90 born တွေဆို ငယ်ဘဝတုန်းက လူသားတွေနဲ့ ခြင်္သေ့တွေ အသဲတယားယား ဘတပြန်ကျားတပြန် တိုက်ခိုက်ခဲ့တာကို မှတ်မိကြမယ်ထင်ပါတယ်။ ဇာတ်လမ်းအကြောင်းမပြောခင် ဒီဖြစ်ရပ်ကြီးက အပြင်လောကမှာ တကယ်ဖြစ်ခဲ့တဲ့ ဖြစ်ရပ်မှန်ဆိုတာ ပြောပြချင်ပါတယ်... ဇာတ်လမ်းကတော့ လန်ဒန်က တံတားအင်ဂျင်နီယာ ကယ်နယ်တစ်ယောက်ကို အာဖရိကတိုက် ဆာဗိုဆိုတဲ့နေရာမှာ ငါးလအတွင်း တံတားတစ်ခု အပြီးဆောက်ခိုင်းတာပါ။ ဒါပေမဲ့ ကာနယ်ရောက်သွားတဲ့အချိန်မှာ အခက်အခဲပေါင်းစုံ ကြုံတွေ့ရပါတော့တယ် အလုပ်သမားအချင်းချင်း မတည့်တာမျိုး ဆေးရုံကောင်းကောင်းမရှိတာမျိုး စသဖြင့်ပေါ့၊ ဒါပေမဲ့ တကယ်ပြဿနာကြီးကတော့ ခြင်္သေ့တွေ လူလာလာဆွဲတဲ့ကိစ္စပါ။ ပထမပိုင်းတော့ ကာနယ်တစ်ယောက် အပင်ပေါ်ကနေ တစ်ကောင်သတ်ပေးလိုက်တော့ အလုပ်သမားတွေလည်း ပျော်ရွှင်၊ သူလည်း သူရဲကောင်းဖြစ် တံတားထိုးတာလည်း အဆင်ပြေပြေနဲ့ပေါ့၊ နောက်ပိုင်းကျတော့ ခြင်္သေ့တွေက ပိုအတင့်ရဲလာ လူတွေပိုသတ်လာပြီး တံတားလည်းမဆောက်နိုင် ခြင်္သေ့လည်းမသတ်နိုင်နဲ့ ဒုက္ခတွေရောက်လာတဲ့အချိန် အာဖရိကလူမျိုးစုတွေနဲ့အတူ အမဲလိုက်တတ်တဲ့ နာမည်ကျော်မုဆိုးတစ်ယောက် ရောက်ရှိလာခဲ့ပါတော့တယ်။ အဲဒီမှာ ဆိုးသွမ်းနေတဲ့ခြင်္သေ့တွေကို နှစ်ယောက်သား အောင်မြင်စွာသတ်နိုင်ပြီး ကိုယ်စီအိပ်မက်တွေ ပြည့်ဝကြမလားဆိုတာတော့ ဆက်လက်ရှုစားရမှာပါ...။ မင်းသားနှစ်ပါးကတော့ Top Gun မှာ Iceman အဖြစ်လူသိကြမယ့် Val Kilmer ကြီးရယ် Basic Instinct တို့မှာလည်း ပါဝင်ဖူးတဲ့ မင်းသားကြီး Michael Douglas တို့ အပြိုင်ကြမ်းထားကြတာပါ။ ကျွန်တော်ကတော့ ဒီကားကြည့်နေရင်း မြန်မာစကားပုံဖြစ်တဲ့ "ကုလားသိုက် ကျားဝင်ကိုက်" ဆိုတာကို ပြေးတောင်မြင်မိသေးတယ်ဗျာ...။ File size…(3.7GB)  / (1.5GB) / (1.0B) Quality…. Web 1080P / 720p / 480p Format…mp4 Duration….01:50:00 Genre...Adventure / Drama / Thriller Subtitle….Myanmar Subtitle (Hardsub) Encoder….Mr. Anderson Translated by Thura Aung

Korameenu(2022) IMDb-8.5/10 ဒီတစ်ခါတော့ အောင်မြင်တဲ့ဇာတ်လမ်းပေါင်းများစွာကိုကိုယ်တိုင်ရေး ကိုယ်တိုင်ရိုက်ကိုယ်တိုင်သရုပ်ဆောင်လေ့ရှိတဲ့ မင်းသားကြီး Anad Ravi ရဲ့ ကားလေးအလှည့်ပါ သူကိုယ်တိုင်ရေးထားတဲ့ဒီကားထဲမှာတော့ ကောင်မလေးတစ်ယောက်ကို နှစ်ရှည်လများသဘောကျနေတဲ့ ကိုတီဆိုတဲ့လူရိုးကြီးအဖြစ်သရုပ်ဆောင်ထားပါတယ် မီနာရှီရ်လို့ ခေါ်တဲ့အမျိုးသမီးကို အဲ့မြို့ကနိုင်ငံရေးစီးပွားရေးအားလုံးကို လက်ဝါးကြီးအုပ်ထားတဲ့ ကာရူနာနဲ့ သူ့လက်အောက်က ကိုတီတို့ နှစ်ယောက်အပြိုင်ကြိုက်မိတဲ့အခါမှာ ဇာတ်လမ်းလေးက ရှင်းမလိုနဲ့ အဆုံးထိကို ဆွဲခေါ်သွားမှာပါ ကိုယ့်ထက်အင်အားအဆမတန်ကြီးမားတဲ့ ရန်သူကို ဘယ်လိုတိုက်ခိုက်မလဲဆိုတာ ဇာတ်လမ်းဇာတ်ကွက်ကောင်းကောင်း မြှပ်ကွက်များစွာနဲ့ တင်ဆက်ပြထားတာမို့ မလွတ်တမ်းကြည့်ရှုကြဖို့ တင်ဆက်ပေးလိုက်ပါရစေ File size…1.7GB / 837MB Quality…1080p HQ HDRIP / 720p Format…mp4 Duration….2h 4m Subtitle….Myanmar Subtitle (Hard Sub) Encoder….YK Translated by BpL ~ Cherry ~ Sai ThuRein

