ဒီနေ့ တင်ဆက်ပေးမှာကတော့ ၂၀၀၈ ခုနှစ် သြဂုတ်(၁၈)ရက်နေ့က အာဖကန်နစ္စတန် ရှေ့တန်းစစ်မြေပြင်မှာ တာလီဘန်တွေရဲ့ ခြုံခိုတိုက်ခိုက်မှုမှာ ပြင်သစ်စစ်သား (၁၀)ယောက်ကျဆုံးခဲ့တဲ့ ဖြစ်ရပ်မှန်ကို အခြေခံပြီး ရိုက်ထားတဲ့ ဇာတ်ကားတစ်ကားဖြစ်ပါတယ်။ ခရစ်ရှန်လာဖဲယတ်ဟာ အာဖကန် ရှေ့တန်းစစ်မြေပြင်ကနေ အသက်ရှင်လျက် ပြန်လာခဲ့ပေမဲ့ တိုက်ပွဲကြောင့် ရခဲ့တဲ့ စိတ်ဒဏ်ရာတွေ ဖိစီးနေပါတယ်။ ရဲဘော်တွေ အများကြီး သေကြေ ဒဏ်ရာရပြီး သူပဲ အသက်ရှင်နေခဲ့လို့ အပြစ်ရှိစိတ်နဲ့ ရှင်သန်နေရသူပါ။ လက်ရှိ စူပါမားကတ်မှာ အလုပ်လုပ်ပြီး သာမန်အရပ်သားတစ်ဦးလို နေထိုင်ဖို့ ကြိုးစားနေပေမဲ့ အသားမကျနိုင်ဖြစ်နေပါတယ်။ မွန်နီးယားကတော့ တိုက်ခိုက်မှုကြောင့် ခြေထောက်ဒဏ်ရာရထားသူပါ။ ဂျစ်ပစီတွေနဲ့ ဘိန်းမှောင်ခိုလုပ်ကြရင်း ကတိပေးထားတဲ့အတိုင်း မပေးနိုင်လို့ အကြွေးတင်နေပါတယ်။ ဘိန်းတွေကို သိမ်းထားတဲ့ ရဲဘော်တစ်ယောက်က တိုက်ပွဲက ရခဲ့တဲ့ စိတ်ဒဏ်ရာကြောင့် အရင်အဖြစ်အပျက်တွေကို မမှတ်မိလို့ ဒုက္ခရောက်နေပါတယ်။ ဒီလိုပြဿနာတွေကို ဖြေရှင်းဖို့ကြိုးစားရင်း သူတို့ရဲဘော်တွေ အသက်ဆုံးရှုံးလိုက်ရတဲ့ တိုက်ခိုက်မှုဟာ နှစ်ဖက်ခေါင်းဆောင်တွေကြား တရားမဝင် ဘိန်းအရောင်းအဝယ်လုပ်ကြရင်း သဘောထားကွဲလွဲကြတာကြောင့်ဆိုတာ သိလိုက်ရပါတော့တယ်။ ဒီဇာတ်ကားမှာ စစ်ပွဲအပြီးအခြေအနေတွေကို ရိုက်ပြထားတာကြောင့် တိုက်ပွဲပြကွက်တွေတော့ အများကြီး မပါပါဘူး။ စစ်ပွဲတစ်ပွဲအပြီး စစ်သားတွေ ခံစားရတဲ့ စိတ်ဒဏ်ရာတွေ ကိုယ်လက်အင်္ဂါဆုံးရှုံးရတာတွေ ပုံမှန်အတိုင်းရှင်သန်ဖို့ ရုန်းကန်နေရတာတွေကို သရုပ်ဆောင်ကောင်းကောင်းနဲ့ ရုပ်လုံးကြွအောင် ပုံဖော်ထားတာမို့ ခံစားကြည့်ကြဖို့ တင်ဆက်ပေးလိုက်ပါတယ်။ File size…(1.6 GB)/(600 MB)/(400 Mb) Quality….Webrip 1080p / 720p / 480p Format…mp4 Duration….01:38:00 Genre...Drama, Thriller Subtitle….Myanmar Subtitle (Hardsub) Encoder….Mr. Anderson Translated by Phu Myat Thwe

~ IMDb rating - 6.9/10 ~ လောကကြီးထဲ လူနှစ်ယောက်ပေါင်းဖက်ဖို့ဆိုရာမှာ တစ်ဖက်လူရဲ့ ဝါသနာတွေ၊ ခံယူချက်တွေ၊ အိပ်မက်တွေကို နားလည်ပေးနိုင်ဖို့လိုပေမယ့် အရေးကြီးဆုံးကတော့ ယုံကြည်မှုပေးဖို့ အပြန်အလှန်လေးစားမှုရှိဖို့လို့ ထင်မိပါတယ်။ ဒီဇာတ်ကားထဲမှာဆိုရင်လည်း ငယ်ငယ်ကတည်းက အဘွားလက်ထဲမှာ ကြီးပြင်းပြီး ဝိုင်ကို ချစ်မြတ်နိုးပြီး မာစတာတည်ခင်းသူဖြစ်ချင်တဲ့ ဂျန်နာဟာ ဝိုင်လောကသားဖြစ်ပြီး သူနဲ့သုံးနှစ်ကြာတွဲလာတဲ့ အေဒင်နဲ့ ဝါသနာတူ နယ်ပယ်တူချစ်သူတွေမလို့ အပေါ်ယံကြည့်ရင်တော့ အဆင်ပြေနေပေမယ့် တကယ်တမ်းလိုအပ်တဲ့ ယုံကြည်မှုကိုမရခဲ့ပါဘူး။ ဒီလိုနဲ့ သူ့အိပ်မက်ကို အကောင်ထည်ဖော်ဖို့ စာမေးပွဲအတွက်ကြိုးစားနေတဲ့ ဂျန်နာတစ်ယောက် တစ်နေ့မှာတော့ သူ့မိဘတွေရဲ့မင်္ဂလာနှစ်ပတ်လည်ပါတီအတွက် စပျစ်ခြံကိုပြန်ရောက်သွားပြီး သူ့အတွေးတွေကို ပြောင်းလဲပေးနိုင်မယ့် တမူထူးခြားတဲ့လူတစ်ယောက်နဲ့ တွေ့ဆုံမိတဲ့အခါမှာတော့... (ဒီဇာတ်ကားနဲ့အညွှန်းကို Robin မှ ပြန်ဆို ရေးသားထားပါတယ်) Size - 1.5GB, 700MB Quality - 1080p, 720p IMDb Rating - 6.9/10 Format - mp4 Duration - 1H 24Min Genre - Comedy, Drama, Romance Subtitle - Myanmar Subtitle (Hardsub) Translated by Robin Encoded by Y

ဒီတစ်ခေါက်မှာတော့ Section Eight ဆိုတဲ့ လျှို့ဝှက်အဖွဲ့အစည်းကြီးတစ်ခု အကြောင်းကို အခြေခံပြီးရိုက်ကူးထားတဲ့ Action/Adventure movie ကား တစ်ကားကို တင်ဆက်ပေးချင်ပါတယ်။ Section eight ဇာတ်ကားကတော့ Mosul မှာ စစ်သားတစ်ယောက် ဖြစ်တဲ့ Jake တစ်ယောက် သူ့ရဲ့အရာရှိ Tom Mason နဲ့အတူတူ Taliban တွေလက် ထဲကနေ လက်မတင်လေးလွတ်မြောက်လာတဲ့ တိုက်ပွဲကနေ စတင်ရိုက်ကူး ထားပါတယ်။ ငါးနှစ်ကြာပြီးနောက်မှာတော့ Jake တစ်ယောက် အိမ်ကိုပြန်လာ ပြီးတော့ ကားပြင်သမားတစ်ယောက်အဖြစ် သူ့ဦးလေးဖြစ်သူ အာလ်ရဲ့ ဆိုင်မှာ အလုပ်လုပ်ရင်း သူ့ဇနီးလေး Ash ရယ် သားလေး West ရယ်နဲ့ ဘဝကိုပျော် ပျော်ရွှင်ရွှင်နေထိုင်နေပါတယ်။ တစ်နေ့မှာတော့ သူ့ ဦးလေးကို လူရမ်းကားတစ်သိုက်က ဝင်နှောင့်ယှက်ပြီး ပိုက်ဆံအကြပ်ကိုင်တောင်းခံရတဲ့အချိန်မှာ ဂျိတ်တစ်ယောက် လူရမ်းကားတွေကို