ဒီတစ်ခေါက်မှာတော့ My Ultimate Oppa ဆိုတဲ့ မူဗီအသစ်လေးနဲ့မိတ်ဆက်ပေးပါရစေရှင် ဒီဇာတ်လမ်းလေးကတော့ စာရေးဝါသနာပါပြီး စာရေးဆရာဖြစ်ချင်တဲ့ ရာနာ ဆိုတဲ့ကောင်မလေးက သူ့အိုင်ဒေါ ကိုကိုမွန်းရှီဝူး ကို သူ့ရဲ့ Fanfic လေး ပို့ပေးခဲ့ရာကပြန်စာလေး ကံကောင်းစွာနဲ့ရလာခဲ့ပါတယ် အဲဒီအချိန်ကစပြီး ရာနာ့အတွက် ကိုကိုမွန်းရှီဝူးက ကမ္ဘာကြီးဖြစ်လာခဲ့ပါတယ် အဲဒီကိုကိုမွန်းရှီဝူးက သူ့ရဲ့ပထမဆုံးမိန်းကလေး ဖြစ်လာနိုင်တဲ့ “ မွန်းအတွက် ပထမဆုံးမိန်းကလေးနေရာကိုယှဉ်ပြိုင်ပွဲ” ကိုကျင်းပလာတဲ့အခါ ရာနာတစ်ယောက် ကိုရီးယားကို ရောက်လာပြီး သူ့ကိုကိုမွန်းရှီဝူးနဲ့ အနီးကပ် တွေ့ဆုံခွင့်ရလာခဲ့ပါတယ် ကိုရီးယားနိုင်ငံကြီးကိုလာပြီး ဘယ်လိုရင်ခုန်စရာတွေ အခက်အခဲတွေဖြစ်လာမှာလဲ သူ့နှလုံးသားရဲ့အနက်ရှိုင်းဆုံးတစ်နေရာမှာ တကယ်ရှိနေတာကဘာလဲဆိုတာကို စိတ်ဝင်တစားကြည့်ရှုရမှာပဲဖြစ်ပါတယ် ဒါ့အပြင် ဒီကားလေးက ဖိလစ်ပိုင်နဲ့ ကိုရီးယား Collaboration ကားလေးဆိုတော့ ပိုပြီးထူးခြားပါတယ် Communicate လုပ်တဲ့နေရာမှာလည်း အင်္ဂလိပ်လိုတွေပဲလုပ်သွားတာမို့ တခြားမူဗီတွေနဲ့မတူတဲ့ခံစားချက်ကိုရမှာအသေအချာပါပဲ အများကြီးမညွှန်းတော့ပါဘူး တကယ်ကြည့်လို့ကောင်းတဲ့ဇာတ်လမ်းလေးမို့ အခုပဲကြည့်လိုက်ပါတော့နော် အညွှန်းကိုတော့ Shin Shin က ရေးထားပေးပြီးတော့ ဘာသာပြန်ထားတာကတော့ Shin and Cali ပဲ ဖြစ်ပါတယ်။ Genre..... Comedy, Romance Quality…. 1080p | 720p | 480p File size…2GB | 989MB | 470MB Format… mp4 Duration…. 1h 48min Subtitle…. Myanmar Subtitle (Hardsub) Translator ..... Shin and Cali Encoder ..... August

မယ်လ်ဒီက အဝတ်လျှော်လုပ်ငန်းတစ်ခုမှာအလုပ်လုပ်တဲ့မိန်းမငယ်တစ်ယောက်၊ ခင်ပွန်းသည်ဒုက္ခိတကြီးကိုပြုစုလုပ်ကျွေးနေသူလဲဖြစ်တော့ သူ့ဘဝကရိုးရှင်းဟန်ရှိတယ်။ ဒါပေမယ့်အပေါ်ယံဖြူစင်တဲ့မျက်နှာစာအောက်မှာ သိပ်ကြောက်စရာကောင်းတဲ့ မိန်းမတစ်ယောက်နေထိုင်တာကို ပတ်ဝန်းကျင်တစ်ခုလုံးမသိရအောင် အနေအထိုင် သိုသိပ်ကျစ်လျစ်ပါတယ်။ သူ့မှာပြင်းပြဖောက်ပြန်တဲ့ တဏှာရမ္မက်တွေရှိတယ်။ သူ့ဖောက်သည်တွေရဲ့အဝတ်အစားတွေ ဝတ်စုံတွေကိုခိုးယူဝတ်ဆင်ပြီး သူပြုသမျှနုရာရှာတဲ့ ခင်ပွန်းသည် ဒုက္ခိတကြီးနဲ့ သူ့ရဲ့ uniform fetish တွေ Roleplay တွေနဲ့ဆန္ဒကိုဖြေဖျောက်ပါတယ်။ ဒါတင်မကပိုကြောက်ဖို့ကောင်းတဲ့အချက်က သူဟာလိုချင်တဲ့အရာတစ်ခုကို သက်မဲ့အရာဝတ္ထုကအစ သက်ရှိဘဝအဆုံး မရရအောင်ယူတတ်တဲ့သူ ရဖို့အတွက်ဘာမဆိုလုပ်ရဲတဲ့သူဖြစ်နေတာပါပဲ။ ဒီလိုနဲ့ သူတို့ရဲ့ဖောက်သည်အသစ်ဖြစ်တဲ့ ရဲအရာရှိနဲ့ချစ်သူမော်ဒယ်မလေးတို့ကိုမြင်ရတဲ့အချိန်မှာ သူဟာ မော်ဒယ်မိန်းကလေးဘဝကိုအားကျပြီး ရဲအရာရှိကိုငမ်းငမ်းတက်လိုချင်လာတဲ့အချိန်... အဲ့ဒါတွေနဲ့ တပြိုင်တည်း သူတို့ဝန်းကျင်မှာဖြစ်ပေါ်နေတဲ့ ရက်စက်ကြမ်းကြုတ်တဲ့ ကွင်းဆက်လူသတ်မှုတွေကိုပါ ဒီရဲအရာရှိက စုံစမ်းစစ်ဆေးဖို့ဖြစ်လာတဲ့အချိန်မှာ သူတို့ချင်းထိပ်တိုက်ဆုံဖို့ ဖြစ်လာပါတော့တယ်။ လုပ်ချင်တာလုပ်ထားပြီးရင် အလှဆုံးပြုံးနေတတ်တဲ့ မင်းသမီးငယ်လေး Ayanna Misola နဲ့ High (School) On Sex ထဲကကျောင်းဆရာမမ Rob Guinto တို့နှစ်ဦးတွဲပွဲကြမ်းထားတဲ့ဇာတ်ကားဖြစ်ပါတယ်။ အရမ်းကောင်းပါတယ် စတော်ဘယ်ရီလိုပါပဲ... (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 1.6GB, 690MB Quality - 1080p, 720p Format - mp4 Duration - 1H 44Min Genre - Adult, Thriller Subtitle - Myanmar Subtitle (Hardsub) Translated by Alias Encoded by RGB

ဘေ့စ်ဘောကစားသမား ဒေးဗစ်ဟာ ငယ်စဉ်က အိမ်တွင်းအကြမ်းဖက်မှုခံခဲ့ရသူပါ။ သူ့မှာ အေဗာဆိုတဲ့ ငယ်သူငယ်ချင်းမလေး ရှိပါတယ်။ မိခင်ရယ် ညီလေးရယ်နဲ့အတူကြီးပြင်းလာရင်း တစ်နေ့မှာတော့ သူ့ညီမောင်းလာတဲ့ကားက မတော်တဆမှုဖြစ်ပြီး တစ်ဖက်ကားပေါ်ကသူ သေဆုံးသွားခဲ့ပါတယ်။ သေဆုံးသူက တခြားသူမဟုတ်ဘဲ အေဗာရဲ့ အမျိုးသား ဖြစ်နေခဲ့ပါတယ်။ ဒေးဗစ်က သူ့ညီအစား ထောင်ထဲဝင်ပေးလိုက်တော့ သူ့ရဲ့ ဘေ့စ်ဘောကစားသမားဘဝမှာ ကမောက်ကမတွေ ဖြစ်ကုန်ပါတယ်။ ဒီလို အခက်အခဲတွေကြားကနေမှ ဒေးဗစ်တစ်ယောက် သူ့အဖေ သူ့ညီလေးတို့နဲ့ မိသားစုကို ဘယ်လိုမျိုး ပြန်လည်တည်ဆောက်ကြမလဲ? အေဗာနဲ့ရောဘယ်လိုရှေ့ဆက်ကြမလဲ? ဆိုတာ ဆက်လက် ကြည့်ရှုလိုက်ကြရအောင်ပါ။ (ဇာတ်လမ်းအညွှန်းနဲ့ ဘာသာပြန်ကတော့ Poant ပါ။) File Size :  1.5GB, 547MB, 268MB Quality : 1080p WEB-DL AC3 5.1CH, 720p WEB-DL, 480p Format : mp4 Duration : 1hr & 35mins Genre : Drama, Romance Translated by Poant Encoded by Kinnov

