Anatomy of Time (2021) နာမည်နဲ့လိုက်အောင်ကိုပဲ ဒီကားရဲ့ အချိန်စဉ်တွေက ဟိုတစ်စ ဒီတစ်စဆိုသလိုဖြစ်နေတယ်။ အဖြစ်အပျက်စဉ်အလိုက်တော့မဟုတ်ဘူး ဒါပေမဲ့ အချိန်ကာလအားဖြင့်တော့ ၂ခုကို သုံးထားတယ်။ မိန်းမတစ်ယောက်ရဲ့ အပျိုဘဝနဲ့ အဘွားကြီးဖြစ်သွားတဲ့အချိန်ပေါ့။ ဒီနေရာမှာ သူက ဒီအမျိုးသမီးရဲ့ ငယ်ဘဝကို ပုံဖော်တဲ့နေရာမှာ အရောင်တွေစိုစိုပြည်ပြည်သုံးထားသလို ခန္ဓာလှုပ်ရှားပုံဖော်မှုတွေကအစ ရမ္မက်နဲ့သိချင်စိတ်ကို မြင်နေရတယ်။ တော်တော်လေးသိသိသာသာပါပဲ။ ဒါတော့ ဒီထိုင်းဒါရိုက်တာရဲ့ အားသာချက်လို့ပြောရမလား မင်းသမီးရဲ့သရုပ်ဆောင်စွမ်းကိုပဲ ချီးကျူးရမလားပါပဲ။ နောက် သူ့အဖေက နာရီပြင်ဆရာဖြစ်သလို ဒီကားရဲ့ အပြတွေရဲ့ ဖြည့်စွက်မှုတစ်ခုလိုဖြစ်နေတဲ့ အရှေ့တိုင်းဖလော်တွေကို ပြောသွားတဲ့လူပေါ့။ ဒီဇာတ်ကောင်ကို တည်ဆောက်ထားတာ တော်တော်ဝေဝါးပေမဲ့ သူ့ထည့်ချင်တဲ့အဖြည့်တစ်ခုနဲ့ ပဟေဠိတစ်ခုကို ထည့်ပေးနိုင်တဲ့ ဇာတ်ကောင်လို့မြင်ရတယ်။ နောက်ထပ်မြင်ရတဲ့ ဇာတ်ကောင်က မင်းသမီးရဲ့ ယောက်ျားဖြစ်လာမယ့်သူတစ်ဖြစ်လဲ ဖြစ်နေတဲ့သူတစ်ဖြစ်လဲ စစ်ခေါင်းဆောင်တစ်ယောက်။ သူလည်းမထူးဘူးပြောရမလိုလိုပဲ ။ သူ့မကောင်းမှုတွေများတာကို သိရပေမဲ့ အဲဒီမကောင်းမှုတွေက ဘယ်လောက်ထိတာသွားသလဲတော့ ရေရေရာရာပြမသွားဘူး။ ဒါတော့ သူ့အပြအပိုင်းပေါ့။ သူ့ခေတ်က ထိုင်းနိုင်ငံရဲ့ အာဏာရှင်စနစ်နဲ့ ကွန်မြူနစ်သူပုန်တွေကြားက တင်းမာမှုတွေရှိခဲ့တဲ့ ဆိုးဆိုးရွားရွားခေတ်တစ်ခုမှာတည်ထားတယ်။ တိုင်းပြည် ဒုက္ခဝေတဲ့ခေတ်ပေါ့။ ဒီကားရဲ့ အဓိကပုံဖော်မှုဟာ ခေတ်ရယ် သူ့ဖလော်အတိုင်း အကျိုးအဆက်ရယ်လို့တော့ ထင်သာမြင်သာရှိနေတယ်။ ခုနဇာတ်ကောင်တွေအားလုံးဟာလည်း အချိန် နိုင်ငံနဲ့ လူတွေကို ကိုယ်စားပြုထားတဲ့ ဇာတ်ကောင်တွေလို့လည်း မသိမသာတော့ ပုံပေါ်နေတယ်။ ဘာအကြောင်းလဲမေးလာရင်တော့ ခေတ်ပျက်ကြီးတစ်ခုပေါ့ အဲဒီထဲကလူတွေပေါ့။ အဲဒီထဲက အမိနိုင်ငံတစ်ခုပေါ့။ နောက်ပြီးတော့ အဲဒီအရာတွေအားလုံးကို တိုက်စားသွားတဲ့အချိန်ပေါ့။ အဲဒီလူတွေရဲ့မကောင်းမှုတွေကိုလည်း အချိန်အဆက်ဆက်ကိုဖြတ်ပြီး အဲဒီနိုင်ငံကြီးက မစွန့်မပစ် ထွေးပိုက်ထားတုန်းပဲ။ Genre..... Drama Quality…. 1080p | 720p | 480p File size… 1.9GB | 946MB | 468MB Format… mp4 Duration…. 1h 58min Subtitle…. Myanmar Subtitle (Hardsub) Translator ..... Sandaku Encoder ..... Aaron

အသဲကျော် Boss Baby လေးရဲ့ Christmas အတွက် အသစ်ထွက် ရှိလာတဲ့ အထူးအပိုင်းလေးကို တင်ဆက်ပေးလိုက်ပါပြီ။ ဒီအပိုင်းရဲ့ အားရဖို့အကောင်းဆုံးကတော့ family business လို့ အမည်ခံပြီး အလုပ်သမားအခွင့်အရေး ပိတ်ဆို့ခံထားရတာတွေကို သာသာနဲ့ နာနာလေး နှပ်ပြထားတာပါပဲ။ အခုခေတ် စီးပွားရေးလုပ်ငန်းရှင်တွေ အမြီးကျက်အမြီးစား ခေါင်းကျက်ခေါင်းစား လုပ်ကြတာတွေကို စကား တစ်ခွန်းချင်းစီ ပစ်ထည့်ပေးသွားတာမျိုးမို့ တိုက်ဆိုင်မှုရှိရင် ပြေး သတိရကြဦးမယ့် ဇာတ်လမ်းမျိုးပါ။ ဇာတ်လမ်းအကျဉ်း .............................. ဒီအပိုင်းမှာတော့ Boss Baby လေး တစ်နှစ်သားအရွယ် ပထမဆုံး ကြုံတွေ့ခဲ့ရတဲ့ ခရစ်စမတ်ကာလကို နောက်ကြောင်းပြန်ပုံဖော်ပေး ထားပါတယ်။ ခရစ်စမတ်မတိုင်ခင် နာရီပိုင်းလေးအလိုမှာ ဆန်တာ့ရဲ့ အားအကိုးရဆုံး နတ်သူငယ်လေး နဲ့ Boss baby တို့ နေရာချင်းလွဲသွားပြီး Boss baby တစ်ယောက် ဆန်တာရှိရာ မြောက်ဝင်ရိုးစွန်းဆီ ရောက်ရှိ သွားခဲ့ပါတယ်။ အစောတည်းက ခရစ်စမတ်ရိုးရာတွေကို မကြိုက်တဲ့ Boss baby တစ် ယောက် ဆန်တာရဲ့ ခရစ်စမတ်လက်ဆောင်စက်ရုံကြီးထဲကို ရောက်ရှိ သွားပြီး ကလေးတွေအတွက် အရုပ်တွေ လုပ်ပေးရတဲ့အခါမှာ ဘုနဲ့ဘောက် တွေ စတင်လာတာပါပဲ။ ဒီတော့ ဆရာ့ဆရာကြီး Boss baby တို့ ဆန်တာ့ ဆီမှာ ဘယ်လိုတွေသွားဆရာကျဦးမလဲ တစ်ဖက်က Boss baby‌ နေရာကို ရောက်သွားတဲ့ နတ်သူငယ်ကရော ဘာတွေ ကြုံတွေ့ရမလဲ ဆိုတာကို Christmas theme လေးနဲ့အတူ မြင်တွေ့ရမဲ့ကားကောင်းလေးပဲ ဖြစ်ပါတယ်။ (ဒီဇာတ်လမ်းရဲ့အညွှန်းကို May Thet Khine Soe မှ ရေးသားပေးပြီး၊ ဘာသာပြန် ပေးသူများကတော့ May Thet Khine Soe, Finoa Gillen တို့ဖြစ်ပါတယ်) File Size..........(675 MB) / (310 MB) Quality............WEB-RIP 1080p, 720p Duration.........45Mins Subtitle...........Myanmar Hardsub Format............MP4 Genre..............Animation, Family Translator.......May Thet Khine Soe, Finoa Gillen Encoder..........SWM

ဇာတ်ညွှန်းဆရာ လင်ရိချန်က အချစ်အတွက်သာဆို တစ်ကမ္ဘာလုံးကို မီးပြာချပစ်မယ်ဆိုတဲ့ ဇာတ်လမ်းမျိုးတွေ ရေးလေ့ရှိပါတယ်။ အဲ့လို ဇာတ်လမ်းတွေကိုရေးတဲ့ လင်ရိချန်ဆီမှာလည်း သူချစ်ရတဲ့ ဇနီးဖြစ်သူ အားလင်နဲ့ သားဖြစ်သူ ရှောင်ချုံ ရှိပါတယ်။ ငွေကြေးမပြည့်စုံသည့်တိုင် မိသားစုကလေးက သိုက်သိုက်ဝင်းဝင်း၊ နွေးနွေးထွေးထွေးပါပဲ။ တစ်နေ့မှာတော့ သားငယ်လေး ရှောင်ချုံဆီ နှလုံးရောဂါစွဲကပ်နေပြီလည်း ကြားရော မိဘနှစ်ယောက်စလုံး ရင်မှာ ဗလောင်ကိုဆူသွားတော့တာပါပဲ။ သားငယ်ရဲ့ ရောဂါကို ကုသနိုင်ဖို့ ငွေကလည်းအလောတကြီး လိုအပ်နေချိန်ဖြစ်တယ်။ ငွေကိုအလောတကြီးရှာနေရင်းနဲ့ပဲ ဆေးရုံအတွင်းက အကျင့်ပျက်ခြစားမှူတွေအကြောင်း သိလာရတယ်။ အကျင့်ပျက်ခြစားသူတို့ရဲ့ လုပ်ရပ်တစ်ခုက သားငယ်လေးရဲ့ အသက်ကိုပါ ထိပါးလာတဲ့အခါမှာတော့ လင်ရိချန်တစ်ယောက် လက်ပိုက်ကြည့်မနေနိုင်တော့ပါဘူး။ သူ့ဇာတ်ကောင်တွေနည်းတူ သူကလည်း သားလေးအတွက်၊ မိသားစုအတွက်ဆို လက်နှေးနေမဲ့သူ မဟုတ်ပါဘူး။ လက်မနှေးတဲ့အပြင် မိသားစုကိုချစ်တဲ့အချစ်က လှုံ့ဆော်ပေးလိုက်တဲ့ ဒေါသမီးတောက်နဲ့ တစ်ကမ္ဘာလုံးကို ပြာချဖို့ စီစဉ်ပါတော့တယ်။ သူ ဘယ်လိုဘယ်ပုံတွေလုပ်မယ်ဆိုတာကိုတော့............. Quality : WEB-DL 1080p , 720p Format : mp4 Genres : Crime , Drama , Family Runtime : 1h 58 min Subtitle : Myanmar Subtitle ( Hardsub ) Translated by CM Team Reviewed By Rion Encoded by LK

စင်ဂယ်ဘဝကို ပြန်အားကျနေကြတဲ့ အိမ်ထောင်သည်တွေ အိမ်ထောင်သည်ဘဝကို မျှော်လင့်နေကြတဲ့ စင်ဂယ်တွေအတွက် ချစ်သူများနေ့အမှတ်တရဆိုပြီး Netflix အထူး တင်ဆက်ပေးထားတဲ့ show လေးကတော့ Ali Wong ရဲ့ Don Wong ပဲဖြစ်ပါတယ်။ ဒီရှိုးလေးမှာတော့ Ali တစ်ယောက် စင်ဂယ်တွေကို ဘာလို့အားကျတာလဲဆိုတာတွေ အမေတို့ခေတ်နဲ့မတူတော့တဲ့ ၂၁ရာစုကြီးမှာ မိန်းမတွေရဲ့ဖောက်ပြန်ချင်စိတ်နဲ့ အလိုဆန္ဒ အကြောင်းတွေ သတ်လတ်ပိုင်းအိမ်ထောင်သည်ဘဝမှာ ကြုံတွေ့ရတဲ့ ဆန္ဒမပြည့်ဝခြင်းလေး တွေကို ဘွင်းဘွင်းရှင်းရှင်းကြီး ဟာသနှောပြီးတင်ဆက်ထားတဲ့ comedian Ali Wong ရဲ့ အထူးရှိုးလေးမို့ စိတ်ဝင်တစားသိရှိလိုသူအပေါင်းတို့ လက်မလွတ်တမ်းကြည့်ရှုနိုင်ကြပါပြီနော်။ (ဒီဇာတ်လမ်းရဲ့အညွှန်းနဲ့ဘာသာပြန်ပေးသူကတော့ Lwin Lwin Aung ဖြစ်ပါတယ်) File Size - (1.25 GB) /(441 MB) / (273 MB) Quality – WebRip 1080p / 720p/480p Duration - 50mins Subtitle – Myanmar Hardsub Format – MP4 Genre : Comedy Translator – Lwin Lwin Aung Encoder – SWM

