ဒီတခါမိတ်ဆက်ပေးချင်တာကတော့ ခရစ်စမတ်အငွေ့အသက်တွေနဲ့ Hallmark movies‌တွေထဲက မိသားစုကားကောင်းလေးတကားပါ။ ရေဂန် ရိုင်လေဆိုတာက နာမည်ကြီး အလွတ်တန်းစုံထောက်မလေး။ မိခင်ကလည်းနာမည်ကြီးစာရေးဆရာမ နိုရာ ရိုင်လေ ဖြစ်သလို ဖခင်ဖြစ်သူကလည်း အသုဘအိမ်လုပ်ငန်းရဲ့သူ‌ဌေးကြီး လုခ်ရိုင်လေ။ ခရစ်စမတ်အချိန်အခါမှာ သူမရဲ့‌ နွေးထွေးလှတဲ့မိသားစုနဲ့အချိန် ဖြတ်သန်းဖို့အိမ်ကိုရောက်နေခဲ့ချိန်မှာပဲ သူမရဲ့ဖခင်ကပြန်ပေးဆွဲခံလိုက်ရပါတယ်။ သူမအမေရဲ့ပရိတ်သတ်ဖြစ်တဲ့ အရမ်းစပ်စုသလောက် တော်လည်းတော်တဲ့ အပျော်တမ်းစုံထောက် အယ်ဗိုင်ရာနဲ့အတူ သူမရဲ့ဖခင်ဖြစ်သူကိုဘယ်လိုရှာဖွေကြမလဲ။ ပြန်ပေးဆွဲသူကဘယ်သူလဲ ဘာကြောင့်လုပ်ရတာလဲ။ သူ့အမှုကို ကူညီဖို့အယ်ဗိုင်ရာခေါ်လိုက်တဲ့ စုံထောက်လေး ဂျက်ခ်နဲ့ရော ဘယ်လိုဇာတ်လမ်းလေးတွေဖြစ်မလဲ။ ဒီခရစ်စမတ်မှာ ဒီမိသားစုတွေအတူတကွ ပြန်လည်ဆုံစည်းနိုင်ပါ့မလားဆိုတာကို ဒီ Deck the halls ဆိုတဲ့ မိသားစု ခရစ်စမတ်ကားလေးမှာ ရှုစားအားပေးကြပါဦး File size…  1.3 GB /  640 MB Quality… WEB Rip 1080p / 720p Format… mp4 Duration…. 1h 30m Genre .....  Action , Crime , Drama Subtitle…. Myanmar Subtitle (Hard Sub) Encoder…. Thit San Khant Translated by Brackman

Sex is Zero လို ကျောင်းသားဟာသကားတွေကြိုက်တတ်ရင်တော့ Wet Dreams ဆိုတဲ့ ဒီကိုရီးယားကားမှာလဲ ခွီရဦးမှာပါ။ ဒေါင်ဟွန်း ဆန်းမင်း ယောင်ဂျေး ဆွတ်ဂူးတို့ဟာယောက်ျားလေးသီးသန့်ကျောင်းမှာတက်ရောက်နေတဲ့ လူပျိုဖော်ဝင်စ၊အပျံသင်စ လိင်မှုကိစ္စကိုထဲထဲဝင်ဝင်နှိုက်နှိုက်ချွတ်ချွတ်စိတ်ဝင်တစား စူးစမ်းချင်စပြုလာတဲ့ အထက်တန်းကျောင်းသားလေးတွေဖြစ်ပါတယ်။ အဲ့ဒီကျောင်းကိုမှ သူတို့နဲ့အသက်ချင်းသိပ်မကွာတဲ့ ငယ်ငယ်လှလှ ဆရာမလေးတစ်ယောက်က အလုပ်သင်အဖြစ်ဝင်လာတဲ့အချိန်မှာတော့ အဲ့ဒီဆရာမလေးနဲ့ နီးစပ်ခွင့်ရဖို့အရေး သူတို့တွေအလောင်းအစားနဲ့အကြံအဖန်လုပ်ကြတဲ့အထိဖြစ်လာပါတော့တယ်။ အဲ့ဒီဆရာမလေးကလဲ ကိုယ်ပိုင်ဇာတ်လမ်းရှိပါတယ်။ ဆရာမလေးရဲ့တစ်ဖက်သတ်အချစ်ဦး ဆယ်ကျော်သက်တုန်းက တဖက်သတ်ကြိတ်ကြွေခဲ့ရတဲ့ ဆရာအစ်ကိုကြီးဟာ အဲ့ဒီကျောင်းမှာကျောင်းဆရာအဖြစ်ရှိနေလို့ဒီကျောင်းကိုမရောက်ရောက်အောင် ဖန်တီးယူခဲ့တာဖြစ်နေလို့ပါပဲ။ဆရာမလေးကသူ့ဇာတ်လမ်းနဲ့သူ့ချစ်ရသူကိုနီးစပ်ခွင့်ရဖို့ကြိုးစားသလို ဒေါင်ဟွန်းတို့လေးယောက်ကလဲ ဆရာမလေးလက်ကိုကိုင်ဖို့၊ အောက်ခံဘောင်းဘီ ဘာရောင်လဲဆိုတာမြင်ရဖို့တို့ ညစ်တီးညစ်ပတ်အလောင်းအစားတွေနဲ့ကြိုးစားနေရင်းက ဒေါင်ဟွန်းဟာ ဆရာမလေးအပေါ် တစ်ပါးသူ စကားနဲ့ထိပါးလာရင်တောင်မခံချင်မခံမရပ်နိုင်ဖြစ်လာတဲ့အထိမေတ္တာရှိမြတ်နိုးသွားမိတဲ့အခါမှာတော့..။ စိတ်ကူးယဉ်တတ်စ ဆယ်ကျော်သက်ကောင်လေးတစ်ယောက်ဟာ အိမ်မက်ပင်လေးကိုပျိုးမိတော့တာပါပဲ၊ သူ့ဇာတ်လမ်းလေး ဘယ်လိုအဆုံးသတ်မလဲ? ဆရာမလေးရဲ့ အထက်တန်းကျောင်းကတည်းကစခဲ့တဲ့ တစ်ဖက်သတ်ဇာတ်လမ်းလေးကရော? ဇာတ်သိမ်းကတစ်ခုပဲလှဖို့ရှိပါတယ်။ Wet Dream ဟာကျွန်တော်တို့ဆီမှာနာမည်ကျော်ဖြစ်တဲ့ Sex is Zero နဲ့ တစ်နှစ်ထဲထွက်ရှိခဲ့ပြီး အပြိုင်နာမည်ကြီးခဲ့တဲ့ဇာတ်ကားလဲဖြစ်ပါတယ်။ ကိုရီးယားလှိုင်းအစရုပ်ရှင်တွေထဲမှာတစ်ကားအပါအဝင်ဖြစ်ပြီးကြည့်ဖူးတဲ့သူတွေဆို တစ်ချို့ဇာတ်ကွက်တွေကိုမှတ်မိကြဦးမှာပါ။ သူတို့သူငယ်ချင်းလေးယောက်ရဲ့လိင်ကိစ္စ စပ်စုပုံ၊စူးစမ်းပုံတွေ၊ ဆရာမလေးအနားကပ်ခွင့်ရဖို့ကြိုးစားကြပုံတွေဟာ အသေခွီနေရပြီးကိုယ့်ငယ်ဘဝကိုယ်ပြန်အမှတ်ရစရာတိုက်ဆိုင်မှုလေးတွေကိုပါမြင်ရတွေ့ရပါလိမ့်မယ်။ ဇာတ်လမ်းရဲ့အဆုံးမှာ Credit scene ဆန်ဆန်တစ်ခန်းပါဝင်ပြီး၊ အဲ့ဒီနေရာမှာ ဆရာကြီးတစ်ယောက် Cameo အဖြစ်စပရိုက်တိုက်ထားပါတယ်။ Wet Dreams 2 ဆက်ထွက်ခဲ့ပြီး Wet Dream နှစ်ကားစလုံးကို https://channelmyanmar.org/?s=wet+dreams  မှာကြည့်ပါ။ File size…(2 GB)/(800 MB) Quality….WEB-DL 1080p/720p Format…mp4 Duration….01:38:13 Subtitle….Myanmar Subtitle (Hardsub) Encoder….Nyeinsaeya Aung Translated by Alias

