ဒီဇာတ်ကားလေးကတော့ 1933 ခုနှစ် ဧပြီလ ၁၂ ရက်နေ့မှာ ဆာဟာရကန္တာရထဲ လေယာဉ်ပျက်ကျသွားတဲ့ William Newton Lancaster ခေါ် Bill Lancaster နဲ့ သူရဲ့ ချစ်သူ Jessie Miller အကြောင်းကိုအခြေခံပြီးဇာတ်အိမ်တည်ထားတဲ့ Le Dernier Vol ဆိုတဲ့ ဝတ္ထုလေးကို ရိုက်ကူးထားတာပဲဖြစ်ပါတယ်။ ဇာတ်ဆောင်တွေအနေနဲ့ကတော့ ကျွန်တော်တိုငယ်စဉ်က သည်းခြေ ကြိုက် “Taxi” ကား အပါအဝင် ဇာတ်လမ်းကောင်းပေါင်းများစွာမှာ ပါဝင်သရုပ်ဆောင်ထားပြီး ဆုတွေအများကြီးကိုသိမ်းပိုက်ထားတဲ့ မင်းသမီး Marion Cotillard ပါဝင်သလို၊ “Love Me If You dare” အပါအဝင် အခြားဇာတ်လမ်းကောင်းများတွင်လည်း သရုပ်ဆောင်၊ ဒါရိုက်တာ အဖြစ် လျှောက်လှမ်းလာပြီး ဆုတွေလည်းအများကြီး ရခဲ့ ဖူးတဲ့ မင်းသား Guillaume Canet တို့က လိုက်ဖက်ညီစွာ ပါဝင်သရုပ် ဆောင်ထားတာကိုတွေ့မြင်ရမှာပါ။ ဇာတ်ကားလေးရဲ့ အဓိကချပြထားတဲ့အကြောင်းအရာကတော့ ဘေလ်ရဲ့ ချစ်သူ မာရီးဟာ ဘေလ်ကို မနားမနေ ရှာဖွေရင်း ဒုက္ခမျိုးစုံကို အံတုကာ အချစ်ဆိုတဲ့အကြောင်းကို ပြသသွား တာဖြစ်ပါတယ်။ ဇာတ်လမ်းသွားကို လည်း မရိုးရအောင် ပြင်သစ်နဲ့ တွားရက်လူမျိုးစုတွေကြားက ပြဿနာတွေ၊ ကိစ္စရပ်တွေ၊ သဘောထားတွေကိုပါ စုံအောင်ထည့်ပြီး ခင်းကျင်းပြသထား တာဖြစ်ပါတယ်။ မာရီးဟာ…သူ့ရဲ့ချစ်သူကိုရှာဖွေရင်း ကန္တာရထဲကိုရောက် လာပြီး ဘာတွေဖြစ်လာမလဲ။ ဘာဒုက္ခတွေခံစားရမလဲ။ ဘယ်လိုလူတွေနဲ့ တွေ့ကြုံကျော်ဖြတ်ရမလဲဆိုတာကို ကြည့်ရှုခံစားပေးကြပါဦးခင်ဗျာ။ ဖြစ်ရပ်မှန်မှာတော့ - လေယာဉ်မှူးဟာ Avro Avian ဆိုတဲ့ လေယာဉ်နဲ့ စံချိန် သစ်တင်ဖိုကြိုးစားရင်း ဆာဟာရကန္တာရထဲကျော်ဖြတ်စဉ် လေယာဉ်ပျက်ကျ ခဲ့ရတာပဲဖြစ်ပါတယ်။ ဝေဒနာကို ၈ရက်တိုင်တိုင်ခံစားခဲ့ရပြီး သူ့ရဲ့ချစ်သူ Miller အတွက် နေ့စဉ်မှတ်တမ်းလေးတစ်ခုချန်ရစ်ကာ လူ့လောကကြီးကိုစွန့်ခွါသွားခဲ့ တာပဲဖြစ်ပါတယ်။ ဒီဖြစ်ရပ်ကိုအခြေခံကာ ယခုဇာတ်ကားအပါအဝင် “The Lancaster Miller affair “ ဆိုတဲ့ TV Series နဲ့အတူ "The Lost Desert Flyer" ဆိုတဲ့ Documentary series တစ်ခုလည်းထွက်ရှိဖူးထားပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Lwin Bo ဖြစ်ပါတယ်) File Size..........(1.5 GB) / (600 MB) / (360 MB) Quality............WEB-Rip 1080p / 720p / 480p Duration.........1Hr 38Mins Subtitle...........Myanmar Hardsub Format............MP4 Genre..............Adventure, Drama, Romance Translator.......Lwin Bo Encoder..........SWM

အခုတစ်ခါတင်ဆက်ပေးမယ့် ကားလေးကတော့ Hero (2019), Doctor (2021) ကားနဲ့ မြန်မာပြည်ပရိသတ်တွေကြား လူသိများလာခဲ့တဲ့ မင်းသား ရှီဗားကာသီကေယန်းရဲ့ အချစ်ဟာသဇာတ်ကားလေးပဲဖြစ်ပါတယ်... ဒီဇာတ်ကားမှာ မင်းသားက ကျောင်းဆရာ.. ကျောင်းဆရာဆိုလို့ မြတ်ဆရာတော့ မထင်လိုက်နဲ့နော် အတန်းချိန်မှာ စာမသင်ဘဲ အတန်းလစ်ပြီး ရုပ်ရှင်သွားသွားကြည့်တတ်တဲ့ကျောင်းဆရာ... ကျောင်းသားတွေကို စာမေးပွဲမှာ စာခိုးချခွင့်ပြုတဲ့ ကျောင်းဆရာ...။ ပေါ့တီးပေါ့ဆနိုင်လွန်းတဲ့ ဆရာပေါ့ဗျာ...။ အဲ...သူ စာသင်တဲ့ကျောင်းကို အင်္ဂလိပ်စာသင်ဖို့ဆိုပြီး ကျောင်းဆရာမလေး တစ်ယောက်ရောက်လာတယ်... သူကတော့ ဗြိတိသျှသူလေး ဂျက်ဆီကာပေါ့နော်...