IMDb 5.6 ရထားတဲ့ Horror, Sci-Fi အမျိုးအစားဖြစ်ပြီးတော့ ဇာတ်ကားနာမည်အတိုင်း ကလေးတွေနဲ့ ဂြိုလ်သားတွေ တိုက်ခိုက်ကြတဲ့ကားပါ။ Sam နဲ့ Gary တို့မောင်နှမက နပန်းသတ်တာတို့ တိုက်ခိုက်ရတာတို့ကို ကြိုက်တဲ့သူတွေပါ။ သူတို့မြို့က ပြဿနာရှာတတ်တဲ့ ဆယ်ကျော်သက်အဖွဲ့နဲ့လည်း မတည့်ကြပါဘူး။ ဒါပေမယ့် ဆယ်ကျော်သက်အဖွဲ့ထဲက အဖွဲ့ခေါင်းဆောင် Billy က Sam တို့မိဘတွေခရီးသွားတဲ့အချိန် သူတို့အိမ်မှာ ပါတီလုပ်ခွင့်ရအောင်လို့ Sam ကို ချစ်ချင်ယောင်ဆောင်ပြီး ချဉ်းကပ်လာပါတယ်။ Sam က Billy ကိုကြွေသွားပြီး အိမ်မှာ ပါတီလုပ်ခွင့်ပေးလိုက်ပေမယ့် Gary ကတော့ သူ့အစ်မနဲ့သူ့ကြားဝင်လို့ဆိုပြီး ပြန်လက်စားချေဖို့ ချောင်းနေပါတယ်။ သူတို့အိမ်မှာ ပါတီလုပ်တဲ့ညမှာပဲ Billy ရဲ့ သရုပ်မှန်တွေ ပေါ်လာပြီး ပြဿနာတွေ ဖြစ်နေတဲ့အချိန်မှာ ဂြိုလ်သားတွေက ပါတီကိုရောက်လာပြီး လူတွေကိုတိုက်ခိုက်ပါတော့တယ်။ Billy ကြောင့် အဆင်မပြေဖြစ်ခဲ့ကြတဲ့ Sam နဲ့ Gary တို့မောင်နှမနှစ်ယောက်ရယ် Gary ရဲ့သူငယ်ချင်းတွေရယ် ဂြိုလ်သားတွေကို ဘယ်လိုရင်ဆိုင်တိုက်ခိုက်ကြမလဲဆိုတာ ဇာတ်လမ်းထဲမှာပဲ ဆက်လက်ကြည့်ရှုလိုက်ပါ။ အညွှန်း နဲ့ ဘာသာပြန်ကတော့ Moh Moh ပဲ ဖြစ်ပါတွယ်။ Genre..... Horror, Sci-fi Quality…. 1080p | 720p | 480p File size… 4GB, | 1.1GB | 516MB Format… mp4 Duration…. 1h 15min Subtitle…. Myanmar Subtitle (Hardsub) Translator ..... Moh Moh Encoder ..... Aaron

IMDb Rating - 7.4/10 တက်ထရစ်ဂိမ်းကို လူအတော်များများဆော့ဖူးပြီး မဆော့ဖူးရင် တောင် မြင်ဖူးကြမှာပါ။ သန်း ၅၂၀ ကျော် ရောင်းချခဲ့ရပြီး မိုဘိုင်း ဂိမ်းအဖြစ် သန်း ၆၅၀ ကျော် ဒေါင်းလုတ်ဆွဲခံရတဲ့ ဂိမ်းတစ်ခုဖြစ် ပါတယ်။ ၂၀၂၀ အထိ သမိုင်းတလျှောက်အရောင်းရဆုံးဂိမ်းဖြစ် ခဲ့ပြီး အဲဒီနောက်မှာမှ Minecraft (2009) က ကျော်တက်သွား ခဲ့တာပါ။ လက်ရှိမှာတော့ Minecraft ကပထမ၊ Grand Theft Auto V (2013) က ဒုတိယနဲ့ Tetris က တတိယဖြစ်နေပါပြီ။ ဒါပေမဲ့ ဂိမ်းစက်နဲ့ကော်ပီရောင်းရနှုန်းက သန်း ၅၀၀ ကျော်တာမို့ မာရီယိုပြီးရင် ဒုတိယအရောင်းရဆုံး ဂိမ်းဖရန်ချိုက်စ်လည်း ဖြစ် နေပါတယ်။ အရာတစ်ခုခုကို အချိန်အကြာကြီး အာရုံစူးစိုက်ပြီး လုပ်လိုက်ရင် အဲဒီအရာက လူတွေရဲ့ အတွေးတွေ အိပ်မက်တွေ စိတ်ပုံရိပ်တွေကို လွှမ်းမိုးသွားတဲ့ သက်ရောက်မှုကိုတောင် စိတ် ပညာရှင် Jeffrey Goldsmith က Tetris Effect လို့ နာမည်ပေး ခဲ့တဲ့အထိပါပဲ။ ဒီရုပ်ရှင်ကတော့ စစ်အေးတိုက်ပွဲကာလမှာ တက် ထရစ်ဂိမ်း ကမ္ဘာကျော်လာပုံရဲ့ နောက်ခံဇာတ်လမ်းတွေကို ရိုက် ကူးထားတာပါ။ ဒါပေမဲ့ ပျင်းစရာ ဒရာမဟုတ်ပါဘူး Thriller ပုံစံရိုက်ကူးထားတာဖြစ်လို့ သည်းထိတ်ရင်ဖိုကြည့်ရမှာပါပဲ။ ဒါရိုက်တာ Jon S. Baird ရိုက်ကူးထားပြီး Kingsmen မင်းသား Taron Egerton အဓိကပါဝင်ထားပါတယ်။ အဓိကကတော့ Kingsmen တွေရဲ့ ပရိုဂျူဆာ Matthew Vaughn ကြောင့်ပါပဲ။ တက်ထရစ်ဂိမ်းရဲ့ မူပိုင်ခွင့်ကို ကုမ္ပဏီကြီးတွေ လုကြတဲ့အကြောင်း ဆိုပေမဲ့ ဂိမ်းတီထွင်သူဟာ ရုရှားကဖြစ်ပြီး စစ်အေးတိုက်ပွဲကာလ ဖြစ်နေတာကြောင့် KGB ထောက်လှမ်းရေးတွေပါ ပတ်သတ်နေပြီး မော်စကိုမှာ သူလျိုစစ်ဆင်ရေးလုပ်နေသလိုကို ကြည့်ရမှာပါ။ ရုရှားဟာ ကွန်မြူနစ်နိုင်ငံဖြစ်လို့ ဂိမ်းတီထွင်သူဟာ မူပိုင်ခွင့်မရှိပါဘူး ငွေလည်းမရပါဘူး။ မူပိုင်ခွင့်ငွေကို အစိုးရကပဲ ရမှာဖြစ်ပါတယ်။ ဒါပေမဲ့ ဆိုဗီယက်ပြည်ထောင်စု