အင်္ဂလန်ရဲ့ Tudorအိမ်တော်က ဘုရင်တွေလက်ထပ်က ဇာတ်လမ်းပါ။ အင်္ဂလန်နန်းတွင်းကားကိုမှ Horror vibeနဲ့ ရိုက်ပြထားတဲ့ဇာတ်လမ်းပါ။ အတ်ဒဝတ်ဘုရင် လက်ထပ်မှာ အယ်လီဇဘက်မိဘုရားရဲ့ သားတော်နှစ်ပါးသေဆုံးသွားပါတယ်။ နန်းတော်ထဲက ထွက်ခဲလှတဲ့ သားတော်နှစ်ပါးသေဆုံးသွားတဲ့ တရားခံက နန်းတော်ထဲမှာပဲရှိမယ်ယူဆပြီး ရှာကြပါတယ်။ အတ်ဒဝတ်ရဲ့ ထီးနန်းကို လိုချင်နေတဲ့ ရစ်ချက်ဟာ နာမကျန်းဖြစ်နေတဲ့ အတ်ဒတ်ရဲ့ သားတော်နှစ်ပါးမရှိတော့တဲ့နောက် ထီးနန်းကို သူရမှာသေချာသလောက်ဖြစ်နေတဲ့အတွက် တရားခံကိုရစ်ချက်လို့ အယ်လီဇဘက်ရဲ့ အစေခံက ထင်ထားပါတယ်။ ဒါပေမဲ့ ဘာသက်သေမှမရှိခဲ့ပါဘူး။ ဒီတော့ အယ်လီဇဘက်ရဲ့အစေခံဟာ နန်းတော်ပြင်ပက သရဲတစ္ဆေတွေကို မြင်နိုင်တဲ့ စကားပြောနိုင်တဲ့ သူတစ်ယောက်အကြောင်း သဲ့သဲ့ကြားပြီး အဲဒီလူကို နန်းတော်ကိုခေါ်လာပြီး မင်းသားလေးတွေရဲ့ ဝိညာဉ်နဲ့ စကားပြောခိုင်းပြီး တရားခံဖော်ဖို့လုပ်တဲ့အခါမှာတော့..... သရဲကားလည်းဟုတ်သလို နန်းတွင်းကားလည်းဟုတ်သလို နှိပ်စက်ခန်းတွေလည်း မနည်းပါပါတယ်။ လိင်ဆက်ဆံခန်းတစ်ချို့လည်းပါတာကြောင့် မိသားစုနဲ့ ကြည့်လို့ အဆင်မပြေပါဘူး။ ရှေးခေတ်မှာ ဇာတ်အမ်တည်ထားလို့ ဆန်းပြားသလို ဇာတ်အိမ်ကလည်း အကွက်လေးတွေနဲ့ ကြည့်လှပါတယ်။ သရဲကားကြိုက်တဲ့ လူတွေအတွက်တော့ ကြည့်ကောင်းကြမှာပါ။ ( ဘာသာပြန်ပြီး အညွှန်းရေးသားထားသူကတော့ W ပါ ) File Size__(1.6GB) / (800MB) Quality__1080p, 720p IMDb Rating__5.1/10 Format__mp4 Duration__01:30:00 Type__History, Horror Subtitle__Myanmar Subtitle (Hardsub) Translated by W Encoded by Naing Aung Latt

High and Low ပရိသတ် တွေအားလုံးပဲ မင်္ဂလာပါခင်ဗျာ။ ဒီ High and Low:The Worst ဟာ High & Low movieတွဲတွေထဲမှာ (၆)ကားမြောက်ဖြစ်ပြီး timeline အားဖြင့် Final Mission အပြီး ခရူးယုဂိုဏ်းရှုံးနိမ့်သွားချိန်မှာ ဇာတ်အိမ်တည်ထားပါတယ်။ ဇာတ်ကြောင်းကို နည်းနည်း ပြောပြရရင် Final Mission အပြီးမှာ ခရူးယုဂိုဏ်း ၊သံသယဂိုဏ်းတို့နဲ့ အတူ ပျောက်ကွယ်သွားတဲ့ ရတ်ဒရမ်မူးယစ်ဆေးတွေဟာ SWORD ရဲ့ လမ်းမတွေပေါ်မှာ တစ်စတစ်စနဲ့ ပြန်ပေါ်လာပါတော့တယ်။ဆေးရောင်းချမှုတွေဟာ တဖြည်းဖြည်းနဲ့ ပမာဏများလာပြီး မူရာယာမတို့ရဲ့ အိုယာအထက်တန်းကျောင်းအထိ ပြန့်နှံ့ရောက်ရှိလာပါတယ်။အဲ့ဒီအချိန်မှာ အိုယာအထက်တန်းကျောင်းဂိုဏ်းမှာလည်း ပြဿနာတွေတက်နေပြီး ပုဂ္ဂိုလ်စွဲတွေနဲ့ ဂိုဏ်းခွဲတွေ အများကြီး ကွဲလာပါတော့တယ်။ ဒီလိုအတွင်းရေး ပြဿနာတွေကြားထဲမှာ အိုယာဂိုဏ်းသားတွေဟာ ရတ်ဒရမ်ပြဿနာကို ဘယ်လိုဖြေရှင်းကြမလဲ၊သူတို့ကြားထဲမှာရော ဘယ်လိုကိစ္စတွေကြောင့် ပြဿနာတွေတက်နေရတာလဲ၊အိုယာကျောင်းဂိုဏ်းမှာရော ဘယ်လိုအပြောင်းအလဲတွေ ဖြစ်လာမလဲဆိုတာတော့ ဒီဇာတ်ကားထဲမှာ ဆက်လက်ကြည့်ရှုရမှာပဲ ဖြစ်ပါတယ်။ ဒီဇာတ်ကားမှာ အရင် High & Low ဇာတ်ကားတွေထဲက မူရာယာမတို့ တိုဒိုရိုကီတို့လို ဇာတ်ကောင်အဟောင်းတွေလည်း ပြန်ပါပြီး ဇာတ်ကောင်အသစ်တွေနဲ့ ဇာတ်လမ်းအသစ်တွေကိုလည်း မြင်ရမှာမို့ High & Low ပရိတ်သတ်တွေအနေနဲ့ အလွမ်းလဲပြေရမှာ ဖြစ်သလို နောက်ဆက်မယ့် ဇာတ်ကားတွေအတွက်အချိတ်အဆက်တွေလည်း မြင်တွေ့ရပါလိမ့်မယ်။ ဒါကြောင့်မို့ အရင် High and Low ဇာတ်ကားတွေကို ကြိုက်နှစ်သက်တယ်ဆို ဒီ High and Low: The Worst ကိုလည်း ဆက်ဆက်ကြည့်ကြဖို့ တိုက်တွန်းချင်ပါတယ်ခင်ဗျ။ File size…2.34GB / 1.19GB Quality…Blu-Ray 1080p 5.1CH / 720p Format…mp4 Duration….2h 5m Genre ….. Action , Drama Subtitle….Myanmar Subtitle (Hard Sub) Encoder….Thit San Khant Translated by Damien

