~ IMDb rating - 8.1/10 ~ ကိုဗစ် ၁၉ ကပ်ဘေးကမ္ဘာပေါ်ကို ပထမဆုံးကျရောက်လာတဲ့အချိန်၊ ကိုဗစ်ဆိုတာ၊ လော့ဒေါင်းဆိုတာ၊ ခပ်ခွာခွာနေဖို့ဆိုတာ ဘာရယ်ဆိုတာ လူတွေသေချာမသိရခင်ကာလလေးကို အခြေခံထားတာပါ။ ဖိလစ်ပိုင်မှာ ကိုဗစ်ကြောင့် လော့ဒေါင်းတွေချဖို့ တစ်ရက်အလို အဆင့်မြင့် တိုက်ခန်းတွဲတစ်ခုမှာနေထိုင်တဲ့ လင်မယားနှစ်ယောက် သူတို့ရဲ့ရိုးအီနေတဲ့ အိမ်ထောင်ရေးကနေ အသစ်အဆန်းလေးထွက်ပေါက်ရှာဖို့ သရီးဆမ်းကြမယ်ဆိုပြီး ကောင်မလေးတစ်ယောက်ကို ဖိတ်ခေါ်ကြရာကနေစပါတယ်။ ကောင်မလေးနဲ့သုံးယောက် ဆက်ဆံရာမှာ အဆင်မပြေဖြစ်သွားရာကနေ အခဲမကျေသေးတဲ့ သူ့အမျိုးသားဟာ ဒီတစ်ခါတော့ ယောက်ျားတစ်ယောက်ကိုခေါ်ဖို့စိတ်ကူးရသွားပါတယ်။ ရှေ့က မိန်းကလေးနဲ့မှာ လပေါင်းများစွာအချိန်ယူ အစီအစဉ်ချထားတာမှန်ပေမဲ့ အခုလိုအပြင်လောကမှာ လော့ဒေါင်းကိစ္စကြောင့် လူတွေရုန်းရန်းဆန်ခတ်ဖြစ်နေတဲ့အတွက် သူတို့ခေါ်ယူမယ့်လူဟာ ကြုံရာလူပဲဖြစ်နိုင်တော့မှာ အသေအချာပါ။ အဲဒီအချိန်မှာ ဆိုက်ဆိုက်မြိုက်မြိုက်ရောက်လာတဲ့သူကတော့ သူတို့တိုက်ခန်းကို တစ်ဖက်ကနေ မှန်ဘီလူးနဲ့ချောင်းကြည့် အာသာဖြေတတ်တဲ့ သူတစ်ယောက်ဖြစ်နေတဲ့အခါမှာတော့... နာမည်နဲ့လိုက်အောင် သုံးထပ်ကိတ်ဖုတ်တဲ့ကိစ္စကိုပဲ အခြေခံထားတာဖြစ်ပြီး တစ်ကားလုံးကိုလည်း ဒီအကြောင်းအရာပေါ်မှာပဲ အခြေပြုတည်ဆောက်သွားတာဖြစ်ပါတယ်။ သုံးထပ်ကိတ်လေးကို မြည်းစမ်းကြည့်ကြပါ။ (ဒီဇာတ်ကားနဲ့အညွှန်းကို Alias မှ ပြန်ဆို ရေးသားထားပါတယ်) Size - 1.7GB, 720MB Quality - 1080p, 720p IMDb Rating - 8.1/10 Format - mp4 Duration - 1H 31Min Genre - Drama Subtitle - Myanmar Subtitle (Hardsub) Translated by Alias Encoded by RGB

ဒီတစ်ခေါက်မှာတော့ သိုင်းလောကရဲ့ နောက်ကြောင်းကို ပြန်သွားပြီး ကျင့်စရာ သိုင်းအသစ်တွေနဲ့ ဝူတန်းဂိုဏ်းချုပ်ကြီး ငယ်ဘ၀ကို ပြန်ရှု့စားလိုက်ရအောင်ဗျာ။ ဇာတ်လမ်းအကျဉ်းကတော့ ..... ဝူတန်းဂိုဏ်းဆိုတာ ဖြစ်မလာသေးခင် ကျန်းကျွင်းပေါင်ဆိုတဲ့ လူငယ်လေးတစ်ယောက်ဟာ ဝူးကျိဂိုဏ်းရဲ့ အားထားရတဲ့ သိုင်းပညာရှင်လေးပေါ့။ သူဟာ သိုင်းလောကမှာ အထက်လမ်းသိုင်းပညာ အောက်လမ်းသိုင်းပညာဆိုတာမရှိ လူ့အကျင့်ပေါ်မှာပဲ သိုင်းပညာဟာ မူတည်တယ်လို့ ခံယူထားတဲ့ လူပျော်တစ်ယောက်ပေါ့။ အောက်လမ်းသိုင်းလောကရဲ့ဘုရင်ကို သိုင်းဂိုဏ်းကြီးတွေပေါင်းပြီး ဝူးကျိ ရဲ့မြေအောက်ခန်းမှာ ဖမ်းထားချိန်မှာ တစုန့်ပြည်ကို "ဒီ" တိုင်းပြည်က ကျူးကျော်လာချိန် သိုင်းလောက အရှုပ်အထွေးတွေကြားမှာ ကျန်းကျွင်းပေါင်တစ်ယောက် လောကဓံကို ဘယ်လိုခံရမယ်။ ဝူတန်းဂိုဏ်းကရော ဘယ်လိုဖြစ်ပေါ်လာတယ် စတဲ့ သိုင်းလောကကြီးအကြောင်း ကို လှလှပပ ရိုက်ကူးထားပြီး အတွင်းအားထက် သိုင်းကွက်ပိုပါတာမို့ သိုင်းလောကသားတွေ စိတ်၀င်စားမယ့် သိုင်းကားတစ်ကားဖြစ်ပါတယ်လို့ ညွှန်းပေးချင်ပါတယ်။ အညွှန်းကိုတော့ Lwin Htoo Aung မှ ရေးသားထားပြီး ဘာသာပြန်တွေကတော့ Lwin Htoo Aung နဲ့ SST ပဲဖြစ်ပါတယ်။ Genre.....Action Quality….WEB-DL 1080p and 720p File size…1.4GB, 877MB, 198MB Format…mp4 Duration….1h 31min Subtitle….Myanmar Subtitle (Hardsub) Translator ..... Lwin Htoo Aung and SST Encoder ..... August

၂၁ ရာစု အလယ်ပိုင်းလောက်မှာ လူသားတွေဟာ စိက်အသိဉာဏ် AI ကို တီထွင်ခဲ့ပါတယ်။ လူသားတွေကိုယ်စား အလုပ်တွေအကုန်ခိုင်းလို့ရတဲ့ စက်တွေပေါ်လာပြီး လူတွေအကုန် အလုပ်လုပ်စရာမလိုဘဲ နှပ်နေလို့ရလာတာပေါ့။ ဒါပေမဲ့ အသိဉာဏ်ရှိလာတဲ့ စက်တွေကလည်း လူတွေဟာ သူတို့ကို ခိုင်းစရာ ပစ္စည်းသက်သက်လိုပဲ သဘောထားတာကို မကျေနပ်နိုင်ပဲ ဆန္ဒပြတာမျိုးတွေ ဖြစ်လာပါတယ်။ အကြီးဆုံးပြဿနာကို အစပြုစေခဲ့တာကတော့ B1-66ER ဆိုတဲ့ အိမ်အကူစက်ရုပ်ဟာ သူ့ကိုဖျက်ဆီးပြီးအသစ်အစားထိုးတော့မယ့် အိမ်ရှင်တွေကို သတ်ဖြတ်ခဲ့တဲ့အမှုပါပဲ။ ဒီအမှုကို တရားရုံးမှာ B1-66ER က မိမိကိုယ်ကိုယ်ခုခံကာကွယ်တယ်လို့ ထွက်ဆိုခဲ့ပါတယ်။ သူမသေချင်ပါဘူးတဲ့။ လူသားရှေ့နေကလည်း ကူညီခဲ့ပေမဲ့ အမှုရှုံးခဲ့ပြီး စက်ရုပ်ဟာ ဖျက်ဆီးခံလိုက်ရပါတယ်။ အဲဒီနောက်မှာတော့ စက်ရုပ်အခွင့်အရေးအတွက် စက်ရုပ်တွေရော စာနာတတ်တဲ့လူသားတွေရောက တစ်နိုင်ငဲံလုံးမှာ ဆန္ဒပြခဲ့ကြပါတယ်။ ဆန္ဒပြတဲ့လူတွေရော စက်ရုပ်တွေရောကို လူသားအဓိကဝါဒီတွေက ရက်ရက်စက်စက်နှိမ်နင်းခဲ့တဲ့အပြင် စက်ရုပ်တော်လှန်ရေးကြီး ဖြစ်လာမှာကို စိုးရိမ်တဲ့ ကုလ UN က စက်ရုပ်အားလုံးကို ဖျက်ဆီးဖို့ ရုတ်တရက် လုပ်ဆောင်လိုက်ပါတော့တယ်။ ဒီဖြစ်စဉ်ကြီးမှာ အသက်ရှင်ကျန်ခဲ့တဲ့ စက်ရုပ်အနည်းစုဟာ လူတွေနဲ့ အတူယှဉ်တွဲနေထိုင်ဖို့ကိုလက်လျှော့ပြီး မီဆိုပိုတေးမီးယားဆိုတဲ့ လွတ်မြောက်နယ်မြေကို ထွက်သွားခဲ့ကြတယ်။ အဲဒီမှာပဲ 01 ဆိုတဲ့ ပထမဆုံး စက်ရုပ်နိုင်ငံ ပေါ်ပေါက်လာပါတော့တယ်။ 01 ဟာ သူတို့ကိုယ်သူတို့ ပိုအသိဉာဏ်ရှိလာအောင် ဖန်တီးခဲ့သလို လူတွေလိုအပ်တဲ့ စက်တွေ နည်းပညာတွေကိုလည်း ပြန်ရောင်းစားပြီး တဖြည်းဖြည်းနဲ့ စီးပွားရေးမှာ လူတွေထက် အဆမတန် အင်အားကြီးလာခဲ့ပါတယ်။ လူသားငွေကြေးတန်ဖိုးတွေလည်း ကျဆင်းပြီး အင်အားချည့်နဲ့လာတဲ့အတွက် UN က 01 ကို စီးပွားရေးပိတ်ဆို့ခဲ့တယ်။ ဒါကို ညှိနှိုင်းဖို့ ရောက်လာတဲ့ စက်ရုပ်သံတမန်တွေကိုလည်း တိုက်ခိုက်ဖျက်ဆီးခဲ့တယ်။ အဲဒီနောက်မှာ UN က စက်ရုပ်နိုင်ငံကို လက်ဦးမှုယူ တိုက်ခိုက်ခဲ့ပြီး ၂၂ ရာစု အလယ်လောက်မှာ စစ်ပွဲကြီးစတင်ခဲ့ပါတယ်။ ဒါ့အပြင် အနုမြူနဲ့ပါ လက်ဦးအောင် ထုခဲ့ပါတယ်။ ဒါပေမဲ့ စက်ရုပ်တွေက လူတွေထက်ပိုမာတဲ့ အတွက် မျိုးမပြုတ်ခဲ့ပါဘူး။ အဲဒီမှာ မျိုးမပြုတ်ဘဲ ကျန်ခဲ့တဲ့စက်ရုပ်တွေဟာ တစ်ကမ္ဘာလုံးက စက်တွေကို စုစည်းပြီး ပြန်ထိုးစစ်ဆင်ပါတော့တယ်။ အရှေ့အလယ်ပိုင်း ဥရောပ အရှေ့ပိုင်းတွေကိုပါ သိမ်းပိုက်လာနိုင်ခဲ့တယ်။ အရေးနိမ့်လာတဲ့လူသားတွေဟာ အမှောင်မုန်တိုင်းလို့ ခေါ်တဲ့ စစ်ဆင်ရေးတစ်ခုကို လုပ်ခဲ့တယ်။ ဒါကတော့ စက်ရုပ်တွေရဲ့ အဓိကစွမ်းအင်ရင်းမြစ်ဖြစ်တဲ့ နေကို ဖြတ်တောက်ဖို့ပါပဲ။ ကမ္ဘာ့လေထုအကာတစ်ခုလုံးကို နာနိုဗုံးတွေနဲ့ဖောက်ခွဲပြီး တိမ်မည်းကြီးတွေ ဖုံးသွားအောင်လုပ်ပြီး ကမ္ဘာပေါ်မှာ နေရောင်ပျောက်ကွယ်သွားအောင်လုပ်ခဲ့တာပါပဲ။ ဒီစစ်ဆင်ရေးကြောင့် စက်ရုပ်တွေအင်အားချိနဲ့သွားပေမဲ့ မကြာခင်မှာပဲ အနုမြူစွမ်းအင်ကို အစားထိုးပြီး ပြန်အင်အားများလာခဲ့တယ်။ပြီးတော့ လူသားပုံစံစက်ရုပ်တွေကိုမသုံးတော့ဘဲ ပိုပြီးတိုက်ခိုက်နိုင် အားသုံးနိုင်တဲ့ စန်တီနယ်လို စက်ရုပ်တွေကို သုံးလာခဲ့တယ်။ လူသားတွေ အကျအဆုံးများပြီး ငတ်မွတ်လာတဲ့အချိန်မှာတော့ UN ရဲ့ရှေ့ကို စက်ရုပ်သံတမန်နောက်တစ်ခေါက်ရောက်လာပါတော့တယ်။ ဒီတစ်ခါမှာတော့ စက်ရုပ်သံတမန်က ထွေထွေထူးထူးညှိနှိုင်းမနေတော့ပါဘူး။ သူ့ကိုယ်သူဖောက်ခွဲပြီး ကမ္ဘာခေါင်းဆောင်အားလုံးနဲ့ နယူးယောက်မြို့ကြီးကို ဖျက်ဆီးပစ်လိုက်ပါတော့တယ်။ ခေါင်းဆောင်မရှိတော့တဲ့ တပ်တွေကိုလည်း စက်ရုပ်တပ်တွေက အသာအယာအနိုင်ယူပြီး လူသားတွေ ကျဆုံးသွားခဲ့ပါတော့တယ်။ ဒါ့အပြင် စက်ရုပ်တွေဟာ နေ နဲ့ အနုမြူစွမ်းအင်အပြင် နောက်ထပ် စွမ်းအင်ရင်းမြစ်တစ်ခုကို တွေ့ရှိလာခဲ့ပါတယ်။ ဒါကတော့လူသားတွေကို ဖမ်းဆီးထားပြီး သူတို့ ကိုယ်ကနေ လျှပ်စစ်စွမ်းအင်တွေ ထုတ်ယူတာပါ။ အဆုံးမရှိတဲ့ကွင်းပြင်ကြီးတွေထဲမှာ လူသားတွေ သန်းချီပြီး ဖမ်းဆီးထားပြီး စွမ်းအင်ထုတ်ယူပါတော့တယ်။ အဲဒိဖမ်းဆီးထားတဲ့လူသားတွေရဲ့ စိတ်ကို အကျဉ်းချဖို့အတွက် Matrix ကို ဖန်တီးလိုက်တာပါပဲ။ Matrix ဆိုတာကတော့ Virtual Reality တစ်ခုပါပဲ။ လူသားတွေရဲ့ စိတ်ကို ကွန်ပြူတာစနစ်ထဲကို ထည့်သွင်းထားပြီး ၁၉ ရာစု ၂၀ ရာစုခေတ်မှာ သူတို့ဘာသာ အသက်ရှင်နေထိုင်နေကြသလို ထင်ယောင်ထင်မှား ဖြစ်စေခဲ့တာပါ။ (ဒါကတော့ ၁ ၂ ၃ ကြည့်ပြီးမှ ဆက်ဖတ်သင့်ပါတယ်) Matrix ရဲ့ ပထမဆုံးဗားရှင်းမှာတော့ လူသားတွေဟာ လုံးဝပြီးပြည့်စုံပြီး လိုလေးသေးမရှိတဲ့ ကမ္ဘာကြီးထဲမှာ နေထိုင်ရတာပါ။ ဒါကို လူသားတွေရဲ့စိတ်က ဖြစ်တည်မှုအစစ်လို့ လက်မခံနိုင်တဲ့အတွက် Matrix ပထမဆုံးပရိုဂရမ် ကျရှုံးသွားပါတော့တယ်။ ဒီတော့ စက်ရုပ်တွေက လူသားတွေကို စစ်တွေဆက်တိုက်ဖြစ်နေပြီး ဒုက္ခပင်လယ်ဝေနေတဲ့ Matrix တစ်ခုဖန်တီးပေးပြန်ပါတယ်။ ဒါကိုလည်း လူသားဦးနှောက်က