလုပ်ချင်ရာလုပ်တတ်တဲ့ကောင်မလေးတို့ရဲ့ အကြောင်းလေးဆိုပေမယ့် ဇာတ်လမ်းလေးကချစ်ဖို့လည်းကောင်းသလို ငိုလည်းငိုရပါတယ်။ အရမ်းအနိုင်ကျင့်တတ်တဲ့ကောင်မလေး ပြောသမျှ၊ လုပ်သမျှကို တစ်ချက်မငြီးပဲငြိမ်ခံနေတဲ့ကောင်လေးကို “ဘာလို့အဲ့လောက်သည်းခံတာလဲ” မေးတော့ သူပြန်ပြောတဲ့ စကားလေးတွေဆို အရမ်းကြည်နူးစရာလေး။ ပျော်ချင်ယောင်ဆောင်ပြီး တစ်ယောက်တည်းကြိတ်ဝမ်းနည်းတတ်တဲ့ ကောင်မလေးရဲ့အတွင်းစိတ်ကိုလည်း ပေါ်အောင်ရိုက်ပြနိုင်တယ်။ မင်းသားကော၊ မင်းသမီးကော သရုပ်ဆောင်ကောင်းချက်က သူတို့ရဲ့နောက်ထွက်တဲ့ ရုပ်ရှင်တွေကြည့်ရင်တောင် ဒီကားကိုပြေးပြေးမြင်မိတယ်။ ကိုရီးယားကားမကြိုက်တဲ့သူတွေတောင် ကြည့်ဖူးကြမယ်ထင်တာပဲ။ admin အတွက်တော့ rom-com တွေဘယ်လောက်အသစ်ထွက်ထွက် ခုကားလေးကိုမမှီဘူး။ OST ဖြစ်တဲ့ “ I Believe “ ဆိုရင်လည်း အရမ်းနာမည်ကြီးတာ။ မကြည့်ရသေးရင်ဖြစ်ဖြစ်၊ ကြည့်ပြီးလို့မေ့နေရင်ဖြစ်ဖြစ် ကြည့်ကြည့်နော်။ (ရုပ်ရှင်အညွှန်းကို Willow Summer II FB Page မှကူးယူဖော်ပြပါသည်။) ဘာသာပြန်ကိုရော Quality ပိုင်းကိုရော အပြည့်စုံဆုံး Version ဖြစ်တဲ့ BluRay Director’s Cut Version နဲ့တင်ဆက်ထားတာမလို့ ဒီ Version ကိုတဖန်ပြန်ကြည့်သင့်ပါတယ်။

မော်တိုခရော့ ဆိုင်ကယ်ချန်ပီယံဟောင်းဖြစ်သလို စစ်မှုထမ်းဟောင်းဖြစ်တဲ့ Jack Dawson ဟာ သူ့မိခင်သေဆုံးပြီးနောက်မှာ သူ့ညီအရင်းကို ပြုစုစောင့်ရှောက်ဖို့ သူ့ရဲ့ဇာတိမြို့ကို ပြန်လည် ရောက်ရှိလာခဲ့ပါတယ်။ ဘဝသစ်ကိုစတင်ဖို့မျှော်လင့်ရင်း ကျောင်းနေဘက် သူငယ်ချင်းဟောင်းတစ်ယောက်ဖြစ်တဲ့ Silas ဆီကနေ ဘဝတဆစ်ချိုးပြောင်းလဲနိုင်တဲ့ အလုပ်တစ်ခုကို လက်ခံခဲ့ပါတယ်။ မြောက်ပင်လယ်မှာရှိတဲ့ လျှို့ဝှက်အထုပ်တစ်ထုပ်ကို ယူပေးဖို့ပါ။ ဒါပေမဲ့‌ Jackdaw ဟာ ဒေသခံမူးယစ်ဂိုဏ်း၊ ဒုစရိုက်သမား ဖြစ်တဲ့ Silas ရဲ့သစ္စာဖောက်ခံရပြီး Jackdaw ရဲ့ ညီဟာလည်း ပြန်ပေးဆွဲခံခဲ့ရပါတယ်။ ဒီနောက်မှာတော့ Jackdaw အတွက် အိပ်မက်ဆိုးတွေ ဝင်ရောက်လာခဲ့ပြီး အဖြစ်မှန်ကိုရှာဖွေဖို့ တိုက်ပွဲဝင် ရပါတော့တယ်။ Jackdaw တယောက် ရောဂါသည် ညီဖြစ်သူကို ရှာတွေ့နိုင်မလား။ တညတာရဲ့ကြမ်းတမ်းတဲ့ ခရီးမှာ မိတ်ဆွေဟောင်းမိတ်ဆွေဟောင်း၊ မိတ်ဆွေသစ်တွေ ရန်သူသစ်တွေနဲ့ ဘယ်လိုတွေ့ဆုံရမလဲဆိုတာကို ကြည့်ရှုခံစားရမယ့် သည်းထိတ်ရင်ဖို အက်ရှင်ဇာတ်ကား ဖြစ်ပါတယ်။ File size…2.14GB / 707MB Quality…Blu-Ray 1080p 5.1CH / 720p Format…mp4 Duration….1h 37m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by Zaw Myint

Takers (2010) လူ(၄)ယောက် အခန်းတစ်ခုထဲမှာ ဆုံကြတယ်… စကားအနည်းငယ်ပြောပြီးတာနဲ့ အသင့်ပါလာတဲ့ အနက်ရောင်ဝတ်စုံတွေလဲလိုက်ကြသလို မျက်နှာဖုံးစွပ်အနက်တွေလည်း ဝတ်ဆင်လိုက်ကြတယ်… M4A1 Carbine နဲ့ Glock စီးရီးအလိုက် လက်နက်ငယ်တွေလည်း ကိုင်ဆောင်ထားကြတယ်… သူတို့ကြည့်ရတာ အချိန်အကြာကြီးစီစဉ်ထားကြသလို အကုန်လုံးကလည်း သွေးအေးတည်ငြိမ်လွန်းနေကြတယ်… သိပ်မကြာဘူး.. လောစ့်အိန်ဂျလိစ်မြို့တွင်းက ဘဏ်တစ်ခုကို ဓားပြဝင်တိုက်ကြတယ်…. ဘယ်လောက်တောင် ရဲတင်းလွန်းသလဲဆိုတော့ ဘဏ်စာရေးမကိုတောင် ရဲစခန်းကို ဓားပြတိုက်ခံနေရကြောင်း ဖုန်းဆက်ခိုင်းလိုက်ပါသေးတယ်…. ကိုင်း ဘယ်လိုတွေဆက်ဖြစ်မလဲဆိုတာကိုတော့ ခံစားကြည့်လိုက်ပါဦး…. ဘဏ်ဓားပြတွေက ဘယ်သူတွေဖြစ်မလဲ…. LA ရဲတွေကရော အမိဖမ်းနိုင်ပါ့မလား… ဒီလောက်သွေးအေးပြီး အစီအစဉ်တကျ ဓားပြမှုကျူးလွန်နိုင်လောက်အောင် ဒီလူတွေဘယ်လောက်တော်နေလဲ… ဒီကားကတော့ ပရိသတ်တွေနဲ့ ရင်းနှီးပြီးသားဖြစ်တဲ့ Fast & Furious မင်းသား Paul Walker နဲ့ Idris Elba တို့ အဓိက ပါဝင်သရုပ်ဆောင်ထားပါတယ်…. အမိုက်စား ဘဏ်ဓားပြကားထဲက တစ်ကားအပါအဝင်ဖြစ်လို့ ခပ်လန်းလန်း စဆုံး Tempo မကျတဲ့ကားတွေမှ သဘောကျတဲ့ပရိတ်သတ်တွေအဖို့ လက်မလွှတ်သင့်ပါကြောင်း ညွှန်းဆိုပါရစေ…. File Size : 2.33GB & 880MB Quality : Blu-Ray 1080p 5.1 CH, Blu-Ray 720p Format…mp4 Duration…01:47:00 Genre : Action , Crime , Thriller Subtitle : Myanmar Subtitle (Hard Sub) Translated by Thithtoo Zaw Encoded by Tiff