အနိုင်တိုက်နိုင်လိုက်ပေမဲ့ သူ့မိသားစုအသက်အန္တရာယ်နဲ့ သူ့ကိုခြိမ်းခြောက် သွားခဲ့ပါတယ်။ သူမထင်မှတ်ထားခဲ့တာအချိန်မှာပဲ လူရမ်းကားတွေက မကျေပွဲကို သူ့ဇနီးနဲ့သားလေးအပေါ် ပုံချသွားပြီး နှစ်ယောက်စလုံးကို သတ်သွားတဲ့အခါမှာတော့ ဂျိတ်တစ်ယောက် လူရမ်းကားတွေအပေါ် ဘယ်လိုလက်စားပြန်ချေမလဲ။ သူ့ဘဝကြီး ကျွန်းထိုးမှောက်ခုံဖြစ်ပြီးသွားတဲ့နောက်မှာ Section Eight ထဲကို ဘယ်လိုဝင်ရောက် သွားပြီး လုပ်ကြံသတ်ဖြတ်သူဖြစ်လာမလဲဆိုတာတွေကို Action ကားတစ်ကားရဲ့ အနှစ်သာရပြည့်ပြည့်ဝဝနဲ့ ကြည့်ရှုလို့ရမဲ့ ဇာတ်လမ်းကောင်းလေး ဖြစ်ပါတယ်။ ကြည့်ရှုခံစားပေးကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ပေးသူကတော့ June ဖြစ်ပါတယ်) File Size..........(1.58 GB) / (704 MB) / (430 MB) Quality............WEB-DL 1080p / 720p / 480p Duration.........1Hr 18mins Subtitle...........Myanmar Hardsub Format............MP4 Genre..............Action, Thriller Translator.......June Encoder..........SWM

မင်းသား Sunny နဲ့ မင်းသမီး Ice တို့ရဲ့ နာမည်ကြီးဇာတ်ကားပါ။ အချစ်ဆိုတာကြီးကို အခုချိန်ထိ ဘယ်ပညာရှင်ကမှ တိတိကျကျ အဓိပ္ပါယ်မဖွင့်ဆိုနိုင်သေးပါဘူး... ဘာကြောင့်လဲဆိုတော့ အချစ်ဆိုတာဟာ အမှန်တရားတွေအများကြီးရှိနေပြီး ထူးဆန်းလွန်းအားကြီးလို့ပါပဲ... သင့်အနေနဲ့ အချစ်ဆိုတာ ဘယ်အချိန် ဘယ်နေရာမှာ ဘယ်လိုတွေ့ရမယ်ဆိုတာဘယ်သူမှမသိနိုင်ပါဘူး။ ဒီလိုမျိုးထူးဆန်းတဲ့ အချစ်အကြောင်းကို ကြည်နူးစရာ တင်ဆက်ထားတဲ့ ဇာတ်ကားပါ။ ဒီဇာတ်ကားလေးဟာ ဖလန်းဖလန်းစိန် အင်္ဂလိပ်စာသင်တန်းဆရာမလေး Pleng နဲ့ ဂွတီးဂွကျနိုင်တဲ့ Yim ဆိုတဲ့အင်ဂျင်နီယာတစ်ယောက်တို့ရဲ့ အချစ်ဇာတ်လမ်းလေးကို ရသပေါင်းစုံဝေဝေဆာဆာနဲ့ ရိုက်ကူးတင်ဆက်ထားတာဖြစ်ပါတယ် ... လူကြီးမင်းတို့အနေနဲ့ ထူးဆန်းလွန်းတဲ့ အချစ်ဆိုတာကြီးကို ဒီဇာတ်ကားလေးကြည့်ရှုရင်း ခံစားကြပါဦးလို့ .......။ ဖေဖော်ဝါရီ ၁၄ ရက်နေ့ (V-Day နေ့)ဟာဆိုရင် ဇာတ်ကားထဲက အဓိကမင်းသမီးလေး Ice Preechaya ခေါ် Preechaya Pongthananikorn ရဲ့ မွေးနေ့လည်းဖြစ်ပါတယ်...ပျော်ရွှင်စရာ ချစ်သူများနေ့ဖြစ်ပါစေ.........။ (Ye Kyaw Htet မှ အမှန်အကန်ခံစားတင်ဆက်ထားတာပါ။) ( မင်းသား Sunny ရဲ့ ဇာတ်ကားအားလုံးကို ဒီမှာ https://channelmyanmar.org/category/sunny/  ကြည့်လို့ရပါတယ်။) File size…(2 GB) and (900 MB) Quality….WEB-DL 1080p 5.1 & 720p Format…mp4 Duration….01:55:50 Subtitle….Myanmar Subtitle (Hardsub) Encoder….Nyeinsaeya Aung Translated by Ye Kyaw Htet

Amazon prime ရဲ့ ဒီဘက်ခေတ်လူငယ် Gen Z တွေရဲ့ ဘ၀ကိုအကောင်းဆုံး ပုံဖော်ထားပြီး လိင်ကွဲပြားမှု နဲ့ ခံယူချက်တွေကြားက အချစ်ရေး လူမှုရေးတွေကို မီးမောင်းထိုးပြထားတဲ့ကားပါ။ ဇာတ်လမ်းလေးက ရိုးရှင်းပါတယ် … ကယ်ဆာဆိုတဲ့ Transgender ကောင်မလေးဟာ အထက်တန်းကို ဖြတ်ကျော်ရင်း သူ့ဘ၀ရဲ့ နောက်တစ်ဆင့် ကောလိပ်တက်ရမယ့် လမ်းကြောင်းမှာ တွေ့ခဲ့တဲ့ ချစ်သူ၊ ခင်သူ တိုက်ခိုက်သူတွေဆီကနေ Trans တစ်ယောက်အနေနဲ့ ဘယ်လိုရင်ဆိုင်ကျော်ဖြတ်သွားမလဲဆိုတာပါပဲ။ ဒါကို လူတစ်ယောက်ရဲ့ Spiritual Animal တွေနဲ့ ဉပမာပေးတင်စားထားပြီး ပေါ့ပေါ့ပါးပါးနဲ့ အတွေးမြင်သစ်တွေရစေမယ့် ကားကောင်းလေးတစ်ကားဖြစ်ပါတယ်။ ( အညွှန်းနဲ့ဘာသာပြန်ကိုတော့ Thiha Yan Naingက ရေးသားထားပါတယ်) File size…(1.92GB)/(917MB)/(461MB) Quality….Webrip 1080p / 720p / 480p Format…mp4 Duration….01:36:00 Genre…Romance Subtitle….Myanmar Subtitle (Hardsub) Encoder….Mr. Anderson Translated by …Thiha Yan Naing

