Space Pups (2023) Space Pups သို့မဟုတ် အာကာသထဲက ခွေးလေးတွေပေါ့။ Space Pups ဆိုတဲ့ နာမည်နဲ့ ကာတွန်းကားတွေ ကာတွန်းဇာတ်လမ်းတွဲတွေ ထွက်ဖူးပါတယ်။ ဒီရုပ်ရှင်ဟာဆိုရင်လည်း အဲနာမည်နဲ့ပဲ ထွက်လာတဲ့ Live action ပါပဲ။ IMDb - 6.3 ရရှိထားတာမို့ ဒီရုပ်ရှင်ဟာဆိုရင် မိသားစုနဲ့အတူတူ ပေါ့ပေါ့ပါးပါး ကြည့်သင့်တဲ့ ဇာတ်လမ်းမျိုးပါပဲ။ တစ်ခေတ်တစ်ခါက ခေတ်စားခဲ့ဖူးတဲ့ မိသားစုအသားပေး စွန့်စားခန်းရုပ်ရှင်အလွမ်းပြေ ကြည့်ရှု့နိုင်မှာပဲဖြစ်ပါတယ်။ ဇာတ်လမ်းအကျဉ်းကတော့ အာစီ၊ အေ့စ်နဲ့ ဟက်စ်တို့ဟာ အာကာသတွင်းမှာ ခရီးသွားလာနေတဲ့ ဂြိုဟ်သားတွေပါ။ သူတို့ ခရီးသွားရင်း ဥက္ကာပျံလမ်းကြောင်းထဲဝင်သွားခဲ့လို့ ယာဉ်လည်း ထိခိုက်သွားခဲ့ပြီး ကမ္ဘာပေါ်ကို အရေးပေါ် ဆင်းသက်လိုက်ရပါတယ်။ ဆင်းသက်လာတဲ့ လမ်းကြောင်းမှာ အစိတ်အပိုင်းတွေ ပြုတ်ကျကျန်နေခဲ့ပါတယ်။ အာစီတို့လည်း အဆိုပါအစိတ်အပိုင်းတွေကို ပြန်ရှာဖို့အတွက် ခွေးလေးတွေအနေနဲ့ ရုပ်ဖျက်လိုက်ပါတော့တယ်။ သူတို့ ဆင်းသက်လိုက်တဲ့နေရာမှာတော့ မြို့ကနေ နွေရာသီကျောင်းပိတ်ရက်မို့ တောမြို့လေးမှာ လာနေနေတဲ့ မိသားစုတစ်စုရှိနေပါတယ်။ အဲဒီမိသားစုက သားဖြစ်သူ ဆမ်နဲ့ သမီးလေး ကက်စီတို့ဟာ ခွေးအဖြစ် ရုပ်ဖျက်ထားတဲ့ အာစီတို့နဲ့တွေ့ပြီး အစိတ်အပိုင်းတွေကို လိုက်ရှာဖို့ ကူညီပေးရင်း စွန့်စားခန်းထွက်ကြပါတော့တယ်..... မိသားစုရုပ်ရှင်ဖြစ်တာမို့ ဇာတ်လမ်းဇာတ်ကွက်တွေ၊ တင်ဆက်ပုံတွေ အများကြီးမျှော်လင့်မထားဘဲ ပေါ့ပေါ့ပါးပါးပဲ ကြည့်လိုက်ပါ။ Low budget ဖြစ်တာမို့ တစ်ချို့ဂြိုဟ်သားအခန်းတွေမှာ အရမ်းသိသာနေတာမျိုးရှိပါတယ်။ ဒါပေမယ့် သားသမီးတွေနဲ့အတူ ကြည့်ရှု့လို့ကောင်းမယ့် မိသားစုကားတစ်ကားပါပဲ။ အညွှန်း နဲ့ ဘာသာပြန်ကတော့ Leonard Lin ပဲ ဖြစ်ပါတယ်။ Genre..... Adventure, Family, Sci-fi Quality…. 1080p | 720p | 480p File size… 1.5GB | 732MB | 353MB Format… mp4 Duration…. 1h 36min Subtitle…. Myanmar Subtitle (Hardsub) Translator ..... Leonard Lin Encoder ..... Aaron

မိန်းမလည်သိန်းကြွယ် ဆိုတဲ့စကားပုံတစ်ခု မြန်မာစကားမှာရှိပါတယ်။ မိန်းမတွေလည်လာတဲ့အခါ ကောင်းတဲ့ဘက်မှာအရမ်းထူးချွန်ထက်မြက်ကြသလို ဆိုးတဲ့ဘက်မှာဆိုရင်လည်း တစ်ဖက်ကမ်းခတ်ယုတ်မာကောက်ကျစ်တဲ့သဘောကို ဖော်ပြတဲ့စကားပုံပါ။ အခုဇာတ်ကားလေးကိုကြည့်မိရင် ဒီစကားပုံကိုသွားအမှတ်ရမိမှာပါ။ လူ့သဘာဝအရ ထောင်ကျရင် ဆိုးမိုက်လို့လို့ ယေဘုယျသတ်မှတ်လို့ရပေမယ့် အချို့ကျတော့လည်း မှားယွင်းစွပ်စွဲခံရတတ်တာမျိုးလည်းရှိပါတယ်။ ဒီသဘောသဘာဝကြောင့် ထောင်တွင်းရောက်နေတဲ့ အကျဥ်းသားအချင်းချင်းတောင် မှားယွင်းယုံစားမိတာမျိုး၊ အခွင့်အရေးယူအသုံးချခံရတာမျိုး၊ လှည့်စားခံရတာမျိုးတတ်ရှိပါတယ်။ ဒီသဘောသဘာဝကို အခွင့်ကောင်းယူပြီး ကိုယ့်ပြစ်မှုအတွက်ပြစ်ဒဏ်သက်သာအောင် ကလိမ်တိငြမ်းစင် အကျဥ်းသားအချင်းချင်းလှည့်စားပြီး နှစ်ကျပ်ကွက်နင်းတဲ့အဖြစ်ကို ရိုက်ပြထားတဲ့ ၂၀၂၃ ခုနှစ်ထွက် crime- thriller ဇာတ်ကားလေးတစ်ကားနဲ့ မိတ်ဆက်ပေးချင်ပါတယ်။ ဇာတ်လမ်းအကျဥ်းကတော့ ဒိုနာဗန်ဘယ်ရင်း၊ ထရေစီဘရောင်း တို့ဟာ တစ်ဆောင်တည်းနေကြတဲ့ အကျဥ်းသူအချင်းချင်းဖြစ်သလို မိန်းမချင်းကြိုက်နေတဲ့ lesbian အတွဲလည်းဖြစ်ပါတယ်။ ထရေစီဟာ ဆတ်ဆတ်ထိမခံ ထောင်တွင်းဖိုက်တာတစ်ယောက်မို့ သူနဲ့ပတ်သက်သူတွေဟာ ထောင်တွေရဲ့ထုံးစံအတိုင်း တခြားအကျဥ်းသားတွေ၊ နှစ်ကြီးသမားတွေရဲ့ အနိုင်ကျင့်ဗိုလ်ကျမှုတွေကနေ သက်သာရာရပါတယ်။ ထရေစီရဲ့ချစ်သူဖြစ်တဲ့ အကျဥ်းသူ ဒိုနာဗန်ကတော့ ယောကျ်ားလျာပုံစံဖြစ်ပေမယ့် ရိုးရိုးအေးအေးနေတတ်ပြီး သဘောကောင်းတဲ့သူဖြစ်သလို ထရေစီလောက်လည်း ပြစ်မှုမကြီးတဲ့အတွက် ထောင်ထဲမှာအချိန်ခဏပဲကုန်ဆုံးရမှာပါ။ အဲ့လိုနဲ့ သူတို့နှစ်ယောက်ဟာ ထောင်တွင်းအကျဥ်းသူဘဝကို အေးအေးဆေးဆေးဖြတ်သန်းနေစဥ်မှာပဲ ထောင်ထဲထပ်ရောက်လာတာကတော့ ဒီဇာတ်လမ်းရဲ့ဇာတ်လိုက်ကျော် ဂျိုဒီအာရီးယပ်စ်ပါ။ သူမဟာ ချစ်သူကောင်လေးဖြစ်တဲ့ ထရာဗစ်အလက်ဇန္ဒားကို ရက်ရက်စက်စက်သတ်ခဲ့တယ်ဆိုတဲ့ စွပ်စွဲမှုနဲ့ ထောင်ထဲရောက်လာပြီး တရားသူကြီးရဲ့အပြီးသတ်အမိန့်ချမှတ်မှုကို စောင့်ဆိုင်းရမှာဖြစ်ပါတယ်။ အကျဥ်းသူအသစ်ဖြစ်တဲ့အတွက် အခန်းလွတ်နေတဲ့ ထရေစီ့အခန်းမှာပဲ ထောင်ဝါဒါတွေကနေရာချပေးတဲ့အချိန်မှာ ဂျိုဒီကိုမြင်ကတည်းကကြည့်မရတဲ့ ထရေစီနဲ့ပြသနာတက်ပါတော့တယ်။ ဒါပေမယ့် သိပ်မကြာခင်မှာပဲ ဂျိုဒီတတ်ကျွမ်းတဲ့တက်တူးပညာကြောင့် ထရေစီနဲ့သာမက သူမချစ်သူဖြစ်တဲ့ ဒိုနာဗန်ဘယ်ရင်းနဲ့ပါ ခင်မင်သွားကြပြီး သုံးယောက်သားတတွဲတွဲဖြစ်လာပါတော့တယ်။ ဒီလိုအေးဆေးစွာဖြတ်သန်းနေတဲ့အချိန်မှာပဲ အခြေအနေပြောင်းလဲဖို့ဖြစ်လာတာက ဒိုနာဗန်ဘယ်ရင်းအပြီးသတ်အမိန့်ချမှတ်ခံရပြီး လျှော့ရက်တွေနှုတ်ပြီး ထောင်ထဲကအစောကြီး လွတ်ဖို့အကြောင်းဖန်လာတာပါ။ တစ်ဖက်မှာလည်း မိန်းမချင်းချစ်ကြိုက်မှုကြောင့် ထရေစီနဲ့ဒိုနာဗန်ကို လူချင်းခွဲပြီး ထရေစီကိုထောင်ပြောင်းပေးလိုက်ပါတယ်။ အဲ့အချိန်မှာပဲ အေးဆေးတယ်လို့ထင်ရတဲ့ ဂျိုဒီတစ်ယောက် ဇာတိတွေပြလာပါတယ်။ တီဗီအင်တာဗျူးတွေမှာ သူ့အမှုနဲ့ပတ်သက်ပြီး သူအပြစ်မရှိကြောင်း တင်ပြတာ၊ ထောင်ဝါဒါတွေနဲ့ ခြေရှုပ်တာကအစ မျိုးစုံအလုပ်ရှုပ်လာပါတယ်။ အဲ့အချိန်မှာ ဘယ်ရင်းတစ်ယောက် လွတ်သွားပြီဖြစ်လို့ သူကနေတစ်ဆင့် သူမသက်သာရာသက်သာကြောင်း၊ ပြစ်ဒဏ်လျော့ရာလျော့ကြောင်းတွေကို ဂျိုဒီတစ်ယောက်နည်းမျိုးစုံသုံးပြီးချိတ်ဆက်လှုပ်ရှားဆောင်ရွက်လာပါတော့တယ်။ အဲ့အချိန်ကျမှ ဘယ်ရင်းလည်း ဂျိုဒီတကယ်ပဲအမှုကျူးလွန်ခဲ့လား၊ မကျူးလွန်ခဲ့ဘူးလားဆိုတာ မျက်မြင်ကိုယ်တွေ့သိလာရပါတော့တယ်။ ဂျိုဒီတစ်ယောက် တကယ်ပဲအပြစ်ကင်းခဲ့သလား… ထရေစီ၊ ဂျိုဒီနဲ့ ဘယ်ရင်းတို့သုံးယောက် တကွဲတပြားဖြစ်ပြီးတဲ့နောက် အရင်လိုပဲတတွဲတွဲဖြစ်ဦးမလား… အပြင်ရောက်သွားတဲ့ ဒိုနာဗန်ဘယ်ရင်းတစ်ယောက်ရော ဘာတွေဆက်ကြုံရမလဲ ဆိုတာကိုတော့ ဇာတ်လမ်းလေးကြည့်ရင်း ရှုစားလိုက်ရအောင်ပါ။ ထရေစီယာဘလက်ခ်၊ ဆယ်လီနာဆင်းဒန်၊ လင်းရက်ဖာတီတို့ခေါင်းဆောင်ပါဝင်ထားတဲ့ဒီဇာတ်ကားဟာ IMDd rating 5.9 ရရှိထားပြီး ဇာတ်ကားကြာမြင့်ချိန်က ၁နာရီ ၃၀ မိနစ်ဖြစ်ပါတယ်။ File size…(1.15GB)  / (591.95MB) /488MB Quality…. Web 1080P / 720p / 480p Format…mp4 Duration….01:32:00 Genre...Crime / Drama Subtitle….Myanmar Subtitle (Hardsub) Encoder….Mr. Anderson Translated by Ninja

Platform 9¾ ကနေ ပြန်လည် ကြိုဆိုပါတယ်။ Hogwarts ရထားကြီးနဲ့ wizarding world ကို အလည်တစ်ခေါက် ထပ်သွားပြီး Chapter တစ်ခုချင်းစီကို အစဉ်လိုက် ပြန်အလွမ်းသည်ကြမယ်ဗျာ ... ခင်ဗျားက muggle မဟုတ်ရင်တော့ အသက်ရှင်ကျန်ခဲ့သူ ကောင်လေးအကြောင်း ကြားဖူးပြီးသားဖြစ်မှာပါ ... သူ့နာမည်က Harry Potter တဲ့ .. ထင်ရှားတဲ့အမှတ်အသားဆို နဖူးမှာ အမာရွတ်လေးနဲ့ မှန်ကြောင်ကောင်လေးတစ်ယောက်ပါပေါ့ ။ ဒီ အမာရွတ်လေး ရခဲ့တဲ့ ညကနေ စလို့ သူဟာ သူကိုယ်တိုင် မသိပါဘဲ မှော်လောကမှာ ကျော်ကြားလာခဲ့တယ်... မနာခံသူ မှန်သမျှ အရှင်မထားတတ်တဲ့ မှော်ဆရာကြီး တစ်ယောက်ရဲ့ လက်က လွတ်မြောက်ခဲ့သူအဖြစ်ပေါ့... မှော်ဆရာကြီးက ဘယ်သူလဲတော့ လာမမေးပါနဲ့ ... ကျွန်တော်တို့ သူ့နာမည်ကို ထုတ်မပြောကြဘူး ... သိုပေမဲ့ Harry Potter ဆိုတဲ့ မှော်ဆရာလေးကတော့ ငယ်ငယ်ရွယ်ရွယ်နဲ့ ရဲစွမ်းသတ္တိအပြည့်မွေးပြီး ရွန်၊ ဟာမွိုင်နီဆိုတဲ့ သူငယ်ချင်း ၂ ယောက်နဲ့အတူ ဒီမှော်ဆရာကြီးနဲ့ အချိန်အကြာကြီး ရင်ဆိုင်ခဲ့ပါတယ် ... အဆိုးနဲ့အကောင်း အမှောင်နဲ့အလင်း အမည်းနဲ့အဖြူလို ဆန့်ကျင်နေတဲ့ ဒီ မှော်ဆရာ ၂ ယောက်ရဲ့ တိုက်ပွဲရှည်ကြီးကို ပြန်လှန်လေ့လာလိုက်ကြပါစို့... မြန်မြန်တက်ကြဗျို့ Hogwarts ရထားကြီး ထွက်တော့မယ် !! (The Philosopher's Stone(or)The Sorcerer's Stone (2001) နဲ့ The Chamber of Secrets (2002) နှစ်ကားက ရုံတင်ဗားရှင်းထက် 10မိနစ်စာလောက်ပိုပါတဲ့ EXTENDED Version ထွက်ထားပါတယ်။ဒါကြောင့်မို့ 1080p နဲ့ 720p ကို EXTENDED version နဲ့ တင်ဆက်ထားပြီး 4K ကတော့ ရုံတင်ဗားရှင်းဖြစ်ပါတယ်။) File size…(5.6 GB) /(2.6 GB)/(900 MB) Quality….BluRay 4K HEVC/EXTENDED 1080p /720p Format…mkv/mp4 Duration….02:38:50 Subtitle….Myanmar Subtitle (Hardsub) Encoder….Nyeinsaeya Aung Translated by Yoon Sandi Aung