လက်မခံပြန်ပါဘူး။ နောက်ဆုံးမှာတော့ လူသားတွေရဲ့ဘဝအစစ်လို့ အဓိကယုံကြည်စေဖို့ လိုအပ်တဲ့အရာဟာ Choice လို့ခေါ်တဲ့ ရွေးချယ်မှု ရှိတယ်လို့ ထင်ရတဲ့ ကမ္ဘာပဲဆိုတာ စက်ရုပ်တွေ သိသွားပါတယ်။ ဒီတော့မှ Matrix ဟာ အောင်မြင်ပြီးလူသားတွေကို ဖြစ်တည်မှုအတုထဲမှာ အကျဉ်းချထားနိုင်ပါတော့တယ်။ ဒီ Matrix ထဲမှာပဲ ရင်းမြစ်ကုတ်ကို ထိန်းချုပ်တဲ့ Architect ဗိသုကာဆိုတဲ့ လူကို ဖန်တီးထားလိုက်တယ်။ ပြီးတော့ လူသားတွေကိုလေ့လာပြီး ပြောင်းလဲပေးနိုင်ဖို့ ရှေ့ဖြစ်ဟော Oracle ဆိုတဲ့ ပရိုဂရမ်တစ်ခုကိုဖန်တီးထားတယ်။ ဒါပေမဲ့ ဒီ Matrix ဟာလည်း လူသား ၉၉ ရာနှုန်းကိုပဲ လှည့်စားနိုင်ပါတယ်။ ၁ ရာခိုင်နှုန်းကတော့ ဒါဟာ အတုအယောင်လို့ သံသယဝင်လာတဲ့ ပရိုဂရမ်ချို့ယွင်းချက်တွေဖြစ်လာတယ်။ အဲဒီ မက်ထရစ်ကနေ လွတ်မြောက်လာပြီး Zion လို့ခေါ်တဲ့ နောက်ဆုံးလူသားတိုင်ပြည်ကို တည်ထောင်လာတယ်။ ပြီးတော့ ဒီလူတွေကပဲ Matrix ထဲကို ပြန်ဝင်လာပြီး လူသားအားလုံးကို လွတ်မြောက်အောင် ပြန်တိုက်ခိုက်လာတယ်။ ဒီလို error လူတွေကို ကာကွယ်ဖို့ အေးဂျင့်ဆိုတဲ့ အင်အားကြီးတဲ့ ပရိုဂရမ်မျိုးတွေဖန်တီးထားခဲ့တယ်။ ဒီတော့ Matrix စနစ် တည်ငြိမ်ဖို့ အဲဒီ ချို့ယွင်းကုတ်တွေ အားလုံးကို သယ်ဆောင်နေတဲ့ ပရိုဂရမ်တစ်ခုကို ဖန်တီးလိုက်တယ်။ The One ခေါ် Neo ပေါ့။ အဲဒီ The One ဟာ လူသားအားလုံးကို ကယ်တင်မယ့်သူလို့ Zion တွေ ယုံကြည်စေခဲ့တယ်။ ဒါပေမဲ့ အဲဒီ The One ရဲ့ လမ်းကြောင်းဟာ နောက်ဆုံးမှာ ဗိသုကာဆီမှာ အဆုံးသတ်ပါတယ်။ Neo ဟာ လူသားတွေကို ကယ်တင်ဖို့ သူ့ကိုယ်သူ စတေးခံရမယ်။ သူသေသွားချိန်မှာ သူ့ရဲ့ မူလ ကုတ်တွေအားလုံးကို မူလရင်းမြစ်ကုတ်ထဲကို ပူးပေါင်းစေပြီး Matrix ကို reload ဖြစ် အစက ပြန်စတင်စေတာပါ။ Zion ဆိုတဲ့ လူသားကမ္ဘာကိုလည်း အားလုံးပျက်စီးစေမှာပါ။ မပျက်စီးခင်မှာ Neo ကို လူသား ၂၃ ယောက်ရွေးချယ်ခိုင်းပြီး Matrix အသစ်ပြန်စ Zion အသစ်ပြန်စပြီး နောက်တစ်ဖန် ထိန်းချုပ်လည်ပတ်စေတာပါ။ ဒီလိုနဲ့ Matrix ရဲ့ error တွေကိုရှင်းပြီး reload လုပ်ခဲ့တာ ငါးကြိမ်တိုင်ခဲ့ပါပြီ။ Neo ငါးယောက်လည်း သေဆုံးပြီးခဲ့ပါပြီ။ အခု Matrix ရုပ်ရှင်ထဲက ၆ ယောက်မြောက် Neo ကတော့ မတူတဲ့လမ်းကို ရွေးခဲ့ပါတယ်။ ရင်းမြစ်ကုတ်ဆီမှာ အသေခံရမယ့်အစား သူ့ချစ်သူ ထရစ်နတီကို ကယ်တင်ခဲ့တယ်။ နောက်ပြီးတော့ ဇိုင်ရွန်တွေ ပျက်စီးရမယ့်စား စစ်ပြေငြိမ်းနိုင်ဖို့ စက်ရုပ်မြို့တော်အထိ ရောက်အောင်သွားပြီး အပေးအယူလုပ်ပြီးမှ အသေခံခဲ့တာပါ။ ဒီလိုနဲ့ ကမ္ဘာကျော် Matrix ရုပ်ရှင်တွေ အဆုံးသတ်ခဲ့တာပါ။ ဒီတစ်ခါတော့ Matrix ပြန်လည်ရှင်သန်ခြင်းမှာ ဘာတွေဖြစ်လာမလဲ စောင့်ကြည့်လိုက်ရအောင်။ (Reviewed by Mr. Anderson) The Matrix ဇာတ်ကားအားလုံးကို https://channelmyanmar.org/?s=the+matrix+neo  မှာကြည့်ပါ။ File size… 5Gb / 3 Gb / 1.6 Gb / 800 Mb / 300 Mb Quality….Webrip 4K 2160p / 1080p / 720p / 720p HEVC / 480p Format…mp4 / mkv Duration….02:28:00 Subtitle….Myanmar Subtitle (Hardsub) Encoder….Mr.Anderson, Phyo Pyae Translated by CM Team

စာရေးဆရာ Veronica Roth ရဲ့ ရောင်းအားအကောင်းဆုံး ဝတ္ထု “Divergent” ကို ဒါရိုက်တာ Neil Burgerက ပြင်ဆင်ညှိုနှိုင်းပြီး ရုပ်ရှင်ပြန်ရိုက်ခဲ့ပါတယ်။ “The Hunger Games” နဲ့ယှဉ်ရင် “Divergent”ဟာ အနာဂတ်ဘက်ပိုရောက်ပါတယ်။ ချီကာဂိုလို့ သတ်မှတ်ရခက်ခက် မြို့မှာပေါ့။ စစ်ကြောင့် ကမ္ဘာကြီးပျက်စီးလုနီးနီး ဖြစ်ခဲ့တယ်။ ဒါ့ကြောင့် တိုက်ခိုက်မှု ဖြစ်လာနိုင်သမျှ လက္ခဏာတွေကို အမြစ်ဖြတ်ခြေမှုန်းဖို့ အစိုးရက ကြိုးစားလုပ်ဆောင်ခဲ့တယ်။ အဲ့ဒီ့မှာ ဂိုဏ်းကွဲမှုတွေဖြစ်လာပြီး ချီကာဂိုမှာ ဂိုဏ်း ၅ဂိုဏ်းဖြစ်လာတယ်။ ဂိုဏ်းကိုယ်စီမှာ တစ်ခြားဂိုဏ်းတွေထက် ပိုတန်ဖိုးထားကြတဲ့ အချက်တွေရှိတယ် ။ ပရဟိတ၊ အားပေးကူညီမှု နဲ့ သနားကြင်နာမှု စတာတွေပေါ့။ အဲ့ဒီ့ အနာဂတ်ကာလမှာ Beatrice Prior, a.k.a Tris (Shailene Woodley) အမည်ရှိကောင်မလေးတစ်ယောက်အတွက် Choosing Day လို့ခေါ်တဲ့ ဘယ်ဂိုဏ်းကိုဝင်မှာလဲ ဆိုတာ ရွေးရတဲ့နေ့ ကျရောက်လာခဲ့တယ်။ အသက် ၁၆နှစ်အရွယ် ကောင်လေး၊ ကောင်မလေး ကိုယ်စီဟာ သူတို့ကိုမွေးဖွားပေးခဲ့တဲ့ အုပ်စုကို ထာဝရစွန့်ခွာပြီး အုပ်စုသစ်တစ်စုကို ပြောင်းဖို့ ရွေးကြရတဲ့နေ့ပေါ့။ အဲ့ဒီ့မှာ Beatrice Prior, a.k.a Tris အတွက် ပြဿသ နာတွေရှိခဲ့တယ်။ ဂိုဏ်းတစ်ခုတည်းအတွက် မကိုက်ဘဲ ၃ခုဖြစ်နေလို့ သူမအတွက် ကွဲလွဲမှု ဖြစ်စေခဲ့တယ်။ အစိုးရဂိုဏ်းတွေ အခရာကျတဲ့ ကမ္ဘာကြီးတစ်ခုမှာ Divergentတွေဟာ စနစ်ကြီးကို ခြိမ်းခြောက်ခဲ့တယ်။ သူတို့ကို လွယ်လွယ်နဲ့တော့ ထိန်းချုပ်လို့ မရဘူး။ သူမရဲ့ လျှို့ဝှက်ချက်ကို ဖုံးကွယ်ဖို့အတွက် သူမဟာ အကြောက်အရွံ့ကင်း ဂိုဏ်း(Dauntless)ကို ဝင်လိုက်တယ်။ မကြာမီမှာပဲ သူမဟာ သေနတ်ပစ်၊ လက်သီးထိုး တွေတတ်လာပြီး သူမ ဝင်တိုက်ရမယ်လို့ သိမထားတဲ့ စစ်ပွဲတစ်ခုအတွက် ကြိုတင်ပြင်ဆင်သလို ဖြစ်နေခဲ့တယ်။ Dauntless နည်းပြ Four (Theo James) နဲ့ ဆုံခဲ့ပြီး လျှို့ဝှက်မှုတစ်ရပ်ကို ဖုံးကွယ်ထားရတာ သူမတစ်ယောက်တည်း မဟုတ်ဘူးဆိုတာ........။ Tariq L Walker File Size : 1GB / 407 MB Quality : HD 720P Running Time : 2hr 19minutes Format : Mp4 Genre :    Adventure, Mystery, Si-Fi  Encoder :Tariq L Walker Translator : Ko Ko Latt

Family Matters (2023) ဒီတစ်ခါမှာတော့ IMDb 7.6 ရရှိထားတဲ့ ဖိလစ်ပိုင်မိသားစုဇာတ်လမ်းကောင်းလေးကို တင်ဆက်ပေးလိုက်ပါတယ် “ဘဝမှာ ဘယ်အချိန်မဆို အရေးကြီးဆုံး ကိုယ့်မိသားစုပါပဲ” ဒီ‌ဇာတ်လမ်းလေးထဲမှာတော့ အယ်လန်က သူမရဲ့အချစ်ဇာတ်လမ်းအတွက် အမေရိကန်ကို ထွက်သွားဖို့မျှော်လင့်ထား‌ပေမဲ့လည်း သူမရဲ့သက်ကြီးရွယ်အိုမိဘနှစ်ပါးဖြစ်တဲ့ ဖရန့်စစ်စကို နဲ့ အယ်လီနောတို့ကို ထားရစ်ခဲ့ရ မှာဖြစ်တဲ့အတွက် စိတ်ပူပန်မှုတွေနဲ့ အပြစ်ရှိစိတ်ဖြစ်လာပါတယ် တစ်နေ့မှာတော့ အယ်လန်အဖေက အသက်ရှုကျပ်ပြီး ဆေးရုံတင်လိုက်ရပါတယ်။ အဲ့နောက်မှာတော့ အယ်လန်ရဲ့ မွေးချင်းတွေဖြစ်တဲ့ ကီကို ဖော့ကျူး အီရစ်ကိုတို့ကို ခေါ်ခဲ့ပါတယ်။ ဒါပေမယ့်လည်း အယ်လန်က အသိမပေးဘဲ အမေရိကန်ကို ခရီးထွက်သွားတဲ့အခါမှာ သူမရဲ့မိသားစုအားလုံးကို အံ့အားသင့်စေခဲ့ပါတယ်။ သူတို့ရဲ့သက်ကြီးရွယ်အိုမိဘနှစ်ပါးကို ဖိလစ်ပိုင်မှာ နေထိုင်နေတဲ့ မောင်နှမသုံးယောက်က လောလောဆယ် ကိုင်တွယ်ဖြေရှင်းရမယ့်ကိစ္စဖြစ်လာခဲ့ပါတယ်။ သူတို့တွေဘယ်လိုနည်းလမ်းနဲ့ ကိုင်တွယ်ဖြေရှင်းသွားကြမလဲ။ မိဘနှစ်ပါးကို စိတ်ချမ်းသာအောင်ထားနိုင်မှာလား။ ဘယ်လိုပြဿနာတွေကြုံလာမလဲဆိုတာကို ပေါ့ပေါ့းပါးပါးနဲ့ စိတ်ဝင်စားဖွယ်ကြည့်ရှုရမယ့် ဇာတ်လမ်းလေးလည်းဖြစ်ပါတယ် အညွှန်း နဲ့ ဘာသာပြန်ကတော့ Myo Myo ပဲ ဖြစ်ပါတယ်။ Genre….. Drama Quality…. 1080p | 720p | 480p File size… 2.4GB | 1.1GB | 538MB Format… mp4 Duration…. 2h 14min Subtitle…. Myanmar Subtitle (Hardsub) Translator ….. Myo Myo Encoder ….. Aaron

Róise & Frank (2022) ================ IMDb Rating – 6.6/10 ဒီကားလေးကတော့ အိုင်ယာလန်ရဲ့ နိုင်ငံအားကစားနည်းတစ်ခုဖြစ်တဲ့ ဟာလင်းဆိုတဲ့ ကစားနည်းလေးနဲ့၊ ခွေးလေးတစ်ကောင်ရယ် သူ့ရဲ့ ပိုင် ရှင်မိသားစုလေးရယ်နဲ့ ဇာတ်အိမ်တည်ထားပါတယ်။ ဟာလင်းဆိုတာ က တင်းနစ်ဘောလုံးအရွယ်အစားဘောလုံးကို ရိုက်တံနဲ့ ဟိုဘက်ဒီဘက် ၁၅ယောက်စီ ဂိုးသွင်းအမှတ်ယူရတဲ့ ကစားနည်းပါ။ အိုင်ယာလန်မှာ တော့ နိုင်ငံအားကစားနည်းတစ်ခုအဖြစ်သတ်မှတ်ထားပါတယ်။ အရင်က ကြည့်ဖူးတဲ့ တိရစ္ဆာန်ကားတွေလိုပဲ ခွေးလေးက ဟာလင်းမှာ ပါရမီပါတဲ့ ကောင်လေးနဲ့အတူတူ ပွဲကစားတာမျိုးပါပဲ။ ထူးခြားတာက ခွေးလေးဖရန့်နဲ့ပိုင်ရှင်ဖြစ်သူ ရို့စ်စီကြားက ဆက်ဆံရေးပဲဖြစ်ပါတယ်။ ဖရန့်နဲ့ ရို့စ်စီကြားက ဆက်ဆံရေးကဘယ်လိုမျိုးထူးခြားနေလဲ၊ ဖရန့်နဲ့ ကောင်လေးတို့ ဘယ်လိုမျိုး ဟာလင်းဆော့ကြမလဲ၊ ဘယ်လိုအခက် အခဲတွေကြုံတွေ့ကြရမလဲဆိုတာကိုတော့ ဆက်လက်ကြည့်ရှုလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Thetti Tun ဖြစ်ပါတယ်) File Size……….(1.25 GB) / (535 MB) Quality…………WEB-RIP 1080p / 720p Duration………1Hr 30Min Subtitle………..Myanmar Hardsub Format…………MP4 Genre…………..Drama Translator…….Thetti Tun Encoder……….SWM

