Paycheck ( 2003 ) ပရိသတ်တို့ရဲ့ အချစ်တော်မင်းသားကြီး Ben Affleck ရဲ့ 2003 ခုနှစ်ကတည်းက ထွက်ရှိထားတဲ့ Action ဇာတ်ကားကောင်းဖြစ်ပါတယ်။ နည်းပညာအသစ်အဆန်းတွေကို သူများထက်သာလွန်ပြီး လျင်မြန်တဲ့ နည်းလမ်းတွေနဲ့ ဖန်တီးတည်ဆောက်နိုင်တဲ့ အင်ဂျင်နီယာလေး မိုက်ခ်ဟာ သူ့ရဲ့ဦးနှောက်ကို ပိုက်ဆံတွေနဲ့ အလဲအလှယ်လုပ်လေ့ရှိပါတယ်။ တစ်နေ့တော့ သူ့သူငယ်ချင်း ဂျင်မီရဲ့ ငွေမက်လုံးပေးမှုကြောင့် သူ့ရဲ့သုံးနှစ်တာကို ထုံးစံအတိုင်း အရောင်းအဝယ်လုပ်ဖို့ ကြိုးစားရာကနေ သူ့ဘဝအလှည့်အပြောင်းကြုံလာခဲ့ပါတယ်။ သူတည်ဆောက်ခဲ့တာက ဘယ်လိုမျိုးနည်းပညာဖြစ်ပြီး ဘယ်လိုမျိုး ကိုယ့်ရှူးကိုယ်ပတ်ပြီး ကြားထဲမှာ လမ်းကြုံ ချစ်ရသူဒေါက်တာမလေးနဲ့ ဒရမ်မာခင်းတာတွေလည်း ပါဝင်ပါတယ်။ ကြည့်ရတန်တဲ့ဇာတ်လမ်းဖြစ်တာမို့ စဥ်းစားမနေဘဲ Playlist ထဲထည့်ဖို့ အကြံပြုချင်ပါတယ်ရှင်။ File size…(2.64GB/(1.35GB)/(677MB) Quality….Webrip 1080p / 720p / 480p Format…mp4 Duration….01:59:00 Genre...Action / Mystery / Sci -Fic Subtitle….Myanmar Subtitle (Hardsub) Encoder….Mr. Anderson Translated by Susan

ချစ်တယ်လို့ပြောရဲပေမယ့် မချစ်ရဲတဲ့သူတွေအများကြီးထဲမှာ ငါတို့နှစ်ယောက် ထိပ်ဆုံးကပါဝင်ခဲ့ကြတယ်။ ငါတို့နှစ်ယောက်ရဲ့ချစ်ခြင်းက ပြန်တွေးကြည့်ရင်ကလေးဆန်တယ်လို့ထင်ကြလိမ့်မယ်တဲ့... ဒါဆိုရင် ငါ ဘယ်တော့မှ လူကြီးမလုပ်တော့ဘူး။ နင့်ကိုပဲဆက်ချစ်မယ်... နင်နဲ့ပဲအတူတူရှိချင်တယ်... ဒါပေမဲ့ နင်ပျော်ရွှင်ဖို့ပဲလေ.... ငါနောင်တမရပါဘူး။ ဘဝကြီးက ဇာတ်လမ်းတစ်ပုဒ်ဆိုရင် နင်နဲ့ငါကအဓိကဇာတ်ဆောင်တွေပေါ့။ မဟုတ်သေးဘူး...ငါကနင့်ရဲ့ဇာတ်ကွက်ကို လှပအောင်ကူညီခွင့်ရခဲ့တဲ့ ဇာတ်ပို့သရုပ်ဆောင်ပါ။ ဒါပေမဲ့ ငါကျေနပ်တယ်။ အဓိကက နင်ပျော်ရွှင်ဖို့ပဲလေ... ငါနောင်တမရပါဘူး။ ငါတို့နှစ်ယောက် ဘာကွာခြားခဲ့လို့လဲ? အသက်အရွယ်လား စည်းစိမ်ဥစ္စာလား မိသားစုအခြေအနေကြောင့်လား? သေချာတာကတော့ ပတ်ဝန်းကျင်ကြောင့်ပါ။ အချစ်ကိုအချစ်လို့ မမြင်နိုင်ကြတဲ့ပတ်ဝန်းကျင်၊ အချစ်ကိုလိင်ဆက်ဆံဖို့ပဲသတ်မှတ်ထားကြတဲ့ ပတ်ဝန်းကျင်၊ သူတို့ရဲ့ကျားမစုံတွဲကမှ မြင့်မြတ်တဲ့အချစ်လို့ထင်ကြတဲ့ပတ်ဝန်းကျင်ကြောင့်ပေါ့။ နင်အတွက်ခက်ခဲခဲ့မှန်းသိပါတယ်။ အဲ့ဒါကြောင့် နင်ပျော်ရွှင်ဖို့ပဲလေ... ငါနောင်တမရပါဘူး... ဘဝကြီးကို အတူတူလျှောက်လှမ်းဖို့ ယောကျ်ားတစ်ယောက်ရှိဖို့မလိုပါဘူး။ ကိုယ့်ကိုနားလည်ပေးနိုင်မယ့်လူရှိဖို့ပဲ လိုအပ်တယ်။ ချစ်ခြင်းမေတ္တာဆိုတာ ချစ်နေရရင်ကို ချိုမြိန်ပါတယ်။ တကယ်ချစ်မိရင် တကယ်ခံစားရပါတယ်။ ငါချစ်နေတဲ့သူက နင်ဖြစ်နေတဲ့အတွက် ပိုပြီးချိုမြိန်ပါတယ်။ ပိုပြီးပျော်ရွှင်ရပါတယ်။ ပိုပြီးရင်ခုန်မိပါတယ်။ ။ ဒီကားလေးရဲ့ကောင်းတဲ့အချက်ကတော့ Love story အနေနဲ့ပဲ သဘောထားပြီးကြည့်ကြည့်ရင် ဒီလိုမျိုးဖြစ်တတ်ပါလားဆိုပြီး ကိုယ်စားခံစားမှုတွေဖြစ်ပေါ်လာတတ်သလို တိုက်ဆိုင်မှုတွေရှိထားတဲ့သူဆိုရင်တော့ အထူးတလည်ပြောမနေတော့ပါဘူး... ကော်ဖီလေးတစ်ခွက်ရယ် ..... ချစ်ရတဲ့သူကိုပြောချင်တာတွေ ချရေးဖို့စာအုပ်လေးတစ်အုပ်ရယ် ..... ပြီးတော့တစ်ရှုးလေးတစ်ထုပ်နဲ့ဆို ရုပ်ရှင်ကြည့်ဖို့ အဆင်ပြေပါပြီဗျာ.... အညွှန်း နဲ့ ဘာသာပြန်ကတော့ JoJoVa ပဲ ဖြစ်ပါတယ်။ Genre.....Drama, Romance Quality….WEB-DL 720p and 480o File size…1GB and 284MB Format…mp4 Duration….1h 35min Subtitle….Myanmar Subtitle (Hardsub) Translator ..... JoJoVa Encoder ..... August