Just Remembering (2021) ~ IMDb – 6.9/10, MyDramaList – 7.5/10 ~ ဒီရုပ်ရှင်အစအဆုံးမှာ ထူးထူးခြားခြား ရက်စွဲတစ်ခုပဲ ပါမယ်။ ဒါပေမဲ့ အဲ့ဒီ့ရက်စွဲတစ်ခုတည်းကိုပဲ နှစ်တွေ နှစ်တွေချီလို့… လူ့ဘဝဆိုတာကိုက အမှတ်တရနဲ့ ယှဉ်တွဲနေထိုင်ခြင်းပါပဲ… “Just Remembering“ ‘ယို’ ဆိုတဲ့ အမျိုးသမီးတက္ကစီယာဉ်မောင်းတစ်ဦးနဲ့ စတိတ်စင်မီးထိုးရတဲ့ တဲရူအိုဆိုတဲ့ အကသမားဟောင်းတစ်ဦးရဲ့ ကြားက အမှတ်တရတွေ။ အမှတ်တရထဲ ထားခဲ့ပြီဆိုကတည်းကိုက သိသာပါတယ်။ ကြည်နူးစရာတွေလာမယ်၊ ပြီးရင် ကြေကွဲစရာတွေလာမယ်၊ ပြီးတော့ တသသဖြစ်မယ်ပေါ့။ ဒါပေမဲ့ ဒီကားက အဲဒီလိုမဟုတ်ခဲ့ဘူး။ “အမှတ်တရတွေကို ရုပ်ရှင်ကြည့်သလို နောက်ပြန်ရစ်ကြည့်ရင်း ရှက်ဖို့ကောင်းလွန်းလို့ ရှေ့ကို ပြန်ကျော်ပစ်ချင်လာတယ်” တဲ့။ အပေါ်မှာ ပြောခဲ့တဲ့ ရက်စွဲတစ်ခု (သူတို့၂ယောက်ကြားမှာ အမှတ်တရအဖြစ်ဆုံး နေ့တစ်ခု) ကိုပဲ နှစ်တွေ ပြန်ရစ်ကြည့်သလိုပုံစံမျိုးနဲ့ တွေ့ရမှာပါ။ လက်ရှိကာလရဲ့ အဲဒီရက်စွဲလေးမှာပဲ တစ်ယောက်ကိုတစ်ယောက် တစ်ဘက်လူမသိဘဲ မတော်တဆတွေ့မိလိုက်ကြရင်း အမှတ်တရ ရထားကြီး နောက်ပြန်ခုတ်မောင်းတော့တာပါပဲ။ ဒါပေမဲ့လည်း ကျန်ခဲ့တဲ့အမှတ်တရတွေဟာ ကိုယ်ပိုင်ဘဝတွေမှာတော့ သတိရမိရုံပါပဲ…။ (ဒီဇာတ်ကားနဲ့အညွှန်းကို Z မှ ပြန်ဆို ရေးသားထားပါတယ်) Size – 2.1GB, 900MB Quality – 1080p, 720p IMDb Rating – 6.9/10 Format – mp4 Duration – 1H 55Min Genre – Romance Subtitle – Myanmar Subtitle (Hardsub) Translated by Z Encoded by Y

ဇာတ်လမ်းအကျဉ်း အေးချမ်းပြီးပျော်ဖို့ကောင်းတဲ့မိသားစုတခုမှာ ဂျင်တေး ဂျင်ဆောက်ညီအကို၂ယောက်…. ညီအကို၂ယောက်ကတော့ ဒါရိုက်တာရင်နဲ့ထယ်ဆောက်လို့လူသိများတဲ့ နာမည်ကြီးမင်းသား နှစ်ယောက်ပဲဖြစ်ပါတယ်… သူတို့နှစ်ယောက်ရဲ့ သရုပ်ဆောင်ချက်တွေကြောင့်လည်း ဇာတ်ကားဟာ ပိုပြီးတော့ ရသမြောက်ခဲ့တယ်လို့ပဲဆိုရမှာပေ့ါ….. အဖေမရှိတော့ပေမယ့် သူတို့ကိုချစ်တဲ့စကားမပြောနိုင်တဲ့ အမေရယ် အကိုဂျင်တေးရဲ့စေ့စပ်ထားတဲ့မိန်းမရယ်သူ့မောင်လေး တွေနဲ့သူတို့မိသားစုကအတော်ကိုအေးချမ်းခဲ့တယ် ဖိနပ်ချုပ်ဖိနပ်တိုက်တဲ့အကိုဖြစ်သူကစာတော်ပြီးလိမ္မာရေးခြားရှိတဲ့ သူ့ညီကိုအတော်ကိုချစ်ခဲ့တယ်… ၁၉၅၀ခုနှစ် ကိုရီးယားစစ်ပွဲကသူတို့မိသားစုကို မမျှော်လင့်ထားတဲ့ ကံကြမ္မာဆိုးတွေသယ်လာပေးခဲ့တယ် အသက်၁၈နှစ်ကနေ၃၀ကြား ယောက်ျားအားလုံးစစ်မှုထမ်းရမယ်ဆိုတဲ့ အမိန့်အောက်မှာညီဖြစ်သူဂျင်တေးအစားလိုက်သွားဖို့တောင်းဆိုရင်းကနေ ညီအကို၂ယောက်စလုံး စစ်ပွဲထဲပါခဲ့တယ် စစ်ဖြစ်နေတဲ့ကာလမှာညီဖြစ်သူကိုအိမ်ပြန်နိုင်အောင်ဘယ်လိုကြိုးစားခဲ့လဲ… သူချစ်တဲ့သူ့ဇနီးလောင်း..သူ့မိခင်ကြီးတို့ဘယ်လိုရုန်းကန်ခဲ့ရသလဲ… ဖိနပ်ချုပ်နေရင်းနဲ့သူ့ညီစာသင်ပေးခဲ့တဲ့ ကောင်လေးတယောက်က မြောက်ကိုရီးယား တပ်ထဲအတင်းသွင်းခံရတဲ့အခါမှာ သူတို့ဘယ်လိုတွေရင်ဆိုင်ခဲ့ကြလဲ… စစ်ပွဲသရုပ်ပေါ်လွင်အောင်ရိုက်ထားတဲ့စစ်ကားဖြစ်သလို အချစ်အမုန်းရသစုံအောင်ဇာတ်အိမ်ဖွဲ့ထားတဲ့ဒီစစ်ကားလေးဟာလည်း အပစ်အခတ်အကြမ်းအတမ်းတွေကြားမှာ ဂရုဏာသက်စရာ သနားစရာ ဇာတ်ဝင်ခန်းတွေကို ရိုက်ပြသွားတဲ့ ရိုက်ကွက်တွေဟာဆိုရင် တကယ်ကိုပြောင်မြောက်လွန်းပါတယ် IMDb rating 8.0 ထိရထားပြီး အတော်လေးကိုကောင်းတဲ့စစ်ကားဖြစ်ကြောင်းညွှန်းပါရစေ မဖြစ်မနေကြည့်သင့်တဲ့စစ်ကားတကားဖြစ်တယ်လို့ပဲညွှန်းပါရစေ…

Bhoothnath Return (2014) ************************* ဒီဇာတ်ကားလေးကတော့ 2008က ထွက်ရှိထားတဲ့ Bhoothnathဆိုတဲ့ ဇာတ်ကားရဲ့ အဆက် Comedy/Drama အမျိုးအစား ဟင်ဒီဇာတ်ကားတစ်ကားဖြစ်ပြီး IMDb ratingကလည်း 6.6အထိ ရရှိထားပါတယ်။ Bhoothnath 2008ထဲမှာဆိုရင် ဘူးသ်နားသ်ဟာ ကလေးတစ်ယောက်ကို ခြောက်ပေမဲ့ အဲ့ကလေးက မကြောက်ခဲ့တာကြောင့် ကလေးတစ်ယောက်ကိုတောင် ကြောက်အော်မခြောက်နိုင်ဘူး ဆိုပြီး တခြားသရဲတွေက လှော်ပြောင်သရော်ကြပါလေရော။ အဲ့လိုနဲ့ သူ့ရဲ့ ဂုဏ်သိက္ခာကို ပြန်အဖတ်ဆယ်ဖို့ရာ ကမ္ဘာမြေကို ပြန်လည်ဆင်းသက်ပြီး သရဲအဖြစ် ပြန်လည် ခြောက်လှန့်ဖို့ ဆုံးဖြတ်လိုက်ပါသတဲ့။ ဒီလိုနဲ့ ကမ္ဘာမြေကို ရောက်လာပြီးတော့ အက္ကရူးသ် ဆိုတဲ့ ကောင်လေးကို ခြောက်လှန့်ခဲ့ပေမယ့် အက္ကရူးသ်ကမကြောက်ခဲ့ပဲ ဘူးသ်နားသ်နဲ့ သူငယ်‌ချင်းတောင်ဖြစ်သွားကြပြီး သရဲခြောက်ပါတယ်ဆိုပြီး နာမည်ကြီးတဲ့နေရာတွေမှာ ဆက်မခြောက်တော့အောင် နှစ်ယောက်သား လိုက်လံကူညီကြပြီး အခအကြေးငွေကြေးတွေလည်း ရလာပါတော့တယ်။ တစ်နေ့မှာတော့ ဘောင်းဝ်ဆိုတဲ့ နိုင်ငံရေးသမားတစ်ယောက်က သူ့ရဲ့ ဆောက်လက်စ အဆောက်အဦးတစ်ခုမှာ ရှိနေတဲ့ သရဲကို ရှင်းထုတ်ပေးနိုင်ရင် ရူပီ သိန်း၂၀ ပေးမယ်လို့ ကမ်းလှမ်းလာရာမှာတော့… ဘယ်လို အရှုပ်အထွေးတွေနဲ့ ဆက်လက် ကြုံတွေ့ကြရမလဲ… ဘူးသ်နားသ်တို့အဖွဲ့ သရဲကို ရှင်းထုတ်နိုင်မှာလား… ဘယ်လိုအခက်ခဲတွေနဲ့ ရင်ဆိုင်ကြရမလဲ… ဆိုတာတွေကိုတော့ဇာတ်ကားထဲမှာပဲ ကြည့်ရှုပေးကြပါလို့… ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood)

ဒါရိုက်တာ Stefan Colson ရိုက်ကူးထားတဲ့ ဒီဇာတ်ကားလေးဟာ သဘာဝလွန်အက်ရှင် ကောင်းဘွိုင်ဇာတ်ကားမျိုးဖြစ်ပြီးတော့ အဓိကသရုပ်ဆောင်တွေအဖြစ် Owen Williams, Trent Culkin, Griffin Wade တို့က ပါဝင်သရုပ်ဆောင်ပေးထားပါတယ်။ Texas ပြည်နယ် Red Ridge မြို့လေးမှာ ဇာတ်အိမ်တည်ထား ပြီးတော့ ဇာတ်လမ်းအကျဉ်းကို ပြောပြရမယ်ဆိုရင် မြို့ရဲ့ရဲမှူးဟာ ဝရမ်းပြေးအုပ်စုတစ်စုနဲ့ပတ်သတ်နေတဲ့ သူစိမ်းတစ်ယောက်ကို ဖမ်းမိသွားခဲ့ပါတယ်။ အဲဒီအုပ်စုသတ်တာကိုခံခဲ့ရတဲ့ဝိညာဉ်တွေက ရဲမှူးဆီကိုရောက်လာပြီးတော့ သူတို့အတွက် လက်စားချေပေးဖို့ ပြောရင်း အဖမ်းခံလိုက်ရတဲ့သူနဲ့ပူးပေါင်းကာ ဝိညာဉ်တွေအတွက် တရားမျှတအောင်လုပ်ပေးပုံကို ကြည့်ရှုကြရမှာပါ။ ဂန္တဝင် အနောက်တိုင်းကောင်းဘွိုင်အငွေ့အသက်တွေကို ခြောက်ခြားဖွယ် Story နဲ့ ပေါင်းစပ်ထားပြီးတော့ ထူးခြားတဲ့ ရသတစ်ခုကိုပေးစွမ်းနိုင်တဲ့ ဇာတ်ကားတစ်ကားဖြစ်ပါတယ်။ File size… (1.20GB) / (673MB ) Quality… WEB-DL 1080p HEVC / 720p Format…mkv / mp4 Duration….1h 21m Genre …..Action , Westrn Subtitle….Myanmar Subtitle (Hard Sub) Encoder….Min Wai Translated by Austin