ပြိုကွဲခါနီးအချိန် ကွန်မြူနစ်အစိုးရ တစ်ခုလုံး ချစားနေတဲ့အချိန်ဖြစ်တာကြောင့် မရိုးရှင်းခဲ့ပါဘူး။ နိုင်ငံ အတွက်ရမယ့်ငွေကို အိတ်ထဲထည့်ချင်လို့ လာဘ်စားပြီး ဈေးနှိမ်တဲ့ ကုမ္ပဏီကိုပဲ ရောင်းချင်တဲ့ အကျင့်ပျက်နိုင်ငံ့ခေါင်းဆောင်တွေပါမယ် လူလည်စီးပွားရေးသမားတွေပါမယ် အစုံပါပဲ။ ဒီတော့ စပိုင် thriller ကြိုက်တဲ့သူတွေ ဖြစ်ရပ်မှန်ကြိုက်တဲ့သူတွေ အားလုံး ကြည့်လိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(1.38 GB) / (611 MB) / (356 MB) Quality............WEB-DL 1080p / 720p / 480p Duration.........1Hr 58Mins Subtitle...........Myanmar Hardsub Format............MP4 Genre..............Biography, Drama, History Translator.......Mr.Anderson Encoder..........Zin Phyo Aung

ဒီတစ်ခေါက်မှာတော့ ၂၀၀၉ခုနှစ်ကထွက်ရှိထားတဲ့ ပြင်သစ် ဇွန်ဘီကားတစ်ကားကို မိတ်ဆက်ပေးချင်ပါတယ်။ ဒီဇာတ်ကားမှာ ရဲတပ်ဖွဲ့ရဲ့ အဖွဲ့၀င်တစ်ယောက်ဟာ ဂန်းစတားတစ်ယောက် သတ်တာကိုခံလိုက်ရပြီးတဲ့နောက် သူ့ရဲ့လုပ်ဖော်ကိုင်ဖက်တွေဟာ သူ့အတွက် လက်စားပြန်ချေဖို့ ကြိုးစားကြပါတော့တယ်။ သူတို့ဟာ ဂန်းစတားနေတဲ့ မြို့အပြင်က စွန့်ပစ်ထားတဲ့ တိုက်ဆီကိုရောက်ပြီး မကြာခင်မှာပဲဇွန်ဘီတွေကလည်း သူတို့ဆီကို ရောက်လာကြပါတော့တယ်။ ဒီလိုနဲ့ ရဲတွေရယ်၊ ဂန်းစတားအဖွဲ့ရယ်၊ ဇွန်ဘီတို့ရဲ့ သုံးပွင့်ဆိုင်ဇာတ်လမ်းလေးကို စိတ်၀င်စားစရာကောင်းအောင်၊ အသည်းယားစရာကောင်းအောင် ရိုက်ကူးထားတာကြောင့် ဇွန်ဘီကားသဘောကျသူတွေ ကြည့်ရှုဖို့ တင်ဆက်ပေးလိုက်ပါတယ်။ File size…1.31GB / 538MB Quality…Blu-Ray 1080p  / 720p Format…mp4 Duration….1h 30m Genre ..... Action / Horror Subtitle….Myanmar Subtitle (Hard Sub) Encoder….Min Wai Translated by Jaka

Thomဆိုတဲ့ကောင်လေးက Cambridgeတက္ကသိုလ်ကအရမ်းတော်တဲ့ အင်ဂျင်နီယာကျောင်းသားတစ်ယောက်ပါ.... ဉာဏ်ပြေးတဲ့Thomကို လစာဒေါ်လာသိန်းချီပြီးကမ်းလှမ်းတဲ့ကုမ္ပဏီကြီးတွေရှိခဲ့ပေမဲ့ Thomကတော့ Walter Morelandရဲ့ကမ်းလှမ်းမှုကိုသာ စိတ်ဝင်စားခဲ့ပါတယ်.... Walter Morelandတို့အဖွဲ့က နှစ်တရာကျော်သက်တမ်းရှိတဲ့စပိန်ဘဏ်အဆောက်အဦးက မြေအောက်ဘဏ္ဍာတိုက်တစ်ခုကိုဖွင့်ဖို့ ကြိုးစားနေတာပါ..... အဲ့ဒီစပိန်ဘဏ်က ကမ္ဘာ့အလုံခြုံဆုံးစနစ်နဲ့တည်ဆောက်ထားတဲ့ဘဏ်တွေထဲကတစ်ခုအပါအဝင်ဖြစ်ပြီး ထိုးဖောက်မရနိုင်တဲ့ အံ့မခန်းအင်ဂျင်နီယာအစွမ်းလို့ ပြောစမှတ်တွင်ပါတယ်..... လိုအပ်နေတဲ့ အင်ဂျင်နီယာဉာဏ်ကြီးရှင်Thomက Walterတို့အဖွဲ့ထဲရောက်လာတဲ့အချိန်မှာတော့ ပျောက်ဆုံးနေတဲ့ရတနာသိုက်ကိုအရယူဖို့အတွက် ဘဏ္ဍာတိုက်ဖောက်ဖို့အစီအစဉ်ဆွဲကြပါတယ်.... လုံခြုံရေးအထပ်ထပ်ကာထားတဲ့ဘဏ်ကို သူတို့ဘယ်လိုကြိုးစားပမ်းစားဖောက်ကြမလဲဆိုတာကိုတော့... ဒီကားက ထင်မထားလောက်အောက် နင်းကန်လန်းပါတယ်...ဒါ့ကြောင့်မို့ လက်မလွှတ်သင့်ပါကြောင်း သတင်းကောင်းပါးပါရစေ... ဇာတ်လမ်းအညွှန်းနဲ့ဘာသာပြန်သူကတွေကတော့ Khine Khine Wai & Ei Phyu Khin တို့ပဲဖြစ်ပါတယ်.... File Size : (2.2GB) and (0.9GB) Quality : HEVC 1080p 5.1,WEB-DL720p Format…mp4 Duration…01:30:00 Genre : Action, Adventure, Thriller Subtitle : Myanmar Subtitle (Hard Sub) Translated by Khine Khine Wai & Ei Phyu Khin Encoded by Phyo Pyae

