The Monster Squad ဇာတ်ကားလေးဟာ ဒါရိုက်တာ Fred Dekker ရိုက်ကူးထားတာ ဖြစ်ပါတယ်။ ဒီဇာတ်ကားလေးဟာ သူ့ခေတ်အခါတုန်းကတော့ အတော်အသင့်နာမည်ရခဲ့ပြီးတော့ Box office မှာ ၃.၈ ဘီလီယံ ဒေါ်လာ ရခဲ့ပါတယ်။ ဇာတ်လမ်းရဲ့ special effects တွေက အရင် ၁၉၈၀ လောက်တုန်းကဆိုတော့ အရမ်းမကောင်းပေမဲ့ ပရိသတ်တွေကို Horror အရသာ အပြည့်ခံစားရစေပါတယ်။ 80s ကားတွေကို ပြန်ပြီး ခံစားကြည့်ချင်တယ်ဆိုရင်တော့ အိမ်မှာ ဇိမ်ခံရင်း ကြည့်လို့ကောင်းတဲ့ ကားတစ်ခုပါပဲ။ လူကြီးသူငယ်မရွေးကြည့်လို့ ကောင်းပါတယ်။ ဇာတ်လမ်းအကျဉ်းချုပ်ကတော့ ဒရက်ကူလာလို့ ခေါ်တဲ့ မကောင်းဆိုးဝါးတစ်ကောင်ဟာ ဇာတ်လိုက်ဖြစ်တဲ့ ရှောင် နဲ့ သူငယ်ချင်းတွေရှိတဲ့ မြို့လေးမှာ နိုးထလာပြီးတော့ ပျောက်ဆုံးနေတဲ့ ဗန်ဟဲလ်ဆင်ရဲ့ ဒိုင်ယာရီကို လိုက်ရှာပါတော့တယ်။ ဒိုင်ယာရီဟာ ရှောင်တို့လက်ထဲမှာ ရှိပြီးတော့ အထဲမှာ ဒရက်ကူလာကို တားဆီးဖို့ နည်းလမ်းကို ရေးထားပါတယ်။ ဒရက်ကူလာနဲ့ ရှောင်တို့ အားပြိုင်တဲ့အခါမှာ အဆုံးသတ်မှာ ဘယ်သူနိုင်သွားလဲဆိုတာတော့ စိတ်ဝင်စားစရာပါပဲ။ မထင်မှတ်ထားတဲ့ plot twitst တွေလဲထည့်ရိုက်ထားပါတယ်။ ဒီကားလေးကို ဆက်လက်ကြည့်ရှုလိုက်ကြပါ ခင်ဗျာ။ File size…(1.2 GB)/(600 MB)/(400 Mb) Quality….Webrip 1080p / 720p / 480p Format…mp4 Duration….01:22:00 Genre...Comedy, Action, Fantasty Subtitle….Myanmar Subtitle (Hardsub) Encoder….Mr. Anderson Translated by Alexay

Drama IMDb 6.4/10 ကဲ တေလဂူဘက်က မင်းသားချောလေး နာဂချီတန်ယားအခီနယ်နီရဲ့ ဇာတ်ကားသစ်လေး ထွက်လို့လာခဲ့ပါပြီ... ဒီမင်းသားရဲ့ထူးခြားချက်ကတော့ သူရိုက်တဲ့ကားတော်တော်များများက ဇာတ်ကိုအေးအေးလေးနဲ့ ပရိသတ်ကို ဆွဲခေါ်သွားနိုင်တဲ့ အရည်အချင်းရှိတယ်.. ခုတစ်ခါထွက်ရှိလာတဲ့ကားလေးမှာလည်း လူတစ်ယောက်ရဲ့ဘဝ... အသေအချာပြောရရင် ယောက်ျားတစ်ယောက်ရဲ့ဘဝမှာ ကြုံရတတ်တဲ့ ဘဝရဲ့အချိုးအကွေ့ အနိမ့်အမြင့် အတက်အကျတွေကြားမှာ ကိုယ့်ကို ဘယ်သူဟာအမြင့်ကို ဆွဲခေါ်သွားလဲ ကိုယ့်ကို ဘယ်သူဟာ အနိမ့်ကို ဆွဲချသွားလဲဆိုတာကို ပိုင်းခြားသိမြင်တတ်အောင် သင်ပေးထားတဲ့ ဇာတ်ကားကောင်းလေးပါ.. ရည်မှန်းချက်တွေအပြည့်နဲ့ အမေရိကန်ကို ရောက်လာတဲ့ အဘီဟာ တစ်ကောင်ကြွက်တစ်ယောက်ဖြစ်ပြီး သူ့အိပ်မက်တွေ အကောင်အထည်ပေါ်လာအောင် ကြိုးစားမယ့်လူတစ်ယောက်ပါ... ဒါပေမဲ့ အောင်မြင်လာတဲ့အခါမှာလည်း သူဟာ တစ်ကိုယ်ကောင်းဆန် မောက်မာလာပြီး သူ့ကျေးဇူးကို မေ့လာခဲ့ပါတယ်... ဘဝမေ့တော့မယ့်ဆဲဆဲ အမြင်မှန်ရလာတဲ့အခါမှာတော့ ဘဝကို လက်တွေ့ကျကျနဲ့ သူဘယ်လိုဖြတ်သန်းမလဲ သူ့ဘဝတက်လမ်းကို ဖေးမပေးခဲ့တဲ့သူတွေကို ပိုင်းခြားသိမြင်လာပြီးနောက် စိတ်ဝင်စားဖွယ် သူ့နောက်ကြောင်းတွေနဲ့အတူ ဘဝခရီးလမ်းကို အဓိပ္ပါယ်ရှိစွာနဲ့ ဘယ်လိုဖြတ်သန်းမလဲဆိုတာကို စိတ်ဝင်တစားကြည့်ရှုရမယ့်အပြင် ကိုယ့်ဘဝရဲ့ကျေးဇူးရှင် ရန်သူနဲ့ ဘဝလက်တွဲဖေါ်တို့ကို အောင်မြင်စွာပိုင်းခြားသိမြင်နိုင်ကြပါစေလို့ ဆန္ဒပြုလိုက်ပါတယ်နော်... File size…10.57GB / 2.67GB / 1.2GB Quality…720p Format…mp4 Duration….2h 6m Subtitle….Myanmar Subtitle (Hard Sub) Encoder….YK Translated by Taylor ~ Yunni ~ Khai

Goodbye, Dragon Inn ( 2003 ) —————————- Directed by Tsai Ming Liang Breathless ရုပ်ရှင်ထဲက Godard ရဲ့ ဒိုင်ယာလော့တစ်ကြောင်းရှိတယ်။ ဘဝရဲ့အကြီးကျယ်ဆုံးပန်းတိုင်က immortal ဖြစ်လာပြီးမှ သေဖို့ပဲတဲ့။ ဒီလိုမသေမျိုးဖြစ်လာပြီးမှ သေသွားတဲ့လူတွေ ရှိတော့ရှိပါတယ်။ ဗန်ဂိုး , မိုးဇက် , ဟိုးမား , မိုက်ကယ်အိန်ဂျလို , တာကော့စကီး…။ လွယ်တော့မလွယ်လှဘူးပေါ့။ အခက်ဆုံးအရာလို့ ပြောရင်တောင်ရမလားပဲ။ ဂွတ်ဘိုင်ဒရာဂွန်အင်း တစ်ကားလုံးက ရုပ်ရှင်ရုံဟောင်းတစ်ခုမှာ တစ်ချိန်က legenကြီး ကင်းဟူရဲ့ ဒရာဂွန်အင်းကားပြနေတဲ့ အချိန်တစ်ခုကို ရိုက်ထားရုံသက်သက်ပဲ။ ဒီလိုရိုက်တာ Tsai Ming Liangပထမဆုံးတော့ မဟုတ်ဘူးပေါ့။ ရုပ်ရှင်ကို ရုပ်ရှင်ပိုဆန်စေခဲ့တဲ့ အင်ဂမာဘတ်မန်းတို့ အီရန်ရုပ်ရှင်က ဆရာတစ်ဆူဖြစ်တဲ့Abbas Kiraostami တို့လည်း ရိုက်ခဲ့ဖူးတယ်။ ဒါပေမဲ့ Tsai Ming Liangကလည်း Tsai Ming Liangပါပဲ။ သူ့ကားက ရုပ်ရှင်ကြည့်တဲ့သူတွေအကြောင်းကားလား ရုပ်ရှင်တကယ်မကြည့်တဲ့သူတွေအကြောင်းကားလားတော့ မသည်းကွဲဘူး။ ရုပ်ရှင်ရုံက လူတော့သိပ်မများလှဘူး။ အကုန်လုံးနီးပါးက ရုပ်ရှင်တကယ်ကြည့်နေတာမဟုတ်ဘဲ ကြောင်လာပျောက်နေတဲ့သူတွေချည်း။ ဒါကြောင့်ပဲနေပါမယ် ဒီဒရာမာကားကို Tsai Ming Liangပြန်ကြည့်တော့ ဟာသကားကြည့်သလို ခွက်ထိုးခွက်လန်ရယ်မိသတဲ့။ တော်တော်ရယ်ရတဲ့ကားပဲလို့ဖြေဖူးတယ်။ သူကလည်းသူကိုး။ ဒရာမာအခြေအနေတွေကို humour ဆန်ဆန်ပါ အငွေ့အသက်ရအောင် လုပ်နေကျပဲ။ ခုနပြောသလို ရုပ်ရှင်မကြည့်တဲ့သူတွေအကြောင်းရိုက်ထားတယ်ဆိုပေမဲ့ ကားထိုးတဲ့သူရယ် လက်မှတ်ရောင်းတဲ့မိန်းမရယ် ကာရိုက်တာကိုလည်း အထူးတလည်ပြထားသေးတယ်။ ကားထိုးတဲ့သူကတော့ သူ့ကားတွေရဲ့ အမြဲတမ်းမင်းသား Lee Kang-sheng။ ဒီရုပ်ရှင်မကြည့်နေတဲ့လူတွေကြားမှာမှ တကယ်ကြည့်တဲ့လူနှစ်ယောက်ပါတယ်။ သူတို့က Chun Shihနဲ့ Miao Tien။ ကင်းဟူရဲ့ ဒရာဂွန်အင်းရုပ်ရှင်ရဲ့ အဓိကသရုပ်ဆောင်ရယ် အရေးပါတဲ့သရုပ်ဆောင်ရယ်ပေါ့။ ရုပ်ရှင်အပြီး ထပြန်ကြတော့ သူတို့တွေ့ကြတော့ သူတို့ပြောတဲ့စကားက ” ရုပ်ရှင်ရုံကို ဘယ်သူမှမလာကြတော့ဘူး ကျွန်တော်တို့ကို ဘယ်သူမှမမှတ်မိကြတော့ဘူး”တဲ့။ သူတို့ဘဝရဲ့အကြီးကျယ်ဆုံးပန်းတိုင်ကလည်း မသေမျိုးဖြစ်လာပြီးမှ သေဖို့ပဲထင်ပါတယ်။ ဒါပေမဲ့ ဒီရုပ်ရှင်ရဲ့လော့ဂျစ်မှာတော့ သူတို့ဖြစ်လာကြပုံမရဘူး။ ဒီလိုပဲ ရုပ်ရှင်ကြည့်မနေတဲ့သူတွေကို ရုပ်ရှင်ကြည့်ရင်း ကြေကြေကွဲကွဲမြင်ခဲ့ရတယ်။ ရုပ်ရှင်လည်းပြီးရော မိုးလည်းမဲပြီ။ ရုပ်ရှင်တကယ်မကြည့်ခဲ့တဲ့သူတွေလည်း ပြန်ကြတယ်။ ရုပ်ရှင်ကြည့်ခဲ့တဲ့ အဘိုးကြီး၂ယောက်လည်း ပြန်ကြတယ်။ နောက်ဆုံးမှာ ရုပ်ရှင်ရုံက အလုပ်သမားတွေလည်းပြန်ကြတယ်။ ရုပ်ရှင်ရုံအဟောင်းကြီးကတော့ ကျန်နေခဲ့တယ်။ မိုးတွေလည်းရွာနေတယ်။ ရုပ်ရှင်ရုံအဟောင်းကြီးမှာ နက်ဖြန်ပြမယ့်ကားက ဒရာဂွန်အင်း မဟုတ်လောက်တော့ဘူး။ ဒရာဂွန်အင်းကတော့ မကျန်ခဲ့ဘူးပဲ ပြောရမလားပဲ။ သူတို့ထွက်မလာခင်ကတည်းက ထွက်သွားနှင့်ပြီ။ အဘိုးကြီး၂ယောက်အတွက်တော့ ကျန်ရင်ကျန်နေမှာပေါ့။ ဘာပဲဖြစ်ဖြစ် Goodbye, Dragon Inn ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.9GB) / (700MB) Quality__BluRay_1080p, 720p IMDb Rating__7.1/10 Format__mp4 Duration__01:23:00 Type__Comedy, Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

A Lifeguard’s Obsession (2023) အသက်ကယ်ရတဲ့အလုပ်ဆိုရင် ကျန်တဲ့အလုပ်တွေထက် ပိုပြီးမြင့်မြတ်တယ်လို့ ကျွန်တော်တို့တော်တော်များများ ယူဆတတ်ကြပါတယ်။ အသက်ကယ်လိုက်တဲ့လူကိုလည်း အသက်သခင်ကျေးဇူးရှင်ရယ်ဆိုပြီး အရေးတယူပြုတတ်ကြတာ သဘာဝပါပဲ။ သင့်ကိုအသက်ကယ်လိုက်တဲ့လူက လူကောင်းလား လူဆိုးလားဆိုတာကိုတော့ ဘယ်သူမှမသိကြပေမဲ့ ကူညီချင်စိတ်ရှိတဲ့လူဟာ လူကောင်းရယ်လို့ပဲ တထစ်ချတွက်ဆတတ်ကြပါတယ်။ မက်ဂီဆိုတဲ့ကောင်မလေးဟာ ပင်လယ်ကိုအင်မတန်မှာချစ်တဲ့ကောင်မလေးတစ်ယောက်၊ ပင်လယ်ပျော်ပီပီ လှိုင်းစီးနေရတာကို ပျော်မွေ့သူတစ်ယောက်ပေါ့။ ဒါပေမဲ့ အားကစားသမားနဲ့ဒဏ်ရာဆိုတာကလည်း