ဖြစ်စေချင်ဝာာကတော့ ဘာမှဆက်ဖတ်မနေပါနဲ့။ ဒီတိုင်းသာ ကောက်ကြည့်လိုက်ပါ။ ပေါင်၆၀၀လူဝကြီးတစ်ယောက်က အသည်းကို ဖင်ခုထိုင်ပြီး တစ်စစီခွဲပစ်မယ့် ရုပ်ရှင်ပါပဲ။ "ဝေလငါး ( သို့ ) ဝမ်းနည်းခြင်းအက်ဆေး" ကမ္ဘာကြီးက လူ၀ကြီးကို ထမ်းထားတယ်လို့ စကားဦးပျိုးလိုက်ရင် မှန်ပါ့မလား။ ဟင့်အင်း... မမှန်တာ သေချာတယ်။ ကမ္ဘာကြီးက လူ၀ကြီးကို ထမ်းထားတယ်ထင်ရပေမဲ့ တကယ်တမ်းကျ လူဝကြီးက ကမ္ဘာကြီးကို ထမ်းထားခဲ့တယ်။ လူဝကြီးအကြောင်းပြောပြရရင် လူဝကြီးက အလေးချိန် ပေါင်၆၀၀ရှိတယ်။ ဇနီးဟောင်းတစ်ယောက်၊ သမီးတစ်ယောက်၊ သူငယ်ချင်းတစ်ယောက်ရှိတယ်။ လူဝကြီးမှာ ကောင်လေးတစ်ယောက်ရှိခဲ့ပေမဲ့ အခုတော့ မရှိတော့ဘူး။ လူဝကြီးစကားအရတော့ အဲဒါကြောင့်ပဲ သူ့ကိုယ်အလေးချိန် တက်လာခဲ့တယ်တဲ့။ လူဝကြီးရဲ့ အ၀လွန်နေတဲ့ကိုယ်ပေါ်မှာ ဖက်ခွက်နာ၊ ပြည်တည်နာ၊ အဆီကျိတ်၊ အသားဆွေး အရေပြားရောဂါမျိုးစုံ ကျက်စားနေကြတယ်။ လူဝကြီးအကြောင်းဆက်မပြောခင် ကျွန်တော် လူဝကြီး အကြိုက်ဆုံး အက်ဆေးတစ်ပုဒ်ကို အရင်ပြချင်တယ်။ " မိုဗီဒစ်ဆိုတဲ့စာအုပ်မှာ စာရေးဆရာက ပင်လယ်ပြင်က သူ့အတွေ့အကြုံတွေကို ပြန်ပြောင်းပြောပြထားတယ်။ ဒီစာအုပ်ဟာ စာရေးဆရာနဲ့ သူ့သူငယ်ချင်းတို့ရဲ့ ကပ္ပတိန်အာဟတ်လို့ခေါ်တဲ့ ခြေထောက်တစ်ဖက်မရှိတဲ့ ပင်လယ်ဓားပြနဲ့အတူ ဝေလငါးဖမ်းထွက်တဲ့အကြောင်းပေါ့။ အာဟတ်ရဲ့ ဘဝပန်းတိုင်က ဝေလငါးကြီးကို သတ်ဖို့ပဲ။ ဒီအဖြစ်က ဝမ်းတော့ဝမ်းနည်းစရာပဲ။ အာဟတ်က သူ့ကို ဘယ်လောက်တောင် သတ်ချင်နေလဲ အဟိတ်တိရိစ္ဆာန် ဝေလငါးကြီးမှ မသိရှာပဲလေ။ သနားစရာသတ္တဝါကြီးပါပဲ။ တကယ်တမ်းဆို အာဟတ်လည်း သနားစရာကောင်းပြန်တာပါပဲ။ ဝေလငါးကြီးကို သတ်လိုက်နိုင်ရင် သူ့ဘဝကြီး အဓိပ္ပာယ်ရှိသွားမယ်လို့ ထင်ယောင်ထင်မှား ဖြစ်နေခဲ့တာကိုး။ တကယ်တမ်းကျ ဘာတစ်ခုမှ ထူးခြားသွားမှာမဟုတ်ဘူး။ အင်မတန်ဝမ်းနည်းဖို့ကောင်းတဲ့စာအုပ်ပေါ့။ ဇာတ်ကောင်တွေဟာလည်း အင်မတန် သနားစရာကောင်းတယ်။ ဝမ်းနည်းစရာအကောင်းဆုံးဇာတ်ဝင်ခန်းကတော့ ဝေလငါးကြီး ဘယ်လိုဘယ်ပုံပါလို့ ပုံဖော်ထားတာကလွဲ ဘာမှမပါတဲ့ ပျင်းစရာဇာတ်ဝင်ခန်းတွေပေါ့။ စာရေးဆရာဟာ စာဖတ်သူ ရှေ့မှာကြုံလာရမယ့် သူပြောပြမယ့် ဝမ်းနည်းစရာဇာတ်လမ်းကနေ ခဏလောက်ဖြစ်ဖြစ် ဆိုင်းငံ့ပေးဖို့ ကြိုးစားနေတာကို သိနှင့်နေခဲ့တာကိုး " လူဝကြီးဟာ ဒီအက်ဆေးကို သိပ်ကြိုက်တယ်။ သေတော့မလိုလိုဖြစ်တဲ့ အချိန်တိုင်းမှာ လူဝကြီးနောက်ဆုံးတောင်းဆိုတာက ဒီအက်ဆေးကို ဖတ်ပြပေးဖို့ပဲ။ ဒီအက်ဆေးကို ခင်ဗျားသေချာဖတ်ကြည့်ပြီးပြီဆို လူဝကြီး ဒီအက်ဆေးကို ဘာလို့ကြိုက်လဲ ခင်ဗျားနားလည်လောက်ပြီ။ လူဝကြီးပြောခဲ့တဲ့ စကားတွေထဲ တော်တော်လှတဲ့ စကားတစ်ခွန်းရှိတယ်။ " လူတွေဟာ လူတွေကို ဂရုမစိုက်ဘဲ မနေနိင်ပါဘူး "တဲ့။ လူဝကြီးသိပ်ကြိုက်တဲ့ အက်ဆေးမှာ ရေးသူဟာ မိုဗီဒစ်အကြောင်းပြောပြတယ်။ ဒါပေမဲ့ သူ့ပြောပြပုံက စာရေးဆရာအပါအဝင် မိုဗီဒစ်ထဲက ဇာတ်ကောင်တိုင်းကို နားလည်ပေး ဂရုစိုက်ပေးနေတဲ့ ပြောပြပုံမျိုး။ ဒီအက်ဆေးကို ဘယ်သူရေးလဲဆိုတဲ့ အချက်ကို ဖယ်ထားလိုက်ရင်တောင် ဒီအက်ဆေးဟာ သိပ်ချစ်စရာကောင်းနေတယ်။ ဒီလိုနဲ့ပဲ ပေါင်၅၈၀လုံး ချစ်ခြင်းတွေနဲ့ ပြည့်နေတဲ့ လူဝကြီးဟာ ဒီအက်ဆေးကို သိပ်ချစ်ခဲ့တယ်။ လူဝကြီးဟာ အင်္ဂလိပ်စာဆရာဖြစ်တယ်။ လူဝကြီးဟာ အင်္ဂလိပ်စာကိုချစ်တယ်။ ဘာသာစကားတစ်ခုကိုချစ်ရင် အရေးအသားကိုလည်းချစ်ရမှာပေါ့။ ဒီတော့ လူဝကြီးဟာ အက်ဆေးတွေကို ချစ်တယ်။ လူဝကြီးဟာ စကားလုံးတွေကို ချစ်တယ်။ လူဝကြီးဟာ အက်ဆေးနဲ့ အသက်မွေးတယ်။ အက်ဆေးနဲ့ ပတ်သက်ပြီး လူဝကြီးရဲ့ ခံယူချက်ကရှင်းတယ်။ " ဒီအဆိုင်းမန့်လည်း အရေးမကြီးဘူး။ ဒီသင်ခန်းစာလည်း အရေးမကြီးဘူး။ အရေးကြီးတာက မင်းတို့ရေးတဲ့ စာတွေရိုးရိုးသားသားနဲ့လှနေဖို့ပဲ " တဲ့။ တော်တော်သဘောကျဖို့ကောင်းတဲ့ စကားပဲ။ ဘယ်စာမျိုးမှာမဆို စကားလုံးထက် ရိုးသားမှုက