သေသောသူကြာလျှင်မေ့ဆိုသလို ဟိုးအရင်တုန်းကတကယ်ကောင်းခဲ့တဲ့ ဇာတ်ကားဟောင်းလေးတွေကို အခုအချိန်မှာမေ့နေကြလောက်မှာပါ။ အဲ့ဒါကြောင့်မလို့ သည်းထိတ်ရင်ဖိုကြိုက်တဲ့လူတွေအတွက် 1991 ခုနှစ်က ထွက်ရှိခဲ့တဲ့ Cape Fear ဆိုတဲ့ ဇာတ်ကားဟောင်းလေးတစ်ကားကို ပြန်လည်တင်ဆက်ပေးလိုက်ပါတယ်။ IMDb Rating 7.3 ရရှိထားပြီး သူ့ခေတ်သူ့အခါကအတိုင်းအတာနဲ့ဆိုရင် တော်တော်အောင်မြင်ခဲ့တဲ့ ဇာတ်ကားတစ်ကားလို့ပြောရပါမယ်။ တရားဥပဒေလောကမှာ တကယ်တမ်းတရားမျှတမှုကိုရရှိနိုင်ဖို့အတွက် ဥပဒေဘောင်အပြင်က လုပ်လိုက်ရတဲ့အခိုက်အတန့်တွေရှိကြပါတယ်။ ဒီကားထဲက ဆမ်ဘိုဒန်ဆိုတဲ့ရှေ့နေတစ်ယောက်ကလည်း သူ့ရဲ့အမှုသည် အတွက် တရားမျှတမှုစစ်စစ်ကိုရရှိနိုင်အောင် အချက်အလက်ထိမ်ချန်ပြီး ဥပဒေဘောင်အပြင်ကနေ လုပ်ခဲ့ပါတော့တယ်။သူ့အမှုသည်ကတော့ မုဒိမ်းမှု ကိုယ်ထိလက်ရောက် ရိုက်နှက်မှုတို့နဲ့ တရားစွဲခံခဲ့ရတာဖြစ်ပြီး အမှုကနေ လွတ်အောင်လုပ်ပေးချင်ရင် လုပ်ပေးလို့ရတယ်ဆိုပေမဲ့ ရက်စက်လွန်းတဲ့ အမှုသည်အတွက် မထိုက်တန်ဘူးလို့ဆုံးဖြတ်ခဲ့ပါတော့တယ်။ဒီလိုနဲ့ အဲ့ဒီ အမှုသည်ဖြစ်တဲ့ကေဒီက ၁၄ နှစ်အကြာမှာတော့ ထောင်ထဲကနေလွတ်လာ ပါတော့တယ်။ထောင်ထဲက လွတ်လာတာနဲ့ရှေ့နေဆမ်ဆီကို လက်စားချေဖို့ ပြန်လာခဲ့ပါတော့တယ်။ဒါပေမယ့် သူ့ရဲ့လက်စားချေပုံက သတ်ဖြတ်တာမျိုး မဟုတ်ဘဲ တဖြည်းဖြည်းနဲ့ ဆမ်ရဲ့မိသားစုကို လုံးပါးပါးအောင်ဉာဏ်သုံးပြီး လက်စားချေနေတာပဲဖြစ်ပါတယ်။ဒီတော့ ဆမ်တစ်ယောက် ကိုယ်လုပ်ခဲ့တဲ့ အတိတ်က ကိုယ့်နောက်ကိုပြန်လိုက်လာတဲ့ အချိန်မှာတော့ ဘာတွေဘယ်လို လုပ်ပြီး ဖြေရှင်းမလဲ။ကေဒီကရောဘယ်လိုနည်းလမ်းတွေသုံးပြီး သူတို့မိသားစု အပေါ်မှာ လက်စားချေမလဲဆိုတာကိုကြည့်ရမဲ့ဇာတ်ကားပဲဖြစ်ပါတယ်။ File size… 2.05 GB / 988 MB Quality… Blu-Ray 1080p / 720p Format…mp4 Duration….2h 8m Genre ….. Crime , Thriller Subtitle….Myanmar Subtitle (Hard Sub) Encoder….Min Wai Translated by Saw Lay

ဒီတစ်ခေါက်မှာတော့ လူသတ်မှုတရားခံကို ဖော်တိုင်း သေဆုံးသူ ဝိညာဉ်ကို ခေါ်မေးတတ်တဲ့ မန်စစ်ဆေးရေးမှူးကြီးတစ်ယောက်ဟာ ပြဇာတ်ရုံက မော့လင်ယိဆိုတဲ့ မြို့မျက်နှာဖုံး သဘင်သည်မလေး သေနတ်ပစ်ခံရတဲ့အမှုမှန်ပေါ်ဖို့ လိုက်ခဲ့ပုံကို နောက်ခံထား ရိုက်ကူးထားတဲ့ killing performance ဆိုတဲ့ ဇာတ်ကားလေးကို ဘာသာပြန်တင်ဆက်ပေးလိုက်ပါတယ်… ဒီဇာတ်လမ်းလေးမှာ မြို့မျက်နှာဖုံး သဘင်သည်မလေး မော့လင်ယိဟာ ပုရိသယောက်ျားသားတို့ နှလုံးသားကို ပိုင်ဆိုင်ထားပေမယ့် အားလုံးကို ငြင်းနေသူတစ်ဦးပေါ့… ဒီလိုနဲ့ ဒီကောင်မလေးနားဝဲနေတဲ့ ပျားပိတုန်းတွေကြားထဲမှာမှ ဘယ်သူက နှလုံးသားကို အပိုင်ရမလဲ ကြိုးစားနေကြရာကနေ ကောင်မလေးဟာ ပြဇာတ်ရုံက အနောက်ပန်းခြံထဲမှာတင် သေနတ်ပစ်ခံရပြီး အသက်ဆုံးရှုံးသွားခဲ့ရတယ်… ဒီအပြင် ဘယ်သူက တရားခံဆိုတာကို ရဲနဲ့ အမှုစစ်တွေလိုက်တာတောင် မသိခဲ့ဘူးတဲ့…. ဒီလိုနဲ့ ဇာတ်လိုက်ကျော်ကြီး မန်စစ်ဆေးရေးမှူးကို ခေါ်ခဲ့ရာကနေ သံသယရှိသူ ၇ ယောက်ထွက်လာပြီး ဘယ်သူက တကယ့်တရားခံဆိုတာကို စစ်ဆေးရင်း စစ်ဆေးရင်း မေးခွန်းထဲက မေးခွန်းပေါ်ဆိုသလို တစ်ခုချင်း အလိမ်အညာတွေကနေ ဖုံးကွယ်ထားတဲ့အမှန်တရားကို သိရပေမယ့် အဆုံးသတ်မှာ တကယ် မော့လင်ယိကိုသတ်တဲ့ တရားခံရှာတွေ့မတွေ့ဆိုတာတော့ ဇာတ်ကားလေးက အဖြေတစ်ခုပေးမှာပါ

Getaway (2013) ဇာတ်လမ်းတစ်ပုဒ်လုံး ကားမောင်းတဲ့အက်ရှင်အမိုက်စားတွေနဲ့ စိတ်ဝင်စားစရာ ဇာတ်လမ်းဇာတ်အိမ်မျိုးကို ကြိုက်တယ်ဆိုရင်တော့ 2013 ခုနှစ်ကထွက်ခဲ့တဲ့ ဒီ Getaway ဆိုတဲ့ ဇာတ်လမ်းက ရုပ်ရှင်ချစ်သူတွေအတွက် အကြိုက်တွေ့စေမှာပါ. ဒါ့အပြင် ဒီဇာတ်လမ်းထဲမှာ နာမည်ကြီး ဝါရင့်သရုပ်ဆောင်ဖြစ်တဲ့ Ethan Hawke ကို အဓိက ဇာတ်ကောင်အဖြစ် မြင်တွေ့ရမှာပါ. ဒါ့အပြင် ကျွန်တော်တို့ရဲ့ ငယ်ငယ်က crush လေးဖြစ်ခဲ့ဖူးတဲ့ Selena Gomez လေးကလည်း ပါသေးတယ်ဆိုတော့ကာ ဘာလိုသေးလဲ ဦးကြီးရယ်ပေါ့. ဇာတ်လမ်းအကျဉ်း