American Pie ဇာတ်ကားတွေဆိုတာနဲ့ အူတက်အောင် ရယ်နေရတဲ့ ကျောင်းသားဟာသ အခွီကားတွေမှန်း သိကြမှာပါ။ ဒါပေမယ့် အဲ့လိုဟာသက်သက် အပြောင်အပျက်ဇာတ်ကားတွေမဟုတ်ဘဲ သူ့မှာ တခြားအဓိပ္ပါယ်ရှိတဲ့ ချစ်ခြင်းမေတ္တာ နွေးထွေးမှုတွေအကြောင်း အများကြီးပါဝင်နေပါတယ်။ ဒါကို ရှင်းပြဖို့ဆို American Pie ဇာတ်ကားတွေကို အပိုင်း (၂)ပိုင်းနဲ့ ရှင်းပြဖို့လိုပါတယ်။ American Pie ရဲ့ Original မူလဇာတ်ကြောင်းက ဇာတ်ကား (၄) ကားပဲရှိတယ်။ – American Pie (1999) – American Pie 2 (2001) – American Wedding (2003) – American Reunion (2012) ဒီရုပ်ရှင်ကား ၄ ကားသာလျင် သရုပ်ဆောင်တွေရော ဇာတ်လမ်းရောက တဆက်တည်းဖြစ်ပါတယ်။ လူငယ်သဘာဝ လူပျိုဖော်ဝင်စ အပျိုဖော်ဝင်စ ပြသနာတွေနဲ့ ကျောင်းသားဟာသတွေကို အစပြုထားပြီးတော့ သူငယ်ချင်းတွေကြားက ခင်မင်မှုတွေ၊ ချစ်သူတွေကြားက ကြင်နာယုယမှုတွေ၊ မိသားစုတွေကြားက နွေးထွေးတဲ့မေတ္တာတွေကို အဓိကထားတင်ဆက်ထားတာမလို့ ရယ်လဲရယ်နေရသလို နွေးထွေးတဲ့ ချစ်ခြင်းမေတ္တာတွေအကြောင်းကိုလဲ ခံစားမိစေမှာပါ။ ဒီရုပ်ရှင်ကား ၄ ကားစလုံးရဲ့ ကုန်ကျစရိတ်က Budget $147 million ခန့်သာရှိခဲ့ပေမယ့် ရုံတင်ဝင်ငွေ Box office $989.5 million ပြန်ရတဲ့ထိ အောင်မြင်ခဲ့ပြီး Rating တွေလဲ ထိုက်သင့်သလောက်ကောင်းမွန်ခဲ့သလို ဝေဖန်ရေးဆရာတွေလဲ အကြိုက်တွေ့ခဲ့ကြတဲ့ ဇာတ်ကားတွေဖြစ်ပါတယ်။ နောက်တပိုင်းကတော့ American Pie ရဲ့ Spin-off ဇာတ်ကားတွေဖြစ်တဲ့ American Pie Presents ဇာတ်ကားတွေပါ။ – American Pie Presents: Band Camp (2005) – American Pie Presents: The Naked Mile (2006) – American Pie Presents: Beta House (2007) – American Pie Presents: The Book of Love (2009) – American Pie Presents: Girls’ Rules (2020) ဒီ American Pie Presents ဇာတ်ကားတွေကတော့ ဇာတ်လမ်းတွေ ဆက်စပ်မှုသိပ်မရှိတော့ဘဲ ဆယ်ကျော်သက် ပါတီတွေ၊ နောက်ပြောင်မှုတွေ၊ လိင်မှုဆိုင်ရာ ဟာသတွေကိုသာ အသားပေး တင်ဆက်ထားပါတယ်။ မူလဇာတ်ကြောင်းထဲက Jim ရဲ့ အဖေဖြစ်သူနဲ့ Stifler ရဲ့မိသားစုကိုသာ အခြေခံထားပြီး Stifler ရဲ့ညီဝမ်းကွဲတွေက အဓိကဇာတ်ကောင်အဖြစ်ပါဝင်သွားပါတယ်။ ဒီ American Pie Presents ဇာတ်ကားတွေကတော့ direct-to-video(DVD)လိုအဖြစ်သာ ရိုက်ကူးထားတာဖြစ်လို့ Rating တွေလဲ သိပ်မကောင်းခဲ့ဘဲ ကျောင်းသားဟာသဇာတ်ကားတွေအဖြစ်သာ ကြည့်ရှုကြရမှာဖြစ်ပါတယ်။ +++++++++++++++ American Pie 2 (2001) IMDb Rating (6.4) ကဲ American Pie (1999) အပြီးမှာတော့ အဆက်အနေနဲ့ ဆက်ထွက်ထားတဲ့ American Pie 2 (2001) လာပါပြီ။ ရှေ့ကားက ဇာတ်ကောင်တွေဖြစ်ကြတဲ့ မင်းသား Jason Biggs, Seann William Scott, Chris Klein, Thomas Ian Nicholas နဲ့ Eddie Kaye Thomas တို့အုပ်စုပဲ အဓိကပါဝင်ထားပြီး ပထမဇာတ်ကားရဲ့နောက်ဆုံးခန်းမှာ ဆုတောင်းခဲ့ကြတဲ့ သူတို့ရဲ့ နောက်တဆင့်ခြေလှမ်းတွေအကြောင်းပေါ့။ ဒီခါတော့ Jim တို့ Stifler တို့အုပ်စု အထက်တန်းကျောင်းပြီးလို့ ကောလိပ်တွေရောက်နေကြပြီး နွေရာသီကျောင်းပိတ်ရက်မှာ ကောလိပ်ကနေ မွေးရပ်မြို့ကိုပြန်လာကြပါတယ်။ ဒီတော့ တယောက်တကျောင်းစီတက်နေရလို့ မတွေ့ရတာကြာပြီဖြစ်တဲ့ သူတို့သူငယ်ချင်းတွေ ပါတီလုပ်ပြီး အမုန်းကဲကြဖို့ ကမ်းခြေက အိမ်တစ်လုံးကိုငှားဖို့ စီစဉ်ကြပါတော့တယ်…. ထုံးစံအတိုင်း လုပ်လိုက်တိုင်း လွဲနေကျ Jim တို့အုပ်စုကြီးနဲ့ ဘာမှဂရုမစိုက်ဘဲ နင်းကန်ချတတ်တဲ့ စတစ်ဖလာတို့ဘော်ဒါတွေ ဘာတွေအလွဲလွဲအချော်ချော်တွေနဲ့ ပျော်ကြ ခွီကြရဦးမလဲဆိုတာ……….။ ဘာဆင်ဆာမှမဖြတ်ထားတဲ့ Unrated Version ကို တင်ဆက်ထားပြီး CM အနေနဲ့ မြန်မာစာတန်းထိုးကိုလဲ ယခင်ကထက်ပိုမိုကောင်းမွန်အောင် ပြင်ဆင်ပေးထားပါတယ်။ (American Pie ဇာတ်ကားတွေက အဖော်အချွတ်ခန်းတွေနဲ့ အပြောအဆိုတချို့ကြောင့် R-Rated အဆင့်ဖြစ်ပြီး မိသားစုနဲ့ကြည့်လို့မရပါဘူး။)