Taipei Story ( 1985 ) ————————– IMDb – 7.6 Rotten Tomatoes – 100% Directed By Edward Yang New Taiwenese Cinema ရဲ့ အစောပိုင်းရုပ်ရှင်တွေထဲ တစ်ကားအပါအဝင်ဖြစ်တဲ့ ထိုင်ပေစတိုရီကို ထိုင်ဝမ်ရုပ်ရှင်သစ်ရဲ့ ပဲ့ကိုင်ရှင်တွေထဲက တစ်ယောက်ဖြစ်တဲ့ အတ်ဒဝတ်ယန်းက ရိုက်ကူးထားပါတယ်။ Criterion Collectionကလည်း World CInema Project အတွက် 4k နဲ့ပြန်ထုတ်ခဲ့တဲ့ ထိုင်ဝမ်ရုပ်ရှင်ရဲ့ မှတ်တိုင်တစ်ခုလို့ ပြောလို့ရပါတယ်။ A Brighter Summer Day မှာ ယန်းဟာ ပြည်မနဲ့ထိုင်ဝမ် ခွဲထွက်တဲ့ကာလကို ရိုက်ပြပြီး အဲဒီခေတ်က အခြေအနေတွေကို ထင်ဟင်အောင်ရိုက်ပြခဲ့သလို ဒီရုပ်ရှင်မှာလည်း ယန်းဟာ ဂျပန်နဲ့ အမေရိကန်လွှမ်းမိုးမှုအောက်က ထိုင်ဝမ်စီးပွားရေးအခြေအနေကို သူ့ဟန်အတိုင်း ကာရိုက်တာတွေအများကြီးသုံးပြီး ပုံဖော်ရိုက်ကူးသွားတာပါပဲ။ ရိုးရိုးရှင်းရှင်းဇာတ်ဝင်ခန်းတွေ tragedy တွေ မထင်ရင်မထင်သလို တော်တော်လှလာတတ်တဲ့ စီနီမာတိုတွေကို သုံးပြီး ၁၉၆၉ဝန်းကျင်က ထိုင်ပေမြို့ပြရဲ့ အခြေအနေကို မသိမသာရော သိသိသာသာရော ပြထားတဲ့ ရုပ်ရှင်ပါ။ ဒီကာလဟာ ယန်းလည်း ၂၀ဝန်းကျင်လောက်ပဲ ရှိသေးတဲ့ကာလဖြစ်သလို ဒီရုပ်ရှင်ရဲ့ တရုတ်နာမည်က ငယ်ဘဝရည်းစားကို ရည်ညွှန်းတယ်ဆိုတော့ ဒီရုပ်ရှင်ထဲက ကာရိုက်တာဟာ သူ့အကြောင်း တစ်စိတ်တစ်ပိုင်းလည်း ဖြစ်ကောင်းဖြစ်နိုင်ပါတယ်။ မင်းသမီးကတော့ သူနဲ့ယူလိုက်တဲ့ Tsai Chin ကို သုံးထားပြီး မင်းသားက‌တော့ သူ့ရောင်းရင်း ထိုင်ဝမ် new wave ဒါရိုက်တာတစ်ယောက်ဖြစ်တဲ့ Hou Hsiao – Hsien ပါ။ ယန်းဟာ တော်တော်တော်တဲ့ ဒါရိုက်ပေမဲ့ That Day on the beach , Taipei Story , Terrorizers , A brighter Summer Day , A Confucian Confusion , MahJong, Yi YI အစရှိသဖြင့် features Film ၇ကားပဲရိုက်ကူးခဲ့ပြီး CMမှာတော့ A Brighter Summer day , Yi Yi နဲ့ အခု ထိုင်ပေစတိုရီ ၃ကားတင်ပြီးပါပြီ။ ယန်းရဲ့ ရုပ်ရှင်တွေဟာ ထိုင်ဝမ်ရဲ့ မာစတာပိစ်တွေအကြောင်း ပြောရင် ဖယ်ထားလို့မရတဲ့ ရုပ်ရှင်တွေပါပဲ။ ထိုင်ပေစတိုရီဟာ ထိုင်ပေမြို့ပြလရောက်တမ်းခြင်းလို့ ပြောရင်လည်း မမှားပါဘူး။ ယန်းရဲ့ A brighter Summer Dayနဲ့တန်းတူ critic rating 100% ရထားတဲ့ ရုပ်ရှင်လည်း ဟုတ်ပါတယ်။ (ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(2.1GB) / (1GB) Quality__1080p, 720p IMDb Rating__7.6/10 Format__mp4 Duration__01:59:00 Type__Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Lakiro (2023) IMDb 5.2/10 Drama/Musical တယောက်နဲ့တယောက်ချစ်လို့ပဲဖြစ်ဖြစ် မိဘဆွေမျိုးအသိုင်းအဝိုင်းက ပေးစားလိုက်လို့ပဲဖြစ်ဖြစ် အိမ်ထောင်တခုတည်ဆောက်ပြီးတဲ့အခါ အဲဒီအိမ်ထောင်ရေးကို သာယာစွာနဲ့ဆက်လက်တည်မြဲစေဖို့ ဘာတွေလိုအပ်လဲ။ အချစ်လား ငွေကြေးချမ်းသာမှု ဒါမှမဟုတ် အလုပ်အကိုင်တွေလား သားသားမီးမီးတွေလား။ ပုံမှန်အချစ်ဇာတ်လမ်းတွေမှာတော့ လူနှစ်ယောက် ချစ်မိကြပြီးရင် ပျော်ပျော်ရွှင်ရွှင်လက်ထပ်လိုက်ကြပါတယ်ဆိုပြီး ဇာတ်သိမ်းသွားတတ်ကြပေမယ့် ဒီဇာတ်လမ်းမှာတော့ အဲဒီလိုမဟုတ်ခဲ့ပါဘူး။ ဟရီရှီနဲ့ ရီချာဟာ တက္ကသိုလ်ကျောင်းတော်ကြီးမှာ ဆုံတွေ့ခဲ့ပြီး ချစ်ခဲ့ကြတယ်။ သမီးရည်းစားဘဝကို ဖြတ်သန်းပြီးကြတဲ့အခါမှာ အလုပ်ကိုယ်စီနဲ့အိမ်ထောင်တစ်ခုကို ထူထောင်ဖို့ လက်ထပ်ခဲ့ကြပါတယ်။ ဒါပေမဲ့ ဒါဟာ သူတို့အတွက်တတော့ ပျော်ရွှင်စရာအဆုံးသတ်မဟုတ်ပဲ ပြဿနာတွေရဲ့အစဖြစ်လာပါတယ်။ အလုပ်ကိုယ်စီလုပ်နေကြတာကိုက ကွာရှင်းဖို့လမ်းစတစ်ခုဖြစ်လာပါတော့တယ်။ အရမ်းချစ်ခဲ့ကြတဲ့ သူတို့တွေ ဒီအိမ်ထောင်ရေးကို တည်မြဲဖို့ကြိုးစားကြမှာလား။ ဒီတိုင်းပဲ လက်လွှတ်ဆုံးရှုံးခံလိုက်ကြမလားဆိုတာတော့ ဒီဇာတ်ကားထဲမှာ ဆက်လက်ကြည့်ရှုပေးကြပါဦး။ (အညွှန်းနဲ့ဘာသာပြန်သူတွေကတော့ Cherry~V~BpL~Yunni~Zweတို့ပဲဖြစ်ပါတယ်။)

Eternal Sunshine of The Spotless Mind (2004) IMDb Rating (8.3) / Rotten Tomatoes (93%) သံယောဇဉ်အတိတ်တို့မရှိတဲ့ စိတ်ဝိဉာဉ်ဟာ ထာဝရငြိမ်းချမ်းနေမှာပဲတဲ့…. မင်းသားကြီး ဂျင်မီကာရေး မင်းသမီး ကိတ်ဝင်းစလက်တို့ပါဝင်တဲ့ ဒီရုပ်ရှင်ကားကြီးဟာ ဆုတွေတလှေကြီးရထားတဲ့ အချစ်ရိုမန့်ဇာတ်ကားဖြစ်ပြီး ရာစုနှစ်ရဲ့အကောင်းဆုံးရုပ်ရှင်ကားတွေထဲက တစ်ကားဖြစ်ပါတယ်။ အပြင်လောကမှာ ချစ်ရသူကြောင့်အသည်းကွဲပြီး ပြင်းထန်တဲ့စိတ်ကျဝေဒနာခံစားရနေတဲ့ ဂျင်မီကာရေးတစ်ယောက် လုံးဝထိခိုက်ကြေကွဲနေတဲ့အချိန်ကာလမှာ ဒါရိုက်တာ Michael Gondry ဟာ ဒီရုပ်ရှင်ကို စီစဉ်ရိုက်ကူးခဲ့ပါတယ်။ ဒါကြောင့်လဲ ဟာသမင်းသားကြီးလို့ မြင်နေကျ ဂျင်မီကာရေးကို လုံးဝမတူကွဲပြားတဲ့သရုပ်ဆောင်မှုတွေနဲ့ ဒီရုပ်ရှင်မှာ မှတ်တမ်းတင်နိုင်ခဲ့ပါတယ်။ ++++++++++++++++++++++++++++++ “ဒီလောကကြီးမှာ ကိုယ့်ကိုသတိရတဲ့သူ မှတ်မိတဲ့သူ တစ်ယောက်မှမကျန်တော့ဘူးဆိုရင် အဲ့လူကတကယ်ပျောက်ကွယ်သွားလိမ့်မယ်ဆိုတဲ့ ရုပ်ရှင်ရှိတယ်။ ပြောရရင် ဘဝဆိုတာ အဆုံးမှာတော့ မှတ်ဉာဏ်တွေကအရာအားလုံးပါဘဲ။ တစ်စုံတစ်ယောက်ရဲ့ မှတ်ဉာဏ်ထဲမှာ ရှိတဲ့ငါ ငါ့ရဲ့ မှတ်ဉာဏ်ထဲမှာရှိတဲ့ တစ်စုံတစ်ယောက် မှတ်ဉာဏ်တစ်ခုချင်းစီမှာ အားလုံးဟာ မတူညီတဲ့ပုံစံနဲ့ အသီးသီးဖြစ်တည်နေကြတယ်။” အမှတ်တရတစ်ခုချင်းစီမှာ ခံစားချက်ဗဟိုချက်ဆိုတာရှိတယ်တဲ့။အဲ့ ဗဟိုချက်ကိုသာဖယ်ရှားလိုက်ရင် မှတ်ဉာဏ် ( တနည်းအားဖြင့် အမှတ်တရ ) ပြိုကွဲခြင်းလုပ်ငန်းစဉ်စပါပြီ ။ ဒီရုပ်ရှင်ဇာတ်လမ်းလေးနာမည်ကတော့ Eternal Sunshine of the Spotless Mind ပါ။ Warning– This content contains spoilers !!! ဇာတ်လမ်းအစမှာ Joel တစ်ယောက် မရည်ရွယ်ထားတဲ့ခရီးတစ်ခုမှာ Clementine ဆိုတဲ့ကောင်မလေးတစ်ယောက် နဲ့ ဆုံမိပြီး အပြန်ရထားပေါ်မှာ နှစ်ယောက်တူတူစကားလက်ဆုံကျရင်း ရင်းနှီးကျွမ်းဝင်သွားကြတယ်။ သူတို့နှစ်‌ယောက်လုံးရဲ့ မှတ်ဉာဏ်ထဲမှာတော့ ဒါက သူတို့ရဲ့ပထမဆုံးတွေ့ဆုံမှုပေါ့။ တကယ်တမ်းကတော့ ဒါကသူတို့ရဲ့ ဒုတိယမြောက်ပြန်တွေ့ဆုံမှုပါ။ နှစ်ယောက်လုံးက အရင်ကဆုံခဲ့ဖူးကြပြီး ချစ်ခဲ့ကြပြီး တွဲခဲ့ဖူးကြတဲ့သူနှစ်ယောက်ပါ။ တဖြည်းဖြည်းနဲ့ toxic ဆန်လာတဲ့ သူတို့နှစ်ယောက်ရဲ့ relationship မှာ Clementine က မပျော်တော့လို့ ဆိုပြီး အကြောင်းပြချက်နဲ့ မှတ်ဉာဏ်ဖျက်ပေးတဲ့ ဆေးခန်းကိုသွားပြီး Joel နဲ့ပက်သတ်ခဲ့ဖူးတဲ့ အမှတ်တရတွေ မှတ်ဉာဏ်တွေအားလုံးကို ဖျက်ပစ်လိုက်တယ်။ မှတ်ဉာဏ်ဖျက်ပေးတဲ့ဆေးခန်းရဲ့စည်းမျဉ်းစည်းကမ်းအရ အမှတ်တရကိုမဖျက်စီးပစ်ခင် ဖျက်စီးခံရမယ့် မှတ်ဉာဏ်ထဲကလူနဲ့ ပက်သတ်ခဲ့ဖူးတဲ့ ဖလှယ်ခဲ့ဖူးတဲ့ ပစ္စည်းတွေ လက်ဆောင်တွေအားလုံးကို ဆေးခန်းကိုယူသွားရပြီး တချို့ပစ္စည်းတွေကိုတော့ ဆေးခန်းကဖျက်စီးပစ်ပြီး ကြီးမားလွန်းတဲ့အမှတ်တရတွေတည်ရှိနေတဲ့ပစ္စည်းတွေကိုတော့မူရင်းပိုင်ရှင်ဖြစ်တဲ့ တနည်းအားဖြင့် အမှတ်တရတွေကိုတူတူဖန်တီးခဲ့တဲ့ ကာယကံရှင် Joel ဆီ လိပ်မူပြီး Clementine က Joel နဲ့ ပက်သတ်တဲ့မှတ်ဉာဏ်တွေအားလုံးကို ဖျက်စီးပစ်လိုက်ပြီ delete လုပ်လိုက်ပြီ ဖြစ်တာမလို့ Clementine နဲ့ပြန်တွေ့ရင် မသိသလို နေပေးပါဆိုတဲ့ အသိပေးစာဆန်ဆန်စာတစ်စောင်ကိုပို့ထားပေးတယ်။ Joel ကလည်း ဒီလိုအမှတ်တရတွေကို ဖျက်စီးပစ်ရမလားဆိုပြီး ဒေါသတွေထွက် Anxiety တွေဝင်ပြီး လောကကြီးမှာ ကိုယ့်အကြောင်းကိုမေ့ပစ်ထားတဲ့လူရဲ့ မှတ်ဉာဏ်တွေကို ဘာလို့ သယ်ဆောင်ထားရဦးမှာလဲဆိုပြီး သူပါ မှတ်ဉာဏ်ဖျက်ပစ်လိုက်ဖို့ ဆုံးဖြတ်လိုက်တယ်။ Joel ဆေးခန်းသွားတဲ့နေ့က Valentine Day မတိုင်ခင်တစ်ရက်အလိုဖြစ်ပြီး ဆေးခန်းမှာ လူအရမ်းကျတဲ့နေ့ပေါ့။ အမှတ်တရနေ့မတိုင်ခင် အမှတ်တရတွေကို လာဖျက်နေကြတဲ့သူတွေအမြောက်အများကြောင့် Joel တစ်ယောက် awkward ဖြစ်သွားတယ်။ နာမည်ကြီးတဲ့စကားတစ်ခွန်းဖြစ်တဲ့ တွယ်ငြိရာသာဆုံးရှုံးရာဆိုသလိုပေါ့။ မှတ်ဉာဏ်တွေသာမရှိတော့ရင် နာကျင်ရတာတွေလည်းရှိတော့မှာမဟုတ်ဘူးဆိုတဲ့ မျှော်လင့်ချက်ကြီးကြီးနဲ့ side effects အရမ်းများတဲ့ မှတ်ဉာဏ်ဖျက်တဲ့လုပ်ငန်းစဉ်ကို မကြောက်မရွံ့ လုပ်ကြတဲ့သူတွေပေါ့။ နောက်ဆုံးမှာ Joel တစ်ယောက် Clementine နဲ့ ပတ်သတ်တဲ့ မှတ်ဉာဏ်တွေကို ဖျက်ပစ်လိုက်ပြီမလို့ သူတို့နှစ်ယောက် တစ်ယောက်ကို တစ်ယောက်မသိ ကြတော့ဘဲ တစ်ယောက်နဲ့တစ်ယောက် မမှတ်မိကြတော့ဘဲ ကိုယ်စီကိုယ်စီ သူတို့ရဲ့ ပုံမှန်လူနေမှုဘဝမှာ ကျင်လည်လှုပ်ရှားနေကြရင်းနဲ့ နောက်ထပ်တစ်ကြိမ် ရထားပေါ်မှာ ဆုံဖြစ်သွားကြပြီး ပြန် ချစ်သွားကြတယ်။ ပြန်ပြီး တွယ်ငြိသွားကြပြီး ချစ်သူတွေပြန်ဖြစ်သွားကြပြန်တယ်။ ဒီလို meant to be သဘောတရားတွေကို what if ထဲက absolute point တွေလို့ သတ်မှတ်ရမယ်ထင်တယ်။လူနှစ်ယောက်ရဲ့ ချစ်ခြင်းမေတ္တာတစ်ခုမှာ absolute point တစ်ခုကတော့ သေချာပေါက်ကို ရှိကိုရှိနေမယ်ထင်တယ်။ ကြုံဆုံရမယ့်သူတွေက ဆုံကိုဆုံမှာဖြစ်ပြီး သူတို့ကို ဘယ် what if တွေကမှ တားဆီးနိုင်မှာ မဟုတ်ဘူး။ မှတ်ဉာဏ်တွေ ဖျက်ပစ်ခံထားရရင်တောင် သူတို့ကနောက်တစ်ခါထပ်ဆုံတဲ့အချိန်ကြရင် နောက်ထပ် ထပ်ချစ်မိကြဦးမှာ။ ထပ်ပြီးတစ်ယောက်ကိုတစ်ယောက် နာကျင်အောင်လုပ်မိကြဦးမှာ။ Joel နဲ့ Clementine တို့နှစ်ယောက် အဲ့နေ့က