ဘရန့် မဂ်နာဆိုတဲ့ ပြိုင်ကားမောင်းသမားဟောင်းတစ်ယောက်ဟာ ဇာတ်လမ်းအစမှာ အမည်မသိလူတစ်ဦးရဲ့ လမ်းညွှန်စေခိုင်းချက်အရ ကားတစ်စီးကို သွားပြီး ခိုးရပါတယ်. အဲ့ကားမှာ သူ့ကို ခိုင်းတဲ့လူက ကင်မရာတွေအပြည့်တပ်ဆင်ထားပြီး သူဘာလုပ်နေတယ်ဆိုတာကို အစအဆုံး တစ်နေရာကနေ ထိုင်ကြည့်နေပါတယ်. အဲဒီ့လူက ဘယ်သူလဲဆိုတာကိုတော့ ဘရန့်တစ်ယောက်မသိပါဘူး. နောက်တော့ ကျွန်တော်တို့ရဲ့မင်းသမီးလေး Selena နဲ့တွေ့ဆုံဖို့ဖြစ်လာပြီး အဲဒီ့တွေ့ဆုံမှုကလဲ အမည်မသိသူက စီစဉ်ထားတဲ့ တွေ့ဆုံမှုပဲလား? ဘရန့်ကရော ဘာဖြစ်လို့ အမည်မသိသူ ခိုင်းတဲ့အတိုင်း တစ်ခုမကျန်လိုက်လုပ်နေရသလဲ? အဲဒီ့လူရဲ့ သရုပ်မှန်ကရော ဘာဖြစ်မလဲ? စတဲ့ စတဲ့ မြှုပ်ကွက်လေးတွေနဲ့ စိတ်လှုပ်ရှားဖို့ကောင်းအောင် ကြည့်ရှုရမယ့် ဇာတ်ကားကောင်းတစ်ကားဖြစ်ပါတယ်. ဇာတ်လမ်းကိုအခြေတည်ထားတာတော့ ခရစ်စမတ်အချိန်မှာဖြစ်ပေမယ့် တခြား ခရစ်စမတ်ဇာတ်လမ်းတွေကို နုနုရွရွလေးမဟုတ်ပဲ ကြမ်းကြမ်းရမ်းရမ်းနဲ့ ခရစ်စမတ်ကို ဖြတ်သန်းတဲ့ ဘရန့် မဂ်နာ (Ethan Hawke) တစ်ယောက်ကိုမြင်တွေ့ရမှာဖြစ်ပါတယ်. အညွှန်းနှင့် ဘာသာပြန်ကိုတော့ Jo Joe မှရေးသားထားပါတယ် File size…(1.7 GB)/(960 MB) Quality….Webrip 1080p / 720p Format…mp4 Duration….01:35:00 Genre…Action, Crime Subtitle….Myanmar Subtitle (Hardsub) Encoder….Mr. Anderson Translated by Jo Joe

ဇာတ်လမ်းအညွှန်းမရေးခင်မှာ ပထမဦးဆုံးအနေနဲပြောချင်တာကတော့ ဒီဇာတ်လမ်းလေးဟာ ၂၀၂၃ အောက်တိုဘာ ၇ ရက် အစ္စရေးတောင်ဘက်ပိုင်း ကစ်ဘုဒ်စ်မှာဖြစ်ပွါးခဲ့တဲ့ အစုလိုက်အပြုံလိုက် လူသတ်မှုအတွက် ရည်ညွှန်းထားခြင်းဖြစ်ပြီး အဲလီဆိုတဲ့အမျိုးသမီးဇာတ်ကောင်ကတော့ အဲလီယန်ဂဇစ်(Elian Gazit)ဆိုတဲ့ အမျိုးသမီးတစ်ဦးရဲ့ဖြစ်ရပ်မှန်ကို အခြခံထားခြင်းဖြစ်ပါတယ်။ ဇာတ်လမ်းအကျဉ်းကတော့ အစ္စရေးကာကွယ်ရေးတပ်ဖွဲ့တွေမှာ တာဝန်ထမ်းဆောင်ခဲ့တဲ့ လူငယ်အမျိုးသား အမျိုးသမီးတစ်ဖွဲ့ဟာ သူတို့တာဝန်ရဲ့နောက်ဆုံးအဆင့်အနေနဲ့ ကစ်ဘုဒ်စ်ဆိုတဲ့နေရာလေးတစ်ခုမှာ တာဝန်ထမ်းဆောင်နေကြပါတယ်။ အစ္စရေးတပ်သားဟောင်းများသာမက အနယ်နယ်အရပ်ရပ်မှ လုပ်အားပေးများလည်း လာရောက်ကူညီကြပါတယ်။ မငြိမ်သက်မှုတွေကြားမှ လူငယ်တွေရဲ့အပျော်ရှာဖွေမှု ၊အချစ်ဇာတ်လမ်းတွေ ၊ငြိမ်းချမ်းရေးအတွက် မျှော်လင့်ချက်တွေအကြောင်းကို ပုံဖော်ရိုက်ကူးထားတဲ့ဇာတ်လမ်းတစ်ပုဒ်ဖြစ်ပါတယ်။ File size…(1.5 GB)/(840 Mb) Quality….Webrip 1080p / 720p Format… mp4 Duration…. 01:28:00 Genre… Drama Subtitle….Myanmar Subtitle (Hardsub) Encoder….Garfield Translated by Eunice

ဒီဇင်ဘာ၅ရက်ကထွက်ရှိထားတဲ့ထိတ်လန့်ဖွယ်သည်းထိတ်ရင်ဖိုအက်ရှင်ဇာတ်ကားတစ်ကားအကြောင်း ဖော်ပြပေးလိုက်ပါတယ်။ မြင်နေကျပိရမစ်တွေနဲ့ မတူတဲ့ အီဂျစ်ရှေးဟောင်းပိရမစ်ကို တူးဖော်ရင်းကြုံတွေ့ရတဲ့ အဖြစ်အပျက်ကို ဇာတ်အိမ်တည်ပြီး ရိုက်ကူးထားတာပါ။ ရှေးဟောင်းသုတေသန ပညာရှင် သားအဖနှစ်ဦးဖြစ်တဲ့ မိုင်လ်စ်ဟိုဟ်ဒန်နဲ့ နိုရာဟိုလ်ဒန်တို့ပါဝင်တဲ့ အမေရိကန်ရှေး ဟောင်းသုတေသနပညာရှင်အဖွဲ့ဟာ အီဂျစ်နိုင်ငံရှိ သဲကန္တာရထဲမှာ ပျောက်ဆုံးနေတဲ့ လွန်ခဲ့တဲ့ နှစ်ငါးထောင်လောက်က ဧရာမပိရမစ်ကြီးကို ရှာဖွေတွေ့ရှိခဲ့ပါတယ်။ သူတို့အဖွဲ့နဲ့အတူ ရုပ်သံ ရိုက်ကူးရေးအဖွဲ့လည်း ပါဝင်ပြီး ရှေးဟောင်းပိရမစ်ကြီးထဲကိုဝင်ရင်း ပိတ်မိခဲ့ပါတော့တယ်။ ပိရ မစ်ထဲက ဝင်္ကပါပုံစံလမ်းကြောင်းတွေနဲ့ မှောင်မှောင်မည်းမည်းမြင်ကွင်းတွေကြောင့် မျှော်လင့်ချက်မဲ့စွာ လမ်းစပျောက်ခဲ့ကြပါတယ်။ နှစ်ပေါင်းထောင်နဲ့ချီပြီး မြေအောက်မှာပျောက်ကွယ်နေတဲ့ ပိရမစ်ဖြစ်တာကြောင့် မှောင်မှောင်မည်းမည်းထဲမှာ မထင်မှတ်ထားတဲ့ချောက်ချားဖွယ်အရာတွေနဲ့ ဆုံရပါတော့တယ်။ ရှေးဟောင်းသုတေသီတွေကို တစ်ဦးပြီးတစ်ဦး ဘယ်သူက ရက်ရက်စက်စက် သတ်ဖြတ်တာလဲ။ နိုရာတို့သားအဖကော ထွက်ပြေးလွတ်မြောက်နိုင်ပါ့မလား။ ရှေးဟောင်းပိရမစ်ကြီး ဘာတွေဆက်ဖြစ်ဦးမယ်ဆိုတာတော့ ကိုယ်တိုင်ကြည့်ရှုလိုက်ပါဦးနော်။ သည်းထိတ်ရင်ဖိုဇာတ်ကားဖြစ်တာကြောင့် ပြကွက်နဲ့ အသံတွေက ရင်ခုန်စိတ်လှုပ်ရှားစေမှာ ဖြစ်ပြီး ပရိသတ်အတွက်တော့ အရသာသစ်တစ်ခုပေးဦးမယ်လို့ ထင်ပါတယ်။ ဒီဇာတ်ကားမှာ နိုရာအဖြစ် အက်ရှ်လေဟင်ရှော၊ မိုင်လ်စ်အဖြစ် ဒဲနစ်အိုဟဲနဲ့ သရုပ်ဆောင် ပေါင်းများစွာပါဝင်ထားပြီး ၂၀ ရာစုမြေခွေးရုပ်ရှင်ထုတ်လုပ်ရေးက ဖြန့်ချိတာဖြစ်ပါတယ်။ File Size : 1.3 GB, 613 MB Quality : Blu-Ray 1080p / 720p Running Time : 1hr 29min Format : Mp4 Genre : Horror, Mystery, Thriller Subtitle : Myanmar Subtitle (Hard Sub) Encode by : Thit San Khant