ဆရာ ဆရာ့ကြီးတွေ ကျော်သွားပေးပါ။ ပညာသင်ဆဲ ညီကိုတွေကတော့ တန်းစီပေးပါ။ ဒီဇာတ်ကားကို အညွှန်းမရေးခင် Found Footage film ဆိုတာ ဘာလဲလို့ မိတ်ဆက်ပေးချင်ပါတယ်။ အတိုချုံ့ပြီး အကြမ်းဖျင်းဘာသာပြန်လိုက်ရရင် အပျော်တမ်းရိုက်တဲ့ မှတ်တမ်းရုပ်ရှင်ပေါ့။ လက်ကိုင်ကင်မရာတွေ ၊ CCTV ကင်မရာက ဗွီဒီယိုမှတ်တမ်းတွေကို ရုပ်ရှင်တစ်ခုအောင်ဖန်တီးထားတဲ့ ဇာတ်ကားတစ်ကားဆိုလည်း မမှားပါဘူး။ ဘာလို့ ဒီအကြောင်းကိုမိတ်ဆက်ပေးနေရသလဲဆိုတော့ ဒီလိုရုပ်ရှင်အမျိုးအစားတွေ ခေတ်စားလာတာနဲ့အမျှ ကြည့်ရှုသူတွေရဲ့အမြင်တွေလည်း နှစ်ခြမ်းကွဲလွဲလာလို့ပါပဲ။ တချို့ကတော့ ဒီရုပ်ရှင်တွေက အချိန်ဖြုန်းတာပဲလို့ မြင်ကြတယ်။ တချို့ကတော့ ဇာတ်လမ်းဇာတ်ညွှန်းကောင်းဖို့သာ အဓိကပဲမို့ သဘောကျတဲ့သူတွေလည်း အများကြီးရှိကြတယ်။ ဆိုတော့ အကြံပြုရရင် ဒီလိုမှတ်တမ်းရိုက်ချက်ရုပ်ရှင်နဲ့ မရင်းနှီးသေးတဲ့လူတွေက စစကြည့်ချင်းမှာ နဝေတိမ်တောင်ဖြစ်နေနိုင်ပါတယ်။ ဇာတ်လမ်းအညွှန်းကတော့ David Bush ဆိုတဲ့ အဓိကဇာတ်ကောင်တစ်ယောက်ဟာ ဒီနေ့ခေတ်မှာ လူတွေဟာ ရည်းစားသနာရဖို့ ၊ အိပ်ဖော်အိပ်ဖက်ရဖို့အတွက် လိမ်လည်နေကြတဲ့ အတုအယောင်တွေကို ဖော်ထုတ် ရိုက်ကူးတင်ပြချင်ခဲ့သူဖြစ်ပါတယ်။ သို့သော်.. ကိုယ်တိုင်ရိုက်ကူးဖို့ ကြိုးစားခဲ့ပေမဲ့လည်း စော်ငြင်းကောင်ဖြစ်နေခဲ့တာကြောင့် မြာပွေသူ သူငယ်ချင်းဖြစ်သူကို မင်းသားလုပ်ပေးဖို့ရာ အကူအညီတောင်းဖို့ ဖြစ်လာခဲ့ပါတယ်။ ထိုသူငယ်ချင်းဆီကနေပဲ သင်ခန်းစာတွေကိုလည်း အများကြီးရခဲ့ပါတယ်။ သူငယ်ချင်းဖြစ်သူ ဂျော့ရှ်ရဲ့အဆိုအရ မိန်းကလေးတွေရဲ့ dating app က ပရိုဖိုင်မှာ 'မိသားစုသာ အရေးကြီးဆုံးပါ' လို့ ရေးထားရင် အဲဒီအဓိပ္ပာယ်က သူ့မှာ ကလေးရှိနေတာပါ တဲ့..။ ပရိုဖိုင်မှာ 'တွယ်ငြိရာသာ ဆုံးရှုံးမှာ' လို့ ရေးထားရင်ရော ဘာအဓိပ္ပာယ်ဖြစ်မလဲဆိုတာတော့ သိချင်သားပဲ။ မှတ်တမ်းရိုက်ချက်တွေရဲ့ ထုံးစံအတိုင်း ကင်မရာတွေက သိပ်မငြိမ်လှဘဲ ရှုပ်ထွေးနေတယ်။ ဒါပေမဲ့ ဇာတ်ကြောင်းကတော့ သိပ်မဆိုးလှဘူးလို့ ပြောရမယ်။ Plot-twist ကိုလည်း ၂ ခါထည့်ထားပြီးတော့ အဆုံးသတ်မှာ ထဆဲမိအောင်လည်း လုပ်ထားသေးတယ်။ ဒီတော့ ကြည့်ရှုရမှာက ရသတော့ စုံပါတယ်။ ဒါကို ကြည့်နေရင်းနဲ့ ဘယ်လိုတွေးမိလဲဆိုတော့ လက်ဖက်ရည်ဆိုင်မှာ အာပေါင်အာရင်းသန်သန် သင်ခန်းစာပို့ချနေတဲ့ စားဘဲကြီးကို မြင်နေရသလို ခံစားရတယ်။ ပြီးတော့ လူတွေမှာရှိတတ်ကြတဲ့ အငုံစိတ်တွေကိုလည်း သာသာနဲ့နာနာ နှက်ထားသေးတယ်။ ချပြချင်စိတ်တွေများနေပြီး plot-twist ကိုသာ နှစ်ခါမထည့်ထားရင် အတော်လေး အဆင်ပြေမယ့်ရုပ်ရှင်ပဲလို့ ထင်မိတယ်။ ဒီလိုအမျိုးအစားနဲ့ရုပ်ရှင်မျိုးဆိုတော့ လူတွေအားလုံး ကြိုက်ပါ့မယ်လို့ အာမတော့မခံနိုင်ဘူး။ သဘောကျတဲ့သူရော သဘောမကျတဲ့သူတွေရော ရှိနိုင်မယ်ဆိုပေမဲ့လည်း သေချာတာကတော့ ဒီလို Found footage film တွေ ခေတ်စားလာဦးမှာပဲ။ ဒီတော့ မြည်းစမ်းကြည့်တဲ့သဘောနဲ့ပဲဖြစ်ဖြစ် ကြည့်ထားကြည့်ဖို့ CM မှ တင်ဆက်ပေးလိုက်ရပါတယ်။ P.S နောက်ဆုံးအခန်း မကြည့်ပါနဲ့။ File size…(1.81GB)  / (`1005MB) / (645MB) Quality…. Web 1080P / 720p / 480p Format…mp4 Duration….01:32:00 Genre...  Drama Subtitle….Myanmar Subtitle (Hardsub) Encoder….Mr. Anderson Translated by Shin Man Htet Myat