Devil Beneath (2023) ဒီကားလေးက​တော့ 2023 မှာ လတ်လတ်ဆတ်ဆတ် ထွက်ရှိထားတဲ့ သည်းထိတ်ရင်ဖိုကား​လေးဖြစ်ပါတယ်။ ~ ဇာတ်လမ်းအညွှန်း ~ အ​မေတူအ​ဖေကွဲ ညီအစ်ကိုနှစ်​ယောက် သူတို့အဖိုးရဲ့​သေတမ်းစာကြောင့် ပြန်လည်ဆုံစည်းခဲ့ကြပြီး အိမ်မှာ သူငယ်ချင်း​တွေ စကီ​တွေ​ခေါ်ကဲ​နေတုန်း သူငယ်ချင်း​တွေ ​သွေးရိုးသားရိုးမဟုတ်ပဲ ​ပျောက်သွားလို့ လိုက်ရှာခဲ့တဲ့အခါ ဘာ​တွေပြန်​တွေ့ရမလဲ… သူတို့အဖိုးက​​​ရော ဘယ်လို​သေသွားတာလဲ… သူ့သူငယ်ချင်း​တွေ ​ပျောက်သွားတာက​ရော ပြန်​ပေးဆွဲတာပဲလား… တစ်ခုခုပြုစားမှု​ကြောင့်လား… စတဲ့​ နောက်ကွယ်က ဖြစ်ရပ်​တွေကို ရင်တလှပ်လှပ်နဲ့ရိုက်ပြထားတဲ့ကား​လေးတစ်ကားပါ။ အဲဒါအပြင် နစ်ခ်နဲ့ ထရစ်ဆန်ကြားက ညီအစ်ကို ​မေတ္တာကိုလည်း ထည့်သွင်းရိုက်ပြထားတာ​ကြောင့် ​နွေး​နွေး​ထွေး​ထွေး​လေးနဲ့ လန့်လန့်​လေးကြည့်ရမယ့် ကား​လေးတစ်ကားဖြစ်ပါတယ်။ (ဒီဇာတ်ကားနဲ့အညွှန်းကို DB မှ ပြန်ဆို ရေးသားထားပါတယ်) Size – 1.8GB, 860MB Quality – 1080p, 720p Format – mp4 Duration – 1H 26Min Genre – Thriller Subtitle – Myanmar Subtitle (Hardsub) Translated by DB Encoded by Y

Bua Pan: Beauty and the Blade(2023) ********************************** အခု ၂၀၂၃ မှာ ထွက်ထားတဲ့ ထိုင်းရုပ်ရှင်ရုံတင်ကားလေးတစ်ကားကို CM fan တွေအတွက် ဘာသာပြန်တင်ဆက်ပေးလိုက်ပါတယ် ဒီဇာတ်ကားမှာတော့ အဓိကမင်းသား Kham အဖြစ် TharnType က Gulf က ပါဝင်သရုပ်ဆောင်ထားပါတယ် အဓိကမင်းသမီးအနေနဲ့ကတော့ ဝါရင့်မင်းသမီးတစ်ယောက်ဖြစ်တဲ့ Anne Thongprasom က BuaPan အဖြစ် ပါဝင်သရုပ်ဆောင်ထားပါတယ်… ကျေးလက်တောရွာဓလေ့လေးတွေနဲ့ ဘူဝါဖန်ဆိုတဲ့ ပန်းပဲဆရာမတစ်ယောက်ရဲ့ အချစ်ဇာတ်လမ်းလေးကို ဟာသနှောပြီး ရိုက်ကူးထားတာဖြစ်လို ကြိုက်နှစ်သက်ကြမယ်လို မျှော်လင့်ပါတယ်…. ဇာတ်လမ်းအကျဉ်း ဘူဝါဖန်က ပန်းပဲဆရာမတစ်ယောက်ဖြစ်ပြီး ငယ်ငယ်ကတည်းက စစ်သမီးတစ်ယောက်လုပ်ချင်တဲ့ အိပ်မက်ရှိခဲ့သူပါ.. ဒါပေမဲ့ သူမဖြစ်ချင်တဲ့ အိပ်မက်ကို သူမအဖေက အသည်းအသန်ကန့်ကွက်ခဲ့ပါတယ်… ဘူဝါကတော့ သူ့ရဲ့ ကလေးဘဝက အိပ်မက်ကို အကောင်အထည်ဖော်ဖို သူ့အဖေမသိအောင်လို ဆရာတစ်ယောက်နဲ့ လျှိဝှက်ပြီးတော့ ဓားရေးစစ်ရေးတွေ သင်ယူခဲ့တယ်… သူမရဲ့ အရည်အချင်းတွေ ပြည့်ဝလာတဲ့အခါမှာတော့ ရည်မှန်းချက်က လက်တစ်ကမ်းအလိုပေါ့.. အဲဒီမှာ ဘူဝါ့ဆီမှာ တပည့်ခံချင်တဲ့ ခမ်ဆိုတဲ့ ကောင်လေးတစ်ယောက်ရောက်လာခဲ့တယ်… ခမ်ဆိုတဲ့ကောင်လေးသူမတို့ဆီရောက်လာတဲ့အချိန်ကစပြီး ကပြောင်းကပြန်တွေဖြစ်တော့တာပါပဲ.. ခွီချင် ရင်ခုန်ချင်တဲ့သူတွေ ကြည့်သင့်ပါကြောင်း………. File Size : (2.3GB)&(955MB) Quality : WEB-DL1080P5.1Ch, 720p Format…mp4 Duration…01:48:00 Genre :Comedy , Drama Subtitle : Myanmar Subtitle (Hard Sub) Translated by Shin Jane & Eric Hay Thar Encoded by Phyo Pyae

Thunder Monk (2023) ဦးဇင်းကျစ် အဖြစ် Oat Paramote Pathan ပတ်ပေါင့် အဖြစ် Pop PongKool Suebsung ဂျုံ အဖြစ် Fon Sananthachat ဝိုင် အဖြစ် Carissa Springgett ဇာတ်လမ်းအကျဉ်း အတိတ်ဘ၀ တုန်းက ဘုန်းဘုန်းကျစ်နဲ့မှော်ဆရာပတ်ပေါင်တို့က သိပ်ကိုချစ်ကြတဲ့ လင်မယားတွေပါ ဒီဘ၀မှာ နှစ်ယောက်လုံးက ယောကျာ်းလေးအဖြစ် မွေးဖွားလာပါသော်လည်း အတိတ်ဘ၀တုန်းက ပတ်ပေါင့် ဘုန်းဘုန်းကျစ်အစား အသေခံပေးခဲ့ပါတယ် ဒီအတွက် ဘုန်းဘုန်းကျစ်က ပတ်ပေါင့်ပြုသမျှ ၀ဋ်ကြွေးတွေကို သူခံယူပါ့မယ်လို