A Walk to Remember (2002) IMDb Rating (7.4) “A Walk to Remember” သို့ ပြန်တမ်းတခြင်း …။ Nicholas Sparks ရဲ့ဝတ္ထုတွေဘယ်လောက်ထိ နာမည်ကြီးတယ်ဆိုတာ အထူးအထွေမိတ်ဆက်စရာတောင်မလိုတော့ပါဘူး… Romance ကြိုက်သူတိုင်းရဲ့ playlist ထဲမှာ မပါမဖြစ်တဲ့ The Notebook, The Lucky One, Dear John, The best of me စတဲ့ ဇာတ်ကားတွေဟာ သူ့ရဲ့ဝတ္ထုတွေကို ပြန်အသက်သွင်းထားတာပါ။ အခု A Walk to Remember ရုပ်ရှင်ဟာလဲ သူ့ရဲ့စာအုပ်ကိုပဲရိုက်ကူးထားတာဖြစ်ပြီး 2002 ခုနှစ်ကတည်းက ထွက်ရှိခဲ့တာဖြစ်ပါတယ်။ အချစ်ဆိုတာ ဘယ်လိုမျိုးလဲ.. အချစ်က ကျွန်တော်တို့အတွက် ဘယ်လောက်အရေးပါလဲ။ တစ်နည်းအားဖြင့် အချစ်ကို ကျွန်တော်တို့ ဘယ်လိုသတ်မှတ်ကြလဲ။ Beauford ဆိုတဲ့ သိပ်လှတဲ့ ကမ်းနားမြို့လေးက ဇာတ်လမ်းတစ်ပုဒ်…။ အဖေက သူတို့ကိုပစ်ပြီး နောက်မိန်းမယူသွားလို့ လောကကြီးကို အရွဲ့တိုက်ဆိုးပေနေတဲ့…၊ မျှော်လင့်ချက်၊ ယုံကြည်ချက်၊ ပန်းတိုင်၊ မေတ္တာ ဘာမှမရှိတဲ့ Landon Carter ဆိုတဲ့ ကောင်လေးတစ်ယောက်။ ပြီးတော့ … ငယ်ငယ်ကလေးတည်းက အမေကို ဆုံးရှူံးထားရတဲ့ …၊ ခရစ်ယာန်ဘုန်းတော်ကြီးရဲ့ သမီးလေး …၊ ယုံကြည်ခြင်း မျှော်လင့်ခြင်း ချစ်ခြင်းမေတ္တာတွေပြည့်နေတဲ့ နှလုံးသားတစ်ခုနဲ့ Jamie Sullivan ဆိုတဲ့ ကောင်မလေးတစ်ယောက် …။ မူလတန်းကတည်းက သူတို့တွေ ကျောင်းတူခဲ့ကြလို့၊ တစ်ယောက်ကိုတစ်ယောက် မျက်မှန်တန်းမိခဲ့ကြတယ်။ ကျောင်းမှာပေါ်ပြူလာဖြစ်တဲ့ လန်ဒန်အတွက် ဂျင်မီဟာ ခပ်ထုံထုံ၊ ရှေးရိုးစွဲအယူအဆတွေနဲ့ ရယ်စရာမိန်းမတစ်ယောက် သက်သက်ပဲ။ ဒါပေမယ့် အချစ်ဆိုတာက နေ့တိုင်းတွေ့မြင်နေရတဲ့ လူတစ်ယောက်ကိုတောင် အခိုက်အတန့်လေး တစ်ခုအတွင်းမှာ ကောက်ကာငင်ကာ စွဲလမ်းသွားစေတတ်တာမျိုး မဟုတ်လား။ “Love is like the wind. We can’t see it, but We can feel it.” အချစ်ဆိုတာ တကယ်ကို လေပြေညှင်းနဲ့တူပါတယ်။ မမြင်နိုင်ပေမဲ့ ခံစားနားလည် သိရှိနိုင်တယ်။ ဂျေမီပြောခဲ့တဲ့ ဒီစကားလေးလိုပဲ … အချစ်ဟာ လေပြေညှင်းလို သူ့ဘဝထဲကို တိုးဝင်သက်ရောက်လာတဲ့အခါ လန်ဒန်တစ်ယောက် ပြောင်းလဲသွားခဲ့ပြီးဘာတွေဆက်ဖြစ်လာမလဲဆိုတာ…။ ကိုင်း Romance ပရိတ်သတ်တွေ တသသဖြစ်ရတဲ့ အချစ်ဇာတ်ကားလေးကို ခံစားကြည့်ကြပါဦး။ (ရုပ်ရှင်အညွှန်းနဲ့ ဘာသာပြန်ကို WiRa Aung မှ တင်ဆက်ထားပါတယ်။)

Love Reddy (2024) အချစ်ရူးလေးရတ်ဒီ ဒီတစ်ခါတင်ဆက်ပေးမှာကတော့ ၂၀၂၄ ခုနှစ်ထွက် တလေဂူးစကားပြော အချစ်ဟာသဇာတ်လမ်းလေးဖြစ်တဲ့ အချစ်ရူးလေးရတ်ဒီဆိုတဲ့ဇာတ်ကားပဲဖြစ်ပါတယ်။ မိဘကမိတ်ဆက်ပေးသမျှမိန်းကလေးကို ချေးထိုင်များနေခဲ့တဲ့ ရတ်ဒီဟာ တစ်ရက်မှာတော့ ဘတ်စ်ကားပေါ်မှာ အလှပဂေးကောင်မလေးတစ်ယောက်ကို မြင်မြင်ချင်းချစ်ကျွမ်းဝင်သွားခဲ့ပါတယ်။ ကောင်မလေးကိုစွဲလမ်းပြီး မြင်သမျှကို ဒီမိန်းမလှလေးရဲ့ပုံရိပ်တွေပဲမြင်တဲ့အထိ အချစ်ရူးဖြစ်သွားတဲ့ရတ်ဒီဟာ သူနဲ့လက်ထပ်ပေးမယ့်မိန်းကလေးကို မြင်တဲ့အခါမှာ သူ့စိတ်ကူးထဲကနတ်သမီးလေးဖြစ်နေတာကြောင့် ချက်ချင်းလက်ခံလိုက်တာပေါ့ဗျာ။ အမှန်တော့ သတို့သမီးက တခြားတစ်ယောက်ဖြစ်နေပြီး သူ့ဘာသာကောင်မလေးကို မြင်ယောင်ပြီးလက်ခံခဲ့မိမှန်းနောက်မှသိလိုက်ရတဲ့အခါ.. အချစ်ရူးလေး ရတ်ဒီတစ်ယောက် ကောင်မလေးကို ဘယ်လိုလိုက်မလဲ.. လက်ထပ်ဖို့ပြောထားပြီးတဲ့ မိန်းကလေးနဲ့ ဘယ်လိုဇာတ်ရှုပ်တွေဆက်ဖြစ်မလဲဆိုတာကတော့… ( ဘာသာပြန်နဲ့အညွှန်းကတော့ CM Bollywood Team မှပဲဖြစ်ပါတယ် )