IMDb Rating (7/10) / Rotten Tomatoes (92%) ဒီလန် အိုဘရိုင်ယန်ပါတယ်၊ ဂျက်ဆီကာ ဟန်းဝစ်ပါတယ်၊ ခွေးလိမ္မာလေး တစ်ကောင်ပါတယ်။ အကောင်ကြီးတွေပါတယ် ဒီလောက်ဆို ကြည့်ချင်ကြမယ်ထင်ပါတယ်။ ဇာတ်လမ်းအကျဉ်းကတော့ ဒီလိုပါ။ ကမ္ဘာကြီးကို ဝင်တိုက်မယ့် ဥက္ကာခဲကြီးတစ်ခု ပျံလာတယ်။ လူတွေက သူတို့ အတော်ဆုံး အလုပ်ကို လုပ်လိုက်ကြတယ်။ ဥက္ကာခဲကြီးကို ဒုံးကျည်ပေါင်းစုံနဲ့ ပစ်တာပေါ့။ ဥက္ကာခဲကြီးကတော့ ကွဲသွားပါတယ်။ ဒုံးကျည်ထဲမှာပါတဲ့ ဓာတုပစ္စည်းတွေက ကမ္ဘာပေါ်ကို ကျလာပါလေရော။ လူတွေက ကံကောင်းကြပါတယ် ဓာတုအဆိပ်မသင့်ကြဘူး။ အင်းဆက်ပိုးတွေ၊ ဖားတွေ၊ ပုတ်သင်တွေကတော့ ကံမကောင်းကြရှာဘူး သန္ဓေပြောင်းပြီး ဧရာမကြီးတွေ ဖြစ်သွားတယ်။ လူတွေကို ပြန်စားကုန်ကြတယ်။ အဲဒီဧရာမအကောင်ကြီးတွေနဲ့ တိုက်ပွဲမှာလူသား ၉၅% လောက် သေသွားလေရဲ့။ နောက်ဆုံးကျန်တဲ့ သူတွေက အဖွဲ့လိုက်လေး မြေအောက်မှာ ကိုယ်စီပုန်းနေရင်း ကျူးကျော်လာတဲ့ အကောင်တွေနဲ့ တိုက်နေရတယ်။ အဲဒီထဲမှာ မင်းသားက အကောင်ကြီးတွေဆို ကြက်သေသေလောက်အောင် အသေကြောက်တဲ့ကောင်၊ ဘာလက်နက်မှလည်း မပစ်တတ်ဘူး။ သူတို့စခန်းမှာလည်းအကုန်လုံးက အတွဲတွေချည်းပဲ။ ဒီတစ်ကောင်ပဲ FA ကောင်ဖြစ်နေတာ။ ဒါပေမယ့် ဒီကောင့်မှာ အားကြီးတာ တစ်ခု ရှိတယ်။ ဖွန်ကြောင်တဲ့အားပါ။ သူနဲ့ လွန်ခဲ့တဲ့ ၇ နှစ်လောက်က လူချင်းကွဲသွားတဲ့ ဆော်က အခြား စခန်းတစ်ခုမှာ အသက်ရှင်သေးတာကို သိတဲ့အခါ မြေမျက်နှာပြင်ပေါ်က ၈၅မိုင်ဝေးတဲ့ အဲဒီခရီးကို အသက်စွန့်ပီး ဖွန်သွားကြောင်ဖို့ ဆုံးဖြတ်လိုက်ပါတော့တယ်။ အထူးပြုလုပ်ချက်တွေကောင်းတယ်၊ ဇာတ်လမ်းကောင်းတယ်၊ အက်မင်တော့ ကြိုက်ပါတယ်။ အကြိုက်တူသူတွေ ကြည့်ကြပါ။ File size…(2.3 GB) and (1.3 GB) and (1.2 GB) and (800 MB) Quality….Blu-Ray 1080p 5.1 CH & 720p (HEVC Encode) & (H.264 Encode) Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Nyeinsaeya Aung Translated by Littleneo

Kahin Pyaar Na Ho Jaaye (2000)”ချစ်မိသွားနိုင်တယ်” ========================================= ဆလူးဘိုင်ရဲ့ နုစဉ်အခါက rom-com ကားလေးကို Cm ပရိသတ်တွေအတွက် Bollywood Team ကနေ တင်ဆက်ပေးချင်ပါတယ်။ ပရမ်ဟာ မြို့ငယ်လေးတစ်ခုက နာမည်အတော်အသင့်ရှိတဲ့ ဂီတသမားလေးပါ။ သူ့မှာ နီရှာဆိုတဲ့ လက်ထပ်ခါနီးချစ်သူတစ်ယောက်ရှိပါတယ်။ နီရှာကတော့ အလုပ်ကိစ္စကြောင့် ပရမ်နဲ့အဝေးကို လနဲ့ချီ ရောက်နေတဲ့သူပေါ့။ အဲဒီလို ချစ်သူနဲ့ ဝေးနေတုန်းမှာ ပရမ့်ရဲ့ ဘဝထဲကို ပရီယာဆိုတဲ့ မိန်းမလေးတစ်ယောက်ရောက်လာပြီး ဝါသနာတွေ၊ အကြိုက်တွေတူတာမလို့ တစ်ယောက်နဲ့တစ်ယောက် ရင်းနီးသွားကြပါတယ်။ အဲဒီလိုအချိန်မှာပဲ ပရမ်ရဲ့ချစ်သူနီရှာတစ်ယောက် သူတို့မြို့လေးကို ပြန်ရောက်လာတဲ့အခါ သူတို့သုံးယောက်ကြားမှာ သုံးပွင့်ဆိုင်မကျတကျ အချစ်ဇာတ်လမ်းလေးတစ်ခု ပေါ်ပေါက်လာပါတော့တယ်။ ဒီရုပ်ရှင်လေးထဲမှာ ဆလူးဘိုင် တော်တော်လေးငယ်သေးပြီး သရုပ်ဆောင်ကွက်တွေဟာလည်း လက်ဆတ်တက်ကြွနေပါသေးတယ်။ ဒီရုပ်ရှင်လေးဟာ ရှေးကားတွေရဲ့ထုံးစံ သရုပ်ဆောင်တွေက အနည်းငယ်ပြဇာတ်ဆန်နေပေမဲ့ ပေါ့ပေါ့ပါးပါးနဲ့ ဟာသဆန်တဲ့ဟာသလေးတွေ၊ ဒရာမာအနှစ်တွေပါတာမလို့ sit-com ဆန်ဆန် vitage vibe အပြည့်ရမယ့် ပေါ့ပေါ့ပါးပါးကလက်ဆစ်ရုပ်ရှင်လေးဖြစ်လို့ ၂ နာရီကျော် အချိန်ပေးရကျိုးနပ်စေမှာပါ…။ (ဒီရုပ်ရှင်ရဲ့ အညွှန်းနဲ့ ဘာသာပြန်တွေကတော့ V, ToMo, Suri နဲ့ Zwe Yan တို့ပဲဖြစ်ပါတယ်။)