ရထားပေါ်မှာမဆုံဖြစ်ခဲ့ရင်တောင် သူတို့အမြဲသွားနေကြ စာအုပ်ဆိုင်မှာ ပြန်ဆုံဖြစ်ကြဦးမှာဘဲ။ မှတ်ဉာဏ်တွေမရှိတော့ပေမယ့်လည်း သူတို့ရဲ့မသိစိတ်ထဲမှာ အဲ့လူရဲ့ဖြစ်တည်မှုက တည်ရှိနေတာမလို့ မှတ်ဉာဏ်တွေဖျက်လို့ရရင်တောင် သူတို့ရဲ့ရွေးချယ်မှုအပြောင်းအလဲတွေကနေ ထပ်ထပ်ပြီး ခွဲထွက်သွားတဲ့ နောက်ထပ်သက်ရောက်မှုအသစ်တွေက သူတို့ကိုမဆုံဆုံအောင် ပြန်ဖန်တီးပေးနေဦးမှာပဲ။ ဖတ်ဖူးတဲ့ ဝတ္ထုတစ်ပုဒ်ထဲမှာ ရေးထားတာကိုကိုးကားပြောရရင် လောကကြီးမှာ လူနှစ်မျိုးနှစ်စားရှိပြီး တစ်မျိုးကတော့ ဘဝမှာ အချစ်ကို ရှာဖွေရင်း အချိန်ကုန်ဆုံးပြီး တစ်မျိုးကတော့ ဘဝမှာ အချစ်ကို စောင့်ဆိုင်းရင်း အချိန်ကုန်ဆုံးကြတယ်တဲ့။ တိုက်ဆိုင်တာက ရှာဖွေတဲ့သူက စောင့်ဆိုင်းနေတဲ့သူကိုတွေ့ပြီး စောင့်ဆိုင်းနေတဲ့သူက ရှာဖွေတဲ့သူကို စောင့်နေကြတယ်တဲ့။ ဒါကြောင့်ပဲ ရွေးချယ်မှုမတူညီကြရင်တောင် တစ်ယောက်အတွက် တစ်ယောက် ဖြစ်တည်လာစေတဲ့ butterfly effect ဆိုတဲ့ မမြင်ရတဲ့ ကံကြမ္မာဝဲဂယက်တွေက ကူးလွန့်နေကြတာပါ။ နှစ်ယောက်လုံးကရှာဖွေသူဖြစ်နေရင် ဒါမှမဟုတ် နှစ်ယောက်လုံးက စောင့်ဆိုင်းသူဖြစ်နေရင် သေချာပေါက် လွဲချော်သွားကြမယ့် သူတွေပါတဲ့။ ဒီရုပ်ရှင်ရဲ့ alternate endingတစ်ခုလည်း ရှိပါသေးတယ်။ အဲ့ထဲမှာ Clementine က အသက် 50ကျော် အဘွားကြီးတစ်ယောက် ဖြစ်နေပြီး မှတ်ဉာဏ်ဖျက်ဖို့ ဆေးခန်းကိုထပ်လာတယ်။ ဆရာဝန်က Clementine ကို သိနေပြီး nurse assistant ကတောင် Clementine နဲ့သူငယ်ချင်းတွေဖြစ်နေပေမယ့် Clementine ကတော့မှတ်ဉာဏ်ဖျက်ထားတဲ့သူမို့ ဘာမှမမှတ်မိပါဘူး။ ဆရာဝန်က ထုံးစံအတိုင်း ဘယ်သူနဲ့ ပက်သတ်တဲ့ မှတ်ဉာဏ်ကိုဖျက်ပစ်မလဲမေးတော့ ” Joel ဆိုတဲ့ လူနဲ့ ပက်သတ်တဲ့မှတ်ဉာဏ်ကို ဖျက်ပစ်ချင်လို့ပါ။ သူနဲ့ ကျွန်မ senior ကပွဲမှာ ‌ဆုံခဲ့ကြတာလေ။ နှစ်ယောက်လုံးကလူလွတ်တွေမလို့ ကျွန်မတို့ တွဲဖြစ်ခဲ့ကြတယ် ။ ခုတော့ ကျွန်မသူ့ကိုတော်တော်စိတ်ကုန်သွားပြီ။ ဒါကြောင့်မလို့ သူနဲ့ပက်သတ်တဲ့မှတ်ဉာဏ်တွေကို ဖျက်ပေးပါရှင်။ ဒီလောက်နှစ်တွေအကြာကြီး ကျွန်မ ဘာလို့ကောင်းကောင်းမွန်မွန် လူတစ်ယောက်နဲ့များ အိမ်ထောင်မကျဘဲ ခုထိ အတည်တကျ ဘဝမရှိနေရလဲဆိုတာ ကျွန်မဖြင့်နားကိုမလည်နိုင်တော့ပါဘူးရှင်”ဆိုပြီး Clementine ကငြီးငြီးငြူငြူပြောတော့ ဒေါက်တာက Clementine နာမည်ကို ကွန်ပျုတာမှာရိုက်လိုက်ပြီး ဆေးမှတ်တမ်းဖွင့်ကြည့်တော့ နာမည်တူ ဆေးမှတ်တမ်း 15 ခုကျလာပြီး မှတ်တမ်း 15 ခုလုံးမှာ Clementine က Joel ဆိုတဲ့ လူကိုသူ့မှတ်ဉာဏ်ထဲက လာလာဖျက်နေတယ်ဆိုတာပေါ့။ ဒါကဖတ်ဖူးတဲ့ alternate ending တစ်ခုပါ။ ဒွိဟဖြစ်ကျန်စရာကတော့ Joel ဘက်ခြမ်းကို ပြောမပြထားတာမလို့ Clementine မှတ်ဉာဏ် ဖျက်တဲ့ 15ကြိမ်လုံးမှာ Joelကကော ဖျက်ပစ် မဖျက်ပစ်ဆိုတာကိုတော့ မသိရပါဘူး။ မဖျက်ပစ်ရင် Joel ကတမင် Clementine နဲ့ ပြန်‌ဆုံအောင် ဖန်တီးတွေ့ဆုံနေတာဖြစ်ပြီး Joel ဘက်ကလည်းမှတ်ဉာဏ်ကိုဖျက်ပစ်ရင် သူတို့ မှတ်ဉာဏ် 15ကြိမ်ဖျက်ပြီးတာတောင် ပြန်ပြန်ဆုံကြပြီး အကြိမ်ကြိမ်ထပ်ထပ် ပြန်ချစ်မိသွားကြတာမလို့ စစ်မှန်တဲ့အချစ်လို့ပဲခေါင်းစဉ်တပ်ရမလား ဝဋ်ကြွေးလို့ပဲဆိုရမလား။ တကယ်တော့ မှတ်ဉာဏ်ဆိုတာက နေရောင်သေးသေးလေးနဲ့တူပါတယ်။ မှောင်မည်းနေတဲ့ချောင်ကြိုချောင်ကြားလေးထဲမှာတောင် ဖွင့်ပေးလိုက်တာနဲ့ တိုးဝင်လာတတ်တဲ့ နေရောင်ခြည်ပေါ့။ အမှတ်တမဲ့ ဘာမဟုတ်တာလေးကို စဉ်းစားမိရင်တောင် တသီကြီးတတန်းကြီး အတွေးတွေပေါ်လာစေတဲ့ ကြည်နူးစေနိုင်သလို နာကျင်စေနိုင်တဲ့ မှတ်ဉာဏ် နေရောင်အပိုင်းအစတွေပေါ့။ Eternal Sunshine of the Spotless Mind ဆိုတဲ့ ခေါင်းစဉ်ကို အဓိပ္ပါယ်ဖွင့်ကြည့်ရင် ဒါမှမဟုတ် ဇာတ်လမ်းအကြောင်းအရာ မှတ်ဉာဏ်တွေနဲ့ တွဲဖက်စဉ်းစားကြည့်လိုက်ရင် နေရောင်(မှတ်ဉာဏ်) ဆိုတာ စိတ်အခံပေါ်မူတည်ပြီး နွေးထွေးမှုကိုပေးသလို တစ်ခါတစ်ရံတော့လည်း တောက်လောင်အောင် မီးမြိုက်ပေးနေတဲ့ အမှတ်တရတချို့ပေါ့။ နာကျင်ရတာချင်းတူရင်တောင် လူတစ်ယောက်ဆီက အကြိမ်ကြိမ်အခါခါ နာကျင်ရတာထက် မတူတဲ့သူတွေဆီက မတူတဲ့ ပုံစံကြောင့် နာကျင်ရတာက ပိုသက်သာမယ်ထင်တယ်။ ဒါကြောင့် Clementine ကအမြဲတမ်း မှတ်ဉာဏ်တွေ ဖျက်ပစ်တဲ့နည်းကိုဘဲ ရွေးပြီး အဆိပ်အတောက်ဖြစ်ဖြစ်သွားတဲ့ သူတို့ဆက်ဆံရေးကနေ ရုန်းထွက်နိုင်ဖို့ကြိုးစားခဲ့တာထင်တယ်။ မှတ်ဉာဏ်တွေကို ဖျက်ပစ်လိုက်ပြီး quitလုပ်တဲ့နည်းက အဆုံးသတ်လိုက်ဖို့ အလွယ်ဆုံးလို့ တွေးမိလို့ Clementine တစ်ယောက် ဒီနည်းကိုရွေးခဲ့ပေမယ့်လည်း တကယ်တမ်းကျတော့ သူ့မသိစိတ်မှာကျ Joel အပေါ် တွယ်ငြိ စွဲလမ်းနေလို့ ပြန်ဆုံတွေ့တိုင်း အရင်ကမှားတယ်လို့ သူယူဆခဲ့တဲ့ လမ်းကိုဘဲ သူအကြိမ်ကြိမ်ပြန်ရွေးချယ်နေခဲ့တုန်းပါပဲ။ (ရုပ်ရှင်အညွှန်းကို Midnights Film Cafe FB Page မှ ကူးယူဖော်ပြပါသည်။)