အမြဲဒွန်တွဲနေတဲ့အရာဖြစ်နေလေတော့ တစ်နေ့မှာ ဒူးခေါင်းအရွတ်ပြဲဒဏ်ရာရသွားပြီးတော့ လှိုင်းစီးရတာကို စွန့်လွှတ်ထားရသူဆိုလည်း မမှားပါဘူး။ လှိုင်းစီးတာကို တစ်ကမ္ဘာလို့ထင်မှတ်ထားတဲ့မက်ဂီအတွက်တော့ ဒီဒဏ်ရာဟာ ဘဝတစ်ခုလုံးကို အမှောင်ချလိုက်သလိုပါပဲ။ မက်ဂီရဲ့ချစ်သူကတော့ ကမ်းခြေကlifeguardလည်းဖြစ် နှုတ်ခမ်းနီမလေးတွေရဲ့ အသဲစွဲလည်းဖြစ်တဲ့ Influencer celeချောလေး ကိတ်ဒ်ပေါ့။ တစ်ချိန်က သိပ်ချစ်ကြတဲ့ မက်ဂီတို့ ချစ်သူစုံတွဲဟာ ဒဏ်ရာပြဿနာကြောင့် အရာရာကိုစိတ်မကြည်တဲ့မက်ဂီ ဒါကို ကိတ်ဒ်က Influencer ပီပီ လိုင်းပေါ်မှာပဲ ၂၄/၇ အချိန်ကုန်နေပြီး မက်ဂီကိုအချိန်မပေးနိုင်တော့ ဆက်ဆံရေးအဆင်မပြေဖြစ်နေတဲ့အပြင် အဆင်လေးတွေပတ်လည်ဝိုင်းနေတတ်တဲ့ သူ့ဘေးမှာလည်း လုပ်ဖော်ကိုင်ဖက်ထက်ပိုတဲ့အရိပ်အယောင်တွေနဲ့ တီနာဆိုတဲ့ကောင်မလေးပါရှိနေတဲ့ကိတ်ဒ်ကြောင့် RS တစ်ခုရဲ့ လေစိမ်းတိုက်နေတဲ့အခိုက်အတန့်ကို ရောက်ရှိနေချိန်ပေါ့။ ထုံးစံအတိုင်းပါပဲ rsတွေကြားမှာ ပြဿနာတက်ပြီဆိုရင် ရောက်လာတတ်တာကတော့ third partyလို့ခေါ်တဲ့ ကြားပွဲစားလေးတွေပေါ့။ အခုမက်ဂီတို့အတွဲကြားကိုလည်း လှိုင်းခိုးစီးဖို့ကြိုးစားရင်း ရေနစ်နေတဲ့မက်ဂီကို ကယ်တင်ပေးရင်းနဲ့ ဝင်ရောက်လာတဲ့ တောင့်တောင့်ဖြောင့်‌ဖြောင့်Lifeguardတစ်ယောက်ဖြစ်တဲ့ ဘလိတ်ခ်၊ မက်ဂီကတော့ အသက်သခင်ကျေးဇူးရှင်လို့မြင်နေတာကတစ်ကြောင်း တော်ကီကောင်းလွန်း သူ့ကိုဖေးမတတ်လွန်းတဲ့ ဒီဘဲကြီးရဲ့ခြွေချက်တွေကြားမှာ မျောမလိုဖြစ်သွားတဲ့အခါမှာတော့…. ကိတ်ဒ်နဲ့ကတောက်ကဆတွေများနေချိန်မှာ ကယ်တင်ရှင်လိုပေါ်လာတဲ့ဘလိတ်ခ်ကို မိန်းမသားပီပီ အားကိုးချင်စိတ်ဖြစ်လာမိတဲ့ မက်ဂီ၊ မက်ဂီကိုချစ်ပေမဲ့ အလုပ်ကိုပိုချစ် ပိုအလေးပေးနေမိတဲ့ကိတ်ဒ်၊ အသက်ကယ်တာကိုအရင်းတည်လို့ မက်ဂီရဲ့ဘဝမှာပါ နေရာဝင်ယူဖို့ကြိုးပမ်းလာတဲ့ဘလိတ်ခ် ဒီ ၃ ပွင့်ဆိုင်ချစ်ဇာတ်လမ်းကနေ ဘာတွေဘယ်လိုဆက်ဖြစ်မလဲဆိုတာ အားလုံးအတူတူ ကြည့်ရှုခံစားလိုက်ရအောင်ပါ။ အညွှန်း နဲ့ ဘာသာပြန်ကတော့ Mary Christ ပဲ ဖြစ်ပါတယ်။ Genre….. Thriller Quality…. 1080p | 720p | 480p File size… 1.5GB | 712MB | 335MB Format… mp4 Duration…. 1h 28min Subtitle…. Myanmar Subtitle (Hardsub) Translator ….. Mary Christ Encoder ….. Aaron

ဇာတ်လမ်းနာမည်လေးအတိုင်း ဇနီးအတွက် ဘာမဆိုလုပ်ပေးမယ့် ယောကျာ်းတစ်ယောက်ကိုမြင်တွေ့ရမှာမယ့် ပြင်သစ် Crime Drama Thrillaကားလေးဖြစ်ပါတယ်… ဂျူလီယန် နဲ့ လီဆာဟာ ကလေးတစ်ယောက်နဲ့ သာမန်ပျော်စရာမိသားစု ဘဝလေးကို နေထိုင်နေကြသူတွေပါ…။ တစ်နေ့ကျတော့ သူတို့တိုက်ခန်းကို ရဲတွေ ဝင်စီးပြီး လီဆာကို ဖမ်းခေါ်သွားပါတယ်။ အမှု‌မေးတော့ လူသတ်မှုတဲ့…လီဆာမကျူးလွန်တဲ့လူသတ်မှု။ ဖြစ်နိုင်စရာမရှိပါဘူး။ ဘာလို့ဆို သူတို့က ရိုးရိုးအေးအေးနေတဲ့ လင်မယားစုံတွဲ၊ တစ်ယောက်က ကျောင်းဆရာ တစ်ယောက်က ရုံးဝန်ထမ်း…။ ပြစ်မှုကျူးလွန်ဖို့ ပူလောင်သောကရောက်စရာလည်းမရှိသူတွေပါ။ ဒါပေမဲ့ ကိုယ်ကျင့်တရားတွေ ဘယ်လောက်ကောင်းကောင်း ဥပဒေက အနိုင်ရစမြဲပဲ ဖြစ်နေတော့ လီဆာဟာ ထောင် နှစ် ၂၀ကျသွားပါတယ်။ ကိုယ်ချစ်တဲ့သူ တစ်ဦးတစ်ယောက် အပြစ်မရှိဘဲ ထောင်ထဲရောက်သွားရင် ဘယ်လိုနေမလဲ… ဘယ်လိုခံစားရမလဲ… ဘာတွေပြန်ကြိုးစားပေးမလဲ…။ ဒါကို လက်မခံနိုင်တဲ့ ယောကျာ်းဖြစ်သူ ကျောင်းဆရာက ဇနီးဖြစ်သူကို ထောင်ထဲက ခေါ်ထုတ်ဖို့အကွက်ချစီစဥ်ပါတော့တယ်… လူမိုက်လည်းမဟုတ် ဂိုဏ်းစတားလည်းမဟုတ်တဲ့ ရိုးရိုးသာမန်ကျောင်း ဆရာတစ်ယောက်က ဘယ်လိုတွေ အသေးစိတ်စီစဥ်ပြီး ဇနီးဖြစ်သူကို ကယ်တင်မလဲဆိုတော့ ဇာတ်လမ်းထဲမှာကြည့်ရှုနိုင်ပါပြီ။ File size…1.56GB / 583MB Quality…Blu-Ray 1080p 5.1 CH/ 720p Format…mp4 Duration….1h 36m Genre ….. Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by Themes