တောင်းဆုပြုခဲ့ပါတယ် ဆိုတော့ ဘုန်းဘုန်းကျစ် အတိတ်တုန်းက သူ့မိန်းမဖြစ်ခဲ့တဲ့ မှော်ဆရာပတ်ပေါင့်ဆီကို ၀ဋ်ကြွေးလွှတ်မြောက်အောင် လုပ်ဖို့ သွားပါတော့တယ် ဖြစ်ချင်တော့ ဒီဘ၀မှာ မှော်ဆရာပတ်ပေါင့်က ကောင်မလေးတစ်ယောက်နဲ့ ချစ်ကြိုက်ပြီး ဖောက်ပြန်ရင် မိုးကြိုးပစ်ပါစေလို့ ကျိန်ဆိုထားပါတယ် သို့ပေမဲ့ သူ့စကားကို မတည်နိုင်ဘဲ နောက်ကောင်မလေး တစ်ယောက်ကို ချစ်ကြိုက်သွားပါတယ် သူ့ကျိန်စာကြောင့် မိုးကြိုးက မှော်ဆရာကို ပစ်ရမယ့်အစား အတိတ်ဘ၀က ဘုန်းဘုန်းကျစ်ရဲ့ တောင်းဆုကြောင့် ဘုန်းဘုန်းကိုပဲ ပစ်မှာပါ ဆိုတော့ ဘုန်းဘုန်းကျစ် မှော်ဆရာကို အချိန်မှီတားနိုင်ပါ့မလား ဆိုတာကို အူတက်အောင် ရယ်မောရင်း စောင့်ကြည့်လိုက်ပါ (အညွှန်းရေးသားသူမှာ Fake Love ဖြစ်ပြီးတော့ ဘာသာပြန်ထားတာကတော့ Nang Mwe Kham & Fake Love ဖြစ်ပါတယ်။) Genre….. Action, Comedy Quality…. 1080p | 720p File size… 1.4GB | 676MB Format… mp4 Duration…. 1h 40min Subtitle…. Myanmar Subtitle (Hardsub) Translator ….. Nang Mwe Kham & Fake Love Encoder ….. Aaron

Paan Singh Tomar (2012) ============== IMDb Rating (8.2/10) / Rotten Tomatoes (89%) ဒီရုပ်ရှင်ကားကြီးကတော့ မင်းသားကြီးအီရ်ဖားန်ခန်း Irrfan Khan အကောင်းဆုံးအမျိုးသားဇာတ်ဆောင်ဆုရခဲ့ပြီး မင်းသားကြီးနဝါ့ဇ်နဲ့အခြားသရုပ်ဆောင်များစွာ ပါဝင်အားဖြည့်ထားတဲ့ အီရ်ဖားန်ခန်းရဲ့ အကောင်းဆုံးဇာတ်ကားတစ်ကားဖြစ်ပါတယ်။ တကယ်ရှိခဲ့တဲ့ ပန်းဆင်းဂ်တိုမရ်ဆိုတဲ့ အိန္ဒိယစစ်သား အားကစားသမား သူပုန်ကြီးတစ်ယောက်ရဲ့အတုပ္ပတ္တိကို အခြေခံရိုက်ကူးထားတဲ့ ဒီရုပ်ရှင်ဟာ ဘတ်ဂျတ်သန်းခုနစ်ဆယ်သာသုံးပြီးရိုက်ကူးခဲ့ပေမယ့် သန်းနှစ်ရာကျော်ပြန်ရခဲ့တဲ့ထိ အနုပညာအရရော စီးပွားရေးအရပါ အောင်မြင်ခဲ့ပါတယ်။ ပန်းဆင်းဂ်တိုမရ်ဆိုတာ အိန္ဒိယစစ်သားတယောက်ပါ။ ၁၉၅၀ခုနှစ်နဲ့ ၁၉၆၀ခုနှစ်တွေကြားက အတားအဆီးဖြတ်ကျော် အပြေးပြိုင်ပွဲတွေမှာ ခုနစ်ကြိမ်တိုင်ချန်ပီယံဆုဆွတ်ခူးခဲ့သူပေါ့။ ၁၉၅၈ အာဆီယံဂိမ်းမှာ အိန္ဒိယကိုယ်စားပြုဝင်ရောက်ယှဉ်ပြိုင်ခဲ့ပေမဲ့ မိခင်နိုင်ငံက ထောက်ပံ့ပေးမှုအားနည်းတာရယ် လေ့ကျင့်တုန်းကပြိုင်ရတဲ့ဖိနပ်နဲ့ တကယ်တမ်းပြိုင်တော့စီးရတဲ့ဖိနပ်နဲ့မတူညီတာကြောင့်ဆုမရရှိခဲ့ပါဘူး။ စစ်သားတစ်ယောက်အနေနဲ့ တာဝန်ထမ်းဆောင်ရင်း အသုံးမကျတဲ့အရာရှိက ပေးလာတဲ့အမိန့်ကိုတော့လက်မခံပါဘူးလို့ ဆိုဝံ့သူ။ သူထူးချွန်တဲ့ အားကစားနဲ့ နိုင်ငံ့ဂုဏ်ဆောင်ရင်း ရွှေတံဆိပ်ဆုတွေဆွတ်ခူးပေးခဲ့သူ။ သူဟာ ရှေ့တန်းထွက်ဖို့ အခွင့်အရေးဆုံးရှုံးတဲ့အခါ ရဲရဲတင်းတင်းပဲ သူထူးချွန်တဲ့ အားကစားကိုစွန့်လွှတ်ခဲ့ပေမယ့် သူ့ရဲ့ ဆန္ဒတွေ မပြည့်ဝခဲ့ပါဘူး။ ဒီလိုနဲ့ အိန္ဒိယစစ်တပ်ကနေအငြိမ်းစားယူပြီး မိသားစုနဲ့အေးအေးချမ်းချမ်းတောင်ယာလုပ်ကိုင်ဖို့ ဆုံးဖြတ်ခဲ့ပေမဲ့ သူတို့ရွာမှာမြေယာအငြင်းပွားမှုကနေ ပိုင်ရာဆိုင်ရာလူတစ်စုက အားနည်းသူတွေကို တရားလက်လွတ် ခြေလွန်လက်လွန်လုပ်ဆောင်လာတဲ့အခါ… နိုင်ငံအတွက်ကျရာတာဝန်တွေကို ထမ်းဆောင်ပေးခဲ့ပေမယ့် သူယုံကြည်ထားတဲ့ ဥပဒေဆိုတာက သူ့ကိုအကူအညီပေးမလာတဲ့အခါမှာတော့… စစ်ပြန်ကြီးဟာ လက်နက်ဆွဲကိုင်ပြီး အမှန်တရားအတွက် တိုက်ခိုက်ပါတော့တယ်။ “ကျွန်တော့်မှာ အပြေးပြိုင်ပွဲနဲ့ပတ်သက်လို့ စည်းကမ်းတခုရှိတယ်၊ ဘာလဲဆိုတော့ပြိုင်ပွဲစပြီဆိုတာနဲ့ နိုင်တာရှုံးတာ အဓိက မကျတော့ဘူး၊ ပန်းတိုင်ကိုရောက်ဖို့ အဓိကပဲ။အဲဒီလိုပဲ အခုတိုက်မယ့်တိုက်ပွဲကိုလဲ နိုင်တာရှုံးတာထက် ပြီးဆုံးအောင်တိုက်ခိုက်သွားမယ်”ဆိုတဲ့ နိုင်ငံ့ဂုဏ်ဆောင် စစ်သားအားကစားသမားတယောက်ဖြစ်ခဲ့ပေမယ့် ထိုက်တန်တဲ့ဘဝကိုမရခဲ့တဲ့ ပန်းဆင်းဂ်ရဲ့ဇာတ်လမ်းလေးကို တင်ဆက်ပေးလိုက်ပါတယ်။ “ဒီရုပ်ရှင်က သမိုင်းမှာအသိအမှတ်ပြုမခံရဘဲ ကိုယ့်ကိုယ်ကိုယ်စတေးသွားတဲ့ အိန္ဒိယအားကစားသမားများကို ရည်ညွှန်းပါတယ်” လို့ အဆုံးသတ်မှာ ဒါရိုက်တာက ဂုဏ်ပြုထားပါတယ်။ (ရုပ်ရှင်အညွှန်းနဲ့ဘာသာပြန်ကို V နဲ့ Thaik San တို့မှ တင်ဆက်ထားပါတယ်။)

Believe (2018) ဝန်ဟိုကတော့ ဆရာအီလို့ခေါ်တဲ့လူတစ်ယောက် ဦးစီးနေတဲ့ အာရှရဲ့ အကြီးမားဆုံး မူးယစ်ဂိုဏ်းကို ဖြိုခွင်းဖို့ ကြိုးစားနေတဲ့ စုံထောက် တစ်ယောက်ပါ။ ဒါပေမဲ့ ခက်နေတာက ဆရာအီ ဆိုတဲ့လူကို ဘယ်သူကမှ မမြင်ဖူးကြပါဘူး။ အဲဒါအပြင် မူးယစ်ဆေးဝါး ရောင်းဝယ်ဖောက်ကားသူ တော်တော်များများကလည်း မူးယစ်ဆေးဝါးတွေကို တရားမ၀င် ရောင်းဝယ်ဖောက်ကားဖို့အတွက် ဆရာအီအဖြစ် ဟန်ဆောင်နေကြပါသေးတယ်။ ဆရာအီရဲ့ ဂိုဏ်းက အဖွဲ့ဝင်ဟောင်းတစ်ဦးဖြစ်တဲ့ ရာ့ ဆိုတဲ့သူကတော့ သူ့အမေကို သတ်ခဲ့တဲ့ ဆရာအီ့ကို လက်စားချေဖို့ကြိုးစားနေတဲ့သူပါ။ စုံထောက်ဝန်ဟိုနဲ့ ရာ့ တို့ဟာ တူညီတဲ့ရည်မှန်းချက်တွေနဲ့ နှစ်ယောက်အတူပူးပေါင်းပြီး ဆရာအီ့ကို ဖမ်းဆီးဖို့ကြိုးစားကြပါတော့တယ်။ နှစ်ယောက်သား ဘယ်လိုပူးပေါင်းပြီး စိတ္တဇဆန်ဆန် အန္တရာယ်များတဲ့ မူးယစ်ဂိုဏ်းခေါင်းဆောင်ကို ဘယ်လိုဖော်ထုတ်ပြီး ဖမ်းဆီးကြမလဲ တစ်ဇာတ်လုံးမြှုပ်ထားတဲ့ ဆရာအီကရော ဘယ်သူဖြစ်မလဲဆိုတာ စိတ်ဝင်တစား ကြည့်ရှုရမယ့် ဇာတ်ကားကောင်းလေးမို့ လက်မလွှတ်သင့်ပါဘူး​နော် အညျွန်းကိုတော့ Shin Shin က ရေးထားပေးပြီးတော့ ဘာသာပြန်ထားတာကတော့ Shin, Cali, Thae, Laii တို့ပဲ ဖြစ်ပါတယ်။ Genre….. Action, Crime Quality…. 1080p | 720p File size… 1.3GB | 566MB Format… mp4 Duration…. 2h 3min Subtitle…. Myanmar Subtitle (Hardsub) Translator ….. Shin, Cali, Thae, Laii Encoder ….. Aaron

A Tale Of Two Sisters (2003) IMDb: 7.1/10 Genre: Drama/Horror/Mystery မွန်ဂိုယောင်းပါဝင်ထားပြီးနာမည်ကြီးတဲ့ ဒီရုပ်ရှင်ကသရဲကားဆိုပေမဲ့ သာမန်ကြည့်နေကျ သရဲကားပုံစံတွေနဲ့ကွဲထွက်နေပြီး ဇာတ်လမ်းရဲ့လှည့်ကွက်တွေကြားထဲမှာ ဟင်ကနဲ ဟာကနဲဖြစ်နေမယ့် ရုပ်ရှင်မျိုးပါ။ ကြောက်ရွံ့မှုတွေ ဝမ်းနည်းမှုတွေခံစားရမယ့်အပြင် တကယ်ကိုစိတ်ထဲမှာစွဲကျန်နေမဲ့ သရဲကားဆိုလည်းမမှားပါဘူး။ ဇာတ်လမ်းအကျဉ်းကတော့ စိတ်ကျန်းမာရေးဆေးရုံမှာ ရက်ရှည်ဆေးကုပြီး အဖေနဲ့မိထွေးရှိတဲ့ အိမ်ကိုပြန်လာတဲ့ ဆူယွန်းနဲ့ဆူမီတို့ညီအစ်မ၊ သူတို့အိမ်ပြန်လာပြီးနောက်ပိုင်းမှာ အရာရာကအရင်လိုမဟုတ်နေတော့ပဲ အိမ်ကြီးမှာလည်း ထူးဆန်မှုတွေဖြစ်လာပါတော့တယ်။ ပြောင်းလဲမှုတွေက ဘယ်လိုမျိုးပြောင်းလဲမှုမျိုးလဲ ထူးဆန်းတဲ့အရာတွေကရော ဘာတွေဖြစ်နေမလဲဆိုတာကို ဇာတ်လမ်းအစကနေအဆုံးထိပဟေဠိဆန်ဆန်ကြည့်ရှုခံစားရမှာဖြစ်ပြီး ဝမ်းနည်းမှုကြောက်ရွံ့မှုစတဲ့ခံစားချက်များစွာကို ခံစားရမှာဖြစ်ပြီး ညီအစ်မနှစ်ယောက်ရဲ့ ချစ်ခြင်းမေတ္တာကိုပါပုံဖော်ရိုက်ကူးပေးထားတာကြောင့် ကြည့်ရှုဖို့ညွှန်းလိုက်ပါတယ်။ File size… 2.2 GB / 809 MB Quality… BluRay 1080p / 720p Format… mp4 Duration…. 1h 54m Genre ….. Drama/Horror/Mystery Subtitle…. Myanmar Subtitle (Hard Sub) Encoder…. LegoHeart Translated by Jia