Andy Somebody (2023) ဒီဇာတ်လမ်းကတော့ သာမန်လူရိုးလူဖြောင့်တစ်ယောက်က ဒုစရိုက်သမားတစ်ယောက်လို ငွေတွေလိမ်လည်ထွက်ပြေးရင် ဘယ်လိုဖြစ်မလဲဆိုတဲ့ဇာတ်လမ်းပေါ့။ အန်ဒီက စာရင်းကိုင်တစ်ယောက်ပါ။ သူက ပလတ်စတစ်ဆာဂျင်ဒေါက်တာရှစ်ဖလက်ဆီမှာစာရင်းကိုင်လုပ်တယ်။ ဒေါက်တာဆိုလို့အထင်ကြီးမသွားနဲ့ဦး။ ရှစ်ဖလက်ကအခွန်တွေရှောင်တယ် တရားမဝင်ဆေးတွေဖြန့်တယ် ပလတ်စတစ်ဆာဂျင်လုပ်စရာမလိုတဲ့သူတွေကို နတ်သမီးလောက်လှနေရင်တောင် နင်ကဘီလူးမလောက်ပဲလှတယ် ပြင်မှဖြစ်မယ်ဆိုတာမျိုးပြောပြီး ခွဲစိတ်မှုတွေအတင်းလုပ်ခိုင်းတယ်။ အန်ဒီက အဲ့ဒါတွေကိုသဘောမတွေ့ဘူး။ တစ်နေ့တော့ ဒေါက်တာက အခွန်ရှောင်မှုနဲ့ဂျေးထဲအောင်းရခါနီးဖြစ်တော့ အန်ဒီ့ကိုစာရင်းတွေလိမ်လည်ပြီးဆွဲခိုင်း သူလစ်ဖို့ရာကမ်းလွန်အကောင့်တွေအတင်းဖန်တီးခိုင်းလုပ်တယ်။ အဲ့မှာနဂိုထဲကစိတ်ညစ်ပြီးပြေးဖို့ကြံနေတဲ့အန်ဒီက မထူးပါဘူးဆိုပြီး ဒေါက်တာ့ရဲ့ပိုက်ဆံသုံးသန်းကိုယူပြီးပြေးပါလေရော။ ဒေါက်တာကလဲ သူ့တပည့်ကျော်စီအိုင်အေထွက်လူမိုက်ကို အန်ဒီ့နောက်လိုက်ဖို့လွှတ်လိုက်ရာကနေ ဒုစရိုက်သမားမဟုတ်တဲ့ အန်ဒီတစ်ယောက်သူတို့လက်ကဘယ်လိုပြေးမလဲဆိုတာကို ဒီဟာသအက်ရှင်ဇာတ်လမ်းမှာကြည့်လိုက်ပါဦး။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre..... Comedy Quality…. 1080p | 720p File size… 1.1GB | 515MB Format… mp4 Duration…. 1h 23min Subtitle…. Myanmar Subtitle (Hardsub) Translator ..... Rashida Encoder ..... Aaron

ဒီကားကတော့ ဂျက်စီပင့်ခ်မနျးဆိုတဲ့ ရာဇဝတျသားတစျယောကျအကွောငျး ရိုက်ကူးထားတာပါ သူဟာလူသတ်မှုတွေ မူးယစျဆေးမှုတွနေဲ့ ရဲတပ်ဖွဲ့က အပြငျးအထနျအလိုရှိနသေူတစျဦးပါ သူ့ကေျာငျးဆရာဟောငျးဖြစျသူ ဝှိုကျရဲ့တွဲဖက်ပါတနာအဖြစျ သံသယရြှိခငျးခံနရေတာပဲဖြစ်ပါတယျ ရဲလက်ထဲမမိပမေယျ့ သူကလွတျမြောကျနတောမိုးလညျးမဟုတ်ဘဲ သူ့ကိုဖမျးဆီး ွကျနျပြုထားသူ ဆရာ့ဆရာကွီးလက်ထဲ ရောကျနတောပဲဖြစ်ပါတော့တယျ နောက်ဆုံး သူလွတျမြောက်လမျးရှာတဲ့အခါမှာတော့ မထင်မှတ်မိ လူသတ်မှုတွေ ထပ်တိုးရပြန်ပါတော့တယျ။ လူသစ်စိတျသစျ ဘဝသစ်နဲ့ ပြန်စချင်တဲ့သူ ပြန်စနိုင်ပါ့မလား ရာဇဝတ်မှုမှတ်တမျးတွေ အများကွီးရှိပမေယျ့ တစ်ခုကိုမှ သူကျူးလွန်မှနျး ရဲဘက်က သကျသမေပြနိုင်တဲ့အခါ သူတကယ်မကျူးလွန်ခဲ့တာလား တ်လောွနျးနခေဲ့တာလား သူ့ရဲ့သနားကွင်နာတတ်တဲ့စိတျ နူးညံ့တဲ့စိတျတွကေလညျး ဝိရောဓြိဖစ်စရာပါပဲ သူ့ရဲ့လွ်မြောက်ရေးလမ်းစဉ်ကြီး အောင်မြင်ပါ့မလား ဘဝရဲ့အစွနျးအထငျးတွဖေယျပေျာကျပွီး ဘဝသစျ စနိုင်ပါ့မလားဆိုတာ ဒီကားမှာကွညျ့ရှူရမှာပါ လူဆိုးဖြစ်စေ လူကောင်းဖြစ်စေ သစ္စာရှိတဲ့မိတ်ဆွေကော်းတွေ လိုအပ်တယ်ဆိုတာကိုလည်း မီးမော်းထိုးပြထားပါတယ်

The Magician’s Elephant (2023) “ဘောလ်တိစ်” ဆိုတဲ့ မြို့ငယ်လေးက မျှော်လင့်ချက်တွေဆိတ်သုဥ်းနေတဲ့မြို့လေးလို့ပြောရမယ်။ သူတို့ကြုံခဲ့ရတဲ့စစ်ပွဲကြီးအပြီးမှာ လူတွေကမပျော်ရွှင်ကြတော့ပါဘူး။ စစ်ကြီးကလဲ ပြီးတာ ဒီကားထဲက ဇာတ်လိုက်လေးရဲ့တစ်သက်ရှိနေပြီ။ ဒါပေမဲ့လူတွေက ပျော်ရွှင်မှုတွေမရကြသေးဘူး။ မျှော်လင့်ချက်တွေ ယုံကြည်မှုတွေ ပြန်မရှင်သန်ကြသေးဘဲ အဆိုးတွေပေါ်ပဲအာရုံစိုက် အဆိုးတွေကိုပဲမျှော်လင့်ပြီးနေကြသူတွေပေါ့။ တစ်နေ့မှာမျက်လှည့်ဆရာကြီးက