M (1931) ~ IMDb – 8.3/10, Rotten Tomatoes – 100% ~ M သာမရှိခဲ့ရင် Psycho တို့ Silence of the Lambs တို့ Se7en တို့ဟာ အခုလက်ရှိ ရှိရင်းစွဲအတိုင်း ပြည့်စုံမှာမဟုတ်ဘူးလို့ ဆိုကြတယ်။ M ရဲ့ ဒါရိုက်တာဖြစ်တဲ့ ဂျာမန်ဒါရိုက်တာ Fritz Lang ဟာ ဒီဘက်ကာလတွေရဲ့ Sci-fi တွေအကုန်လုံးကို လွှမ်းမိုးမှုကြီးခဲ့တဲ့ Metropolis (1927) ကိုရိုက်ခဲ့တဲ့သူလည်းဟုတ်သလို M ကလည်း Crime Drama Thriller တွေကို လွှမ်းမိုးမှုကြီးခဲ့တော့ အသံတိတ်ခေတ်ကတည်းက ဒါရိုက်တာဖြစ်ခဲ့တဲ့ Lang ရဲ့ တင်ဆက်ပြသနိုင်စွမ်းဟာ အံ့ဩဖို့ကောင်းတယ်ပြောရမယ်။ Lang ရဲ့ ရုပ်ရှင်ဒါရိုက်တာသက်တမ်းတစ်လျှောက်မှာ အကောင်းဆုံးလို့ပြောကြတဲ့ကားတွေ အပြည့်ရိုက်ခဲ့ပေမဲ့ Lang ကတော့ အဲဒီထဲ M က အသေသပ်ဆုံးလို့ ပြောခဲ့ဖူးတယ်။ မြို့တစ်မြို့က ကလေးတွေဟာ တစ်ယောက်ပြီးတစ်ယောက် ပျောက်ခြင်းမလှပျောက်ပြီး အသတ်ခံနေရတယ်။ မိဘတွေကလည်း သူတို့သားသမီးတွေကို ကျီးလန့်စာစား‌ စောင့်ကြည့်နေရတယ်။ ဒီပြဿနာက ဘယ်လောက်ထိကြီးလာလဲဆို နိုင်ငံတော်အတွင်းရေးမှူးက ရဲမင်းကြီးကို ဖုန်းဆက် ကြိမ်းရတဲ့အထိ ပြဿနာကြီးလာခဲ့တယ်။ ရဲတွေကလည်း မသင်္ကာတဲ့နေရာအကုန် လူတိုင်းရဲ့အိမ်မကျန် လိုက်ရှာခဲ့သလို ပြည်သူတွေကလည်း လမ်းပေါ် မသင်္ကာတဲ့လူတွေ့ပြီဆိုတာနဲ့ ဖမ်းပြီး ရဲလက်အပ်ကြတယ်။ နောက်ဆုံးလူဆိုးတွေကပါ ရဲတွေ ပတ္တရောင်ညတိုင်းလှည့် ဟိုတယ်တွေပါ လိုက်စစ်နေတာက သူတို့စီးပွားရေးကို ထိခိုက်လာလို့ လူဆိုးတွေကပါ အဲဒီကိုလူဆိုးကောင်ကို ဖမ်းဖို့လုပ်ခဲ့ကြတယ်။ တစ်မြို့လုံးကလူတွေအကုန် ပိုက်စိတ်တိုက်ရှာနေတဲ့ ဒီလူဟာ သူတို့ထဲက သာမန်လူတစ်ယောက်ပဲဖြစ်နေတဲ့အခါ ပင်လယ်ထဲရောနေတဲ့ ရေချိုကို ပြန်ရှာနေရသလို ဖြစ်နေတော့ တရားခံကို မတွေ့နိုင်ဖြစ်နေခဲ့တယ်။ ဒါကို Lang က ကိုနင်ဒွိုင်းရဲ့ လွှမ်းမိုးမှု နည်းနည်းပါတယ်ထင်ရတဲ့ Elements တွေသုံးပြီး ပုံဖော်သွားတယ်။ တရားခံကို မတွေ့ခင်မှာလည်း ဇာတ်က တော်တော်စိတ်ဝင်စားစရာကောင်းခဲ့သလို တရားခံကိုတွေ့ပုံကနေ တရားခံရဲ့ တုံ့ပြန်မှုတွေအထိ အရာရာပြည့်စုံနေတဲ့ Crime Thriller မာစတာပိစ်လို့ပြောလို့ရတယ်။ M က ကျွန်တော့်ကို ကောင်းကောင်းကြီးအမြင်ကျယ်စေခဲ့တာကတော့ အနုပညာကစလို့ သိပ္ပံပညာအထိ ဒီလောကကြီးမှာ ဘာတစ်ခုမှအသစ်မရှိဘူးဆိုတာ အတိုင်းအတာတော်တော်ဝေးဝေးထိတော့ မှန်ကောင်းမှန်နေတယ်ဆိုတာပါပဲ။ Thriller လိုင်းဘက်က ပုံမှန်ရုပ်ရှင်တွေကနေ ကွဲပြားတယ် သစ်တယ်လို့ တချို့ရုပ်ရှင်တွေမှာ ကျွန်တော်တို့တွေ့ခဲ့ရတဲ့ တက္ကနစ်တွေကို M မှာ မြင်နေရတယ်။ ယုတ်စွအဆုံး ခရိုရှိကူရိုဆာဝါရဲ့ ဒီနှစ်ထွက်တဲ့ Chime လိုမျိုး ခိရိုရှိအတွက် အမြင့်ဆုံးအဆင့်ဖြစ်သွားတယ်လို့ ကျွန်တော်မြင်တဲ့ Thriller တင်ဆက်ပုံမျိုးတောင် M ရဲ့ ဇာတ်လမ်းထဲမှာ ခိုတွဲနေတယ်။ ဘာတစ်ခုမှ အသစ်မရှိတဲ့ကမ္ဘာကြီးမှာ ဖန်တီးမှုအတွက် အခရာအကျဆုံးက ရိုးသားမှုဖြစ်ကောင်းဖြစ်နိုင်တယ်။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 1.9GB, 865MB Quality – BluRay 1080p, 720p IMDb Rating – 8.3/10 Format – mp4 Duration – 1H 39Min Genre – Crime, Mystery, Thriller Subtitle – Myanmar Subtitle (Hardsub) Translated by WiRa Aung Encoded by Y