Clear and Present Danger (1994) ~ IMDb - 6.9/10, Rotten Tomatoes - 81% ~ ဒီဇာတ်ကားက Jack Ryan ရုပ်ရှင်တွဲ​တွေရဲ့တတိယကားဖြစ်ပြီး အက်ရှင်ခန်း​တွေလည်း ပိုကြမ်းလာပါတယ်။ ဒုတိယကားဖြစ်တဲ့ Patriot Games က မင်းသားကြီး Harrison Ford ပဲ ဂျက်ရိုင်ယန်အဖြစ် ပါဝင်ထားသလို မင်းသားကြီး Willem Dafoe ကလည်း အ​ရေးပါတဲ့​နေရာက ပါဝင်ထားပါတယ်။ ဒီဇာတ်လမ်းက အ​မေရိကန်နဲ့ ​ကိုလံဘီယာ မူးယစ်ရာဇာ​​တွေကြား ပဋိပက္ခ​တွေကို ဇာတ်လမ်းဆင်ထားတာပါ။ အ​မေရိကန်သမ္မတရဲ့ နိုင်ငံ​ရေးမိတ်ဖက်တစ်ဦးကို မူးယစ်ရာဇာကြီး အက်စကို​ဘေတိုက သတ်ဖြတ်လိုက်တဲ့အတွက် အ​မေရိကန်အစိုးရဘက်က နိုင်ငံ​​တော်လုံခြုံ​ရေးကို ထိပါးမှုဆိုတဲ့ ​ခေါင်းစဉ်နဲ့ အဲဒီမူးယစ်ရာဇာနဲ့ ဂိုဏ်းကို ချေမှုန်းဖို့ လုပ်​ဆောင်ပါ​တော့တယ်။ ဒါ​ပေမဲ့ ဒီဂိုဏ်းကို​ချေမှုန်းဖို့က တိုင်းတပါးမှာ လျှို့ဝှက်စစ်ဆင်​ရေးအဖြစ်နဲ့ပဲ ​ဆောင်ရွက်လို့ရတာ​ကြောင့် အစိုးရအ​နေနဲ့ သူတို့ဘက်ကို ပြန်အမှုမပတ်​အောင် ​ကြေးသားစစ်သား​တွေကို ငှားပြီး တရားမဝင် စစ်ဆင်​ရေးအဖြစ် ​ဆောင်ရွက်ခဲ့ပါတယ်။ဒီဇာတ်ထဲမှာ ပဲ​လှော်ကြား ဆားညပ်သွားတာက ဂျက်ရိုင်ယန်ဖြစ်ပြီး ​ထောက်လှမ်း​ရေးအရာရှိအ​နေနဲ့ သမ္မတရဲ့မိတ်​​ဆွေ အသတ်ခံရတဲ့အမှုကိုစုံစမ်းရင်း နိုင်ငံ​​ရေးအရှုပ်​အ​ထွေးကြားထဲ ပါဝင်သွားခဲ့ပြီး ဒီတရားမဝင်စစ်ဆင်​ရေးကို ဖြေရှင်းရမယ့်အ​ရေးနဲ့ ကြုံသွားပါ​တော့တယ်။ (ဒီဇာတ်ကားနဲ့အညွှန်းကို X မှ ပြန်ဆို ရေးသားထားပါတယ်) Size - 2.1GB, 855MB Quality - 1080p, 720p IMDb Rating - 6.9/10 Format - mp4 Duration - 2H 21Min Genre - Action, Crime, Drama Subtitle - Myanmar Subtitle (Hardsub) Translated by X Encoded by Y

My Father’s Dragon (2022) ==================== IMDb Rating – 7.0/10 Netflix က အသစ်ဆက်ဆက်ထွက်ရှိထားတဲ့ အန်နီမေးရှင်းဇာတ်ကား ကောင်းလေးကို တင်‌ဆက်ပေးလိုက်ပါတယ်ဗျ။ ဒီကားက ၁၉၄၈ တုန်းက ထုတ်ဝေခဲ့တဲ့ ဝတ္ထုရှည်တစ်ပုဒ်ကို ပြန်လည်အသက်သွင်းပြီး ပုံဖော်ထားတဲ့ ဇာတ်ကားလေးဖြစ်တဲ့အပြင် အသံသရုပ်ဆောင်တွေအနေနဲ့ Luca(2021) ထဲက လူကာ(Jacob Tremblay) နဲ့ Stranger Things ထဲက နာမည်ကျော် ဇာတ်လိုက် ဒက်စ်တင်(Gatan Matarazzo) တို့ကလည်း အသံသရုပ်ဆောင် အနေနဲ့ပါဝင်ထားပါတယ်။ ဇာတ်လမ်းအကျဉ်း အယ်လ်မာ ဆိုတဲ့ ဖတဆိုး သားလေးနဲ့ အမေဖြစ်သူ ဒဲလာ တို့နှစ်ယောက်က နယ်မြို့လေးတစ်မြို့မှာ စတိုးဆိုင်ဖွင့်ပြီး လုပ်ကိုင်စားသောက် နေကြတာပေါ့။ ဒါပေမဲ့ နောက်တော့စီးပွားရေးတွေကျပြီး သားအမိနှစ်ယောက် မြို့ပေါ်ပြောင်းလာလိုက်ရတယ်။ အယ်လ်မာ မှာလည်း မြို့ပေါ်မှာ အရင်တုန်းကလို စတိုင်းဆိုင်လေးထပ်ဖွင့်ပြီး မိခင်ဖြစ်သူကို မပူမပင်မကြောင့်မကြဘဲနေစေချင်တဲ့ ရည်မှန်းချက်လေးရှိတယ်။ အဲဒါနဲ့တစ်နေ့ အမျိုးမျိုးသောအခက်အခဲတွေကြောင့် အဲလ်မာက မိခင်နဲ့စကားများပြီးအိမ်ပေါ်ကနေဆင်းသွားတယ်။ အဲမှာ စကားပြော တတ်တဲ့ကြောင်လေးတစ်ကောင်က သူ့အနားရောက်လာပြီး ကူညီပေးမယ်ပြောပြီး ကျွန်းတစ်ကျွန်းပေါ်က နဂါးတစ်ကောင်ကို သွားကယ်ခိုင်းတယ်။ အယ်လ်မာ တစ် ယောက် ဘယ်လိုစွန့်စားခန်းတွေကြုံရမလဲ သူ့အိပ်မက်လေးကိုရော တကယ်ဖြစ်‌ လာအောင်လုပ်နိုင်ပါ့မလားဆိုတာကို စိတ်ဝင်တစားနဲ့ကြည့်ရှူရမှာဖြစ်ပါတယ်။ (ဒီဇာတ်လမ်းရဲ့ အညွှန်းကို Khant Sett Naingမှရေးသားပေးပြီး၊ ဘာသာပြန်ရေးသား ပေးသူများကတော့ CM Teamမှ ဖြစ်ပါတယ်။) File Size……….(1.1 GB) / (515 MB) / (300 MB) Quality…………Webrip 1080p / 720p / 480p Duration………1Hr 39mins Subtitle………..Myanmar Hardsub Format…………MP4 Genre…………..Animation, Adventure, Comedy Translator…….CM Team Encoder……….Zin Phyo Aung