။ ဘာမှသေချာအောင်မလုပ်နိုင်တဲ့ ဒီကျောင်းဆရာလေးဟာ အခုသူ့အချစ်ကို ရေရာသေချာစေဖို့ ဆရာမကိုပဲ အသည်းစွဲအောင်ချစ်မိပြီ ဆိုပါပြီခင်ဗျာ...။ ဆရာမလေးကလည်း မောင်နဲ့သာဆိုရင် ဆိုပြီးစိတ်ယိုင်စပြုလာနေပါပြီ...။ အဲ့မှာပဲ ဒါရိုက်တာက ရက်စက်ပါပြီ..ဘယ်လိုရက်စက်တယ်လို့ထင်လဲ မင်းသားအဖေက ဗြိတိသျှကို မုန်းတယ် မင်းသမီးအဖေက အိန္ဒိယသားတွေကို မုန်းတယ် ဆိုတော့ သူတို့နှစ်ဦးကို နှစ်ဖက်မိဘတွေက သဘောမတူကြဘူး...။ ကဲ..အချစ်အတွက်ဆို ဓါးတောင်ကိုကျော်ရကျော်ရ မီးပင်လယ်ကိုဖြတ်ရဖြတ်ရဆိုတဲ့သူများ ဒီဇာတ်ကားလေးကို ကြည့်ရှုခံစားသောတပန်ဆင်လို့ရပါပြီနော်.. File size…2.5GB /1.5GB Quality…1080p WEB DL / 720p Format…mp4 Duration….2h 23m Subtitle….Myanmar Subtitle (Hard Sub) Encoder….YK Translated by HM ~ Sora ~ Taylor ~Yunni ~ BpL

မင်းသမီး Aishwarya Rai အဓိကပါဝင်ထားပြီး Anil Kapoor နဲ့ Akshaye Khanna တို့လို မင်းသားကြီးတွေနဲ့ ဒီရုပ်ရှင်ကားက အချစ်ရိုမန့် အလွမ်းအဆွေးရသစုံတဲ့ ရုပ်ရှင်ကားကြီးပါ။ "Taal" ဆိုတာ သိပ်ကိုနူးညံ့တဲ့စကားလုံးလေး "ဂီတသံစဉ်" တစ်နည်းအားဖြင့် "နှောင်ကြိုး" လူသားရဲ့စိတ်ဖြေရာ အချစ်တို့မွေးဖွားရာ ခံစားချက်တွေ ပေါင်းဆုံရာကို ဂီတလို့ခေါ်နိုင်မလား... ဂီတငြိစွန်းလာတဲ့အခါ လူ့ရဲ့စိတ်ကနူးညံ့လာပြီး နှလုံးသားချင်း စကားပြောလာတတ်ပါတယ် အဲ့ဒီစကားလုံးတွေကပဲ နှလုံးသားကို အချစ်လမ်းသွယ်လေးဆီ ခေါ်ဆောင်လာတတ်တယ်... ဟုတ်ပါတယ် ဒီနှောင်ကြိုးလေးက မာနဗ် မာန်ဆီ ဗစ်ကရန်းဆိုတဲ့ ဘဝသုံးခုနဲ့ ချိတ်တွယ်ထားပါတယ် ဘဝရဲ့လမ်းသွယ်လေးတွေမှာ ကျွန်မတို့ လူတော်တော်များများနဲ့ ဆုံဖြစ်ကြပါလိမ့်မယ် ကိုယ့်စိတ်နဲ့ ထပ်တူမကျတာရှိနိုင်သလို ကိုယ့်နှလုံးသားနဲ့ အဲ့ဒီလူကို ငြိတွယ်သွားတာလည်း ဖြစ်နိုင်ပါတယ် နိုင်ငံခြားပြန် မြေပြန့်သားလေး မာနဗ်ဟာ ဖခင်ဖြစ်သူရဲ့ အလုပ်ကိစ္စနဲ့ တောင်ပေါ်ဒေသကို အလည်လာရင်း ရိုးသားတဲ့တောင်ပေါ်သူလေး မာန်ဆီနဲ့ သံယောဇဉ်ငြိတွယ်ခဲ့ပါတယ်... အခြေအနေအချင်းက အရမ်းကွာဟတာကြောင့် ဒီနှောင်ကြိုးကို မြဲအောင်မထားနိုင်ခဲ့ပါဘူး... ဘဝရဲ့အခန်းကဏ္ဍတစ်ခုပြီးဆုံးသွားတဲ့အခါ တခြားကဏ္ဍတစ်ခုက ပေါ်လာတတ်စမြဲပဲဆိုတာ ကြားဖူးကြတယ်မလား... အဲ့ဒီအခန်းကဏ္ဍနဲ့အတူ မာန်ဆီရဲ့ဘဝထဲကို ထပ်မံဝင်ရောက်လာသူကတော့ အောင်မြင်ကျော်ကြားတဲ့ သီချင်းဒါရိုက်တာကြီး..ထုတ်လုပ်သူကြီး ဗစ်ကရန်းကပူရ်ပါပဲ "လက်ထပ်တယ်ဆိုတာ ဘဝနှစ်ခု ပေါင်းဆုံဆည်းတာ" "လက်ထပ်တယ်ဆိုတာ နှလုံးသားနှစ်ခု ထပ်တူကြတာ" "အတူတူသေမယ် အတူတူရှင်သန်မယ်" တဲ့...။ ကဲ..သူတို့သုံးဦးရဲ့ဘဝနှောင်ကြိုးတွေက ဘယ်ကိုဦးတည်သွားမလဲ ဒီနှောင်ကြိုးလွန်ဆွဲပွဲမှာ ဘယ်သူ့အချစ်က အနိုင်ရပြီး ဘယ်သူနဲ့ဆုံဆည်းရမလဲဆိုတာကိုစောင့်မျှော်ကြည့်ရှုပြီး လူသားတိုင်း အချစ်နဲ့ဘဝထပ်တူကျပါစေလို့ တောင်းဆိုပေးလိုက်ပါတယ်...။ (ရုပ်ရှင်အညွှန်းနဲ့ဘာသာပြန်ကို Taylor မှ ခံစားတင်ဆက်ထားပါတယ်။) File size…(3.3 GB)/(1.8 GB) Quality….WEB-DL 1080p HEVC / 720p Format…mkv/mp4 Duration….02:58:00 Subtitle….Myanmar Subtitle (Hardsub) Encoder….Nyeinsaeya Aung Translated by Taylor