ဒီရုပ်ရှင်က Thriller ရုပ်ရှင်အမျိုးအစားဖြစ်ပေမဲ့ သွေးထွက်သံယိုတွေနဲ့ ကြမ်းတမ်းနေတာမျိုးမဟုတ်ဘဲ အေးအေးလူလူနဲ့ ကျောထဲကစိမ့်လာစေတဲ့ Thriller အမျိုးအစား ဖြစ်တာမို့လို့ အဲဒီလိုရုပ်ရှင်မျိုးသဘောကျတဲ့သူတွေအတွက် လက်မလွှတ်သင့်တဲ့ရုပ်ရှင်တစ်ကား ဖြစ်ပါတယ်။ ဇာတ်လမ်းအစကိုတော့ တက်စ် မက်ကာသီဆိုတဲ့ ကိုယ်ဝန်သည် အမျိုးသမီးလေးတစ်ယောက်နဲ့ စထားပါတယ်။ သူနဲ့သူ့အမျိုးသားက ကိုယ်ပိုင်အိမ်ခြံဝန်းခပ်ကျယ်ကျယ်ကိုမှ ဈေးသက်သက်သာသာနဲ့ နေချင်တဲ့သူတို့ရဲ့အိပ်မက်အတိုင်း ဘွန်းန်ဆိုတဲ့နယ်မြို့လေးမှာနေကြပေမဲ့ အမျိုးသားဖြစ်သူက အလုပ်ကိစ္စနဲ့ ခရီးအမြဲထွက်နေရလို့ အိမ်မှာမရှိတာများပါတယ်။ အဲဒီလို အိမ်ကျယ်ကြီးမှာ တစ်ယောက်တည်းနေရတဲ့ တက်စ်က ကိုယ်ဝန်က အချင်းပါးတဲ့ပြဿနာကြောင့် မြို့ပေါ်ကို နှစ်ပတ် တစ်ခါတက်ပြီး ဆေးညွှန်းသွားယူရပါတယ်။ သွားတဲ့အခါတိုင်း အမျိုးသားဖြစ်သူက စိတ်မချဘူးဆိုတာကြောင့် ကိုယ်တိုင်ကားမမောင်းဘဲ ဘတ်စ်ကားစီးရာကနေ ဇာတ်လမ်းစတာ ဖြစ်ပါတယ်။ ဗိုက်တစ်လုံးနဲ့ ဆေးတွေထည့်ထားတဲ့အိတ်ကိုသယ်ပြီး ကားစီးတဲ့တက်စ်တစ်ယောက် ကားပေါ်မှာ ဘေးချင်းကပ်ထိုင်တဲ့ အမျိုးသမီးနဲ့ စကားပြောရင်း ခင်မင်သွားပါတယ်။ သူတို့ဆင်းရမယ့်နောက်ဆုံးဂိတ်ကိုရောက်တဲ့အခါ ဘေးနားက အမျိုးသမီးက အိပ်ပျော်နေတဲ့အတွက် သူ့ဘာသူအောက်ဆင်းပြီး ကားဗိုက်ထဲကခရီးဆောင်အိတ်ကိုယူကာ အိမ်ပြန်လာပါတော့တယ်။ ဒါပေမဲ့ အိမ်ပြန်ရောက်ပြီးမကြာခင်မှာပဲ သူ့အိမ်တံခါးကို ဘဲ လ်လာတီးလို့ ထွက်ဖွင့်ပေးတဲ့အခါမှာ သူနဲ့ကားပေါ်မှာခင်ခဲ့တဲ့ အမျိုးသမီးဖြစ်နေပါတယ်။ အဲဒီအမျိုးသမီးက သူ့ရဲ့ခရီးဆောင်အိတ်ကို တက်စ်က မှားယူ သွားတဲ့အတွက် သူ့အိတ်ကို ပြန်လာယူတာလို့ပြောပါတယ်။ သူတို့ရဲ့ ချွတ်စွပ်ဆင်တူနေတဲ့ အိတ်အမည်းနှစ်လုံးထဲမှာမှ တက်စ်ရဲ့ အမှားကြောင့် မတော်တဆမှားယူမိခဲ့တာလား… အိတ်လေးတစ်ခါမှားယူမိတာနဲ့ ဘယ်လိုပြဿနာတွေတက်လာမလဲ ဆိုတာကို ဒီရုပ်ရှင်မှာ မမြန်လွန်း မနှေးလွန်းတဲ့ ဇာတ်ရှိန်နဲ့တကွ စောင့်ကြည့်ရမှာဖြစ်ပါတယ်။ File size… (1.32GB) / (645MB ) Quality… WEB-DL 1080p HEVC / 720p Format…mkv / mp4 Duration….1h 27m Genre ….. Thriller Subtitle….Myanmar Subtitle (Hard Sub) Encoder….Min Wai Translated by Chothet_mlmt