Death Count ( 2022) Saw ပရိသတ်တွေ ကြည့်ကိုကြည့်သင့်တဲ့ ရုပ်ရှင်အသစ်ပါပဲ။ Saw franchiseမှာ Mark Hoffmanအဖြစ်သရုပ်ဆောင်ခဲ့တဲ့ Costas Mandylorကလည်း ဒီ Sawဆန်ဆန်ကားမှာ ကစားပွဲလုပ်တဲ့လူအဖြစ် သရုပ်ဆောင်ထားပါတယ်။ ဒီထဲမှာလည်း Sawဆန်ဆန် အပြစ်လုပ်ထားတဲ့လူတွေကိုဖမ်းပြီး ကိုယ့်ခန္ဓာကိုယ်ကို ပြင်းပြင်းထန်ထန် ထိခိုက်အောင် တစ်ခုခုမလုပ်ရင် သတ်ပစ်တဲ့ Warden ခေါ် ထောင်စောင့်အဖြစ် ပြောင်ပြောင်မြောက်မြောက် သရုပ်ဆောင်ထားပါတယ်။ Sawလိုကားမျိုးကြည့်ချင်တာဖြစ်ဖြစ် Sawအလွမ်းပြေ ကြည့်ချင်တာဖြစ်ဖြစ် ကြည့်ကို ကြည့်သင့်တဲ့ ရုပ်ရှင်ပါပဲ။ Sawလိုကားမျိုးတွေ ကြည့်ရဲတဲ့သူပဲ ကြည့်သင့်တဲ့ရုပ်ရှင်ပါပဲ။ Sawလောက်နီးနီး ကြမ်းတဲ့ သတ်ခန်းဖြတ်ခန်းတွေကို ဆက်တိုက်ကိုပြနေတာမို့ ကြောက်တတ်ရင်တော့ မကြည့်ကြစေချင်ပါဘူး။ Survival Horrorတွေ Slasherကားတွေ ကြိုက်ပြီး Sawပရိသတ်လည်း ဟုတ်တယ်ဆိုရင်တော့ ကြည့်ကောင်းမယ့် ရုပ်ရှင်အသစ်ပါပဲ။ ဒီလိုကားမျိုးတွေက ထွက်ခဲလှတာမို့ ရှားရှားပါးပါးကြည့်ရမှာလည်း ဖြစ်တဲ့အပြင် Sawထဲက Actorကပါ ပါတာမို့ Sawအရသာနဲ့ ခပ်ဆင်ဆင်လည်း ရကြမှာပါ။ File Size__(1.9GB) / (900MB) Quality__WEB-DL_1080p, 720p IMDb Rating__5/10 Format__mp4 Duration__01:21:00 Type__Horror , Thriller Subtitle__Myanmar Subtitle (Hardsub) Translated by — Encoded by Naing Aung Latt

“ကျဲ” တောင်တန်းဆီက သေရာကနေ ပြန်လည်ရှင်သန်နိုင်တယ်ဆိုတဲ့ ပယင်းကျောက်စိမ်းတုံးရဲ့ထူးဆန်းဖွယ် ဒဏ္ဍာရီလာ ဇာတ်လမ်းတစ်ပုဒ် …! ကျဲ တောင်လို့ အမည်ရတဲ့ တောင်​ခြေမှာ ချန်ရှို့ဆိုတဲ့ ရွာငယ်လေး တစ်ရွာက တည်ရှိလို့နေခဲ့ပါတယ် ။ အဲဒီရွာငယ်လေးဟာ အမဲလိုက်ခြင်းကို အားပြုပြီး အသက်မွေးဝမ်းကြောင်းပြုရတဲ့ ရွာငယ်လေးပါ ။ သူတို့နဲ့ အနီးအနားမှာရှိတဲ့ ကျဲ တောင်ကို ဝင်ရောက်သွားကြတဲ့ သူတိုင်းဟာလဲ တစ်ယောက်မှ အသက်ရှင်လျှက်ပြန်မလာနိုင်ခဲ့ကြပါဘူး ။ ဒါကို စုံစမ်း သိရှိလိုတဲ့ ထျန်းရှီး လို့ခေါ်တဲ့ လူငယ်လေးဟာ ရွာသူကြီးရဲ့ အမိန့်ကို အာခံပြီး ကျဲ တောင်ဆီ ရွာသားတစ်ချို့နဲ့ သွားရောက်ခဲ့ပါတယ် ။ ဒါပေမဲ့လဲ ထျန်းရှီး အပါအဝင် ရွာသားတစ်ချို့ဟာ သေဆုံးလျှက်ပဲ ပြန်လည်ရောက်ရှိခဲ့ပါတယ် ။ တစ်ဆက်ထဲမှာပဲ ထူးဆန်းတဲ့ အဖြစ်အပျက်က ဖြစ်ပေါ်ခဲ့လေတော့တယ် အဲ့တာကတော့ ထျန်းရှီးဟာ ပြန်လည်ရှင်သန်လာချင်းပါပဲ ။ ဒီလိုနဲ့ ထျန်းရှီးဟာ သူ့ရဲ့ သေဆုံးသွားကြတဲ့ ရွာသူရွာသားတွေအတွက် “ပယင်းကျောက်စိမ်းတုံး” ကို ပြန်လည်ရှာဖွေဖို့ သခင်ကြီးဝူ ဆိုသူတို့နဲ့ ကျဲတောင်ဆီ ပြန်လည်ခရီးဆက်တဲ့အခါမှာ….? ❏ “ပယင်းကျောက်စိမ်းတုံး”ကို ရှာဖွေတွေ့ရှိပြီး ရွာသူရွာသားတွေကို ကယ်တင်ပေးနိုင်ပါ့မလား ? ❏ သူကရော “ပယင်းကျောက်စိမ်းတုံး” မရှိပဲ သေရာကနေ ဘာဖြစ်လို့ ပြန်ရှင်လာခဲ့တာလဲ ? ဒီကိစ္စဟာ သူနဲ့ရော ဘာတွေဆက်စပ်မှုများ ရှိနေမှာလဲ ? ❏ ဒီကြောက်မက်မယ်ကောင်းတဲ့ ကျဲ တောင်ထဲမှာရော ဘယ်လိုအရာတွေကသူတို့ကို စောင့်ကြိုနေမလဲဆိုတာ ? စိတ်လှူပ်ရှားစွာနဲ့ ဒီကားလေးကို ကြည့်ရှုလိုက်ရအောင်ပါ ။