ယခုဇာတ်ကားကို ကြည့်နေစဉ်မှာ ကျွန်တော်ဘယ်ဇာတ်ကားတွေကို သွားသတိရမိစေလဲဆိုတော့ Chinatown နဲ့L.A. confidential ဇာတ်ကားတွေပဲ။ ဒါပေမဲ့ ထိုဇာတ်ကားတွေနဲ့ ကွာခြားချက်တစ်ခုကတော့ အသောမတတ်နိင်အောင် ရယ်မောနေစေရတဲ့ ဇာတ်ဝင်ခန်းတွေပဲ။ ဟာသလို့ပြောရမယ်ဆိုရင် "Lethal Weapon" နဲ့ "Boogie Nights" တို့နဲ့လည်းသွားဆင်တူသေးတယ်။ ခင်ဗျားဟာ ဇာတ်အိမ်ကောင်းကောင်းတစ်ကား ကြည့်ချင်မယ်။ Action ခန်းတွေကိုလည်း များနိုင်သမျှများ၊ ကြမ်းနိုင်သမျှကြမ်းစေချင်မယ်။ ဒီကြားတည်း ဟာသခန်းလေးတွေလည်း ကြည့်ချင်သေးတယ်ဆိုရင်တော့ 2016 အတွက် ရှားရှားပါးပါး ယခု The Nice Guys ဆိုတဲ့ တစ်ကားလေးပဲ ထွက်ပေါ်လာခဲ့တယ်။ နောက်ထပ် တစ်ချက်က ဇာတ်သိမ်း၊ အားမရခဲ့ပေမဲ့ ယုတ္တိရှိတယ်လို့ပြောလို့ရတယ်။ ကျွန်တော်တို့အပြင် လက်တွေ့လောကကြီးတွေထဲမှာလည်း ယခုအတိုင်းပင် ငွေကြေးရှိရင် ဥပဒေတွေက လွတ်မြောက်စမြဲပင်လေ။ ဒီဇာတ်ကားကို Director Shane Black က ကိုယ်တိုင်ရေးသားကာ ကိုယ်တိုင် ရိုက်ကူးခဲ့သည်။ ဒါကြောင့် Lethal Weapon နဲ့ဆင်တူတယ်လို့ခံစားရတာကိုး။ သရုပ်ဆောင်တွေအဖြစ်ကတော့ Ryan Gosling နဲ့ Russell Crowe။ ဟာသမဟုတ်တဲ့ ဟာသကောင်နှစ်ယောက်ပါဗျာ။ အခုချိန်ထိ သူတို့နှစ်ယောက်ပုံတွေ မျက်လုံးထဲမှာ ပြန်မြင်လာပြီး ရယ်ချင်မိသေးတယ်။ The Nice Guys ဟာ ကျွန်တော့်အတွက်တော့ The Nicest Movie of 2016 ပါပဲ။ ~WH~ (ရုပ်ရှင်အညွှန်းကို  Movies-we watch,we feel. FB Page  မှကူးယူဖော်ပြပါသည်။) File size…(999MB) Quality…Blu-Ray Rip 720p Format…mp4 Duration….01:56:00 Subtitle….Myanmar Subtitle (Hardsub) Encoder….Nyeinsaeya Aung

Winter in Tokyo ( 2016 ) IMDb 7/10 ============================== ဒီတခါတော့စီအမ် ပရိတ်သတ်တွေအတွက် 2016တုန်း ထွက်ရှိထားတဲ့ ဒရာမာ ဇာတ်ကားကောင်းလေး တင်ဆက်ပေးလိုက်ပါတယ် Winter in Tokyoဆိုတဲ့အတိုင်း ဇာတ်အိမ်ဟာ ဂျပန်နိုင်ငံ တိုကျိုမြို့မှာ အခြေပြုပါတယ် တိုကျိုမြို့ရဲ့ဆောင်းရာသီတစ်ခုမှာ ကဲကိုဆိုတဲ့ကောင်မလေးရဲ့ မျက်နှာချင်းဆိုင်တိုက်ခန်းကို ကာဇူတိုဆိုတဲ့ ကောင်လေး ရောက်လာခဲ့ပါတယ် ကာဇူတိုက ဓါတ်ပုံဆရာတစ်ယောက်ဖြစ်ပြီးတော့ ကဲကိုကတော့ စာကြည့်တိုက်မှာ အလုပ်လုပ်ပါတယ် ကာဇူတိုဟာ သူ့ရဲ့သုံးပွင့်ဆိုင်ဇာတ်လမ်းမှာ ကံမကောင်းခဲ့တာကြောင့် နယူးယောခ့်ကနေ တိုကျိုကိုပြန်လာခဲ့တာပါ အဲ့ဒီမှာကဲကိုနဲ့ဆုံပြီး ချစ်မိနေခဲ့ပါတယ် ကဲကိုကလည်း ချစ်မိနေပေမယ့် တစ်ယောက်နဲ့တစ်ယောက် ဖွင့်မပြောကြပါဘူး သူငယ်ချင်းလိုပဲနေရင်း တစ်ယောက်ကြောင်းတစ်ယောက်အကုန်သိနေပြီး ကြည်နူးစရာအချိန်‌‌တွေပေါ့ တစ်နေ့မှာတော့ ကဲကိုက သူငယ်ငယ်တုန်းက ကြိုက်ခဲ့တဲ့ ကောင်လေးကို အမှတ်မထင်ပြန်တွေ့ခဲ့တယ် အဲ့ဒီ့မှာ ဘယ်လိုတွေဆက်ဖြစ်မလဲဆိုတာကို ကြည့်ရှုခံစားရမှာဖြစ်ပါတယ် ဒီဇာတ်ကားက ကြည့်ရတာ အရမ်းကို ကြည်နူးစရာကောင်းသလို ပေါ့ပေါ့ပါးပါးနဲ့ ဒရာမာ ရိုမန့်ကားလေးလည်း ဖြစ်ပါတယ် ကြည့်လို့လည်း တော်တော် ကြည်နူးစရာကောင်းတဲ့ ဇာတ်ကားတစ်ကားဖြစ်ပါတယ်လို့ ညွုန်းပေးလိုက်ပါတယ် အညွှန်း နဲ့ ဘာသာပြန်ကတော့ Pyae Shan ပဲ ဖြစ်ပါတယ်။ Genre….. Romance Quality…. 1080p | 720p | 480p File size… 1.2GB | 606MB | 273MB Format… mp4 Duration….1h 43min Subtitle…. Myanmar Subtitle (Hardsub) Translator ….. Pyae Shan Encoder ….. August