Trailer Review လေးရေးမလို့:D “Nerve” သရုပ်ဆောင်တွေ က Emma Roberts နဲ့ Dave Franco ။ ဒီနေရာမှာ ရုပ်ရှင်အကြောင်းထက် သရုပ်ဆောင်အကြောင်းအရင်ပြောချင်တယ်။ ဒီကား Trailer ကြည့်ပြီးတဲ့ သဘောကျသွားတဲ့တစ်ချက်ကတော့ မင်းသား မင်းသမီး ရွေးချယ်မှုပဲ (juz my opinion) ... Dave Franco 2010 နောက်ပိုင်း ကောင်မလေးတွေ ကြွေတဲ့စာရင်းမှာ ပါလာတဲ့ မင်းသားတစ်လက်ဆိုမမှားပါဘူး။သူ့ကို လူသိများလာစေတဲ့ရုပ်ရှင်တွေက 21JumpStreet, 22JumpStreet, Now You See Me, Now You See Me 2 and Neighbors ခေါင်းဆောင်မင်းသားအနေနဲ့ ပါဝင်ခဲ့တာမျိုးတော့ မဟုတ်ဘူး။ အခု NERVE က သူ ခေါင်းဆောင်မင်းသားအဖြစ်ပါဝင်မယ့်ဇာတ်လမ်း ။ ဟုတ်ပြီ Emma Roberts အကြောင်းဆက်ပြောမယ်။ Emma Roberts ကိုယ့်အနေနဲ့ပြောရမယ်ဆိုရင်တော့ AQUARMARINE ထဲမှာတည်းက ကြွေတာ ။ မင်းသမီးသုံးယောက်ထဲမှာ သူ့ကို အကြိုက်ဆုံး ။ နောက်ပြီး သူ က သရုပ်ဆောင်တင်မဟုတ်ဘူး Unfabulous and More သီချင်း Album လည်းထွက်ခဲ့ဖူးတယ်။ သူပါဝင်တဲ့လူသိများတဲ့ ရုပ်ရှင်တွေက AQUAMARINE, Scream 4, We are the millers … Dave Franco and Emma Roberts , သူတို့နှစ်ယောက်တော်တော်အတွဲညီမယ်လို့မျှော်လင့်တယ်။ ဘာဖြစ်လို့လဲဆိုတော့ သူတို့နှစ်ယောက်က Level လည်း မတိမ်းမယိမ်း ပဲ နောက်ပြီး ထူးခြားချက်က ရုပ်လည်း ဆင်တယ် ။ နှစ်ယောက်လုံးရဲ့ပုံစံကလည်း လုံး၀ Fancy ဆန်တယ်။ … NERVE ကလည်း Fancy အထာပဲ ။ ဇာတ်လမ်းပုံစံ က Online Game တစ်ခုကစား တဲ့အကြောင်း။ ဘယ်လို Game မျိုးလဲဆိုတော့ Truth or Dare ပုံစံ ။ Game ထဲမှာ Player ရှိတယ် Watcher ရှိတယ်။ Player တွေက Watcher တွေရဲ့စိန်ခေါ်မှုကို လက်ခံပြီး အောင်မြင်အောင် လုပ် နိုင်လျင် လောင်းကြေးကို နိုင်တယ်။ အန္တရာယ်များလေ လောင်းကြေးများလေ ။ Emma Roberts က အဲ့ Game ကို ကစားဖို့လက်ခံလိုက်တယ် ။ ပထမဆုံး စိန်ခေါ်မှုက စားသောက်ဆိုင်မှာ တွေ့တဲ့ သူစိမ်းတစ်ယောက်ကို နမ်းရမှာ ။ အဲ့မှာ သူရွေးလိုက်တဲ့ သူ က Dave Franco ။ Dave Franco ကိုယ်တိုင် ကလည်း Nerve Player တစ်ယောက် ။ သူတို့နှစ်ယောက်အတူ ကစားရင်း တဖြည်းဖြည်း စိန်ခေါ်မှုတွေက ကြီးလာတယ်။ စိန်ခေါ်မှုတွေကြီးလာတဲ့အလျောက် စိန်ခေါ်မှုတွေကို လွယ်လွယ်ငြင်းပယ်လို့ မရတော့တဲ့အခါ စိန်ခေါ်မှုတွေအားလုံးကို အောင်အောင်မြင်မြင် ဖြတ်ကျော်နိုင်ပါ့မလား ၊ တစ်ခြား Player တွေရဲ့ အနှောင့်အယှက် တွေကရော ၊ Game ကို ပြီးတဲ့အထိ ဆက်မကစားပဲ ရပ်လိုက်ရင် Watcher တွေရဲ့တုန့်ပြန်မှုက ၊ အသက်အန္တရာယ် ထိခိုက်စေမယ့် စိန်ခေါ်မှုတွေ ကိုရော ၊ ဒါတွေက Trailer ကြည့်ပြီး ထွက်လာတဲ့မေးခွန်းတွေပါ ၊ ပြောရရင် Pokemon Go ခေတ်စားနေတဲ့အချိန်နဲ့တောင်တိုက်ဆိုင်တယ် ။ သူပေးချင်တဲ့ Message ကလည်း Online Game တွေ ကို စွဲစွဲလမ်းလမ်း ကစားမိလို့မထင်မှတ် တဲ့ ပြသနာ တွေ ရင်ဆိုင်ရတယ်ဆိုတာမျိုးလည်းပါမယ်ထင်တယ် ။ (ဘာမှတော့မဆိုင်ပါဘူး :P) - Super Hero ဇာတ်လမ်းတွေ များနေတဲ့ ဒီနှစ်မှာ “Nerve” ရဲ့ဇာတ်လမ်း ပုံစံက ကြည့်ချင်စရာကောင်းတဲ့ ဇာတ်လမ်း စာရင်းထဲမှာပါတယ်။ - Emma Roberts နဲ့ Dave Franco တို့ရဲ့ အဓိက သရုပ်ဆောင် အနေနဲ့ သရုပ်ဆောင်မှုကိုလည်း ကြည့်ချင်တယ်။ (တကယ်အတွဲညီမယ်လို့လည်းမျှော်လင့်တယ်) - နောက်ဆုံးတစ်ခု က Trailer မှာပါတာ စိတ်ဝင်စားစရာ အကုန် ပဲဆိုတဲ့ ပုံစံမျိုး မဟုတ်လောက်ဘူး။ သြော် မေ့တော့မလို့ Machine Gun Kelly(MGK) ကလည်း Nerve Player အနေနဲ့ ပါသေးတယ်ဗျာ ။ ကဲအဲ့တော့ ရုံတင်မယ့်ကားတွေရဲ့ Upcoming List မှာ ပါနေတဲ့ ဒီကား “Nerve” ကို ကျနော်ကတော့ WatchList ထဲထည့်ထားလိုက်ပြီ။(ရုပ်ရှင်အညွှန်းကို mrnyo.blogspot မှ Admin LookNyein ၏အညွှန်းမှ ကူးယူဖော်ပြထားပါသည်။) IMDb Rating (6.9/10) အခုတော့ ဒီဇာတ်ကားကို မြန်မာစာတန်းထိုးဖြင့် Channel Myanmar ပရိတ်သတ်ကြီးအတွက် တင်ဆက်လိုက်ပါပြီ။တမူထူးခြားတဲ့ ဇာတ်လမ်းဇာတ်ကွက်ကြောင့် အကြိုက်တွေ့မိမှာ သေချာပါတယ်။ CM Team မှ Chuck Kaung Tartee မှဘာသာပြန်ထားတာပါ။ File size…(850MB) Quality…Blu-Ray Rip 720p Format…mp4 Duration….01:36:00 Subtitle….Myanmar Subtitle (Hardsub) Encoder….Nyeinsaeya Aung