The Free World (2016) ================= IMDb Rating – 6.1/10 ၁၅ နှစ်သားကတည်းက ထောင်ထဲကို ဝင်သွားရတဲ့ ကောင်လေးတစ်ယောက်ရှိသတဲ့။ ဟင့်အင်း၊ သူဘာမှမလုပ်ခဲ့ဘူး။ သူအမြဲပြောတတ်တဲ့စကားတစ်ခွန်းရှိတယ်။ ကျွန်တော် လက်ဖျားနဲ့တောင် မတို့ခဲ့ပါဘူးတဲ့။ ဒါပေမဲ့ဗျာ၊ လူ့ယဉ်ကျေးတို့ အသိုင်းအဝိုင်းက တရား ဥပဒေ ဘက်တော်သားပါဆိုတဲ့ အဖွဲ့လိုက်ကြီးက သူ့ကို သံတိုင်တွေနောက်ပို့ခဲ့တယ်။ ဒီကောင်လေးက တီဗီမင်းသားပေါ့လေ။ မသိတဲ့သူမရှိ။ ရဲတပ်ဖွဲ့ဝင်ဆိုတဲ့အကောင်တွေတိုင်း သူ့ကိုမြင်ရင် သင်္ကာမကင်းဖြစ်၊ အနိုင်သွားကျင့်ချင်တဲ့ ‌ခွေးစိတ်တွေပေါက်လာကြရော။ သူ့ကိုစွပ်စွဲခဲ့တဲ့အမှုက ကြီးကျယ်လွန်းတော့ မှုခင်းတီ‌ဗီမှာ မသိသူမရှိတဲ့ကောင်လေး။ ဒီတော့ ကြက်သီးထလောက်စရာ ပြစ်မှုကြီးရဲ့တရားခံက တရားဥပဒေဘက်တော်သားပါဆိုတဲ့ကောင် တွေအပေါ် ငါးသလောက်ပြုံး ပြုံးနေတဲ့အချိန် ဒီလူငယ်လေးက လေးဘက်လေးတန် သံတိုင် တွေကြားမှာ။ ထောင်ထဲမှာ အနိုင်ကျင့်ရမ်းကားမှုတွေကြား ဒီလူငယ်လေး ကြမ်းတမ်းလာတယ်။ လူဆိုးရင့်မာ ကြီးတွေကိုယ်တိုင် လက်ရှောင်ရတဲ့ ဖိုက်တာအကြမ်းစားကြီး။ အခန်းဖော်ကို ပြဿနာရှာလို့ မျက်လုံးတစ်ဖက် ဖောက်ထုတ်ပစ်လိုက်တာ သူ့ကို ဒဏ္ဍာရီမှာ မျက်လုံးတစ်လုံးပဲရှိတဲ့သတ္တဝါ ရဲ့ အမည်ဝိုင်းပေးလိုက်ကြတယ်။ ဆိုက်ကလော့ပ်ကြီးတဲ့။ တစ်ခါကလည်း သူ့အတွက် ထောင်ထမင်းကို တမင်ညစ်ပြီး မကျွေးတဲ့ထောင်စောင့်တစ်ယောက်ကို ခေါင်းရိုက်ခွဲလိုက်တာ နှစ်လလောက် ကိုးမားဝင်သွားသတဲ့။ သေရာပါ ဦးနှောက်ဒဏ်ရာပေါ့။ ဒီလို လူကြမ်းလေး။ ဒီလိုလူဆိုးလေး။ သူ့ကို ထောင်တွင်းက အစ္စလမ်အုပ်စုက ဖျောင်းဖျတရားပြပြီး ယဉ် ကျေးစေခဲ့တယ်။ အလ္လာအရှင်ထံမှောက် မာန်ချအရှုံးပေးတတ်အောင် သင်ပြခဲ့တယ်။ သူ ခရစ်ယာန်ဘာသာကို မရွေးချယ်ခဲ့တဲ့အကြောင်း သူရှင်းပြသေးသဗျ။ ခရစ်ယာန်တွေက သူ့ကို အပြစ် ဝန်ခံခိုင်းသတဲ့။ သူက အပြစ်မရှိတဲ့သူဆိုတော့ ဝန်ခံစရာမရှိလို့ သူ့ကိုမေးခွန်းတွေမမေးတဲ့ အစ္စလမ်တွေ ဘက်ကို သူရောက်သွားတယ်ပေါ့လေ။ ထားပါ။ (ဇာတ်ကားထဲကအတိုင်းထည့်ရေးထားတာပါ) ဒီကောင်လေးကို အပြစ်မရှိပါဘူးလို့ နှစ်ပေါင်းများစွာကြာပြီးမှ ထောင်ကလွှတ်လိုက်တယ်။ သူ့ကိုကြင်နာတဲ့ ခွေးဂေဟာက ပိုင်ရှင်ရဲ့ အလုပ်ပေးမှုနဲ့ ထမင်းနပ်မှန်နေခဲ့တယ်။ ဒီလိုအေးချမ်းနေတဲ့ သူ့ဘဝထဲကို အမျိုး သမီးတစ်ယောက် ကဗျာမဆန် ဆိုင်းမဆင့်ဗုံမဆင့် ဝင်ရောက်လာချိန်မှာတော့။ ဆိုက်ကလော့ပ်ကြီးရဲ့ နှလုံး သားတောင့်တစ်နေရာက ထွက်လာတဲ့ အချစ်မေတ္တာတွေကို ဖော်ကျူးထားတဲ့ ဒရမ်မာဇာတ်လမ်းတစ်ပုဒ်ပါ။ ကြည့်ရှုခံစားလိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Arr Khun Winchester ဖြစ်ပါတယ်) File Size……….(1.5 GB) / (608 MB) Quality…………WEB-DL 1080p / 720p Duration……..1Hr 40Min Subtitle………..Myanmar Hardsub Format…………MP4 Genre…………..Drama, Romance Translator……Arr Khun Winchester Encoder……….SWM