Let Love Grow (2023) ================ IMDb Rating – 6.0/10 အပင်တွေကို ချစ်မြတ်နိုးသူ. ရှုခင်းဗိသုကာ တစ်ယောက်အဖြစ်နဲ့လည်း အသက်မွေးနေသူ အီဗီတစ်ယောက်ဟာ သူ့ရဲ့ သူငယ်ချင်းကလဲရ်နဲ့အတူ ကိုစတာဒယ်မာ ဆိုတဲ့ မြို့ငယ်လေးမှာ ရှုခင်းဒီဇိုင်းဆွဲတဲ့ လုပ်ငန်းလေး ဖွင့်ထားသူ ဖြစ်ပါတယ်။ စိမ်းလန်းအေးချမ်းတဲ့ သူ့ဘဝလေးကို သူ့ရဲ့အ ကြိုက်ဆုံးလမ်းဖြစ်တဲ့ ငယ်စဉ်က အမှတ်တရတွေလည်း များစွာရှိနေတဲ့ ပုလဲလမ်းကို ဒီဇိုင်းပြင်ဆင်ခွင့် အခွင့်အရေးက တံခါးခေါက်လာပါတော့တယ်။ အောင်မြင်မှုလမ်းစကို ရှာဖွေဖို့ ကိုစတာဒယ်မာကို သမီးလေး (၂) ယောက် နှင့် အတူ ပြောင်းလာခဲ့တဲ့ သတ္တဗေဒ ပညာရှင် ရိုင်ယန်နဲ့ နယ်ခံပျိုးပင်အ ရောင်းဆိုင်လေးမှာ တွေ့ဆုံပြီးချိန်မှာတော့ သူ့ရဲ့ဘဝတစ်ဆစ်ချိုး အချိန်ကို ရောက်ရှိလာခဲ့တယ်ပေါ့။ ပုလဲလမ်းကို ပြင်ဆင်ခွင့် အခွင့်အရေးမှာ ရိုင်ယန့် နောက်ဖေးခြံကို ဒီဇိုင်းပြင်ဆင်ဖို့က သော့ချက် ဖြစ်နေတာကို သိပြီးချိန်မှာ တော့ ခေါင်းမာတဲ့ဖခင် ရိုင်ယန် နဲ့ သူ့ကို ခင်တွယ်ရှာသူ သမီးလေး(၂)ယောက် ကို နောက်ဖေးခြံက ဥယျာဉ်လေးကို အကောင်အထည်ဖော်ဖို့ စည်းရုံးပြီး သူ့ရဲ့ အိပ်မက်ကို ပိုင်ဆိုင်နိုင်အောင် ကြိုးစားရပါတော့တယ်။ တစ်ဖက်မှာလည်း ရည်းစားဖြစ်သူ မာ့ခ်က ဂျပန်ကို ရာထူးတိုးနဲ့ သွားရမှာဖြစ် တဲ့ အကြောင်းနဲ့ အီဗီ့ကိုလည်းလိုက်စေချင်တဲ့အကြောင်း ပြောလာချိန်မှာတော့ အီဗီတစ်ယောက် ဘယ်အရာကို ရွေးချယ်ရမှန်းမသိ ဖြစ်နေခဲ့ရပါပြီ။ သူ့ရဲ့ အိမ် မက်ဖြစ်တဲ့ ပုလဲလမ်းကို ဒီဇိုင်းပြင်ဆင်ခွင့် ရမလား၊ ရိုင်ယန်နဲ့သမီးလေး (၂) ယောက်ကိုရော ကိုစတာဒယ်မာမှာ အခြေကျအောင်ကူညီနိုင်မလား၊ ဝါသနာ ကိုစွန့်လွှတ်ပြီး ရည်းစားဖြစ်သူနဲ့အတူ ဂျပန်မှာ စွန့်စားခန်းအသစ်တွေ ရှာဖွေ နိုင်မလားဆိုတာကတော့ . . . ဇာတ်လမ်းလေးရဲ့အမည်အတိုင်းပဲ “အချစ်တွေကို ရှင်သန်ကြီးထွားစေနိုင်မလား” ဆိုတာကိုတော့ ဇာတ်လမ်းထဲမှာပဲ အဖြေရှာဖို့ ဖိတ်ခေါ်လိုက်ရပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Sai Sumali ဖြစ်ပါတယ်) File Size……….(1.61 GB) / (819 MB) Quality…………WEB-DL 1080p / 720p Duration………1Hr 27Min Subtitle………..Myanmar Hardsub Format…………MP4 Genre…………..Drama, Family, Romance Translator…….Sai Sumali Encoder……….SWM

ဖရန်စစ် ဆန်တီနယ်လ်ဟာ တစ်ကောင်လုံးပြတောင် အရိပ်မမြင်ဘဲ ပေါ့ပျက်ပျက်လုပ်တတ်တဲ့ ခပ်တုံးတုံး အနုပညာရူး ရူးနေတဲ့ ရဲဌာနခေါင်းဆောင် ကပ္ပတိန်ပါ။ သူ့ရဲ့လက်အောက်မှာတော့ တစ်ကယ်အလုပ်ကြိုးစားပြီး စိတ်နေသဘောထားမှန်ကန်တဲ့ မိုရီဆေး လက်ထောက်ရဲဝန်ထမ်းရှိပါတယ်။ တစ်နေ့မှာတော့ မျိုးရိုးစဉ်ဆက် မတရားသဖြင့် အုပ်ချုပ်လာတဲ့ နိုင်ငံ့သမ္မတကြီးဟာ သွေးစွန်းလက်များဆိုတဲ့ အကြမ်းဖက်အဖွဲ့ဆီကနေ လာမယ့်ရွေးကောက်ပွဲမှာ နုတ်ထွက်ရင်နုတ်ထွက်၊ မထွက်ရင် တစ်မိသားစုလုံး အန္တရာယ်ကျရောက်မယ်လို့ ခြိမ်းခြောက်ခံလိုက်ရပါတယ်။ ခြိမ်းခြောက်ခံရပြီး မကြာခင်မှာပဲ သမ္မတကြီးရဲ့ယောင်္ကျား ပြန်ပေးဆွဲခံလိုက်ရတဲ့အခါမှာ ဒီအကြမ်းဖက်အဖွဲ့ကို စုံးစမ်းစစ်ဆေးဖို့တာဝန်က ဆန်တီနယ်အပေါ်ကျရောက်လာခဲ့ပါတယ်။ ဆန်တီနယ်နဲ့ မိုရီဆေးတို့နစ်ယောက် ဒီအမှုကို ဘယ်လိုဖြေရှင်းကြမလဲ၊ ပြန်ပေးဆွဲခံရတဲ့ သမ္မတကြီးရဲ့ ယောင်္ကျားကိုရော ဘယ်လိုကယ်မလဲ၊ သူတို့ထင်ထားသလောက် ဒီပြန်ပေးဆွဲမှုကြီးက ရိုးရှင်းပါ့မလားဆိုတာက ကြည့်ရင်း ရှယ်ခွီးရမယ့်ဇာတ်ကားလေးပါ File size…(2.1 GB)/(1.1 GB) Quality….Webrip 1080p / 720p Format…mp4 Duration….01:39:00 Genre…Comedy, Adventure, Action Subtitle….Myanmar Subtitle (Hardsub) Encoder….Mr. Anderson Translated by Matteo