Mandao Returns (2022) ================== IMDb Rating – 7.2/10 Genre – Comedy, Horror ဒီရုပ်ရှင်ကတော့ ၂၀၁၈ ခုနှစ်တုန်းက ထွက်ခဲ့တဲ့ Mandao of the Dead ရဲ့ အဆက်ရုပ်ရှင်ဖြစ်ပါတယ်။ ဒီရုပ်ရှင်တွေမှာ အဓိက ဦးစားပေးထားတာကတော့ ကျွန်တော်တို့အရှေ့တိုင်း သားတွေနဲ့ မစိမ်းတဲ့ စိတ်ပြောင်းကိုယ်ခွာ ဒါမှမဟုတ် လိပ်ပြာ လွင့်တယ်ခေါ်မလား ဝိဉာဉ်လွှင့်တယ်ခေါ်မလား အဲဒီ အယူ အဆအပေါ် အခြေခံ ရိုက်ကူးထားတဲ့ ဟာသဆန်ဆန် ထိတ် လန့်သည်းဖိုပေါ့။ ၂၀၁၈ ရုပ်ရှင်ထဲမှာ ဂျေးတို့ အမျိုးတသိုက် ဟော်လိုဝေးပွဲထဲ လူတစ်ယောက်ကို အချိန်နောက်ပြန် ဝိဉာဉ်လွှင့်ပြီး ကယ်တင် ပြီးတဲ့နောက် ဂျက်ဆန်လုပ်လို့ အိမ်မီးလောင်ကာ ဝမ်းကဲဖြစ်တဲ့ အန်ဒီ့ဆီ ရောက်လာပါတယ်။ ဒီကားက ဒီမှာစတင်ပါတယ်။ အန်ဒီ့ဆီမှာနေနေတုန်း ဂျေးတစ်ယောက် ထူးဆန်းတဲ့အိပ်မက် တွေ မက်ပါတယ် ဒီ ဝိဉာဉ်လွှင့်တာကို ဆက်ပြီး မလုပ်တော့ဖို့ ပေါ့။ အဲဒီအချိန်မှာ နာမည်ကြီးမင်းသမီးတစ်ယောက်ကလည်း မူးယစ်ဆေးလွန်ပြီး သေတဲ့အထိ ဖြစ်ပျက်သွားခဲ့တယ်။ တိုက် တိုက်ဆိုင်ဆိုင်ပဲဆိုသလို ဒီမင်းသမီးရဲ့ မန်နေဂျာဖြစ်သူဟာ အန် ဒီ့ဆီကို (သူကလည်း ဝိဉာဉ်ဆိုင်ရာ စွမ်းအင်ရှိပါတယ်) တွေ့ချင် တယ်ပြောပြီး တမလွန်က မင်းသမီးနဲ့ စကားပြောချင်လို့ဆိုပြီး ချိန်းကြတော့… ပိုက်ဆံလိုအပ်နေတဲ့ အန်ဒီရယ် ဝိဉာဉ်မလွှင့်ချင် ပေမယ့် အရေးကြီးလို့ ဝင်ကူပေးရတဲ့ ဂျေးရယ် လက်ထောက် အူတူတူ ဂျက်ဆန်ရယ် ဘာတွေဆက်ဖြစ်မလဲ ကြည့်ရမှာပါ။ ဝိဉာဉ်လွှင့်အယူအဆရယ် အချိန်ခရီးသွားတာရယ် ပေါင်းစည်းပြီး ဖန်တီးထားတဲ့ Comedy Horror ကားလေး တစ်ကားဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size……….(908 MB) / (314 MB) Quality…………WEB-RIP 1080p / 720p / 480p Duration………1Hr 10Mins Subtitle………..Myanmar Hardsub Format…………MP4 Genre…………..Comedy, Horror Translator…….Thura Aung Encoder……….SWM

ပထမဆုံးပြောချင်တာကတော့ ဒီဇာတ်ကားထဲမှာ သွေးသံတရဲရဲနဲ့ မသတီစရာဇာတ်ဝင်ခန်းတွေပါဝင်တဲ့အတွက် ကလေးသူငယ်နဲ့ နှလုံးမကောင်းသူတွေကြည့်ရှုဖို့ မသင့်တော်ပါဘူး။ နောက်တစ်ခုပြောချင်တာကတော့ ဒီဇာတ်ကားက တကယ်ကိုအစုံသုတ်ပါ။ Zombie, Vampire, Alien နဲ့ Werewolf စတဲ့ ကြောက်စရာသတ္တဝါအစုံ ပါဝင်ပြီးတော့ အဲ့ဒီကြားထဲကအမျိုးမတူတဲ့ သူငယ်ချင်းသုံးယောက်ကို ဇာတ်အိမ်တည်ထားပါတယ်။ ဒေးဖို့ဒ်မြို့လေးမှာ လူ၊ ဇွန်ဘီနဲ့ ဗန်ပိုင်းယားတွေက အတူယှဉ်တွဲနေထိုင်နေကြပေမယ့် အချင်းချင်းမျက်မှုန်းကျိုးနေကြတာပါ။ အဲ့ဒီဒေးဖို့ဒ်မြို့လေးကို ဂြိုလ်သားတွေကကျူးကျော်တိုက်ခိုက်မှု ပြုလုပ်လာတဲ့ အခါမှာတော့ အမျိုးတစ်ခုစီက ငယ်သူငယ်ချင်းသုံးယောက်ပေါင်းပြီး မြို့ငယ်လေးကိုကယ်တင်ဖို့ကြိုးစားကြပါတော့တယ်။ File size…1.55 GB /793 MB Quality…Blu-Ray 1080p / 720p Format…mp4 Duration….1h 32m Genre ….. Comedy , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Aung Paing Phyoe