ပိုအရေးကြီးတယ်မလား။ ဒါပေမဲ့ ရိုးသားဖို့က အခက်ဆုံးပဲ။ လူဝကြီးကိုယ်တိုင်တောင် အမြဲမရိုးသားနိုင်ခဲ့ဘူး။ လူဝကြီးရဲ့ သမီးလေးကတော့ သိပ်ရိုးသားတယ်လို့ပြောရမလား သိပ်ရက်စက်တယ်လို့ပြောရမလား။ လူဝကြီးရဲ့ သမီးလေးဟာ လူဝကြီးပုံကိုရိုက်ပြီး " ငရဲမှာ သူ့ကိုမီးရှိ့တဲ့အချိန်ကျရင် ဝက်ဆီတွေထွက်လာလိမ့်မယ် "လို့ တင်လိုက်တယ်။ ဒီပို့စ်ကို လူဝကြီးက " ငါ့သမီးက စာအရေးအသားကောင်းချက် "လို့ တုံ့ပြန်တယ်။ လူဝကြီးဟာ သူမသေခင်မှန်တာတစ်ခုခုတော့ လုပ်သွားချင်ခဲ့တယ်။ သူ့သမီးကို " လူတွေက သူ့ကို ဂရုစိုက်ပြီး သူက လူတွေကို ဂရုစိုက်မယ့် "အရပ်မှာ နေစေချင်ခဲ့ခြင်းနဲ့ပေါ့။ ဒီလိုနဲ့ လူဝကြီးဟာ ကမ္ဘာကြီးကို ထမ်းထားခဲ့တယ်။ ရှောင်လွှဲလို့မရနိုင်တဲ့အရာတွေထဲ မလိုချင်တဲ့ဇာတ်ဝင်ခန်းတွေ, ရက်စက်တဲ့ဇာတ်သိမ်းတွေ ပါကောင်းပါနေပါလိမ့်မယ်။ လူဝကြီးသိပ်ကြိုက်တဲ့ အက်ဆေးထဲကလို ပြန်ပြောင်းပြောပြသူဟာ လာမယ့်ရက်စက်ခြင်းတွေကနေ ကယ်တင်ပေးချင်လည်းပဲ တစ်ကွေ့ကွေ့မှာတော့ တည့်တည့်ကို လာမှန်တာပါပဲ။ The Whale ဟာ သိပ်ရက်စက်တဲ့ ဇာတ်လမ်းတစ်ပုဒ်ပေးပြီး သိပ်လှတဲ့ ဇာတ်ဝင်ခန်းတွေ ပေါင်းထည့်ပေးသွားတယ်။ ဒါပေမဲ့လည်း ဒီရုပ်ရှင်ဟာ ပေါင်၆၀၀ လူဝကြီးတစ်ယောက်က အသည်းကို ဖင်ခုထိုင်ပြီး တစ်စစီခွဲပစ်မယ့် ရုပ်ရှင်ပါပဲ။ မှတ်မိသလောက်ဆို ဒီကားလောက် မျက်ရည်ကျအောင်လုပ်နိုင်တဲ့ ရုပ်ရှင် မရှိခဲ့ဖူးပါဘူး။ ဒီမျက်ရည်ဟာ ဝမ်းသာခြင်းလား ဝမ်းနည်းခြင်းလားတော့ အခုထက်ထိလည်း မသည်းကွဲသေးပါဘူး။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 2.2GB, 930MB Quality - 1080p, 720p IMDb Rating - 7.9/10 Format - mp4 Duration - 1H 57Min Genre - Drama Subtitle - Myanmar Subtitle (Hardsub) Translated by WiRa Aung Encoded by Y

မင်းသားကြီး Abhishek Bachchan ရဲ့ ကားသစ်လာပါပြီဗျား... ဟရစ် ပရာဒက်ပြည်နယ်ဝန်ကြီးတစ်ဦးဖြစ်တဲ့ ဂန်ဒါ ရမ် ချောင်ထရီဟာ အတန်းပညာမတတ်သော်လည်းနိုင်ငံရေးအကြောင်းနှောကျေနေပြီး အကျင့်ပျက်ခြစားတတ်တဲ့နိုင်ငံရေးသမားတစ်ယောက်လည်း ဖြစ်ပါတယ်။ သူ့မှာ ဗစ်လာ ဒေဗွီ ချောင်ထရီလို့ခေါ်တဲ့နုံ့နုံ့အအဇနီးတစ်ယောက်လည်းရှိပါသေးတယ်။ လူတွေအပေါ်အမြဲသြဇာလွှမ်းမိုးတတ်တဲ့ဝန်ကြီးဂန်ဒါ ရမ် ချောင်ထရီတစ်ယောက် တစ်နေ့မှာစွဲချက်ပေါင်းမျာစွာနဲ့ ထောင်ချခံလိုက်ရပြီး သူ့မိန်းမဖြစ်သူက ဝန်ကြီးနေရာဆက်ခံပါတော့တယ်။ ထောင်ထဲမှာလည်း ထောင်မှူးတွေအပေါ် သြဇာညောင်းတဲ့ ချောင်ထရီဆပ်ဟာ သူ့မိန်းမဦးဆောင်တဲ့အစိုးရလုပ်ငန်းတွေကိုလည်း နောက်ကွယ်ကကြိုးကိုင်နေဆဲဖြစ်ပါတယ်။ အချိန်ကြာတော့ သူ့ရဲ့ရုပ်သေးရုပ်ဝန်ကြီးဖြစ်တဲ့သူ့မိန်းမဟာ ဝန်ကြီးရာထူးကိုတပ်မက်လာပြီး သူ့ကိုစတင်လျစ်လျှူရှုလာခဲ့ပါတယ်။ အဲ့ဒီနောက်မှာတော့ ထောင်ထဲမှာလည်း မထင်ထားတဲ့ပြဿနာတွေပေါ်လာတဲ့အပြင် သူလုံးဝလုပ်ဖို့ခက်တဲ့ ကိစ္စကြီးတွေပေါ်လာတဲ့အခါမှာတော့..... File Size :(1.0GB) and (325 MB) Quality :WEB-DL 720p Format…mp4 Duration…02:05:00 Genre : Crime , Drama,Comedy Subtitle : Myanmar Subtitle (Hard Sub) Translated by Seiji &Jumper Neysman Encoded by Phyo Pyae

Jason Statham ရဲ့ Transporter ဇာတ်ကားတွေဟာ အက်ရှင်ကားစစ်စစ်တွေလို့ ပြောရလောက်အောင် အထိုးအခုတ်အတိုက်အခိုက် ပေါက်ကွဲရမ်းကားမှုတွေနဲ့ ဆွဲဆောင်မှုရှိခဲ့ပါတယ်။ သူပါဝင်ထားတဲ့ Transporter (၃)ကားထွက်ရှိထားပြီး ၃ ကားလုံး လန်းတယ် ဆိုရပါမယ်။ Frank Martin (Jason Statham) ဟာ စည်းကမ်းတွေနဲ့ အလုပ်လုပ်တတ်တဲ့ သယ်ယူပို့ဆောင်ရေးသမားဖြစ်ပြီး တိကျမှု စမတ်ကျမှု တည်ကြည်ခန့်ငြားမှုတွေအပြင် ကိုယ်ပိုင်အတွေးအခေါ်နဲ့ ရှင်သန်နေထိုင်တဲ့ တကယ့်ဖိုက်တာတစ်ယောက်ပါ... ဒီလိုလူမျိုးနဲ့မှ လာပတ်သက်မိတဲ့ ဒုစရိုက်သမားတွေ ဘယ်လိုအဗျင်းခံရလဲဆိုတာ အပေါ်စီးကနေ ထိုင်ကြည့်နေယုံပါပဲ။ မင်းသား Jason Statham ရဲ့တည်ငြိမ်တဲ့ပုံစံကြောင့် ဒီဇာတ်ကားဟာ နာမည်ကြီးလူကြိုက်များခဲ့ပါတယ်။ Action ပေါ့ပေါ့ပါးပါးလေးတွေကို ဟာသဆန်ဆန်ကြည့်ရတာ နှစ်ခြိုက်သူများအတွက်တော့ လက်လွတ်မခံသင့်ပါ။ The Transporter 2(2005)ကတော့ IMDb Rating(6.3/10)ရရှိထားပါတယ်။ File size…(2.8 GB)/(1.2 GB) Quality….BluRay Directer's Cut 1080p HEVC / 720p Format…mkv/mp4 Duration….01:34:11 Subtitle….Myanmar Subtitle (Hardsub) Encoder….Nyeinsaeya Aun

ယောက်ျားဖြစ်သူကို လုပ်ငန်းခွင်မတော်တဆမှုကြောင့် ဆုံးရှုးခဲ့ရပြီး နစ်နာကြေးရခဲ့တဲ့ပိုက်ဆံနဲ့ Dream Palaceလိုခေါ်တဲ့ တိုက်ခန်းအသစ်ဆီ ပြောင်းလာတဲ့ဟယ်ဂျောင်... အိမ်အသစ်မှာ အဆင်မပြေတာတွေရှိလို ကုမ္ပဏီကို တိုင်ကြားချင်ပေမယ့် အခြားနေထိုင်သူတွေက ဒီသတင်း ပေါက်ကြားပြီး တိုက်ခန်းစျေး ကျသွားမှာကိုပဲ စိတ်ပူနေကြပါတယ်.... တစ်ချိန်တည်းမှာပဲ မိတ်ဆွေဟောင်းဖြစ်သူနဲ့ ပြန်လည်တွေ့ဆုံခဲ့ပြီး သူမနေတဲ့ တိုက်ခန်းမှာပဲ ဈေးသက်သာစွာနဲ့ တိုက်ခန်းဝယ်ယူနိုင်အောင် ကူညီပေးခဲ့ပါတယ် တိုက်ခန်းစျေးကျသွားမှာကို စိုးရိမ်နေကြတဲ့ အခြားနေထိုင်သူတွေနဲ့ဟယ်ဂျောင်ကြားမှာ ဘယ်လိုပဋိပက္ခတွေ ဖြစ်လာမလဲဆိုတာ ကြည့်ရှုလိုက်ကြပါဦး.... File size : 1.8GB/ 667MB Quality : WEB-DL 1080p/ 720p Format : mp4 Duratio : 1h 51min Genre : Drama Subtitle : Myanmar Subtitle (Hard Sub) Translated by Estel Encoded by Phyo Pyae

Love Hotel (1985) မှောင်နေတဲ့ထဲမှာ အမှောင်ခန်းတွေပါတဲ့ အချစ်ဇာတ်ကားလေးဖြစ်ပါတယ်။ အချစ်ဟိုတယ်ဆိုတဲ့နာမည်အတိုင်း မင်းသားနဲ့ မင်းသမီးက အချစ်ဟိုတယ်မှာ စတွေ့ကြပါတယ်။ မင်းသမီးကတော့ အချိန်ပိုင်း ဖျော်ဖြေတဲ့သူဖြစ်ပြီးတော့ မင်းသားကတော့ အကြွေးတွေများလို့ စိတ်ဓာတ်ကျပြီး တစ်ယောက်တည်းသတ်သေရမှာပျင်းလို့ အဖော်ခေါ်သွားချင်တာနဲ့ ဖျော်ဖြေရေးခေါ်ရာကနေ တွေ့ကြပါတယ်။ သတ်သေဖို့စီစဉ်ထားပေမဲ့ ကောင်မလေးမျက်နှာမြင်ပြီး စိတ်ပြောင်းသွားလို့ ကောင်မလေးကို ခုတင်ပေါ်မှာ ပစ်ထားပြိး လစ်ပြေးသွားပါတယ်။ နောက်တော့ မင်းသားက တက္ကစီဒရိုက်ဘာလုပ်နေရင်း မင်းသမီးကို ပြန်တွေ့ပါတယ်။ မင်းသမီးက ဖျော်ဖြေရေးမလုပ်တော့ဘဲ တခြားအလုပ်လုပ်နေပေမဲ့ အတိတ်က အရိပ်ဆိုးရဲ့ ဖုံးလွှမ်းမှုကို ခံနေရပါတယ်။ တက္ကစီဒရိုက်ဘာမင်းသားက သူ့ကိုယ်သူသတ်မသေအောင် စိတ်ပြောင်းပေးနိုင်တဲ့ မင်းသမီးကိုကြွေသွားပြီး မင်းသမီးကလည်း သူ့ကို မုဒိမ်းကျင့်သတ်ဖို့ စီစဉ်ပေမဲ့ မလုပ်ဖြစ်တဲ့ မင်းသားကို ကြိုက်သွားပါတယ်။ဒါပေမဲ့ သူတို့အချစ်ခရီးလမ်းက အိမ်ထောင်ရေးဖောက်ပြန်မှုလမ်းခွဲတွေ အများကြီး ကွေ့ဝင်ထားတာကြောင့် စိတ်ဝင်စားစရာ ဇာတ်ကွက်လေးတွေကို တဝကြီးကြည့်ရမှာပါ။ (ဒီဇာတ်ကားနဲ့အညွှန်းကို s မှ ပြန်ဆို ရေးသားထားပါတယ်) Size - 1.9GB, 750MB Quality - 1080p, 720p IMDb Rating - 6.5/10 Format - mp4 Duration - 1H 28Min Genre - Drama Subtitle - Myanmar Subtitle (Hardsub) Translated by s Encoded by RGB

စာရေးဆရာ Stephenie Meyer ရဲ့ Twilight ဝတ္ထုကိုရုပ်ရှင်ပြန်ရိုက်ထားတဲ့ The Twilight Saga ရုပ်ရှင်ကားတွေဟာ သူ့ခေတ်အခါမှာ ပရိသတ်အားပေးမှုကို သောက်သောက်လဲ ရရှိခဲ့ပြီး လူငယ်တွေကြားမှာ အတော်ကိုအောင်မြင်ခဲ့တဲ့ ရုပ်ရှင် franchise တစ်ခု ဖြစ်ပါတယ်။ မင်းသား Robert Pattinson နဲ့ Taylor Lautner ၊ မင်းသမီး Kristen Stewart တို့ ဦးဆောင်ပါဝင်ခဲ့ပြီး Twilight Saga ရဲ့ ပထမဆုံးရုပ်ရှင် Twilight ရုပ်ရှင်ကားကို ၂၀၀၈မှာ စတင်ရိုက်ကူးခဲ့ပါတယ်... Twilight Saga: New Moon(2009), Twilight Saga: Eclipse(2010),Twilight Saga: Breaking Dawn Part 1 (2011) နဲ့ Twilight Saga: Breaking Dawn Part 2 (2012) ဆိုပြီး စုစုပေါင်း ၅ ကားထုတ်လုပ်ရိုက်ကူးခဲ့ပါတယ်။ သွေးစုတ်ဖုတ်ကောင်၊ သမန်းဝံပုလွေ၊ လူသား စတဲ့ မတူညီတဲ့ လောကတွေအကြားက ချစ်ခြင်းမေတ္တာအကြောင်းကို ရိုမန့်တစ်ဆန်ဆန်တင်ဆက်ထားပြီး သရုပ်ဆောင်တွေရော ဇာတ်လမ်းရော ဒိုင်ယာလော့ခ်တွေရော ထိမိလှတာကြောင့် ပရိတ်သတ်တွေရဲ့ အသည်းစွဲ အချစ်ဇာတ်လမ်းတစ်ပုဒ်ဖြစ်ခဲ့ပါတယ်။ File size…(1.8 GB) /(1.1 GB) Quality….BluRay Extended 1080p HEVC/720p Format…mkv/mp4 Duration….02:04:15 Subtitle….Myanmar Subtitle (Hardsub) Encoder….Ka Naung

ဒီရုပ်ရှင်ကတော့ rating အတော်မြင့်တဲ့ Horror ရုပ်ရှင်ပါပဲ။ ၁၉၆၀ အငွေ့အသက်တွေ အပြည့်ပါတယ်။ ရိုက်ချက်အလှအပတွေ အပြည့်ပါတယ်။ ခေါင်းဆောင်မင်းသမီး နှစ်ယောက်ကလည်း Anya Taylor-Joy နဲ့ Thomasin McKenzie ဆိုတဲ့ စတားလေး နှစ်ယောက်ဖြစ်နေတယ်။ အတော်ကို ကြည့်သင့်တဲ့ ရုပ်ရှင်ပါပဲ။ အယ်လီဆိုတဲ့ ဆယ်ကျော်သက်လေးတစ်ယောက် နယ်မြို့လေးတစ်ခုကနေ လန်ဒန်မှာ ဖက်ရှင်ကျောင်းတက်ဖို့ ရောက်လာခဲ့တယ်။ သ လန်ဒန်မြို့ပေါ်က မြို့ကြီးသူတွေနဲ့ အံမဝင်တဲ့အခါ ကိုယ်ပိုင်အခန်းလေးတစ်ခု ငှားနေလိုက်မိတယ်။ သူက ၁၉၆၀ သီချင်းတွေ ဖက်ရှင်တွေကို ကြိုက်တတ်တဲ့သူတစ်ယောက်ပါ။ အဲဒီအခန်းလေးမှာနေရင်းနဲ့ ၁၉၆၀ တုန်းက အဖြစ်ဆိုးကြီးကြုံခဲ့ရတဲ့ ကောင်မလေးတစ်ယောက်ကို ဆက်တိုက် မျက်စိထဲမှာမြင်လာတယ်။ သူ့ဘဝကို ကိုယ်တိုင်ခံစားနေရသလိုကို တွေ့လာတယ်။ အဲဒီလိုနဲ့ သူ ဆက်တိုက်မြင်ယောင်နေတဲ့ ကောင်မလေးအတွက် တရားမျှတမှုကို ရှာဖွေရင်းနဲ့ ကြောက်စရာ အဖြစ်မှန်တွေ ပေါ်ပေါက်လာတဲ့အခါ... File Size : (1.7 GB) & (900 Mb) Quality : Webrip HEVE, 1080p & 720p 5.1 CH Running Time : 1:56:00 Format : mp4 Subtitle : Myanmar Subtitle (Hard Sub)| Genre : Drama, Horror, Mystery Translated by CM Team Encoded by CM Team

Coffin Homes (2021) ဟောင်ကောင်ကားတွေဆိုရင် ပေးချင်တဲ့ messageကို ဘဝအမောပြေအောင် ရယ်စရာလေးတွေနဲ့ ပညာသားပါပါရောစပ်တဲ့နေရာမှာ နာမည်ကြီးပါပဲ။ အခုကားလေးကတော့ ဒီလိုရောစပ်တဲ့နေရာမှာ ကျွမ်းကျင်ပြီးသား Director ကြီး Fruit Chan ရဲ့ ခေါင်းတလားတိုက်ခန်းများဆိုတဲ့ ကားလေးပါ။ ‌အိမ်ခြံမြေဈေးတွေ အဆမတန်ထောင်တက်နေတဲ့ ဟောင်ကောင်လိုနေရာမှာ လူတစ်ယောက် ကျောတစ်ခင်းစာနေရာရဖို့အတွက် တိုက်ခန်းအကန့်‌လေးတွေကို ဈေးကြီးပေးပြီး ဝယ်ကြရပါတယ်။ ဒီလိုနဲ့ လူတွေဟာ သက်သာရာရှာရင်း တစ်ကွေ့မှာတော့ နာနာဘာဝတွေနဲ့ ဆုံကြရတော့တာပါပဲ။ တိုက်ခန်းပိုင်ရှင်တွေရဲ့ ဈေးကစားမှုတွေ၊ ပေါပေါပဲပဲရနိုင်တဲ့ လူသေထားတဲ့ အခန်းတွေကိုဝယ်၊ အခန်းတွေထဲမှာ အခန်းပိစိတွေကန့်ပြီး ငှားစားကြတဲ့ကြားက အိမ်ငှားတွေနဲ့ အခန်းထဲက မကျွတ်မလွတ်သရဲတွေ ဘယ်လိုအတူယှဉ်တွဲနေထိုင်ကြမလဲဆိုတာကို အိမ်ခြံမြေအကျိုးဆောင်ဘက်၊ ငှားစားတဲ့အိမ်ရှင်ဘက်နဲ့၊ ဗီလာပိုင်ရှင်မိန်းမကြီးဘက် စတဲ့ ရှုထောင့်သုံးမျိုးကနေကြည့်ရှုရမှာပါ။ Far East Flim Festival 2021 မှာ ပြသခွင့်ရတဲ့ Fruit Chan ရဲ့လက်ရာ၊ ဟာသနဲ့ Horror ရောထားတဲ့ ဇာတ်လမ်းလေးကိုကြည့်ပြီး ဟောင်ကောင်လူမှုဝန်းကျင်ကို တစ်ချက်လောက်မြည်းစမ်းကြည့်လိုက်ပါဦးလို့… အညွှန်း နဲ့ ဘာသာပြန်ကတော့ Aegi Xue ပဲ ဖြစ်ပါတယ်။ Genre…..Comedy, Horror Quality…. 1080p | 720p | 480p File size… 1.64GB | 908MB | 474MB Format… mp4 Duration….1h 51min Subtitle…. Myanmar Subtitle (Hardsub) Translator …..Aegi Xue Encoder ….. August

On the Line (2022) စကားလေးတစ်ခုရှိပါတယ်။ ” အပျော်ကနေ အပျက် ” တဲ့ ။ ဒီဇာတ်ကားလေးကတော့ အဲဒီစကားလေးနဲ့ပတ်သက်ပြီး မီးမောင်းထိုးပြထားတဲ့ ဇာတ်ကားလေးပါ။ Elvis ဟာ သန်းခေါင်ယံချိန်မှာ တင်ဆက်လေ့ရှိတဲ့ “On the Line ” လို့ ခေါ်တဲ့ ရေဒီယိုရှိုးရဲ့ host တစ်ယောက်ပါ။ ရှိုးရဲ့သဘောသဘာ၀ကတော့ နောက်ပြောင်ကျီစယ်တာတွေ သူများတွေကို ဖဲ့တာနှက်တာတွေ ပယ်ပယ်နယ်နယ် ပြောတာတွေကို အဓိကထားတင်ဆက်တာပါ။ ဒီလို ရေပန်းစားရှိုးတစ်ခုကို ကိုင်တွယ်ရတဲ့ Elvis ကိုယ်တိုင်ကလည်း ဘ၀င်ခေါင်ခိုက်တတ်တဲ့ပုံစံရှိပြီး ‌ နောက်ပြောင်ကျီစယ်မှုတွေမှာ ကန့်သတ်ချက်မထားတတ်တဲ့သူမျိုးပါ။ အဲဒီလို သူ့ရဲ့အမူအကျင့်ကပဲ တစ်ညမှာ သူ့ကို ပြန်လည် ဒုက္ခပေးဖို့ ဆိုက်ဆိုက်မြိုက်မြိုက်ကြီး ရောက်ရှိလာပါတော့တယ်။ မထင်မှတ်ထားတဲ့ လူတစ်ဦး သူတို့ရှိုးကို ဖုန်းခေါ်လာပြီး အဲဒီညမှာ သူတို့အားလုံးကို ဒုက္ခပေးဖို့ အကြောင်းဖန်လာတဲ့အခါမှာတော့…..။ အဲဒီလို ဒုက္ခပေးတဲ့သူက ဘယ်သူပါလဲ? Elvis ကရော ဘာတွေများလုပ်ခဲ့မိလို့ သူက Elvis ကို ဒုက္ခပေးဖို့ တန်းတန်းမတ်မတ်ကြီးရောက်လာတာလဲ ? ဒီလို ဇာတ်လမ်းဇာတ်အိမ်ကောင်းကောင်းလေးနဲ့ ဇာတ်ကားကို မထင်မှတ်ထားတဲ့ လှည့်ကွက်လေးတွေထည့်ပြီး ဖန်တီးထားတာမို့လို့ ကြည့်ရတာတန်မယ့် ဇာတ်ကားတစ်ကားဖြစ်ကြောင်း အသိပေးလိုက်ပါရစေ…။ အညွှန်း နဲ့ ဘာသာပြန်ကတော့ Chuck ပဲ ဖြစ်ပါတယ်။ Genre….. Thriller Quality…. 1080p | 720p | 480p File size… 1GB | 567MB | 344MB Format… mp4 Duration…. 1h 44min Subtitle…. Myanmar Subtitle (Hardsub) Translator ….. Chuck Encoder ….. August

Maurh (2023) ဒီတစ်ခါတင်ဆက်ပေးမယ့်ကားလေးကတော့ IMDb 8.5/10, the times of india 4.9/5 ရရှိထားတဲ့ ၁၈၈၅ ခုနှစ်နဲ့ ၁၈၉၃ခုနှစ်အတွင်း ပန်ဂျက်တောင်ပိုင်းက ဂျေအွန်နာဆိုတဲ့ တော်လှန်ရေးသမားရဲ့ ဖြစ်ရပ်မှန်ကို ပြန်လည်ရိုက်ကူးထားတာပဲဖြစ်ပါတယ်။ တစ်ကမ္ဘာလုံးအနှံ့ ဗြိတိသျှတွေခြေချနေကြတဲ့ အဲ့ကာလမှာ ပန်ဂျပ်ပြည်နယ်ကလူတွေအတွက်တော့ အိမ်ခွေးကိုလည်းကြောက်ရ အပြင်ခွေးကိုလည်းလန့်ရဆိုတဲ့ အခြေအနေဖြစ်နေခဲ့ပါတယ်။ ဗြိတိသျှကိုလည်းကြောက်ရ၊ ဘုရင့်အနွယ်တော်ဆိုတဲ့ မြေရှင်တွေကြောင့်လည်းကိုယ်စိုက်တဲ့အသီး ကိုယ္မစားရ မဝရေစာလေးစားပြီး အကြောက်ကြီးကြောက်နေခဲ့ရတဲ့ ကာလပါပဲ။ ဒီမှာမှ မစားရတဲ့အသီးကို သွားထိမိတဲ့သူကတော့ အနေအေးတဲ့ လူရိုးလေးဂျေအွန်နာရဲ့အမေပါပဲ။ သားကြီးကြိုက်တဲ့ မုန်ညှင်းစိမ်းလေးနည်းနည်းဝင်ခူးမိရာကစတဲ့မီးဟာ တစ်အိမ်လုံးကို တစ်စတစ်စနဲ့ပြန့်သွားပြီး ကြေးစားလူမိုက်အစ်ကိုကြီး တော်လှန်ရေးတပ်ထဲဝင်ပြီး အသက်ဆုံးသွားတဲ့အထိပါပဲ။ ဒီလိုအစ်ကိုကြီးရဲ့ သေဆုံးမှုကိုကလဲ့စားချေပေးမယ့် ဂျေအွန်နာ လူတိုင်းမှာပြောစမှတ်တွင်သွားရတဲ့ဇာတ်လမ်း၊ ယုံတမ်းနဲ့ ပါးစပ်ရာဇဝင်တွေ ဘာလို့ဖြစ်လာတယ်။ သူ့ရဲ့စွန်းစားခန်း ဘယ်လောက်ကြီးကျယ်တယ်ဆိုတာကို မိသားစုသံယောဇဉ်တွေ၊ ပန်ဂျပ်ပြည်သူတွေရဲ့ ဒုက္ခတွေကို ပေါ်လွင်အောင်တင်ပြထားတဲ့ကားလေးမို့ CM Bollywood Team မှ Aditi~ BpL~ ZWE~ Yunni တို့မှ ဘာသာပြန်တင်ဆက်ပေးလိုက်ရပါတယ်ရှင်

The Last Samurai ဆိုပဲ Tom Cruise ဆိုပဲ ပြီးတော့ ဆာမူရိုင်းချပ်ဝတ်တန်ဆာကြီးနဲ့ ပိုစတာကြီးမြင်တာနဲ့ ဒီဇာတ်ကားဘယ်လိုလဲဆိုတာ မြန်မာဇာတ်သိမ်းပိုင်းအတိုင်း ခန့်မှန်းရလွယ်လွန်းပါတယ် ************ အဲ့မှာ သောက်ဂွကျတာပဲ တက်တက်စင်အောင်လွဲ မြန်မာကားလိုဘာညာ အထင်သေးမိခဲ့တဲ့ ကျွန်တော် အခု all time fav ထဲ ထည့်ရမလို့ဘာညာဖြစ်နေပြီ ယောက်ျားတန်မယ့် ငိုကြီးချက်မ မဖြစ်ရုံတမယ်မျက်ရည်ပေါက်ပေါက်နဲ့ တကယ်တော့ The Last Samurai ဆိုတာ ဘယ်သူ့ကိုရည်ညွှန်းတယ်ဆိုတာ ဇာတ်ကားကိုညဘက် နားကြပ်တပ်ပြီး အပြည့်အဝ ခံစားပြီးမှ သိခဲ့ရတာ။ ဟိုး၂နှစ်လောက်တုန်းက ဒီကားreviewရေးဖူးတယ် အဲ့reviewကို ပြန်တင်ထားလိုက်တယ် The plot – ဇာတ်အိမ်တည်ထားတဲ့ အချိန်ကာလဟာ Meji restoration (or) Westernization in Japan လို့အဓိပ္ပါယ်ရတဲ့ Meji အစိုးရအသွင်ပြောင်းလဲခြင်း (သို့) အနောက်လူနေမှုအဆင့်အတန်းများ ဂျပန်သို့ရောက်လာခြင်း ဖြစ်တဲ့ ၁၈ရာစုနှောင်းပိုင်း ၁၈၆၀ခုနှစ်ကာလများ… ခရစ်နှစ် 1603ခုနှစ်ကနေစပြီး တည်တံ့လာတဲ့ Edo era ကြီးဟာ အမေရိကန်တွေ ခေတ်မှီလက်နက်ကိရိယာမျိုးစုံ စစ်သဘော်ကြီးတွေနဲ့ ဂျပန်ဆိပ်ကမ်းကိုလာရောက်ဆိုက်ကပ်ခြင်းကစပြီး ပျက်သုဉ်းခြင်းဆီကို တဖြည်းဖြည်းဦးတည်လာခဲ့တယ်။ ဂျပန်ဆိပ်ကမ်းကိုအသုံးပြုမယ် ကုန်သွယ်မယ် စစ်ခုံရုံးတွေမှာပါဝင်စွက်ဖက်မယ် ဂျပန်တွေတစ်သီးတခြားနေထိုင်အုပ်ချုပ်နေတာတွေရပ်တန့်ရမယ်ဆိုတဲ့ လက်နက်အမိန့်စကားသံတွေဟာ ဂျပန်ပြည်ကြီးရဲ့ အနာဂတ်ကို ခြိမ်းခြောက်နေတယ်။ ထိုအချိန်ကာလ ဂျပန်အစိုးရဟာ လွယ်လွယ်ကူကူ စာချုပ်ရေးထိုးပေးလိုက်တယ်။ ဆာမူရိုင်းတွေဟာ ဒီလိုသူရဲဘောကြောင်တဲ့ အစိုးရလုပ်ရပ်ကို မကြိုက်။ ဒါ့ကြောင့် ဆာမူရိုင်း clanတွေစုစည်းပြီး အစိုးရကိုဖြုတ်ချပြီး ခေတ်မီတဲ့ဂျပန်အစိုးရ Meji အစိုးရကို ထူထောင်ကြတယ် ။ သို့သော်လည်း Katsumoto ဆိုတဲ့ ဆာမူရိုင်းခေါင်းဆောင်ကြီးဟာ Meji အစိုးရထူထောင်ရေးလမ်းစဉ်ကို မကြိုက်နှစ်ပေ။ ငါတို့သည် ဆာမူရိုင်းများဖြစ်သည်။ ဓားကိုသာစွဲကိုင်သည်။ မီးလက်နက်များမကိုင်။ ဘယ်တော့မှအညံ့မခံ။ အသေသာခံမည် ဆိုတဲ့လမ်းစဉ်ကို လျှောက်နေကြတဲ့ katsumotoနဲ့ သူနောက်ပါဆာမူရိုင်းတစ်ချို့ဟာ Mejiအစိုးရသစ်အတွက် ခေါင်းခဲစရာဖြစ်နေသည်။ ထို့ကြောင့် katsumotoကို ဖြုတ်ချရန်အတွက် အနောက်နိုင်ငံများမှ စစ်သူရဲကောင်းတွေကိုရှာပြီး meji အစိုးရရဲ့ စစ်တပ်ကိုလေ့ကျင့်ပေးရင်စီစဉ်ကြတော့တယ်။ Captain Nathan Algren အင်ဒီယန်း‌ vs အမေရိကန် တိုက်ပွဲတွေမှာ သူရဲကောင်းအဖြစ်ကျော်ကြားတဲ့ ကပ္ပတိန် နေသန် အာလ်ဂရမ် တစ်ခုသောတိုက်ပွဲမှာ အထက်အရာရှိမှ အမိန့်ကြောင့် အပြစ်ကင်းစင်‌တဲ့ မိန်းမပျို/အို တွေနဲ့ ကလေးတွေကို သတ်ပစ်ခဲ့ရတယ်။ ထိုတိုက်ပွဲအပြီးမှာ သူလုပ်ခဲ့သောလုပ်ရပ်ကိုနောင်တအရှက်ရသောကြောင့် စစ်တပ်မှထွက်ခဲ့တယ်။ ကလေးတွေကို သတ်ခြင်း မိန်းမတွေကိုသတ်ခဲ့ရတဲ့မြင်ကွင်းတွေဟာ အိပ်မက်ဆိုးတစ်ခုလိုခြောက်လှန့်နေတယ် ။ တစ်နေ့ Cap Nathan Algrenဟာ Mejiအစိုးရရဲ့ ပညာရှင်၊ ခေါင်းဆောင်၊ သူရဲကောင်းစတဲ့ခေါ်ယူမှုတွေထဲက တစ်‌ယောက်ဖြစ်လာခဲ့တယ် ဒီလိုနဲ့ Mejiစစ်တပ်ကို လေ့ကျင့်သင်ကြားပေးရန် Nathan Algrenတစ်ယောက် ဂျပန်ပြည်ကြီးဆီကိုခရီးနှင်လာခဲ့တော့တယ် ဒီဇာတ်ကားရဲ့နောက်ဆုံးbattleဟာဆိုရင် 1877က တကယ်ဖြစ်ခဲ့တဲ့ စစ်ပွဲ (Seinan-war)ကို based ယူထားတာဖြစ်ပါတယ် တကယ့်သမိုင်းနဲ့ ရုပ်ရှင်ကွာခြားချက်က The Last Samurai အစစ်ဟာ Katsumoto မဟုတ်ဘဲ Saigo Takamori ဆိုသူဖြစ်တယ် နောက်ပြီး Mejiစစ်တပ်နဲ့ ပူးပေါင်းပြီး သင်ကြားပေးတဲ့Captain ဟာလည်း အမေရိကန် စစ်တပ်မဟုတ်ဘဲ ပြင်သစ်စစ်တပ်က Captain Jules Brunet ဆိုသူဖြစ်တယ် (သူတို့ပုံသိချင်ရင် ဂလူးဂလူးခေါက်လိုက်ဗျာ) ဒီဇာတ်လမ်းဟာ တကယ့်ကိုသဘာဝကျကျဖန်တီးထားတယ် တကယ်သဘောကျစရာကောင်းတာက သရုပ်ဆောင်တွေအကုန်လုံးက ဂျပန်သားတွေကိုသာသုံးထားတာဖြစ်ပါတယ် အစကတော့ ဥရောပရောက်ဂျပန်ဖြစ်ဖြစ် စစ်ဘက်ဆိုင်ရာလေ့ကျင့်မှုရှိတဲ့ကိုရီးယားနိုင်ငံသားတွေဖြစ်ဖြစ် အသုံးပြုဖို့စီစဉ်ထားတာကို ဒါရိုက်တာအပါအဝင် မင်းသားTom Cruise တို့က အပြင်းအထန်ကန့်ကွက်ကြတယ် ပြီးတော့ Tom Cruiseကိုယ်တိုင် ဇာတ်ကားမှာပါဝင်မယ့် ဂျပန်သားတွေကို လနဲ့ချီ training ပေးခဲ့တယ် ဒါ့ကြောင့်လည်း ဒီဇာတ်ကားက ဂျပန်ကားဆိုတဲ့အရသာကိုအပြည့်အဝပေးစွမ်းခဲ့တယ် နောက်ထပ်ပြောစရာချင်တာက ဂျပန်စကားအခုမှလေ့လာသူတွေအတွက်လည်း ကြည့်သင့်တဲ့ movieလေးတစ်ခုပါ ပုံမှန်နေ့စဉ်ပြောနေကျ စကားပြောတွေထက်ကို ခပ်နှေးနှေးခပ်ပြတ်ပြတ်ပြောထားတာတွေ့ရပါတယ် နောက်ပိုင်း Tom Cruiseပြောတဲ့ စကားအချို့ဆို ကျွန်တော်တောင်နားလည်တယ် ဒီဇာတ်လမ်းက ဂျပန်နိုင်ငံအကြောင်းကို Hollywood styleရိုက်ကူးထားတယ် ဒါရိုက်တာကြီးကလည်း တကယ့်ကိုဆရာတစ်ဆူဖြစ်တဲ့ Edward Zwickဖြစ်တယ် Blood Diamond, Jack Reacherတို့ကိုလည်း ရိုက်ကူးခဲ့တဲ့ သူလည်းဖြစ်တယ် ဒီဇာတ်ကားမှာသူရဲ့ရိုက်ကူးချက်အရမ်းကောင်းတယ် ဂျပန်ပြည်ကြီးကို ကိုယ့်နည်းကိုယ့်ဟန်မယ့်ကာကွယ်ကျမယ့် အဖွဲ့နှစ်ဖွဲ့ Mejiနဲ့ Samurai ကြည့်ရှုသူရဲ့စိတ်က ဘယ်ဘက်ကိုမျှအလေးသာခြင်းမရှိသွားအောင်ရိုက်ကူးပြတယ် Samurai တွေရဲ့ Bushidoဆိုတာကို ရှင်းရှင်းလင်းလင်းရိုက်ပြသွားတယ် ကိုယ့်လူမျိုးကိုယ်ပြန်တိုက်နေတဲ့ Meji စစ်သားတွေဟာလည်း လမ်းစဉ်မတူလို့သာဆန့်ကျင်ကြရတယ် သူတို့ရဲ့Samuraiရိုးရာကြီးကိုဘယ်လောက်ချစ်တယ်ဆိုတာ မြင်ရမယ် နောက်ပြီးအကြိုက်ဆုံးက Katsumoto ဆိုတဲ့characterရယ် Katsumotoနေရာသရုပ်ဆောင်တဲ့ဘဲကြီး Kenwatanabe တကယ့်ကိုလိုက်ဖက်လွန်းတဲ့character မာန်ပါလွန်းတဲ့အကြည့် ဩဇာရှိတဲ့အသံ နဲ့ လုံးဝကိုပြီးပြည့်စုံတဲ့ characterတစ်ခုဖြစ်ခဲ့တယ် Tom Cruise ထက်တောင် အဲ့ဘဲကိုပိုကြိုက်သေးတယ် နောက်ထပ်ကတော့ ကျနော်တို့သိကြတဲ့ဆရာကြီး Hans Zimmerပေါ့ဗျာ ဆိုတော့ နားကြပ်တပ်ကိုတပ်ကြည့်ရမယ့် အနေအထားဖြစ်သွားပြီပေါ့ ဆရာကြီးအကြောင်းကိုမရေးတော့ဘူး Earphonesလေးတပ်ပြီး ညအချိန်မှာ ဇာတ်ကားကြည့်ပြီးအေးအေးဆေးဆေးchillရုံပဲပေါ့။ (ရုပ်ရှင်အညွှန်းကို Filmophile Community Myanmar မှ Eh Mayer ၏ပို့စ်ကိုကူးယူဖော်ပြပါသည်။)

ဖိလစ်ပိုင်ရဲ့ဂုဏ်သတင်းအကြီးဆုံး နာမည်အကျော်ဆုံး တက္ကသိုလ်တစ်ခုရဲ့ပြဇာတ်ရုံထဲမှာ မာရီတာ ဆိုတဲ့ မင်းသမီးတစ်လက်ရှိခဲ့ဖူးပါတယ်။ မာရီတာဟာ လှပသလို ပညာရပ်မှာကြွယ်၀တဲ့အတွက် သူပဲအမြဲတမ်းခေါင်းဆောင်၊ သူကသာ ကြယ်တစ်ပွင့်အဖြစ် အားလုံးလက်ခုပ်တီးအားပေးရတဲ့ ကာလတစ်ခုကို နှစ်ရှည်လများပိုင်ဆိုင်ခဲ့ဖူးပါတယ်။ ဒါပေမယ့်လည်း အချိန်တွေတဖြည်းဖြည်းပြောင်းလာ ကာလတွေပြောင်းလာတဲ့နောက် ပိုပြီးအရည်အချင်းပြည့်၀သလို ပိုပြီးနုငယ်လှပတဲ့ လူငယ်လူသစ်တွေ သူတို့လောက ကိုဝင်ရောက်လာတဲ့နောက် သူ့နေရာကိုအစားထိုးခံလိုက်ရတဲ့အချိန်မှာတော့ မာရီတာတစ်ယောက် အဆုံးစွန်အထိပေါက်ကွဲခဲ့ပါတော့တယ်။ သူ့နေရာကို အစားထိုးမယ့် ပြဇာတ်မင်းသမီးထက် ပိုပြီး နာမည်ကြီးမယ့်နေရာကို သူဝင်ယူလိုက်ပုံကတော့ စတိတ်စင်ပေါ်၊ ပရိသတ်ရှေ့မှာ ကိုယ့်ကိုယ်ကိုသတ်သေသွားခဲ့တာပါပဲ။ နောက်နှစ်ပေါင်းများစွာကြာတဲ့အချိန်မှာတော့ သူ့ဇာတ်ကြောင်းဟာပါးစပ်ပြောရာဇဝင်တစ်ခုဖြစ်နေခဲ့ပါပြီ။ အဲ့ဒါတွေကို မယုံကြည်တဲ့ ကျောင်းအုပ်အသစ်၊ပြဇာတ်အဖွဲ့ဝင်အသစ်တွေနဲ့ သူတစ်ချိန်က ကြီးစိုးခဲ့တဲ့ ပြဇာတ်ရုံကိုပြန်အသက်သွင်းဖို့ကြိုးစားတဲ့အချိန်မှာ မာရီတာ ဘယ်လိုတုန့်ပြန်မှာလဲ? မာရီတာဟာ တကယ်ပဲ အဲ့ဒီဇာတ်ရုံထဲမှာရှိနေဆဲလား? ဆက်လက်ရှုစားကြပါ။ ( ဘာသာပြန်ပြီး အညွှန်းရေးသားထားသူကတော့ alias ပါ ) File size_(1.2GB)/(600MB) Quality_Blu-Ray 1080p / 720p Format_mp4 Duration_01:49:00 Genre_Horror Subtitle_Myanmar Subtitle (Hardsub) Encoder_a hao Translated by alias

The Devil’s Honey (1986) ——————————- ဒီဇာတ်ကားလေးကတော့ အီတလီဒါရိုက်တာ Lucio Fulci ရိုက်ကူးထားတဲ့ Italian erotic drama အမျိုးအစားဇာတ်ကားဖြစ်ပါတယ်။ Naked အခန်းတွေပေါပေါသီသီပါတဲ့အတွက် မိသားစုနဲ့‌အတူတူကြည့်လို့တော့မသင့်တော်ပါဘူး။ ဇာတ်လမ်းအကျဉ်းလေးကတော့ ဂဲတာနိုဟာ ဆက်ဆိုဖုန်း မှုတ်တဲ့သူတစ်ယောက်ပါ။ သူ့မှာ စီဆီလီယာ ဆိုတဲ့ကောင်မလေးတစ်ယောက်ရှိပြီး အရမ်းကျူးကြတဲ့ အတွဲလေးဖြစ်ပါတယ်။ တစ်နေ့တော့ ဂဲတာနိုဟာ မတော်တဆမှုဖြစ်ပြီး ဆေးရုံရောက်သွားပါတယ်။ ခွဲစိတ်ခန်း၀င်ရတဲ့အခါ ဆရာ၀န်ရဲ့အမှားကြောင့် ဂဲတာနိုတစ်ယောက် အသက်ဆုံးရှုံးလိုက်ရပါတယ်။ အဲဒီ‌နောက်တော့ သူ့ရဲ့ချစ်သူ စီဆီလီယာဟာ ဆိုက်ကို၀င်ပြီးဝောာ့ ဆရာ၀န်ကိုလက်စားချေဖို့ကြိုးစားပါတော့တယ်။ ဒီဇာတ်ကား‌လေးမှာ ချစ်ခြင်းအပြင် Erotic ဖြစ်ခြင်း၊ တပ်မက်ခြင်း၊ စိတ္တဇဖြစ်ခြင်းတို့ရဲ့ dark side ကိုထင်ထင်ရှားရှားရိုက်ကူးပြထားပါတယ်။ (Dark Side Production မှ တင်ဆက်သည်။)

The Manifestation (2024) ဒီ သဲထိပ်ရင်ဖို စိတ္တဇဇာတ်လမ်းကတော့ ခေါင်းစဉ်ဆိုတဲ့အတိုင်း တစ်စုံတစ်ခုဖြစ်တည်လာတာကို ကိုယ်စားပြုပါတယ်။ ဒါပေမဲ့ တကယ့်လက်တွေ့ဘဝမှာ ဖြစ်တည်လာတဲ့အရာကို ရည်ညွှန်းချင်တာမဟုတ်ဘဲ ဦးနှောက်အသိဉာဏ်ထဲကနေ စွဲလမ်းမှုအားကြီးလွန်းလို့ လက်တွေ့မှာတကယ်ဖြစ်လာတယ်လို့ ထင်ယောင်မှားရတဲ့ အရာတစ်ခုအကြောင်းပဲဖြစ်ပါတယ်။ ဇာတ်လမ်းအကျဉ်း စတီဖန်ဆိုတဲ့ အွန်လိုင်းစတော့ရှယ်ယာရောင်းဝယ်သူတစ်ယောက်ဟာ တစ်နေ့မှာ ငွေတွေအကုန်သုံးရင်း ရှိသမျှပိုက်ဆံအကုန်ဆုံးရှုံးသွားပါတယ်။ ရှုံးသွားတဲ့ငွေတွေကို ဘယ်လိုပဲရအောင်ပြန်ရှာဖို့ကြံကြံမဖြစ်တဲ့တစ်ဆုံးမှာတော့ သူ့ရဲ့အွန်လိုင်းက ဘဝနည်းပြဖြစ်တဲ့ မိုက်ကယ်ဆိုသူရဲ့ ဆုံးမဩဝါဒ အားပေးစကားတွေကို ပြန်နားထောင်ရင်းစွဲလမ်းသွားခဲ့ပါတယ်။ အားပေးစကားဗီဒီယိုတွေထဲမှာ ကိုယ့်ရဲ့စိတ်ကိုစုစည်းပြီး ဘယ်လိုတည်ငြိမ်လာအောင်လုပ်ရမလဲ၊ စိတ်ကိုအောင်နိုင်ရင် အရာရာအောင်နိုင်တယ်ဆိုတဲ့ ဩဝါဒအောက်မိသွားတဲ့ စတီဖန်၊ တစ်ချိန်တည်းမှာပဲ ရည်းစားရဲ့ပိုက်ဆံကိုအလွဲသုံးစားလုပ်မိလို့ ရည်စားနဲ့မပြေမလည်ဖြစ်နေတဲ့ စတီဖန်ဟာ တစ်နေ့မှာ စိတ်စွဲလန်းမှုတစ်ခုဖြစ်ပြီး သူ့ရည်းစားရဲ့ ပိုငယ်တဲ့ပုံစံမျိုးရှိတဲ့ စိတ်ကူးယဉ်အမျိုးသမီးတစ်ယောက်ကို ထင်ယောင်ထင်မှားစဖြစ်လာခဲ့ပါတယ်။ သူစတော့ရောင်းဝယ်လုပ်တိုင်း စိတ်ထဲမှာပေါ်ပေါ်လာတတ်တဲ့ ဗရော်နီကာလို့ခေါ်တဲ့ သူ့ရည်းစား ရော်နီရဲ့ ကိုယ်ပွားလေးဟာ သူ့ကိုဆက်တိုက်ဆိုသလို အချီကြီးတွေ ငွေသီးလာအောင်လုပ်ပေးခဲ့ပါတယ်။ ဒီလိုနဲ့ စတီဖန်တစ်ယောက် သူ့ရဲ့မိန်းမဖြစ်လာတဲ့သူကိုလျှို့ဝှက်ထားတဲ့ ဒီအချက်ပေါက်ကြားသွားတဲ့အခါမှာတော့ သူတို့နှစ်ယောက်အိမ်ထောင်ရေး ဘယ်လိုဆက်ဖြစ်သွားမလဲဆိုတာကို ဒီဇာတ်လမ်းထဲမှာ ရသမျိုးစုံနဲ့ရှုစားရမှာဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (1.2 GB) / (590 MB) Quality….WEB-Rip 1080p HEVC / 720p Format…. mkv/mp4 Genre….Mystery, Thriller Duration….01:25:56 Subtitle….Myanmar Subtitle (Hardsub) Encoder….Benjamin Translated by Mark

ဇာတ်လမ်းအကျဉ်းကတော့ ဝတ်ပြုသူတွေအများဆုံးတက်ရောက်ကြတဲ့အီစတာနေ့ တနင်္ဂနွေနေ့မှာ ဘုရားကျောင်းတစ်ခုဆီကိုဆူလဗန်ဆိုတဲ့အမျိုးသမီးဟာရောက်လာတယ်။ ပါးစပ်ကနေ ခွင့်လွှတ်ပေးဖို့အကြောင်းဘုရားသခင်ထံအထပ်ထပ်အခါခါရွတ်ဆိုတိုင်တည်ပြီးနောက်မှာ အထုတ်တစ်ထုတ်ကို ဆွဲယူပြီး ကျောင်းဝန်းထဲကိုရောက်လာတယ်။ ဘုန်းတော်ကြီးထံမှ ဩဝါဒခံယူနေကြတဲ့ဆုတောင်းသူကြားထဲရောက်တော့ အထုတ်ထဲက သေနတ်ကိုထုတ်ပစ်လိုက်ပါတော့တယ်။ လူအတော်များများသေဆုံးသွားကြသလို ထိခိုက်ဒဏ်ရာရသူတွေလည်းအများကြီးရှိပါတယ်။ ပစ်ခတ်ပြီးနောက်မှာဆူလဗန်ကိုရဲတပ်ဖွဲ့ကဖမ်းဆီးထားလိုက်ပါတယ်။ လက်ထောက်ဒါရိုက်တာစတန့်ဖို့ဒ်က ဒေါက်တာသောမတ်စ်ကိုခေါ်လိုက်ပြီး ဆူလဗန်ကိုအင်တာဗျူးခိုင်းပါတယ်။ ဒါ့အပြင် ဆူလဗန်ဟာ စိတ်ရောဂါရနေတာမဟုတ်ဘဲတရား ရင်ဆိုင်လို့ရကြောင်း အစီရင်ခံစာပဲအတင်းရေးဖို့ပြောနေပြီး ဒေါက်တာကိုအင်တာဗျူးစခိုင်းပါတော့တယ်။ ဘာသာတရားကိုနက်နက်ရှိုင်းရှိုင်းယုံကြည်သူတစ်ယောက်က ဒီလိုဖြစ်သွားတာကိုမယုံကြည်နိုင်ဖြစ်နေတဲ့အတွက် ဆူလဗန်လည်းသူ့အကြောင်းကိုစတင်ပြောပြပါတော့တယ်။ File Size… (982 MB) / (562 MB) Quality… WEB-DL 1080p HEVC /720p Format…mkv / mp4 Duration…1h 33m Genre …..Crime , Mystery , Thriller Subtitle….Myanmar Subtitle (Hard Sub) Encoder….Min Wai Translated by TML