Santa Tell Me” (2024) ကတော့ အတွင်းပိုင်းဒီဇိုင်နာ Olivia အဖြစ် Erin Krakow သရုပ်ဆောင်ထားတဲ့ ခရစ္စမတ်ရုပ်ရှင်ဖြစ်ပါတယ်။ သူအချစ်စစ်အမည်ကတော့ Nick ဖြစ်ပါတယ်လို့ Santa ထံမှ စာတစ်စောင်ရလာတယ်။ Daniel Lissing အဖြစ် သရုပ်ဆောင်ထားတဲ့ ထုတ်လုပ်သူ Chris နှင့် home makeover ရှိုးတစ်ခုတွင် အလုပ်လုပ်ရင်း မတူညီတဲ့ Nicks သုံးဦးနှင့် ချိန်းတွေ့ခဲ့တယ်။ သူရဲ့ ချိန်းတွေ့မှုတွေက မှားယွင်းလာတာနှင့်အမျှ သူ Chris ကို နှစ်သက်လာပါတယ်။ ဝေဖန်ရေးဆရာတွေက ရုပ်ရှင်ကို ရယ်စရာကောင်းတဲ့ ဇာတ်လမ်းနဲ့ သရုပ်ဆောင်ချက်ကောင်းတွေကြောင့် နှစ်သက်ကြပါတယ်။ Fangirlish က “twists, turns, drama, and romance ပါတယ်လို့ပြောပါတယ် Dan Kolbet က ဇာတ်ကားကို 8/10 ပေးပြီး “တကယ်ကောင်းတယ်” လို့ ခေါ်ပါတယ်။ Marvelous Geeks Media က “outstanding” နှင့် “effortless” ဖြစ်တယ်လို့ဆိုပါတယ်။ ပျော်စရာကောင်းပြီး ကြည်နူးစရာကောင်းတဲ့ ခရစ္စမတ်ရုပ်ရှင်ပါ။ File size…(1.4 GB)/(827 MB) Quality….Webrip HEVC 1080p / 720p Format…mp4/ mkv Duration….01:48:00 Genre…Romance, Comedy Subtitle….Myanmar Subtitle (Hardsub) Encoder….Swan Min Htet Translated by Banyar Aung

The Woman in the Yard (2025) IMDb Rating (5.5) / Rotten Tomatoes (42%) ယောက်ျားဖြစ်သူ ဒေးဗစ် ကားမှောက်မှုမှာ သေဆုံးသွားပြီး တေလာအန်နီ ဆိုတဲ့ ကလေး ၂ ယောက်နဲ့ ကျန်ခဲ့တဲ့ ရိုမိုနာတို့ မိသားစုအကြောင်းပါ။ ကားအက်ဆီးဒင့်မှာ ခင်ပွန်းဒေးဗစ်ကိုဆုံးရှုံးလိုက်ရသလို သူကိုယ်တိုင်လည်း ခြေထောက်တစ်ဖက်ဒဏ်ရာရသွားပါတယ်။ ဇာတ်လမ်းစတာကတော့ သူ့ခင်ပွန်းဆုံးအပြီး ၁ ပတ်အကြာမှာပေါ့… သူတို့မိသားစုနေတဲ့အိမ်က စိုက်ခင်းတွေဘေးက လယ်တောအိမ် ဘေးမှာအိမ်နီးချင်းရယ်လို့မရှိ အိမ်ထောင်ဦးစီးခင်ပွန်းပါဆုံးသွားတော့ အိမ်က ပိုပြီးခြောက်ကပ်နေတယ်.. တစ်နေ့ သူတို့အိမ်က မီးပါပျက်သွားလို့ မိသားစု ၃ ယောက်ဒုက္ခပင်လယ်တွေဝေနေတယ်.. ဒီလိုနဲ့ တစ်မနက်မှာ နာရေးတွေမှာဝတ်တဲ့အမည်းရောင်ဝတ်စုံကြီးနဲ့အမျိုးသမီး တစ်ဦးမျက်နှာကိုအုပ်ပြီး သူတို့ခြံထဲမှာရောက်နေတယ်.. သူက တစ်ရက်လုံးဘယ်မှာမသွားဘဲထိုင်နေတဲ့အတွက် ရိုမိုနာတို့ သားမိ ၃ ယောက်အတွက်ပိုပြီးကျောချမ်းစရာဖြစ်လာတယ်.. နောက်တစ်နေ့ရောက်တော့ ဒီအမျိုးသမီးဟာ ခြံထဲကနေ အိမ်နဲ့ပိုပိုပြီးနီးကပ်လာတဲ့အခါ.. သူဟာ ဘယ်သူလဲ ဘယ်လိုကြောင့် ခြံထဲမှာရုတ်တရက်ကြီးပေါ်လာတာလဲဆိုတာကို မေးခွန်းပေါင်းများစွာနဲ့ ကျောချမ်းစွာကြည့်ရမယ့် Horror , Thriller ကားကောင်းလေးဖြစ်ပါတယ်။ (အညွှန်းနဲ့ဘာသာပြန်ကတော့ Thiha Yan Naing ဖြစ်ပါတယ်။) File size… (2.1 GB) / ( 760 MB) / (500 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama, Horror, Thriller Duration…. 01:28:08 Subtitle….Myanmar Subtitle (Hardsub) Encoder….Benjamin Translated by Thiha Yan Naing

ဒီကားကိုတော့ ဒါရိုက်တာ Sophie Osbourne ရိုက်ကူး ထားပြီး Becca Hirani, Louis James , Stephanie Lodge တို့က အဓိက ပါဝင်သရုပ်ဆောင်ထားပါတယ်။ ဒီကားကတော့ မိသားစုဇာတ်လမ်း အမျိုးအစားဖြစ်ပြီး ဗွိုင်းအိုးလက်ဆိုတဲ့ ကောင်မလေးအကြောင်း ရိုက်ကူး ထားတာပါ။ ဗွိုင်းအိုးလက်ဟာ အဖေနဲ့ အမေ မတော်တဆမှုကြောင့် သေဆုံးပြီးနောက်မှာ ဦးလေးဖြစ်သူ ပီတာရဲ့ မိသားစုနဲ့ အတူနေဖို့အတွက် ရွာလေးတစ်ရွာကို ရောက်လာခဲ့ပါတယ်။ စိတ်ထိခိုက်နေတဲ့ ဗွိုင်းအိုးလက်ဟာ စကားလည်း မပြောတော့သလို မိသားစုအသစ်နဲ့ အသားကျဖို့လဲ ခက်ခဲနေခဲ့ပါတယ်။ ဒီလိုနဲ့ စိတ်ပြေလက်ပျောက် တောအုပ်ထဲကို လျှောက် သွားရင်းကနေ ယူနီကွန်းတစ်ကောင်ကို တွေ့လိုက်ရပါတယ်။ ဝမ်းကွဲတွေဖြစ်တဲ့ နိုအာနဲ့ လီလီတို့ပါ ယူနီကွန်းအကြောင်း သိသွားတဲ့နောက် ကလေးသုံးယောက်က လျှို့ဝှက်ချက် အဖြစ် ထားခဲ့ကြပါတယ်။ ဒါပေမယ့် တစ်နေ့မှာ တောအုပ်ကို ဝယ်ပြီး ဖျက်ဆီးမယ့်သူ ပေါ်လာတဲ့အခါ ကလေးသုံးယောက်က တောအုပ်ကို ကာကွယ်ပြီး ယူနီကွန်းကို ကွယ်ဝှက်ပေးထားဖို့ ဖြစ်လာပါတယ်။ ဒီလိုနဲ့ သူတို့ကြိုးပမ်းမှုမှာ မိဘတွေပါ ပါဝင်လာတဲ့အခါ….. တစ်ဖက်လူရဲ့ ဖိအားနဲ့ ခြိမ်းခြောက်မှုတွေကြားမှာ သူတို့ တောအုပ်နဲ့ ယူနီကွန်းကို တကယ်ပဲ ကာကွယ်နိုင်သွားမှာ လားဆိုတာကို ဒီဇာတ်ကားလေးထဲ ခံစားကြည့်ရှုရမှာပါ။ File size… (1.22 GB) / (717 MB) Quality… WEB-DL 1080p HEVC / 720p Format…mkv / mp4 Duration….1h 22m Genre …..Family Subtitle….Myanmar Subtitle (Hard Sub) Encoder….Min Wai Translated by K