ဒီကားလေးကတော့ Survival ကားမျိုးလေးပါ ဒါပေမဲ့ သူတို့ရင်ဆိုင်ရမှာက ဒီကမ္ဘာပေါ်က သားရဲတွေ ဇွန်ဘီတွေမဟုတ်ဘဲ အဲ့တာတွေထပ်ပိုဆိုးတဲ့ အခြားကမ္ဘာက ဂြိုဟ်ကောင်တွေနဲ့ရင်ဆိုင်တိုက်ခိုက်ရမှာဖြစ်လို့ ပိုပြီး စိတ်လှုပ်ရှားစရာကောင်းပါတယ် ဇာတ်လမ်းလေးကတော့ ဂျယ်ရော့ဒ်နဲ့အယ်လိန်းတို့ချစ်သူနှစ်ဦးဟာ ဂျယ်ရော့ဒ်ရဲ့သူငယ်ချင်းဖြစ်သူ တယ်ရီရဲ့မွေးနေ့ပွဲကိုတက်ရောက်ဖို့ ကယ်လီဖိုးနီးယားပြည်နယ်ကိုလာခဲ့ကြပါတယ် ကံဆိုးစွာနဲ့ပဲ အဲ့ညမှာ ထူးဆန်းတဲ့အလင်းတွေကြောင့် ဂျယ်ရော့ဒ်တို့နိုးသွားကြပြီး ထကြည့်ကြတဲ့အခါ အဲ့အလင်းကိုမြင်တဲ့သူတွေတိုင်းဟာ စိတ်လွတ်ပြီး အဲ့အလင်းထုတ်တဲ့သတ္တဝါကြီးတွေရဲ့ထိန်းချုပ်မှုကိုခံလိုက်ရတယ်ဆိုတာ သိလိုက်ကြတယ် ထိုအလင်းကြီးကိုမမြင်မိဖို့ ပြတင်းပေါက်တွေကို အိပ်ရာခင်းတွေနဲ့ကာကြရတယ် အပြင်ကိုလည်းထွက်လို့မရဘဲ အဲ့တိုက်မှာပဲ ဂျယ်ရော့ဒ်တို့လူတစ်စုပိတ်မိနေတော့တယ် နောက်တော့ ပိုဆိုးလာပြီး အဲ့ဂြိုဟ်သားတွေဟာ ပြတင်းပေါက်တွေကိုပါဖွင့်ပြီးဝင်လာကြတဲ့အခါ သူတို့ဘယ်လိုလွတ်မြောက်အောင်ကြိုးစားရမလဲဆိုတာ စိတ်လှုပ်ရှားစရာကြည့်ရှုရမှာဖြစ်ပါတယ် File size…(1.5 GB)/(840 MB) Quality….Webrip 1080p / 720p Format…mp4 Duration….01:32:00 Genre…Action, Adventure, Thriller, Science Fiction Subtitle….Myanmar Subtitle (Hardsub) Encoder….Mr. Anderson Translated by Ruby Jane

A Radiant Girl (2021) ================ IMDb rating – 6.1/10 ဒီဇာတ်ကားလေးကတော့ 1942 မှာဂျူးလူမျိုးတွေကိုဖိနှိပ်ချုပ်ချယ် ခဲ့တဲ့ အမှောင်ခတ်ကာလအကြောင်းကို drama လေးရောနှောပြီး ရိုက်ကူးတင်ဆက်ပြသထားတဲ့ဇာတ်လမ်းလေးပဲဖြစ်ပါတယ်။ ဇာတ်လမ်းရဲ့အကျဉ်းချုပ်ကတော့… 1942 ခုနှစ်ပဲရစ်မြို့ နွေရာသီလေးမှာ Jewish French လူမျိုးဖြစ်တဲ့ အသက် ၁၉ နှစ်အရွယ် အီရင်းဆိုတဲ့မိန်းကလေးတစ်ယောက်က ဘဝ မှာရည်မှန်းချက်တွေအပြည့်နဲ့ သရုပ်ဆောင်ကောင်းတစ်ယောက်ဖြစ် ချင်တဲ့ အိပ်မက်လေးနဲ့ ဘဝကိုကြိုးစားရှင်သန်နေပါတယ်။ သူ့ဘဝ အတွက် အချစ်ဆိုတဲ့အရာကိုစူးစမ်းလေ့လာနေပြီး ဘဝမှာပထမဆုံး သောအရာတွေကို လက်တည့်စမ်းကြည့်ရင်းနဲ့ပေါ့။ တစ်နေ့မှာတော့ သူ့ရဲ့မိသားစုမှာအမှောင်ရိပ်တစ်ခုလွှမ်းမိုးလာပါတယ်။ သူ့ရဲ့တက်ကြွနေတဲ့စိတ်ဓာတ်လေးကို ဘယ်အရာတွေက ဘယ်လိုရိုက် ချိုးပစ်လိုက်မလဲဆိုတာကို ဒီဇာတ်လမ်းထဲမှာစိတ်ဝင်စားဖွယ်ကြည့်ရှူ ခံစားပေးကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ June ဖြစ်ပါတယ်) File Size……….(1.24 GB) / (475 MB) Quality…………WEB-DL 1080p / 720p Duration………1Hr 38Min Subtitle………..Myanmar Hardsub Format…………MP4 Genre…………..Drama, History Translator…….June Encoder……….SWM