၂၀၀၈ ခုနှစ်ကထွက်ရှိထားတဲ့ Thriller ရုပ်ရှင်ကားတစ်ကားပါ။ အမေရိကန် Thriller တွေရဲ့ Logic အတိုင်းပဲ မသွားသင့်တဲ့နေရာကိုသွားမိလို့၊ မစပ်စုသင့်တဲ့အရာတွေကိုစပ်စုမိလို့ ဒုက္ခနဲ့ လှလှတွေ့ကြတဲ့ အမေရိကန် ခရီးသွား သူငယ်ချင်း အုပ်စုတစ်ခုအကြောင်းကို ရိုက်ကူးပြသထားတဲ့ ရုပ်ရှင်ဖြစ်ပါတယ်။ ကမ္ဘာပေါ်မှာ လွန်ခဲ့တဲ့နှစ်ပေါင်းများစွာ ကတည်းက ပျောက်ဆုံးပျောက်ကွယ်သွားတဲ့ မာယာလူမျိုးတွေရဲ့ ကျောင်းဆောင်ဟောင်းကြီးတွေကို ကျောထောက်နောက်ခံထားပြီးရိုက်ကူးထားတာဖြစ်လို့ ရှေးဟောင်း မာမီဆန်ဆန် ရုပ်ရှင်မျိုးကြိုက်တဲ့သူတွေအတွက်တော့ ကြည့်ရတာ အပျင်းပြေမှာစေမှာပါ။ အေမီတို့ သူငယ်ချင်းအုပ်စုဟာ မက္ကဆီကိုကို အပန်းဖြေလာရင်း မက်သီးယပ်စ်ဆိုတဲ့ ဂျာမနီလူမျိုးတစ်ယောက်နဲ့တွေ့ဆုံခဲ့ကြပါတယ်။ မက်သီးယပ်စ်က သူ့ရဲ့အစ်ကိုဖြစ်သူကိုရှာဖို့ မာယာလူမျိုးတွေရဲ့​ ရှေးဟောင်းကျောင်းဆောင်ကိုသွားရှာဖို့ပြောရင်း တောကြီးမျက်မဲထဲက ကျောင်းဆောင်ပျက်ကြီးဆီကိုသွားဖို့အကြောင်းဖန်လာပါတော့တယ်။ ရိုးရာမပျက် မသွားသင့်တဲ့ နေရာဆို သွားရမှကျေနပ်တဲ့ လူငယ်တစ်အုပ်စု ဘယ်လိုမျိုးဒုက္ခတွေ၊ ကြောက်မက်ဖွယ်ရာကိစ္စတွေနဲ့ ရင်ဆိုင်ကြုံတွေ့ကြရမလဲ? ကျောင်းဆောင်ထဲမှာ ဘယ်လိုအရာတွေက သူ့တို့ကို စောင့်ကြိုနေမလဲ? ဒီလိုဒုက္ခတွေကနေ ဘယ်လိုကြံစည်လွတ်မြောက်လာကြမလဲဆိုတာတော့ ဆက်လက်ရှုစားကြပါဦးခင်ဗျာ သွေးထွက်သံယိုမြင်ကွင်းတွေပါတဲ့အတွက် ကြောက်တတ်သူများနဲ့ ရောဂါအခံရှိသူများ မကြည့်ကြဖို့ သတိပေးပန်ကြားအပ်ပါတယ်ခင်ဗျာ File size…(1.7 GB)/(980 Mb) Quality….Blu-Ray 1080p / 720p Format…mp4 Duration….01:30:00 Genre… Adventure, Horror, Thriller Subtitle….Myanmar Subtitle (Hardsub) Encoder….Garfield Translated by T Hmue

Babumoshai Bandookbaaz (2017) IMDb Rating -7/10 Google User – 86% Genre – Crime/Thriller ဒီတစ်ခေါက် တင်ဆက်ပေးလိုက်တဲ့ ဇာတ်ကားက ချန်နယ်မြန်မာမှာ တောင်းဆိုမှုအများဆုံးဇာတ်ကား တစ်ကားဆိုရင် မမှားပါဘူး။ အချစ်အတွက်နဲ့ တောင်ဖြိုပြခဲ့တဲ့ မြန်မာပရိသတ်တွေရဲ့ အကြိုက်မင်းသားကြီး Nawazuddin Siddiqui ရဲ့ 2017 က ထွက်တဲ့ ဂန်းစတား ဘဝ သရုပ်ဖော် ဘောလိဝုဒ်ဇာတ်ကားဖြစ်ပါတယ်။ သဘာဝကျတဲ့ ဇာတ်ရုပ်တွေကိုအပိုအလိုမရှိ သရုပ်ဆောင်တတ်တဲ့မင်းသားကြီးနဝဇ်ရဲ့ ကားဆိုတော့မကောင်းမှာ မပူရသလို၊ လူ့သဘာဝနဲ့ လူ့စိတ်ကို အကောင်းဆုံး ပြသပေးတဲ့ ဇာတ်ကားလည်း ဖြစ်ပါတယ်။ အပစ်အခတ် အသတ်အပုတ်တွေ ကြမ်းသလို၊ အချစ်ခန်းတွေကလည်း ကြမ်းပါတယ်။ ဒါ့အပြင် ဒီကားက မင်းသမီး Bidita Bag လက်စွမ်းပြလိုက်တဲ့ဇာတ်ကားဆိုရင်လည်း မမှားပါဘူး။ ပီပြင်လှတဲ့ သရုပ်ဆောင်ချက်တွေကို လက်ဖျားခါရပါတယ်။ ဇာတ်ကားအကြောင်းအရာကို မညွှန်းတော့ပါဘူး။ တစ်ခါတစ်လေဇာတ်လမ်းအကြောင်းအရာကို ဖတ်ကြည့်တာထက်ကိုယ်တိုင်ကြည့်လိုက်တာက ပိုကောင်းလို့ပါ။ ပြောလိုတာကတော့မြင်နေကျ ဂန်းစတားတွေလိုစကားတွေအများကြီး မပြောပါဘူး။မျက်နှာတွေ ရှုံ့မပြပါဘူး။ မျက်နှာ အမူအရာတွေ ၊မျက်လုံးအကြည့်တွေ၊သီချင်းတွေနဲ့တင် မြိုင်ဆိုင်ပြည့်စုံနေတဲ့ကြေးစားလူသတ်သမား၂ယောက်ရဲ့ ကစားပွဲပါ။ ဒီကစားပွဲကို