Lions for Lambs(2007) *********************** IMDb….6.2 ဒီကားထဲမှာပါတဲ့ အဓိကသရုပ်ဆောင်တွေဖြစ်တဲ့ Tom Cruise ,Robert Redford နဲ့ Meryl Streep တို့ကိုတော့ အတော်များများသိကြမယ်ထင်ပါတယ်… အမှန်ပြောရရင် ကျွန်တော်ကတော့ Meryl Streep ကို The post မှာ ခမ်းနားတဲ့သူ့ရဲ့သရုပ်ဆောင်ဟန်တွေကြောင့်သတိထားမိခဲ့တာပါ. တကယ့်လူတွေ တစ်ပြိုင်နက်သုံးထားတော့ ဒီကားကို နည်းနည်းစူးစမ်းမိသွားတယ်……. ဒီကားဟာ scene (၃) ခုကို အလှည့်ကျပြသွားရင်း ကြီးကျယ်ခမ်းနားတဲ့ ဒိုင်ယာလော့တွေနဲ့ ကြည့်ရှူသူ ပရိတ်သတ်ကိုပခုံးဖက်တွဲခေါ်ပြီး အတွေးအခေါ်တွေ ဖြန့်ကျက်စေတဲ့လိုဆိုရမယ်ထင်တယ်.. အဲဒါတွေကြောင့် တကယ့်လူ ၃ ယောက်ကို သရုပ်ဆောင်ခိုင်းထားတယ်ထင်တယ်… Andrew Garfield လည်းပါသေးတယ်… ပထမ Scene ပရော်ဖက်ဆာတစ်ယောက်ဟာ ကျောင်းသားတစ်ယောက်ကို သူ့ရုံးခန်းထဲခေါ်တွေ့တယ်… အဲ့ဒီကျောင်းသားဟာ ထက်မြက်ပေမယ့် ပရော်ဖက်ဆာ အမြင်မှာ လွဲမှားဟန်ရှိတဲ့အယူအဆတစ်ချို့ကြောင့် ဆွေးနွေးဖို့ခေါ်လိုက်တာပါ…. ဒုတိယ Scene အဖဂန်နစ်စတန်စစ်မြေပြင်နဲ့ပတ်သက်ပြီး အမတ်တစ်ယောက်ဟာ ရှေ့တန်းစစ်မြေပြင်ထိုးစစ်တွေအကြောင်းကို ဂျာနယ်လစ် တစ်ယောက်ကိုခေါ်ပြောပြတယ်…. သူတို့တွေ ဘယ်လိုထိုးစစ်ဆင်တယ် .. ဘယ်လိုတွေအတွက် ဒီတိုက်ပွဲကိုဆင်နွှဲနေတယ်…ဂျာနယ်လစ်ရဲ့ မေးခွန်းတွေနဲ့ အမတ်ရဲ့ အဖြေတွေနဲ့ပေါ့… တတိယ Scene အမေရိကန်ရှေ့တန်းစစ်မြေပြင်အခြေစိုက်စခန်းတစ်ခုရဲ့ တကယ့်စစ်မြေပြင် ထိုးစစ်အသွင်တွေကို ပြတာပါ…. ဒီကားဟာ ဖျော်ဖြေရေးမဆန်ဘူး…. သူ့ရဲ့ဆိုလိုရင်းဟာ ဘာလဲဆိုတာကိုတော့ ကျွန်တော်မပြောချင်ဘူး.. ..ပြောပြဖို့လည်းခက်တာမို့ ကိုယ်တိုင်ပဲ ခံစားကြည့်ရှုစေချင်ပါတယ် .. File Size : (1.71 GB) and (548 MB) Quality : Blu-Ray 1080p, 720p Format…mp4 Duration…01:32:00 Genre : Drama, Thriller, War Subtitle : Myanmar Subtitle (Hard Sub) Translated by JtheKoala Encoded by AHtet

Samudrudu (2024) ပင်လယ်ဟူသည် ကမ္ဘာကြီးရဲ့ ၇၁%ဟာ ပင်လယ်တွေနဲ့ပြည့်နေတာပါ ပင်လယ်ကြီးကပဲ ငါးအမျိုးပေါင်းများစွာထောက်ပံ့ပေးလို့ သက်ရှိသတ္တဝါတွေရဲ့ ဆာလောင်မှုကို ဖြည့်တင်းပေးပြန်ပါတယ် လူသားတွေစားသောက် သုံးဆောင်ဖို့တော့ ငါးတွေကိုဖမ်းဆီးပေးတဲ့ ငါးဖမ်းတဲ့လုပ်ငန်း ဖြန့်ဖြူးရောင်းချတဲ့လုပ်ငန်းဟာလည်း တစ်စတစ်စ တွင်ကျယ်လာပါတယ် ဒီတေလ်ဂူးအက်ရှင် ဇာတ်လမ်းလေးကလည်း ငါးဖမ်းတဲ့အလုပ်နဲ့ အသက်မွေးဝမ်းကျောင်းပြုကြတဲ့ ရွာလေးတစ်ရွာက ဘဝလေးတွေမှာ ဇာတ်အိမ်တည်ထားပါတယ် ရွာလေးကဖမ်းမိတဲ့ငါးတွေကို အာလူရိုင်းနဲ့ဒေဗာတို့သားအဖက ငါးဖမ်းသမားတွေဆီက ဈေးနှိမ်ဝယ်ပါတယ် ပြီးမှသူတို့ကမြို့ကိုတက်လို့ ဈေးကောင်းနဲ့ပြန်ရောင်းဝာာပေါ့ ရွာက ဂန်ဂါဆိုတဲ့လူငယ်လေးက သူတို့လက်ဝါးကြီးအုပ်နေတာကိုသိရှိသွားပြီး သူတို့ဆီမရောင်းဘဲ ကိုယ်တိုင်မြို့တက်ရောင်းဖို့ ငါးဖမ်းသမားတွေကို စည်းရုံးရာကစ သူတို့သားအဖနဲ့ပဋိပက္ခအစပျိုးမိလာပါတယ် အဲဒီအချိန်မှာပဲ သူတို့ရွာကိုဆရာမ အသစ်တစ်ယောက် ရောက်ရှိလာပါတယ် ပညာဆိုတာ ဘာမှန်းမသိတဲ့သူတွေကို စာသင်ပေးဖို့ တစ်အိမ်တက် တစ်အိမ်ဆင်း လိုက်ခေါ်ပေမဲ့ ဘယ်သူကမှ သူတို့ကလေးတွေကို ကျောင်းမပို့လိုကြပါဘူး မထင်မှတ်ဘဲ ဂန်ဂါကဆရာမလေးအပေါ် ခံစားချက်ဖြစ်တည်လို့ ဆရာမလေးကိုယ်စား ကလေးမိဘတွေကို သူကပါကူညီနားချပါတော့တယ် ဒါပေမဲ့ ထူးဆန်းတဲ့ဖြစ်ရပ်တစ်ခုကတော့‌ တစ်ရက်မှာ ဂန်ဂါက ရွာအကျိုးအတွက် သူဟာနန်ဒီနီကိုလက်ထပ်ပါတော့မယ့်အကြောင်း ကြေညာလိုက်ပါတယ် ဂန်ဂါရဲ့အကြောင်းရင်းက ဘာဖြစ်မလဲ၊ ဒေဗာတို့သားအဖက ဘယ်လိုပြဿနာရှာ ချောက်ချမှာလဲ၊ ဆရာမလေးရဲ့ ပညာသင်ပေးလိုတဲ့အစီအစဉ်ရောဖြစ်မြောက်သွားလား စတဲ့ ဇာတ်လမ်းဇာတ်ကွက် အလှည့်အပြောင်းတွေကို စိတ်ဝင်စားစွာ တွေ့မြင်ရမှာမို့ ကြည့်ရှုအားပေးကြရအောင်ပါ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် )