Fifi (2022) ========= IMDb Rating – 6.7/10 ပြင်သစ်ကားတွေထုံးစံအတိုင်း ခပ်မျောမျောလေး ခံစားကြည့်ရှုရမယ့် အချစ်ဇာတ်လမ်းလေးတစ်ပုဒ်နဲ့ မိတ်ဆက်ပေးချင်ပါတယ်။ ဇာတ်လမ်းအကျဉ်းကတော့ ဖီဖီဟာ ကလေးတွေတရုန်းရုန်းနဲ့ အမြဲဆူညံပြီး ပြဿနာတွေများနေတဲ့ မိသားစုတစ်စုမှာ နေရသူလေးပါ။ တစ်နေ့တော့ ချမ်းသာတဲ့ သူငယ်ချင်းမတစ်ယောက်ရဲ့အိမ်ကို လူတွေမရှိချိန် ခိုး၀င်ပြီး သူတစ်ယောက်တည်း စိတ်အေးလက်အေးနေလို့ရမယ့်နေရာအဖြစ် စိတ် ထွက်ပေါက်ရှာခဲ့ပါတယ်။ ဖြစ်ချင်တော့ သူ့သူငယ်ချင်းမရဲ့အစ်ကိုကလည်း နွေရာသီအားလပ်ရက် အိမ်ပြန်ရောက်လာပါတယ်။ ဒီလိုနဲ့အိမ်ထဲမှာ သူတို့ နှစ်ဦး မထင်မှတ်ဘဲ ဆုံမိကြတဲ့အခါ။ ပြင်သစ်အရှေ့ပိုင်း နန်စီဆိုတဲ့မြို့လေးက နွေရာသီကာလကို နောက်ခံထားတဲ့ ဆယ်ကျော်သက်ကောင်မလေးတစ်ယောက်ရဲ့ ဖူးသစ်စအချစ်ဇာတ်လမ်း ရိုးရိုးလေးပါပဲ။ ဒီဇာတ်လမ်းရိုးရိုးလေးကပဲ ကြည့်ကောင်းနေပြန်တာမို့ လူငယ် အချစ်ဇာတ်လမ်းတွေကြိုက်တတ်သူတွေအတွက် တင်ဆက်ပေးလိုက်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ C’mon ဖြစ်ပါတယ်) File Size……….(1.9 GB) / (796 MB) Quality…………WEB-DL 1080p / 720p Duration………1Hr 49Min Subtitle………..Myanmar Hardsub Format…………MP4 Genre…………..Comedy, Romance Translator…….C’mon Encoder……….SWM

ဆန်းဆန်းပြားပြား သဘာဝလွန်ဇာတ်ကားကြိုက်သူတို့အတွက် ဇာတ်ကားကောင်းလေးတစ်ကားကို ဘာသာပြန်တင်ဆက်ပေးလိုက်ပါတယ်… လူသားလောကကို ကိုယ့်အသက်တစ်ချောင်းစတေးလိုက်လို့ ကယ်တင်လို့ရရင် ကယ်တင်မှာလား… ကိုယ့်အသက်ကို စတေးရမယ်ဆို လူတိုင်း တွံ့ဆုတ်သွားမှာပါပဲ… ဒါပေမယ့် တကယ်လို့ ကပ်ဆိုးကြီးရဲ့ အစက ကိုယ်ကိုယ်တိုင်ဆိုရင်ရော လူသားလောကကို ပစ်ထားနိုင်ဦးမှာလား… ဒီဇာတ်လမ်းထဲက ယုံဖန်းကတော့ လူသားလောကကို ရှင်းထုတ်ဖို့ မိစ္ဆာလောကအသစ်ကို တည်ဆောက်ဖို့အတွက် ဖန်တီးခဲ့တဲ့ ဟွမ်ဖန်းကြယ်စွမ်းအားကို လက်ခံရရှိထားတဲ့ သူထဲက တစ်ယောက်ပေါ့… ဒါကြောင့်လည်း မိစ္ဆာလောကအသစ်ကို တည်ဆောက်ဖို့အတွက် သူ့ကို အဖွဲ့အားလုံးက လိုက်ရှာနေလို့ ဘဝတစ်လျှောက် လူ့မိစ္ဆာ လူထူးဆန်းအနေနဲ့ ထွက်ပြေးနေခဲ့ရသူတစ်ယောက်ပေါ့… ဒီတော့ ယုံဖန်းအနေနဲ့တော့ လူသားတွေအပေါ် မေတ္တာမရှိသလို မိစ္ဆာတွေကိုလည်း ကူညီဖို့ ဆန္ဒမရှိဘူးပေါ့… ဆိုတော့ တွေဝေနေတဲ့ ယုံဖန်းတစ်ယောက် ဘယ်လိုရွေးချယ်မှာလဲ… လူသားတွေကြောက်နေတဲ့ မိစ္ဆာဆိုတာ တကယ်ပဲ ကြောက်စရာကောင်းတာလား… ဇာတ်ကားလေးက စိတ်ဝင်စားစရာ အဖြေတစ်ခုပေးမှာမို့ ကြည့်ဖြစ်အောင် ကြည့်လိုက်ကြပါဦး….

ကျွန်တော်တို့ အခုခေတ်လူလတ်ပိုင်းတွေ ငယ်ဘ၀က မစိမ်းခဲ့တဲ့ နာမည်ကြီး တရုတ်မင်းသားမင်းသမီးတွေကို ပြန်လည်မြင်တွေ့ခံစားရဖို့ အဟောင်းထဲက အကောင်းလေးတစ်ကားကို တင်ဆက်ပေးလိုက်ပါတယ်။ ဟိုးရှေးရှေး တရုတ်ပြည်ကြီးမှာ ဟွာမျိုးရိုး ရင်းဟုန်တစ်ယောက် ကြီးမြတ်တဲ့သိုင်းဆရာကြီးထံမှာ တပည့်အဖြစ်ခံယူဖို့ ဖြတ်ကျော်အောင်မြင်လာပြီး ပြန်လာတဲ့အချိန်မှာ မိဘတွေကို မျက်နှာဖြူလူမျိုးတွေ သတ်ဖြတ်တာခံလိုက်ရပါတယ်။ သွေးကြွေးဆပ်ဖို့အတွက် မျက်နှာဖြူလူမျိုးတွေနဲ့ သစ္စာဖောက်လောက်ကောင်တရုတ်တွေ အောင်ပွဲခံပါတီပေးနေတဲ့ဆီကိုရောက်လာပြီး မိဘတွေကိုသတ်ဖြတ်သွားတဲ့ မျက်နှာဖြူလူမျိုးကို သတ်ဖြတ်ခဲ့ပါတယ်။ အပြစ်ပေးခံရမှာစိုးတဲ့အတွက် ချစ်သူကိုပစ်ပြီး အမေရိကကို သင်္ဘောတစ်စီးနဲ့ ခရီးကြမ်းနှင်လာခဲ့တယ်။ နှစ်တွေကြာမြင့်လို့ ချစ်ရသူဆီကနေ ပေါက်ဖွားလာတဲ့ သားဖြစ်သူ အရွယ်ရောက်ချိန်မှာ ပျောက်ဆုံးသွားခဲ့တဲ့ အဖေဖြစ်သူကိုရှာဖို့ အမေရိကကို ဦးလေးဖြစ်သူနဲ့ ရှာပုံတော်ခရီးစပါတော့တယ်။ သားအဖတွေ ပြန်လည်တွေ့ဆုံနိုင်မှာလားဆိုတာကိုတော့ ဒီခေတ်ဟောင်းရုပ်ရှင်လေးထဲမှာ ရှုစားကြပါဦး။ (အညွှန်းနဲ့ ဘာသာပြန်ကတော့ Pyae Phyoဖြစ်ပါတယ်) File size…(3.0 GB)/(1.4 GB) Quality….Webrip 1080p / 720p Format…mp4 Duration….01:58:00 Genre…Drama, Action, Adventure Subtitle….Myanmar Subtitle (Hardsub) Encoder….Mr. Anderson Translated by Pyae Phyo

ထွက်သွားတဲ့သူနဲ့ ကျန်ရစ်ခဲ့သူ ဘယ်သူပိုနာကျင်ရလဲ။ သွားလေသူကတော့ မသိနိုင်တော့ပေမဲ့ ကျန်ရစ်သူတွေရဲ့ ဘဝဟာ တစ်ဆစ်ချိုးကိုရောက်ရှိသွားရပါတယ်။ တိုင်လာတို့ သူငယ်ချင်းတစ်စုက အထက်တန်းကျောင်း တစ်ခုမှာ အတူတူတက်ရောက်နေကြတဲ့ အရမ်းရင်းနှီး ကြတဲ့ဘော်ဒါတွေပါ။ တစ်နေ့မှာတော့ စာသင်ကျောင်းမှာ ပစ်ခတ်မှုဖြစ်ပြီး တိုင်လာနဲ့ ကျောင်းသားကျောင်းသူအချို့ သေဆုံးသွား ပါတယ်။ ဒီဇာတ်ကားလေးမှာတော့ ကျန်ရစ်သူတွေကြုံတွေ့ရတဲ့ စိတ်ဒဏ်ရာတွေ၊ ပြန်မရနိုင်တော့တဲ့အမှတ်တရတွေကြောင့် ခံစားရတဲ့ ခံစားချက်တွေကို ထင်ဟပ်စေအောင် ရိုက်ကူး ထားပါတယ်။ အထက်တန်းကျောင်းပြီးလို့ ခွဲခွာကြရတော့မဲ့ သူငယ်ချင်းတွေ အထက်တန်းကျောင်းသားဘဝ နဲ့ လူငယ်ဘဝရဲ့ တစ်စိတ်တပိုင်းကို ဇာတ်လမ်းဇာတ်ကွက် ရိုးရိုးအေးအေးလေးနဲ့ ပိုင်ပိုင်နိုင်နိုင် တင်ဆက်ပြသထားသလို ကြည့်ရင်းကြည့်ရင်းနဲ့ ငယ်ဘဝကို အမှတ်ရမိစေမဲ့ nostalgic vibe အပြည့်နဲ့ ဇာတ်ကားလေး ဆိုရင်လည်း မမှားပါဘူးခင်ဗျာ။ File size… (1 GB) / (577 MB) Quality… WEB-DL 1080p HEVC / 720p Format…mkv / mp4 Duration….1h 27m Genre ….. Drama Subtitle….Myanmar Subtitle (Hard Sub) Encoder….Min Wai Translated by Wil

ဒီတစ်ခါမှာတော့ CM ကနေအချစ်ဇာတ်လမ်းကောင်းလေးတစ်ပုဒ်နဲ့တင်ဆက်ပေးလိုက်ချင်ပါတယ်။ ချမ်းသာကြွယ်ဝတဲ့ GD အုပ်စုပိုင်ရှင်ရဲ့သမီးဖြစ်သူလင်ချုံရုံကတော့ ငယ်စဉ်တည်းကရွှေဇွန်းကိုက်မွေးဖွားလာသည့်အပြင်ကိုမှ အရမ်းမောက်မာလွန်းတဲ့လူတစ်ယောက်ဖြစ်ပေမဲ့ ဘယ်တော့မှမိသားစုရဲ့ နွေးထွေးမှုကို မရခဲ့တဲ့မိန်းကလေးတစ်ယောက်။ အွန်လိုင်းအဌားယာဉ်မောင်းအလုပ်လုပ်ပြီး ရနေတဲ့ဘဝကိုကျေကျေနပ်နပ်နဲ့ ဖြတ်သန်းနေတဲ့ လျိုကျားမင်ကတော့ ရိုးသားကြင်နာတတ်တဲ့ခန့်ညားတဲ့ကောင်လေးပေါ့။ ဒီလိုနဲ့တစ်နေ့မှာ ဘုတ်အဖွဲ့အဖိုးကြီးတစ်ဖွဲ့ကလင်ချုံရုံကို ဟောင်ကောင်မှာ စီမံကိန်းတစ်ခုလုပ်ခိုင်းပြီး အောင်မြင်မယ်ဆိုရင်တော့ကုမ္ပဏီရဲ့ဥက္ကဌနေရာကို ပေးမယ်လို့ပြောခဲ့တာကြောင့်လင်ချုံရုံတစ်ယောက် ဟောင်ကောင်သွားဖို့ ပြင်ဆင်တဲ့အချိန်မှာပဲ လမ်းမှာလင်ချုံရုံရဲ့ခင်ပွန်းလောင်းဖြစ်သူ မကောင်းကြံစည်မှုနဲ့ကြုံတွေ့ခဲ့တယ်။ အဲ့အချိန်မှာလင်ချုံရုံတစ်ယောက် လျိုကျားမင်ကားနဲ့ လေဆိပ်သွားတဲ့လမ်းမှာတင် သတိမေ့မူးလဲသွားပြီး အာရုံကြောစနစ် ထိခိုက်စေတဲ့ဆေးပမာဏအလွန်အကျွံဝင်သွားမှုကြောင့် ခဏတာအတိတ်မေ့မှုဖြစ်ပေါ်ခဲ့တယ်။ ဒါကြောင့်ပဲလျိုကျားမင်က ရဲစခန်းမှာမိသားစုဝင်ရှာဖွေဖို့အမှုဖွင့်ခဲ့ပြီး မိသားစုဝင်ရှာမတွေ့ခင်ထိလျိုကျားမင်က လင်ချုံရုံကိုမိမိနေအိမ်မှာ ထိန်းသိမ်းဖို့ ရဲစခန်းကနေမှာကြားထားကြောင့် တခါမှအလုပ်ကြမ်းမလုပ်ဖူးတဲ့ လင်ချုံရုံတစ်ယောက် သာမာန်လူတန်းစားဘဝကိုရောက်သွားတဲ့ အချိန်မှာဘယ်လိုတွေဆက်ဖြစ်လာကြမလဲ။ ပိုက်ဆံချမ်းသာတဲ့အသိုင်းအဝိုင်းနဲ့ သာမာန်လူလတ်တန်းစားဘဝတို့ရဲ့ ဘဝအခြေအနေဖြတ်သန်းပုံတွေကို ပေါလွင်အောင် ပြသထားတဲ့ဇာတ်လမ်းလေးတစ်ပုဒ်ဖြစ်တာကြောင့် ဒီဇာတ်ကားလေးကို ဆက်လက်စောင့်မျှော်ကြည့်ရူလိုက်ရအောင်