IMDb 7.1 ရရှိထားတဲ့ လူသတ်သရဲကားကို CMကနေ တင်ဆက်ပေးလိုက်ပါတယ်။ Full House, Family Guy, Detention, Roommates အစရှိတဲ့ ရုပ်ရှင်စီးရီးတွေရဲ့ မင်းသမီး Tamera Mowryက ယခုရုပ်ရှင်မှာ ဂတ်ဆန်းမန်းနီး ဆိုတဲ့ ကာရိုက်တာအနေနဲ့ သရုပ်ဆောင်ထားပါတယ်။ ဒါ့အပြင် Too close , Delicious , The Inheritance, Extra ordinary အစရှိတဲ့ ရုပ်ရှင်ကောင်းပေါင်းများစွာမှာ သရုပ်ဆောင်ဖူးတဲ့ Risteárd Cooperကြီးကပါ အဆိုပါရုပ်ရှင်ကို အတွဲညီညီနဲ့ တွဲဖက်သရုပ်ဆောင်ထားပါတယ်။ ( အေမန် မက်ကာသီနဲ့ အော်လာတို့က နိုင်ငံကျော် အနုပညာရှင် ချစ်သူတွေဖြစ်ကြပါတယ်။ သူတို့၂ယောက်ကို လူတိုင်းကလည်း ချစ်ကြပါတယ်။ ဒါပေမယ့် သူတို့ချစ်သူ၂ဦးကြားမှာ အဖြစ်ဆိုးကြီး ဖြစ်သွားခဲ့ပါတယ်။ Official သတင်းအရဆိုရင် အေမန်က အော်လာကို သတ်ပြီး ကိုယ့်ကိုယ်ကို အဆိပ်သောက်သတ်သေသွားခဲ့တယ်လို့ဆိုပါတယ် …….. ) ဂတ်ဆန်းမန်းနီး ဘရောင်းလို့ခေါ်တဲ့ သီချင်းသင်တဲ့ ဆရာမက အိုင်ယာလန်မှာရှိတဲ့ ဘော်ဒါကျောင်းရဲ့ သံစုံတီးဝိုင်းက ကျောင်းသား/သူတွေကို သီချင်းသင်ပေးဖို့ အိုင်ယာလန်ကို ရောက်ရှိလာပါတယ်။ အိုင်ယာလန်ကို ရောက်လာတဲ့ ဂတ်ဆန်းမန်းနီးက စောနက အေမန့်ရဲ့အိမ်မှာ တည်းခွင့်ရပါတယ်။ အိုင်ယာလန်ကို ရောက်လာတဲ့ သူ(မ)ရဲ့ ရည်ရွယ်ချက်က သီချင်း သင်ပေးဖို့ပါပဲ။ ဒါပေမယ့် မမျှော်လင့်ထားဘဲ အေမန့်ရဲ့ ဝိညာဉ်နဲ့ တွေ့ဆုံလိုက်ရတဲ့အခါမှာတော့ ….. အေမန်ကရော Official သတင်းက ပြောသလို သူ့ရဲ့ချစ်သူ အော်လာကို တကယ်ပဲ သတ်ခဲ့တာလား …. အေမန်က နစ်နာသူလား …. အေမန်က အသတ်ခံခဲ့ရတာလား ….. သူအသတ်ခံရတာဆိုရင် အေမန်တို့ကို ဘယ်သူက သတ်သွားတာလဲ ….. ဘာလို့ သတ်ရတာလဲ ….. အေမန်က သေသွားတာတောင် ဘယ်လိုဖြစ်လို့ မကျွတ်သေးဘဲ ဝိညာဉ်အနေနဲ့ ပိတ်မိနေသေးတာလဲ ….. အေမန်နဲ့ အော်လာသေဆုံးမှုမှာ မထင်မှတ်ထားတဲ့အရာတွေ မထင်မှတ်ထားတဲ့ ကိစ္စတွေ ပါဝင်လာတဲ့အခါမှာတော့ …… ဂတ်ဆန်းမန်းနီးနဲ့ အေမန်တို့ အေမန် သေဆုံးရတဲ့အပေါ်ကို စုံစမ်းဖြေရှင်းတဲ့ပုံစံနဲ့ ယခုရုပ်ရှင်ကို စိတ်ဝင်တစားကြည့်ရှု့ရမှာဖြစ်ပါတယ်။ တရားခံက နောက်ဆုံးအချိန်ထိ သို့လောသို့လောဖြစ်နေအောင် Plotကို လုပ်ထားတာကို အတော်ကြိုက်မိတယ်။ လူသတ်ကားကိုမှ သရဲလည်းပါပြီး စုံစမ်းစစ်ဆေးရေးပုံစံလည်း ပါတယ် ပြီးတော့ serious ဆန်ပေမယ့် တအားကြီး စိတ်ဖိစီးရလောက်တဲ့အထိ serious မဆန်ဘဲ တချို့နေရာလေးတွေ အလိုလိုရယ်ရတဲ့အခန်းတွေလည်း ပါတော့ ကြည့်ရတာ ဘက်ပေါင်းစုံကနေ ရသပေးနိုင်မှာ သေချာပါတယ်။ ဒီလိုဇာတ်လမ်းမျိုးက ကြည့်ပြီးတာနဲ့ ရုပ်ရှင်ကားကောင်းတစ်ကားကို ကြည့်လိုက်ရလို့ ကျေနပ်တဲ့feelingမျိုးပေးစွမ်းနိုင်မှာ သေချာပါတယ်လို့ပြောရင်း reviewကို အဆုံးသတ်ပရစေ။ အညွှန်းနဲ့ဘာသာပြန်သူက Minn Khant Kyi Win ဖြစ်ပါတယ်။ File size…(1.6 GB)/(902 MB) Quality….Webrip 1080p / 720p Format…mp4 Duration….01:24:00 Genre…Tv Movie, Mystery Subtitle….Myanmar Subtitle (Hardsub) Encoder….Mr. Anderson Translated by Min Khant Kyi Win