ပေါ့​ပေါ့ပါး​ပါး ကြည့်ရှု​လို့​ရမဲ့ ဟာသ​ရုပ်ရှင်​လေး​တစ်ခု​ ဖြစ်​တဲ့ ဒီဇာတ်ကားလေးက buddy comedy အမျိုး​အစား​ဖြစ်​ပြီး​ ဇာတ်​ဝင်​ခန်း​အများ​စုကို အိုင်​ယာ​လန်​နိုင်ငံ​ ကျေး​လက်ဒေသတွေမှာ​ပဲ ရိုက်ကူး​ထားတာဖြစ်ပါတယ်။ ဇာတ်လမ်း​အကျဥ်း​ကတော့​ Ciaran နဲ့ Berry တို့​ဟာ​ တစ်ဝမ်းကွဲ​ညီအစ်ကို​တွေ​ ဖြစ်​ကြပေမဲ့ တစ်ယောက်​ကို​ တစ်ယောက်​ တစ်ခါမှ​ မမြင်ဖူးသူတွေပါ။ ဒီလို​ဖြစ်​ရတာ​က ဆယ်စုနှစ်​များစွာ​ ကြာမြင့်​ခဲ့ပြီ​ဖြစ်တဲ့ မိသားစု​တစ်​ခုတည်းက မျိုး​ဆက်​နှစ်​စုအကြား ပဋိပက္ခ​ကြောင့်​ဖြစ်​ပါတယ်။ မျိုး​ဆက်​တစ်​ခုက​ အမေရိက​မှာ​ အခြေ​ချ​ပြီး​ ကျန်​တစ်​ခုက​ အိုင်​ယာ​လန်​မှာပဲ အခြေ​စိုက်​ပါတယ်​။ ဒီလို​နဲ့​ Ciaran ရဲ့အ​ဖေ ဆန္ဒ​အတိုင်း​ နယူးယောက်​က Berry တစ်ယောက်​ အိုင်​ယာ​လန်​ကို​ ရောက်လာပါတော့တယ်။ အစပိုင်းမှာ Ciaran​ နဲ့ Berry တို့​ အချင်း​ချင်း​ အဆင်​ပြေ​ပေမဲ့​ နောက်​ပိုင်း​မှာ အမွေ​ကိစ္စ​ကြောင့် နှစ်​ယောက်​သား ခွာ​ပြဲ​သွား​ကြပြီ​ တစ်ယောက်​ကို​တစ်ယောက်​ ဒုက္ခ​ပေး​ကြပါ​တော့​တယ်​။ ဇာတ်လမ်း​အမျိုး​အစားက ပေါ့​ပေါ့ပါး​ပါး​ ဟာသ​ရုပ်ရှင်​ ဖြစ်​ပြီး​ ဇာတ်​အိမ်​ရိုး​ရှင်း​သလို​ အိုင်း​ရစ်​ရှ်နောက်ခံဂီတတွေနဲ့ အပျင်းပြေကြည့်ရှုလို့ကောင်းမဲ့ ဇာတ်​ကား​တစ်​ကား​ဖြစ်​ပါတယ်​။ File size…(1.9 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Thriller, Drama Subtitle….Myanmar Subtitle (Hardsub) Encoder….Swan Min Htet Translated by Wolfenheim

တစ်ခုသော အာရုံတက်ချိန် ဘူတာရုံမှာ ရထားစောင့်နေတဲ့ ဗာဂျယ်ဟာ ရဲတစ်‌ယောက်ရဲ့ဖမ်းတာ ခံလိုက်ရတယ်။ ဗာဂျယ်ဟာ လူမည်းပါ။ Mississippi လိုပြည်နယ်မျိုးမှာ လူမည်းတွေကိုကျွန်ပြုနေကြတုန်း တန်းတူအခွင့်ရေးတွေရသွားမှာ စိုးရိမ်နေကြတဲ့အချိန် ဗာဂျယ်ဟာ လူသတ်မှုနဲ့ ဖမ်းခေါ်သွားခံခဲ့ရတယ်။ ရဲစခန်းရောက်တော့ ဗာဂျယ်ဟာ ရဲတစ်ယောက်ဖြစ်နေရုံမက လူသတ်မှုဖော်ထုတ်ရာမှာ ကျွမ်းကျင်သူ ဖြစ်ကြောင်းပါသိလိုက်ရပြီး သူသတ်ခဲ့ပါတဲ့စွပ်စွဲခံရတဲ့သူရဲ့အမှုကို ကိုယ်တိုင်စစ်ဆေးဖို့ဖြစ်လာတယ်။ လူမည်းဖြစ်နေတာကြောင့် စော်ကားခံရမှုတွေ အသက်အန္တရာယ်ခြိမ်းခြောက်ခံရမှုတွေကြားထဲက ၂ ရက်တာအချိန်တိုလေးအတွင်းမှာ အမှုကိုဖော်ထုတ်သွားမယ့် Triller/Mystery ကားကောင်းတစ်ကားပါ။ File size…(2.3 GB)/(1.1 GB) Quality….Blu-Ray 1080p / 720p Format… mp4 Duration…. 01:50:00 Genre… Drama, Thriller, Mystery Subtitle….Myanmar Subtitle (Hardsub) Encoder….Garfield Translated by Su