First Time Female Director (2023) Dark Comedy ပုံစံမျိုးကိုမှ သဘောကျတတ်တဲ့ ပရိတ်သတ်ကြီးအတွက် ၂၀၂၃ တုန်းကထွက်ထားတဲ့ First Time Female Director ဆိုတဲ့ကားလေးတင်ဆက်ပေးလိုက်ပါတယ်။ သရုပ်ဆောင်တွေကလဲ Brooklyn Nine Nine ထဲက Gina အဖြစ်သရုပ်ဆောင်ထားတဲ့ Chelsea Peretti ကအဓိကသရုပ်ဆောင်အနေနဲ့ ပါဝင်ထားပါတယ်။ ဒါရိုက်တာအနေနဲ့လဲ သူပဲရိုက်ထားပြီးတော့ ဇာတ်ကားနာမည်အတိုင်း First Time Female Director ပါပဲ။ တမင်အခွက်ပြောင်ထားသလားတောင် မှတ်ရတယ်။ Dark Comedy ဆိုတဲ့အတိုင်း သူတို့နိုင်ငံကလူတွေကို ထေ့လုံးရွဲ့လုံးတွေနဲ့ ဟာသလုပ်ထားတာဆိုတော့ နဲနဲတော့ နားလည်ရခက်နေပါလိမ့်မယ် ဒါပေမဲ့ ရယ်ရပါတယ်။ ဇာတ်လမ်းအကျဉ်းလေးကတော့ ပြဇာတ်ရေးပြီးအလုပ်လုပ်နေတဲ့ ဆမ်တစ်ယောက် သူ့ရဲ့ ကုထုံးဆရာဝန်ကလဲ လက်လန်စရာ ဆေးစွဲဖူးတဲ့သူ ဒီလို တလွဲလူနာနဲ့ တလွဲကုထုံးဆရာ တွေ့ပြီး ဆွေးနွေးကြတယ်ပေါ့။ ပြဇာတ်ရေးဆရာမကနေ ရုတ်တရက်ကြီး သူ့ရှေ့က ဒါရိုက်တာတစ်ယောက်က သရုပ်ဆောင်တစ်ယောက်နဲ့ အိပ်လိုက်တဲ့အတွက် အထုတ်ခံလိုက်ရပြီး နေ့ချင်းညချင်း ပြဇာတ်ရေးဆရာမကနေ ကောက်ကာငင်ကာ ဒါရိုက်တာလုပ်ဖို့ကမ်းလှမ်းလာပါတယ်။ ဒီတလွဲလူနာနဲ့ ကုထုံးဆရာ နှစ်ယောက်ပေါင်း တိုင်ပင်ပြီး ဒါရိုက်တာအလုပ်ကို လက်ခံလိုက်ပါတယ်။ အဲ့မှာ စတာပါပဲ သရုပ်ဆောင်တွေက ဒါရိုက်တာကို ခွေးအချောင်းချောင်းပြီး ဒုက္ခပေးတော့တာပါပဲ။ ဆမ် တစ်ယောက်ဒီလို သရုပ်ဆောင်တွေကြား ဘယ်လိုရှင်သန်ရပ်တည်ပြီး ပြဇာတ်ကိုပြီးအောင်ရိုက်မလဲဆိုတာ တလွဲဟာသတွေနဲ့ ကြည့်ရှုလိုက်ကြပါဦး …. အညွှန်း နဲ့ ဘာသာပြန်ကတော့ K.Hein ပဲ ဖြစ်ပါတယ်။ Genre….. Comedy Quality…. 1080p | 720p File size… 1.7GB | 929MB Format… mp4 Duration…. 1h 37min Subtitle…. Myanmar Subtitle (Hardsub) Translator ….. K.Hein Encoder ….. Aaron

Wild Things: Diamonds in the Rough (2005) Wild Things (1998) ဟာ Erotic Thriller တွေခေတ်စားတဲ့ 90s နှောင်းပိုင်းမှာထွက်ခဲ့ပြီးအောင်မြင်ခဲ့တဲ့ဇာတ်ကားတွေထဲက တစ်ခုဖြစ်ခဲ့ပါတယ်။ သူ့ရဲ့အောင်မြင်မှုအရှိန်အဝါကြောင့်ပဲနောက်ထပ် Sequel သုံးခုထပ်ထွက်လာနိုင်ခဲ့ပါတယ်။ နောက်ပိုင်းဇာတ်လမ်းတွေဟာ ပထမကားရဲ့ပုံစံအတော်များများကိုပြန်သုံးထားပြီး သရုပ်ဆောင်နဲ့အဓိကဇာတ်ကွက်တွေပဲ ကွဲပြားသွားတာဖြစ်တဲ့အတွက် သုံးကားလုံးဟာ သူ့ဟာနဲ့သူကြည့်ကောင်းကြပါတယ်။ သုံးကားမြောက်ဇာတ်ကားဖြစ်တဲ့ Wild Things: Diamonds in the Rough မှာတော့ မာရီဆိုတဲ့ သူဌေးသမီးလေးနဲ့သူ့ပထွေးဖြစ်သူဂျေးတို့ဟာ မာရီအတွက် သူ့မိခင်ချန်ထားခဲ့တဲ့ အမေနဲ့သမီး အမည်ရှိ ဒေါ်လာသန်းချီတန်စိန်နှစ်ပွင့်ကိုရဖို့ တရားရုံးမှာအမှုရင်ဆိုင်ဆဲဖြစ်နေတာကိုတွေ့ကြရမှာပါ။ အဲ့ဒီမှာမှ မာရီနဲ့လုံး၀မတည့်တဲ့ သူတို့ကျောင်းကို ဒီနှစ်မှရောက်လာတဲ့ ဆင်းရဲသားရပ်ကွက်က ကောင်မလေး အယ်လီနာက သူ့ပထွေးဂျေးကို မုဒိမ်းမှုနဲ့တရားစွဲပါတော့တယ်။ ပြောင်းလဲသွားတဲ့ အခြေအနေဟာ မာရီဘက်က အသာစီးရဖို့ဖြစ်လာခဲ့ပြီး အဲ့ဒီအခွင့်အရေးကိုဘယ်လိုအသုံးချအနိုင်ယူမလဲ? ဖြစ်စဉ်တွေဟာ အမြင်အတိုင်းရိုးရှင်းပါရဲ့လားဆိုတာ ထုံးစံအတိုင်းလှည့်ကွက်တွေအပြည့်နဲ့ရှုစားရမှာပါ၊ အရင်ကားတွေပုံစံအတိုင်း မိန်းမလှလေးတွေ၊ဘီကနီတွေ၊ဝတ်လစ်စားလစ်ဇာတ်ဝင်ခန်းတွေအများကြီးပါဝင်တဲ့အတွက် ဆယ့်ရှစ်နှစ်အောက်မကြည့်ရဇာတ်ကားပဲဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.9 GB) / (1.1 GB) Quality….WEB-Rip 1080p HEVC / 720p Format…. mkv/mp4 Genre….Crime, Drama, Mystery, Thriller Duration….01:27:47 Subtitle….Myanmar Subtitle (Hardsub) Encoder….Benjamin Translated by Alias