အမူအယာလေးတွေကြည့်ရုံနဲ့ သင့်ကိုစိတ်လှုပ်ရှားစေနိုင်မယ့် ကောင်မလေးမျိုးမလိုချင်ဘူးလား မိတ်ဆွေ ရုပ်ရည်ကလဲ အရမ်းကို နှလုံးရပ်စေလောက်အောင် ညှိ့အားပြင်းတဲ့အပြင် ကိုယ်လုံးကိုယ်ပေါက်ကလဲ မျက်စိမလွှဲချင်လောက်အောင် သိပ်မိမိုက်နေတော့ ကဲ နာမည်လေးကတော့ Kaho Imai ပါတဲ့ဗျာ ပြောသလိုဖြစ်မဖြစ်ကတော့ မိတ်ဆွေကိုယ်တိုင် ကြည့်ရှုခံစားဆုံးဖြတ်ပြီးမှ ကျွန်တော့်ကိုပြန်လာပြောပေးပါ Dark Side Production Facebook Page ခနခနပျက်နေတာကြောင့် Telegram https://t.me/Darksideproductionmm မှာ Join ထားပေးကြပါ။

အကျင့်ဟောင်းတွေဆိုတာက ဖျောက်ဖို့ခက်ပါတယ်။ ဒါပေမဲ့ လူတွေရဲ့အကျင့်ဆိုးတွေကိုပျောက်သွားစေမဲ့ ဆေးဆိုတာပေါ်လာခဲ့ရင်ရော ဘယ်လိုဖြစ်သွားမလဲ။ လီ‌ရေးလ်ဟာ ကလေးဘဝတုန်းကကြုံခဲ့ရတဲ့စိတ်ဒဏ်ရာတွေကြောင့် အသက်ကြီးလာတဲ့အခါမှာလည်း လူဆိုးတယောက်ဖြစ်လာခဲ့ပါတယ်။ တစ်နေ့မှာ သူကျူးလွန်ခဲ့တဲ့ လူသ-တ်မှုတွေကြောင့် သူ့ကို ဆေးထိုးသ-တ်ဖို့ တရားရုံးကအမိန့်ချမှတ်လိုက်ပါတယ်။ ဒီလိုနဲ့သေဒဏ်ကိုကျခံခဲ့လိုက်ရပေမဲ့လည်း သူကတကယ်မသေသေးပဲ သူ့ရဲ့ဘဝမှာကောင်းတာတစ်ခုလောက်လုပ်ဖို့ အခွင့်အရေးပေးလာခဲ့ပါတယ်။ အဲတာကတော့ အန်နာဂရက်စ်ဆိုတဲ့ စိတ်ကို ပြောင်းလဲစေပြီး အပြုအမူတွေကိုပါပြောင်းလဲပေးတဲ့ ဆေးစမ်းသပ်ချက်မှာပါဝင်ပေးဖို့ပါ။ ဆေးကလည်းအသစ်ဖြစ်တဲ့အပြင် အခုမှလူတွေအပေါ်မှာစတင်စမ်းသပ်မှာဖြစ်လို့ ဘယ်လိုဘေးထွက်ဆိုးကျိူးတွေရှိလည်းဆိုတာကိုမသိရသေးတဲ့ဆေးပါ။ ဒီလိုနဲ့ သူ့အတွက်လည်းရွေးချယ်စရာမရှိတဲ့အခြေအနေဖြစ်နေတာမလို့ စမ်းသပ်ခံလုပ်ပေးဖို့ သဘောတူလိုက်ရပြီး ဆေးကတကယ်ပဲ အာနိသင်သက်ရောက်မလား၊ ဘေးထွက်ဆိုးကျိုး တွေရှိပြီးသူ့ရဲ့အတိတ်ဟောင်းကလိုက်ပြီး ခြောက်လှန့်နေဦးမလား ဆိုတာကို အကြမ်းအရမ်းအက်ရှင်ခန်းတွေနဲ့ကြည့်ရှုကြရမှာပါ။ Goodfellas မှာသရုပ်ဆောင်ခဲ့တဲ့ မင်းသားကြီး Ray Liotta နဲ့ Green Goblin နေရာမှာသရုပ်ဆောင်ခဲ့တဲ့ မင်းသားကြီး Williem Dafoe တို့ပါဝင်သရုပ်ဆောင်ထားတဲ့ အက်ရှင်ကားလေးဖြစ်လို့ ကြည့်ရှုလိုက်ကြပါဦးဗျ။ File size…1.95GB / 717.5MB Quality…Blu-Ray 1080p 5.1CH / 720p Format…mp4 Duration….1h 44m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Tmmt

ဒီတစ်ခေါက် မိတ်ဆက်ပေးချင်တဲ့ကားလေးကတော့ ဖြစ်ရပ်မှန်ကို အခြေခံရိုက်ကူးထားတာဖြစ်ပြီး ၂၀၂၂ခုနှစ်က ထွက်ရှိခဲ့ပေမဲ့ Netflix ကိုတော့ လောလောလတ်လတ်ကမှ ရောက်ရှိလာတဲ့ “Can you see us” ဆိုတဲ့ Drama ဇာတ်ကားလေးပါပဲ။ IMDB 7.5/10 ရရှိထားတဲ့ ဒီဇာတ်ကားဟာဆိုရင်တော့ Netflix ရဲ့ ပထမဆုံး ဇမ်ဘီးယားနိုင်ငံ(အာဖရိက)က full-length ဇာတ်ကားတစ်ကားဖြစ်လာခဲ့ပါတယ်။ မတူကွဲပြားခြင်းဆိုတာက ကြောက်စရာ၊ လန့်စရာ၊ အထင်သေးရှုံ့ချစရာမဟုတ်ပေမဲ့ လူသားဆိုတာမျိုးက ကိုယ်နဲ့မတူကွဲပြားရင် ကြောက်လန့်တတ်ကြတဲ့ သဘာဝမျိုးမဟုတ်လား.. မတူညီတဲ့ပုံစံရှိတဲ့သူတွေကိုဆိုရင် သူတို့နဲ့ကွဲပြားတာမို့ ရှုံ့ချဆက်ဆံတာမျိုး၊ အထင်သေးအနိုင်ကျင့်တာမျိုး လုပ်တတ်ကြတဲ့ လူသားတွေရဲ့ထုံးစံကြောင့် သူများနဲ့မတူတဲ့ပုံစံနဲ့ မွေးဖွားလာခဲ့သူ ကလေးငယ်လေးကတော့ မွေးဖွားလာကတည်းက အဖေအရင်းရဲ့ စွန်ပစ်ခြင်းကိုခံရပြီး လောကဓံရဲ့ရိုက်နှက်မှုတွေကို ခါးသီးစွာ ခံစားခဲ့ရပါတော့တယ်။ ဇာတ်လမ်းအကျဉ်းကို ပြောရမယ်ဆိုရင်တော့ မွေးရာပါ albinism ရောဂါဖြစ်နေတဲ့ albino ကလေးငယ်လေး ဂျိုးဇက်ဖ်ဟာ လူမည်း အဖေ အမေက မွေးဖွားခဲ့ပေမဲ့ အသားအရောင်ကအစ တစ်ကိုယ်လုံးအမွေးအမျှင်တွေအထိ ဖြူဖွေးနေခဲ့တာမို့ အထင်လွဲစရာ ရှုံ့ချစရာဖြစ်ခဲ့ရပါတယ်။ (albinism ဆိုတာက မျိုးရိုးကြောင့်ဖြစ်တဲ့ မွေးရာပါအသားအရောင်ဖြူဖွေးတဲ့ ရောဂါတစ်မျိုးပါ.. အသားအရောင်ကို ဖြစ်ပေါ်စေတဲ့ မယ်လနင်ဆိုတဲ့ရောင်ခြယ် ချို့တဲ့မှုကြောင့် အညို၊ အမည်းစတဲ့ အရောင်တွေမပါဘဲ အသားအရောင်နဲ့ အမွေးအမျှင်တွေဟာ အဖြူသက်သက်ဖြစ်သွားခဲ့တာပါ။ မြန်မာနိုင်ငံမှာလည်း အရင်တုန်းက ကျော်ကြားတဲ့ အဆိုတော်ကြီးတစ်ဦးဖြစ်တဲ့ အဆိုတော်ဘိုဖြူဟာဆိုရင်လည်း albino တစ်ဦးဖြစ်ပြီး ဆံပင်၊ မျက်ခုံးနဲ့ မျက်တောင်မွှေးတွေကအစ အဲဒီလိုဖြူဖွေးနေခဲ့တာမို့ နာမည်က ဘိုဖြူဖြစ်နေခဲ့တာလို့ ဆိုပါတယ်) လူမည်းအဖေ အမေက မွေးပါရက်နဲ့ လူဖြူလေးထွက်လာတာမို့ ယောက်ျားရဲ့အပြစ်တင်၊ နာကျည်းတာကိုခံခဲ့ရပြီး အစွန့်ပစ်ခဲ့ရတဲ့ ဂျိုးဆက်ဖ်ရဲ့အမေဟာ ဂျိုးဆက်ဖ်လေးကို ခေါ်ပြီး ဘယ်သွားရမှန်းမသိဖြစ်နေချိန်မှာ ကံကောင်းထောက်မစွာနဲ့ ကယ်တင်ရှင်ပေါ်ပြီး ဘဝအားကိုးရာ ရခဲ့ကြပါတယ်။ ဂျိုးဆက်ဖ်လေးက အသက်အရွယ်ကြီးရင့်လာပေမဲ့လည်း အပြင်လည်းမထွက်ရ၊ ဘယ်မှလည်း မသွားရဘဲ အိမ်ထဲမှာပဲ နေနေခဲ့ရတာမို့ ရွယ်တူကလေးတွေနဲ့ အပြင်ထွက် ကစားဖို့ကြံရာကနေ အိမ်နီးနားချင်းကလေးတွေက သူ့ကို မွာဘီလို့ခေါ်တဲ့ ရွံစရာသတ္တဝါကြီးအဖြစ်ရှံ့ချပြီး ဝိုင်းဝန်းအနိုင်ကျင့်ခဲ့ကြပါတော့တယ်။ “သူတို့က မင်းကို နားမလည်ဘူးလို့ပြောတယ်ဆိုတာက မင်းကို ကြောက်လို့ပဲ.. မင်းကို သူတို့ ကြောက်နေပြီဆိုရင် မင်းကို ဖျက်ဆီးဖို့ နည်းလမ်းရှာကြတော့တာပဲ..” ဆိုတဲ့ ဒုတိယဖေဖေရဲ့ စကားကို စွဲမြဲစွာမှတ်သားရင်း ငါနဲ့မတူ ငါ့ရန်သူလုပ်တတ်တဲ့ လူတွေကို နားလည်ပေးဖို့ ကြိုးစားခဲ့ရှာတဲ့ ဂျိုးဇက်ဖ်လေးဟာ တစ်နေ့မှာတော့ သူ့ဘဝကို အပြောင်းလဲကြီး ပြောင်းလဲသွားအောင်လုပ်ပေးမဲ့ အများက အရူးလို့ သတ်မှတ်ကြသူ လူထွားကြီးတစ်ယောက်နဲ့ တွေ့ခဲ့ပါတော့တယ်။ အဲဒီလူထွားကြီးရဲ့ သင်ကြားပေးမှုနဲ့ ပညာအသစ်တစ်ခုကို သင်ကြားရင်း လူတွေနဲ့ ဆက်သွယ် ပြောဆိုဖို့ ကြိုးစားခဲ့ရာက နောက်ပိုင်းမှာ အောင်မြင်တဲ့လူတစ်ယောက်ဖြစ်အောင် ဘယ်လိုကြိုးစားသွားမလဲ၊ သူ့ဘဝရဲ့ အနိမ့်အမြင့်အတက်အကျတိုင်းကို သူ ဘယ်လိုစိတ်ဓာတ်မျိုးနဲ့ ကြံကြံခံ ရင်ဆိုင်ခဲ့မလဲ ဆိုတာကိုတော့ ဇာတ်လမ်းလေးထဲမှာ ကြည့်ရှုခံစားကြည့်လိုက်ကြပါဦးနော်။ (အကြိမ် ၁၀၀ လဲကျချင်လဲကျပါစေ.. ပြန်ထတဲ့အကြိမ်အရေအတွက်က လဲကျတဲ့ အကြိမ်ထက် တစ်ခါပိုဖို့ပဲ လိုတယ်ဆိုတဲ့အတိုင်း အကြိမ် ၁၀၀ လဲကျပေမဲ့ ၁၀၁ ကြိမ်ပြန်ထခဲ့သူ ဂျိုးဇက်ဖ်လေးကတော့ လက်တွေ့ဘဝမှာ သူတို့နိုင်ငံရဲ့ အောင်မြင်ကျော်ကြားတဲ့သူတစ်ယောက် ဖြစ်လို့နေခဲ့ပါပြီ။ “ဘယ်သူကမှ အမုန်းတရားနဲ့မွေးဖွားလာတာ မဟုတ်ဘူး.. အမုန်းတရားအဖြစ် အသင်ကြားခံခဲ့ရလို့သာ” ဆိုတဲ့အတိုင်း မိဘတွေရဲ့ သွန်သင်မှုကလည်း သားသမီးတွေအပေါ် လွှမ်းမိုးမှုရှိတာမို့ မတူကွဲပြားတာဟာ (မတူကွဲပြားတယ်ဆိုတာ လူဖြူနဲ့ လူမည်း၊ ချမ်းသာသူနဲ့ ဆင်းရဲသူ၊ အရပ်ရှည်သူနဲ့ အရပ်ပုသူ၊ ပိန်တဲ့သူနဲ့ ဝတဲ့သူ စသဖြင့် အကုန်လုံးအကျုံးဝင်တာမို့ လူသားအချင်းချင်းလို့သာ မြင်ပြီး)ကဲ့ရဲ့ နှိမ့်ချစရာမဟုတ်ကြောင်း ကိုယ့်ရဲ့သားသမီးတွေကို ဆုံးမပေးနိုင်ဖို့ရာကလည်း မိဘတွေရဲ့ တာဝန်သာဖြစ်ပါတယ်။ တကယ်တမ်း ချို့တဲ့သူက အသားအရောင် မယ်လနင်ရောင်ခြယ် ကင်းမဲ့တဲ့ ဂျိုးဇက်ဖ်လေးမဟုတ်ဘဲ ငါနဲ့မတူ ငါ့ရန်သူလုပ်တတ်ကြတဲ့ စိတ်ဓာတ်ချို့တဲ့ကြသူ လူသားတွေသာ ဖြစ်ကြောင်း ဂျိုးဇက်ဖ်က လက်တွေ့လုပ်ရပ်နဲ့ သက်သေပြခဲ့တာမို့ ပရိသတ်ကြီးကလည်း ဒီဇာတ်ကားလေးကိုကြည့်ပြီး အားနေ ကိုယ့်အတင်းတုပ် ရှုံ့ချနေကြတဲ့ တခြားလူတွေကို ဂရုမစိုက်ဘဲ ဂျိုးဇက်ဖ်လေးလို ဇွဲမလျှော့တမ်း ကြိုးစားရင်း ချေပြီးရင်း ချေနိုင်ကြပါစေလို့…) (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) Quality….Webrip 1080p / 720p Format…mp4 Duration….01:50:00 Genre…Drama Subtitle….Myanmar Subtitle (Hardsub) Encoder….Mr. Anderson Translated by Emily

Ballerina (2023) ကလဲ့စားချေတာတွေ တရားမဝင်လောကတွေနဲ့ သက်ဆိုင်တဲ့ Netflixက‌နေ အသစ်ထွက်ရှိလာတဲ့ Actionကားလေးကို တင်ဆက်ပေးချင်ပါတယ်။ ဘဝပေး ‌‌အခြေအနေအရ ကိုယ်ခံပညာပါကျွမ်းကျင်တဲ့အပြင် အကြောက်အလန့်မရှိတဲ့ Jang Ok Ju က ဘော်ဒီကတ်အဖြစ် အလုပ်လုပ်ရင်း ဘဝကို အသက်မဲ့စွာဖြတ်သန်းနေတဲ့ မိန်းကလေးပါ။ အသက်ရှင်ရတာ အဓိပ္ပာယ်မရှိဘူးလို့ ထင်ထားတဲ့ သူ့အတွက် သူငယ်ချင်း Choi MinHee နဲ့တွေ့ပြီး ပြောင်းလဲလာခဲ့ပါတယ်။ ကံဆိုးမှုတွေကြောင့် ပျော်ရွှင်မှုတွေက ကြာရှည်မခံပါဘူး။ သူ့သူငယ်ချင်းဖြစ်တဲ့ ဘဲလေးအကမယ် Min Heeဆီမှာ မူမမှန်တဲ့ကိစ္စတွေဖြစ်လာခဲ့ပြီး သူကိုယ်တိုင် ဝင်ကလဲ့စားချေဖို့ဖြစ်လာပါတော့တယ်။ Min Heeက ဘယ်လိုအခြေအနေတွေနဲ့ ကြုံတွေ့နေခဲ့ရသလဲဆိုတာအပြင် Ok Juရဲ့ strong female lead character နဲ့ ဘယ်လို ကလဲ့စားချေမလဲဆိုတာကို ရိုက်ကူးထားတဲ့ ဇာတ်လမ်းလးပါ။ ဆယ်ကျော်သက် မိန်ကလေးတွေအတွက် ပညာပေးလည်းဖြစ်တဲ့အပြင် စိတ်ဝင်စားဖို့ကောင်းတဲ့ ဇာတ်လမ်းလေးဖြစ်တယ်ဆိုတာကို ညွှန်းပေးလိုက်ပါတယ်။ အညွှန်းကိုတော့ Milkeux က ရေးထားပေးပြီတော့ ဘာသာြပန်ထားတာကတော့ Milkeux နဲ့ Lai Laii ပဲ ဖြစ်ပါတယ်။ Genre….. Action, Thriller Quality…. 4k | 1080p | 720p File size… 7.36GB | 1.6GB | 548MB Format… mp4 Duration…. 1h 32min Subtitle…. Myanmar Subtitle (Hardsub) Translator ….. Milkeux & Lai laii Encoder ….. Aaron