ဒီလူတွေအတွက် မျှော်လင့်ချက်တွေပြန်ရှင်သန်စေဖို့ မန္တန်ကြီးတစ်ခုကိုလုပ်ဖို့ဆုံးဖြတ်လိုက်ပါတယ်။ သူ့ခဗျာမှာလဲ သိပ်မကျွမ်းကျင်တော့ ဆင်ကြီးတစ်ကောင်သာအမိုးကနေပွင့်ပြီးပြုတ်ကျလာပါတယ်။ မျက်လှည့်ဆရာကြီးက သူ့မန္တန်ကမအောင်မြင်ဘူးထင်တာပေါ့။ မျက်လှည့်ဆရာကြီးကိုယ်တိုင်လဲ သူ့ဆင်ကြီးက အဖွားကြီးတစ်ယောက်ပေါ်သွားပိတာကြောင့် ဂျေးထဲအောင်းသွားရပါတယ်။ ဒါပေမဲ့ ဒီဆင်ကြီးရောက်လာတာကပဲ ဒီကားထဲကဇာတ်လိုက်လေးအတွက် ယုံကြည်မှုတွေကိုအသက်သွင်းရာမှာ၊ သူ့မိသားစုကိုရှာဖွေရာမှာ အရေးအကြီးဆုံးနဲ့ပထမဆုံးခြေလှမ်းဖြစ်ပြီး ဘယ်လိုအံ့ဖွယ်ရာတွေကိုထပ်ဖြစ်စေမလဲဆိုတာကြည့်ရမှာပါ။ ဇာတ်လမ်းလေးက ကာတွန်းဆန်ဆန် ရယ်စရာမောစရာမှော်ဆန်ဆန်ဇာတ်လမ်းလေးဖြစ်တဲ့အပြင် ပေးချင်တဲ့မက်ဆေ့ချ်ကလဲ မျှော်လင့်ချက်ပျက်သုဥ်းနေသူတွေအတွက်၊ အကောင်းတွေအများကြီးထဲကအဆိုးတစ်ခုလောက်ကိုမှရွေးပြီး မျှော်လင့်ချက်ပျက်တတ်တဲ့လူတွေအတွက် အရာအားလုံးကဖြစ်နိုင်တယ်ဆိုတာမျိုးစိတ်ခွန်အားပေးထားတဲ့အတွက် ကလေးတွေရောလူကြီးတွေပါကြည့်သင့်တဲ့ဇာတ်လမ်းလှလှလေးပါပဲ။ အညွှန်း နဲ့ ဘာသာပြန်ကတော့ Rashida ပဲ ဖြစ်ပါတယ်။ Genre….. Animation, Adventure, Comedy Quality…. 1080p | 720p | 480p File size… 1.35GB | 766MB | 362MB Format… mp4 Duration….1h 39min Subtitle…. Myanmar Subtitle (Hardsub) Translator ….. Rashida Encoder ….. Aaron

ဒိန်းမတ်ရဲ့ ၂၀၂၄ အော်စကာအတွက် တင်သွင်းထားတဲ့ရုပ်ရှင်အသစ်လာပါပြီ။ IMDb 7.7 ရရှိထားပြီး မင်းသားကြီး Mads Mikkelsen ပါဝင်ထားပါတယ်။ The Dark Tower ရဲ့ ဒါရိုက်တာ Nikolaj Arcel ရိုက်ကူးထားတာပဲဖြစ်ပါတယ်။ ဇာတ်လမ်း၊ ရိုက်ချက်၊ သရုပ်ဆောင်အားလုံးကောင်းတာမို့ ကြည့်သင့်တဲ့ ရုပ်ရှင်ကောင်းတစ်ခုပါပဲ။ ဇာတ်လမ်းကတော့ သမိုင်းဖြစ်ရပ်မှန်တစ်ခုကိုအခြေခံထားတာဖြစ်ပြီး ဒိန်းမတ်နိုင်ငံရဲ့ မြေပုံကိုပါ ပြောင်းလဲစေခဲ့တဲ့ လူတစ်ယောက်အကြောင်းပါပဲ။ ၁၇၀၀ ပြည့်နှစ်အကျော်တွေမှာ ဒိန်းမတ်ဘုရင်ဟာ မြေရိုင်းတွေဧကပေါင်းများစွာမှာ လူတွေအခြေချစေချင်ပြီး စိုက်ပျိုးစေချင်ပေမဲ့ နှစ် ၅၀ ကြာတဲ့တိုင်အောင် ဘယ်သူမှ မအောင်မြင်နိုင်ခဲ့ပါဘူး။ မြေတွေက အရမ်းကြမ်းတော့ စိုက်ပျိုုးလို့မရတဲ့အပြင် ခြေသလုံးအိမ်တိုင် ဂျစ်ပစီတွေက ခိုးဝှက်လုယက်နေတာလည်းရှိနေလို့ပါ။ အဲဒီအချိန်မှာပဲ စစ်ပြန်အငြိမ်းစားဗိုလ်ကြီး လက်ဗစ်ခေလန်က အဲဒီမြေရိုင်းတွေ ပေါ်မှာ စိုက်ပျိုးပြီး အခြေချခွင့်တောင်းလာပါတယ်။ ဘုရင့်ဘဏ္ဍာရေးအဖွဲ့က သူအောင်မြင်မယ်လို့ မယုံကြည်ပေမဲ့ ဟန်ပြလုပ်နေတဲ့သူရှိရင်ပြီးတာပဲဆိုပြီး ခွင့်ပြုလိုပါတယ်။ အထောက်အပံ့တော့ မပေးပါဘူး။ ခေလန်ဟာ သူ့ရဲ့ ပင်စင် လစာလေးနဲ့ ရှိမဲ့စုမဲ့ လူတွေငှား ပစ္စည်းတွေဝယ်ပြီး မြေရိုင်းဒေသကိုထွက်လာပေမဲ့ သူ့ဆီက ခိုးမဲ့လုမဲ့ ဂျစ်ပစီတွေနဲ့ မြေရိုင်းဒေသကို အပိုင်စီးချင်နေတဲ့ မြေရှင် သူဌေးကြီးတစ်ယောက်က မျိုးစုံတိုက်ခိုက်လာတဲ့အခါ နဂိုကမှ ခက်ခဲနေတဲ့အလုပ်ဟာ မဖြစ်နိုင်စရာဖြစ်လာပါတယ်။ ဒါတွေကို ဘယ်လိုအောင်မြင်အောင်လုပ်မလဲ၊ အောင်မြင်ဖို့အတွက် ဘာတွေပေးဆပ်လိုက်ရလဲဆိုတာတော့ ရုပ်ရှင်ထဲမှာ ဆက်ကြည့်ရမှာပါ။ File size…1.61 GB / 706 MB Quality…Blu-Ray 1080p 5.1 CH/ 720p Format…mp4 Duration….2h 7m Genre …..Biography , Drama , History Subtitle….Myanmar Subtitle (Hard Sub) Encoder….Min Wai Translated by Mr. Anderson