One Summer (2023) IMDb Rating (6.7) ကနေဒီယန် မင်းသား Patrice Robitailleပါဝင်သရုပ်ဆောင်ထားပြီး ကြည်နူးစရာ၊ဝမ်းနည်းစရာကောင်းတဲ့ comedy / drama ဇာတ်ကားကောင်းလေး တခု ဖြစ်ပါတယ်။ အိမ်ယာမဲ့တွေကို စောင့်ရှောက်ကူညီနေတဲ့ ခရစ်ယာန်ဘုန်းတော်ကြီး မာစ့်ဟာ တနေ့မှာကျေးလက်ဒေသမှာ ရှိတဲ့ မြေကွက်ကြီးတခုကို အမွေရလိုက်ပါတယ်။ အဲ့ဒီမှာ သူကသူစောင့်ရှောက်ပေးနေတဲ့ အိမ်ရာမဲ့တွေနဲ့အတူ ပျော်ပွဲစားတခု ထွက်ဖို့ဆုံးဖြတ်ခဲ့ပါတယ်။ အဲ့ဒီမြေကွက်မှာ နဂိုနေနေကျတဲ့သူတွေကလက်မခံကြတဲ့အခါ ဘာတွေဖြစ်သွားမလဲ ဆိုတာကိုကြည့်ရှူရင်း ကြည်နူးပီတိဖြစ်စရာ ၊ လူသားချင်း ကူညီရိုင်းပင်းမှုအကြောင်းတွေကို ကြည့်ရှုသွားရမှာပါ။ (အညွှန်းနဲ့ဘာသာပြန်ကတော့ Ran Naing Zaw ဖြစ်ပါတယ်။) File size…(2.4 GB) / (1.1 GB) Quality….Blu-Ray 1080p HEVC /720p Format…. mkv/mp4 Genre….Comedy,Drama Duration….02:06:34 Subtitle….Myanmar Subtitle (Hardsub) Encoder….Double K Translated by Ran Naing Zaw

Distant (2024) IMDb Rating (5.7) အန်ဒီရာမီရက်ဇ်ဆိုတဲ့ လူငယ်လေးဟာ အိပ်မွေ့ချအိပ်စက်ခြင်းကနေ ရုတ်တရက်လန့်နိုးလာခဲ့ပြီး သူတို့ရဲ့အာကာသယာဉ်ကြီးဟာ ဂြိုလ်သိမ်ဂြိုလ်မွှားတွေနဲ့ဝင်တိုက်ပြီး ပျက်ကျလုဆဲဆဲဆိုတာ သိလိုက်ရပါတယ်။ အဲ့ဒီမှာပဲ အရေးပေါ်လုံခြုံရေးစနစ်တွေအသက်ဝင်လာခဲ့ပြီး လွတ်မြောက်ရေးယာဉ်ငယ်တွေက တစ်ဆင့်အမည်မသိဂြိုလ်တစ်စင်းပေါ် ဆင်းသက်ခဲ့ရပါတယ်။ ဂြိုလ်ပေါ်ကိုအဝင်မှာတင်ပဲ မမျှော်လင့်တဲ့ပြဿနာတွေကြောင့် ယာဉ်ငယ်တွေအားလုံးနီးပါးပျက်ကျခဲ့ပြီး ပါဝင်သူတွေပါသေဆုံးခဲ့ပါတယ်။ ရေဒီယိုအသံလွှင့်စနစ်ကတစ်ဆင့် အချက်ပြဆက်သွယ်ပေမယ့် ဘယ်သူ့ဆီကမှ အကြောင်းပြန်မလာခဲ့ပါဘူး။ သူ့မှာအဖော်ဆိုလို့ AI တစ်ခုဖြစ်တဲ့ “L.E.O.N.A.R.D” သာရှိပါတယ်။ ကမ္ဘာမြေနဲ့ မိုင်ထရီလီယံပေါင်းများစွာဝေးကွာတဲ့ သူစိမ်းဂြိုလ်တစ်ခုမှာ သူ့အတွက် ဘယ်လိုအန္တရာယ်တွေစောင့်ကြိုနေမလဲ? ကမ္ဘာမြေကိုဘယ်လိုပြန်အဆက်အသွယ်လုပ်ကြမလဲ? သူ့အတွက် အိမ်ပြန်နိုင်မယ့်အခွင့်အရေးရောရှိပါဦးမလား? sci-fi ရုပ်ရှင်တစ်ကားမှာမြင်နေကျအကြောင်းအရာတွေကို အသုံးချဖန်တီးထားပေမယ့် ဇာတ်အိမ်ကိုဟာသနှောပြီးပေါ့ပေါ့ပါးပါးသွားထားပါတယ်။ အထူးပြုလုပ်ချက်ကောင်းကောင်းတွေ၊ cinematography အမိုက်စားတွေနဲ့အဓိက သရုပ်ဆောင်နှစ်ယောက်ကြောင့် ကြည့်ကောင်းတဲ့ ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size…(1.1 GB) / (660 MB) Quality….WEB-Rip 1080p HEVC / 720p Format…. mkv/mp4 Genre….Action, Comedy, Sci-Fi Duration….01:28:06 Subtitle….Myanmar Subtitle (Hardsub) Encoder….Benjamin Translated by Alias

Hashima Project (2013) ********************** အော့ဖ်၊ ဒေါ့၊ နစ်၊ နမ်နဲ့ မေတို့ဟာ ရုပ်ရှင်မေဂျာနဲ့ ကျောင်းပြီးထားပေမဲ့ အလုပ်မရသေးဘဲ အလုပ်ရဖို့ ကြိုးစားနေကြတဲ့ သူငယ်ချင်းအုပ်စုဖြစ်ပါတယ်…သူတို့ဟာ သရဲခြောက်တယ်ဆိုတဲ့ နေရာတွေကို သွား ရိုက်ကူးရေးတွေလုပ်ပြီး ထုတ်လုပ်သူတွေကို ပြခဲ့ပေမဲ့ “နောက်မှပြန်ဆက်သွယ်လိုက်ပါမယ်” ဆိုတဲ့စကားကလွဲပြီး မကြားရတဲ့အခါမှာတော့ ယူကျုပေါ်မှာပဲ သူတို့ရိုက်ထားတဲ့ ဇာတ်လမ်းတွေကို တင်ဖို့အတွက် အကြံရလာပါတယ်…ဒီလိုနဲ့ တင်လိုက်တဲ့အခါမှာတော့ သူတို့ဇာတ်လမ်းဟာ အရမ်းကို ပေါက်သွားခဲ့ပြီး သန်းချီတဲ့ ကြည်ရှုသူတွေနဲ့အတူ နာမည်ကြီးလာခဲ့ပါတယ်… သူတို့ဇာတ်လမ်းပေါက်သွားတဲ့နောက်မှာတော့ သရဲရှိုးလုပ်တဲ့ Ghostland ဆိုတဲ့ ပရိုဂရမ်ကြီးကနေ သူတို့ဆီကို ကမ်းလှမ်းချက်တစ်ခုရောက်လာပါတော့တယ်…ရှားရှားပါးပါးအခွင့်အရေးဖြစ်တာကြောင့် သူငယ်ချင်းအုပ်စုဟာ အစီအစဉ်ဘက်ကလူတွေနဲ့ သွားရောက်တွေ့ဆုံခဲ့ရင်း Ghostland ဘက်ကပေးလာတဲ့ ပရောဂျက်အသစ်အဖြစ် ဂျပန်က သရဲခြောက်တဲ့ကျွန်းကြီးလို့ နာမည်ကြီးတဲ့ ဟာဂျီမာကျွန်းကိုသွားရောက်ပြီး ရိုက်ကူးရေးလုပ်ဖို့ လက်ခံခဲ့ပါတယ်… ဟာဂျီမာကျွန်းဟာ အဲဒီကျွန်းကို သွားရောက်ခဲ့တဲ့သူတိုင်း ကံဆိုးမိုးမှောင်ကျတတ်ပြီး အသက်ပါ သေဆုံးတတ်တယ်ဆိုတဲ့အချက်နဲ့တင် အတော်ကို နာမည်ကြီးနေတာခဲ့တာပါ…ဒီလိုကျွန်းကြီးကိုသွားရောက်ပြီး ရိုက်ကူးရေးလုပ်ရမဲ့ သူငယ်ချင်းအုပ်စု ဘာတွေ ဘယ်လိုတွေ့ကြုံရမလဲ ဆိုတာကို ခြောက်ခြားဖွယ်ရာ ကြည့်ရှုရမဲ့ Horror, Suspense ဇာတ်လမ်းကောင်းတစ်ခုဖြစ်ပါတယ်… ဇာတ်လမ်းအညွှန်းနဲ့ ဘာသာပြန်ကတော့ CharOu ဖြစ်ပါတယ်… File Size : 1.4GB / 608MB Quality : WEB-DL 1080p / 720p Duration : 01:58:00 Genres : Horror, Suspense Subtitle : Myanmar Subtitle (Hard Sub) Translated by Char Ou Encoded by Heather Oo