Polly Pocket Sparkle Cove Adventure (2023) ================================ IMDb Rating – 6.8/10 သာမန်လူသားတွေ မမြင်နိုင်တဲ့ Dimension တွေမှာ Pockite လို့ခေါ်တဲ့ မှော်ကျောက်မျက်မျိုးစုံ ပျံ့နှံ့တည်ရှိနေပါတယ်။ Pockite အရောင်ကွဲတွေ တိုင်းမှာ ကိုယ်စီအစွမ်းသတ္တိတစ်မျိုးစီ ရှိကြတာပါ။ ဒီကျောက်မျက်ကို မျိုးရိုး စဉ်ဆက် လက်ဆင့်ကမ်းအသုံးချတဲ့ Pockite ကိုင်ဆောင်သူတွေလည်း ကမ္ဘာ အနှံ့၊ Dimension အစုံမှာ ရှိနေကြပါသေးတယ်။ Pockite တို့ပေါ်ရာမြေကို တော့ Sparkle Cove လို့ခေါ်ပြီး Prudence Pocket ဆိုတဲ့ နယ်လှည့်ခရီး သည်မိန်းကလေးတစ်ယောက်က Pockite ပေါင်း ၃၀၀ ကျော်ကို ရှာဖွေတွေ့ ရှိခဲ့တာပါ။ မှော်အစွမ်းမျိုးစုံနဲ့ Pockite တွေအားလုံးကို ကိုယ့်အမျိုးအတွက်ပဲ သုံးမယ့်အစား Prudence က သူ့မျိုးဆက်တွေကို ခရမ်းရောင် Pockite တစ် မျိုးပဲ အမွေပေးပါတယ်။ ချုံ့/ချဲ့သတ္တိရှိတဲ့ ခရမ်းရောင် Pockite လေးကို အဆင့်ဆင့်လက်ဆင့်ကမ်းလာ ရင်း Prudence မျိုးဆက်ပီသပြီး စွန့်စားရတာကြိုက်တဲ့ Polly Pocket အလှည့် ရောက်လာပါတော့တယ်။ ဆယ်ကျော်သက်ပီပီ ဖြစ်နိုင်ချေမှန်သမျှကို စမ်းကြည့် ချင်မိတဲ့ Polly ကတော့ Pockite တစ်ခုတည်းနဲ့ မကျေနပ်နိုင်ဘဲ အမွေတစ်မျိုးပဲ ချန်ခဲ့တဲ့ အဘေးတကာ့အဘေးဖြစ်သူ Prudence အကြောင်း လှန်လှောစုံစမ်းတော့ တာပါပဲ။ ဒီလိုနဲ့ Sparkle Cove ရဲ့ ဆယ်နှစ်တစ်ခါ အစောင့်အကြပ်ရာထူးလွှဲပြောင်း ဖို့ ကျင်းပတဲ့ပြိုင်ပွဲမှာ ခရမ်းရောင် Pockite ကိုင်ဆောင်သူအနေနဲ့ Polly တစ်ယောက် ဖိတ်ခေါ်ခြင်းခံရပါတော့တယ်။ နေရာအသစ်မှာ အခြားသော Pockite ကိုင်ဆောင်သူတွေနဲ့ အတွေ့အကြုံအသစ် ရမှာမို့ မှော်ကျွန်းတစ်ကျွန်းရဲ့ စွန့်စားခန်းပြိုင်ပွဲထဲ Polly ဝင်ပါမိတဲ့နောက် Pockite တွေရဲ့ တကယ့်ရည်ရွယ်ချက်ကိုနားလည်စရာ အကြောင်းဖန်လာပါတော့တယ်။ Magical adventure story ကောင်းလေးတွေ ကြိုက်တတ်သူတွေအတွက် မပျင်း တမ်းကြည့်ရ၊ ဇာတ်ကောင်တွေနေရာကနေပါ ဝင်ရောက်ခံစားကြံစည်မိစေမယ့် ဇာတ်လမ်းကောင်းလေးဖြစ်ကြောင်း Recommend ပေးလိုပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Hnin Wut Yi ဖြစ်ပါတယ်) File Size……….(1 GB) / (455 MB) Quality…………WEB-DL 1080p / 720p Duration………1Hr 06Min Subtitle………..Myanmar Hardsub Format…………MP4 Genre…………..Family, Animation Translator……Hnin Wut Yi Encoder……….SWM

Parasyte ဟာ Iwaaki Hitoshi ရဲ့ ၁၉၈၈ခုနှစ်ကနေ ၁၉၉၅ခုနှစ်ထိ အခန်းဆက်ရေးသားခဲ့တဲ့ Sci-fi horror မန်ဂဇာတ်လမ်းတွဲဖြစ်ပြီး၊ ဇာတ်လမ်းရဲ့ ထူးခြားတဲ့တင်ပြပုံနဲ့ body horror ကို အသားပေးဖော်ပြမှုကြောင့်နာမည်ကြီးတဲ့ မန်ဂဇာတ်လမ်းတစ်ပုဒ်ဖြစ်ပါတယ်။ အင်္ဂလိပ်ဘာသာနဲ့ ထုတ်ဝေခဲ့မှုကြောင့် အမေရိက နဲ့ နိုင်ငံတကာမှာ အတော်လေးအောင်မြင်ခဲ့တဲ့ ဒီဇာတ်လမ်းတွဲဟာ ၂၀၁၄ခုနှစ်မှာတော့ ဇာတ်ခုံပေါ်တစ်ဖန်ပြန်တက်လာခဲ့ပါတယ်။ ၂၀၁၄ခုနှစ်မှာ TOHO ကနေ အပိုင်း၂ပိုင်းပါဝင်တဲ့ Live-action ရုပ်ရှင်ဇာတ်ကားအဖြစ် ရိုက်ကူးရုံတင်ဖို့ ကြေညာခဲ့ပြီး၊ ၂၀၁၄ ခုနှစ်ထဲမှာပဲ MADHOUSE စတူဒီယိုကနေ ရိုက်ကူးတဲ့ Anime ရုပ်သံဇာတ်လမ်းတွဲကို ထုတ်လွှင့်ပြသခဲ့ပါသေးတယ်။ အစကတော့ ၂၀၀၅ခုနှစ်ကတည်းက ဒီဇာတ်လမ်းကို ရုပ်ရှင်ဇာတ်ကားအဖြစ် အသက်သွင်းရိုက်ကူးဖို့ဝယ်ယူထားတာက ဟောလိဝုဒ်ရုပ်ရှင်လုပ်ငန်းတစ်ခုဖြစ်တဲ့ New Line Cinema ဖြစ်ပေမယ့် မရိုက်ဖြစ်လိုက်ရပဲ ၂၀၁၃ခုနှစ်ထဲမှာ သက်တမ်းကုန်သွားတဲ့အတွက် ကံကောင်းထောက်မစွာ အနောက်တိုင်းမှုပြုထားတဲ့(ညံ့မှာသေချာတဲ့)ဇာတ်ကားမထွက်ရှိလိုက်ပဲ အခုလို ဒါရိုက်တာ Yamazaki Takashi ရဲ့ Live-action ဇာတ်ကားအဖြစ် ကြည့်ရတာ ဖြစ်ပါတယ်။ Spoiler Alert…. Kiseijuu (ကပ်ပါးကောင်) လို့ အဓိပ္ပာယ်ရတဲ့ အမည်နဲ့လိုက်ဖက်စွာပဲ ဒီဇာတ်လမ်းရဲ့အဓိကလက်သည်တွေကတော့ ဘယ်ကနေဘယ်လိုရောက်ရှိလာမှန်းမသိတဲ့ အမျိုးအမည်မသိသတ္တဝါဆန်း ကပ်ပါးကောင်တွေပဲ ဖြစ်ပါတယ်။ သဘာဝအလျောက်စ့ဆော်မှုအရလူသားတွေကို သတ်ဖြတ်ချင်နေတဲ့ ဒီကပ်ပါးကောင်တွေဟာ လူသားတွေရဲ့ခန္ဓာကိုယ်ထဲဝင်ရောက်ပြီး၊ ဦးနှောက်ကိုအပိုင်စီးကာ လူခန္ဓာကိုယ်မှာ တွယ်ကပ်နေတဲ့ လူသားစား Monster တွေဖြစ်လာပါတယ်။ လူခန္ဓာကိုယ်ကို လုယူနိုင်လိုက်တဲ့ကပ်ပါးကောင်တစ်ကောင်ဟာ သာမန်လူတစ်ယောက်ပုံစံဟန်ဆောင်နိုင်ပြီး၊ သားကောင်ရှေ့ရောက်မှ သတ်ဖြတ်စားသောက်ကြတာ ဖြစ်ပါတယ်။ Izumi Shinichi အမည်ရ အထက်တန်းကျောင်းသားလေးကတော့ ကံကောင်းသွားပါတယ်။ သူ့ရဲ့ ခန္ဓာကိုယ်ထဲဝင်ရောက်လာတဲ့ ကပ်ပါးကောင်ဟာ Shinichi ရဲ့ ဦးနှောက်ကိုမရလိုက်ပဲ ညာဘက်လက်ကိုသာ အပိုင်စီးနိုင်ခဲ့ပါတယ်။ အိပ်ရာကနေနိုးလာတော့ ကိုယ့်ရဲ့ညာဘက်လက်က သတ္တဝါဆန်းတစ်ကောင်ဖြစ်နေတာတွေ့လိုက်ရတဲ့ ခံစားချက်ကို စဉ်းစားသာကြည့်ကြပါတော့။ လေ့လာသင်ယူမှုအားကောင်းတဲ့ ကပ်ပါးကောင်တွေပီပီ အဆိုပါ Migi (ညာလက်) အမည်ရ ကပ်ပါးကောင်ဟာ Shinichi နဲ့ ဆက်သွယ်ပြောဆိုလာနိုင်ပြီးနောက် နှစ်ယောက်စလုံးအသက်ရှင်ရပ်တည်ရေးအတွက် အတူတကွယှဉ်တွဲနေထိုင်ဖို့ သဘောတူညီချက်ရရှိသွားပါတယ်။ Shinichi ဟာ မိခင်ဖြစ်သူ Izumi Nobuko နဲ့ အမေတစ်ခုသားတစ်ခု နေထိုင်ရတာဖြစ်ပြီး၊ မိခင်ဖြစ်သူတစ်ယောက်တည်း သူ့အတွက်ကြိုးစားရုန်းကန်နေရတာကိုကြည့်ကာ အလိုလိုနေရင်းအပြစ်ရှိသလို ခံစားနေရတဲ့ Shinichi အတွက် အခုလို လူသားစားကပ်ပါးကောင်တွေနဲ့ ပတ်သတ်ဖို့ဖြစ်လာတော့ ပိုပြီးစိတ်ဖိစီးလာခဲ့ပါတယ်။ ပိုဆိုးတာက ကပ်ပါးကောင်တွေဟာ တစ်ယောက်နဲ့တစ်ယောက် အာရုံခံနိုင်တဲ့အတွက် Shinichiအတွက် ရှောင်ပြေးဖို့မဖြစ်နိုင်ပဲ သူပထမဆုံးကြုံတွေ့ရတဲ့ လူသားစားကပ်ပါးကောင်တစ်ယောက်ကို Migi ရဲ့အကူအညီနဲ့ သတ်ဖြတ်နိုင်လိုက်ပါတယ်။ ဒီလို Migi ကို လူတွေမမြင်အောင် ဖုံးကွယ်နေရတဲ့ကြားထဲ အခြားသောကပ်ပါးကောင်တွဆီကနေ ပတ်ပြေးရသေးတဲ့ Shinichi ဟာ တစ်နေ့တော့ သူတို့ကျောင်းကိုအသစ်ရောက်ရှိလာတဲ့ ဆရာမ Tamiya Ryoko ဟာ ကပ်ပါးကောင်တစ်ယောက်ဖြစ်နေတာ သိလိုက်ရပါတော့တယ်။ အခြားလူသားစားကပ်ပါးကောင်တွေနဲ့မတူ တစ်မူထူးခြားတဲ့ Tamiya ဟာ ကပ်ပါးကောင်တွေနဲ့လူသားတွေ အတူတကွနေထိုင်နိုင်မယ့်နည်းလမ်းကို သူရှာဖွေစမ်းသပ်နေကြောင်း ပြောပြကာ Shinichi ကို သူတို့ရဲ့ကွန်ယက်ထဲ သွင်းလိုက်ပါတယ်။ ဒါပေမယ့် အခြားကပ်ပါးကောင်တစ်ယောက်ဖြစ်တဲ့ ရဲအရာရှိခန္ဓာကိုယ်နဲ့ A ကတော့ Shinichi ကို ယုံကြည်ခြင်းမရှိပဲ တစ်ညမှာ Shinichi ကို လမ်းမှာတိုက်ခိုက်ပါတယ်။ Shinichi က Migi ရဲ့အစွမ်းနဲ့ ကံကောင်းထောက်မစွာ အသက်ရှင်လွတ်မြောက်နိုင်စွမ်းရှိပေမယ့် အဆိုပါအိမ်ပြန်လမ်းကနေ ဖြတ်သန်းပြန်လာသူက Shinichi ရဲ့ မိခင်ဖြစ်သူ Nobkuo .. ။ ခြောက်လနီးပါးခြားပြီး ရုံတင်ပြသတဲ့ အပိုင်း ၂ မှာတော့ အပိုင်း ၁ ရဲ့ အဆုံးကနေ တစ်ဆက်တည်းဇာတ်လမ်းဆက်ပြီး၊ အပိုင်း ၁ တုန်းက ဖြစ်ရပ်တွေကြောင့် မတူညီတဲ့အခြားလူတစ်ယောက်လို ပြောင်းလဲသွားတဲ့ Shinichi ဟာ ကပ်ပါးကောင်တွေနဲ့လူသားတွေကြားက စစ်ပွဲမှာ တစ်ဖန်ပါဝင်ပတ်သတ်ရပြန်ပါတယ်။ Tamiya ရဲ့ ကပ်ပါးကောင်ကွန်ရက်ဟာ မြို့တော်ဝန်ရာထူးအထိရယူနိုင်လာပြီး၊ သူတို့ရဲ့အဖွဲ့အစည်းကို ကြီးမားအောင်ဖွဲ့စည်းနိုင်လာပါတယ်။ တစ်ဆက်တည်းမှာ လူသားကလေးတစ်ယောက်ကို စမ်းသပ်တဲ့အနေနဲ့ ကိုယ်ဝန်ဆောင်မွေးဖွားတဲ့ Tamiya ဟာ သူမရဲ့အမူအကျင့်တွေ၊ အတွေးအခေါ်တွေ ပြောင်းလဲလာသတိထားမိပြီး၊ Shinichi နဲ့ Migi တို့ကြားကဆက်ဆံရေးဟာလည်း ပိုပြီးရင်းနှီးနီးစပ်လာခဲ့ပါတယ်။ Tamiya အဆိုပြုတဲ့ လူသားတွေနဲ့အတူတကွနေထိုင်နိုင်ဖို့အတွက် သူတို့အနေနဲ့လိုက်လျောညီထွေပြောင်းလဲဖို့လိုအပ်ကြောင်းကို လက်မခံတဲ့ ကပ်ပါးကောင်တွေနဲ့ ထိပ်တိုက်တွေ့တာက ကပ်ပါးကောင်တွေကို နှိမ်နင်းဖို့ အစိုးရကစေလွှတ်လိုက်တဲ့အထူးတပ်ဖွဲ့တွေ။ ဒီလိုနဲ့ ကပ်ပါးကောင်တွေနဲ့လူသားတွေကြားက တိုက်ပွဲဟာအရှိန်အမြင့်ဆုံးကိုရောက်ရှိလာပြီးနောက်၊ Shinichi နဲ့ Migi တို့ဟာ ဒီမျိုးစိတ်နှစ်ခုအတူယှဉ်တွဲနေထိုင်ဖို့ဖြစ်နိုင်မလား၊ ဘယ်ဘက်ကမကောင်းဆိုးဝါးတွေလဲ၊ လူသားတွေလား၊ ကပ်ပါးကောင်တွလားဆိုတာ အဖြေရှာရတော့မှာ ဖြစ်ပါတယ်။ အပိုင်း ၁ နဲ့ ၂ မှာ သိသာစွာ ကွဲပြားချက်တစ်ခုကတော့ ပထမဇာတ်ကားမှာ စတင်အသက်ဝင်လာတဲ့ ကပ်ပါးကောင်တွေရဲ့အန္တရာယ်ကို ကြောက်မက်ဖွယ်ကောင်းအောင် ဖော်ပြထားပြီး၊ လူသားတွေဖြစ်တဲ့ပရိသတ်တွေအနေနဲ့ လူတွေကိုရက်ရက်စက်စက်သတ်ဖြတ်နေတဲ့ ကပ်ပါးကောင်တွေကို ဗီလိန်တွေအဖြစ် အမုန်းကြီးမုန်းကြရမှာ ဖြစ်ပါတယ်။ အဲ … ဒုတိယပိုင်းရောက်တော့ ကပ်ပါးကောင်တွေက လူသားခန္ဓာကိုယ်မှာအချိန်ကြာလာတော့ တဖြည်းဖြည်းနဲ့လိုက်လျောညီထွေဖြစ်အောင် ရုပ်ပိုင်းဆိုင်ရာကော၊ စိတ်ပိုင်းဆိုင်ရာပါ ဆင့်ကဲပြောင်းလဲလာကြပြီး၊ ဒီတစ်ကြိမ်မှာတော့ လူသားတွေအနေနဲ့ ခံရတဲ့ victim သားကောင် ချည်းသက်သက်မဟုတ်တော့တာ တွေ့ရမှာပါ။ ရှင်းရှင်းပြောရင် Parasyte ဇာတ်ကားဟာ မထွက်ရှိခင်က သိပ်ပြီးအကောင်းဘက်ကနေ မျှော်လင့်ထားတဲ့ ဇာတ်လမ်းတစ်ပုဒ်မဟုတ်ခဲ့ပါဘူး။ အကယ်ဒမီဆုရှင်ဒါရိုက်တာ Yamazaki Takashi ဟာ ဒီဇာတ်ကားကို မန်ဂစီးရီးတစ်ခုရဲ့ adaptation ဆိုတာထက် ရုပ်ရှင်ဇာတ်ကားကောင်းတစ်ကားအဖြစ် ရိုက်ကူးဖို့ ကြိုးစားခဲ့ဟန်တူပါတယ်။ မန်ဂအုပ်တွဲပေါင်း ၁၀ခုကို လေးနာရီကြာ ရုပ်ရှင်ဇာတ်လမ်းအဖြစ် ကူးပြောင်းရိုက်ကူးတဲ့နေရာမှာ အများကြီးဖြတ်တောက်ချုံ့ပစ်လိုက်တာဖြစ်တဲ့အပြင် ဆယ်စုနှစ်နှစ်ခုနီးပါးကွာခြားတဲ့ ဇာတ်အိမ်တည်ရာအချိန်ကာလကြောင့် အချို့နေရာတွေမှာ ခေတ်မှီအောင် ပြင်ဆင်လိုက်ရတာတွေရှိုလို့ မူရင်းဇာတ်လမ်းတွဲပရိသတ်ပါ ဆိုသူများအတွက်တော့ အလိုမကျစရာတွေ အများကြီးရှိမှာအမှန်ပါပဲ။ အရေးပါတဲ့ဇာတ်လမ်းဇာတ်ကွက်များစွာနဲ့ ဇာတ်ကောင်တွေကို ချန်လှပ်ပြီး၊ ဇာတ်လမ်းကိုပြုပြင်တဲ့နေရာမှာ အထင်ရှားဆုံးအချက်လို့ပြောရမှာကတော့ အဓိကဇာတ်ကောင် Shinichi ရဲ့ မိသားစုအခြေအနေပါပဲ။ မူရင်းထဲကလို မိစုံဖစုံမဟုတ်တော့ပဲ အမေတစ်ခု၊သားတစ်ခုပုံစံ ပြု ပြင်ထားတာက ဆိုးဝါးတဲ့စိတ်ကူးတစ်ခုလို့ မဆိုနိုင်ပါဘူး။ ဒီလိုပြင်လိုက်လို့ Shinichi နဲ့ မိခင်ဖြစ်သူတို့ကြားက သံယောဇဉ်ကို ပိုပြီးမီးမောင်းထိုးပြနိုင်တဲ့အပြင် နောက်ပိုင်းပါလာမယ့် Shinichi ရဲ့ စိတ်ပိုင်းဆိုင်ရာပြောင်းလဲမှုတွေအတွက် ပိုပြီးအားကောင်းတဲ့ သက်ရောက်မှုတစ်ခုဖြစ်စေခဲ့ပါတယ်။ ဘာဖြစ်လို့လဲဆိုတော့ မူလဇာတ်လမ်းတုန်းက Shinichi ရဲ့ ပြောင်းလဲမှုမှာအဓိကကျခဲ့တဲ့ ဇာတ်ကောင် သူ့နောက်ကတစ်ကောက်ကောက်လိုက်နေတဲ့ကောင်မလေး Kana ဟာ Live-action မှာ ချန်လှပ်ထားခဲ့တဲ့ ဇာတ်ကောင်တစ်ယောက်ဖြစ်တဲ့အတွက် Shinichi တို့သားအမိဆက်ဆံရေးဟာ ပိုပြီးအရေးပါလာခဲ့ပါတယ်။ ပြောရရင် မူရင်းဇာတ်လမ်းတွေထဲမှာကတည်းက သတိထားမိတာကို ပြောရရင် မိခင်ဖြစ်သူဟာ Shinichi ရဲ့ စိတ်အတွင်းရုန်းကန်မှုတွေမှာ အရေးပါတဲ့နေရာကပါဝင်ခဲ့ပေမယ့် သူတို့ကြားက အပြင်ပန်းဆက်ဆံရေးကို ဖော်ပြတဲ့နေရာမှာတော့ ထင်သလောက်မပေါ်လွင်တာတွေ့ရမှာပါ။ ဒီနေရာမှာ Live-actionကတောင် ပိုသာတယ် ပြောရမှာပါ။ အထူးသဖြင့် အပိုင်း ၁ ရဲ့ နောက်ဆုံးဇာတ်ရှိန်အမြင့်ဆုံးဇာတ်ဝင်ခန်းမှာ ရုပ်ရှင်ဖန်တီးသူတွေ ထည့်သွင်းထားတဲ့ Izumi Nobuko ရဲ့ သားဖြစ်သူအပေါ်ထားတဲ့မေတ္တာကိုမြင်သာစေသော အခိုက်အတန့်ကတော့ မန်ဂ နဲ့ Anime တွေထဲကထက် ပိုပြီးရသမြောက်ပါတယ်။ အလားတူ Shinichi ကို စောင့်ကြည့်ဖို့ Tamiya က ငှားရမ်းထားတဲ့ သတင်းထောက် Kuramori နဲ့ သူ့ရဲ့သမီးလေးတို့အကြောင်းကို အချိန်နည်းနည်းယူပြီး သရုပ်ဖော်ထားတာက ပရိသတ်အနေနဲ့ ဇာတ်ကားရဲ့လူသားဇာတ်ကောင်တွေအပေါ် ပိုပြီး၊ စာနာခံစားလာစေပါတယ်။ ဇာတ်လမ်းဇာတ်ကွက်နဲ့ဇာတ်ကောင်တစ်ချို့ကို အရမ်းကြီးကြမ်းကြုတ်မှုမရှိအောင် နည်းနည်းဖျော့ထားတာကလည်း သတိထားမိစရာပါ။ ဥပမာပြောရရင် နိုင်ငံရေး၊လူမှုရေးအရပြသနာရှိနိုင်တဲ့ မြို့တော်ဝန်ရုံးကို အထူးရဲတပ်ဖွဲ့ SAT က ဝင်ရောက်စီးနင်းတဲ့ဇာတ်ဝင်ခန်းတွေမှာ ရက်စက်ကြမ်းကြုတ်မှုတွေကို တတ်နိုင်သလောက်လျှော့ထားတာမျိုးပေါ့။ အဲဒီလိုဆိုလို့ သွေးထွက်သံယိုပြကွက်တွေ နည်းတယ်လို့ မထင်လိုက်ပါနဲ့ဦး။ စားသောက်လို့ကျန်တဲ့လူ့ခန္ဓာကိုယ်အစိတ်အပိုင်းအကြွင်းအကျန်တွေက ကာတွန်းထဲကထက် အပြင်မှာတွေ့ရတာ ပိုအော်ဂလီဆန်စရာကောင်းပါတယ်။ မူရင်းကာတွန်းရုပ်ပြဇာတ်လမ်းနဲ့ပဲ နှိုင်းယှဉ်နေတာတွေ ခဏရပ်ပြီး၊ သာမန်ရုပ်ရှင်ဇာတ်ကားတစ်ကားအနေနဲ့ ခဏကြည့်ကြည့်ရအောင်။ အဲဒီလိုဆိုရင်တော့ သိပ်ကိုကောင်းတဲ့ ရုပ်ရှင်ဇာတ်ကားလို့ ဆိုရမှာပါ။ ဇာတ်ဝင်ခန်းတိုင်း၊ ဒိုင်ယာလော့ခ်တိုင်းဟာ ဒါရိုက်တာတင်ပြချင်တဲ့ အကြောင်းအရာအတိုင်းကွက်တိကျပြီး၊ အပိုအလိုမရှိဘူးလို့ဆိုနိုင်ပါတယ်။ ဒီအတိုင်း လူတွေကို သတ်နေတဲ့ Monster သတ္တဝါတွေနဲ့ ပါဝါရှိတဲ့မင်းသား၊ လူသားစစ်တပ်တွေ၊ရဲတွေကြားက တိုက်ပွဲအက်ရှင်ကား ဆိုပြီး ပေါ့ပေါ့သဘောထားပြီး၊ ကြည့်ရင်တော့ ဘာမှထူးမှာ မဟုတ်ပါဘူး။ ဒါ့အပြင် လက်ရှိအင်တာနက်ပေါ်က ဒီဇာတ်ကားနှစ်ကားလုံးအတွက် အင်္ဂလိပ်ဘာသာပြန်စာတန်းထိုး subtitle အားလုံးနီးပါးက တော်တော်လေးမှားယွင်းနေတာလည်း သတိထားမိပါတယ်။ ဒီတော့ ခုနကပြောခဲ့သလို ပြောနေတာတွေနားမလည်တော့ ဒီအတိုင်းအက်ရှင် body horror ဇာတ်ကားတစ်ကားအဖြစ် မြင်ကြတာများမှာပါ။ ဇာတ်ကောင်အနေနဲ့ပြောရရင်တော့ နာမည်ကျော်မင်းသမီး Fukatsu Eri သရုပ်ဆောင်ထားတဲ့ Tamiya Ryoko ဟာ အပိုင်း ၁ မှာတော့ သွေးအေးရက်စက်တဲ့ဇာတ်ကောင်တစ်ယောက်ဖြစ်ခဲ့ပေမယ့် အပိုင်း ၂ မှာတော့ သူမရဲ့ မိခင်ဖြစ်လာပြီးနောက် ပိုမိုလူသားဆန်လာမှုကို အတော်ကလေးချဲ့ကားထားပြီး၊ anti-villain ဇာတ်ကောင်တစ်ယောက်ဖြစ်လာတာ တွေ့ရမှာပါ။ ထို့အတူ Fukatsu Eri ရဲ့ချောမောလှပမှုက သူမရဲ့ creepyဖြစ်ရမယ့် ဇာတ်ရုပ်ကိုထင်သလောက်ကြောက်စရာမကောင်းဘူးဖြစ်စေပေမယ့် ဇာတ်ကားတစ်ကားလုံးမှာ အကောင်းဆုံးသရုပ်ဆောင်သွားသူပါပဲ။ အဓိကဇာတ်ကောင်အဖြစ်ပါဝင်တဲ့ Sometani Shota ကတော့ သူ့ရဲ့မထုံတက်တေး derp face ကြောင့် ဝေဖန်ကြပေမယ့် တော်တေ်ာလေးcoolဖြစ်အောင် သရုပ်ဆောင်သွားပါတယ်။ တစ်ခုပဲ။ ရုပ်ကလေးချောသလောက် ပါးစပ်အဟောင်းသား၊ မျက်နှာသေနဲ့ သရုပ်ဆောင်နေတဲ့ မင်းသမီး Hashimoto Aiရဲ့ Satomi ကို ကြည့်ရတာတော့ တော်တော်လေးစိတ်ညစ်ဖို့ကောင်းပါတယ်။ အပိုင်း ၂ ပိုင်းခွဲပြီး၊ ရုံတင်တဲ့ Live-action ဇာတ်ကားတွေ ကြုံတွေ့နေကျ ပြသနာဖြစ်တဲ့ ပထမဇာတ်ကားမှာ ဇာတ်ရှိန်အမြင့်ဆုံးနေရာကို ဇာတ်လမ်းကြီးဆွဲ … ဆန့် ပြီး ခေါ်သွားပြီးမှ ဒုတိယပိုင်းကျတော့ ကျန်ရှိနေတဲ့ဇာတ်လမ်းအများကြီးကို အလောသုံးဆယ်မတရားချုံ့ပစ်ရတာမျိုးကိုတော့ မတွေ့မဖြစ် တွေ့ရဦးမှာပါ။ ပြရမယ့်ဇာတ်ဝင်ခန်းတွေကများ၊ အချိန်ကမရတဲ့အတွက် အရေးကြီးတဲ့ဇာတ်ဝင်ခန်းတွေအားလုံး တစ်ပြိုင်နက်ဖြစ်နေကာ ဇာတ်ရှိန်ကတစ်ချိန်လုံးမကျပဲ ဖြစ်နေပါတယ်။ အဓိကဇာတ်ကောင် Shinichiရဲ့ ပျော်ပျော်နေတတ်တဲ့ လူငယ်အဖြစ်ကနေ တည်ငြိမ်သွေးအေးတဲ့စိတ်ထားပိုင်ရှင်အဖြစ်သို့ပြောင်းလဲ၊ ပြီးတော့မှလူသာဆန်တဲ့စိတ်ခံစားချက်တွေကိုပြန်လည်ရရှိလာ …အစရှိသဖြင့် အရေးကြီးတဲ့ Character ပြောင်းလဲပုံအဆင့်ဆင့်ကို ဖော်ကျူးသွားတာက မြန်ဆန်လွန်းတဲ့အတွက် ရုပ်ရှင်ကြည့်ရှုသူတစ်ယောက်အနေနဲ့ သတိတောင် ထားမိလိုက်မှာ မဟုတ်ပါဘူးဒါပေမယ့် နောက်ဆုံးဇာတ်သိမ်းခန်းအတွက် အချိန်အများကြီးပေးထားပြီး၊ တိုက်ခိုက်တဲ့နေရာကို ဧရာမအမှိုက်မီးရှို့စက်ကြီးထဲမှာ ရိုက်ကူးထားတာက တော်တေ်ာလေးမိုက်ပါတယ်။ အက်ရှင်ခန်းတွေ နဲ့ CG effect တွေက ဂျပန် (အာရှ) ဇာတ်ကားတစ်ကားအတွက် အံ့သြဖွယ်ကောင်းလောက်အောင် သေသပ်ကောင်းမွန်နေတာတွေ့ရပြီး၊ အထူးသဖြင့် အရေးအပါဆုံးဇာတ်ကောင် Migi ကို CG နဲ့ဖန်တီးထားတဲ့နေရာမှာ သေချာရုပ်လုံးပေါ်တဲ့အတွက် စိတ်ကျေနပ်စရာပါ။ လူသားနဲ့ ကပ်ပါးကောင် ဘယ်ဘက်ကနေမလဲ။ သေချာတာပေါ့။ ကြည့်ရှုတဲ့ပရိသတ်ကျွန်တေ်ာတို့က လူစစ်စစ်ကြီးတွေဖြစ်လို့ လူသားစားတဲ့ကပ်ပါးကောင်ဘက်ကအားပေးဖို့မဖြစ်နိုင်ပေဘူး။ ဒါပေမယ့် တခြားတွေ့နေကျ Monster ဇာတ်ကားတွေ၊ Horror ကားတွနဲ့ ခြားနားစွာပဲ လူသားမျိုးနွယ်ကို ဒုက္ခပေးမယ့်သတ္တဝါဆိုးတွေကို အောင်မြင်စွာနှိမ်နင်းလိုက်လေသတည်းဆိုတဲ့ ဖီလင်မျိုးနဲ့ အဆုံးသတ်သွားမှာမဟုတ်တဲ့ Parasyte Live-action ဇာတ်ကားနှစ်ကားကတော့ ယခုနှစ်ထဲမှာကြည့်ဖြစ်တဲ့ ဂျပန်ရုပ်ရှင်ဇာတ်ကားတွေထဲမှာတော့ အမိုက်ဆုံးဇာတ်ကားတွေအပါအဝင်အဖြစ် အမှတ်ပေးလိုက်ပါတယ်။ ။ (ရုပ်ရှင်အညွှန်းနဲ့ ဘာသာပြန်ကို myotaku club မှ Samurai မှတင်ဆက်ထားပါတယ်။) Parasyte: Part 1 (2014) နဲ့ Parasyte: Part 2 (2015) ၂ ကားစလုံးကို ဒီလင့်မှာ https://channelmyanmar.to/?s=Parasyte%3A+Part ဒေါင်းပါ။

Trafficked (2017) Genre – Drama, Thriller တကယ့်ဖြစ်ရပ်အပေါ် မှီငြမ်းစိတ်ကူးကွန့်မြူးထားတဲ့ လူကုန်ကူးပညာပေး ဇာတ်ကားလေး ဖြစ်ပါတယ်။ အမေရိကန် ကယ်လီဖိုနီးယားက ဆယ်ရာဆိုတဲ့ကောင်မလေးက မိဘမဲ့ဂေဟာကနေ ၁၆ နှစ်ပြည့်လို့ ထွက်လာတဲ့အခါ ကမ်းခြေမှာ စားပွဲထိုးလုပ်ရမယ်ဆိုပြီး လိမ်ခေါ်သွားရာကနေ လူကုန်ကူးခံလိုက်ရပါတယ်။ အိန္ဒိယက အမ်ဘာဆိုတဲ့ကောင်မလေးကျ ကောင်လေးတစ်ယောက်ကို မချစ်နိုင်လို့ ငြင်းလိုက်တာကို ဟိုကောင်က မကျေနပ်ပဲ အက်ဆစ်နဲ့ပက်ပြီး ဆောင်ကြာမြိုင်ကို ရောင်းစားရာကနေ လူကုန်ကူးခံရပါတယ်။ နိုင်ဂျီးရီးယားက မာလီဆိုတာကျ ယောက်ျားဖြစ်သူက ဆောက်လုပ်ရေးဝင်လုပ်ရင်း ခြေထောက်ထိသွားတော့ မိန်းမကိုယ်တိုင် အလုပ်ထွက်လုပ်မယ်ဆိုပြီး လူကုန်ကူးခံရတယ်။ ဒီလိုနဲ့ ဒီ ၃ ယောက်သားဟာ အမေရိကန် တက်ဆက်မှာရှိတဲ့ ဆောင်ကြာမြိုင်တစ်ခုမှာ အတူတူ သွားတွေ့ကြပြီး အခက်အခဲ ဒုက္ခတွေကြားက ဘယ်လိုတွေ ထွက်ပြေးလွတ်မြောက်ကြမလဲဆိုတာကို ကြည့်ရမှာ ဖြစ်ပါတယ်။ File size… 3 GB / 1 GB Quality… Web-DL 1080p / 720p Format… mp4 Duration…. 1h 48m Genre ….. Drama/Thriller Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Bachubhai ( 2023 ) ဘာချူဘိုင် CM Bollywood ပရိသတ်ကြီးအတွက် ဒီတစ်ခါတင်ဆက်ပေးမှာကတော့ ဘာချူဘိုင်ဆိုတဲ့ဇာတ်ကားပဲဖြစ်ပါတယ်။ ဇာတ်လမ်းအညွှန်းကတော့ .. ဘာချူဘိုင်ဆိုတဲ့အဘိုးကြီးဟာ အင်မတန်တိကျပြီးအလုပ်မှာတော်တဲ့သူဖြစ်ပါတယ်။ လုပ်သက်ကလဲ နှစ်ပေါင်း ၃၀ တောင်ရှိခဲ့ပြီမလို့ သူ့ကုမ္ပဏီမှာ သူဌေးတောင် သူ့ကိုမကျော်နိုင်ပါဘူး။ သူက အလုပ်မှာဆရာကျပေမဲ့ သူ့အားနည်းချက်က ဘွဲ့လက်မှတ်မရှိတာပဲဖြစ်ပါတယ်။ တစ်ရက် ကုမ္ပဏီကို ကိုရီးယားတွေလက်လွှဲယူလိုက်တဲ့အခါမှာတော့ ဘွဲ့လက်မှတ်က ပြဿနာအကြီးကြီးဖြစ်လာပါပြီ။ အလုပ်မှာ ဘယ်လောက်ပဲကျွမ်းကျင်ပြီး ဘယ်လောက်ပဲတော်နေပါစေ ဘွဲ့လက်မှတ်မရှိတာကြောင့် ကုမ္ပဏီကနေ ကန်ထုတ်ခံလိုက်ရပါတယ်။ ဒီအခါမှာ ခံပြင်းစိတ်နဲ့ ဘာတွေဆက်လုပ်မလဲ.. ဘာတွေဆက်ဖြစ်လာမလဲဆိုတာကို ဇာတ်လမ်းဆင်ရိုက်ကူးထားပါတယ်။ မင်းသားက အသက်ကြီးကြီးဘိုးတော်ကြီးဖြစ်နေပေမဲ့ ဘယ်လောက်တောင်ကောင်းလဲဆို 21st Transmedia Gujarati Awards ဆုပေးပွဲမှာ nominations 6 ခုရတဲ့အထိပါပဲဗျာ။ ဒါကြောင့် ဒီလိုချစ်ကြိုက်ကွဲညား မဲပြာမုဆိုးထဲက ကွဲထွက်နေတဲ့ ဇာတ်ကားကောင်းလေးကို CM ပရိသတ်ကြီးအတွက် တင်ဆက်ပေးလိုက်ရပါတယ်။ ( ဘာသာပြန်နဲ့အညွှန်းကတော့ KKKZ , Yunni , Tomo , Alexia , LL တို့ဖြစ်ပါတယ်)