IMDb 6.1 Rotten Tomatoes 90% ဒီတစ်ခါမှာတော့2016 Sundance Film Festival မှာ Audience Award ရရှိခဲ့တဲ့ LGBTQ+ကားကောင်းလေး တစ်ကောင်းကို CM ကနေ ဘာသာပြန်တင်ဆက်ပေးလိုက်ရပါတယ် ။ ဇာတ်လမ်းလေးကတော့ လူတောသိပ်မတိုးတဲ့ ကျောင်းမှတ်တမ်းဌာနက ကျောင်းသူလေး Anne နဲ့ နာမည်ကြီး Softball စတား ဖြစ်တဲ့ Sasha တို့ နှစ်ယောက်ကြားထဲက ဆယ်ကျော်သက် အချစ်ဇာတ်လမ်းလေးပါပဲ ။ ကျောင်းမှတ်တမ်း စာအုပ်အတွက် မှတ်တမ်းယူပေးဖို့ Softball ပွဲ လိုက်ကြည့်ရာကနေ Sasha ကို ကြွေသွားတဲ့ Anne ဟာ ဒီအကြောင်းတွေကို သူ့အချစ်ဆုံးသူငယ်ချင်းဖြစ်တဲ့ Cliffton ကို ရင်ဖွင့်ခဲ့ပါတယ် ။ ဒီလိုကနေ “လိင်တူချင်းကြိုက်တယ်”ဆိုတာကို လက်ခံနိုင်ပုံမရတဲ့ Cliffton က Anne နဲ့ Sasha တို့ကြားထဲမှာ ခလုတ်ကန်သင်း တစ်ခုလိုဖြစ်လာပါတော့တယ် ။ ဒါပေမယ့် သူတို့နှစ်ယောက် ဆက်ဆံရေးမှာ ခလုတ်ကန်သင်းဖြစ်နေတာက Cliffton ပဲ မဟုတ်ပါဘူး ။ ပတ်ဝန်းကျင်အသိုင်းအဝိုင်း ၊ မိဘ ၊ ဆရာ အကုန်လုံးပါပဲ ။ လိင်စိတ်တိမ်းညွှတ်မှု ၊ အချစ် နဲ့ ပတ်ဝန်းကျင်တို့ရဲ့ သုံးခုပြိုင် လွန်ဆွဲပွဲမှာ နောက်ဆုံးတော့ ဘာက အနိုင်ရသွားမလဲ ဆိုတာကို First Girl I’ve Loved ဆိုတဲ့ ဆယ်ကျော်သက်ရုပ်ရှင် ကားလေးမှာ ကြည့်ရှုရမှာဖြစ်ပါတယ် ။ ဒါ့အပြင် သားသမီးတွေရဲ့ လိင်စိတ်တိမ်းညွှတ်မှုအပေါ် မိဘတွေရဲ့ တုံ့ပြန်မှု ၊ ကိုင်တွယ်မှု အမျိုးမျိုးကိုလည်း မြင်ရဦးမှာပါ ။ ရိုးရိုးလေးနဲ့ နွေးထွေးတဲ့ Plot ကို Color Grading ကောင်းကောင်းနဲ့ ပေါင်းစပ်ဖန်တီးထားတာမို့ LGBTQ+ ရုပ်ရှင် သဘောကျသူတွေအတွက်ဆို သေချာပေါက် ကြည့်သင့်တဲ့ ကားလေးတစ်ကားလို့ ညွှန်းလိုက်ချင်ပါတယ် ။ File size…1.29 GB / 526 MB Quality…WEB-Rip 1080p 5.1CH/ 720p Format…mp4 Duration….1h 30m Genre ….. Drama , Romance Subtitle….Myanmar Subtitle (Hard Sub) Encoder….Min Wai Translated by Ashley

အားလပ်ရက်တွေမှာ ကြည့်စရာ အေးအေးငြိမ့်ငြိမ့် ရုပ်ရှင်တစ်ကားလောက် ရှာနေပါသလား? ဇာတ်အိမ် ငြိမ်ပြီး ဆွဲဆောင်မှုရှိတဲ့ ဇာတ်ကောင်တွေပါဝင်တဲ့ ဒီဖက်ရှင်စုံထောက်ကားလေးကို ရွေးချယ်လိုက်ပါ! ဖက်ရှင်နယ်ပယ်မှာ ဦးတည်အလုပ်လုပ်တဲ့ အမေရိကန်သူ စိတ်ပညာရှင် လောရမ် အဲလီးရက်ဟာ အလုပ်သစ်တစ်ခုကြောင့် ပါရီမြို့ကို ယာယီပြောင်းရွှေ့ခဲ့ရပေမဲ့ တိုက်တိုက်ဆိုင်ဆိုင် သူမရဲ့ လုပ်ငန်းခွင်အသစ်ဖြစ်တဲ့ ပါရီဖက်ရှင်ပွဲမှာပဲ လူသတ်မှု ကြီးတစ်ခုကို ကြုံတွေ့လိုက်ရတဲ့အခါမှာ… ထက်ထက်မြက်မြက် အမေရိကန်မလေး လောရမ်နဲ့အတူ စည်းမျဉ်းစည်းကမ်းအတိုင်း တစ်သွေမတိမ်းလုပ်တတ်တဲ့ ပြင်သစ်စုံထောက် အန်ဒရေ ဒူဗရိုင်းက ဘယ်လိုတွေ့ဆုံ လက်တွဲပြီး ဒီအမှုကို အဖြေရှာမလဲဆိုတာကို ကြည့်ရှုရမှာပဲဖြစ်ပါတယ်။ အသံဩရှရှ ပြင်သစ်လေသံတွေ၊ ပေါ့ပါးတဲ့ဟာသတွေ၊ အဓိကဇာတ်ဆောင် နှစ်ယောက်ကြားက chemistry ကိုက်မှု တွေနဲ့အတူ မလေးလံတဲ့ မှုခင်းစုံစမ်းရေးတွေ ရောပြွန်း ပါဝင်နေတာကြောင့် အပျော်တမ်းကြည့်စရာ ရုပ်ရှင်ကား ကောင်းတစ်ခုဆိုတာကို ညွှန်းလိုက်ပါရစေ။ File size…1.74 GB / 760 MB Quality…WEB-DL 1080p 5.1CH / 720p Format…mp4 Duration….1h 24m Genre ….. Mystery Subtitle….Myanmar Subtitle (Hard Sub) Encoder….Min Wai Translated by Esth