IMDb rating – 7.1% ဒီတစ်ခါမှတော့ 1999 ခုနှစ်မှာထွက်ရှိထားတဲ့ ဗြိတိန်ဟာသကားလေးတစ်ကားကိုတင်ဆက်ပေးပါရစေ။ ဒါရိုက်တာ Justin Kerrigan ကရိုက်ကူးထားပြီး John Simm, Shaun Parkes, Lorraine Pilkington, Nicola Reynolds တို့နဲ့ Danny Dyer တို့က အဓိကပါ၀င်သရုပ်ဆောင်ထားပါတယ်။ ဒီဇာတ်ကားလေးက 1990 နှောင်းပိုင်း ဗြိတိန်ရဲ့ လူငယ်ယဉ်ကျေးမှု၊ အထူးသဖြင့် ကလပ်ယဉ်ကျေးမှု၊ အရက်နဲ့ မူးယစ်ဆေးဝါး အနုပညာကို ဟာသဆန်ဆန်နဲ့ စိတ်လှုပ်ရှားဖွယ်ရိုက်ကူးထားပါတယ်။ အဓိကဇာတ်ကောင်တွေဟာ ဇာတ်လမ်းထဲမှာ အလုပ်တွေ လူမှုရေး တွေကြောင့် ဖိစီးမှုကို ခံစားနေရပြီး သောကြာနေ့ညမှာ ကလပ်ကိုသွားပြီး အပျော်ရှာကြပါတယ်။ သူတို့ရဲ့ အတွေ့အကြုံတွေကို ဟာသဉာဏ်ရည်၊ စိတ်ကူးယဉ်ဆန်မှုတွေနဲ့ တင်ဆက်ထားပြီး လူငယ်ဘ၀၊ မိတ်ဆွေသူငယ်ချင်းကြားက ဆက်ဆံရေး၊ စိတ်ဖိစီးမှုတေကနေ လွတ်မြောက်ဖို့ ဘယ်လို ကြိုးပမ်းကြသလဲဆိုတာကြည့်ရှုကြရမှာပဲဖြစ်ပါတယ်။ File size… (2.1 GB) / (1.5 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre…Comedy, Drama Subtitle….Myanmar Subtitle (Hardsub) Encoder….Swan Min Htet Translated by Ivy Noe

Tyler Perry ရိုက်ကူးတဲ့ Straw ရုပ်ရှင်ကတော့ စိတ်ခံစားမှုပြင်းထန်တဲ့ ဇာတ်ကားတစ်ကားဖြစ်ပြီး လူမှုရေး မညီမျှမှုတွေ ၊ ဆင်းရဲမွဲတေမှုရဲ့ ဖိစီးနှိပ်စက်မှုတွေနဲ့ လူမည်းအမျိုးသမီးတစ်ဦးရဲ့စိတ်ပိုင်းဆိုင်ရာ ပြိုကွဲမှုကို ရိုက်ခတ်စေတဲ့ အကြောင်းအရာတွေ ပါဝင်ပါတယ်။ ဇာတ်လမ်းအကျဉ်း ++++++++++++ Janiyah ဟာ ကျန်းမာရေးပြဿနာရှိတဲ့ သမီးဖြစ်သူ Aria နဲ့ အတူ နေထိုင်တဲ့ တစ်ကိုယ်တည်းမိခင်တစ်ဦးဖြစ်ပါတယ်။ Janiyah ဟာ အလုပ်နှစ်ခုမှာကြိုးစားလုပ်ကိုင်နေပေမယ့်လည်း အိမ်ငှားခ၊ ဆေးဖိုးနဲ့ ကလေးစောင့်ရှောက်ရေး ကုန်ကျစရိတ်တွေကြောင့် နေ့စဉ် ဖိစီးမှုတွေနဲ့ ရင်ဆိုင်နေရတာပါ။ တစ်နေ့မှာတော့ ကားတိုက်မှု၊ အလုပ်ဖြုတ်ခံရတာ ၊ အိမ်ကနှင်ထုတ်ခံရတာနဲ့ သမီးဖြစ်သူကို လူမှုဝန်ထမ်းတွေက ခေါ်ဆောင်သွားတာတွေကြောင့် သူ့ရဲ့ စိတ်ဖိစီးမှုဟာ အကြမ်းဖက်မှုတစ်ခုဆီကို ဦးတည်သွားပါတော့တယ်။ နောက်ဆုံးတော့ ဘဏ်လုယက်မှုတစ်ခုမှာ ဓားစားခံတွေနဲ့ ရဲတပ်ဖွဲ့ရဲ့ ဝိုင်းဝန်းကူညီမှုတွေကြားမှာ Janiyah ရဲ့ အခြေအနေဟာ လူမှုရေးဆိုင်ရာ စကားဝိုင်းတစ်ခုအဖြစ် ပြောင်းလဲသွားပုံကို ဇာတ်ကွက်အလှည့်အပြောင်းတစ်ခုနဲ့အတူ ကြည့်ရှုရမှာဖြစ်ပါတယ်။ File size… (1.43 GB) / ( 752 MB) Quality… NF WEB-DL 1080p HEVC /720p Format…mkv / mp4 Duration….1h 45m Genre …..Drama , Thriller Subtitle….Myanmar Subtitle (Hard Sub) Encoder….Min Wai Translated by JULY