Alien ဆိုတာ ၈၀ပြည့်နှစ်ကျော် ၉၀ဖွားတွေအတွက်တော့ စွဲလန်းခဲ့ရတဲ့ ဂြိုလ်သားကားတွေပါပဲ…..အဲဒီခေတ်အခါတုန်းကတော့ တော်တော်လေးကို လူကြိုက်များခဲ့ပြီး အခုထိလည်းအောင်မြင်နေတုန်းပါ အားလုံးပေါင်း ၆ကားထွက်ရှိထားပြီး ၇ကားမြောက်ကတော့ အခုထိကြည်လင်ပြတ်သားတဲ့ Version မထွက်သေးတာကြောင့် အရင်ထွက်ပြီးသး ၆ကားကို ကြည်လင်ပြတ်သားပြီး စာတန်းထိုးမှန်မှန်နဲ့ ပြန်လည်ပြင်ဆင် တင်ဆက်ပေးလိုက်ပါတယ်…..ထွက်ရှိပြီးသားကားတွေကတော့…… (1) Alien (1979) (2) Aliens (1986) (3) Alien³ (1992) (4) Alien: Resurrection (1997) (5) Prometheus (2012) (6) Alien: Covenant (2017) (7) Alien: Romulus (2024) – အကြည်မထွက်ရှိသေး….. Timeline အရကြည့်မယ်ဆိုရင်တော့….. (1) Prometheus (2012) – 2093 (2) Alien: Covenant (2017) – 2104 (3) Alien (1979) – 2122 (4) Alien: Romulus (2024) – 2142 [အကြည်မထွက်သေး] (5) Aliens (1986) – 2192 (6) Alien³ (1992) – 2197 (7) Alien Resurrection (1997) – 2381 တို့ဖြစ်ပါတယ်……Alien: Romulus (2024) ကလွဲပြီး ကျန်၆ကားလုံးကို CM မှာတင်ဆက်ထားပြီးဖြစ်လို့ ကြည့်ရှုအားပေးနိုင်ပါပြီ….. ***************************************************************************************************************** ဒီတစ်ပတ်ရုပ်ရှင်ကြည့်ရင်း အပန်းဖြေဖို့ကိုတော့ သည်းထိတ် ရင်ဖိုစိတ်ကူးယဉ် သိပ္ပံအက်ရှင် ကား Alien:Covenant ကို ညွှန်းဆိုလိုက်ပါတယ်။ ၂၀၁၂ က ထွက်ခဲ့တဲ့ Prometheus ဇာတ်ကားရဲ့ အ ဆက်အဖြစ် ထွက်ရှိလာတဲ့ ဂြိုဟ် သားရုပ်ရှင်စီးရီးဖြစ်ပြီး ဒါရိုက်တာရစ်ဒလေစကော့ရဲ့ လက်ရာဖြစ် ပါတယ်။ Covenant ဆိုတဲ့ ယာဉ်ပျံ ကြီးပေါ်က အဖွဲ့သားတွေဟာ အာကာသ ဟင်းလင်းပြင် အစွန်အ ဖျားက ဂြိုဟ်တစ်ခုကို ရှာဖွေ တွေ့ရှိခဲ့ပါတယ်။ ဘယ်သူနဲ့မှ မထိတွေ့ရသေးတဲ့ ကောင်းကင် ဘုံတစ်ခုလို့ ထင်ခဲ့ပေမယ့် တကယ်တမ်းကတော့ သက်ရှိ ရယ်လို့ ဘာမှမတွေ့ရတဲ့ အမှောင်ထုလွှမ်းနေတဲ့ အန္တရာယ် ကမ္ဘာ ကြီးတစ်ခုပါ။ အဲဒီဂြိုဟ်ပေါ်ကို ဆင်းပြီး လေ့လာကြတဲ့အခါမှာ ပျက်စီး နေတဲ့ အင်ဂျင်နီယာယာဉ်ပျံတစ် ခုကို ခြေရာခံမိခဲ့ကြပါတယ်။ နောက်တော့ ယာဉ်ပျံပေါ်က လူတချို့က ဂြိုဟ်သားရောဂါပိုး မတော်တဆ ကူးစက်ခံခဲ့ရပြီး အဲဒီလူတွေထဲကနေ ဂြိုဟ်သား တစ်ကောင် ဖြစ်တည်လာကာ ယာဉ်ပေါ်ကလူတွေကို တိုက်ခိုက် ပါတော့တယ်။ အဲဒါနဲ့ပဲ ယာဉ်ပျံပေါ်မှာ အခြေအနေတွေ ရှုပ်ယှက်ခတ်ကုန်ပြီး နောက်ဆုံးမှာ ဂြိုဟ်သား ကို ရှင်းပစ်နိုင်ခဲ့ပါတယ်။ နောက် တော့ ရောဂါကူးစက်ခံရသူတွေ ဆီကနေ ဂြိုဟ်သားတွေ ပေါက် ပွားလာခဲ့ကာ ယာဉ်ပေါ်ကလူ တွေကို အန္တရာယ်ပေးပါတော့ တယ်။ စိတ်ကူးယာဉ်သိပ္ပံအက်ရှင် ဇာတ်လမ်းတွေရဲ့ ရိုက်ချက်တွေ အတိုင်း ခေတ်လွန် လက်နက် တွေ၊ ဂြိုဟ်သားနဲ့ လူတွေရဲ့ တိုက်ပွဲတွေကို အထူးပြုလုပ်ချက် ကောင်းကောင်းနဲ့ တင်ဆက်ထား တာမို့ သိပ္ပံဇာတ်လမ်းကြိုက်တဲ့ ပရိသတ်တွေ သဘောကျမှာပါ။ ဒီတစ်ခါဇာတ်ကားမှာကော ဒါရိုက်တာစကော့က ဘယ်လို တွေ လက်စွမ်းပြထားသလဲဆို တာတော့ ကိုယ်တိုင်ကြည့်ပြီး တော့သာ အကဲဖြတ်လိုက်ဦး။ ဒီဇာတ်ကားထဲက သရုပ် ဆောင်တွေကတော့ ဒေးဗစ် 8/ ဝေါလ်တာအဖြစ် မိုက်ကယ်ဖက်စ်ဘန်ဒါ၊ ဒန်နီယယ်အဖြစ် ကက် သရင်းဝေါတာစတန်တို့နဲ့အတူ ဘီလီခရူဒက်ပ်၊ ဒန်နီမက်ဘ ရိုက်၊ ဒန်မီရန်ဘီချာ၊ ကာမန်းအီ ဂျိုဂိုစသူတွေ ပါဝင်ထားကြတာ ပါ။ ဘာသာပြန်သူကတော့ မင်းသက်ဦး ဖြစ်ပြီး ဇာတ်လမ်း အညွန်းကိုတော့ ဇီးကွက် မှ ကူးယူဖော်ပြပါတယ် File size…(2 GB)/(1 GB) Quality….Blu-Ray 1080p / 720p Format… mp4 Duration…. 02:02:00 Genre… Monster Horror, Sci-fi Epic, Space Sci-fi, Horror, Sci-fi, Thriller Subtitle….Myanmar Subtitle (Hardsub) Encoder….Garfield Translated by Min Thet Oo