Rommel (2012) **************** IMDb – 6.5/10 ဒီဇာတ်လမ်းလေးကတော့ ဂျာမန်စစ်ဗိုလ်ချုပ်ကြီး ရိုးမဲလ် ရဲ့ အကြောင်းကိုရိုက်ကူးထားတဲ့ ဖြစ်ရပ်မှန်ဇာတ်ကားဖြစ်ပါတယ် …သဲကန္တရမြေခွေးကြီးလို့လည်း အတော်များများကြားဖူးကြမယ်ထင်ပါတယ်… ဒီစစ်ကားမှာ တခြားစစ်ကားတွေထက် ပိုကောင်းတဲ့အချက်တွေကတော့ ဗိုလ်ချုပ်ကြီးရိုးမဲလ် အပါအဝင် ဂျာမန်စစ်ခေါင်းဆောင်တွေရဲ့ ဒုတိယကမ္ဘာစစ်မတိုင်ခင်အချိန် ဘယ်လိုစစ်ပြင်ဖို့ဆွေးနွေးကြပုံတွေ စစ်ဖြစ်နေတဲ့အချိန်အတောအတွင်းမှာလဲ တန်ပြန်တိုက်စစ်တွေကို ဘယ်လိုပုံဖော်ကြလဲဆိုတာတွေ အပြန်အလှန်ဆွေးနွေးကြပုံတွေကို အသေးစိတ်ရိုက်ကူးပုံဖော်ထားပါပဲ…. ဗိုလ်ချုပ်ကြီးရိုးမဲဟာ သူ့ရဲ့စစ်ခေါင်းဆောင်ကြီးဟစ်တလာရဲ့အပေါ်မှာ အလွန်သစ္စာစောင့်သိတဲ့ စစ်သားတစ်ဦးဖြစ်ပေမယ့် နောက်ပိုင်းမှာ ဟစ်တလာရဲ့ ဂျူးလူမျိုးတွေအပေါ်လူမဆန်တဲ့လုပ်ရပ်တွေကို သိသွားတဲ့အခါမှာ ဆက်ပြီးတော့ဟစ်တလာအပေါ်မှာ သစ္စာစောင့်သိဦးမှာလား… အဲဒီအချိန်မှာပဲ ဂျာမန်တွေဟာ မဟာမိတ်တို့ရဲ့ပြင်းထန်တဲ့တိုက်စစ်တွေကြောင့် အဘက်ဘက်ကစစ်ရေးရှုံးနိမ့်လို့နေခဲ့တယ်.. ရိုးမဲလ်က ဟစ်တလာကို ငြမ်းချမ်းရေးညှိနှိုင်းဖို့အကြံပြုခဲ့ပေမယ့် မအောင်မြင်ခဲ့ပါဘူး.. အဲဒီနောက်မှာတော့ ဟစ်တလာရဲ့ခေါင်းဆောင်မှုအပေါ်မှာ သဘောမကျတဲ့ ဂျာမန်စစ်ခေါင်းဆောင်အချို့ဟာ အာဏာသိမ်းဖို့အတွက်တိတ်တဆိတ်ကြံစည်လုပ်ဆောင်လာခဲ့တဲ့အခါမှာတော့… ဗိုလ်ချုပ်ကြီးရိုးမဲလ် ဘယ်လိုဆက်ပြီးလုပ်ဆောင်သွားမလဲဆိုတာကိုတော့ ဇာတ်လမ်းလေးကိုပဲ ဆက်လက်ကြည့်ရှုခံစားလိုက်ကြပါခင်ဗျ.. (အညွှန်းကို Zwel Zan Aung မှ ရေးသားထားပါတယ်) File size…3.2GB / 835MB Quality… BluRay 1080p/ 720p Format…mp4 Duration….2h 00m Genre ….. Action, Drama Subtitle….Myanmar Subtitle (Hard Sub) Translated by Zwel Zan Aung Encoded by AHtet