PTU (2003) ~ IMDb – 7/10, Rotten Tomatoes – 6% ~ Directed by “Johnnie To” ဟောင်ကောင်ရုပ်ရှင်ခေတ်တုန်းက ဟောင်ကောင်အက်ရှင် ဒါရိုက်တာတွေထဲ တော်တော်အထာကျတဲ့ ဒါရိုက်တာတွေပေါ်ခဲ့ဖူးတယ်။ John Woo လို Heroic Bloodshed Genreကို အနောက်အထိပါ ကူးစက်အောင် လုပ်နိုင်တဲ့ဒါရိုက်တာမျိုးအပြင် Once Upon a Time in China (1991) လို ဂျွန်ဝူးနဲ့တွဲပြီး A Better Tomorrow တို့လိုကားတွေကို ထုတ်နိုင်တဲ့ Tsui Hark တို့၊ Reservoir Dogs (1992) လို ကားမျိုးကို ရိုက်ဖို့ မှီးခဲ့ရတဲ့ City on Fire ကို ရိုက်ခဲ့တဲ့ Ringo Lam လိုမျိုး ဒါရိုက်တာတွေ၊ နောက် မာတင်စကောဆေးစိ BP အော်စကာရခဲ့တဲ့ The Departed ရဲ့ မူရင်းရုပ်ရှင် Infernal Affairs ကို ရိုက်ခဲ့တဲ့ Andrew Lau နဲ့ Alan Mak လိုလူတွေ၊ A Moment of Romance လို ကားကိုရိုက်ခဲ့တဲ့ Benny Chan တို့လိုလူတွေ ဟောင်ကောင်အက်ရှင်စီနီမာမှာ အများကြီးပေါ်ထွန်းဖူးတယ်။ သူတို့ခေတ်တော့ မဟုတ်တော့ပေမဲ့ အခုထိတောင် အက်ရှင်စီနီမာတွေမှာ သူတို့ဟန်တွေ အငွေ့တွေကို မြင်နေရတုန်းပဲ။ ဂျွန်နီတိုကလည်း ကွင်တင် တာရန်တီနိုတို့ လေးစားရတဲ့ ဟောင်ကောင်ဒါရိုက်တာတွေထဲက တစ်ယောက်ပဲ။ ခုနပြောခဲ့တဲ့ စာရင်းထဲကလူတွေထဲဆို ဂျွန်ဝူးက အကြမ်းဆုံးလောက်သွားကျတယ်။ ဘာလို့ဆို ကျန်တဲ့သူအများစုက ကောင်းတာတွေများတာတောင် ရိုက်တိုင်းကောင်းမနေခဲ့ဘူး။ ဂျွန်ဝူးကတော့ ရိုက်တိုင်းကောင်းတဲ့ ထဲပါတယ်။ A Better Tomorrow နားဝန်းကျင်ကစလို့ သူ့ Era ချိန်းသွားပြီးတဲ့နောက် သူရိုက်သမျှကားတွေက ဒီပုံစံတွေပဲ‌ပေမဲ့ ရိုက်တိုင်းကောင်းခဲ့တယ်။ ဂျွန်နီတိုကလည်း ဂျွန်ဝူးနဲ့အလားတူပဲ။ The Mission နဲ့ PTU တို့ကနေ သူ့ဟန်က ကွဲထွက်သွားခဲ့တယ်။ ဒါပေမဲ့ သူကွဲသွားပုံက ဂျွန်ဝူးနဲ့တောင် မတူဘဲ အကြီးကြီးကွဲသွားတယ်ပြောရမယ်။ Election, Mad Detective နဲ့ Drug War တို့ ကြည့်ဖူးကြရင် သိပါလိမ့်မယ်။ အဲဒီကစလို့ သူ့ရုပ်ရှင်တွေရဲ့ ဟန်ဟာ အဲဒီကားတွေနဲ့ ခပ်ဆင်ဆင်လောက်ပဲဖြစ်သွားတယ်။ အဲဒီကားတွေအကုန်လုံးက အငွေ့အသက်တူသလို အကုန်လည်းကောင်းတယ်။ ဇာတ်အိမ်ကတော့ တော်တော်ကျဉ်းတာများတယ်။ ဒါပေမဲ့ အဲဒီကျဉ််းကျဉ်းလေးထဲမှာပဲ ထောင့်စေ့အောင် ပြည့်စုံအောင် ဖန်တီးနိုင်တယ်။ Crime Action ကားတွေဆိုပေမဲ့ များသောအားဖြင့်တော့ သူ့ဇာတ်တွေမှာ လူကောင်းလူဆိုးဆိုတာမရှိဘူး။ Election နဲ့ Mad Detective ထဲ ဒါကိုကောင်းကောင်းမြင်နိုင်တယ်။ ဒါကြောင့်လည်း Crime ကား ပိုပီသနေတယ်။ ဒါပေမဲ့ သူ့ရုပ်ရှင်တွေမှာ အမြဲမကောင်းတာကတော့ ရဲတွေ။ ဂျွန်နီတိုက ဘယ်အညှိုးနဲ့လဲတော့မသိ ရဲကို အကျိုးနည်းအောင် နှိမ်တယ်။ သူ့ ဒီလိုကားတိုင်းလိုလို ရဲတွေ ဘယ်လောက်ရှော်ကြောင်း ထည့်ထည့်ရိုက်နေကျပဲ။ PTU (2003) က ဂျွန်နီတိုအနေနဲ့ ရဲတွေကို နှိမ်ဖို့သက်သက်ရိုက်ထားတဲ့ ရုပ်ရှင်အလားမှတ်ရတယ်။ သရုပ်ဆောင်တွေက သူနောက်ပိုင်းလည်း အမြဲသုံးနေကျတွေဖြစ်သွားတဲ့ Simon Yam တို့၊ Lam Suet တို့ပါတယ်။ သူ့ကားတွေကြည့်ဖူးရင် Louis Koo, Nick Cheung, Anthony Wong, Gordon Lam တို့နဲ့အတူ ဒီ၂ယောက်ကို ကောင်းကောင်းရင်းနှီးကြမှာပါပဲ။ ဒီကောင်တွေအကုန် တစ်ယောက်မှ ရုပ်ချောမနေဘူး။ သူသုံးနေကျထဲ ရုပ်ချောတာက Louis Koo အပြင် Andy Lau တော့ ရှိလိမ့်မယ်။ ဒါပေမဲ့ Andy Lau နဲ့ သူဒီလိုပုံစံမျိုးတော့ မရိုက်ခဲ့ဘူး။ PTU ဆိုတာက Police Tactical Unit ရဲ့ အတိုကောက်။ ဒီရုပ်ရှင်က ရဲတစ်အုပ်ရဲ့ ကင်းလှည့်တဲ့တစ်ညတာကို ရိုက်ထားတာ။ သူ့ရုပ်ရှင်အများစုလိုပဲ ဒီရုပ်ရှင်လည်း ဇာတ်အိမ် ဇာတ်အချိန် ကျဉ်းကျဉ်းလေးပဲ။ အကျဉ်းဆုံးလို့တောင်ပြောရမယ်။ တစ်ညပဲ။ အဲဒီတစ်ညမှာပဲ သူရိုက်ပြတဲ့ ပတ်ဝန်းကျင်က လူဆိုးဂိုဏ်းတွေအကုန်လုံးအကြောင်းနဲ့ ရဲတပ်ဖွဲ့နဲ့ လူဆိုးဂိုဏ်းတွေရဲ့ အခြေအနေကို သေချာလေးပြနိုင်ခဲ့တယ်။ ရယ်ရတာကတော့ ပုံမှန်ဆို သူ့ကားတွေမှာ ရဲတွေက အသုံးမကျကြပေမဲ့ ဂိုဏ်းစတားတွေကတော့ အသုံးကျကြတယ်။ ဒီထဲတော့ မတူဘူး။ အဲဒီအရပ်က ဂိုဏ်းကြီး၂ဂိုဏ်းရဲ့ အကြီးဆုံး ဂိုဏ်းခေါင်းဆောင်ကြီး ၂ကောင်ကိုပါ ငကြောက်ဖြစ်အောင်လုပ်ပြသွားတယ်။ သူ့ကားတွေမှာ ဂိုဏ်းအရေးတွေနဲ့ ပတ်သက်လာရင် ရဲတွေက ဝင်မပါရဲဘဲ ဘေးထိုင်ရပ်ကြည့်သဘောဆန်ဆန်ပြတတ်ပေမဲ့ ဒီမှာတော့ ရဲတွေရဲ့ ဖျာပဲခင်းတဲ့သဘောကိုတောင် ပြသွားတယ်။ ဒီဇာတ်ရဲ့ ပြဿနာအများစုကိုက Lam Suet ရဲ့ ဇာတ်ကောင် အကြမ်းဖက်နှိမ်နှင်းရေးအရာရှိလောင် သေနတ်အလုခံရတာကနေစတာပဲ။ ရဲတစ်ယောက်အတွက် သေနတ်က ဘယ်လောက်အရေးကြီးလဲဆိုတာကို နောက်ပိုင်း Mad Detective မှာတော့ အဲဒီသေနတ်ပျောက်တာကိုပဲ ဇာတ်အိမ်တည်ပြီး သေနတ်တွေဖလှယ်ရင်းပဲ တစ်ကားလုံးပြသွားခဲ့တယ်။ PTU (2003) မှာကတော့ ရဲပေါင်းစုံကို အားရပါးရကို ထိုင်ဖဲ့သွားတယ်။ ကကျိုးကကြောင်အဖြစ်တွေက ပိုများတဲ့ Crime Action ကားလို့ ပြောရမှာပါလိမ့်မယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.1GB, 985MB Quality – 1080p, 720p IMDb Rating – 7/10 Format – mp4 Duration – 1H 25Min Genre – Crime, Drama, Thriller Subtitle – Myanmar Subtitle (Hardsub) Translated by WiRa Aung Encoded by Y

ဇာတ်လမ်းအကျဉ်းက တိုက်ခိုက်မှုတစ်ခုကြောင့် ရေနံတွင်းတစ်တွင်းမီးလောင်ကျွမ်းရာမှ ရွာသားများအသက်ဆုံးရှုံးနိုင်သည်အထိ ဖြစ်လာသောအခါ ရေနံကုမ္ပဏီမှတာဝန်ရှိသူများက ပေါက်ကွဲပစ္စည်းများကို သယ်ဆောင်ပြီး ဒီအန္တရာယ်က်ို ဖြေရှင်းဖို့ကြိုးပမ်းပါတော့တယ်။ ဒီတာဝန်ကို လက်ခံလုပ်ဆောင်ပေးမည့်သူ မရှိသည့်အတွက် ဖရက်ဆိုသူကို အစ်ကိုဖြစ်သူအားထောင်ထဲကလွတ်အောင်လုပ်ပေးမည်ဟု မက်လုံးပေးကာ တာဝန်အပ်နှင်းပါတော့တယ်။ ဖရက်တို့အဖွဲ့ ပေါက်ကွဲပစ္စည်းတွေကို သယ်ကာ မီးလောင်တဲ့နေရာကို ဘယ်လိုသွားကြမလဲ၊လမ်းမှာဘယ်လို အန္တရာယ်တွေနဲ့ရင်ဆိုင်ကျော်လွှားရမလဲကို ကြည့်ရှုရမည့် ဇာတ်လမ်းတစ်ပုဒ်ဖြစ်ပါတယ်။ File size…(1.9 GB)/(1 GB) Quality….Webrip 1080p / 720p Format…mp4 Duration….01:47:00 Genre…Action, Thriller Subtitle….Myanmar Subtitle (Hardsub) Encoder….Mr. Anderson Translated by Eunice

ခရစ္စမတ်ပွဲတော်ရဲ့ အငွေ့အသတ်တွေနဲ့ ခရစ္စမတ်ကို အခြေခံထားတဲ့ အချစ်ဟာသ ဇာတ်လမ်းတွဲလေးတစ်ပုဒ်ဖြစ်ပါတယ်။ ပွဲစီစဉ်သူတစ်ယောက်ဖြစ်တဲ့ လော်တီမော်ဂန်ဟာ တက်ကြွထက်မြတ်ပြီး အရာရာကိုအသေးစိတ်စီစဉ်တတ်တဲ့ အမျိုးသမီးတစ်ဦးပါ…. တနေ့ သူမရဲ့အထက်လူကြီးကနေ လော်တီရဲ့ဇာတိဘော်စတွန်တွင်ကျင်းပပြုလုပ်မဲ့ ရန်ပုံငွေပွဲအတွက် အလုပ်လျှောက်ရန် လော်တီကိုလွှတ်လိုက်ပြီး ပွဲစီစဉ်ခြင်းအောင်မြင်ရင် ဘော်စတွန်ရုံးခွဲ ခေါင်းဆောင်နေရာပေးမယ်လို့ ပြောလိုက်ပါတယ်။ လော်တီတစ်ယောက် အလုပ်ရသွားပေမဲ့ အလုပ်ရှင်ရဲ့ သားဖြစ်သူမှာ အိတ်မှားခဲ့လို့ လေလံတင်မဲ့ ပစ္စည်းပျောက်သွားတော့ လော်တီ နဲ့ အလုပ်ရှင်ရဲ့သားတို့ ပျောက်သွားတဲ့အိတ်ကို ဘယ်လိုပြန်ရှာကြမလဲ။ လေလံပွဲအမီ အိတ်ကိုပြန်တွေ့ပါမလား ဆိုတောတွေကို ခရစ္စမတ်ပွဲတော် အငွေ့အသက်လေးတွေရောယှက်နေတဲ့ ခရစ္စမတ်အံ့ဖွယ်တွေကိုလည်း ပျော်ရွှင်ကြည်နူးစွာကြည့်ခွင့်ရမဲ့ အချစ်ဟာသဇာတ်မြူးလေး ဖြစ်ပါတယ်။ File size…(1.4 GB)/(763 MB) Quality….Webrip 1080p / 720p Format…mp4 Duration….01:29:00 Genre… Romance Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

Veteran 2 (2024) ******************** IMDb… 7 12:12 The Day၊ The Point Men ထဲက Hwang Jung Min နဲ့ Connection, Love Next Doorထဲက Jung Hae In တို့ ပါဝင်ထားပြီး ကြည့်ရှုသူ 7သန်းကျော်ခဲ့တဲ့ Crime,Action ဇာတ်ကား Veteran 2 ထွက်ရှိလို့ လာပါပြီ။ ဇာတ်လမ်းအညွှန်း မိသားစုကိုတောင် အချိန်မပေးနိုင်တဲ့အထိ မိုးလင်းမိုးချုပ် အလုပ်များကြတဲ့ ဆောဒိုချော (Hwang Jung Min) တို့ရဲ့ မှုခင်းတပ်ဖွဲ့ကို ခေါင်းစားအောင် လုပ်မဲ့ ကွင်းဆက် လူသတ်သမားဟာ သူရဲ့ နောက်ထပ် ပစ်မှတ်ကို ‌ညွှန်ပြထားတဲ့ ဗွီဒိယို တစ်ခုကို အင်တာနက်ပေါ်မှာ တင်ခဲ့ပြီး တစ်ကမ္ဘာလုံးကို တုန်လှုပ်အောင် ဖန်တီးလိုက်ပါတယ်။ တရားမျှတမှုကို လက်ကိုင်ထားတဲ့ ရဲဝန်ထမ်း ပေါက်စ ဘတ်ဆွန်းအူ (Jung Hae In)ရဲ့ လုပ်ရည်ကိုင်ရည်ကို သဘောကျသွားတဲ့ ဝါရင့် စုံထောက် ဆောဒိုချောဟာ ဘတ်ဆွန်းအူကို သူတို့ အဖွဲ့နဲ့ လာရောက်ပူးပေါင်းဖို့ ဖိတ်ခေါ်ခဲ့ပြီး လှည့်ကွက်များတဲ့ ကွင်းဆက်လူသတ်သမားကို ဘယ်လို ဖမ်းဆီးသွားမလဲဆိုတာ ကြည့်ရှုခံစားလိုက်ကြရအောင်ပါ။ (ဇာတ်လမ်းအကျဉ်းကို Treasure Htet မှ ရေးသားပေးထားပါတယ်။) File size… 1.80GB/ 780MB Quality…WEB-DL 1080p/ 720p Format…mp4 Duration….1h 59m Genre ….. Action, Crime, Thriller, Comedy Subtitle….Myanmar Subtitle (Hard Sub) Encoder….Tiff Translated by Hnin Wai Oo, Stary, Treasure Htet & Miri

ရှေးခေတ်က လက်မခံကြပေမဲ့ အခုခေတ်မှာတော့ လူအများ လက်ခံခြင်းကို ရရှိလာတဲ့ LGBTQ+ တွေနဲ့ပတ်သက်ပြီး ဇာတ်အိမ်တည်ထားတဲ့ဇာတ်ကားလေး ဖြစ်ပါတယ်။ ဒီရုပ်ရှင်ကိုရိုက်ကူးသူ ဒါရိုက်တာနဲ့ ဇာတ်ညွှန်းရေးသူတို့ရဲ့ ပြင်ပက အခြေအနေတချို့ကိုပါ အခြေခံပြီးရိုက်ကူးထားတာမလို့ Based on true story လို့ ပြောရမှာပါ။ ငယ်စဉ်အရွယ်ကတည်းက ဂေးဆိုတဲ့ ကိုယ့်ရဲ့ဖြစ်တည်မှုကို သိရှိလာပြီး မိဘတွေကပါ လက်ခံပေးခဲ့တဲ့ “သောမတ်စ် ရိဒ်” သူမိသားစုလေးပြိုကွဲသွားတဲ့အချိန်မှာပဲ တီဗီပေါ်မှာ မိသားစုရှိုးနဲ့ နာမည်ကြီးလာတဲ့ မွေးစားခံကောင်လေးတစ်ယောက် “အော်စကာ ရေးရက်စ်” ကြီးပြင်းလာတဲ့တစ်လျှောက် ကိုယ်စီအခက်အခဲတွေနဲ့ ကြုံခဲ့ရပေမဲ့ လမ်းဆုံတစ်ခုမှာ ဆုံတွေ့ခဲ့ကြတဲ့သူတို့နှစ်ယောက်ဟာ အရမ်းချစ်ကြသူတွေဖြစ်ပြီး မကြာခင်မှာ လက်ထပ်လိုက်ကြပါတယ်။ စပြီး အိပ်ထောင်သည်ဘဝကို ဝင်လာကြချိန်မှာ ကလေးယူဖို့ အတွေးကို သောမတ်စ်ရဲ့ စိတ်ထဲမှာ တစ်ခါမှမတွေးဖူးခဲ့ပေမဲ့ အော်စကာကတော့ မွေးစားကလေးဖြစ်ခဲ့တဲ့အလျောက် ကလေး အရမ်းမွေးစားချင်ပြီး သောမတ်စ်ကို တဖွဖွပြောနေခဲ့ပါတယ်။ နောက်ဆုံး သောမတ်စ်ပါ လက်ခံပြီး “အာသာ” ဆိုတဲ့ ကလေး တစ်ယောက်ကို မွေးစားခဲ့ပေမဲ့လည်း မွေးရင်းမိဘတွေ မသေဆုံးသေးတဲ့ ကလေးဖြစ်တဲ့အတွက် မိခင်ဖြစ်သူက အချုပ်ကထွက်လာတဲ့အခါ အမေလက်ထဲကို ပြန်ပေးလိုက်ရပါတော့တယ်။ သူတို့နှစ်ယောက်ဟာ “အာသာ” ဆိုတဲ့ ကလေးနဲ့ တစ်နှစ်ပဲ နေလိုက်ရပေမဲ့ ကလေးနဲ့ လမ်းခွဲရပြီးနောက် နောက်ဆက်တွဲအနေနဲ့ ဝမ်းနည်းနေတဲ့သောမတ်စ်နဲ့ သူ့အနားမရှိပေးနိုင်ဘဲ ရိုက်ကူးရေး တွေနဲ့ အလုပ်ရှုပ်နေခဲ့တဲ့ အော်စကာတို့ကြား ဘယ်လိုပြောင်းလဲမှုတွေ ဖြစ်လာမလဲ…”မိသားစု” ဆိုတဲ့စကားလုံးလေးကို ဆက်ပြီးအကောင် အထည်ဖော်နိုင်ပါ့မလားဆိုတာကို ကြည့်ရှုရမှာဖြစ်ပါတယ်။ (LGBTQ+ အသုံးအနှုန်းတွေနဲ့ သိပ်မရင်းနှီးပေမဲ့ ကြိုးစားပြီး ဘာသာပြန်ထားပါတယ်။ အသုံးအနှုန်းမှားယွင်းခဲ့တာရှိရင် သည်းခံ ပေးကြဖို့ မေတ္တာရပ်ခံချင်ပါတယ်.) File size… (1.15GB) / (684MB ) Quality… WEB-DL 1080p HEVC / 720p Format…mkv / mp4 Duration….1h 39m Genre …..Drama Subtitle….Myanmar Subtitle (Hard Sub) Encoder….Min Wai Translated by Chothet_mlmt

ဒီတစ်ပတ်တော့ cm ပရိသတ်ကြီးကို လူသားစား Horror ဇာတ်ကားလေး တစ်ခုနဲ့ မိတ်ဆက်ပေးပါမယ်။ IMDB မှာ Rating 6.2 အထိရထားပြီး သိပ်မဆိုးတဲ့ Horror ဇာတ်ကားလို့ ပြောရမှာပါ။ ဇာတ်ကြောင်းကတော့…. ကိသ်နဲ့ ကတ်သလင်းတို့ ဇနီးမောင်နှံနှစ်ဦးက သူတို့ရဲ့ ဆယ်ကျော်သက် ကလေးနှစ်ယောက်နဲ့အတူ နှစ်စဉ်နှစ်တိုင်း ထွက်နေကျဖြစ်တဲ့ နယ်ဘက်ခရီးစဉ်ကို အာဗီနောက်တွဲကားနဲ့ ထွက်လာခဲ့ကြပါတယ်။ လမ်းတစ်နေရာမှာ နယ်ခံနှစ်ယောက် ကားပျက်တာနဲ့ ကြုံဆုံပြီး လမ်းကြုံပို့ပေးဖို့ အစပြုတာကနေ လူသူဝေးတဲ့ အိမ်တစ်လုံးကို ရောက်သွားကြတဲ့ အခါမှာတော့….။ ဒီဇာတ်ကားကို ကြည့်ပြီးတဲ့အချိန်မှာ လူတွေကို အပြင်ပန်းသဏ္ဍန် ကြည့်ပြီးတော့ပဲ ဆုံးဖြတ်လို့ မရဘူးဆိုတာရယ်နဲ့… အချိန်မရွေး သားကောင်ကနေ မုဆိုး….မုဆိုးကနေ သားကောင် ဖြစ်သွားနိုင်တယ်ဆိုတာကို မက်ဆေ့ပေးချင်တဲ့ သဘောကို တွေ့ရမှာပါ။ တစ်ခုသတိပေးချင်တာက သွေးသံရဲရဲ အပိုင်းအစတွေ မြင်ရမှာ မို့လို့ နှလုံးမကောင်းတဲ့သူတွေ ရွံတတ်တဲ့သူတွေအနေနဲ့ သတိလေးကပ်ပြီး ကြည်သင့်ကြောင်းပါခင်ဗျ….။ File size… (857MB) / (582MB) Quality… WEB-DL 1080p HEVC / 720p Format…mkv / mp4 Duration….1h 30m Genre …..Horror Subtitle….Myanmar Subtitle (Hard Sub) Encoder….Min Wai Translated by Aoi

IMDb rating – 6/10 Awards – 3 Nominations အခုတင်ဆက်ပေးမယ့်ဇာတ်ကားလေးကတော့ 2001 ခုနှစ်ထွက် romance ဇာတ်ကားလေးဖြစ်ပါတယ် အားလုံးသိတဲ့ Jack Black မင်းသားနဲ့ Iron manရဲ့အချစ်တော်​လေး Gwyneth Paltrow မင်းသမီးတို့ သရုပ်ဆောင်ထားတဲ့နာမည်​​ကြီးဇာတ်ကားလေးပဲဖြစ်ပါတယ် ဒီကားထဲမှာဆိုရင် အဖေ့ရဲ့နောက်ဆုံးစကားအတိုင်း ငယ်ရွယ်ပြီးလှပတဲ့မိန်းကလေးတွေနဲ့တွဲပြီး လူတိုင်းကိုရုပ်ရည်​ပေါ်မှာပဲကြည့်ပြီး ဆုံးဖြတ်တတ်တဲ့ ဟဲလ်ဆိုတဲ့သူတစ်ယောက်ရှိပါတယ် အဲဒီလိုနဲ့တိုနီရောဘင်ဆိုတဲ့သူနဲ့ ဆုံပြီးနောက်မှာ လူတွေနဲ့တွေ့တဲ့အခါမှာ သူတို့ရဲ့အတွင်းစိတ်အတိုင်းပဲ​မြင်ရပါတော့တယ် အဲဒီလိုနဲ့ ရိုစ့်မယ်ရီဆိုတဲ့ စိတ်ထားလှတဲ့​ကောင်မ​လေး သူ့မျက်စိထဲမှာ သူမြင်ဖူးသမျှထဲမှာ အလှဆုံးမိန်းကလေးတစ်ယောက်ဖြစ်နေပါတယ် တကယ်တော့ဒီမိန်းကလေးကပြည့်ပြည့်ဖြိုးဖြိုးကောင်မလေးဖြစ်နေတာပါပဲ အဲဒါဆိုရင်တော့ ဟဲလ်တစ်ယောက် တကယ့်ပဲ ရိုစ့်မယ်ရီကိုချစ်လာနိုင်ပါ့မလား ဘယ်လိုတွေအလွဲလွဲအချော်ချော်ဖြစ်မလဲ ဆိုတာ ဇတ်ကားလေးကြည့်ရင်း အပန်းဖြေလိုက်ကြပါဦး ဒီဇာတ်ကားလေးကတော့ တကယ့် အလှတရားဆိုတာ စိတ်ထားကောင်းတာက အဓိကပဲလို့ ပြသသွားတဲ့ကားကောင်းလေးဖြစ်လို့ အားလုံးပဲ အားပေးကြပါဦး File size…(2.1 GB)/(1 GB) Quality….Webrip HEVC 1080p / 720p Format…mp4/ mkv Duration….01:48:00 Genre…Comedy, Romance Subtitle….Myanmar Subtitle (Hardsub) Encoder….Swan Min Htet Translated by Kyawt Hay Thar