စကူဘီဒူးတို့အုပ်စု ထူးဆန်းထွေလာတွေနဲ့အတူပြန်လာခဲ့ပါပြီ ဒီတစ်ခါမှာတော့ ခါတိုင်းနဲ့မတူဘဲ Batman ရဲ့အမှုကို သူငယ်ချင်းတစ်သိုက်က ပါဝင်အားဖြည့်ပေးကြမှာပဲဖြစ်ပါတယ် တစ်နေ့မှာ ဂေါ့သန်မြို့က ဓာတုသိုလှောင်ရုံတစ်ခု ဖောက်ထွင်းခံလိုက်ရပေမဲ့ ဒီအမှုက သာမန်ဟုတ်မနေဘဲ batmanရဲ့ အတိတ်က မပြီးပြတ်သေးတဲ့ အမှုတစ်ခုနဲ့ ဆက်စပ်နေတဲ့အခါမှာတော့ မေးခွန်းထုတ်စရာအခြေအနေတွေပေါ်လာပါတော့တယ် DC Universeက ဟီးရိုး‌တွေနဲ့ စကူဘီဒူးတို့စကွက်ရဲ့ ဂယက်တွေကို ဟာသနှောလျက်သားကြည့်ရှုရမှာဖြစ်ပြီးတော့ အကုန်လုံးပူးပေါင်းပြီး အမှုကိုတစ်ဆင့်ချင်းဖြေရှင်းသွားကြပုံတွေကို ဒီmovieထဲမှာ စိတ်ဝင်စားဖွယ်မြင်တွေ့ရမှာပါ File Size : 1 GB, 537 MB Quality : Blu-Ray 1080p / 720p Running Time : 1hr 15min Format : Mp4 Genre : Adventure, Animation, Comedy Subtitle : Myanmar Subtitle (Hard Sub) Translated by : SO Encode by : Thit San Khant

ဇာတ်ကားဟာ အချစ်၊ ပြိုင်ဆိုင်မှု့တွေနဲ့ မုန့်ဖုတ်ခြင်းအနုပညာတို့ ပေါင်းစပ်ဖော်ပြထားတဲ့ ရိုမန့်စ်ဟာသကားတစ်ကားဖြစ်ပါတယ်။ Ellie ကတော့ မင်းသားရဲ့အစ်ကို နန်းတက်ပွဲအခမ်းအနားအတွက် ကိတ်မုန့်ပြိုင်ပွဲမှာ ပါဝင်ဖို့အဖိတ်ခေါ်ခံရရာကနေမှ မင်းသားနဲ့ အချစ်ဇာတ်လမ်းလေးစတင်လိုက်တယ်။ ပြိုင်ဆိုင်မှုတွေကနေမှ ချစ်ခြင်းမေတ္တာသို့ ခြေလှမ်းတွေစတင်ပြောင်းလဲသွားပြီး စတင်ချစ်မိရာကနေမှ ဘဝရဲ့ အဓိပ္ပာယ်အချို့ကို မုန့်ဖုတ်ခြင်းကနေလည်းသင်ပေးနိုင်တယ်ဆိုတာကို ရှာဖွေသိရှိသွားကြတဲ့အကြောင်းကိုရိုက်ကူးထားတာဖြစ်တဲ့အတွက် family movie တစ်ခုအနေနဲ့ ကြည့်နိုင်ပါတယ်။ ဒါရိုက်တာ Mark Lawrence နဲ့ စာရေးသူ Hannah Taylor တို့က ဒီဇာတ်လမ်းကို ဟာသနဲ့ အချစ်ကိုရောပြီးဇာတ်လမ်းတစ်လျှောက် လှပစွာ ဖော်ပြထားပါတယ် File size…(1.9 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Romance, Comedy, Family Subtitle….Myanmar Subtitle (Hardsub) Encoder….Swan Min Htet Translated by Banyar Aung

ဒီတစ်ခါ CM ကနေ တင်ဆက်ပေးမယ့်ဇာတ်ကားလေးကတော့နာမည်ကြီးချင်ကြတဲ့ vloggers သူငယ်ချင်း၃ယောက်အကြောင်းကို အဓိထားရိုက်ကူးထားတာပဲဖြစ်ပါတယ် ပေါက်ကျီ ဟိုကျီနဲ့ကိုကျီဆိုတဲ့ သူငယ်ချင်း၃ယောက်က prank တွေရိုက်ကူးရင်း ပိုက်ဆံရှာနေကြတဲ့သူတွေပါ တစ်နေ့သူတို့က ဆိုင်တစ်ဆိုင်မှာ သရဲခြောက်တဲ့ပုံစံ prank ကိုရိုက်ကူးရာကနေ အမှတ်မထင်ဘဲ လျော်ကြေးပေးရတော့မယ့်အနေအထားနဲ့ကြုံလာပါတော့တယ် သူတို့ကုမ္ပဏီကလည်း အခြေအနေမကောင်းဘဲ ဒေဝါလီခံရတော့မှာပါ အဲ့အချိန်မှာ သူငယ်ချင်းတွေက မသင့်မြတ်တော့ဘဲ လမ်းခွဲကြဖို့စကားစလာတဲ့အချိန်မှာတော့ သူတို့ထဲက အကြီးဆုံးဖြစ်တဲ့ပေါက်ကျီက ပရောဂျက်အကြီးကြီးတစ်ခုကို လက်ခံပြီး ရလာတဲ့ငွေတွေကိုခွဲယူပြီးမှ လမ်းခွဲဖို့ ပြောရာမှာတော့ ကျန်တဲ့နှစ်ယောက်ကလည်း သဘောတူလိုက်ပြီးတော့ လက်ခံခဲ့ကြပါတယ် သူတို့ရဲ ပရောဂျက်ကြီးကတော့ မိဖုရားလိသေဆုံးပြီး ခြောက်လှန့်တဲ့သရဲကားပဲဖြစ်ပါတယ် အဲ့ဒါကိုငှားတဲ့သူကတော့ မျက်နှာသစ်သရုပ်ဆောင် မင်းသားရူးနေတဲ့ရှောင်ရှန်းပဲ အဲ့ရိုက်ကွင်းနောက်ကွယ်ကို လိုက်လံရိုက်ကူးရင်း မိဖုရားလိနေရာက မင်းသမီးငယ်လေးရဲ့ရိုက်ကူးရေးမှာ လည်ပင်းကြိုးအစ်ပြီးဆေးရုံ ရောက်သွားရတဲ့ မတော်တဆမှုကိုပါ ရိုက်ကူးမိသွားပါတယ် အဲ့နောက်မှာတော့ ရိုက်ကူးရေးကိုဆက်လက်လုပ်ခဲ့ပြီး မိဖုရားလိက လိုက်လံခြောက်လှန့်ပါတော့တယ် အရမ်းရယ်ရတဲ့ဟာသကားလေးဖြစ်ဝာာမို့ ပေါ့ပေါ့ပါးပါးနဲ့ စိတ်အပန်းဖြေချင်တဲ့သူတွေ ကြည့်ရှုဖို့သင့်တဲ့ Comedy အမျိုးစား တရုတ်ဇာတ်ကားလေးကိုCMက တင်ဆက်ပေးလိုက်ပါတယ်နော်

How Deep is the Ocean? (2023) သြစတေးလျ ဒရာမာဇာတ်လမ်းလေး တစ်ပုဒ်ပဲဖြစ်ပါတယ် Eleanor ဆိုတဲ့ ကောင်မလေးတစ်ယောက် ကျောပိုးအိတ်တစ်လုံးတည်းနဲ့ မဲဘွန်းမြို့ကို ပထမဆုံးအကြိမ် ရောက်လာပြီး Roy ဆိုတဲ့ အရက်သမားဆီမှာ အိမ်ခန်းငှားနေပါတယ် အတိတ်မှာလည်း ဒဏ်ရာတချို့ရခဲ့တဲ့ Eleanor တစ်ယောက် မဲဘွန်းမြို့မှာ ဘဝသစ်တစ်ခုစဖို့ ကြိုးစားတဲ့အခါ ဘယ်လိုအခက်အခဲတွေ ကြုံတွေ့ရမလဲ သူ့သိကျွမ်းခွင့်ရတဲ့ ယောကျာ်းတွေကရော သူ့အပေါ် တကယ်ကောင်းကြသလား Melbourne မြို့က သူ့မွေးရပ်ထက် ပိုသာတဲ့နေရာဟုတ်မဟုတ်ကတော့ ။ File size… 800 MB / 400 MB Quality… BluRay 1080p / 720p Format… mp4 Duration…. 1h 16m Genre ….. Drama Subtitle…. Myanmar Subtitle (Hard Sub) Encoder…. Thit San Khant Translated… by Sike Tan