Kingston (2025) (ပင်လယ်ဘုရင်) သိုရ်ဗာသူရ်ရွာလေးဟာ ငါးဖမ်းပြီး အသက်မွေးဝမ်းကျောင်းပြုနေတဲ့ ပင်လယ်ဘေးက ရွာလေးတစ်ရွာပေါ့။ တံငါရွာဖြစ်တဲ့အတိုင်းပဲ ဒီရွာလေးက ရွာသားတွေဟာ ငါးဖမ်းတာကိုပဲ ကျွမ်းကျင်ပြီး တခြားအလုပ်ဆိုလို့ မလုပ်တတ်ကြပါဘူး။ တစ်ရက်ကျတော့ ဒီရွာလေးမှာ ကံကြမ္မာဆိုးကြီး ဝင်လာပါတော့တယ်။ အဲဒီ ကံကြမ္မာဆိုးကြီးကတော့ အရမ်းကို ရက်စက်တဲ့ဝိညာဉ်ဟာ ဒီမြေပေါ်မှာ သူ့ခန္ဓာတည်သရွေ့ ဒီရွာသားတွေ ပင်လယ်ကို အသုံးပြုပြီး အသက်မွေးဝမ်းကျောင်းလုပ်ငန်း လုပ်လို့မရအောင် ကျိန်စာတိုက်လိုက်တာပဲဖြစ်ပါတယ်။ ဒီလိုနဲ့ ငါးဖမ်းခြင်းလုပ်ငန်းကို အားပြုပြီး စီးပွားရှာကြတဲ့ ဒီရွာလေးမှာ ပင်လယ်ကို ထွက်လိုက်တာနဲ့ အဲဒီလူက ပြန်မလာနိုင်တော့တဲ့အထိ ဖြစ်ခဲ့ရာက ပြည်တွင်းရေးဝန်ကြီးမှ ဒီရွာကို ငါးဖမ်းမစားရဘူးဆိုတဲ့အမိန့်နဲ့ ပင်လယ်ကို ချိတ်ပိတ်လိုက်ပါတော့တယ်။ ဒီလိုအဖြစ်ဆိုးနဲ့ ကျိန်စာတိုက်ခံလိုက်ရတဲ့အချိန်မှာ ပင်လယ်ထဲရောက်နှင့်နေပြီးသား သူတွေလည်း ဒီရွာကို ပြန်မလာနိုင်ခဲ့ပါဘူး။ အဲဒီသူတွေအထဲမှာ ချာလီဆိုတဲ့သူလည်း ပါဝင်ပါတယ်။ ချာလီ့မှာ သားလေးတစ်ယောက်ရှိပြီး သူ့နာမည်ကတော့ ကင်းလို့ခေါ်ပါတယ်။ ကင်းဟာ ဖခင် ပင်လယ်ထွက်သွားရာက ပြန်မလာနိုင်ပေမဲ့ သေသွားတယ်လို့ လက်မခံဘဲ တစ်နေ့တော့ ဖခင်ဖြစ်သူကို ပြန်ခေါ်နိုင်ဖို့ ပင်လယ်ထဲကို ထွက်မယ်ဆိုပြီး လုပ်ထားသူပါ။ ဒီလိုနဲ့ ကင်းတစ်ယောက် အရွယ်ရောက်လာတဲ့အချိန်မှာတော့ တစ်ရွာလုံး တားမြစ်ခံထားရတဲ့ ပင်လယ်ထဲကို ထွက်နိုင်မှာလား ……… သူတို့ရွာရဲ့ ကျိန်စာဆိုးကြီးကိုရော ချေဖျက်ပေးလိုက်နိုင်မှာလား …… ဆိုတာကို ဆက်လက်ကြည့်ရှုရမဲ့ ဇာတ်ကားကောင်းလေးဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ဖြစ်ပါတယ်)

The Last Wish (aka) Son Dilek (2025) ဒီတစ်ခါတင်ဆက်ပေးမှာလေးကတော့ တူရကီ ဒရာမာရုပ်ရှင်ကားကောင်းလေးတစ်ကားပဲဖြစ်ပါတယ်။3 ဇာတ်ကားလေးကတော့ ကံမကောင်းအကြောင်းမလှခဲ့တဲ့မင်းသမီးလေးက မထင်မှတ်ထားပဲ သူအရမ်းချစ်ရတဲ့ ရည်းစားဆီကနေ တဆင့်HIVရောဂါပိုးကူးစက်ခံခဲ့ရပြီး နောက်ဆက်တွဲအနေနဲ့ မွေးလာတဲ့ ကလေးလေးဆီကိုပါ ပိုးကပါလာပါတယ်။ အခါနှောင်းမှ ရောဂါပိုးအကြောင်းကိုလိုက်ရပြီး အချိန်တွေလည်းလွန်နေပြီမို့ ဘယ်လိုမှကုသလိုလည်း မရနိုင်တော့တဲ့ အထိဖြစ်လာပါတယ်။ ဇာတ်ကားထဲမှာလည်း အင်မတန်မှ သရုပ်ဆောင်ချက်တွေပီပြင်လွန်းလှတဲ့ Seda Akmanတူရကီမင်းသမီးကြီးလည်းပါဝင်ထားတာဆိုတော့ပြောစရာမလိုအောင်ကို ခံစားချက်အစစ်မှန်တွေကို ပေးစွမ်းနိုင်မှာပဲဖြစ်ပါတယ်။ ဇာတ်လမ်းအကျဉ်း ဇာတ်လမ်းလေးကတော့ မင်းသမီးရဲ့ သမီးလေးကို ဆေးရုံတင်တာကနေအစချီထားပြီး ပိုးအကြောင်းကို သိပြီးတဲ့နောက်မှာတော့ မင်းသမီးရဲ့ မိခင်တစ်ယောက် ကို့သားသမီးမှာ ဒီလိုရောဂါပိုးမျိုးကို မဖြစ်နိုင်တဲ့အရွယ် မဖြစ်နိုင်တဲ့အချိန်မှာကူးစက်ခံထားရတာကို သိပြီး နာကျင်ခံစားရတာတွေက မပြောတတ်လောက်ခံစားခဲ့ရပြီး သူကိုယ်တိုင်လည်း ဒီပိုးကို