မူးယစ်ဆေးဂိုဏ်းခေါင်းဆောင်တစ်ယောက်ကိုကယ်ဖို့ ဒယ်လီကောင်လေးတစ်ယောက်ကိုအကြပ်ကိုင်ရာကစတဲ့ ဇာတ်လမ်းလေးတစ်ပုဒ်ပါ။ ဒယ်လီကောင်လေးရဲ့ ရည်းစားကောင်မလေးကိုဖမ်းပြီး ဂိုဏ်းခေါင်းဆောင်ကြီးကိုကယ်ခိုင်းတော့ ဒယ်လီကောင်လေးက ဘတ္ထရီဆိုင်ကယ်တစ်စီးနဲ့ သွားကယ်ရပါတော့တယ် ဂိုဏ်းခေါင်းဆောင်ကိုကယ်လိုက်ပေမယ့် ခေါင်းဆောင်ကြီးကမ်းလှမ်းတာကို လက်မခံတဲ့အတွက် သူ့ကောင်မလေးကိုမလွှတ်ပဲ ကားနဲ့တင်ခေါ်သွားပါတယ်။ ကောင်မလေးကိုကယ်နိုင်ဖို့ မူးယစ်တိုက်ဖျက်ရေးအဖွဲ့ကလို့ဆိုတဲ့ မိန်းမတစ်ယောက်နဲ့ပူးပေါင်းလိုက်ပါတယ်။ မူးယစ်ဂိုဏ်းအဖွဲ့ကြီးနဲ့ သူတို့နှစ်ယောက်ဘယ်လိုများရင်ဆိုင်တိုက်ခိုက်ပြီး ကောင်မလေးကိုကယ်ကြမလဲ……

ဖိုက်တာမင်းသားကြီး Scott Adkins ရဲ့ အသစ်ထွက် Action/Thriller ဇာတ်ကြမ်းကားလေး တင်ဆက်လိုက်ပါတယ်။ ဇာတ်လမ်းကတော့… နိုင်ငံတကာကအကြမ်းဖက်တွေကို ပုံစံသွင်းပေး၊ အကြောက်တရားထည့်ပေး၊ ပုံမှန်လူလိုပြန်ဖြစ်ရေး ကျင့်ပေးနေတဲ့ လျှို့ဝှက်ဌာနချုပ်တစ်ခုဆီကနေ အထိန်းသိမ်းခံထောင်သားတစ်ယောက်ကို လွှဲပြောင်းယူဖို့ မစ်ရှင်တစ်ခုကျရောက်လာပါတယ်။ နိုင်ငံတော်အဆင့်အရေးကြီးတဲ့ကိစ္စတစ်ခုဖြစ်ပြီး လျှို့ဝှက်ချက်တွေအပြည့်နဲ့ပါ.. မမြင်နိုင်တဲ့ အန္တရာယ်တွေကလဲ စောင့်လိုကြိုနေပါတယ်။ ဒီခရီးစဉ်အတွက် လိုက်ပါ‌စောင့်ကြပ်ပေးရတဲ့ Navy Seal အဖွဲ့အနေနဲ့ အရှုပ်အထွေးအန္တရာယ်တွေကြားကနေ အထိန်းသိမ်းခံထောင်သားကို မြို့တော်ဝါရှင်တန်ဆီ ပြန်ခေါ်သွားနိုင်မလားဆိုတာ….။ အပစ်အခတ် အကြမ်းပတမ်းတွေနဲ့ အက်ရှင်ဇာတ်ကားကောင်းလေးဖြစ်ပါတယ်။

နှစ်တွေဘယ်လောက်ကြာကြာ အခုထက်ထိ မဖြေရှင်း နိုင်သေးတဲ့ ကမ္တာကြီးပေါ်က လျှို့ဝှက်ဆန်းကြယ် ဖြစ်စဉ်တွေထဲမှာ ဂြိုလ်သားတွေအပြင် Yeti ဆိုတဲ့ နှင်းလူကြီးတွေလည်း ပါဝင်နေပါသေးတယ်။ ဟိုနားလေးမှာတွေ့လိုက်ရတယ် ဒီနားလေးမှာတွေ့ လိုက်ရတယ်ဆိုပြီး တကယ်ကွက်ကွက်ကွင်းကွင်း မမြင်ရတာတွေ ခိုင်မှာတဲ့သက်သေမပြနိုင်‌တာတွေဆိုမှ အများကြီးပါပဲ။အခုတင်ဆက်ပေးမဲ့ဇာတ်ကားကလည်း အဲ့ဒီနှင်းလူကြီးတွေအကြောင်းကို စိတ်ကူးယဉ်ရိုက်ကူး ထားတဲ့ ဇာတ်ကားလေးပဲဖြစ်ပါတယ်။၂၀၂၃ ထွက် ဇာတ်ကားဖြစ်ပေမဲ့အရင်ခေတ်ပုံစံ အရင်ခေတ် CGI တွေနဲ့ ပြန်လည်အသက်သွင်းရိုက်ကူးထားတာကိုတွေ့ရမှာပါ။ ဇာတ်လမ်းလေးရဲ့နာမည်ကတော့ The Primevals ဖြစ်ပြီး IMDb Rating 5.5 ရရှိထားပါတယ်။ ဒေါက်တာကလယ်ရာနဲ့ မက်သရူးတို့ကတက္ကသိုလ်က ဆရာတပည့်တွေဖြစ်ပြီး ၂ ယောက်စလုံးက နှင်းလူကြီးတွေ အကြောင်းကိုစိတ်ဝင်စားကြတဲ့သူတွေပဲဖြစ်ပါတယ်။သူတို့ နှစ်ယောက်က မတွေ့ရတာကြာပြီဖြစ်ပြီး တစ်နေ့မှာတော့ ကလယ်ရာကျင်းပတဲ့ပွဲတစ်ပွဲမှာ ပြန်လည်တွေ့ရှိခဲ့ပါတော့တယ်။ အဲ့ဒီပွဲကတော့ နီပေါနိုင်ငံမှာ အသေဖမ်းမိခဲ့တဲ့ နှင်းလူကြီးကို ပြသတဲ့ပွဲပဲဖြစ်ပါတယ်။ကိုယ့်မျက်စိရှေ့မှာ ဒီလိုနှင်းလူကြီးကို ကွက်ကွက်ကွင်းကွင်းတွေ့နေရပြီ ဖြစ်တဲ့အတွက် နီပေါနိုင်ငံမှာ တခြားကျန်လောက်ဦးမဲ့ နှင်းလူတွေကိုသွားရှာဖို့ ဆရာတပည့် နှစ်ယောက်စကားစပ်မိခဲ့ကြပါတော့တယ်။ဒီလိုနဲ့ သူတို့ နှစ်ယောက်သား နီပေါကို ခရီးနှင်ခဲ့ကြပြီး ခရီးစဉ်မှာလိုအပ်မဲ့ တခြားသူတွေကို စုဆောင်းပြီး နှင်းလူရှာဖွေရေးခရီးစဉ်ကို စတင်ခဲ့ပါတော့တယ်။ဒါပေမယ့် သူတို့ကိုစောင့်ကြိုနေတဲ့ အရာက နှင်းလူတွေတင်မကဘဲ တခြားကမ္ဘာက လျှို့ဝှက် ဆန်းကြယ်တဲ့ သက်ရှိတွေပါရှိနေတဲ့အခါမှာတော့ ဒေါက်တာ ကလယ်ရာတို့ အဖွဲ့ ဘယ်လိုအရာမျိုးတွေကို လေ့လာစူးစမ်း နိုင်ခဲ့မလဲဆိုတာကိုကြည့်ရှုရမဲ့ဇာတ်ကားကောင်းတစ်ကားပဲ ဖြစ်ပါတယ်။ File size…3.64GB / 1.11GB Quality…WEB-DL 1080p / 720p Format…mp4 Duration….1h 31m Genre ….. Adventure , Sci-Fi Subtitle….Myanmar Subtitle (Hard Sub) Encoder….Min Wai Translated by Saw Lay