ပြည့်စုံစေဖို့ နိုင်ငံရေးလောကထဲဝင်မယ့် လူမိုက်ကြီးတွေကလည်း အားဖြည့်ထားပါတယ်။ “ရသမပါတဲ့ အနုပညာက ဆားမပါတဲ့ဟင်းနဲ့တူတယ်၊ဘဝအမောတွေ ပြေပျောက်စေသည်မှာ ရသပင်ဖြစ်သည်” တဲ့။ ဆရာဇော်ဂျီရဲ့ အဆိုအမိန့်ကလည်း ရှိခဲ့တယ်။ ဒီတော့ ဘဝအမောတွေကို ပြေပျောက်စေဖို့ သဘာဝစစ်စစ်ကို အရသာလေးကိုခံစားကြည့်ကြရအောင်ပါ။ (အရွယ်မရောက်သေးသူတွေ၊မိသားစုနဲ့အတူကြည့်မယ့်သူတွေ အတွက်တော့ တချို့ဇာတ်ဝင်ခန်းတွေနဲ့ ပြောစကားတွေဟာ ကြမ်းတမ်းတာသတိပြုရပါမယ်။) ရုပ်ရှင်အညွန်းနဲ့ ဘာသာပြန်ကို Myin Thu နဲ့ Nyi Nyi Koe တို့မှတင်ဆက်ထားပါတယ်။

1921မှာ ထုတ်ခဲ့တဲ့ Mickey Mouse ကာတွန်း ကနေစပြီး ဒီနေ့ထိထက်တိုင် တစ်ရှိန်ထိုးအောင်မြင်ခဲ့တဲ့ Walt Disneyကုမ္ပဏီရဲ့ လေးကားမြောက်ကာတွန်းရုပ်ရှင် ဖြစ်ပြီး Disneyရယ်လို့ ဖြစ်လာစေခဲ့တဲ့ ရုပ်ရှင်တွေထဲက တစ်ခုဆိုလည်း မမှားပါဘူး။ ဇာတ်လမ်းအကျဉ်းကတော့….. ကလေးလိုချင်တဲ့ ဆင်မကြီး ဂျမ်ဘိုဟာ ဂျမ်ဘိုဂျူနီယာဆိုတဲ့ သားကလေးတစ်ကောင်ရခဲ့ပါတယ်။ ကံမကောင်းအကြောင်းမလှလေသလားတော့မသိ..ဂျမ်ဘိုကလေးမှာ အဆမတန်ကြီးမားတဲ့ နားရွက်တွေ ရှိနေခဲ့လို့ သူ့မျိူးနွယ် ဆင်တွေကတောင် သူ့ကို ဆင်လို့မသတ်မှတ်ချင်ကြပါဘူး။ နားရွက်ကြီးလွန်းပါတဲ့ ဂျမ်ဘိုကလေးကို ဘယ်သူမှ မနှစ်မြို့ကြလို့ ဒမ်ဘိုလို့ပြောင်းခေါ်ကြတဲ့အပြင် သူ့ကို အနိုင်ကျင့်ကြလို့ ကာကွယ်ပေးတဲ့ သူ့မိခင်ကိုပါ ဆင်ရူးလို့ သတ်မှတ်ခံခဲ့ရပြီး အချုပ်ခံခဲ့ရပါတယ်။ ထုံးစံအတိုင်း Disneyကာတွန်းရဲ့ ဝသီအတိုင်း အထူးဆန်းဆုံး အရာတွေဖြစ်တတ်ပါသတဲ့လေ။ သူ့ရဲ့ တစ်ယောက်တည်းသော မိတ်ဆွေကတော့ ဆင်တွေ သေမတတ်ကြောက်ရပါတဲ့ ကြွက်မျိုးနွယ်ထဲက တင်မိုးသီလို့ ခေါ်တဲ့ကြွက်တစ်ကောင်ပါ။ လူအသိအမှတ်ပြုခံချင်ပါတဲ့ ဒမ်ဘိုကလေးကို လူအသိအမှတ်ပြုလာအောင် တင်မိုးသီဟာ ကူညီပေးခဲ့ပါတယ်။ တင်မိုးသီဟာ အကောင်အသေးဆုံးပေမဲ့ နှလုံးသားအကြီးဆုံး ကြွက်တစ်ကောင်ပါပဲ အားလုံးပစ်ပယ်ထားပါတဲ့ မိဘမဲ့ဆင်ကလေးကို စာနာပေးနိုင်တဲ့သူကလည်း ဒီပုံပြင်မှာ သူပဲရှိခဲ့ပါတယ်။ IMDB Rating…7.3ရထားပြီး 90Borns တွေရဲ့ Childhood Nostalgia Animationရုပ်ရှင်တစ်ခုဆိုလည်း မမှားပါဘူး 2019 မတ်လ မှာတော့ တင်ပြဟန် တစ်မျိူးဆန်းတတ်တဲ့ ဒါရိုက်တာ Tim Burtonက Live action ပြန်ရိုက်ကူးထားတယ်။ File Size : 1.2 GB, 600 MB Quality : Blu-Ray 1080p / 720p Running Time : 1hr 14min Format : Mp4 Genre : Animation, Drama, Family Subtitle : Myanmar Subtitle (Hard Sub) Translated by : Wira Aung Encode by : Thit San Khant

The Body (2019) ဒီတစ်ခါ ဘောလိဝုဒ်ဖန်တွေအတွက် ၂၀၁၉ ထွက် Crime, Mystery ဇာတ်ကားတစ်ကားကို တင်ဆက်ပေးလိုက်ပါတယ် ပါဝင်ထားတဲ့သရုပ်ဆောင်တွေကလည်း နာမည်ကျော်တွေဖြစ်တဲ့ Emraan Hasmi နဲ့ Rishi Kapoor တို့ အပြိုင်သရုပ်ဆောင်ထားကြတာပါ အထူးသဖြင့် မင်းသမီးရဲ့အက်တင်တွေကလည်း အတော်လေးကို ကောင်းလှပါတယ် ဇာတ်လမ်းလေးကတော့ စီပွားရေးလောကမှာ အောင်မြင်ပြီး သြဇာအာဏာကြီးမားတဲ့ အမျိုးသမီးငယ်တစ်ယောက်ဟာ နှလုံးရောဂါနဲ့ ဆုံးသွားခဲ့ပါတယ် အလောင်းခွဲစိတ်စစ်ဆေးဖို့ သူ့အလောင်းကို ရင်ခွဲရုံပို့ထားတဲ့အခါ ညဘက်ကျတော့ အလောင်းပျောက်သွားပါတယ် ညစောင့်ပြောတာတော့ အလောင်းပြန်ရှင်လာပြီး ထသွားတာတဲ့ ဒါပေမဲ့ တာဝန်ကျရဲမှူးကြီးကတော့ သူ့ယောက်ျားဖြစ်သူ အဂျေးပူရီကိုပဲ သံသယဝင်နေပါတော့တယ် ထိုညမှာ ရဲမှူးကြီးနဲ့ အဂျေးပူရီတို့ မာယာဗာရ်မားရဲ့အလောင်းကို ရှာတွေ့ပါ့မလား ဘယ်လိုအလှည့်အပြောင်းတွေ ဖြစ်သွားမလဲဆိုတာကိုတော့ အားလုံးပဲ ကိုယ်တိုင်ကိုယ်ကျ ခံစားကြည့်လိုက်ကြပါ အထူးမေတ္တာရပ်ခံလိုတာက ဒီဇာတ်ကားဟာ ၂၀၁၂ ခုနှစ်ထွက် စပိန်ရုပ်ရှင်ကား The Body ကို Remake ပြန်ရိုက်ထားတာဖြစ်လို့ မူရင်းဇာတ်ကားကြည့်ပြီးသူများ ဇာတ်လမ်းကို စပွိုင်းမလုပ်ကြဖို့ တောင်းဆိုပါရစေ (Netflix စာဖိုင်ကို ဘာသာပြန်ထားရသောကြောင့် အင်္ဂလိပ်လိုပြောတဲ့နေရာတွေမှာ စာတန်းမပါပါဘူး အတတ်နိုင်ဆုံး နားထောင်ပြီး ဖြည့်ပေးထားပါတယ် လိုအပ်ချက်ပါရှိပါက သည်းခံပေးကြပါခင်ဗျာ) (ရုပ်ရှင်အညွှန်းနဲ့ဘာသာပြန်ကို Zaw Htoo မှ တင်ဆက်ထားပါတယ်။)

Authenticity… မြန်မာလို အဓိပ္ပာယ်ပြန်မယ်ဆိုရင်တော့ အစစ်အမှန်ဖြစ်မှုပေါ့။ ကျွန်တော်တို့ အခုခေတ်မှာ သိပ်ကိုကြားရတဲ့ စကားလုံးတစ်လုံးပဲ။ လူတိုင်းနှုတ်ဖျားကနေ Authenticity Authenticity ဆိုပြီး ရေရွတ်နေကြတယ်။ ဒါပေမယ့် ဒီစကားလုံးရဲ့ အဓိပ္ပာယ်က ဘယ်လောက်အထိတာသွားလဲ။ ဒီစကားလုံးကို သုံးနှုန်းလိုက်ပြီဆိုရင် ဘယ်လောက်ထိ မိမိမှာ တာဝန်ကြီးလဲဆိုတာကို လူတိုင်းနားမလည်ကြပါဘူး။ ပေါပေါပဲပဲ ဒီိတိုင်းနှုတ်ထွက်ကောင်း နားကြားကောင်းတဲ့စကားလုံးတစ်ရပ်အနေနဲ့ပဲ အထာကျအောင် ကောက်ယူသုံးစွဲနေကြခြင်းသာဖြစ်တယ်။ ဒီစကားလုံးရဲ့ အဓိပ္ပာယ်ကို နက်နက်နဲနဲ အလေးထားကြတဲ့ ပုဂ္ဂိုလ်တွေအတွက်တော့ သိပ်ကိုတန်ဖို့းရှိလွန်းတယ်။ ပြောရမယ်ဆို စပ်စပ်ထိမခံဖြစ်ကြတာတွေတောင် ရှိကြတယ်။ ဘယ်လိုအရာတွေကို ကျွန်တော်တို့က “Authenticity”လို့ သုံးနှုန်းသင့်ပြီး ဘယ်အရာတွေကို မသုံးနှုန်းသင့်ဘူးလဲ။ ရှင်းပါတယ် “စစ်မှန်မှု”ဆိုတဲ့အတိုင်းပဲ ကျွန်တော်တို့ရဲ့ အရှိအတိုင်းတကယ့်အစစ်တွေကို ချပြတဲ့နေရာမှာသုံးတာ။ ဒါပေမယ့် အဲ့”အစစ်”ဆိုတဲ့ အရာမှာ ဟန်ဆောင်မှုနည်းနည်းလေးလောက်ဖြစ်ဖြစ် မိတ်ကပ်နည်းနည်းလေးလောက်ဖြစ်ဖြစ် ပါနေလို့မရပါဘူး။ ကျွန်တော်တို့ရဲ့အတွေးအခေါ်တွေ အယူအဆတွေကို ချပြတဲ့အချိန်မှာ ကိုယ်ချပြတဲ့အရာတွေဟာ ကိုယ့်စိတ်ထဲမှာတကယ်ရှိနေတဲ့ အကြောင်းအရာတွေ အမှန်တရားတွေဖြစ်နေဖို့လ်ိုပါတယ်။ လူကြားကောင်းအောင် သို့မဟုတ် လူကြိုက်အောင် သည်းခြေကြိုက်အရာတွေကို မိမိစိတ်ထဲကမပါဘဲနဲ့ ဟန်ဆောင်လိမ်ညာပြီး အားပေးမှုတောင်းခံခြင်းသည် “Authenticity” ဆိုတဲ့ဂုဏ်ကို ကိုင်ဆွဲခွင့် လုံးဝမရှိပါဘူး။ ဒီရုပ်ရှင်ဟာလည်း ဒီအကြောင်းပါပဲ။ အဓိကဇာတ်ဆောင်ဖြစ်သူ ကျွန်တော်တို့ရဲ့ ဟာသမင်းသားကြီး Ben Stiller ဟာ Authenticity ကို သိပ်အလေးထားတဲ့ မှတ်တမ်းတင် ရုပ်ရှင်တွေ ရိုက်ကူးသူတစ်ယောက်ဖြစ်ပါတယ်။ မှတ်တမ်းတင်ရုပ်ရှင်တွေကို ရိုက်ကူးတဲ့အချိန်မှာ ကျွန်တော်တို့ သာမာန်ရုပ်ရှင်တွေနဲ့ မတူတာတစ်ခုက အဖြစ်အပျက်တွေကို အမှန်အတိုင်းတင်ပြရပါတယ်။ ဘာဖြစ်လို့လဲဆိုတော့ မှတ်တမ်းတင်ရုပ်ရှင်တွေအမျိုးအစားတွေဟာ ကျွန်တော်တို့အရင်ခေတ်ကာလတွေက သမိုင်းမှတ်တမ်းမှတ်ရာတွေလိုမျိုးပါပဲ။ ကျွန်တော်တို့ ကျန်စစ်သားမင်းအကြောင်း ဘုရင့်နောင်အကြောင်း မြန်မာရာဇဝင်တွေအကြောင်း မှတ်တမ်းတင်ထားတာတွေရှိသလို မှန်နန်းရာဇာဝင်တွေလည်း ဖတ်ဖူးကြမှာပေါ့။ ဒီနေရာမှာ ဘာသွားတွေ့လဲဆိုတော့ ကျွန်တော်တို့ တချို့သမိုင်းတွေကို ခြယ်သရေးသားသီကုံးထားကြတာကို သတိပြုမိကြမှာပါ။ ဒီလိုတွေလုပ်ထားတဲ့အတွက် သမိုင်းအမှန်ကို ဝေဝါးစေတာမျိုးတွေ ကြုံရပါတယ်။ မှတ်တမ်းတင်ရုပ်ရှင်တွေဟာလည်း ဒီအတိုင်းပါပဲ သမိုင်းတစ်ခု အဖြစ်အပျက်တစ်ခုကို ကျွန်တော်တို့ ခြယ်သခြင်းမရှိဘဲ မှတ်တမ်းတင်ရခြင်းပါ။ ဒါကြောင့်မို့လို့ ဒီအမျိုးအစားရုပ်ရှင်တွေဟာ ပျင်းစရာကောင်းတာကတော့ အမှန်ပါပဲ။ သို့သော်လည်း မှတ်တမ်းတင်ရုပ်ရှင်တွေကို ကြည့်ဖူးရင် နားလည်နိုင်မှာပါ။ ကျွန်တော်တို့နာရီပေါင်းများစွာ ထိုင်ကြည့်ပြီးသွားရင် ဒီအဖြစ်အပျက်တစ်ခုမှာ စီးမျောသွားတတ်ကြပါတယ်။ သာမာန်ရုပ်ရှင်တွေလို ဖျော်ဖြေရေးမဆန်ပေမယ့် သိပ်ကိုတန်ဖိုးရှိတဲ့ရုပ်ရှင်တွေပေါ့။ အဓိကဇာတ်ရုပ်ဖြစ်သူ ဂျော့ရှ် ( Ben Stiller ) ဟာ အထက်မှာ ပြောခဲ့သလိုပဲ သူရိုက်ကူးထားတဲ့ နာရီပေါင်းရာချီတဲ့ ဗီဒီယိုအပိုင်းအစတိုင်းကို ဖြတ်ချပစ်ခဲ့ဖို့ နှမျောပြီး ရုပ်ရှင်တစ်ကားနဲ့တင် ဆယ်စုနှစ်နဲ့ချီပြီး တိုင်ပတ်နေသူပေါ့။ ဒီကြားထဲမှာ Authenticity ကို အလေးထားသူ ယုံကြည်သူမို့ ခြယ်သသီကုံးတာမျိုးတွေလည်း မလုပ်နိုင်သူပေါ့။ တစ်ဖက်မှာလည်း မိန်းမဖြစ်သူက ကိုယ်ဝန်မဆောင်နိုင်လို့ ကလေးမရနိုင်၊ ရိုက်ထားတဲ့ဇာတ်ကားကိုလည်း မထုတ်လုပ်နိုင်၊ အရွယ်ကလည်း ထောင်းလာနဲ့ အရာရာကို အလိုမကျဖြစ်နေရသူပေါ့။ တစ်နေ့မှာ သူဟာသဘောကောင်း ဖော်ရွေပြီး အရာရာကို အင်တိုက်အားတိုက် ခံစားသက်ဝင်နိုင်စွမ်းရှိကြတဲ့ လူငယ်စုံတွဲလေးတစ်တွဲနဲ့ တွေ့ပြီး သူကိုယ်တိုင်အားအင်တွေ ပြည့်ဝလာသလို ခံစားလာရပါတော့တယ်။ အဲ့ချိန်မှာ အသက်လေးဆယ်ကျော် လူတစ်ယောက်နဲ့ နှစ်ဆယ်ကျော်လူငယ်တစ်ယောက်တို့ကြားက ကွဲလွဲချက်တွေ ခြားနားချက်တွေ ခံယူချက်တွေကို ဒီဇာတ်ကားမှာ ပေါ့ပေါ့ပါးပါးနဲ့ တင်ပြသွားခဲ့ပါတယ်။ ဇာတ်ကားထဲမှာ အဓိကပြချင်တဲ့အရာတွေကတော့ မျိုးဆက်နှစ်ခုကြားက ကွာဟချက်တွေရယ်၊ ခေတ်ရေစီးကြောင်းအရ တန်ဖိုးထား အလေးထားရတဲ့အရာတွေ ပြောင်းလဲလာတာရယ်ပေါ့။ တစ်ချိိန်က ကျွန်တော်တို့ အရမ်းကြိုက်ခဲ့တဲ့ “ကော်ဖီဆိုဂျာဗာ”တို့ ၊ ထက်ထက်မိုးဦးနဲ့ဒွေးတို့ရဲ့ “ဗျူးတီးခေါင်းလျှော်ရည်ဟာ” ဆိုတာမျိုးတွေက ခုခေတ်လူငယ်တွေအတွက်တော့ ယူကျူ့မှာ တွေ့လိုက်ရတဲ့ ပေါတောတောကြေညာတစ်ခု ဖြစ်နေနိုင်တယ်မလား။ ဂျော့ရှ် (Ben Stiller) ရဲ့မိန်းမနေရာမှာတော့ ၂၀၀၅ ခုနှစ်ထွက် King Kong ရုပ်ရှင်ထဲက ကျွန်တော်တို့အရမ်းကြိုက်ခဲ့ရတဲ့ မင်းသမိးချောကြီး Naomi Watts က သရုပ်ဆောင်ထားပြီး ခုချိန်ထိ ချစ်ဖို့ကောင်းနေတုန်းပါပဲ။ လူငယ်စုံတွဲနေရာမှာတော့ Star War, Marriage Story စတဲ့ နာမည်ကြီးဇာတ်ကားကောင်းတွေနဲ့ လက်စွမ်းပြထားတဲ့ မင်းသားချော Adam Driver နဲ့အတူ Mamma Mia, In Time, Letters to Juliet, Dear John, Ted အစရှိတဲ့ ဇာတ်ကားပေါင်းများစွာ ရိုက်ကူးထားပြီးသားဖြစ်တဲ့ မင်းသမီးချော Amanda Seyfried က သရုပ်ဆောင်ထားပါတယ်။ အဓိကဇာတ်ကောင်တွေအားလုံးက တကယ်ကို သရုပ်ပညာအရည်အသွေးကောင်းသူတွေဖြစ်တဲ့အပြင် ဇာတ်လမ်းအသွားအလာကလည်း တင်ပြချင်တဲ့အကြောင်းအရာကို ထိထိမိမိနဲ့ ပေါ့ပေါ့ပါးပါး တင်ပြထားတာမို့ ဖျော်ဖြေရေးလည်းဆန်ပြီး အဓိပ္ပာယ်လည်းရှိတဲ့ အရည်အသွေးမြင့် ဇာတ်ကားကောင်းတစ်ကားပါ။ File size… 2.1 GB / 836 MB Quality… BluRay 1080p / 720p Format… mp4 Audio… AAC Duration…. 1h 40m Genre ….. Comedy/Thriller Subtitle…. Myanmar Subtitle (Hard Sub) Encoder…. Thit San Khant Translated… by Tariq L Walker