ဘယ်ကနေဘယ်လိုကူးစက်ခဲ့မှန်းလဲ မသိနေခဲ့ပါဘူး။ ဒါပေမဲ့လည်း သမီးလေးက တစတစနဲ့ အခြေနေကပိုဆိုးလာခဲ့တာပြီး ကုသလို့ကလည်းမရ ဆေးတွေသောက်ပြီး သေမဲ့ရက်ကိုထိုင်မျှော်နေရသလိုမျိုးဖြစ်လာပါတော့တယ်။ အန်တီကိုယ်တိုင်ကလည်း တူမလေးအတွက်ကို အစွမ်းကုန်ကို ကြိုးစားပန်းစားနဲ့ ဒီရောဂါပိုးမျိုးကို ကုသနိုင်မယ့်ဆရာဝန်ကိုလည်း မရရအောင်ရှာခဲ့ပါတယ်။ ဒီလိုရောဂါမျိုးကို ကုသနိုင်လို့မရနိုင်တာကို သိနေရက်နဲ့တောင်မှ တူမလေးအတွက်ကို ခင်ပွန်းဖြစ်သူနဲ့ ပါအတိုက်ခံဖြစ်သည်အထိကို ရှာပေးနေခဲ့တာပါ။ ဒီဇာတ်လမ်းလေးမှာတော့ မိသားစုတိုင်းမှာ အမေတွေက ကို့သားသမီးလေးကို ဘာတွေဖြစ်ဖြစ် အစွမ်းကုန်ကြိုးစားပြီ ကာကွယ်ပေးတတ်ကြောင်းနှင့် သားသမီးလေးတစ်ခုခုဖြစ်ရင်ကို ရင်ကျိုးမတတ်ခံစားရတာတွေကို သေချာလေးမြင်နိုင်အောင်ရိုက်ပြထားတာတွေကိုလည်း တွေ့ရပါတယ်။ အဆုံးသတ်အနေနဲ့ပြောရရင် ဒီကားလေးဟာ မိဘမေတ္တာတွေ၊ အနစ်နာခံတာတွေ၊ ဝမ်းနည်းစရာတွေ၊ ဘာတွေပဲဖြစ်ဖြစ်ချစ်တဲ့သူကတော့ ဘာတွေပဲလုပ်ရလုပ် လုပ်ပေးပြီးချစ်ပေးနေမယ်ဆိုတာကို မြင်နိုင်အောင်လည်းရိုက်ပြပေးထားပါတယ်ဗျ။ အညွှန်းနဲ့ ဘာသာပြန်ကိုတော့ Brian မှတင်ဆက်ပေးထားပါတယ်ခင်ဗျာ။

IMDb Rating (6.3) / Rotten Tomatoes (92%) ဒီတစ်ခါတော့ The Last of us (2023)မှာ Bill အဖြစ် သရုပ်ဆောင်ခဲ့ပြီး Emmy Award ဆု ရထားတဲ့နာမည်ကြီးသရုပ်ဆောင် Nick Offerman ရဲ့ဇာတ်ကားလေးနဲ့ မိတ်ဆက်ပေးချင်ပါတယ်။ ဒါရိုက်တာ Christian Swegal ရဲ့ ပွဲဦးထွက်လက်ရာ ဒီရုပ်ရှင်ဟာ ၂၀၁၀ အာကန်ဆောမှာ ဖြစ်ပွားခဲ့တဲ့ ဖြစ်ရပ်မှန်ကို အခြေခံထားပြီး Rotten Tomatoes မှာ 92% ရထားပြီး သားအဖဆက်ဆံရေးနဲ့အစွန်းရောက်ဝါဒကို ချိတ်ဆက်ပြီး အကောင်းဆုံးရိုက်ပြထားတာပါ။ Nick Offerman ရဲ့ ဂျယ်ရီကိန်းအဖြစ် သရုပ်ဆောင်မှုကို ဝေဖန်သူတွေက“ရင်သပ်ရှုမောဖွယ်” နဲ့ “ကာရိုက်တာလေ့လာမှုရဲ့အကောင်းဆုံး ဥပမာ” အဖြစ် ချီးကျူးထားပြီး သူ့ရဲ့အကောင်းဆုံး တင်ဆက်မှုတွေထဲက တစ်ခုလို့ သတ်မှတ်ထားတယ်။ ဒီဇာတ်ကားကို လူမှုရေးသင်ခန်းစာတွေ၊ အုပ်ချုပ်ရေးဆိုင်ရာ ဆွေးနွေးပွဲတွေမှာ အသုံးပြုပြီး အစွန်းရောက်မှုရဲ့ အကျိုးဆက်တွေကို ဆန်းစစ်ဖို့ သင့်တော်ပါတယ်။ ဇာတ်လမ်းအကျဥ်းကိုပြောရရင် အမေရိကန်အစိုးရကို ဆန့်ကျင်တဲ့ Sovereign Citizen လှုပ်ရှားမှုကို ယုံကြည်တဲ့အဖေဖြစ်သူဂျယ်ရီကိန်း (Nick Offerman – Emmy ဆုရှင် “The Last of Us”) နဲ့ သူ့သား ဂျိုးဇက် (Jacob Tremblay – “Room”) တို့ဟာ ဥပဒေသင်တန်းတွေ ပို့ချရင်း တစ်ဖက်တစ်လမ်းက ငွေရှာကြပါတယ်။ တစ်ဖက်မှာလည်း အကြွေးပြဿနာတွေနဲ့ရှိနေပြီး ဘဏ်နဲ့ အစိုးရရဲ့ ဖိအားတွေကို ရင်ဆိုင်နေရတာကို ဘယ်လိုနည်းလမ်းတွေသုံးပြီး ဖြေရှင်းကြမလဲ…. သူတိုရဲ့ပြဿနာတွေက ပြေလည်သွားမှာလား ဒါမှမဟုတ် တစ်စတစ်စကြီးသထက် ကြီးလာမှာဆိုတာကိုတော့ ကြည့်ရှုသူတွေကိုယ်တိုင် ဆုံးဖြတ်သင့်ပါတယ်။ ဒီဇာတ်ကားမှာ ဂျယ်ရီကိန်းရဲ့ဒိုင်ယာလော့တွေက ဘယ်လိုအစွန်းရောက်ပြီး မိတ်ဆွေတို့ကို ဘယ်လိုအတွေးတွေရစေမလဲ။ မလုပ်သင့်မလုပ်အပ်တာတွေကို အစွန်းမရောက်ဖို့အကြံပေးရင် ဒီဇာတ်ကားကို အဆုံးထိကြည့်ဖို့ တိုက်တွန်းချင်ပါတယ်။ ကျေးဇူးတင်ပါတယ်။ File Size… (1.38 GB) / (811 MB) Quality… WEB-DL 1080p HEVC /720p Format…mkv / mp4 Duration…1h 40m Genre ….. Crime , Drama , Thriller Subtitle….Myanmar Subtitle (Hard Sub) Encoder….Min Wai Translated by ZWT