Hiroshima Mon Amour (1959) ~ IMDb – 7.8/10, Rotten Tomatoes – 96% ~ Alain Resnais ရဲ့ Hiroshima Mon Amour ဟာ Breathless (1960) တို့၊ The 400 Blows (1959) တို့လိုပဲ ပြင်သစ်နယူးဝေ့ရဲ့ အခရာကျတဲ့ ရုပ်ရှင်တစ်ကားပါပဲ။ ဒီကားဟာ စစကတော့ အက်တမ်ဗုံးအကြောင်း ဒိုကူမန်ထရီအတိုအဖြစ်ရိုက်ဖို့လုပ်ရာကနေ စတယ်။ Alain Resnais က Night and Fog ဆိုတဲ့ နာမည်နဲ့ နာဇီအကျဉ်းစခန်းတွေအကြောင်း ရိုက်ဖူးတော့ ဒီလိုပုံစံမျိုးထပ်မဖြစ်ချင်တော့ ဘယ်လိုပုံစံနဲ့ရိုက်ပြရမလဲ တော်တော်ခေါင်းစားခဲ့တယ်။ ဒီ့နောက်တော့ ဒီလိုပုံစံဖြစ်လာတယ်ပေါ့။ ဒါပေမဲ့ သူဝန်ခံထားတာကတော့ ဒီကားနဲ့ ‌အော်စကာဆန်ခါတင်ဝင်ခဲ့တဲ့ ဇာတ်ညွှန်းရေးဆရာမ Marguerite Duras သာ မပါခဲ့ရင် သူတော်တော်ခေါင်းစားနေရမှာတဲ့။ Marguerite Duras ကို‌တော့ The Lover နဲ့ သိကြလိမ့်မယ်။ ပြောရရင် Hiroshima Mon Amour (1959) ဟာ အက်တမ်ဗုံးဒဏ်ခံခဲ့ရတဲ့ ဟိရိုရှိမမြို့အကြောင်း တင်ဆက်ရမယ့် ရုပ်ရှင်ဖြစ်ရမှာပေမဲ့ Resnais ကတော့ ဟိရိုရှိမရဲ့ဝေဒနာကို ပြင်သစ်ရဲ့ဝေဒနာနဲ့ လူနှစ်ယောက်ရဲ့ဝေဒနာနဲ့ တွဲဖက်ပုံဖော်သွားခဲ့တယ်။ သူစစဖွင့်ခဲ့သလိုပဲ ဟိရိုရှိမအကြောင်းကို ပြင်သစ်သူကနားမလည်နိုင်ဘူးဆိုသလိုပဲ သူကိုယ်တိုင်လည်း မဖြစ်မနေ ဒါကိုရိုက်ရပေမဲ့ ဟိရိုရှိမရဲ့ ‌ဝေဒနာကို သူအပြည့်အဝနားမလည်နိုင်တာ ကောင်းကောင်းသိခဲ့ပုံပါပဲ။ ဒီတော့ သူက ဝေဒနာကို ဝေဒနာချင်းထပ်တူပြုပုံဖော်သွားခဲ့တယ်။ ခြေထောက်ပြတ်တဲ့လူရဲ့ဝေဒနာကို ကျွန်တော်တို့အပြည့်တော့ နားမလည်နိုင်ပေမဲ့ ကျွန်တော်တို့သာ လက်သန်းပြတ်ဖူးရင်တော့ နည်းနည်းတော့နှိုင်းယှဉ်သိနိုင်မယ်။ ဒါပေမဲ့ အပြည့်အဝသိနိုင်တာတော့မဟုတ်ဘူးပေါ့။ Resnais ကတော့ ခြေထောက်ပြတ်တဲ့လူလိုဖြစ်နေခဲ့တဲ့ ဟိရိုရှိမရဲ့ဝေဒနာကို လက်သန်းပြတ်ဖူးတဲ့ သူတို့ဝေဒနာနဲ့ တတ်နိုင်သလောက်အထိ တွဲဖက်တင်ဆက်ပြသွားခဲ့တယ်။ ဒါဟာ ဟိရိုရှိမအကြောင်းပေမဲ့ ဒါဟာ Resnais နဲ့ Duras တို့ရဲ့ ပုဂ္ဂိုလ်ရေးလည်း ဟုတ်နေပါတယ်။ ကျွန်တော်တို့လည်း ကျွန်တော်တို့ဝေဒနာနဲ့ နားလည်နိုင်သလောက် ခံစားရမှာပါပဲ။ အချစ်နဲ့ရူးသွပ်ခြင်းဟာ ပက်ပင်းတိုးရမှ နားလည်နိုင်တဲ့အရာတွေပဲတဲ့။ ဒါပေမဲ့လည်း အဲဒီအရာတွေ မရှိတော့တဲ့အခါကျရင်လည်း အဲဒီအရာတွေကို နားမလည်နိုင်တော့ပြန်ဘူး။ လူ့မှတ်ဉာဏ်ရဲ့ မေ့လွယ်ပျောက်လွယ်တတ်ခြင်းတွေပေါ့။ ဝေဒနာတွေဟာ မေ့ပျောက်တတ်ပါသလား။ မမေ့ပျောက်ရင်တောင် လူတွေက အသားကျသွားတတ်တာတော့သေချာတယ်။ အချစ်နဲ့ပက်ပင်းမတိုးရတဲ့အချိန်တွေမှာ ချစ်ဖူးတဲ့ခံစားချက်တွေက ပျောက်ပျက်တတ်သွားတတ်တယ်။ အချစ်နဲ့ပက်ပင်းတိုးမှပဲ ချစ်ဖူးတဲ့ခံစားချက်ကို ကျွန်တော်တို့ ပြန်သတိရတတ်တယ်တဲ့။ ဝေဒနာလည်း ဒီလိုပါပဲ။ မှုန်ရီဝေဝါးသောစိတ်များဟာ ဘယ်တော့မှ ရှင်းရှင်းလင်းလင်းမရှိနိုင်ဘူး။ ဒါကိုပဲ ကျွန်တော်တို့ဗီဇတစ်ခုလို့ လက်ခံလိုက်ကြတာပေါ့။ ဇာတ်လမ်းရဲ့အဆုံးသတ်မှာ အမျိုးသမီးက အမျိုးသားကို မေ့သွားခဲ့တယ်။ သူ့နာမည်ကို ဟိရိုရှိမလို့ပဲ မှတ်မိခဲ့တယ်။ အမျိုးသားကလည်း အမျိုးသမီးဝေဒနာတွေတည်နေတဲ့ မြို့ကလေးနာမည်ကိုပဲ အမျိုးသမီးနာမည်အဖြစ် သတ်မှတ်ခဲ့တယ်။ လူတစ်ယောက်ရဲ့နာမည်ကိုမေ့သွားတဲ့အခါမှာ အရာအားလုံး မေ့သွားတော့တာပဲတဲ့။ မှန်ချင်မှလည်းမှန်ပါမယ်။ ဝေဒနာသက်သက်ကို ခံစားမိနေတတ်တဲ့ နေ့ရက်တချို့တို့လိုပေါ့။ ဟိရိုရှိမမြို့ရဲ့ ပြတိုက်ထဲမှာ လိမ်ကောက်ကွေးညွတ်သွားတဲ့ သတ္တုတွေရှိတယ်တဲ့။ မာကျောလှတဲ့ သတ္တုတွေကိုတောင် အဖတ်ဆည်မရဖြစ်သွားစေခဲ့တဲ့ ပြင်းအားနောက်မှာ လူသားကတော့ ရှင်သန်နိုင်ခဲ့တယ်။ ဒါပေမဲ့ ပုံပျက်ပန်းပျက်ပါပဲ။ ကမ္ဘာမှာ ပုံပျက်ပန်းပျက်နဲ့ ရှင်သန်နေရတဲ့ နှလုံးသားတွေသိပ်များတယ် ဟိရိုရှိမရယ်…။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size – 2.4GB, 996MB Quality – BluRay 1080p, 720p IMDb Rating – 7.8/10 Format – mp4 Duration – 1H 30Min Genre – Drama, Romance Subtitle – Myanmar Subtitle (Hardsub) Translated by WiRa Aung Encoded by Y