၂၀၁၉-၂၀၂၀ ကိုရိုနာ ဗိုင်းရပ်စ် ကမ္ဘာတစ်ဝှမ်း ပျံ့နှံ့ကူးစက်ပြီး အီတလီနိုင်ငံမှာလည်း ကာလတစ်ခုကြာ လော့ဒေါင်းကျခဲ့တဲ့ အချိန်ကို အမှီပြု ရိုက်ကူးထားတဲ့ ဇာတ်ကားလေးတစ်ခုနဲ့ မိတ်ဆက်ပေးချင်ပါတယ်။ လူကာ မက်ဆီကို ဆိုတဲ့ အထက်တန်းကျောင်း ဆရာတစ်ယောက်ဟာ သူ့ရဲ့ ဇနီးဖြစ်သူ ဆရာဝန် ဆာရာနဲ့အတူ နေထိုင်ပါတယ် သူတို့နေတဲ့ တိုက်ခန်းကို ဆာရာရဲ့ အဖေဖြစ်တဲ့ ပုဂ္ဂလိက ဆေးခန်းပိုင်ရှင်က ဝယ်ထားပေးတာဖြစ်ပြီး ငွေရှာမကောင်းတဲ့ လူကာကို အမြဲတမ်း နှိမ်ပြော ပြောလေ့ရှိသူပါ။ ဆာရာမှာ သားဥအိမ်ရေအိတ်တည် ရောဂါ ရှိနေတာကြောင့် ရင်သွေးရဖို့ ခက်ခဲနေတာမို့ သူမအဖေ ဆေးခန်းအကူအညီနဲ့ IVF နည်းလမ်းနဲ့ ကလေးရဖို့ ကြိုးစားနေတာ ဖြစ်ပေမယ့် ကိုဗစ်ကာလအတွင်း ဆာရာအလုပ်လုပ်တဲ့ ဆေးရုံမှာ ကူးစက်လူနာတွေ များပြားလွန်းတာမို့ အဲဒီကိစ္စကို ရွှေ့ဆိုင်းထားဖို့ ဆုံးဖြတ်ထားပါတယ်။ တစ်နေ့မှာ သူတို့နေတဲ့ တိုက်ခန်းမျက်နှာချင်းဆိုင် အခန်းကို ပြောင်းလာတဲ့ အာမန်ဒါဆိုတဲ့ မိန်းမချောလေးက ဖုန်းအားကုန်ပြီး အခန်းထဲဝင်ဖို့ အခက်အခဲဖြစ်နေတာမို့ သူတို့အခန်းမှာ လာအကူအညီတောင်းရင်း စပြီး တွေ့ဆုံခဲ့ကြပါတယ်။ ကိုဗစ်ကာလမှာ ကျန်းမာ‌‌ရေး ဝန်ထမ်းတွေဟာ မနားမနေ ဆေးရုံမှာ အလုပ်လုပ်ကြရတာမို့ အိမ်မှာ လူကာ တစ်ယောက်တည်း ကျန်တဲ့ ရက်တွေက များလာပါတယ်။ ဒီလိုနဲ့ အိမ်ပြင်မထွက်ရ အမိန့်နဲ့ တစ်ယောက်တစ်ခန်းစီ အထီးကျန်နေကြတဲ့ လူသားနှစ်ယောက် ငြိစွန်းမှု ဖြစ်လာခဲ့တဲ့အခါမှာ ဘယ်လိုတွေ တွေ့ကြုံရမလဲ။ အာမန်ဒါဆိုတဲ့ မိန်းမချောလေးက ဒီတိုက်ခန်းကို ပြောင်းလာခဲ့တာ နောက်ကွယ်မှာ ဘယ်လို ရည်ရွယ်ချက်နဲ့လဲ ဆိုတာကတော့…..။ File Size… (976 MB) / (612 MB) Quality… WEB-DL 1080p HEVC /720p Format…mkv / mp4 Duration…1h 43m Genre ….. Comedy , Drama , Romance , Thriller Subtitle….Myanmar Subtitle (Hard Sub) Encoder….Min Wai Translated by Aoi

Monster Island (2024) IMDb Rating (5.1) / Rotten Tomatoes (54%) ဒုတိယကမ္ဘာစစ်အတွင်းက ဂျပန်တပ်ဖွဲ့တွေဟာ မဟာမိတ်စစ်အကျဉ်းသားတွေကို ရဲဘက်လုပ်သားအဖြစ်ခိုင်းစေဖို့အမိမြေကိုပြန်ပို့လေ့ရှိကြပါတယ်။ အဲ့ဒီလိုသယ်ယူပို့ဆောင်ရာမှာသုံးတဲ့သင်္ဘောတွေဟာ ငရဲသင်္ဘောတွေအဖြစ်နာမည်ဆိုးနဲ့ကျော်ကြားပြီး မဟာမိတ်တပ်ဖွဲ့တွေရဲ့မှားယွင်းတိုက်ခိုက်မှုကိုမကြာခဏခံရလေ့ရှိတဲ့အတွက် ဒီခရီးစဉ်တွေမှာ ဂျပန်စစ်သားနဲ့မဟာမိတ်စစ်သား ၃၀၀၀၀ ကျော်ပျောက်ဆုံးခဲ့ရပါတယ်။ ဆိုင်တိုနဲ့ဘရွန်ဆင်ကတော့ ဒီသင်္ဘောခရီးစဉ်တစ်ခုပေါ်က စစ်သုံ့ပန်းနှစ်ယောက်ပါ။ ဆိုင်တိုကတော့ ဂျပန်စစ်သားဖြစ်ပေမယ့်သစ္စာဖောက်မှုနဲ့စွပ်စွဲခံထားရပြီးဗြိတိန်စစ်သားဖြစ်သူဘရွန်ဆင်ကိုတော့ ထွက်ပြေးရန်ကြံစည်မှုနဲ့ နှစ်ယောက်လုံးကို ဂျပန်နိုင်ငံအရောက်မှာစံပြအဖြစ်ကွပ်မျက်မှာဖြစ်တဲ့အတွက် သူတို့နှစ်ယောက်ကိုသံကြိုးနဲ့တွဲချည်ခတ်ထားခဲ့ပါတယ်။ ကံကောင်းချင်တော့ အဲ့ဒီအချိန်မှာပဲ ရန်သူလေယာဉ်တွေရဲ့ဗုံးကြဲတိုက်ခိုက်မှုကိုခံခဲ့ရပြီး သူတို့နှစ်ယောက်လုံးဟာ ပစိဖိတ်သမုဒ္ဒရာထဲက လူသူမနီးတဲ့ကျွန်းတစ်ကျွန်းမှာ သွားပြီးသောင်တင်ခဲ့ပါတယ်။ ကံဆိုးချင်တော့အဲ့ဒီကျွန်းဟာ အဲ့ဒီဒေသဘက်မှာရှိတဲ့ အယူအဆတွေထဲက ဒဏ္ဍာရီလာမွန်းစတားဖြစ်တဲ့ အိုရန်အီကန်အခြေချနေထိုင်ရာဖြစ်နေပြီး မျှော်လင့်မထားနိုင်တဲ့အန္တရာယ်အသွယ်သွယ်ဟာ သူတို့ကိုစောင့်ကြိုနေပါတယ်။ စစ်ပွဲတစ်ပွဲရဲ့ ဘက်နှစ်ဘက်ဆီက မဟာရန်သူတော်နှစ်ယောက်၊ ဒီဘေးဒုက္ခတွေကို အတူတကွဘယ်လိုဖြတ်ကျော်မလဲ? လွတ်မြောက်နိုင်စရာလမ်းစရောရှိသေးရဲ့လား? ဆက်လက်ရှုစားကြပါ။ စင်္ကာပူ၊အင်ဒိုနီးရှား၊ ဂျပန်နဲ့ ယူကေ နိုင်ငံတို့ရဲ့ပူးပေါင်းတင်ဆက်မှုဖြစ်ပြီး အက်ရှင်၊ အထူးပြုလုပ်ချက် နဲ့ သရုပ်ဆောင်တွေပါအပြစ်ပြောနည်းပါးသေသပ်တဲ့မွန်းစတား ဟော်ရာ/အက်ရှင် ဇာတ်ကားကောင်းတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Alias ဖြစ်ပါတယ်။) File size… (1.3 GB) / (700 MB) Quality…. WEB-DL 1080p HEVC / 720p Format…. mkv/mp4 Genre…. Action,Fantasy,Horror,Thriller Duration…. 01:24:38 Subtitle…. Myanmar Subtitle (Hardsub) Encoder…. Double K Translated by Alias