The Witcher: Sirens of the Deep (2025) IMDb Rating (6.2) / Rotten Tomatoes (60%) ဒီဇာတ်ကားလေးကတော့ ၂၀၂၅ မှာ ပူပူနွေးနွေး ထွက်ရှိထားတဲ့ The Witcher စီးရီးရဲ့ စွန့်စားခန်းသစ်တစ်ပုဒ်ဖြစ်ပါတယ်။ ဒီတစ်ခေါက်မှာတော့ ဝစ်ချာ ဂါးရတ် နဲ့ သီချင်းသည် Jaskier တို့ဟာ ယန်နီဖာနဲ့ ခွာပြဲပြီး နှစ်ယောက်တည်း ခရီးဆက်လာရင်း ကုန်းစပ်ရေစပ်တိုင်းပြည်တစ်ခုကို ရောက်ရှိလာပါတယ်။ ဒီတိုင်းပြည်ရဲ့ ပြည်သူတွေဟာ ပင်လယ်ပြင်ကို အမှီပြုပြီး ငါးဖမ်း၊ ပုလဲရှာကာ အသက်မွေးဝမ်းကြောင်းပြုကြပါတယ်။ ဒီတိုင်းပြည်နဲ့ မနီးမဝေးက ရေအောက်ကမ္ဘာထဲမှာ ရေသူမတွေ နေထိုင်တဲ့ တိုင်းပြည်တစ်ခုလည်း ရှိပါတယ်။ ဒီတိုင်းပြည်နှစ်ခုဟာ နှစ်ပေါင်းများစွာ ငြိမ်းချမ်းစွာ အတူယှဉ်တွဲနေထိုင်ခဲ့ကြပြီး ကုန်းမြေက မင်းသားလေးနဲ့ ပင်လယ်က တော်ဝင်ရေသူမလေးတို့ကလည်း အပြန်အလှန်ချစ်ကြိုက်နေကြပါတယ်။ ဒါပေမဲ့ ဝစ်ချာတို့ ရောက်ပြီးမကြာပါဘူး၊ ပုလဲငုပ်သမားတစ်စုဟာ ရေအောက်မှာ ရက်စက်စွာ သတ်ဖြတ်ခံရတဲ့ ဖြစ်ရပ်ကြောင့် ကုန်းမြေနဲ့ ပင်လယ်ပြင်ကြား ဆက်ဆံရေး တင်းမာလာပါတယ်။ ငြိမ်းချမ်းရေး ပျက်ပြားလုနီးပါး ဖြစ်လာတဲ့အတွက် ဘုရင်ကြီးက ဒီပြဿနာကို ဖြေရှင်းဖို့ ဝစ်ချာကို ငှားရမ်းလိုက်ပါတယ်။ ဒီတော့ Geralt နဲ့ Jaskier တို့ဟာ ဒီအမှုနောက်ကွယ်က လက်သည်ကို ဘယ်လိုဖော်ထုတ်မလဲ၊ ဘယ်သူက ငြိမ်းချမ်းရေးကို ပျက်ပြားစေချင်တာလဲ၊ ဘယ်လိုသတ္တဝါမျိုးက ပါဝင်ပတ်သက်နေလဲဆိုတာကို မထင်မှတ်ထားတဲ့ ဇာတ်အိမ်အလှည့်အပြောင်းနဲ့ စိတ်ဝင်စားဖွယ်ကြည့်ရှုရမှာဖြစ်ပါတယ်။ (အညွှန်းနဲ့ဘာသာပြန်ကတော့ Matteo ဖြစ်ပါတယ်။) File size…(1.5 GB) / (860 MB) Quality….WEB-DL 1080p HEVC / 720p Format…. mkv/mp4 Genre….Action, Adventure, Animation, Drama, Fantasy, Mystery Duration….01:32:49 Subtitle….Myanmar Subtitle (Hardsub) Encoder….Benjamin Translated by Matteo

လူငယ်ပီပီ လွတ်လပ်ပြီး အပူအပင်ကင်းတဲ့ ဂျင်ဒရစ္စကာ ဆိုတဲ့ ကောင်မလေးဟာ သူတို့အိမ်ကို အကြွေးသမားတွေ သိမ်းဖို့ရောက်လာချိန်မှာပဲ သူ့အဖေမှာ အကြွေးတွေအများကြီး တင်နေတာကို သိလိုက်ရပါတယ်။ တစ်နေ့တည်းမှာပဲ ဂျင်ဒရစ္စကာရဲ့ ကမ္ဘာကြီး ပြိုလဲသွားပြီး သူ့အဖေကို ကူညီပေးရမလား ၊ ဒါမှမဟုတ် အရမ်း နောက်မကျခင် သူ့ကိုယ်သူ ကယ်ရမလား ဆိုတာ ရွေးချယ်ဖို့ ဖြစ်လာခဲ့ပါတော့တယ်။ 2024 တုန်းက ထွက်ရှိခဲ့တဲ့ Czech coming-of-age ရုပ်ရှင်ဇာတ်လမ်း ဖြစ်ပါတယ်။ ဇာတ်လမ်းက အရမ်း မရှည်တဲ့အတွက် အများကြီး ပြောစရာမရှိပါဘူး။ မှုန်မှိုင်းပြီး တချို့နေရာတွေမှာ မွန်းကြပ်စရာကောင်းပါတယ်။ ဒါရိုက်တာကတော့ ဒီဇာတ်လမ်းဟာ လွန်ခဲ့တဲ့ နှစ်တွေတုန်းက သူ ကြုံတွေ့ခဲ့ရတဲ့ အဖြစ်အပျက်တွေရဲ့ လွှမ်းမိုးမှုတွေ အများကြီး ပါဝင်နေတယ်လို့ ဆိုထားပါတယ်။ File size… (1.5 GB) / (852 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre… Drama Subtitle….Myanmar Subtitle (Hardsub) Encoder….Swan Min Htet Translated by OliveLyu