The Tiger Brigades (2006) ==================== IMDb Rating – 5.8/10 The Tiger Brigades ဟာ ၁၉၇၀-၈၀ ဝန်းကျင်မှာ အောင်မြင်ခဲ့တဲ့ ပြင်သစ် ဇာတ်လမ်းတွဲ Tiger Brigades ကိုအခြေခံထားတာပဲဖြစ်ပါတယ်။ ၁၉၀၇ ပြင်သစ်မှာရာဇဝတ်မှုတွေအလွန်အမင်းတိုးပွားလာချိန်မှာ ဝန်းကြီးချုပ်ကလေ မန်ဆောက ရာဇဝတ်မှုတိုက်ဖျက်ရေးအတွက် အထူးတပ်ဖွဲ့တွေကိုဖွဲ့စည်းခဲ့ ပါတယ်။ အဲ့ဒီအဖွဲ့တွေကိုနောက်ပိုင်းမှာ ကလေမန်ဆောရဲ့နာမည်ပြောင်ကို အစွဲပြုပြီး ကျားတပ်ဖွဲ့လို့အများပြည်သူကသိလာကြပါတယ်။ ဖြစ်ရပ်မှန်မဟုတ်ပေမယ့် သမိုင်းမှာတကယ်ရှိခဲ့တဲ့ပုဂ္ဂိုလ်တွေ၊အထင်ကရ ဖြစ်ရပ်တွေကို စိတ်ကူးယဉ်နဲ့ရောမွှေဖန်တီးထားတာပါပဲ။ဒီဇာတ်ကားမှာတော့ အထူးတပ်ဖွဲ့ဝင်တွေဟာ သာမန်လုယက်မှုတစ်ခုကို လိုက်မိရာကနေ သပွတ် အူထက်ရှုပ်ထွေးတဲ့၊နိုင်ငံရေးထိပ်သီးပုဂ္ဂိုလ်ကြီးတွေ၊ သြဇာကြီးတွေ ပါဝင် ပတ်သက်နေတဲ့အမှုတစ်ခုကို အစဆွဲထုတ်မိတာကိုတွေ့မြင်ရမှာပါ။မြင်နေကျ အမေရိကန်အထူးတပ်ဖွဲ့ကားတွေလို ကိရိယာအဆန်းတွေ၊ဇာတ်လိုက်တွေရဲ့ သူမတူအောင်စွမ်းဆောင်ပုံတွေကိုမြင်တွေ့ရမှာမဟုတ်ပဲ သာမန်လူတွေလို သွားလာလှုပ်ရှား စကားပြော ကောက်ချက်ဆွဲကြတဲ့ သဘာဝကျကျလူသား ဆန်ဆန်ရဲစုံထောက်တွေကိုတွေ့မြင်ရမှာဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size……….(2.29 GB) / (968 MB) Quality…………BLU-RAY 1080p / 720p Duration………2Hr 05Min Subtitle………..Myanmar Hardsub Format…………MP4 Genre…………..Action, Adventure, Crime Translator…….Alias Encoder……….SWM

လူတိုင်းရဲ့မသိစိတ်တစ်နေရာမှာ ကိန်းအောင်းနေတတ်တဲ့ Dark side၊ အမြဲတမ်း မြင်ရလေ့မရှိပေမဲ့ စိတ်ထဲကနတ်ဆိုး အပြင်ကိုရောက်လာပြီဆိုရင်တော့ ကံဆိုးခြင်းတွေ ပျက်စီးခြင်းတွေကိုပါ အတူတကွ သယ်ဆောင်လာတတ်ပါသတဲ့။ မာရွတ်စ်တို့သူငယ်ချင်းတစ်အုပ် ဘွဲ့ရပြီးသွားတဲ့ နောက်မှာတော့ ဘွဲရတဲ့အထိန်းအမှတ်အနေနဲ့ ဘွဲ့ရတဲ့အထိန်းအမှတ်ပါတီလေးလုပ်ဖို့ လူစုပြီးလုပ်ကြပါတော့တယ်။ ဖြစ်ချင်တော့ သူတို့ပါတီကျင်းပဖို့ လုပ်ထားတဲ့နေရာက အဆင်မပြေဖြစ်ပြီး ပျက်သွားပါတော့တယ်။ သူတို့တွေ ချက်ချင်း တခြားနေရာကို ပြောင်းငှားဖို့ လုပ်ကြပေမဲ့ နေရာတိုင်းက ဘိုကင်တွေနဲ့ပြည့်နေတော့ အကျပ်ရိုက်ကုန်ကြပါ တော့တယ်။ အဲဒီအချိန်မှာပဲ ကယ်တင်ရှင်မာရွတ်စ်က သူ့ရဲ့ အိမ်ခြံမြေပွဲစားအမေဖြစ်သူ ရောင်းလို့မထွက်ဖြစ်နေတဲ့ အိမ်အကြောင်းကို ကြားသွားပြီးတော့ အဲဒီအိမ်မှာ ပါတီလုပ်ဖို့ အကြံကို ရသွားပါတော့တယ်။ အဲဒီအိမ် ရောင်းမထွက်ရတဲ့ အကြောင်းအရင်းကတော့ အရင်က အဲဒီအိမ်မှာ နေခဲ့တဲ့မိသားစုမှာ ခင်ပွန်းဖြစ်သူက လွဲပြီးတော့ ကျန်တဲ့မိသားစုဝင်တွေအကုန် မီးလောင်ပြီး သေဆုံးသွားတဲ့ရာဇဝင်ကြောင့်ပဲ ဖြစ်ပါတယ်။ ဒီအကြောင်းကို မသိတဲ့ မာရွတ်စ်ဟာ သူ့သူငယ်ချင်းတွေနဲ့အတူ ပါတီလုပ်ဖို့ အဲဒီအိမ်ကြီးဆီကို ထွက်လာကြပါတော့တယ်။ အိမ်ကြီးဆီကို ရောက်တဲ့အခါမှာတော့ အသက်ရှင်ကျန်ရစ်ခဲ့တဲ့ ခင်ပွန်းဖြစ်သူ ထွင်းထုထားတဲ့ သစ်သားပန်းပုရုပ်တွေကို မြင်တွေ့ခဲ့ကြရပြီးနောက်မှာ ပါတီလုပ်ကြရင်း သစ်သားပန်းပုရုပ်ကို ထင်းအဖြစ်လုပ်ဖို့ ကြံစည်ရာကနေ စပြီးတော့ ဘယ်ကမှန်းမသိတဲ့ လျှို့ဝှက်လူသတ်သမားတစ်ယောက် ရောက်လာပြီးတော့ သူတို့ သူငယ်ချင်းတစ်သိုက်ကို လိုက်လဲပြီးတော့ သတ်ဖြတ်ပါတော့တယ်။ အဲဒီလူသတ်သမားဆီကနေ သူတို့ ဘယ်လိုလွတ်မြောက်အောင် လုပ်ကြမလဲ …… လူသတ်သမားကရော ဒီအိမ်ကြီးနဲ့ ဘယ်လိုဆက်နွယ်နေလဲ …… ရုပ်ထုတွေကို ထိတော့မှပဲ ဘာလို့ လူသတ်သမားက ပေါ်လာလဲ…. ဆိုတာတွေကို စိတ်လှုပ်ရှားစွာနဲ့ ဟော်ရာဆန်ဆန် ကြည့်ရှူရမယ့် ဇာတ်ကားကောင်းလေးတစ်ပုဒ်ပဲ ဖြစ်ပါတယ်။ File size…1.28GB / 546MB Quality…WEB-Rip 1080p / 720p Format…mp4 Duration….1h 27m Genre ….. Horror , Thriller Subtitle….Myanmar Subtitle (Hard Sub) Encoder….Min Wai Translated by TD

J Edgar (2011) IMDb Rating (6.5) ဒီတစ်ခါ CM ပရိသတ်ကြီးကိုတင်ဆက်ပေးချင်တဲ့ဇာတ်ကားလေးကတော့ ဆရာကြီး လီယိုနာဒိုက အဓိကဦးဆောင်ထားပြီး သူ့ထက်ဆရာ့ဆရာ ကလင့်စ်အိစ်ဝုဒ်က ပရိုဂျူဆာ ဒါရိုက်တာလုပ်ထားတဲ့ ဘိုင်အိုဂရပ်ဖီကားလေးပါပဲ လူတစ်ယောက်ရဲ့အကြောင်းကို ရိုက်ထားတဲ့ဘိုင်အိုဂရပ်ဖီကားဆိုပေမြ့ ဂျေအက်ဂါဆိုတဲ့ အမေရိကန်ရဲ့နာမည်ကြီး ထောက်လှမ်းရေး အဖွဲ့အစည်း FBI ကို စတင်တည်ထောင်ခဲ့တဲ့သူပါ အဲ့တော့ သူ့အကြောင်းဆိုတာက FBI အဖွဲ့ကြီးရဲ့သမိုင်းကြောင်းပါပဲ စစ်အေးတိုက်ပွဲကာလမှာ ကမ္ဘာမှာ ကွန်မြူနစ်စနစ်ကြီးစိုးချိန် အမေရိကန်နိုင်ငံမှာ ကွန်မြူနစ်တွေရဲ့အန္တရာယ်ကိုကာကွယ်ဖို့ ဒီအဖွဲ့ကြီးကို တည်ထောင်ခဲ့ရာကစပြီး အမေရိကန်ရဲ့ အကောင်းဆုံး ထောက်လှမ်းရေးအဖွဲ့အစည်းဖြစ်အောင် ဂျေအက်ဂါတစ်ယောက်သူ့ခြေသူလက်နဲ့ ဘယ်လိုတည်ထောင်ခဲ့လဲဆိုတာ သူ့ဘဝအကြောင်းနဲ့ ယှဉ်တွဲပြီးတော့ ပုံဖော်ပြထားတာပါ လီယိုနာဒိုကတော့ လီယိုနာဒိုပါပဲ လုံးဝကိုဇာတ်ကောင်နဲ့ထပ်တူညီတယ်လို့ခံစားရပြီး ရသလဲပေးနိုင်သလို အဲ့ခေတ်က အမေရိကန်အကြောင်း ဗျူရိုစနစ်တွေအကြောင်း တစေ့တစောင်းကို ဇာတ်လမ်းသွားလေးနဲ့ကြည့်ရမှာမို့ CM ပရိသတ်တို့ လက်မလွှတ်ကြဖို့ အကြံပေးလိုပါတယ်။ (ရုပ်ရှင်အညွှန်းနဲ့ဘာသာပြန်ကို Sai Thurein Lynn မှတင်ဆက်ထားပါတယ်။)

ဟာရုဆိုတဲ့ မိန်းကလေးကို တွေ့ပြီးတော့ ကူညီပေးလိုက်ရာကနေ အဲဒီမိန်းကလေးက အတူအိပ်ချင် အိပ်ရအောင်လို့ စပြောလာခဲ့တဲ့အတွက် အတူနေလိုက်မိတယ် အဲဒီကိစ္စပြီးနောက်မှာ ဟာရုကို တမ်းတမ်းစွဲဖြစ်သွားပြီး တစ်အိမ်တည်းမှာပါ အတူနေလိုက်တော့တယ် အဲဒီအချိန်ကတည်း ဟာရုက ချန်းဆောင်းအတွက် အကုန်ထောက်ပံ့ပေးပါတော့တယ် ပိုက်ဆံတွေလည်း ပေး ခန္ဓာကိုယ်လည်းပေးမို့ ချန်းဆောင်းတစ်ယောက်ကတော့ အစပိုင်းမှာ မျောက်အုန်းသီးရသလို ဖြစ်နေခဲ့တာပေ့ါ ဒါပေမဲ့ ဟာရုက တခြားယောက်ျားတွေနဲ့ တပူးပူးတတွဲတွဲလုပ်နေတာကို မြင်လိုက်ရတဲ့အခါမှာ မယုံသင်္ကာမှုတွေ ကြီးစိုးလာပါတော့တယ် သူ့ကိုစပြီး အိပ်ဖို့ပြောခဲ့သလိုမျိုး တခြားသူတွေနဲ့လည်း အဲဒီလို လုပ်လောက်မှာပဲဆိုပြီးတော့ ဟာရုကို အထင်အမြင်တွေ သေးလာသလို နှိပ်လည်း နှိပ်စက်ပါတော့တယ် အစကတည်းက အချစ်နဲ့ စခဲ့တာမဟုတ်ဘဲနဲ့ တဏှာနဲ့ စခဲ့တဲ့ ဆက်ဆံရေးမို့ ဟာရုကို တဖြည်းဖြည်းနဲ့ လူတကာနဲ့ အိပ်နေတဲ့ ရွံစရာ သတ္တဝါလို ချန်းဆောင်းက မြင်လာခဲ့တယ် အဲဒီလို အခြေအနေကနေ သူတို့နှစ်ဦး ဘယ်လို ရုန်းထွက်ကြမလဲ အချစ်ငတ်နေတဲ့ ဟာရုလည်း တကယ်အချစ်ခံရရှာပါ့မလားဆိုတာကိုတော့ ဇာတ်လမ်းလေးထဲမှာပဲ ကြည့်ရှုအားပေးလိုက်ကြပါဦးနော် File Size : 1.22 GB, 462 MB Quality : 1080p,720p Format…mp4 Duration…01:18:29 Genre : Adult, Drama Subtitle : Myanmar Subtitle (Hard Sub) Translated by ‌SD Encoded by DS

Deadpool မင်းသား ရိုင်ရန်ရေးနိုးရဲ့ ဇနီးဖြစ်သူ Blake Lively ရဲ့ အချစ်ကားအသစ်ထွက်လာပါတယ်။ သူ့ကိုတော့ The Age of Adaline ကားမှာကတည်းက ရင်းနှီးကြမှာပါ။ Gossip Girls စီးရီးမှာလည်း ပါဖူးတာမို့ သိကြမှာပါ။ အခုရုပ်ရှင်ကတော့ ဖြစ်လေ့ဖြစ်ထ ရှိတဲ့ ၃ ပွင့်ဆိုင် အချစ်ဇာတ်လမ်းတစ်ခုကို အမျိုးသမီးတွေအတွက် ပညာပေးသလိုလေးလည်း ဖြစ်အောင် ရိုက်ပြထားတာပါပဲ။ ရုပ်ရှင်ထဲက အလှဆုံးစကားကတော့ “နင် တစ်ယောက်ယောက်ကို ချစ်ဖြစ်ဦးမယ်ဆိုရင်တော့ ငါ့ကိုပဲ ချစ်ဖြစ်လိုက်ပါ” ဆိုတာပါပဲ။ လီလီဘလွန်းဆိုတာ ပန်းဆိုင်ဖွင့်ဖို့အရမ်းကို ရူးသွပ်ခဲ့တဲ့ မိန်းကလေး။ သူ့ရဲ့ အချစ်ဦးက အိမ်ခြေရာမဲ့ကောင်လေးတစ်ယောက်။ ပန်းဆိုင်ဖွင့်ပြီးချိန်မှာ သူချစ်မိသွားတာက ဦးနှောက်အာရုံကြော ခွဲစိတ်ဆရာဝန် လူချောကြီးတစ်ယောက်ပေါ့။ အဲဒီဆရာဝန်က သူ့ကိုအရမ်းချစ်ပေမဲ့ သူ့မှာလည်း လူမသိတဲ့ အမှောင်လျှို့ဝှက်ချက်တွေ ရှိနေပြန်တယ်။ ဆရာဝန်လေးနဲ့တွဲနေကြချိန်မှာပဲ သူငယ်ငယ်က အိမ်ခြေရာမဲ့ ကောင်လေးက သူ့ဘဝထဲကို ပြန်ဝင်လာခဲ့တယ်။ ဒီအခြေအနေတွေကနေ အကောင်းဆုံးဖြစ်အောင် ဘယ်လို ရုန်းထွက်မလဲဆိုတာ ပြထားတဲ့ ရုပ်ရှင်ပါပဲ။ အချစ်ကားကောင်းကောင်း ကြိုက်တတ်သူတွေအတွက် ကြည့်ရမဲ့ ရုပ်ရှင်တစ်ကားပဲ ဖြစ်ပါတယ်။ File size…6.10GB / 2.38GB / 1.08GB Quality…WEB-DL 4k HEVC / 1080p HEVC / 720p Format…mkv / mp4 Duration….2h 10m Genre ….. Drama , Romance Subtitle….Myanmar Subtitle (Hard Sub) Encoder….Min Wai , YK Translated by Mr.Anderson

Because I Hate Korea (2024) ****************************** မိမိ မွေးဖွားလာခဲ့တဲ့ အမိမြေဆိုပေမဲ့ မနေချင်လောက်အောင် မုန်းမိတဲ့ အချိန်ဆိုတာမျိုး ရှိကြမှာပါ။ အကြောင်းပြချက် ကိုယ်စီကြောင့် မွေးရပ်မြေကို စွန့်ခွာပြီး ဘဝတိုးတက်ရာ လမ်းကြောင်းကို ရှာဖွေဖို့ နိုင်ငံရပ်ခြားမှာ ပြောင်းရွှေ့နေထိုင်ကြသူတွေလည်း ရှိကြတာပေါ့။ အခုတင်ဆက်ပေးမဲ့ ဒီဇာတ်ကားလေးကလည်း အဲဒီလို ပုံစံမျိုးပါပဲ။ ဂျူဂယ်နာရဲ့ နေ့စဉ် ရုံးတက် ရုံးဆင်းဘဝဟာ အသွားအလာ လုပ်ချိန်နဲ့တင် ၂နာရီ နီးပါး ကြာတဲ့အထိ စိတ်ညစ်ညူးစရာ ဖြစ်လို့နေပါတယ်။ လူအများနဲ့ ကွဲထွက်ပြီး ဇီဇာကြောင် လက်ပေါက်ကပ်တတ်သူလည်း ဖြစ်တာမို့လို့ သူ့ဘဝက သူ့စိတ်တိုင်းကျ ဖြစ်မနေပါဘူး။ တဖြည်းဖြည်းနဲ့ ဘဝတက်လမ်း မရှိဘူးလို့ ခံစားလာရတဲ့ ဂယ်နာဟာ အမိမြေ ကိုရီးယားကို စွန့်ခွာပြီး နယူးဇီလန်မှာ အခြေချ နေထိုင်ဖို့ ဆန္ဒရှိလာခဲ့ပါတယ်။ မိသားစုနဲ့ ချစ်သူကိုပါ စွန့်လွှတ်ပြီး နိုင်ငံရပ်ခြားမှာ တစ်ယောက်တည်း နေထိုင်သွားရင်း သူ လိုချင်တဲ့ ပျော်ရွှင်မှုနဲ့ ဘဝရဲ့ အနှစ်သာရတွေကို ခံစားနိုင်မလားဆိုတာကိုတော့ ဇာတ်ကားထဲမှာ ကြည့်ရှူခံစားလိုက်ပါဦးနော်။ (ဇာတ်လမ်းအညွှန်းကိုတော့ Treasure Htet မှ ရေးသားပေးထားပါတယ်…) File Size : 1.30GB/ 520MB Quality : WEB-DL 1080p/ WEB-DL 720p Format…mp4 Duration…01:47:00 Genre : Drama, Life Subtitle : Myanmar Subtitle (Hard Sub) Translated by Treasure Htet, Stary, Hsu Pyae & Hnin Wai Oo Encoded by Tiff

Kutukan Calon Arang (2024) IMDb Rating (5.5) ရမ်မ်နဲ့မေတို့ မောင်နှမနဲ့အတူ သူငယ်ချင်းငါးယောက်တို့ဟာ ပြဿနာပေါင်းစုံနဲ့ ဘ၀ဟောင်းတွေကို ကျောခိုင်းပြီး သူတို့နှစ်ယောက်ရဲ့လူသူမနီးတဲ့ ကျေးလက်အိမ်ကြီးတစ်ခုမှာဘ၀သစ်ပြန်စဖို့ မျှော်လင့်ချက်နဲ့ရောက်လာခဲ့ကြပါတယ်။ ဒါပေမယ့်လည်း ရောက်ရောက်ချင်းညမှာပဲ အိမ်ကြီးရဲ့လျှို့ဝှက်ခန်းထဲက ထူးဆန်းတဲ့ စာအုပ်တစ်အုပ်ကိုတွေ့ရှိခဲ့ကြပြီး အဲ့ဒီစာအုပ်ကို မတော်တဆရွတ်ဖတ်မိရာကနေ မကောင်းဆိုးဝါးတွေကိုဖိတ်ခေါ်မိသလိုဖြစ်ပြီး သူတို့အားလုံးအတွက်ကြမ္မာဆိုးတွေကျရောက်ဖို့ဖြစ်လာပါတော့တယ်။ Evil Dead အင်ဒိုနီးရှားဗားရှင်းလို့ပြောလို့ရတဲ့ကားပါ။ ဒါပေမယ့် မကောင်းဆိုးဝါးရောက်လာပုံနဲ့တစ်ချို့နေရာတွေ ဆင်တူနေတာကလွဲလို့ အားလုံးထပ်တူကျနေတာတော့လည်းမဟုတ်ပါဘူး။ သာမန်မြင်နေကျအောက်လမ်းအတိုက်တွေ ၊ ဘာသာရေးတွေနဲ့ရောထွေးနေတဲ့ ဇာတ်ကားမျိုးလည်းမဟုတ်ပဲ ကွဲထွက်နေတဲ့ဇာတ်ကားပါပဲ။ အီလေးဆွဲနေတာတွေ အိုင်နေတာတွေမပါပဲ ဇာတ်လမ်းစကတည်းက သွက်သွက်လက်လက်နဲ့အဆုံးထိ ဆွဲခေါ်သွားနိုင်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.4 GB) / (710 MB) Quality….WEB-DL 1080p HEVC / 720p Format…. mkv/mp4 Genre….Horror,Thriller Duration….01:42:36 Subtitle….Myanmar Subtitle (Hardsub) Encoder….Double K Translated by Alias