Happy Life (2007) ******************* ဒီကိုရီးယားဇာတ်ကားလေးကတော့ Happy Life ဆိုတဲ့ ဇာတ်ကားနာမည်လေးအတိုင်း ဘဝကိုရှင်သန်လာရင်းကနေ ကိုယ့်ဘဝရဲ့ ပျော်ရွှင်မှုကို ရှာဖွေကြတဲ့ အမျိုးသားတစ်စုအကြောင်းကို ဟာသလေးတွေနှောပြီး ပေါ့ပေါ့ပါးပါးကြည့်ရမယ့် ဇာတ်ကားလေးဖြစ်ပါတယ် Cast တွေအနေနဲ့ကတော့ တစ်ခေတ်တစ်ခါက Asia Prince လို့ တင်စားခေါ်ခဲ့ကြတဲ့ မင်းသား Jang Keun Suk က အဓိကပါဝင်ထားပြီး ကေဒရာမာဖန်တွေတိုင်းနဲ့ ရင်းနှီးကြတဲ့ စီနီယာမင်းသားကြီးတွေဖြစ်ကြတဲ့ Jin Young Jung, Kim Sang Ho နဲ့ Kim Yoon Seok တို့ ပါဝင်ထားပါတယ် ဇာတ်လမ်းအကျဉ်း **************** ဂီယောင်း (Jin Young Jung) ကတော့ မကြာသေးမီကမှ အလုပ်ဖြုတ်ခံလိုက်ရပြီး ရှယ်ယာတွေလုပ်ရင်းကနေ အကြွေးပုံကာ မိန်းမရဲ့ဝင်ငွေနဲ့ပဲ ရပ်တည်နေရတဲ့သူဖြစ်တယ် ဟျော့ဆူ (Kim Sang Ho) ကတော့ မိသားစုတွေကို ကနေဒါကို ပို့ပေးထားပြီး ကိုရီးယားနိုင်ငံမှာ တစ်ယောက်တည်းကျန်ရစ်ကာ ကားအဟောင်းရောင်းတဲ့လုပ်ငန်းလုပ်ရင်း မိသားစုကို ထောက်ပံ့နေရသူဖြစ်တယ် ဆောင်းအု (Kim Yoon Seok) ကတော့ နေ့ခင်းမှာဆို ပါဆယ်ပို့တဲ့အလုပ်လုပ်ပြီး ညဆိုရင် အငှားယာဉ်မောင်းလုပ်ရင်း အချိန်တွေကို မိသားစုအတွက်သာ အပြည့်အဝရင်းနှီးမြှုပ်နှံထားသူဖြစ်တယ် သူတို့သုံးယောက်ကတော့ တက္ကသိုလ်တေးဂီတအဖွဲ့ကို အတူတူလုပ်ခဲ့ကြတဲ့ သူငယ်ချင်းတွေဖြစ်ကြပြီး တစ်ရက်မှာတော့ တေးဂီတထဲက အဖွဲ့ဝင်တစ်ယောက်ဖြစ်ခဲ့တဲ့ တခြားသူငယ်ချင်းတစ်ယောက် မထင်မှတ်ဘဲ သေဆုံးသွားရာကနေ သူတို့သူငယ်ချင်းရဲ့ သားဖြစ်သူ ဟျွန်းဂျွန်း (Jang Keun Suk) နဲ့ ကြုံဆုံဖို့ ဖြစ်လာခဲ့တယ် ဘဝကိုလုံးပန်းနေကြတဲ့ သူငယ်ချင်းတစ်စု ဟျွန်းဂျွန်းနဲ့တွေ့ရာကနေ ငယ်ဘဝကို ပြန်လည်တမ်းတမိကာ ဘဝရဲ့အဓိပ္ပာယ်ကို ဘယ်လိုပြန်လည် ရှာဖွေသွားကြမလဲဆိုတာ တေးဂီတအဖွဲ့ရဲ့ သီချင်းသီဆိုမှုတွေနဲ့ စီးမြောပြီး ကြည့်လိုက်ကြပါဦးနော် (ဇာတ်လမ်းအညွှန်းကိုတော့ Vanessaက ရေးသားထားပါတယ်) File Size – 2.23 GB/ 991 MB Quality – WEB-DL 1080p/ 720p Duration – 1h 52m Format – mp4 Genre – Family, Music Subtitle – Myanmar Subtitle (Hard Sub) Translated by – Vanessa Encoded by – Treasure Htet

IMDb rating – 5.9/10 ဒီကားကို reviewပေးသူတွေက underratedဖြစ်နေတဲ့ Indie Gemဟော်ရာကားလို့ပြောကြပါတယ်။ Pumpkinholeကို ရိုးရှင်းတဲ့၀မ်းနည်းစရာဇာတ်လမ်းနဲ့စတင်ထားပါတယ်။ ဒါပေမဲ့ ဇာတ်ကြောင်း အနည်းငယ်ရှင်းလင်းလာတဲ့အခါမှာတော့ လူ့စိတ်ရဲ့ရှုပ်ထွေးမှုတွေနဲ့အတူ ပိုနက်ရှိုင်းတဲ့ဇာတ်ကြောင်းနဲ့တကွ နောက်ဆုံးဇာတ်၀င်ခန်းအထိကို ခန့်မှန်းရခက်တဲ့ မေးခွန်းတွေကိုချန်နိုင်ခဲ့တဲ့ဇာတ်ကားမျိုးပါ။ ဇာတ်လမ်းအကျဉ်းကတော့ – နစ်က ဘေ့စ်ဘောကစားသမားဟောင်းတစ်ယောက်ပါ။ မနှစ်က ဟောလိုး၀င်းမှာ ကလေးတစ်ယောက်ကိုကားတိုက်ပြေးမိပြီး တောထဲမှာအလောင်းဖျောက်လိုက်ပါတယ်။ ဒီနှစ်လည်း ဟောလိုး၀င်း နီးလာတဲ့အချိန်မှာ ဖရုံသီးတစ်လုံးနဲ့အတူ တခြားအမြင်အာရုံတွေမြင်လာပါတယ်။ အဲဒါက သူ့ရဲ့အပြစ်အတွက် လိပ်ပြာမလုံတဲ့စိတ်ကြောင့် ထင်ယောင်ထင်မှားဖြစ်တာလို့ နစ်ထင်ခဲ့ပေမဲ့ တခြားအရာတစ်ခုကနေ သူ့ကိုအမှားပြင်ဖို့အခွင့်အရေးပေးနေတာဆိုတာ သူသိမြင်လာတဲ့အခါ နစ်ဘယ်လိုရွေးချယ်မလဲ ကြည့်ရှုရမှာပါ။ File size…(1 GB)/(736 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Horror, Drama Subtitle….Myanmar Subtitle (Hardsub) Encoder….Swan Min Htet Translated by Soe Thiri Nwe