Godzilla: Tokyo S.O.S. (2003) ====================== IMDb Rating – 6.5/10 ဂေါ်ဇီလာရဲ့ မူလဖန်တီးရှင်ဖြစ်တဲ့ ဂေါ်ဇီလာကားတွေဟာ Godzilla (1954) နဲ့အစပျိုးခဲ့တာဖြစ်ပြီး အဲ့ဒီအချိန်ကစလို့ ထွက်ရှိခဲ့တဲ့ကားတွေကို ခေတ်အပိုင်းအခြားတွေနဲ့အကြမ်းဖျင်းသတ်မှတ်ခွဲခြားထားပါတယ်။ အဲ့ဒါ တွေကတော့ – Shōwa era (1954–1975) Heisei era (1984–1995) Millennium era (1999–2004) Reiwa era (2016–present) တို့ဖြစ်ကြပါတယ်။ အခုတင်ဆက်ပေးနေတဲ့ Millennium era (1999–2004) ဇာတ်ကားတွေ ကတော့ လက်ရှိ Shin Godzilla 2006 နဲ့ Godzilla Minus One တို့မတိုင်ခင် အခုခေတ်နဲ့အနီးစပ်ဆုံးဇာတ်ကားတွေပါ။ Millennium era ဇာတ်ကားတွေက standalone ဇာတ်ကားတွေများပြီး 1954 Godzilla တစ်ကားကိုသာ reference ယူလေ့ရှိပါတယ်။ အဲ့ဒီထဲမှာမှတင်ဆက်ပေးပြီးဖြစ်တဲ့ Godzilla Against Mechagodzilla နဲ့ Godzilla: Tokyo S.O.S တို့သာ ဇာတ်လမ်းချင်းအချိတ် အဆက်ရှိပြီး 1954 Godzilla ကိုသာမက Mothra 1961 ကိုပါ reference ယူ ထားတာဖြစ်ပါတယ်။ အခု Godzilla: Tokyo S.O.S မှာတော့ ရိုဘော့စက်ရုပ်ကြီးဖြစ်တဲ့ Kiryu ကို ဂေါ်ဇီလာနဲ့ရင်ဆိုင်တိုက်ပွဲအပြီးမှာ အနားပေးထားပြီးပြင်ဆင်မှုတွေလုပ်နေပါ တယ်။ အဲ့ဒီအချိန်မှာ Mothra ရဲ့အမြွှာနတ်မိမယ်နှစ်ယောက်ဟာ သူတို့ဆီကို ရောက်လာခဲ့ပြီး ဂေါ်ဇီလာစက်ရုပ်ထဲမှာအသုံးပြုထားတဲ့ ဂေါ်ဇီလာအရိုးတွေ ကို သမုဒ္ဒရာထဲကိုပြန်ပို့ဖို့နဲ့ အဲ့ဒီစက်ရုပ်အစား မိုသရာက ဂေါ်ဇီလာကိုရင်ဆိုင် ပေးမှာဖြစ်တဲ့အကြောင်းပြောလာခဲ့ပါတယ်။ ဒါပေမယ့် ၁၉၆၁ က မိုသရာကိုယ် တိုင် တိုကျိုကိုလာရောက်တိုက်ခိုက်ခဲ့ဖူးတဲ့အဖြစ်ကြောင့် ဝန်ကြီးချုပ်က ငြင်း ပယ်ခဲ့ပြီး ဂေါ်ဇီလာကို သုတ်သင်ပြီးတာနဲ့ ဒီပရောဂျက်ကို ရပ်တန့်မှာဖြစ်တယ် လို့တော့ကတိပေးခဲ့ပါတယ်။ ဂေါ်ဇီလာနဲ့ တကယ်တမ်းရင်ဆိုင်ရချိန်မှာ မိုသရာ ကိုရော Kiryu ကိုပါဂေါ်ဇီလာက အလဲထိုးလိုက်တဲ့အခါမှာတော့..လူသားတွေ အတွက် အားကိုးရာ ဘယ်လိုလက်နက်တွေ ဘယ်လိုသတ္တဝါကြီးတွေရဲ့အကူအညီ ကိုရယူရတော့မလဲဆိုတာကို ဆက်လက်ရှုစားရမှာဖြစ်ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Alias ဖြစ်ပါတယ်) File Size……….(1.68 GB) / (870 MB) Quality…………BLU-RAY 1080p / 720p Duration………1Hr 31Min Subtitle………..Myanmar Hardsub Format…………MP4 Genre…………..Action, Adventure, Fantasy Translator…….Alias Encoder……….SWM

Confession of a teenage drama queen —————————————— လိုလာလိုခေါ်တဲ့ ဆယ်ကျော်သက်မိန်းကလေးတစ်ယောက်က အရမ်းကို စိတ်ကူးယဉ်တတ်သူပါ။ အဲဒါမလို သူ့အမေကိုယ်တိုင်ကိုက သူ့ကိုဒရာမာဘုရင်မလိုသတ်မှတ်ထားတာပါ။ ဘယ်လောက်အထိစိတ်ကူးယဉ်တတ်လဲဆိုရင် သူ့နာမည်ကိုတောင်မေရီဆိုပြီး ယောင်လည်လည်ဖြစ်နေတတ်သူပါ။ ဒါပေမဲ့ တစ်နေ့မှာ သူ့အကြိုက်ဆုံးအဆိုတော်ရှိတဲ့ တီးဝိုင်းက ဖျက်သိမ်းဖိုလုပ်လာတဲ့အခါမှတော့ လိုလာဟာဆိုရင်… ( ဘာသာပြန်ပြီး အညွှန်းရေးသားထားသူကတော့ Mark ပါ ) File size_(2.2GB)/(1.1GB) Quality_Blu-Ray 1080p / 720p Format_mp4 Duration_01:29:00 Genre_Comedy, Drama, Family Subtitle_Myanmar Subtitle (Hardsub) Encoder_a hao Translated by Mark