Snowy Road (2015) *********************** ကိုရီးယားကို ဂျပန်တွေကြီးစိုးချိန်ဖြစ်တဲ့ ၁၉၄၄ ခုနှစ်ကို ဇာတ်အိမ်တည်ရိုက်ကူးထားတဲ့ ဒီရုပ်ရှင်ကားမှာတော့ castတွေအဖြစ် မင်းသမီးလေး Kim Sae Ron, “Along with the god, At Eighteen”စတဲ့ ဇာတ်ကားကောင်းတွေမှ မင်းသမီးလေး Kim Hyang Gi, “Iron Family, The Judge from Hell”စတဲ့ ဇာတ်ကားတွေမှ မင်းသမီးကြီး Kim Young Ok တို့က အဓိကပါဝင်ထားပါတယ် .. 24th Golden Rooster & Hundred Flowers Film Festival (2015) မှာ ဇာတ်ကားအတွက် Best Foreign Film ဆု အပြင် Kim Sae Ron လေးက Best Foreign Actress ဆု ရရှိခဲ့ပြီး .. KBS Drama Awards (2015) မှာလည်း Kim Hyang Gi လေးက Best Young Actress ဆု ရရှိခဲ့ပါတယ် .. IMDb rating ကောင်းကောင်းရထားပြီး Box office လည်း ရှယ်ကြမ်းခဲ့တဲ့ ကားကောင်း လေးကို ကြည့်ဖို့အတွက်ဆိုရင် တစ်ရှူးလေးတော့ ဆောင်ထားမှဖြစ်မယ်နော် .. ဇာတ်လမ်းကတော့ ************** ဂန်ယောင်းအယ် (Kim Sae Ron)နဲ့ ချွဲဂျုံဘွန်း (Kim Hyang Gi)တို့ဟာတစ်ရွာတည်းမှာ မွေးဖွားလာတဲ့ သက်တူရွယ်တူ ကောင်မလေးနှစ်ယောက်ဖြစ်ပေမဲ့ မိသားစု နောက်ခံ အသိုင်းအဝိုင်းကတော့ လုံးဝကွဲပြားလှပါတယ် .. ။ ယောင်းအယ်က ချမ်းသာတဲ့ မိသားစုမှာ ကြီးပြင်းလာသူဖြစ်သလို လှပထက်မြက်ပြီး ပညာထူးချွန်တာမိုလို့ ဂျပန်ကို ပညာတော်သင်သွားဖို့ ရွေးချယ်ခံထားရသူဖြစ်ပါတယ် .. ။ ဂျုံဘွန်းကတော့ တက်ကြွပြီး ရဲရင့်ပေမဲ့ ဆင်းရဲပြီး ပညာသင်ယူခွင့်မရရှိခဲ့တာကြောင့် ပညာ ထူးချွန်တဲ့ ယောင်းအယ်ကိုအားကျပြီး ဂျပန်ကို ပို့ပေးဖို့ အမေကို အမြဲပူဆာနေတဲ့သူလေးပေါ့ .. တစ်နေ့မှာတော့ ဂျုံဘွန်းရဲ့အမေဟာ ဆော့ချွန်းကို ပန်းကန်တွေ သွားရောင်းရမှာဖြစ်လို့ ဂျုံဘွန်းနဲ့ သူ့မောင်လေး ဂျုံဂီကို အိမ်မှာနှစ်ယောက်တည်း ထားခဲ့ရပါတယ် .. အဲဒီနေ့မှာပဲ ဂျပန်စစ်သားတွေက အိမ်ထဲကိုကျူးကျော်ဝင်ရောက်လာကာ ဂျုံဘွန်းကို ပြန်ပေးဆွဲပြီး ရထားတစ်စင်းပေါ်ကို အတင်းဆွဲခေါ်သွားပါတယ် .. ရထားပေါ်ကို ရောက်တဲ့အချိန်မှာ ဂျုံဘွန်းဟာ သူနဲ့သက်တူရွယ်တူကောင်မလေးတွေ အများကြီးအပြင် သူအားကျရတဲ့ .. ဂျပန်ကို ပညာတော်သင်သွားရမယ်ဆိုပြီး လှည့်စားခံထားရတဲ့ ယောင်းအယ်ကိုပါ တွေ့လိုက်ရပါတော့တယ် .. အရင်ကကံကြမ္မာမတူညီခဲ့ပေမဲ့ ဂျပန်စစ်သားတွေ ပြန်ပေးဆွဲလာတဲ့ရထားပေါ်ကိုရောက်တော့မှ ဆိုးရွားတဲ့ကံကြမ္မာချင်း တူညီသွားတဲ့ ဒီကောင်မလေးနှစ်ယောက်ဟာ ရှေ့ဆက်ဘယ်လိုဖြစ်ကြမလဲ အရင်ခေတ် ဂျပန်စစ်သားတွေရဲ့ ရက်စက်ယုတ်မာမှုတွေကို မျက်ဝါးထင်ထင်မြင်ရအောင် ရိုက်ပြထားတဲ့ ရုပ်ရှင်ဇာတ်ကားကောင်းဖြစ်လို့ ညွှန်းပေးလိုက်ပါတယ်နော် .. (အညွှန်းကို Toe Toe Aung မှ ရေးသားထားပါတယ်) File size…2.69GB / 906MB Quality… WEB-DL 1080p/ 720p Format…mp4 Duration….2h 00m Genre ….. Historical, Psychological, Drama Subtitle….Myanmar Subtitle (Hard Sub) Translated by Toe Toe Aung Encoded by AHtet

Six Each (2025) “ကနေဒါအိပ်မက်” ဒီတစ်ခါမှာတော့ ဖြစ်ရပ်မှန်ကို အခြေခံထားပြီး အပြောင်အပျက်မဟုတ်တဲ့ ပန်ချာပီဒရာမာဇာတ်လမ်းလေးကို တင်ဆက်လိုက်ပါတယ် ကနေဒါကို သွားချင်ခဲ့တဲ့ နာဗီဆိုတဲ့မိန်းကလေးဟာ ရှေးရိုးစွဲအမြင်တွေကို ဆန့်ကျင်သူပါ ဒါပေမဲ့ သူ့ဘဝတက်လမ်းအတွက် ငွေရေးကြေးရေးလိုအပ်ချက်ကြောင့် ယောကျာ်းတစ်ယောက်ကို လက်ထပ်ခဲ့ရပါတယ် လက်ထပ်ပြီးခါမှ ငွေတွေယူပြီး ကနေဒါကို တစ်ယောက်တည်းထွက်လာခဲ့တဲ့နောက်မှာ သူ့ယောကျ်ားဖြစ်သူ သေကြောင်းကြံသွားပါတော့တယ် ဒီလိုနဲ့ နာဗီတစ်ယောက် အိန္ဒိယတစ်တိုင်းပြည်လုံးရဲ့ မီဒီယာ တံထွေးခွက်ထဲမျောပြီး ကနေဒါမှာလည်း သူ့သတင်းက နာမည်ကြီးနေတဲ့အခါမှာ ဘယ်လိုတွေဆက်လက်ရင်ဆိုင်ကြုံတွေ့ရဦးမှာလဲ ပရိသတ်တို့ကပဲ ဆက်လက်ကြည့်ရှုပေးကြပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ်