The Hunger Games ရုပ်ရှင်စီးရီးကိုတော့ တော်တော်များများရင်းနှီးကြမယ် ထင်ပါတယ်ဗျ။ ခရိုင် ၁၂ခုကနေ ယောက်ျားလေးတစ်ယောက် မိန်းကလေး တစ်ယောက်စီ ရွေးချယ်ခံရပြီး ကစားပွဲထဲမှာ နောက်ဆုံး အသက်ရှင်ကျန်ရစ်သူဖြစ်တဲ့အထိ တိုက်ခိုက်ရတဲ့ ဂိမ်းမျိူးပါ။ ယခုတင်ဆက်ပေးလိုက်တဲ့ The Starving Gamesကတော့ The Hunger Gamesကို parodyအဖြစ် သရော်ပြီး ရိုက်ကူးထားတဲ့ ဇာတ်ကားတစ်ကားပဲဖြစ်ပါတယ်။ သူ့ရဲ့မူရင်းဇာတ်လမ်း အတိုင်းကိုမှ မထင်မှတ်ထားတဲ့ ဟာသတွေ အများကြီး ထည့်ထားတဲ့ အခွီဇာတ်ကားပဲဖြစ်ပါတယ်။ မူရင်းဇာတ်လမ်းထဲကလိုပဲ ဇာတ်လိုက်မင်းသမီးဟာ သူ့ညီမဖြစ်သူ ဂိမ်းကစားဖို့အရွေးချယ်ခံလိုက်ရတာကို လက်မခံနိုင်ပဲ သူ့ကိုယ်သူ သူ့ညီမကိုယ်စား ဝင်အရွေးခံခဲ့ရာကနေ ဇာတ်လမ်းစပါတယ်။ ဒီလိုနဲ့ ဂိမ်းထဲမှာ ဘယ်လိုတလွဲတွေ ဆက်ဖြစ်ကြမလဲဆိုတာ ဟာသပေါင်းစုံနဲ့ ကြည့်ရှုရမယ့် ဇာတ်ကားတစ်ကားပဲ ဖြစ်ပါတယ်ခင်ဗျာ။ File size…2.29GB / 1.01GB Quality…Blu-Ray 1080p 5.1CH/ 720p Format…mp4 Duration….1h 23m Genre ..... Adventure , Comedy , Sci-Fi Subtitle….Myanmar Subtitle (Hard Sub) Encoder….Min Wai Translated by Spencer Potato

Ha Ji-won ရဲ့ 2002 က ထွက်ရှိခဲ့တဲ့ Horror ကားလေးကို တင်ဆက်ပေးလိုက်ပါတယ်..ဒီကားလေးလေးဟာဆိုရင် ကွာလတီက ဒီလောက်ပဲရနိုင်လို့ ရနိုင်သမျှ အကောင်းဆုံး ကွာလတီနဲ့တင်ဆက်ပေးလိုက်ရပါတယ် ဂျီဝန်းတစ်ယောက် သတင်းထောင်ဘဝကနေအနားယူချိန်ကစပြီး အမည်မသိခြိမ်းခြောက်ဖုန်းတွေ ဝင်လာခြင်းကိုကြုံရပါတော့တယ် စာရေးဆရာမဖြစ်ချင်တဲ့သူ့ရဲ့စိတ်ကူးကိုအ​ကောင်အထည်ဖော်ဖို့ သူငယ်ချင်းဖြစ်သူရဲ့အိမ်မှာ စာရေးရင်း အမည်မသိဖုန်းနံပါတ်ကနေ မိန်းကလေးတစ်ဦးရဲ့အသံကိုကြားခဲ့ရပါတယ် တစ်နေ့ ဖုန်းလာတဲ့အချိန် ဂျီဝန်းသူငယ်ချင်းရဲ့သမီးဖြစ်သူက ဖုန်းကိုကိုင်လိုက်ရာကနေ သူတို့မိသားစုမှာ ထူးဆန်းတဲ့သဘာဝလွန်ဖြစ်ရပ်တွေ စပြီးဖြစ်လာတော့တာပဲ ဂျီဝန်းတစ်ယောက် ဖုန်းရဲ့နောက်ကွယ်ကအကြောင်းကိုလိုက်စုံစမ်းရင်း ဘယ်လိုထူးဆန်းတဲ့လှည့်ကွက်တွေကို ရင်ဆိုင်တွေ့ရမလဲဆိုတာ ကျောချမ်းချမ်းနဲ့စောင့်ကြည့်လိုက်ကြပါဦး [ Reviewed By Shoon Thu Thu Chain ] Quality : DvdRip Format : mp4 Genres : Horror , Mystery , Thriller Runtime : 1h 44 min Subtitle : Myanmar Subtitle ( Hardsub ) Translated by CM Team Encoded by LK

KathNielလို့ ချစ်စနိုးခေါ်ကြတဲ့ Kathryn Bernardo နဲ့ Daniel Padilla တို့ရဲ့ နောက်ထပ်အချစ်ဇာတ်လမ်းလေးတစ်ပုဒ်... အေးအေးငြိမ့်ငြိမ့် romance တွေကို ကြည့်ရှုတာ သဘောကျနှစ်သက်တဲ့ ပရိသတ်တွေကို ဖိလစ်ပိုင်း romance ကားကောင်းလေးတစ်ကားနဲ့ မိတ်ဆက်ပေးချင်ပါတယ်။ အဲဒီဇာတ်ကားကတော့ Can't Help Falling in Love ဆိုတဲ့ ဇာတ်ကားလေးပါ။ မချစ်မိဘဲမနေနိုင်ဘူးဆိုတဲ့ ဇာတ်ကားနာမည်လေးအတိုင်းပဲ ဒို့စ်ဆိုတဲ့ကောင်လေးက ဂက်ဘ်ဆိုတဲ့ ကောင်မလေးကို ချစ်မိသွားတဲ့ ဇာတ်လမ်းလေးကို ကြည့်ရှုရမှာ ဖြစ်ပါတယ်။ ဇာတ်လမ်းအကျဉ်းချုပ်ကို ပြောပြရမယ်ဆိုရင် ဂက်ဘ်ဟာ ၆ နှစ်ကျော်တွဲလာတဲ့ ရည်းစားဖြစ်သူနဲ့ မကြာခင်မှာ လက်ထပ်တော့မယ့် မိန်းကလေးပါ။ သူဟာ သူငယ်ချင်းဖြစ်သူရဲ့ မင်္ဂလာပွဲညမှာ အရက်မူးပြီးတော့ ဒို့စ်ဆိုတဲ့ တခြားကောင်လေးတစ်ယောက်နဲ့ လက်ထပ်စာချုပ်မှာ လက်မှတ်ထိုးမိသွားပါတယ်။ အဲဒီအဖြစ်အပျက်ကို မမှတ်မိကြသလို သူတို့မထင်ထားခဲ့တာက အဲဒီလက်ထပ်စာချုပ်က တရားဝင်ဖြစ်နေခဲ့မယ်ဆိုတာကိုပါပဲ။ ရည်းစားဖြစ်သူနဲ့ မင်္ဂလာဆောင်ဖို့ ပြင်ဆင်နေတဲ့အချိန်မှာ လက်ထပ်စာချုပ်က ဂက်ဘ်ဆီကို ရောက်လာခဲ့ပါတယ်။ ဂက်ဘ်ဟာ ဒို့စ်ကို လိုက်ရှာပြီးတော့ ကိစ္စအကြောင်းအစုံကို ပြောပြပြီး ကွာရှင်းဖို့ တောင်းဆိုတော့တာပေါ့။ ဖိလစ်ပိုင်နိုင်ငံမှာ လက်ထပ်ပြီးရင် ကွာရှင်းဖို့က မလွယ်ပါဘူး။ ဂက်ဘ်နဲ့ ဒို့စ်ဟာ ကွာရှင်းခွင့် တောင်းခံနိုင်ဖို့အတွက် သက်သေအဖြစ်တင်နိုင်မယ့် အကြောင်းပြချက်မျိုးစုံကို ဖန်တီးရင်း တဖြည်းဖြည်း နီးစပ်လာခဲ့တော့တာပါပဲ။ နီးစပ်လာရင်းနဲ့ ဘယ်သူက အရင်ချစ်မိသွားမလဲ၊ ဂက်ဘ်ကရော သူ့ရည်းစားကို စွန့်ပစ်နိုင်ပါ့မလား၊ ဂက်ဘ်ရဲ့ ရည်းစားကရော ဒီလက်ထပ်စာချုပ်ကိစ္စကို သိသွားမလား၊ လက်ထပ်ပွဲကရော ဖြစ်နိုင်ပါဦးမလား၊ ဘာတွေဘယ်လိုဆက်ဖြစ်လာဦးမလဲဆိုတာကိုတော့ Can't Help Falling in Love ဆိုတဲ့ ဒီဇာတ်ကားလေးထဲမှာပဲ ဆက်ပြီးကြည့်ရှုလိုက်ကြပါနော်။ (ရုပ်ရှင်အညွှန်းနဲ့ဘာသာပြန်ကို Elizabeth Khant မှတင်ဆက်ထားပါတယ်။) Tele Link ကနေပဲကြည့်တတ်တယ်ဆိုရင် https://t.me/Myname2021hakak/83  မှာဝင်ကြည့်ပါ။720p HD ကို တင်ပေးထားပါတယ်။ File size…(3.2 GB)/(999 MB) Quality…WEB-DL AMZ (Clean Version) 1080p / 720p Format…mp4 Duration….01:59:47 Subtitle….Myanmar Subtitle (Hardsub) Encoder….Ka Naung Translated by Elizabeth Khant

ကဲ .. ဒီတစ်ပတ်တော့ ကျောင်းသူကျောင်းသားများ ဒါမှမဟုတ် စာမေးပွဲတစ်ခုခုဖြေစရာရှိသူများအတွက် ရုပ်ရှင်ကြည့်လိုက်ရုံနဲ့ ကြိုးစားချင်စိတ် motivation တွေ တဖွားဖွားပေါ်လာစေမယ့် ဂျပန်ရုပ်ရှင်ဇာတ်ကားလေးတစ်ကားနဲ့ မိတ်ဆက်ပေးမယ်။ နာမည်ကတော့ Flying Colors (ဂုဏ်ထူး) ပါတဲ့ ။ ဂျပန်ပြည်တွင်းမှာတော့ Biri Gyaru (ဘိတ်ချီးကောင်မလေး) လို့အမည်ရတဲ့ ဒီဇာတ်ကားလေးဟာ ၂၀၁၅ခုနှစ်မှာ ဒါရိုက်တာ Doi Nobuhiro ကနေ ကျူရှင်ဆရာတစ်ယောက်ရဲ့ ဖြစ်ရပ်မှန်ဝတ္ထုကိုအခြေခံရိုက်ကူးထားတဲ့ ဘဝဟာသဇာတ်ကားတစ်ကား ဖြစ်ပြီး၊ ဂျပန် Box office မှာ နံပါတ်တစ်ချိတ်ခဲ့တဲ့ ဇာတ်ကားတစ်ကားလည်း ဖြစ်ပါတယ်။ Gyaru ဆိုတာကတော့ ဂျပန်ဖက်ရှင် ၊ music ပိုင်းနဲ့ ရင်းနှီးသူတွေအတွက် ခဏခဏကြားဖူးနေပါလိမ့်မယ်။ Gal(Girl) ဆိုတာက ဂျပန်အသံထွက်နဲ့ slang ပုံစံသုံးကြရာက တွင်ကျယ်လာတဲ့ ဒီစကားလုံးဟာ သုံးနှုန်းပုံဖွင့်ဆိုချက်တွေ၊ အမျိုးအစားတွေအများကြီးရှိပေမယ့် ဒီမှာနားလည်ရလွယ်အောင်လို့ အလှအပအရမ်းဦးစားပေးပြီး၊ ခေတ်ပေါ်ဖန်စီရှုပ်ရှုပ်ယှက်ယှက်တွေအများကြီးဆင်ယင်ထားတဲ့၊ ကလေးဆန်တဲ့ခေတ်ကောင်မလေး လို့ပဲ ဆိုကြပါစို့။ Kudo Sayaka ဟာ ဆံပင်ရွှေရောင်ဆိုးထားတဲ့ Gyaru တစ်ယောက်ဖြစ်ပါတယ်။ သာမန်မိန်းကလေးအထက်တန်းကျောင်းတစ်ကျောင်းမှာ တက်ရောက်နေတဲ့ Sayaka ဟာ ကျောင်းစာကိုလုံးဝ(လုံးဝ)ကိုစိတ်မဝင်စားသလို အနာဂတ်အတွက်လည်းဘာမှအပူအပင်ရှိစရာမလိုပဲ အတန်းချိန်မှာ အေးအေးလူလူ စကားပြောလိုက်၊ မိတ်ကပ်လိမ်းလိုက်လုပ်နေတဲ့ ကောင်မလေးတစ်ယောက်ပေါ့။ တစ်နေ့တော့ Sayaka ဆီကနေ ဆေးလိပ်ဘူး မိပြီးနောက် သူ့သူငယ်ချင်းတွေကိုပါဖော်ကောင်လုပ်ဖို့ ငြင်းဆန်တဲ့ Sayaka တစ်ယောက်တည်း ကျောင်းနားခံလိုက်ရပါတယ်။ စာမေးပွဲအမှတ်တွေကလည်း အားရစရာ၊ ဟိုးအောက်ကကို မတက်တဲ့ကြားထဲ ဒီလိုပြဿနာတွေဖြစ်လာတဲ့ Sayaka ဟာ အထက်တန်းဒုတိယနှစ်၊ နောက်နှစ်ဆို တက္ကသိုလ်ဝင်တန်းဖြေရတော့မယ် ဆိုတော့ အမေဖြစ်သူက စိတ်မအေးနိုင်ပဲ အပြင်ကျူရှင်အပ်ဖို့ လုပ်လာရပါတယ်။ အမေဖြစ်သူခေါင်းမီးတောက်နေချိန်မှာ အဖေဖြစ်သူကတော့ Sayaka ရဲ့မောင်လေးဖြစ်သူ Ryuta ကို ဘေ့စ်ဘောကစားသမားတစ်ယောက်ဖြစ်လာအောင် ပျိုးထောင်ဖို့သာအားသန်လျက်ရှိပါတယ်။ သူကိုယ်တိုင်မဖြစ်ခဲ့ရလို့ သားဖြစ်သူအပေါ် ရည်မှန်းချက်ထားလွန်းတဲ့ ဖခင်ဖြစ်သူဟာ Sayaka နဲ့အငယ်ဆုံးညီမလေးကို လုံးလုံးဂရုမစိုက်တော့ပဲ ဘေ့စ်ဘောပဲရူးနေတာပေါ့။ ဒါကလည်း Sayaka တစ်ယောက် ဒီလိုပုံစံဖြစ်လာဖို့ တွန်းအားဖြစ်ခဲ့ပါတယ်။ ငယ်ငယ်ကကျောင်းခဏခဏပြောင်းရပြီး၊ သူငယ်ချင်းဖွဲ့ရမှာကြောက်တတ်တဲ့ Sayaka ကို ပထမဆုံးနွေးနွေးထွေးထွေးဆက်ဆံခဲ့တဲ့ သူငယ်ချင်းသုံးယောက်က သူ့လိုပဲမထူးခြားနား Gyaru တွေဖြစ်ကြပြီး၊ ကျောင်းမှာအမွှေဆုံးအုပ်စုအဖြစ် ထင်ရှားပါတယ်။ ဒီလို Sayaka ကို တက္ကသိုလ်ဝင်တန်းအတွက်ပြင်ဆင်ဖို့အတွက် အမေဖြစ်သူက အပြင်ကျူရှင်ဆရာတစ်ယောက်ဖြစ်တဲ့ Tsubota Yushitaka ဆီအပ်ပါတယ်။ ပထမဆုံးနေ့မှာအစမ်းtestလေးတစ်ခုဖြေခိုင်းတော့ အားရစရာ ဇီးရိုးကိုက်၊ဥမကွဲတဲ့ Sayaka ကို သြချမိပေမယ့် လက်တော့မလျှော့သေးပါဘူး။ ထူးခြားတဲ့သင်ကြားမှုပုံစံနဲ့ Tsubota ဟာ တပည့်တွေအကြိုက်ကိုလိုက်ပြီး၊ရင်းနှီးမှုရယူ ၊ ပြီးတော့ သူတို့စိတ်အားတက်အောင် များများချီးကျူးပေးပြီး သင်ကြားတတ်တဲ့ ဆရာတစ်ယောက်လည်း ဖြစ်ပါတယ်။ အခုလို ဥမကွဲတာကိုတောင် ပြန်ပြီး၊ ချီးကျူးလိုက်တော့ ဆရာတွေဆီမှာတစ်ခါမှချီးကျူးမခံရဖူးတဲ့ Sayaka တစ်ယောက် နည်နည်းတော့ပျော်သွားပါတယ်။ Tsubota က ရည်မှန်းချက်မြင့်မြင့်ထားဖို့ပြောပြီး၊ သူရွေးပေးလိုက်တဲ့ ကျောင်းက ဂျပန်နိုင်ငံရဲ့ ထိပ်ဆုံးကတက္ကသိုလ်တစ်ခုဖြစ်တဲ့ Keio University ဖြစ်နေပါတယ်။ Tsubotaရဲ့ မက်လုံးကတော့ Keio က ကောင်လေးတွေချောတယ်လို့နာမည်ကြီးပါတယ်တဲ့။ test ရလဒ်တွေအရဆိုရင် လေးတန်းလောက်သာသာ ပညာရေးအဆင့်ရှိတဲ့ Sayaka က Keio သွားမယ်ဆိုတော့ သူ့အမေကလွဲလို့ အားလုံးရယ်ကြတာပေါ့။ အထူးသဖြင့် သူတို့အတန်းပိုင်ဆရာက (သူကလည်း မွှေလွန်းတဲ့ Sayaka တို့အုပ်စုကို မျက်မုန်းကျိုးနေတာ) Keio ဝင်ဖို့ ဘယ်လိုမှမဖြစ်နိုင်ဘူး ဆိုပြီး ၊ စကားနိုင်လုကြရာက Sayaka နဲ့ ကျောင်းရှေ့မှာအင်္ကျီချွတ်ကြေး အလောင်းအစားလုပ်ကြပါတော့တယ်။ အဲဒီမှာပဲ အစကဟာသတစ်ခုလိုသဘောထားရာက Sayaka ဟာ သူ့ရဲ့ Keio ပန်းတိုင်ကို နည်းနည်းseriousထားလာပြီး၊ နောက်ပိုင်း အိမ်မှာ ပြဿနာတွေတက်ကြရာက အဖေဖြစ်သူခနဲ့တဲ့စကားတွေကို မခံချင်တဲ့စိတ်နဲ့ ကြိုးစားဖို့ ဆုံးဖြတ်လိုက်ပါတော့တယ်။ ဒါပေမယ့် ကျောင်းစာမရရုံတင်မဟုတ် ပြင်ပဗဟုသုတပါလုံးဝမရှိတဲ့ Sayaka (သူဟာ Santa Clause နဲ့ Ultraman တို့ကိုအပြင်မှာတကယ်ရှိတယ်လို့ယုံပါတယ်) ကို Tsubotaအတွက် စာသင်ပေးရတာလွယ်ကူတဲ့ကိစ္စတစ်ခုမဟုတ်သလို နေ့ချင်းညချင်းလည်းအဆင့်တွေဝုန်းခနဲတက်မလာပါဘူး။ ဒါပေမယ့် သူ့ရဲ့ တပည့်တွေစိတ်ဝင်စားမှု၊ အကြိုက်ပေါ်လိုက်ပြီး၊ မတူညီတဲ့ချဉ်းကပ်မှုအမျိုးမျိုးနဲ့ (ဥပမာ Idol ကြိုက်သူဆိုရင် Idol တွေနဲ့၊ Anime ကြိုက်သူဆိုရင် Anime နဲ့၊ Game ကြိုက်သူဆိုရင် Gameနဲ့) သင်ကြားပေးတဲ့စနစ်ဟာ အလုပ်ဖြစ်လာမယ်လို့ စွဲစွဲမြဲမြဲယုံကြည်ထားသူပါ။ အချိန်တွေကုန်လွန်လာတာနဲ့အမျှ Sayakaတစ်ယောက် သူ့ကိုချစ်လွန်းတဲ့အမေအတွက် ရည်မှန်းချက်အပေါ် ပိုစိတ်အားထက်သန်လာပြီး၊ သူမရဲ့ကြိုးစားအားထုတ်မှုက သူ့ပတ်ဝန်းကျင်ကလူတွေ၊ ကိုယ့်ရည်မှန်းချက်ကို သားဖြစ်သူအပေါ် အတင်းဖိသွင်းတတ်တဲ့ဖခင်၊ ဝါသနာပါတာမလုပ်ရပဲ ဘေ့စ်ဘောပဲကစားနေတဲ့ မောင်ဖြစ်သူ၊ Sayaka ရဲ့ အချစ်ဆုံးသူငယ်ချင်း မိGyaruလေးတွေ၊ သူတို့ကျူရှင်မှာပဲလာအပ်ထားတဲ့ နာမည်ကျော်ရှေ့နေမျိုးရိုးရဲ့ သား မောင်Yankee(ကျောင်းလူမိုက်)လေး၊ နောက်ဆုံး ကိုယ့်ကိုကိုယ်ယုံကြည်မှုအားနည်းနေတဲ့ Tsubota ကိုယ်တိုင်ဆီမှာ လွှမ်းမိုးမှုတွေဖြစ်လာပါတော့တယ်။ တစ်ရက်မှာတော့ အင်္ဂလိပ်စာတစ်သက်မှာတစ်ခါမှမအောင်ဖူးတဲ့ Sayaka တစ်ယောက် အမှတ်၇၀ ထိရခဲ့ပြီးနောက်မှာတော့ … သူမအနေနဲ့ Keio တက္ကသိုလ်ရှေ့မှာ fresher ကျောင်းသူတစ်ယောက်အနေနဲ့ ဓာတ်ပုံရိုက်ခွင့်ကြုံနိုင်မလား .. ဆိုတာ ဆက်လက်စောင့်ကြည့်လိုက်ကြပါဦး။ ပုံမှန်တွေ့နေကျ အထက်တန်းကျောင်းနောက်ခံဂျပန်ဇာတ်ကားတွေနဲ့ တော်တော်လေးကွဲပြားနေတာကိုတော့ ဇာတ်လမ်းအကျဉ်းဖတ်ကြည့်ရုံနဲ့ သိနိုင်ပါတယ်။ ကိုယ်တိုင်မမြင်ဖူးတော့မသိပေမယ့် ဒီဇာတ်ကားထဲက မိန်းကလေးအထက်တန်းကျောင်းတွေနဲ့ Gyaru character တွေကိုသရုပ်ဖော်ပြမှုဟာ တော်တေ်ာလေးမှန်ကန်တယ်လို့ ဆိုကြပါတယ်။ ရုတ်တရက်ကြည့်ရင်တော့ စာစိတ်မဝင်စားပဲ အလှအပ၊အပျော်အပါးပဲမက်တဲ့ ပေါ့ပျက်ပျက်ကောင်မလေးကို အသိတရားရအောင်စာသင်ပေးတဲ့ဇာတ် လို့ ခေါင်းကြီးတပ်နိုင်ပေမယ့် အဓိကဇာတ်ကောင် ကောင်မလေး Sayaka ရဲ့ ကြီးပြင်လာပုံ ၊ ပြီးတော့ သူမရဲ့လက်ရှိမိသားစုအခြေအနေတွေပါထည့်တွက်ကြည့်လိုက်တော့ ခုနကလိုလွယ်လွယ်ပြောလို့မရတော့တာ တွေ့ရမှာပါ။ တစ်နေရာမှာတော့ ကျောင်းကအတန်းပိုင်ဆရာကနေ ကျူရှင်ဆရာ Tsubota ကိုလာပြီးသတိပေးတဲ့ဇာတ်ဝင်ခန်းတစ်ခန်းပါပြီး၊ ကျွန်တော်တို့အနေနဲ့သိပ်နားမလည်တဲ့ ကျူရှင်နဲ့ကျောင်းကြီးကြားက အားပြိုင်မှု၊ တက္ကသိုလ်ဝင်ခွင့်အားပြိုင်မှုတွေဘာတွေကို သရုပ်ဖော်ထားတာက သူတို့ပြည်တွင်းကလူတွေအနေနဲ့ ပိုrelateဖြစ်နိုင်မယ့် ဇာတ်လမ်းဇာတ်ကွက်မျိုးတွေလို့ ဆိုရမှာပါ။ ပိုပြီးသဘောကျစရာတစ်ချက်ကတော့ ပြသချိန်၂နာရီအတွင်းမှာ Sayaka ရဲ့ လေးတန်းအသိဉာဏ်နဲ့ အထက်တန်းကျောင်းသူလေးအဖြစ်ကနေ Keio ဝင်ခွင့်စာမေးပွဲကြီးဆီသို့သွားရာလမ်းအတိုင်း ကိုယ်ကိုယ်တိုင်ဘေးကလိုက်ပြီး၊ ဖြတ်သန်းခဲ့ရသလို ခံစားချက်မျိုး ပေးစွမ်းနိုင်တာပါ။ ဘယ်လိုပြောရမလဲ။ ကြည့်ရှုသူပရိသတ်အနေနဲ့ ဇာတ်လမ်းအစက Sayaka နဲ့ အဆုံးက Sayaka က တစ်ယောက်တည်းပေမယ့် ဘာတွေကွဲပြားသွားသလဲဆိုတာ အသေအချာမြင်နိုင်ပြီး၊ ဘာလို့ဒီလိုပြောင်းလဲသွားသလဲဆိုတာ သိနေတဲ့ပုံစံမျိုးပေါ့။ Sayaka တစ်ယောက်တည်းမဟုတ်ဘူး။ ပါဝင်တဲ့တစ်ခြားဇာတ်ကောင်တွေလည်း ဇာတ်လမ်းပြီးတဲ့အချိန်မှာ အနည်းငယ်စီကွဲပြားပြောင်းလဲသွားကြတဲ့ပုံစံလေးတွေ တွေ့ကြရမှာပါ။ ဒါကလည်း ဒါရိုက်တာ Doi Nobuhiro (Hanamizuki ၊ Kirin no Tsubasa) ရဲ့ ရိုက်ကူးမှုနဲ့ pacing တွေကို ချီးကျူးရမှာဖြစ်သလို Sayaka အဖြစ်ခေါင်းဆောင်ပါဝင်တဲ့ မင်းသမီး Arimura Kasumi (Strobe Edge)ရဲ့ သရုပ်ဆောင်စွမ်းရည်အပါဝင် တခြား ဇာတ်ပို့castတွေရဲ့ ကောင်းမွန်တဲ့performance တွေကြောင့်လည်း အများကြီးပါပါတယ်။ ရုပ်ရှင်ထဲမှာပဲကွာ ကြိုးစားရတာလွယ်မှာပေါ့ လို့ဆိုချင်ဆိုလိမ့်မယ်။ ဒါပေမယ့် တကယ်မဖြစ်နိုင်ဘူးလား။ ဖြစ်နိုင်တာပေါ့ ။ အပြင်မှာလည်း ဒီလိုမျိုးသာဓကတွေရှိတာပဲ ။ မှန်ကန်တဲ့သင်ကြားလမ်းပြမှု နဲ့ လက်တွေ့ကြိုးစားမှုနဲ့ ပေါင်းစပ်လိုက်ရင် အောင်မြင်တာ၊မအောင်မြင်တာ အသာထား ၊ ပြောင်းလဲမှုတစ်ခုခုကိုတော့ပြုလုပ်နိုင်စွမ်းရှိကြတာပဲ မဟုတ်လား။ ပြောရရင် ဒီဇာတ်လမ်းကိုယ်တိုင်ကိုက ကျူရှင်ဆရာတစ်ယောက်ဖြစ်တဲ့ Tsubota Nobutaka ရဲ့ ကိုယ်တွေ့ဖြစ်ရပ်မှန်လို့ဆိုတဲ့ စာအုပ်ကို ရိုက်ကူးထားတာပဲလေ။ ဘာပဲဖြစ်ဖြစ်ပါ။ ဒီဇာတ်ကားပြီးဆုံးသွားတဲ့အချိန်မှာ ကျန်ရစ်ခဲ့တဲ့ raw feeling လေးတစ်ခုနဲ့တင် လက်ရှိရောက်နေတဲ့နေရာကနေ နည်းနည်းပဲဖြစ်ဖြစ် ကြိုးစားချင်စိတ်လေးတစ်ခု ပေါ်လာမိလိမ့်မှာတော့ အသေအချာပါပဲ။ ။ #Samuri (ရုပ်ရှင်အညွှန်းနဲ့ ဘာသာပြန်ကို myotaku.club မှ Samuri (Soe Nyein Oo) မှ တင်ဆက်ထားတာပါ။) File size…(1.3 GB)/(670 MB) Quality….BluRay 1080p/720p Format…mkv Duration….01:56:23 Subtitle….Myanmar Subtitle (Hardsub) Encoder….Nyeinsaeya Aung Translated by Samuri

Mesrine: Killer Instinct(2008) **************************** Jacques mesrine ဆိုတဲ့ ပြင်သစ်နိုင်ငံသားတစ်ယောက်က စစ်တပ်မှာ တာဝန်ထမ်းဆောင်ပြီး မိဘအိမ် ပြန်လာတဲ့ သူပါ...သူ့မိဘက သူ့ကို အလုပ်ကောင်းကောင်းတစ်ခုရှာပေးခဲ့ပေမယ့် သူကတော့ ဂျာမနီလူမျိုးတွေနဲ့မို့ အလုပ်မလုပ်ချင်ပါဘူး ဒါပေမယ့် တစ်နေ့မှာ သူ့သူငယ်ချင်းဖြစ်သူ Jean Paul Mercier ဟာ ဂိုဏ်းစတားတစ်ဦးဖြစ်သူ Guido ဆိုတဲ့ လူဆီကို ခေါ်သွားပါတယ် ,,,အဲ့ဒီအလုပ်က သူများပစ္စည်းခိုးတာတွေ ဘဏ်ဖောက်တာတွေ ဖြစ်တာကြောင့် တစ်ခါတည်းနဲ့ ငွေအချီကြီးရလေ့ရှိပါတယ်,,, အဲ့ဒီလို ငွေအချီကြီးကို မက်ပြီး Jacque mesrine တစ်ယောက် မကောင်းမှုထဲကို တစ်စတစ်စ နစ်ဝင်သွားချိန်မှာတော့... File Size :(3.2GB)(1.1GB)(and (392MB) Quality :Blu-Ray 1080P5.1Ch, 720p Format…mp4 Duration…01:53:00 Genre :  Action ,Biography , Crime Subtitle : Myanmar Subtitle (Hard Sub) Translated by Eric Encoded by Phyo Pyae

IMDb...7.0,,,,Rotten...84% မကြာခင်သေးခင်ကမှ Netflixမှာပြသသွားတဲ့ ဇာတ်လမ်းကောင်းတစ်ခုဖြစ်တဲ့ I'm Thinking of Ending Things နဲ့ မိတ်ဆက်ပေးပါရစေ။ ချစ်သူဖြစ်တဲ့ Jake နဲ့ပြတ်ဆဲဖို့ အကြောင်းတွေ ခေါင်းထဲမှာ တချိန်လုံးရှိနေတဲ့ မိန်းမငယ်လေး Lucy ၊ ဘာလို့ ပြတ်ဆဲချင်တယ်ဆိုတာကိုလည်း သူမကိုယ်သူမ ရေရေရာရာ မသိပါဘူး။ ဂျိတ်ရဲ့မိဘတွေနဲ့ ညစာအတူစားဖို့ သွားတဲ့လမ်းမှာ နှင်းမုန်တိုင်းတွေ တိုက်ခတ်နေသလို သူမရဲ့ခေါင်းထဲမှာလည်း အတွေးမုန်တိုင်းတွေ တိုက်ခတ်နေပါတယ်။ ညစာစားပြီးတဲ့နောက်မှာတော့ ဂျိတ်နဲ့ပတ်သတ်ပြီး သိချင်တာတွေ နားမလည်နိုင်တာတွေ ပိုတိုးလာပါတော့တယ်။ Jake က ဘယ်လိုလူမျိုးလဲ Jake ရဲ့တည်ရှိမှုက Lucy အပေါ်ဘယ်လိုသက်ရောက်နေလဲဆိုတာ ဆက်လက်ကြည့်ရှုကြည့်လိုက်ကြပါဦး...ဒီကားကကြည့်ရင်းနဲ့တွေးစရာတွေ များပြီး ပေးချင်တဲ့ message တွေလည်းကောင်းမွန်တာကြောင့် IMDb..ရော Rt ရော လတ်ဆတ်နေတာကြောင့် လက်မလွှတ်သင့်ပါကြောင်း...ဇာတ်လမ်းအညွှန်းနဲ့ဘာသာပြန်သူကတော့ Thithtoo Zaw ပဲဖြစ်ပါတယ်.... File Size :(1.04GB) and (388MB) Quality : WEB-DL 720p Format…mp4 Duration…01:48:00 Genre : Thriller  , Drama Subtitle : Myanmar Subtitle (Hard Sub) Translated by Thithtoo Zaw Encoded by Phyo Pyae

Suzhou River (2000) ———————– Directed by Lou Ye အဖြူစွတ်စွတ်တွေ… အလွမ်းပြာပြာတွေ… အမှီသဟဲတွေ… ဒိုက်သရိုက်တွေ… မုသားတွေ… ဝေးလွင့်ကင်းကွာခြင်းတွေ… ဒဏ္ဍာရီတွေ… မြစ်တစ်စင်းဟာ သိမ်ဆည်းထားတယ်။ အသစ်တွေ ဘယ်လိုပဲ ကမ်းကုန်အောင်ခြယ်သပါစေ လမ်းဆုံအောင်ဆယ်မရပါတဲ့ မြစ်တစ်စင်းရဲ့ ရပ်ဝန်းက အဟောင်းတွေ ။ မြစ်တစ်စင်းပေါ် စီးဆင်းနေတဲ့ အတိတ်အက်ကြောင်း နေ့ရက်ဟောင်းတွေကို ဘယ်လိုမှော်ဆေးနဲ့ ဖာထေးမလဲ။ ဒီအိပ်မက်တွေ လွမ်းသူပျိုု့မစပ်ချင်တော့လည်း ဒီမြစ်ကြီးကို မီးတင်ရှို့လို့မှမရနိုင်ခဲ့။ ဆူကျိုးတံတားထက် လက်ပိုက်ရင်းလျှောက်လာတဲ့ သူမရဲ့ ပုံရိပ်တွေ။ ရပ်တန့်ရင်းစောင့်လည်း အဖတ်ဆည်မရတော့ပါတဲ့ ဒဏ္ဍာရီအပျက်တွေ။ ပြောကြတယ် ဒီမြစ်ကြီးထဲမှာ ရေသူမတစ်ကောင်ရှိသတဲ့။ ကျွန်တော်မယုံခဲ့ပါဘူး။ လူတွေပြောနေကျ ယုံတမ်းစကားတွေဟာ ဖြေရှင်းမဆုံးနိုင်အောင် မကုန်မခန်းနိုင်တွေပဲမို့လား။ သူမနဲ့ပထမဆုံးတွေ့တော့ ဘာရယ်ဘာကြောင့်မသိ အဲဒီယုံတမ်းစကားကို ကျွန်တော်ယုံခဲ့ရတယ်။ သူမဟာ ရေသူမလေးတစ်ကောင်ပါပဲ။ သူမဟာ ရေသူမပါလို့ ဘာအတွက်ဘာကြောင့် ကျွန်တော်ယုံစားခဲ့မိလဲတော့ မသေချာပါဘူးပေါ့။ ချစ်ခြင်းဟာ ဒီလိုပဲမို့လား။ အကျိုးလည်းမသိ အကြောင်းလည်းမသိ အဆိုးလည်းမရှိ အပြောင်းလဲမရှိ။ သူ့မျက်ဝန်းတွေ ကောက်ကာငင်ကာကြီး ညှိုးကျသလို သူ့နှုတ်ခမ်းတွေ ကောက်ကာငင်ကာကြီး ပြုံးပြသလို ရေသူမလေးတစ်ကောင်ဟာ ကျွန်တော့်ဘဝထဲ ဗိန်းဗောင်းဆင့် ရောက်ချလာခဲ့တယ်။ ဒီလိုပါပဲ မနက်မိုးလင်းပေါက်လို့ လူပျင်းတစ်ကောင်ကျောခင်းလောက်ပြီဆို အဲဒီရေသူမကလေးဟာ ဆိုင်းမဆင့်ဗုံမဆင့် ထွက်သွားတတ်တယ်။ အဲဒီရဲ့နေ့တွေဆို မြစ်ခင်းတံတားလေးတစ်စင်းပေါ် သူလက်ပိုက်လို့လျှောက်မလာခင်အထိ ပြတင်းပေါက်နံပါးကနေ ရပ်စောင့်လို့ ကျွန်တော်မျှော်နေတတ်တယ်။ တစ်ခါတလေကျ အဲဒီရေသူမလေးက ကျွန်တော့်ကို အသစ်မဟုတ်တော့တဲ့ ဆူကျိုးမြစ်ရဲ့ ဒဏ္ဍာရီတစ်ပုဒ်ကို ပြောပြတတ်တယ်။ ဟိုးတမျှော်တခေါ် တံတားပေါ်က ခုန်ချသွားတဲ့ကောင်မလေးတစ်ယောက်ကို ရွာရိုးကိုးပေါက် အရှာမဆုံးခဲ့တဲ့ မာဒါလို့ခေါ်တဲ့ လူတစ်ယောက်အကြောင်းပေါ့။ သူပျောက်သွားခဲ့ရင် ကျွန်တော်လည်း သူ့လို ရှာပုံတော်ဖွင့်မလား မေးတော့ ကျွန်တော်လည်း ဘူမသိကိုးမသိ ခေါင်းညိတ်ခဲ့ရတယ်။ အဲဒီနေ့ကစ အိမ်ဝင်းတံခါးအပျက်ကနေ သူကျောခိုင်းလို့ထွက်သွားတိုင်း ဒီနေ့ဟာ သူမကိုမြင်ရတဲ့ နောက်ဆုံးနေ့များဖြစ်နေမလားဆိုတဲ့စိုးစိတ်နဲ့ တိုးတိတ်စိုးထိတ်ခဲ့ရတာပါပဲ။ သာမန်ညနေတစ်ခုရဲ့ သာမန်တိမ်တွေအောက်မှာ သာမန်မဟုတ်တော့တာကတော့ ပိုက်ထားတဲ့လက်ကလေးတွေရဲ့ လမ်းကူးဖို့အပြင်ကို ကျွန်တော် မဖူးမမြင်ရတော့တာပါပဲ။ သာမန်လိုပါပဲ။ ဆူကျိုးမြစ်ကနေ ပင်လယ်ပြင်အထိ ဘောလောမျောရင်း အရှေ့အရပ်ကနေ နေဝန်းထွက်လာလိမ့်မယ်။ မြစ်ရေက ကြည်လင်အေးမြလို့ ငါးတွေ တဖွေးဖွေးလှနေလိမ့်မယ်။ မာဒါက သူ့ကောင်မလေးကို ရှာပုံတော်ဖွင့်သလို သူပုန်းကွယ်ရာအရပ်ကို ကျွန်တော်ရှာမယ်။ ညနေဆို သူလက်ကလေးပိုက်လို့ မြစ်ခင်းတံတားလေးထက်ဆိုက်လာချိန်ကို ကျွန်တော်စောင့်မယ်။ ဒီလိုသာလုပ်ဖြစ်ခဲ့ရင် ကျွန်တော်တို့ရဲ့ အချစ်ဇာတ်လမ်းကလေးက ဆက်လျက်ဖူးပွင့်နေမှာပဲ။ ဒါပေမဲ့လည်း ကျွန်တော် အဲဒီရေသူမလေးကို မရှာဖြစ်ခဲ့ပါဘူး။ ထာဝစဉ်မြဲတဲ့တရားဆို ဒီကမ္ဘာမှာ ဘယ်ရှိလို့တုန်း။ အရက်နောက်တစ်ခွက်သောက်ရင်း မျက်လုံးတွေမှိတ်ရင်း နောက်ထပ် အချစ်တစ်ပွင့် ပွင့်လို့လာမှာကိုပဲ ကျွန်တော် စောင့်စားနေလိုက်တော့တယ်…. ဆူကျိုးမြစ်ရုပ်ရှင်ဟာ တရုတ်ပြည်မရုပ်ရှင်ရဲ့ ခြောက်ဆက်မြောက်မျိုးဆက် ဒါရိုက်တာတွေထဲက နာမည်ကျော်တစ်ယောက်ဖြစ်တဲ့ လုရီရဲ့ နာမည်အကျော်ဆုံး ရုပ်ရှင်ပါပဲ။ သူဟာ ဆင်ဆာကြမ်းတဲ့ တရုတ်အစိုးရရဲ့ ဘန်းတာကို ပထမကားနဲ့တင်ခံခဲ့ရတဲ့သူဖြစ်ပြီး ဒီဒုတိယရုပ်ရှင်ကိုလည်း တရုတ်အစိုးရ ခွင့်ပြုချက် မရှိဘဲ ရုပ်ရှင်ပွဲတော်တစ်ခုမှာပြခဲ့လို့ ၂နှစ်အဘန်းခံခဲ့ရပါတယ်။ တန်ပါတယ် ဆုတော့ရခဲ့ပါတယ်။ သူ့တင်ပြပုံနဲ့ အပေါက်အလမ်းမတည့်တဲ့ တရုတ်အစိုးရ ဘန်းတာကို ခဏခဏခံခဲ့ရပေမဲ့ လုရီဟာ နိုင်ငံတကာအသိအမှတ်ပြုခံရတဲ့ ဒါရိုက်တာတစ်ယောက်တော့ဖြစ်ခဲ့ပါတယ်။ ဒီရုပ်ရှင်ကို မြစ်ကမ်းဘေးက ဂိုဒေါင်တွေ ဘာတွေလို အဟောင်းအနွမ်းနေရာတွေမှာပဲရိုက်ထားပြီး တိုးတက်နေတဲ့ အသစ်အသစ်သောပုံရိပ်တွေကို မသုံးထားခဲ့ပါဘူး။ သူဟာ ဟောင်ကောင်ဒါရိုက်တာ ဝေါင်ကာဝေးရဲ့ လွှမ်းမိုးမှုတစ်ပိုင်းတစ်စရှိနေတဲ့ ရုပ်ရှင်ဒါရိုက်တာတစ်ယောက်လို့ ဆိုကြသလို ဒီရုပ်ရှင်ကနေလည်း ခပ်ဆင်ဆင်အရသာလေးရပါတယ်။ ထူးတာကတော့ အဓိကဇာတ်ကောင်လို့လည်း ပြောလို့ရတဲ့ Narratorကို လူလည်းမပြထားသလို Creditလည်းမပေးထားဘဲ ကိုယ်က အဲဒီလူလို ဝင်ခံစားလို့ရအောင် သူမြင်ရတဲ့ပုံစံကနေ ပြသွားတာကလည်း ဒီရုပ်ရှင်ကို ကျွန်တော်တို့နဲ့ ပိုနီးစပ်သွားစေတဲ့ တစ်ချက်ပဲလို့ထင်ပါတယ်။ နောက်နီးစပ်စေတဲ့အချက်ကတော့ အချစ်နဲ့မြစ်ပေါ့။ မြစ်တစ်မြစ်မှာ ရေနှစ်ခါချိုးမရနိုင်ဘူးလို့ ဘယ်လိုပဲဆိုဆို ကျွန်တော်တို့စိတ်တွေကတော့ ဘယ်သောအခါမှ သစ်မလာနိုင်ဘူးမလား။ စိတ်သစ်လူသစ်ဆိုတာ ပုံပြင်ဟောင်းတွေပဲမို့လား။ ဆူကျိုးမြစ်ရုပ်ရှင်ဟာ လူအဟောင်း စိတ်အဟောင်းတွေကို မြစ်အဟောင်းထဲက ရပ်ဝန်းအဟောင်းကိုခေါ်သွားပြီး အဖြစ်ဟောင်းတွေနဲ့ ခင်ဗျားရဲ့မသိစိတ်ထဲက အဟောင်းတွေကို ပြန်တူးဖော်ပေးမယ့်ရုပ်ရှင်ပါပဲ။ အောက်ဖော်ပြပါကတော့ ခင်ဗျားစိတ်ပါရင် တွဲဖက်ခံစားလို့ရမယ့် သီချင်းဟောင်းလေးပေါ့။ ” တစ်ညမက နှစ်ညမက တစ်ညတစ်ည မင်းခွင့်ပြုသလောက်နဲ့ မင်းလင်းလက်သရွေ့ ငါငြိမ်သက်မြဲပါ ” – ခင်ဝမ်း ( မြစ် ) ( ဘာသာပြန်ပြီး အညွှန်းရေးသားထားသူကတော့ WiRa Aung ပါ ) File Size__(3.5GB) / (1.22GB) Quality__BluRay_1080p, 720p IMDb Rating__7.4/10 Format__mp4 Duration__01:30:00 Type__Drama, Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဇာတ်အိမ်ဆန်းဆန်းလေးနဲ့ ဇာတ်ကားလန်းလန်းလေးတွေကြည့်ချင်ရင် ဒီကားလေးကလည်း ကြည့်သင့်တဲ့အထဲပါသဗျ…။ ဒါအပြင် ဇာတ်လမ်းပုံစံလေးက ရဲနှစ်ယောက်အမူလိုက်ကားဆိုတော့ “Rush hour”ဇာတ်ကားတွေလို vibeမျိုးလေးလည်း ခံစားရမှာအသေအချာပါပဲ…။ ဇာတ်လမ်းအကြောင်းပြောရရင် ဖရန့်ဆိုတဲ့လူတစ်ယောက်ရှိတယ်…။ သူက ကျန်းမာရေးလည်းမလိုက်စား အစားအသောက်လည်းမဆင်ခြင် ဖြစ်ကတတ်ဆန်းနေတဲ့လူပေါ့….။ အဲ့လိုနေချင်သလိုနေလို့ ခန္ဓာကိုယ်ထဲဝင်လာသမျှ ရောဂါပိုးတွေကို တိုက်ဖျက်ပေးရတာကတော့ ကိုယ်တွင်းကသွေးဖြူဥလေးတွေပါ…။ အိုစမိုစစ် ဂျုန်းဆိုတာ ဖရန့်ရဲ့ ကိုယ်တွင်းမြို့တော်ကြီးထဲက ရောဂါတွေကို တိုက်ဖျက်ပေးရတဲ့ ရဲသားသွေးဖြူဥလေးတစ်ကောင်ဖြစ်ပါတယ်….။ တစ်နေ့မှာတော့ ထုံးစံအတိုင်း အဆင်အခြင်မဲ့တဲ့ ဖရန့်ကြောင့် ခန္ဓာကိုယ်ထဲကို ရောဂါပိုးတွေထပ်ဝင်လာပြီး အအေးမိသလို ခေါင်းကိုက်သလိုလိုဖြစ်လာပါတယ်….။ ဒီအခြေအနေကို ဖြေရှင်းဖို့ အိုစမိုစစ် ဂျုန်းတစ်ယောက် အခွင့်အရေးရ လာတဲ့အခါမှာတော့….။ ဘယ်လိုစွန့်စားခန်းတွေမြင်တွေ့ရမလဲဆိုတာ ဒီအိုင်ဒီယာဆန်းဆန်းလေးနဲ့ ရုပ်ရှင်ကားလေးထဲမှာကြည့်ရှုလို့ရပါပြီ….။ File size…2.12 GB / 836 MB Quality…WEB-DL 1080p / 720p Format…mp4 Duration….1h 35m Genre ….. Animation , Action , Adventure Subtitle….Myanmar Subtitle (Hard Sub) Encoder….Min Wai Translated by Themes

Sinderella (2006) စင်ဒရဲလားပုံပြင်အဖြေရှာရမယ့် ကိုရီးယားသည်းထိတ်ရင်ဖိုကား လာပါပြီ။ တစ်ဦးတည်းသော သမီးဖြစ်တဲ့ အထက်တန်းကျောင်းသူလေး ဟျွန်းဆုဟာ ပလက်စတစ်ဆာဂျရီဆရာဝန်ဖြစ်တဲ့ မိခင်လက်အောက်မှာ မင်းသမီးတစ်ပါးလို ကြီးပြင်းလာရပါတယ်။ ဆယ်ကျော်သက်အရွယ်မှာ အလှအပကို ဦးစားပေးပြီး ခွဲစိတ်ပြုပြင်နေကြတဲ့ သူငယ်ချင်းတွေကြားထဲမှာမှ သူကတော့ ပြစ်မျိုးမှဲ့မထင် အလှမျိုးနဲ့ သဘာဝအတိုင်း လှလို့နေတာပါပဲ။ ဒါပေမဲ့ မကြာခင်မှာပဲ သူ့အမေဆီမှာ ခွဲစိတ်မှုခံယူခဲ့တဲ့သူငယ်ချင်းတွေ သံသယဝင်ဖို့ကောင်းတဲ့ အကြောင်းရင်းတွေနဲ့ တစ်ယောက်ပြီးတစ်ယောက် သေဆုံးကုန်ကြပါတော့တယ်။ တစ်ချိန်တည်းမှာပဲ သူနဲ့မျက်နှာချင်းတူတဲ့ ကလေးမလေးတစ်ယောက်ရှိတဲ့အကြောင်း ရှာတွေ့သွားတဲ့အခါ…။ မိခင်ဖြစ်သူ ဖုံးကွယ်ထားတဲ့လျှို့ဝှက်ထားတဲ့ လျှို့ဝှက်ချက်… စင်ဒရဲလားညီအစ်မ ဇာတ်မှာ ဘယ်သူက,မလဲဆိုတာကို အခန်းတိုင်း မျက်တောင်မခတ်ဘဲ ကြည့်ရမှာပဲ ဖြစ်ပါတယ်။ အညွှန်း နဲ့ ဘာသာပြန်ကတော့ Su Myat ပဲ ဖြစ်ပါတယ်။ Genre….. Horror, Thriller Quality…. 1080p | 720p File size… 1.6GB | 598MB Format… mp4 Duration…. 1h 34min Subtitle…. Myanmar Subtitle (Hardsub) Translator …..Su Myat Encoder ….. Aaron

Rahel Makan Kora (2024) “ချစ်ခြင်းတရားမှာ သက်သေတည်” IMDb – 8.1/10 ရင်ကိုနွေးစေမဲ့ မလေယာလမ်းစကားပြော မိသားစုဒရာမာ အိန္ဒိယရုပ်ရှင်လေးတစ်ကားကို တင်ဆက်ပေးပါရစေ။ ဂါတမီဆိုတာ ဇွဲကောင်းမှု စိတ်အားထက်သန်မှုနဲ့အတူ စိတ်ဓာတ်မာကျောတဲ့ အမျိုးသမီးလေးတစ်ယောက်။ မိသားစုကြီးရဲ့တာဝန်ကို အပြည့်အ၀ယူထားပြီး အခက်အခဲတွေအများကြီးနဲ့ ရင်ဆိုင်နေရပေမဲ့ မှန်တာကို ရဲရဲဝင့်၀င့်ထောက်ပြရဲတဲ့ အာဂသတ္တိခဲမလေး။ အသားယူတတ်တဲ့ အလုပ်ရှင်တွေကို ငြိမ်ခံမနေဘဲ တုံ့ပြန်တာကြောင့် အလုပ်အမျိုးမျိုးပြောင်းလုပ်နေရတဲ့သူ။ ကိုရာကတော့ မိခင်နဲ့အတူ သားမိနှစ်ယောက် အေးချမ်းတဲ့ဘ၀လေးကို ဖြတ်သန်းနေတဲ့ လူတစ်ယောက်။ မိခင်ဖြစ်သူကတော့ ရပ်ကွက်ရဲ့ အော်ကြောလန် အမှန်တရားဘက်တော်သားကြီးပေါ့။ မိခင်ဖြစ်သူက ဂါတမီလေးကိုတွေ့တော့ သဘောအကျကြီးကျပြီး စိတ်ထဲမှာ သားတော်မောင်နဲ့ကြိတ်ပြီး သဘောတူနေလေရဲ့။ ဒါပေမဲ့ ဂါတမီနဲ့ ကိုရာတို့မှာကလည်း အရင်ဆုံဖူးသား ဇာတ်လမ်းလေးရှိနေတဲ့အခါမှာတော့။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်)

ပုရိသအပေါင်းတို့ အကြိမ်ကြိမ်ကြွေခဲ့ရသော Malena ဇာတ်ကားထဲက မမကြီး Monica Bellucci ကို အမှတ်ရကြဦးမလား…. ဒီဇာတ်ကားမှာလဲ မမကြီးဟာ ကျွန်တော်တို့ကို အကြိမ်ကြိမ်ထပ်ခြွေဦးမှာပါ…သိဘို့။ မမရဲ့ဖြစ်တည်မှုတွေက ပြင်းရှတဲ့ နှစ်ချို့ဝိုင်တစ်ခွက်လို …။ ဇာတ်လမ်းကိုသွားရမယ်ဆိုရင်တော့ဖြင့်…. ဖရန်ဆွာ့ဇ်ဟာ ဟာ အထီးကျန်ဘဝနဲ့ သူ့ရဲ့ ပျင်းရိစရာ ရုပ်အလုပ်တို့ကို ငြီးငွေ့နေတဲ့ ပြင်သစ်သားတစ်ယောက်ဖြစ်ပါတယ်။ တစ်နေ့မှာတော့ ဘားတစ်ခုကိုသွားရင်း လှပတဲ့ မိန်းမပျက်ကလေးတစ်ဦးဖြစ်တဲ့ ဒင်နီယယ်လာ နဲ့ ဆုံခဲ့တယ်။ မြင်မြင်ချင်း ဒင်နီယယ်လာကိုစွဲလန်းမိရင်းက သူဟာ မီလျံချီ ထီပေါက်ထားတဲ့သူဖြစ်ကြောင်း နဲ့ သူနဲ့ အတူနေမယ်ဆိုရင် တစ်လကို ယူရို ၁၀၀.၀၀၀ ငွေမကုန်မချင်းပေးမယ်လို့ ကမ်းလှမ်းလာတဲ့အခါ ဒင်နီယယ်လာကလဲ သဘောတူခဲ့တယ်။ သဘောမတူနိုင်တာကတော့ သူ့ သူငယ်ချင်းလဲဖြစ် သူ့ ဆရာဝန်လဲဖြစ်တဲ့ အန်ဒရေးပါ။ အန်ဒရေးက ဖရန်ဆွာ့ဇ်ရဲ့ နှလုံးအားနည်းရောဂါဟာ ဒီလိုလိင်မှု ကိစ္စတက်ကြွပုံမျိုးနဲ့ သင့်တော်မှာ မဟုတ်ဘူးလို့ သတိပေးပါတယ်။ စားသောက်ဆိုင်မှာ ညစာစားကြရင်း ဒင်နီယယ်လာ အစာအဆိပ်သင့်သလိုဖြစ်တော့ အန်ဒရေးကို လှမ်းခေါ်ခဲ့တယ်။ အခန်းထဲမှာ နှစ်ယောက်တည်း စမ်းသပ်နေရင်း ဒင်နီယယ်လာက အဝတ်အစားချွတ်ပေးရမလားလို့မေးတယ်။ သူက မလိုအပ်ကြောင်းပြောပေမယ့် ဒင်နီယယ်လာက ဇွတ်အဝတ်အစားချွတ်လိုက်ချိန်မှာတော့ ရင်ဖိုလှိုက်မောစရာကောင်းလောက်အောင်လှပတဲ့ သူ့ခန္ဓာကိုယ်ကောက်ကြောင်းရဲ့ဆွဲဆောင်မှုကို မခံနိုင်တော့ပဲ..။ လူရိုးလူအေးကြီး တစ်ယောက်ဖြစ်တဲ့ ဖရန်ဆွာ့ဇ်ရဲ့ ဘဝကို ဒင်နီယယ်လာ တစ်ယောက် ဘယ်လိုကမောက်ကမ ကျွမ်းထိုးမှောက်ခုံတွေဖြစ်အောင် မွှေနှောက်မလဲဆိုတာ ဆက်လက်ရှုစားကြပါ။ ဒင်နီယယ်လာ အဖြစ် သရုပ်ဆောင်ထားတဲ့ ကမ္ဘာအလှဆုံး အမျိုးသမီးစာရင်းအကြိမ်ကြိမ်ဝင်ခဲ့တဲ့ မမကြီး Monica Bellucci ရဲ့ မိမွေးတိုင်း ဖမွေးတိုင်း အလှအပတွေနဲ့ကြည့်လို့တန်စေမှာပါ။ (မိသားစုနဲ့တော့ ကြည့်လို့မပြေလောက်ပါဘူး။)

Hellraiser: Deader (2005) Hellraiser ရဲ့ အခန်း နောက်တစ်ခု စဖွင့်ပါပြီ။ သေတ္တာလေးက သေခြင်းတရားကို လှည့်စားနိုင်တဲ့ အစွမ်းရှိတယ်ဆိုတာကို သိလာရပါလိမ့်မယ်။ ဒီဇာတ်ကားမှာတော့ နောက်ထပ်သတင်းထောက်တစ်ယောက် အလှည့်ပါ။ သတင်းရှာရင်း သေတ္တာနဲ့တိုင်ပတ်သွားတဲ့ နောက်သတင်းထောက်တစ်ယောက်ပေါ့။ သေခြင်းတရားကိုလှည့်စားဖို့လုပ်တဲ့သူနဲ့ Pinhead ကြားက ဓားစာခံဖြစ်သွားပေမဲ့ သူ့ဘာသာလွတ်လမ်းရှာသွားတာကို တွေ့ရပါလိမ့်မယ်။ အဲဒီအကြောင်းကိုတော့မရှင်းသေးပါဘူး။ သေတ္တာရဲ့အစွမ်းကတော့ ထင်တာထက်ပိုကြမ်းတယ်ဆိုတာကို တဖြည်းဖြည်းသိလာရပါပြီ။ တခြား Hellraiser တွေထက် ထူးခြားကောင်းမွန်နေတာမျိုး မရှိပေမဲ့ Franchise ထဲမှာ ၅/၁၀ ပေးလို့ရလောက်တဲ့ ဇာတ်ကားမျိုးပါပဲ။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size – 1.9GB, 910MB Quality – 1080p, 720p Format – mp4 Duration – 1H 28Min Genre – Horror, Mystery, Thriller Subtitle – Myanmar Subtitle (Hardsub) Translated by 666 Encoded by Y

ဒီဇာတ်ကားလေးကို Forrest Gump နဲ့ Cast Away ကို ပဲ့ကိုင်ခဲ့သူ ဒါရိုက်တာ Robert Zemeckis က ရိုက်ကူးခဲ့တာဖြစ်ပါတယ်။ IMDB Rating 6.6 ရှိပါတယ်။ အဓိကဇာတ်ကောင်ဖြစ်တဲ့ကောင်လေး၊ တခြားဇာတ်ကောင်တွေဖြစ်တဲ့ ကောင်လေးရဲ့အဖေ၊ မီးရထားဂတ်ဗိုလ်၊ ဟိုဘို၊ ရုပ်သေးရုပ်နဲ့ ဆန်တာ နေရာတွေကို မင်းသားကြီး Tom Hanks ကလည်း အသံကော CGI ဇာတ်ကောင်အနေနဲ့ပါ သရုပ်ဆောင်ပေးခဲ့ပါတယ်။ ဇာတ်လမ်းလေးက ခရစ်စမတ်အကြိုညတစ်ညမှာ မှော်ဆန်ဆန်ရထားကြီးနဲ့ မြောက်ဝင်ရိုးစွန်းဒေသမှာရှိတဲ့ ဆန်တာကလော့စ်ရဲ့ နေရပ်ကိုရောက်သွားတဲ့ ကောင်လေးတစ်ယောက် အကြောင်းပါ။ ပျော်စရာတွေဟာ ယုံကြည်မှုရှိသူတစ်ယောက်အတွက် အမြဲရှိနေမယ်ဆိုတာ သိလိုက်ရတဲ့ ကောင်လေးတစ်ယောက်ရဲ့ စွန့်စားခန်းဆိုပါတော့။ မြောက်ဝင်ရိုးစွန်းကိုသွားတဲ့ ဒီခရီး တစ်လျှောက်မှာ ကောင်လေးက သူငယ်ချင်းတွေလည်းရခဲ့သလို ယုံကြည်မှုဆိုတဲ့စကားလုံးကို ကောင်းကောင်းကြီး သဘောပေါက်သွားခဲ့ပါတယ်။ ကိုယ့်လူတို့လည်း ခရစ်စမတ်မရောက်ခင် ဇာတ်လိုက်လေးနဲ့အတူ Polar Express ကြီးစီးပြီး စွန့်စားခန်း ထွက်ကြည့်ကြပါဦးနော… (ဇာတ်လမ်းအညွှန်းနဲ့ဘာသာပြန်သူကတော့ ကိုဝေယံမောင်ပါ) File Size : 4.2 GB / 1.7 GB / 910 MB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Genre : Animation, Adventure, Comedy Subtitle : Myanmar Subtitle (Hard Sub) Translated by Wai Yan Maung Encode by Thit San Khant

Breaking Infinity (2023)လူတစ်ယောက် ဆေးခန်းထဲမှာ နိုးလာတယ်။ သူဘာလို့ ဒီကိုရောက်လာလဲ သူဘာတွေဖြစ်ခဲ့လဲ သူ မမှတ်မိဘူး။ သူသိလိုက်ရတာက အာဏာကြီးတဲ့လူတွေက သူဘာတွေဖြစ်ခဲ့လဲ ဘာတွေလုပ်ခဲ့လဲ သိချင်နေကြတယ်ဆိုတာပဲ။ ဒီလိုနဲ့ သူက သူဘာတွေဖြစ်ခဲ့လဲ သိအောင်လုပ်ဖို့ကြိုးစားတယ်။ အဲဒီကနေမှ သူက သိပ္ပံပညာရှင်ဖြစ်ခဲ့တာ သူသိလိုက်ရတယ်။ သူထွင်ခဲ့တဲ့ ကွမ်တမ် အချိန်ခရီးသွားစက်ထဲ သူဝင်ပြီး သူပျောက်သွားခဲ့တယ်ဆိုတာကို သူသိလိုက်ရတယ်။ ဒီလိုနဲ့ ဘာတွေဖြစ်ခဲ့လဲ သူပြန်မှတ်မိအောင်လုပ်ရင်း အချိန်ခရီးသွားစက်ထဲ သူပြန်ဝင်သွားခဲ့တယ်။ အတိတ် ပစ္စုပ္ပန် အနာဂတ် ဒီအရာတွေကနေ သူ့ဇာတ်လမ်းကို သူပြန်သိအောင်လုပ်ဖို့ကြိုးစားခဲ့တယ်။သူဟာ အတိတ်က ပစ္စုပ္ပန်ကိုဖန်တီး အနာဂတ်က ပစ္စုပ္ပန်ကိုဖန်တီး ပစ္စုပ္ပန်က အတိတ်ကိုဖန်တီး ပစ္စုပ္ပန်က အနာဂတ်ကိုဖန်တီး အနာဂတ်က အတိတ်ကိုဖန်တီး ဘာတွေဘယ်လိုဖြစ်နေမှန်းမသိတဲ့ ဒီအချိန်ဆိုတဲ့အရာကြီးထဲ သူ့မေးခွန်းတွေအတွက် အဖြေကိုရှာဖို့လုပ်တာကို ကြည့်ရမှာပါFile size_(1.4GB)/(650MB) Quality_Blu-Ray 1080p / 720p Format_mp4 Duration_01:26:00 Genre_Sci-Fi, Thriller Subtitle_Myanmar Subtitle (Hardsub) Encoder_a hao Translated by W Download Nulled Scripts and Plugins Download Nulled Scripts and Plugins.generalmenu { font-size:0; }

The Quincy Avery Effect (2025) CM က NFL ပရိသတ်ကြီး ဒိတ်ဒိတ်ကျဲ legend တစ်ယောက်ဖြစ်တဲ့ Quincy Avery ရဲ့ documentary တော့ ထွက်ရှိလို့လာပါပြီ။ ဒီ documentary ထဲမှာတော့ အားလုံးသိကြတဲ့အတိုင်း NFL ရဲ့ ဂန္တဝင် quarterback နည်းပြကြီး Quicy Avery အကြောင်းကို စုံအောင်ရှင်းပြထားပါတယ်။ အမေရိကန် ဘောလုံးလောကကို ဘယ်လိုရောက်လာခဲ့လဲ၊ သူ ကျောင်းအပြီး နည်းပြမဖြစ်လာခင် ကြားတစ်ယောက်မှာ အလုပ်အကိုင်မရှိတဲ့အတွက် ခက်ခဲတဲ့ကာလတွေကို ဘယ်လိုကျော်ဖြတ်ခဲ့ရတာတွေ၊ ချွေးနဲ့သွေးနဲ့ရင်းပြီး ရတဲ့ဘဝမှာ ရုန်းကန်ရင်းကနေ ဘုရားပေးတဲ့ ဆုကျေးဇူးကြောင့် တစ်ချိန်ကျရင် ကမ္ဘာကျော် NFL quarterback သမားတွေကို ဘယ်လိုမွေးထုတ်ပေးခဲ့လဲဆိုတာကို ဒီ documentary ထဲမှာ ကွက်ကွက် ကွင်းကွင်းမြင်တွေ့ရတာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (2.2 GB) / (1 GB) Quality…. WEB-Rip 1080p HEVC / 720p Format…. mkv/mp4 Genre…. Documentary Duration…. 01:32:28 Subtitle…. Myanmar Subtitle (Hardsub) Encoder…. Benjamin Translated by Mark