Respati (2024) IMDb Rating (6.5) သူတို့ဆီမှာရုံတင်နေစဉ်ကတည်းက တစ်တော့မှာနာမည်ကြီးနေခဲ့တဲ့ အင်ဒိုသရဲကားလေးရပါပြီ။ Assembly စီနေကြတဲ့ ကျောင်းသူကျောင်းသားတွေထဲမှာ သရဲတွေကိုမြင်နေရတဲ့ကျောင်းသားလေးတစ်ယောက်ဆီကို သရဲစုံတွဲလေထဲမှာမျောပြီးရွေ့လာတဲ့အခန်းကိုကြည့်ဖူးသူတွေမှတ်မိကြပါလိမ့်မယ်။ ဇာတ်လမ်းအကျဉ်းအနေနဲ့ ရတ်စ်ပါတီဟာ မိဘမဲ့ဆယ်ကျော်သက်ကျောင်းသားလေးတစ်ယောက်ဖြစ်ပြီး အဘိုးဖြစ်သူနဲ့အတူနေထိုင်ပါတယ်။ သူ့မိဘနှစ်ပါးသေဆုံးခဲ့ရမှုအပေါ်အပြစ်မကင်းသလိုခံစားချက်နဲ့အခုချိန်ထိ အိမ်မက်ဆိုးတွေနဲ့အတူ အိပ်မပျော်ရောဂါကိုပါခံစားနေရတဲ့သူဟာ တစ်စတစ်စနဲ့ တစ်ပါးသူတွေရဲ့အိမ်မက်တွေထဲကိုဝင်ရောက်နိုင်စွမ်းရှိတာကိုသိစပြုလာချိန် သူ့ဘေးပတ်ဝန်းကျင်မှာ ရက်စက်ပြီး တရားခံမပေါ်တဲ့လူသတ်မှုတွေဆက်တိုက်ဖြစ်လာနေပါတယ်။ အဲ့ဒီအချိန်မှာပဲသူခံစားနေရတဲ့ ဝေဒနာတွေကိုနားလည်တဲ့ သူ့လိုပဲ နာမ်လောကနဲ့အဆက်အသွယ်ရှိတဲ့ကျောင်းသူလေးတစ်ယောက် သူတို့ကျောင်းကိုပြောင်းလာတဲ့အချိန်မှာတော့ ရတ်စ်ပါတီ၊ သူ့သူငယ်ချင်းတာတာနဲ့ ကျောင်းသူသစ်လေး ၀ူလန်တို့သုံးယောက်ဟာ သူတို့ပတ်ဝန်းကျင်မှာဖြစ်နေတဲ့ ထူးခြားဆန်းကြယ်တဲ့အဖြစ်တွေကို အဖြေရှာဖို့ကြိုးစားရင်း ထင်ထားတာထက်ကြောက်မက်ဖွယ်ကောင်းနေတဲ့ ရန်သူတွေကိုရင်ဆိုင်ရမှာဖြစ်ပါတယ်။ Indo horror တို့ထုံးစံဇာတ်လမ်းဇာတ်အိမ်ကောင်း၊ လှည့်ကွက်ကောင်းတွေနဲ့ ပရိသတ်စိတ်မပျက်စေရမယ့်ကားကောင်းတစ်ကားပါပဲ။ (အညွှန်းနဲ့ဘာသာပြန်ကတော့ Alias ပဲဖြစ်ပါတယ်) File size…(1.6 GB) / (815 MB) Quality….WEB-DL 1080p HEVC / 720p Format…. mkv/mp4 Duration….01:53:36 Subtitle….Myanmar Subtitle (Hardsub) Encoder….Benjamin Translated by Alias

Jezabel (2022) IMDb Rating (5.8) 18+ အခန်းတချို့ပါသောကြောင့် မိသားစုနှင့်အတူ မကြည့်သင့်ပါကြောင်း အသိပေးအပ်ပါသည်။ ဒီတစ်ခါ CM ပရိတ်သတ်ကြီးကို တင်ဆက်ပေးချင်တာကတော့ ၂၀၂၂ ခုနှစ်မှာ ထွက်ရှိထားတဲ့ စပိန်လူငယ် ဇာတ်ကားကောင်းလေး တစ်ကားဖြစ်ပါတယ်။ ဇာတ်လမ်းအမျိုးအစားကတော့ Thriller, Crime အမျိုးအစားပါ။ ဇာတ်လမ်းအစမှာ‌တော့ လိင်ကိစ္စတွေ ဆေးတွေနဲ့ ထင်တိုင်းကြဲနေကြတဲ့ ရေပေါ်ဆီ အထက်တန်းကျောင်းသူ၊‌ ကျောင်းသားအဖွဲ့ကို ရိုက်ပြထားပါတယ်။ အဲ့ဒီအဖွဲ့သာ ယောကျာ်း‌လေး အုပ်စုလိုက် ပျော်ပါးနေကြရင်း တစ်ရက်မှာ သူတို့အဖွဲ့ထဲက Eli ဆိုတဲ့ ကောင်မလေးတစ်ယောက်က အသတ်ခံလိုက်ရပါတယ်။ အဲ့လိုနဲ့ နှစ်တွေကြာပြီးနောက် အဖွဲ့ထဲကတစ်ယောက်က သူ့‌ကောင်လေးကို ငယ်ငယ်ကအကြောင်း‌တွေပြောရင်း အဲ့ဒီ သေဆုံးမှုကို အစဖော်မိသွားပါတယ်။ သူ့ကောင်လေးက Journalist ဆိုတော့ ထုံစံအတိုင်း အမှုကို အစကနေ သူ့ဘာသာသူ ပြန်စုံစမ်းရင်း ဘာတွေကိုသိသွားမှာလဲ ဆိုတာ ရင်တထိတ်ထိတ်နဲ့ ကြည့်ရှုရမှာပဲဖြစ်ပါတယ်။ အိပ်ယာပေါ်က ကိစ္စတွေကို ရှင်းရှင်းလင်းလင်းရိုက်ပြထားတာမို့ 18 ယောက်စုပြီးမှ ကြည့်ကြပါ။ (အညွှန်းနဲ့ဘာသာပြန်ကတော့ Leo ဖြစ်ပါတယ်။) File size…(1 GB) / (560 MB) Quality….Blu-Ray 1080p HEVC /720p Format…. mkv/mp4 Genre….Crime,Mystery,Romance,Thriller Duration….01:47:57 Subtitle….Myanmar Subtitle (Hardsub) Encoder….Double K Translated by Ivy Noe

The Kid (2000) IMDb Rating (6.1) / Rotten Tomatoes (49%) ဒစ်စနေးကထုတ်တဲ့ အက်ရှင်မင်းသား Bruce Willis ရဲ့ ဒရာမာဇာတ်လမ်းကောင်းလေးပဲ ဖြစ်ပါတယ်။ ရပ်စ်က နာမည်ကျော် ရာထူးမြင့်လူတွေကို ပုဂ္ဂိုလ်ရေး၊ လူမှုရေးဆိုင်ရာ အကြံပေးတဲ့အလုပ်ကိုလုပ်ကိုင်ပြီး စိတ်ကသိကအောက်ဖြစ်စရာ စရိုက်လက္ခဏာကြောင့် လူတိုင်းတင်မက သူ့ရည်းစားကပါ အမြင်ကပ်ရပါတယ်။ အဖေဖြစ်သူနဲ့ စကားမပြောဘဲ ငယ်ဘဝကိုလည်း မေ့ဖျောက်ထားသူတစ်ယောက်ဖြစ်ပြီး အသက် ၄၀ ပြည့်ဖို့သိပ်မလိုတော့တဲ့အချိန် တစ်ညမှာ သူ့အိမ်ထဲကို ၈ နှစ်အရွယ် ဝတုတ်ကောင်လေး ခိုးဝင်လာပါတယ်။ ပထမတစ်ခါ လွတ်သွားပေမယ့် နောက်တစ်ခါလက်ပူးလက်ကြပ်မိတဲ့အခါ ကောင်လေးကို မေးမြန်းကြည့်ရင်း ၈ နှစ်ကလေးဟာ သူကိုယ်တိုင်ပဲဆိုတာ သိလိုက်ရတဲ့နောက်မှာတော့ သူ့မေ့ထားခဲ့တဲ့ အတိတ်ကို ပြန်လည်ရင်ဆိုင်ရဖို့ ဖြစ်လာပါတော့တယ်။ (အညွှန်းနဲ့ဘာသာပြန်ကတော့ Sike Tan ဖြစ်ပါတယ်။) File size…(3 GB) / (1.1 GB) Quality….WEB-DL 1080p HEVC / 720p Format…. mkv/mp4 Genre….Comedy,Family,Fantasy Duration….01:46:19 Subtitle….Myanmar Subtitle (Hardsub) Encoder….Double K Translated by Sike Tan