Good One ကတော့ ခရမ်းချဉ်သီးပုပ် rating 8.80/10 အထိရရှိထားတဲ့ Drama အမျိုးအစားရုပ်ရှင်ဖြစ်ပါတယ်။ အဓိကဇာတ်ကောင်သုံးယောက်ရဲ့တောင်တက်ခရီးစဉ်တလျှောက်က သာယာလှပပြီးဆိတ်ငြိမ်တဲ့တောတောင်ရေမြေသဘာ၀တွေကို ရေစီးကျတဲ့အသံကအစ သာယာနာပျော်ဖွယ်ကောင်းအောင် ထိထိမိမိရိုက်ကူးထားသလို ကြည့်ရှုသူတွေရဲ့ခရီးထွက်ချင်စိတ်ကိုပါနှိုးဆွပေးနိုင်မှာပါ။ အဖေ့နောက်အိမ်ထောင်နဲ့အတူနေတဲ့ဆမ်ဟာ ကောလိပ်မတက်ခင်မှာ အဖေဖြစ်တဲ့ခရစ္စ၊ အဖေ့သူငယ်ချင်းမတ်၊ မတ်ရဲ့သားဒီလန်တို့နဲ့အတူ တောလမ်းတောင်တက်ခရီးကြမ်းနှင်ဖို့ထွက်ခွာလာခဲ့ပါတယ်။ ဒီလန်က မလိုက်နိုင်တော့တာကြောင့် ဆမ်၊ ခရစ္စနဲ့မတ်တို့သုံးယောက်ဟာ ကျောပိုးအိတ်တစ်လုံးစီနဲ့တောင်တက်ခရီးနှင်ကြရင်း ဆမ်နဲ့ခရစ္စကြားက သားအဖဆက်ဆံရေး၊ အိမ်ထောင်ကွဲခဲ့တဲ့မိဘတွေနဲ့ပတ်သက်လို့ ဆမ်ရဲ့ဝမ်းနည်းမှုတွေ၊ ဆမ်ကိုကြည့်ပြီး မတ်ရဲ့သားဖြစ်သူဒီလန်ကိုအားမလိုအားမရဖြစ်စိတ်တွေ၊ ခရစၥနဲ့မတ္ၾကားကသူငယ္ခ်င္းဆက္ဆံေရးေတြကို တောင်တက်ခရီးစဉ်တလျှောက်မှာ ကြည့်ရှုခံစားသွားရမှာဖြစ်ပါတယ်။ Good One ကတော့ လိမ္မာတဲ့သားသမီးကိုရည်ညွှန်းချင်တာဖြစ်နိုင်ပါတယ်။ လိမ္မာတဲ့သားသမီးတွေမှာလည်း ခံစားချက်တွေ၊ ဝမ်းနည်းစိတ်တွေ၊ နာကျည်းချက်တွေရှိနေနိုင်တာကို မီးမောင်းထိုးပြချင်တာဖြစ်လို့ Good One ဟာ Drama ကြိုက်ပရိသတ်တွေအတွက် လက်မလွှတ်သင့်တဲ့ကားကောင်းတစ်ခုဖြစ်သလို ရုပ်ရှင်ပွဲတော်တွေမှာလည်း ထူးချွန်ဆုတွေဆွတ်ခူးရရှိထားပါတယ်။ File size_(2.2GB)/(1GB) Quality_Blu-Ray 1080p HEVC / 720p Format_mkv/mp4 Duration_01:29:00 Genre_Drama Subtitle_Myanmar Subtitle (Hardsub) Encoder_a hao Translated by JULY

သိပ်တော်လွန်းတဲ့ ပါရမီရှင်နဲ့ စိတ်ရောဂါဝေဒနာရှင်ဆိုတာကလေ စည်းလေးတစ်ခုပဲ ခြားနေတယ်ဆိုတာကိုသိကြလား… ဒီကားလေးမှာတော့ စီနီယာ ပရိုဂရမ်မာ ဟယ်လီဝေတစ်ယောက်ဟာ သူ့ရုံးမှာ သူပဲမြင်ရတဲ့ ကုလားအုတ်ဆိုတဲ့သူနဲ့အတူ ပရောဂျက်တစ်ခုကို ဒီဇိုင်းစပြီး အဆုံးသတ်ထိ တာဝန်ယူဖန်တီးခဲ့ပေမယ့်… သူဌေးရဲ့ တစ်ဖက်သတ်အမြင်ကြောင့် ငြင်းပယ်ခံခဲ့ရပါတယ်… ဒါပေမယ့်လည်း သူဌေးအတည်ပြုတဲ့ ပရောဂျက်မှာသုံးထားတာက သူဒီဇိုင်းဖြစ်နေပြန်တာကြောင့် သူ့ဉာဏမူပိုင်ခွင့်တောင်းရာကနေ နောက်ဆုံးမှာတော့ သူ့ကိုစိတ်ဝေဒနာသည်လို့ ခေါင်းစဉ်တပ်ပြီးတော့ စိတ်ရောဂါစင်တာကို ပို့ခဲ့တာပါပဲ… တည်ဆဲဥပဒေအရလည်း စိတ်ဝေဒနာသည်မှာ တောင်းဆိုနိုင်တဲ့ လူ့အခွင့်အရေးမရှိသလို လူ့အခွင့်အရေး တောင်းဆိုခွင့်ပြုထားတဲ့ ဥပဒေလည်း မရှိနေပြန်ဘူး… ဒါကြောင့်လည်း သူဟာ မရူးကြောင်းကို သက်သေပြဖို့ကြိုးစားခဲ့တာပေါ့… တစ်ဖက်မှာလည်း ငယ်ငယ်တည်းက မမျှတဆက်ဆံခံရတဲ့ သူ့အစ်ကိုက သူ့ကိုတစ်သက်လုံး စိတ်ရောဂါစင်တာမှာ ရှိနေစေချင်ပြန်တာကတစ်ကြောင်း တစ်ဖက်မှာလည်း ဉာဏမူပိုင်ခွင့်ကို အပိုင်သိမ်းချင်တဲ့ သူဌေးရန်ကတစ်ကြောင်းနဲ့ ဟယ်လီဝေတစ်ယောက် အကြပ်ရိုက်ခဲ့ပါတော့တယ်… ဒီလိုနဲ့ ဆေးရုံစင်တာက ထွက်ပြေးခဲ့ရင်းကနေ သူမိတ်ဆွေ ကုလားအုတ်က တကယ် အပြင်မှာမရှိဘူးဆိုတာကို သိလိုက်ရချိန်မှာတော့…

Tim Travers & the Time Travelers Paradox (2025) မိတ်ဆွေတို့ နယ်ပယ်တစ်ခုကို စည်းတွေဘောင်တွေမထားပဲ အဆုံးစွန်ထိစိတ်ကူးယဉ်ပြီးစဉ်းစားမိကြဖူးလား။ စိတ်ကူးဆိူတာ ပိုက်ဆံပေးရတာမှမဟုတ်တာ စဉ်းစားမိကြဖူးမှာပဲ။ ဒီလို စဉ်းစားပြီးစိတ်ကူးကြည့်တဲ့အခါ ကိုယ့်ကိုကိုယ် ပြန်မြင်လာမိပါမယ်။ ကိုယ့်ရဲ့စိတ်အခြေအနေရဲ့ ကောင်းတဲ့အခြမ်းကော မကောင်းတဲ့အခြမ်းကောပေ့ါ။ ဒီလိုမျိုးစိတ်ကူးပြီးရိုက်ကူးထားတဲ့ အကြမ်းစားအချိန်ခရီးသွားတဲ့ဇာတ်ကားလေးတင်ဆက်ပေးချင်ပါတယ်။ ၂၀၂၄ ကထွက်ရှိထားတဲ့ဇာတ်ကားလေးဖြစ်ပြီး IMDB 6.1 ရရှိထားတယ်ဆိုတော့ မဆိူးဘူးလို့ပြောရမှာပဲ။ ဇာတ်လမ်းအကျဉ်းလေးကတော့ … တင်ထရာဗာဆိုတဲ့ သိပ္ပံရူးတစ်ယောက်ပေါ့ မထင်မှတ်ပဲ အချိန်ခရီးသွားစက်ကိုတီထွင်ခဲ့မိပါတယ်။ ဒါပေမဲ့ အချိန်ခရီးသွားလို့ရတာက အတိတ်ရဲ့ တစ်မိနစ်အတိကိုပါပဲ။ ဒါနဲ့ သူအချိန်ခရီးသွားတော့ သူ့ရဲ့အတိတ်က တစ်မိနစ်ကလူနဲ့သွားတွေ့ပြီးကြောက်လန့်တကြားနဲ့ ပစ်သတ်လိုက်မိပါတယ်။ ဒါပေမဲ့ Back to the Future တုန်းကလိုကို့ရဲ့အတိတ်ကသေသွားရင် အနာဂါတ်ကလူဆိုတာ မရှိသင့်ဘူးလေ။ အဲ့လိုမဟုတ်ပါဘူးအတိတ်ကလူသေပေမဲ့ အနာဂါတ်ကလူက ရှင်နေပါသေးတယ်။ ဒါကိုပဲ သူကဝိရောဓိလို့သတ်မှတ်ပြီး ဒီဝိရောဓိဆိုတာကို အဖြေရှာဖို့လုပ်ရာကနေတစ်ယောက်တည်းနဲ့မရဘူးဆိုပြီး အချိန်ခရီးသွားကာ အတိတ်ကသူတွေနဲ့‌ပေ့ါင်းပြီးဖြေရှင်းကြပါတော့တယ်။ ဒီလိုနဲ့ သွားမစမ်းသင့်တဲ့ အနန္တဖြစ်စဉ်တွေကိုသွားကလိမိရင်းကနေ ဘယ်လိုတွေဖြစ်လာမယ်ဆိုတာကိုတော့ဆက်လက်ကြည့်ရှုလိုက်ကြပါဦး … (ဇာတ်လမ်းအညွှန်းကိုတော့ K.Hein မှရေးသားပေးတာဖြစ်ပါတယ်) File size… 1 GB / 500 MB Quality…WEB DL 1080p HEVC/ 720p Format…mkv/ mp4 Duration….1h 35m Subtitle….Myanmar Subtitle (Hard Sub) Encoder….YK Translated by K Hein

Unforgettable (2016) *********************** အခုတစ်ခါမှာတော့ 2016 တုန်းက ထွက်ရှိခဲ့ပြီး EXO အဖွဲ့ဝင် D.O, အားလုံးရဲ့ အသည်းစွဲ မင်းသမီးလေး Kim So Hyun တို့အပြင် Yun Joon Suk, Lee David,JoonAh Reum တို့ အဓိကပါဝင်ထားပြီး ပရိတ်သတ်နဲ့မစိမ်းတဲ့ တခြားသရုပ်ဆောင်များစွာလည်း ပါဝင်ထားတဲ့ “Unforgettable” ဆိုတဲ့ ဒရမ်မာလေးကို တင်ဆက်ပေးလိုက်ပါတယ် .. – ဇာတ်လမ်းအညွှန်း – ****************** လူတွေဟာ ရေဒီယိုက ထုတ်လွှင့်တဲ့ သီချင်းလေးတွေ ဇာတ်လမ်းလေးတွေကို နားဆင်ခံစားရင်း ငယ်ချစ်ဦး၊ ငယ်သူငယ်ချင်းအကြောင်းတွေကို ပြန်လည်သတိရ လွမ်းဆွတ်တတ်ကြပါတယ် .. ဒီဇာတ်လမ်းလေးထဲမှာလည်း လွန်ခဲ့တဲ့ ၂၃ နှစ်တုန်းက စာလေးတစ်စောင်နဲ့ ကတ်ဆက်ခွေလေးက ရေဒီယိုအသံလွှင့်ဌာနဆီကို ရောက်လာတာနဲ့ အစပျိုးထားပြီး ရေဒီယိုဒီဂျေနဲ့ သူရဲ့ ငယ်သူငယ်ချင်းလေးတို့ တံငါသည်ရွာလေးမှာ လူငယ်ဘဝကို အတူတူဖြတ်သန်းခဲ့တဲ့ နေ့ရက်လေးဆီကို ပြန်လည်ခေါ်ဆောင်သွားပေးမှာပါ။ နွေရာသီကျောင်းပိတ်ရက်တိုင်း မွေးရပ်မြေကျွန်းလေးဆီကို ပြန်လာကြမဲ့ ဘုမ်းရှီ, ဂယ်ဒေါ့,ဆန်းဒိုလ်နဲ့ ဂီဂျာတို့ကို အမြဲစိတ်ရှည်ရှည်နဲ့ စောင့်လေ့ရှိတဲ့ ဆူအို့က သူငယ်ချငိးတွေနဲ့ အတူတူ ပျော်ပျော်ရွှင်ရွှင်နဲ့ နွေရာသီကို ကုန်ဆုံးရင်း လူငယ်ဘဝကို ဖြတ်သန်းနေတာပေါ့ .. ဒီလိုနဲ့ မမေ့နိုင်စရာ အမှတ်တရတွေနဲ့ ပြည့်နှက်နေတဲ့ ဒီသူငယ်ချင်း ၅ ယောက်ရဲ့ ဘဝထဲကို ရင်နာစရာအဖြစ်ဆိုးလေးတစ်ခု ဝင်ရောက်လာတဲ့အခါမှာတော့ ….။ ဒီကားလေးထဲမှာတော့ တန်ဖိုးရှိတဲ့ ငယ်ဘဝအမှတ်တရ , ဖြူစင်တဲ့ သူငယ်ချင်းသံယောဇဉ်, ရင်ခုန်ဖွယ် လူငယ်ဘဝ ငယ်ချစ်ဦးဇာတ်လမ်းလေးကို ပုံဖော်ရိုက်ကူးထားတာဖြစ်လို့ သူငယ်ချင်းဇာတ်လမ်းတွေကို ကြိုက်နှစ်သက်တဲ့ ပရိသတ်ကြီးတို့ လက်မလွှတ်သင့်တဲ့ ဇာတ်ကားလေးဖြစ်ကြောင်း ညွှန်းဆိုချင်ပါတယ်။ (အညွှန်းကို May Thet မှ ရေးသားထားပါတယ်) File size…2.38GB / 977MB Quality… BluRay 1080p/ 720p Format…mp4 Duration….1 hr. 53 min. Genre ….. Romance, Drama, Melodrama Subtitle….Myanmar Subtitle (Hard Sub) Translated by May Thet Encoded by AHtet