A Troll in Central Park 1994 ဒီဇာတ်လမ်းလေးကတော့ Stanley ဆိုတဲ့မှင်စာလေးကို အခြေခံထားပြီးပုံဖော်ထားပါတယ်။ Stanley ဟာမှင်စာဖြစ်ပေမယ့် စိတ်ရင်းနှလုံးကောင်းမွန်ပြီး နူးညံ့တဲ့ဗီဇရှိတဲ့အမျိုးဖြစ်ပါတယ်။ သူ့မှာပန်းပင်လေးတွေကိုဖန်တီးနိုင်တဲ့ မှော်ဆန်တဲ့အစိမ်းရောင်လက်မလေးကိုပိုင်ဆိုင်ထားတယ်။ စိတ်မကောင်းစရာတစ်ခုကတော့ မှင်စာတို့ရဲ့ကမ္ဘာမှာ ဒီလိုကြင်နာမှုတွေ၊ လှပမှုတွေကိုအလိုမရှိကြပါဘူး။ ဆိုတော့ Stanley ကပန်းလေးတွေကိုသူ့ရဲ့နေရာလေးမှာပဲ ဘယ်သူမှမမြင်အောင်ဖုံးကွယ်ပြီးစိုက်ပျိုးထားရတာပါ။ ဒီလိုနဲ့တစ်ရက်မှာတော့ပန်းပွင့်ကြီးတစ်ခုကိုဖန်တီးမိလိုက်ပြီး ဘုရင်မကြီးဆီ Stanley ရဲ့သတင်းကရောက်ရှိသွားပါတယ်။ Stanley ပြည်နှင်ဒဏ်ပေးခံလိုက်ရပါတယ်။ ဒါပေမယ့်ဘုရင်မကြီးကတော့သူ့ကို လုပ်ထုံးလုပ်နည်းအရကျောက်တုံးအဖြစ်ပြောင်းပစ်ချင်နေတာပါ။ Central Park မှာ Stanley က Gus တို့မောင်နှမနှစ်ယောက်နဲ့ဆုံပြီး ပျော်ရွှင်နေတာကို ဘုရင်မကြီးကတွေ့တော့ သူ့ရဲ့ဒေါသတွေပိုပြီးကြီးထွားလာပါတယ်။ ဆိုတော့ Stanley ဘုရင်မကြီးရဲ့ဒေါသကနေဘယ်လိုလွတ်မြောက်အောင်လုပ်မလဲ၊ ဘယ်လိုအခက်အခဲ အတားအဆီးတွေကိုကျော်ဖြတ်ရမလဲဆိုတာကို ဒီဇာတ်လမ်းလေးမှာကြည့်ရှုရမှာဖြစ်ပါတယ်။ IMDB မှာလည်း 5.3ထိရရှိထားပြီးတော့ ဒီထဲက Soundtrack ဟာဆိုရင်လည်း ပရိသတ်တွေရဲ့ရင်ထဲမှာနေရာတစ်ခုရရှိခဲ့ပါတယ်။ ကလေးတွေအပြင် Animation ကြိုက်နှစ်သက်တဲ့လူတွေအတွက် အကြိုက်တွေ့စေမယ့်ဇာတ်ကားကောင်းလေးတစ်ခုပါ။ File size… 1.8 GB / 830MB Quality… BluRay 1080p / 720p Format… mp4 Audio… AAC Duration…. 1h 16m Genre ….. Family/Musical Subtitle…. Myanmar Subtitle (Hard Sub) Encoder…. Thit San Khant Translated… by edrikk

Detektif Jaga Jarak (2024) IMDb Rating (9.2) ကိုဗစ်ကာလအတွင်း အလုပ်လက်မဲ့ဖြစ်သွားသော အယ်လ်မွန်တစ်ယောက် အခန်းငှားခမပေးနိုင်၍ အိမ်ပေါ်ကနေဆင်းခဲ့ရပါတယ်။ ရည်စားဖြစ်သူကောင်မလေးကလည်း အိမ်ကနေ ယောက်ျားအတင်းပေးစားနေပြီဖြစ်သည့်အတွင်း အချိန်သုံးလအတွင်း တောင်းရမ်းလက်ထပ်ရန် ဖြစ်လာပါတော့တယ်။ ရည်းစားလေးအားအရမ်းချစ်ပြီး လက်လွတ်အဆုံးရှုံးမခံနိုင်တယ့်အတွက် သုံးလအတွင်း မိန်းမတင်တောင်းရန် ပိုက်ဆံရှာရပါတော့မည်။ ဒီလိုအခြေအနေတွေကပဲ သူ့ကို စုံထောက်တစ်ယောက်ဖြစ်ဖို့ တွန်းအားပေးခဲ့ပါတယ်။ သူ့အနေနဲ့ ဘယ်လိုစုံထောက်မျိုးလုပ်မှာလဲ၊ ဒီအချိန်သုံးလအတွင်းမှာ လိုအပ်တဲ့ငွေကြေးကို ရှာဖွေနိုင်ပါ့မလား။ ဇာတ်အိမ်ဇာတ်လမ်းအခိုင်အမာနဲ့ကြည့်ရမယ့် Comedy Drama အင်ဒိုနီးရှား ဇာတ်ကားလေးဖြစ်ပါတယ်။ စုံထောက်ကားဖြစ်သည့်အတွက်လည်း plot twist တွေအများကြီးပါတယ့် ကားလေးဖြစ်ပါတယ်။ IMDb ကလည်း 9.2/10 ရထားတာမလို့ ကြည့်ပျော်တဲ့ကားလေးဖြစ်မှာပါ။ (အညွှန်းနဲ့ဘာသာပြန်ကတော့ ZMT ဖြစ်ပါတယ်။) File size…(1.7 GB) / (730 MB) Quality….WEB-DL 1080p HEVC / 720p Format…. mkv/mp4 Genre….Comedy,Drama Duration….01:12:15 Subtitle….Myanmar Subtitle (Hardsub) Encoder….Double K Translated by ZMT